മത്സ്യത്തിൽ നിന്നുള്ള മൂല്യ വർദ്ധിത ഉല്പ്പന്നങ്ങള്

മത്സ്യത്തിൽ നിന്നുള്ള മൂല്യ വർദ്ധിത ഉത്പന്നങ്ങൾ

മത്സ്യ കട്ട്ലറ്റ്

കേന്ദ്ര മത്സ്യ സാങ്കേതിക സ്ഥാപനം (സെന്‍ട്രല്‍ഇന്‍സ്റ്റിറ്റൂട്ട് ഓഫ് ഫിഷറീസ് ടെക്നോളജി) വികസിപ്പിച്ചെടുത്ത വിവിധ ഇനം ഉല്‍പ്പന്നങ്ങളിലൊന്നാണ് മത്സ്യ കട്ട്ലറ്റ്. ഇത് തയ്യാറാക്കുവാന്‍ വേണ്ട അടിസ്ഥാന അസംസ്ക്കൃത വിഭവമാണ് പാകം ചെയ്ത മത്സ്യം അഥവാ `മത്സ്യ ഖീമ' (`fish 'kheema') (പറിപ്പ് യന്ത്രം ഉപയോഗിച്ച് പറിച്ചെടുത്ത പൂര്‍ണ്ണമത്സ്യത്തിന്‍റെ മാംസം)

• മത്സ്യത്തിന്‍റെ പാകം ചെയ്ത മാംസം : 1000 ഗ്രാം
• ഉപ്പ് : 25 ഗ്രാം (രുചിയ്ക്കനുസൃതമായി)
• എണ്ണ : 125 മി.ലി.
• പച്ചമുളക് : 15 ഗ്രാം
• ഇഞ്ചി : 25 ഗ്രാം
• സവാള : 250 ഗ്രാം
• ഉരുളക്കിഴങ്ങ് (പാകം ചെയ്തത്) : 500 ഗ്രാം
• കുരുമുളക് (പൊടി) : 3 ഗ്രാം (രുചിയ്ക്കനുസൃതമായി)
• ഗ്രാമ്പൂ (പൊടിച്ചത്) : 3 ഗ്രാം
• കറുവാപ്പട്ട (പൊടിച്ചത്) : 2 ഗ്രാം (രുചിയ്ക്കനുസൃതമായി)
• മഞ്ഞള്‍ : 2 ഗ്രാം
• മുട്ട : 4 എണ്ണം
• റൊട്ടിപ്പൊടി : 200 ഗ്രാം

വറുക്കുന്നതിന് മുമ്പും പിമ്പും

പാചകരീതി

• നുറുക്കിയ മത്സ്യം തിളച്ച വെള്ളത്തില്‍ 20 മിനിറ്റ് പാകമാക്കുക
• വെള്ളം വാര്‍ന്ന് കളയുക. (പൂര്‍ണ്ണ മത്സ്യമാണെങ്കില്‍ അതിനെ പാകപ്പെടുത്തി 30 മിനിറ്റ് വേവിച്ചതിനു ശേഷം വാര്‍ന്ന് കളയുക)
• തൊലി, ചെതുമ്പലുകള്‍, മുള്ള് എന്നിവ മാറ്റി മാംസം വേര്‍തിരിച്ചെടുക്കുക
• ഉപ്പും മഞ്ഞള്‍‌പ്പൊടിയും വേവിച്ച മാംസത്തിനോട് ചേര്‍ത്ത് നന്നായി ഇളക്കുക
• അരിഞ്ഞ സവാള തവിട്ടു നിറമാകുന്നതു വരെ എണ്ണയില് മൂപ്പിക്കുക. മുളകും ഇഞ്ചിയും മൂപ്പിക്കുക. ഇവ പാകം ചെയ്ത മാംസത്തിനോടൊപ്പം കലര്‍ത്തുക.
• ഉരുളക്കിഴങ്ങും മസാലക്കൂട്ടും മാംസത്തിനോടൊപ്പം ചേര്‍ത്ത് നന്നായി ഇളക്കുക
• ഇതിന്‍റെ 40 ഗ്രാം വീതമെടുത്ത് മുട്ടയുടെയോ വൃത്തത്തിന്‍റെയോ ആകൃതിയിലാക്കി, അടിച്ചുവച്ച മുട്ടയില് മുക്കി, റൊട്ടിപ്പൊടിയില് ഉരുട്ടി ശീതീകരണ ഉപകരണത്തില് സൂക്ഷിക്കുക.
• അലിഞ്ഞതിനു ശേഷം ഉപയോഗിക്കുന്നതിനു മുമ്പ് എണ്ണയില്‍ പൊരിച്ചെടുക്കുക

അവലംബം : കേന്ദ്ര മത്സ്യ സാങ്കേതിക സ്ഥാപനം, കൊച്ചി

മത്സ്യഗോള

കമ്പോളത്തില്‍ നിന്നും ഉടനടി ലഭിക്കുന്ന ശുദ്ധമത്സ്യത്തിന്‍റെതത്രയല്ലാത്ത താരതമ്യേന ഭക്‍ഷ്യപോഷകാംശങ്ങളും മറ്റുപല ഗുണങ്ങളുമുള്ള വിവിധ ഇനം മത്സ്യങ്ങളുണ്ട്. അത്തരം മത്സ്യങ്ങളുടെ ഫലപ്രദമായ ഉപയോഗക്രമങ്ങളിലൊന്ന്, ഉടന്‍ വിളമ്പാന്‍ തയ്യാറായ അല്ലെങ്കില്‍ ഉടന്‍ പാചകത്തിന് തയ്യാറായ വിലയാര്‍ന്ന, രാജ്യത്തിനകത്തും, പുറംരാജ്യങ്ങളിലും ഇപ്പോഴും പ്രിയം കൂടിയ, `സൌകര്യപ്രദമായ' ഉല്‍പ്പന്നങ്ങള്‍ ഉറപ്പാക്കുകയാണ്. നുറുക്കിയ മത്സ്യം സ്റ്റാര്‍ച്ചില്‍ പുരട്ടി, അനുയോജ്യമായ ദ്രാവകത്തില്‍ ചൂടാക്കി തയ്യാറാക്കുന്ന മത്സ്യഗോള അത്തരത്തിലുള്ള ഒരു ഉല്‍പ്പന്നമാണ്.

പാചകക്രമം

• തലയും, കുടലും മാറ്റി നന്നായി കഴുകി വൃത്തിയാക്കി, യന്ത്രസഹായത്തോടെയുള്ള മുള്ള് വേര്‍‌പെടുത്തിയ നുറുക്കിയ മത്സ്യം 1 % കറിയുപ്പും 5% സ്റ്റാര്‍ച്ചുമായി കലര്‍ത്തുക (ആവശ്യമുള്ള പക്ഷം സുഗന്ധവ്യഞ്ജനങ്ങളായ വെളുത്തുള്ളി, ഇഞ്ചി മുതലായവയും ചേര്‍ക്കാം).
• ആ കൂട്ടില്‍നിന്നും 2-3 സെ.മീ വ്യാസം വരുന്ന ഗോളങ്ങളാക്കി 1% തിളയ്ക്കുന്ന ഉപ്പു ലായനിയില്‍ 5-10 നിമിഷം പാകമാക്കുക.
• പാകമാക്കിയ ഗോളങ്ങള്‍ മാവിലും, റൊട്ടയിലും പുരട്ടിയശേഷം തണുപ്പിക്കുക.
• അവ്വിധത്തിലോ അല്ലെങ്കില് ചൂടാക്കിയ സസ്യ എണ്ണയില്‍ പൊരിച്ചതിനുശേഷമോ ഗോളങ്ങള്‍ കഴിയുന്നതും ഊഷ്മാവ് സംരക്ഷിക്കുന്ന ട്രേകളില്‍ (thermoformed trays) പൊതിയുക.
• ശീതീകരണത്തില്‍ സംരക്ഷിച്ച് -18◦ സെ. ഊഷ്മാവില്‍ സൂക്ഷിക്കുക.

മത്സ്യഗോള പൊരിക്കുന്നതിനു മുമ്പും പിമ്പും

വിവിധ ഗണത്തില്‍പ്പെട്ട മത്സ്യങ്ങളുടെ നുറുങ്ങുകള്‍ മത്സ്യഗോള ഉണ്ടാക്കുവാന്‍ ഉപയോഗിക്കാമെങ്കിലും, threadfin bream (Nemipterus japonicus), Pallikora (Otolithus argenteusj and Barracuda (Sphyraena spp.) എന്നീ ഇനങ്ങളാണ് തൃപ്തികരമായ ഉല്‍പ്പന്നങ്ങള്‍ പ്രദാനം ചെയ്യുന്നതായി കണ്ടുവരുന്നത്. ശുദ്ധജല മത്സ്യങ്ങളായ Rohu (Labeo rohita) and Catla (Catla catla) എന്നിവയുടെ നുറുങ്ങുകളും ഉപയോഗിക്കാം. അപ്രകാരം ചെയ്യുമ്പോള്‍ അവയുടെ നുറുങ്ങുകള്‍ യന്ത്ര അരിപ്പയിലൂടെ കടത്തി അവയ്ക്കകത്തുള്ള മുള്ളുകള്‍ നീക്കം ചെയ്ത് നല്ലവണ്ണം ശുചിയാക്കേണ്ടതുണ്ട്.

അവലംബം : കേന്ദ്ര മത്സ്യ സാങ്കേതിക സ്ഥാപനം, കൊച്ചി

മത്സ്യ അച്ചാര്‍

പച്ചക്കറികളായ നാരങ്ങ, നെല്ലിക്ക, ഇഞ്ചി, വെളുത്തുള്ളി എന്നിവ ഉപയോഗിച്ചുണ്ടാക്കുന്ന അച്ചാറുകള്‍ പരമ്പരാഗതമായി ഊണിനൊടൊപ്പമുള്ള പ്രധാന തൊടുകറിയായിട്ടാണ് ഉപയോഗിക്കുന്നത്. പണ്ടുകാലങ്ങളില്‍ മത്സ്യമോ ഇറച്ചിയോ കൊണ്ടുണ്ടാക്കുന്ന അച്ചാറുകള്‍ പൊതുവെ അജ്ഞാതമായിരുന്നെങ്കിലും ഇപ്പോള്‍ ഇത്തരം ഉല്‍പന്നങ്ങള്‍ വളരെ ജനപ്രിയവും വിവിധ വ്യാപാരനാമങ്ങളില്‍ കമ്പോളത്തില്‍ ലഭ്യവുമാണ്.

ചേരുവകള്‍

• മത്സ്യം (വൃത്തിയാക്കി ചെറുകഷണങ്ങളാക്കിയത്) : 1 കിലോ
• കടുക് : 10 ഗ്രാം
• പച്ചമുളക് (അരിഞ്ഞത്) : 50 ഗ്രാം
• വെളുത്തുള്ളി (തൊലികളഞ്ഞത്) : 200 ഗ്രാം
• ഇഞ്ചി (തൊലികളഞ്ഞത് നുറുക്കിയത്) : 150 ഗ്രാം
• മുളകുപൊടി : 50 ഗ്രാം
• മഞ്ഞള്‍പ്പൊടി : 2 ഗ്രാം
• നല്ലെണ്ണ : 200 ഗ്രാം
• വിനാഗിരി (അസറ്റിക് ആസിഡ് 1.5%) : 400 മില്ലി ലിറ്റര്‍
• ഉപ്പ് : 60 ഗ്രാം
• കുരുമുളക് (പൊടിച്ചത്) : 2.5 ഗ്രാം
• പഞ്ചസാര : 10 ഗ്രാം
• ഏലം, ഗ്രാമ്പൂ, കറുവാപ്പട്ട (പൊടിച്ചത്) : 1.5 ഗ്രാം

പാചകരീതി (പാചകക്രമം)
മത്സ്യം അതിന്‍റെ ഭാരത്തിന്‍റെ 3% ഉപ്പ് ഉപയോഗിച്ച് നല്ല രീതിയില്‍ ഇളക്കി രണ്ടു മണിക്കൂര്‍ വയ്ക്കുക. അല്‍പം ഉപ്പിട്ടതും ഭാഗികമായി ഉണക്കിയതുമായ മത്സ്യവും ഉപയോഗിക്കാം. കുറഞ്ഞ അളവ് എണ്ണയില്‍ മത്സ്യം വറുത്തെടുക്കുക. വറുത്ത മത്സ്യം മാറ്റിവയ്ക്കുക.

മിച്ചമുള്ള എണ്ണയില്‍ ചേരുവകള്‍ (കടുക്, പച്ചമുളക്, വെളുത്തുള്ളി, ഇഞ്ചി) വറുത്തെടുത്തതിനു ശേഷം അതില്‍ മുളകുപൊടി, കുരുമുളകുപൊടി മഞ്ഞള്‍‌പ്പൊടി എന്നിവ ചേര്‍ത്ത് കുറഞ്ഞ തീയില്‍ കുറച്ചു സമയം നന്നായി ഇളക്കുക. തീയില്‍നിന്നു മാറ്റി അതില്‍ വറുത്ത മത്സ്യം നന്നായി ഇളക്കിച്ചേര്‍ക്കുക. ആറിയ ശേഷം വിനാഗിരി, പൊടിച്ച ഏലം, ഗ്രാമ്പൂ, കറുവാപ്പട്ട, പഞ്ചസാര, മിച്ചമുള്ള ഉപ്പ് എന്നിവ ചേര്‍ത്ത് നന്നായി ഇളക്കുക. ചേരുവകള്‍ നന്നായി ചേരുന്നതിന് ആവശ്യമായ ചൂടാക്കി തണുപ്പിച്ച വെള്ളം ചേര്‍ക്കുക. വൃത്തിയുള്ളതും അണുവിമുക്തവുമായ ഗ്ലാസ് പാത്രത്തിലേക്ക് മാറ്റി അമ്ല പ്രതിരോധമുള്ള അടപ്പു കൊണ്ട് നല്ലവണ്ണം അടയ്ക്കുക. കുപ്പിയിലെ അച്ചാറിനു മുകളിലായി എണ്ണയുടെ ഒരു പാട ഉണ്ടെന്ന് ഉറപ്പുവരുത്തുക.

12 മൈക്രോണ്‍‌പൊളിയെസ്റ്ററില്‍ 118 മൈക്രോണ്‍ LD-HD കോ-എക്സ്ട്രൂഡഡ് ഫിലിം കൊണ്ട് ലാമിനേറ്റ് ചെയ്ത വഴക്കമുള്ള കവറുകളും അച്ചാര്‍ പായ്ക്ക് ചെയ്യാന്‍ ഉപയോഗിക്കാവുന്നതാണ്.

കൊഞ്ച് അച്ചാര്‍
ചേരുവകള്‍

• കൊഞ്ച് (തൊലികളഞ്ഞത്) : 1 kg
• പച്ചമുളക് (ചെറിയ കഷണങ്ങള്‍) : 50 ഗ്രാം
• ഇഞ്ചി (ചെറിയ കഷണങ്ങള്‍) : 150 ഗ്രാം
• വെളുത്തുള്ളി: 200 ഗ്രാം
• മുളകുപൊടി: 35 ഗ്രാം
• മഞ്ഞള്‍പ്പൊടി: 2 ഗ്രാം
• നല്ലെണ്ണ: 200 മില്ലി ലിറ്റര്‍
• വിനാഗിരി (അസറ്റിക് ആസിഡ് 1.5%) (ചൂടാക്കി തണുപ്പിച്ചത്) : 300 മില്ലി ലിറ്റര്‍
• ഉപ്പ് (ഏകദേശം 60 ഗ്രാം) : രുചിക്ക്
• പഞ്ചസാര : 5 ഗ്രാം

പാചകക്രമം
തൊലി കളഞ്ഞ കൊഞ്ച് ഉപ്പുചേര്‍ത്ത് ഇളക്കി (കൊഞ്ചിന്‍റെ ഭാരത്തിന്‍റെ 3% ഉപ്പ്) 1-2 മണിക്കൂര്‍ വെയിലില്‍ ഉണക്കുക. അതിനുശേഷം കുറഞ്ഞ അളവ് എണ്ണയില്‍വറുത്തെടുത്ത് മാറ്റിവയ്ക്കുക. വെളുത്തുള്ളി, ഇഞ്ചി, പച്ചമുളക് എന്നിവ ബാക്കിയുള്ള എണ്ണയില്‍ വറുത്തെടുക്കുക. ബ്രൌണ്‍നിറമാകുമ്പോള്‍ അതില്‍ മുളകുപൊടിയും മഞ്ഞള്‍‌പ്പൊടിയും ചേര്‍ത്ത് കുറഞ്ഞ തീയില്‍ ഇളക്കിയെടുക്കുക. തീയില്‍നിന്നും മാറ്റിവച്ചതിനുശേഷം കൊഞ്ച് ചേര്‍ത്ത് നന്നായി ഇളക്കുക. ആറിയശേഷം വിനാഗിരി, പഞ്ചസാര, ബാക്കിയുള്ള ഉപ്പ് എന്നിവ ചേര്‍ക്കുക. ആവശ്യമെങ്കില്‍ 1 % അസറ്റിക് ആസിഡ് മേമ്പൊടിക്ക് ചേര്‍ക്കുക. വൃത്തിയുള്ള ഉണങ്ങിയ കുപ്പികളില്‍ നിറയ്ക്കുക. കുപ്പിക്കുള്ളിലെ അച്ചാറിനു മുകളില്‍ എണ്ണയുടെ പാട ഉണ്ടെന്ന് ഉറപ്പുവരുത്തുക.

12 മൈക്രോണ്‍ പൊളിയെസ്റ്ററില്‍ 118 മൈക്രോണ്‍ LD-HD കോ-എക്സ്ട്രൂഡഡ് ഫിലിം കൊണ്ട് ലാമിനേറ്റ് ചെയ്ത വഴക്കമുള്ള കവറുകളും അച്ചാര്‍പായ്ക്ക് ചെയ്യാന്‍ ഉപയോഗിക്കാവുന്നതാണ്.

അവലംബം : കേന്ദ്ര മത്സ്യ സാങ്കേതിക സ്ഥാപനം, കൊച്ചി

മത്സ്യ സൂപ്പ് പൊടി

പച്ചക്കറികള്‍, മാംസം, മുട്ട, കോഴി തുടങ്ങിയ വിവിധ ഉല്‍പന്നങ്ങളില്‍ നിന്നുണ്ടാക്കുന്ന സൂപ്പ് പൊടികള്‍ വളരെ പ്രിയങ്കരവും ലോകവ്യാപകമായി വിപുലമായി ഉപയോഗിക്കപ്പെടുന്നവയുമാണ്. ഇവയെല്ലാം മാംസ്യം, ജീവകങ്ങള്‍, കൊഴുപ്പ് ധാതുക്കള്‍ തുടങ്ങിയ പോഷകഘടകങ്ങളാല്‍ സമ്പുഷ്ടമാണ്. എന്നിരുന്നാലും മത്സ്യമുപയോഗിച്ചുള്ള സൂപ്പ് അത്ര വ്യാപകമല്ല. എന്നാല്‍ വിലകുറഞ്ഞ മത്സ്യങ്ങള്‍ സൂപ്പ് പൊടിയുണ്ടാക്കാന്‍ ഫലപ്രദമായി ഉപോഗിക്കാവുന്നതാണ്.

പ്രധാന ചേരുവകള്‍

• മത്സ്യത്തില്‍നിന്നും ഇളക്കിയെടുത്ത വേവിച്ച മാംസം: 750 ഗ്രാം
• ഉപ്പ് : 170 ഗ്രാം
• കൊഴുപ്പ് : 125 ഗ്രാം
• സവാള : 750 ഗ്രാം
• മല്ലി : 12 ഗ്രാം
• അന്നജം : 250 ഗ്രാം
• പാല്‍‌പ്പൊടി : 100 ഗ്രാം
• പഞ്ചസാര : 30 ഗ്രാം
• കുരുമുളക് (പൊടിച്ചത്) : 15 ഗ്രാം
• അസ്‌കോര്‍ബിക് ആസിഡ് : 1.5 ഗ്രാം
• കാര്‍‌ബോക്സിമീതൈല്‍ സെല്ലുലോസ് : 3 ഗ്രാം
• മോണോ സോഡിയം ഗ്ലൂട്ടാമേറ്റ് : 10 ഗ്രാം

പാചകരീതി

• സംസ്ക്കരിച്ചെടുത്ത മത്സ്യമാംസം അടിച്ചെടുക്കല്‍: സംസ്ക്കരിച്ചെടുത്ത മത്സ്യം 150 മില്ലി ലിറ്ററോളം വെള്ളത്തില്‍ വിതറി ചൂടായിരിക്കുന്ന ബ്ലെന്‍ഡറില്‍ അടിച്ചെടുക്കുക.
• വറുത്ത ചേരുവകള്‍ ചേര്‍ത്ത് വീണ്ടും അടിച്ചെടുക്കല്‍ : മേല്‍പ്പറഞ്ഞ ചേരുവപ്പട്ടികയിലെ അളവില്‍ സവാള വനസ്പതിയില്‍ വറുക്കുക. ഇളം ബ്രൌണ്‍നിറമാകുമ്പോള്‍ മല്ലിപ്പൊടിയും കുരുമുളകും ചേര്‍ത്തിളക്കുക. തീയില്‍നിന്നും മാറ്റുക. വറുത്ത സവാളും പാല്‍‍പ്പൊടി ഒഴികെയുള്ള മറ്റു ചേരുവകളും പൊടിച്ചുവച്ചിരിക്കുന്ന മത്സ്യത്തില്‍ചേര്‍ത്ത് കട്ടിയുള്ള നേര്‍ത്ത കുഴമ്പു പരുവമാകുന്നതുവരെ വീണ്ടും കുഴയ്ക്കുക.
• ഉണക്കല്‍ : തയ്യാറാക്കിയ കൂട്ട് നേര്‍ത്ത പാളിയായി അലുമിനിയം ട്രേകളില്‍ ഒഴിച്ച് കൃത്രിമ ഉണക്കല്‍യന്ത്രത്തില്‍ 70° സെല്‍ഷ്യസില്‍ ഉണക്കിയെടുക്കുക.
• പൊടിക്കലും പാല്‍‍പ്പൊടി ചേര്‍ത്ത് യോജിപ്പിക്കലും: ഉണക്കിയ കൂട്ട് പൊടിച്ച് സ്കിംഡ് (പാട നീക്കിയ) പാല്‍‍പ്പൊടി ചേര്‍ത്ത് ചേരുവകളെല്ലാം തന്നെ സമാനത പുലര്‍ത്തുന്ന ഉല്‍പന്നം ലഭിക്കാന്‍ നന്നായി യോജിപ്പിക്കുക.
• പായ്ക്കിംഗ് : സൂപ്പുപൊടി വായുകടക്കാത്ത പോളിത്തീന്‍‍‍‍‍ ലൈനിങ്ങുള്ള അലുമിനിയം ഫോയില്‍ബാഗുകളിലോ ക്യാനുകളിലോ അടച്ചുസൂക്ഷിക്കുക. (ഉല്‍പന്നത്തിന്‍റെ കാലാവധി ഒരു വര്‍ഷമാണ്)

ഉപഭോഗത്തിന് തയാറാക്കല്‍ :
5 ഗ്രാം സൂപ്പുപൊടി 100 മില്ലി ലിറ്റര്‍വെള്ളത്തില്‍ 5 മിനിറ്റ് തിളപ്പിക്കുക. സൂപ്പു വിളമ്പാന്‍ തയാര്‍.

അവലംബം : കേന്ദ്ര മത്സ്യ സാങ്കേതിക സ്ഥാപനം, കൊച്ചി

മത്സ്യ കൊണ്ടാട്ടം

ഒരു കാര്‍ബോഹൈഡ്രേറ്റ് മുഖ്യഘടകമായി ഉപ്പും മസാലക്കൂട്ടു ചേര്‍ന്നതും ചേരാത്തതുമായ മറ്റു ഘടകങ്ങളും ചേര്‍ത്തുണക്കിയ വറുത്തു വിളമ്പാന്‍ പാകത്തിനുള്ള കൊണ്ടാട്ടം എന്ന പേരുള്ള വിഭവം രാജ്യത്തിന്‍റെ പല ഭാഗങ്ങളിലും വളരെ പ്രിയപ്പെട്ടതാണ്.ഇവ പല ഭാഷകളിലും പല പേരുകളില്‍ അറിയപ്പെടുന്നു – മലയാളത്തില്‍ കൊണ്ടാട്ടം, തമിഴില്‍ 'വത്തല്‍', കാനറീസില്‍' സാന്‍ഡിങ്സ്', തെലുങ്കില്‍ 'ഒടിയലു', ബംഗാളിയില്‍ 'ടികിയ' എന്നിങ്ങനെ. മത്സ്യ പ്രോട്ടീന്‍ കൊണ്ടു സമ്പുഷ്ടമായ അത്തരമൊരു വിഭവത്തിന്‍റ പാചകരീതി താഴെ കൊടുക്കുന്നു.

ചേരുവകള്‍

• സംസ്ക്കരിച്ച മത്സ്യ മാംസം : 2 കിലോ
• ചോളപ്പൊടി :1 കിലോ
• മരച്ചീനിമാവ് : 2 കിലോ
• സാദാ ഉപ്പ് : 50 ഗ്രാം
• വെള്ളം : 3.5 ലിറ്റര്‍

വറുക്കുന്നതിന് മുമ്പും പിമ്പും

പാചകരീതി

• സംസ്ക്കരിച്ച മത്സ്യം ഒരു ലിറ്റര് വെള്ളവും ചേര്‍ത്ത് അരയ്ക്കാനുപയോഗിക്കുന്ന യന്ത്രത്തില്‍ 10 മിനിറ്റ് അരച്ചു യോജിപ്പിക്കുക.
• ചോളപ്പൊടി, മരച്ചീനിമാവ് ഉപ്പ് ബാക്കിയുള്ള വെള്ളം എന്നിവ ചേര്‍ത്ത് ഒരു മണിക്കൂര്‍ അടിച്ചുയോജിപ്പിക്കുക.
• സംയോജിപ്പിച്ച ഈ കൂട്ട് അലുമിനിയം ട്രേകളില്‍ ഒരേ രീതിയില്‍ 1-2 മില്ലിമീറ്റര്‍ കനത്തില്‍ നേര്‍ത്ത പാളിയായി പരത്തി ആവിയില്‍ 2-5 മിനിറ്റ് വേവിച്ചെടുക്കുക.
• സാധാരണ ഊഷ്മാവില്‍ തണുക്കാന്‍വയ്ക്കുക.
• വേവിച്ച പദാര്‍ത്ഥം ഇഷ്ടമുള്ള ആകൃതിയില്‍ മുറിച്ച് വെയിലത്ത് അല്ലെങ്കില്‍ കൃത്രിമ ഉണക്കു യന്ത്രത്തില്‍ (45° സെ മുതല്‍ 50° സെ വരെ) 10 ശതമാനത്തില്‍ താഴെ മാത്രം ഈര്‍പ്പമുള്ള രീതിയില്‍ഉണക്കുക.
• ഉണക്കിയ ഉല്‍പന്നത്തിന്‍റെ നുറുക്കുകള്‍ സീല്‍ചെയ്ത പോളിത്തീന്‍ ബാഗുകളിലോ കുപ്പികളിലോ ആക്കി വിപണിയിലിറക്കുന്നതുവരെ തണുത്ത ഉണങ്ങിയ സ്ഥലത്ത് സൂക്ഷിക്കുക.

ഈ ഉല്‍പന്നം രണ്ടു വര്‍ഷം വരെ കേടാകാതെ സൂക്ഷിക്കാം.

സംസ്ക്കരിച്ച മത്സ്യത്തോടൊപ്പം മറ്റു ചേരുവകള്‍ സംയോജിപ്പിക്കമ്പോള്‍ ഇഷ്ടമുള്ള നിറം ലഭിക്കാന്‍ ആവശ്യമെങ്കില്‍ അനുവദനീയമായ നിറങ്ങള്‍ ചേര്‍ക്കാവുന്നതാണ്.

പൊതുവെ ഇത്തരം വിഭവങ്ങള്‍ എണ്ണയില്‍വറുത്ത് ആഹാരത്തോടൊപ്പമുള്ള കറിയായി ഉപയോഗിക്കുന്നു.

അവലംബം : കേന്ദ്ര മത്സ്യ സാങ്കേതിക സ്ഥാപനം, കൊച്ചി

വിളമ്പാന്‍ പാകത്തിനുള്ള മീന്‍കറി വഴക്കമുള്ള സഞ്ചികളില്‍

വഴക്കമുള്ള സഞ്ചികളില്‍ പായ്ക്ക് ചെയ്തു ലഭ്യമാകുന്ന മീന്‍കറിക്ക് ഇക്കാലത്ത് വളരെ മൂല്യമുണ്ട്. നിലവിലുള്ള

രീതിയനുസരിച്ച് ലോഹം കൊണ്ടുള്ള ക്യാനുകളിലാണ് ഇത് സൂക്ഷിക്കുന്നത്.

• ലോഹ ക്യാനുകളില്‍ സൂക്ഷിക്കുന്ന ഉല്‍പന്നങ്ങളുടെ സ്വാദ് അപ്രിയകരമായിരിക്കും.
• ലോഹ ക്യാനുകളുടെ ഉപയോഗം ഇന്ത്യക്ക് ചെലവു കൂട്ടും.
• ലോഹസംഭരണികള്‍ ബലമുള്ളതല്ലെങ്കില്‍ ചോര്‍ച്ചയുണ്ടാവാന്‍ സാധ്യതയുണ്ട്.
• പായ്ക്ക് ചെയ്യാനുപയോഗിക്കുന്ന വഴക്കമുള്ള സഞ്ചികളില്‍ ചൂട് അസ്ഥിരമായിരിക്കുമെന്നു മാത്രമല്ല മറ്റു പല പോരായ്മകളുമുണ്ട്.

വിളമ്പാന്‍ പാകത്തിനുള്ള മീന്‍കറി പായ്ക്ക് ചെയ്യാനുള്ള മെച്ചപ്പെട്ട രീതി

• കേന്ദ്ര മത്സ്യ സാങ്കേതിക സ്ഥാപനം (CIFT) വിളമ്പാന്‍ പാകത്തിനുള്ള മീന്‍കറി പായ്ക്ക് ചെയ്യാനുചിതമായ മൂന്നു പാളികളുള്ള വഴക്കമുള്ള സഞ്ചികള്‍ വികസിപ്പിച്ചിരിക്കുന്നു.
• ഇത് അലുമിനിയം ഫോയില്‍/ കാസ്റ്റ് പോളിപ്രൊപിലിന്‍ ‌‍പൊളിയെസ്റ്ററുകള്‍ അടിസ്ഥാനപ്പെടുത്തിയ retortable വഴക്കമുള്ള സഞ്ചിയാണ്.
• CIFT വികസിപ്പിച്ചെടുത്ത configuration ഉപയോഗപ്പെടുത്തിക്കൊണ്ട് ഇന്ത്യയിലാണ് ഈ വഴക്കമുള്ള സഞ്ചികള്‍ നിര്‍മ്മിക്കുന്നത്.
• ഈ സഞ്ചികളില്‍ മീന്‍കറി ഉല്പാദിപ്പിക്കുന്ന പ്രക്രിയ പ്രഷര്‍ ഓട്ടോക്ലേവ് ഉപയോഗിച്ച് CIFT നിലവാരപ്പെടുത്തിയിട്ടുണ്ട്. ഇങ്ങനെ സംസ്ക്കരിച്ചു സൂക്ഷിക്കുന്ന കറി ഒരു വര്‍ഷത്തോളം സാധാരണ ഊഷ്മാവില്‍ കേടാകാതെയിരിക്കുന്നു.

കൂടുതല്‍ വിവരങ്ങള്‍ക്ക്, ബന്ധപ്പെടുക
ഡയറക്ടര്‍
കേന്ദ്ര മത്സ്യ സാങ്കേതിക സ്ഥാപനം (ICAR)
CIFT ജങ്ഷന്‍, മത്സ്യപുരി P.O.
വില്ലിങ്ടണ്‍ ഐലന്‍ഡ്, കൊച്ചി - 682 029,
കേരളം, ഇന്‍ഡ്യ.
ഫോണ്‍ : 91 (0) 484-2666845
ഫാക്സ് : 91 (0) 484-2668212
ഇ.മെയില്‍ : cift@ciftmail.org

റെയിന്‍ബോ ട്രൗ ട്ട് എന്നയിനം ശുദ്ധജലമത്സ്യത്തില്‍ നിന്നുള്ള മൂല്യവര്‍ദ്ധിത ഉല്‍പന്നങ്ങള്‍

ഇന്ത്യിലെ പല ഭാഗങ്ങളിലും പരിചിതമാക്കപ്പെട്ട റെയിന്‍ബോ ട്രൌട്ട് ആകര്‍ഷകമായ ഒരു ശീതജല മത്സ്യ ഇനമാണ്. ഹിമാലയന്‍താഴ്വരക്കുന്നുകള്‍, കാശ്മീര്‍, കര്‍ണാടക, തമിഴ്നാട്, കേരളം എന്നിവിടങ്ങളിലെ പശ്ചിമഘട്ടത്തിന്‍റെ ഉയര്‍ന്ന ശാഖകള്‍ എന്നിവ റെയിന്‍ബോ ട്രൌട്ട് കൃഷിക്ക് യോജിച്ച പ്രദേശങ്ങളാണ്. ഇന്ത്യയില്‍ നഗരവാസികള്‍ക്കിടയില്‍ ഈ മത്സ്യത്തിന്ആവശ്യക്കാരേറെയാണ്. ഇപ്പോള്‍ ഇന്ത്യയില്‍ ഈ മത്സ്യം പുതുമയോടെ ശീതീകരിച്ച് വിപണിയിലെത്തിക്കുന്നു. വിവിധയിനം മൂല്യവര്‍ദ്ധിത ഉല്‍പന്നങ്ങളുണ്ടാക്കാന്‍ അനുയോജ്യമാണ്.

ഉടനെ പിടിച്ചെടുത്ത ശുദ്ധജലമത്സ്യം (ട്രൗട്ട്) സംസ്ക്കരിക്കുന്ന വിധം

• ഉടനെ പിടിച്ചെടുത്ത ഈ മത്സ്യം മെച്ചപ്പെട്ട രീതിയില്‍ സൂക്ഷിക്കുന്നതിനായി കുടല്‍കളഞ്ഞ് കഴുകി ഐസുകൊണ്ടു പൊതിയുന്നു.
• നല്ലരീതിയിലുള്ള ശീതീകരണരീതികള്‍ സ്വീകരിക്കുന്നതിലൂടെ മത്സ്യം മുഴുവനായിത്തന്നെ പുതുമയോടെ സൂക്ഷിക്കാവുന്നതാണ്.
• അണുബാധ കുറയ്ക്കുന്നതിന് മത്സ്യം ഐസില്‍ പൊതിയുന്നതിനു മുമ്പായി കുടലും ചെകിളയും കളഞ്ഞ് നന്നായി കഴുകണം. മത്സ്യം മുഴുവനായോ കഷണങ്ങളായി മുറിച്ചോ വിപണിയിലിറക്കാം. സംസ്ക്കരണത്തിന്‍റെ വിവിധഘട്ടങ്ങളിലുള്ള ആദായം താഴെ കൊടുക്കുന്നു:

സംസ്ക്കരണഘട്ടങ്ങള്‍

ആദായം

തൊലിയോടുകൂടിയ കഷണങ്ങള്‍
തൊലികളഞ്ഞ കഷണങ്ങള്‍
അരിഞ്ഞത്

42.1 - 48.1 %
XX">
39.6 - 42.5 %
33.9 - 38.7 %

കൃഷിചെയ്ത റെയിന്‍ബോ ട്രൗട്ടിന്‍റെ സമീപ ഘടന ഇതാണ്

ശീതീകരിച്ച ശുദ്ധജലമത്സ്യം (ട്രൌട്ട്)

റെയിന്‍ബോ ട്രൗട്ടിനെ ശീതീകരണയന്ത്രത്തില്‍ ശീതീകരിച്ച് കേടുകൂടാതെ സൂക്ഷിക്കാവുന്നതാണ്. മത്സ്യം ഓരോന്നായി പോളിയെത്തിലീന്‍ കവറില്‍ പായ്ക്കുചെയ്യുന്നത് ശീതീകരിച്ച മത്സ്യത്തിന്‍റെ നിര്‍ജ്ജലീകരണം ഓക്സീകരണം എന്നിവ കുറയ്ക്കാന്‍ ഫലപ്രദമാണ്. ശീതീകരിച്ച ഒരു മുഴുവന്‍ട്രൌട്ട് -18 ° സെല്‍ഷ്യസില്‍ 12 മാസം വരെ കേടുകൂടാതെയിരുന്നു.

പുകകൊള്ളിച്ച ശുദ്ധജലമത്സ്യം (ട്രൌട്ട്)

ട്രൗട്ടിനെ മൂല്യവര്‍ദ്ധിത ഉല്‍പന്നമാക്കുന്ന ഏറ്റവും സാധാരണമായ രീതിയാണ് മുഴുവനോടെ കുടല്‍കളഞ്ഞ് ചൂടുപുക കൊള്ളിക്കുക എന്നത്. ഈ പ്രക്രിയയ്ക്കിടയില്‍ത്തന്നെ മത്സ്യം ആവശ്യത്തിന് വേവിക്കപ്പെടുന്നതിനാല്‍ അത് ഉടനടി ഭക്ഷണയോഗ്യമായ ഉല്‍പന്നമാക്കാവുന്നതാണ്. ഈ മത്സ്യത്തില്‍നിന്നുള്ള പുകകൊള്ളിച്ച ഉല്‍പന്നങ്ങളുണ്ടാക്കുന്ന സാങ്കേതികതയെ CIFT നിലവാരപ്പെടുത്തിയിട്ടുണ്ട്.

മത്സ്യത്തെ മുഴുവനോടെ തല, കുടല്‍ എന്നിവ കളഞ്ഞ് കീറിത്തുറന്ന് 10% ഉപ്പുവെള്ളത്തില്‍ 15 മിനിറ്റ് വൃത്തിയാക്കുന്നു. പിന്നീട് ആവശ്യമായ നിറവും സ്വാദും ലഭിക്കാനായി അതിനെ 60° സെല്ഷ്യസില്‍ മൂന്നു മണിക്കൂര്‍ചൂട് പുക കൊള്ളിക്കുന്നു. ശീതീകരിക്കപ്പെട്ട അവസ്ഥയിലെ സംഭരണത്തെക്കുറിച്ചുള്ള പഠനങ്ങള്‍ കാണിക്കുന്നത് വായുകടക്കാതെ പായ്ക്കു ചെയ്ത് സൂക്ഷിക്കപ്പെടുന്ന പുകകൊള്ളിച്ച മത്സ്യം വായു കടക്കുന്ന പായ്ക്കുകളിലുള്ളവയുമായി താരതമ്യം ചെയ്യുമ്പോള്‍ 11 ആഴ്ചയില്‍ കൂടുതല്‍ കേടുകൂടാതെയിരിക്കുമെന്നാണ്.

മാവുപുരട്ടിയ കഷണങ്ങള്‍

വളരെയേറെ ആവശ്യക്കാരുള്ള മൂല്യവര്‍ദ്ധിത ഉല്‍പന്നമാണ് മാവുപുരട്ടിയത്. മാവ്, ബ്രെഡ് എന്നിവയ്ക്കുള്ളിലാക്കുമ്പോള്‍ മത്സ്യത്തിന്‍റെ രൂപം തന്നെ മെച്ചപ്പെടുന്നു. മത്സ്യത്തില്‍നിന്നും തൊലികളഞ്ഞെടുക്കുന്ന കഷണങ്ങള്‍ ബ്രെഡിങ്ങിനും ബാറ്ററിങ്ങിനും മുമ്പ് 5% ഉപ്പും 0.1% സിട്രിക് ആസിഡും ചേര്‍ന്ന മിശ്രിതത്തില്‍ 10 മിനിറ്റ് മുക്കി വൃത്തിയാക്കുന്നു. ഈ ഉല്‍പന്നം -18 ° സെല്‍ഷ്യസില്‍ ശീതീകരിച്ച സംഭരണിയില്‍ പന്ത്രണ്ടു മാസം കേടുകൂടാതെയിരിക്കുന്നു.

ക്യാനിലടച്ച ട്രൗട്ട്

മത്സ്യം മുഴുവനോടെ കുടല്‍കളഞ്ഞ് കഴുകി ഒരേ വലുപ്പത്തിലുള്ള വറുത്ത കഷണങ്ങളാക്കുന്നു. 10% ഉപ്പും 0.5% സിട്രിക് ആസിഡും ചേര്‍ന്ന തണുത്ത വെള്ളത്തില്‍ 10 മിനിറ്റ് മുക്കിവച്ച ശേഷം രണ്ടു മണിക്കൂര്‍ 45° സെല്‍ഷ്യസ് ചൂടില്‍ പുകകൊള്ളിച്ച് ഒരു മണിക്കൂര്‍ ഭാഗികമായി ഉണക്കുക. ഏകദേശം 120 ഗ്രാം വറുത്ത കഷണങ്ങള്‍ 307 X 109 വലിപ്പമുള്ള TFS ക്യാനുകളില്‍ കൈകൊണ്ടു പായ്ക്കുചെയ്യുന്നു. ഈ ക്യാനുകള്‍ നിലക്കടല എണ്ണയില്‍ 121° സെല്‍ഷ്യസില്‍ താപപ്രക്രിയയ്ക്ക് വിധേയമാക്കുക. പുകകൊള്ളിച്ച് ക്യാനിലടച്ച് എണ്ണയില്‍ വറുത്ത മത്സ്യക്കഷണം വളരെ മികച്ച ഒരുല്‍പ്പന്നമാണ്. ഇത് സാധാരണ ചുറ്റുപാടില്‍ ഒരുവര്‍ഷത്തില്‍ കൂടുതല്‍ കേടുകൂടാതെയിരിക്കും.

കൂടുതല്‍ വിവരങ്ങള്‍ക്ക്, ബന്ധപ്പെടുക
ഡയറക്ടര്‍
കേന്ദ്ര മത്സ്യ സാങ്കേതിക സ്ഥാപനം (ICAR)
CIFT ജങ്ഷന്‍, മത്സ്യപുരി P.O.
വില്ലിങ്ടണ്‍ ഐലന്‍ഡ്, കൊച്ചി - 682 029,
കേരളം, ഇന്‍ഡ്യ.
ഫോണ്‍ : 91 (0) 484-2666845
ഫാക്സ് : 91 (0) 484-2668212
ഇ.മെയില്‍: cift@ciftmail.org

മത്സ്യസംസ്ക്കരണത്തിലെ (ഉണക്കുന്നതിലെ) മെച്ചപ്പെട്ട രീതി

മത്സ്യം ഉപ്പിട്ട് ഉണക്കി സൂക്ഷിക്കുക എന്നതാണ് മത്സ്യം കേടാകാതെ സൂക്ഷിക്കാനുള്ള നമ്മുടെ രാജ്യത്തെ പരമ്പരാഗതവും ചെലവു കുറഞ്ഞതും പഴക്കമുള്ളതുമായ രീതി.

നിലവിലുള്ള രീതിയുടെ പോരായ്മകള്‍

• സാധാരണയായി ഗുണമേന്‍മ കുറഞ്ഞ മത്സ്യങ്ങളാണ് ഉണക്കി സൂക്ഷിക്കുന്നത്.
• ഉപയോഗിക്കുന്ന ഉപ്പ് ഗുണനിലവാരം കുറഞ്ഞതും ധാരാളം അഴുക്കും മണ്ണും കലര്‍ന്നവയുമാണ്. ഇത്തരത്തിലുള്ള ഉപ്പുപയോഗിച്ച് വൃത്തിയില്ലാത്ത സാഹചര്യങ്ങളില്‍ ശ്രദ്ധയില്ലാതെ ഉണക്കുന്ന മത്സ്യം സ്വാഭാവികമായി ഗുണനിലവാരം കുറഞ്ഞവയായിരിക്കും.
• ഇങ്ങനെയുള്ള മത്സ്യ സംസ്ക്കരണ സ്ഥലങ്ങളില്‍ ഗുണനിലവാരമുള്ള വെള്ളവും ലഭ്യമാകില്ല.
• പിടിച്ച മത്സ്യങ്ങളെ വലിയ സിമെന്‍റ് ടാങ്കുകളില്‍ ഒന്നിടവിട്ടുള്ള ഉപ്പുപാളികളില്‍ അടയ്ക്കുന്നു. ഈ സ്ഥലങ്ങള്‍ വൃത്തിയായി സൂക്ഷിക്കേണ്ടതിന്‍റെ പ്രാധാന്യം പലപ്പോഴും മനസ്സിലാക്കാറില്ല. ഇപ്രകാരം രണ്ടോ മൂന്നോ ദിവസം ഇത്തരം ടാങ്കുകളില്‍ മത്സ്യം ഉപ്പിട്ടു സൂക്ഷിച്ചതിനു ശേഷം മത്സ്യം പുറത്തെടുത്ത് തുറസ്സായ കടല്‍ത്തീരങ്ങളില്‍ സൂര്യപ്രകാശത്തില്‍ ഉണക്കുന്നു. പ്രക്രിയയില്‍ അതില്‍ ധാരാളം മണലടിഞ്ഞ് വൃത്തിഹീനമാവുകയും അതിനെ അവിടെത്തന്നെ നല്ലരീതിയില്‍ അടച്ചുവയ്ക്കാതെ അട്ടികളായി വയ്ക്കുകയും ചെയ്യുന്നു.
• ഇപ്രകാരം സൂക്ഷിക്കുന്ന മത്സ്യങ്ങളില്‍ ചുവന്ന ഹാലോഫിലിക് ബാക്ടീരിയ പോലുള്ളവ രൂപപ്പെട്ട് വൃത്തിഹീനമാവുകയും പരമാവധി രണ്ടോ മൂന്നോ ആഴ്ചയില്‍കൂടുതല്‍ സൂക്ഷിക്കാന്‍ കഴിയാത്തവയും ആകുന്നു.

കോഴിക്കോട്ടുള്ള കേന്ദ്ര മത്സ്യ സാങ്കേതിക ഗവേഷണ കേന്ദ്രം മത്സ്യത്തെ ഗുണമേന്‍മയോടുകൂടി ഉപ്പിട്ടുണക്കുന്നതിനുള്ള മെച്ചപ്പെട്ട രീതി ആവിഷ്ക്കരിച്ചിട്ടുണ്ട്. അതിന്‍റെ ഒരു ചുരുക്കവിവരണം താഴെ കൊടുക്കുന്നു:-

• പിടിച്ചെടുത്ത മത്സ്യം ഉടനെ തന്നെ കടല്‍ വെള്ളത്തില്‍ കഴുകി മാലിന്യങ്ങളും ഒട്ടിപ്പിടിച്ചിട്ടുള്ള അഴുക്കും മറ്റും കളയുക.
• എന്നിട്ട് അവയെ ഉപ്പിട്ടുണക്കുന്ന സ്ഥലത്തേക്കു കൊണ്ടുപോവുക. അവിടെ ഉല്‍പന്നം അണുവിമുക്തവും ഗുണമേന്‍മയുള്ളതുമായിരിക്കാന്‍ പ്രത്യേകം ശ്രദ്ധിക്കുക. മണല്‍, അഴുക്ക് എന്നിവയുമായുള്ള സമ്പര്‍ക്കം ഒഴിവാക്കുന്നതിനു വേണ്ടി വൃത്തിയുള്ള മേശകളിലാണ് പരമ്പരാഗത രീതിയില്‍നിന്നും വ്യത്യസ്തമായി ബാക്കിയുള്ള എല്ലാ പ്രക്രിയകളും ചെയ്യുന്നത്.
• എല്ലാ വൃത്തിയാക്കല്‍ പ്രക്രിയകള്‍ക്കും 10 ppm വരെ ക്ലോറിനേഷന്‍ നടത്തിയ ജലം ഉപയോഗിക്കാനാണ് നിര്‍‌ദ്ദേശിക്കപ്പെടുന്നത്.
• ഈ മേശകളില്‍ മത്സ്യത്തെ മുറിച്ച് ആന്തരിക അവയവങ്ങള്‍ നീക്കംചെയ്യുന്നു. മത്തി പോലെയുള്ള മത്സ്യങ്ങളുടെ കാര്യത്തില്‍ അവസാന ഉല്‍പന്നത്തിന്‍റെ രൂപം മെച്ചപ്പെടുത്തുന്നതിനായി ചെതുമ്പലുകള്‍കൂടി മാറ്റുന്നതു നല്ലതാണ്. ആന്തരിക അവയവങ്ങള്‍ ഉടനെ തന്നെ നീക്കം ചെയ്ത് മേശയ്ക്കടിയില്‍ സൂക്ഷിച്ചിട്ടുള്ള വേസ്റ്റ് ബക്കറ്റിലിടുക. ചെറിയ മത്സ്യങ്ങളുടെ കാര്യത്തില്‍ വാണിജ്യപരമായി ഇത് പ്രായോഗികമല്ല. മത്സ്യത്തെ നന്നായി വൃത്തിയാക്കി നേരിട്ട് ഉപ്പിട്ടാല്‍ മതി.
• വൃത്തിയാക്കിയ മത്സ്യത്തെ നല്ല ശുദ്ധജലത്തില്‍ കഴുകിയ ശേഷം വെള്ളം നന്നായി വാര്‍ന്നുപോകാന്‍ വയ്ക്കുക. ഇത് അടിയില്‍ സുഷിരങ്ങളുള്ള പ്ലാസ്റ്റിക് പാത്രങ്ങളുപയോഗിച്ച് എളുപ്പത്തില്‍ ചെയ്യാവുന്നതാണ്.
• വെള്ളം നന്നായി വാര്‍ന്നുപോയതിനു ശേഷം മത്സ്യത്തെ ഉപ്പിടുന്ന മേശയിലേക്കു മാറ്റി നല്ല ഗുണനിലവാരമുള്ള ഉപ്പ് കൈകൊണ്ട് എല്ലായിടവും ഒരുപോലെ വരുന്ന രീതിയില്‍ ഇടേണ്ടതാണ്. ഇതു ചെയ്യുമ്പോള്‍ ജോലിക്കാരുടെ കൈ വൃത്തിയായിരിക്കാന്‍പ്രത്യേകം ശ്രദ്ധിക്കണം. സാധാരണയായി ഉപ്പിടുന്ന അനുപാതം 1:4 ആണ് (ഒരു ഭാഗം ഉപ്പ് നാലു ഭാഗം മത്സ്യത്തിന്).
• ഉപ്പിട്ടതിനു ശേഷം മത്സ്യം ശ്രദ്ധയോടെ വൃത്തിയാക്കിയ സിമെന്‍റ് ടാങ്കുകളില്‍കുറഞ്ഞത് 24 മണിക്കൂറെങ്കിലും അടുക്കിവയ്ക്കേണ്ടതാണ്. അതിനുശേഷം മത്സ്യം പുറത്തെടുത്ത് അധികമായി ഒട്ടിപ്പിടിച്ചിരിക്കുന്ന ഉപ്പ് കളയുന്നതിനായി ശുദ്ധജലത്തില്‍ ചെറുതായി കഴുകുക.
• എന്നിട്ട് ഉപ്പിട്ട മത്സ്യ വൃത്തിയുള്ള പ്രതലത്തില്‍ ഉണക്കുന്നതിനായി ഇടുക. ഈ പ്രതലം വൃത്തിയുള്ളതും ഉയര്‍ത്തിക്കെട്ടിയിട്ടുള്ളതുമായ സിമെന്‍റ് പ്ലാറ്റ്ഫോമോ മുളകൊണ്ടുള്ള തട്ടികളോ ആകാം. ഇവയെന്നുമില്ലെങ്കില്‍ വൃത്തിയുള്ള മുളംപായകളിലും ഉണക്കാവുന്നതാണ്. പക്ഷേ ഇങ്ങനെ ചെയ്യുമ്പോള്‍ മത്സ്യത്തിലെ ജലാംശം 25% അല്ലെങ്കില്‍ അതില്‍ താഴെയോ ആകുന്നതുവരെ ഉണക്കണം.
• എല്ലാ ഘട്ടങ്ങളിലും അണുവിമുക്തമായിരിക്കാന്‍ അങ്ങേയറ്റം ശ്രദ്ധിക്കേണ്ടതാണ്.

കേടാകാതിരിക്കാനുപയോഗിച്ചിരിക്കുന്ന പദാര്‍ത്ഥങ്ങള്‍

• ഈ രീതിയില്‍ ഉണക്കിയ മത്സ്യത്തെ കാല്‍സ്യം പ്രോപിയോണേറ്റ് നന്നായി പൊടിച്ച ഉപ്പ് ഇവയുടെ മിശ്രിതം ചേര്‍ത്ത് പൊടിക്കുന്നു.
• മൂന്നു ഭാഗം കാല്‍സ്യം പ്രോപിയോണേറ്റും 27 ഭാഗം പൊടിയുപ്പും ചേര്‍ത്തുയോജിപ്പിച്ച് ദൃഢമായി ഈ മിശ്രിതം ഉണ്ടാക്കാം.
• ഈ മിശ്രിതം മത്സ്യത്തിന്‍റെ എല്ലാഭാഗത്തും ഒരുപോലെ പുരളാന്‍ ശ്രദ്ധിക്കണം.
• അതിന് ശേഷം മത്സ്യത്തെ അനുയോജ്യമായ അളവില്‍ നന്നായി സീല്‍ പോളിത്തീന്‍ കവറുകളിലാക്കി ചില്ലറ വില്‍പ്പന നടത്താം. മൊത്ത വ്യാപാരത്തിനായി മത്സ്യത്തെ പോളിത്തീന്‍ ലൈനിങ്ങുള്ള ചാക്കുകളിലാക്കണം. ഇങ്ങനെയുള്ള പാക്കിങ്ങ് അധികമായുണ്ടാകുന്ന നിര്‍ജലീകരണത്തെയും അപകടകരമായ. ബാക്ടീരിയ ബാധയെയും തടയുന്നു.
• സാധാരണയായി 10 കിലോ മത്സ്യം പൊടിക്കുന്നതിന് 1 കിലോ മിശ്രിതം ആവശ്യമാണ്.
• പാചകം ചെയ്യുന്നതിനു മുമ്പ് അധികമായുള്ള ഉപ്പുപോകാനായി മത്സ്യം വെള്ളത്തിലിടുമ്പോള്‍ ഈ മിശ്രിതവും കൂടി നീക്കംചെയ്യപ്പെടുന്നു.
• അതിനാല്‍ മത്സ്യം ദീര്‍ഘകാലം ഉപ്പിട്ട് സൂക്ഷിക്കുന്നതിന് വളരെ സുരക്ഷിതവും എളുപ്പവും ഫലപ്രദവുമായ മാര്‍ഗ്ഗമാണിത്.
• ഈ രീതിയില്‍ സംരക്ഷിക്കപ്പെടുന്ന മത്സ്യം ഏറ്റവും കുറഞ്ഞത് 8 മാസം വരെ കേടാകാതെയിരിക്കും.

ഈ രീതിയുടെ പ്രയോജനങ്ങള്‍

• ഇത് വളരെ ലളിതവും സാധാരണക്കാര്‍ക്ക് എളുപ്പത്തില്‍ പ്രയോഗിക്കാവുന്നതുമാണ്.
• അപകടകരമായ ബാക്ടീരിയബാധ തടയുകയും ഉപ്പിട്ട മത്സ്യത്തിന്‍റെ സംഭരണകാലം ഗണ്യമായി വര്‍ദ്ധിപ്പിക്കുകയും ചെയ്യുന്നു.
• കാല്‍സ്യം പ്രോപിയോണേറ്റ് ഉപ്പിട്ട മത്സ്യത്തിന്‍റെ നിറത്തെയോ മണത്തെയോ സ്വാദിനെയോ ഒരു തരത്തിലും ബാധിക്കുന്നില്ല.
• ഇത് താരതമ്യേന വളരെ ചെലവ് കുറഞ്ഞ രീതിയാണ്. കൂടുതല്‍കാലം കേടാകാതിരിക്കുന്നതും ഉല്‍പന്നത്തിന്‍റെ മൂല്യവര്‍ദ്ധനവും പരിഗണിച്ചാല്‍ ഉല്‍പാദനച്ചെലവിലുള്ള നേരിയ വര്‍ദ്ധനവ് അവഗണിക്കാവുന്നതേയുള്ളൂ.

അവലംബം : കേന്ദ്ര മത്സ്യ സാങ്കേതിക സ്ഥാപനം, കൊച്ചി