രണ്ടാം അപ്പീല്‍ അപേക്ഷ
രണ്ടാം അപ്പീല്‍ അപേക്ഷ
രണ്ടാം അപ്പീല്‍ അപേക്ഷ എപ്പോള്‍ സമര്‍പ്പിക്കാം:
ആദ്യ അപ്പലേറ്റ് ഓഫീസറുടെ വിധിന്യായത്തില്‍ നിങ്ങള്‍ തൃപ്തനല്ലെങ്കില്‍,
- പൊതു അധികാരി നല്കിയ വിവരങ്ങള്‍ അപൂര്‍ണ്ണവും തെറ്റിദ്ധാരണാജനകവും അസത്യവുമാണെന്ന് നിങ്ങള്‍ക്ക് തോന്നുന്നുണ്ടെങ്കില്‍,
- പബ്ളിക് ഇന്‍ഫര്‍മേഷന്‍ ഓഫീസറോ (പിഐഒ), ആദ്യ അപ്പലേറ്റ് അതോറിറ്റിയോ (എഎ) വിവരങ്ങള്‍ നല്കാന്‍ വിസമ്മതിച്ച് നിങ്ങളുടെ അപേക്ഷ നിരസിക്കുകയാണെങ്കില്‍,
- അനുവദനീയമായ സമയപരിധിക്കുള്ളില്‍ അപ്പലേറ്റ് അതോറിറ്റി വിധിന്യായം നല്കിയില്ലെങ്കില്‍,
- അസിസ്റ്റന്‍റ് പബ്ളിക് ഇന്‍ഫര്‍മേഷന്‍ ഓഫീസര്‍ അപേക്ഷ സ്വീകരിക്കുവാനും സംസ്ഥാന/കേന്ദ്ര പബ്ളിക് ഇന്‍ഫര്‍മേഷന്‍ ഓഫീസര്‍ക്കോ സംസ്ഥാന/കേന്ദ്ര വിവരാവകാശ കമ്മീഷനോ കൈമാറുവാനും വിസമ്മതിക്കുകയാണെങ്കില്‍,
- പൊതുഅധികാരി അപേക്ഷാഫീസ് ഈടാക്കിയത് വിവരാവകാശനിയമം-2005 പ്രകാരം അന്യായമായി നിങ്ങള്‍ക്ക് തോന്നിയിട്ടുണ്ടെങ്കില്‍
രണ്ടാം അപ്പീല്‍ അപേക്ഷ എവിടെ സമര്‍പ്പിക്കാം
- സംസ്ഥാന വിവരാവകാശ കമ്മീഷന്‍ (എസ്ഐസി) ഓഫീസില്‍ (സംസ്ഥാന പൊതു അധികാരിയുമായി ബന്ധപ്പെട്ട കാര്യങ്ങളാണെങ്കില്‍),
- കേന്ദ്ര വിവരാവകാശ കമ്മീഷന്‍ (സിഐസി) ഓഫീസില്‍ (കേന്ദ്ര പൊതു അധികാരിയുമായി ബന്ധപ്പെട്ട കാര്യങ്ങളാണെങ്കില്‍).
രണ്ടാം അപ്പീലിനുള്ള സമയപരിധി
നിര്‍ദ്ദേശിച്ചിരിക്കുന്ന കാലാവധി അവസാനിക്കുന്നതു മുതലോ അല്ലെങ്കില്‍ ആദ്യ അപ്പലേറ്റ് അതോറിറ്റിയില്‍ നിന്നുള്ള ആശയ വിനിമയം (വിധി/അപേക്ഷ നിരസിക്കല്‍) കൈപ്പറ്റിയതു മുതലോ ഉള്ള 90 ദിവസത്തിനുള്ളില്‍
- അപ്പീല്‍വാദി തൃപ്തമായ കാരണത്താലാണ് അപ്പീല്‍ നല്കാന്‍ വൈകിയതെന്ന് സംസ്ഥാന/കേന്ദ്ര വിവരാവകാശ കമ്മീഷനു ബോധ്യപ്പെട്ടാല്‍ 30 ദിവസത്തിനു ശേഷവും അപ്പീല്‍ സ്വീകരിക്കപ്പെടും.
രണ്ടാം അപ്പീല്‍ അപേക്ഷയുടെ രൂപരേഖ എങ്ങനെ തയ്യാറാക്കാം
അപേക്ഷ വെള്ള പേപ്പറിലോ പോര്‍ട്ടലില്‍ നിന്ന് ഡൌണ്‍ ലോഡ് ചെയ്തോ തയ്യാറാക്കാം.
- അപേക്ഷ കൈ കൊണ്ട് എഴുതാം അല്ലെങ്കില്‍ ടൈപ്പ് ചെയ്യാം,
- അപേക്ഷ ഇംഗ്ളീഷിലോ ഹിന്ദിയിലോ ( കേന്ദ്ര വിവരാവകാശ കമ്മീഷന്‍റെ കാര്യത്തില്‍) ഏതെങ്കിലും സംസ്ഥാന ഭാഷകളിലോ (സംസ്ഥാന വിവരാവകാശ കമ്മീഷന്‍റെ കാര്യത്തിലാണെങ്കില്‍) സമര്‍പ്പിക്കാം.
അപേക്ഷാ ഫോറം എങ്ങനെ തയ്യാറാക്കാം
ആവശ്യമുള്ള വിവരങ്ങള്‍ നിര്‍ദ്ദിഷ്ട മാതൃകയില്‍ വ്യക്തമായി നല്കുക,
- അനുബന്ധങ്ങളുടെ പട്ടിക അടങ്ങിയ ഒരു വിഷയസൂചിക തയ്യാറാക്കുക,
- എല്ലാ രേഖകളുടെയും സ്വയം സാക്ഷ്യപ്പെടുത്തിയ അഞ്ച് പകര്‍പ്പുകള്‍ (അതായത്, രണ്ടാം അപ്പീല്‍ അപേക്ഷ, വിവരങ്ങള്‍ക്കായുള്ള അപേക്ഷ, ആദ്യ അപ്പീല്‍ അപേക്ഷ, പബ്ളിക് ഇന്‍ഫര്‍മേഷന്‍ ഓഫീസര്‍ക്ക് ഫീസടച്ചതിന്‍റെ തെളിവ് എന്നിവ) തയ്യാറാക്കുക. ഒരു അധിക കോപ്പി നിങ്ങള്‍ക്കായും സൂക്ഷിക്കാം.
അപേക്ഷ അയയ്ക്കേണ്ടത് എങ്ങനെ:
രജിസ്റ്റേര്‍ഡ് തപാലില്‍ അഞ്ച് പകര്‍പ്പുകളോടെ അപേക്ഷ അയയ്ക്കാം.
അപേക്ഷയോടൊപ്പം ഒരു രശീത് കാര്‍ഡും വച്ചിരിക്കണം.
കേന്ദ്ര വിവരാവകാശ കമ്മീഷനുള്ള അപേക്ഷ ഓണ്‍ ലൈന്‍ ആയി സമര്‍പ്പിക്കാം. നിങ്ങളുടെ അപേക്ഷ സമര്‍പ്പിക്കുവാന്‍ ഇവിടെ ക്ലിക്ക് ചെയ്യുക.
വിവരങ്ങള്‍ നല്കുന്നതിനുള്ള സമയ പരിധി:
സാധാരണ കേസുകളില്‍ തീരുമാനം 30 ദിവസത്തിനുള്ളില്‍ നല്കും, ചിലപ്പോള്‍ അത് 45 ദിവസം വരെയാകാം.
കേന്ദ്ര/സംസ്ഥാന വിവരാവകാശ കമ്മീഷന്‍ അപേക്ഷ കൈപ്പറ്റുന്നതു മുതല്‍ തീരുമാനം നല്കുവാനുള്ള സമയ പരിധി കണക്കാക്കും.
കേന്ദ്ര/സംസ്ഥാന വിവരാവകാശ കമ്മീഷന്‍റെ വിധിന്യായം രണ്ട് കക്ഷികളെയും ബന്ധിപ്പിക്കുന്നതായിരിക്കും. പക്ഷേ, അതൃപ്തിയുണ്ടെങ്കില്‍ പൊതു അധികാരിക്ക് കേന്ദ്ര/സംസ്ഥാന വിവരാവകാശ കമ്മീഷന്‍റെ വിധിന്യായത്തിനെതിരെ ഹൈക്കോടതിയില്‍ അപ്പീല്‍ നല്കാവുന്നതാണ്.
അവസാനം പരിഷ്കരിച്ചത് : 7/22/2020
ആര്‍ടിഐ നിയമം-2005 പ്രകാരം ഒന്നാം അപ്പീല്‍ അപേക്ഷ ...
വിവരാവകാശ നിയമം എല്ലാ പൌരന്മാര്‍ക്കും പൊതു അധികാരി...
ആർ ടി ഐ നിയമത്തെ കുറിച്ചുള്ള അറിവുകൾ ലഭിക്കുന്നു
രാജഭരണം ,പ്രഭുഭരണം ,ഏകാധിപത്യ ഭരണം ,ജനാധിപത്യഭരണം ...
