Skip to content. | Skip to navigation

Vikaspedia

ഹോം പേജ് / കൃഷി / സുസ്ഥിര കാര്‍ഷിക ഇടപെടലുകള്‍ / അന്താരാഷ്ട്ര ചക്ക മഹോത്സവം 2018
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

അന്താരാഷ്ട്ര ചക്ക മഹോത്സവം 2018

അന്താരാഷ്ട്ര ചക്ക മഹോത്സവം 2018.

സംസ്ഥാന  കൃഷിവകുപ്പും  കേരള കാർഷിക സർവ്വകലാശാലയും ചേർന്ന് ജൂലൈ ഒമ്പത് മുതൽ 15 വരെ അമ്പലവയൽ മേഖലാ ഗവേഷണ കേന്ദ്രത്തിലാണ് 2018-ലെ   അന്താരാഷ്ട്ര ചക്ക മഹോത്സവം നടന്നത്.. ഇതോടനുബന്ധിച്ച് നടത്തിയ അന്താഷ് ട്ര സിമ്പോസിയവും അവസാനിച്ചു. കഴിഞ്ഞ ആറ് വർഷമായി അമ്പലവയലിൽ അന്താരാഷ്ട്ര ചക്ക  മഹോത്സവം നടത്താറുണ്ടങ്കിലും ചക്ക സംസ്ഥാനത്തിന്റെ ഔദ്യോഗിക ഫലമായി പ്രഖ്യാപിക്കപ്പെട്ട ശേഷം ആദ്യമായി നടന്ന പരിപാടിയിൽ ഇന്തോനേഷ്യാ ,ശ്രീലങ്ക ,മലേഷ്യ തുടങ്ങിയ രാജ്യങ്ങളിൽ നിന്നുള്ള  പ്രതിനിധികളും  രാജ്യത്തിന്റെ വിവിധ സംസ്ഥാനങ്ങളിൽ നിന്നുള്ള പ്രതിനിധികളും പങ്കെടുത്തു.
ചക്കയെ ജനകീയമാക്കുന്നതിനും  ചക്കയുടെ പോഷക - ഔഷധ മൂല്യങ്ങൾ പ്രചരിപ്പിക്കുന്നതിനും ചക്കയുടെ മൂല്യവർധിത ഉല്പന്നങ്ങൾക്ക് വിപണി കണ്ടെത്തുന്നതിനും ചർച്ചകളും നയരൂപീകരണവും  നടന്നു. ട്രോപ്പിക്കൽ ഫ്രൂട്ട് നെറ്റ് വർക്ക് അന്തർദേശീയ   ചെയർമാൻ  മുഹമ്മദ് ദേശ ഹാജി ഹാസിമിന്റെ നേതൃത്വത്തിലാണ് അന്താരാഷ്ട്ര സിമ്പോസിയം നടന്നത്.
ചക്ക വരവ്, പ്രദർശനം ,വിവിധ മത്സരങ്ങൾ, ഗോത്ര സംഗമം, ചക്ക സംസ്കരണത്തിലും ഉൽപ്പന്ന നിർമ്മാണത്തിലും  വനിതകൾക്ക് സൗജന്യ  പരിശീലനം  എന്നിവയും ഉണ്ടായിരുന്നു.
സമാപന സമ്മേളനം ബത്തേരി ബ്ലോക്ക് പഞ്ചായത്ത് പ്രസിഡണ്ട് ലത ശശി ഉദ്ഘാടനം ചെയ്തു.  ബ്ലോക്ക് പഞ്ചായത്തംഗം  ജോർജ് അധ്യക്ഷത വഹിച്ചു. കാർഷിക സർവ്വകലാശാല ജനറൽ  കൗൺസിൽ ചെറുവയൽ രാമൻ പുരസ്കാര  വിതരണം നടത്തി. കർണാടക കാർഷിക സർവ്വകലാശാല മുൻ വൈസ് ചാൻസിലർ ഡോ. നാരായണ ഗൗഡ, അമ്പലവയൽ  ആർ. എ .ആർ. എസ്.  അസോസിയേറ്റ് ഡയറക്ടർ ഡോ. പി. രാജേന്ദ്രൻ ,പ്രോഗ്രാം കോഡിനേറ്റർ ഡോ. എൻ.ഇ. സഫിയ, അസിസ്റ്റൻറ് പ്രൊഫസർ ഡോ. പി. ഷജീഷ് ജാൻ, എ.പി. കുര്യാക്കോസ്, കുട്ടികൃഷ്ണൻ തുടങ്ങിയവർ പ്രസംഗിച്ചു.
ചക്കയുടെ മേഖല സമഗ്രമായി വികസിപ്പിക്കുന്നതിന് ഗവേഷണ കേന്ദ്രം അനിവാര്യമാണെന്ന് പ്രശസ്ത പത്രപ്രവർത്തകനും ജാക്ക് ഫ്രൂട്ട് അമ്പാസിഡറുമായ ശ്രീപദ്രേ പറഞ്ഞു. അമ്പലവയൽ മേഖലാ കാർഷിക ഗവേഷണ കേന്ദ്രത്തിൽ നടക്കുന്ന അന്താരാഷ്‌ട ചക്ക മഹോത്സവത്തിൽ സെമിനാറിൽ പങ്കെടുത്ത് സംസാരിക്കുകയായിരുന്നു ശ്രീപദ്രേ.
മൂല്യവർദ്ധിത ഉത്പ്പന്നങ്ങൾ, ഗുണമേന്മ, പാക്കിങ്, ആരോഗ്യം - പോഷക സമ്പന്ന പഠനം, സംരംഭകത്വം വികസിപ്പിക്കൽ, അവബോധം ഉണ്ടാക്കൽ, ജീൻപൂൾ, എന്നിവയ്ക്ക് ഗവേഷണകേന്ദ്രം അടിയന്തര പ്രാധാന്യത്തോടെ തുടങ്ങണം എന്നും ശ്രീപദ്രേ പറഞ്ഞു .ചക്ക ഒരു വിഷ രഹിത ഉല്പന്നമാണ്. ശ്രീലങ്കയിൽ സ്ത്രീകൾ ഗർഭകാലത്ത് ചക്ക പ്രധാന ഔഷധമായും ഭക്ഷണമായും ഉപയോഗിക്കുന്നു. ചക്കക്കുരുവിന്റെ ഔഷധ മൂല്യം തിരിച്ചറിഞ്ഞ് അതുപയോഗപ്പെടുത്തണം. വിയറ്റ്നാം ഇക്കാര്യത്തിൽ വളരെ മുന്നോട്ടു പോയിട്ടുണ്ട്.  ലോകമെമ്പാടും ഇപ്പോൾ ചക്കക്ക് ആവശ്യം വർദ്ധിച്ചിട്ടുണ്ട്. ചക്ക സൂക്ഷിക്കാൻ ശീതീകരിച്ച സംഭരണ കേന്ദ്രങ്ങൾ ആവശ്യമാണ്. ചക്കയുടെ പ്രാധാന്യം മനസ്സിലാക്കാൻ സ്കൂൾ തലം മുതൽ പ്രോത്സാഹനം ആവശ്യമാണന്നും അദ്ദേഹം പറഞ്ഞു.
മേഖലാ കാര്‍ഷിക ഗവേഷണ കേന്ദ്രത്തില്‍ നടന്ന  അന്താരാഷ്ട്ര ചക്ക മാഹോല്‍സവത്തില്‍ വിഭവ സമൃദ്ധി തീര്‍ത്ത് കാർഷിക    സർവ്വകലാശാല  അമ്പലവയൽ  കൃഷി വിജ്ഞാന്‍ കേന്ദ്ര. ചക്ക ഹലുവ, ചക്ക മിക്‌സ്ചര്‍, ചക്ക പപ്പടം തുടങ്ങി അന്‍പതില്‍പരം വിഭവങ്ങളാണ് ഇവിടെയുളളത്. ഏഴുപേരടങ്ങുന്ന സ്ത്രീ സംരഭത്തില്‍ സഫിയയുടെ നേതൃത്വത്തിലാണ്  സംഘം പ്രവര്‍ത്തിക്കുന്നത്.
:     അമ്പലവയല്‍ മേഖലാ കാര്‍ഷിക ഗവേഷണ കേന്ദ്രത്തില്‍ നടക്കുന്ന അന്തരാഷ്ട്ര ചക്ക മഹോത്സവത്തില്‍ രോഗങ്ങളെ പ്രതിരോധിക്കുന്ന വിഭവങ്ങളുമായി പ്രെഷ്യസ് സ്റ്റാള്‍. ചക്കസ്‌ക്വാഷ്, ചക്ക ജാം, ചക്കവരട്ടി, തുടങ്ങി 14 ഓളം വിഭവങ്ങളാണ് ഇവിടെ ഉള്ളത്. കാസര്‍ഗോഡ് കേന്ദ്രീകരിച്ച് പ്രെഷ്യസ് ഒരു വര്‍ഷമായി പ്രവര്‍ത്തിച്ചു വരുന്നു. കാന്‍സറിനെ പ്രതിരോധിക്കുക, രോഗപ്രതിരോധശേഷി വര്‍ദ്ധിപ്പിക്കുക, കാഴ്ചശക്തി മെച്ചപ്പെടുത്തുക,കുടല്‍ രോഗങ്ങള്‍ തടയുക, ത്വക്കിന്റെ ആരോഗ്യം സംരക്ഷിക്കുക, രക്തസമ്മര്‍ദം നിയന്ത്രിക്കുക, അസ്ഥികള്‍ക്ക് ശക്തി നല്‍കുക, തുടങ്ങിയ ഗുണങ്ങളാണ് ചക്ക ഉത്പന്നങ്ങങ്ങളില്‍ നിന്നും ഇവര്‍ നല്‍കുന്നത്.പത്ത് അംഗങ്ങളാണ് ഇതില്‍ പ്രവര്‍ത്തിക്കുന്നത്.
അമ്പലവയല്‍  മേഖലാ കാർഷിക ഗവേഷണ കേന്ദ്രത്തിൽ നടക്കുന്ന അന്താരാഷ്ട്ര ചക്ക മഹോത്സവത്തില്‍ കൊതിയൂറും വിഭവങ്ങളുമായി സ്റ്റാളുകള്‍. 101 -ല്‍പരം ചക്ക വിഭവങ്ങളുമായാണ് ചക്ക മഹോല്‍സവത്തില്‍ ആര്‍എആര്‍എസ് സ്റ്റാഫ്അംഗങ്ങള്‍ എത്തിയത്. കഴിഞ്ഞ വര്‍ഷത്തേക്കാള്‍ കൂടുതല്‍ ചക്ക വിഭവങ്ങളുമായിട്ടാണ് പ്രദര്‍ശന ശാലയില്‍ സ്റ്റാള്‍ ഒരുക്കിയിട്ടുള്ളത്. ചക്കയുടെ 101 വിഭവങ്ങളും അമ്പലവയല്‍ ഫുഡ്‌പ്രൊസസിംഗ് ലാബിലാണ് തയാറാക്കിയത്. വ്യത്യസ്തത പുലര്‍ത്തുന്ന വിഭവങ്ങളും ചക്കയുടെ മൂല്യവര്‍ധിത ഉത്പന്നങ്ങളും കര്‍ഷകരെ പരിചയപ്പെടുത്തുകയാണ് ലക്ഷ്യം. ചക്കയുടെഎല്ലാ ഭാഗങ്ങളും ഭക്ഷ്യയോഗ്യമാണെന്ന് ബോധ്യപ്പെടുത്തുകയാണ് വ്യത്യസ്തമായ 101 വിഭവങ്ങളിലൂടെ.
കാണികള്‍ക്ക് പുത്തനറിവ് നല്‍കി ഫാം ഇന്‍ഫര്‍മേഷന്‍ ബ്യൂറോയുടെ സ്റ്റാളും ശ്രദ്ധേയമാണ്. കൃഷിമേഖലയുമായി ബന്ധപ്പെട്ട എല്ലാവിവരങ്ങളും അടങ്ങിയ പുസ്തകങ്ങള്‍ ഇവിടെ സൗജന്യമായിവിതരണം ചെയ്യുന്നുണ്ട്. കഴിഞ്ഞ അഞ്ചുവര്‍ഷമായി തുടരുന്ന അമ്പലവയല്‍ ആര്‍എആര്‍എസിലെ എല്ലാ പ്രവര്‍ത്തനങ്ങളിലും ഇവര്‍സജീവമാണ്. ചക്കയുടെആരോഗ്യകരമായ പങ്കിനെക്കുറിച്ച് പ്രതിപാദിക്കുന്ന പോസ്റ്റുകളും സ്റ്റാളിലുണ്ട്.
ചക്ക മഹോല്‍സവത്തില്‍ പ്രദേശത്തെ കര്‍ഷകര്‍ക്ക്കൃഷിയില്‍ ബോധവത്ക്കരണവുമായി ജില്ലാകൃഷിഓഫീസിനുകീഴില്‍ പ്രവര്‍ത്തിക്കുന്ന ആത്മ വയനാടിന്റെ സ്റ്റാള്‍ കാണികള്‍ക്കും കര്‍ഷകര്‍ക്കും ഒരുപോലെ പ്രയോജനകരമാണ്. കര്‍ഷകര്‍ക്ക് കൃഷിയിലുള്ള പുതിയസാങ്കേതികവിദ്യകള്‍ പരിചയപ്പെടുത്തുന്നതോടൊപ്പം പരിശീലനങ്ങള്‍, ക്ലാസുകള്‍, കൃഷിത്തോട്ടത്തിന്റെ മാതൃക, നിര്‍മ്മാണം തുടങ്ങിയവയും ആത്മയുടെ മേല്‍നോട്ടത്തില്‍ നല്‍കുന്നു.
ചക്കയില്‍ നിന്ന് മൂല്യവര്‍ധിത ഉത്പന്നങ്ങളുണ്ടാക്കുന്നതിനുള്ള പരിശീലന പരിപാടി വീട്ടമ്മമാര്‍ക്ക് നല്‍കുന്നുണ്ട് ചക്കമഹോത്സവത്തില്‍. ചക്കയുടെഎല്ലാ ഭാഗങ്ങളും ഉള്‍പ്പെടുത്തികൊണ്ട് സീറോ വെയിസ്റ്റേജായാണ് ഉത്പന്നങ്ങള്‍ നിര്‍മ്മിക്കുന്നത്. ചക്കയും ചക്കയുത്പന്നങ്ങളും ജനങ്ങള്‍ക്ക് പരിചയപ്പെടുത്തുക എന്ന ലക്ഷ്യത്തോടെയാണ് ഈ സ്റ്റാള്‍ പ്രവര്‍ത്തിക്കുന്നത്. വിയറ്റ്‌നാം ചക്ക, തേന്‍വരിക്ക, റോസ്‌വരിക്ക, ജെ 33, ചക്കക്കുരു ചമ്മന്തിപ്പൊടി, ചക്കജെല്ലി, ചക്കതേന്‍, ചക്കകുരുലെഡു, ചക്ക മിഠായി എന്നിവയും സ്റ്റാളില്‍ ഒരുക്കിയിട്ടുണ്ട്.
മേഖലാ കാഷിക ഗവേഷണ കേന്ദ്രത്തില്‍ അന്താരാഷ്ട്ര ചക്ക മഹോത്സവത്തിന്റെ ഭാഗമായി സൗജന്യ നിയമ സഹായവുമായി ജില്ലാ ലീഗല്‍ സര്‍വീസ് സൊസൈറ്റിയുടെ സ്റ്റാള്‍ ശ്രദ്ധേയമാണ്. സാമ്പത്തികമായി പിന്നാക്കം നില്‍ക്കുന്നവര്‍ക്ക് സൗജന്യമായി നിയമ സഹായം നല്‍കുകയാണ് പ്രധാന ലക്ഷ്യം. സുപ്രീം കോടതിയുടേയും ഹൈകോടതിയുടേയും മേല്‍ നോട്ടത്തില്‍ ജില്ലാ ജഡ്ജിനുകീഴില്‍ പ്രവര്‍ത്തിച്ചുവരുന്നു. കഴിഞ്ഞ പതിനഞ്ചുവര്‍ഷമായി ജില്ലയില്‍ പതിനായിരത്തില്‍പ്പരം കേസുകള്‍ ജില്ലാ ലീഗല്‍ സര്‍വീസ് അതോറിറ്റിയിലൂടെ പരിഹരിച്ചിട്ടുണ്ട്. കൂടാതെ സൗജന്യ കൗണ്‍സിലിംഗ് സംവിധാനവും ഒരുക്കിയിട്ടുണ്ട്.
3.36363636364
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top