<div id="MiddleColumn_internal"> <p style="text-align: justify; "><strong>ഇന്ത്യയിലെ പിന്നോക്ക സമുദായങ്ങളുടെ വിദ്യാഭാസത്തിനു വേണ്ടിയുള്ള സര്വ്വകലാശാല വിദ്യാഭ്യാസത്തിനു മുന്പ് നല്കുന്ന സ്കോളര്ഷിപ്പ്</strong><strong> പദ്ധതി</strong><strong>കള് </strong></p> <h3 style="text-align: justify; "><strong>ലക്ഷ്യം</strong><strong> </strong></h3> <p style="text-align: justify; ">സ്വാതന്ത്ര്യം നേടി 51 വര്ഷങ്ങള് കഴിഞ്ഞിട്ടും, നമ്മുടെ രാജ്യത്തെ വിദ്യാഭ്യാസ നിലവാരം മെച്ചപ്പെടുത്തുന്നതിന് വിവിധ മാനദണ്ടങ്ങള് ഏര്പ്പെടുത്തിയിട്ടും, പിന്നോക്ക സമുദായങ്ങളക്കിടയിലുള്ള സാക്ഷരതാ നിലവാരം, പ്രത്യേകിച്ചും സ്ത്രീകള്ക്കിടയില് കുറഞ്ഞു കൊണ്ടിരിക്കുന്നു. ഇതിനായി സര്ക്കാര് ധാരാളം നടപടികള് എടുക്കുകയും കഴിഞ്ഞ 51 വര്ഷങ്ങള് കൊണ്ട് സാക്ഷരതാ നിലവാരവും വിദ്യാഭ്യാസ നിലവാരവും പുരോഗതി കൈവരിക്കുകയും ചെയ്തു. എന്നാല് സാക്ഷരതാ നിലവാരം പൂര്ണ്ണപുരോഗതിയിലെത്താന് ഇനിയും വളരെ ദൂരം പോകേണ്ടതുണ്ട്. ഇപ്പോള് മനസ്സിലാക്കാന് കഴിയുന്നത് പിന്നോക്ക വിഭാഗത്തിലെ ജനങ്ങള്ക്ക് പര്യാപ്തമായ വിദ്യാഭ്യാസ സഹായമോ സാമ്പത്തിക സഹായമോ ലഭിക്കുന്നില്ല എന്നും വിദ്യാഭ്യാസവും സാമ്പത്തികവും തമ്മില് വളരെയധികം വ്യത്യാസമുണ്ട് എന്നും പിന്നോക്ക വിഭാഗത്തിലല്ലാത്ത ജനങ്ങള്ക്കാണ് സമൂഹത്തിലെ എല്ലാ മേഖലകളിലും എത്തിച്ചേരാന് കഴിഞ്ഞിട്ടുള്ളത് എന്നുമാണ്. അതേ കാഴ്ചപ്പാടില് തന്നെ, മനസ്സിലാക്കാന് കഴിയുന്നത്, ഈ ലകഷ്യത്തിലേക്ക് മുന്നേറുന്നതിന് പുതിയ പദ്ധതികള് ആവിഷ്ക്കരിച്ച് നടപ്പിലാക്കാന് ദൃഡപ്രയത്നം ആവശ്യമാണ്. അതായത് രാജ്യത്തെ പിന്നോക്ക വിഭാഗത്തിലല്ലാത്ത ജനങ്ങളെ അപേക്ഷിച്ച് നോക്കുമ്പോള് പിന്നോക്ക വിഭാഗങ്ങള്ക്ക് ധാരാളം അവസരങ്ങള് നല്കേണ്ടതുണ്ട്.</p> <p style="text-align: justify; ">നമ്മുടെ ജനസംഖ്യയില് പിന്നോക്ക വിഭാഗങ്ങളിലെ സ്ത്രീ സാക്ഷരതാ നിലവാരം പരിഗണിക്കേണ്ട ഒന്നാണ്. ഒരു കുടുംബത്തെ വാര്ത്തെടുക്കുന്നതില് അതിലെ മറ്റുള്ള അംഗങ്ങളെ അപേക്ഷിച്ച് സ്ത്രീകളുടെ പങ്ക് പരിഗണിച്ചാല് നമ്മുടെ സമൂഹത്തിലെ സ്ത്രീകളുടെ സാമൂഹികവും സാമ്പത്തികവുമായ അവസ്ഥ മാത്രം മെച്ചപ്പെട്ടാല് പോരാ, വിദ്യാഭ്യാസവും പുരോഗതിയില് എത്തേണ്ടതുണ്ട്. എന്നാല് സമൂഹത്തിലെ സാമൂഹ്യ - സാമ്പത്തിക പുരോഗതി ഉണ്ടാകുകയും അതുവഴി നമ്മുടെ രാജ്യം തന്നെ മൊത്തത്തില് പുരോഗതിയിലെത്തുകയും ചെയ്യും.</p> <p style="text-align: justify; ">അനുഭവങ്ങള് കാണിക്കുന്നത് പിന്നോക്ക സമുദായത്തിലെ ദാരിദ്ര്യം അനുഭവിക്കുന്ന ഒരു വിഭാഗത്തിലെ സ്കൂളില് പോകാന് കഴിയാത്ത കുട്ടികള്ക്ക് സഹായങ്ങള് നല്കുന്നതിന് വേണ്ടി അവരുടെ മാതാപിതാക്കള്ക്ക് പരമ്പരാഗത തൊഴില് നല്കുകയോ അല്ലെങ്കില് ഒരു നിശ്ചിത വരുമാനം അവര്ക്ക് നല്കുകയോ ചെയ്യേണ്ടതുണ്ട്. സാമ്പത്തികമായി പിന്നോക്കം നില്ക്കുന്ന കുട്ടികള്ക്കിടയില് പ്രത്യേകിച്ചും പെണ്കുട്ടികള്ക്ക് സ്കൂള് വിദ്യാഭ്യാസ കാലത്ത് നല്കുന്ന സ്കോളര്ഷിപ്പുകള് ഇങ്ങനെയുള്ള കുട്ടികള്ക്കിടയില് വിദ്യാഭ്യാസം വ്യാപകമാക്കാന് സഹായകരമാകുമെന്ന് കരുതുന്നു. പിന്നോക്ക സമുദായത്തിലെ നിസ്സഹായരായ കുട്ടികള്ക്ക് നേട്ടമുണ്ടാകുന്ന രീതിയില് വിദഗ്ദ്ധമായ കാഴ്ചപ്പാടില് സ്കോളര്ഷിപ്പ് പദ്ധതികള് ആസൂത്രണം ചെയ്യേണ്ടത് ആവശ്യമാണ്.</p> <h3 style="text-align: justify; "><strong>സാദ്ധ്യത</strong><strong> </strong></h3> <p style="text-align: justify; ">ജനസംഖ്യയില് പിന്നോക്ക സമുദായത്തിലെ നല്ലൊരു പങ്ക് ജനങ്ങളും ദാരിദ്ര്യ രേഖയ്ക്ക് താഴെയുള്ളവരാണ്. പിന്നോക്ക വിഭാഗങ്ങല്ക്കിടയിലും വൈവിധ്യമുണ്ട്. ദാരിദ്ര്യ രേഖയ്ക്ക് താഴെ വരുമാനമുള്ള രക്ഷിതാക്കളുടെ, സ്കൂളില് പോകുന്ന കുട്ടികള്ക്കാണ് സ്കോളര്ഷിപ്പ് നല്കാന് ഉദ്ദേശിച്ചിട്ടുള്ളത്.</p> <h3 style="text-align: justify; "><strong>യോഗ്യത </strong></h3> <p style="text-align: justify; ">വാര്ഷികവരുമാനം 44,500 രൂപയില് കവിയാത്ത രക്ഷിതാക്കളുടെ കുട്ടികള്ക്കാണ് സ്കോളര്ഷിപ്പ് അനുവദിക്കുന്നത്.</p> <p style="text-align: justify; "><strong>കുറിപ്പ് 1</strong><span>: രക്ഷകര്ത്താവ് (അല്ലെങ്കില് വിവാഹം കഴിഞ്ഞ വിദ്യാര്ഥി ആണെങ്കില് ഭര്ത്താവ് ) ജീവിച്ചിരിക്കുന്ന ആളാണെങ്കില്, രക്ഷകര്ത്താവിന്റെ / ഭര്ത്താവിന്റെ വരുമാനം, അവസരോചിതമായി, മൊത്ത വരുമാനം കണക്കാക്കി കുടുംബത്തിലെ മറ്റ് അംഗങ്ങള്ക്കും വരുമാനം ഇല്ലാതെയിരിക്കുകയും വേണം. വരുമാനം കാണിക്കുന്ന ഒരു പ്രത്യേക ഫോറത്തില്, വരുമാനതെക്കുറിച്ചു പ്രസ്താവന നല്കുകയും വേണം. മേല്പ്പറഞ്ഞ രണ്ടു രക്ഷകര്ത്താക്കളും ( വിവാഹിതയും തൊഴിലില്ലാത്ത പെണ്കുട്ടി ആണെങ്കില് ) മരണപ്പെട്ട സ്ഥിതിയാണെങ്കില്, രക്ഷകര്ത്താവിന്റെ വരുമാനത്തിനനുസരിച്ച് വിദ്യാര്ഥിക്ക് പഠനത്തന് ആവശ്യമായ സഹായങ്ങള് നല്കുന്നതിന് അവനെ / അവളെ പരിഗണിക്കുന്നു. കുടുംബത്തിന്റെ വരുമാനമായിരുന്ന രക്ഷകര്ത്താവിനു അപ്രതീക്ഷിതമായുണ്ടാകുന്ന മരണം മൂലം അനാഥരായ കുട്ടികളും ഈ സ്കോളര്ഷിപ്പ് പദ്ധതിയുടെ പരിധിയില് പെടുന്നു, സ്കോളര്ഷിപ്പിന് യോഗ്യത നേടുകയാണെങ്കില് , അപകടം സംഭവിച്ച മാസം മുതലുള്ള ചില വ്യവസ്ഥകള് പാലിക്കേണ്ടതുണ്ട്. ഇങ്ങനെയുള്ള വിദ്യാര്ഥികളുടെ സ്കോളര്ഷിപ്പിന് ഉള്ള അപേക്ഷ അത് സ്വീകരിക്കുന്നതിനുള്ള അവസാന തീയതി കഴിഞ്ഞാല് പോലും അനുകമ്പ ആസ്പദമാക്കി പരിഗണിക്കാവുന്നതാണ്.</span></p> <p style="text-align: justify; "><strong>കുറിപ്പ് 2</strong>: വീട്ടു വാടക അലവന്സ് കൈപ്പറ്റുന്ന രക്ഷാകര്ത്താക്കളുടെ കുട്ടികളെ, അവര് വരുമാന നികുതിയില് നിന്നും ഒഴിവായിട്ടുണ്ടെങ്കില് വീടിന്റെ വരുമാനം കണക്കാക്കുന്നതില് നിന്നും അവരെ ഒഴിവാക്കുന്നു.</p> <p style="text-align: justify; "><strong>കുറിപ്പ് 3</strong>: ഒരു വര്ഷത്തില് കൂടുതല് തുടര്ന്നു കൊണ്ടിരിക്കുന്ന ഒരു കോഴ്സിനു വരുമാന സര്ട്ടിഫിക്കറ്റ് ഒരു തവണ മാത്രം എടുക്കേണ്ട ആവശ്യമേയുള്ളൂ.</p> <h3 style="text-align: justify; "><strong>ഉപരി പഠന കോഴ്സുകളും അവയുടെ ദൈര്ഘ്യവും</strong></h3> <p style="text-align: justify; ">വീടുകളില് താമസിച്ച് പഠിക്കുന്ന വിദ്യാര്ഥികളുടെ കാര്യത്തില് ഒന്നാം ക്ലാസ് അല്ലെങ്കില് അതിനു ശേഷമുല്ലതോ ആയ ക്ലാസ്സ് മുതലുള്ള വിദ്യാര്ഥികള്ക്കാണ് സ്കോളര്ഷിപ്പ് നല്കുന്നത്, ഹോസ്റ്റലില് താമസിച്ച് പഠിക്കുന്ന വിദ്യാര്ഥികള് ആണെങ്കില് മൂന്നാം ക്ലാസ്സോ അതിനു ശേഷമോ ആണ് സ്കോളര്ഷിപ്പ് നല്കുന്നത്. പത്താം ക്ലാസ്സിനു ശേഷം സ്കോളര്ഷിപ്പ് നിര്ത്തുന്നു. ഉന്നത വിദ്യാഭ്യാസത്തിനുള്ള സ്കോളര്ഷിപ്പ് കാലദൈര്ഘ്യം 10 മാസമായിരിക്കും.</p> <h3 style="text-align: justify; "><strong>പഠനത്തിനുള്ള സ്ഥാപനം</strong></h3> <p style="text-align: justify; ">സംസ്ഥാന സര്ക്കാരിന്റെയോ കേന്ദ്രഭരണ സര്ക്കാരിന്റെയോ ഉചിതമായ അഗീകാരമുള്ള സ്ഥാപനങ്ങള്ക്കും സര്വ്വകലാശാല വിദ്യാഭ്യാസത്തിനു മുമ്പുള്ള കോഴ്സുകള്ക്കുമാണ് സ്കോളര്ഷിപ്പ് നല്കുന്നത്.</p> <h3 style="text-align: justify; "><strong>സ്കോളര്ഷിപ്പിന് ഉള്ക്കൊള്ളിച്ച മൂല്യവും ഇതിനു വേണ്ടി പ്രത്യേകമായുള്ള വേതനവും</strong></h3> <p style="text-align: justify; "><strong>I. ഹോസ്റ്റലുകളില് താമസിക്കുന്നവര് :</strong></p> <p style="text-align: justify; ">III മുതല് X വരെ ക്ലാസ്സുകളിലുള്ള കുട്ടികള്ക്കാണ് ഹോസ്റ്റല് സൗകര്യം നല്കുന്നത്. സ്കോളര്ഷിപ്പ് നിരക്ക് താഴെപ്പറയുന്നു :-</p> <p style="text-align: justify; ">III മുതല് VIII വരെയുള്ള ക്ലാസ്സുകള്ക്ക് 10 മാസം വരെയും ഒരു മാസത്തേക്ക്. 200/- രൂപ</p> <p style="text-align: justify; ">IX മുതല് X വരെയുള്ള ക്ലാസ്സുകള്ക്ക് 10 മാസം വരെയും ഒരു മാസത്തേക്ക് 250/- രൂപ</p> <p style="text-align: justify; "><strong>II. വീടുകളില് താമസിച്ച് പഠിക്കുന്നവര് </strong></p> <p style="text-align: justify; ">വീടുകളില് താമസിച്ച് പഠിക്കുന്ന കുട്ടികളില് I മുതല് X വരെയുള്ള ക്ലാസ്സുകളില് പഠിക്കുന്ന കുട്ടികളെയാണ് സ്കോളര്ഷിപ്പില് ഉള്പ്പെടുത്തിയിരിക്കുന്നത്. സ്കോളര്ഷിപ്പ് നിരക്ക് താഴെ കൊടുത്തിരിക്കുന്നു :-</p> <p style="text-align: justify; ">I മുതല് V വരെയുള്ള ക്ലാസ്സുകളില് പഠിക്കുന്ന കുട്ടികള്ക്ക് ഒരു മാസം 25/- രൂപ വച്ച് 10 മാസം നല്കുന്നു.</p> <p style="text-align: justify; ">VI മുതല് VIII വരെയുള്ള ക്ലാസ്സുകളില് പഠിക്കുന്ന കുട്ടികള്ക്ക് ഒരു മാസം 40/- രൂപ വച്ച് 10 മാസം നല്കുന്നു.</p> <p style="text-align: justify; ">IX മുതല് X വരെയുള്ള ക്ലാസ്സുകളില് പഠിക്കുന്ന കുട്ടികള്ക്ക് ഒരു മാസം 50/- രൂപ വച്ച് 10 മാസം നല്കുന്നു.</p> <p style="text-align: justify; "><strong>III. ഒരു പ്രത്യേക കാര്യത്തിനായി കൊടുക്കുന്ന വേതനം </strong></p> <p style="text-align: justify; ">ഏതെങ്കിലുംപ്രത്യേക കാര്യങ്ങള്ക്കായി നല്കുന്ന സ്കോളര്ഷിപ്പ് ഓരോ വര്ഷവും ഒരു കുട്ടിക്ക് 500/- രൂപ വച്ച് എല്ലാ കുട്ടികള്ക്കും നല്കാം അതായത് ഹോസ്റ്റലുകളില് താമസിക്കുന്നവര്ക്കും വീടുകളില് താമസിച്ച് പഠിക്കുന്നവര്ക്കും ഒരുപോലെ നല്കാവുന്നതാണ്.</p> <p style="text-align: justify; "><strong>IV.</strong> സ്കൂളില് ചേരുന്ന തീയതി മുതല് സ്കൂളില് നിന്നും പോകുന്ന തീയതി വരെയുള്ള ദിവസങ്ങള് കണക്കാക്കി അവധിക്കാലം ഒഴികെയുള്ള സ്കോളര്ഷിപ്പ് നല്കാം, ഒരു അദ്ധ്യയന വര്ഷത്തിനിടയില് ഒരു കുട്ടി സ്കൂളില് വന്നു ചേരുന്നത് താമസിച്ചോ നേരത്തെയോ ആകുന്ന കാര്യങ്ങളോഴികെ ഇത് ഒരു വര്ഷത്തില് ഏകദേശം 10 മാസങ്ങള് ആയിട്ടാണ് കണക്കാക്കുന്നത്.</p> <h3 style="text-align: justify; "><strong>ഭരണാധികാരി</strong></h3> <p style="text-align: justify; ">സംസ്ഥാന സര്ക്കാരിന്റെയോ കേന്ദ്ര ഭരണ പ്രദേശങ്ങളുടെയോ നിയമ ഗതികള്ക്കനുസരിച്ചാണ് സ്കോളര്ഷിപ്പ് പദ്ധതികള് നടപ്പാക്കുന്നത്.</p> <h3 style="text-align: justify; "><strong>തെരഞ്ഞെടുക്കല്</strong></h3> <p style="text-align: justify; ">ബന്ധപ്പെട്ട സംസ്ഥാന സര്ക്കാരും കേന്ദ്രഭരണ പ്രദേശങ്ങളുടെ അധികാരികളും ചേര്ന്നുള്ള വിശദമായ നടപടി ക്രമങ്ങളിലൂടെയാണ് വിദ്യാര്ഥികളെ തെരഞ്ഞെടുക്കുന്നത്.</p> <h3 style="text-align: justify; "><strong>സ്കോളര്ഷിപ്പ് നല്കുന്നതിനുള്ള മറ്റു വ്യവസ്ഥകള്</strong></h3> <ol style="text-align: justify; "> <li> i. സ്കോളര്ഷിപ്പ് വാങ്ങുന്ന കാലത്ത് കുട്ടികള് മറ്റ് തൊഴിലുകളില് ഏര്പ്പെടാനോ അവരുടെ രക്ഷിതാക്കളുടെ ജോലികളില് സഹായിക്കാനോ അനുവദിക്കുന്നതല്ല. </li> <li> ii. ഓരോ വര്ഷങ്ങളിലും ഉയര്ന്ന ക്ലാസ്സുകളിലേക്കുള്ള സ്ഥാന കയറ്റം ലഭിക്കുന്നതില് തോല്വി സംഭവിക്കുകയാനെന്കില് സ്കോളര്ഷിപ്പ് നിര്ത്തലാക്കുന്നതായിരിക്കും. ഒഴിവാക്കാന് കഴിയാത്ത സാഹചര്യങ്ങള് ആണെങ്കില് സ്കോളര്ഷിപ്പ് പദ്ധതിയില് പറഞ്ഞിട്ടുള്ള യോഗ്യരായ അധികാരികളില് നിന്നുള്ള പ്രമാണപത്രം ഹാജരാക്കിയാല് മതിയാകും.</li> </ol> <p style="text-align: justify; "><span>iii. ഏതെങ്കിലും ഒരു വിദ്യാര്ഥി സ്കൂളില് അച്ചടക്ക ലംഘനം നടത്തുകയോ സ്കോളര്ഷിപ്പിന്റെ നിബന്ധനകളോ വ്യവസ്ഥകളോ ലംഘിക്കുകയോ ചെയ്താല്, സ്കൂള് അധികാരികളുടെ ഇച്ഛാനുസരണം സ്കോളര്ഷിപ്പ് താത്ക്കാലികമായി നിര്ത്തി വയ്ക്കുകയോ ഒപ്പം തന്നെ റദ്ദാക്കുകയോ ചെയ്യാവുന്നതാണ്. സ്കോളര്ഷിപ്പ് പദ്ധതിയുടെ ചട്ടം ലംഘിച്ചാല് അധികാരികളുടെ താത്പര്യത്തിനനുസരിച്ച് മതിയായ കാരണം കാണിച്ചാല് സംസ്ഥാന സര്ക്കാര് / കേന്ദ്രഭരണപ്രദേശ അധികാരികള്ക്കോ നേരിട്ട് സ്കോളര്ഷിപ്പ്റദ്ദു ചെയ്യാവുന്നതാണ്.</span></p> <ol style="text-align: justify; "> <li> iv. ഒരു വിദ്യാര്ഥിയുടെ പ്രത്യേക സാഹചര്യമോ അല്ലെങ്കില് പഠന സംബന്ധിയായ ഏതെങ്കിലും കാരണങ്ങള് ഒഴികെ ഒരു സ്ഥാപനത്തില് നിന്നും മറ്റൊരു സ്ഥാപനത്തിലേക്ക് മാറാന് ഒരു കോഴ്സ് പൂര്ത്തീകരിക്കുന്നതിന് മുന്പ് സാധാരണ ഗതിയില് അനുവദിക്കുന്നതല്ല.</li> <li> v. ഈ പദ്ധതിയിലൂടെ ആനുകൂല്യം ലഭിക്കുന്ന ഒരു വിദ്യാര്ഥിക്ക് മറ്റു സ്കോളര്ഷിപ്പ് പദ്ധതികളില് നിന്നും ആനുകൂല്യങ്ങള് ലഭിക്കാന് അനുവദിക്കുന്നതല്ല. </li> <li> vi. സ്കൂളിലെ ഹാജര് നിലയില് അധികാരികള് തീരുമാനിക്കുന്ന മാനദണ്ടത്തില് വിദ്യാര്ത്ഥികള് ക്രമമായി ക്ലാസ്സില് ഹാജരായിരിക്കണം. </li> </ol> <h3 style="text-align: justify; "><strong>സ്കോളര്ഷിപ്പ് പുതുക്കല്</strong></h3> <p style="text-align: justify; ">ഒരിക്കല് സ്കോളര്ഷിപ്പ് ലഭിച്ച വിദ്യാര്ഥിക്ക്, ഓരോ അധ്യയന വര്ഷവും ബന്ധപ്പെട്ട സംസ്ഥാന സര്ക്കാര് / കേന്ദ്രഭരണ പ്രദേശ ഭരണകൂടം പുതുക്കി നല്കുന്നതാണ്. അല്ലാതിരുന്നാല് സ്കൂള് അധികാരികള് സംസ്ഥാന സര്ക്കാര് / കേന്ദ്രഭരണ പ്രദേശ ഭരണകൂടത്തോട് പദ്ധതിയുടെ നിയമങ്ങള്ക്കനുസരിച്ച് ആനുകൂല്യം നിര്ത്തലാക്കാന് ആവശ്യമായ നടപടികള് എടുക്കാന് നിര്ദ്ദേശം നല്കും.</p> <h3 style="text-align: justify; "><strong>പദ്ധതി പ്രഖ്യാപിക്കല് </strong></h3> <p style="text-align: justify; ">ബന്ധപ്പെട്ട സംസ്ഥാന സര്ക്കാര് / കേന്ദ്രഭരണപ്രദേശ ഭരണാധികാരികള് കൂടുതല് പ്രചാരമുള്ള പത്രങ്ങളിലൂടെയോ പ്രാദേശിക ദിനപ്പത്രങ്ങളിലൂടെയോ അനുയോജ്യമായ മാധ്യമാങ്ങളിലൂടെയോ പരസ്യങ്ങള് നല്കിയാണ് പദ്ധതിയെക്കുറിച്ചുള്ള പ്രഖ്യാപനം നടത്തുന്നത്.</p> <h3 style="text-align: justify; "><strong>അപേക്ഷ നല്കുന്ന രീതി </strong></h3> <p style="text-align: justify; ">സംസ്ഥാന സര്ക്കാരിന്റെയോ കേന്ദ്രഭരണ പ്രദേശഭരണ സമിതികളുടെയോ ബന്ധപ്പെട്ട വകുപ്പാണ് ഫോമുകള് വിതരണം ചെയ്യുന്നത്. പൂരിപ്പിച്ച അപേക്ഷകള് നിര്ദ്ദേശിച്ചിട്ടുള സര്ട്ടിഫിക്കറ്റുകള് സഹിതം അവസാന തീയതിക്കകം ബന്ധപ്പെട്ട വകുപ്പുകള് തിരികെ സ്വീകരിക്കുന്നതാണ്.</p> <h3 style="text-align: justify; "><strong>സാമ്പത്തിക സഹായം നല്കുന്ന രീതി</strong></h3> <p style="text-align: justify; ">50% കേന്ദ്രത്തില് നിന്നുള്ള സഹായം സംസ്ഥാന സര്ക്കാരിനു നല്കും. സംസ്ഥാന സര്ക്കാരോ കേന്ദ്രഭരണ പ്രദേശ ഭരണ സമിതിയോ തെരഞ്ഞെടുക്കുന്ന വിദ്യാര്ഥികള്ക്ക് സ്കോളര്ഷിപ്പ് തുക നല്കും, അവര് പറയുന്ന നിയമാവലിയില് ഉള്പ്പെടുന്ന വിദ്യാര്ഥികളെയാണ് ഇതിനായി തെരഞ്ഞെടുക്കുന്നത്. ബാക്കി 50% സംസ്ഥാന സര്ക്കാര് വഹിക്കും. ഈ പദ്ധതിയില് കേന്ദ്രത്തില് നിന്നും സഹായമായി ലഭിക്കുന്ന വിഹിതത്തിന്റെ ഏകദേശ രൂപം അപേക്ഷ അയയ്ക്കുന്ന സമയത്ത് സംസ്ഥാന സര്ക്കാര് അറിയിക്കേണ്ടതാണ്. കേന്ദ്രഭരണ പ്രദേശങ്ങളുടെ കാര്യത്തില് 100% കേന്ദ്ര സഹായം നല്കും.</p> <h3 style="text-align: justify; "><span><strong>നേതൃത്വം നല്കല് </strong></span></h3> <p style="text-align: justify; ">ഈ പദ്ധതിയുടെ സാമ്പത്തികവും ഭൗതികവുമായ നേതൃത്വ നിര്വ്വഹണം നടത്തുന്നത് പദ്ധതി നടപ്പാക്കുന്ന ഏജന്സിയില് നിന്നും ലഭിക്കുന്ന വിശദമായ അറിയിപ്പുകള് അനുസരിച്ചാണ്. ഭൗതികമായ കാഴ്ചപ്പാട് അനുസരിച്ച് ഏജന്സികള് നടപ്പാക്കുന്ന പദ്ധതികളുടെ പുരോഗതിയെ കുറിച്ചും ഈ ആനുകൂല്യം ലഭിക്കുന്നവരുടെ എണ്ണത്തെ കുറിച്ചും അവര് ആണ്കുട്ടികളാണോ പെണ്കുട്ടികളാണോ എന്നും ഏതു ക്ലാസ്സില് പഠിക്കുന്നവരാണെന്നും ഉള്ള ഒരു റിപ്പോര്ട്ട് ആറു മാസങ്ങള് കൂടമ്പോള് സമര്പ്പിക്കേണ്ടതാണ്. സാമ്പത്തിക വര്ഷമാകുമ്പോള് അതാത് വര്ഷത്തെ വരവ് ചെലവ് കണക്കുകള് ബന്ധപ്പെട്ട ഏജന്സികളുടെ മുമ്പാകെ സമര്പ്പിക്കും. ഏജന്സികള് നടപ്പാക്കിയ പദ്ധതികളെ കുറിച്ചുള്ള വിവരങ്ങള് അതത് വര്ഷങ്ങളില് നിര്ബന്ധമായും കണക്കെടുപ്പിനു വിധേയമാക്കണം.</p> <h3 style="text-align: justify; "><strong>വിലയിരുത്തല്</strong></h3> <p style="text-align: justify; ">സംസ്ഥാന മന്തിസഭയിലെ നീതിന്യായ വകുപ്പിനെയാണ് ഓരോ ഏജന്സിയെ / സ്ഥാപനത്തെ കുറിച്ച് വിലയിരുത്തിയ ശേഷം ചുമതല ഏല്പ്പിക്കാനുള്ള ഉത്തരവാദിത്തം നല്കിയിരിക്കുന്നത്, രാജ്യത്തിന്റെ വിവിധ ഭാഗങ്ങളിലെ ഈ പദ്ധതിയുടെ നടത്തിപ്പിനെ ആസ്പദമാക്കിയാണ് വിലയിരുത്തല് നടത്തുന്നത്, ഈ പദ്ധതിയെ കുറിച്ചുള്ള ഗവേഷണങ്ങളും പരിശീലനങ്ങളും ഈ മന്ത്രിസഭയുടെ ശുപാര്ശ പ്രകാരമാണ് നടത്തുന്നത്.</p> </div>