<div id="MiddleColumn_internal"> <p style="text-align: justify; "><strong>ഗാര്ഹിക അക്രമം</strong></p> <h3 style="text-align: justify; "><strong>നിയമ സംഗ്രഹം</strong></h3> <p style="text-align: justify; ">ഇന്ഡ്യന് ശിക്ഷാ നിയമത്തില് ലഭ്യമാക്കിയിട്ടുള്ള ക്രിമിനല് നിയമ പരിഹാരങ്ങളെല്ലാം തന്നെ കുറ്റം ചെയ്തതിന് ശേഷം മാത്രം നടപ്പിലാക്കാന് കഴിയുന്നതാണ്. ഗാര്ഹിക അക്രമത്തിന്മേലുള്ള പുതിയ നിയമത്തിന്റെ പേരാണ് ഗാര്ഹിക അക്രമത്തില് നിന്നും സംരക്ഷിക്കല് നിയമം 2005. ഈ നിയമം ലഭ്യമാക്കിയിരിക്കുന്നത്, പൊതു നിയമപരിഹാരങ്ങള് മുന്കരുതല് രൂപത്തിലും ഇടക്കാല സഹായവുമായി, ഗാര്ഹിക അക്രമത്തിലൂടെ സ്ത്രീകളെ ഉപദ്രവിക്കുന്നുണ്ടോയെന്ന് പരിശോധിക്കുകയാണ്.</p> <p style="text-align: justify; "><strong>നിയമത്തിന്റെ വ്യാപ്തി</strong></p> <p style="text-align: justify; ">ഈ നിയമ പ്രകാരം പീഡിപ്പിക്കപ്പെട്ട വ്യക്തിയെന്നത് കൊണ്ട് ഉദ്ദേശിക്കുന്നത് കുറ്റാരോപിതന്റെ ഭാര്യയെന്നാണ്, കൂടാതെ ലൈംഗിക പങ്കാളിയായ സ്ത്രീ, അവര് നിയമപരമായ ഭാര്യയാണെങ്കിലും അല്ലെങ്കിലും ഇതില് ഉള്പ്പെടുന്നു. മകള്, അമ്മ, സഹോദരി, കുട്ടി, പുരുഷ പ്രതിയുടെ വിധവയായ ബന്ധുവും ഈ നിയമ പ്രകാരം സംരക്ഷിക്കപ്പെട്ടിരിക്കുന്നു.</p> <p style="text-align: justify; ">കോടതിക്ക് കുറ്റാരോപിതന് കുറ്റം ചെയ്തുവെന്ന് തീരുമാനിക്കുവാന് കോടതിക്ക് സങ്കടക്കാരി നല്കുന്ന തെളിവ് ധാരാളമാണ്. ഈ കുറ്റം നേരിട്ടെടുക്കാവുന്നതും ജാമ്യം ലഭിക്കാത്തതും ആകുന്നു.</p> <h3 style="text-align: justify; "><strong>സങ്കടക്കാരിക്ക് ലഭ്യമായ ആശ്വാസങ്ങള് </strong></h3> <p style="text-align: justify; ">a) അവളുടെ ഭര്ത്താവിന്റെ വീട്ടില് താമസിക്കാവുന്നതും ഭര്ത്താവ് ഇറക്കിവിടാന് പാടില്ലാത്തതുമാകുന്നു.</p> <p style="text-align: justify; ">b) നിയമപരമായ അവകാശമോ, വസ്തുവകകളില് വിഹിതമോ ഇല്ലെങ്കിലും അവള്ക്ക് വീടിന്റെ ഒരു ഭാഗം നല്കുവാന് കോടതിക്ക് ആജ്ഞാപിക്കാവുന്നതാണ്.</p> <p style="text-align: justify; ">c) പ്രതിക്ക് സങ്കടക്കാരിയെ കുടിയിറക്കുന്നതിനോ, അവളുടെ അധീനതയെ ശല്യപ്പെടുത്തുന്നതിനോ, അവളുടെ ജോലി സ്ഥലത്ത് പ്രവേശിക്കുന്നതിനോ പാടില്ല.</p> <p style="text-align: justify; ">d) സങ്കടക്കാരിയുമായി നേരിട്ടോ, ഫോണിലൂടെയോ, കത്ത് മുഖേനയോ, ഇലക്ട്രോണിക് മാര്ഗ്ഗത്തിലൂടെയോ അയാള് ആശയ വിനിമയം നടത്തുന്നത് വിലക്കപ്പെട്ടിരിക്കുന്നു.</p> <p style="text-align: justify; ">e) ഗാര്ഹിക അക്രമം മൂലം നഷ്ടങ്ങള്കൊണ്ട് വലഞ്ഞതിന്, മാസം തോറും ജീവനാംശവും മറ്റ് ചിലവുകളും സങ്കടക്കാരിക്ക് കൊടുക്കുവാന് അയാളോട് ആവശ്യപ്പെടാവുന്നതാണ്.</p> <p style="text-align: justify; ">f) സങ്കടക്കാരിയായ ആള്ക്കുണ്ടായ മാനസിക പീഡനത്തിനും വൈഷമ്യത്തിനും ഉള്പ്പെടെയുള്ള ഹാനികള്ക്ക് നഷ്ടപരിഹാരവും നല്കുന്നതിന് ബാദ്ധ്യസ്ഥനാക്കാവുന്നതാണ്.</p> <p style="text-align: justify; ">g) ഈ കുറ്റത്തിന് ഒരു വര്ഷം വരെ തടവ് ശിക്ഷയോ 20,000 രൂപ വരെ പിഴ ശിക്ഷയോ അല്ലെങ്കില് രണ്ടും കൂടിയോ നടപ്പാക്കാവുന്നതാണ്.</p> <p style="text-align: justify; ">ജില്ലയിലെ ഗാര്ഹിക അക്രമത്തിന്റെ ഇരകള്ക്ക് നേര്വഴികാണിക്കുന്നതിനും സഹായിക്കുന്നതിനും വേണ്ടി ജില്ലകളില് ഈ നിയമത്തിന്റെ അടിസ്ഥാനത്തില് സംരക്ഷണ ഉദ്യോഗസ്ഥന്മാരെ നിയമിക്കാവുന്നതാണ്.</p> <p style="text-align: justify; "><strong>പരിഹാര നടപടി</strong></p> <p style="text-align: justify; ">ഏത് വകുപ്പ് പ്രകാരം പരാതി സമര്പ്പിക്കാം ?</p> <p style="text-align: justify; ">ഗാര്ഹിക അക്രമത്തില് നിന്നും സ്ത്രീകളെ സംരക്ഷിക്കല് നിയമം 2005 ലെ വകുപ്പ് 9-ഉം 14-ഉം അനുസരിച്ച് പരാതി സമര്പ്പിക്കാം.</p> <p style="text-align: justify; ">എവിടെ/ആര്ക്ക് പരാതിപ്പെടണം ?</p> <ol style="text-align: justify; "> <li>സങ്കടക്കാരിക്കോ അല്ലെങ്കില് അവളുടെ നന്മയ്ക്ക് വേണ്ടി വേറെ ആര്ക്കെങ്കിലുമോ അപേക്ഷ ബന്ധപ്പെട്ട മജിസ്ട്രേറ്റിന് വകുപ്പ് 9 പ്രകാരവും സഹായം ആവശ്യപ്പെട്ടുകൊണ്ട് വകുപ്പ് 14 അനുസരിച്ചും പരാതി സമര്പ്പിക്കാം.</li> </ol> <h3 style="text-align: justify; "><strong>എങ്ങനെയാണ് കേസ് ഫയല് ചെയ്യേണ്ടത് ?</strong></h3> <ol style="text-align: justify; "> <li>കേസ് ഫയല് ചെയ്ത് 3 ദിവസത്തിനകം കോടതി നടപടിക്രമങ്ങല് ആരംഭിക്കുകയും ന്യായവിചാരണ നടത്തുകയും വേണം.</li> <li>മജിസ്ട്രേറ്റ് ന്യായവിചാരണ തീരുമാനിച്ചിട്ടുള്ള തീയതിയുടെ അറിയിപ്പ് പ്രതിക്ക് കൊടുത്തിരിക്കണം.</li> <li>നടപടിക്രമങ്ങളുടെ ഏതെങ്കിലും ഘട്ടത്തില് കക്ഷികളെ മജിസ്ട്രേറ്റ് നിര്ബന്ധിത ഗുണദോഷത്തിന് വിധേയരാകാന് നിയോഗിക്കണം.</li> <li>രണ്ടു കക്ഷികളുടെയും വിചാരണയ്ക്ക് ശേഷം മജിസ്ട്രേറ്റ് ആവശ്യമായ ആജ്ഞകള് പ്രതിക്ക് നല്കികൊണ്ടുള്ള സംരക്ഷണ ഉത്തരവ് തയ്യാറാക്കേണ്ടതാണ്.</li> <li>നടപടിക്രമങ്ങളുടെ ഭാഗമായി മജിസ്ട്രേറ്റ് ഗാര്ഹിക അക്രമ പ്രവര്ത്തനങ്ങളില് ഏര്പ്പെടുന്നതില് നിന്നും പ്രതിയെ വിലക്കികൊണ്ടുള്ള ഒരു ഇടക്കാല സംരക്ഷണ ഉത്തരവ് പുറപ്പെടുവിക്കേണ്ടതോ (അഥവാ) ഗാര്ഹിക സമാധാനം നിലനിര്ത്തുന്നതിന് ഉടന്പടി നടപ്പാക്കേണ്ടതോ ആണ്.</li> <li>സംരക്ഷണ ഉത്തരവിന് 2 വര്ഷം വരെ പ്രാബല്യം ഉണ്ടായിരിക്കും.</li> <li>ആദ്യ വിചാരണ കഴിഞ്ഞ് 60 ദിവസത്തിനകം ഏല്ലാ കേസും തീര്പ്പാക്കിയിരിക്കണം.</li> </ol> <p style="text-align: justify; ">അടുത്ത് എന്ത് ?</p> <ol style="text-align: justify; "> <li>ഉത്തരവ് കൈപ്പറ്റി 30 ദിവസത്തിനകം സെഷന്സ് കോടതിയില് നിവേദനം നല്കാവുന്നതാണ്.</li> <li>സെഷന്സ് കോടതി ഉത്തരവിനെതിരെ ഹൈക്കോടതിയില് നിവേദനം നല്കാവുന്നതാണ്.</li> <li>ഹൈക്കോടതി വിധിക്കെതിരെ സുപ്രീം കോടതിയില് നിവേദനം നല്കാവുന്നതാണ്.</li> </ol> <p style="text-align: justify; "><strong>മറ്റു പരിഹാര നടപടികള്</strong></p> <p style="text-align: justify; "><strong> </strong></p> <ol style="text-align: justify; "> <li>മജിസ്ട്രേറ്റിന് ഒരു അപേക്ഷ കൊടുക്കുന്നതിന് മുന്പ് ആര്ക്കും ജില്ലയിലെ സംരക്ഷണ ഉദ്യോഗസ്ഥന് ഗാര്ഹിക അക്രമ പ്രവര്ത്തി സംഭവിച്ചതിനെ കുറിച്ച് മുന്നറിയിപ്പ് നല്കാവുന്നതാണ്.</li> <li>നടന്ന കാര്യങ്ങളെ കുറിച്ച് സംരക്ഷണ ഉദ്യോഗസ്ഥന് അന്വേഷണം നടത്തേണ്ടതും അത് പോലെ തന്നെ </li> </ol> <p style="text-align: justify; ">a. പീഡിപ്പിക്കപ്പെട്ട വ്യക്തി മജിസ്ട്രേറ്റിന് അപേക്ഷ കൊടുക്കുന്നതിന് ആവശ്യപ്പെടാം</p> <p style="text-align: justify; ">b. നിയമ, വൈദ്യ, സാന്പത്തിക സഹായങ്ങള്ക്ക് ജില്ലയിലെ ഏതെങ്കിലും സന്നദ്ധ സംഘടനകളെ സമീപിക്കുന്നതിനും</p> <p style="text-align: justify; ">c. നിയമ സഹായത്തിന് നിയമ സേവന അധികാരികളെ സമീപിക്കുന്നതിനും</p> <p style="text-align: justify; ">d. വിവാദ വിഷയം അനുകൂലമായി ധാരണയിലെത്തിക്കിന്നതിനും പരിശ്രമിക്കുക.</p> </div>