<div id="MiddleColumn_internal"> <p style="text-align: justify; "><span style="text-align: left; float: none; ">ശരീരമാസകലം വേദനയ്ക്ക് കാരണമാകുന്നതും ദീർഘകാലം നിലനിൽക്കുന്നതുമായ ഒരു തകരാറാണ്<span> </span></span><span style="text-align: left; ">ഫൈബ്രോമയാൾജിയ</span><span style="text-align: left; float: none; ">.<span> </span></span><i style="text-align: left; ">ഫൈബ്രോമയാൾജിയ സിൻഡ്രോം (എഫ്എംഎസ്</i><span style="text-align: left; float: none; ">) എന്നും ഇത് അറിയപ്പെടുന്നു. മസിലുകൾക്കും അസ്ഥികൾക്കുമുള്ള വേദന, ക്ഷീണം, ഉറക്ക തകരാറുകൾ, മാനസികനിലയിൽ പെട്ടെന്നുണ്ടാകുന്ന മാറ്റങ്ങൾ തുടങ്ങിയവ ഇതിന്റെ ലക്ഷണങ്ങളാണ്. സ്ത്രീകളിലാണ് ഇത് കൂടുതലായും കാണപ്പെടുന്നത്.</span></p> <h3 style="text-align: justify; "><b>കാരണങ്ങൾ <br /></b></h3> <p style="text-align: justify; "><b>ഈ തകരാറിന്റെ കൃത്യമായ കാരണം വ്യക്തമല്ല. എന്നാൽ, ഇനി പറയുന്ന ഘടകങ്ങൾ കാരണമായേക്കാം;</b></p> <ul style="text-align: justify; "> <li><b>ജീനുകൾ</b>: കുടുംബപരമായി കൈമാറ്റം ചെയ്യപ്പെടാം</li> <li><b>അണുബാധകൾ</b>: ചില അണുബാധകൾ ഫൈബ്രോമയാൾജിയയ്ക്ക് പ്രേരകമാവാം.</li> <li><b>ശാരീരികമോ മാനസികമോ ആയ ആഘാതം</b>: ശാരീരികമോ മാനസികമോ ആയ പിരിമുറുക്കം ഈ അവസ്ഥയ്ക്ക് പ്രേരകമായേക്കാം.</li> </ul> <h3 style="text-align: justify; "><b>അപകടസാധ്യതാ ഘടകങ്ങൾ <br /></b></h3> <p style="text-align: justify; "><b>അപകടസാധ്യതാ ഘടകങ്ങളിൽ ഇനി പറയുന്നവയും ഉൾപ്പെടുന്നു;</b></p> <ul style="text-align: justify; "> <li><b>ലിംഗം<span> </span></b>: സ്ത്രീകളിലാണ് കൂടുതൽ സാധാരണം</li> <li><b>കുടുംബ ചരിത്രം</b>: രക്തബന്ധമുള്ള ആർക്കെങ്കിലും ഫൈബ്രോമയാൾജിയ ഉണ്ടെങ്കിൽ</li> <li><b>മറ്റു തകരാറുകൾ</b>: നിങ്ങൾക്ക് ഓസ്റ്റിയോ ആർത്രൈറ്റിസ് അല്ലെങ്കിൽ റുമാറ്റോയിഡ് ആർത്രൈറ്റിസ് ഉണ്ടെങ്കിൽ</li> </ul> <h3 style="text-align: justify; "><b>ലക്ഷണങ്ങൾ <br /></b></h3> <p style="text-align: justify; "><b>ലക്ഷണങ്ങളിൽ ഇനി പറയുന്നവയും ഉൾപ്പെടുന്നു;</b></p> <ul style="text-align: justify; "> <li><b>വേദന:<span> </span></b>കുറഞ്ഞത് മൂന്ന് മാസത്തോളം അസ്വസ്ഥതയുളവാക്കുന്ന രീതിയിൽ മസിലിനു വേദനയുണ്ടാവുക. ചില ഭാഗങ്ങളിൽ സ്പർശിക്കുമ്പോഴായിരിക്കും വേദന, ‘<i>ട്രിഗർ പോയന്റുകൾ</i>’ എന്നാണ് ഈ ഭാഗങ്ങളെ വിളിക്കുന്നത്.</li> <li><b>ക്ഷീണം:<span> </span></b>നല്ല ഉറക്കം ലഭിച്ചാൽ പോലും ഫൈബ്രോമയാൾജിയ ഉള്ളവർക്ക് ക്ഷീണം അനുഭവപ്പെടാം.<span> </span><i>സ്ളീപ് ആപ്നിയ</i><span> </span>(ഉറക്കത്തിൽ ശ്വാസതടസ്സമുണ്ടാവുക) പോലെയുള്ള ഉറക്ക തകരാറുകളും ഇവർക്കുണ്ടാകാം.</li> <li><b>അവബോധപരമായ പ്രശ്നങ്ങൾ</b>: മാനസിക പ്രയത്നം ആവശ്യമായിവരുന്ന ജോലികളിൽ ശ്രദ്ധിക്കുന്നതിനു പ്രയാസം നേരിടുക.</li> </ul> <h3 style="text-align: justify; "><b>രോഗനിർണയം <br /></b></h3> <p style="text-align: justify; ">അടിസ്ഥാനപരമായ മറ്റു കാരണങ്ങൾ ഇല്ലാതെ ഒരു വ്യക്തിക്ക് മൂന്ന് മാസത്തിലേറെയായി ശരീരമാസകലം വേദനയുണ്ടെങ്കിൽ, അത്<span> </span><i>ഫൈബ്രോമയാൾജിയ</i><span> </span>ആണെന്ന് ഡോക്ടർക്ക് നിശ്ചയിക്കാനാവും. മുൻകാലങ്ങളിൽ, വേദനയുള്ള എത്ര<i><span> </span>ട്രിഗർ പോയന്റുകൾ</i><span> </span>ഉണ്ടെന്ന് പരിശോധിക്കുമായിരുന്നു. എന്നാൽ, ഇപ്പോൾ അതിന് പ്രാധാന്യം നൽകാറില്ല.</p> <p style="text-align: justify; "><b>രക്ത പരിശോധനകൾ:</b><span> </span>മറ്റു കാരണങ്ങൾ ഇല്ല എന്ന് ഉറപ്പാക്കുന്നതിനായി രക്ത പരിശോധനകൾ നടത്തുന്നതിന് ഡോക്ടർ നിർദേശിച്ചേക്കാം.</p> <h3 style="text-align: justify; "><b>ചികിത്സ <br /></b></h3> <p style="text-align: justify; ">ലക്ഷണങ്ങളുടെ തീവ്രത കുറച്ച്, ജീവിതത്തിന്റെ ഗുണനിലവാരം ഉയർത്തുന്നത് ലക്ഷ്യമിട്ടുള്ളതായിരിക്കും ചികിത്സ. മരുന്നും സ്വയം കരുതലുകളും ഉൾപ്പെടുന്ന ചികിത്സാക്രമമായിരിക്കും പിന്തുടരുക.</p> <h3 style="text-align: justify; "><b>മരുന്നുകൾ <br /></b></h3> <ul style="text-align: justify; "> <li><b>വേദനാസംഹാരികൾ –</b><span> </span>മെഡിക്കൽ സ്റ്റോറുകളിൽ നിന്ന് വാങ്ങുന്നതോ ഡോക്ടർ നിർദേശിക്കുന്നതോ ആയ വേദനാസംഹാരികൾ കഴിക്കുന്നത് ആശ്വാസം നൽകും.</li> <li><b>ആന്റിഡിപ്രസന്റുകൾ –</b><span> </span>ഉറക്കം മെച്ചപ്പെടുത്തുന്നതിനും വിഷാദരോഗത്തിന്റെ ലക്ഷണങ്ങൾ കുറയ്ക്കുന്നതിനും ഇവ നൽകും.</li> </ul> <h3 style="text-align: justify; "><b>ചികിത്സകൾ <br /></b></h3> <ul style="text-align: justify; "> <li><b>ഫിസിക്കൽ തെറാപ്പി:</b><span> </span>ശരീരത്തിന്റെ ശക്തിയും വഴക്കവും വർദ്ധിപ്പിക്കുന്നതിനുള്ള വ്യായാമങ്ങൾ ഇതിലുൾപ്പെടുന്നു.</li> <li><b>ഒക്കുപേഷണൽ തെറാപ്പി:<span> </span></b>തൊഴിൽ സ്ഥലത്ത് വേണ്ട ക്രമീകരണങ്ങൾ നടത്തി, ശരീരത്തിന് അധികം പിരിമുറുക്കം നൽകാതെ കൂടുതൽ ഫലപ്രദമായി ജോലിചെയ്യുന്നതിനുള്ള സഹായം.</li> <li><b>കൗൺസിലിംഗ് –</b><span> </span>പിരിമുറുക്കം നിറഞ്ഞ സാഹചര്യങ്ങളെ നേരിടുന്നതിന് വ്യത്യസ്ത ഉപായങ്ങൾ പഠിപ്പിക്കുന്നു.</li> </ul> <h3 style="text-align: justify; "><b>സ്വയം പരിപാലനം</b></h3> <p style="text-align: justify; "><b>ഇതിൽ ഇനി പറയുന്നവ ഉൾപ്പെടുന്നു;</b></p> <ul style="text-align: justify; "> <li><b>ഉറക്കം –</b><span> </span>ഉറക്കത്തിന് കൃത്യമായ സമയക്രമം നിശ്ചയിക്കുകയും പകലുറക്കം ഒഴിവാക്കുകയും ചെയ്യുക.</li> <li><b>പതിവായുള്ള വ്യായാമം –</b><span> </span>മസിലുകൾക്ക് ശക്തി പകരുന്നതിനും ഓജസ്സ് വർദ്ധിപ്പിക്കുന്നതിനും സഹായിക്കുന്നു. സ്ട്രെച്ചിംഗും റിലാക്സേഷനും സഹായകമാവും.</li> <li><b>പിരിമുറുക്കം നിയന്ത്രിക്കൽ –</b><span> </span>ശ്വസന വ്യായാമങ്ങൾ, മെഡിറ്റേഷൻ തുടങ്ങിയവയിലൂടെ പിരിമുറുക്കത്തിന്റെ നില നിയന്ത്രിക്കാൻ സാധിക്കും.</li> <li><b>ആരോഗ്യകരമായ ജീവിതശൈലി<span> </span></b>– പ്രസരിപ്പു നിലനിർത്തുക, ആരോഗ്യകരമായ ഭക്ഷണം കഴിക്കുന്നതും വ്യായാമം ചെയ്യുന്നതും ലക്ഷണങ്ങളുടെ തീവ്രത കുറയ്ക്കാൻ സഹായിക്കും.</li> </ul> <h3 style="text-align: justify; "><b>സങ്കീർണതകൾ <br /></b></h3> <ul style="text-align: justify; "> <li>വേദനയും ഉറക്ക തകരാറുകളും സാധാരണ ജീവിതത്തെ പ്രതികൂലമായി ബാധിക്കാം.</li> <li>വേദന മൂലമുള്ള നിരാശ ഉത്കണ്ഠയിലേക്കും വിഷാദരോഗത്തിലേക്കും നയിച്ചേക്കാം.</li> </ul> <ul> <li>വേദനയും മറ്റു ലക്ഷണങ്ങളും ദീർഘകാലമായി അനുഭവപ്പെടുന്നുവെങ്കിൽ ഡോക്ടറെ കൺസൾട്ട് ചെയ്യുക.</li> </ul> </div>