<div id="MiddleColumn_internal"> <p style="text-align: left; ">അഞ്ചിൽ അധികം സന്ധികൾക്ക് കോശജ്വലനവും കടുത്ത വേദനയും അനുഭവപ്പെടുന്ന തരത്തിലുള്ള വാതരോഗമാണ്<span> </span><b>പോളിആർത്രൈറ്റിസ്</b>.</p> <h3 style="text-align: left; "><b>കാരണങ്ങൾ <br /></b></h3> <p style="text-align: left; ">ഇനി പറയുന്നവ സന്ധികൾക്ക് കോശജ്വലനം ഉണ്ടാകാൻ കാരണമായേക്കാം;</p> <ul style="text-align: left; "> <li>ലൂപസ്</li> <li>ആമവാതം</li> <li>സന്ധിവാതം</li> <li>ക്യാൻസർ</li> <li>ചിക്കൻഗുനിയ</li> <li>റോസ് റിവർ വൈറസ്</li> <li>പാർവൊവൈറസ്</li> <li>വിപ്പിൾസ് ഡിസീസ്</li> <li>സർകോയിഡോസിസ്</li> <li>സ്റ്റിൽസ് ഡിസീസ്</li> </ul> <h3 style="text-align: left; "><b>ലക്ഷണങ്ങൾ <br /></b></h3> <p style="text-align: left; ">ലക്ഷണങ്ങളിൽ ഇനി പറയുന്നവയും ഉൾപ്പെടുന്നു;</p> <ul style="text-align: left; "> <li>സന്ധികളിൽ മുറുക്കം</li> <li>നീണ്ടുനിൽക്കുന്ന ക്ഷീണം</li> <li>കൈക്കുഴകൾ, കാൽമുട്ടുകൾ, കാൽക്കുഴകൾ, പാദം തുടങ്ങിയ ഭാഗങ്ങളിലെ സന്ധികൾക്ക് വേദന</li> <li>സന്ധികളിൽ വീക്കം</li> <li>തടിപ്പ്</li> <li>പനി</li> </ul> <p style="text-align: left; ">മിക്കപ്പോഴും പോളിആർത്രൈറ്റിസിനൊപ്പം വൈറൽ അണുബാധയും ഉണ്ടാകാം. സന്ധിവേദന വൈറൽ അണുബാധയ്ക്കൊപ്പം മാത്രമോ സ്ഥിരമായോ ഉണ്ടാകാം. ഇത്, ലൂപസ് അല്ലെങ്കിൽ ആമവാതം പോലെയുള്ള ഓട്ടോഇമ്മ്യൂൺ രോഗങ്ങളായി വികാസം പ്രാപിക്കുകയും ചെയ്തേക്കാം.</p> <h3 style="text-align: left; "><b>രോഗനിർണയം <br /></b></h3> <p style="text-align: left; ">ചികിത്സാ ചരിത്രം, ശാരീരിക പരിശോധനകൾ, പ്രത്യേക പരിശോധനകൾ എന്നിവയിലൂടെ രോഗനിർണയം നടത്താൻ സാധിക്കും. കുറഞ്ഞത് അഞ്ച് സന്ധികൾക്കെങ്കിലും ആർത്രൈറ്റിസിന്റെ ലക്ഷണമുണ്ടെങ്കിൽ പോളിആർത്രൈറ്റിസ് ആയി പരിഗണിക്കും.</p> <p style="text-align: left; ">രക്തപരിശോധനകൾ, സന്ധികളുടെ എക്സ്-റേ തുടങ്ങിയവയും ഡോക്ടർ നിർദേശിച്ചേക്കാം.</p> <h3 style="text-align: left; "><b>ചികിത്സ <br /></b></h3> <p style="text-align: left; ">ലക്ഷണങ്ങൾ നിയന്ത്രിക്കുന്നതിനും കോശജ്വലനം കുറയ്ക്കുന്നതിനും നോൺസ്റ്റിറോയിഡൽ ആന്റി-ഇൻഫ്ളമേറ്ററി മരുന്ന്, കോർട്ടിക്കോസ്റ്റിറോയിഡ് തുടങ്ങിയവ നിർദേശിച്ചേക്കാം.</p> <p style="text-align: left; "><b>ലക്ഷണങ്ങളെ സ്വയം നിയന്ത്രിക്കൽ</b></p> <p style="text-align: left; ">ഇളം ചൂടുള്ള വെള്ളത്തിൽ കുളിക്കുന്നത് ഗുണകരമാണെന്ന് കണ്ടെത്തിയിട്ടുണ്ട്. ഫിസിയോതെറാപ്പി, സ്ട്രെച്ചിംഗ്, നീന്തൽ തുടങ്ങിയവ ലക്ഷണങ്ങളെ നിയന്ത്രിക്കുന്നതിനു സഹായിക്കും.</p> <h3><b>സങ്കീർണതകൾ</b></h3> <p style="text-align: left; ">പോളിആർത്രൈറ്റിസ് നിയന്ത്രിക്കാതിരിക്കുന്നതും ചികിത്സിക്കാതിരിക്കുന്നതും ശരീരത്തിന്റെ മറ്റു ഭാഗങ്ങളെയും ഗുരുതരമായി ബാധിക്കാൻ കാരണമായേക്കാം.</p> <ul style="text-align: left; "> <li>ശ്വാസകോശത്തിൽ വടുക്കൾ ഉണ്ടാകുന്നത് ശ്വസന സംബന്ധമായ പ്രശ്നങ്ങൾ ഉണ്ടാക്കിയേക്കാം.</li> <li>ഹൃദയത്തിനോട് അടുത്ത ഭാഗങ്ങളിൽ കോശജ്വലനം സംഭവിക്കാം</li> <li>ചർമ്മത്തിൽ തടിപ്പുകൾ ഉണ്ടാകാം</li> </ul> <div><i><b><span style="text-align: left; float: none; "><i><b>കടപ്പാട് : <span style="text-align: left; float: none; ">മോഡസ്റ്റ</span></b></i></span></b></i></div> <ul style="text-align: left; "> </ul> </div>