ആരോഗ്യം

നേത്ര സംരക്ഷണം 

നേത്ര രോഗങ്ങള്‍

നിശാന്ധത

<div id="MiddleColumn_internal">
<h3 style="text-align: justify; ">നിശാന്ധത</h3>
ഒരു വ്യക്തിക്ക്, കുറഞ്ഞ പ്രകാശത്തിൽ അല്ലെങ്കിൽ രാത്രിയിൽ അനുഭപ്പെടുന്ന കാഴ്ചക്കുറവാണ് നിശാന്ധത അല്ലെങ്കിൽ നിക്റ്റലോപിയ എന്നു പറയുന്നത്. ഇത് ഒരു രോഗം എന്നതിനെക്കാൾ കൂടുതൽ മറ്റു അടിസ്ഥാനപരമായ പ്രശ്നങ്ങളുടെ ലക്ഷണമാണ്. പ്രകാശമുള്ള സ്ഥലത്തു നിന്ന് ഇരുട്ടിലേക്ക് എത്തുന്ന അവസരത്തിൽ ഈ പ്രശ്നം കൂടുതൽ വഷളാവുന്നു.
രാത്രിയിൽ ആകാശത്ത് നക്ഷത്രങ്ങളെ കാണുന്നതിനും വെളിച്ചം കുറവുള്ള മുറിയിൽ നടക്കുന്നതിനും മറ്റും നിശാന്ധതയുള്ളവർക്ക് ബുദ്ധിമുട്ട് അനുഭവപ്പെടും. രാത്രികാലത്ത് സുരക്ഷിതമായി വാഹനമോടിക്കുന്നതിനും ഇവർക്ക് കഴിഞ്ഞില്ലെന്നുവരും.
<h3>കാരണങ്ങൾ</h3>
നിശാന്ധതയുടെ കാരണങ്ങൾ ഇനി പറയുന്നു;
<ul style="text-align: justify; ">
<li>തിമിരം – കണ്ണിന്റെ ലെൻസിൽ പാടമൂടുന്നതു മൂലം കാഴ്ചക്കുറവ് സംഭവിക്കുന്ന നേത്ര തകരാറാണിത്. തിമിരമുള്ളവർക്ക് രാത്രിയിലെ കാഴ്ച ബുദ്ധിമുട്ടുള്ളതായിരിക്കും. ഇന്ത്യയിൽ, പഴയ തലമുറയ്ക്ക് ഇരു കണ്ണുകൾക്കും അന്ധത വരുത്തുന്ന വളരെ സാധാരണമായ കാരണമായിരുന്നു തിമിരം. തിമിര ചികിത്സയ്ക്ക് ശസ്ത്രക്രിയ ആവശ്യമായി വരാം.</li>
<li>ഹ്രസ്വദൃഷ്ടി – ഈ അവസ്ഥയെ നേരിടുന്ന ആളുകൾക്ക് ദൂരത്തിലുള്ള വസ്തുക്കൾ കാണുന്നതിന് ബുദ്ധിമുട്ട് അനുഭവപ്പെടാമെങ്കിലും അടുത്തുള്ള വസ്തുക്കൾ കാണുന്നതിന് ബുദ്ധിമുട്ട് ഉണ്ടായിരിക്കില്ല. ശസ്ത്രക്രിയ, കോണ്ടാക്ട്‌ലെൻസുകൾ, കണ്ണടകൾ എന്നിവ ഇതിനുള്ള പരിഹാരമാണ്.</li>
<li>ഗ്ളൂക്കോമ – കണ്ണിൽ സമ്മർദം കൂടുതലാവുകയും അതുമൂലം ഒപ്റ്റിക് നേർവിന് തകരാർ സംഭവിക്കുകയും ചെയ്യുന്നു. ചികിത്സിച്ചില്ല എങ്കിൽ സ്ഥിരമായ കാഴ്ച നഷ്ടം സംഭവിച്ചേക്കാം.</li>
<li>പ്രമേഹം – രക്തത്തിലെ പഞ്ചസാരയുടെ അളവിൽ അസ്വാഭാവികത കാണപ്പെടുന്ന അവസ്ഥയാണിത്. ശരിയായ ചികിത്സ നൽകിയില്ല എങ്കിൽ, പ്രമേഹം മൂലം കാഴ്ച നഷ്ടവും നിശാന്ധതയും ഉണ്ടായേക്കാം. പ്രമേഹത്തെ നിയന്ത്രിക്കുന്നതിലൂടെ ഇത്തരം പ്രശ്നങ്ങൾ പ്രതിരോധിക്കാൻ സാധ്യമാണ്.</li>
<li>റെറ്റിനൈറ്റിസ് പിഗ്മെന്റോസ – സാവധാനത്തിൽ റെറ്റിന നശിക്കുന്ന, പാരമ്പര്യമായി ഉണ്ടാകുന്ന പ്രശ്നമാണിത്.</li>
<li>വൈറ്റമിൻ എ യുടെ അപര്യാപ്തത: വൈറ്റമിൻ എ അപര്യാപ്തത മൂലം, രാത്രിയിൽ കാഴ്ചക്കുറവ്, കണ്ണുകൾക്ക് വരൾച്ച തുടങ്ങിയ പ്രശ്നങ്ങൾ നേരിടേണ്ടിവന്നേക്കാം. പ്രതിരോധിക്കാൻ കഴിയുന്ന കുട്ടിക്കാലത്തെ അന്ധതയുടെ ഒരു പ്രധാന കാരണം കൂടിയാണിത്. സ്കൂൾ കുട്ടികളിൽ ഏറ്റവും കൂടുതൽ തോതിൽ (31-57%) വൈറ്റമിൻ എ അപര്യാപ്തത കണ്ടുവരുന്നത് ഇന്ത്യയിലാണ്. ഏകദേശം അഞ്ച് ശതമാനം വരുന്ന ഗർഭിണികൾക്കും വൈറ്റമിൻ എ യുടെ കുറവു മൂലം നിശാന്ധത ഉണ്ടെന്ന് കണക്കാക്കുന്നു.</li>
<li>കെരാട്ടോകോണസ് – ക്രമാനുഗതമായി കോർണിയയുടെ ആകൃതിയിൽ വ്യത്യാസം വരുന്ന അവസ്ഥയാണിത്. സാവധാനത്തിൽ, കോർണിയയുടെ കനം കുറയുകയും കോണാകൃതിയിൽ മുന്നോട്ടു തള്ളുകയും ചെയ്യുന്ന അവസ്ഥയാണിത്. ഇതു മൂലം, നിശാന്ധത, കാഴ്ചമങ്ങൽ തുടങ്ങിയ കാഴ്ച തകരാറുകൾ ഉണ്ടാകാം.</li>
</ul>
<h3 style="text-align: justify; ">ലക്ഷണങ്ങൾ </h3>
നിശാന്ധത ഒരു പ്രത്യേക രോഗമല്ല. ഇത് മറ്റ് പല ഗുരുതരമായ രോഗാവസ്ഥകളുടെയും സൂചനയായിരിക്കും.
<h3 style="text-align: justify; ">രോഗനിർണയം </h3>
നിങ്ങൾക്ക് രാത്രിയിൽ അല്ലെങ്കിൽ വെളിച്ചത്തു നിന്ന് പെട്ടെന്ന് ഇരുട്ടിലേക്ക് വരുന്ന അവസരത്തിൽ കാഴ്ചയ്ക്ക് വൈഷമ്യം അനുഭവപ്പെടുന്നുണ്ട് എങ്കിൽ ഉടൻ ഡോക്ടറുമായി ബന്ധപ്പെടുക. നിശാന്ധതയാണ് ഒരു ലക്ഷണമെങ്കിൽ, ഡോക്ടർ ഇനി പറയുന്ന പരിശോധനകൾക്ക് നിർദേശിച്ചേക്കാം;
<ul style="text-align: justify; ">
<li>വിഷ്വൽ അക്വിറ്റി -വർണങ്ങൾ തിരിച്ചറിയാനുള്ള കഴിവ്, പ്യൂപിൾ-ലൈറ്റ് റിഫ്ളക്സ്</li>
<li>സ്ളിറ്റ്-ലാമ്പ് പരിശോധന – കൺമിഴിയെയും അകത്തെ കൺപോളയെയും തമ്മിൽ ബന്ധിപ്പിക്കുന്ന പാളി (കൺജൻക്റ്റീവ), കോർണിയ, കൺപോളകൾ, ഐറിസ്,  ലെൻസ്, സ്ക്ളീറ എന്നിവയ്ക്ക് തകരാർ ഉണ്ടോ എന്ന് പരിശോധിക്കുന്നതിന്.</li>
<li>വിട്രിയസ് , റെറ്റിന, കോറോയിഡ് എന്നിവയ്ക്ക് തകരാർ ഉണ്ടോ എന്ന് പരിശോധിക്കുന്നതിനായി റെറ്റിന പരിശോധന.</li>
</ul>
വൈറ്റമിൻ എ, ഗ്ളൂക്കോസ് നിലകൾ അറിയുന്നതിനായി രക്തപരിശോധനയ്ക്കും വിധേയമാവേണ്ടിവരും.
<h3>ചികിത്സ </h3>
അടിസ്ഥാന കാരണത്തിനെ ആശ്രയിച്ചായിരിക്കും നിശാന്ധതയ്ക്കുള്ള ചികിത്സ നിശ്ചയിക്കുന്നത്. തിമിരത്തിന് ശസ്ത്രക്രിയയും പ്രമേഹത്തിന് ശരിയായ രീതിയിൽ രക്തത്തിലെ പഞ്ചസാരയുടെ അളവ് നിയന്ത്രിക്കേണ്ടതായും വരും. ഭക്ഷണക്രമത്തിൽ വ്യത്യാസം വരുത്തുന്നതും വേണ്ടത്രയളവിൽ വൈറ്റമിൻ എ യും സിങ്കും ഉൾപ്പെടുത്തുന്നതും, പ്രത്യേകിച്ച് ഗർഭിണികൾക്കും കൊച്ചുകുട്ടികൾക്കും, ഈ സാഹചര്യത്തെ നേരിടാൻ സഹായിക്കും.
<h3>പ്രതിരോധം </h3>
നിശാന്ധത പ്രതിരോധിക്കുന്നതിനുള്ള നടപടികളിൽ ഇനി പറയുന്നവയും ഉൾപ്പെടുന്നു;
<ul style="text-align: justify; ">
<li>ഗർഭിണികൾക്കും കൊച്ചുകുട്ടികൾക്കും വൈറ്റമിൻ എ സമ്പുഷ്ടമായ ആഹാരക്രമം.</li>
<li>പ്രമേഹരോഗികൾ അവരുടെ കാഴ്ചയ്ക്ക് തകരാർ പറ്റാത്ത വിധത്തിൽ രക്തത്തിലെ പഞ്ചസാരയുടെ അളവ് നിയന്ത്രിക്കേണ്ടതുണ്ട്.</li>
<li>കടുത്ത പ്രകാശത്തിൽ നിന്ന് കണ്ണുകൾക്ക് സംരക്ഷണം നൽകുക.</li>
</ul>
അടുത്ത നടപടികൾ 
നിങ്ങൾക്ക് രാത്രി കാഴ്ചയിൽ ബുദ്ധിമുട്ട് ഉണ്ട് എന്നും മങ്ങിയ വെളിച്ചം പ്രശ്നമുണ്ടാക്കുന്നുണ്ട് എന്നും തിരിച്ചറിയുന്ന ഉടൻ നേത്രരോഗ വിദഗ്ധയെ/വിദഗ്ധനെ കാണുക. നിങ്ങളുടെ കാഴ്ച തകരാർ പരിഹരിക്കപ്പെടുന്നതു വരെ രാത്രികാലങ്ങളിൽ വാഹനമോടിക്കുന്നതിൽ നിന്ന് വിട്ടുനിൽക്കുകയും ചെയ്യണം.
<h3>അപകടസൂചനകൾ</h3>
ഇനി പറയുന്ന സാഹചര്യങ്ങളിൽ ഉടൻ ഡോക്ടറെ സന്ദർശിക്കേണ്ടതുണ്ട്;
<ul style="text-align: justify; ">
<li>പ്രമേഹരോഗികളിൽ രക്തത്തിലെ പഞ്ചസാരയുടെ അളവ് ഉയർന്ന് നിലയിലാണെങ്കിലും ഏറ്റക്കുറച്ചിലോടു കൂടിയാണെങ്കിലും നിയന്ത്രണത്തിലല്ല എങ്കിലും.</li>
<li>രാത്രികാലങ്ങളിൽ മങ്ങിയ കാഴ്ച സ്ഥിരം പ്രവർത്തനങ്ങളെ തടസ്സപ്പെടുത്തുന്നുവെങ്കിൽ.</li>
<li>ഉയർന്ന പ്രകാശത്തിനോട് സൂക്ഷ്മ സംവേദിയായിരിക്കുകയും മങ്ങിയ വെളിച്ചത്തിലേക്ക് മാറുമ്പോൾ കാഴ്ചയുടെ ക്രമീകരണത്തിൽ ബുദ്ധിമുട്ട് അനുഭവപ്പെടുകയാണെങ്കിലും.</li>
</ul>
കടപ്പാട്: modasta
</div>

/health/d15d23d4dd23d4d/d28d47d24d4dd30-d30d17d19d4dd19d33d4d200d-1/d28d3fd36d3ed28d4dd27d24