<div id="MiddleColumn_internal"> <div id="_mcePaste" style="text-align: justify; "><img class="image-left" src="https://static.vikaspedia.in/media_vikaspedia/ml/images/health/d06d30d17d4dd2fd35d3fd35d30d19d4dd19d7e/teeth1.jpg" />പല്ലുകളിലുണ്ടാകുന്ന ദ്വാരങ്ങള് പൊതുവേ കുട്ടികളിലും വയസ്സായവരിലുമാണ് കാണാറ്. ഈ ദ്വാരങ്ങള് ക്രമേണ പല്ലിനെ തന്നെ നശിപ്പിച്ചുകളയും. പല കാരണങ്ങള് കൊണ്ടാകാം, പല്ലില് ദ്വാരങ്ങള് വീഴുന്നത്. പല്ലിനാവശ്യമായ പോഷകങ്ങള് ലഭിക്കാത്തതോ, ബാക്ടീരിയയുടെ ആക്രമണമോ ഒക്കെയാകാം കാരണങ്ങള്. ഇതിനെ തുടര്ന്നുണ്ടാകുന്ന വേദനയും അസ്വസ്ഥതയും മാറാനിതാ എട്ട് മരുന്നുകള്...</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>1. ഫ്ളൂറൈഡ് മൗത്ത് വാഷ്</b></div> <div id="_mcePaste" style="text-align: justify; "></div> <div id="_mcePaste" style="text-align: justify; ">പല്ലുകളിലെ മിനറലുകള് നശിക്കുന്നതാണ് പല്ല് നശിക്കാനുള്ള ഒരു പ്രധാന കാരണം. ഇത് സംരക്ഷിച്ച് നിര്ത്താന് ഫ്ളൂറൈഡാണ് ഏറ്റവും നല്ലത്. അതിനാല് ഇടയ്ക്കിടെ വായ ഫ്ളൂറൈഡ് മൗത്ത് വാഷ് ഉപയോഗിച്ച് കഴുകുന്നത് നന്നായിരിക്കും.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>2. കരയാമ്ബൂ</b></div> <div id="_mcePaste" style="text-align: justify; ">വായ്ക്കകത്തുണ്ടാകുന്ന ഏത് തരം പ്രശ്നങ്ങള്ക്കും ഒരുത്തമ മരുന്നാണ് കരയാമ്ബൂ. ബാക്ടീരിയകളെ തുരത്താനുള്ള കഴിവുള്ളതിനാല് ഇവ പല്ലുകളില് ദ്വാരങ്ങളുണ്ടാകുന്നതിനേയും ചെറുക്കുന്നു.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>3. വെളുത്തുള്ളി</b></div> <div id="_mcePaste" style="text-align: justify; "></div> <div id="_mcePaste" style="text-align: justify; ">പച്ച വെളുത്തുള്ളി വെറുതേ ചവച്ചിറക്കുന്നതാണ് മറ്റൊരു മരുന്ന്. ഫംഗസിനും ബാക്ടീരിയയ്ക്കുമെതിരായി പ്രവര്ത്തിക്കാനുള്ള കഴിവ് വെളുത്തുള്ളിയ്ക്കുള്ളതിനാലാണ് ഇവ പല്ലുകളുടെ ആരോഗ്യത്തിന് മികച്ചതാകുന്നത്.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>4. എല്ലിന് സൂപ്പ്</b></div> <div id="_mcePaste" style="text-align: justify; "></div> <div id="_mcePaste" style="text-align: justify; ">പല്ലിന് ബലമേകാന് സഹായിക്കുന്ന ഭക്ഷണമാണ് എല്ലിന് സൂപ്പ്. ധാരാളം വിറ്റാമിനുകളും, കൊഴുപ്പും മിനറലുകളുമങ്ങിയതിനാല് പല്ല് ദ്രവിക്കുന്നത് തടയാന് ഇതിനാകും.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>5. ഉപ്പുവെള്ളം</b></div> <div id="_mcePaste" style="text-align: justify; ">പല്ലുമായി ബന്ധപ്പെട്ട ഏത് പ്രശ്നങ്ങള്ക്കുമുള്ള എളുപ്പത്തിലുള്ള പരിഹാരമാണ് ഉപ്പുവെള്ളം. ഇത് വായ്ക്കകത്തെ ബാക്ടീരിയകളെ നീക്കുന്നതിന് പുറമേ പല്ലുകളിലെ ദ്വാരങ്ങളിലുള്ള വഴുവഴുപ്പും നീക്കുന്നു. കൂടാതെ വായ്ക്കകത്തെ പി.എച്ച് ലെവലിനെ തുലനപ്പെടുത്താനും ഇവയ്ക്കാകും.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>6. കരയാമ്ബൂ എണ്ണ</b></div> <div id="_mcePaste" style="text-align: justify; "></div> <div id="_mcePaste" style="text-align: justify; ">കരയാമ്ബൂവിലടങ്ങിയിരിക്കുന്ന യൂജിനോള് നല്ല വേദനസംഹാരിയാണ്. പല്ലുകളിലെ ദ്വാരങ്ങളുണ്ടാക്കുന്ന ശക്തിയായ വേദനയ്ക്ക് കരയാമ്ബൂ എണ്ണ ഉപയോഗിക്കുന്നത് ഒരേസമയം ബാക്ടീരിയകളെ തുരത്തുന്നതിനൊപ്പം വേദനയും ഇല്ലാതാക്കുന്നു.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>7. വെജിറ്റബിള് എണ്ണകള്</b></div> <div id="_mcePaste" style="text-align: justify; "></div> <div id="_mcePaste" style="text-align: justify; ">ഒലിവ് ഓയിലോ, വെളിച്ചെണ്ണയോ പോലുള്ള വെജിറ്റബിള് എണ്ണകളില് ഏതെങ്കിലും എണ്ണ അഞ്ച് മുതല് 10 മിനുറ്റ് വരെ വായില് കൊള്ളുന്നതാണ് മറ്റൊരു മരുന്ന്. ഇത് വായ്ക്കകത്തെ അണുക്കളെ നശിപ്പിക്കും.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b>8. ചെറുനാരങ്ങ</b></div> <div id="_mcePaste" style="text-align: justify; ">ചെറുനാരങ്ങയിലടങ്ങിയിരിക്കുന്ന ആസിഡ് വായ്ക്കകത്തെ അണുക്കളെ നശിപ്പിക്കാന് സഹായിക്കുന്നു. ചെറുനാരങ്ങയുടെ ചെറിയ കഷ്ണം നന്നായി ചവച്ച ശേഷം വെള്ളമുപയോഗിച്ച് വായ് കഴുകാം.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><b><i>കടപ്പാട്:asianet news-epaper</i></b></div> </div>