<div id="MiddleColumn_internal"> <div id="_mcePaste"><img class="image-left" src="https://static.vikaspedia.in/media_vikaspedia/ml/images/health/d06d30d17d4dd2fd35d3fd35d30d19d4dd19d7e/rain.jpg" />പ്രകൃതിയും മനുഷ്യനും പുനര്നിര്മാണത്തിലേര്പ്പെടുന്ന കാലമാണ് കര്ക്കടകം . തണുപ്പുകാലംകൂടിയാണ്. ഇടമുറിയാതെ പെയ്യുന്ന മഴയില് ഈറനണിഞ്ഞ് പ്രകൃതി സുന്ദരിയാകുമ്ബോള് മനുഷ്യനുള്പ്പെടെയുള്ള പ്രകൃതിയിലെ മറ്റു ജീവജാലങ്ങള്ക്ക് ജീവന്റെ നിലനില്പ്പിനായി കരുതല്ഭക്ഷണത്തിന്റെ കെട്ടഴിക്കേണ്ടിവരുന്നു .</div> <div id="_mcePaste" style="text-align: justify; "></div> <div id="_mcePaste">പണ്ടു കാലത്ത് ചക്കയും മാങ്ങയും തുടങ്ങി പലതും ഉണക്കിയും ഉപ്പിലിട്ടുംസൂക്ഷിച്ചിരുന്നത് കര്ക്കടത്തിലേക്കായിരുന്നു.മടിയുടെ പുതപ്പു മൂടുന്നകാലഘട്ടത്തില് മനസിനും ശരീരത്തിനും ഉണര്വേകാന് എണ്ണതേച്ചുകുളി, ആയുര്വേദ ചികിത്സകള് എന്നിങ്ങനെ പലതും ശീലിച്ചു പോന്നു .</div> <div id="_mcePaste" style="text-align: justify; "></div> <div id="_mcePaste">മാറിയ പുതിയ കാലഘട്ടത്തില് കരുതല് ഭക്ഷണശേഖരങ്ങള് ഒന്നും ഇല്ല . എന്നാലും കര്ക്കടക ഭയം പലരിലും ഉണ്ട് . അന്ന് പഞ്ഞ കര്ക്കടകം എന്ന് വിശേഷിപ്പിച്ചിരുന്ന ഈ മാസത്തെ എങ്ങനെ തള്ളി നീക്കും എന്ന ചിന്ത പലരെയും അസ്വസ്ഥതപെടുത്താറുണ്ടാകാം.</div> <div id="_mcePaste" style="text-align: justify; "></div> <div id="_mcePaste">അന്തരീക്ഷ താപനിലയിലെ വ്യതിയാനങ്ങള് പൊതുവേ പുതപ്പിനുള്ളില് മൂടിക്കിടക്കാന് മനസിനെ പ്രേരിപ്പിക്കുന്നു . മനസിന്റെ ഈ ഉത്സാഹക്കുറവ് ശരീരത്തെയും ബാധിക്കുന്നു .മടിപിടിച്ച മനസ്സും ശരീരവും രോഗങ്ങളുടെ വാസസ്ഥലമാകുന്നു . ദഹനവും രക്തചംക്രമണവും കുറയുന്നത് കാരണം വാതസംബന്ധമായ രോഗങ്ങളും ഏറിവരുന്നു . നല്ല ആഹാരക്രമീകരണവും വ്യായാമവും കര്ക്കടകത്തിലെ ആലസ്യം അകറ്റി ആരോഗ്യത്തോടെയിരിക്കാന് സഹായിക്കും.</div> <h3 id="_mcePaste" style="text-align: justify; ">ഭക്ഷണം ശ്രദ്ധയോടെ</h3> <div id="_mcePaste">ഈ കാലയളവില് എളുപ്പം ദഹിക്കുന്ന ഭക്ഷ്യവസ്തുക്കളും , മലബന്ധം തുടങ്ങിയവ തടയാന് സഹായിക്കുന്നതുമായവ തെരഞ്ഞെടുക്കുന്നതാണ് ഉത്തമം. പച്ചക്കറികള്, പഴവര്ഗങ്ങള്, പയറുവര്ഗങ്ങള്,മുഴുധാന്യങ്ങള് ,ഇലക്കറികള് തുടങ്ങിയവയ്ക്കു പ്രാധാന്യം നല്കാം.</div> <div id="_mcePaste" style="text-align: justify; "></div> <div id="_mcePaste">തക്കാളി , വെള്ളരിക്ക ,മത്തന്,കുമ്ബളം ,തടിയങ്ക ,ബീറ്റ്റൂട്ട് ,ഇഞ്ചി വെളുത്തുള്ളി ,പപ്പായ , അവയ്ക്കോട, കിവി , അത്തിപ്പഴം , വാഴപ്പഴം,ഉലുവ,ചണപയര്, ചിയാവിത്തുകള് , ഫ്ലാക് സീഡ് ,മുളപ്പിച്ച ചെറുപയര്, മുതിര ,ചമ്ബാവരി ,കുപ്പച്ചീര ,തഴുതാമ,കറിവേപ്പില ,പുതിന ,തുടങ്ങിയവ ഉത്തമം .കൂടാതെ പ്രോബിയോട്ടിക്സ് ആയ തൈര്, യോഗര്ട് തുടങ്ങിയവയും ഉപയോഗിക്കാം .മല്സ്യ മാംസാദികള് ഈ കാലയളവില് മിതമായി ഉപയോഗിക്കുക.ഇക്കാലത്ത് ഉണ്ടാകുന്ന രക്തത്തിന്റെ ഹൈപ്പര് അസിഡിറ്റി കുറയ്ക്കാന് ആല്ക്കലയിന് അടങ്ങിയ ഭക്ഷ്യ വസ്തുക്കള് സഹായിക്കും.</div> <div id="_mcePaste" style="text-align: justify; "></div> <div id="_mcePaste">മലബന്ധമുണ്ടാക്കുന്ന എല്ലാ ആഹാരങ്ങളും ഒഴിവാക്കണം. മലബന്ധമുണ്ടായാല് അതേത്തുടര്ന്നും മറ്റുരോഗങ്ങള് ഉണ്ടാകാനുള്ള സാധ്യത വളരെ കൂടുതലാണ്. അതിനാല് നാരുകള് കൂടുതലുള്ള പച്ചക്കറികള്, പഴവര്ഗങ്ങള് എന്നിവ ധാരളമായി കഴിക്കാം. ദഹിക്കാന് പ്രയാസമുള്ളതും കൊഴുപ്പുകൂടിയതുംഒഴിവാക്കുന്നതാണ് നല്ലത്.</div> <div id="_mcePaste">ദഹനപ്രശ്നങ്ങള് ഒഴിവാക്കാന്ഏറെ വൈകി രാത്രി ഭക്ഷണം കഴിക്കുന്നത് ഒഴിവാക്കണം.രാത്രിയില് മിതമായും കൊഴുപ്പില്ലാത്തവയും എളുപ്പം ദഹിക്കുന്നവയും തെരഞ്ഞെടുക്കാന് ശ്രദ്ധിക്കുക. പ്രമേഹം,ഹൃദ്രോഗം എന്നിവഉള്ളവര് കൃത്യമായും ആഹാര ക്രമീകരണം ശ്രദ്ധിക്കണം</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">ഉറക്കം</h3> <div id="_mcePaste">പൊതുവേ മൂടിപ്പുതച്ചുറങ്ങാന് ഇഷ്ടപ്പെടുന്ന കാലമാണെങ്കില്ക്കൂടി പകല് നേരത്തെ ഉണര്ന്ന് രാത്രിയില് നേരത്തെ ഉറങ്ങാന് ശീലിക്കുക. ഉച്ചയുറക്കം ഒഴിവാക്കുക. എട്ടുമണിക്കൂര് ഉറക്കം ശീലമാക്കുക.</div> <h3 id="_mcePaste" style="text-align: justify; ">വ്യായാമം</h3> <div id="_mcePaste">മഴയും തണുപ്പും പലരെയും രാവിലെ നടത്തം ഒഴിവാക്കാന്നിര്ബന്ധിതരാക്കും .വീട്ടിനുള്ളില്നിന്നും ചെയ്യാവുന്ന വ്യായാമ മുറകള് ശീലിക്കുന്നത് ഉത്തമം .ശരീരത്തിന് അയവു ലഭിക്കാനും ,കര്ക്കടകത്തിന്റെ ആലസ്യം അകറ്റാനും യോഗ ശീലിക്കുന്നത് നല്ലതാണ് .ദീര്ഘശ്വസനം, നാഡീശുദ്ധിപ്രാണായാമം ,തുടങ്ങിയ ശ്വസനക്രിയകളുടെ പരിശീലനവും ഉള്പ്പെടുത്താം.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">ശുചിത്വം</h3> <div id="_mcePaste">അന്തരീക്ഷത്തില്തണുപ്പ് അധികമായതിനാലും മഴയുടെ കാഠിന്യത്താല് ജലജന്യരോഗങ്ങള്ക്കും അതുപോലെ മറ്റു രോഗങ്ങള്ക്കും സാധ്യത കൂടുതലായതിനാല് പരിസരശുചിത്വവും,വ്യക്തിശുചിത്വവുംഅനിവാര്യമാണ് . ദിവസേന രണ്ടുനേരം കുളി , കൈകാലുകള് വൃത്തിയായി സൂക്ഷിക്കുക , വീടും പരിസരവും മാലിന്യ മുക്തമാക്കുക തുടങ്ങിയവ അനിവാര്യമായവയാണ്. കൃത്യമായ ആഹാരക്രമീകരണം, വ്യായാമം എന്നിവ കൊണ്ട് ഈ കള്ള കര്ക്കടകത്തില് ആരോഗ്യത്തോടെ ഇരിക്കാം .</div> <div id="_mcePaste" style="text-align: justify; "><b><i>കടപ്പാട്:deshabhimani-epaper</i></b></div> </div>