ആരോഗ്യം ടിപ്സ്

ചെവിയിലെ കാന്സര് : അറിയേണ്ട കാര്യങ്ങള് ശരീരത്തിന്റെ വിവിധഭാഗങ്ങളില് കാന്സര് ബാധിക്കാറുണ്ടെങ്കിലും ചെവിയിലെ കാന്സര് വളരെ അപൂര്വ്വമാണ്. മാത്രമല്ല, ചെവിയുടെ പുറംതൊലിയില് വളരുകയും ചെവിയിലെ മൂന്നു ഭാഗങ്ങളിലും ബാധിക്കുന്നതാണ് ഈ കാന്സറിന്റെ പ്രത്യേകത.

ഈ മൂന്നുഭാഗങ്ങളില് എവിടെയാണ് കാന്സറിന് കാരണമായ ട്യൂമര് വളരുന്നത് എന്നതിനെ ആശ്രയിച്ചാണ് രോഗത്തിന്റെ ലക്ഷണങ്ങള്കാണപ്പെടുന്നത്.

പിങ്ക് നിറത്തിലുള്ള ഒരുതരം ശ്രവം ചെവിയില് നിന്ന് പുറത്തുവരുന്നതാണ് കാന്സറിന്റെ പ്രധാന ലക്ഷണങ്ങളിലൊന്ന്. മാത്രമല്ല ചെവിയുടെ മധ്യഭാഗത്ത് ബാധിക്കുന്ന കാന്സറിന്റെ മറ്റൊരു ലക്ഷണംകടുത്ത ചെവി വേദനയും ചെവിയില് നിന്നുണ്ടാകുന്ന രക്തം പുറത്തേക്ക് വരുന്നതുമാണ്. ചെവിക്കുള്ളില് എപ്പോഴും ഉണ്ടാകുന്ന മുഴക്കം, തലകറക്കം, കടുത്ത തലവേദന എന്നിവ ചെവി കാന്സറിനുള്ള ലക്ഷണങ്ങളാണ്.

കാന്സര് രോഗനിര്ണയം സ്ഥിരീകരിക്കാനുള്ള ഒരേയൊരു മാര്ഗ്ഗം ചെവിയിലെ വേദനയുള്ള ഭാഗത്തുള്ള ടിഷ്യുവിനെ ബയോപ്സിക്ക് വിധേയമാക്കുകയെന്നതു മാത്രമാണ് എന്നാണ്ഗവേഷകര് പറയുന്നത്.

ഈ ലക്ഷണങ്ങള് അവഗണിക്കരുത്കാ ന്സര് ആകാം പലരിലും അനുഭവപ്പെടുന്ന ഒന്നാണ് ഭക്ഷണംവിഴുങ്ങാനുള്ള ബുദ്ധിമുട്ട്. എന്നാല് ഇത് വെറും തൊണ്ട വേദനയെന്ന് കരുത്തള്ളിക്കളയാന് പാടില്ല. കാരണം ഇത് പലപ്പോഴും തൊണ്ടയിലെ ക്യാന്സറോ അന്നനാളത്തിലെ ക്യാന്സറോ ആയി മാറുന്നതിനുള്ള സാധ്യത വളരെ കൂടുതലാണ്. അതുകൊണ്ട് തന്നെ ശ്രദ്ധിക്കേണ്ടത് അത്യാവശ്യമാണ്.

ഇടക്കിടെയുള്ള പനിയും ശ്രദ്ധിക്കണം. യാതൊരു വിധത്തിലുള്ള ആരോഗ്യ പ്രശ്നങ്ങളും ഇല്ലെങ്കില് പോലും ഇടക്കിടെയുണ്ടാവുന്ന പനിയെ വേണ്ടത്ര ശ്രദ്ധിച്ചില്ലെങ്കില് അത് ഗുരുതരാവസ്ഥയിലേക്ക് കാര്യങ്ങള് എത്തിക്കുന്നു. പനിയും ശരീര വേദനയും ഉണ്ടെങ്കില് അത് രോഗലക്ഷണമായി കണക്കാക്കി ആരോഗ്യത്തിന്റെ കാര്യത്തില് കൂടുതല് ശ്രദ്ധ നല്കണം.

ശ്വാസമെടുക്കാനുള്ള ബുദ്ധിമുട്ടും ശ്രദ്ധിക്കേണ്ടതാണ്. ആസ്ത്മ പോലുള്ള പ്രശ്നങ്ങള് കൊണ്ടല്ലാതെ ശ്വാസമെടുക്കാനുള്ള ബുദ്ധിമുട്ട് ഉണ്ടെങ്കില് അത് ശ്വാസകോശാര്ബുദത്തിന്റെ ലക്ഷണങ്ങളില് പ്രധാനപ്പെട്ടതാണ്. അതീവ ശ്രദ്ധ നല്കേണ്ട ഒന്നാണ് ഇത്.

സ്തനങ്ങള്, വയര്, കഴുത്ത്, കക്ഷം എന്നീ ശരീരഭാഗങ്ങളില് അസാധാരണമായ മുഴകളോ തടിപ്പുകളോ ഉണ്ടെങ്കില് അത് ശ്രദ്ധിക്കണം. സ്തനാര്ബുദ ലക്ഷണങ്ങളില് ഏറ്റവും മുന്നില് നില്ക്കുന്ന ലക്ഷണങ്ങളാണ് മുകളില് പറഞ്ഞത്.

ഒരിക്കലും അവഗണിക്കാന് പാടില്ലാത്ത ഒന്നാണ് നഖങ്ങളില് ഉണ്ടാവുന്ന ചെറിയ മാറ്റങ്ങള് പോലും. അതുകൊണ്ട് തന്നെ ഇത്തരത്തിലുള്ള മാറ്റങ്ങള് ശ്രദ്ധിച്ചില്ലെങ്കില് അത് ജീവന് തന്നെ ഭീഷണി ഉണ്ടാക്കുന്നഒന്നായിരിക്കും.

എയ്റോബിക് വ്യായാമങ്ങള് ചെയ്യുന്നതിന്റെ ഗുണങ്ങളറിയൂ ഓക്സിജന് കൂടുതല് ഉപയോഗിക്കുന്ന വ്യായാമങ്ങളെയാണ് എയ്റോബിക് വ്യായാമങ്ങള് എന്ന് പറയുന്നത്. എയ്റോബിക് വ്യായാമങ്ങളെ കാര്ഡിയോ വ്യായാമങ്ങള് എന്നും പറയുന്നു. പതിവായി എയറോബിക് വ്യായാമങ്ങള് ചെയ്യുന്നതു കൊണ്ടുള്ള പ്രധാന പ്രയോജനങ്ങള് എന്തൊക്കെയെന്ന് നോക്കാം.

ഹൃദയത്തിന് കൂടുതല് നന്നായി രക്തം പമ്പ് ചെയ്യാന് കഴിവ് ലഭിക്കുന്നു. ശരീരത്തിലെ പേശികളെ ഊര്ജസ്വലമാക്കുന്നു. അതിസൂക്ഷ്മമായ കാപില്ലറി രക്തക്കുഴലുകള് പോലും തുറക്കുന്നു, അങ്ങനെ എല്ലാ ശരീരകോശങ്ങളിലേക്കും രക്തം എത്തുന്നു. രക്തപ്രവാഹം സുഗമമാകുമ്പോള് രക്താതിമര്ദം കുറയുന്നു. മാനസിക സമ്മര്ദം കുറയുന്നു. എയ്റോബിക് വ്യായാമം ചെയ്യുന്നവരില് ഹൃദയത്തിലെ രക്തക്കുഴലുകളുടെ ആരോഗ്യം മെച്ചപ്പെടുന്നതിനാല് ഹൃദയാഘാതത്തിന് സാദ്ധ്യത കുറയും. വിവിധ അവയവങ്ങളെ ഏകോപിപ്പിച്ച് പ്രവര്ത്തിക്കാനുള്ള ശരീരത്തിന്റെ ശേഷി മെച്ചപ്പെടുന്നു. എന്താണ് ഡ്രൈ ഐ? ചിലരുടെ കണ്ണുകളില് ആവശ്യത്തിന് കണ്ണുനീര് ഉത്പാദിപ്പിക്കുന്നില്ല.ചിലര്ക്കാകട്ടെ കണ്ണുനീര് പെട്ടെന്ന് ബാഷ്പീകരിച്ചു പോകുന്നു. ഇത്തരംഅവസ്ഥയെയാണ് ഡ്രൈ ഐ എന്നു പറയുന്നത്.

ആരോഗ്യസംരക്ഷണത്തില് മറ്റേതൊരു അവയവത്തെക്കാളും സുപ്രധാനമാണ് നേത്രപരിചരണം. കമ്പ്യൂട്ടറുംമറ്റും വ്യാപകമായതോടെ ഏറ്റവുമധികംപേര് അനുഭവിക്കുന്ന ഒരു കണ്ണിന്റെആരോഗ്യത്തിന് ആവശ്യമായ ഒന്നാണ് കണ്ണീര്. കണ്ണിന് ഈര്പ്പവും രോഗങ്ങളില്നിന്ന് പ്രതിരോധവും നല്കുന്നതിനൊപ്പം കണ്പോളകള്ക്കിടയില് ലൂബ്രിക്കന്റായും ഇത് പ്രവര്ത്തിക്കുന്നു. കാഴ്ച ആയാസരഹിതമാക്കുന്നതിനൊപ്പം കണ്ണുകള്ക്ക് ആരോഗ്യം പ്രദാനം ചെയ്യുന്ന ഘടകവും കണ്ണുനീരാണ്.

കാരണങ്ങള്

പ്രായം കൂടുന്നതിനനുസരിച്ച് സ്വാഭാവികമായി ഉണ്ടാകാം. ചില ഔഷധങ്ങളുടെ പാര്ശ്വഫലങ്ങള് ആകാം. വരണ്ടതും പൊടിപിടച്ചതും ശക്തമായ കാറ്റടിക്കുന്നതുമായ അന്തരീക്ഷം.അല്ലെങ്കില്, എയര്കണ്ടീഷന്, കണ്ണുനീര്ത്തുള്ളിയുടെ അമിതമായ ബാഷ്പീകരണം എന്നിവയെല്ലാം ഡ്രൈഐയ്ക്ക് കാരണമാകാം. ദീര്ഘനാളത്തെ കോണ്ട്രാക്ട്റ് ലെന്സ് ഉപയോഗം. കമ്പ്യൂട്ടറിലേക്ക് അല്ലെങ്കില്, വീഡിയോ സ്ക്രീനിലേക്ക് തുടര്ച്ചയായി ഇമവെട്ടാതെ നോക്കിയിരിക്കുക. കണ്പോളകള്ക്ക് മുകളില് അല്ലെങ്കില് ചുറ്റുമുള്ള ത്വക്രോഗങ്ങള്. കണ്പോളകളിലുള്ള ഗ്രന്ഥിയെ ബാധിക്കുന്ന അസുഖങ്ങള്. പ്രതിരോധശക്തിക്ക് വരുന്ന വ്യതിയാനം. കണ്ജക്ടീവ് സ്ഥിരമായി നീര് വന്ന് വീര്ക്കുക. കണ്പോളകള് മുതല് കണ്ണിന്റെ മുന്ഭാഗം വരെ കാണുന്ന കണ്ണിന്റെ പാളിക്ക് വരുന്ന രോഗങ്ങള് അല്ലെങ്കില് കണ്ണുനീര് ഉത്പാദിപ്പിക്കുന്നഗ്രന്ഥിക്ക് വരുന്ന രോഗങ്ങള്. കണ്ണില് ചൊറിച്ചിലും പുകച്ചിലും അനുഭവപ്പെടുക. കണ്ണില് സദാ കരട് ഉള്ളതുപോലെ തോന്നുക. വേദനയും കണ്ണു ചുവക്കലും. മ്യൂക്കസ് എന്ന ദ്രാവകം പുറന്തള്ളുക. മങ്ങിയ കാഴ്ച രോഗലക്ഷണങ്ങള്

കണ്പോളകളെ 20 സെക്കന്ഡ് നേരത്തേക്ക് പൂര്ണമായി വിടര്ത്തുക. കണ്ണില് പുകച്ചില് അല്ലെങ്കില് വരണ്ട അവസ്ഥ അനുഭവപ്പെടുകയാണെങ്കില് ഡ്രൈ ഐ ഉണ്ടെന്ന് മനസിലാക്കാം. ഡ്രൈ ഐ കണ്ടുപിടിക്കാന് വിവിധതരം ടെസ്സുകള് ഉണ്ട്. ഇത് ഡോക്ടറെ കണ്ട് ഡോക്ടറുടെ നിര്ദ്ദേശാനുസരണം ചെയ്യണം.

ശ്രദ്ധിക്കേണ്ടവ

കണ്ണ്ചിമ്മുന്ന വ്യായാമങ്ങള് ചെയ്യുക. കണ്പോളകള് ചൂടുള്ള വെള്ളം ഉപയോഗിച്ച് കഴുകുക. വശങ്ങളില് കവറുള്ള ഗ്ലാസുകള് ധരിക്കുക വഴി കണ്ണിലെ അമിതമായ ബാഷ്പീകരണം തടയാം. പുക, പൊടി എന്നിവ ഒഴിവാക്കുക. ധാരാളം വെള്ളം കുടിക്കുക.പുകവലി, മദ്യപാനം ഉപേക്ഷിക്കുക. കമ്പ്യൂട്ടര് സ്ക്രീന്കണ് നിരപ്പിനേക്കാള് താഴ്ത്തിവയ്ക്കുക. ദീര്ഘസമയം കമ്പ്യൂട്ടര് ഉപയോഗിക്കുന്നവര് ഇടയ്ക്ക് കണ്ണ് ചിമ്മുകയും കണ്ണിന് വ്യായാമം നല്കുകയുംവേണം. ഇടയ്ക്കിടയ്ക്ക് സ്ക്രീനില്നിന്ന് കണ്ണെടുത്ത് ദൂരേക്ക്നോക്കുന്നതും നന്നായിരിക്കും. എയര്കണ്ടീഷണര് ഉപയോഗിക്കാതിരിക്കുക.

തണ്ണിമത്തന് കുരുവിനുമുണ്ട് ഔഷധഗുണങ്ങള് ആരോഗ്യകാര്യങ്ങളില് ശ്രദ്ധ പുലര്ത്തുന്നവര്ക്ക് ഏറെപ്രിയങ്കരമായ ഒന്നാണ് തണ്ണിമത്തന് . ജലത്തിന്റെ അംശം ധാരാളമുണ്ട് എന്നതു തന്നെയാണ് പ്രധാന കാരണം. 91 ശതമാനം വെള്ളം അടങ്ങിയിരിക്കുന്ന തണ്ണിമത്തനില് ഇലക്ട്രോലൈറ്റുകള് ധാരാളം അടങ്ങിയിട്ടുണ്ട്.

എന്നാല് തണ്ണിമത്തന്റെ കുരുവിനും ഔഷധഗുണങ്ങളുണ്ടെന്നാണ് പഠനങ്ങള് സൂചിപ്പിക്കുന്നത്. തണ്ണിമത്തന്റെ 15 കുരു ഇട്ട വെള്ളം 15-20 മിനുട്ട്കൊണ്ട് ചെറു തീയീല് തിളപ്പിക്കുക. രണ്ട് ദിവസത്തിന് ശേഷം ആ വെള്ളംകുടിച്ചാല്,

ഹൃദയാരോഗ്യത്തിന് സഹായിക്കും.

തണ്ണിമത്തന്റെ കുരുവില് അടങ്ങിയിരിക്കുന്ന മഗ്നീഷ്യം ശരീരത്തിലെ രക്തചംക്രമണം ശരിയാക്കാന് സഹായിക്കും.രക്ത സമ്മര്ദ്ദത്തിലെ ഏറ്റക്കുറച്ചിലുകളും ഒരു പരിധി വരെ ഇത് നിയന്ത്രിക്കും.

ചെറുപ്പം നിലനിര്ത്താന് സഹായിക്കും കുരുവില് അടങ്ങിയിരിക്കുന്ന ആന്റി ഓക്സിഡന്റുകള് ശരീരത്തിലെ കോശങ്ങളെ ചെറുപ്പമാക്കി നിലനിര്ത്തും.

മുടി വളരാന് സഹായിക്കും

കുരുവിലടങ്ങിയിരിക്കുന്ന പ്രോട്ടീനും അമിനോ ആസിഡും മുടി വളരാന് സഹായിക്കും.

സെക്സിനെ ഉത്തേജിപ്പിക്കും

തണ്ണിമത്തന്റെ കുരുവില് അടങ്ങിയിരിക്കുന്ന സിട്രുലിന് എന്ന ആന്റി ഓക്സിഡന്റെ പുരുഷ ഉദ്ധാരണത്തിന് സഹായിക്കും.

വൃക്കകളുടെ പ്രവര്ത്തനത്തെ സുഗമമാക്കും

വൃക്കകളില് അടിഞ്ഞുകൂടുന്ന മാലിന്യങ്ങള് കുറയ്ക്കാനും അവയെ ശുദ്ധീകരിക്കാനും ഇത് സഹായിക്കും.

ഗ്രീന് ടീ കുടിക്കുമ്പോള് ഈ കാര്യങ്ങള് ശ്രദ്ധിക്കണം നിരവധി ആരോഗ്യ ഗുണങ്ങള് ഉള്ള ഒന്നാണ് ഗ്രീന് ടീ ഇത് ശശിയായ രീതിയില് ഉപയോഗിച്ചില്ലായെങ്കില് ഗുണത്തെക്കാള് അധികം ദോഷമാകും ഉണ്ടാകുക. ഗ്രീന്ടീ ശീലമാക്കിയാല് അവയില് അടങ്ങിയിരിക്കുന്ന ആന്റി ഓക്സിജിനുകള് ശരീരത്തിലെ ടോസിനുകളെ തടയുകയും ശരീരത്തെ അസുഖത്തില് നിന്നും സംരക്ഷിക്കുകയും ചെയ്യുന്നു. ചര്മ്മത്തിനും ഗ്രീന് ടീ ഏറെ ഫലപ്രദമാണ് ഇവ. ഇനി ഇത് കുടിയ്ക്കുമ്പോള് ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം.

വെറും വയറ്റില് ഗ്രീന്ടീ കുടിയ്ക്കുന്നത് ശരീരത്തിന്റെ തുലനാവസ്ഥ നഷ്ടപ്പെടാന് കാരണമാകും. അതുപോലെ ദിവസവും മൂന്നില് കൂടുതല് തവണ ഗ്രീന്ടീ കുടിയ്ക്കുന്നവര് സൂക്ഷിക്കേണ്ടതുണ്ട്. ഗ്രീന് ടീയില് ധാരാളമായി ആന്റിഓക്സൈഡുകളും പ്രകൃതിദത്ത മിശ്രിതങ്ങളും അടങ്ങിയിട്ടുണ്ട്.എന്നാല് ഇതിന്റെ അമിത ഉപയോഗം നമ്മുടെ ശരീരത്തെ തകരാറിലാക്കും.

പല ആളുകളിലും ഭക്ഷണം കഴിച്ച ഉടന് ഗ്രീന് ടീ കുടിക്കുന്ന പതിവ് കാണാറുണ്ട്. എന്നാല് ഇത് ദഹനക്കേട് ഉണ്ടാക്കുമെന്നാണ് പഠനങ്ങള് പറയുന്നത്. അതുകൊണ്ട് ഭക്ഷണം കഴിഞ്ഞ് മുപ്പതോ നാല്പതോ മിനിട്ടുകള്ക്കുശേഷം ഗ്രീന് ടീകുടിയ്ക്കുക. രാത്രിയില് ഗ്രീന് ടീ കുടിച്ചാല് അത് ഉറക്കത്തെ തടസ്സപ്പെടുത്തുകയും ഉറക്കം നഷ്ടമാകുകയും ചെയ്യുന്നു.

പഞ്ചസാര , പാല് എന്നിവ ചേര്ത്ത് ഗ്രീന് ടീ കുടിയ്ക്കുന്ന പതിവ് ഒഴിവാക്കുക. തേനോ ചെറുനാരങ്ങ നീരോ ചേര്ത്ത് ഗ്രീന് ടീ നമ്മുക്ക് ഉപയോഗിക്കാം. ഗ്രീന് ടീകുടിയ്ക്കുന്നത് കൂടുതല് മൂത്ര വിസര്ജ്ജനത്തിനുള്ള സാധ്യത ഉണ്ടാക്കുന്നു. ഇത് നമ്മുടെ ശരീരത്തില് ഡീ ഹൈട്രേഷന് ഉണ്ടാക്കും അതുകൊണ്ട് ഈ പ്രശ്നംഒഴിവാക്കാന് ധാരാളം വെള്ളം കുടിയ്ക്കേണ്ടത് അത്യാവശ്യമാണ്. ഇത്തരം കാര്യങ്ങള് ശ്രദ്ധിച്ചാല് ഗ്രീന് ടീയെ നമ്മുക്ക് ആരോഗ്യപരമായ രീതിയില്തന്നെ ഉപയോഗിക്കാം.

ചെറുനാരങ്ങത്തൊലിയുടെ അത്ഭുതഗുണങ്ങള് ആരോഗ്യത്തിനും സൗന്ദര്യത്തിനും യാതൊരു വിധത്തിലുള്ള പ്രശ്നങ്ങളും ഇല്ലാതെ ഉപയോഗിക്കാവുന്ന ഒന്നാണ് നാരങ്ങ. എന്നാല് നാരങ്ങ നീര് മാത്രമല്ല നാരങ്ങത്തൊലിയും ആരോഗ്യം നല്കുന്നതാണ്. പലരും നാരങ്ങ പിഴിഞ്ഞ് നീരെടുത്ത് അതിന്റെ തൊലി കളയുകയാണ് ചെയ്യുക. നാരങ്ങത്തൊലി കളയുമ്പോള് അതിന്റെ ആരോഗ്യ ഗുണത്തെക്കുറിച്ച് പലര്ക്കും അറിയില്ല. നമ്മള് പ്രതീക്ഷിക്കാത്ത തരത്തിലുള്ള ആരോഗ്യ ഗുണങ്ങളാണ് നാരങ്ങത്തൊലിക്ക്ഉള്ളത്.

ആരോഗ്യപരമായും സൗന്ദര്യപരമായും നിരവധി മാര്ഗ്ഗങ്ങളിലൂടെ നമുക്ക് നാരങ്ങത്തൊലി ഉപയോഗിക്കാവുന്നതാണ്. ഇത്എല്ലാ വിധത്തിലും ചര്മ്മത്തിനും ആരോഗ്യത്തിനും സഹായകമാണ്. എന്തൊക്കെയാണ് ഇതിന്റെ ആരോഗ്യ ഗുണങ്ങള് എന്ന് നോക്കാം.

എല്ലിന് ആരോഗ്യം

ചെറുനാരങ്ങാത്തൊലിയില് കാല്സ്യം, വൈറ്റമിന് സി എന്നിവ ധാരാളം അടങ്ങിയിട്ടുണ്ട്. ഇതുകൊണ്ടു തന്നെ എല്ലുകളുടെ ആരോഗ്യത്തിന് ഇത് ഏറെ മികച്ചതാണ്. എല്ലുകളെ ബാധിയ്ക്കുന്ന വാതം, എല്ലുതേയ്മാനം തുടങ്ങിയ രോഗങ്ങള്ക്കു മികച്ചതാണ് എന്ന കാര്യത്തില്സംശയം വേണ്ട.

ടോക്സിനെ പുറന്തള്ളുന്നു

ഇതിലെ ബയോഫ്ളേവനോയ്ഡുകള് ശരീരത്തിലെ വിഷാംശം നീക്കം ചെയ്യാന് ഏറെ മികച്ചതാണ്.ശരീരത്തില് അമിത അളവില് ടോക്സിന് കെട്ടിക്കിടക്കുന്നുണ്ടെങ്കില് അതിന്പരിഹാരം കാണാന് സഹായിക്കുന്നു നാരങ്ങത്തൊലി.

ക്യാന്സര് കോശങ്ങളുടെ വളര്ച്ച തടയുന്നു

ഇതില് സാല്വെസ്ട്രോള് ക്യൂ 40, ലിമോനിന് എന്നിവ അടങ്ങിയിട്ടുണ്ട്. ഇവ ക്യാന്സറിനെതിരെയുള്ള നല്ലൊരു മരുന്നാണ്. ക്യാന്സര് കോശങ്ങളുടെ വളര്ച്ചതടയുന്നു. ശരീരത്തില് ക്യാന്സര് കോശങ്ങള് വളര്ച്ച ആരംഭിച്ചിട്ടുണ്ടെങ്കില് അതിനെ ഇല്ലാതാക്കാന് സഹായിക്കുന്നു ഇതിലെഘടകങ്ങള്.

പൊട്ടാസ്യം

ധാരാളം പൊട്ടാസ്യം നാരങ്ങത്തൊലിയില് അടങ്ങിയിട്ടുണ്ട്. ഇതുകൊണ്ടു തന്നെ ബിപി നിയന്ത്രണത്തിലാക്കി ഹൃദയാരോഗ്യത്തെ കാത്തു സൂക്ഷിയ്ക്കുന്നു. മാത്രമല്ല തലചുറ്റല് പോലുള്ള പ്രശ്നങ്ങളില് നിന്ന് പരിഹാരവും നല്കുന്നു.

വായ്നാറ്റം

വായ്നാറ്റം ഇന്നത്തെ കാലത്ത് വലിയൊരു പ്രശ്നം തന്നെയാണ്. അതിന് പരിഹാരം കാണാന് സഹായിക്കുന്ന ഘടകങ്ങള് നാരങ്ങയില് ഉണ്ട്. വൈറ്റമിന് സി, നൈട്രിക് ആസിഡ്എന്നിവ വായുടെ ആരോഗ്യത്തിനും വായുടെ ദുര്ഗന്ധമൊഴിവാക്കാനുമെല്ലാം ഏറെ മികച്ചതാണ്.

തടി കുറക്കാന്

തടികുറക്കാന് കഷ്ടപ്പെടുന്നവര്ക്ക് ഇനി ചെറുനാരങ്ങത്തൊലിയിട്ട് തിളപ്പിച്ചവെള്ളം ഉത്തമമാണ്. ചെറുനാരങ്ങാത്തൊലിയില് പെക്ടിന് എന്ന ഘടകമടങ്ങിയിട്ടുണ്ട്. ഇത് തടി കുറയ്ക്കാന് ഏറെ സഹായകമാണ്.

കൊളസ്ട്രോള്

കൊളസ്ട്രോള് മാറിവരുന്ന ജീവിതശൈലിയുടെ ഫലമായി ഉണ്ടാവുന്ന രോഗാവസ്ഥയാണ്. എന്നാല് അതിന്പരിഹാരം കാണാന് സഹായിക്കുന്നു നാരങ്ങയിലെ പോളിഫിനൈല് ഫ്ളേവനോയ്ഡുകള് തുടങ്ങിയവ.

ദഹനസംബന്ധമായ പ്രശ്നങ്ങള്

ദഹനസംബന്ധമായ പ്രശ്നങ്ങള് കൊണ്ട് കഷ്ടപ്പെടുന്നവര്ക്ക് നല്ലൊരു പരിഹാരമാര്ഗ്ഗമാണ് നാരങ്ങ നീര്. എന്നാല് ഇനി നാരങ്ങത്തൊലിയും ഇത്തരം പ്രശ്നങ്ങള്ക്കെല്ലാം പരിഹാരം കാണാവുന്നതാണ്.

കരള് ക്ലീന് ചെയ്യാന്

ഇതിനു പുറമെ ലിവര് ക്ലീന് ചെയ്യുക, രക്തക്കുഴലുകള് ശക്തിപ്പെടുത്തുക, രക്തപ്രവാഹം വര്ദ്ധിപ്പിയ്ക്കും, സ്ട്രോക്ക് സാധ്യത കുറയ്ക്കുക തുടങ്ങിയ പല ഗുണങ്ങളും ചെറുനാരങ്ങാത്തൊലിയ്ക്കുണ്ട്. അതുകൊണ്ട് തന്നെ യാതൊരു വിധത്തിലുള്ള സംശയവും കൂടാതെ കഴിക്കാവുന്നതാണ്.

രോഗപ്രതിരോധശേഷി

രോഗപ്രതിരോധശേഷിഉറപ്പാക്കാന് ചെറുനാരങ്ങാത്തൊലി കഴിയ്ക്കുന്നത് ഏറെ നല്ലതാണ്. ജദോഷം, അലര്ജി എന്നിവയ്ക്കുള്ള നല്ലൊരു പ്രതിരോധമാണ് നാരങ്ങത്തൊലി. പല വിധത്തില് ശരീരത്തിന്റെ രോഗപ്രതിരോധ ശേഷി വര്ദ്ധിപ്പിക്കുന്നു.

ചര്മസംരക്ഷണത്തിന്

ചര്മസംബന്ധമായ പ്രശ്നങ്ങള്ക്കുള്ള നല്ലൊരു പരിഹാരമാണ് ചെറുനാരങ്ങാത്തൊലി. ചുളിവുകള്, പിഗ്മെന്റേഷന്, മുഖക്കുരു, ഡാര്ക് സ്പോട്സ് എന്നിവയ്ക്കെല്ലാം ചെറുനാരങ്ങാത്തൊലി കഴിയ്ക്കുന്നത് നല്ലതാണ്. ഇത് അരച്ചു മുഖത്തിടുകയുംചെയ്യാം.

100 ഗ്രാംചെറുനാരങ്ങാത്തൊലിയില് 134 മില്ലീഗ്രാം കാല്സ്യം, 1620 മില്ലീഗ്രാംപൊട്ടാസ്യം, 129 മില്ലീഗ്രാം വൈറ്റമിന് സി, 10.6 ഗ്രാം ഫൈബര്എന്നിവയടങ്ങിയിട്ടുണ്ട്. ചെറു നാരങ്ങത്തൊലിയിട്ട് തിളപ്പിച്ച വെള്ളംകുടിക്കുന്നതാണ് മുകളില് പറഞ്ഞ അവസ്ഥകള്ക്കെല്ലാം പരിഹാരം കാണാന്സഹായിക്കുന്ന മാര്ഗ്ഗങ്ങള്.

കണ്ണിലുണ്ടാകുന്ന മാറ്റങ്ങള് അവഗണിക്കരുത് കണ്ണിനും കാഴ്ചയ്ക്കും മങ്ങലേറ്റിട്ടുണ്ടെങ്കില് അത് തിമിരത്തിന്റെ ലക്ഷണമായിരിക്കും. തിമിരം വാര്ധക്യത്തിന്റെ മാത്രം അസുഖമാണെന്നാണ് പൊതുവെയുളള ഒരു ധാരണ.

എന്നാല് ഇതിപ്പോള് ചെറുപ്പക്കാരിലും കണ്ടുവരുന്നുണ്ട്. ചെറുപ്പക്കാരിലെ തിമിരം വളരെ മോശമായ ആരോഗ്യത്തെ സൂചിപ്പിക്കുന്നു. കണ്ണുകളില് മഞ്ഞ അടയാളങ്ങള് ഉണ്ടെങ്കില് അതൊരുപക്ഷേ ഡയബറ്റിക് റെറ്റിനോപ്പതിയുടെ ലക്ഷണമാവാം. പ്രമേഹം മൂലം കണ്ണുകളെ ബാധിക്കുന്ന ഒരു രോഗമാണിത്. ഇത് കണ്ണുകളുടെ സ്വതന്ത്രമായ ചലനത്തെ ദോഷകരമായി ബാധിക്കുന്നു.

കണ്ണുകളില് ചുവപ്പുനിറത്തിലുള്ള പൊട്ടുകള് കാണുന്നുവെങ്കില് അത് സൂചിപ്പിക്കുന്നത് നിങ്ങളുടെ രക്തധമനികളുടെ സങ്കോചത്തെയാണ്.രക്തസമ്മര്ദം കൂടുന്തോറും ചെറിയ രക്തക്കുഴലുകള് അപകടകരമാം വിധം ചുരുളുകയും കൂടിപ്പിണയുകയും ചെയ്യുന്നു. ഹൃദയസ്തംഭനമോ സ്ട്രോക്കോ വരാനുള്ള സാധ്യതയാണ് ഇതു കാണിക്കുന്നത്.

ചിലരുടെ കണ്ണുകള് എപ്പോഴും ഉറക്കംതൂങ്ങിയിരിക്കുന്ന പോലെ നിര്ജീവമായി തോന്നാം. ഇതിനു കാരണം ശക്തി ക്ഷയിച്ച കണ്ണുകളിലെ മസിലുകളാണ്. ഇത്തരക്കാര്ക്ക് അര്ബുദവും പക്ഷാഘാതവും വരാനുള്ള സാധ്യത ഏറെയാണ്. കണ്ണിനിരുവശവും തൂങ്ങിക്കിടക്കുന്നുവെങ്കില് ഇത്ശരീരത്തിന്റെ രോഗപ്രതിരോധശേഷിയെ നമ്മുടെ ശരീരം തന്നെ നശിപ്പിക്കുന്ന ഓട്ടോഇമ്മ്യൂണ് ഡിസീസ് ആകാനാണ് സാധ്യത.

വേനല്ക്കാലത്ത് ആഹാരം കരുതലോടെ വേണം ക്ഷീണം, ദാഹം ഒക്കെ വേനല്ക്കാലത്ത്കൂടുതലായിരിക്കും.ദാഹംപെട്ടെന്ന് ഇല്ലാതാക്കാന് ശുദ്ധമായ വെള്ളം തന്നെയാണ്നല്ലത്. നാം കുടിക്കുന്ന വെള്ളം സൂക്ഷിച്ച് വയ്ക്കാന് ശരീരത്തിന് കഴിയുകയില്ല. അതുകൊണ്ട് ശരീരത്തിന്റെ ജലാംശത്തിന്റെ നില താഴുമ്പോള് നമുക്ക് ദാഹം തോന്നും.അപ്പോഴൊക്കെ വെള്ളം കുടിക്കേണ്ടി വരികയും ചെയ്യും. കൂടുതലായുണ്ടാകുന്ന വിയര്പ്പ്, അമിതമായ അദ്ധ്വാനം എന്നീ അവസ്ഥകളില്, ചൂട് കൂടുതലുള്ള സമയത്താണെങ്കില് പ്രത്യേകിച്ചും, ശരീരത്തിലെ കോശങ്ങള്ക്ക് നല്ലപോലെ പ്രവര്ത്തിക്കാന് കഴിയണമെങ്കില് ശരീരത്തിലെ ജലാംശത്തിന്റെ നില നല്ല അവസ്ഥയിലായിരിക്കണം. സാധാരണനിലയില് വൃക്കകള്ക്ക് ശരിയായി പ്രവര്ത്തിക്കുന്നതിന് ഒരാള് ആറ് മുതല് എട്ട് ഗ്ളാസ് വരെ വെള്ളം കുടിച്ചിരിക്കണം.എന്നാല്, വേനല്ക്കാലത്ത് വിയര്പ്പ് കൂടുകയും മറ്റ്ഏതെങ്കിലും തരത്തില് ശരീരത്തിലെ ജലാംശം കുറയുകയാണെങ്കില് ഈ പറഞ്ഞതിന്റെ ഇരട്ടിയോളം അളവില് വെള്ളം ചിലപ്പോള് ആവശ്യമായി വരും. ചൂട് കൂടുതലുള്ളകാലാവസ്ഥയില് ശരീരത്തില് നിന്ന് രണ്ട് ലിറ്ററോളം ജലാംശം നഷ്ടപ്പെടാനുള്ള സാദ്ധ്യതയാണുള്ളത്. അതുകൊണ്ട്, കൂടുതല്ദാഹം അനുഭവപ്പെടുന്നവര് ദാഹം സഹിച്ചിരിക്കാതെ ആവശ്യത്തിന് വെള്ളം കുടിക്കാന് ശ്രദ്ധിക്കണം. അല്ലെങ്കില്, വൃക്കകളില് കല്ല് രൂപം കൊള്ളുവാനോ മൂത്രാശയത്തില് രോഗാണുസംക്രമണങ്ങള് ഉള്ള സാദ്ധ്യതതള്ളിക്കളയാനാവുകയില്ല.

ജലാംശത്തിന്റെ കുറവ് പരിഹരിക്കാന്

ജലാംശത്തിന്റെ കുറവ് പരിഹരിക്കാന് വെള്ളത്തിന് ബദലായി പഴങ്ങളെ ആശ്രയിക്കാവുന്നതാണ്. അതാത് കാലത്ത് സുലഭമായിലഭിക്കുന്ന പഴങ്ങളോ പഴച്ചാറുകളോ ആകാം. പച്ചക്കറികള്കൊണ്ട് ഉണ്ടാക്കുന്ന സൂപ്പും ഗുണകരമായിരിക്കും. സംഭാരം, ലസി, ജീരകവെള്ളം, സര്ബത്ത്, ഞാവല് പഴം, നാരങ്ങാവെള്ളം, കരിക്കിന് വെള്ളം എന്നിവ ഇക്കാര്യത്തില് മുന്നില്നില്ക്കുന്നവയാണ്.

വേനല്ക്കാലത്ത് പൊട്ടാസ്യം, സോഡിയം എന്നിവ വേണ്ടത്ര അളവില് ശരീരത്തിലുണ്ടായിരിക്കണം. ശരീരത്തിലെ ജലാംശത്തിന്റെ നില ക്രമീകരിക്കുന്നതിനും പേശികളില് കോച്ചിവലി ഉണ്ടാകാതിരിക്കാനും അത് ആവശ്യമാണ്. മുന്തിരി, ആപ്രിക്കോട്ട്, പ്രൂണ്സ്, ഈത്തപ്പഴം എന്നിവ ഉണങ്ങിയതില് പൊട്ടാസ്യം ധാരാളം അടങ്ങിയിട്ടുണ്ട്. ഏത്തപ്പഴം, സ്ട്രോബറി, തണ്ണിമത്തങ്ങ എന്നിവയിലും പൊട്ടാസ്യം ധാരാളമുണ്ട്. അതുപോലെ ബീറ്റ് റൂട്ട്, കാരറ്റ്, പച്ചനിറമുള്ള പച്ചക്കറികള്, ഇലക്കറികള്, പയറുവര്ഗങ്ങള്, തക്കാളി, കൂണ് എന്നിവയിലും പൊട്ടാസ്യം ധാരാളമുണ്ട്. പച്ചക്കറികളിലും പഴച്ചാറുകളിലും പൊട്ടാസ്യത്തിന്റെ നല്ല ശേഖരമാണ് ഉള്ളത്.

വേനല്ക്കാലത്ത് കൂടുതലായി വിയര്ക്കുന്നതിന്റെ ഫലമായി ശരീരത്തിലെ ജലാംശത്തിന്റെ നില കുറയുന്നതോടൊപ്പം സോഡിയത്തിന്റെ നിലയിലും കുറവുണ്ടാകാവുന്നതാണ്. അതുകൊണ്ട് തന്നെ ശരീരത്തില് സോഡിയത്തിന്റെ ആവശ്യവും വേനല്ക്കാലത്ത്കൂടുതലാണ്. വെള്ളം കുടിക്കുമ്പോള് ഓരോ പ്രാവശ്യവും ഓരോനുള്ള് ഉപ്പ് ചേര്ക്കുന്നത് നല്ലതാണ്. സോഡിയത്തിന്റെ കുറവ്പരിഹരിക്കുന്നതോടൊപ്പം ദഹനശേഷി നന്നാകുന്നതിനും അത് സഹായിക്കും. സോഡിയത്തിന്റെ നില കൂടുതല് താഴ്ന്ന് പോയാല്പേശികളില് കോച്ചിവലി, തളര്ച്ച, ആശയക്കുഴപ്പം, വിഷാദം എന്നിവ കാണാനുള്ള സാദ്ധ്യതയുണ്ട്.

പഴങ്ങളുംപച്ചക്കറികളും പതിവായി കഴിക്കുന്നത്, ആരോഗ്യം നല്ലനിലയിലാകാന് ഒരുപാട് സഹായിക്കുന്നതാണ്. ഇവയില്ന നമുക്കാവശ്യമുള്ള പോഷകാംശങ്ങള് അടങ്ങിയിട്ടുണ്ട്. ജീവകങ്ങളും ധാതുക്കളും - എല്ലാം. പഴങ്ങളിലും പച്ചക്കറികളിലും ജലാംശവും വേണ്ടുവോളമുണ്ട്. പഴങ്ങളിലും പച്ചക്കറികളിലും എണ്പത് ശതമാനവും ജലാംശമാണ്. മാത്രമല്ല, രക്തസമ്മര്ദ്ദം ഉയരാതിരിക്കാനും കൂടി ഇതൊക്കെസഹായിക്കും.

വേനല്ക്കാലത്ത് ഉണ്ടാകുന്ന ഒരുപാട്പ്രശ്നങ്ങള്ക്കുള്ള പരിഹാരമാണ് തണ്ണിമത്തങ്ങ. ഇതില് 90 ശതമാനവും ജലാംശമാണ്. എട്ട് ശതമാനം പഞ്ചസാരയാണ്. ഇതിന്പുറമെ ജീവകം സിയും നിരവധി രോഗങ്ങളില് നിന്നും സംരക്ഷണം ലഭിക്കാന് സഹായിക്കുന്ന 'ലൈകോപീന്' എന്ന രാസഘടകവും അടങ്ങിയിട്ടുണ്ട്. ധാരാളം പൊട്ടാസ്യവും . ശരീരത്തിലെ ജലാംശം വേണ്ട രീതിയില് നിലനിര്ത്താന് ഏറ്റവും നന്നായി സഹായിക്കുക തണ്ണിമത്തങ്ങയാണ്. ഉയര്ന്ന നിലയിലുള്ള കൊളസ്ട്രോള് കുറയ്ക്കാനും പുളിച്ച് തികട്ടല് മാറുവാനും ഒന്നാം തരം പ്രതിവിധി കൂടിയാണിത്.

ആഹാരത്തോടൊപ്പം വെള്ളമോ മറ്റ് പാനീയങ്ങളോ ഒരുപാട് കുടിക്കാതിരിക്കുകയാണ് നല്ലത്. ആഹാരത്തിന് ഒരുമണിക്കൂര് മുന്പോ ഒരു മണിക്കൂര്ശേഷമോ കുടിക്കാവുന്നതാണ്. ആഹാരത്തോടൊപ്പം വെള്ളംകുടിക്കുന്നത് നിര്ബന്ധമായി തോന്നുകയാണെങ്കില് അല്പംമാത്രം കുടിക്കുകയാണ് നല്ലത്.

തണുപ്പിച്ച വെള്ളംകുടിക്കുന്നത് നല്ലതല്ല എന്നറിയണം. ആഹാരത്തോടൊപ്പംകൂടുതല് വെള്ളം കുടിക്കുന്നവരില് ദഹന പ്രക്രിയതകരാറിലാകാനുള്ള സാദ്ധ്യത കൂടുതലായിരിക്കും.

വേനലില് ഒഴിവാക്കേണ്ട ഭക്ഷണങ്ങള്

വേനല്ക്കാലത്ത് ആഹാരത്തില് കൂടിയ അളവില് മസാല ചേര്ക്കരുത്. മുളകും കുറയ്ക്കണം. കൂടുതല് കൊഴുപ്പ് ചേര്ത്തതും എണ്ണയില് വറുത്തതുമായ ആഹാരവും ഒഴിവാക്കുക. ചോക്ളേറ്റ് നിര്ബന്ധമാണെങ്കില് തീരെ ചെറിയ അളവില് കഴിക്കുക. മദ്യപാനം, ശരീരത്തിലെ ജലാംശത്തിന്റെ നില താഴുന്നതിന്കാരണമാകുന്നതാണ്. വേനല്ക്കാലത്ത് മദ്യപാനംഒഴിവാക്കുകയാണ് നല്ലത്. ചായയും കാപ്പിയും ധാരാളം കുടിക്കുന്നതും നല്ലതല്ല. കൃത്രിമ നിറങ്ങളും മധുരവും ചേര്ത്ത പാനീയങ്ങള് ഒഴിവാക്കുക. ഹെയര് ഡൈ ഉപയോഗിക്കുമ്പോള് ശ്രദ്ധിച്ചില്ലെങ്കില് മരണത്തിനും സാധ്യത നമ്മുടെ നാട്ടില് മിക്കവാറും പേര് നരച്ചു തുടങ്ങിയ മുടിയെകറുപ്പിക്കാനായി ഹെയര് ഡൈ ഉപയോഗിക്കുന്നവരാണ്. പലരും ഹെയര്ഡൈ വാങ്ങി അതില് പറഞ്ഞിരിക്കുന്ന പോലെ തന്നെ തേക്കുകയും ചെയ്യും. എന്നാല് ഡൈ ചെയ്യുന്നതിന് മുന്പ് അത് ഒന്ന് കൈയിലോ,മറ്റോ പരീക്ഷിക്കുന്നത് നല്ലതായിരിക്കും.

ചിലര്ക്ക് അത് കൂടിയ തരത്തില് അലര്ജി ഉണ്ടാക്കും.ചിലപ്പോള് മരണത്തിന് വരെ കാരണമാകുകയും ചെയും. വിപണിയില് ലഭിക്കുന്ന വില കുറഞ്ഞ ഉല്പന്നങ്ങള്ഉപയോഗിക്കുന്നവര്ക്കാണ് പലപ്പോഴും ഇത്തരത്തില് അപകടങ്ങള് ഉണ്ടാകുന്നത്.

ഉപയോഗിക്കുന്നതിന് മുന്പ് ഒരു പാച്ച് ടെസ്റ്റ് നടത്തുന്നത് നല്ലതാണ്. ഡൈനേരിട്ടു തലയില് തേച്ചുപിടിപ്പിക്കുന്നവര്ക്ക് ഗുരുതരമായ രോഗങ്ങള്ഉണ്ടാകും. ഡൈയുടെ അമിത ഉപയോഗം മുടി കൊഴിയുന്നതിന് കാരണമാകും. ഡൈ അപകടകാരിയാണെങ്കില് ചെവിയുടെ പുറകുവശം വീര്ത്തു വരികയും കണ്ണുകള്പശവച്ചപോലെ ഒട്ടിയിരിക്കുകയും മുഖവും ശരീരവുമാകെ തിണര്ക്കുകയും ചുവക്കുകയും ചെയും

ആരോഗ്യത്തിനും ബുദ്ധിക്കും ബദാം കഴിക്കാം ആരോഗ്യവും ബുദ്ധിയും ഒരുമിച്ച് നേടിയ വ്യക്തിയാകുക എന്നതാണ് എല്ലാവരുടേയും ആഗ്രഹം. ഇതിന് ഭക്ഷണക്രമത്തില് ബദാം ഉള്പ്പെടുത്തുക . വിറ്റാമിന്, മഗ്നീഷ്യം, പ്രോട്ടിന്, ഫാറ്റി ആസിഡ്, നാരുകള്, മിനറല്സ്, ആന്റി ഓക്സിഡന്റ്എന്നിവയാല് സമ്പന്നമാണ് ബദാം. ദിവസവും അഞ്ച് ബദാം വീതംകഴിക്കാം. ഗുണം കേട്ടോളൂ. ഹൃദയാരോഗ്യം വര്ധിപ്പിക്കാന് ബദാം മികച്ച ഭക്ഷണമാണ്. ഇതിലടങ്ങിയിട്ടുള്ള വിറ്റാമിന് ഇകോശങ്ങളെ സംരക്ഷിക്കും.

ഉയര്ന്ന അളവില് നല്ലകൊളസ്ട്രോള്, പ്രോട്ടിന്, മാഗ്നീഷ്യം എന്നിവ അടങ്ങിയിട്ടുണ്ട്. പ്രമേഹരോഗികള് ബദാം ഭക്ഷണത്തില് ഉള്പ്പെടുത്തുന്നത് ഗുണം നല്കും. മഗ്നീഷ്യം രക്തസമ്മര്ദ്ദത്തെ നിയന്ത്രിക്കും. ശരീരഭാരം കുറയ്ക്കാന് ബദാം കഴിക്കാം. ഓര്മ്മ, ബുദ്ധി, എല്ലുകളുടെയും പല്ലുകളുടെയും ബലം, രോഗപ്രതിരോധശേഷി എന്നിവ വര്ദ്ധിപ്പിക്കും. ചര്മ്മത്തിന്റെ തിളക്കവും ഭംഗിയും വര്ധിപ്പിക്കാന് ബദാമിന് പ്രത്യേക കഴിവുണ്ട്. നിത്യവും ബദാം കഴിക്കുന്നവര്ക്ക് ചര്മ്മത്തെ വേഗത്തില്പ്രായം ബാധിക്കില്ല

സവാള ദിവസവും ഭക്ഷണത്തില് ഉള്പ്പെടുത്തൂ ഗുണങ്ങള് നിരവധിയാണ് ഹൃദയാരോഗ്യം സംരക്ഷിക്കും - സവാളയില് അടങ്ങിയിട്ടുള്ള സള്ഫര് ഘടകങ്ങള്, രക്തത്തിലെ കൊളസ്ട്രോളിന്റെ അളവ് കുറയ്ക്കും. പ്ലേറ്റ്ലറ്റ് അടിയുന്നത് തടയാനും സവാള സഹായിക്കും. ഇതുവഴി ഹൃദയത്തെ പൊന്നുപോലെ കാക്കാന് സവാളയ്ക്ക്സാധിക്കുമെന്നാണ് ഗവേഷകര് പറയുന്നത്.

പ്രമേഹം നിയന്ത്രിക്കും- സള്ഫര് ഘടകങ്ങള് കൂടാതെ സവാളയില് അടങ്ങിയിട്ടുള്ള ക്വര്സെറ്റിന്, രക്തത്തിലെ പഞ്ചസാരയുടെ അളവ് നല്ലതുപോലെ നിയന്ത്രിക്കാനുള്ള ശേഷിയുണ്ട്.

പ്രതിരോധശേഷി വര്ദ്ധിപ്പിക്കും - സവാളയില് കൂടുതലായി അടങ്ങിയിട്ടുള്ള വിറ്റാമിന് സി, ശരീര കോശങ്ങളുടെ പ്രതിരോധ ശേഷി വര്ദ്ധിപ്പിക്കും.

സമ്മര്ദ്ദം കുറയ്ക്കും- മാനസിക സമ്മര്ദ്ദം കുറയ്ക്കാന് സഹായിക്കുന്ന ക്വര്സെറ്റിന് സവാളയില് ധാരാളമായി അടങ്ങിയിട്ടുണ്ട്. ഭക്ഷണത്തിനൊപ്പം, സവാള ചെറുതായി അരിഞ്ഞ പച്ചയ്ക്ക് കഴിച്ചാല് ക്വര്സെറ്റിന്റെ ഗുണം നമുക്ക് കൂടുതലായി ലഭിക്കും.

ക്യാന്സറിനെ പ്രതിരോധിക്കും - സവാളയില് ധാരാളമായി അടങ്ങിയിട്ടുള്ള ആന്റിഓക്സിഡന്റുകളും ഓര്ഗാനോ സള്ഫര് ഘടകങ്ങളും ക്യാന്സറിനെ നന്നായിപ്രതിരോധിക്കാന് സഹായിക്കും. പ്രോസ്റ്റേറ്റ് ക്യാന്സര്, വൃക്കയില്ക്യാന്സര്, വായിലെ ക്യാന്സര്, സ്തനാര്ബുദം തുടങ്ങിയവയൊക്കെപ്രതിരോധിക്കാന് സവാളയ്ക്ക് സാധിക്കും.

ചര്മ്മ സംരക്ഷണം -ചര്മ്മത്തിലെ പാടുകള് ഇല്ലാതാക്കാന് സവാളയില് അടങ്ങിയിട്ടുള്ള ആന്റിഓക്സിഡന്റുകള് സഹായിക്കും. മുഖക്കുരു ചികില്സയ്ക്കും സവാള ഉപയോഗിക്കുന്നത്നല്ലതാണ്.

ബീജത്തിന്റെ എണ്ണവും ആരോഗ്യവും വര്ദ്ധിപ്പിക്കും - സവാളയില്അടങ്ങിയിട്ടുള്ള ആന്റി ഓക്സിഡന്റ്, പുരുഷ ബീജത്തിന്റെ ആരോഗ്യത്തിന് ഏറെ ഉത്തമമാണ്. ബീജത്തിന്റെ എണ്ണവും ഗുണമേന്മയും വര്ദ്ധിപ്പിക്കാനും സവാള സഹായിക്കും. ഇതിനായി സവാള ജ്യൂസ് അടിച്ചു കുടിക്കുന്നത് നല്ലതാണെന്ന്നേരത്തെ നടത്തിയ പഠനങ്ങളില് വ്യക്തമായതാണ്

ചെങ്കണ്ണിനെ പ്രതിരോധിക്കാം ചെങ്കണ്ണ് എന്നാല് കൃഷ്ണമണിയെ പൊതിയുന്ന വെളുത്ത ആവരണം അണുബാധ മൂലം ചുവക്കുകയോ, ചൊറിച്ചില് തോന്നുകയും ചെയ്യുന്ന അവസ്ഥയാണ്.

ലക്ഷണങ്ങള്

കണ്ണിന്റെ വെളുത്ത പ്രതലം ചുവക്കുക, കണ്ണ് ചൊറിച്ചില്, കണ്ണില് നിന്നും വെള്ളം വരുക.

കാരണങ്ങള്

കൃഷ്ണമണിയുടെയോ, കണ്പോളയുടെ ഉള്ഭാഗത്തായോ നേര്ത്ത പ്രതലത്തില് ഏതെങ്കിലും കാരണത്താല് ചൊറിച്ചില് അനുഭവപ്പെടുകയോ, അണുബാധയേല്ക്കുകയോ ചെയ്താല് ചെങ്കണ്ണായിമാറും. ഉദാഹരണത്തിന് വൈറസുകള്, ബാക്ടീരിയ, അലര്ജി, വരണ്ട കണ്ണുകള് മുതലായവ.

ഷവറിനു താഴെ കണ്ണു തുറന്നു പിടിക്കുകയോ വൃത്തിയുള്ള പാത്രത്തില് നിന്ന് വെള്ളം കണ്ണിലേക്കൊഴിക്കുകയോ ചെയ്യുക. വെള്ളമൊഴിക്കുമ്പോള് കണ്ണ് പരമാവധി തുറന്നു പിടിക്കുക. 15 മിനിറ്റ് തുടര്ച്ചയായി വെള്ളമൊഴിക്കണം. കണ്ണില് കോണ്ടാക്ട് ലെന്സ് ഉണ്ടെങ്കില് ലെന്സിനു മുകളിലേക്ക് വെള്ളം ചുറ്റിക്കുക. അത് ഇളകിപ്പോകും.

വീടിനുള്ളില് പണിയെടുക്കുമ്പോഴും, യാത്ര ചെയ്യുമ്പോഴും, തൊഴില്സ്ഥലത്തായിരിക്കുമ്പോഴും കണ്ണുകള് സംരക്ഷിക്കാന് ശ്രദ്ധിക്കണം. വീട്ടിലും ജോലിസ്ഥലത്തും ഒരു പ്രഥമശുശ്രൂഷാ കിറ്റ് സൂക്ഷിക്കണം. കണ്ണിന് ക്ഷതമേല്ക്കുന്ന സാഹചര്യത്തില് കൊണ്ടു നടക്കാവുന്ന ഒരു കിറ്റും ഒരു ഐഷീല്ഡും കൂടെ കരുതണം. കണ്ണിനേല്ക്കുന്ന ഏതൊരു ക്ഷതവും നിസാരമാണെന്ന് കരുതി തള്ളിക്കളയരുത്. എന്തെങ്കിലും സംശയം തോന്നിയാല് ഉടന്തന്നെ ഡോക്ടറെകാണണം.

സ്കിന് ക്യാന്സറിന്റെ ലക്ഷണങ്ങളറിയാം ക്യാന്സര് ഇന്നത്തെ കാലത്ത് ഏറ്റവും വെല്ലുവിളി ഉയര്ത്തുന്ന രോഗങ്ങളുടെ കൂട്ടത്തില് ഒന്നാണ്. പലപ്പോഴും രോഗത്തെ തിരിച്ചറിയാന് വൈകുന്നതാണ് ഇത് ഗുരുതര പ്രശ്നങ്ങളിലേക്ക് എത്തിക്കുന്നത്. ശരീരത്തില് കാണപ്പെടുന്ന ചെറിയ ലക്ഷണങ്ങള് പോലും പലപ്പോഴും പലരും അവഗണിക്കുകയാണ്പതിവ്. രോഗനിര്ണയം പെട്ടെന്ന് നടത്തി ചികിത്സ ആരംഭിച്ചാല് അത് എല്ലാവിധത്തിലും പൂര്ണമായും ആശ്വാസം നല്കുന്നു രോഗത്തിന്. പലപ്പോഴും ഇത് പലരും തിരിച്ചറിയാത്തതാണ് പല വിധത്തില് പ്രതിസന്ധികള് ഉണ്ടാക്കുന്നത്.

എന്നാല് ശരീരത്തില് കാണുന്ന ചില ലക്ഷണങ്ങള് ശ്രദ്ധിച്ചാല് അത് എല്ലാ വിധത്തിലും രോഗത്തില് നിന്ന് രക്ഷ നേടാവുന്നതാണ്.എങ്ങനെയെല്ലാം സ്കിന് ക്യാന്സര് നമ്മുടെ ആരോഗ്യത്തെ തകര്ക്കുന്നുണ്ടെന്ന് മനസ്സിലാക്കാന് ശ്രദ്ധിക്കുക. അതിനായി ശരീരം കാണിക്കുന്ന ലക്ഷണങ്ങള് ഒന്നും അവഗണിക്കാതിരിക്കാന് ശ്രദ്ധിക്കുക. കാരണം ഇത് പലപ്പോഴും പല വിധത്തിലാണ് ചര്മ്മത്തിനും ആരോഗ്യത്തിനും പ്രശ്നമുണ്ടാക്കുന്നത്. എന്തൊക്കെയാണ് ചര്മ്മത്തില് ക്യാന്സറെങ്കില് കാണിക്കുന്ന ആദ്യ ലക്ഷണങ്ങള് എന്ന് നോക്കാം.

ശരീരത്തിലുണ്ടാവുന്ന മറുകുകള്

ശരീരത്തില്പല വിധത്തിലുള്ള മറുകുകള് ഉണ്ടാവാറുണ്ട്. എന്നാല് ഇത് സാധാരണ തരത്തില്നിന്ന് വ്യത്യസ്തമായ രീതിയില് കാണപ്പെടുകയാണെങ്കില് ശ്രദ്ധിക്കുക. ചര്മ്മത്തില് ഇത്തരത്തിലുള്ള മറുകുകള് ഉണ്ടെങ്കില് അത് എല്ലാ അര്ത്ഥത്തിലും ശ്രദ്ധിക്കേണ്ട ഒന്ന് തന്നെയാണ്.

നഖത്തിലെ വരകള്

നഖത്തില് വരകള് കാണപ്പെട്ടാലും അല്പം ശ്രദ്ധിക്കുക. ഇതും സ്കിന് ക്യാന്സര് ലക്ഷണങ്ങളില് ഒന്ന് തന്നെയാണ്. പലപ്പോഴും ഇത് കരളിലേക്ക് വരെ പകരാനുള്ള സാധ്യത വളരെ കൂടുതലാണ്. അതുകൊണ്ട് തന്നെ വളരെയധികം ശ്രദ്ധിക്കുക.

കാഴ്ചസംബന്ധമായ പ്രശ്നങ്ങള്

കാഴ്ചസംബന്ധമായപ്രശ്നങ്ങള് ഉണ്ടെങ്കില് അതും പലപ്പോഴും പല വിധത്തില് പ്രശ്നങ്ങള് ഉണ്ടാക്കുന്നു. എന്നാല് ഇത് സ്കിന് ക്യാന്സറിന്റെ ലക്ഷണങ്ങളില് വളരെപ്രധാനപ്പെട്ട ഒന്നാണ്.

മാറാതെ നില്ക്കുന്ന പാടുകള്

ചര്മ്മത്തില് ഉണ്ടാവുന്ന പാടുകള് പല വിധത്തിലാണ് നിങ്ങളെ ബാധിക്കുന്നത്. ഇത് ഒരിക്കലുംചര്മ്മത്തില് നിന്ന് മാറാതെ നില്ക്കുന്നുവെങ്കില് അത് ഡോക്ടറെ കാണിക്കേണ്ടത് അത്യാവശ്യമാണ്. കാരണം ചര്മ്മത്തിലുണ്ടാവുന്ന ഇത്തരം പാടുകള് സ്കിന് ക്യാന്സര് ലക്ഷണമായിരിക്കാം.

പാദത്തിലെ മറുക്

മറുക് നമ്മുടെ ശരീരത്തില് പല വിധത്തില് ഉണ്ടാവാം. എന്നാല് പലപ്പോഴും പാദത്തില് ഉണ്ടാവുന്ന ഇത്തരത്തിലുള്ള പാടുകള് സ്കിന് ക്യാന്സര് ലക്ഷണങ്ങളില് പ്രധാനപ്പെട്ടതാവാം. അതുകൊണ്ട് അത് ശ്രദ്ധിക്കുക.

പിഗ്മെന്റേഷന്

ചര്മ്മത്തില്നിന്ന് എതെങ്കിലും വിധത്തില് മറുക് നീരക്കം ചെയ്തിട്ടുണ്ടെങ്കില് അവിടെപിഗ്മെന്റേഷന് നിലനില്ക്കുന്നുണ്ടെങ്കില് അതിനര്ത്ഥം നിങ്ങളില് ത്വക്കിലെ ക്യാന്സര് ഉണ്ടാവാനുള്ള സാധ്യത വളരെ കൂടുതലാണ് എന്നതാണ്.

കവിളിനുള്ളില് കറുത്ത പാട്

കവിളിനുള്ളിലോ മൂക്കിനു തുമ്പത്തോ സ്വകാര്യ ഇടങ്ങളിലോ നിങ്ങള്ക്ക് കറുത്ത പാടുകള് ഉണ്ടെങ്കില് അതും അര്ത്ഥമാക്കുന്നത് നിങ്ങളില് ക്യാന്സര് കോശങ്ങള് വളരുന്നു എന്നതാണ്. ചര്മ്മത്തില് ക്യാന്സര് കോശങ്ങള് ഉണ്ടെങ്കിലാണ് ഇത്തരം ലക്ഷണങ്ങള് കാണപ്പെടുന്നത്.

മറുകിന്റെ നിറ വ്യത്യാസം

മറുകിന്റെ നിറവ്യത്യാസം മനസ്സിലാക്കി നമുക്ക് സ്കിന് ക്യാന്സര് സാധ്യത മനസ്സിലാക്കാം. മറുകുകള് സാധാരണ ഒരേ നിറത്തിലാണ് ഉണ്ടാവാറുള്ളത്. എന്നാല് ഇതില് തന്നെ ഒരു മറുകിന് എന്തെങ്കിലും തരത്തിലുള്ള മാറ്റവും നിറവ്യത്യാസവും കണ്ടാല് അത് ശ്രദ്ധിക്കേണ്ടത് അത്യാവശ്യമാണ്.

മറുകിന്റെ വലിപ്പം

മറുകിന്റെ വലിപ്പമാണ് മറ്റൊന്ന്. സാധാരണ മറുകിനേക്കാള് വലുതാണ് പുതിയതായി ഉണ്ടാവുന്ന മറുകെങ്കില് അത് ശ്രദ്ധിക്കാം. ഇത് സ്കിന് ക്യാന്സര് ലക്ഷണങ്ങളില് പ്രധാനപ്പെട്ടതാവാനുള്ള സാധ്യത വളരെ കൂടുതലാണ്. അതുകൊണ്ട് തന്നെ ഡോക്ടറെ കാണാന് മടിക്കേണ്ടതില്ല.

വാട്ടര് തെറാപ്പിയുടെ ഗുണങ്ങളറിയൂ.. വെള്ളം ശരീരത്തിന് ഭക്ഷണം പോലെത്തന്നെ അത്യാവശ്യമായ ഒന്നാണെന്ന കാര്യത്തില്ആര്ക്കും തര്ക്കമുണ്ടാകില്ല. വെള്ളം കുറയുന്നത് പല അസുഖങ്ങള്ക്കും അനാരോഗ്യത്തിനും വഴിയൊരുക്കും.

വെള്ളം കൊണ്ടൊരു ചികിത്സാരീതിതന്നെയുണ്ട്. പല അസുഖങ്ങളും ഒഴിവാക്കാന് സഹായിക്കുന്ന ഒന്ന്. ക്യാന്സറടക്കമുള്ള പല രോഗങ്ങളില് നിന്നും ഇതു മോചനം നല്കും. ജപ്പാനിലും, ഇന്ത്യയിലും വാട്ടര് തെറാപ്പി ഇന്ന് ഏറെ പ്രചാരം നേടിയിട്ടുണ്ട്. ശാസ്ത്രീയ പരീക്ഷണങ്ങളും ഇതിന്റെ ഫലം തെളിയിച്ചതാണ്. പഴക്കം ചെന്ന, ഗുരുതരമായ രോഗങ്ങള്ക്കും, പുതിയ രോഗങ്ങള്ക്കും ജാപ്പനീസ് മെഡിക്കല്സൊസൈറ്റി വാട്ടര് തെറാപ്പിയെ 100 ശതമാനം ഫലമുള്ളതായി കണ്ടെത്തിയിട്ടുണ്ട്. വാട്ടര് തെറാപ്പി ചെയ്യാനും ഏറെ എളുപ്പമാണ്. ഇതെക്കുറിച്ചു കൂടുതലറിയൂ,

രാവിലെ

രാവിലെ കിടക്കയില് നിന്ന് എഴുന്നേറ്റ്(പല്ലുതേക്കുന്നതിനും മുമ്പ്) ഒന്നര ലിറ്റര് , അതായത് 5-6 ഗ്ലാസ്സ് വെള്ളംകുടിക്കുക. അതിന് ശേഷംമുഖം കഴുകാം. ഇതിനാണ് വാട്ടര് തെറാപ്പി എന്ന് പറയുന്നത്. ഇവിടെ ശ്രദ്ധിക്കേണ്ടുന്ന കാര്യം വെള്ളം കുടിക്കുന്നതിന് ഒരു മണിക്കൂര് മുമ്പും ശേഷവും പാനിയങ്ങളോ, ഖരാഹാരങ്ങളോ കഴിക്കരുത് എന്നതാണ്. കൂടാതെ തലേന്ന് രാത്രിയില് മദ്യവും കഴിക്കരുത്.

തുടക്കത്തില്

തുടക്കത്തില് പ്രാക്ടീസ് ചെയ്യുമ്പോള് ആദ്യം നാല്ഗ്ലാസ്സ് വെള്ളം കുടിച്ച് ഏതാനും മിനുട്ടുകള്ക്കുള്ളില് ബാക്കി രണ്ട്ഗ്ലാസ്സ് വെള്ളവും കുടിക്കുക. തുടക്കത്തില് ആദ്യ മണിക്കൂറില് രണ്ടോമൂന്നോ പ്രാവശ്യം മൂത്രമൊഴിക്കേണ്ടി വരാം. എന്നാല് അല്പകാലത്തിനകം ഇത് സാധാരണനിലയിലാകും.

വാട്ടര് തെറാപ്പി

അനീമിയ, റൂമാറ്റിസം, പരാലിസിസ്, അമിതവണ്ണം, സന്ധിവാതം, സൈനസൈറ്റിസ്, വര്ദ്ധിച്ച നെഞ്ചിടിപ്പ്, ബോധക്ഷയം, ചുമ, ലുക്കീമിയ, ബ്രോങ്കൈറ്റിസ്, മെനിഞ്ചൈറ്റിസ്, അസിഡിറ്റി, വയറുകടി, ആന്ത്രവീക്കം, ഗര്ഭാശയ ക്യാന്സര്, ഗുദഭ്രംശം, നേത്രരോഗങ്ങള്, ക്രമംതെറ്റിയ ആര്ത്തവം, തലവേദന തുടങ്ങി പല രോഗങ്ങള്ക്കും വാട്ടര് തെറാപ്പിപരിഹാരം നല്കും.

വാട്ടര് തെറാപ്പിയിലൂടെ

വാട്ടര് തെറാപ്പിയിലൂടെ വിയര്പ്പും മൂത്രവും വഴി ശരീരത്തില് നിന്ന് വിഷാംശം നീക്കം ചെയ്യുന്നു. . തിളക്കവും ആരോഗ്യവുമുള്ള ചര്മ്മം ലഭ്യമാക്കുന്നു. ശരീരോഷ്മാവ് നിയന്ത്രിക്കുന്നു.ശരീരത്തില് നിന്ന് മാലിന്യങ്ങള് പുറന്തള്ളുന്നു.

പ്രധാനപ്പെട്ട ചില രോഗങ്ങള്

പ്രധാനപ്പെട്ട ചില രോഗങ്ങള് വാട്ടര്തെറാപ്പി വഴി ഭേദപ്പെടാന് ആവശ്യമായ കാലദൈര്ഘ്യമാണ് ഇവിടെ പറയുന്നത്.ഉയര്ന്ന രക്തസമ്മര്ദ്ദം - 30 ദിവസം ഗ്യാസ്ട്രബിള് സംബന്ധമായപ്രശ്നങ്ങള് - 10 ദിവസം പ്രമേഹം - 30 ദിവസം മലബന്ധം - 10 ദിവസം ക്ഷയം(ടിബി) - 90 ദിവസം

നാല് ഗ്ലാസ്സ് വെള്ളം ഒരുമിച്ച് കുടിക്കാന് സാധിക്കാത്തവര്ക്ക്

പ്രായമായവരും, രോഗികളുമായ, നാല് ഗ്ലാസ്സ് വെള്ളം ഒരുമിച്ച് കുടിക്കാന് സാധിക്കാത്തവര്ക്ക് അല്പം അളവില് തുടങ്ങി ക്രമേണ ദിവസം 4 ഗ്ലാസ്സ് എന്ന അളവിലേക്ക് എത്തിച്ചേരുക. ഇത് വഴി രോഗങ്ങളകറ്റി ആരോഗ്യകരമായ ജീവിതംസാധ്യമാക്കാം.

ചര്മത്തിന്റെ ആരോഗ്യത്തിന്

ചര്മത്തിന്റെ ആരോഗ്യത്തിനും സൗന്ദര്യത്തിനും ഇത് ഏറെ നല്ലതാണ്. മുഖക്കുരു പോലുള്ള പ്രശ്നങ്ങള്ക്കും ഏറെ ഗുണകരം. കോശങ്ങളില് നിന്നും ടോകസിനുകള് പുറന്തള്ളപ്പെടുന്നതാണ്കാരണം.

പാവയ്ക്കയുടെ മധുരിക്കുന്ന ഗുണങ്ങള് കയ്പ് രുചിയായതിനാല് കൂടുതല് പേര്ക്കും പാവയ്ക്ക കഴിക്കാന് ഇഷ്ടമില്ല. എന്നാല് പാവയ്ക്കയുടെ ഗുണങ്ങളറിഞ്ഞാല് ഇത് ആരോഗ്യത്തിന് മധുരമാണ് സമ്മാനിക്കുന്നതെന്ന് മനസിലാകും. നിരവധി ആന്റിഓക്സിഡന്റുകളും വിറ്റാമിനുകളും പാവയ്ക്കയില് അടങ്ങിയിട്ടുണ്ട്. ആസ്മ, ജലദോഷം, ചുമ എന്നിവയ്ക്ക് ആശ്വാസം നല്കാന് പാവയ്ക്കയ്ക്ക് കഴിവുണ്ട്. പാവയ്ക്കയുടെ ഇലയും കായും അണുബാധയെ പ്രതിരോധിക്കാന് സഹായകമാണ്. രക്തത്തിലെ പഞ്ചസാരയുടെ അളവ് കുറയ്ക്കാന് ഉത്തമമായ പാവയ്ക്കയില് അടങ്ങിയിട്ടുള്ള നാരുകള് ദഹന പ്രക്രിയ സുഗമമാക്കും.

ശരീരത്തില് അടിഞ്ഞു കൂടിയിട്ടുള്ള കൊഴുപ്പിനെ ഇല്ലാതാക്കുകയും അതുവഴി ശരീരഭാരം കുറയ്ക്കാനും പാവയ്ക്ക സഹായിക്കും. റൈബോഫ്ളേവിന്, ബീറ്റാ കരോട്ടിന്, മഗ്നീഷ്യം, ഫോസ്ഫറസ്, തയാമിന്, സിങ്ക്, ഫോളിയേറ്റ് തുടങ്ങിയ ഘടകങ്ങള് പാവയ്ക്കയിലുണ്ട്. പാവയ്ക്കയ്ക്ക് താരനും ശിരോചര്മത്തിലുണ്ടാകുന്ന അണുബാധകളും അകറ്റാന് കഴിവുണ്ട്. കൂടാതെ മുടിക്കു തിളക്കവും മൃദുത്വവും നല്കാനും മുടി കൊഴിച്ചില് അകറ്റാനുമെല്ലാം പാവയ്ക്ക സഹായിക്കുന്നുണ്ട്.

പോഷകസമൃദ്ധമായ ബ്രോക്കോളി പോഷകസമൃദ്ധവും രുചികരവുമായ ഒരു പച്ചക്കറിയാണു ബ്രോക്കോളി. വിറ്റാമിന്കെ, വിറ്റാമിന് സി, ക്രോമിയം, ഫോളേറ്റ് എന്നിവയുടെ കലവറയാണ് ബ്രോക്കോളി. ഡയറ്ററി ഫൈബര്,പാന്റോതെനിക് ആസിഡ്, വിറ്റാമിന് ബി6, വിറ്റാമിന് ഇ, മാംഗനീസ്, ഫോസ്ഫറസ്, വിറ്റാമിന് ബി1, വിറ്റാമിന് എ, പൊട്ടാസ്യം, കോപ്പര് എന്നിവയും ഉയര്ന്ന തോതില് അടങ്ങിയിട്ടുണ്ട്.

കാന്സര് പ്രതിരോധം

കോളിഫ്ളവര്, കാബേജ് തുടങ്ങിയ പച്ചക്കറികളെപ്പോലെ കാന്സറിനെതിരേ പോരാടാനും കാന്സര് പ്രതിരോധത്തിനും സഹായകമായ ഘടകങ്ങള് ബ്രോക്കോളിയിലുണ്ട്. സ്തനാര്ബുദം, ഗര്ഭാശയ കാന്സര് എന്നിവയെ പ്രതിരോധിക്കുന്നതിനു സഹായകം. സന്ധിവീക്കവും നീര്ക്കെട്ടും തടയുന്നതിന് ബ്രോക്കോളിയിലുള്ള ഒമേഗ 3 ഫാറ്റി ആസിഡുകള് ആന്റി ഇന്ഫ്ളമേറ്ററി (നീര്വീക്കം തടയുന്നത്) സ്വഭാവമുള്ളതാണ്. കൂടാതെ അതിലുള്ള സള്ഫോറാഫെയിന് എന്ന കെമിക്കല് സന്ധികളുടെ നാശവും സന്ധിവീക്കവും തടയുന്നതിനു സഹായകം. ചുരുക്കത്തില് സന്ധിവാതം മൂലമുണ്ടാകുന്ന പ്രശ്നങ്ങള് കുറയ്ക്കുന്നതിനും ബ്രോക്കോളി സഹായകം.

ആന്റിഓക്സിഡന്റുകള്

ബ്രോക്കോളിയിലുള്ള ആന്റിഓക്സിഡന്റുകള് ശരീരത്തിനു പലവിധത്തില് ഗുണകരം. വിറ്റാമിന് സി എന്ന പ്രതിരോധകവചമാണ് ബ്രോക്കോളി ശരീരത്തിനു സമ്മാനിക്കുന്നത്. ബ്രോക്കോളിയിലുള്ള ഫ്ളേവനോയ്ഡുകള് വിറ്റാമിന് സിയെ ഫലപ്രദമായി റീസൈക്കിള് ചെയ്യുന്നതിനു സഹായകം. ബ്രോക്കോളിയില് കരോട്ടിനോയ്ഡുകളായ ല്യൂട്ടെയ്ന്, സീസാന്തിന്, ബീറ്റാ കരോട്ടിന് എന്നിവയുമുണ്ട്. ഇവയും ആരോഗ്യജീവിതത്തിന് ഒഴിച്ചുകൂടാനാകാത്ത ആന്റിഓക്സിഡന്റുകളാണ്.

എല്ലുകളുടെ ആരോഗ്യത്തിന്

ബ്രോക്കോളിയില് കാല്സ്യവും വിറ്റാമിന് കെയും ധാരാളം. എല്ലുകളുടെ ആരോഗ്യത്തിനും പ്രായമായവരില് കണ്ടുവരുന്ന എല്ലുകള് പൊടിയുന്ന ഓസ്റ്റിയോപൊറോസിസ് എന്നരോഗം തടയുന്നതിനും ഇവ സഹായകം. ബ്രോക്കോളിയില് മഗ്നീഷ്യം, സിങ്ക്, ഫോസ്ഫറസ്തുടങ്ങിയ പോഷകങ്ങളും ധാരാളം. അതിനാല് കുട്ടികള്ക്കും പ്രായമുള്ളവര്ക്കും മുലയൂട്ടുന്ന അമ്മമാര്ക്കും അനുയോജ്യമായ പച്ചക്കറിയാണു ബ്രോക്കോളി.

ഹൃദയാരോഗ്യത്തിന്

ഉയര്ന്ന ഷുഗര് പ്രശ്നങ്ങളുള്ളവരില് നീര്വീക്കം കാരണം രക്തക്കുഴലുകള്ക്കു കേടുപാടു സംഭവിക്കാനുള്ള സാധ്യത ബ്രോക്കോളിയിലുള്ള സള്ഫോറാഫെയ്ന് തടയുന്നു. രക്തസമ്മര്ദം ആരോഗ്യകരമായ തോതില് നിലനിര്ത്തുന്നതിനു സഹായകമായ നാരുകള്, ഫാറ്റി ആസിഡുകള്, വിറ്റാമിനുകള് എന്നിവ ബ്രോക്കോളിയില് ധാരാളം. അതിനാല് ഹൃദയാരോഗ്യത്തിനും ഉത്തമം. ചീത്തകൊളസ്ട്രോള് - എല്ഡിഎല്- കുറയ്ക്കുന്നതിനും സഹായകം

പ്രോട്ടീനിന്റെ ഉറവിടം

കാര്ബോഹൈഡ്രേറ്റുകള്, ദഹനത്തിനു സഹായിക്കുന്ന നാരുകള് എന്നിവയുടെ ഉറവിടമാണ് ബ്രോക്കോളി.രക്തത്തിലെ പഞ്ചസാര ആരോഗ്യകരമായ തോതില് നിലനിര്ത്താന് സഹായകം.ബ്രോക്കോളിയില് നാരുകള് ധാരാളം. അമിതഭാരം കുറയ്ക്കുന്നതിനു സഹായകം.സാലഡുകളില് ചേര്ത്തു കഴിക്കുന്നത് ഉത്തമം. ബ്രോക്കോളിയില് പ്രോട്ടീനുംധാരാളം. അതിനാല് സസ്യാഹാരം മാത്രം ശീലമാക്കുന്നവര്ക്ക്പ്രോട്ടീനിന്റെ കുറവുണ്ടാകാതിരിക്കാന് ആഹാരക്രമത്തില് ബ്രോക്കോളി വിഭവങ്ങള് ഉള്പ്പെടുത്തുന്നതു സഹായകം.

ഡീടോക്സിഫിക്കേഷനു സഹായകം

ബ്രോക്കോളിയില് നാരുകള് ധാരാളം. ശരീരത്തില് നിന്നു വിഷമാലിന്യങ്ങളെ പുറന്തളളുന്ന പ്രവര്ത്തനങ്ങള്ക്കു സഹായകമാണ് നാരുകള്. ബ്രോക്കോളിയിലുള്ള ആന്റിഓക്സിഡന്റുകള് ശരീരത്തിന്റെ ഡീടോക്സിഫിക്കേഷന് പ്രവര്ത്തനങ്ങള്ക്കും (വിഷമാലിന്യങ്ങളെ ശരീരത്തില് നിന്നു പുറന്തള്ളുന്നപ്രവര്ത്തനങ്ങള്) സഹായകം. ബ്രോക്കോളിയിലുള്ള ഐസോതയോ സയനേറ്റുകള് അത്തരം പ്രവര്ത്തനങ്ങള്ക്കു സഹായകം.

കൊളസ്ട്രോള് കുറയ്ക്കുന്നതിന്

ബ്രോക്കോളിയില് ജലത്തില് ലയിക്കുന്നതരം നാരുകള് ധാരാളം. അതു ശരീരത്തില് അധികമായുള്ള കൊളസ്ട്രോളിനെ ഒഴിവാക്കുന്നതിനു സഹായകം. ഒരു പ്രത്യേകതരം ബ്രോക്കോളി ചീത്തകൊളസ്ട്രോളായ എല്ഡിഎലിന്റെ തോത് കുറയ്ക്കുന്നതിനു സഹായകമെന്നുപഠനങ്ങളുണ്ട്.

ചര്മാരോഗ്യം നിലനിര്ത്തുന്നതിന്

ചര്മത്തിന്റെ തിളക്കവും പ്രതിരോധശക്തിയും മെച്ചപ്പെടുത്തുന്ന ആന്റിഓക്സിഡന്റുകള്, വിറ്റാമിന് സി, ധാതുക്കളായ കോപ്പര്, സിങ്ക് എന്നിവ ബ്രോക്കോളിയില് ധാരാളം. ചര്മത്തിന്റെ സ്വാഭാവിക തിളക്കം നിലനിര്ത്തുന്നതിനും അണുബാധകളില് നിന്നു ചര്മത്തെ പ്രതിരോധിക്കുന്നതിനും ഇവ സഹായകം. ബ്രോക്കോളിയിലുള്ള വിറ്റാമിന് കെ, അമിനോ ആസിഡുകള്, ഫോളേറ്റുകള് എന്നിവയും ചര്മത്തിന്റെ പ്രതിരോധശേഷി നിലനിര്ത്തുന്നതിനു സഹായകം.

കണ്ണുകളുടെ ആരോഗ്യത്തിന്

ബ്രോക്കോളിയില് ബീറ്റാ കരോട്ടിന്, വിറ്റാമിന് എ, ഫോസ്ഫറസ്, വിറ്റാമിന് ബി കോംപ്സക്സ്, സി, ഇ എ തുടങ്ങിയ പോഷകങ്ങളുണ്ട്. ഇവ നേത്രാരോഗ്യത്തിനു ഫലപ്രദം. മാകുലാര്ഡീജനറേഷന്, തിമിരം എന്നിവയില് നിന്നു കണ്ണുകള്ക്കു സംരക്ഷണം നല്കുന്നു.

യുവത്വം നിലനിര്ത്തുന്നതിന്

ആന്റിഓക്സിഡന്റ് ഗുണങ്ങളുള്ള വിറ്റാമിന് സി ബ്രോക്കോളിയില് ധാരാളം. ഇത് പ്രായമാകുന്നതിനെ പ്രതിരോധിക്കുന്നു. പ്രായമാകുന്നതിന്റെ ലക്ഷണങ്ങള്ക്കു കാരണമായ ഫ്രീറാഡിക്കലുകളെ പോരാടി തോല്പ്പിക്കുന്നതിന് ആന്റിഓക്സിഡന്റുകള് സഹായകം. ചര്മത്തില് ചുളിവുകളും വരകളും പാടുകളും കുറയ്ക്കുന്നതിനു ബ്രോക്കോളി ആഹാരക്രമത്തില് ഉള്പ്പെടുത്തുന്നതു ഗുണപ്രദം

ഓറഞ്ചിന്റെ നിങ്ങളറിയാത്ത ഗുണങ്ങള് നിരത്തിലെവിടെയും ഇന്ന് സുലഭമായി കിട്ടുന്ന ഒരു പഴമാണ് ഓറഞ്ച്. ദിവസവും ആപ്പിള് കഴിക്കുന്നത് രോഗങ്ങള് അകറ്റുമെന്നാണ് പറയാറ്. എന്നാല് ഓറഞ്ചിനുമുണ്ട് ഗുണങ്ങളേറെ. നാവിനു രുചിയും ശരീരത്തിന് ആരോഗ്യവും ഈ ഫലം പ്രധാനം ചെയ്യുന്നു.

പഴങ്ങളുടെ കൂട്ടത്തില് കാത്സ്യത്തിന്റെ ഏറ്റവും മികച്ച ശേഖരമാണ് ഓറഞ്ചിലുള്ളത് . 100 ഗ്രാം ഓറഞ്ചില് 26 മില്ലിഗ്രാം കാത്സ്യം അടങ്ങിയിരിക്കുന്നു. സോഡിയം, മഗ്നീഷ്യം, കോപ്പര്, സള്ഫര്, ക്ലോറിന്, ഫോസ്ഫറസ് എന്നിവയും ജീവകം എ, ബി, സി മുതലായവയും ഓറഞ്ചില് നല്ല തോതിലുണ്ട്.

വിറ്റാമിന് സി യുടെ കലവറയാണ് ഓറഞ്ച്. പ്രതിരോധശേഷി കൂട്ടി ശരീരത്തെ രോഗങ്ങളില് നിന്ന് സംരക്ഷിക്കാന് ഈ വിറ്റാമിന് വളരെ അത്യാവശ്യമാണ്. പ്രായമേറുന്നതിന് അനുസരിച്ച് ചര്മ്മത്തിന് പല മാറ്റങ്ങളും സംഭവിക്കാം. ഓറഞ്ചില് അടങ്ങിയിരിക്കുന്ന ആന്റിഓക്സിഡന്സും വിറ്റാമിന് സി യും ഇത്തരം മാറ്റങ്ങളെ ഒരു പരിധിവരെ തടയുകയും അങ്ങനെ ചര്മത്തില് പ്രായം തോന്നിക്കാതെ ചെറുപ്പമായിരിക്കാനും ഓറഞ്ച് സഹായിക്കുന്നു.

ഓറഞ്ചില് അടങ്ങിയിരിക്കുന്ന വിറ്റാമിന് സി, എ , പൊട്ടാസിയും എന്നിവ കണ്ണിനും കാഴ്ചയ്ക്കും വളരെ ആവശ്യമാണ്. ഓറഞ്ചില് അടങ്ങിയിരിക്കുന്ന നാരുകള് വയറിന്റെ ആരോഗ്യത്തിനും അവിഭാജ്യഘടകമാണ്. ഇവ വയറിനുള്ളിലെ അള്സറിനെയും മലബന്ധത്തെയും തടയും.

ഓറഞ്ച് ജ്യൂസ് ശീലമാക്കിയാല് ദന്തക്ഷയം, ദന്തം ദ്രവിക്കുന്ന അവസ്ഥ എന്നിവ മാറുമെന്ന് ചിക്കാഗോയിലെ ഡോ. ഹാര്ക്ക് എന്ന ഗവേഷകന്റെ പഠനം തെളിയിച്ചിട്ടുണ്ട്. ഓറഞ്ചിലെ കാത്സ്യവും വിറ്റമിന് സി യും എല്ലുകളുടെയും പല്ലുകളുടെയും ആരോഗ്യം മെച്ചപ്പെടുത്തുകയും ചെയ്യും. ജലദോഷം, ക്ഷയം, ആസ്തമ, ബ്രോങ്കൈറ്റിസ് എന്നിവ ബാധിച്ചവര് ഓറഞ്ച് ജ്യുസില് ഒരു നുള്ള് ഉപ്പും ഒരു സ്പൂണ് തേനും കലര്ത്തി സേവിച്ചാല് കഫം പുറന്തള്ളാനും രോഗശമനശേഷി കൂട്ടാനും സഹായിക്കും.

ആരോഗ്യഗുണങ്ങള് നിറഞ്ഞ മധുരകിഴങ്ങ് കണ്ണുകളുടെ ആരോഗ്യത്തിന് സഹായകരമായ വിറ്റാമിന് എ മധുര ക്കിഴങ്ങില് ധാരാളം അടങ്ങിയിട്ടുണ്ട്. ആന്റിഓക്സിഡന്റുകള് ധാരാളമുള്ളതിനാല് ചര്മ്മത്തിന്റെ ആരോഗ്യം വര്ദ്ധിപ്പിക്കാനും യൗവനം നിലനിറുത്താനും മധുരക്കിഴങ്ങിന് കഴിയും. ശരീരത്തിന് ഊര്ജ്ജം നല്കുന്ന ബി. വിറ്റാമിനുകള് മധുരക്കിഴങ്ങിലുണ്ട്. തയാമീന്റെ കലവറയുമാണ് മധുരക്കിഴങ്ങ്. പ്രമേഹരോഗികള് കുറഞ്ഞ അളവില് മാത്രമേ മധുരക്കിഴങ്ങ് കഴിക്കാവൂ. നാരുകളുടെയും കാര്ബോഹൈഡ്രേറ്റിന്റെയും മികച്ച ഉറവിടം എന്ന സവിശേഷതയും ഇതിനുണ്ട്.നാരുകള് ധാരാളമുള്ളതിനാല് ദഹന സംബന്ധമായ പ്രശ്നങ്ങള് പരിഹരിക്കും.

ഇരുമ്പിന്റെ സാന്നിദ്ധ്യമുള്ളതിനാല് രക്തക്കുറവുള്ളവര് മധുരക്കിഴങ്ങ് കഴിക്കുക. വൈറ്റമിന്സി, ബീറ്റാ കരോട്ടിന് എന്നിവ കൂടിയ അളവില് ഉള്ളതിനാല് ശരീരത്തിന് പ്രതിരോധശേഷി ലഭിക്കും. ഇതിലുള്ള മഗ്നീഷ്യം മാനസിക സമ്മര്ദ്ദം കുറയ്ക്കാന് സഹായിക്കും.

വൈറ്റമിന് ഡിയുടെ അപര്യാപ്തത പരിഹരിക്കാനും മധുരക്കിഴങ്ങ് ഒരുപരിധിവരെ സഹായിക്കും. മധുരക്കിഴങ്ങിലെ വിറ്റാമിന് ബി 6 ഹൃദയാരോഗ്യം സംരക്ഷിക്കും.

ഇസ്നോഫീലിയ : അറിയേണ്ടകാര്യങ്ങള് രക്തത്തിലെ ശ്വേതരക്താണുക്കളാണ് ഈസ്നോഫിലുകള്. . രക്തംപരിശോധിക്കുമ്പോള് ശ്വേതരക്താണുക്കളില് അഞ്ചുശതമാനത്തിന് താഴെ മാത്രമായിരിക്കും ഈസ്നോഫിലുകളുടെ എണ്ണം. ഒരു മൈക്രോലിറ്റര് രക്തത്തില് ഇസ്നോഫിലുകളുടെ എണ്ണം 450 ല് കൂടുമ്പോഴാണ് ഇസ്നോഫിലിയ ഉണ്ടെന്ന് പറയുന്നത്.

എന്നാല് ഇസ്നോഫീലിയ ഒരു രോഗമല്ല. മറിച്ച്അലര്ജി മുതല് കാന്സര് വരെയുള്ള നിരവധി ആരോഗ്യപ്രശ്നങ്ങളെ തുടര്ന്ന് രക്താണുക്കളില് ഉണ്ടാകുന്ന മാറ്റമാണ്. വിശദമായ പരിശോധനയിലൂടെ മാത്രമേ ഇസ്നോഫീലിയയുടെ കാരണം കണ്ടെത്താനാവൂ.

കാരണങ്ങള് കണ്ടെത്താം

പരാദങ്ങളുടെ ആക്രമണത്തനെതിരെ ശരീരത്തെ സംരക്ഷിക്കുക എന്നതാണ് ഇസ്നോഫിലുകളുടെ ധര്മം.നാടവിര, കൊക്കപ്പുഴു ഉള്പ്പെടെയുള്ള മിക്കവാറും എല്ലാ വിരബാധകളെ തുടര്ന്നും ഇസ്നോഫീലിയ ഉണ്ടാവാം. മൂക്കിനകത്തെ അലര്ജി, ശ്വാസകോശ അലര്ജി, ചര്മ്മത്തിലുണ്ടാകുന്ന എക്സിമ പോലെയുള്ള അലര്ജി രോഗങ്ങള് എന്നിവയെ തുടര്ന്നെല്ലാം ഇസ്നോഫിലുകളുടെ എണ്ണം കൂടാം..

റുമറ്റോയ്ഡ് ആര്ത്രൈറ്റിസ്, എസ്,എല്.ഇ തുടങ്ങിയ സ്ന്ധിവാതരോഗങ്ങളും ഇസ്നോഫീലിയ ഉണ്ടാക്കും. അര്ബുദമാണ് ഇസ്നോഫീലിയയുടെ മറ്റൊരു കാരണം. ശ്വാസകോശം, പാന്ക്രിയാസ്, വന്കുടല്, ഗര്ഭാശയഗളം, അണ്ഡാശയം,എന്നിവയെ ബാധിക്കുന്ന അര്ബുദം, ലിംഫോമ പോലുള്ള ക്യാന്സറുകളും ഇസ്നോഫിലുകളുടെ എണ്ണം വര്ധിപ്പിക്കാം. ഇവിടെയെല്ലാം നമ്മള് കണ്ടെത്തി ചികിത്സിക്കേണ്ടത് ഇസ്നോഫിലുകളുടെ എണ്ണത്തിലുണ്ടായ വര്ധനയുടെ കാരണത്തെയാണ്.

തുമ്മല്, മൂക്കടപ്പ്, അലര്ജി

ഇസ്നോഫീലിയയുടെ ലക്ഷണങ്ങളാണ് വിട്ടുമാറാത്ത തുമ്മലും മൂക്കടപ്പും ചര്മ്മത്തിലെ ചൊറിച്ചിലും അലര്ജിയുമൊക്കെ. കൈകാലുകളില് നീര്, പേശിവേദന തുടങ്ങിയ ലക്ഷണങ്ങളും കാണാറുണ്ട്. നീണ്ടുനില്ക്കുന്ന ചുമയാണ് മറ്റൊരു ലക്ഷണം. ശ്വാസകോശം, ഹൃദയം, വൃക്കങ്ങള്, ചര്മ്മം, പേശികള്, സന്ധികള്, ദഹനവ്യവസ്ഥ എന്നിവയൊക്കെ ഈ രക്താണുക്കളുടെ വര്ധനയെ ബാധിക്കാം.

ആസ്തമയും ഇസ്നോഫീലിയയും

ആസ്തമയും ഇസനോഫീലിയയും ഒന്നല്ല. എന്നാല് അലര്ജിയെ തുടര്ന്നുണ്ടാവുന്ന ആസ്ത്മരോഗികളില് ഈ വെളുത്ത രക്താണുക്കളുടെ എണ്ണം കൂടുതലായിരിക്കും.ആസ്ത്മയുടെ കാഠിന്യത്തെ മനസിലാക്കാനായി കഫത്തിലും ശ്വാസകോശസ്രവങ്ങളിലും കാണപ്പെടുന്ന ഇസ്നോഫിലുകളുടെ എണ്ണം നിര്ണയിക്കാറുണ്ട്. ഇസ്നോഫിലുകളുടെ എണ്ണത്തിലുണ്ടാകുന്ന വര്ധന കടുത്ത ആസ്ത്മയെയാണ് സൂചിപ്പിക്കുന്നത്.

പലപ്പോഴും യാദൃശ്ചികമായി നടത്തുന്ന രക്തപരിശോധനയിലായിരിക്കും ഇസ്നോഫീലിയ ഉണ്ടെന്ന് കണ്ടെത്തുന്നത്. പ്രത്യേകിച്ച് രോഗലക്ഷണങ്ങളൊന്നും ഇല്ലെങ്കില്ചികിത്സയൊന്നും ആവശ്യമില്ല. പരാദങ്ങളെ നശിപ്പിക്കുന്ന മരുന്നുകളും സ്റ്റിറോയിഡുകളുമൊക്കെ ചികിത്സയ്ക്ക് ഉപയോഗിക്കാറുണ്ട്.

വാളന്പുളിയുടെ ഔഷധഗുണങ്ങള് പണ്ടുകാലത്ത് നാടന് കറികളില് വാളന്പുളി ഉപയോഗിച്ചിരുന്നത് കറിയുടെ രുചി കൂട്ടാന് എന്നതിലുപരി ആരോഗ്യദായകം എന്നതിനാലാണ്. കാത്സ്യം , വിറ്റാമിന് എ, സി, ഇ, കെ, ബി എന്നിവയും ആന്റി ഓക്സിഡന്റുകളും പുളിയില്അടങ്ങിയിട്ടുണ്ട്. ഇതിലുള്ള വിറ്റാമിന് ബി കൊഴുപ്പ്, വിറ്റാമിനുകള് , പ്രോട്ടീന് എന്നിവയെ ഊര്ജ്ജമാക്കി മാറ്റും. കരളിന്റെ ആരോഗ്യത്തിനുള്ള നിയാസിന് ( ബി 3) എന്ന ഘടകം അടങ്ങിയിട്ടുണ്ട്. ഫാറ്റി ലിവര് ഉള്ളവര്ക്കു വാളന്പുളി ആഹാരത്തില് ഉള്പ്പെടുത്തുക. വാളന്പുളിക്ക്പദാര്ത്ഥങ്ങളെ ശരീരത്തിന് വേണ്ട രീതിയില് ലയിപ്പിക്കാന് കഴിവുണ്ട്. ഹൃദയം , കരള് , മൂത്രാശയം , മലാശയം എന്നിവയെ ശുദ്ധീകരിക്കാന് കഴിവുണ്ടെന്ന് ആയുര്വേദം പറയുന്നു.പുളിയുടെ കായ് , ഇല, പൂവ്, തണ്ട് എന്നിവയും ഔഷധഗുണമുള്ളവയാണ്. ചര്മ്മ രോഗങ്ങള്ക്കും പുളിയുടെ വിവിധഭാഗങ്ങള് ഔഷധമാണ്.

മോണരോഗം നിസാരമാക്കരുത് പല്ലുതേക്കുമ്പോള് രക്തം വരുകയോ മോണയ്ക്ക് വേദന വരുകയോ ചെയ്യുമ്പോള് നമ്മളില് പലരും അത് നിസാരമാക്കാറുണ്ട്. എന്നാല് ദന്താരോഗ്യവും വളരെ പ്രധാനമാണ്. കാരണം മോണരോഗം അര്ബുദത്തിനു വരെ കാരണമാകും.

ദന്തല് പ്ലാക്കുകളിലെ ബാക്ടീരിയയാണ് പ്രധാന വില്ലന്. മോണയിലെ ഈ അണുബാധ ഒരാളുടെ മൊത്തത്തിലുള്ള ആരോഗ്യത്തെ ബാധിക്കും.

ബാക്ടീരിയയെ കൂടാതെ ജനിതക കാരണങ്ങള്, സമ്മര്ദം, പുകവലി, ഹോര്മോണ്വ്യതിയാനം, ചില മരുന്നുകളുടെ ഉപയോഗം ഇവയും മോണരോഗത്തിനു കാരണമാകാം.

മോണരോഗം വന്നിട്ടുള്ള സ്ത്രീകള്ക്ക് അര്ബുദം ബാധിക്കാനുള്ള സാധ്യത കൂടുതലാണ്. മോണയ്ക്ക് രോഗം ബാധിച്ച സ്ത്രീകള്ക്ക് അല്ലാത്തവരെ അപേക്ഷിച്ച് അന്നനാളത്തിലെ അര്ബുദത്തിനുള്ള സാധ്യത മൂന്നിരട്ടിയാണ്.കൂടാതെ ശ്വാസകോശാര്ബുദം, ഗോള്ബ്ലാഡര് കാന്സര് ചര്മാര്ബുദമായ, മെലനോമ, സ്തനാര്ബുദം ഇവയ്ക്കും സാധ്യത കൂടുതലാണ്.

ഉപദ്രവകാരികളായ രോഗാണുക്കള് ഉമിനീരിലും ദന്തല്പ്ലാക്കിലും കലര്ന്നിട്ടോ രോഗം ബാധിച്ച മോണയിലെ കലകള് രക്തചംക്രമണത്തില് കലര്ന്നിട്ടോ ആകാം രോഗം ബാധിക്കുന്നത്.

വായുടെ വളരെ അടുത്താണ് അന്നനാളം അതുകൊണ്ട് തന്നെ മോണയിലെ രോഗാണുക്കള് വളരെ വേഗം അന്നനാളത്തിലെ മ്യൂക്കോസയില് ബാധിക്കുകയും അര്ബുദ കാരണമാകുകയും ചെയ്യും.

രോഗങ്ങളെ അകറ്റാന് വായ എപ്പോഴും വൃത്തിയായി സൂക്ഷിക്കേണ്ടതും ആവശ്യമെങ്കില് ദന്തഡോക്ടറുടെ സഹായം തേടേണ്ടതുമാണ്. ആരോഗ്യമുള്ള പല്ലിനും മോണയ്ക്കും പോഷകങ്ങളും ആവശ്യമാണ്. ജീവകം സി അടങ്ങിയ ഭക്ഷണം ദന്താരോഗ്യമേകും.

നിലക്കടലയുടെ ആരോഗ്യഗുണങ്ങള് നിലക്കടല നേരമ്പോക്കിന് കഴിക്കുന്നവരാണ് അധികവും. എന്നാല് നിലക്കടല നിത്യവും ഭക്ഷണത്തില് ഉള്പ്പെടുത്തിയാല്പലതാണ് ഗുണങ്ങള്. നിലക്കടലയില് ഇരുമ്പ്, കാത്സ്യം, സിങ്ക് എന്നിവ സമൃദ്ധമായി അടങ്ങിയിട്ടുണ്ട്. ശാരീരിക ശക്തിവര്ദ്ധിപ്പിക്കുന്നതിന് ആവശ്യമായ വിറ്റാമിന് ഇയും ബി6ഉം നിലക്കടലയില് ധാരാളമുണ്ട്.

ഗര്ഭിണികള് നിലക്കടല കഴിയ്ക്കുന്നത് ഗര്ഭസ്ഥ ശിശുവിന്റെ ആരോഗ്യകരമായ വളര്ച്ചയ്ക്ക് സഹായിക്കും. നിലക്കടലയില് അടങ്ങിയിട്ടുള്ള ഒമേഗ 6 ചര്മ്മത്തെ മൃദുലവും ഈര്പ്പമുള്ളതായും നിലനിറുത്തും. ഇതിലടങ്ങിയിരിക്കുന്ന ആന്റീഓക്സിഡന്റുകള് യൗവനംനിലനിറുത്തും. ദിവസവും നിലക്കടല കൃത്യമായ അളവില്കഴിച്ചാല് രക്തക്കുറവ് ഉണ്ടാകില്ല. എല്ലുകളുടെ ആരോഗ്യത്തിന് ആവശ്യമായ കാത്സ്യം, വിറ്റാമിന് ഡി എന്നിവ നിലക്കടലയില് ധാരാളമായി അടങ്ങിയിട്ടുണ്ട്. ശരീരത്തിന്ബലവും കായികശേഷിയും വര്ദ്ധിപ്പിക്കുമെന്നതിനാല് കായികാദ്ധ്വാനങ്ങളില് ഏര്പ്പെടുന്നവര്ക്കും കായികതാരങ്ങള്ക്കും നിലക്കടല അത്യുത്തമമാണ്. ദഹനപ്രക്രിയയുമായി ബന്ധമുള്ള എല്ലാ പ്രശ്നങ്ങളും പരിഹരിക്കാന് നിലക്കടല സഹായിക്കും.

കടപ്പാട് : ഇന്ഫോ മാജിക്