<div id="MiddleColumn_internal"> <h3><strong>ബയോ-ഗ്യാസ് പ്ലാന്റുകളുടെ ദേശീയ പ്രാധാന്യം</strong></h3> <p style="text-align: justify; ">ഇന്ത്യയില് ഓരോ ദിവസവും നാം കത്തിക്കുന്ന വിറകിന്റെ മാത്രം ആകെ ചിലവ്(ഒരു ദിവസത്തേക്ക്) 150 കോടി രൂപ വരും.ഇന്ധന സമാഹരണത്തിന് ഒരാള് തന്റെ പ്രവര്ത്തി സമയത്തിന്റെ 8ല് ഒരു ഭാഗം ചിലവഴിക്കുന്നു. ലോകത്തിലുള്ള ആകെ കന്നുകാലി സമ്പത്തിന്റെ 3/2 ഭാഗമുള്ള ഇന്ത്യയില് ലഭിക്കുന്ന ചാണകത്തിന്റെ 5/1 ഇന്ധനാവശ്യത്തിനായി ഉപയോഗിക്കുന്നു. ഓരോ വര്ഷവും ഇന്ധനാവശ്യത്തിനായി ഉപയോഗിക്കുന്നു. ഓരോ വര്ഷവും ഇന്ധനാവശ്യത്തിനായി മാത്രം 15 ലക്ഷം ഹെക്ടര് വനഭൂമി വെട്ടി നശിപ്പിക്കുന്നു. ഇതിന്റെ 3 ഇരട്ടി ഭൂപ്രദേശം മണ്ണൊലിപ്പ് മൂലം തരിശായി മാറുന്നു. നമുക്ക് ലഭിക്കുന്ന മറ്റ് ഊര്ജ്ജോല്പന്നങ്ങളുടെ ചൂഷണം ആകെയുള്ളതിന്റെ 5% വീതം ഓരോ വര്ഷവും നാം ചിലവാക്കുന്നു.</p> <h3><strong>ബയോ ഗ്യാസ് പ്ലാന്റുകളുടെ നിര്മ്മാണം കൊണ്ടുണ്ടാകുന്ന നേട്ടങ്ങള്</strong></h3> <ol style="text-align: justify; "> <li>ചിലവ് കുറഞ്ഞ മാലിന്യരഹിതമായ ഇന്ധനം ലഭ്യമാകുന്നു.</li> <li>അപകട രഹിതമാണ്, ഭക്ഷണം പാകം ചെയ്യാന് കുറഞ്ഞ സമയം കൊണ്ട് കഴിയുന്നു </li> <li>വീട് പുകയും കരിയും ഏല്ക്കാതെയും പാത്രങ്ങള് കരിപിടിക്കാതെയും സൂക്ഷിക്കാം </li> <li>വിളക്കുകള് കത്തിക്കാം, ഡീസല് പെട്രോള് എഞ്ചിനുകള് പ്രവര്ത്തിപ്പിക്കാം </li> <li>അടുക്കളയിലെ പുക ഏറ്റാല് കണ്ണിനുണ്ടാകുന്ന അസുഖത്തില് നിന്നും തലവേദനയില് പുക ഏറ്റാല് രക്തത്തിലെ ഹീമോഗ്ലോബിന് കുറഞ്ഞ് വിളര്ച്ചയും ആരോഗ്യക്കുറവും ഉണ്ടാകുന്ന അവസ്ഥയില് നിന്ന് വീട്ടമ്മയെ രക്ഷിക്കാം </li> <li>മാലിന്യമായി മാറുന്ന ജൈവ വസ്തുക്കള് പ്ലാന്റില് നിറച്ചു പരിസര ശുചീകരണം നേടാം. കൂടാതെ കൂടുതല് ജൈവവാതകം ഉല്പ്പാദിപ്പിച്ചു എടുക്കാം. ഗുണനിലവാരമുള്ള കൂടുതല് ജൈവവളവും നിര്മ്മിചെടുക്കാം. </li> <li>സസ്യ സമ്പത്തുകള് നിലനില്ക്കുന്നതിനും കന്നുകാലി സമ്പത്ത് നിലനിര്ത്തുന്നതിനും കഴിയുന്നു. </li> <li>പരിസ്ഥിതി സംരക്ഷണവും മണ്ണൊലിപ്പും തടയാന് കഴിയുന്നു.</li> </ol> <h3><strong>കര്ഷകനൊരു ബയോ-ഗ്യാസ് പ്ലാന്റ്</strong></h3> <ol style="text-align: justify; "> <li>ജൈവവാതക പ്ലാന്റില് നിന്നും പുറത്തു വരുന്ന ചാണകമട്ടില്(സ്ലറി) സസ്യങ്ങള്ക്ക് ആവശ്യമായ പ്രധാന മൂലകങ്ങള് നേരിട്ട് ലഭ്യമാകുന്ന രൂപത്തില് അടങ്ങിയിരിക്കുന്നു.</li> <li>ജൈവപ്രധാനമായ ചാണക മട്ടു മണ്ണിനു നല്കിയാല് മണ്ണൊലിപ്പ് തടയുന്നതിനും ജലസംഭരണ ശേഷി വര്ദ്ധിപ്പിക്കുന്നതിനും മണ്ണിലെ സൂക്ഷ്മജീവികളുടെ പ്രവര്ത്തനം കാര്യക്ഷമമാക്കുവാനും അങ്ങനെ മണ്ണിനെ ജീവസ്സുറ്റതാക്കുവാനും സഹായിക്കുന്നു.</li> <li>ജൈവ വളങ്ങളിലെ കലകളും കീടങ്ങളും നശിക്കുന്നതിനാല് ഈ വളം ഉപയോഗിച്ചാല് കളകീടങ്ങളില് നിന്ന് സംരക്ഷണം ലഭിക്കുന്നു.</li> <li>സസ്യങ്ങളുടെ രോഗപ്രതിരോധ ശേഷി നിലനിര്ത്തുന്ന സൂക്ഷ്മ മൂലകങ്ങള് ഈ ചാണകമട്ടില് അടങ്ങിയിരിക്കുന്നതിനാല് പല രോഗങ്ങളെയും നിര്മ്മാര്ജ്ജനം ചെയ്യാന് കഴിയുന്നു.</li> <li>തൈകള് വേര് പിടിപ്പിക്കുവാനും വിത്തുകള് വേഗം വളരുന്നതിനും ഈ ചാണകമട്ടു ഉപയോഗിക്കാവുന്നതാണ്.</li> <li>ജൈവ വാതകത്തില് വിത്തുകള് കേടുകൂടാതെ വളരെക്കാലം സൂക്ഷിക്കാം.</li> <li>മണ്ണിര കമ്പോസ്റ്റ് നിര്മ്മാണം, മത്സ്യകൃഷി എന്നിവക്കും ഇത് ഗുണപ്രദമാണ്.</li> </ol> <h3><strong>ജൈവവാതക ഉല്പ്പാദനത്തില് ഉപയോഗിക്കാവുന്ന ജൈവവസ്തുക്കള്</strong></h3> <ol style="text-align: justify; "> <li>ചാണകം, മറ്റെല്ലാ വളര്ത്തു മൃഗങ്ങളുടെയും കാഷ്ടം </li> <li>കാപ്പിതൊണ്ട്,കൊക്കോതൊണ്ട്,കശുമാമ്പഴം,തെയിലച്ചണ്ടി,ജൈവ മാലിന്യങ്ങള് അടങ്ങിയ മലിനജലം </li> <li>പച്ചിലകള്, കാര്ഷിക അവശിഷ്ടങ്ങള്, അടുക്കളയിലെ ഭക്ഷ്യ അവശിഷ്ടങ്ങള്,ആഫ്രിക്കന് പായല്, കുളവാഴ ഇവയെല്ലാം ഉപയോഗിക്കാം.</li> </ol> <p style="text-align: justify; ">പ്ലാന്റ് നിര്മ്മിക്കുമ്പോള് ശ്രദ്ധിക്കേണ്ട കാര്യങ്ങള്</p> <ol style="text-align: justify; "> <li>അടുക്കള,തൊഴുത്ത് എന്നിവയോട് കഴിയുന്നതും അടുത്ത് നിര്മ്മിക്കുവാന് ശ്രദ്ധിക്കുക. കിണറിനോട് അടുത്ത് പണിയാതിരിക്കുക.</li> <li>സൂര്യപ്രകാശം നന്നായി ലഭിക്കുന്ന സ്ഥലം തിരഞ്ഞെടുക്കുക. വലിയ വൃക്ഷങ്ങള് പ്ലാന്റിനടുത്ത് ഉണ്ടാകാതിരിക്കാന് ശ്രദ്ധിക്കുക.</li> <li>ചതുപ്പ് നിലങ്ങളിലും വെള്ളം കെട്ടിനില്ക്കാന് ഇടയുള്ള സ്ഥലങ്ങളിലും നിര്മ്മിക്കാതിരിക്കുക.</li> <li>ലഭ്യമായ ചാണകത്തിനോ ജൈവ വസ്തുക്കള്ക്കോ അനുസരിച്ചുള്ള പ്ലാന്റ് നിര്മ്മിക്കുക.</li> <li>ഗുണനിലവാരമുള്ള നിര്മ്മാണ സാമഗ്രികള് ഉപയോഗിക്കുക.</li> </ol> <h3 style="text-align: justify; ">ബയോ ഗ്യാസ് പ്ലാന്റുകളുടെ കാര്യക്ഷമമായ പ്രവര്ത്തനത്തിന് ശ്രദ്ധിക്കേണ്ട പൊതുനിര്ദ്ദേശങ്ങള്</h3> <ol style="text-align: justify; "> <li>ആവശ്യമായ അളവില് മാത്രം ചാണകം നിറക്കുക.പ്ലാന്റില് നിന്നും ചാണകം പുറംതള്ളി തുടങ്ങുമ്പോള് മാത്രം ഗ്യാസ് ഉപയോഗിക്കുക.</li> <li>എല്ലാ ദിവസവും രാവിലെ നിശ്ചിത സമയത്ത് പ്ലാന്റിന്റെ വലിപ്പം അനുസരിച്ച് 1 ക്യൂ.മിന് 25 കി.ഗ്രാം എന്ന തോതില് തുല്യ അനുപാതം വെള്ളവും ചേര്ത്ത് നന്നായി കലക്കി പ്ലാന്റില് നിറക്കുക.</li> <li>ശരിയായി പ്രവര്ത്തിക്കുന്ന പ്ലാന്റില് നിന്നും ദിവസവും ചാണകലായനി പുറംതള്ളുന്നതാണ്. ഇങ്ങനെ പുറംതള്ളാത്ത പ്ലാന്റില് കൂടുതല് ചാണക ലായനി നിറച്ചില്ലെങ്കില് ഗ്യാസിന്റെ ഉല്പ്പാദനം കുറഞ്ഞ് പ്ലാന്റ് പ്രവര്ത്തനരഹിതമാകും.</li> <li>നന്നായി സൂര്യപ്രകാശം ലഭിക്കുന്ന സമയങ്ങളില് രാവിലെ മിക്സിംഗ് ടാങ്കില് ചാണകം കലക്കിയിടുക. ശേഷം മൂന്ന് മണിക്കൂറെങ്കിലും സൂര്യപ്രകാശം അടിച്ച ശേഷം ചാണക ലായനി പ്ലാന്റിലെക്ക് തുറന്നു വിടുക. ഇത് കൂടുതല് ഗ്യാസ് ലഭ്യമാകുവാന് സഹായകമാകും.</li> </ol> <ol style="text-align: justify; "> <li>ഗ്യാസ് ഉപയോഗിക്കുവാന് തുടങ്ങുമ്പോള് തീപ്പെട്ടി കത്തിച്ചശേഷം അടുപ്പിന്റെ ടാപ്പ് തുറക്കുക. കത്തികഴിഞ്ഞാല് ടാപ്പ് നിയന്ത്രിച്ച് ജ്വാല പാത്രത്തിന് അടിയിലാക്കി ക്രമീകരിക്കുക.</li> </ol> <ol style="text-align: justify; "> <li>അടുപ്പിന്റെ ബര്ന്നറിനുള്ളില് ഭക്ഷണ പദാര്ത്ഥങ്ങള് തിളച്ചു വീഴാതിരിക്കാന് ശ്രമിക്കുക. ഇങ്ങനെ സംഭവിച്ചാല് വൃത്തിയാക്കിയതിനു ശേഷം മാത്രം വീണ്ടും ഉപയോഗിക്കുക.</li> </ol> <ol style="text-align: justify; "> <li>അടുപ്പുമായി ബന്ധപ്പെടുത്തിയിരിക്കുന്ന പൈപ്പ് ചൂടായി അയഞ്ഞു പോയാല് പ്രധാന ടാപ്പ് അടച്ച് അയഞ്ഞ ഭാഗം മുറിച്ചു വീണ്ടും അടുപ്പുമായി ബന്ധിപ്പിക്കുക.</li> </ol> <ol style="text-align: justify; "> <li>പ്ലാന്റില് നിന്നും ചാണകം പുറത്തു പോകുന്ന ഭാഗം ദിവസവും വൃത്തിയായി സൂക്ഷിക്കുക. ഗ്യാസ് ഉല്പ്പാദനം കഴിഞ്ഞ് ചാണക ലായനി ഒരു തടസ്സവും കൂടാതെ പുറം തള്ളുന്നതിന് ഇത് സഹായിക്കും.</li> </ol> <ol style="text-align: justify; "> <li>ചാണകമട്ടു ഉണങ്ങാതെ കൃഷിക്ക് ഉപയോഗിച്ചാല് വര്ദ്ധിച്ച വളമൂല്യം നഷ്ടപ്പെടുകയില്ല. ചാണക കുഴിയില് ചപ്പുചവറുകള് കൊണ്ട് പുതയിടുന്നതും വളമൂല്യം നഷ്ടമാകാതിരിക്കാനും കൂടുതല് ജൈവവളം ഉണ്ടാക്കിയെടുക്കുന്നതിനും സഹായിക്കും.</li> </ol> <p style="text-align: justify; ">മേല്പ്പറഞ്ഞ വസ്തുതകള് ശ്രദ്ധാപൂര്വ്വം ചെയ്യുന്നതായാല് ദീര്ഘകാലത്തേക്ക് യാതൊരു പ്രശ്നവും കൂടാതെ പ്ലാന്റ് പ്രവര്ത്തിക്കുന്നതായിരിക്കും.</p> </div>