<p style="text-align: justify; "><span><strong>കാലിത്തീറ്റ ; ഗിനി പുല്ല്</strong></span></p> <div id="_mcePaste" style="text-align: justify; "><span>ഒരു ചുവട്ടില് മൂന്നു അലക് എന്ന തോതില് നടാം. ഇടവിളയായി കൃഷിചെയ്യുന്പോള് 40 ഃ 20 സെ. മീ. അകലവും തനിവിളയായി കൃഷിചെയ്യുന്പോള് 60 ഃ 30 സെ.മീ. അകലവുമാണ് വേണ്ടത്. ഒരു ഹെക്ടറിന് അടിവളമായി 10 ടണ് കാലിവളവും 50 കി. ഗ്രാം വീതം ഫോസ്ഫേറ്റും, പൊട്ടാഷും ആവശ്യമാണ്. മേല്വളമായി 200 കി.ഗ്രാം നൈട്രജന് രണ്ടു തുല്യഭാഗങ്ങളായി ആദ്യ ഗഡു ആദ്യത്തെ വിളവെടുപ്പിനുശേഷവും രണ്ടാം ഗഡു തുലാവര്ഷ സമയത്തും ചേര്ക്കണം. </span></div> <div id="_mcePaste" style="text-align: justify; "><span>ജലസേചന സൗകര്യമുണ്ടെങ്കില് മേല്വളം കൂടുതല് ഗഡുക്കളായി നല്കാവുന്നതാണ്. വളം ചെടിയുടെ ഇരുവശത്തുകൂടിയും ഇട്ട് മണ്ണ് കൂട്ടണം.</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>നട്ട് പത്തുദിവസത്തിനകം രണ്ടുതവണയെങ്കിലും നനച്ചുകൊടുക്കുന്നത് ചെടികള് വേഗം വേരുപിടിക്കുന്നതിനു സഹായകമാകും. സാധാരണയായി 7 മുതല് 10 ദിവസത്തിലൊരിക്കല് നനയ്ക്കേണ്ടതുണ്ട്. ഓരോ വിളവെടുപ്പിനുശേഷവും തൊഴുത്തില് നിന്നുള്ള വെള്ളം കൊണ്ട് നനയ്ക്കുന്നത് വിളവ് വര്ദ്ധിപ്പിക്കും.</span></div> <div id="_mcePaste" style="text-align: justify; "><span>വളര്ച്ചയുടെ ആദ്യത്തെ മാസം കളനിയന്ത്രണം അത്യാവശ്യമാണ്. രണ്ടുതവണ ഇടയിളക്കണം. പിന്നീടു മൂന്നോ നാലോ പ്രാവശ്യം വിളവെടുത്തതിനു ശേഷമേ ഇടയിളക്കേണ്ടതുള്ളൂ. പുല്ല് 1.5 മീറ്റര് ഉയരമെത്തിയാല് വിളവെടുക്കാം. നിലത്തുനിന്നു 15-20 സെ.മീ. ഉയരത്തില് വച്ചാണ് മുറിക്കേണ്ടത്. നട്ടു 9--10 ആഴ്ച കഴിഞ്ഞാല് ആദ്യവിളവെടുപ്പ് നടത്താം. അതിനുശേഷം 45 മുതല് 60 ദിവസം ഇടവിട്ടു വിളവെടുക്കാം. ഒരു വര്ഷം 6-7 തവണ വിളവെടുക്കാന് സാധിക്കും.</span></div> <div id="_mcePaste" style="text-align: justify; "><span>ഒരു ഹെക്ടറില് നിന്നു ഒരു വര്ഷം 80--100 ടണ് പച്ചപ്പുല്ലു ലഭിക്കും. വന്പയര്, സ്റ്റൈലോ, സിറോട്രോ എന്നീ പയര്വര്ഗ്ഗവിളകള് മിശ്രവിളയായി കൃഷിചെയ്യാം.</span></div> <div id="_mcePaste" style="text-align: justify; "><span>പോഷകഗുണമുള്ളതും ഓക്സിലേറ്റുകള് ഇല്ലാത്തതുമായ പുല്ലാണിത്. നല്ല സൈലേജും വൈയ്ക്കോലും ഇതില്നിന്നു ലഭിക്കും. 8 മുതല് 14 ശതമാനം വരെ മാംസ്യവും 28 മുതല് 36 ശതമാനം വരെ നാരും ഇതിലുണ്ട്.</span></div> <div id="_mcePaste" style="text-align: justify; ">- കെ. ജാഷിദ് -</div>