<div id="MiddleColumn_internal"> <h3><b><span>അലങ്കാരത്തിനും ഇഞ്ചി</span></b></h3> <div id="_mcePaste" style="text-align: justify; "><span>അടുക്കളപ്പാചകത്തില് അനിവാര്യമായ ഇഞ്ചി ഉദ്യാനങ്ങളെ വര്ണപ്പകിട്ടാക്കുന്ന അലങ്കാരച്ചെടിയായും വിപുലമായി ഉപയോഗിച്ചുവരുന്നു.* ഇവയെ അലങ്കാര ഇഞ്ചികള് (ഓര്ണമെന്റല് ജിഞ്ചര്) എന്നാണ് പറയുക. ഇന്ത്യയിലാകെയുള്ള ഇരുന്നൂറുതരം ഇഞ്ചികളില് അറുപതും അലങ്കാരസ്വഭാവമുള്ളവയാണ്. പുഷ്പാലങ്കാരത്തിനും ചട്ടിയില് വളര്ത്താനും ലാന്ഡ്സ്കേപ്പിങ്ങിനും ഇവ ഉചിതം. മുറിച്ചെടുത്ത പൂക്കള് ആഴ്ചകളോളം വാടില്ല.</span></div> <h3 id="content" style="text-align: justify; "><span>പ്രധാന അലങ്കാര ഇഞ്ചികള്</span></h3> <div id="_mcePaste" style="text-align: justify; "><span><br /></span></div> <h4 style="text-align: justify; "><span>റെഡ് ജിഞ്ചർ</span></h4> <div id="_mcePaste" style="text-align: justify; "><span>ഏഴടിയോളം പൊക്കത്തില് വളരും. ഒരടിയോളം നീണ്ട ചുവപ്പോ പിങ്കോ പൂങ്കുല. നല്ല സൂര്യപ്രകാശത്തിലും തണലിലും വളര്ത്താം. ചുവട് പിരിച്ചുവെച്ചോ പൂങ്കുലയില്നിന്നുള്ള ചിനപ്പുകള് അടര്ത്തിനട്ടോ വിത്തുപാകിയോ വളര്ത്താം. </span></div> <div id="_mcePaste" style="text-align: justify; "><span>10-25 ദിവസംവരെ പൂങ്കുല മുറിച്ചെടുത്ത പൂങ്കുല കാര്ഡ്ബോര്ഡ് പെട്ടികളിലാക്കിയശേഷം പെട്ടികള് കുത്തനെവെച്ചാല് പൂങ്കുലയുടെ അഗ്രം വളയില്ല. ജംഗിള് കിങ്, മടിക്കേര വൈറ്റ്, തഹിതിയന് ജിഞ്ചര് എന്നിവ മികച്ച ഇനങ്ങള്.</span></div> <h4 id="content" style="text-align: justify; "><span>ടോര്ച്ച് ജിഞ്ചർ</span></h4> <div id="_mcePaste" style="text-align: justify; "><span>പൂങ്കുലയ്ക്ക് ടോര്ച്ചിനോട് രൂപസാമ്യം. പിങ്ക്, ചുവപ്പ്, വെള്ള ഇനങ്ങള് കേരളത്തില് പ്രചാരത്തിലുണ്ട്. മൂന്നുമീറ്ററോളം ഉയരം. രണ്ടുവര്ഷംകൊണ്ട് ചെടി പൂര്ണവളര്ച്ചയെത്തും. ചെറിയ തണലത്ത് വളര്ത്താന് അനുയോജ്യം. </span></div> <div id="_mcePaste" style="text-align: justify; "><span>ചെടിയുടെ ചുവട് പിരിച്ചുനട്ടാല് മതി. തായ് വൈറ്റ്, ഹിലാനി ടുലിപ് എന്നിവ മികച്ച ഇനങ്ങള്. ഇതിന്റെ ഇളം പൂത്തണ്ട് സിങ്കപ്പൂര്, മലേഷ്യ എന്നിവിടങ്ങളില് ഭക്ഷണത്തിന് സ്വാദും സുഗന്ധവും നല്കാന് ഉപയോഗിക്കുന്നു.</span></div> <div id="_mcePaste" style="text-align: justify; "><span><br /></span></div> <h4 id="content" style="text-align: justify; "><span>ഷെല് ജിഞ്ചർ</span></h4> <div id="_mcePaste" style="text-align: justify; "><span>കക്കകള് കോര്ത്തെടുത്ത മാലപോലെ തോന്നിക്കുന്ന പൂങ്കുല. പത്തടിയോളം ഉയരത്തില് വളരും. പൂര്ണ സൂര്യപ്രകാശത്തിലും ഭാഗികമായ തണലത്തും നടാം. ചെടിച്ചുവട്ടിലെ മുളകളോ മുളയോടുകൂടിയ ഭൂകാണ്ഡമോ നടാം. </span></div> <div id="_mcePaste" style="text-align: justify; "><span>വേരിഗേറ്റ്, നാന, ചൈനീസ് ബ്യൂട്ടി എന്നിവ മികച്ച ഇനങ്ങള്. ഇതിന്റെ തണ്ടിലെ നാരില്നിന്ന് ഇരുപതിലേറെ വസ്തുക്കള് ജപ്പാനില് നിര്മിച്ചുവരുന്നു.</span></div> </div>