<div id="MiddleColumn_internal"> <h3 style="text-align: justify; ">മഞ്ഞള്</h3> <p style="text-align: justify; ">ഭാരതീയ ചികിത്സാവിധികളില് ഏറ്റവും പരാമര്ശിക്കപ്പെട്ടിട്ടുള്ല സര്വ്വശ്രേഷ്ഠമായ മഞ്ഞള് അടുത്ത കാലത്തായി അന്താരാഷ്ട്ര രംഗത്ത് വളരെയധികം ചര്ച്ചചെയ്യപ്പെട്ടിട്ടുള്ല ഒരു സുഗന്ധവ്യജ്ഞന സസ്യമാണ്. നിത്യജീവിതത്തില് ഭക്ഷണത്തിന് പുറമെ ആചാരങ്ങളിലും അനുഷ്ഠാനങ്ങളിലും വളരെയധികം ഉപയോഗിക്കുന്ന മഞ്ഞളിന് ഭാരതസംസ്ക്കാരത്തില് സ്വര്ണ്ണത്തിന് തുല്യമായ സ്ഥാനമാണ് നല്കിയിരിക്കുന്നത്. വിഷഹാരിയും അണുനാശിനിയുമായ മഞ്ഞള് സൌന്ദര്യ സംരക്ഷണത്തിനും വളരെയധികം ഉപയോഗിക്കുന്നുണ്ട്. ആധുനികശാസ്ത്രം ഔഷധങ്ങള്ക്കായി ഏറ്റവും കൂടുതല് പരീക്ഷണ നിരീക്ഷണങ്ങള് നടത്തിയിട്ടുള്ളത് ഒരു പക്ഷേ മഞ്ഞളിലായിരിക്കും.</p> <p style="text-align: justify; ">കടുംമഞ്ഞ നിറത്തിലുള്ള കിഴങ്ങുകളോട് കൂടിയ ഈ ഏകവര്ഷസസ്യം കേരളത്തിന്റെ പല ഭാഗങ്ങളിലും വ്യാവസായികാടിസ്ഥാനത്തില് കൃഷി ചെയ്ത് വരുന്നുണ്ടെങ്കിലും സ്ഥലപരിമിതി മൂലവും മറ്റു കാരണങ്ങളാലും ഇപ്പോള് മിക്ക വീടുകളില് നിന്നും അപ്രത്യക്ഷമായിരിക്കുന്നു. സ്ഥല ലഭ്യത അനുസരിച്ച് ഗൃഹപരിസരങ്ങളില് ചെറിയ തവാരണകളുണ്ടാക്കി വീട്ടാവശ്യത്തിനായി മഞ്ഞള് ആയാസരഹിതമായി വളര്ത്താം. ഇത് കൂടാതെ മണ്ചട്ടികളിലും മണ്ണ് നിറച്ച ചാക്കുകളിലും മഞ്ഞള് നടാം. ചെറിയ മുകുളങ്ങളോട് കൂടിയ കിഴങ്ങുകളാണ് നടാന് ഉപയോഗിക്കുന്നത്. എന്നാല് നടുമ്പോള് തവാരണകളിലും ചട്ടികളിലും വെള്ളം കെട്ടിനില്ക്കാതിരിക്കാന് ശ്രദ്ധിക്കേണ്ടതാണ്. അതുപോലെ തന്നെ മണ്ണില് അല്പം മണലിന്റെ അംശം കൂട്ടുകയും വേണം. നട്ട് ഏകദേശം ആറുമാസം കഴിഞ്ഞാല് ആവശ്യത്തിനുള്ള മഞ്ഞള് ചെടിയുടെ കടഭാഗത്ത് നിന്നും മണ്ണ് നീക്കി ശേഖരിക്കാം. കേരളത്തിന്റെ കാലാവസ്ഥയില് മഴ മാറുമ്പോള് ഇലകള് നശിച്ച് ഭൂമിക്കടിയില് കാണ്ഡം മാത്രം അവശേഷിക്കും. ഇവ ശേഖരിച്ച് ഉണക്കി വച്ച് വരും കാലങ്ങളില് ഉപയോഗിക്കാം. പറിച്ചെടുക്കാതെ ഭൂമിയില് തന്നെ നിലനിര്ത്തുകയാണെങ്കില് ജലലഭ്യതക്ക് അനുസരിച്ച് വളര്ന്നുവരും. ഇവ പിന്നീടുള്ള കാലങ്ങളില് ഉപയോഗിക്കുകയും ചെയ്യാം.</p> <h3 style="text-align: justify; ">ഔഷധ ഉപയോഗങ്ങള്</h3> <ul style="text-align: justify; "> <li>മുഖക്കുരു, കുഴിനഖം എന്നീ അസുഖങ്ങള്ക്ക് പച്ചമഞ്ഞള് വേപ്പെണ്ണയില് അരച്ച് പുരട്ടുന്നത് ഉത്തമ പ്രതിവിധിയാണ്.</li> <li>തേങ്ങാപ്പാലും മഞ്ഞളും അരച്ച് മുഖത്ത് പുരട്ടിയാല് നിറം വര്ദ്ധിക്കും.</li> <li>മഞ്ഞളിന്റെ ഇലയും കിഴങ്ങും അരച്ച് കഴിക്കുകയും പുറമെ പുരട്ടുകയും ചെയ്താല് നിറം വര്ദ്ധിക്കും</li> <li>മഞ്ഞളിന്റെ ഇല അരച്ചോ പൊടിച്ചോ 3 ഗ്രാം മുതല് 6 ഗ്രാം വരെ എടുത്ത് ഒരു ഗ്ലാസ് വെള്ളത്തില് ചേര്ത്ത് ദിവസം 3 നേരം വീതം കഴിച്ചാല് വിഷ ജന്തുക്കള് കടിച്ചുണ്ടായ വിഷം ശമിക്കും. </li> <li>1.5 ഗ്രാം മഞ്ഞള്പ്പൊടി, 1.5 ഔണ്സ് നെല്ലിക്ക നീര്, 1. 5 ഔണ്സ് ചിറ്റമൃത് എന്നിവ ചേര്ത്ത് പതിവായി രാവിലെ കുടിച്ചാല് പ്രമേഹം നിയന്ത്രിക്കാം.</li> <li>പച്ചമഞ്ഞളും മുത്തങ്ങയും വെള്ളം ചേര്ക്കാതെ അരച്ച് തേക്കുന്നത് കരപ്പന് മാറാന് നല്ലതാണ്.</li> <li>ജലദോഷം, തുമ്മല് ശമിക്കാന് മഞ്ഞളിട്ട് തിളപ്പിച്ച പാല് പഞ്ചസാരയും ചേര്ത്ത് കുടിക്കുക.</li> <li>മൂക്കടപ്പും ജലദോഷവും മാറുന്നതിന് ഒരു കഷണം ഉണക്കമഞ്ഞള് കത്തിച്ച് കെടുത്തിയ ശേഷം അതില് നിന്നുള്ള പുക മൂക്കിലും വായിവും കൊള്ളുക.</li> <li>മഞ്ഞള് കത്തിച്ച് കിട്ടുന്ന ചാരം വെള്ളത്തിലലിയിച്ച് പുരട്ടിയാല് ത്വക്കിലുണ്ടാകുന്ന പരുക്കുകള് ഭേദമാകും.</li> <li>മഞ്ഞള്പ്പൊടി ദിവസവും കഴിക്കുന്നത് രക്തത്തിലെ ക്രിയാറ്റിനിന്റെ അളവ് നിയന്ത്രിക്കും.</li> <li>ഒരു ഗ്ലാസ്സ് ഓറഞ്ച് നീരില് 1.5 ടീസ്പൂണ് മഞ്ഞള്പ്പൊടിയും ആവശ്യത്തിന് കുരുമുളക് പൊടിയും ഉപ്പും ചേര്ത്ത് രാത്രി സമയത്ത് കഴിച്ചാല് ക്ഷീണം കൂടാതെ വണ്ടിയോടിക്കാം.</li> <li>മഞ്ഞള്പ്പൊടിയും കളിമണ്ണും സമം ചേര്ത്ത് പുരട്ടുന്നത് എട്ടുകാലി വിഷത്തിന് ഫലപ്രദമാണ്.</li> <li>മഞ്ഞള്പ്പൊടിയും പാലിന്റെ പാടയും രക്തചന്ദനവും കടലമാവും ചേര്ത്ത് മുഖത്ത് പുരട്ടിയാല് ചര്മ്മം മൃദുവാകുകയും മുഖകാന്തി വര്ദ്ധിക്കുകയും ചെയ്യും.</li> </ul> </div>