വിവിധ പദ്ധതികള്‍
വിവിധ പദ്ധതികള്‍
വിദ്യഭ്യാസ സഹായ പദ്ധതികള്‍
1. ക്യാഷ്‌ അവാര്‍ഡ്‌
എസ്‌.എസ്‌.എല്‍.സി./സി.ബി.എസ്‌.ഇ./ഐ.സി.എസ്‌.ഇ.യ്‌ക്ക്‌ എല്ലാ വിഷയങ്ങള്‍ക്കും A+/A1 ഗ്രേഡ്‌ കരസ്ഥമാക്കുന്ന വിമുക്തഭടന്മാരുടെ കുട്ടികള്‍ക്ക്‌ 3000 രൂപ വീതം ക്യാഷ്‌ അവാര്‍ഡ്‌ നല്‍കുന്നു.
2. പരിശീലന ക്ലാസ്സുകള്‍ക്ക്‌ സാമ്പത്തിക സഹായം
SET, NET, JRF, CWA, CA, Civil Service Exam തുടങ്ങിയ പരീക്ഷകളുടെ പരിശീലന ക്ലാസ്സുകള്‍ പൂര്‍ത്തിയാക്കുന്ന 1,50,000/- രൂപയില്‍ താഴെ വാര്‍ഷിക വരുമാനമുള്ള വിമുക്തഭടന്മാരുടെ കുട്ടികള്‍ക്ക്‌ 10000/- രൂപ (One time grant) നല്‍കുന്നതാണ്‌. (01.04.2013 മുതല്‍ പ്രാബല്യത്തില്‍ വരുന്നതാണ്‌.)
3. സ്‌കോളര്‍ഷിപ്പ്‌ (Merit Scholorship)
സാങ്കേതികവും തൊഴിലധിഷ്‌ടിതവുമായ കോഴ്‌സുകളില്‍ പഠിക്കുന്ന വിമുക്തഭടന്മാരുടെ മക്കള്‍ക്ക്‌ സ്‌കോളര്‍ഷിപ്പ്‌ വാര്‍ഷിക വരുമാന പരിധി 2,50,000/- രൂപയില്‍ താഴെയായിരിക്കണം. (01.04.2013 മുതല്‍ പ്രാബല്യത്തിലുണ്ട്‌)
4. സൈനിക സ്‌ക്കൂളില്‍ പഠിക്കുന്ന കുട്ടികള്‍ക്ക്‌ ലംപ്‌സം ഗ്രാന്റ്
സൈനിക സ്‌കൂളില്‍ പത്താം സ്റ്റാന്‍ഡേര്‍ഡില്‍ പഠിക്കുന്ന വിമുക്തഭടന്മാരുടെ കുട്ടികള്‍ക്ക്‌ മറ്റു നിബന്ധനകള്‍ ഒന്നും കൂടാതെ 10000 രൂപ ലംപ്‌സം ഗ്രാന്റായി നല്‍കുന്നു.
5.മത്സര പരീക്ഷകള്‍ക്ക്‌ പങ്കെടുക്കുന്നതിനും ഇന്റര്‍വ്യൂ ബോര്‍ഡിനെ അഭിമുഖീകരിക്കുന്നതിനും പരിശീലനം
മത്സരപരീക്ഷകളില്‍ പങ്കെടുക്കുന്നതിനും ഇന്റര്‍വ്യൂ ബോര്‍ഡിനെ അഭിമുഖീകരിക്കുന്നതിനും പരിശീലനത്തിനായി വിമുക്തഭടന്മാര്‍ക്ക്‌ / ആശ്രിതര്‍ക്ക്‌ 01.04.2013 മുതല്‍ 10,000/- രൂപ ഒറ്റത്തവ ഗ്രാന്റായി നല്‍കുന്നതാണ്‌.
6. പ്രവേശന പരീക്ഷ പരിശീലനത്തിന്‌ സാമ്പത്തിക സഹായം.
ആറു മാസത്തില്‍ കുറയാത്ത എഞ്ചിനീയറിംഗ്‌ /എം.ബി.ബി.എസ്‌ പ്രവേശന പരീക്ഷാ പരിശീലനം നേടിയിട്ടുള്ള വിമുക്ത'ടന്മാരുടെ 250 കുട്ടികള്‍ക്ക്‌ ഒറ്റത്തവണ 5000 രൂപ (അയ്യായിരം രൂപ) വീതം സാമ്പത്തിക സഹായം നല്‍കുന്നുണ്ട്‌. വാര്‍ഷിക വരുമാനം 200000/- (രണ്ടു ലക്ഷം) രൂപയാണ്‌.
7. പ്രധാനമന്ത്രിയുടെ സ്‌കോളര്‍ഷിപ്പ്‌ പദ്ധതി
പ്രൊഫഷണല്‍ കോഴ്‌സുകളില്‍ പ്രവേശനം ലഭിക്കുന്ന വിമുക്തഭടന്മാരുടെ മക്കള്‍ക്ക്‌ സ്‌കോളര്‍ഷിപ്പ്‌ നല്‍കുന്നു. തെരഞ്ഞെടുക്കപ്പെടുന്ന ആണ്‍കുട്ടികള്‍ക്കും പെണ്‍കുട്ടികള്‍ക്കും യഥാക്രമം 1250, 1500 രൂപ വീതം പ്രതിമാസം നല്‍കുന്നതാണ്‌. 10+2 ക്ലാസില്‍ 60% വും തുടര്‍ന്ന്‌ ഓരോ വര്‍ഷവും 50% ത്തില്‍ കുറയാതെ മാര്‍ക്ക്‌ ലഭിക്കുന്നവരില്‍ നിന്നും അര്‍ഹരെ തെരഞ്ഞെടുക്കുന്നതാണ്‌. അപേക്ഷകള്‍ എം ഒ ഡി യുടെ ഔദ്യോഗിക വെബ്‌ സൈറ്റായ www.mod.nic.in ല്‍ നിന്നും ഡൗണ്‍ലോഡ്‌ ചെയ്യാവുന്നതാണ്‌. 2011-12 അദ്ധ്യയന വര്‍ഷം സെലക്ഷന്‍ ലഭിച്ചവര്‍ പേയ്‌മെന്റ്‌ ഫോറം (Renewal Form) നേരിട്ട്‌ സെക്രട്ടറി, കേന്ദ്രീയ സൈനിക്‌ ബോര്‍ഡിന്‌ അയച്ചു കൊടുക്കേണ്ടതാണ്‌.
ഭവന നിര്‍മ്മാണ സഹായം
1. വീട്‌ നന്നാക്കുവാന്‍ ഗ്രാന്റ്
കുടുംബ വാര്‍ഷിക വരുമാനം 50000/- രൂപയില്‍ കുറവുള്ള വിമുക്തഭടന്മാര്‍/വിധവകള്‍ എന്നിവര്‍ക്ക്‌ വീട്‌ നന്നാക്കുവാന്‍ 10000/- രൂപ ഒറ്റത്തവണ ഗ്രാന്റായി നല്‍കുന്നു.
2. വീട്‌ നിര്‍മ്മിക്കുന്നതിന് സഹായം
യുദ്ധത്തില്‍ കൊല്ലപ്പെടുന്നവരുടെയും സൈനിക സേവനത്തിനിടയില്‍ മരിക്കുന്നവരുടെയും ആശ്രിതര്‍ക്കും ശാരീരികാസ്വാസ്ഥ്യങ്ങള്‍ മൂലം സേവനം തുടരാന്‍ കഴിയാതെ പിരിച്ചയയ്‌ക്കപ്പെടുന്നവര്‍ക്കും സ്വന്തമായി വീടില്ലെങ്കില്‍ അവര്‍ക്ക്‌ വീട്‌ നിര്‍മ്മിക്കാന്‍ സംസ്ഥാന സര്‍ക്കാര്‍ 1,00,000 (ഒരു ലക്ഷം) രൂപ സാമ്പത്തിക സഹായം നല്‍കുന്നു. വാര്‍ഷിക വരുമാന പരിധി 1,50,000/- (ഒരു ലക്ഷത്തി അന്‍പതിനായിരം) രൂപയില്‍ താഴെയായിരിക്കണം. യുദ്ധത്തില്‍ കൊല്ലപ്പെട്ടവരുടെ ആശ്രിതര്‍ക്കും, യുദ്ധത്തില്‍ പരിക്കേറ്റ വിമുക്തഭടന്മാര്ക്കും വരുമാന പരിധി ബാധകമല്ല. മുകളില്‍ പറഞ്ഞിരിക്കുന്ന വിഭാഗത്തിലുള്ള അപേക്ഷകരുടെ അഭാവത്തില്‍, 60 വയസ്സിനു താഴെയുള്ള, സ്വന്തമായോ, ഭാര്യയുടെ പേരിലോ, അപേക്ഷാ തീയതി വരെ കഴിഞ്ഞ 5 വര്‍ഷമായി വീടില്ലാത്ത വിമുക്തഭടന്മാരെയും അതാതു വര്‍ഷത്തെ ഫണ്ടിന്റെ ലഭ്യത അനുസരിച്ച്‌ ഭവന നിര്‍മ്മാണ ധനസഹായത്തിനായി പരിഗണിക്കുന്നതാണ്‌.
ചികിത്സാ സഹായം
1. പോക്കറ്റ്‌ മണി
ക്ഷയരോഗ/കുഷ്‌ഠരോഗ ആശുപത്രികളില്‍ കഴിയുന്ന വിമുക്തഭടന്മാരായ അന്തേവാസികള്‍ക്ക്‌ / വിമുക്തഭടന്മാരുടെ വിധവകള്‍ക്ക്‌ പ്രതിമാസം 2000 രൂപ ധനസഹായം നല്‍കുന്നു.
2. മെഡിക്കല്‍ ആഫ്‌റ്റര്‍ കെയര്‍ ഗ്രാന്റ്
ക്ഷയം, കുഷ്‌ഠം എന്നീ രോഗങ്ങള്‍ ബാധിച്ച വിമുക്തഭടന്മാര്‍ക്ക്‌, ഇന്ത്യന്‍ റെഡ്‌ക്രോസ്‌ സൊസൈറ്റി നല്‍കുന്ന വൈദ്യശുശ്രൂഷ ഗ്രാന്റ് ലഭ്യമല്ലാതാകുമ്പോള്‍, എസ്‌.എം.ബി.എഫില്‍ നിന്നും മൂന്നു വര്‍ഷത്തെ തുടര്‍ ശൂശ്രൂഷക്കായി പ്രതിമാസം 1000/- രൂപ നിരക്കില്‍ ഗ്രാന്റ് നല്‍കുന്നു. വാര്‍ഷിക വരുമാനം 1,50,000/- രൂപയില്‍ താഴെ ആയിരിക്കണം.
കൂടാതെ ഓണം ആഘോഷിക്കുന്നതിലേക്കായി ക്ഷയരോഗ/കുഷ്‌ഠരോഗ സാനിട്ടോറിയങ്ങളില്‍ കഴിയുന്ന വിമുക്തഭടന്മാര്‍ക്ക്‌ 2000/- രൂപ പ്രത്യേക സാമ്പത്തിക സഹായം നല്‍കുന്നു.
3. ക്യാന്‍സര്‍ രോഗ ശുശ്രൂഷയ്‌ക്ക്‌ ഗ്രാന്റ്:
ക്യാന്‍സര്‍ രോഗികളായ വിമുക്തഭടന്മാര്‍/വിധവകള്‍/ ഭാര്യമാര്‍/ആശ്രിതരായ മക്കള്‍ എന്നിവര്‍ക്ക്‌ പ്രതിമാസം 1000/- രൂപ വീതം ഒരു വര്‍ഷത്തേയ്‌ക്ക്‌ ചികിത്സാ ചെലവിനായി സാമ്പത്തിക സഹായം നല്‍കുന്നു. പെന്‍ഷനോ മറ്റു സമാന ആനുകൂല്യങ്ങളോ ലഭിക്കാത്തവര്‍ക്ക്‌ പരമാവധി 2 വര്‍ഷം വരെ സാമ്പത്തിക സഹായം നല്‍കുന്നു.
4. പാരാപ്ലജിക്‌ റിഹാബിലിറ്റേഷന്‍ സെന്‍ററിലെ അന്തേവാസികള്‍ക്ക്‌ സാമ്പത്തിക സഹായം
പൂനയിലെ പാരാപ്ലജിക്‌ റിഹാബിലിറ്റേഷന്‍ സെന്‍ററിലെ അന്തേവാസികളായ വിമുക്തഭടന്മാര്‍ക്ക്‌ പ്രതിമാസം 1000 രൂപ ധനസഹായം നല്‍കുന്നു. കൂടാതെ തൊട്ടടുത്ത ബന്ധുവിന്‌ വിമുക്തഭടനെ സന്ദര്‍ശിക്കുന്നതിനായി വര്‍ഷത്തില്‍ ഒരിക്കല്‍ സെക്കന്‍റ് ക്ലാസ്‌ റെയില്‍വേ ടിക്കറ്റ്‌ നല്‍കുന്നതാണ്‌.
5. മെഡിക്കല്‍ റിലീഫ്‌ ഗ്രാന്റ്
60 വയസ്സിന്‌ മുകളിലുള്ളവരും, രോഗികളും പെന്‍ഷന്‌ അര്‍ഹതയില്ലാത്തവരും ECHS-ല്‍ മെമ്പര്‍ അല്ലാത്തവരും വരുമാനം 75000/- രൂപയില്‍ താഴെയുള്ളവരും ആയ വിമുക്തഭടന്മാര്ക്കും വിധവകള്‍ക്കും ഫണ്ടിന്റെ ലഭ്യതയനുസരിച്ച്‌ 10,000 രൂപ ഒറ്റത്തവണ ഗ്രാന്റ് നല്‍കുന്നു.
6. ഡയാലിസിസിന്‌ സാമ്പത്തിക സഹായം
ഡയാലിസിസിന്‌ വിധേയരാകുന്ന വിമുക്ത ഭടന്മാര്‍ക്കും വിധവകള്‍ക്കും ആശ്രിതര്‍ക്കും ഡയാലിസിസിനായി 1000 രൂപ വീതം നിബന്ധനകള്‍ക്കു വിധേയമായി പരമാവധി 20000 രൂപ വരെ അനുവദിക്കുന്നു.
7. അവയവമാറ്റ ശസ്‌ത്രക്രിയക്ക്‌ ശേഷം (Kidney Lever Hip Knee) ധനസഹായം
(01.04.2013 മുതല്‍ അവയവമാറ്റ ശസ്‌ത്രക്രിയയ്‌ക്കുശേഷം വിമുക്തഭടന്മാര്ക്കും വിധവകള്‍ക്കും നിബന്ധനകളില്ലാതെ 1000/- പ്രതിമാസം ഒരു വര്‍ഷത്തേയ്‌ക്ക്‌ ധനസഹായം നല്‍കുന്നു.
7. അവയവമാറ്റ ശസ്‌ത്രക്രിയക്ക്‌ ശേഷം (Kidney Lever Hip Knee) ധനസഹായംഅവയവമാറ്റ ശസ്‌ത്രക്രിയക്ക്‌ ശേഷം വിമുക്തഭടന്‌ / വിധവക്ക്‌ നിബന്ധനകളില്ലാതെ 1000 രൂപ പ്രതിമാസം ഒരു വര്‍ഷത്തേക്ക്‌ ധനസഹായം നല്‍കുന്നതാണ്‌.
അവസാനം പരിഷ്കരിച്ചത് : 12/5/2019
വിമുക്തഭടന്മാര്‍, യുദ്ധവിധവകള്‍, അവരുടെ ആശ്രിതര്‍ ...
സൈനിക ക്ഷേമ വകുപ്പ്‌ -കൂടുതൽ വിവരങ്ങൾ
ഇന്ന് വളരെ വ്യാപകമായി കൊണ്ടിരിക്കുന്ന വിഷാദ രോഗത്ത...
