പതിമൂന്നാം പഞ്ചവത്സര പദ്ധതി
പതിമൂന്നാം പഞ്ചവത്സര പദ്ധതി
- സാമൂഹ്യ സുരക്ഷിതത്തിലെ നിക്ഷേപം _ ദരിദ്രർ, സാമൂഹ്യ വിവേചനത്തിന് ഇരയായവർ, സാമ്പത്തികമായി പരാധീനത ഉള്ളവർ, തൊഴിലില്ലാത്തവർ, മുതിർന്ന പൗരന്മാർ, വിശപ്പുള്ളവർ, രോഗികൾ, അംഗപരിമിതർ - കേരളത്തിലെ പരിഷ്കൃത രാഷ്ട്രീയ ചരിത്രത്തിന്റെ ഭാഗമാക്കാനും സവിശേഷതയ്ക്കുമായി.
- ഭിന്നശേഷിക്കാർ _ പതിമൂന്നാം പഞ്ചവത്സര പദ്ധതിക്കാലത്ത് എല്ലാ ഭിന്നശേഷിക്കാർക്കും സംസ്ഥാനത്തെ എല്ലാ ജില്ലകളിലെയും പൊതു കെട്ടിടങ്ങളിലേക്കുള്ള പ്രാപ്യത ഉറപ്പുവരുത്തുന്നതിനാവശ്യമായ പണം വിനിയോഗിക്കും. ആസൂത്രണബോർഡ്, ഭിന്നശേഷിയുള്ള വിഭാഗങ്ങൾക്കിടയിൽ പ്രവർത്തിക്കുന്ന സംഘടനകൾ, മറ്റ് വ്യക്തികൾ എന്നിവരുമായി കൂടിയാലോചിച്ച് വിഭിന്ന ശേഷിയുള്ള വ്യക്തികളുടെ സമ്പൂർണ്ണ വികാസത്തിനായുള്ള പരിപാടികൾ രൂപീകരിക്കും.
- പതിമൂന്നാം പദ്ധതിയിൽ പ്രതിരോധ നടപടികൾ, പ്രാരംഭ കണ്ടെത്തൽ, DEIC മുഖേന പ്രാരംഭ ഇടപെടൽ, പ്രത്യേക അംഗൻവാടികൾ മുഖേന വിദ്യാഭ്യാസ പിന്തുണ, മാതൃകാ ശിശു പുനരധിവാസ കേന്ദ്രങ്ങൾ, സ്പെഷ്യൽ സ്കൂളുകൾ, സംയോജിത സ്കൂൾ പരിപാടി, വൊക്കേഷണൽ ട്രെയിനിംഗ്, അംഗപരിമിതർക്കുള്ള പ്രവർത്തന കേന്ദ്രങ്ങൾ, സാമൂഹ്യാധിഷ്ഠിത പുനരധിവാസം, അസിസ്റ്റഡ് ലിവിംഗ് പ്രോജക്ടുകൾ എന്നിവയ്ക്ക് മുൻഗണന നൽകുക.
- കേരളത്തിലെ പുരുഷന്മാരുടെയും സ്ത്രീകളുടെയും ജീവിത ദൈർഘ്യവും വിവാഹ പ്രായവും തമ്മിലുള്ള അന്തരം വിധവകളുടെ എണ്ണം വർദ്ധിച്ചു വരുന്നതായി സൂചിപ്പിക്കുന്നു. 60 വയസിനു മേൽ പ്രായമുള്ള സ്ത്രീകളിൽ 58 ശതമാനം പേരും വിധവകളാണ്. അവരുടെ സാമ്പത്തിക ആരോഗ്യ ക്ഷേമ ആവശ്യങ്ങൾക്കു പ്രത്യേക ശ്രദ്ധ നൽകേണ്ടതാണ്.
- സംസ്ഥാനത്തെ മുതിർന്ന പൗരന്മാർക്കുള്ള പെൻഷൻ പദ്ധതിയുടെ സാദ്ധ്യതയും അളവും വർദ്ധിപ്പിക്കേണ്ടതാണ്. ഇവരുടെ ആരോഗ്യപ്രശ്നങ്ങൾക്കു പ്രത്യേക ഊന്നൽ നൽകുക, പകരാത്തരോഗങ്ങളുള്ളവർക്കും മുതിർന്നവർക്കുമായി പകൽ പരിപാലന കേന്ദ്രങ്ങൾ തുടങ്ങുക.
- ലിംഗപദവിയും വികസനവും – 13-ാം പദ്ധതി ജൻഡർ ബഡ്ജറ്റിംഗ് നടപ്പാക്കുന്നു.
- സ്ത്രീകളുടെ സാമ്പത്തിക സ്വാതന്ത്യം വർദ്ധിപ്പിക്കാനും രാഷ്ട്രീയത്തിലും സമൂഹത്തിലും സ്വതന്ത്ര പങ്കാളിത്തം ഉറപ്പാക്കുന്നതിനും പൊതുസ്ഥലങ്ങളിൽ സ്വാതന്ത്യം ഉണ്ടാകുന്നതിനുമായി നയങ്ങൾ രൂപീകരിക്കുക.
- സ്ത്രീകളുടെ തൊഴിൽ വരുമാനം, സ്വയം തൊഴിലും ജീവിതമാർഗ്ഗങ്ങളും, നൈപുണ്യ വികസനം, ജോലിസ്ഥലത്തെ പ്രത്യേക സൗകര്യങ്ങൾ, ശിശുസംരക്ഷണം, അതിക്രമങ്ങളിൽ നിന്നുള്ള സംരക്ഷണം, അതിക്രമത്തിനിരയായവർ എന്നിവയ്ക്കായുള്ള വിഹിതങ്ങൾ വർദ്ധിപ്പിക്കുക.
- ഭിന്നലിംഗക്കാരുടെ വളർന്നു വരുന്ന പ്രശ്നങ്ങളും ലിംഗവിവേചനവും പരിഹരിക്കുക.
അവസാനം പരിഷ്കരിച്ചത് : 2/17/2020
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
