കേന്ദ്ര പദ്ധതികള്‍

പ്രധാനമന്ത്രി മുദ്രായോജന

നമ്മുടെ ചെറുകിട സംരംഭകരുടെ അഭിലാഷങ്ങൾക്ക് ചിറക് നൽകാൻ, നിങ്ങളുടെ ബിസിനസ്സ് വളരാൻ മുദ്രാ ലോൺ പദ്ധതി ഉപയോഗിക്കുക. ഈടോ ജാമ്യക്കാരുടെ ആവശ്യമോ ഇല്ലാതെ ചെറുകിട സംരംഭകർക്ക് വായ്പ നൽകുന്നതിന് വേണ്ടിയുള്ള പദ്ധതിയാണ്. വായ്പയ്ക്ക് സർട്ടിഫിക്കറ്റ് (നോ ഡ്യൂസ് സർട്ടിഫിക്കറ്റ്) നിർബന്ധമില്ല. കാരണം വായ്പ ക്രഡിറ്റ് ബ്യൂറോയുടെ റിപ്പോർട്ടിന്‍റെ അടിസ്ഥാനത്തിലായിരിക്കും. കൊളാറ്ററൽ (പണയം) ഒന്നും നിർബന്ധമില്ല. എടുത്ത പണത്തിനുമാത്രം പലിശ നൽകുക. വായ്പ ലളിതമായ തവണകളിൽ ഉചിതമായ കാലയളവിൽ തിരികെ അടയ്ക്കാം. മുദ്രാ ലോൺ പോലെ തന്നെ മുദ്രാ വായ്പാ കാർഡും ലഭ്യമാണ്. മുദ്രാ കാർഡുകൊണ്ട് ഏത് ഏറ്റി.എം.ൽ നിന്നും പണം പിൻവലിക്കാൻ സ്വാതന്ത്ര്യമുണ്ട്. മുദ്രാ കാർഡുകൊണ്ട് പി.ഒ.എസ് മെഷഷീനുകൾ/ഈ-കോമേഴ്സ് മുഖേന സാധനങ്ങൾ വാങ്ങുവാൻ സൗകര്യം. അപേക്ഷ ഫാറം www.mudra.org.in-ലും അടുത്തുള്ള പൊതുമേഖലാ ബാങ്കുകളിലും ഷെഡ്യൂൾഡ് ബാങ്കുകളിലും ലഭിക്കും.

മുദ്രാ ലോണ്‍ മൂന്ന് വിധം:

1. ശിശു ലോൺ: 50000 രൂപ വരെ

2. കിഷോർ ലോൺ: 50000 രൂപ മുതൽ 5 ലക്ഷം രൂപ വരെ

3. തരുൺ ലോൺ, 5 ലക്ഷം രൂപ മുതൽ 10 ലക്ഷം രൂപ വരെ

പ്രധാനമായും മൂന്ന് തരം സംരംഭകർക്കാണ് മുദ്രാ ലോൺ ലഭ്യമാവുക. ഉൽപന്ന നിർമ്മാണം, സേവന മേഖല, വ്യാപാര-വാണിജ്യ മേഖല. കൂടാതെ ഇപ്പോൾ ഡയറി ബിസിനസ് മീൻ വളർത്തൽ, കോഴി വളർത്തൽ, തേനീച്ച വളർത്തൽ, പട്ട് വ്യവസായം മുതലായ വയ്ക്കും മുദ്രാ ലോൺ ലഭ്യമാണ്.

എങ്ങനെ മുദ്രാ ലോൺ വായ്പ നേടാം

നഗരപരിധിക്കുള്ളിൽ(മുൻസിപ്പാലിറ്റി/കോർപ്പറേഷൻ) മുദ്രാ ലോൺ ലഭിക്കുന്നതിന് അപേക്ഷകൻ അക്കൗണ്ടുള്ള പൊതുമേഖലാ ബാങ്കിലോ/ ഷെഡ്യൂൾഡ് ബാങ്കിലോ അല്ലെങ്കിൽ സംരംഭം തുടങ്ങാൻ ഉദ്ദേശിക്കുന്ന സ്ഥലത്തിനു സമീപമുള്ള പൊതുമേഖലാ ബാങ്കിലോ/ ഷെഡ്യൂൾഡ് ബാങ്കിലോ സമീപിക്കുക.

എന്നാൽ പഞ്ചായത്തുകളിൽ സംരംഭം തുടങ്ങുന്നവർക്ക് വാർഡ് അനുസരിച്ച് നിശ്ചയിച്ച ബാങ്കുകളെ സമീപിക്കാം. നിങ്ങളുടെ വാർഡ് അനുസരിച്ചുള്ള സർവ്വീസ് ബാങ്ക് അറിയുന്നതിന് അതാത് ജില്ലയിലെ ലീഡ് ബാങ്കിനെ സമീപിക്കുക. മുദ്രാ ലോൺ ലഭിക്കാത്തത് സംബന്ധിച്ച് പരാതികൾക്കും സംശയങ്ങൾക്കും ലീഡ് ബാങ്കിനെയാണ് സംരംഭകർ സമീപിക്കേണ്ടത്. മുൻപ് വായ്പ എടുത്ത് കുടിശ്ശിഖ ഉള്ളവർക്ക് മുദ്രാ ലോൺ ലഭിക്കുകയില്ല.

നിലവിൽ സംരംഭം ഉള്ളവർക്കും മുദ്രാ വായ്പയ്ക്ക് അപേക്ഷിക്കാം. പുതിയ സംരംഭകർ ജില്ലാ വ്യവസായ ഓഫീസുവഴിയോ, അടുത്തുള്ള അക്ഷയ കേന്ദ്രം വഴിയോ, ഉദ്യോഗ് ആധാർ അല്ലെങ്കിൽ MSME ലൈസൻസോ എടുത്തിരിക്കണം. പഞ്ചായത്ത് ലൈസൻസ്/മുൻസിപ്പാലിറ്റി/കോർപ്പറേഷൻ ലൈസൻസ് നിർബന്ധമാണ് ഓട്ടോ-ടാക്സി അപേക്ഷകർക്ക് ലൈസൻസും ബാഡ്ജും നിർബന്ധമാണ്. പദ്ധതിയുടെ 70% മുതൽ 80% വരെ തുക ബാങ്കിൽ നിന്നും വായ്പയായി ലഭിക്കും. ബാക്കിവരുന്ന തുക സംരംഭകർ മുടക്കേണ്ടതാണ്. മുദ്രാ വായ്പയുടെ പലിശ പൊതുമേഖലാ ബാങ്കുകളിൽ 9.95% മുതൽ 12% വരേയും ഷെഡ്യൂൾഡ് ബാങ്കുകളിൽ 12% മുതൽ 17 % വരെയുമാണ്.

വനിതാ സംരംഭകർക്കും പട്ടിക ജാതിക്കാർക്കും മുദ്രാ വായ്പ പദ്ധതിയിൽ മുൻഗ ണനയുണ്ട്.

പ്രധാനമന്ത്രി മുദ്ര യോജന, പ്രധാനമന്ത്രി കൗശൽ വികാസ് യോജന(PMKVY), ദീനദയാൽ ഗ്രാമീണ കൗശല്യ യോജന(DDUGKY) തുടങ്ങിയ പദ്ധതികൾ വഴി സ്വയം തൊഴിൽ വൈദഗ്ദ്യം നേടി വരുമാനം കണ്ടെത്തുന്നതിനു വേണ്ടി കേന്ദ്ര ഗ്രാമ വികസന മന്ത്രാലയം ഗ്രാമീണ സ്വയംതൊഴിൽ പരിശീലന കേന്ദ്രം ആരംഭിച്ചിട്ടുണ്ട്. ഇത് സംബന്ധിച്ച വിവരങ്ങൾ ചുവടെ ചേർക്കുന്നു.

ഗ്രാമീണ സ്വയംതൊഴിൽ പരിശീലന കേന്ദ്രം

(Rural Self Employment Training Institute (RSETI)

തൊഴിൽ രഹിതരായ യുവതീ-യുവാക്കൾക്ക് തെരഞ്ഞെടുക്കപ്പെട്ട വിഷയങ്ങളിൽ തൊഴിലധിഷ്ഠിത പരിശീലനം സൗജന്യമായി ലഭിക്കുന്നതിനുള്ള ഒരു സുവർണ്ണാവസരം എല്ലാ ജില്ലകളിലും കേന്ദ്ര സർക്കാർ നടപ്പിലാക്കിയിട്ടുണ്ട്. RSETI ക്കാണ് ഈ പരിശീലന കേന്ദ്രത്തിന്‍റെ ചുമതല നൽകിയിട്ടുള്ളത്. ഈ പരിശീലന കേന്ദ്രത്തിൽ വൈവിധ്യമാർന്ന വരുമാന ദായക പ്രവർത്തനങ്ങളിൽ ഒരാഴ്ച മുതൽ ആറ് ആഴ്ചവരെ നീണ്ടു നിൽക്കുന്ന തൊഴിലധിഷ്ഠിത പരിശീലനം നൽകപ്പെടും. യുവാക്കളേയും യുവതികളേയും സ്വയം തൊഴിൽ സംരംഭങ്ങൾ തുടങ്ങാൻ പ്രാപ്തരാക്കുക എന്നതാണ് പരമമായ ലക്ഷ്യം.

 

• പരിശീലനം വിജയകരമായി പൂർത്തിയാക്കുന്നവർക്ക് സർട്ടിഫിക്കറ്റും നൽകും.
• പരിശീലനം പൂർണ്ണമായും സൗജന്യമാണ്.
• പരിശീലനം ഫുള്‍ടൈമായിരിക്കും.
• ശനി, ഞായർ ദിവസങ്ങളിൽ പരിശീലനം ഉണ്ടായിരിക്കുന്നതല്ല. പരിശീലനം കഴിഞ്ഞവർക്ക് സംരംഭം ആരംഭിക്കുന്നതിന് വായ്പ അപേക്ഷ സമർപ്പിക്കാൻ RSETI സഹായിക്കുന്നതായിരിക്കും.
• RSETI നിന്നും പരിശീലനം നേടിയവരുടെ വായ്പ അപേക്ഷകൾക്ക് മുൻഗണന നൽകണമെന്ന് സംസ്ഥാനതല ബാങ്കേഴ്സ് കമ്മിറ്റി (SLBC) എല്ലാ ബാങ്കുകൾക്കും നിർദ്ദേശം നൽകിയിട്ടുണ്ട്.
• ഇക്കാര്യത്തിൽ പരിശീലനം നേടിയവരെ സഹായിക്കാന്‍ വായ്പ ഉപദേശക കേന്ദ്രവും RSETIയോടൊപ്പം പ്രവർത്തിക്കുന്നു.
• പരിശീലനത്തിനുശേഷം രണ്ടു വർഷക്കാലം RSETIയുടെ സേവനവും സഹായവും ലഭ്യമാണ്.

 

ജില്ലകളിലെ RSET പരിശീലന കേന്ദ്രങ്ങൾ

 

Thiruvananthapuram:

IOB RSETI, TC 14/1609 (FORA-A-17),

Forest Office Lane, Vazhuthacaud, Trivandrum-14,

Ph: 04712322430

E-mail: iobrsetitvm@gmail.com

Kollam:

SYNDRSETI, B 2 Kallada Irrigation Project Campus,

Near Mannam Memorial College, Kottiyam-691571

Ph:0474 2537141

E-mail: Syndrset+kollam@gmail.com

Alappuzha:

SBT RSETI, Aryad Block Panchayath Building,

Alappey-Cherthala Route, Kalavur P.O,

Kalavur Block Junction, Alappuzha-688522,

Ph: 0477 2292427, 2292428

E-mail: rsetialpy@.sbt.co.in

Pathanamthitta:

SBT RSETI, Kidarathil Chris Tower,

Stadium Junction, College Road, Pathanamthitta,

0468 2270244, 984751429

E-mail: rsetipta@sbt.co.in

Kottayam:

RSETI, Jawahar Balabhavan & Childrens Library Hall,

Temple Road, Kottayam-686001

0481 2303306

E-mail: rsetikm@sbt.co.in

Idukki:

Union RSETI, Block Panchayath Building,

Nedumkandam-685553

04868-234567 2303306

Ernakulam:

Union Bank RSETI, Grameena Swayam Thozhil Pariseelana Kendram,

1st Floor, Union Bank Bhavan,

A.M. Roadm, Perumbavoor – 683542

0484 2529344

Thrissur:

Canara Bank RSETI Block Parambu,

Near SJ Colony, Villadam, Ramavarmapuram Post,

Thrissur, Kerala 680631,

Phone: 09447196324.,0487 2370212

Palakkad:

Canara Bank RSETI, VIlinezhi Panchayath,

Kulakkad, Palakkad-689645

04662 285554

E-mail: cbrsetpk@gmail.com

Kozhikkode:

Canara Bank RSETI, Kozhikkode Block Office Compound,

Mathara, Calicut - 673014

0495 2432470

Wayanad:

SBT RSETI, Puthoor Vayal,

Kalpetta, Wayanad- 673121

04936207132

Malappuram:

RSETI, Subba Rao Pai Self Employment Institute,

Swashraya Bhavan, Wandoor-Manjeri Road, Malappuram 671071

04931 247001

Kannur:

RUDSETI, PPV116/A Near RTA Ground,

Kanhiramgad PO, Kannur- 670142

0460 226573/0227869

E-mail: rudset kerala@gmail.com

Kasargod:

Andhra Bank RSETI,

Ballikoth Institute of Rural Enterprenureship Development (BIRED) Anandasram,

Kanhangand PO, Kasargod- 671531

0467 2268240

E-mail: Bired2003@gmail.com

 

കൂടുതല്‍ വിവരങ്ങള്‍ക്ക് : http://nird.org.in/rseti/index.aspx

പ്രധാനമന്ത്രി ആവാസ് യോജന (നഗരം)

• വീടുകൾ അനുവദിക്കുന്നതിൽ സ്ത്രീകൾക്ക് മുൻഗണന. സ്തീകളുടെ പേരിൽ അപേക്ഷ നൽകിയാൽ കൂടുതൽ മുൻഗണന ലഭിക്കും.
• എസ്.സി/എസ്.ടി വിഭാഗങ്ങൾക്കും ദുർബല വിഭാഗങ്ങൾക്കും മുൻഗണന.
• പലിശ നിരക്ക് 6.5 ശതമാനം.
• 1 ലക്ഷം രൂപ മുതൽ 2.30 ലക്ഷം രൂപ വരെ സബ്സിഡി ലഭിക്കും.
• പരമാവധി ലോൺ തുക 6 ലക്ഷം.
• അപേക്ഷകന്‍റെ പ്രായ പരിധി 21നും 55നും ഇടയിൽ
• 2022 ഓടെ നഗരങ്ങളിലെ ദരിദ്രർക്കായി 2 കോടി വീടുകൾ നിർമ്മിക്കണം.
• ഗുണഭോക്താക്കളിൽ 95 ശതമാനവും സാമ്പത്തികമായി ദുർബല ജനവിഭാഗങ്ങ ളിൽപ്പെട്ടവരായിരിക്കണം.
• വിശദ വിവരങ്ങൾക്ക് വാർഡ് അംഗത്തെ സമീപിക്കുക.
• കൗൺസിൽ മീറ്റിംഗിലാണ് ഗുണഭോക്താവിനെ നിശ്ചയിക്കുന്നത്.

 

പ്രധാനമന്ത്രി ആവാസ് യോജന (ഗ്രാമം)

ഓരോ ഭാരതീയനും ഒരു വീട്;

• ഗ്രാമങ്ങളിലെ ദരിദ്രർക്കായി 2019 ആകുമ്പോഴേക്കും വീടൊന്നിന് 1.20 ലക്ഷം രൂപ ചെലവിൽ 1 കോടി വീടുകൾ നിർമ്മിച്ചു നൽകും.
• വീടിന്‍റെ വലിപ്പം 20 ചതുരശ്ര മീറ്ററിൽ നിന്ന് 25 ചതുരശ്ര മീറ്ററാക്കി ഉയർത്തുകയും, ഓരോ വീടിനുമുള്ള സഹായം 70000 രൂപയിൽ നിന്നും 1.20 ലക്ഷം രൂപയായി ഉയർത്തുകയും ചെയ്തു.
• ഇത്തരത്തിലുള്ള എല്ലാ വീടുകളിലും ടോയിലറ്റ് ഉണ്ടായിരിക്കും.
• ഗുണഭോക്താക്കളിൽ 95 ശതമാനവും സാമ്പത്തികമായി ദുർബല ജനവിഭാഗങ്ങ ളിൽപ്പെട്ടവരായിരിക്കണം.
• വിശദ വിവരങ്ങൾക്ക് വാർഡ് അംഗത്തെ സമീപിക്കുക.
• ഗ്രാമസഭയിലാണ് ഗുണഭോക്താവിനെ നിശ്ചയിക്കുന്നത്.
• എസ്.ഇ.സി.സി. ഡാറ്റയുടെ അടിസ്ഥാനത്തിലായിരിക്കും ഗുണഭോക്താക്കളെ തെരഞ്ഞെടുക്കുന്നത്.

 

സുകന്യ സമൃദ്ധി യോജന (SSAY)

പത്തുവയസിനു താഴെ പ്രായമുളള പെൺകുട്ടികൾക്കായി പരമാവധി പലിശ  നിരക്കിൽ പ്രത്യേക ബാങ്ക് അക്കൗണ്ടിൽ നിശ്ചിത തുക നിക്ഷേപിക്കുന്നതാണ് ഈ പദ്ധതി. ഏറ്റവും കുറഞ്ഞ നിക്ഷേപം 1000 രൂപയും ഏറ്റവും കൂടിയ നിക്ഷേപം 1,50,000 രൂപയുമാണ്. പരമാവധി 14 വർഷത്തേയ്ക്കാണ് നിക്ഷേപം നടത്തേണ്ടത്.

• 10 വയസ്സിൽ താഴെ പ്രായമുള്ള പെൺകുട്ടികൾക്ക് മാത്രമുള്ള പദ്ധതി.
• ഒരു പെൺകുട്ടിയുടെ പേരിൽ ഒരു അക്കൗണ്ട് മാത്രമെ തുടങ്ങാൻ കഴിയുകയുള്ളൂ.
• പദ്ധതി കാലാവധി അക്കൗണ്ട് തുടങ്ങുന്ന തിയ്യതി മുതൽ 21 വർഷമാണ്.
• പോസ്റ്റ് ഓഫീസുകളിലും ദേശസാൽകൃത ബാങ്കുകളിലും അക്കൗണ്ട് തുടങ്ങാം.
• അക്കൗണ്ട് തുടങ്ങുന്ന വർഷം മുതൽ 14 വർഷം നിക്ഷേപം നടത്തണം.
• നിക്ഷേപത്തിന് ആദായ നികുതി ഇളവ് ലഭിക്കും.
• ഏറ്റവും കുറഞ്ഞ വാർഷിക നിക്ഷേപം 1000 രൂപയാണ്.
• ഏറ്റവും കൂടിയ വാർഷിക നിക്ഷേപം 150000 രൂപ.
• വാർഷിക നിക്ഷേപം മാസ തവണകളായി നിക്ഷേപിക്കാം.
• ഒരു വീട്ടിൽ രണ്ട് പെൺകുട്ടികളുടെ പേരിൽ മാത്രമെ അക്കൗണ്ട് തുടങ്ങാൻ കഴിയുകയുള്ളൂ.
• 18 വയസ് പൂർത്തീകരിച്ച ശേഷം പെൺകുട്ടിയുടെ വിദ്യാഭ്യാസ ആവശ്യത്തിനായി അടച്ച തുകയുടെ 50% വരെ കാലാവധിക്കു മുൻപ് പിൻവലിക്കാം.

ഗുണങ്ങൾ - ഉദാഹരണം - ഒരു വയസുള്ള കുട്ടി

1) പ്രതിമാസ നിക്ഷേപം 1000 രൂപ. അതായത് വാർഷിക നിക്ഷേപം 12000      രൂപ.

14 വർഷത്തെ നിക്ഷേപം = 12000X14=168000 രൂപ

കാലാവധി എത്തുമ്പോൾ ലഭിക്കുന്ന തുക,

(അതായത് കുട്ടിക്ക് 22 വയസ്സാകുമ്പോൾ) = 6,40,517 രൂപ

2) പ്രതിമാസ നിക്ഷേപം 500 രൂപ. അതായത് വാർഷിക നിക്ഷേപം 6000 രൂപ.

14 വർഷത്തെ നിക്ഷേപം = 6000X14=84000 രൂപ

കാലാവധി എത്തുമ്പോൾ ലഭിക്കുന്ന തുക,

(അതായത് കുട്ടിക്ക് 22 വയസ്സാകുമ്പോൾ) = 3,20,259 രൂപ

ലഭ്യമാകുന്ന സ്ഥലങ്ങൾ

പോസ്റ്റാഫീസ്, ദേശസാൽകൃത ബാങ്കുകൾ

നൽകേണ്ട രേഖകൾ

മൂന്ന് രേഖകളാണ് നൽകേണ്ടത്. ജനന സർട്ടിഫിക്കറ്റ്, താമസ സർട്ടിഫിക്കറ്റ്,     പരിചയപ്പെടുത്തൽ.

നൈപുണ്യ വികസന സംരംഭങ്ങൾ

നൈപുണ്യ വികസനത്തിലൂടെ യുവജനങ്ങൾക്ക് പുതിയൊരു ഭാവി

പടുത്തുയർത്താൻ;

• ഗ്രാമീണ ദാരിദ്ര നിർമ്മാർജ്ജം ലക്ഷ്യമിട്ട് പ്ലെയിസ്മെന്‍റുമായി ബന്ധപ്പെടുത്തി നൈപുണ്യ പരിശീലന സംരംഭം.
• ദീൻ ദയാൽ ഗ്രാമീണ കൗശൽ യോജന പ്രകാരം ദാരിദ്ര രേഖയ്ക്ക് താഴെയുള്ളവർക്കായുള്ള നൈപുണ്യ കോഴ്സുകൾ ഓരോ വിദ്യാർത്ഥിക്കും 25696 രൂപ മുതൽ 122362 രൂപ വരെ സർക്കാർ സഹായം, താമസ സഹായം പ്ലെയിസ്മെന്‍റിനെ തുടർന്നുള്ള സഹായമായി 2 ലക്ഷം മുതൽ 2.50 ലക്ഷം വരെ.
• 34 ലക്ഷം യുവജനങ്ങൾക്ക് 5000 മുതൽ 1.50 ലക്ഷം രൂപ വരെയുളള വായ്പകൾ ലക്ഷ്യമാക്കും.
• വിശദ വിവരങ്ങൾക്ക് ബി.ജെ.പി ജില്ലാ ഹെൽപ് ഡെസ്കുകളുമായോ, താലൂക്ക്/ജില്ലാ വ്യവസായ ഓഫീസുമായോ, ജില്ലാ RSETIയുമായോ ബന്ധപ്പെടുക.

പ്രധാനമന്ത്രി ഉജ്വൽ യോജന

• സ്തീകൾക്ക് മാത്രമുള്ള പദ്ധതിയാണിത്.
• 18 വയസ്സ് കഴിഞ്ഞ സ്ത്രീകൾക്ക് അപേക്ഷിക്കാം.
• നിലവിൽ എൽ.പി.ജി കണക്ഷൻ വീട്ടിൽ ആരുടെ പേരിലും ഉണ്ടായിരിക്കരുത്.
• എൽ.പി.ജി സിലിണ്ടർ സൗജന്യമായിരിക്കും. സ്റ്റൌ വാങ്ങുന്നതിന് തവണ വ്യവസ്ഥയിൽ ലോൺ നൽകും.

നൽകേണ്ട രേഖകൾ

1) തദ്ദേശ സ്വയംഭരണ സ്ഥാപനത്തിൽ നിന്നുള്ള ബി.പി.എൽ സർട്ടിഫിക്കറ്റ്.

2) ബി.പി.എൽ റേഷൻ കാർഡ് - പകർപ്പ്

3) ഫോട്ടോ ഐ.ഡി കാർഡ് - പകർപ്പ്

4) ഒരു പാസ്പോർട്ട് സൈസ് ഫോട്ടോ

എൽ.പി.ജി. കണക്ഷൻ നൽകുന്നതിലൂടെ ദാരിദ്രരേഖക്ക് താഴെയുള്ള സ്ത്രീകളുടെ ജീവിതം പുക രഹിതമാക്കുക എന്നതാണ് പദ്ധതിയുടെ ലക്ഷ്യം. അടുത്ത മൂന്നു വർഷത്തിനകം പദ്ധതിയിലൂടെ 5 കോടി സൗജന്യ കണക്ഷനുകൾ നൽകുന്നു. നേട്ടങ്ങൾ

2015,16 ൽ 3.7 കോടി പുതിയ എൽ.പി.ജി കണക്ഷനുകൾ. ഒരു വർഷത്തിനിടെ നൽകുന്ന ഏറ്റവും കൂടുതൽ കണക്ഷൻ കൂടിയാണിത്.

1995 മുതൽ എൽ.പി.ജി കണക്ഷൻ നൽകുന്നുവെങ്കിലും കഴിഞ്ഞ 60 വർഷത്തിനുളളിൽ 13 കോടി കുടുംബങ്ങൾക്ക് മാത്രമാണ് ഇത് ലഭിച്ചത്.  ഇപ്പോഴത്തെ കേന്ദ്ര ഗവൺമെൻറ് ഒരുവർഷത്തിനുളളിൽ മൂന്നുകോടി വീടുകളിലേക്ക് കണക്ഷൻ എത്തിച്ചു.

ട്രോൾ ഫ്രീ നമ്പർ 1800 266 6696

അടൽ പെൻഷൻ യോജന

• മറ്റ് പെൻഷൻ ആനുകൂല്യങ്ങൾ ഒന്നുമില്ലാത്തവർക്കുള്ള പദ്ധതിയാണ്.
• മറ്റ് സാമൂഹ്യ സുരക്ഷാ ആനുകൂല്യങ്ങൾ നിലവിൽ ഉള്ളവർക്ക് പദ്ധതിയിൽ അംഗമാവാൻ കഴിയില്ല.
• അസംഘടിത മേഖലയിൽ പണിയെടുക്കുന്നവർ/കൃഷിക്കാർ/പിന്നോക്ക വിഭാഗങ്ങൾ/സ്തീകൾ/എസ്.സി, എസ്.ടി വിഭാഗങ്ങൾ എന്നിവർക്ക് പദ്ധതിയിൽ അംഗമാകാം.
• 18 വയസ്സിനും 40 വയസ്സിനും ഇടയിൽ ഉള്ളവർക്ക് ഈ പദ്ധതിയിൽ അംഗമാകാം.
• അപേക്ഷകന് സേവിംഗ്സ് ബാങ്ക് അക്കൗണ്ട്  ഉണ്ടാകണം.
• ഗുണഭോക്താവിന് 60 വയസ്സ് തികയുമ്പോൾ മുതൽ മാസം തോറും പെൻഷൻ ലഭിക്കും.
• പ്രതിമാസ പെൻഷൻ 1000 രൂപ മുതൽ 5000 രൂപ വരെ (പദ്ധതിക്കനുസരിച്ച്).
• പദ്ധതി കാലാവധി അംഗത്തിന് 60 വയസ്സ് തികയുന്നത് വരെയാണ്.
• 60 വയസ്സിന് ശേഷം അംഗത്തിന് പെൻഷൻ ലഭിക്കും.
• അംഗത്തിന്‍റെ മരണ ശേഷം അംഗത്തിന്‍റെ ഭാര്യ/ഭർത്താവിന് പെൻഷൻ ലഭിക്കും.
• ദമ്പതിമാരുടെ കാലശേഷം അനന്തരാവകാശികൾക്ക് അടച്ച തുകയും പലിശയും ലഭിക്കും.

 

 

നേട്ടങ്ങൾ

ബാങ്ക് അക്കൗണ്ടുകളിൽ 2016 മാർച്ച് 31നുളളിൽ പ്രീമിയം തുകയുടെ 50 ശതമാനവും ( 1000 രൂപ വരെ) ഗവണ്‍മെൻറ് നൽകുന്നു.

രാജ്യത്ത് 10 മുതൽ 15 ശതമാനം വരെ ആളുകൾക്ക് മാത്രമെ ഏതെങ്കിലും തരത്തിലുളള പെൻഷൻ ആനുകൂല്യം ലഭിക്കുന്നുളളു.  പെൻഷൻ ഇല്ലാത്തവർക്ക് വാർദ്ധക്യത്തിൽ എങ്ങനെ ജീവിക്കുമെന്ന് ആശങ്കയുണ്ട്.പ്രീമിയവും ഇൻഷുറൻസ് തുകയും തമ്മിലുളള വ്യത്യാസത്തിൽ ഗവണ്‍മെൻറ് പ്രത്യേക ശ്രദ്ധപതിപ്പിക്കുന്ന ആദ്യത്തെ പദ്ധതിയാണിത്.

നിബന്ധനകൾ

മുമ്പ് പെൻഷൻ ലഭിക്കുന്നവർ ആവാൻ പാടില്ല. ഇൻകംടാക്സ് അടക്കുന്നവർക്കും ഇതിന്‍റെ ഭാഗമാകാൻ പാടില്ല.

സവിശേഷതകൾ

1000 മുതൽ 5000 രൂപ വരെ പെൻഷൻ തുക ലഭിക്കുന്നതാണ്.

പ്രധാനമന്ത്രി ജീവൻ ജ്യോതി ബീമ യോജന

18 മുതൽ 50 വയസ്സുവരെയുള്ള ആളുകളെ ഈ പദ്ധതിയുടെ ഭാഗമാക്കാം.

സ്വാഭാവികമോ അപകടത്തെ തുടർന്നുള്ളതോ ആയ മരണങ്ങളെ ഈ ഇൻഷുറൻസ്

പദ്ധതിയുടെ പരിധിയിൽപ്പെടുത്തിയിരിക്കുന്നു. 330 രൂപയുടെ വാർഷിക പ്രീമിയത്തിൽ 2 ലക്ഷം രൂപയുടെ ഇൻഷുറൻസ് കവറേജ്.

നേട്ടങ്ങൾ

3 കോടിയോളം പേർ ഇതുവരെ ഈ പദ്ധതിയിൽ ചേർന്നു.

രാജ്യത്തെ 80 മുതൽ 90 ശതമാനം വരെ ആളുകൾക്ക് ഒരു തരത്തിലുമുളള ഇൻഷുറൻസോ പെൻഷനോ ലഭ്യമല്ല. 125 കോടി ജനങ്ങളുള്ള ഒരു രാജ്യത്ത് ഇത്രയധികം ആളുകൾക്ക് ഈ ആനുകൂല്യങ്ങൾ ലഭിക്കാത്തത് വേദനാജനകമാണ്. രാജ്യത്തെ പാവപ്പെട്ടവരോടുള്ള നമ്മുടെയെല്ലാവരുടെയും  ഉത്തരവാദിത്വത്തിന്‍റെ സൂചകമായാണ് ക്ഷേമപദ്ധതികൾ പ്രഖ്യാപിച്ചത്.

സവിശേഷതകൾ

സാധാരണവും, അപകട മരണവും ഈ ഇൻഷുറൻസ് പരിധിയിൽ വരുന്നതാണ്.

ഇതിന്‍റെ പ്രീമിയം 330 രൂപയാണ്. മരണം സംഭവിക്കുകയാണെങ്കിൽ കുടുംബത്തിൽ

ഉള്ളവർക്ക് രണ്ട് ലക്ഷം രൂപ വരെ ലഭിക്കും.

സമീപിക്കേണ്ടത്

പോസ്റ്റാഫീസുകളിലും, ദേശസാൽകൃത ബാങ്കുകളെയും സമീപിക്കാം.

പ്രധാനമന്ത്രി സുരക്ഷാ ബീമാ യോജന

18 വയസ്സിനും 70 വയസ്സിനും ഇടയിൽ പ്രായമുള്ളവർക്ക് ഈ പദ്ധതിയുടെ ഭാഗമാകാം

സവിശേഷതകൾ

12 രൂപ പ്രീമിയം അടച്ചുകൊണ്ട് ലഭ്യമാകുന്ന ഇൻഷുറൻസ് പരിരക്ഷയാണിത്. മരണം സംഭവിക്കുകയോ, രണ്ട് കൈയ്യും, കാല്, കണ്ണ് നഷ്ടപ്പെട്ടവർക്ക് 2 ലക്ഷം രൂപ വരെ ലഭിക്കും. ഏറ്റവും കുറഞ്ഞ പ്രീമിയം തുകയുള്ള ഇൻഷുറൻസാണിത്.

സമീപിക്കേണ്ടത്

പോസ്റ്റാഫീസിലും, ദേശസാൽകൃത ബാങ്കുകളെയും സമീപിക്കുക.

9.4 കോടി ആളുകൾ ഇതുവരെ ഈ പദ്ധതിയുടെ ഭാഗമായി.

പ്രധാനമന്ത്രി ജൻധൻ യോജന

പാവപ്പെട്ടവർക്കും, നിലവിൽ ബാങ്ക് അക്കൗണ്ട് ഇല്ലാത്തവർക്കും ഇതിന്‍റെ പ്രയോജനം ലഭിക്കും.

സവിശേഷതകൾ

1 ലക്ഷം രൂപയുടെ അപകട ഇൻഷുറൻസും, 30000 രൂപയുടെ ജീവൻ ഭീമാ ഇൻഷുറൻസും, രൂപയാ കാർഡും, മൊബൈൽ ബാങ്കിംഗ് സേവനവും ലഭ്യമാണ്. സർക്കാർ പദ്ധതികളുടെ സഹായം ഈ അക്കൗണ്ടിലേക്ക് നിക്ഷേപിക്കാവുന്നതാണ്.  6 മാസം തൃപ്തികരമായി പ്രവർത്തിപ്പിക്കുന്ന അക്കൗണ്ട് ഉടമകൾക്ക് 5000 രൂപ വരെ ഓവർ ഡ്രാഫ്റ്റ് അനുവദിക്കുന്നതാണ്. ദേശസാൽകൃത ബാങ്കുകളെ സമീപിക്കണം.

അക്കൗണ്ട് തുറക്കാൻ പണമില്ലാത്തവർക്കുവേണ്ടിയാണ് ഈ പദ്ധതി. ഇതിനായി ബാലൻസ് തുക പൂജ്യമായി ( സിറോ ബാലൻസ് അക്കൗണ്ട്) ആരംഭിക്കാൻ പ്രധാനമന്ത്രി നിർദേശം നൽകി. അക്കൗണ്ട് തുടങ്ങി മൂന്ന് മാസത്തിനുളളിൽ അക്കൗണ്ട് പരിശോധിക്കാൻ ഒരു തവണയെങ്കിലും ബാങ്കിലെത്തുന്ന ഉപഭോക്താവിന് ഒരു ലക്ഷം രൂപയുടെ അപകട ഇൻഷുറൻസ് അർഹത ലഭിക്കും.

• നിക്ഷേപത്തിന് പലിശ ലഭിക്കും.
• ഒരു ലക്ഷം രൂപ വരെ അപകട ഇൻഷുറൻസ് ലഭിക്കും.
• അംഗത്തിന് മരണം സംഭവിച്ചാൽ 30000 രൂപ ലഭിക്കും.
• 6 മാസം അക്കൗണ്ട് തൃപ്തികരമായി പ്രവർത്തിപ്പിക്കുന്ന അംഗങ്ങൾക്ക് 5000 രൂപ ഓവർ ഡ്രാഫ്റ്റ് അനുവദിക്കും.

 

നേട്ടങ്ങൾ

40 കോടിയിൽപരം രൂപയുടെ നിക്ഷേപം ബാങ്കുകളിലെത്തി. ഇതുവരെ 22 കോടിയോളം അക്കൗണ്ടുകൾ തുടങ്ങി.

ഒറ്റ പെണ്‍കുട്ടി സ്കോളര്‍ഷിപ്പ്‌ പദ്ധതി

• മാതാപിതാക്കളുടെ ഏക മകൾ ആയിരിക്കണം. മറ്റ് സഹോദരങ്ങൾ പാടില്ല.
• സ്കൂൾ, കോളേജ് തലങ്ങളിൽ ബിരുദാനന്തര ബിരുദ ക്ലാസുകൾ വരെ സ്കോളർഷിപ്പ് ലഭിക്കും.
• മാസം 2000 രൂപ (24000 രൂപ വർഷത്തിൽ) സ്കോളർഷിപ്പ് ലഭിക്കും.
• സി.ബി.എസ്.ഇ സ്കൂൾ കൂട്ടികൾക്കും അർഹതയുണ്ട്.
• 
  

സ്വച്ഛ് ഭാരത് മിഷൻ

ശുചിത്വമുള്ള രാഷ്ട്രം എന്ന ലക്ഷ്യവുമായി കേന്ദ്രസർക്കാർ ആരംഭിച്ച പദ്ധതി 2014 ഒക്ടോബർ രണ്ടിനാണ് പ്രധാനമന്ത്രി സ്വച്ഛ്ഭാരത് പദ്ധതി പ്രഖ്യാപിച്ചത്. മഹാത്മാഗാന്ധിയുടെ 150 പത്താം ജൻമവാർഷികത്തോടനുബന്ധിച്ച് 2019 ഒക്ടോബർ രണ്ടോടുകൂടി പദ്ധതിയിൽ പറഞ്ഞിരിക്കുന്ന ലക്ഷ്യങ്ങൾ നിറവേറ്റാനാണ് തീരുമാനം. സച്ചിൻ തെണ്ടുൽക്കർ ഉൾപ്പടെ 9 പ്രശസ്തരെ പദ്ധതിയുടെ പ്രചാരണത്തിനായി അംബാസിഡർമാരായി പ്രധാനമന്ത്രി നിർദ്ദേശിച്ചിട്ടുണ്ട്.

മിഷന്‍റെ ലക്ഷ്യങ്ങൾ

• 1. തുറസായ പ്രദേശങ്ങളിലെ മലവിസർജ്ജനം പൂർണ്ണമായും ഇല്ലാതാക്കുക.
• 2. തോട്ടിപണി പൂർണ്ണമായും നിർമാർജ്ജനം ചെയ്യുക.
• 3. മാലിന്യ നിർമാർജ്ജനത്തിനായി ആധുനികവും ശാസ്തീയവുമായ പ്രക്രിയകൾ അവലംബിക്കുക.
• 4, ശുചീകരണ മേഖലയിൽ സ്വകാര്യ പങ്കാളിത്തം ഉറപ്പുവരുത്തുക.
• 5. ജനങ്ങൾക്ക് ശുചിത്വത്തെകുറിച്ചുളള ബോധവത്ക്കരണം.
• 6. മഹാത്മാ ഗാന്ധിജിക്ക് പൂർണ്ണ തോതിൽ ആദരം അർപ്പിക്കുന്നതിന് വൃത്തിയുള്ള ഒരു ഇന്ത്യ സൃഷ്ടിക്കുക.
• 7. ഒരു വർഷത്തിനകം രാജ്യത്തെ എല്ലാ വിദ്യാലയങ്ങളിലും ആൺകുട്ടികൾക്കും, പെൺകുട്ടികൾക്കും വെവ്വേറെ ശൗചാലയങ്ങൾ നിർമ്മിക്കൽ ലക്ഷ്യം.
• 8. വിശദ വിവരങ്ങൾക്ക് ശുചിത്വ മിഷനുമായി (പഞ്ചായത്ത്/ബ്ലോക്ക് കാര്യാലയം) ബന്ധപ്പെടുക.

ദീൻദയാൽ ഉപാധ്യായ അന്ത്യോദയ യോജന

നൈപുണ്യവികസനം വഴി ഗ്രാമങ്ങളിലേയും നഗരങ്ങളിലേയും പാവപ്പെട്ടവർക്ക് ഉപജീവനമാർഗ്ഗത്തിനുള്ള അവസരങ്ങൾ സൃഷ്ടിക്കുന്ന പദ്ധതി.

4041 നഗരങ്ങളിലെയും ഗ്രാമപ്രദേശങ്ങളിലെയും ജനങ്ങൾക്കാണ് ഈ പദ്ധതിയുടെ ആനുകൂല്യം ലഭിക്കുക.

ദീൻ ദയാൽ അന്ത്യോദയ പദ്ധതിയുടെ പ്രത്യേകതകൾ

1. ഓരോ വ്യക്തിയുടെയും നൈപുണ്യ വികസനത്തിനുവേണ്ടി 15000 രൂപ മുതൽ 18000 രൂപ വരെ ചിലവാക്കും.

2. മൈക്രോ സംരംഭങ്ങൾ, സഹകരണ സംഘ സംരംഭങ്ങൾ വഴി സ്വയം തൊഴിൽ പ്രോത്സാഹിപ്പിക്കും. മൈക്രോ സംരംഭങ്ങൾക്ക് 2 ലക്ഷം രൂപയും, സഹകരണ സംഘ സംരംഭങ്ങൾക്ക് 10 ലക്ഷം രൂപ വായ്പ നൽകും. 7 ശതമാനമാണ് പലിശയിനത്തിൽ സബ്സിഡി.

3. 10 ലക്ഷം രൂപ ആസ്ഥിയിൽ ഉപജീവനമാർഗം അവസരങ്ങൾ സൃഷ്ടിക്കാനുള്ള സെൻററുകൾ സ്ഥാപിക്കും. ഇവിടെ പാവപ്പെട്ടവർക്ക് നൈപുണ്യ പരിശീലനം നൽകും.

4. സ്വയം സഹായ ഗ്രൂപ്പുകൾ സ്ഥാപിക്കും. ഓരോ ഗ്രൂപ്പിനും 10000 രൂപ സഹായം നൽകും

5. കച്ചവട വിപണി ശക്തമാക്കുന്നതോടൊപ്പം കച്ചവടക്കാരുടെ നൈപുണ്യവികസനവും പ്രോത്സാഹിപ്പിക്കും.

• പാവപ്പെട്ടവരുടെ ജീവിതത്തെ സമഗ്രമായി അഭിവൃദ്ധിപ്പെടുത്തൽ.
• 8 കോടി മുതൽ 9 കോടി വരെയുള്ള പാവപ്പെട്ട ഗ്രാമീണ കുടുംബങ്ങളെ വനിതാ സ്വയം സഹായ ഗ്രൂപ്പുകളുമായി ബന്ധിപ്പിച്ച് അവർക്ക് ഉപജീവന മാർഗ്ഗം മുതലായവ ലഭ്യമാക്കിക്കൊണ്ട് ദാരിദ്ര്യത്തിൽനിന്ന് മുക്തമാവുന്നതുവരെ തുടർച്ചയായ കൈത്താങ്ങും പരിപോഷണവും.
• വിശദ വിവരങ്ങൾക്ക് പഞ്ചായത്ത്/ബ്ലോക്ക് കാര്യാലയം, ജില്ലാ RSETIയുമായോ ബന്ധപ്പെടുക.

മഹിളാ ഇ-ഹാട്ട്

വനിത സംരംഭകർക്കായുള്ള ഓൺ-ലൈൻ വിപണന വേദി

 

• സ്തീ ശാക്തീകരണം പ്രധാന ലക്ഷ്യം.
• സ്ത്രീ സംരംഭകർക്ക് അവരുടെ ഉൽപ്പന്നങ്ങൾ ഓൺലൈൻ മാർക്കറ്റിംഗ് സംവിധാനത്തിലൂടെ വിൽപ്പന നടത്തുന്നതിന് സഹായിക്കുന്നു.
• സംസ്ഥാനങ്ങൾ പ്രത്യേകം പ്രത്യേകം സെന്‍ററുകൾ ആരംഭിക്കണം.
• 18 വയസിനു മുകളിലുള്ള എല്ലാ ഭാരതീയർക്കും ചേരാം.
• രജിസ്ട്രേഷൻ ഫീസ് ഇല്ല. ലിസ്റ്റിംഗ് ഫീസ് 2016 ഡിസംബർ 12 വരെ മാത്രം ഈടാക്കും.
• വിശദ വിവരങ്ങള്‍ക്ക് http://mahilaehaat-rmk.gov.in പരിശോധിക്കുക.

സഖി വൺ സ്റ്റോപ്പ് സെന്‍റര്‍

• അതിക്രമങ്ങൾക്കിരയാവുന്ന വനിതകൾക്ക് സമഗ്ര സേവനങ്ങൾ ഒരു കുടക്കീഴിൽ.
• സേവനങ്ങൾക്കു വേണ്ടി ഹെൽപ് ലൈൻ നമ്പർ 181 ൽ വിളിക്കുക.
• വിശദ വിവരങ്ങൾക്ക് സഖി വൺ സ്റ്റോപ്പ് സെന്‍റര്‍ വെബ്സൈറ്റ് പരിശോധിക്കുക.

ദീൻ ദയാൽ അന്ത്യോദയ യോജന ദേശീയ ഗ്രാമീണ ജീവനോപാദി ദൗത്യം

• ഒരു ഹരിത മേഖല സംരംഭം കെട്ടിപ്പടുക്കുന്നതിനു വേണ്ടി ഓരോ ബാങ്ക് ശാഖയും കുറഞ്ഞ പക്ഷം പട്ടിക ജാതിയിലോ പട്ടിക വർഗ്ഗത്തിലോപെട്ട ഒരാൾക്കും ഒരു സ്ത്രീക്കും 10 ലക്ഷം മുതൽ ഒരു കോടി രൂപ വരെ ബാങ്ക് ലോൺ സൗകര്യം ഒരുക്കിക്കൊടുക്കുക വഴി പട്ടികജാതിക്കാർക്കും, പട്ടിക വർഗ്ഗക്കാർക്കും, സ്ത്രീകൾക്കുമിടയിൽ സംരംഭകത്വം പ്രോത്സാഹിപ്പിക്കൽ.
• വിശദവിവരങ്ങൾക്ക് ജില്ലാ പട്ടിക ജാതി/പട്ടിക വർഗ്ഗ വികസന കോർപ്പറേഷനുമായോ ജില്ലാ RSETIയുമായോ ബന്ധപ്പെടുക.

പ്രധാനമന്ത്രി വിദ്യാലക്ഷ്മി പോർട്ടൽ

• വിദ്യാഭ്യാസത്തിന് എളുപ്പത്തിലുളള വായ്പ
• ബാങ്കുകളും മറ്റും നൽകുന്ന വിദ്യാഭ്യാസ വായ്പകൾ സംബന്ധിച്ചും ഗവൺമെൻറിന്‍റെ വിദ്യാഭ്യാസ നയങ്ങൾ സംബന്ധിച്ചും സമഗ്രമായ വിവരങ്ങൾ നൽകുന്ന ഏകജാലക പോർട്ടലാണ് വിദ്യാലക്ഷ്മി. ഓൺലൈൻ സ്കോളർഷിപ്പുകൾ സംബന്ധിച്ച വിശദാംശങ്ങളും സ്കോളർഷിപ്പുകൾക്ക് ഓൺലൈനായി അപേക്ഷിക്കാനുള്ള സംവിധാനവും ഈ പോർട്ടലിലുണ്ട്.

നേട്ടങ്ങൾ

• 39 ബാങ്കുകളെ ഈ പോർട്ടലുമായി ബന്ധിപ്പിച്ചിട്ടുണ്ട്. 11 വായ്പാ പദ്ധതികൾ സംബന്ധിച്ച വിവരങ്ങൾ ഇതിൽ ലഭ്യവുമാണ്.
• വിദ്യാ ലക്ഷ്മി വിദ്യാഭ്യാസ വായ്പ നൽകുന്നത് സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്ക് ഉപരിപഠനത്തിനായി ഈ പദ്ധതി വഴി അപേക്ഷ നൽകാവുന്നതാണ്. സാമ്പത്തിക ബുദ്ധിമുട്ട് മൂലം ഒരു വിദ്യാർത്ഥിക്കും വിദ്യാഭ്യാസത്തിനുള്ള അവസരം നഷ്ടപ്പെടരുത് എന്ന ലക്ഷ്യം മുൻനിർത്തി നടപ്പിലായ പദ്ധതിയാണ്. മെരിറ്റ് സ്കോളർഷിപ്പിനും ഈ പദ്ധതിയിലൂടെ അവസരം ലഭിക്കും. കൂടുതൽ വിവരങ്ങൾക്ക് www.vidyalekshmi.co.in എന്ന വെബ്സൈറ്റ് സന്ദർശിക്കുക.

• https://www.vidyalakshmi.co.in: വിദ്യാഭ്യാസ വായ്പകള്‍, സ്കോളര്‍ഷിപ്പുകള്‍ സംബന്ധിച്ച വിശദാംശങ്ങൾ പരിശോധിക്കാൻ ഈ വെബ് സൈറ്റ് ഉപയോഗിക്കുക.

 

പ്രഗതി സ്കോളർഷിപ്പ്  പദ്ധതി

• 6 ലക്ഷം രൂപയിൽ താഴെ വാർഷിക വരുമാനമുള്ള കുടുംബത്തിലെ ഒരു പെൺകുട്ടിക്ക് ട്യൂഷൻ ഫീസ് ഇനത്തിൽ 30,000 രൂപ വരെ ലഭിക്കും.
• മെറിറ്റ് അടിസ്ഥാനത്തിലാണ് അർഹരായ കുട്ടികളെ കണ്ടെത്തുന്നത്.

മൗലാന ആസാദ് നാഷണൽ അക്കാദമി ഫോർ സ്കിൽസ് (മാനസ്)

• ന്യൂനപക്ഷ സമുദായങ്ങളിൽപ്പെട്ടവരുടെ നൈപുണ്യ വികസന ആവശ്യങ്ങൾ നിറവേറ്റുന്നതിനും സ്വയം തൊഴിൽ സംരംഭങ്ങൾ ആരംഭിക്കുന്നതിനും
• വിശദ വിവരങ്ങൾക്ക് ജില്ലാ ന്യൂനപക്ഷ വികസന കോർപ്പറേഷനുമായി ബന്ധ പ്പെടുക.

പ്രധാനമന്ത്രി കൗശൽ വികാസ് യോജന(PMKVY)

ഈ പദ്ധതിയുടെ ലക്ഷ്യം ജോലി ലഭ്യതക്കുവേണ്ടി ട്രൈയിനിംഗ് നൽകുക, അതിനോടൊപ്പം നിലവിലുള്ള തൊഴിലാളികളുടെ കാര്യക്ഷമത വർദ്ധിപ്പിക്കുക. ഇതിന്‍റെ കൂടുതൽ വിവരങ്ങള്‍ക്കായി 8800055555 എന്ന നമ്പറിലോ pkmvyofficial.org india വെബ്സൈറ്റോ സന്ദർശിക്കുക.

നൈപുണ്യ വികസനത്തിലൂടെ തൊഴിൽ രഹിതരായ ചെറുപ്പക്കാർക്ക് മെച്ചപ്പെട്ട ജോലി ലഭിക്കുന്നതിനും ജീവിതം സുരക്ഷിതമാക്കുന്നതിനും ഈ പദ്ധതി ലക്ഷ്യമിടുന്നു.

നേട്ടങ്ങൾ

* 19,73,811 പേർ ഇതിനോടകം തൊഴിൽ പരിശീലനത്തിന് അപേക്ഷ നൽകിയിട്ടുണ്ട്.

* 19,72,650 പേർ പരിശീലനം പൂർത്തിയാക്കി അടുത്ത നാലു വർഷത്തിനുളളിൽ ഒരു കോടി.

യുവ കേന്ദ്രീകൃതമായ വികസനത്തിന്‍റെ കാലഘട്ടം.

• യുവജനങ്ങൾക്ക് പുതിയ വാതായനങ്ങൾ തുറന്നു നൽകാൻ
• നാഷണൽ സ്കിൽ ക്വാളിഫിക്കേഷൻ ഫ്രെയിം വർക്കിന് (NSOF) അനുസൃതമായി നൈപുണ്യ പരിശീലനത്തിനായി പ്രധാനമന്ത്രി കൗശൽ വികാസ് യോജനക്ക് തുടക്കം കുറിച്ചു.
• ഔദ്യോഗിക സർട്ടിഫിക്കറ്റുകൾ ഇല്ലാത്തവർക്കായി അവരുടെ കഴിവുകൾ വിലയിരുത്തി സർട്ടിഫിക്കറ്റ് നൽകുന്ന റെക്കഗ്നിഷൻ പ്രയർ ലേണിംഗ് (RPL) PMKVYയുടെ കീഴിൽ തുടക്കം കുറിച്ചു.

 

ഡിജിറ്റൽ ഇന്ത്യാ

ഇന്ത്യ ഗവൺമെൻറിന്‍റെ സുപ്രധാന പദ്ധതികളിൽ ഒന്നായ ഇതിന്‍റെ ലക്ഷ്യം രാജ്യത്ത് ആശയവിനിമയ വിപ്ലവം കൊണ്ടുവരിക എന്നതാണ്. ഈ പദ്ധതിയിലൂടെ ഇന്ത്യയിലെ എല്ലാ ഗ്രാമങ്ങളും ഏറ്റവും പുതിയ സാങ്കേതിക വിദ്യയിലൂടെ പരസ്പരം ബന്ധിപ്പിച്ച് നേട്ടമുണ്ടാക്കും.

നേട്ടങ്ങൾ

ഗ്രാമങ്ങളെ ബന്ധിപ്പിച്ചുകൊണ്ട് കിലോമീറ്റർ ഓപ്റ്റിക്കൽ ഫൈബർ കേബിൽ സ്ഥാപിച്ചു കഴിഞ്ഞു.

ഡിജിറ്റൽ ഇന്ത്യാ പദ്ധതിയിലൂടെ ഇന്ത്യയിലെ 2,50,000 ഗ്രാമങ്ങളെ ബ്രോഡ് ബ്രാൻറിംഗ് ശൃംഖലയിലൂടെ പരസ്പരം ബന്ധിപ്പിക്കുകയും, രാജ്യത്താകമാനം ജനങ്ങൾക്ക് ഡിജിറ്റൽ അവബോധം വർദ്ധിപ്പിക്കാൻ ഉപകരിക്കുന്ന പദ്ധതിയാണ്.

സവിശേഷതകൾ

1.  ഡിജിറ്റൽ ലോക്കർ

2.  സർക്കാർ ജീവനക്കാരുടെ ഹാജർ റക്കോർഷ്ണുകൾ Attendance gov.in എന്ന വെബ്സൈറ്റ്

3.  സർക്കാർ പദ്ധതികളും, നയങ്ങളും ഉൾക്കൊളളുന്ന mygovt.in

4.  സ്വച്ഛ് ഭാരത് മൊബൈൽ ആപ്പ്

5.  ഡിജിറ്റൽ ഒപ്പ്

6.  ഈ ഹോസ്പിറ്റല്‍

7.  ദേശീയ സ്കോളര്‍ഷിപ്പ് വെബ്സൈറ്റ്

 

വനബന്ധു കല്യാൺ യോജന

നേട്ടങ്ങൾ

ആദിവാസി ക്ഷേമത്തിനായി വിവിധ പദ്ധതികൾ ഏകോപിപ്പിക്കുകയാണ് ഇതുകൊണ്ട് ഉദ്ദേശിക്കുക. ആദിവാസികളുടെ വികസനത്തിനായി ഓരോ ബ്ലോക്കിനും കേന്ദ്രഗവൺമെൻറ് 10 കോടി രൂപ വീതം നൽകും.

2014 - 15ൽ പരീക്ഷണാടിസ്ഥാനത്തിൽ ആരംഭിച്ച ശേഷം ഈ പദ്ധതി പൂർണ്ണമായി നടപ്പിലാക്കിവരുന്നു. 2014 - 15 ലെ റിപ്പോർട്ട് പ്രകാരം ആദിവാസികളുടെ വിദ്യാഭ്യാസം, ആരോഗ്യം, സാമൂഹിക വികസനം തുടങ്ങി വിവിധ മേഖലകളിലെ പിന്നോക്കാവസ്ഥ പരിഹരിക്കാൻ നടപ്പാക്കിയ പദ്ധതിയാണ് ഇത്. ഇത് സംസ്ഥാന സർക്കാരുമായി യോജിച്ചാണ് നടപ്പാക്കുന്നത്. കൂടുതൽ വിവരങ്ങൾക്ക് www.vky.tribal.nic.in

ബേട്ടി ബച്ചാവോ ബേട്ടി പഠാവോ

പെൺകുഞ്ഞുങ്ങളുടെ നേർക്കുള്ള സമൂഹത്തിന്‍റെ മനോഭാവത്തിൽ മാറ്റം സൃഷ്ടിക്കുകയാണ് പദ്ധതിയുടെ ലക്ഷ്യം. ആൺകുഞ്ഞുങ്ങളെ അപേക്ഷിച്ച് കുറഞ്ഞുവരുന്ന പെൺകുഞ്ഞുങ്ങളുടെ ജനന നിരക്കും, സ്ത്രീശാക്തീകരണവുമായി ബന്ധപ്പെട്ട വിഷയങ്ങളും നേരിടാനുളള നടപടിയാണ് കേന്ദ്ര ഗവൺമെൻറിന്‍റെ ഈ പദ്ധതി.

നേട്ടങ്ങൾ

12 ാം പദ്ധതിയിൽ 200 കോടി രൂപ ഇതിനോടകം ഇതിനായി ചെലവഴിച്ചു.

മഹിളകളുടെയും ബാലികമാരുടെയും സംരക്ഷണത്തിനും അവരുടെ സാമൂഹ്യപരവും, വിദ്യാഭ്യാസ പരവുമായ ഉന്നമനത്തിനുവേണ്ടിയുള്ള പദ്ധതിയാണിത്, ലിംഗ നിർണ്ണയം, ഭ്രൂണഹത്യ തുടങ്ങിയ വിഷയങ്ങളിൽ സാമൂഹിക അവബോധം കൊണ്ടുരുക എന്ന ലക്ഷ്യവും ഈ പദ്ധതിക്ക് ഉണ്ട്.

മേക്ക് ഇൻ ഇന്ത്യ

ഇന്ത്യയിൽ നിർമ്മിക്കാനുള്ള അന്താരാഷ്ട്ര സമൂഹത്തോടുള്ള പ്രധാനമന്ത്രിയുടെ ആഹ്വാനമാണ് ഇത്. ഇന്ത്യയിലേക്ക് വിദേശ നിക്ഷേപങ്ങളും ആധുനിക സാങ്കേതിക വിദ്യയും കടന്നുവരാനും ഇവിടെ യുവാക്കൾക്ക് തൊഴിലവസരങ്ങൾ സൃഷ്ടിക്കാനും ഇത് സഹായകമാകും.

നേട്ടങ്ങൾ

ഇതുവരെ 55 ബില്ല്യൺ ഡോളറിന്‍റെ വിദേശ നിക്ഷേപം വന്നുകഴിഞ്ഞു. കഴിഞ്ഞ ഗവൺമെൻറിന്‍റെ കാലത്തെ അപേക്ഷിച്ച് ഇത് 43 ശതമാനം കൂടുതലാണ്.

ഉജാല(ഉന്നത് ജ്യോതി യോജന)

 

ഉജ്വൽ : എല്ലാവർക്കും എൽ.ഇ.ഡി.എൽ.ഇ.ഡി ബൾബ് വിതരണത്തിനായുള്ള പദ്ധതി. 2O19 ഓടെ 77 കോടി സാധാരണ ബൾബുകൾ എൽ.ഇ.ഡി ബൾബുകൾ ആക്കാനുള്ള പദ്ധതി. സാധാരണ ബൾബുകൾ മാറ്റുന്നതിലൂടെ വൈദ്യുത ഉപയോഗത്തിൽ പ്രതിവർഷം 40,000 കോടി രൂപയുടെ കുറവുണ്ടാകുമെന്നാണ് കണക്കുകൾ. ഉജാലാ പദ്ധതിയിലൂടെ 2019 തോടുകൂടി 77 കോടിയിലധികം വരുന്നു പരമ്പരാഗതമായിഉപയോഗിച്ചുവരുന്ന ബൾബുകളെ മാറ്റി, പകരം എൽ.ഇ.ഡി ബൾബുകൾ നൽകുക എന്നതാണ് ഈ പദ്ധതിയിലൂടെ വിഭാവനം ചെയ്യുന്നത്. ഇതിന്‍റെ കൂടുതൽ വിവരങ്ങൾക്കായി www.ujala.gov.in വെബ്സൈറ്റ് സന്ദർശിക്കുക.

നേട്ടങ്ങൾ

2016 ജൂലൈ 23 വരെ 13 കോടി എൽ.ഇ.ഡി. ബൾബുകൾ വിതരണം ചെയ്തു. പ്രതിദിനം 19 കോടി രൂപയുടെ നേട്ടം.

സ്വാവലംബൻ ആരോഗ്യ ഇൻഷുറൻസ് പദ്ധതി

ഭിന്നശേഷിക്കാർക്കുവേണ്ടി ആരംഭിച്ചിരിക്കുന്ന സംയോജിതവും താങ്ങാവുന്നതുമായ ആരോഗ്യ പദ്ധതിയാണിത്. വാർഷിക വരുമാനം 3,00,000 രൂപയിൽ താഴെ വരുമാനമുള്ള 18 നും 65 നും മധ്യേ പ്രായമുള്ള ഭിന്നശേഷിക്കാർക്ക് ഇതിന്‍റെ ആനുകൂല്യം ലഭിക്കും. വർഷം ഒരുലക്ഷം രൂപ വരെയുളള ആരോഗ്യ ഇൻഷുറൻസ് പരിരക്ഷയാണ് പദ്ധതി വഴി ലഭിക്കുക.

നേട്ടങ്ങൾ

മുൻകൂട്ടിയുളള ആരോഗ്യപരിശോധനു വേണ്ട. വാർഷിക അടവ് 357 രൂപ മാത്രം.

പ്രവാസി കൗശൽ വികാസ് യോജന

ഗൾഫ് രാജ്യങ്ങളിൽ ജോലിചെയ്യുന്ന തൊഴിലാളികളെ ഉദ്ദേശിച്ചുള്ള പദ്ധതിയാണ് ഇത് മുമ്പൊക്കെ അവിദഗ്ദ്ധ തൊഴിലാളികൾ ജോലിതേടി ഈ രാജ്യങ്ങളിലെത്തുകയും അവിടെ നിരവധി ബുദ്ധിമുട്ടുകൾ നേരിടുകയും ചെയ്തിരുന്നു. ഇതു പരിഹരിക്കുന്നതിനായിട്ട് ഇപ്പോൾ വിദേശകാര്യ മന്ത്രാലയവും നൈപുണ്യ വികസന മന്ത്രാലയവും സംയുക്തമായി ആരംഭിച്ച ഈ പദ്ധതിയിലൂടെ വിദേശത്ത് തൊഴിൽ തേടി പോകുന്നവർ ഏതു ജോലിക്കാണോ പോകുന്നത് അതിൽ വിദഗ്ദ്ധപരിശീലനം നേടിയവരാണ് എന്ന് ഉറപ്പുവരുത്തുന്നു. ഈ പദ്ധതിയുടെ മുദ്രാവാക്യംതന്നെ സുരക്ഷിതരായി പോകൂ പരിശീലനം നേടി പോകൂ എന്നതാണ്. നേട്ടങ്ങൾ

വിദേശകാര്യ മന്ത്രാലയം ഈ പദ്ധതിക്കായി ആവശ്യമുള്ള ഫണ്ട് നൈപുണ്യവികസന മന്ത്രാലയത്തിന് അനുവദിച്ചിട്ടുണ്ട്.

പ്രധാൻ മന്ത്രി സ്വസ്ഥ‌‍്യ സുരക്ഷ യോജന

11 പുതിയ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ( എയിംസ്) സ്ഥാപിക്കും പദ്ധതിയുടെ ആരംഭം 2003 ൽ അടൽജിയുടെ എൻ.ഡി.എ ഗവൺമെൻറ് ആറു പുതിയ എയിംസുകളും അതേ നിലവാരത്തിലുള്ള ആറ് പുതിയ ആശുപ്രതികളും സ്ഥാപിക്കാൻ തുടങ്ങിയതോടെയാണ്. ഇപ്പോൾ പുതിയ ഗവൺമെൻറ് ആ പദ്ധതി വ്യാപിപ്പിക്കുകയാണ്.

നേട്ടങ്ങൾ

11 പുതിയ എയിംസുകളും 13 മെഡിക്കൽ കോളേജുകൾ ആധുനീകരിക്കാനുമാണ് നിർദ്ദേശിച്ചിരിക്കുന്നത്. 11 എയിംസുകൾ അടുത്തവർഷം ആരംഭിക്കും.

നയി മൻസിൽ

ന്യൂനപക്ഷങ്ങൾക്കായുള്ള ഒരു സമഗ്ര വിദ്യാഭ്യാസ ഉപജീവനസംരംഭമാണിത്. സ്കൂളിൽനിന്നു കൊഴിഞ്ഞുപോന്ന ന്യൂനപക്ഷ സമുദായ യുവാക്കൾക്ക് നാഷണൽ ഓപ്പൺ സ്കൂൾ പോലുള്ള ഔപചാരിക വിദ്യാഭ്യാസ സംവിധാനത്തിലൂടെ എട്ടാംക്ലാസോ പത്താക്ലാസോ സർട്ടിഫിക്കറ്റ്  നേടുകയാണ് ഈ ദൗത്യം കൊണ്ട് വിഭാവനം ചെയ്യുന്നത്. വിപണിയിൽ ഏറ്റവും ആവശ്യമുള്ള സംയോജിത കഴിവുകളാണ് ഈ യുവാക്കളെ പദ്ധതിയുടെ ഭാഗമായി പരിശീലിപ്പിക്കുന്നത്.

നേട്ടങ്ങൾ

30 ശതമാനം സീറ്റ് ന്യൂനപക്ഷ സമുദായങ്ങളിലെ പെൺകുട്ടികൾക്ക്.

ഉസ്ത്താദ് (USTTAD)

നമ്മുടെ ന്യൂനപക്ഷ സമൂഹങ്ങളുടെ പാരമ്പര്യ കലകളും കരകൗശല വേലകളും സംരക്ഷിക്കുന്നതിന് വൈഭവം മെച്ചപ്പെടുത്തുകയും പരിശീലനം നൽകുകയും ചെയ്യുന്നതോടൊപ്പം അവരെ അന്താരാഷ്ട തൊഴിൽ വിപണിയുമായി ബന്ധിപ്പിക്കാനുമാണ് ഈ പദ്ധതി ഉദ്ദേശിക്കുന്നത്. ആഗോള നിലവാരത്തിനനുസൃതമായി ഇവരെ ശാക്തീകരിക്കാനും ഈ ദൗത്യം ലക്ഷ്യമിടുന്നു. നേട്ടങ്ങൾ

കുറഞ്ഞത് 33 ശതമാനം സീറ്റുകൾ ന്യൂനപക്ഷസമുദായങ്ങളിലെ സ്ത്രീകൾക്കും പെൺകുട്ടികൾക്കുമായി നീക്കിവെച്ചിരിക്കുന്നു.

പണ്ഡിറ്റ് മദൻ മോഹൻ മാളവ്യ ദേശീയ അദ്ധ്യാപക അദ്ധ്യായന ദൗത്യം

അദ്ധ്യാപകർക്ക് പരിശീലനം നൽകുക, സ്കൂളുകൾ, കോളേജുകൾ, സർവ്വകലാശാലകൾ എന്നിവിടങ്ങളിലെ ജോലി സംസ്കാരം മെച്ചപ്പെടുത്തുക, അദ്ധ്യാപകരിൽ മികവ് വികസിപ്പിക്കുക, കഴിവുള്ള വിദ്യാർത്ഥികളെ അദ്ധ്യാപന രംഗത്തേക്ക് ആകർഷിക്കുക തുടങ്ങിയവയാണ് ഈ പദ്ധതിയിലൂടെ ഉദ്ദേശിക്കുന്നത്.

നേട്ടങ്ങൾ

12 ാം പഞ്ചവത്സര പദ്ധതിയിൽ ഈ ദൗത്യത്തിനായി 900 കോടി രൂപ നീക്കിവെച്ചു.

അടൽ ഇന്നൊവേഷൻ ദൗത്യം

അദ്ധ്യാപകർ, ഗവേഷകർ, സംരംഭകർ എന്നിവരെ ഒരുമിച്ച്കൂട്ടി പുത്തൻ കണ്ണുപിടുത്തത്തിനുള്ള ഒരു പശ്ചാത്തലം ഒരുക്കുക എന്നതാണ് ഈ ദൗത്യം. ഇതിനായി 500 സ്കൂളുകളിൽ പുതിയ പരീക്ഷണശാലകൾ സ്ഥാപിക്കും. ആദ്യസഹായധനമായി ഓരോ സ്കൂൾ പരീക്ഷണ ശാലക്കും 10 ലക്ഷം രൂപ വീതം നൽകുകയും ചെയ്യും.

നേട്ടങ്ങൾ

2016, 17 ൽ 10 കോടി രൂപ മുടക്കി 100 അടൽ ഇൻകുബേഷൻ കേന്ദ്രങ്ങൾ സ്ഥാപിക്കും.

മഡാഡ് (MADAD) പോര്‍ട്ടല്‍

വിദേശ ഇന്ത്യാക്കാരുടെ പ്രശ്നങ്ങൾക്ക് പരിഹാരം തേടുന്നതിനുള്ള സംവിധാനം ഒന്നുംതന്നെ നമുക്ക് ഇല്ലായിരുന്നു. ഇതു പരിഹരിക്കുന്നതിനായാണ് വിദേശകാര്യ മന്ത്രാലയം മഡാഡ് പോർട്ടൽ ആരംഭിച്ചത്. ഇത് എല്ലാ വിദേശ ഇന്ത്യാക്കാർക്കും പ്രാപ്യമാണ്. അവരുടെ പരാതികളെ ഇത് തരംതിരിച്ച് പരിഹാരത്തിനായി ഇന്ത്യൻ എംബസികളിൽ എത്തിക്കും.

നേട്ടങ്ങൾ

ഇതുവരെ നിരവധി പരാതികൾ മഡാഡ് പോർട്ടലിൽ രജിസ്റ്റർ ചെയ്യപ്പെടുകയും അവയിൽ ഭൂരിഭാഗവും പരിഹൃതമാകുകയും ചെയ്തിട്ടുണ്ട്.

ജീവൻ പ്രമാൺ. ഡിജിറ്റൽ ലൈഫ് സർട്ടിഫിക്കറ്റ്

ഗവൺമെൻറ് പെൻഷൻ വാങ്ങുന്നവർ ഓരോ വർഷവും ലൈഫ് സർട്ടിഫിക്കറ്റുകൾ ഹാജരാക്കുക എന്നത് അവരുടെ കടമയാണ്. ഇത് അവർക്ക് വളരെ ബുദ്ധിമുട്ടുകൾ സൃഷ്ടിക്കുന്നു. എന്നാൽ ഇപ്പോൾ പെൻഷൻ വാങ്ങുന്നവർക്ക് ആധാർ അടിസ്ഥാനമാക്കിയുള്ള ഡിജിറ്റൽ ലൈഫ് സർട്ടിഫിക്കറ്റുകൾ നൽകിയിരിക്കുന്നു. ഇനി മുതൽ പെൻഷൻ വിതരണ അധികാരിക്കു മുന്നിൽ പെൻഷൻ വാങ്ങുന്നവർ വർഷംതോറും ഹാജരാകേണ്ടതില്ല.

നേട്ടങ്ങൾ

ഇതുവരെ 16.19 ലക്ഷം പെൻഷൻകാർ ജീവൻ പ്രമാണിന് കീഴിൽ രജിസ്റ്റർ ചെയ്യപ്പെട്ടുകഴിഞ്ഞു.

കിസാൻ സുവിധ മൊബൈൽ ആപ്ലിക്കേഷൻ

ഏറ്റവും പുതിയ വിവരങ്ങൾ കർഷകർക്ക് വിരൽതുമ്പിൽ                    ഈ ആപ്ലിക്കേഷൻ കൃഷിയുമായി ബന്ധപ്പെട്ട ഏറ്റവും പുതിയ വിവരങ്ങൾ കർഷകരുടെ വിരൽതുമ്പിൽ ലഭ്യമാക്കുന്നു. കൃഷിയെക്കുറിച്ച് നല്ല ധാരണയുള്ള കൃഷിക്കാരനേ കൃത്യമായ തീരുമാനങ്ങൾ എടുക്കാനാവൂ.

നേട്ടങ്ങൾ

* പ്രധാനമന്ത്രി നരേന്ദ്രമോദി 2016 മാർച്ച് 19ന് ഈ മൊബൈൽ ആപ്പ് ഉദ്ഘാടനം ചെയ്തു.

* കാലാവസ്ഥ, വിത്ത്, വളം, കീടനാശിനികൾ, ചെലവുകൾ തുടങ്ങിയ വിവരങ്ങൾ ഇതിലൂടെ ലഭ്യമാകും.

* പുന കൃഷി ആഷ് പോലുള്ള ഇതര കൃഷി ആപ്ലിക്കേഷനുകളും പുതിയ സാങ്കേതികവിദ്യയെ കുറിച്ചുള്ള വിവരങ്ങൾ നൽകുന്നു.

* അഗ്രി മാർക്കറ്റ് മൊബൈൽ ആപ്ലിക്കേഷൻ ചരക്കുകളുടെ വില സംബന്ധമായ വിവരങ്ങൾ ലഭ്യമാക്കും.

* ഫസൽ ബീമ മൊബൈൽ ആപ്ലിക്കേഷൻ വിള ഇൻഷുറൻസ് സംബന്ധിച്ച വിവരങ്ങൾ നൽകും.

ദേശീയ കാർഷിക വിപണി (എൻ.എ.എം)

രാജ്യവ്യാപകമായി എല്ലാ കാർഷിക ഉൽപ്പന്നങ്ങളുടെയും വിപണനത്തിനായി ഏകീകൃത ദേശീയ വിപണി പോർട്ടൽ, കൃഷിക്കാർക്ക് ഉല്പന്നങ്ങൾ ഓൺലൈനായി വിൽക്കാനും വ്യാപാരികൾക്ക് ഏതു സ്ഥലത്തുനിന്നും വില പറയാനും കഴിയും. വ്യാപാരികളുടെ എണ്ണം കൂടുന്നത് മത്സരക്ഷമത വർദ്ധിപ്പിക്കും. ഉല്പന്നങ്ങൾക്ക് മികച്ച വിലയും കർഷകർക്ക് വർദ്ധിച്ച വരുമാനവും

നേട്ടങ്ങൾ

രാജ്യത്തുടനീളമുളള 585 മൊത്തവില എ.പി.എം.സി. ചന്തകളെ രണ്ടു വർഷത്തിനകം ഈ പോർട്ടലിലൂടെ ബന്ധിപ്പിക്കും.

കാർഷിക മേഖലയിലെ നൈപുണ്യ വികസനം

പ്രധാനമന്ത്രി കൗശൽ വികാസ് യോജന, കൃഷി കാർഷിക ക്ഷേമ മന്ത്രാലയത്തിന്‍റെ വിവിധ പദ്ധതികൾ എന്നിവയിൽ ഉൾപ്പെടുത്തി കൃഷിക്കാർ, ഗ്രാമീണമേഖലയിലെ യുവജനങ്ങൾ, വ്യവസായ സംരംഭകർ എന്നിവർക്ക് നൈപുണ്യവികസനത്തിനുള്ള പരിശീലനം നൽകിവരുന്നു. അഗ്രികൾച്ചറൽ സ്കിൽ കൗൺസിൽ ഓഫ് ഇന്ത്യയാണ് പരിശീലനം നൽകുന്നത്.

നേട്ടങ്ങൾ

ജൈവക്കൃഷി , തേനീച്ച വളർത്തൽ, പുഷ്പകൃഷി, പട്ടുനൂൽ ഉൽപ്പാദനം, ട്രാക്ടർ ഡ്രൈവിംഗ്, ചെറുകിട ജലസേചനം, ഗ്രീൻഹൗസ്, സൗരോർജ്ജ പമ്പ്, ഭക്ഷ്യസംസ്ക്കരണം, വിത്ത് സംസ്ക്കരണം, വെയർഹൗസ്, പാക്ക് ഹൗസ്, കോൾഡ് സ്റ്റോറേജ് മൃഗപരിപാലനം

പ്രധാനമന്ത്രി കൃഷി സിഞ്ചായി യോജന

പ്രധാനമന്ത്രിയുടെ ജലസേചന പദ്ധതി.ലഭ്യമായ എല്ലാ ജല സ്രോതസ്സുകളും ജലസേചനരീതികളും ഉപയോഗിച്ച് മുഴുവൻ കൃഷിഭൂമിയിലും ജലസേചനം നടത്തുന്നതിനുവേണ്ടിയാണ് ഈ പദ്ധതി.

നേട്ടങ്ങൾ

അടുത്ത അഞ്ച് വർഷത്തിനുളളിൽ 50,000 കോടി രൂപ ഇതിനായി ചെലവഴിക്കും. പ്രധാനമന്ത്രിയുടെ നേരിട്ടുള്ള മേൽനോട്ടം.

ഒആര്‍ഒപി (OROP)

രാജ്യത്തെ 20 ലക്ഷത്തിൽപരം വിമുക്തഭടൻമാർക്കും 6 ലക്ഷത്തോളം കുടുംബ പെൻഷൻകാർക്കും ആനുകൂല്യങ്ങൾ ലഭ്യമാക്കാനുള്ള പദ്ധതിയാണിത്.

നേട്ടങ്ങൾ

നാലുനൂറ്റാണ്ടായി ഉന്നയിക്കുന്ന ആവശ്യം പരിഗണിക്കപ്പെട്ടു. എല്ലാ അഞ്ചുവർഷം കൂടുമ്പോഴും പെൻഷൻ പുനർ നിശ്ചയിക്കും.

സുഗമ്യ ഭാരത് അഭിയാൻ

ഭിന്നശേഷിയുള്ളവർക്ക് എല്ലാ സ്ഥലങ്ങളും സൗകര്യങ്ങളും പ്രാപ്തമാക്കുക എന്നത് ഈ ഗവൺമെൻറിന്‍റെ ഒരു മുൻഗണനയാണ്. ഇതിന് മൂന്ന് മാനങ്ങളുണ്ട്. അനുയോജ്യമായ സാഹചര്യം, പൊതുഗതാഗത സംവിധാനം, വിവര വിനിമയ സാങ്കേതിക വിദ്യ, 198 കോടി രൂപ അനുവദിച്ചുകൊണ്ടാണ് പദ്ധതി തുടങ്ങിയത്.

നേട്ടങ്ങൾ

* ഭിന്നശേഷിയുള്ള 10000 ത്തിലധികം വ്യക്തികൾക്ക് ഗവൺമെൻറ് ജോലികൾ

* 2018 ജൂലൈയോടെ ഡൽഹിയിലെയും എല്ലാ സംസ്ഥാന തലസ്ഥാനങ്ങളിലെയും കുറഞ്ഞത് 50 ശതമാനം ഗവൺമെൻറ് കെട്ടിടങ്ങളും ഭിന്നശേഷിക്കാർക്ക് കടന്നുചെല്ലാൻ സൗകര്യമുളളവയാക്കും.

* പൊതുഗതാഗത സംവിധാനത്തിൽ 10 ശതമാനമെങ്കിലും 2018 മാർച്ചിന് മുമ്പായി ഭിന്നശേഷിക്കാർക്ക് പ്രാപ്യമാകും.

ദേശീയ സ്കോളർഷിപ്പ് പോർട്ടൽ

 

ഇത് ഒരു ഏകജാലക സംവിധാനമാണ്. ഒരു പോയിൻറിൽ നിന്ന് വിവിധ സേവനങ്ങൾ വിദ്യാർത്ഥികൾക്ക് ലഭ്യമാകുന്നു എന്നതാണ് ഇതിന്‍റെ പ്രത്യേകത. സ്കോളർഷിപ്പിനുള്ള വിദ്യാർത്ഥികളുടെ അപേക്ഷ, അതിന്‍റെ രസീത് അതിന്‍റെ നടപടി, അനുമതി, വിതരണം ഇതെല്ലാം ഈ പോർട്ടലിൽനിന്ന് സാധ്യമാക്കുന്നു.

നേട്ടങ്ങൾ

16 മന്ത്രാലയങ്ങളിൽനിന്നുള്ള 77 സ്കോളർഷിപ്പുകൾ

16,17,000 സ്ഥാപനങ്ങൾ ഈ പോർട്ടലിൽ രജിസ്റ്റർ ചെയ്തു.

കൂടുതല്‍ വിവരങ്ങള്‍ക്ക് : www.scholarships.gov.in

help desk-0120-6619540

ഓവർസീസ് സിറ്റിസൺ ഓഫ് ഇന്ത്യ (OCI) കാർഡ്

മുമ്പ് ഇന്ത്യൻ വംശജർക്കും വിദേശ ഇന്ത്യാക്കാർക്കും പ്രത്യേകം തിരിച്ചറിയൽ കാർഡുകൾ ഉണ്ടായിരുന്നു. ഈ കാർഡുകൾ വഴി ലഭിച്ചിരുന്ന ആനുകൂല്യങ്ങളും വ്യത്യസ്തമായിരുന്നു. ഇപ്പോൾ ഈ രണ്ടു കാർഡുകൾക്കും പകരം ഓവർസീസ് സിറ്റിസൺ ഓഫ് ഇന്ത്യ കാർഡ് മാത്രമാണ് നൽകുന്നത്

നേട്ടങ്ങൾ

ഇന്ത്യാക്കാർക്ക് ആജീവനാന്ത്യം ഇന്ത്യൻ വിസയും മറ്റ് ആനുകൂല്യങ്ങളും ലഭിക്കും.

ഐ.ഐ.ടി.(ITI ) ആപ്പും പോർട്ടലും

ഐ.ഐ.ടി.യിൽ പഠനം ലക്ഷ്യമിടുന്ന വിദ്യാർത്ഥികളെ സഹായിക്കാനുള്ള ഒരു ആപ്ലിക്കേഷനും പോർട്ടലുമാണ് ഇത്. 13 ഭാഷകളിൽ ഗുണനിലവാരമുള്ള സ്റ്റഡി മെറ്റീരിയലുകൾ ഈ ആപ്പിലൂടെ ലഭ്യമാക്കുന്നു.

നേട്ടങ്ങൾ

ഐ.ഐ.ടി.യിലെ അദ്ധ്യാപകരും വിദ്യാർത്ഥികളും വിവിധ വിഷയങ്ങളെ കുറിച്ചുള്ള സ്റ്റഡിമെറ്റീരിയലുകൾ തയ്യാറാക്കുന്നു. ഇത് ഐ.ഐ.ടി ലക്ഷ്യം വെക്കുന്ന പാവപ്പെട്ട കുട്ടികൾക്ക് വളരെ പ്രയോജനകരമാകുന്നു.

ഇന്ദ്രധനുഷ് ദൗത്യം

അമ്മമാരെയും കുഞ്ഞുങ്ങളെയും ഉൾപ്പെടുത്തി നടപ്പാക്കുന്ന ലോകത്തിലെ തന്നെ ഏറ്റവും ബൃഹത്തായ പ്രതിരോധ കുത്തിവയ്പ് പദ്ധതിയാണിത്. ഗർഭിണികൾക്കും കുഞ്ഞുങ്ങൾക്കും സൗജന്യ പ്രതിരോധ കുത്തിവയ്പാണ് ഇതിലൂടെ നടപ്പാക്കുന്നത് പോളിയോ, ക്ഷയം, ഹെപ്പറ്റൈറ്റിസ്, ഡിഫ്തീരിയ, ടെറ്റ്നസ്, അഞ്ചാംപനി, വില്ലൻചുമ തുടങ്ങിയ രോഗങ്ങൾക്കെതിരെ പ്രതിരോധ കുത്തിവെയ്പ്.

മിഷൻ ഇന്ദ്ര ധനുഷ് എന്ന പേരിൽ ലോകത്തിലെതന്നെ ഏറ്റവും വലിയ പ്രതിരോധ കുത്തിവയ്പ് പദ്ധതിയാണ് എന്‍റെ ഗവൺമെൻറ് നടപ്പാക്കിവരുന്നത്. അമ്മമാരുടെയും നവജാത ശിശുക്കളുടെയും ടെറ്റ്നസ് പ്രതിരോധിക്കുന്നതോടൊപ്പം രാജ്യത്തെ പോളിയോ വിമുക്തമാക്കുകയും രാജ്യമൊട്ടാകെ പ്രതിരോധ കുത്തിവെയ്പ്പിനു കീഴിൽ കൊണ്ടു വരികയും ചെയ്യുക എന്നതാണ് പ്രധാന ലക്ഷ്യം

ജിയാന്‍ (GIAN)

ഇന്ത്യയിലെ ഉന്നത വിദ്യാഭ്യാസ സ്ഥാപനങ്ങളിലെ നിലവാരം ഉയർത്തുന്നതിനായി ആവിഷ്ക്കരിച്ചിരിക്കുന്ന പദ്ധതിയാണിത്. തുടക്കമെന്ന നിലയിൽ ഐ.ഐ.ടികൾ, ഐ.ഐ.എമ്മുകൾ, കേന്ദ്ര സർവകലാശാലകൾ, എൻ.ഐ.ടികൾ, ഐ.ഐ.എസ്.സി. ബാംഗളൂർ ഐ.ഐ.എസ്ഇആർ എന്നീ സ്ഥാപനങ്ങളെ ഉള്‍പെടുത്തിയിട്ടുണ്ട്.; ഇവയെ അന്താരാഷ്ട്ര സ്ഥാപനങ്ങളുമായി ബന്ധപ്പെടുത്തി നമ്മുടെ രാജ്യത്തിന്‍റെ വിദ്യാഭ്യാസ നിലവാരം ഉയർത്തുക എന്നതാണ് പദ്ധതിയിലൂടെ ലക്ഷ്യമിടുന്നത്.

നേട്ടങ്ങൾ

ഐ.ഐ.ടി ഗാന്ധിനഗർ, ഐ.ഐ.ടി. ഗോരഖ്പൂർ എന്നിവിടങ്ങളിലായി രണ്ടു കോഴ്സുകൾ ആരംഭിച്ചു. 38 രാജ്യങ്ങളിൽ നിന്നുള്ള അക്കാദമിക് പ്രതിഷകൾ വിവിധ ഇൻസ്റ്റിറ്റ്യൂട്ടുകളിൽ സഹകരിച്ച് പ്രവർത്തിച്ചുവരുന്നു.

ശ്യാമപ്രസാദ് മുഖർജി നഗര ഗ്രാമ ദൗത്യം

ഗ്രാമങ്ങളിൽ നഗരങ്ങളിലെതുപോലുള്ള സൗകര്യങ്ങളും തൊഴിലവസരങ്ങളും ലഭ്യമാക്കുന്നതിനുള്ള പദ്ധതിയാണിത്. ഇതുവഴി ഗ്രാമങ്ങളിൽ നിന്ന് തൊഴിലന്വേഷിച്ച് നഗരങ്ങളിലേക്കുള്ള കുടിയേറ്റം നിയന്ത്രിക്കുകയാണ് ലക്ഷ്യം. (ഗ്രാമങ്ങളിൽ നൈപുണ്യവികസനത്തിനും ഇത് ലക്ഷ്യമിടുന്നു.

നേട്ടങ്ങൾ

* മൂന്നു വർഷത്തിനുളളിൽ 300 റൂർബൻ ക്ലസ്സറുകൾ വികസിപ്പിക്കും.

* 5100 കോടി നിക്ഷേപത്തിലൂടെ ഈ വർഷംതന്നെ 100 ക്ലസ്സറുകൾ വികസിപ്പിക്കും.

ഹൃദയ് (HRIDAY)

പൈതൃക മേഖലകളിൽ സുസ്ഥിര വികസനം ഉറപ്പാക്കുന്നതിനുള്ള പദ്ധതിയാണിത്. 12 നഗരങ്ങളെ ഇതിനോടകം ഈ പദ്ധതിക്കായി തെരഞ്ഞെടുത്തു കഴിഞ്ഞു. ആജ്മീർ, അമരാവതി, അമൃതസർ, ബദാമി, ദ്വാരക, ഗയ, കാഞ്ചീപുരത്ത, മഥുര, പുരി, വരാണാസി, വേളാങ്കണ്ണി, വാറങ്കൽ എന്നിവയാണ് അവ.

നേട്ടങ്ങൾ

ജലവിതരം, റോഡ് വികസനം, മാലിന്യ നിർമ്മാർജ്ജനം, തെരുവ് വിളക്കുകൾ, അഴുക്കുചാൽ, ടൂറിസം, വൈദ്യുതിവിതരണം ഇതര സൗകര്യങ്ങൾ എന്നിവക്കായി ഈ 12 നഗരങ്ങളിൽ 500 കോടി ചെലവഴിച്ചുകഴിഞ്ഞു.

ദേശീയ ഗോകുൽ ദൗത്യം

ഇന്ത്യയിലെ പ്രദേശിക കന്നുകാലി വർഗ്ഗങ്ങളെ മെച്ചപ്പെടുത്തുക എന്നതാണ് ഇതിന്‍റെ ലക്ഷ്യം. കന്നുകാലികളുടെ ജനിതകശേഖരം അഭിവൃദ്ധിപ്പെടുത്തുക രാജ്യത്തെ പാലുല്പാദനം വർദ്ധിപ്പിക്കുക ക്ഷീരമേഖല വികസിപ്പിക്കുക തുടങ്ങിയവും ഈ ദൗത്യത്തിന്‍റെ ലക്ഷ്യങ്ങളാണ്.

നേട്ടങ്ങൾ

* 27 സംസ്ഥാനങ്ങളിലാണ് 29 പദ്ധതികൾക്കാണ് ഇക്കഴിഞ്ഞ ഒന്നരവർഷത്തിനുളളിൽ ഗവൺമെൻറ് അംഗീകാരം കൊടുത്തിരിക്കുന്നത്.

* രാജ്യത്തെ ക്ഷീരോത്പാദനം 550 മെട്രിക്ടണ്‍ ആയി ഉയർന്നു.

* വെറ്ററിനറി കോളേജുകളുടെ എണ്ണം 36 ൽ നിന്ന് 46 ആയി പ്രാദേശിക കാലിവർഗ്ഗങ്ങളുടെ വംശവർദ്ധനവ് ലക്ഷ്യമാക്കി രാജ്യത്ത് 14 ഗോകുൽ ഗ്രാമങ്ങൾ സ്ഥാപിക്കും.

ദീൻദയാൽ ഉപാദ്ധ്യായ ഗ്രാം ജ്യോതി യോജന

രാജ്യത്തെ എല്ലാ ഗ്രാമങ്ങളിലും വൈദ്യുതി എത്തിക്കുന്നതിലൂടെ ജീവിതത്തിൽ മാറ്റമുണ്ടാക്കുന്ന പദ്ധതി. വൈദ്യുതി എത്താത്ത 18,500 ഗ്രാമങ്ങളിൽ 1000 ദിവസങ്ങൾക്കുളളിൽ വൈദ്യുതി എത്തിക്കാൻ പദ്ധതി ലക്ഷ്യമിടുന്നു.

നേട്ടങ്ങൾ

* 2016 ജൂൺ 20 വരെ 8384 ഗ്രാമങ്ങളിൽ വൈദ്യുതി എത്തിച്ചു. വൈദ്യുതീകരണത്തിന്‍റെ പുരോഗതി വിലയിരുത്താൻ ഗാർവ് മൊബൈൽ ആപ്പ് സജ്ജമാക്കി.

സ്റ്റാൻറ് അപ് ഇന്ത്യ

ഓരോ ബാങ്കിൽനിന്നും സംരംഭം തുടങ്ങാൻ ഒരു പട്ടികജാതി അല്ലെങ്കിൽ പട്ടികവർഗ വിഭാഗത്തിൽപ്പെട്ട വ്യക്തിക്കോ ഒരു വനിതക്കോ 10 ലക്ഷം മുതൽ 1 കോടി രൂപ വരുന്ന വായ്പ നൽകുന്ന പദ്ധതി. ഉല്പാദനം, സേവനം, വ്യാപാരം എന്നീ മേഖലകൾക്കാണ് സ്റ്റാൻറ് അപ്പ് ഇന്ത്യ പദ്ധതിപ്രകാരം വായ്പ ലഭ്യമാകുന്നത്. പാർട്ണർഷിപ്പ് കമ്പനിയായി തുടങ്ങുകയാണെങ്കിൽ പട്ടികജാതി പട്ടികവർഗത്തിൽപ്പെട്ട വ്യക്തിക്കോ അല്ലെങ്കിൽ വനിതക്കോ 51 ശതമാനം പങ്കാളിത്തമുണ്ടായിരിക്കണം.

എങ്ങനെ അപേക്ഷിക്കാം

l. നേരിട്ട് വെബ് സൈറ്റ് വഴി

2. അടുത്തുള്ള ബാങ്ക് വഴി

3. ലീഡ് ബാങ്ക് വഴി

മേക് ഇൻ ഇന്ത്യ പദ്ധതി

രാഷ്ട്ര നിർമ്മാണത്തിന്‍റെ ഭാഗമായി പ്രധാനമന്ത്രി 2014 ൽ ആരംഭിച്ച പദ്ധതി. ഭാരതത്തെ ഒരു ആഗോള ഉല്പാദന കേന്ദ്രമായി രൂപാന്തരപ്പെടുത്താനുള്ള ലക്ഷ്യത്തോടെയാണ് ഈ പദ്ധതി ആവിഷ്ക്കരിച്ചിട്ടുളളത്.

പദ്ധതി ലക്ഷ്യങ്ങൾ

l. സ്വദേശി വിദേശി സംരംഭകർക്ക് ഇന്ത്യയിൽ മുതൽമുടക്കാൻ പ്രോത്സാഹനം

2. തൊഴിൽ സൃഷ്ടിക്കുന്നതോടൊപ്പം നൈപുണ്യം വികസിപ്പിക്കുക

3. മികവുറ്റ് നിലവാരം പുലർത്തുക. പരിസ്ഥിതി ആഘാതം കുറക്കുക

4. മൂലധന സാങ്കേതിക നിക്ഷേപങ്ങൾ ഭാരതത്തിലേക്ക് ആകർഷിക്കുക

സ്പേസ് (24%), പ്രതിരോധം(49%), വാർത്ത മാധ്യമങ്ങൾ (26%) ഒഴികെ മറ്റ് എല്ലാ മേഖലകളിലും 100% നേരിട്ടുള്ള വിദേശ നിക്ഷേപം സാധ്യമാണ്.

55) സ്വച്ഛ് റെയിൽ സ്വച്ഛ് ഭാരത് മിഷൻ

പദ്ധതിയുടെ ലക്ഷ്യം

1. ശുചിത്വമുള്ള ടോയിലറ്റുകൾ

2. റെയിൽവേ സ്റ്റേഷനിലും ട്രെയിനിലുമുള്ള ശുചിത്വ പരിപാലനം

3. റെയിൽവേ സ്റ്റേഷൻ പരിസരത്ത് വൃക്ഷങ്ങൾ നട്ടുപിടിപ്പിക്കൽ

4. കയ്യേറ്റങ്ങൾ ഒഴിപ്പിക്കൽ

5. പൊതുജനങ്ങളെ ബോധവൽക്കരിക്കാനായി കാമ്പേയിനുകൾ

2021 ഓടുകൂടി മുഴുവൻ ട്രെയിനുകളിലും ബയോ-ട്രോയിലറ്റുകൾ സ്ഥാപിക്കുന്നതിനും ഈ പദ്ധതിയുടെ ലക്ഷ്യമാണ്

മൈ ഗവ്(MY GoV)

രാജ്യത്തിന്‍റെ ഭരണ വികസന കാര്യങ്ങളിൽ പൊതുജനങ്ങളുടെ ഉറപ്പുവരുത്തുവാൻ കേന്ദ്രസർക്കാർ ആരംഭിച്ച പദ്ധതി.

My Gov വെബ്സൈറ്റിന്‍റെ പ്രത്യേകതകൾ

1. ഭരണനിർവ്വഹണവുമായി ബന്ധപ്പെട്ടുള്ള ആശയങ്ങൾ പങ്കുവെക്കാൻ സൗകര്യം

2. സർക്കാർ ആരംഭിക്കുന്ന പദ്ധതികളെയും പരിപാടികളെയും കുറിച്ച് സമവദിക്കാനും ആശയങ്ങൾ പങ്കുവെക്കാനുമുളള സൗകര്യം.

3. രേഖകളും മറ്റും അപ്ലോഡ് ചെയ്യാനുള്ള സൗകര്യം

തെരഞ്ഞെടുപ്പിനുശേഷം ജനങ്ങൾക്കും ഭരണകർത്താക്കൾക്കും ഇടയിലുണ്ടാകുന്ന വിടവു നികത്തുകയാണ് My Gov കൊണ്ട് ഉദ്ദേശിക്കുന്നത്.

ഹൈ സ്പീഡ് റെയിൽവേ

ഭാരതത്തിൽ വേഗത കൂടിയ റെയിൽവേ നിർമ്മാണത്തിനായി ഹൈസ്പീഡ് റെയിൽ കോർപറേഷൻ കേന്ദ്രസർക്കാർ സ്ഥാപിച്ചു.

1. മണിക്കൂറിൽ 150 കി.മി. വേഗതയിൽ ഓടാൻ കഴിയുന്ന സ്പെയിനിൽനിന്നുള്ള ടാൽഗോ ട്രെയിൻ ഇതിനോടകം മുംബൈയിൽനിന്നു ഡൽഹിയിലേക്ക് 6 ട്രയൽ ഓട്ടം നടത്തികഴിഞ്ഞു. മുംബൈ, ഡൽഹി ഓടി തീർക്കാൻ ടാൽഗോ ട്രെയിനിനു 12 മണിക്കൂർ താഴെ സമയം മാത്രമാണ് വേണ്ടിവരുന്നത് .

2, ജപ്പാനുമായി സഹകരിച്ചുകൊണ്ടാണ് മണിക്കൂറിൽ 350 കി.മി വേഗതയിൽ ഓടാൻ കഴിയുന്ന ഹൈ സ്പീഡ് റെയിൽവേ വിഭാവനം ചെയ്തിരിക്കുന്നത്. 508 കി.മി. ദൈർഘ്യമുളള മുബൈ അഹമ്മദാബാദ് റെയിൽവേയുടെ നിർമ്മാണ പ്രവർത്തനങ്ങൾ 2018 നു ആരംഭിക്കാനാണ് പദ്ധതി. 2023 ഓടുകൂടി പൂർത്തിയാകുമെന്ന് പ്രതീക്ഷിക്കുന്ന പദ്ധതിയുടെ നിർമ്മാണ ചെലവ് 98000 കോടി രൂപയാണ് ഇതിന്‍റെ 80% വായ്പ കുറഞ്ഞ പലിശനിരക്കിൽ ജപ്പാൻതന്നെയാണ് നൽകുന്നത്.