നമുക്ക് പഠിക്കാം

എടിഎമ്മിനു 4 പിന്‍ നമ്ബറുകള്‍ വന്നത് എങ്ങനെയെന്നോ?

നിങ്ങള്‍ ഒട്ടുമിക്ക ദിവസവും എടിഎമ്മില്‍ പണമിടപാടുകള്‍ നടത്താറുണ്ടാകും. എടിഎമ്മില്‍ പണമിടപാടുകള്‍ നടത്തുന്നത് ഒരു പിന്‍ നമ്ബറുപയോഗിച്ചാണ്. ഈ പിന്‍ നമ്ബര്‍ ഉപയോഗിച്ചാണ് നിങ്ങള്‍ പണം പിന്‍വലിക്കുക. എന്തുകൊണ്ടാണ് അത് 4 നമ്ബര്‍ ആയിരിക്കുന്നത്. എന്തുകൊണ്ട് അഞ്ച് നമ്ബരോ അല്ലെങ്കില്‍ മറ്റ് പാസ്വേഡുകള്‍പോലെ ആല്‍ഫന്യൂമറിക് ഒന്നും ആകാഞ്ഞത്. കാരണം ഇതിനുപിന്നില്‍ ഒരു ഭാര്യയാണ്. ജോണ്‍ ഷെഫേര്‍ഡ് ബാരണ്‍ എന്നയാളാണ് ആദ്യത്തെ എടിഎം കണ്ടുപിടിച്ചത്. 6 അക്കങ്ങളുള്ള പാസ്‌വേര്‍ഡുമായാണ് ബാരണ്‍ എത്തിയത്. തന്റെ ഭാര്യ കരോലിനോട് അഭിപ്രായം ചോദിച്ചതായിരുന്നു ഷെഫേര്‍ഡ് ബാരണ്‍. കരോലിന് പെട്ടെന്ന് ഓര്‍ത്തിരിക്കാന്‍ സാധിക്കുന്നത് 4 അക്കങ്ങളാണ്. സ്വാഭാവികമായും പിന്‍ നമ്ബരും 4 അക്കങ്ങളാക്കാന്‍ ഇദ്ദേഹം തീരുമാനിക്കുകയായിരുന്നുവത്രെ. ഏതായാലും സ്വിസ് ബാങ്കുകളില്‍ പലപ്പോഴും 6 അക്കങ്ങളും പിന്‍ നമ്ബരായി നല്‍കാറുണ്ടതെന്നും ഓര്‍ക്കേണ്ടതാണ്. ഒരിക്കല്‍ കുളിച്ചുകൊണ്ടിരിക്കയാണത്രെ ഇദ്ദേഹത്തിന് എടിഎം മെഷീന്റെ ആശയം വന്നത്.പണമിട്ടാല്‍ ചോക്ലേറ്റ് ലഭിക്കുന്ന മെഷീനാണ് ഇദ്ദേഹത്തിന് പ്രചോദനമായത്. 1967ല്‍ ലണ്ടനില്‍ ആദ്യ എടിഎംമെഷീന്‍ സ്ഥാപിച്ചു.

ഡീമാറ്റ് അക്കൗണ്ട് എങ്ങനെ പ്രവര്‍ത്തിക്കുന്നു?

ഡീമാറ്റ് അക്കൗണ്ട് ബാങ്ക് അക്കൗണ്ട് പോലെ തന്നെയാണ് പ്രവര്‍ത്തിക്കുന്നത്. പണം അക്കൗണ്ടില്‍ വരുകയും പാസ്സ് ബുക്കില്‍ എന്‍ട്രി ചെയ്യുന്നതൂമാണ്. ഡബിറ്റ് ആയാലും ക്രഡിറ്റ് ആയാലും അത് ഇലക്‌ട്രോണിക് രൂപത്തിലായിരിക്കും. എന്തിനാണ് നമുക്ക് ഡീമാറ്റ് അക്കൗണ്ട്? സെബി (SEBI) യുടെ നിയമപ്രകാരം ഒാഹരികള്‍ വാങ്ങാനും വില്‍ക്കാനും ഇലക്‌ട്രോണിക് രൂപത്തില്‍ മാത്രമേ സാധിക്കു. അതുകൊണ്ട് നിങ്ങള്‍ സ്‌റ്റോക്ക് എക്‌ച്ചേഞ്ച് മുഖേന ഓഹരികള്‍ വില്‍ക്കുകയോ വാങ്ങുകയോ ചെയ്യണമെങ്കില്‍ ഒരു ഡീമാറ്റ് അക്കൗണ്ട് കൂടിയേ തീരു. നിങ്ങള്‍ ഒരു ബ്രോക്കര്‍ മുഖേന ഓഹരികള്‍ വാങ്ങുകയോ വില്‍ക്കുകയോ ചെയ്താല്‍ അയാളുടെ അക്കൗണ്ടില്‍ ആയിരിക്കും ഹോള്‍ഡിങ്സ്സ് നടക്കുന്നത്. എന്നാല്‍ നിങ്ങള്‍ ഓണ്‍ലൈന്‍ മുഖേനയാണ് ചെയ്യുന്നതെങ്കില്‍ ഓഹരിയുടെ തുക നിങ്ങളുടെ അക്കൗണ്ടില്‍ ആയിരിക്കും പ്രതിഫലിക്കുന്നത്. ഇന്ത്യയില്‍ രണ്ട് തരം ഡിപ്പോസിറ്ററീസ് ഉണ്ട്. നാഷണല്‍ സെക്യൂരിറ്റീസ്സ് ഡിപ്പോസിറ്ററീസ് ലിമിറ്റഡ് (NSDL), സെന്‍ട്രല്‍ ഡിപ്പോസിറ്ററി സര്‍വ്വീസ് ലിമിറ്റഡ് (CDSL). ഡീമാറ്റ് അക്കൗണ്ടിന്റെ ഗുണങ്ങള്‍ എന്തെല്ലാം? 1. ഫിസിക്കല്‍ ഫോമില്‍ ഓഹരികള്‍നിലനിര്‍ത്തുന്നതില്‍ തടസ്സമില്ല. 2. ഒറ്റ ഷെയറുകള്‍ വില്‍ക്കാം. 3. ട്രാന്‍സ്ഫര്‍ ചെയ്യാന്‍ സ്റ്റാമ്ബ് ഡ്യൂട്ടി ഇല്ല. 4. ട്രാന്‍സ്ഫര്‍ ഫീസ് ഇല്ലനിലനിര്‍ത്തുന്നതില്‍ തടസ്സമില്ല.

ലോണിന് അപേക്ഷിക്കുന്നതിനു മുന്‍പ് സിബില്‍ സ്‌കോര്‍ എങ്ങനെ അറിയാം?

മിക്കവാറും രാജ്യത്തെ എല്ലാ ബാങ്കുകളും വായ്പ സ്ഥാപനങ്ങളും cibil സ്‌കോര്‍ നോക്കുന്നതാണ്. ഈ സ്‌കോര്‍ കുറവാണെങ്കില്‍ വായ്പ കിട്ടാന്‍ ബുദ്ധിമുട്ടായിരിക്കൂം. cibil സ്‌കോര്‍ കുറയാന്‍ കാരണം നിങ്ങളുടെ ആദ്യകാല വായ്പകള്‍ കൃത്യസമയത്ത് അടയ്ക്കാത്തതുകൊണ്ടാണ്. നിങ്ങളുടെ സ്‌കോര്‍ 750 ല്‍ അധികമായാല്‍ 79% വരെ വായ്പ കിട്ടാന്‍ സാധ്യത ഉണ്ട്. ബാങ്കുകാര്‍ ഇത് പ്രത്യേകം ചെക്ക് ചെയ്യുന്നതായിരിക്കും. നിങ്ങളുടെ cibil സ്‌കോര്‍ എങ്ങനെ അറിയാം? കണ്‍സ്യൂമര്‍ ഡ്യൂറബിള്‍സ്സ് ലോണിന് അപേക്ഷിക്കുമ്ബോള്‍, എക്‌സിക്യൂട്ടീവ് ഓണ്‍ലൈന്‍ വിവരങ്ങള്‍ പരിശോധിച്ച്‌ cibil സ്‌കോര്‍ പറയാന്‍ കഴിയും. എന്നാല്‍ ഇങ്ങനെ ചെയ്യാന്‍ പാടുള്ളതല്ല. നിങ്ങള്‍ ആദ്യം ഓണ്‍ലൈനില്‍ കൂടി cibil സ്‌കോറിന് അപേക്ഷിക്കുക. ഇതിന് 500 രൂപ ഫീസ്സ് ഈടാക്കുന്നതായിരിക്കും. നിങ്ങള്‍ക്ക് ഈ വെബ്‌സൈറ്റ് നോക്കാം ഈ പോര്‍ട്ടലില്‍ നിങ്ങളുടെ പേര്, അഡ്രസ്സ്, ഫോണ്‍ നമ്ബര്‍ മുതലായ വിവരങ്ങള്‍ ചോദിക്കുന്നതാണ്. അതിനു ശേഷം പേയ്‌മെന്റ് ചെയ്യുക. നിങ്ങള്‍ക്ക് ഈമെയില്‍ വഴി പെട്ടെന്നു തന്നെ സിബില്‍ സ്‌കോര്‍ ലഭിക്കുന്നതായിരിക്കും cibil സ്‌കോര്‍ ചെക്ക്ചെയ്യുന്നതിന്റെ ആവശ്യം എന്താണ്? നിങ്ങള്‍ ഒരു ഹോം ലോണിന് അപേക്ഷിച്ചു കഴിയുമ്ബോള്‍ എല്ലാ ഡോക്യുമെന്റ്‌സും ശരിയായി, എന്നാല്‍ നിങ്ങളുടെ cibil സ്‌കോര്‍ നല്ലതല്ലെങ്കില്‍ ലോണ്‍ റിജക്‌ട് ചെയ്യുന്നതായിരിക്കൂം. അതുകൊണ്ട് ലോണിന് അപേക്ഷിക്കുന്നതിനു മുന്‍പ് സിബില്‍ സ്‌കോര്‍ അറിഞ്ഞിരിക്കണം. അങ്ങനെ നിങ്ങളുടെ പിന്നീടുളള തടസ്സങ്ങള്‍ ഒഴിവാക്കാന്‍ സാധിക്കും

ഇന്ത്യയില്‍ ഡീമാറ്റ് അക്കൗണ്ട് നിര്‍ബന്ധമാണോ?

ഓഹരി വാങ്ങുകയും വില്‍ക്കുകയും ചെയ്യണമെങ്കില്‍ ഒരു ഡീമാറ്റ് അക്കൗണ്ട് തുറക്കേണ്ടത് വളരെ നിര്‍ബന്ധമാണ്. തുടക്കത്തില്‍ ഒരു അംഗീകൃത സ്‌റ്റോക്ക് എക്‌ച്ചേഞ്ചുകള്‍ വഴി ഓഹരികള്‍ വാങ്ങുന്നതിനോ വില്‍ക്കുന്നതിനോ ഡീമാറ്റ് അക്കൗണ്ട് ഇല്ലാതെ പറ്റില്ല. നിങ്ങള്‍ ഒരു ഇനിഷ്യല്‍ പബ്‌ളിക് ഓഫറിംഗ് (IPO) വഴി ഷെയറുകള്‍ അപേക്ഷിക്കണമെങ്കില്‍ ഡീമാറ്റ് അക്കൗണ്ട് കൂടിയേ തീരു. സെക്യൂരിറ്റീസ് ആന്‍ഡ് എക്‌ച്ചേഞ്ച് ബോര്‍ഡ് ഓഫ് ഇന്ത്യ (SEBI) യുടെ നിയമപ്രകാരം ഡീമാറ്റ് മോഡ് വഴി പബ്‌ളിക് ഇഷ്യുവില്‍ അപേക്ഷിക്കണം എങ്കില്‍ ഒരു ഡീമാറ്റ് അക്കൗണ്ട് നിര്‍ബന്ധമാണ്. എങ്ങനെ ഡീമാറ്റ് അക്കൗണ്ട് തുറക്കാം? ആദ്യം നിങ്ങള്‍ ഒരു ബ്രോക്കിംഗ് കമ്ബനിയെ സമീപിക്കുക. അവിടുന്ന് ബ്രോക്കിംഗ് ആന്‍ഡ് ട്രയിഡിംഗ് അക്കൗണ്ട് തുറന്ന് ഓഹരികള്‍ വാങ്ങാനും വില്‍ക്കാനും സാധിക്കും. അഡ്രസ്സ് പ്രൂഫും ID പ്രൂഫും മറ്റു രേഖകളും ഡീമാറ്റ് അക്കൗണ്ട് തുറക്കാന്‍ ആവശ്യമാണ്. ബ്രോക്കിംഗ് കമ്ബനിയില്‍ പോയി അക്കൗണ്ട് തുറക്കുന്നതിനു മുന്‍പായി അക്കൗണ്ട് തുറക്കുന്നതിനുളള ചാര്‍ജ്ജും ബ്രോക്കിംഗ് ചാര്‍ജ്ജും തുടങ്ങിയവ ഉറപ്പുവരുത്തുക.

ഇന്‍കം ഫണ്ടുകളില്‍ നിങ്ങള്‍ പണം നിക്ഷേപിക്കാറുണ്ടോ?

പേരു സൂചിപ്പിക്കുന്നതു പോലെ തന്നെ ഇന്‍കം ഫണ്ടുകള്‍ നിക്ഷേപകര്‍ക്ക് ഒരു വരുമാനം നല്‍കാന്‍ തക്കവണ്ണം വരുമാന ഫണ്ടുകള്‍ ആകുന്നു. ഈ ഫണ്ടുകള്‍ ഡബിറ്റിലും ഇക്വിറ്റീസിലും നിക്ഷേപം നടത്താം. എന്നാല്‍ സ്ഥിരതയുളള ഉയര്‍ന്ന നേട്ടങ്ങള്‍ കിട്ടുന്ന കമ്ബനികളിലാകും നിക്ഷേപങ്ങള്‍ കൂടുതലും നടത്തുന്നത്. ഇതിന്റെ റിട്ടേണ്‍സ്സ് നല്ല രീതിയില്‍ ആയാല്‍ നിക്ഷേപകര്‍ക്ക് നല്ല ആദായം നേടാനും കഴിയും. വ്യക്തികള്‍ ഇതിന്റെ വിതരണ രീതിയും ലക്ഷ്യവും അറിഞ്ഞിരിക്കേണ്ടത് വലരെ അത്യാവശ്യമാണ്. റിട്ടയര്‍ ചെയ്തവര്‍ക്കും യുവാക്കള്‍ക്കും ഇന്‍കം ഫണ്ടില്‍ നിക്ഷേപം നടത്താം. നിക്ഷേപിക്കുന്നതിനു മുന്‍പ് നമ്മള്‍ എന്തൊക്കെ അറിഞ്ഞിരിക്കണം? ഇന്‍കം ഫണ്ടില്‍ നിക്ഷേപിക്കുന്നതിനു മുന്‍പ് സ്വന്തം ആവശ്യങ്ങള്‍ മനസ്സിലാക്കുക. ഇതിന്റെ പ്രോസ്‌പെക്റ്റസ്സ് പഠിക്കുകയും പദ്ധതിയുടെ ലക്ഷ്യം കണ്ടെത്തുകയും വേണം. നിങ്ങള്‍ക്ക് നിക്ഷേപത്തില്‍ നിന്നും കൃത്യമായി ഒരു തുക കിട്ടുന്നുണ്ടോ എന്ന് ഉറപ്പു വരുത്തേണ്ടതും വളരെ അത്യാവശ്യം ആണ്

ഇന്ത്യയിലെ ടാക്സ്സ് ഫ്രീ ബോണ്ട്സ്സുകളും കമ്ബനികളും

കഴിഞ്ഞ കുറച്ചു വര്‍ഷങ്ങളായി സര്‍ക്കാര്‍ ഉടമസ്തതയിലുളള കമ്ബനികള്‍ വിപണികളിലെ പണം സമാഹരിക്കുന്നത് ടാക്സ്സ് ഫ്രീ ബോണ്ട്സ്സുകളിലൂടെ ആണ്. അഞ്ച് ടാക്സ്സ് ഫ്രീ ബോണ്ട്സ്സ് കമ്ബനികള്‍ ഇവിടെ പറയാം 1. ഇന്ത്യന്‍ റയില്‍വേ ഫിനാന്‍സ്സ് കോര്‍പ്പറേഷന്‍ 2. നാഷണല്‍ ഹൈവേയിസ്സ് അതോറിറ്റി ഓഫ് ഇന്ത്യ 3. HUDCO ടാക്സ്സ് ഫ്രീ ബോണ്ട്സ്സ് 4. റൂറല്‍ ഇലക്‌ട്രിഫിക്കേഷന്‍ കോര്‍പ്പറേഷന്‍ ഓഫ് ഇന്ത്യ 5.പവര്‍ ഫിനാന്‍സ് കോര്‍പ്പറേഷന്‍ ഇത് കൂടാതെ ഇന്ത്യയില്‍ സര്‍ക്കാര്‍ ഉടമസ്തതയിലുളള ടാക്സ്സ് ഫ്രീ കമ്ബനികള്‍ ഉണ്ട്. ടാക്സ്സ് ഫ്രീ ബോണ്ട്സ്സ് കമ്ബനികള്‍ ഓരോ വര്‍ഷവും പലിശ തരുന്നുണ്ട്, ആ പലിശയ്ക്ക് ടാക്സ്സ് അടയ്‌ക്കേണ്ടതില്ല. ഇന്ത്യയില്‍ ടാക്സ്സ് ഫ്രീ ബോണ്ട്സ്സുകള്‍ എങ്ങനെ വാങ്ങാം? ഇന്ത്യയിലെ ടാക്സ്സ് ഫ്രീ ബോണ്ട്സ്സുകള്‍ BSE യിലും NSCയിലും ലിസ്റ്റ് ചെയ്യപ്പെട്ടിട്ടുണ്ട്. നിങ്ങള്‍ വിപണികളില്‍ ഷെയറും NCDS ഉും വാങ്ങുന്നതുപോലെ ഇതും വാങ്ങം

ULIPS നിക്ഷേപത്തിന്റെ ഗുണങ്ങളും ദോഷങ്ങളും എന്തൊക്കെ?

യുണൈറ്റഡ് ലിങ്കിഡ് ഇന്‍ഷുറന്‍സ്സ് പ്ലാന്‍സ്സ് ( ULIPS) ഒരു ഇന്‍ഷുറന്‍സ്സ് പദ്ധതി കൂടാതെ ഓഹരി വിപണിയില്‍ നിക്ഷേപം നടത്തുവാനും സാധിക്കും. ഇതിലെ ഗുണങ്ങളും ചില ദോഷങ്ങളും നോക്കാം. ULIPS ന്റെ ഗുണങ്ങള്‍ എന്തൊക്കെ? ഇതിന്റെ ഒരു ഗുണം എന്തെന്നാല്‍, നിങ്ങള്‍ നിക്ഷേപിക്കുന്നതിന്റെ ഫണ്ട് അനുസരിച്ച്‌ റിട്ടേണ്‍സ്സ് കിട്ടുന്നതായിരിക്കും. ഇതില്‍ ടാക്സ്സ് ഫ്രീ ബോണസ്സ് ഉണ്ട്. അതായത് ഇതില്‍ കിട്ടുന്ന പലിശയ്ക്ക് ടാക്സ്സ് അടയ്‌ക്കേണ്ടതില്ല. മറ്റൊന്ന് ഇതില്‍ ഇന്‍ഷുറന്‍സ്സ് പ്‌ളാനും ലഭിക്കൂന്നുണ്ട്. ULIP യുടെ ദോഷങ്ങള്‍ എന്തൊക്കെ? നിങ്ങള്‍ ULIPS തിരഞ്ഞെടുത്ത് അതുവഴി ഓഹരി വിപണിയില്‍ പണം ബള്‍ക്കായി നിക്ഷേപിക്കുകയാണെങ്കില്‍ അതിന്റെ റിട്ടേണ്‍സിന് ഉറപ്പു പറയാന്‍ പറ്റില്ല. ULIPS ന്റെ മറ്റു സവിശേഷതകള്‍ ULIPS ല്‍ പാര്‍ഷ്യല്‍ വിട്രോവല്‍ നടത്താന്‍ സാധിക്കും. ഇതിലെ നിക്ഷേപം ഒരു ഫണ്ടില്‍ നിന്നും മറ്റൊരു ഫണ്ടിലേക്ക് മാറാവുന്നതാണ്. നിങ്ങള്‍ ഒരു പോളിസി എടുത്ത് അതില്‍ തൃപ്തികരം അല്ലെങ്കില്‍ 15 ദിവസത്തിനുളളില്‍ പിന്‍വലിക്കാവുന്നതുമാണ്

OTP ഉപയോഗിച്ച്‌ HDFC ഡെബിറ്റ് കാര്‍ഡ് പിന്‍ നമ്ബര്‍ എടുക്കാം?

HDFC ബാങ്ക് ഡെബിറ്റ് കാര്‍ഡ് ഉടമകള്‍ക്ക് പേഴ്‌സണല്‍ ഐഡന്റിഫിക്കേഷന്‍ നമ്ബര്‍ (PIN) പോസ്റ്റ് വഴി അയയ്ക്കുന്നതിനു പകരം ഇപ്പോള്‍ എസ്‌എംഎസ് വഴിയാണ് അയയ്ക്കുന്നത്. ഇതൊരു വണ്‍ ടൈം പാസ് വേഡ് (OTP) ആകുന്നു. ഇത് ബാങ്കില്‍ രജിസ്റ്റര്‍ ചെയ്തിരിക്കുന്ന മൊബൈല്‍ നമ്ബരിലേക്ക് ആകും അയയ്ക്കുന്നത്. OTP 48 മണിക്കൂറിനകം ലഭിക്കുന്നതാണ്. ഉപഭോക്ത്താക്കള്‍ അടുത്തുളള HDFC എടിഎം ല്‍ പോയി പിന്‍ നമ്ബര്‍ എടുക്കാവുന്നതാണ്. 1. രജിസ്റ്റര്‍ ചെയ്ത് മൊബയിലില്‍ OTP വന്നാല്‍ അടുത്തുളള HDFC ബാങ്ക് എടിഎം ല്‍ പോയി ഡബിറ്റ് കാര്‍ഡ് ഇന്‍സര്‍റ്റ് ചെയ്യുക. 2. ഭാഷ തിരഞ്ഞെടുക്കുക 3. 'ന്യൂ എടിഎം പിന്‍ യൂസിങ് OTP' എന്ന ഓപ്ഷന്‍ സലെക്റ്റ് ചെയ്യുക. 4. മൊബൈലില്‍ ലഭിച്ച OTP എന്റര്‍ ചെയ്യുക. 5. രജിസ്റ്റര്‍ ചെയ്ത മൊബൈല്‍ നമ്ബര്‍ എന്റര്‍ ചെയ്യുക. 6. നിങ്ങളുടെ സ്വന്തം നാല് അക്ക പിന്‍ നമ്ബര്‍ എന്റര്‍ ചെയ്യുക.

നമ്മുടെ കറന്‍സി നോട്ടില്‍ എത്ര ഭാഷ ഉണ്ടെന്ന് അറിയാമോ?

കറന്‍സി നോട്ടുകളില്‍ നോട്ടിന്റെ മൂല്യം വിവിധ ഭാഷകളില അക്ഷരത്തില് എഴുതിയിട്ടുണ്ടാകുമല്ലോ? എത്ര ഭാഷകളില് ഇത് എഴുതിയിട്ടുണ്ടെന്നു ശ്രദ്ധിച്ചിട്ടുണ്ടോ? ഏതൊക്കെ ഭാഷകളാണ് അതെന്നും അറിയാമോ? 17 ഭാഷകളില റന്‌സി നോട്ടില് നോട്ടിന്റെ മൂല്യം അച്ചടിച്ചിട്ടുണ്ടാകും. മലയാളമടക്കമുള്ളവ ഇതില്‍ ഉണ്ട്. ഹിന്ദിയും ഇംഗ്ലിഷും നോട്ടിന്റെ മുന്‍ഭാഗത്തും മറുവശത്തുമായി അച്ചടിച്ചിട്ടുണ്ടും. മറ്റു ഭാഷകള്‍ ലാങ്വേജ് പാനല്‍ എന്ന ഭാഗത്താണുള്ളത്. രാജ്യത്തെ പ്രാദേശിക ഭാഷകള്‍ ഇംഗ്ലിഷ് അക്ഷരമാലാ ക്രമത്തിലാണ് എഴുതിയിട്ടുള്ളത്. ആസാമീസ്, ബംഗാളി, ഗുജറാത്തി, കന്നഡ, കാശ്മീരി, കൊങ്കണി, മലയാളം, മറാത്തി, നേപ്പാളി, ഒറിയ, പഞ്ചാബി, സംസ്‌കൃതം, തമിഴ്, തെലുങ്ക്, ഉറുദു എന്നീ ക്രമത്തിലാണ് ഭാഷകള്‍ ഇതു വിന്യസിച്ചിരിക്കുന്നത്

സേവിംഗ്‌സ് അക്കൗണ്ടും കറന്റ് അക്കൗണ്ടും തമ്മിലുളള വ്യത്യാസങ്ങള്‍ എന്തെല്ലാം?

ATM ല്‍ നിന്നും പണം പിന്‍വലിക്കുമ്ബോള്‍ അനേകം പേര്‍ക്ക് സേവിംസ് അക്കൗണ്ടും കറന്റ് അക്കൗണ്ടും തമ്മില്‍ ആശയക്കുഴപ്പത്തില്‍ ആകാറുണ്ട്. ഇത് രണ്ടും വ്യത്യസ്ത ആവശ്യങ്ങള്‍ക്കു വേണ്ടിയുളള അക്കൗണ്ടുകള്‍ ആകുന്നു. നമുക്ക് ഇതിന്റെ വ്യത്യാസങ്ങള്‍ നോക്കാം സേവിംഗ്‌സ് അക്കൗണ്ട് പേര് സൂചിപ്പിക്കുന്നതു പോലെ തന്നെ ഈ അക്കൗണ്ട് സേവിംഗ്‌സിനു വേണ്ടിയുളളതാണ്. വ്യക്തികള്‍ക്ക് ഇത് ഒറ്റയ്‌ക്കോ ജോയിന്റ് ആയിട്ടോ അക്കൗണ്ട് തുറക്കാം. ചില പൊതുമേഖലാ ബാങ്കുകളില്‍ 1000 രൂപയും സ്വകാര്യ ബാങ്കുകളില്‍ 10,000 രൂപയും മിനിമം ബാലന്‍സ് നിലനിര്‍ത്തണം. സേവിംഗ്‌സ് അക്കൗണ്ടില്‍ സാമ്ബത്തിക ഇടപാടുകള്‍ ഒരു പരിധി വരെ മാത്രമേ നടത്താന്‍ പാടുളളു. കറന്റ് അക്കൗണ്ടിനെ അപേക്ഷിച്ച്‌ ഇതില്‍ പലിശ നിരക്ക് കൂടുതലാണ്. ഒരു വര്‍ഷം ഒരു ലക്ഷം രൂപയോ അതിലധികമോ ട്രാന്‍സാക്ഷന്‍സ്സ് നടത്തുകയാണെങ്കില്‍ IT ഡിപ്പാര്‍ട്ട്‌മെന്റില്‍ വിവരം അറിയിക്കണം. നിരവധി ട്രാന്‍സാക്ഷന്‍സ്സും ചെക്കുകളും കൈമാറുമ്ബോള്‍ ബാങ്കുകാര്‍ക്ക് നിങ്ങളുടെ വരുമാനത്തെ ചോദ്യം ചെയ്യാന്‍ അവകാശം ഉണ്ട്. കറന്റ് അക്കൗണ്ട് കറന്റ് അക്കൗണ്ട് പ്രധാനമായിട്ടും ബിസിനസ്സ്  രംഗത്തുളളവര്‍ക്കും പബ്‌ളിക്ക് എന്റര്‍പ്രൈസസ്സ് തുടങ്ങിയവര്‍ക്കും വേണ്ടിയാണ്. ദിവസേന ബിസിനസ്സ് ട്രാന്‍സാക്ഷന്‍സ്സ് ചെയ്യുന്നവര്‍ക്ക് ഇത് വളരെ ഉപയോഗപ്രദമാണ്. ഈ അക്കൗണ്ടില്‍ വരുന്ന തുകയ്ക്ക് പലിശ ഇല്ല. അതുപോലെ ട്രാന്‍സാക്ഷന്‍സ്സിന് പരിധിയുമില്ല

ടേം ഇന്‍ഷുറന്‍സ്സും എന്‍ഡോവ്‌മെന്റ് ഇന്‍ഷുറന്‍സ്സും തമ്മിലുളള വ്യത്യാസങ്ങള്‍ എന്തൊക്കെ?

ഒരു കുടുംബത്തിന്റെ വരുമാന സ്രോതസ്സായ വ്യക്തിക്ക് എന്തെങ്കിലും സംഭവിക്കുകയാണെങ്കില്‍ ആ കുടുംബത്തിന്റെ സാമ്ബത്തിക നില തകിടം മറിയുന്നതാണ്. അതുകൊണ്ട് നമ്മുടെ കുടുംബത്തിന്റെ നിലനില്‍പ്പിനു വേണ്ടി ഒരു ഇന്‍ഷുറന്‍സ്സ് കൂടിയേ തീരു. ഇവിടെ നമുക്ക് രണ്ട് ഇന്‍ഷുറന്‍സ്സിന്റെ വ്യത്യാസങ്ങള്‍ നോക്കാം. ടേം ഇന്‍ഷുറന്‍സ്സ് ടേം ഇന്‍ഷുറന്‍സ്സ് ഒരു ലൈഫ് ഇന്‍ഷുറന്‍സ്സാണ്. ഇതില്‍ ഇന്‍ഷുറന്‍സ്സ് പോളിസി കാലയളവു വരെ മാത്രമേ കവറേജ് ലഭിക്കുക ഉളളു. ഇതില്‍ ഡത്ത് ബനിഫിറ്റ് കിട്ടുന്നതായിരിക്കും. പോളിസി ഉടമ മരണപ്പെട്ടാല്‍ നോമിനിക്ക് സം അഷ്യൂര്‍ഡ് ലഭിക്കുന്നതായിരിക്കും. ടേം ഇന്‍ഷുറന്‍സ്സിന്റെ പ്രീമിയം ചാര്‍ജ്ജ് എന്‍ഡോവ്‌മെന്റ് പ്‌ളാനിനേക്കാള്‍ കുറവായിരിക്കൂം. എന്‍ഡോവ്‌മെന്റ് ഇന്‍ഷുറന്‍സ്സ് എന്‍ഡോവ്‌മെന്റ് ഇന്‍ഷുറന്‍സ്സ് ഒരു ഇന്‍ഷുറന്‍സ്സ്-ഇന്‍വെസ്റ്റ്‌മെന്റ് സമ്മിശ്രിതമാണ്. ഇതില്‍ ഡത്ത് ബനിഫിറ്റും മെച്ച്‌യൂരിറ്റി ബനിഫിറ്റും ലഭിക്കുന്നതാണ്. എന്‍ഡോവ്‌മെന്റ് പ്‌ളാനിന്റെ പ്രീമിയം ടേം പ്‌ളാനുകളേക്കാള്‍ ഉയര്‍ന്നതാണ്. ഇതില്‍ കൃത്യമായി അടവുകള്‍ അടയ്ക്കാന്‍ ശ്രമിക്കുക. എങ്കില്‍ അവസാനം വലിയ ഒരു നിക്ഷേപ തുക കിട്ടുന്നതായിരിക്കും. ഈ തുക നിങ്ങളുടെ കുട്ടിയുടെ വിദ്യാഭ്യാസത്തിനോ വിവാഹത്തിനോ നിങ്ങള്‍ക്ക് ഒരു വീടു വയ്ക്കാനോ ഉപയോഗപ്പെടുന്നതായിരിക്കും.

അറിഞ്ഞോ പിഎഫ് തുക നേരിട്ട് പിന്‍വലിക്കാം

ബാങ്കില്‍ ഫിക്‌സഡ് ഡിപ്പോസിറ്റുകള്‍ ഒരു കാലാവധി വരെ ആണ് ഇടുന്നത്. അതിനു മുന്‍പ് പിന്‍വലിക്കുകയാണെങ്കില്‍ പെനാല്‍റ്റി അടയ്‌ക്കേണ്ടി വരും. എന്നാല്‍ ചില ബാങ്കുകള്‍ പെനാല്‍റ്റി ഈടാക്കുന്നതും ഇല്ല. സാധാരണ ബാങ്കുകള്‍ ഒരു ശതമാനം ആയിരിക്കും പെനാല്‍റ്റി ഈടാക്കുന്നത്. സ്ഥിരനിക്ഷേപം കാലാവധിക്കു മുന്‍പ് പിന്‍വലിക്കുമ്ബോള്‍ പെനാല്‍റ്റി അടയ്‌ക്കേണ്ടതില്ലാത്ത ബാങ്കുകള്‍ ഇവിടെ പറയാം. IDBI ബാങ്ക് ഫ്രീഡം ഡിപ്പോസിറ്റ്സ്സ് IDBI ബാങ്കില്‍ ഫ്രീഡം ഡിപ്പോസിറ്റ്സ്സ് കാലാവധിക്ക് മുന്‍പ് പിന്‍വലിക്കുകയാണെങ്കില്‍ പെനാല്‍റ്റി ഈടാക്കുകയില്ല. അങ്ങനെ നിങ്ങള്‍ക്ക് ആ ഒരു ശതമാനം സേവ് ചെയ്യാം. ഈ ബാങ്കില്‍ 15 ദിവസം മുതല്‍ 20 വര്‍ഷം വരെയുളള കാലാവധിയില്‍ മിനിമം 10,000 രൂപ വരെ നിക്ഷേപിക്കാം. എസ്സ് ബാങ്ക് ഫിക്‌സഡ് ഡിപ്പോസിറ്റ്സ്സ് എസ്സ് ബാങ്ക് ഫിക്‌സഡ് ഡിപ്പോസിറ്റ്സ്സിലും IDBI ബാങ്ക് പോലെ തന്നെ പ്രിമെച്ച്‌വര്‍ വിഡ്രോവലിന് ഫീസ് ഈടാക്കുന്നതല്ല. ഇതിലും നിങ്ങക്ക് ഒരു ശതമാനം വരെ സേവ് ചെയ്യാം. ഈ ബാങ്കിലെ പലിശ നിരക്ക് 7.95% ആണ്

പ്രൊവിഡന്റ് ഫണ്ട് ഇടപാടുകള്‍ പൂര്‍ണമായും ഓണ്‍ലൈനാക്കുന്നതിന് മുന്നോടിയായി പി.എഫ് തുക പിന്‍വലിക്കാനുള്ള അപേക്ഷ തൊഴിലുടമയുടെ സാക്ഷ്യമുദ്രയില്ലാതെ ഓണ്‍ലൈനായി നേരിട്ടുനല്‍കാന്‍ അപേക്ഷകന് എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന്റെ (ഇ.പി.എഫ്.ഒ.) അനുമതി. നിലവിലെയോ മുമ്ബത്തെയോ തൊഴിലുടമവഴി വേണം ഇപ്പോള്‍ അപേക്ഷ സമര്‍പ്പിക്കാം. ഇതിനുള്ള ഫോമുകളില്‍ തൊഴിലുടമയുടെ ഒപ്പും സീലും നിര്‍ബന്ധമാണ് എന്നുമാത്രം. ഇതില്ലാതെ അപേക്ഷ സമര്‍പ്പിക്കാം എന്നതാണ് പുതിയരീതിയുടെ മെച്ചം. യൂണിവേഴ്‌സല്‍ അക്കൗണ്ട് നമ്ബറുമായി (യു.എ.എന്‍.) ബാങ്ക് അക്കൗണ്ട് നമ്ബര്‍, ആധാര്‍നമ്ബര്‍ എന്നിങ്ങനെയുള്ള കെ.വൈ.സി. വിവരങ്ങള്‍ ബന്ധിപ്പിച്ചിട്ടുള്ളവര്‍ക്ക് ഈ സേവനം ഉപയോഗപ്പെടുത്താം. ഇവര്‍ക്ക് ഫോം19ഫോംഐ.ഒ.സി, ഫോം 31 എന്നിവവഴി നേരിട്ട് പി.എഫ്. കമ്മിഷണര്‍ക്ക് തൊഴിലുടമയുടെ സാക്ഷ്യമുദ്രയില്ലാതെ അപേക്ഷനല്‍കാം. ഓണ്‍ലൈനായല്ലാതെ അപേക്ഷിക്കുന്നവര്‍ 19 യു.എ.എസ്, എല്‍0 സി യു.എ.എന്‍., 31 യു.എ.എന്‍. എന്നീ പുതിയ ഫോമുകളില്‍ അപേക്ഷിക്കണം. തൊഴിലുടമയുടെ സാക്ഷ്യമുദ്ര ഇതില്‍ വേണ്ട. 5.65 കോടിപ്പേര്‍ക്കാണ് യു.എ.എന്‍. നല്‍കിയിരിക്കുന്നത്.2.13 കോടി ഉപഭോക്താക്കള്‍ അവരുടെ യു.എ.എന്‍. പ്രവര്‍ത്തനസജ്ജമാക്കിയിട്ടുണ്ടെന്ന് ഇ.പി.എഫ്.ഒ. വെബ്‌സൈറ്റ് പറയുന്നത്.

PPF ല്‍ നിന്നും നിങ്ങളുടെ റിട്ടേണ്‍സ്സ് എങ്ങനെ വര്‍ദ്ധിപ്പിക്കാം?

പബ്‌ളിക്ക് പ്രോവിഡന്റ് ഫണ്ട് (PPF) ഒരു നിക്ഷേപ പദ്ധതിയാണ്. ഇത് ആദായ നികുതി നിയമത്തിലെ സെക്ഷന്‍ 80C പ്രകാരം നികുതി അടയ്‌ക്കേണ്ടതില്ല. റിട്ടേണ്‍സ്സ് എങ്ങനെ വര്‍ദ്ധിപ്പിക്കാം എന്നു നോക്കാം. 1. ഡിപ്പോസിറ്റ് ലമ്ബ്‌സം PPF ല്‍ പതിവായി ചെറിയ അളവില്‍ നിക്ഷേപിക്കാന്‍ അനുവദിക്കുന്നതാണ്. പണം നിക്ഷേപിക്കാന്‍ തുടങ്ങുമ്ബേള്‍ അഞ്ചാം തീയതിക്കുളളില്‍ നിക്ഷേപം തുടങ്ങുന്നത് നല്ലതാണ്. ഏറ്റവും അനുയോജ്യ ൃമായത് ഏപ്രില്‍ അഞ്ചിനാണ്. 2.ഓണ്‍ ലൈന്‍ സൗകര്യമുളള ബാങ്കുകള്‍ നോക്കുക ഓണ്‍ ലൈന്‍ ട്രാന്‍സ്ഫര്‍ സൗകര്യമുള്ള ബാങ്കില്‍ PPF അക്കൗണ്ട് തുറക്കുന്നതാണ് നല്ലത്. ഇത് പെട്ടെന്നുളള റമിറ്റന്‍സിന് ഉപയോഗമാകും. 3.നിക്ഷേപ പരിധി PPF ല്‍ ഒരു വര്‍ദ്ധിച്ച തുക നിക്ഷേപിക്കാം എന്ന് 2014 യൂണിയന്‍ ബഡ്ജറ്റില്‍ പ്രഖ്യാപിച്ചിട്ടുണ്ട്. അതുകൊണ്ട് ഇതില്‍ ഒന്നര ലക്ഷം വരെ നികുതി ആനുകൂല്യത്തോടുകൂടി അടയ്ക്കാവുന്നതണ്. ഇത് ഗവണ്‍മെന്റിന്റെ കിഴിലുളള നിക്ഷേപപദ്ധതിയാണ്. അതിനാല്‍ ഇതില്‍ കൃത്യമായി നികുതി ഇളവോടുകൂടി പലിശ കിട്ടുന്നതുമായിരിക്കും.

നിങ്ങള്‍ക്ക് ക്രെഡിറ്റ് കാര്‍ഡ് വേണോ?

നിങ്ങള്‍ക്ക് ക്രെഡിറ്റ് കാര്‍ഡ് ഉണ്ടോ? ഒരു ക്രെഡിറ്റ് കാര്‍ഡ് എന്നത് നിങ്ങളുടെ സ്വപ്‌നങ്ങളില്‍ ഒന്നായേക്കാം. എന്നാല്‍ ഇതിനായി ബാങ്കുകള്‍ മുന്നോട്ടു വെയ്ക്കുന്ന നിബന്ധനകള്‍ കുറച്ച്‌ കട്ടിയുള്ളതായി തോന്നിയേക്കാം. ഇത് നിരാശപ്പെടുത്താറുമുണ്ടാകും. എന്നാല്‍ ചില ബാങ്കുകള്‍ ക്രെഡിറ്റ് കാര്‍ഡിനായി ചില നിര്‍ദ്ദേശങ്ങള്‍ മുന്നോട്ടുവെച്ചിട്ടുണ്ട്. ബാങ്കില്‍ ഒരു നിശ്ചിത തുക ഫിക്‌സഡ് നിക്ഷേപിക്കുക. അതിന്റെ ഗ്യാരണ്ടിയില്‍ നിങ്ങള്‍ക്ക് ക്രെഡിറ്റ് കാര്‍ഡ് ബാങ്കുകള്‍ അനുവദിക്കുന്നതായിരിക്കും. പ്രധാനമായും ഐസിഐസിഐ, എച്ച്‌ഡിഎഫ്‌സി, ആക്‌സിസ് ബാങ്ക്, എസ്ബിഐ അഡ്വാന്റേജ് പ്ലസ് കാര്‍ഡ് എന്നിവയാണ് ഈ സേവനം നല്‍കുന്നത്. ഫിക്‌സഡ് ഡിപ്പോസിറ്റിന്റെ 85 ശതമാനമായിരിക്കും നിങ്ങളുടെ ക്രെഡിറ്റ് ലിമിറ്റ്. ചെറിയൊരു പലിശനിരക്കും ഉണ്ടാകും. തിരിച്ചടവില്‍ വീഴ്ച വരുത്തിയാല്‍ അത് സ്വാഭാവികമായും ഫിക്‌സഡ് ഡിപ്പോസിറ്റില്‍ നിന്നും പിടിയ്ക്കും. ചുരുക്കത്തില്‍ കാര്‍ഡ് കൈയിലുള്ളിടത്തോളം കാലം ഫിക്‌സഡ് ഡിപ്പോസിറ്റ് ബ്രെയ്ക്ക് ചെയ്യാന്‍ സാധിക്കും എന്ന കാര്യം മറക്കരുത്. പലതരത്തിലുള്ള ബില്‍ പെയ്‌മെന്റിനും ഓണ്‍ലൈന്‍ പര്‍ച്ചേസിനും ഷോപ്പിങിനും ക്രെഡിറ്റ് കാര്‍ഡുകള്‍ ഏറെ സൗകര്യമാണ്. പിന്നെ നിങ്ങളുടെ ഫിക്‌സഡ് ഡിപ്പോസിറ്റിനുള്ള പലിശ കിട്ടുകയും ചെയ്യും

കാര്‍ ലോണ്‍ ആപ്‌ളിക്കേഷന്‍സ് എന്തുകൊണ്ട് റിജെക്റ്റ് ചെയ്യുന്നു?

ബാങ്കുകളും ധനകാര്യ സ്ഥാപനങ്ങളും ലളിതമായ ഫിനാന്‍ഷ്യല്‍ സ്‌കീമുകള്‍ കാറുകള്‍ വാങ്ങാന്‍ നല്‍കുന്നുണ്ട്. എന്നാല്‍ പലപ്പോഴും ബങ്കുകാര്‍ മാന്യമായ ശമ്ബളം വാങ്ങുന്ന വ്യക്തികളായാലും അവരുടെ കാര്‍ ലോണ്‍ അപേക്ഷകള്‍ നിരസിക്കാറുണ്ട്. ഇതിന്റെ പ്രധാനപ്പെട്ട ഒരു കാര്യം, കുറഞ്ഞ ക്രഡിറ്റ് സ്‌കോര്‍ ആണ്. ക്രഡിറ്റ് സ്‌കോര്‍ എന്തെന്നാല്‍ ക്രഡിറ്റ് കാര്‍ഡ് ഉപയോഗിക്കുന്ന ഒരു വ്യക്തിയുടെ ക്രഡിറ്റ് ഹിസ്റ്ററി നോക്കി ക്രഡിറ്റ് ബ്യൂറോകള്‍ തീരുമാനിക്കുന്നതാണ്. ഇതൊരു 300-900 ത്തില്‍ ഇടയിലുളള മൂന്ന് അക്ക സംഖ്യയാണ്. ഇന്ത്യയിലെ ക്രഡിറ്റ് ബ്യൂറോസ് അണ് CIBIL, എക്‌സ്പീര്യന്‍, ഇക്വിഫാക്‌സ്. നിങ്ങളുടെ കാര്‍ ലോണ്‍ ആപ്‌ളിക്കേഷന്‍സ് റിജെക്റ്റ് ചെയ്യാതിരിക്കണമെങ്കില്‍ ക്രഡിറ്റ് ഹിസ്റ്ററി നിലനിര്‍ത്താന്‍ ശ്രമിക്കുക. നിങ്ങളുടെ അശ്രദ്ധകാരണം ക്രഡിറ്റ് സ്‌കോര്‍ കുറഞ്ഞ് സാമ്ബത്തികത്തെ ബാധിക്കുകയാണെങ്കില്‍ എത്രയും പെട്ടെന്ന് നിങ്ങളുടെ സാമ്ബത്തികത്തെ പുന:സ്ഥാപിപ്പിക്കാന്‍ ശ്രമിക്കുക. അടുത്ത കാരണം എന്തെന്നാല്‍, നിങ്ങള്‍ക്ക് ഒന്നിലധികം ലോണുകള്‍ ഉണ്ടെന്ന് ബാങ്കുകാര്‍ അറിയുമ്ബോള്‍ പുതിയ ലോണിനെ ഇത് ബാധിക്കുമെന്ന് കരുതി നിങ്ങളുടെ ആപ്‌ളിക്കേഷന്‍സ് റിജെക്റ്റ് ചെയ്യാവുന്നതാണ്. നിങ്ങളുടെ ജോലി സ്ഥിരതയും മറ്റു ഘടകങ്ങളും ഉള്‍പ്പെടുത്തി വ്യക്തികള്‍ക്ക് ലോണ്‍ തിരിച്ചടയ്ക്കുന്നതിനുളള കഴിവ് നിര്‍ണ്ണയിക്കുന്നതുമാണ്.

ടാക്സ്സ് സേവിങ്സ്, യുഎല്‍ഐപിഎസ് പിപിഎഫ് താരതമ്യം

ടാക്സ്സ് സേവിങ്സ് ഫിക്സ്സഡ് ഡിപ്പോസിറ്റുകള്‍ തുറക്കാന്‍ നിങ്ങള്‍ ആഗ്രഹിക്കുന്നുണ്ടെങ്കില്‍ ഏറ്റവും നല്ലത് യുണൈറ്റഡ് ലിങ്കിഡ് ഇന്‍ഷുറന്‍സ്സ് പ്‌ളാന്‍സ് (ULIPS) ഉം പബ്‌ളിക് പ്രൊവിഡന്റ് ഫണ്ട് (PPF) ഉം ആണ്. ഇതിനെ രണ്ടിനേയും നമംക്ക് താരതമ്യം ചെയ്യാം. PPF ന് ഇന്‍ഷുറന്‍സ്സ് കവറേജ് നല്‍കുന്നില്ല PPF നെ വച്ച്‌ നോക്കുമ്ബോള്‍ ULIPS നല്‍കുന്ന വലിയ ഒരു ഗുണമാണ് ഇന്‍ഷുറന്‍സ്സ് കവറേജ്. ഒരു വര്‍ഷം 50,000 രൂപ ഇന്‍വെസ്റ്റ് ചെയ്താല്‍ അഞ്ച് ലക്ഷം രൂപ വരെ കവറേജ് കിട്ടുന്നതായിരിക്കും. റിട്ടേണ്‍സ്സ് PPF ല്‍ ഒരു വര്‍ഷം കൃത്യമായ പലിശ കിട്ടുന്നതാണ്. അത് എത്രയാണെന്ന് സര്‍ക്കാര്‍ തീരുമാനിക്കും. അതുകൊണ്ട് ആദ്യവര്‍ഷം പലിശ 8.7% ആണെങ്കില്‍ അടുത്ത വര്‍ഷം അതില്‍ മാറ്റമുണ്ടാകാം. ULPIS ല്‍ നിങ്ങളുടെ നിക്ഷേപം ആശ്രയിച്ചിരിക്കും അതിന്റെ റിട്ടേണ്‍സ്സ്. ടാക്സ്സ് ULIPS നും PPFനും ടാക്സ്സ് ബനിഫിറ്റുകള്‍ ഉണ്ട്. ഇതിന് കിട്ടുന്ന പലിശക്കും ടാക്സ്സ് ബനിഫിറ്റ് ഉണ്ട്. ലിക്വുഡിറ്റി ULPIS ല്‍ ഒരു വര്‍ഷം കഴിഞ്ഞാല്‍ പണം പിന്‍വലിക്കാവുന്നതാണ്. PPF ല്‍ ഏഴ് വര്‍ഷം കഴിഞ്ഞാല്‍ പകുതി പണം പിന്‍വലിക്കാം. മുഴുവന്‍ പണവും പിന്‍വലിക്കണമെങ്കില്‍ 15 വര്‍ഷം കഴിയണം

എന്താണ് ടാക്സ്സ് സേവര്‍ ഫിക്‌സഡ്ഡ് ഡിപ്പോസിറ്റ്?

ഇന്ത്യക്കാര്‍ക്ക് വളരെ വിലമേന്‍മയുളള ഒരു നിക്ഷേപമാണ് ഫിക്‌സഡ്ഡ് ഡിപ്പോസിറ്റ്. ഇത് വളരെ സുരക്ഷിതവും പലിശ കൂടുതല്‍ കിട്ടുന്നതുമാണ്. ബാങ്ക് നിക്ഷേപങ്ങള്‍ക്കു പുറമേ പല ബാങ്കുകാരും ടാക്സ്സ് സംരക്ഷിച്ച്‌ ഇന്‍കം ടാക്സ്സ് ആക്‌ട് സെക്ക്ഷന്‍ 80സി പ്രകാരം ടാക്സ്സ് സേവര്‍ ഫിക്‌സഡ്ഡ് ഡിപ്പോസിറ്റ് തുടങ്ങിയിട്ടുണ്ട്. ഹിന്ദു അണ്‍ഡിവൈഡഡ് ഫാമിലി (HUF), സീനിയര്‍ സിറ്റീസണ്‍സ്സ്, NRI ഇവര്‍ക്ക് ഇത് തുറക്കാന്‍ അര്‍ഹതയുണ്ട്. ടാക്സ്സ് സേവര്‍ ഫിക്‌സഡ്ഡ് ഡിപ്പോസിറ്റ് ഇതിന് രണ്ട് ആനുകൂല്യങ്ങള്‍ ആണ് ഉളളത്. ഒന്ന് നികുതി ഇളവ് മറ്റൊന്ന് സുരക്ഷിതമായ റിട്ടേണ്‍സ്സ്. ഒരു വര്‍ഷം ടാക്സ്സ് സേവര്‍ ഫിക്‌സഡ്ഡ് ഡിപ്പോസിറ്റില്‍ 150,000 രൂപയാണ് മിനിമം ഡിപ്പോസിറ്റ് ചെയ്യേണ്ടത്. ഇതിന്റെ ലോക്ക് ഇന്‍ പിരീഡ് അഞ്ച് വര്‍ഷമാണ്. ഈ തുക മറ്റൊരു ആവശ്യത്തിനും എടുക്കാന്‍ സാധിക്കില്ല. പലിശ നിരക്ക് നിലവിലുളള പലിശ നിരക്ക് പോലെ തന്നെ ഇതിനും ബാധകമായിരിക്കും. മുതിര്‍ന്ന പൗരന്‍മാര്‍ക്ക് ഉയര്‍ന്ന പലിശ നിരക്കിന് അര്‍ഹരാണ്. TDS ബാധകമാണ് ഒരൂ വര്‍ഷം 10,000 ത്തില്‍ കൂടുതല്‍ പലിശ കിട്ടുന്നുണ്ടെങ്കില്‍ TDS ബാധകമാണ്. ബാങ്കുകാര്‍ 10% ആണ് TDS ആയി ഈടാക്കുന്നത്. അക്കൗണ്ടില്‍ പാന്‍ കാര്‍ഡ് നമ്ബര്‍ ചേര്‍ക്കുക. ഇല്ലെങ്കില്‍ TDS 20% ഈടാക്കുന്നതായിരിക്കും.

ഇന്ത്യയിലെ ഏറ്റവും മികച്ച ലോംങ് ടേം ഇന്‍വെസ്റ്റുമെന്റുകള്‍

ഷോര്‍ട്ട് ടേം ഇന്‍വെസ്റ്റുമെന്റിനേക്കാളും വളരെ ശ്രദ്ധയോടെ തിരഞ്ഞെടുക്കണം ലോംങ് ടേം ഇന്‍വെസ്റ്റുമെന്റുകള്‍. ഇതിന്റെ കാലാവധി നീണ്ടതായിരിക്കും അതിനാല്‍ റിസ്‌ക്കുകളേയും ടാക്‌സുകളേയും കുറിച്ച്‌ ഉറപ്പു വരുത്തണം. ലോംങ് ടേം ഇന്‍വെസ്റ്റുമെന്റുകള്‍ പബ്‌ളിക് പ്രൊവിഡന്റ് ഫണ്ട് (PPF) നിരവധി മികച്ച കാരണങ്ങള്‍ കൊണ്ട് ഇതൊരു നല്ല ഇന്‍വെസ്റ്റ്‌മെന്റാണ്. ഒരു വര്‍ഷം ഒന്നര ലക്ഷം രൂപ വരെ ഇന്‍കം ടാക്സ്സ് ആക്‌ട് 80സി പ്രകാരം ടാക്സ്സ് ഇളവ് ലഭിക്കുന്നതായിരിക്കും. ബാങ്ക് ഡിപ്പോസിറ്റുകളേക്കാള്‍ മികച്ച പലിശ PPF ല്‍ കിട്ടുന്നതാണ്. ഇതിന് സര്‍ക്കാര്‍ തുണയുളളതുകൊണ്ട് വളരെ സുരക്ഷിതവുമാണ്. PPF 15 വര്‍ഷം കാലാവധി വരെ തുടരാം. ഇതിന്റെ ഒരു അസൗകര്യം എന്നു പറയുന്നത് ലോക്ക് ഇന്‍ പിരീഡ് ഏഴ് വര്‍ഷം ആണ്. യുണൈറ്റഡ് ലിങ്കിഡ് ഇന്‍ഷുറന്‍സ്സ് പ്‌ളാന്‍സ്സ് (ULIPS) PPF ന് ഇല്ലാത്ത ആനുകൂല്യങ്ങള്‍ ഇതിനുണ്ട്. ഇതിന് ഇന്‍ഷുറന്‍സ്സ് കവറേജും അതിനു പുറമേ ഓഹരിയില്‍ പണനിക്ഷേപം നടത്താവുന്നതും ആണ്. ഇതിന്റ ഒരു അസൗകര്യം എന്നു പറഞ്ഞാല്‍ ഇന്‍ഷുറന്‍സ്സ് പ്രീമിയം തുകയില്‍ നിന്നും കുറഞ്ഞ ചാര്‍ജ്ജ് ഈടാക്കുന്നതായിരിക്കും. അതു കഴിഞ്ഞ് ബാക്കി വരുമാനം ലഭിക്കുന്നതുമാണ്. ടാക്സ്സ് ഫ്രീ ബോണ്ട്സ്സ് ടാക്സ്സ് ഫ്രീ ബോണ്ടുകള്‍ ഓരോ വര്‍ഷവും വാഗ്ദാനം ചെയ്യുന്ന പലിശക്ക് ടാക്സ്സ് അടയ്‌ക്കേണ്ടതില്ല. ബാങ്ക് ഡിപ്പോസിറ്റിന്റെ പലിശക്ക് ടാക്സ്സ് അടയ്‌ക്കേണ്ടിവരും. ഇപ്പോള്‍ സര്‍ക്കാര്‍ ഉടമസ്തതയിലൂളള പല കമ്ബനികളും ടാക്സ്സ് ഫ്രീ ബോണ്ട് അയിരിക്കും. അതുകൊണ്ട് ഈ ടാക്സ്സ് ഫ്രീ ബോണ്ടുകള്‍ ഇന്ത്യയിലെ ദീര്‍ഘകാല നിക്ഷേപങ്ങളില്‍ സുരക്ഷിതമായ ഒന്നാണ്

ഇപിഎഫ് ബാലന്‍സ് അറിയണോ?

നിങ്ങള്‍ക്ക് എംപ്ലോയീസ് പ്രോവിഡന്റ് ഫണ്ട് (ഇപിഎഫ്) ബാലന്‍സ് അറിയണോ? എന്നാല്‍ ഇനി അതിനായി ഒരുപാട് കഷ്ടപ്പെടണ്ട. ഇനി ഒരു എസ്‌എംഎസ് അല്ലെങ്കില്‍ ഒരു മിസ്ഡ് കോള്‍ മാത്രം മതി. വിശദമായ പാസ്ബുക്ക് പരിശോക്കാധിക്കാന്‍ മൊബൈല്‍ ആപ്പും റെഡിയാണ്. അംഗങ്ങള്‍ക്ക് യൂണിവേഴ്‌സല്‍ അക്കൗണ്ട് നമ്ബര്‍ (യുഎഎന്‍) നടപ്പാക്കിക്കൊണ്ടു കഴിഞ്ഞ വര്‍ഷം ഇപിഎഫ്‌ഒ തുടക്കമിട്ട പരിഷ്‌കാരങ്ങളുടെ തുടര്‍ച്ചയാണു പുതിയ സംവിധാനങ്ങള്‍. ഇപിഎഫ്‌ഒയുടെ പോര്‍ട്ടലില്‍ (uanmembers.epfoservices.in) മൊബൈല്‍ നമ്ബര്‍ സഹിതം യുഎഎന്‍ ആക്ടിവേറ്റ് ചെയ്തിട്ടുള്ളവര്‍ക്കാണു പുതിയ മിസ്ഡ് കോള്‍, എസ്‌എംഎസ് സൗകര്യങ്ങള്‍ ലഭിക്കുക. മിസ്ഡ് കോള്‍വഴി ബാലന്‍സ് അറിയാനുള്ള നമ്ബര്‍: 011 22901406. മറുപടി എസ്‌എംഎസിലൂടെ ലഭിക്കും. ഏറ്റവും ഒടുവിലത്തെ പിഎഫ് ബാലന്‍സിനു പുറമെ, പേര്, ജനന തീയതി, പിഎഫ് അക്കൗണ്ട് നമ്ബര്‍, കെവൈസി (നോ യുവര്‍ കസ്റ്റമര്‍) വിവരമായി നല്‍കിയിരിക്കുന്ന രേഖയുടെ നമ്ബര്‍ എന്നിവയും ഇതിലുണ്ടായിരിക്കും. എസ്‌എംഎസ് വഴി ബാലന്‍സ് അറിയാനുള്ള നമ്ബര്‍: 77382 99899. അയയ്‌ക്കേണ്ട മെസേജ് ഇങ്ങനെയാണ്: EPFOHO സ്‌പേസ് UAN സ്‌പേസ് ENG. ഇതില്‍ മൂന്നാമത്തേത് ഏതു ഭാഷയില്‍ മറുപടി വേണമെന്നതാണ്. ഇംഗ്ലിഷില്‍ മറുപടി ലഭിക്കാന്‍ ENGഎന്നും മലയാളത്തില്‍ ലഭിക്കാന്‍ ങഅഘ എന്നും അടിച്ചാല്‍ മതി. പത്തു ഭാഷകളില്‍ എസ്‌എംഎസ് ലഭ്യമാണ്. യുഎഎന്‍ എന്നതിനു പകരം നമ്ബര്‍ ചേര്‍ക്കരുത്. റജിസ്റ്റര്‍ ചെയ്ത മൊബൈല്‍ നമ്ബറുമായി ബന്ധപ്പെടുത്തിയാണ് ഇപിഎഫ്‌ഒ അക്കൗണ്ട് വിവരങ്ങള്‍ തരുന്നത്. ഇതിനെല്ലാം പുറമെയാണ് ഇപിഎഫ്‌ഒ മൊബൈല്‍ ആപ് പുറത്തിറക്കിയിരിക്കുന്നത്.