വാര്‍ധക്യം

ആമുഖം

ചര്‍മ്മം വരണ്ട അവസ്ഥയാണ് ജര. ജര ബാധിച്ചവരെ കുറിച്ചുള്ള പഠനം ആണ് ജരണ്ടോളോജി. Geron എന്ന ഗ്രീക്ക് പദത്തിന്‍റെ അര്‍ഥം വൃദ്ധന്‍ എന്നാണ്.

ഇന്ത്യയില്‍‍ വൃദ്ധരുടെ എണ്ണം ഇപ്പോള്‍ ഏകദേശം 10.3 കോടി ആണ്. 1960 ല്‍ഇന്ത്യയിലെ‍ ശരാശരി മനുഷ്യ ആയുസ്സ് 42 ആയിരുന്നു. ഇപ്പോള്‍ ആയുസ്സ് ദൈര്‍ഘ്യം ശരാശരി 68 വയസ്സ് ആയിട്ടുണ്ട്‌.

ആയുര്‍ ദൈര്‍ഘ്യം ഏറ്റവും കൂടുതല്‍ ഉള്ളത് കേരളത്തിലും (74) ഏറ്റവും കുറവ് മധ്യപ്രദേശിലും (58) ആണ്. ലോക ജനസംഖ്യയില്‍ 8% - 12%  ആളുകള്‍  വയോജനങ്ങള്‍ ആണ്. ചിലയിടങ്ങളില്‍ വര്‍ഷം തോറും 2% എന്ന തോതില്‍ നിരക്ക് വര്‍ദ്ധിക്കുകയും ചെയ്യുന്നുണ്ട്.

വളര്‍ന്നതെല്ലാം ഒരിക്കല്‍ ക്ഷയിക്കും. ജനിച്ചതെല്ലാം ഒരിക്കല്‍ മരിക്കും.

സസ്യങ്ങളെയും ജന്തുക്കളെയും പോലെ മനുഷ്യനും ഇത് ബാധകമാണ്. പ്രകൃതിയുടെ സന്തുലിതവസ്ഥക്ക് ഇത് അനിവാര്യവുമാണ്.

ഭൂമിയില്‍ ഒന്നര ലക്ഷം മനുഷ്യര്‍ ഓരോ ദിവസവും മരിക്കുന്നുണ്ട്. അതില്‍ ഒരു ലക്ഷം ആളുകള്‍ മരിക്കുന്നത് വാര്‍ധക്യ സഹജമായ കാരണങ്ങള്‍ മൂലമാണ്.

ജീവിത കാലത്തെ ഗര്‍ഭസ്ഥ ഘട്ടം, പരിലാളന കാലം, വികൃതി കാലം, വൃദ്ധി കാലം, ക്ഷയ കാലം, മരണ ഘട്ടം എന്നിങ്ങനെ വിഭജിക്കാം. ഗര്‍ഭസ്ഥ ഘട്ടത്തില്‍കോശ വിഭജനം (Mitosis) 32 തവണ നടക്കുന്നുണ്ട്. ജനിച്ച് 56 ദിവസം എത്തുമ്പോള്‍ അടുത്ത വിഭജനം നടക്കുന്നു. ഇപ്രകാരം ശരാശരി 50 - 60 തവണ കഴിഞ്ഞാല്‍ ആണെത്രെ കോശത്തിന്‍റെ വിഭജിക്കാനുള്ള ശേഷി നശിക്കുന്നത്. സാഹചര്യങ്ങള്‍ പ്രതികൂലമായാല്‍ വിഭജന പ്രക്രിയയുടെ തവണയും കാല ദൈര്‍ഘ്യവും കുറയും.

60 വയസ് കഴിഞ്ഞവരെ ആണ് മുതിര്‍ന്ന പൌരന്‍ എന്ന് പറയുന്നത്. ദീര്‍ഘായുസ്സ് എന്നത് 100 വയസ്സ് വരെയാണ്. മിത ശീതോഷ്ണ മേഖലയില്‍ വസിക്കുന്ന ചില സമൂഹത്തില്‍ 122 വയസ്സ് വരെ ആയുസ്സ് ലഭിച്ചവര്‍ ഉണ്ട്.

ആയുസ്സ് ദീര്‍ഘിക്കുന്നതില്‍‍  ജനിതക ഘടകങ്ങളും പാരിസ്ഥിതിക ഘടകങ്ങളും സുപ്രധാന പങ്ക് വഹിക്കുന്നു. ആയുസ്സ് വളരെ കുറയാന്‍ കാരണം ജന്‍മനാ ഉള്ള ബലഹീനതകളോ ഇടയ്ക്കിടെ പിടി പെട്ട രോഗങ്ങളോ ആണ്.

വാര്‍ധക്യ മാറ്റങ്ങള്‍

ഓരോരുത്തരുടെയും ദേഹ പ്രകൃതി ജന്മ സിദ്ധം ആണ്. ജീവിച്ചു പോരുന്ന ദേശ-സാഹചര്യങ്ങള്‍ക്കും സമ്പ്രദായങ്ങള്‍ക്കും. അനുസരിച്ച് പ്രായം ഏറുമ്പോള്‍ മാറ്റങ്ങള്‍ സംഭവിക്കും. വാര്‍ദ്ധക്യത്തില്‍ ജന്മ പ്രകൃതി, സഹജ പ്രകൃതി, രോഗ പ്രകൃതി എന്നി 3 തരം അവസ്ഥകളെ ഒരേ സമയം അഭിമുഖീകരിക്കേണ്ടതായി വരാം .

വായു, ജലം, അന്നജം, മാംസ്യം, കൊഴുപ്പുകള്‍, വിറ്റാമിനുകള്‍ ധാതു ലവണങ്ങള്‍ എന്നിവ ദേഹത്തില്‍ എത്തുന്നത് കുറയാനിടവരുമ്പോള്‍  സാരാംഗ്നികള്‍, ഹോര്‍മോണുകള്‍ എന്നിവ രൂപപ്പെടുന്നത് സാവധാനത്തില്‍ ആകും. ഹോര്‍മോണ്‍ കോശങ്ങള്‍ ക്ഷയിച്ചാലും ഹോര്‍മോണ്‍ ഗ്രന്ഥിയില്‍ അര്‍ബുദം ബാധിച്ചാലും ഹോര്‍മോണ്‍ സ്രവം തകരാറില്‍ ആകും.

സാരാംഗ്നികളുടെ ക്ഷയം ആണ് വാര്‍ധക്യത്തിനു കാരണം. രസ ധാതു, രക്ത ധാതു, മാംസ ധാതു, കൊഴുപ്പ് ധാതു, അസ്ഥി ധാതു, മജ്ജ ധാതു തുടങ്ങിയവയുടെ അഗ്നികള്‍ ക്ഷയിച്ചാല്‍ അന്ത്യ ധാതു തോത് കുറയും. അത് മൂലം ഇന്ദ്രിയ ബലം, മന ശക്തി, ഓജസ് എന്നിവ ക്ഷയിക്കും. പ്രതിരോധ ശക്തി കുറയും.

ദഹന സാരാംഗ്നികളുടെ അപര്യാപ്ത മൂലം ആഹാരത്തില്‍ നിന്ന് രൂപപ്പെടേണ്ട സൂക്ഷ്മ പോഷകങ്ങള്‍ യഥാസമയം രൂപപ്പെടാതെ വന്നാല്‍‍, ദേഹത്തില്‍ ഉള്ള ധാതുക്കള്‍ അധികമായി ക്ഷയിക്കാനിടവന്നാല്‍ മലങ്ങള്‍ വര്‍ദ്ധിക്കും. ഇത്തരം മലങ്ങളും ആഹാരം കഴിച്ചുണ്ടാകുന്ന രസ ധാതുവും കൂടി ചേര്‍ന്നാല്‍ ദുര്‍ കഫം കൂടും, നീരിരക്കം, ദുര്‍മേദസ്, പ്രമേഹം തുടങ്ങിയവ പിടിപെടും.

ഇത്തരം കഫത്തെ അലിയിപ്പിക്കുന്നതിനു ശരീരം ആദ്യ സന്ദര്‍ഭത്തില്‍  താപത്തെ വര്‍ദ്ധിപ്പിക്കും. അന്തരീക്ഷ ചൂട് കൂടിയാലും. അമ്ലത കൂടിയാലും ദേഹത്തില്‍ ഉഷ്ണം കൂടും. കോപം, സന്തോഷ കുറവ് എന്നിവയും ഇതോടൊപ്പം ഉണ്ടാകും. ഇത് ദീര്‍ഘിച്ചാല്‍ കോശങ്ങള്‍ ചുരുങ്ങും, വരളും  ദേഹം ക്ഷയിക്കും.

കഫം കൂടുതലായി ക്ഷയിച്ചാല്‍ കാസം ഉണ്ടാകും, കൊഴുപ്പ് അമ്ലങ്ങള്‍, കോളസ്ട്രോള്‍ എന്നിവ രൂപം കൊള്ളും. കഫം പ്രതികൂലമായി പരിണമിച്ചാല്‍ കോശങ്ങള്‍ വേഗത്തില്‍ വിഭജിച്ച് അര്‍ബുദം ഉടലെടുക്കും. പ്രമേഹവും കാസവും അര്‍ബുദവും പോലെ ജരയും ഒരു തരത്തില്‍ കഫ ക്ഷയം ആണ്.

സാരാംഗ്നികളുടെ ശോഷണം, ദേഹ മലങ്ങളുടെ ആധിക്യം എന്നിവയ്ക്ക് കാരണം ഓജസിനെ ക്ഷയിപ്പിക്കുന്ന ദോഷങ്ങള്‍ ആണ്. ഇത് കൂടാതെ പാരിസ്ഥിതിക ഘടകങ്ങളും പങ്ക് വഹിക്കുന്നുണ്ട്. ജന്മ വൈകല്യം ഉള്ളവര്‍, മാസമുറ നേരെത്തെ ആരംഭിച്ചവര്‍, വികിരണം കൂടുതല്‍ എല്‍ക്കാനിട വന്നവര്‍, നിരന്തരമായി പകര്‍ച്ച വ്യാധികള്‍ക്കു വിധേയമാവര്‍ തുടങ്ങിയവരെ വാര്‍ദ്ധക്യം നേരെത്തെ ബാധിക്കും

ശ്വാസകോശത്തില്‍ വായു അറകളുടെ അകെ വിസ്തീര്‍ണം കുറയും.

തൈറോയിഡ്‌, ഇന്‍സുലിന്‍, അഡ്രിനാലിന്‍ തുടങ്ങിയ ഹോര്‍മോണുകള്‍ കുറയും.

രക്തത്തിലെ സോഡിയം, പോട്ടാസിയം എന്നിവയുടെ തോത് കുറയും.

കൊളസ്ട്രോള്‍ തോത്, ഡയസ്റ്റൊളിക് രക്ത സമ്മര്‍ദ്ദം വര്‍ദ്ധിക്കും.

മൂത്രത്തില്‍ ക്രിയാറ്റിന്‍, കാത്സ്യം എന്നിവയുടെ തോത് കൂടും.

സാധാരണ നിലയില്‍ ചര്‍മ്മത്തില്‍ നിന്ന് മാത്രം ദിനംപ്രതി 5 കോടി കോശങ്ങള്‍ വീതം നശിക്കുന്നുണ്ട്. ജര ബാധിച്ചാല്‍ നിരക്ക് കൂടും. ചര്‍മ്മത്തില്‍ ദ്വാരങ്ങളുടെ വലുപ്പം എണ്ണമയം, കുറയും. സ്പര്‍ശന ശേഷി 30% കുറയും. കനം 1/5 ഭാഗം ആയി കുറയും.

വയര്‍, തുട എന്നീ ഭാഗങ്ങളിലെ കൊഴുപ്പ് തോത് കൂടും. ശരീരത്തില്‍ കൊഴുപ്പ് തോത് കൂടിയാല്‍‍ ആനുപാതികമായി ജല തോത് കുറയും.

സാധാരണ അവസ്ഥയില്‍ ശരീരത്തില്‍ ദിനം പ്രതി ശരാശരി 2 Trillion കോശങ്ങള്‍ വിഭജിക്കുന്നുണ്ട്‌.

• വാര്‍ധക്യത്തില്‍‍ വിഭജന പ്രക്രിയകള്‍ വേഗത്തില്‍ ആകും. ഇത് 4 തരത്തില്‍ നടക്കാം. കോശങ്ങള്‍  ക്രമത്തില്‍ നശിക്കുന്നു, വിഭജനത്തിനു മദ്ധ്യേ ഉള്ള ഇടവേള കുറയുന്നു (സാമാന്യ വാര്‍ധക്യം).
• കോശങ്ങള്‍ വേഗത്തില്‍ നശിക്കുന്നു (വാര്‍ധക്യ രോഗം).
• കോശങ്ങള്‍ ക്രമം തെറ്റി നശിക്കുന്നു, കോശങ്ങള്‍ വേഗത്തില്‍ വിഭജിക്കുന്നു. (അര്‍ബുദം).
• കോശങ്ങള്‍ വിഭജിക്കുന്നില്ല.

വാര്‍ധക്യ മാറ്റങ്ങളുടെ ഭാഗമായി കോശത്തില്‍ നൂക്ലിയസ്:സൈറ്റൊപ്ലാസം അനുപാതം കൂടും. Lipofuscin തോത് (കൊഴുപ്പം മാംസ്യവും കലര്‍ന്ന മാലിന്യാംശം) അധികരിക്കും. കോശ മര്‍മ്മത്തില്‍ Telomere നീളം കുറയും, DNA യുടെ വലുപ്പം കുറയും. ഹൃദയ പേശികളിലെ DNA തോത് ഓരോ വര്‍ഷവും 0.6% വീതം കുറയും.

രോഗങ്ങള്‍, പ്രയാസങ്ങള്‍

അസ്ഥി ക്ഷയം, ഓസ്റ്റിയോ ആര്‍ത്രയിറ്റിസ്, പോളി മയാല്‍ജിയ റുമാറ്റിക, ടെപൊറല്‍ ആര്‍ട്രയിറ്റിസ്, പ്രോസ്റ്റേറ്റ് കാന്‍സര്‍ എന്നിവ വാര്‍ധക്യത്തില്‍ മാത്രം കാണപ്പെടുന്ന രോഗങ്ങള്‍ ആണ്.

ഭൂരിപക്ഷം പേര്‍ക്കും വാര്‍ധക്യം വേദനയുടെയും ക്ഷീണത്തിന്‍റെയും  കാലമാണ്. പ്രമേഹം മൂലവും മറ്റും വേദന നാഡി ക്ഷയിച്ചാല്‍ ചിലരില്‍ വേദന അനുഭവപ്പെടുകയില്ല. സ്തംഭനം നടന്നാലും വേദന അറിയില്ല.

വിഷാദം, ചവയ്ക്കാനുള്ള ബുദ്ധിമുട്ട്, പേശികളുടെയും അസ്ഥികളുടെയും ബലക്ഷയം, ഇന്ദ്രിയ ക്ഷമത കുറയല്‍, മനോ വിഭ്രാന്തി, ഉറക്കമില്ലായ്മ, ഓര്‍മ്മ കുറവ് എന്നിവയാണ് വാര്‍ദ്ധക്യത്തില്‍ അനുഭവപ്പെടുന്ന മുഖ്യ പ്രയാസങ്ങള്‍.

ക്ഷീണത്തിന് ഉള്ള മുഖ്യ കാരണം ആഹാരം, ധാതു അഗ്നികള്‍ എന്നിവയുടെ അപര്യാപ്തതയോ വിഷ സാന്നിദ്ധ്യമോ മല വര്‍ദ്ധനവോ, ആണ്. ഭാരതിയ വൈദ്യം അനുസരിച്ച് ദേഹ പ്രകൃതിക്ക് ആധാരം വാതം, പിത്തം, കഫം എന്നി ബലങ്ങള്‍ ആണ്. ബലങ്ങള്‍ കുറഞ്ഞാല്‍, ദോഷങ്ങള്‍ വര്‍ദ്ധിച്ചാല്‍ ക്ഷീണം അനുഭവപ്പെടും

ജന്മനാ തന്നെ വാത ദേഹ പ്രകൃതി ഉള്ളവര്‍, മെലിഞ്ഞവര്‍ വയസ്സാകുമ്പോള്‍ വാത ശേഷി കുറയും. ഈ ഘട്ടത്തില്‍ കഫം കൂടിയാല്‍ നീര്‍ കെട്ട്, ദുര്‍മേദസ് എന്നിവ പിടിപ്പെടും.. മലബന്ധം, സ്തംഭനം എന്നിവയും അനുഭവപ്പെടും.

ജന്മനാ തന്നെ കഫ ദേഹ പ്രകൃതി ഉള്ളവര്‍ ആണെങ്കില്‍ കഫ ശേഷി ക്ഷയിക്കും. ഈ ഘട്ടത്തില്‍ വാത ബലം കൂടിയാല്‍, വാത ദോഷം വര്‍ദ്ധിച്ചാല്‍ വാത വര്‍ദ്ധന ലക്ഷണങ്ങള്‍ രൂപപ്പെടും. ഗ്യാസ് ട്രബിള്‍, വയറിളക്കം, വിറ വാതം എന്നിവ പ്രകടമാകും ദേഹം മെലിയും.

കഫം ക്ഷയിച്ചും പിത്തം വര്‍ദ്ധിച്ചും ദേഹം ചൂടായാല്‍ പോളം, ചുവപ്പ് ദീനം, രക്ത വാതം, ധമനീ കാഠിന്യം, രക്തസ്രാവം എന്നിവ പിടിപെടും.

വാര്‍ധക്യത്തില്‍ ബലങ്ങള്‍ ക്ഷയിക്കും. ജന്മ ദോഷങ്ങള്‍, ആര്‍ജിത ദോഷങ്ങള്‍ എന്നിവ ക്ഷയിക്കുകയോ ശക്തി നേടുകയോ ചെയ്യും. നിജ രോഗങ്ങള്‍ ഉണ്ടാക്കുന്ന ദോഷങ്ങളെ ഹാനിമാന്‍ സോറ, സിഫിലിസ്. സൈക്കൊസിസ് എന്നാണ് നാമകരണം ചെയ്തത്.

ദേഹത്തിലെ മുഖ്യ ദോഷ ശക്തി സോറ ആണ്. അത് കഫ നാശകം ആണ്. കുറെ പേരില്‍ വാര്‍ധക്യത്തില്‍ എത്തുമ്പോഴേക്കും സോറ ദൂഷ്യത്തിന്‍റെ ക്ഷമത കുറയും. അപ്പോള്‍ മറ്റു ദോഷങ്ങള്‍ വര്‍ദ്ധിക്കും.

ഉഷ്ണ ദേഹ പ്രകൃതക്കാര്‍ ആണെങ്കില്‍  യൌവനത്തില്‍ തന്നെ കഫ തോത് കുറയും. പ്രായമേറുമ്പോള്‍ ഉള്ള കഫവും തീരും. ദേഹം മെലിഞ്ഞവര്‍ കഫ ആഹാരങ്ങള്‍ കഴിക്കണം. സോറ വിരുദ്ധ മരുന്നുകള്‍ കഴിക്കണം

കേരളിയരില്‍ ഭൂരിഭാഗവും ശീത പ്രകൃതക്കാരോ കഫ പ്രകൃതക്കാരോ ആണ്.. ഉഷ്ണ പ്രകൃതക്കാരില്‍ വാത പിത്ത, ബലങ്ങള്‍ ജീവിത അവസാനം വരെ  നിലനില്‍ക്കാം. വാര്‍ധക്യത്തില്‍ വാത പിത്ത ബലങ്ങള്‍ ക്ഷയിച്ചാല്‍, കഫ ബലം വര്‍ദ്ധിച്ചാല്‍, സൈക്കൊസിസ് ദോഷം പ്രബലമായാല്‍ ദേഹം വണ്ണം വെക്കും.

ശീത മാസങ്ങളില്‍ ധ്വാത്വാഗ്നികള്‍ കുറയും. ദുര്‍ മേദസ് ഉള്ളവര്‍ ഈ ഘട്ടത്തില്‍ ചോറ് ഉള്‍പ്പെടെ ഉള്ള ശീത ഭക്ഷണം അധികം അളവില്‍  കഴിച്ചാല്‍ രസ ധാതു പിന്നെയും വര്‍ദ്ധിക്കും. ഇത്, പ്രമേഹം അര്‍ബുദം തുടങ്ങിയ രോഗങ്ങള്‍ വര്‍ദ്ധിക്കാന്‍ ഇടയാക്കും.

കഫത്തിന്‍റെ സ്ഥാനം ഉദരത്തിന്‍റെ മേലറ്റം ആണ്. അര്‍ബുദ രോഗങ്ങള്‍ സ്ത്രീകളില്‍ ഉദരത്തിന്‍റെ കീഴറ്റത്തും പുരുഷന്‍മാരില്‍‍ ശിരസ്സ്, കഴുത്ത് എന്നീ ഭാഗങ്ങളിലും ആണ് മുഖ്യമായും ബാധിച്ചു പോരുന്നത്.

രസ ധാതു ദുഷിക്കുകയും കഫ മലം വര്‍ദ്ധിക്കുകയും ചെയ്‌താല്‍  അത് ആമ വാതത്തിനു കാരണമാകും. ആമാശയ ദഹന പ്രക്രിയയുടെ തകരാറു മൂലം ആണ് ആമ വാതം ഉടലെടുക്കുന്നത്. മാലിന്യങ്ങള്‍ ഉദരത്തിന്‍റെ കീഴറ്റത്ത് നിന്ന് ശാഖകളിലോട്ട് വ്യാപിക്കുമ്പോള്‍ ആണ് കാലുകളില്‍ വീക്കം ഉണ്ടാകുന്നത്. ഇഞ്ചി ആഹാരത്തില്‍ ഉള്‍പ്പെടുത്തിയും വ്യായാമം വഴിയും ദഹന ബലം കൂട്ടണം. കഫം അടങ്ങിയത് ദ്രവ്യങ്ങള്‍ അധികം കഴിക്കരുത്. പിത്തം വര്‍ദ്ധിച്ചോ കോപിച്ചോ കഫ സ്ഥാനത്തെത്തിയാല്‍  അത് കഴുത്തിലെ സന്ധികളിലോട്ടും മേല്‍ ശാഖകളിലോട്ട് വ്യാപിക്കും. പിത്തം വര്‍ദ്ധിച്ച ഘട്ടത്തില്‍ അമ്ലാഹാരങ്ങള്‍ കുറക്കണം.

ഉഷ്ണ ദേഹ പ്രകൃതക്കാര്‍ക്ക് വാര്‍ധക്യം കഴിച്ചു കൂട്ടാന്‍ പറ്റിയ ഭൂ വിഭാഗം ഉഷ്ണ മേഖലയിലെ ജല ലഭ്യതയുള്ള തീര പ്രദേശം ആണ്. ഇവിടെ നിന്ന് പ്രാദേശികമായി ലഭിക്കുന്ന ആഹാര ഇനങ്ങള്‍ ഗൌട്ട് പോലുള്ള ഉഷ്ണ രോഗങ്ങള്‍ ഭേദമാവുന്നതിന് സഹായിക്കും. ശീത രാജ്യത്തുള്ള വിദേശികള്‍ കേരളത്തിലോട്ട് ഒഴുകുന്നതിന്‍റെ ഒരു കാരണം ഇതാണ്.

ആഹാരം

ഓരോ ആളുകളും അവനവനില്‍ ക്ഷീണം ബാധിച്ചു വരുന്ന അവയവങ്ങളെ പ്രത്യേകം തിരിച്ചറിയണം. ക്ഷീണിച്ച അവയവങ്ങള്‍ക്ക് അമിത ഭാരം നല്‍കുന്ന ആഹാര ദ്രവ്യങ്ങള്‍ കഴിക്കരുത്.

ലഘു ആഹാരം ആണ് വാര്‍ദ്ധക്യത്തില്‍ നല്ലത്. 365 ദിവസവും വയര്‍ നിറയും വിധം ഉള്ള ഗുരു ആഹാര രീതി പാടില്ല. ധാന്യം ഏറെയുള്ള ആഹാരങ്ങള്‍ പതിവായി കഴിക്കുന്നത്‌ ആഗ്നേയ ഗ്രന്ഥി ക്ഷീണിപ്പിക്കും. 
ധാന്യം വേവിച്ചു അതിന്‍റെ നൂറ് ഊറ്റി കളഞ്ഞ് കഴിക്കാം. ധാന്യ നൂറുകള്‍ ഉണ്ടാക്കുന്ന പ്രശ്നങ്ങള്‍ക്ക് മോര് പോലുള്ള ലഘു അമ്ലങ്ങള്‍ ഉത്തമ പ്രതിവിധിയാണ്. കറിവേപ്പില, ഇഞ്ചി എന്നിവ ആഹാരത്തില്‍ ഉള്‍പ്പെടുത്തിയാല്‍ അന്നജ ദൂഷ്യം അനുഭവപ്പെടുകയില്ല. കപ്പലണ്ടി, പാല്‍, കിഴങ്ങ്, ശീത എണ്ണകള്‍ എന്നിവ പ്രമേഹമുള്ളവര്‍ വര്‍ജ്ജിക്കണം.

കഫ വര്‍ദ്ധന, ദുര്‍മേദസ്സ് എന്നിവ ഉള്ള അവസ്ഥയില്‍ എരിവ്, പുളി അടങ്ങിയ ദ്രവ്യങ്ങള്‍ കഴിക്കാം. ഐസ് ക്രീം പോലുള്ള കഫ ദ്രവ്യങ്ങള്‍ ഒഴിവാക്കണം.

ധാതു ശോഷണം, അഗ്നി ശോഷണം എന്നിവ പരിഹരിക്കുന്നതിന് പശുവിന്‍ നെയ്യ്,മാംസ സൂപ്പ്, രസായനം തുടങ്ങിയവ കഴിക്കണം. 
മെലിഞ്ഞവര്‍ക്ക് നെയ്യും തടിച്ചവര്‍ക്ക് മോരും ഉപയോഗപ്പെടുത്താം. നെയ്യ് കഴിക്കുന്നത്‌ കുറഞ്ഞ അളവില്‍ ആക്കണം. പൂരിത കൊഴുപ്പ് ആഹാരത്തില്‍ അധികം ഉള്‍പ്പെടുത്തരുത്. അധികം പുളിക്കാത്ത മോര് ആണ് നല്ലത്. 70 വയസ്സ് കഴിഞ്ഞാല്‍ കൊഴുപ്പ് കലര്‍ന്ന പാല്‍, പാല്‍ ഉല്‍പന്നങ്ങള്‍ ഒഴിവാക്കണം.

അവല്‍, പഴം, സര്‍ക്കര, തേങ്ങ പാല്‍ എന്നിവ വൃദ്ധന്മാര്‍ക്ക് പറ്റിയ ആഹാര ഇനങ്ങള്‍ ആണ്. നേന്ത്ര പഴം നിത്യവും കഴിക്കാം. മലബന്ധം പരിഹരിക്കാനായി ആഹാരത്തില്‍ ഫൈബര്‍ ഇനങ്ങള്‍ ഉള്‍പ്പെടുത്തണം

ആഹാരം തിരഞ്ഞെടുക്കുന്നതില്‍‍‍ സ്ത്രീ/പുരുഷ (Yin/Yang) വിത്യാസങ്ങളും കണക്കിലെടുക്കണം. ബാല്യത്തില്‍, കൌമാരത്തില്‍, യൌവനത്തില്‍ സമാന രീതിയില്‍ ആഹാരം ആകാം. വാര്‍ധക്യത്തില്‍ നേര്‍ വിപരീത രീതിയില്‍ ഉള്ള ആഹാരങ്ങള്‍ക്ക് മുന്‍ഗണന നല്‍കണം ഓരോരുത്തരിലും ഏത് പ്രായം മുതല്‍ ആണ് വാര്‍ധക്യം ആരംഭിക്കുന്നത് എന്ന് തിരിച്ചറിയണം.

വാര്‍ധക്യം ഒരു തരത്തില്‍ സങ്കോച അവസ്ഥ (Yang-കിഴങ്ങുകള്‍, പുരുഷന്‍, ധനാത്മകം, വെളുപ്പ്‌) ആണ്. അതിനെ പ്രതിരോധിച്ചു ബാലന്‍സ് ചെയ്യുന്നതിന് വികാസം ഉള്ളത് (Yin - ഇലകള്‍, വിത്തുകള്‍, പൂക്കള്‍) ആഹാരത്തില്‍ ഉള്‍പ്പെടുത്തണം. ദുര്‍ മേദസ് (Yin)  ഉള്ളവര്‍ Yang (കിഴങ്ങുകള്‍‍) ഇനങ്ങള്‍ക്ക്മുന്‍ഗണന നല്‍കണം.

പുരുഷന്മാര്‍ യൌവനത്തില്‍ കപ്പലണ്ടി, കാരറ്റ് പോലുള്ള കിഴങ്ങുകള്‍, നേന്ത്ര പഴം എന്നിവ കഴിക്കണം. വാര്‍ധക്യത്തില്‍ ഇലകള്‍ക്കും ഉരുണ്ട പഴങ്ങള്‍ക്ക് (Yin) മുന്‍ഗണന നല്‍കണം.

സ്ത്രീകള്‍, ശീത ഗുണം ഉള്ളവര്‍ യൌവനത്തില്‍ അരി ആഹാരം (Yin) കഴിക്കണം. ഉഷണ ഗുണം ഉള്ളവര്‍ ആണെങ്കില്‍ അരി കുറച്ചു ബാര്‍ലി, ഗോതമ്പ് എന്നിവ കഴിക്കണം.

60 വയസു ആയ ഒരാള്‍ക്ക് ദിനം പ്രതി വേണ്ട ആഹാര തോത് “ശരീരഭാരം x 25കലോറി” എന്ന നിലയില്‍ കണക്കാക്കണം. 65 വയസ് കഴിഞ്ഞാല്‍ ദിനംപ്രതി വേണ്ട കലോറി മൂല്യത്തില്‍ 30% എന്ന തോതില്‍ കുറവ് വരുത്തണം. ദിനം പ്രതി കഴിക്കുന്ന അളവ് 500 ഗ്രാമില്‍ കുറക്കണം. വാര്‍ധക്യത്തില്‍ ഉപവാസം അനുഷ്ഠിക്കാം, പട്ടിണി കിടക്കരുത്.

Tyrosine, Tryptophan എന്നീ അമിനോ അമ്ലങ്ങള്‍ ഉള്ള മാംസ്യ ഇനങ്ങള്‍ ആഹാരത്തില്‍ ഉള്‍പ്പെടുത്തണം Cysteine and Methionine എന്നിവ ഉള്ളത് ഒഴിവാക്കണം.

ജര വരള്‍ച്ചയാണ്. ഓജസ്, സ്ഥൂല ബോധ ബലങ്ങള്‍, ഹോര്‍മോണ്‍ എന്നിവ നിലനില്‍ക്കാന്‍ ജലം വേണ്ടതുണ്ട് വാര്‍ധക്യത്തില്‍ വറ്റിച്ച ജലം ഒരു ലിറ്റര്‍ കുടിക്കണം.

ദേഹത്തില്‍ വിറ്റാമിന്‍ C തോത് കുറവ് ആയാല്‍ കൊളാജന്‍ കലകള്‍ കുറയും. കൊളാജന്‍ കലകള്‍ കുറഞ്ഞാല്‍ സന്ധി വീക്കം നടക്കും. അര്‍ബുദ ബാധിതരില്‍ മുഴകള്‍ വലുപ്പം വെക്കാന്‍ ഇടയാക്കും. നെല്ലിക്ക, കാരറ്റ്, പേരക്ക തുടങ്ങിയവയില്‍ വിറ്റാമിന്‍ C അടങ്ങിയിട്ടുണ്ട്.

അവയവങ്ങളുടെ Plasticity കുറയ്ക്കാനും പേശികളുടെ ഇലാസ്തികത വര്‍ദ്ധിക്കാനും വിറ്റാമിന്‍ E സഹായിക്കും. മുളപ്പിച്ച ധാന്യങ്ങള്‍. നിലക്കടല, സൂര്യകാന്തി എണ്ണ, ചെമ്മീന്‍, ബദാം ഓയില്‍ എന്നിവയില്‍ വിറ്റാമിന്‍ E അടങ്ങിയിട്ടുണ്ട് (ധാന്യങ്ങള്‍ മുളക്കുമ്പോള്‍ സൂക്ഷമാണുക്കള്‍ അതില്‍ കയറി കൂടാന്‍ ഇടയുണ്ട്).

വെയില്‍ അധികം ഏറ്റാല്‍ ചര്‍മ്മത്തില്‍ വിറ്റാമിന്‍ ഡി രൂപപ്പെടുകയും അതോടൊപ്പം കുടലില്‍ നിന്ന് ഉള്ള കാത്സ്യം ആഗിരണം വര്‍ദ്ധിക്കുകയും ചെയ്യും. അത് ചിലരില്‍ രക്തം കട്ട കുത്താനും രക്ത ധമനികള്‍ ആകാലത്തില്‍ കഠിനപ്പെടാനും പ്രേരകമാകും. മൃദു കലകളില്‍ Calcification സംഭവിക്കാനുള്ള സാദ്ധ്യത വര്‍ദ്ധിക്കും. Atherosclerosis നടക്കാം. ഏതു പ്രായക്കാര്‍ ആയാലും വെയില്‍ അധികം കൊള്ളരുത്. പോക്ക് വെയില്‍ കൊണ്ടാല്‍ ചിലരുടെ ചര്‍മ്മത്തിന് ശോഭ കിട്ടും.

ഫോസ്ഫറസ് അടങ്ങിയ ആഹാരങ്ങള്‍ (മുട്ട, ചാള, നെയ്യുള്ള മത്സ്യങ്ങള്‍, ചീസ്, കക്ക ഇറച്ചി, ബീഫ്, കോഴി, ബീന്‍സ്, ചോക്കളേറ്റ്, സോഡാ കലര്‍ന്ന പാനീയങ്ങള്‍, ഉള്ളി, കുരുമുളക്, പാല്‍, മഞ്ഞള്‍) അധികം അളവില്‍ പതിവായി കഴിച്ചാല്‍ അസ്ഥിയില്‍ നിന്നു കാത്സ്യം വേര്‍പെടാന്‍ ഇടവരുത്തും. ഇത്തരം കാത്സ്യം മലങ്ങള്‍ മസ്തിഷ്ക കോശങ്ങളില്‍, നാഡി തന്തുക്കളില്‍ അടിഞ്ഞു കൂടിയാല്‍ ഓര്‍മ്മ കുറയും.

ഉപ്പ്, ബേക്കറി ഇനങ്ങള്‍, ഫാസ്റ്റ് ഫുഡ്, വിരുദ്ധ ഭക്ഷണം എന്നിവ ഒഴിവാക്കണം.ചൂടു ഉള്ളതും തണുപ്പ് ഉള്ളതും ആയ ആഹാരങ്ങള്‍ ഒരേ സമയം കഴിക്കരുത്. കോഴി വിഭവം കഴിച്ച ഉടനെ ഐസ് ക്രീം കഴിക്കരുത്.

ആഹാരം അധികം വേവിച്ചാല്‍ അതിലെ സൂക്ഷ്മ പോഷകങ്ങള്‍ നശിക്കും.  പൊരിച്ച ഭക്ഷണം പതിവായി കഴിക്കരുത്. അന്നജ ദ്രവ്യങ്ങള്‍ എണ്ണയില്‍ പൊരിച്ച് കഴിക്കുമ്പോള്‍ ഉമിനീരുമായി കലരാത്തതിനാല്‍ ദഹനം തടസ്സപ്പെടും. Acrylamide പോലുള്ള അര്‍ബുദ ഘടകങ്ങള്‍ ശരീരത്തില്‍ എത്തപ്പെടുകയും ചെയ്യും.

ഗുണം കുറഞ്ഞ ദ്രവ്യങ്ങള്‍ (മദ്യം, പഞ്ചസാര, കുരു ഇല്ലാത്ത ഫലങ്ങള്‍) പതിവായി അധികം അളവില്‍ കഴിച്ചാല്‍ ഓജസ്, സാരാംഗ്നികള്‍  എന്നിവ വേഗം ക്ഷയിക്കും.. നിക്കല്‍ അടങ്ങിയ വനസ്പതി പതിവായി കഴിച്ചാല്‍ കാഴ്ച അകാലത്തില്‍ കുറയും. അധികം പഴകിയ ആഹാരം കഴിക്കരുത്. ചീഞ്ഞത് കഴിച്ചാല്‍ ശരീരം വേഗം ചീയും.

വാര്‍ധക്യം പലപ്പോഴും രോഗ കാലമാണ്. രോഗങ്ങള്‍ക്ക് പരിഹാരം യുക്തി ചികിത്സയാണ്. ശോധന, ശമന രീതികള്‍ അവലംബിക്കണം. വാതം കോപിച്ച ലക്ഷണങ്ങള്‍ കഠിനമായാല്‍ താല്‍ക്കാലികമായി മധുരം, ഉപ്പ്, പുളി അടങ്ങിയ ആഹാര ദ്രവ്യങ്ങളും കഴിക്കണം.

പിത്തം വര്‍ദ്ധി ഘട്ടത്തില്‍ മധുര ദ്രവ്യങ്ങള്‍ കഴിക്കണം. കൈപ്പ് ദ്രവ്യങ്ങള്‍ കഴിക്കാം. ഉഷ്ണ വസ്തുക്കള്‍ പാടില്ല. പുളി, ഉപ്പ് എന്നിവ അധികം അടങ്ങിയതോ, ക്ഷാരാംശം അധികം ഉള്ളതോ ആയ ആഹാര ദ്രവ്യങ്ങള്‍ കുറക്കണം.

കഫം ക്ഷയിച്ചാല്‍ മൃദു ഘട്ടത്തില്‍ ലക്ഷണ സമാന മരുന്ന് എന്ന നിലയില്‍ എരിവ് ദ്രവ്യങ്ങള്‍ ലഘു അളവില്‍ ഉപയോഗിക്കണം.

വാര്‍ധക്യത്തില്‍ ജന്മ പ്രകൃതിയെ പരിഗണിക്കരുത്. സഹജ ദേഹ പ്രകൃതി പരിഗണിക്കണം മണി ബന്ധത്തിലെ നാഡി പരിശോധനയില്‍ പള്‍സ് കിട്ടുന്നത് ചൂണ്ടു വിരലില്‍ ആണെങ്കില്‍ കൈപ്പ്, ചവര്‍പ്പ്, എരിവ് ഇന ആഹാരങ്ങള്‍ കഴിക്കണം. മോതിര വിരലില്‍ ആണ് കിട്ടുന്നത് എങ്കില്‍ മധുരം, ഉപ്പ്, പുളി, അടങ്ങിയ ദ്രവ്യങ്ങള്‍  ഉപയോഗിക്കണം. പ്രതികരണ ശേഷിയും തീവ്രതയും ആധാരമാക്കി വേണം പരിഹാര രീതി അവലംബിക്കേണ്ടത്.

കഠിന രോഗങ്ങളെ പരിഹരിക്കാന്‍ ആണെങ്കില്‍ തന്നെയും വിഷ ഔഷധങ്ങള്‍ അമിത അളവില്‍ ഉപയോഗിക്കരുത്. വാര്‍ദ്ധക്യത്തിലായാലും സ്തംഭന ലക്ഷണങ്ങള്‍ കഠിനമായാല്‍ എരിവ് ദ്രവ്യങ്ങള്‍ ഉപയോഗിക്കാം. തളര്‍ വാതത്തില്‍. 100 ദിവസം വരെ എണ്ണ ചൂടാക്കി പുരട്ടാം. 

ചര്‍മ്മത്തില്‍ എണ്ണ പുരട്ടുന്നത് ചര്‍മ്മം, പേശികള്‍, ധമനികള്‍ എന്നിവയില്‍ കെട്ടി കിടക്കുന്ന മാലിന്യങ്ങള്‍ ഇളകുന്നതിനു സഹായിക്കും. തുടര്‍ന്ന് വിരേചന ദ്രവ്യങ്ങള്‍ ഉപയോഗിച്ചു ശോധിപ്പിക്കണം. മെലിഞ്ഞവര്‍ക്ക്‌ ശീത എണ്ണ പുരട്ടാം.വണ്ണം അധികം ഉള്ളവര്‍ ശീത എണ്ണകള്‍ പുരട്ടരുത്.

ശരീരത്തെ യൗവന യുക്തമാക്കുന്നതിനും ധാതു അഗ്നികളുടെ അപര്യാപ്തത പരിഹരിക്കുന്നതിനും രസായന ദ്രവ്യങ്ങള്‍ പ്രയോജനപ്പെടുത്തണം. ശോധന ചികിത്സക്കോ ശമന ചികിത്സകൾക്കോ ശേഷമാണ് രസായന ദ്രവ്യങ്ങള്‍ കഴിക്കേണ്ടത്‌. ഓർമ്മ, ബുദ്ധി, സഹന ശക്തി, രോഗ പ്രതിരോധ ശേഷി തുടങ്ങിയ ഗുണങ്ങള്‍ ഇതു മൂലം മെച്ചപ്പെട്ട് കിട്ടും.

ഗോതമ്പ്, ഓട്സ്, അരി, പാല്‍, നെയ്യ്, മദ്യം, തേന്‍, നെല്ലിക്ക, താന്നിക്ക, കടുക്ക, ജാതിക്ക, മഞ്ഞള്‍, എള്ള്, കടല്‍ പായല്‍, ചോക്കലേറ്റ്, കാപ്പി, ഗ്രീന്‍ ടി, കന്മദം; രസം, ഗന്ധകം, സെലീനിയം നാകം, ആര്‍സനിക്, സ്വര്‍ണം, എന്നിവ രസായന ഫലം നല്‍കുന്ന ദ്രവ്യങ്ങള്‍ ആണ്.

ഉള്ളി, വെളുത്തുള്ളി, വയമ്പ്, അമൃത്, വത്സനാഭി, അതി വിഷം, ബ്രഹ്മി, ഇരട്ടി മധുരം, കാഞ്ഞിരം, ആവണക്ക്, കൊട്ടം, സോമരാജ്, തുളസി, മുത്തിള്‍, തഴുതാമ, ഇരട്ടി മധുരം, വിഴാലരി, ചേര്‍ക്കുരു, സിങ്കോണ, കറുപ്പ്, കടുക്, ലഘു ഫലം, Aloes, Conium maculatum, Gingko biloba, Galega offcinalis, Yohimbinum ജിന്‍സെങ്ങ്‌, അമക്കുരം(Withania somnifera) എന്നിവയുടെ സത്ത് വാര്‍ധക്യത്തില്‍ രസായന മരുന്നുകള്‍ ആയി ഉപയോഗിക്കാം. ഇവ എല്ലാം തന്നെ ഹോമിയോപ്പതി ഫാര്‍മസിയില്‍ നിന്ന് സുലഭമായി വാങ്ങാന്‍ കിട്ടുന്നതും ആണ്.

ഗുഹാ ജീവിതം, യുവതികളുടെ പരിചരണം,  നന്മ ബോധം, സാന്ത്വനം, സത്യ വചനം, സ്നേഹം, പൊറുത്ത് കൊടുക്കല്‍, സദാചാരം, സാഹോദര്യം, സഹവര്‍ത്തിത്വം  എന്നിവ രസായന ഫലം ചെയ്യുന്ന ഘടകങ്ങള്‍ ആണ്.

ശുചിത്വം കുറവ്, കഠിനാദ്ധ്വാനം, മദ്യം ഉപയോഗം, അമിത ലൈംഗിക ബന്ധം എന്നിവ ഉള്ളവരിലും അസത്യ ഭാഷ, കോപം എന്നീ സ്വഭാവമുള്ളവരിലും രസായന ചികിത്സ ഫലം ചെയ്യുകയില്ല.

വാര്‍ദ്ധക്യ രോഗങ്ങളെ പ്രതിരോധിക്കാനും വാര്‍ധക്യം സുഖകരമാക്കാനും ചെറുപ്പം മുതല്‍ ഒരുങ്ങണം. നല്ല വാര്‍ദ്ധക്യം ഉണ്ടാകാന്‍ നല്ല യൌവനം വേണം.നല്ല യൌവനം ഉണ്ടാകാന്‍ നല്ല കൌമാരവും ബാല്യവും വേണം.

വാര്‍ധക്യത്തെ പ്രതിരോധിക്കുന്നതിനും പരിഹരിക്കുന്നതിനും പൂര്‍വികര്‍ നിരവധി പരിശ്രമങ്ങള്‍ നടത്തിയിരുന്നു. അകാലത്തില്‍ ആയുസ്സ് എത്തിയാല്‍ പ്രപഞ്ച സുഖം അനുഭവിക്കാന്‍ കഴിയാതെ പോകുമെന്നും ഈശ്വര സ്വാക്ഷാല്‍ക്കാരം നേടാന്‍ കഴിയാതെ പോകുമെന്നും പൂര്‍വികര്‍ വിശ്വസിച്ചു.

സസ്യ ഇനങ്ങള്‍ മാത്രം ഉള്‍പ്പെടുത്തി ശരീരത്തെ സംരക്ഷിച്ചാല്‍ അകാല മൃത്യു സംഭവിക്കുമെന്നും ലോഹ അംശങ്ങള്‍ ഉപയോഗപ്പെടുത്തുകയാണെങ്കില്‍‍‍‍ ശരീരത്തെ കുറച്ചു കൂടി ദീര്‍ഘമായ്‍ സംരക്ഷിച്ചു നിര്‍ത്താമെന്നും അവര്‍ കണക്കുകൂട്ടി.

സിലിക്ക, രസം, നാകം, ഈയ്യം, പഞ്ചലോഹം (ഇരുമ്പ്, ചെമ്പ്, സ്വര്‍ണം, വെള്ളി, ടിന്‍ (വെളുത്തിയം) എന്നിവയും അവ കലര്‍ന്ന സസ്യ ഔഷധങ്ങളും പല രീതിയില്‍ അവര്‍ ഉപയോഗിച്ചു നോക്കി.

മെര്‍ക്കുറി, ഇരുമ്പ്. ചെമ്പ് കലര്‍ന്ന സസ്യങ്ങള്‍ ദേഹത്തില്‍ എത്തുമ്പോള്‍ സാരാംഗ്നികളുടെ പ്രവര്‍ത്തനം ഫലമായി സ്വര്‍ണ സമാന ഗുണം  കൈവരിക്കുമെന്നും അത് വഴി ധമനി തടസങ്ങള്‍, അസ്ഥി രോഗങ്ങള്‍, നാഡി രോഗങ്ങള്‍, ശുക്ല രോഗങ്ങള്‍, മാറാ രോഗങ്ങള്‍ എന്നിവ പരിഹരിക്കാന്‍ കഴിഞ്ഞേക്കുമെന്നും ഉള്ള ധാരണയില്‍ അവര്‍ അവ വിവിധ അനുപാതത്തില്‍ ഉപയോഗിച്ചു നോക്കി. കന്‍മദം (Rock mineral wax –Silicate ) ഉപയോഗിച്ചിട്ടുണ്ട്.

ലഘു ഫലം, കറുക പട്ട, ഞണ്ട്, കക്ക, കടല്‍ പായല്‍, കടല്‍ മത്സ്യങ്ങള്‍ സ്രാവ്, എന്നിവയില്‍ ജൈവ മെര്‍ക്കുറി കലര്‍ന്നിട്ടുണ്ട്. ഇവ കഴിച്ചാല്‍ വെയില്‍ അധികം കൊള്ളരുത്.

നീല മുന്തിരി തോടിലും ആല്‍ഫാല്‍ഫ പയറിലും അതിന്‍റെ വേരിലും Colloid gold കലര്‍ന്നിട്ടുണ്ട്. നീല മുന്തിരി, മരച്ചീനി, അപ്രികോട്ട്, വൈന്‍, ഇരട്ടിമധുരം, തക്കാളി, അമര, ഉരുള കിഴങ്ങ്, ബദാം എന്നിവയില്‍ Phycocyanins അംശം ഉണ്ട്.

Equisetum, മുട്ടയുടെ വെള്ള എന്നിവയില്‍ സിലിക്ക അധികം അളവില്‍ ഉണ്ട്. ധമനീ കാഠിന്യം, അശ്മരി, അസ്ഥി തേയ്മാനം എന്നിവ പരിഹരിക്കുന്നതിന് സിലിക്ക പ്രയോജനപ്പെടും.

പാണ്ട്, ചര്‍മ്മത്തിന്‍റെ കാഠിന്യം എന്നിവ പരിഹരിക്കുന്നതിന് കണ്ടാമൃഗത്തിന്‍റെ കൊമ്പ് പൊടിച്ച ഭസ്മം (ആര്‍സനിക്) അവര്‍ ഉപയോഗിചു നോക്കി. കോഴിമുട്ടയുടെ വെള്ള, അരി വേവിച്ചു ഊറ്റിയ വെള്ളം എന്നിവയില്‍ ആര്‍സനിക് അംശം ഉണ്ട്.

അസ്ഥി ബലം, ശുക്ല ബലം എന്നിവ നിലനില്‍ക്കാന്‍ വേണ്ട യുക്തി സഹജമായ രീതികള്‍ നേരെത്തെ തന്നെ അവലംബിക്കണം. പഴം, പശുവിന്‍ പാല്‍, തേന്‍ (ബോറോണ്‍), ചൊറിയണ വേര്, വെളിച്ചെണ്ണ, കടല്‍ ഉപ്പ്, മുട്ടയുടെ ഉണ്ണി, ബീഫ്, കരള്‍ എന്നിവ ലൈംഗിക ശക്തി നിലനിര്‍ത്താന്‍ ഉപയോഗിക്കാം. മുന്തിരി (Resveratrol), ആല്‍ഫാല്‍ഫ എന്നിവ സ്ത്രീകള്‍ക്കും പുരുഷന്മാര്‍ക്കും ഒരു പോലെ ഹിതകരമായ ഇനങ്ങള്‍ ആണ്.

വിഷാദം ഭയം, കോപം, ദുഃഖം, നിഷേധ വിചാരം പകല്‍ ഉറക്കം എന്നിവ ഒഴിവാക്കണം. വാര്‍ധക്യത്തില്‍ അനുഭവപ്പെടുന്ന വിഷാദത്തിനും വാശിക്കും കാരണം മസ്തിഷ്കത്തിലെ Serotonin, Dopamine ഹോര്‍മോണുകളിലെ അപര്യാപ്ത ആണ്. വലിയ പയറുകള്‍, ചുവന്ന മാംസം, ബീഫ്, ചീസ്, അധികം വേവിക്കാത്ത മുട്ട, കോഴി മാംസം, നെയ്യ് ഉള്ള മത്സ്യങ്ങള്‍, ടൂണ, ബദാം, മത്തങ്ങ ക്കുരു, നേന്ത്ര പഴം, ആപ്പിള്‍, തണ്ണി മത്തങ്ങ, പപ്പായ, Lima beans, അമര പയര്‍ എന്നിവയില്‍Dopamine (Tyrosine) അടങ്ങിയിട്ടുണ്ട്.

നാഡി വ്യൂഹത്തിലെ വിവിധ ധര്‍മ്മങ്ങള്‍ യഥോചിതം നടക്കുന്നതിന് വിറ്റാമിന്‍ B6  വേണ്ടതുണ്ട്. ചുവന്ന്‍ അവല്‍, മത്സ്യം, ബീഫ്, പാല്‍, ടര്‍ക്കി കോഴി, പിസ്ത, സൂര്യ കാന്തി, നേന്ത്രപഴം, ചീര, ഉരുളക്കിഴങ്ങ് എന്നിവയില്‍ വിറ്റാമിന്‍ B6അടങ്ങിയിട്ടുണ്ട്. ഉയര്‍ന്ന താപത്തില്‍ പാചകം ചെയ്യുമ്പോള്‍  നല്ല അളവില്‍ ഇത് നഷ്ടപ്പെടുകയും ചെയ്യും.

മഞ്ഞള്‍, ഇരുണ്ട ചോക്കലേറ്റ്, കൊക്കോ, തൈര് തുടങ്ങിയവ Serotonin തോത് വര്‍ദ്ധിക്കാന്‍ ഉപയോഗപ്പെടുത്താം. Melatonin, Serotonin എന്നിവ രൂപം കൊള്ളാന്‍Tryptophan അടങ്ങിയ ആഹാര ദ്രവ്യങ്ങള്‍ വേണ്ടതുണ്ട്. Turkey ഇനം കോഴി,കോഴിമുട്ടയുടെ വെള്ള, നാടന്‍ കോഴി, ബീഫ്, ചീസ്, എള്ള്, നിലക്കടല, ഓട്സ്, ബീറ്റ്റൂട്ട്, കടല്‍ പായല്‍ എന്നിവയില്‍ Tryptophan അടങ്ങിയിട്ടുണ്ട്

നേന്ത്രപഴം, കൈതച്ചക്ക, പപ്പായ, തക്കാളി, പ്ലംസ്, വാല്‍ നട്ട് എന്നിവയില്‍Bromelain (Enzymes) അംശം ഉണ്ട്. ഇവ Serotonin രൂപപ്പെടാന്‍ സഹായിക്കും. ഇത് പതിവായി കഴിച്ചാല്‍ പ്ലേറ്റ്ലെറ്റ് എണ്ണം കുറയും.

മദ്യം, സോഡാ, കാപ്പി എന്നിവ Serotonin തോത് കുറയ്ക്കുന്നതിനാല്‍ അധികം അളവില്‍ കുടിക്കരുത്.

വ്യായാമം

ദുര്‍ മേദസ് ഉള്ളവര്‍ നിത്യവും ഒരു മണിക്കൂര്‍ നേരം ശരീര അധ്വാനത്തില്‍ ഏര്‍പ്പെടണം. മെലിഞ്ഞവര്‍ വ്യായാമം കുറക്കണം. ഓടിയോ, വളരെ വേഗത്തില്‍ നടന്നോ ദേഹത്തില്‍ ഉള്ള ഊര്‍ജ്ജങ്ങള്‍ വെറുതെ കളയരുത്. അഞ്ചു മിനുട്ട് നേരം ഡോക്റ്റര്‍ നിര്‍ദേശിച്ച രീതിയില്‍ ശ്വസന വ്യായാമം ചെയ്യണം. ശ്വസന ആയാമം പഠിക്കണം.  നിത്യവും രാത്രി 7 മണിക്കൂര്‍ വീതം ഉറങ്ങണം.

ഇന്നത്തെ വൃദ്ധന്‍ ഇന്നലത്തെ യുവാവായിരുന്നു. പ്രായം ഏറും തോറും ഇന്ദ്രിയ ശേഷി കുറയുമെങ്കിലും വിഷയ ആസക്തി കുറയുകയില്ല. മാനസിക സംഘര്‍ഷം നിലനിര്‍ത്തുന്ന സംഗതികളില്‍ നിന്ന് അകന്നു മാറണം. മാനസിക പിരിമുറുക്കം നിലനിര്‍ത്തിയാല്‍ Cortisol  തോത് കൂടും. ഇതു മൂലം രക്ത പഞ്ചസാര തോത് ഉയരും, പേശികള്‍ ക്ഷയിക്കും. ധമനീ കാഠിന്യം കൂടും, ചര്‍മ്മം ചുളിയും. കാല ക്രമത്തില്‍ Cortisol  സ്രവം  കുറയും. അത് വൃക്കകളുടെ പ്രവര്‍ത്തനം സ്തംഭിക്കാന്‍ കാരണമാകും. വര്‍ത്തമാന കാലത്തെ പല പ്രശ്നങ്ങള്‍ക്കും കാരണം ഇന്നലകളിലെ അബദ്ധങ്ങളോ ആസക്തിയോ ആണ് എന്ന് കരുതരുത്.

ആഹാരം, ആചാരം, ഉത്സവം, മാതൃ ഭാഷ, കല എന്നിവയില്‍ ഉള്ള ശരിയായ കാഴ്ചപ്പാട് ആണ് സംസ്കാരം. അത് ഏവരേയും സന്തോഷത്തിലോട്ട് നയിക്കും. വാര്‍ദ്ധക്യ ഭാഷ സംസ്കാര ഭാഷയാണ്. പ്രസന്നത അതിന്‍റെ സൂചന ആണ്. യൌവനത്തില്‍ വൃദ്ധ വിരുദ്ധ ഭാഷ പറഞ്ഞു ശീലിച്ചാല്‍ വേഗത്തില്‍ വൃദ്ധനാകാനിടയുണ്ട്. സംസ്കാരത്തിന്‍റെ ഉല്‍പന്നം ആണ് പുണ്യ കര്‍മ്മങ്ങള്‍.

മറ്റുള്ളവരോടും, പ്രായം കുറഞ്ഞവരോടും കൃപ കാണിക്കണം. ഉപകാരം ചെയ്തവരോട്‌ നന്ദി പ്രകാശിപ്പിക്കണം. ആഹാരം കഴിക്കുന്നതിന് മുന്‍പ് ബിസ്മി ചൊല്ലല്‍ കര്‍ഷകരോട് പറയുന്ന നന്ദിയാണ്. സ്നേഹം, പണം, അനുമോദനം എന്നി രൂപത്തില്‍ കൃതജ്ഞത പ്രകടിപ്പിക്കണം. മന്ദഹസിക്കുന്നതും നന്ദി വാക്ക് ചൊല്ലുന്നതും കേള്‍ക്കുന്നതും രസായന ഫലം നല്‍കും

മനസ്സിനെ ചരിത്രങ്ങളിലും, ഭൂതകാല  വിശ്വാസങ്ങളിലും, തളച്ചിട്ടു വര്‍ത്തമാന കാല യാഥാര്‍ത്ഥ്യങ്ങളില്‍ നിന്ന് ഒളിച്ചു ഓടി, മായാ ലോകത്ത് ചേക്കേറിയോ സാങ്കല്പിക ഭാവി കാലങ്ങളില്‍ പ്രതീക്ഷ അര്‍പ്പിച്ചോ, സംതൃപ്തി നേടുന്ന രീതിക്ക് പൂര്‍വ്വ കാലങ്ങളില്‍ തന്നെ ഏറെ സ്വീകാര്യത കിട്ടിയിട്ടുണ്ട്.

ആയുസ്സ് പൂര്‍വ നിശ്ചയം അല്ല. അത് മെച്ചപ്പെടുത്താന്‍ കഴിയുന്നതാണ്. കര്‍മ്മം അനുസരിച്ചാണ് ആയുസ്സ് നിലകൊള്ളുന്നത്. വിധിയില്‍ അന്ധമായി വിശ്വാസം പുലര്‍ത്തരുത്. വിധിയെ കര്‍മ്മങ്ങള്‍ കൊണ്ട്, തപസ്സ് കൊണ്ട്, ത്യാഗംകൊണ്ട്, ദാനം കൊണ്ട്, മഹാബലി കൊണ്ട് പരിഹരിക്കാന്‍ ശ്രമിക്കണം.

വാര്‍ധക്യത്തിലെ കര്‍മ്മങ്ങള്‍ എല്ലാം ലോക ആവശ്യത്തിനു വേണ്ടിയാക്കണം. ജീവിതത്തില്‍ ഇതുവരെ ചിന്തിച്ചതും ദര്‍ശിച്ചതും അനുഭവിച്ചതുമായ സത്യങ്ങള്‍ ലോകത്തോട്‌ വെളിപ്പെടുത്തണം.

ഒന്നിനെയും നിഷേധാന്മകമായി കാണരുത്. പൂമൊട്ടിനെ അപേക്ഷിച്ച് പൂവും, കണ്ണി മാങ്ങയെ അപേക്ഷിച്ച് പഴുത്ത മാങ്ങയും പുഴുവിനെ അപേക്ഷിച്ച് ചിത്ര ശലഭവും മറ്റും എങ്ങിനെ ആണോ മെച്ചപ്പെട്ടിരിക്കുന്നത് അത് പോലെയാണ് വാര്‍ധക്യവും എന്ന് കരുതണം.

ഓര്‍മ്മ കുറവ്,  കാന്‍സര്‍, ഹൃദ്രോഗം, അസ്ഥി ക്ഷയം, അലര്‍ജി രോഗങ്ങള്‍, പ്രമേഹം, അതി രക്ത സമ്മര്‍ദ്ദം തുടങ്ങിയ ബുദ്ധിമുട്ടുകളെ യഥാസമയം യഥോചിതം പരിഹരിക്കണം

മനസും ഇന്ദ്രിയങ്ങളും നല്‍കുന്ന ലക്ഷണങ്ങളെ അവഗണിച്ച്‌, സൂചനകളുടെ നീണ്ട ഫയല്‍ ഉണ്ടാക്കി അതിലെ കണക്കുകള്‍ വായിച്ചും ഗുണിച്ചും കാലം കഴിക്കുന്ന രീതി ഒഴിവാക്കണം.

നാഡി കോശങ്ങള്‍ക്ക് വിഭജിക്കുവാന്‍ കഴിയുകയില്ല. മസ്തിഷ്കത്തിലെ സൂക്ഷ്മ ധമനികളില്‍ രക്ത സഞ്ചാരം വര്‍ദ്ധിപ്പിച്ചാല്‍ കോശങ്ങളില്‍‍ പുതിയ ശാഖകള്‍ രൂപപ്പെട്ട് കിട്ടും. ഇത് വഴി നാഡി വ്യൂഹ ധര്‍മ്മങ്ങള്‍ മെച്ചപ്പെടും. ഇതിന്നായിGinkgo biloba, Arsenic, Myrtus, Secale cor തുടങ്ങിയ മരുന്നുകളെ പ്രയോജനപ്പെടുത്തണം.

മസ്തിഷ്ക കോശത്തില്‍ ജലം കുറയുന്നത്, തന്തുക്കളില്‍ Dopamine, Acetylcholine  എന്നിവ കുറയുന്നത്‌ ആണ് സ്മൃതി ക്ഷയത്തിനു ഒരു കാരണം. ഫോസ്ഫറസ് അടങ്ങിയ Lycopodium 3X, Allium sativa 3X എന്നിവ സമാന മരുന്ന് ആയി ഉപയോഗിക്കാം. Calcium carbonate 6x, Belladonna 6x, Cannabis Indica 6x, Tabacum 6x,Withania 3x, Yohimbe 3x എന്നിവയും ഓര്‍മ്മശക്തി വീണ്ടെടുക്കാന്‍ ഉപയോഗിക്കാം.

മുതിര്‍ന്ന പൌരന്‍മാര്‍ അഭിമുഖീകരിക്കുന്ന ശാരീരികവും, മാനസികവും കുടുംബ പരവും സാമൂഹ്യകവും സാമ്പത്തികവുമായ വിവിധ പ്രശ്നങ്ങള്‍ പരിഹരിക്കുന്നതിന് U.N  അസംബ്ലിയുടെ കീഴില്‍ ആഗോള തലത്തില്‍ പദ്ധതികള്‍ ആവിഷ്ക്കരിച്ചത് 1982 ല്‍ ആണ്. 1990 ഡിസംബര്‍ 14നു ചേര്‍ന്ന U.N അസംബ്ലിയുടെ പ്രത്യേക തീരുമാന പ്രകാരം ആണ് 1991 മുതല്‍ ഓരോ വര്‍ഷവും ഒക്ടോബര്‍ 1 നു ലോക വൃദ്ധ ദിനം ആചരിച്ചു പോരുന്നത്. 
വൃദ്ധ ജനങ്ങള്‍ നല്‍കിയ സംഭാവനകളെ അംഗീകരിക്കുക, ജീവിതത്തില്‍ അവര്‍ അഭിമുഖീകരിക്കുന്ന പ്രശ്നങ്ങള്‍ തിരിച്ചറിഞ്ഞു പരിഹാരം കാണുക എന്നതാണ് ഇതിന്‍റെ മുഖ്യ ഉദ്ദേശം.

മരണം. അന്ത്യവും അതിജീവനവും

Dr P. B. Kader Kochi

ആത്മാവ്, ജീവശക്തി, മനസ്‌, ശരീരം, സാഹചര്യങ്ങള്‍‍, കാലം എന്നിവയുടെ എല്ലാം ബന്ധനം ആണ് ജീവിതം. ഇവ എല്ലാം കൂടി ചേര്‍ന്ന് നില്‍ക്കുന്ന കാല ദൈര്‍ഘ്യത്തെ ആണ് ആയുസ്സ് എന്ന് പറയുന്നത്. ജീവന്‍, ശരീരം എന്നിവയുടെ നാശം മൂലം ജീവിതം അവസാനിക്കുന്നത് ആണ് മരണം.

ആകാശ ഭൂതത്തില്‍ നിന്ന് വായു, അഗ്നി, ജലം, ഭൂമി ക്രമത്തില്‍ പരിണമിച്ച് വികസിച്ചതാണ് മനുഷ്യന്‍ അടക്കം ഉള്ള ജീവജാലങ്ങള്‍‍. ഭൂമി ഭൂതം ക്ഷയിച്ചു ക്രമത്തില്‍ ജലം, അഗ്നി, വായു, ആകാശ ഭൂതമായി പരിണമിച്ചു ഒടുവില്‍ ആകാശ ആലയത്തില്‍ ലയിക്കും. ഈ ചക്രം തുടര്‍ന്ന് കൊണ്ടേ ഇരിക്കും.ഇതാണ് ജീവിത പരിണാമം സംബന്ധിച്ച പഴയ സങ്കല്‍പ്പം.

ഇന്ദ്രിയങ്ങള്‍ മുഖേനെ ആണ് അറിവ് ലഭിക്കുന്നത്. ഇന്ദ്രിയങ്ങള്‍ നശിക്കുമ്പോള്‍ അറിവ് ക്ഷയിക്കും. ആഗ്രഹങ്ങളുടെ സങ്കേതം മനസ് ആണ്. മനസ്‌ നശിക്കുമ്പോള്‍ സ്ഥല കാല ദിക്ക് ബോധവും ആഗ്രഹങ്ങളും ഇല്ലാതാകും.

ജീവന്‍റെ നൈമിഷികമായ വിശ്രമം ആണ് ബോധക്കേട്‌. അതിന്‍റെ നീണ്ട വിശ്രമം ആണ് ഒരു തരത്തില്‍ മസ്തിഷ്ക സ്തംഭനം. ജീവന്‍ ശിഥിലമായാല്‍ മസ്തിഷ്കത്തിന്‍റെ പ്രവര്‍ത്തനം നിലച്ചാല്‍ ശരീരം നശിച്ചു തുടങ്ങും.

70% ആളുകളും മരിക്കുന്നത് വാര്‍ധക്യപരമായ കാരണങ്ങള്‍ കൊണ്ടാണ്. ഹൃദ്രോഗം, സ്ട്രോക്ക് എന്നിവയ്ക്ക് കാരണമാക്കുന്ന ധമനീ രോഗങ്ങള്‍, അര്‍ബുദം, പകര്‍ച്ച വ്യാധി രോഗങ്ങള്‍, ശ്വാസ കോശ രോഗങ്ങള്‍, ആത്മഹത്യ, അപകടം, ശിക്ഷാ നിയമ വിധികള്‍, പട്ടിണി, പ്രകൃതി ദുരന്തങ്ങള്‍, ഇര പിടുത്തം, വിഷ ബാധ, നരഹത്യ, യുദ്ധം എന്നിവയാണ് ആയുസ്സ് നഷ്ടപ്പെടാന്‍ ഉള്ള മറ്റ് കാരണങ്ങള്‍‍.

ഓരോ ദിവസം ഭൂമുഖത്ത് ഒന്നര ലക്ഷം പേര്‍ വീതം മരിക്കുന്നുണ്ട്. ഇടത് കയ്യന്‍മാര്‍ക്ക് വലത് കയ്യന്‍മാരെ അപേക്ഷിച്ച് ആയുസ്സ് കുറവ് ആണ്.

മരണത്തിനു മുന്‍പുള്ള ലക്ഷണങ്ങള്‍

വാര്‍ധക്യത്തില്‍ മരണം ആസന്നമായാല്‍ ഉടലെടുക്കുന്ന ലക്ഷണങ്ങള്‍ എല്ലാവരിലും ഒരുപോലെ അല്ല. ഭൂരിപക്ഷം ആളുകളിലും ക്ഷീണത്തിന്‍റെ തീവ്രത വര്‍ദ്ധിക്കും. വിശപ്പ്, ദാഹം എന്നിവ കുറഞ്ഞു വരും. ചിലരില്‍ ഭക്ഷണം ഇറക്കാന്‍‍ പ്രയാസം അനുഭവപ്പെടും. പേശികളുടെ ക്ഷീണം മൂലം എപ്പോഴും കിടക്കാന്‍ ഉള്ള താല്‍പര്യം കൂടും.

ചുറ്റും ഉള്ളവരും ആയുള്ള ഇടപെടലുകള്‍ കുറയും. ഉറക്ക സമയം വര്‍ദ്ധിക്കും. ചിലരില്‍ പേശികള്‍ ഞെട്ടി തെറിക്കും. വിഭ്രാന്തി അനുഭവപ്പെടും. ചിലര്‍ പലതരം കാഴ്ചകള്‍ കാണുന്നതായി പ്രകടിപ്പിക്കും. സ്ഥല കാല ബോധം നഷ്ടപ്പെടും. മലമൂത്രാദികളുടെ അളവ് കുറയും. ചിലരില്‍ മുഖം തുടിക്കും. ചുണ്ട്, ഗുഹ്യ ഭാഗ ചര്‍മ്മം എന്നിവ കറുക്കും. ചര്‍മ്മത്തില്‍ നീലപ്പ് പ്രത്യക്ഷപ്പെടും.

കാലില്‍ നീര്കെട്ട് കാണപ്പെടും. കൈകാലുകള്‍ തണുക്കും. രക്ത സമ്മര്‍ദ്ദം കുറയും. പള്‍സ്‌ ബലം കുറയും. ബോധം ഇടയ്ക്കിടെ നഷ്ടപ്പെടും. ബോധ ക്ഷയം ചിലരില്‍ 3 ദിവസത്തില്‍ അധികം നേരം ദീര്‍ഘിക്കുകയും ചെയ്യും.

മരണ സമയം അടുത്താല്‍ ശ്വാസം ക്രമ രഹിതമോ വേഗത്തിലോ ആകും. നിശ്വാസ സമയം ദീര്‍ഘിക്കും. ചിലര്‍ വായിലൂടെ മിനുട്ടില്‍ 30 തവണ എന്ന തോതില്‍ നിശ്വാസം വിടും. തുടര്‍ന്ന് 15 സെക്കന്‍ഡ് നേരം വരെ ശ്വസിക്കാതെ നിലകൊണ്ട് വീണ്ടും ദീര്‍ഘമായി നിശ്വസിക്കും.

കഫം കെട്ടി കിടക്കുന്ന ഘട്ടത്തില്‍ ആണെങ്കില്‍ ശ്വസനം ഉച്ചത്തിലാകും.

വാര്‍ധക്യത്തില്‍ തീവ്ര രോഗ ലക്ഷണങ്ങളോ അന്ത്യ ലക്ഷണങ്ങളോ കണ്ടാല്‍ വിപരീത ചികിത്സ ചെയ്യണം. മരണ ഘട്ട ലക്ഷണങ്ങളെ തിരിച്ചറിഞ്ഞാല്‍ സാധാരണ ആളുകള്‍ ചികിത്സിക്കാന്‍ മുതിരരുത്.

സമൂഹം പൊതുവായി സംഘടിപ്പിച്ച് ഒരുക്കി വെച്ച രീതികള്‍ ഏതാണോ അത് സ്വീകരിക്കുന്നതിന് പ്രേരിപ്പിക്കണം. അങ്ങിനെ ഒരുക്കി വെക്കാത്ത ഒരു രാജ്യത്ത് മാത്രമാണ് ബന്ധുക്കള്‍ ശുശ്രൂഷിക്കേണ്ടത്. ഇത്തരം ഘട്ടത്തില്‍ സമാന്തര ശുശ്രൂഷ അന്വേഷിച്ചു മറ്റ് ചികിത്സകരെ പ്രയാസപ്പെടുത്തുകയും അരുത്.

ഭക്ഷണം ഇറക്കാന്‍ പ്രയാസം പ്രകടിപ്പിച്ചാല്‍ അത് കഴിപ്പിക്കാനായി ബലം പ്രയോഗിക്കരുത്. ജലം കുടിക്കാന്‍ പ്രേരിപ്പിക്കണം. കുടിക്കാന്‍ തണുപ്പിച്ച ഫ്രൂട്ട് ജൂസ് നല്‍കാം.

മരണം ആസന്നമായി ക്ഷീണിച്ചു കിടക്കുന്ന ആളുമായി തര്‍ക്കത്തില്‍ ഏര്‍പ്പെടരുത്. ശബ്ദം താഴ്ത്തിയും ശാന്തമായും ഇഷ്ടത്തോടും കൂടി പെരുമാറണം.അടുത്ത പരിചയക്കാര്‍ സന്ദര്‍ശിക്കുകയാണെങ്കില്‍ പോലും ആളെ തിരിച്ചറിയാന്‍ ഉതകും വിധം അഭിസംബോധന ചെയ്യണം. ശബ്ദം താഴ്ത്തി, സ്നേഹപൂര്‍വവും സംസാരിക്കണം.

കൈ മൃദുവായി പിടിച്ചു നല്ല വാക്ക് പറയണം. അവര്‍ ചെയ്ത ഉപകാരം ഓര്‍മ്മിപ്പിച്ചു നന്ദി പറയണം.

ഉറങ്ങുന്ന ഘട്ടത്തില്‍ ബന്ധുക്കള്‍ ഉറക്കെ വര്‍ത്തമാനം പറഞ്ഞു ശല്യം ചെയ്യരുത്. കുലുക്കി വിളിക്കരുത്.

ചില വ്യക്തികള്‍ക്ക്  ഉറക്കത്തില്‍ ആയാലും ബോധ ക്ഷയത്തില്‍ ആയാലും ചെവി കേള്‍ക്കാന്‍ കഴിയും. ആള്‍ക്ക് വിഷമം തോന്നുന്ന വിഷയങ്ങള്‍ ഒന്നും കൂടെ ഉള്ളവര്‍ പറയരുത്.

ചിലര്‍ അസ്വാഭാവികമായ കാര്യങ്ങള്‍ കാണുന്നതായോ കേള്‍ക്കുന്നതായോ അനുസരിച്ച് കൈകള്‍ പ്രവര്‍ത്തിപ്പിക്കും. സംസാരിക്കും. ആളെ അതില്‍ നിന്ന് തടസ്സപ്പെടുത്തരുത്. തിരുത്തരുത്.കളിയാക്കരുത് അഭിപ്രായ പ്രകടനം നടത്തുകയും അരുത്. കൂട്ടം കൂടി മുറിയില്‍ തങ്ങരുത്

ആള്‍ അസ്വസ്ഥത പ്രകടിപ്പിക്കുന്ന ഘട്ടത്തില്‍ നനവുള്ള ചെറിയ ടവല്‍ നെറ്റിയില്‍ വെച്ച് കൊടുക്കാം. നെറ്റി ഭാഗമോ കൈ ഭാഗമോ മൃദുവായി തടവാം.

കൈ കാലുകള്‍ തണുത്തു കണ്ടാല്‍ പുതക്കണം. ശബ്ദം കുറഞ്ഞ നിലയില്‍ ഗാനം കേള്‍പ്പിക്കാം.

ഇമ്പമുള്ള രീതിയില്‍, ഇഷ്ടമുള്ള പുസ്തക ഭാഗം വായിച്ച് കേള്‍പ്പിക്കാം. വെറുതെ വായിച്ച് ശല്യം ചെയ്യരുത്. ഇഷ്ടം അറിഞ്ഞു പെരുമാറണം.

ശ്വസിക്കാന്‍ പ്രയാസം ഉള്ള ഘട്ടത്തില്‍ ഇരിക്കാന്‍ അനുവദിക്കുകയോ ഉയരമുള്ള തലയിണ വെച്ച് കൊടുക്കുകയോ ചെയ്യണം. കയ്യില്‍‍ സ്നേഹപൂര്‍വ്വം പിടിക്കാം. വായിലൂടെ ശ്വസിക്കുന്ന ഘട്ടത്തില്‍ മൃദുവായ തുണി ജലത്തില്‍ മുക്കി ചുണ്ട് നനച്ച് കൊടുക്കാം.

വായയില്‍ ഉമിനീര്‍, കഫം എന്നിവ നിറഞ്ഞു തടസപ്പെട്ടിട്ടുണ്ടെങ്കില്‍ ആളെ ചെരിച്ചു കിടത്തി നനഞ്ഞ തുണി കൊണ്ട് വായ തുടക്കണം.

ദീര്‍ഘ നേരമായി ബോധ ക്ഷയം ഉള്ള ആള്‍ ആണെങ്കില്‍ മലര്‍ത്തി കിടത്തുകയോ വലതു വശം ചരിച്ച് കിടത്തുകയോ ചെയ്യുന്ന ആണ് ഉചിതം. കിടപ്പ് വിരി നനഞ്ഞിട്ടുണ്ടെങ്കില്‍ അവ മാറ്റണം.

മരണ ഘട്ടം പൊതുവെ ശീതം ആണ്. വെള്ളത്തില്‍ മുങ്ങി പോയവര്‍ ഐസില്‍ പെട്ട് പോയവര്‍ ,അവരില്‍ പെട്ടെന്ന് ഉഷ്ണം പ്രയോഗിക്കരുത്.

മരണ വേദന കുറയ്ക്കാനായി പ്രഥമ ശുശ്രൂഷ എന്ന നിലയില്‍ Aconitum  3X അല്ലെങ്കില്‍ ജീരകം പൊടിച്ചത് ചൂട് ജലത്തിലോ, ആല്‍ക്കഹോളിലോ കലര്‍ത്തി തുടരെ തുടരെ കുറേശ്ശെ നല്‍കണം. നെഞ്ചു വേദനയെങ്കില്‍ ഇഞ്ചി വിനാഗിരിയില്‍ അരച്ച് നെഞ്ചില്‍ തേക്കാം. കാലിനടിയില്‍ കടുക് അരച്ചിടാം.

ചൂട് ജലമോ ഉറവ ജലമോ കുടിക്കാനായി നല്‍കണം. മിടിപ്പ് കുറഞ്ഞുള്ള ഘട്ടത്തില്‍ എരിവ് ദ്രവ്യങ്ങള്‍, ചൂട് ഉള്ള ദ്രവ്യങ്ങള്‍ എന്നിവ ഉപയോഗപ്പെടുത്തണം.

മിടിപ്പ് കൂടുതല്‍ എങ്കില്‍ കിണര്‍ ജലം, ശീത ജലം നല്‍കാം. വൈദ്യുതി ആഘാതം, വെള്ളത്തില്‍ മുങ്ങിയുള്ള ബോധക്ഷയം എന്നീ സന്ദര്‍ഭങ്ങളില്‍ 1 മണിക്കൂര്‍ നേരം വരെ ഹൃദയ പുനരുജ്ജീവന ശുശ്രൂഷകള്‍ ചെയ്തു നോക്കണം.

ബോധം നഷ്ടപ്പെട്ട മറ്റു ഘട്ടങ്ങളില്‍ ശുശ്രൂഷകന്‍‍ കുരുമുളക് വായിലിട്ട് ചവച്ചു ആളുടെ  ചെവിയില്‍ 150 തവണ വരെ ഊതി നോക്കണം.

പ്രായം ഏറെ എത്തിയ ആളും സഹജ പ്രകൃതി ഉഷ്ണവും എങ്കില്‍ കര്‍പ്പൂരം കത്തിച്ച പുക ഏല്‍പ്പിച്ചാല്‍ ഒരു തരം സംതൃപ്തി അനുഭവപെട്ട് കിട്ടിയേക്കും. പൂരം എന്നാല്‍ സംതൃപ്തി എന്നാണ് അര്‍ഥം.

ബോധ ക്ഷയം ഉള്ള ആളില്‍‍, മറ്റു പ്രതികരണം ഒന്നും പ്രകടമാകുന്നില്ല എങ്കില്‍ വിനാഗിരിയില്‍ കുരുമുളക് ചാലിച്ചു ആളുടെ വായില്‍ പുരട്ടി നോക്കാവുന്നതാണ്.

മരണ ലക്ഷണങ്ങള്‍

നെഞ്ചു ചലനം, ഹൃദയ മിടിപ്പ്, പള്‍സ് എന്നിവ നിലക്കും. ചുണ്ട് നീല നിറം ആകും. ഹൃദയം നിലച്ചു 6 മിനുട്ട് കഴിഞ്ഞാല്‍ മസ്തിഷ്ക പ്രവര്‍ത്തനവും നിലച്ചു തുടങ്ങും. ചിലര്‍ക്ക് ഈ ഘട്ടത്തില്‍ കണ്ണില്‍ ചില പ്രകാശം പരക്കുന്നതായി അനുഭവപ്പെടും.  അറിയാതെയുള്ള മല മൂത്ര വിസര്‍ജനം നടക്കാം.

കണ്‍ പോള പകുതി തുറന്ന രീതിയില്‍ ആകും. കൃഷ്ണ മണി വികസിച്ചു നിശ്ചലമാകും. വായ പകുതി തുറന്ന നിലയില്‍ നിലകൊള്ളും.

ഹൃദയം നിലച്ചാല്‍ ആദ്യം നശിക്കുന്ന അവയവം മസ്തിഷ്കം ആണ്. തുടര്‍ന്ന്കുടലിലെ ബാക്റ്റീരിയകള്‍ സജീവമായി ദേഹത്തെ തിന്നു നശിപ്പിച്ചു തുടങ്ങും. തണുത്ത അന്തരീക്ഷത്തില്‍ ആണെങ്കില്‍ മസ്തിഷ്ക നാശം നടക്കുന്നത് സാവധാനത്തില്‍ ആയിരിക്കും.

മരിച്ചു കഴിഞ്ഞാല്‍ നിവര്‍ത്തി കിടത്തണം. കൈ, കാലുകള്‍ ശരീരത്തോടെ ചേര്‍ത്തു വെക്കണം. വൃത്തിയുള്ള വസ്ത്രം കൊണ്ട് ദേഹത്തെ പുതക്കണം. മരിച്ച് കഴിഞ്ഞ ശേഷവും ആളെ ചലനം കൊണ്ടോ ശബ്ദം കൊണ്ടോ ഒട്ടും തന്നെ ശല്യം ചെയ്യരുത്. ശരീരത്തിന്‍റെ ചൂട് കുറയുന്നത് വരെ ആരും തന്നെ ആളെ സ്പര്‍ശിക്കരുത്.

ചില സമൂഹങ്ങളില്‍ മരണം നടന്നു 3 മണിക്കൂര്‍ കഴിഞ്ഞ ശേഷം കുടുംബത്തിലെ മുതിര്‍ന്ന അംഗം മരിച്ച ആളുടെ തലയുടെ ഉച്ചിയില്‍ മൃദുവായി സ്പര്‍ശിക്കും.അതിന് ശേഷം മാത്രം ആണ് ദേഹം തുടക്കുകയോ കുളിപ്പിക്കുകയോ ചെയ്യുന്നത്.

24 മണിക്കൂറിനുള്ളില്‍ മറവ് ചെയ്യാനുള്ള ഒരുക്കങ്ങള്‍‍ നിര്‍ദ്ദേശിക്കണം.

നാട്ടിലെ മറ്റു മരണ വര്‍ത്തമാനം പറഞ്ഞാല്‍ അടുത്ത ബന്ധുക്കളുടെ സങ്കടം കുറയും.

ഡോക്ടര്‍ മരണ വീട്ടില്‍ അധിക നേരം തങ്ങരുത്. ആകസ്മികമായി ശുശ്രൂഷിക്കേണ്ട അനിവാര്യത ഉണ്ടായാല്‍ അത് നിര്‍വ്വഹിക്കണം. നാട്ടുകാരില്‍ നിന്നുള്ള ചോദ്യങ്ങള്‍ക്ക് കാര്യ പ്രസക്തമായ വാക്കുകളില്‍ ഒതുക്കി മറുപടി പറയണം.

മരിച്ചു കഴിഞ്ഞാല്‍ ഭൂരിപക്ഷം സമൂഹങ്ങളിലും ദേഹത്തെ മണ്ണില്‍ കുഴിച്ചു മൂടുകയാണ് ചെയ്തു പോരുന്നത്. ചില വിഭാഗം അഗ്നിയില്‍ ദഹിപ്പിക്കും. ചിലര്‍ കടലിലോ മലമുകളിലോ ഉപേക്ഷിക്കും. ചിലര്‍ മെഡിക്കല്‍ കോളേജില്‍ വില്‍ക്കും.എല്ലാ പുഴകളും കടലില്‍ അവസാനിക്കും. അത് പോലെ എല്ലാ ധാതുക്കളും ഒരിക്കല്‍ കടലില്‍ എത്തും. ആ വിശ്വാസം അനുസരിച്ച് ചില ബന്ധുക്കള്‍ ചിതാഭസ്മം കടലില്‍ അലിയിപ്പിച്ചു തൃപ്തി വരുത്തും.

മരണവും ആയി ബന്ധ പെട്ട ചില വിശ്വാസങ്ങള്‍

• ആത്മാവിനു ഭൂമിയില്‍ നിലകൊള്ളാനുള്ള സംവിധാനം ആണ് ദേഹം.
• ജീവ ശക്തിയെ ക്ഷീണിപ്പിച്ചു ആത്മാവ്, മനസ്‌, ശരീരം എന്നിവയെ വേഗത്തില്‍ വിഘടിപ്പിക്കുന്നത് ദോഷങ്ങള്‍, പിശാചുക്കള്‍ ആണ്.
• ജീവന്‍ നശിക്കുകയും, ആത്മാവ് മറ്റുള്ളവയുമായുള്ള തമ്മിലുള്ള ബന്ധം വേര്‍പെടുത്തി, അതിന്‍റെ ദേഹിയില്‍ നിന്ന് എന്നന്നേക്കുമായി വേര്‍പ്പെട്ട് ആകാശ ആലയത്തില്‍ ലയിക്കുന്ന പ്രതിഭാസമാണ് മരണം.
• ജീവന്‍ നശിച്ചാലും ആത്മാവ് ഏതാനും നേരം ദേഹിയില്‍ നില നില്‍ക്കും.
• ദേഹത്തില്‍ നിന്ന് ആത്മാവ് വേര്‍പെട്ടാലും ജീവന്‍ ഏതാനും നേരം ശരീരത്തില്‍ നില നില്‍ക്കും. ജീവ ശക്തിയുടെ അംശങ്ങള്‍ ആയിരുന്ന സാരാംഗ്നികള്‍ പരിണമിച്ച് ആണ് ശരീരത്തിന്‍റെ ചില ഭാഗങ്ങളെ ജീര്‍ണ്ണിപ്പിക്കുന്നത്. ദേഹത്തില്‍ നിന്ന് ആത്മാവ് വേര്‍പെട്ടാലും മനസ്‌ ഏതാനും നേരം  ആത്മാവിനോടൊപ്പം നില നില്‍ക്കും.
• പുണ്യം ചെയ്തവര്‍ ആണെങ്കില്‍ മനസും ആത്മാവും കുറച്ച് നാള്‍ ഇവിടെ തങ്ങി തൃപ്തി വരുത്തിയ ശേഷം ആണ് വിഘടിച്ചു ആകാശ ആലയത്തില്‍ കലരുന്നത്.
• മരണം കൂടുതലും നടക്കുന്നത് തണുപ്പ് മാസങ്ങളില്‍ ആണ്.
• മരണ പ്രയാസങ്ങള്‍ ലഘുവായി അനുഭവപ്പെടുന്നത് ഉത്തരായന കാലത്ത് വെളുത്ത പക്ഷത്ത് പകല്‍ 3 മണിക്ക് ശേഷമുള്ള സമയങ്ങളില്‍ ആണ്.
• ആകാശം, വായു, അഗ്നി, ജലം, ഭൂമി എന്നിവ സംയോജിച്ചു  കാലത്തോട് ചേര്‍ന്നു ജീവന്‍ രൂപം കൊള്ളാനും, കാലം കഴിഞ്ഞാല്‍ ഭൂതങ്ങള്‍ വിഘടിച്ചു വേര്‍പെടാതിരിക്കാനും, ചായ പോലുള്ള ചവര്‍പ്പ് ദ്രവ്യങ്ങള്‍ സഹായമാണ്.
• ഭൂമിയില്‍ മിക്കതും ഇരട്ടകളായി കാണപ്പെടുന്നത് (Yin/Yang). അതുപോലെ പ്രപഞ്ചത്തിനും ഒരു ഇരട്ടയുണ്ട്. മരിച്ച ശേഷം ആത്മാവ് അതിന്‍റെ ഇരട്ടയായ കര്‍മ്മ ഫല(Yan) ത്തെയും കൂട്ടി ആദ്യം ആകാശ ആലയത്തില്‍ പ്രവേശിക്കും. തുടര്‍ന്ന് പ്രപഞ്ചത്തിന്‍റെ ഇരട്ടയായ പരലോകത്തെ ലക്ഷ്യം വെച്ച് സഞ്ചരിക്കും.ജീവിതത്തില്‍ സംതൃപ്തി നേടിയിട്ടില്ലാത്ത ആത്മാക്കള്‍ ആണെങ്കില്‍ ഇവിടെ തങ്ങി സാവധാനത്തില്‍ മാത്രമാണ് ഇവിടെ നിന്ന് പരലോകത്തിലോട്ട് പോകുന്നത്.

ആയുസ്സ്  വര്‍ദ്ധിപ്പിക്കാന്‍ ചില മാര്‍ഗങ്ങള്‍

• ഇന്ദ്രിയങ്ങളെ പ്രത്യേകിച്ച് ചെവിയെ നിയന്ത്രിക്കുക
• ശരീരത്തിനും മനസ്സിനും ക്ഷതം പറ്റാതെ നോക്കുക.
• വിഷങ്ങള്‍ ദേഹത്തില്‍ എത്താതെ ശ്രദ്ധിക്കുക
• രോഗങ്ങള്‍ പിടിപെടാതെ നോക്കുക.
• പിടിപെട്ട രോഗങ്ങളെ കുറഞ്ഞ സമയം കൊണ്ട് പൂര്‍ണ്ണമായും  പരിഹരിക്കുക.
• ഉയര്‍ന്ന അന്തരീക്ഷ താപത്തില്‍ അധിക നേരം ജോലി ചെയുന്ന ശീലം കുറയ്ക്കുക.
• മസ്തിഷ്ക കോശങ്ങള്‍ക്ക് 5-10 മിനുട്ടില്‍ അധികം ഓക്സിജന്‍ ഇല്ലാതെ നിലനില്‍ക്കാന്‍ കഴിയുകയില്ല. കോശങ്ങള്‍ ഉയര്‍ന്ന സാന്ദ്രതയില്‍ ഓക്സിജനെ ഉപയോഗപ്പെടുത്തി ശീലിച്ചാല്‍ സാന്ദ്രത  കുറഞ്ഞ ഘട്ടങ്ങളില്‍, അത് കിട്ടാതെ വരുന്ന ഘട്ടങ്ങളില്‍‍, അതിജീവനത്തിന് പ്രയാസപ്പെടും. കുറഞ്ഞ അളവില്‍ ഓക്സിജന്‍, സാരാംഗ്നികള്‍, ഹോര്‍മോണുകള്‍ എന്നിവയെ ഉപയോഗപ്പെടുത്തി ശരീര ധര്‍മ്മങ്ങള്‍ നിര്‍വഹിക്കാന്‍ കോശങ്ങളെ പ്രാപ്തരാക്കുന്നതിന് ഉതകുന്ന ദ്രവ്യങ്ങള്‍ ഉപയോഗിക്കുക.
• ഹോര്‍മോണ്‍ ശേഷി അകാലത്തില്‍ തീര്‍ന്നു പോകാതിരിക്കാന്‍ ഇന്ദ്രിയങ്ങളെ നിയന്ത്രിക്കുക മാനസിക സംഘര്‍ഷം കുറക്കുക.
• ആഹാരത്തില്‍ ‍കലോറി മൂല്യം കുറഞ്ഞ ഇനങ്ങള്‍ക്ക് മുന്‍ഗണന നല്‍കുക.
• 60 വയസ്സ് കഴിഞ്ഞാല്‍ ദിനം പ്രതി ശരീരത്തിന് വേണ്ട ആഹാര ഊര്‍ജ്ജ ആവശ്യത്തില്‍ 30% കുറവ് വരുത്തുക.
• രാസ ഇനം മരുന്ന് ദ്രവ്യങ്ങളുടെ ഉപയോഗം കുറയ്ക്കുക
• എല്ലാ കാലത്തെ മനുഷ്യരെയും, എല്ലാ പ്രായക്കരെയും അലട്ടിയിരുന്ന പ്രശ്നമാണ് മരണ ഭയം. ഒരുവന്‍റെ ഭൌതിക മോഹങ്ങളില്‍ സംതൃപ്തി സംഘടിപ്പിക്കാന്‍ കഴിയാത്തത് കൊണ്ടാണ് ജീവിത കാലത്ത് മരണം ചിന്ത പ്രയാസം ഉണ്ടാകുന്നത്.

രോഗം, മരണ ഭയം, മരണ ഘട്ട ആചാരങ്ങള്‍ എന്നിവയെ ചരിത്രത്തിലെ പല ആശയ സംസ്കാരങ്ങളും സംഘങ്ങളും പ്രസ്ഥാനങ്ങളും അവയുടെ നിലനില്‍പ്പിന് വേണ്ടി  വളര്‍ച്ചയ്ക്ക് വേണ്ടി തന്ത്രപരമായി ഉപയോഗപ്പടുത്തിയിട്ടുണ്ട്

വ്യക്തിയുടെ അന്ത്യം ആണ് മരണം. വ്യക്തി എന്നത് ആത്മാവ് മാത്രം അല്ല, ആത്മാവും ജീവനും ആന്തരിക മനസ്സും ബാഹ്യ മനസും ശരീരവും എല്ലാം ചേര്‍ന്നതാണ്. ഭൂമിയില്‍ ജീവിക്കേണ്ടത് വ്യക്തി എന്ന നിലയിലാണ്. ആത്മാവ് എന്ന നിലയില്‍ ആകരുത്. മരണത്തെ തുടര്‍ന്നുള്ള കാലത്തില്‍ വ്യക്തി എന്ന നിലയില്‍ മറ്റ് പ്രസക്തി കാണേണ്ട കാര്യമില്ല.

മരണത്തെ അതിജീവിക്കാന്‍ ഉതകുന്ന പദാര്‍ത്ഥങ്ങള്‍ സംബന്ധിച്ച അന്വേഷണങ്ങള്‍ക്ക് പഴക്കം ഏറെ ഉണ്ട്. ലോഹങ്ങളേയും ഖനീജങ്ങളേയും സസ്യങ്ങളേയും ജന്തു ഘടകങ്ങളേയും പല രീതിയില്‍  പൂര്‍വികര്‍ സംസ്കരിച്ചു ഉപയോഗിച്ചു നോക്കി. സുര, തൈര്‍, രസായനം, കഷായ ദ്രവ്യങ്ങള്‍, ലഹരി ദ്രവ്യങ്ങള്‍, ചോക്കളേറ്റ് എന്നിവയെ എല്ലാം അവര്‍ പരീക്ഷിക്കുകയുണ്ടായി.

ഹോമിയോപ്പതി സസ്യ ഔഷധങ്ങള്‍ ആയ Allium sativa, Amlaki, Arbor vitae,  Cinchona, Dandelion, Maiden Hair, Medicago sativa, Panax, Podophyllum, Ricinus communis, Sarcostemma, Scouring  rush  എന്നിവയും ആയുസ്സ് വര്‍ദ്ധിപ്പിക്കാന്‍ ഉപയോഗിച്ച് നോക്കിയിട്ടുണ്ട്.

Dr.P.B.Kader Kochi

കടപ്പാട് :podoph.blogspot.in