অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

സ്വച്ഛ് ഭാരത് മിഷൻ

Help
സ്വച്ഛ് ഭാരത് മിഷൻ

പദ്ധതി വിവരങ്ങൾ

ശുചിത്വമുള്ള രാഷ്ട്രം എന്ന ലക്ഷ്യവുമായി കേന്ദ്രസർക്കാർ ആരംഭിച്ച പദ്ധതി 2014 ഒക്ടോബർ രണ്ടിനാണ് പ്രധാനമന്ത്രി സ്വച്ഛ്ഭാരത് പദ്ധതി പ്രഖ്യാപിച്ചത്. മഹാത്മാഗാന്ധിയുടെ 150 പത്താം ജൻമവാർഷികത്തോടനുബന്ധിച്ച് 2019 ഒക്ടോബർ രണ്ടോടുകൂടി പദ്ധതിയിൽ പറഞ്ഞിരിക്കുന്ന ലക്ഷ്യങ്ങൾ നിറവേറ്റാനാണ് തീരുമാനം. സച്ചിൻ തെണ്ടുൽക്കർ ഉൾപ്പടെ 9 പ്രശസ്തരെ പദ്ധതിയുടെ പ്രചാരണത്തിനായി അംബാസിഡർമാരായി പ്രധാനമന്ത്രി നിർദ്ദേശിച്ചിട്ടുണ്ട്.

രാഷ്ട്രപിതാവായ മഹാത്മാഗാന്ധിയുടെ 150-)ം ജന്മവാര്‍ഷികമായ 2019 ഒക്ടോബര്‍ 2 ആകുമ്പോഴേക്കും പൊതുസ്ഥലങ്ങളിലെ മലമൂത്ര വിസര്‍ജ്ജന രഹിത ഭാരതം എന്ന ലക്ഷ്യം പൂര്‍ണ്ണമായി കൈവരിക്കുന്നതിനായി 2014 ഒക്ടോബര്‍ 2 മുതല്‍ നിര്‍മ്മല്‍ ഭാരത് അഭിയാന്‍ എന്ന ഭാരത സര്‍ക്കാരിന്റെ ശുചീകരണവുമായി ബന്ധപ്പെട്ട പദ്ധതി സ്വച്ഛ് ഭാരത് മിഷന്‍ (ഗ്രാമീണ്‍) ആയി പുനരാവിഷ്ക്കരിക്കുകയും പുനര്‍നാമകരണം ചെയ്യപ്പെടുകയും ചെയ്തു. 2015-16 മുതല്‍കേന്ദ്രസംസ്ഥാന സര്‍ക്കാരുകളുടെ പദ്ധതി വിഹിതം 75:25 എന്ന അനുപാതത്തില്‍ നിന്നും 60:40 എന്നാക്കി മാറ്റുകയും ചെയ്തു.

2015-16-ല്‍ സ്വച്ഛ് ഭാരത് മിഷന്‍ (ഗ്രാമീണ്‍) പദ്ധതി പ്രകാരം 32167 വ്യക്തിഗത കക്കൂസുകളും 58 സാമൂഹ്യ ശുചിത്വ ശൌചാലയങ്ങളും 95 വിദ്യാലയ/അംഗ൯വാടി ശൗചാലയങ്ങളും നിര്‍മ്മിച്ചു.

മിഷന്‍റെ ലക്ഷ്യങ്ങൾ


  1. തുറസായ പ്രദേശങ്ങളിലെ മലവിസർജ്ജനം പൂർണ്ണമായും ഇല്ലാതാക്കുക.
  2. തോട്ടിപണി പൂർണ്ണമായും നിർമാർജ്ജനം ചെയ്യുക.
  3. മാലിന്യ നിർമാർജ്ജനത്തിനായി ആധുനികവും ശാസ്തീയവുമായ പ്രക്രിയകൾ അവലംബിക്കുക.
  4. ശുചീകരണ മേഖലയിൽ സ്വകാര്യ പങ്കാളിത്തം ഉറപ്പുവരുത്തുക.
  5. ജനങ്ങൾക്ക് ശുചിത്വത്തെകുറിച്ചുളള ബോധവത്ക്കരണം.
  6. മഹാത്മാ ഗാന്ധിജിക്ക് പൂർണ്ണ തോതിൽ ആദരം അർപ്പിക്കുന്നതിന് വൃത്തിയുള്ള ഒരു ഇന്ത്യ സൃഷ്ടിക്കുക.
  7. ഒരു വർഷത്തിനകം രാജ്യത്തെ എല്ലാ വിദ്യാലയങ്ങളിലും ആൺകുട്ടികൾക്കും, പെൺകുട്ടികൾക്കും വെവ്വേറെ ശൗചാലയങ്ങൾ നിർമ്മിക്കൽ ലക്ഷ്യം.
  8. വിശദ വിവരങ്ങൾക്ക് ശുചിത്വ മിഷനുമായി (പഞ്ചായത്ത്/ബ്ലോക്ക് കാര്യാലയം) ബന്ധപ്പെടുക.


© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate