অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

പല്ലു വേദനയ്ക്ക് വീട്ടില്‍ തന്നെ പരിഹാരം

പല്ലു വേദനയ്ക്ക് വീട്ടില്‍ തന്നെ പരിഹാരം

നിങ്ങള്‍ പല്ലുവേദന കാരണം കഷ്ടപ്പെടുകയാണോ? നിങ്ങള്‍ക്ക് വേഗത്തില്‍ പ്രകൃതിദത്തമായ രീതിയില്‍ പല്ലുവേദന ഭേദമാക്കണോ? "അതേ" എന്നാണ് ഉത്തരമെങ്കില്‍ ഇത് വായിക്കൂ.

പേരയില

നല്ല പച്ച പേരയില വ്രണങ്ങള്‍ ഭേദമാക്കുവാന്‍ ഉത്തമമാണ്. അതോടൊപ്പം, ഇവയുടെ വേദനസംഹാരി, അണുനാശിനി കഴിവുകള്‍ നിങ്ങളുടെ പല്ലുവേദനയും ഭേദമാക്കുവാന്‍ ഉപകരിക്കുന്നു.

വേദനയുള്ള പല്ലിന്റെ ഭാഗം വച്ച്‌ വൃത്തിയായി കഴുകിയ പേരയില ചവയ്ക്കുക. അല്ലെങ്കില്‍, വെള്ളത്തില്‍ പേരയില തിളപ്പിച്ചതിനുശേഷം തണുപ്പിച്ച്‌ ഉപ്പും ചേര്‍ത്ത് ഉപയോഗിച്ചാല്‍ വായ്‌നാറ്റം അകറ്റുവാന്‍ ഉത്തമമാണ്.

ചീരയില

ചീര ആരോഗ്യത്തിന് നല്ലതാണ് എന്ന് മാത്രമല്ല, പല്ലുവേദനയ്ക്കും ഉത്തമ മരുന്നാണ്. പേരയില പോലെ തന്നെ ചീരയും കഴുകി വൃത്തിയാക്കിയ ശേഷം വേദനയുള്ള പല്ലിന്റെ ഭാഗം വച്ച്‌ ചവയ്ക്കുക. ചീര നിങ്ങളുടെ അടുക്കളയില്‍ സുലഭമായി ലഭിക്കുന്ന ഒന്നായതിനാല്‍ വീട്ടില്‍ തന്നെ എളുപ്പത്തില്‍ ചെയ്യാവുന്ന ഒന്നാണിത്.

വാനില നീര്

പല്ലുവേദനയ്ക്കുള്ള മറ്റൊരു ഒറ്റമൂലിയാണ് വാനില നീര്. ഇത് നിങ്ങളുടെ പല്ലുവേദന എളുപ്പത്തില്‍ ശമിപ്പിക്കുന്നു. ഇതിനായി, ഒരു പഞ്ഞി എടുത്ത് വാനില നീരില്‍ മുക്കി, അത് പല്ലില്‍ വേദനയുള്ള ഭാഗത്ത് വയ്ക്കുക. ദിവസത്തില്‍ പല തവണ ഇങ്ങനെ ചെയ്താല്‍ വേദനയ്ക്ക് ശമനമുണ്ടാകും.

ഗ്രീന്‍ ടീ ഇലകള്‍

ശരീരത്തിന് ആരോഗ്യകരമായ ഗ്രീന്‍ ടീ പല്ലിനും ഗുണം ചെയ്യുന്നതാണ്. ഇതില്‍ അടങ്ങിയിരിക്കുന്ന ആസിഡ് ടാണിക്ക്, കാറ്റെച്ചിന്‍, ഫ്ലോറല്‍ എന്നിവ ഞങ്ങളുടെ പല്ലിന്റെ ഉറപ്പ് വര്‍ദ്ധിപ്പിക്കുവാനും സഹായിക്കുന്നു. കഴുകി വൃത്തിയാക്കിയ ഗ്രീന്‍ ടീ ഇലകള്‍ 5 മിനിറ്റ് നേരം ചവയ്ക്കുക. ഇത് ദിവസത്തില്‍ 2-3 പ്രാവശ്യം ആവര്‍ത്തിക്കുക.

കുന്തിരിക്കം

അണുനാശിനിയും, വ്രണങ്ങള്‍ ഉണക്കുന്നതുമായ കുന്തിരിക്കത്തിന്റെ സവിശേഷതകള്‍ പല്ലുവേദനയ്ക്ക് കാരണമാകുന്ന കീടാണുക്കളെ നശിപ്പിക്കുവാന്‍ സഹായിക്കുന്നു. ഇതിനായി കുന്തിരിക്കപ്പൊടി വെള്ളത്തില്‍ 30 മിനിറ്റു നേരം കലക്കി വച്ചതിനുശേഷം ആ വെള്ളം ഉപയോഗിച്ച്‌ വായ നന്നായി കഴുകുക. ഇത് ദിവസത്തില്‍ 5-6 പ്രാവശ്യം ചെയ്യണം.

നല്ല ടൂത്ത്പേസ്റ്റ് ഉപയോഗിക്കുക

ദിവസവും പല്ലുതേയ്ക്കുക എന്നത് പല്ലുവേദന വരാതിരിക്കുവാന്‍ പ്രധാനമായി ചെയ്യേണ്ട ഒന്നാണ്. എന്നാല്‍, പഴയതും, ഗുണമേന്മ കുറഞ്ഞതുമായ ടൂത്ത്പേസ്റ്റുകള്‍ പല്ലുവേദനയ്ക്ക് കാരണമാകുകയും ചെയ്തേക്കാം.അതിനാല്‍, പഴയതും കട്ടിയുള്ളതുമായ ടൂത്ത്പേസ്റ്റുകള്‍ക്ക് പകരം മൃദുവായ ടൂത്ത്പേസ്റ്റുകള്‍ ഉപയോഗിക്കുക. ദിവസവും പല്ലുതേയ്ക്കുവാനും മറക്കരുത്.

മദ്യം

മദ്യം അഥവാ ആല്‍ക്കഹോള്‍ പല്ലുവേദന ശമിപ്പിക്കുവാന്‍ ഉത്തമമാണ്. വീട്ടില്‍ തന്നെ എളുപ്പത്തില്‍ ചെയ്യാവുന്ന ഒറ്റമൂലിയാണിത്. കുറച്ച്‌ വോഡ്കയോ ബ്രാന്‍ഡിയോ വിസ്കിയോ ഉപയോഗിച്ച്‌ വായും പല്ലും കഴുകിയാല്‍ പല്ലുവേദനയുടെ ലക്ഷണങ്ങള്‍ പെട്ടെന്ന് തന്നെ ശമിക്കും. വായ നന്നായി വൃത്തിയാക്കുന്ന ഇവ മൗത്ത്‌വാഷിന്റെ പ്രയോജനവും ചെയ്യുന്നു.

വെള്ളരിക്ക

പല്ലുവേദന ശമിപ്പിക്കുവാന്‍ വീട്ടില്‍ തന്നെ ചെയ്യാവുന്ന മറ്റൊരു ഒറ്റമൂലിയാണിത്. വെള്ളരിക്ക തണുത്തതായതിനാല്‍ അത് വായിലെ വേദനയുള്ള ഭാഗങ്ങളെ ശാന്തമാക്കുന്നു. വെള്ളരിക്ക കഷണങ്ങളായി അരിഞ്ഞിട്ട് അവ ചവച്ച്‌ കഴിക്കുക.വേണമെങ്കില്‍ കുറച്ച്‌ ഉപ്പും ചേര്‍ക്കാം. ഇത് നല്ലൊരു ലഘുഭക്ഷണവുമാണ് അതേസമയം തന്നെ പല്ലുവേദന ശമിപ്പിക്കുവാനും ഉത്തമമാണ്. ഫ്രിഡ്ജില്‍ വച്ചിരിക്കുന്ന വെള്ളരിക്കയാണെങ്കില്‍ അത് പുറത്തെടുത്ത് തണുപ്പ് മാറിയത്തിനുശേഷം മാത്രം ഉപയോഗിക്കുക.

ഉരുളക്കിഴങ്ങ്

ധാരാളം പോഷകഗുണങ്ങള്‍ അടങ്ങിയ ഉരുളക്കിഴങ്ങ് നമ്മുടെ ആരോഗ്യത്തിന് മാത്രമല്ല നല്ലത്, പല്ലുവേദന ശമിപ്പിക്കുന്ന കാര്യത്തിലും ഉത്തമമാണ്.

ഇതിനായി ഉരുളക്കിഴങ്ങ് ചെറിയ കഷണങ്ങളായി മുറിച്ച്‌ ഉപ്പും ചേര്‍ത്ത് ചവച്ച്‌ കഴിക്കുക. പല്ലുവേദനയ്ക്ക് ശമനമുണ്ടാകും. ഉരുളക്കിഴങ്ങ് കഴുകിയതാണെന്ന് ഉറപ്പുവരുത്തുക.

സോഡാപ്പൊടി

സോഡാപ്പൊടി ചര്‍മത്തിനും തലമുടിക്കും ആരോഗ്യത്തിനും വളരെ നല്ലതാണെന്ന് ഇന്നത്തെ കാലത്ത് എല്ലാവര്‍ക്കും അറിയാവുന്നതാണ്. എന്നാല്‍ അതുമാത്രമല്ല, സോഡാപ്പൊടി ഉപയോഗിച്ച്‌ പല്ലുവേദന ഉള്‍പ്പെടെ പല അസുഖങ്ങളും അകറ്റുവാന്‍ സാധിക്കും.ഇതിനായി, ഒരു പഞ്ഞിയില്‍ കുറച്ച്‌ വെള്ളം നനച്ച്‌ അതില്‍ സോഡാപ്പൊടി മുക്കി പല്ലിന്റെ വേദനയുള്ള ഭാഗത്ത് വയ്ക്കുക. അല്ലെങ്കില്‍, ഇളം ചൂടുവെള്ളത്തില്‍ സോഡാപ്പൊടി കലക്കി, ആ വെള്ളം ഉപയോഗിച്ച്‌ വായ കഴുകുക.

ചൂടുള്ള ഉപ്പുവെളത്തില്‍ വായ കഴുകുക

രക്തസമ്മര്‍ദ്ദം കൂട്ടുന്നത് ഉള്‍പ്പെടെ പല പ്രശ്‌നങ്ങളും ഉപ്പ് മൂലം നമ്മുടെ ശരീരത്തിന് സംഭവിക്കാം എന്ന് നിങ്ങള്‍ കെട്ടിട്ടുണ്ടാവാം.

എന്നാല്‍, ഉപ്പ് നമ്മുടെ ശരീരത്തിന് സഹായകരവും ആവശ്യവും കൂടിയാണ്. വളരെ ചിലവ് കുറഞ്ഞ ഈ ഒറ്റമൂലി പല്ലുവേദന ശമിപ്പിക്കുവാന്‍ ഏറ്റവും ഫലപ്രദമായ മാര്‍ഗ്ഗമാണ്.

കടപ്പാട്:boldsky



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate