অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ഇലകളിലെ ആരോഗ്യം

ഇലകളിലെ ആരോഗ്യം
പുതിനയില
ആൻ്റി ഓക്‌സിഡൻ്റ്സിൻ്റെയും ഫൈറ്റോ നൂട്രിയൻ്റ്സിൻ്റേയും കലവറയാണ് പുതിന. ധാരാളം വെള്ളം കുടിക്കേണ്ട സമയമായ വേനലിൽ വെള്ളം കുടിക്കുന്ന സമയത്ത് ഒരല്‍പം പുതിന ഇല വെള്ളത്തില്‍ ഇട്ട് കുടിക്കുക. വെയിലിൽ ശരീരത്തിൽ നിന്ന് നഷ്ടമാകുന്ന ജലാംശം തടയാൻ പുതിനയില സഹായിക്കുന്നു. അതു പോലെ തലവേദനയ്ക്ക് നല്ലൊരു മരുന്നാണ് പുതിന.
വായില്‍ നിന്ന് അസുഖകരമായ ഗന്ധം ഒഴിവാക്കാനും ഇവ ഉപയോഗിക്കാം. നാരങ്ങാ വെള്ളത്തിനൊപ്പമോ സാധാരണ വെളളത്തിലോ പുതിന നുള്ളിയിട്ട് ഉപയോഗിക്കാം. വായിലേയും കഴുത്തിലേയും പേശികള്‍ക്ക് ആശ്വാസം പകരുകയും ദഹനത്തിന് നല്ല രീതിയില്‍ സഹായിക്കുകയും ചെയ്യുന്നു. പുതിന ചമ്മന്തിയായി ഉപയോഗിക്കുന്നത് ദഹനക്കേടിന് ഒരു മരുന്നും കൂടെയാണ്.
പനി കൂർക്ക
നാട്ടിലെ കയ്യാല തിട്ടയില്‍ കണ്ടു വരുന്ന സസ്യമാണ് പനിക്കൂര്‍ക്ക. ജലദോഷവും കഫക്കെട്ടും ഉണ്ടാകുമ്പോള്‍ നാട്ടിന്‍പുറത്തുള്ളവര്‍ ആദ്യം ആശ്രയിക്കുന്നത് പനിക്കൂര്‍ക്കയാണ്.
ഞൊടിയിടക്കുള്ളില്‍ അസുഖങ്ങളെ മാറ്റാന്‍ പനിക്കൂര്‍ക്കയ്ക്കാവും.
കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഉപയോഗിക്കുന്ന പനിക്കൂര്‍ക്ക ചിലയിടങ്ങളില്‍ കഞ്ഞിക്കൂര്‍ക്കയെന്നും അറിയപ്പെടുന്നുണ്ട്. പനീക്കൂര്‍ക്കയില ചൂടാക്കിയശേഷം നീര് കലക്കണ്ടവുമായി ചേര്‍ത്ത് സേവിക്കുന്നതാണ് നാട്ടിന്‍ പുറത്തെ ജലദോഷത്തിനുള്ള ഒറ്റമൂലി. എന്നാല്‍ ജലദോഷത്തിനും കഫക്കെട്ടിനും മാത്രമല്ല നമ്മെ പിന്തുടരുന്ന അനേകം രോഗങ്ങള്‍ക്കുള്ള ഒറ്റമൂലികൂടിയാണ് പനിക്കൂര്‍ക്ക.
ആര്യവേപ്പ്
പല അസുഖങ്ങള്‍ക്കും ആര്യവേപ്പ് ഉത്തമ ഒൗഷധമാണെന്ന് എല്ലാവര്‍ക്കും അറിയാം. ചര്‍മ്മ രോഗങ്ങള്‍ മുതല്‍ മാരക അസുഖങ്ങള്‍ക്ക് വരെ ആര്യവേപ്പ് പല വിധത്തില്‍ ഉപയോഗിക്കാറുണ്ട്. എന്നാല്‍ സ്തനാര്‍ബുദം തടയുന്നതിനും ആര്യവേപ്പ് വളരെ ഫലപ്രദമാണെന്നാണ് പുതിയ കണ്ടെത്തല്‍.
ആര്യവേപ്പിന്റെ ഇലയില്‍ നിന്നും പൂവില്‍നിന്നും വേര്‍തിരിച്ചെടുക്കുന്ന നിംബോളിഡ് അര്‍ബുദകോശങ്ങളുടെ വളര്‍ച്ചയെ ഗണ്യമായി തടയുന്നതായി കണ്ടെത്തി. ഇവ സാധാരണ കോശങ്ങളുടെ മരണം തടയുകയും അര്‍ബുദ കോശങ്ങളുടെ വ്യാപനത്തെ നിയന്ത്രിക്കുകയും ചെയ്യുന്നു.
കടുക് ഇല
കടുക്‌ ഇലയുടെ ആരോഗ്യ ഗുണങ്ങള്‍ നമ്മളില്‍ പലര്‍ക്കും അറിയില്ല.യഥാര്‍ത്ഥത്തില്‍ അവഗണിക്കപ്പെടുന്ന കടുക്‌ ഇലകള്‍ വളരെ രുചിയുള്ളതും ഏറെ ആരോഗ്യ ഗുണങ്ങള്‍ അടങ്ങിയതുമാണ്‌. വാസ്‌തവത്തില്‍ എല്ലാ അടുക്കളയുടെയും ഭാഗമായിരിക്കേണ്ടതാണിത്‌. കലോറി കുറഞ്ഞ ഇവയില്‍ പോഷകങ്ങള്‍ ഏറെയുണ്ട്‌.
കടുക്‌ ഇലയ്‌ക്ക്‌ നിരവധി ആരോഗ്യ ഗുണങ്ങളുണ്ട്‌. വിറ്റാമിന്‍ എ, സി, ഇ, ആന്റി ഓക്‌സിഡന്റുകള്‍, മഗ്നീഷ്യം എന്നിവ ഇതില്‍ ധാരാളം അടങ്ങിയിരിക്കുന്നു. അര്‍ബുദത്തെ പ്രതിരോധിക്കുന്നതില്‍ ആന്റി ഓക്‌സിഡന്റുകളുടെ പങ്ക്‌ വളരെ വലുതാണ്‌. സ്വതന്ത്ര റാഡിക്കലുകളുടെ തകരാര്‍ ഇവ പരിഹരിക്കും.
അര്‍ബുദത്തെ പ്രതിരോധിക്കും
അര്‍ബുദത്തെ പ്രതിരോധിക്കാന്‍ കടുകിന്റെ ഇല വളരെ ഫലപ്രദമാണ്‌. ഇവയില്‍ ആന്റി ഓക്‌സിഡന്റുകള്‍ അടങ്ങിയിട്ടുണ്ട്‌. പ്രതിജ്വലന ശേഷി ഉള്ള ഇവ ശരീരത്തെ വിഷവിമുക്തമാക്കും. ശ്വാസ കോശം, സ്‌തനം, ഗര്‍ഭാശയം, മൂത്രനാളം പ്രോസ്‌റ്റേറ്റ്‌ തുടങ്ങി വിവിധ ഭാഗങ്ങളെ ബാധിക്കുന്ന അര്‍ബുദങ്ങളില്‍ നിന്നും സംരക്ഷണം നല്‍കാന്‍ കടുകിന്റെ ഇല വളരെ നല്ലതാണന്ന്‌ പഠനങ്ങള്‍ നിര്‍ദ്ദേശിക്കുന്നു.
ശരീരത്തെ വിഷവിമുക്തമാക്കും
കടുകിന്റെ ഇലകളില്‍ അടങ്ങിയിട്ടുള്ള ആന്റിഓക്‌സിഡന്റുകള്‍ ശരീരത്തെ വിഷവിമുക്തമാക്കാന്‍ സഹായിക്കും. ശരീരത്തെ വിഷവിമുക്തമാക്കുന്നത്‌ അര്‍ബുദം, ഹൃദ്രോഗം പോലുള്ള മാറാ രോഗങ്ങള്‍ പ്രതിരോധിക്കുന്നതിന്‌ വളരെ ഏറെ സഹായിക്കും. സ്ഥിരമായി കടുകിന്റെ ഇല കഴിക്കുന്നത്‌ മികച്ച ആരോഗ്യം നിലനിര്‍ത്താന്‍ സഹായിക്കും.
ഹൃദയാരോഗ്യത്തിന്‌
ഹൃദയത്തിന്റെ ആരോഗ്യം നിലനിര്‍ത്താന്‍ കടുക്‌ ഇലകള്‍ വളരെ നല്ലതാണ്‌. ഇവ കൊളസ്‌ട്രോള്‍ കുറയ്‌ക്കുകയും ശരീരത്തെ വിഷവിമുക്തമാക്കാന്‍ സഹായിക്കുകയും ചെയ്യും.
പ്രതിജ്വലന ശേഷി
ഓമേഗ 3 ഫാറ്റി ആസിഡ്‌, വിറ്റാമിന്‍ കെ തുടങ്ങിയ പ്രതിജ്വലന വാഹികള്‍ കടുകിന്റെ ഇലയില്‍ അടങ്ങിയിട്ടുണ്ട്‌. പ്രതിജ്വലന ശേഷി പല ചിരകാല രോഗങ്ങളും വരാനുള്ള സാധ്യത കുറയ്‌ക്കും. കടുക്‌ ഇലയുടെ പ്രധാന ആരോഗ്യ ഗുണങ്ങളില്‍ ഒന്നാണിത്‌.
മറ്റ്‌ ഗുണങ്ങള്‍
ഭക്ഷണയോഗ്യമായ ഫൈബര്‍ കടുകിന്റെ ഇലയില്‍ അടങ്ങിയിട്ടുണ്ട്‌. കുടലിന്റെ ആരോഗ്യത്തിനും ദഹനത്തിനും ഇത്‌ വളരെ മികച്ചതാണ്‌. ഇവയില്‍ ധാരാളം വിറ്റാമിന്‍ എ അടങ്ങിയിട്ടുള്ളതിനാല്‍ കണ്ണിന്റെ ആരോഗ്യത്തിനും നല്ലതാണ്‌. കാത്സ്യം ധാരാളം അടങ്ങിയിട്ടുള്ളതിനാല്‍ എല്ലുകള്‍ക്കും ഗുണം ചെയ്യുന്നു. കലോറി വളരെ കുറവായതിനാല്‍ ശരീര ഭാരം കുറയ്‌ക്കാന്‍ ആഗ്രഹിക്കുന്നവര്‍ക്കും കടുക്‌ ഇലകള്‍ പരീക്ഷിക്കാവുന്നതാണ്‌.വയര്‍ കൂട്ടും ചില ശീലങ്ങള്‍
ഷെഹ്ന ഷെറീൻ

 



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate