പൊതുവായ ആരോഗ്യം - 2

മഞ്ഞുകാലത്തോടൊപ്പം വരുന്ന ശ്വാസരോഗങ്ങള്‍ തടയാനുള്ള ചില പ്രതിവിധികളിതാ

ആ​സ്ത്​മ, അ​ലര്‍​ജി മു​ത​ലായ രോ​ഗ​മു​ള്ള​വര്‍ അ​വ​രു​ടെ ഡോ​ക്ടര്‍നിര്‍​ദ്ദേ​ശി​ച്ചി​ട്ടു​ള്ള ഇന്‍​ഹീ​ലര്‍ കൃ​ത്യ​മാ​യി ഉ​പ​യോ​ഗി​ക്കു​ക.എ​ന്തെ​ന്നാല്‍ ഈ സ​മ​യ​ത്ത് രോ​ഗം മൂര്‍​ച്ഛി​ക്കാ​നു​ള്ളസാ​ദ്ധ്യ​ത​യേ​റെ​യാ​ണ്.

പു​ക​വ​ലി പൂര്‍​ണ​മാ​യും ഒ​ഴി​വാ​ക്കുകഅ​തി​നു സാ​ധി​ക്കു​ന്നി​ല്ലെ​ങ്കില്‍, കു​റ​ഞ്ഞ​പ​ക്ഷം വീ​ടി​ന​ക​ത്തുംവാ​ഹ​ന​ങ്ങ​ളി​ലും പു​ക​വ​ലി ഒ​ഴി​വാ​ക്കു​ക.

വ്യാ​യാ​മംപ​തി​വാ​ക്കു​ക, വ്യാ​യാ​മം ശ്വാസ ത​ട​സ​മു​ണ്ടാ​ക്കു​ന്ന വ്യ​ക്തി​കള്‍അ​വ​ര​വ​രു​ടെ സ്ഥി​രം മ​രു​ന്നു​കള്‍ എ​ടു​ത്ത​തി​നു​ശേ​ഷം വ്യാ​യാ​മംചെ​യ്യു​ക. 

പു​ക​യ​ടു​പ്പ് ഉ​പ​യോ​ഗി​ക്കാ​തി​രി​ക്കു​ക. കാ​ര​ണം പു​ക​യു​ള്ള അ​ന്ത​രീ​ക്ഷം ആ​സ്ത്മ പോ​ലു​ള്ള അ​സു​ഖ​ങ്ങള്‍ വ​ഷ​ളാ​കാന്‍ കാര​ണ​മാ​കും.

താ​മസ സ്ഥ​ല​വും പ​രി​സ​ര​വും വൃ​ത്തി​യാ​ക്കിസൂ​ക്ഷി​ക്കു​ക, കാ​ര​ണം പൂ​മ്പൊടി, ധാ​ന്യ​പ്പൊ​ടി, വീ​ടി​ന​ക​ത്ത് അ​ടി​ഞ്ഞു​കൂ​ടു​ന്ന പ​ഴയ പൊ​ടി എ​ന്നിവ ആ​സ്ത്മ വ​ഷ​ളാകാന്‍കാ​ര​ണ​മാ​യേ​ക്കാം.

ഭ​ക്ഷ​ണ​ക്ര​മ​വും ഭ​ക്ഷ​ണ​വുംശ്ര​ദ്ധി​ക്കുക - അ​മി​താ​ഹാ​രം ഉ​പേ​ക്ഷി​ക്കു​ക. ശു​ദ്ധ​മായ പ​ഴ​വര്‍​ഗ​ങ്ങള്‍​ കൂ​ടു​ത​ലാ​യി ക​ഴി​ക്കു​ക, ഇ​ല​ക്ക​റി​കള്‍ ഭക്ഷ​ണ​ത്തില്‍ ഉള്‍​പ്പെ​ടു​ത്തു​ക, അ​ലര്‍​ജി​ക്ക്സാ​ധ്യ​ത​യു​ണ്ടെ​ന്ന് സം​ശ​യി​ക്കു​ന്ന ഭ​ക്ഷണ പ​ദാര്‍​ത്ഥ​ങ്ങള്‍ പൂര്‍​ണ​മാ​യും ഒ​ഴി​വാ​ക്കു​ക.

ഫാന്‍, ജ​നാ​ല​കള്‍, കര്‍​ട്ടന്‍ തുട​ങ്ങി​യവ മാ​സ​ത്തി​ലൊ​രി​ക്കല്‍ വൃ​ത്തി​യാ​ക്കു​ക, വാ​യു​സ​ഞ്ചാ​രം ഉ​റ​പ്പു​വ​രു​ത്തു​ന്ന​വി​ധം വെ​ന്‍റിലേ​റ്റര്‍ ക്ര​മീ​ക​രി​ക്കു​ക.അ​ടു​ക്കള ഈര്‍​പ്പ​മി​ല്ലാ​തെ സൂ​ക്ഷി​ക്കു​ക. എ​ന്തെ​ന്നാല്‍ അ​ലര്‍​ജി ഉ​ണ്ടാ​കു​ന്ന പൂ​പ്പ​ലു​കള്‍, സി​ങ്ക്, വാ​ഷ്ബേ​സിന്‍ തു​ട​ങ്ങി ഈര്‍​പ്പ​മു​ള്ള സ്ഥ​ല​ങ്ങ​ളി​ലാ​ണ് പെ​രു​കു​ന്ന​ത്. വീ​ടി​നുപ​രി​സ​ര​ത്ത് അ​ലര്‍​ജി​ക്ക് കാ​ര​ണ​മാ​കു​ന്ന പൂ​മ്പൊടി ഉ​ത്പാ​ദി​ക്കു​ന്ന ചെ​ടി​കള്‍ ന​ട്ടു​വ​ളര്‍​ത്താ​തി​രി​ക്കു​ക.

ദൂ​രയാ​ത്ര​കള്‍ ക​ഴി​വ​തും ഒ​ഴി​വാ​ക്കു​ക, ഒ​ഴി​വാ​ക്കാന്‍ പ​റ്റാ​ത്ത യാ​ത്ര​ക​ളില്‍ ത​ണു​പ്പ് പ്ര​തി​രോ​ധി​ക്കാ​നു​ള്ള വ​സ്ത്ര​ങ്ങള്‍ ഉപ​യോ​ഗി​ക്കു​ക. യാ​ത്ര​കള്‍ പോ​കും​ മു​മ്പ് അ​വ​ര​വ​രു​ടെ ഡോ​ക്ട​റെ​ക​ണ്ട് വേ​ണ്ട നിര്‍​ദ്ദേ​ശ​ങ്ങള്‍ കൈ​ക്കൊ​ള്ളു​ക​യും പ​തി​വാ​യി ഉ​പ​യോ​ഗി​ക്കു​ന്ന മ​രു​ന്നു​ക​ളും അ​സു​ഖം മൂര്‍​ച്ഛി​ച്ചാല്‍ ഉപ​യോ​ഗി​ക്കേ​ണ്ട മ​രു​ന്നു​ക​ളും കൈ​യില്‍ ക​രു​തു​ക.

ആ​സ്ത്മരോ​ഗി​കള്‍ അ​വ​രു​ടെ ഡോ​ക്ട​റു​മാ​യി ചര്‍​ച്ച ചെ​യ്ത് ഒ​രു ആ​സ്ത്മ ആ​ക്ഷന്‍ പ്ളാന്‍ ത​യ്യാ​റാ​ക്കു​ക. ഇ​ത് എ​പ്പോ​ഴും കൈ​യില്‍ കരു​തു​ക​യും വേ​ണം. ആ​സ്ത്മ ആ​ക്ഷന്‍ പ്ളാനില്‍ സ്ഥി​ര​മാ​യിഉ​പ​യോ​ഗി​ക്കു​ന്ന മ​രു​ന്നു​ക​ളു​ടെ പേ​രു​കള്‍ ചി​കി​ത്സി​ക്കു​ന്ന ഡോ​ക്ട​റു​ടെ പേ​രും ഫോണ്‍ ന​മ്പരും രോ​ഗി​യു​ടെ ര​ക്ഷാ​കര്‍​ത്താ​ക്ക​ളു​ടെ പേ​രും ഫോണ്‍ ന​മ്പരും രോ​ഗംമൂര്‍​ച്ഛി​ച്ചാല്‍ ഉ​പ​യോ​ഗി​ക്കേ​ണ്ട മ​രു​ന്നു​ക​ളുംനിര്‍​ദ്ദേ​ശ​ങ്ങ​ളും ഉ​ണ്ടാ​യി​രി​ക്ക​ണം.

ആ​സ്ത്മ ആ​ക്ഷ ന്‍പ്ളാനില്‍ സ്ഥി​ര​മാ​യി ഉ​പ​യോ​ഗി​ക്കു​ന്ന മ​രു​ന്നു​ക​ളു​ടെ പേ​രു​കള്‍ചി​കി​ത്സി​ക്കു​ന്ന ഡോ​ക്ട​റു​ടെ പേ​രും ഫോണ്‍ ന​മ്പരും രോ​ഗി​യു​ടെ ര​ക്ഷാ​കര്‍​ത്താ​ക്ക​ളു​ടെ പേ​രും ഫോണ്‍ ന​മ്പരും രോ​ഗംമൂര്‍​ച്ഛി​ച്ചാല്‍ ഉ​പ​യോ​ഗി​ക്കേ​ണ്ട മ​രു​ന്നു​ക​ളും നിര്‍​ദ്ദേ​ശ​ങ്ങ​ളും ഉ​ണ്ടാ​യി​രി​ക്ക​ണം.

വെരിക്കോസ് വെയിന് ചില നാടന്‍ പരിഹാരങ്ങളിതാ

വെരിക്കോസ് വെയിന്‍ പലേയും അലട്ടുന്ന ഒരു ആരോഗ്യപ്രശ്നമാണ്. കാലുകളില്‍ ഞരമ്പുകള്‍ തടിച്ചുവീര്‍ത്തു കിടക്കുന്ന അവസ്ഥ. പോരാത്തതിന് വേദനയും.

സര്‍കുലേറ്ററി സിസ്റ്റത്തിലുണ്ടാകുന്ന പ്രശ്നങ്ങളാണ് വെരിക്കോസ് വെയിനു കാരണം. രക്തപ്രവാഹം നേരെ നടക്കാത്ത അവസ്ഥയെന്നു വേണം പറയാന്‍., രക്തപ്രവാഹം തടസപ്പെട്ട് കാലുകളില്‍ നിന്നും രക്തം തിരിച്ചു ഹൃദയത്തിലേയ്ക്കു പ്രവഹിയ്ക്കാത്ത അവസ്ഥയാണിത്. ഇത് ഞരമ്പുകള്‍ തടിച്ചു പുറത്തേയ്ക്കു കാണാന്‍ ഇടയാക്കുകയും ചെയ്യും.

സാധാരണഗതിയില്‍ ആരോഗ്യകരമായ ഹൃദയം സര്‍ക്കുലേഷന്‍ കൃത്യമായി നടത്തുമ്പോള്‍ ശരീരത്തിന്‍റെ താഴെയുള്ള ഭാഗത്തും കൃത്യമായി രക്തപ്രവാഹം നടക്കും. എന്നാല്‍ പ്രായമേറുന്തോറും ഇതില്‍ വരുന്ന വ്യത്യാസങ്ങള്‍ കാരണം രക്തപ്രവാഹം ശരിയായി നടക്കില്ല. ഇതില്‍ രക്തം വെയിനുകളില്‍ തടഞ്ഞുനിന്നു വെയിനുകള്‍ വീര്‍ക്കുന്നതിനു കാരണമാകും.

വെരിക്കോസ് വെയിന്‍ സാധാരണ ഗതിയില്‍ വേദയുണ്ടാക്കില്ലെങ്കിലും കാലുകളില്‍ വല്ലാത്ത കനവും അസ്വസ്ഥതയുമെല്ലാം അനുഭവപ്പെടും. ഞരമ്പുകള്‍ തടിച്ചു വീര്‍ത്തു നില്‍ക്കുന്ന കാഴ്ച അത്ര സുഖകരവുമാകില്ല. കൂടുതല്‍ സമയം നില്‍ക്കുമ്പോള്‍ കാലിന് വേദന തോന്നുന്നതാണ് ആദ്യ ലക്ഷണം. കാലിന്‍റെ നിറവ്യത്യാസവും വെരിക്കോസ് വെയിനിന്‍റെ ലക്ഷണമാകാം. വേദന വരുന്ന ഭാഗങ്ങളില്‍ പിന്നീട് തടിപ്പ് കാണപ്പെടുന്നു. നീര്, ചൊറിച്ചില്‍ തുടങ്ങിയവയും പിന്നീട് ഉണ്ടാകാം. രാത്രി കാലങ്ങളിലുള്ള മസില്‍ കയറ്റം വെരിക്കോസ് വെയിനിന്‍റെ ലക്ഷണ ങ്ങളിലൊന്നാണ്.

വെരിക്കോസ് വെയിനിന് പല പ്രകൃതിദത്ത പരിഹാരങ്ങളുമുണ്ട്.  മറ്റു മരുന്നുകളേക്കാള്‍ ഫലം തരുന്ന  ഇത്തരം ചില പ്രകൃതിദത്ത മരുന്നുകളെക്കുറിച്ചറിയൂ,

കറ്റാര്‍ വാഴ : വെരിക്കോസ് വെയിനിന് നല്ലൊരു പരിഹാരമാണ് കറ്റാര്‍ വാഴ. ഇതിലെ ന്യൂട്രിയന്‍റുകള്‍ ചര്‍മത്തേയും സര്‍കുലേറ്ററി സിസ്റ്റത്തേയും സുഖപ്പെടുത്താന്‍ ഏറെ ഗുണകരമാണ് ഞരമ്പുകളുടെ വീര്‍പ്പ് കുറയാന്‍ നല്ലതുമാണ്. ഇതിന്‍റെ ഈര്‍പ്പം ശരീരം വലിച്ചെടുക്കുമ്പോള്‍ ഞരമ്പുകളുടെ വീര്‍മത കുറയും. കറ്റാര്‍വാഴയുടെ ജെല്‍ വച്ച്‌ വെരിക്കോസ് വെയിനുള്ള ഭാഗത്ത് മസാജ് ചെയ്താല്‍ മതിയാകും. ഇത് പതുക്കെ സര്‍കുലാറായി ചെയ്യണം. രാത്രി ഇത് ചെയ്യുക. ഇത് ഇങ്ങനെ തന്നെ വയ്ക്കുക. കഴുകേണ്ട ആവശ്യമില്ല. കറ്റാര്‍ വാഴ ജെല്‍ ശരീരം വലിച്ചെടുക്കുമ്പോള്‍ സുഖം ലഭിയ്ക്കും. ഇത് ദിവസവും ചെയ്യുന്നത് വെരിക്കോസ് വെയിനില്‍ നിന്നും ശമനം ലഭിയ്ക്കാന്‍ ഏറെ നല്ലതാണ്.

വെളുത്തുള്ളി : വെരിക്കോസ് വെയിനിനുള്ള മറ്റൊരു പ്രതിവിധിയാണ് വെളുത്തുള്ളി. ഇതിലെ സള്‍ഫ്യൂരിക് ഘടകങ്ങള്‍ ഞരമ്പുകളുടെ വീര്‍മത കുറയ്ക്കുന്ന ഒന്നാണ്. വെളുത്തുള്ളി ചൂടുവെള്ളത്തൊടൊപ്പമോ അല്ലെങ്കില്‍ അല്‍പം ചെറുനാരങ്ങാനീരിലോ ചേര്‍ത്തു കഴിയ്ക്കാം. ഇതല്ലെങ്കില്‍ വെളുത്തുള്ളി ചതച്ച്‌ അല്‍പം ഒലീവ് ഓയില്‍ ചേര്‍ത്തിളക്കി വെരിക്കോസ് വെയിനില്‍ പുരട്ടാം.

കാപ്പിപ്പൊടി : കാപ്പിപ്പൊടി വെരിക്കോസ് വെയിനിനുള്ള മറ്റൊരു പരിഹാരമാണ്. ഇത് രക്തപ്രവാഹം വര്‍ദ്ധിപ്പിയ്ക്കാനും വെയിനുകളുടെ വീര്‍പ്പു കുറയാനും ഏറെ നല്ലതാണ്. കാപ്പിപ്പൊടി അല്‍പം ചൂടുവെളളത്തിലോ ഒലീവ് ഓയിലിലോ കലര്‍ത്തുക. ഇത് വെരിക്കോസ് വെയിനുള്ള ഭാഗത്തു പതുക്കെ മസാജ് ചെയ്യുക. ഇത് രക്തപ്രവാഹം വര്‍ദ്ധിയ്ക്കാനും ഞരമ്പുകളുടെ വീര്‍മത കുറയ്ക്കാനും ഏറെ നല്ലതാണ്.

ആവണക്കെണ്ണ : ആവണക്കെണ്ണയാണ് വെരിക്കോസ് വെയിനിനുള്ള മറ്റൊരു പരിഹാരം. ആവണക്കെണ്ണ കൊണ്ട് വെരിക്കോസ് വെയിനുള്ളിടത്തു പതുക്കെ മസാജ് ചെയ്യുക. ഇത് സ്ഥിരം ചെയ്യുന്നതും രക്തപ്രവാഹം വര്‍ദ്ധിപ്പിയ്ക്കും. ശരീത്തിലെ ചൂടു വര്‍ദ്ധിപ്പിയ്ക്കുന്നതും രക്തപ്രവാഹത്തെ സഹായിക്കും. ഞരമ്പുകളുടെ വീര്‍മത കുറയാനും ഇത് ഏറെ നല്ലതാണ്.

ചെണ്ടുമല്ലിപ്പൂ : നമ്മുടെ വീടുകളില്‍ കാണുന്ന ചെണ്ടുമല്ലിപ്പൂ വെരിക്കോസ് വെയിനിനുളള നല്ലൊരു പരിഹാരമാണ്. ഇതു വെള്ളത്തിലിട്ടു തിളപ്പിച്ച്‌ ഈ വെള്ളം പുരട്ടുന്നതും ഇതുകൊണ്ട് വെയിനുള്ള ഭാഗത്തു കഴുകുന്നതുമെല്ലാം ഏറെ ഗുണം നല്‍കും.

ഗ്രേപ്സീഡ്: ഗ്രേപ്സീഡ് ഓയിലാണ് വെരിക്കോസ് വെയിനിനുള്ള മറ്റൊരു പ്രതിവിധി. ഇതും ജോജൊബ ഓയിലും കര്‍പ്പൂരതുളസി അരച്ചതോ അതിന്‍റെ എണ്ണയും വെളുത്തുള്ളി അരച്ചതും ചേര്‍ത്ത് വെരിക്കോസ് വെയിനുള്ള ഭാഗത്ത് മസാജ് ചെയ്യാം.

പച്ചത്തക്കാളി: പച്ചത്തക്കാളി വെരിക്കോസ് വെയിനുള്ള നല്ലൊരു പ്രതിവിധിയാണ്. പച്ചത്തക്കാളിയും വിനെഗറും ചേര്‍ത്താണ് ഉപയോഗിയ്ക്കേണ്ടത്.വിനെഗര്‍ ധാതുക്കളാലും വൈറ്റമിനുകളാലും സമ്പുഷ്ടമാണ്. ഇത് ശരീരത്തിലെ രക്തപ്രവാഹം കൃത്യമായി നടക്കാന്‍ സഹായിക്കും. വെരിക്കോസ് വെയിന്‍ വേദന കുറയ്ക്കാനും ഞരമ്പുകള്‍ വീര്‍ക്കുന്നതു തടയാനും ഇതു നല്ലതാണ്. പച്ചത്തക്കാളിയിലെ പ്രകൃതിദത്ത ആസിഡുകള്‍ ആസ്പിരിന് തുല്യമായി പ്രവര്‍ത്തിയ്ക്കുന്നവയാണ്. രക്തപ്രവാഹം വര്‍ദ്ധിപ്പിയ്ക്കാനും രക്തതടസം ഒഴിവാക്കാനും ഇവ സഹായിക്കും.

ഗര്‍ഭിണിയായിരിക്കുമ്പോള്‍ മനസ്സും ശരീരവും ശ്രദ്ധിക്കാം

ഗര്‍ഭിണികള്‍ എന്തൊക്കെ ചെയ്യണം എന്തൊക്കെ ചെയ്യരുത് എന്ന കാര്യത്തില്‍ സംശയങ്ങള്‍ ഏറെയാണ്. ഗര്‍ഭിണികളെ വീടിന് പുറത്ത് ഒറ്റക്ക് വിടുമ്പോള്‍ കുടുംബാഗങ്ങള്‍ക്കുള്ളില്‍ ഒരു ഭയം ഉടലെടുക്കാറുണ്ട്. എന്നാല്‍ രാവിലെ അവര്‍ കുറച്ച്‌ ദൂരം നടക്കുന്നത് വളരെ നല്ലതാണ്. രാവിലത്തെ ഇളംചൂടുള്ള സൂര്യപ്രകാശം ഗര്‍ഭിണിയുടെ വയറില്‍ പതിക്കുന്നത് ആരോഗ്യകരമാണ്. ശരീരത്തിനാവശ്യമായ പല ധാതുക്കളും സൂര്യപ്രകാശത്തിലുണ്ട്.

ഗര്‍ഭിണി അവര്‍ക്ക് ഇഷ്ടമുള്ളതെല്ലാം കഴിക്കണം എന്ന് പ്രായമായവര്‍ പറയാറുണ്ട്. പക്ഷേ, വലിയ അളവില്‍ വാരി വലിച്ച്‌ കഴിച്ചാല്‍ തടി കൂടും. ഷുഗര്‍, ബി.പി., കൊളസ്ട്രോള്‍പോലുള്ള അനുബന്ധരോഗങ്ങളും പിടിപെടും. ഇഷ്ടമുള്ളത് കഴിക്കാം എന്ന് കരുതി മധുരപലഹാരങ്ങള്‍ അമിതമായി കഴിക്കേണ്ട. പ്രമേഹസാധ്യതതന്നെ പ്രശ്നം. ഒരു കലോറിചാര്‍ട്ട് ഉണ്ടാക്കി നിത്യഭക്ഷണം ക്രമീകരിക്കാം.

ഗര്‍ഭിണികളായ സ്ത്രീകള്‍ ധാരാളം വെള്ളം കുടിക്കണം. ദിവസം 8-12 ഗ്ലാസ് എന്ന തോതില്‍. വെള്ളം ശരിക്ക് ശരീരത്തിലെത്താത്തതിനാലാണ് ചിലര്‍ക്ക് തലവേദന ഉണ്ടായേക്കാം.

വീട്ടില്‍ വെറുതെ കിടന്ന് കഴിച്ചുകൂട്ടുന്നത് തടി കൂട്ടും, അലസത വര്‍ധിപ്പിക്കും. എന്തിലെങ്കിലും മുഴുകുന്നതാണ് ഗര്‍ഭിണികളുടെ മാനസികാരോഗ്യത്തിനും നല്ലത്.

സൂക്ഷിച്ചില്ലെങ്കില്‍ കോണ്ടാക്‌ട് ലെന്‍സ് അണുബാധയ്ക്ക് കാരണമാകും

ശരിയായ രീതിയില്‍ ഉപയോഗിക്കുകയാണെങ്കില്‍, കാഴ്ച തകരാറുകള്‍ പരിഹരിക്കുന്നതിനും കാഴ്ച ശക്തി മെച്ചപ്പെടുത്തുന്നതിനും കോണ്ടാക്‌ട് ലെന്‍സുകള്‍ സഹായിക്കും. എന്നാല്‍, ശരിയായ രീതിയില്‍ ധരിക്കാതിരിക്കുകയും വൃത്തിയാക്കാതിരിക്കുകയും സൂക്ഷിക്കാതിരിക്കുകയും ചെയ്താല്‍, കോണ്ടാക്‌ട് ലെന്‍സുകള്‍ കണ്ണില്‍ അണുബാധ ഉണ്ടാകാനുള്ള അപകടസാധ്യത വര്‍ധിപ്പിക്കും. ഇത്തരത്തിലുള്ള അണുബാധകള്‍ നേരത്തെ തന്നെ കണ്ടെത്തി ചികിത്സിച്ചാല്‍ ഗുരുതര അണുബാധയുമായി ബന്ധപ്പെട്ട സങ്കീര്‍ണതകള്‍ ഒഴിവാക്കാന്‍ സാധിക്കും. ഗുരുതരമായ അണുബാധകള്‍ വേദനയ്ക്കും സ്ഥിരമായ കാഴ്ച നഷ്ടത്തിനും കാരണമായേക്കം.

കണ്ണിലെ അണുബാധകള്‍ : ശരിയായ രീതിയിലല്ല കോണ്ടാക്‌ട് ലെന്‍സുകള്‍ ഉപയോഗിക്കുന്നതെങ്കില്‍ കെരാറ്റൈറ്റിസിന്‍, കോര്‍ണിയയില്‍ ഉണ്ടാകുന്ന കോശജ്വലനം (ഇന്‍ഫ്ളമേഷന്‍)), ഉള്ള അപകട സാധ്യത കൂടുതലായിരിക്കും. നിര്‍മ്മാതാക്കള്‍ നല്‍കിയിരിക്കുന്ന മാര്‍ഗനിര്‍ദേശങ്ങള്‍ പാലിക്കാതെ കോണ്ടാക്‌ട് ലെന്‍സ് ഉപയോഗിക്കുന്നതാണ് കെരാറ്റൈറ്റിസിനുള്ള പ്രധാനപ്പെട്ട അപകടസാധ്യതകളിലൊന്ന്.

സൂക്ഷ്മാണുക്കള്‍ മൂലം ഉണ്ടാകുന്ന കെരാറ്റൈറ്റിസിനെ  മൈക്രോബിയല്‍ കെരാറ്റൈറ്റിസ് എന്നു വിളിക്കുന്നു. ഗുരുതരമായ അവസ്ഥയിലുള്ള ഇത്തരം കെരാറ്റൈറ്റിസ് ഭേദപ്പെടുത്താന്‍ ചിലപ്പോള്‍ കോര്‍ണിയ മാറ്റിവയ്ക്കല്‍ ആവശ്യമായി വരും. ചിലപ്പോള്‍ ഇത് അന്ധതയിലേക്കും നയിച്ചേക്കാം. ദീര്‍ഘകാലം കോണ്ടാക്‌ട് ലെന്‍സുകള്‍ ഉപയോഗിക്കുകയും അവ ശരിയായ രീതിയില്‍ കൈകാര്യം ചെയ്യാതിരിക്കുകയും ചെയ്യുന്ന അവസരത്തില്‍, സൂക്ഷ്മാണുക്കള്‍ കണ്ണുകളെ ആക്രമിക്കുന്നതു മൂലമാണ് മൈക്രോബിയല്‍ കെരാറ്റൈറ്റിസ് ഉണ്ടാകുന്നത്.  കാരണങ്ങളുടെ അടിസ്ഥാനത്തില്‍ മൈക്രൊബിയല്‍ കെരാറ്റൈറ്റിസിനെ ഇനി പറയുന്ന വിഭാഗങ്ങളായി തരം തിരിക്കാം;

• ബാക്ടീരിയല്‍ കെരാറ്റൈറ്റിസ്: കണ്ണിന് ഉണ്ടാകുന്ന അണുബാധകളില്‍ ഏകദേശം 80-90 ശതമാനവും ബാക്ടീരിയകള്‍ മൂലമാണ്. സ്യൂഡോമോണസ് എറിജിനോസ അല്ലെങ്കില്‍ സ്റ്റാഫിലോകോക്കസ് ഓറിയസ് എന്നീ ബാക്ടീരിയകളാണ് ഇതിനു കാരണമാവുന്നത്.
• ഫംഗസ് കെരാറ്റൈറ്റിസ്: ജീവവസ്തുക്കളില്‍ കാണപ്പെടുന്ന ഫ്യൂസേറിയം പോലെയുള്ള ഫംഗസുകളാണ് ഇത്തരം കെരാറ്റൈറ്റിസിന് കാരണമാവുന്നത്.
• പാരാസൈറ്റിക് കെരാറ്റൈറ്റിസ്: കോര്‍ണിയയില്‍ അകാന്തമീബ എന്ന ബാക്ടീരിയയുടെ ആക്രമണം ഉണ്ടായാലാണ് പാരാസൈറ്റിക് കെരാറ്റൈറ്റിസ് ബാധിക്കുന്നത്. ഇത് അപൂര്‍വമായി മാത്രം സംഭവിക്കുന്നു.
• വൈറല്‍ കെരാറ്റൈറ്റിസ്: ഹെര്‍പ്സ് സിമ്ബ്ളക്സ് വൈറസ് അല്ലെങ്കില്‍ അഡ്നോവൈറസ് ആണ് ഇതിനു കാരണമാവുന്നത്.

സങ്കീര്‍ണത: കോര്‍ണിയയുടെ പുറം പാളിയില്‍ വ്രണങ്ങള്‍, കണ്ണിലെ അണുബാധ ചികിത്സിക്കാത്തതു മൂലം വ്രണങ്ങള്‍ പ്രത്യക്ഷപ്പെടുകയും അത് അന്ധതയിലേക്ക് നയിക്കുകയും ചെയ്തേക്കാം.

കണ്ണിലെ അണുബാധയുടെ ലക്ഷണങ്ങള്‍

• കാഴ്ച മങ്ങല്‍
• ചുവപ്പു നിറം
• വേദന
• പ്രകാശത്തോടുള്ള സൂക്ഷ്മസംവേദനക്ഷമത
• കൂടുതലായി കണ്ണീരൊലിക്കുക അല്ലെങ്കില്‍ സ്രവങ്ങള്‍ ഉണ്ടാകുക

പ്രതിരോധം

നിങ്ങളുടെ കോണ്ടാക്‌ട് ലെന്‍സിന്റെ നിരവധി ഗുണങ്ങള്‍ പ്രയോജനപ്പെടുത്തുന്നതിന് ഇനി പറയുന്ന ആരോഗ്യകരമായ ശീലങ്ങളും നിര്‍മ്മാതാവ് നല്‍കിയിരിക്കുന്ന മാര്‍ഗനിര്‍ദേശങ്ങളും പിന്തുടരുക;

• വെള്ളം ഒഴിവാക്കുക: നിങ്ങള്‍ നീന്തുമ്പോഴോ കുളിക്കുമ്പോഴോ വെള്ളത്തില്‍ നിന്നുള്ള സൂക്ഷ്മാണുക്കളുമായി സമ്പര്‍ക്കത്തിലാവാം. അതിനാല്‍, നിങ്ങളുടെ കോണ്ടാക്‌ട് ലെന്‍സില്‍ ഉണങ്ങിയ കൈ ഉപയോഗിച്ചു മാത്രമേ സ്പര്‍ശിക്കാവൂ. കണ്ണില്‍ തൊടുന്നതിനു മുമ്പ്, കൈകള്‍ വെള്ളവും സോപ്പും ഉപയോഗിച്ച്‌ വൃത്തിയാക്കിയ ശേഷം വൃത്തിയുള്ള തുണി ഉപയോഗിച്ച്‌ തുടയ്ക്കണം.
• കോണ്ടാക്‌ട് ലെന്‍സുകള്‍ വച്ചുകൊണ്ട് ഉറങ്ങരുത്: പകല്‍ സമയത്ത് വായുവില്‍ നിന്നുള്ള മലിനീകാരികളുമായി സമ്പര്‍ക്കത്തിലാവുന്നത്, കോണ്ടാക്‌ട് ലെന്‍സുകള്‍ മൂലം ഓക്സിജന്‍ പ്രസരണം കുറയുന്നത്, ഉറക്കത്തില്‍ കണ്‍പോളകളുടെ ചലനം കുറയുന്നത്, തുടങ്ങിയ സാഹചര്യങ്ങളെല്ലാം ബാക്ടീരികള്‍ക്ക് വളരുവാന്‍ അനുകൂലമാണെന്ന് അറിയുക.
• മാറ്റേണ്ട കാലാവധി കഴിഞ്ഞിട്ടും ലെന്‍സുകള്‍ തുടര്‍ന്ന് ഉപയോഗിക്കാതിരിക്കുക.
• ലെന്‍സുകള്‍ അണുനശീകരണം നടത്തി ശരിയായ രീതിയില്‍ സൂക്ഷിക്കുക: ലെന്‍സ് വൃത്തിയാക്കാനുള്ള ലായനിയും സൂക്ഷിക്കാനുള്ള ലായനിയും പുനരുപയോഗം നടത്തരുത്. എല്ലാ ദിവസവും ലെന്‍സ് കെയ്സില്‍ പുതിയ ലായനി ഒഴിക്കുകയും മൂന്ന് മാസം കൂടുമ്പോള്‍ ലെന്‍സ് കെയ്സ് മാറ്റുകയും ചെയ്യുക.
• കൃത്യമായ സമയങ്ങളില്‍ കണ്ണ് പരിശോധന നടത്തുക.

അപകട സൂചനകള്‍

കാഴ്ച തകരാറുകളോ അണുബാധയോ ശ്രദ്ധയില്‍പ്പെടുകയാണെങ്കില്‍, ഉടന്‍ ഡോക്ടറെ കാണുക. നേരത്തെ ചികിത്സ ലഭ്യമാക്കുന്നതിലൂടെ മിക്ക സങ്കീര്‍ണതകളും പ്രതിരോധിക്കാന്‍ സാധിക്കും.

കോട്ടുവായുടെ കാരണങ്ങള്‍ അറിയൂ

കോട്ടുവാ ഉണ്ടാകുന്നതിന്‍റെ കാരണങ്ങളെക്കുറിച്ച്‌ കാലങ്ങളായി പല പഠനങ്ങളും നിലനില്‍ക്കുന്നുണ്ട്. കോട്ടുവാ ഉണ്ടാകുന്നതെന്തുകൊണ്ട് എന്ന് ഇപ്പോഴും വ്യക്തമായി തെളിയിക്കപ്പെട്ടിട്ടില്ല. മുന്‍കാലങ്ങളിലെ പഠനങ്ങള്‍ വ്യക്തമാക്കുന്നത് കോട്ടുവാ എന്നത് ഒരു അലേര്‍ട്ട് മെക്കാനിസമാണെന്നാണ്.

അതായത് ഉറക്കത്തിലേക്ക് വഴുതിവീഴുന്നതിന്‍റെ സൂചനയാണ് കോട്ടുവായെന്ന് പൊതുവേ പറയപ്പെടുന്നു. ഉറക്കത്തിലേക്ക് പോകുന്നതിനു മുന്‍പ് ലഭിക്കുന്ന ഒരു അലേര്‍ട്ട് റിഫ്ളക്സ് മെക്കാനിസം തന്നെയാണ് കോട്ടുവാ. കോട്ടുവാ പലപ്പോഴും പകര്‍ച്ചവ്യാധിയായി പോലും പറയപ്പെടുന്നു.

ഒരാളുടെ കോട്ടുവാ കാണുമ്പോള്‍, മറ്റുള്ളവര്‍ക്കും കോട്ടുവാ വരാറുണ്ട്. അതുകൊണ്ട് തന്നെ കോട്ടുവാ പകരുന്ന ഒന്നായി ചിത്രീകരിക്കുന്നു. ഒരു ഗ്രൂപ്പില്‍ ഒരാള്‍ക്ക് കോട്ടുവാ വന്നാല്‍ കാണുന്നവര്‍ക്കും കോട്ടുവാ ഉണ്ടാകുന്നത് സാധാരണയായി സംഭവിക്കാറുണ്ട്.

കോട്ടുവാ നല്ല സൂചനയാണ്

ഒരു ഗ്രൂപ്പില്‍ ഒരാള്‍ക്ക് കോട്ടുവാ ഉണ്ടായാല്‍ ഗ്രൂപ്പിലുള്ള ചുരുക്കം പേര്‍ക്കെങ്കിലും കോട്ടുവാ ഉണ്ടാകാറുണ്ട്. കോട്ടുവാ ഒരു ഗ്രൂപ്പില്‍ സംഭവിക്കുമ്പോള്‍ അത് നല്ല സൂചന തന്നെയാണ്.

സാധാരണയായി ഒരാള്‍ സംസാരിക്കുമ്പോഴോ, ക്ലാസ് നയിക്കുമ്പോഴോ ക്ലാസിലുള്ളവര്‍ക്ക് കോട്ടുവാ ഉണ്ടാകാം. പൊതുവേ ബോറിങ് എന്നു വിലയിരുത്തുമെങ്കിലും, ശ്രദ്ധ കേന്ദ്രീകരിക്കാനുള്ള മസ്തിഷ്കത്തിന്‍റെ റിഫ്ളക്‌ട് മെക്കാനിസമാണിത്.ഒരാള്‍ കരയുന്നതു കാണുമ്പോള്‍ അല്ലെങ്കില്‍ സങ്കടപ്പെടുമ്പോള്‍ മറ്റുള്ളവര്‍ക്കും വിഷമം വരുന്നതുപോലെ തന്നെയാണ് കോട്ടുവായും സംഭവിക്കുന്നത്.

കോട്ടുവാ എംപതിയുടെ ഭാഗമായി തന്നെ ഒരു വിഭാഗം ഗവേഷകര്‍ കണ്ടെത്തിയിരുന്നു. അതുകൊണ്ട് കോട്ടുവാ എംപതിയുടെ ഭാഗമായി കണക്കാക്കാം. അതോടൊപ്പം ഉറക്കത്തിലേക്ക് പോകാതെ, ജാഗ്രത പാലിക്കണം എന്ന മുന്നറിയിപ്പും കോട്ടുവാ നല്‍കുന്നുണ്ട്.

രോഗമല്ല

കോട്ടുവാ ഒരുതരത്തിലും രോഗമോ രോഗലക്ഷണമായോ കരുതാനാകില്ല. മസ്തിഷ്കം നല്‍കുന്ന അലേര്‍ട്ട് മെക്കാനിസം തന്നെയാണ്. സാധാരണ അവസ്ഥയില്‍ നിന്നും വ്യത്യസ്തമായി, നിരന്തരം കോട്ടുവാ ഉണ്ടാകുന്ന അവസ്ഥയുണ്ടായാല്‍ ശ്രദ്ധിക്കേണ്ടതുണ്ട്.

കോട്ടുവാ അനിയന്ത്രിതമായാല്‍ രോഗാവസ്ഥയാകാം. എന്നാല്‍ വളരെ അപൂര്‍വമായി മാത്രമേ കോട്ടുവാ രോഗാവസ്ഥയിലേക്ക് എത്തിച്ചേരുകയുള്ളൂ. ഉറക്കക്കുറവ് മൂലമോ അല്ലെങ്കില്‍ മറ്റ് ശാരീരിക അസുഖങ്ങളുടെ ഭാഗമായോ നിരന്തരം കോട്ടുവാ ഉണ്ടാകാം.

സാധാരണ രീതിയിലുള്ള കോട്ടുവാ ഒരിക്കലും രോഗാവസ്ഥയല്ല. എന്നാല്‍ കോട്ടുവാ അനിയന്ത്രിതമായ അവസ്ഥയിലേക്ക് എത്തിച്ചേര്‍ന്നാല്‍ തീര്‍ച്ചയായും ശ്രദ്ധിക്കേണ്ടതുണ്ട്. ജീവിതശൈലിയിലുള്ള മാറ്റങ്ങള്‍ മൂലമോ, മറ്റ് രോഗലക്ഷണങ്ങള്‍ കാരണമോ അനിയന്ത്രിതമായി കോട്ടുവാ ഉണ്ടാകാം.

കാരണങ്ങള്‍ പലത്

സാധാരണഗതിയില്‍ കോട്ടുവാ നല്ല സൂചനയായി കാണുമെങ്കിലും, അനിയന്ത്രിതമാകുന്ന അവസ്ഥയ്ക്ക് പല കാരണങ്ങളുമുണ്ട്. സ്ലീപ് ഡിസോര്‍ഡറിന്‍റെ ഭാഗമായി കോട്ടുവാ ഉണ്ടാകാം. സ്ലീപ് അപ്നിയ, ക്ഷീണം, ഉറക്കമില്ലായ്മ, പൊണ്ണത്തടി തുടങ്ങിയവയും കോട്ടുവായ്ക്ക് കാരണമാകാം.

ഹൃദയസംബന്ധമായ അസുഖങ്ങള്‍ ഉള്ളവര്‍ക്ക് ഓക്സിജന്‍ വിതരണത്തില്‍ നേരിയ മാറ്റങ്ങള്‍ ഉണ്ടാകാനിടയുണ്ട്. അതായത് ഹൃദയത്തില്‍നിന്നും രക്തം പമ്പ് ചെയ്യുമ്പോള്‍ ഓക്സിജന്‍റെ കുറവ് സംഭവിക്കാം. ഇത് ചിലപ്പോള്‍ അനിയന്ത്രിതമായ കോട്ടുവായ്ക്ക് കാരണമായേക്കാം.

പെണ്ണത്തടി, ഹോര്‍മോണ്‍ വ്യതിയാനം എന്നിവയുള്ളവരിലും കൂടുതലായും കോട്ടുവാ ഉണ്ടാകാനിടയുണ്ട്. ഷിഫ്റ്റ് വര്‍ക്കുകളില്‍ ജോലി ചെയ്യുന്നവരില്‍ കോട്ടുവാ അനിയന്ത്രിതമായി ഉണ്ടാകാം. ഷിഫ്റ്റ് വര്‍ക്കിനൊപ്പം, പകലുറക്കം കൃത്യമായി ലഭിക്കാതെ വരുമ്പോള്‍ കോട്ടുവാ കൂടുതലായി ഉണ്ടായേക്കാം.

രണ്ടോ മൂന്നോ ദിവസം ഉറക്കം ശരിയാകാതെ വരുന്നവരിലും ഇത്തരം പ്രശ്നങ്ങള്‍ ഉണ്ടാകാം. എങ്കില്‍ പോലും നന്നായി ഉറങ്ങിയാല്‍ ഈ പ്രശ്നം പരിഹരിക്കപ്പെടും.

മറ്റ് രോഗകാരണങ്ങള്‍ കൊണ്ട് അനിയന്ത്രിതമായ കോട്ടുവാ ഉണ്ടായാല്‍ ചികിത്സ ആരംഭിക്കേണ്ടതുണ്ട്. രോഗങ്ങള്‍ക്ക് കൃത്യമായ ചികിത്സ ലഭ്യമാകുമ്പോള്‍ കോട്ടുവാ നിയന്ത്രണ വിധേയമാകും.

എങ്ങനെ നിയന്ത്രിക്കാം

ജീവിതക്രമത്തില്‍ മാറ്റം വരുത്തിയാല്‍ തന്നെ കോട്ടുവാ നിയന്ത്രിക്കാനാകും. രാവിലെ കൃത്യസമയത്ത് എഴുന്നേല്‍ക്കുക, വ്യായാമം ശീലമാക്കുക, ഭക്ഷണത്തില്‍ നിയന്ത്രണങ്ങള്‍ പാലിക്കുക, നന്നായി വെള്ളം കുടിക്കുക തുടങ്ങിയ കാര്യങ്ങളില്‍ ശ്രദ്ധിച്ചാല്‍ കോട്ടുവാ പരിഹരിക്കാനാകും.

ബ്രീത്തിങ് എക്സര്‍സൈസിലൂടെ ഒരു പരിധി വരെ സാധാരണ ഉണ്ടാകാറുള്ള കോട്ടുവാ നിയന്ത്രിക്കാനാകും. പ്രാണായാമം, യോഗ എന്നിവയിലൂടെ കോട്ടുവാ കുറയ്ക്കാനാകും.

ഏതെങ്കിലും രോഗങ്ങളുടെ ഭാഗമായി ഉണ്ടാകുമ്പോള്‍ മാത്രമാണ് കോട്ടുവാ രോഗലക്ഷണമായി മാറുന്നത്. മറ്റ് അവസ്ഥകളില്‍ കോട്ടുവാ യാതൊരു തരത്തിലും വ്യക്തിക്ക് ബുദ്ധിമുട്ടുകള്‍ ഉണ്ടാക്കുന്നില്ല.

വ്യായാമത്തിലും ആരോഗ്യസംരക്ഷണത്തിലും ശ്രദ്ധിച്ചാല്‍ കോട്ടുവാ നിയന്ത്രിക്കാനാകും. ഡീപ് ബ്രീത്തിങ് എക്സര്‍സൈസ്, സ്ട്രെച്ചിങ് എക്സര്‍സൈസ് ശീലമാക്കിയാല്‍ കോട്ടുവാ പരിഹരിക്കാനാകും.

മറ്റ് രോഗങ്ങളുടെ ഭാഗമായി കോട്ടുവാ ഉണ്ടാകുന്നുണ്ടോയെന്ന് തിരിച്ചറിയുക. അതിനു വേണ്ട ചികിത്സകള്‍ ലഭ്യമാക്കുക. ദൈനംദിന ജീവിതത്തില്‍ കോട്ടുവാ മൂലം ബുദ്ധിമുട്ടുകള്‍ ഉണ്ടായാല്‍ മാത്രമേ ആശങ്കപ്പെടേണ്ടതുള്ളൂ. പ്രശ്നങ്ങള്‍ സൃഷ്ടിക്കാത്തവ ജീവിതശൈലിയിലൂടെ നിയന്ത്രിക്കാനാകും.

സോഡ കുടിക്കുന്നത് സൂക്ഷിച്ച്‌ മതി

സ്ഥി​ര​മാ​യി സോഡ കു​ടി​ക്കു​ന്ന​തില്‍ വ​ലിയ പ്ര​ശ്ന​മി​ല്ലെ​ന്ന് ക​രു​തു​ന്ന​വ​രാ​ണ് ഏ​റെ​യും. അ​ത് കാ​ര​ണ​മു​ള്ള ദോ​ഷ​വ​ശ​ങ്ങള്‍ അ​റി​യാ​ത്ത​ത് കൊ​ണ്ടാ​ണെ​ന്ന​താ​ണ് വാ​സ്ത​വം. എ​ന്നാല്‍, നി​ത്യേ​ന​യു​ള്ള സോ​ഡ​യു​ടെ ഉ​പ​യോ​ഗം കാന്‍​സ​റി​ന് കാ​ര​ണ​മാ​കു​ന്നു. ഡ​യ​റ്റ് സോ​ഡ​യി​ലും മ​റ്റും ഉ​പ​യോ​ഗി​ക്കു​ന്ന കാ​ര​മല്‍ ക​ള​റിം​ഗ് ആ​ണ് പ​ല​പ്പോ​ഴും കാന്‍​സ​റി​ലേ​ക്ക് ന​യി​ക്കു​ന്ന​ത്. ഇ​തി​ലു​ള്ള കെ​മി​ക്കല്‍ കാ​ര​മ​ലൈ​സ്ഡ് ഷു​ഗ​റില്‍ നി​ന്നാ​ണ് ഉ​ണ്ടാ​ക്കു​ന്ന​ത്. ഇ​ത് അ​മോ​ണിയ സള്‍​ഫൈ​റ്റ് ആ​യി രൂ​പാ​ന്ത​രം പ്രാ​പി​ക്കു​ന്നു. ഇ​ത് ക​രള്‍, ശ്വാ​സ​കോ​ശം, തൈ​റോ​യ്ഡ് തു​ട​ങ്ങി​യ​വ​യില്‍ കാന്‍​സര്‍ ഉ​ണ്ടാ​ക്കാന്‍ പ്ര​ധാന കാ​ര​ണ​മാ​ണ്. മാ​ത്ര​മ​ല്ല, സോ​ഡ​യില്‍ അ​ട​ങ്ങി​യി​രി​ക്കു​ന്ന ഉ​യര്‍​ന്ന അ​ള​വി​ലെ ക​ലോ​റി ശ​രീ​ര​ഭാ​രം വര്‍​ദ്ധി​പ്പി​ക്കു​ന്നു. 
മാ​ത്ര​മ​ല്ല ശ​രീ​ര​ത്തില്‍ അ​വി​ട​വി​ട​ങ്ങ​ളി​ലാ​യി കൊ​ഴു​പ്പ് അ​ടി​ഞ്ഞ് കൂ​ടു​ന്ന​തി​നും കാ​ര​ണ​മാ​കു​ന്നു. ഇ​തി​നൊ​ക്കെ പു​റ​മെ, വൃ​ക്ക​യു​ടെ പ്ര​വര്‍ത്തനം ത​ക​രാ​റി​ലാ​ക്കാ​നും സോ​ഡ​യ്ക്ക് ക​ഴി​യു​മെ​ന്നും ഹാര്‍​വാര്‍​ഡ് യൂ​ണി​വേ​ഴ്സി​റ്റി​യില്‍ ന​ട​ത്തിയ പ​ഠ​ന​ത്തില്‍ പ​റ​യു​ന്നു​ണ്ട്.

കുട്ടികളിലെ വായ്നാറ്റത്തിന് വീട്ടില്‍ തന്നെ പരിഹാരം കാണാം

വലിയവരിലായാലും കുട്ടികളിലായാലും വായ്നാറ്റം എന്ന് പറയുന്നത് തലവേദന ഉണ്ടാക്കുന്ന ഒന്ന് തന്നെയാണ്. പലപ്പോഴും വായ്നാറ്റത്തിന്‍റെ കാരണങ്ങള്‍ മാത്രമാണ് കുട്ടികളിലും വലിയവരിലും വ്യത്യസ്തമായി നില്‍ക്കുന്നത്. കുട്ടികളിലെ വായ്നാറ്റം ഏറ്റവും കൂടുതല്‍ പ്രശ്നം സൃഷ്ടിക്കുന്നത് അമ്മാരിലാണ്. എത്രയൊക്കെ പല്ല് തേപ്പിച്ചിട്ടും ഇത് തന്നെ തുടരുന്നുവെങ്കില്‍ പിന്നെ അമ്മമാര്‍ക്ക് അതൊരു തലവേദനയായി തന്നെ മാറും.

കുട്ടികളിലെ വായ്നാറ്റത്തിന്റെ പ്രധാന കാരണവും വൃത്തിയില്ലായ്മയാണ്. ദന്തസംരക്ഷണത്തില്‍ ഏറ്റവും കൂടുതല്‍ ശ്രദ്ധിക്കേണ്ടത് പല്ലും വായ്ക്കകവും വൃത്തിയായി സൂക്ഷിക്കുക എന്നതാണ്. ദന്തസംരക്ഷണത്തിന് ആദ്യം മുതല്‍ തന്നെ കൃത്യമായ രീതി സ്വീകരിക്കണം. മുലയൂട്ടുന്ന കാലം മുതല്‍ തന്നെ പല്ലിന്‍റെ ആരോഗ്യകാര്യത്തില്‍ ശ്രദ്ധ വേണം. പാല്‍ കൊടുത്ത ശേഷം വായ് വൃത്തിയായ് കഴുകിക്കൊടുക്കണം. പല്ല് വരാന്‍ തുടങ്ങുന്നത് മുതല്‍ തന്നെ മധുരത്തിന് നിയന്ത്രണം ഏര്‍പ്പെടുത്തണം. കഴിച്ചാല്‍ തന്നെ വൃത്തിയായി കഴുകാനും ചൂടുവെള്ളം ഉപയോഗിച്ച്‌ തുടക്കാനും ശ്രദ്ധിക്കുക.

കുട്ടികളിലെ വായ്നാറ്റത്തിന്‍റെ  പ്രധാന കാരണം ചോക്ലേറ്റ് തീറ്റ തന്നെയായിരിക്കും. മാത്രമല്ല ഭക്ഷണം കഴിച്ച ശേഷം വൃത്തിയായി വായ കഴുകാതിരിക്കുകയും വായ്ക്കകം വൃത്തിയാക്കാതിരിക്കുകയും ചെയ്യുന്നതാണ് പലപ്പോഴും വായ് നാറ്റത്തിന്‍റെ പ്രധാനകാരണം. ഇതിന് ദന്തഡോക്ടറെ സമീപിക്കാതെ വീട്ടില്‍ തന്നെ നമുക്ക് ചില മാര്‍ഗ്ഗങ്ങള്‍ സ്വീകരിക്കാം. അമ്മമാര്‍ക്ക് വീട്ടില്‍ ചെയ്യാവുന്ന ചില കാര്യങ്ങള്‍ ഉണ്ട്. അവ എന്തൊക്കെയെന്ന് നോക്കാം.

പാഴ്സ്ലി : നിശ്വാസവായുവിന്‍റെ  ദുര്‍ഗന്ധമകറ്റുന്നതിന് ഏറ്റവും അധികം സഹായിക്കുന്ന ഒന്നാണ് പാഴ്സ്ലി. ഇത് ദഹനത്തിനും നല്ലതാണ്. പാഴ്സ്ലിയുടെ ഇല ഇടക്കിടക്ക് ചവക്കുന്നത് കുട്ടികളിലെ വായ്നാറ്റത്തെ ഇല്ലാതാക്കുന്നു. എന്നാല്‍ അമിതമായി പാഴ്സ്ലി കുട്ടികള്‍ക്ക് കൊടുക്കരുത്. ഇത് അനാരോഗ്യത്തിന് കാരണമാകുന്നു.

ആരോഗ്യമുള്ള ഭക്ഷണശീലം : ആരോഗ്യമുള്ള ഭക്ഷണ ശീലമാണ് മറ്റൊന്ന്. ഭക്ഷണത്തില്‍ പഞ്ചസാര പരമാവധി കുറക്കുക. സ്നാക്സ്, സോഫ്റ്റ് ഡ്രിങ്ക്സ് ഇവയെല്ലാം പല്ലിന്‍റെ ആരോഗ്യത്തെ ദോഷകരമായി ബാധിക്കുന്ന ഒന്നാണ്. എന്നാല്‍ ഉമിനീര് വര്‍ദ്ധിപ്പിക്കുന്ന ഭക്ഷണങ്ങളായ ഓറഞ്ച്, ബ്രൗണ്‍ റൈസ്, നട്സ്, മത്സ്യം തുടങ്ങിയവയെല്ലാം ഭക്ഷണത്തില്‍ ഉള്‍പ്പെടുത്തുക. ഇത് കുട്ടികളിലെ വായ്നാറ്റത്തിന് പരിഹാരം നല്‍കുന്നു.

പെരുംജീരകം: പെരുംജീരകമാണ് വായ് നാറ്റം അകറ്റുന്ന മറ്റൊരു പരിഹാര മാര്‍ഗ്ഗം. ഇത് നല്ലൊരു പരിഹാരമാണ് വായ്നാറ്റത്തിന്. ഇടക്കിടക്ക് ചെറിയ രീതിയില്‍ പെരും ജീരകം കഴിച്ച്‌ കൊണ്ടിരിക്കുക. ഇത് വായ്നാറ്റത്തിന് പരിഹാരവും ഉമിനീരിന്‍റെ ഉത്പാദനം വര്‍ദ്ധിപ്പിക്കുകയും ചെയ്യുന്നു.

ആപ്പിള്‍ സിഡാര്‍ വിനീഗര്‍ : ആപ്പിള്‍ സിഡാര്‍ വിനീഗര്‍ കൊണ്ട് വായ് കഴുകുന്നതും കുട്ടികളിലെ വായ്നാറ്റത്തെ ഇല്ലാതാക്കുന്ന ഒന്നാണ്. ഇത് ശരീരത്തിലെ ടോക്സിനെ പുറന്തള്ളാന്‍ സഹായിക്കുന്നു. ഇടക്കിടക്ക് ആപ്പിള്‍ സിഡാര്‍വിനീഗര്‍ കൊണ്ട് കവിള്‍ കൊള്ളുന്നത് വായ്നാറ്റത്തെ പരിഹരിക്കുന്നു.

ബേക്കിംഗ് സോഡ : ബേക്കിംഗ് സോഡ കൊണ്ട് ഇത്തരം പ്രശ്നങ്ങള്‍ക്ക് പരിഹാരം കാണാം. ഇത് വായിലെ പി എച്ച്‌ ലെവല്‍ ഉയര്‍ത്തുന്നു. ചെറിയ അളവില്‍ ബേക്കിംഗ് സോഡ എടുത്ത് കുഞ്ഞിനെ പല്ല് തേപ്പിച്ചാല്‍ മതി. അത് കുഞ്ഞിന്‍റെ പല്ലിന്‍റെ ആരോഗ്യം സംരക്ഷിക്കുകയും വായിലെ ബാക്ടീരിയയെ പൂര്‍ണമായും ഇല്ലാതാക്കുകയും ചെയ്യുന്നു.

സിട്രസ് ഫ്രൂട്സ് : സിട്രസ് ഫ്രൂട്സ് കഴിക്കുന്നതാണ് മറ്റൊന്ന്. ഇത് ശരീരത്തില്‍ പല തരത്തിലുള്ള ആരോഗ്യകരമായ മാറ്റങ്ങള്‍ വരുത്തും. അതിലുപരി കുഞ്ഞിന്‍റെ വായില്‍ ഉമിനീര്‍ ഉത്പാദനം വര്‍ദ്ധിക്കുകയും ചെയ്യുന്നു. ഓറഞ്ച്, മുസംബി തുടങ്ങിയവയെല്ലാം കഴിക്കുന്നത് കുഞ്ഞിന്‍റെ  വായ്നാറ്റത്തെ ഇല്ലാതാക്കുന്നു.

ഏലക്ക: ഏലക്കയാണ് വായ് നാറ്റത്തെ പ്രതിരോധിക്കുന്ന മറ്റൊരു മാര്‍ഗ്ഗം. ഏലക്ക രണ്ടെണ്ണം വെറുതേ ചവക്കുന്നത് വായ് നാറ്റത്തെ ഇല്ലാതാക്കുന്നു. അതിലുപരി പല്ലിന് ആരോഗ്യവും തിളക്കവും നല്‍കാനും സഹായിക്കുന്നു.

ഉപ്പ്: ഉപ്പാണ് മറ്റൊരു പരിഹാര മാര്‍ഗ്ഗം. പല്ല് തേപ്പിക്കുമ്പോള്‍ അല്‍പം ഉപ്പ് കൂടി പേസ്റ്റിലിട്ട് അതുകൊണ്ട് പല്ല് തേക്കാന്‍ ശ്രമിക്കുക. ഇത് പല്ലിന്‍റെ ആരോഗ്യത്തെ വര്‍ദ്ധിപ്പിക്കുകയും വായ്നാറ്റത്തെ ഇല്ലാതാക്കുകയും ചെയ്യുന്നു.

ആര്യവേപ്പിന്‍ തണ്ട് : ബ്രഷ് കൊണ്ട് കുട്ടികള്‍ക്ക് പല്ല് തേക്കാന്‍ കൊടുക്കുന്നതിനു മുന്‍പ് ആര്യവേപ്പിന്‍റെ തണ്ട് ഉപയോഗിച്ച്‌ പല്ല് തേക്കാന്‍ ശ്രമിക്കുക. ഇത് കുഞ്ഞിന്‍റെ വായ്നാറ്റത്തെ എന്നന്നേക്കുമായി ഇല്ലാതാക്കുകയും പല്ലിന് ആരോഗ്യവും തിളക്കവും നല്‍കി ബാക്ടീരിയ സംബന്ധമായ പ്രശ്നങ്ങള്‍ ഇല്ലാതാക്കുകയും ചെയ്യുന്നു.

തുളസി : തുളസി കൊണ്ടും ഇത്തരം പ്രശ്നങ്ങളെ ഇല്ലാതാക്കാം. തുളസി ദന്തസംരക്ഷണത്തിന്‍റെ കാര്യത്തില്‍ വളരെയധികം സഹായിക്കുന്ന ഒന്നാണ്. ഇടക്കിടക്ക്കുട്ടികള്‍ക്ക് രണ്ടോ മൂന്നോ തുളസിയിലകള്‍ ചവക്കാന്‍ കൊടുക്കാവുന്നതാണ് .  ഇത് പല്ലിന്‍റെ ആരോഗ്യത്തിനും മോണരോഗം ഇല്ലാതാക്കാനും വായ്നാറ്റത്തെ പ്രതിരോധിക്കാനും സഹായിക്കുന്നു.

കഴുത്തിന് വേണം ഏറെ കരുതല്‍

കഴുത്തിന്​ വേദന വന്നാല്‍ കാര്യം കഷ്​ടത്തിലാകും. ദീര്‍ഘനേരം വണ്ടിയോടിക്കുന്നത്​ മുതല്‍ കിടന്നുകൊണ്ടു ടിവി കാണല്‍, കിടന്നുവായന, ദീര്‍ഘദൂരം യാത്ര ചെയ്യല്‍ ഇതൊക്കെ കഴുത്തിന്​ ഇഷ്​ടപ്പെടാത്ത കാര്യങ്ങളാണ്​. ഇരിപ്പു ശരിയായ രീതിയിലാക്കിയാല്‍ കഴുത്തിനും സമാധാനമാകും. നടുവും തലയും നിവര്‍ത്തി വേണം കംപ്യൂട്ടറിനു മുന്നില്‍ ഇരിക്കാന്‍.

കഴുത്തി​​ന്‍റെ ഭാഗത്തുള്ള അസ്ഥികള്‍ക്കു വേദന വരാതിരിക്കാനും ചലനശേഷി നിലനിര്‍ത്താനും വ്യായാമങ്ങളും വേണ്ടിവരും.  നേരെ നോക്കി നില്‍ക്കുക, ശരീരം തിരിക്കാതെ മുഖം ഇടത്തേക്കും വലത്തേയ്ക്കും മുകളിലേയ്ക്കും താഴേയ്ക്കും സാവധാനം ചലിപ്പിക്കുക. തല ഇടത്തേ തോളിലേക്ക് ചരിച്ചു ചെവി തോളില്‍ മുട്ടിക്കുക. ഇതുതന്നെ വലതു തോളിനും ചെയ്യണം. ഇടത്തുനിന്നു വലത്തോട്ടും വലത്തുനിന്നും ഇടത്തോട്ടും ഇരുദിശയിലും തലകൊണ്ട് വൃത്തം വരയ്ക്കുന്നതുപോലെ സാവധാനം വട്ടം കറക്കുക. താടിയെല്ല് നെഞ്ചില്‍ തൊട്ടുവേണം പോകാന്‍. വാ അടച്ചു പിടിക്കണം. പലതവണ ആവര്‍ത്തിക്കാം.

കഴുത്തിലെ പേശികളെ ശക്തിപ്പെടുത്താന്‍ ലളിതമായ ചില വ്യായാമങ്ങളും ഉണ്ട്​. കൈവിരലുകള്‍ കോര്‍ത്ത്​ തലയ്ക്കു പുറകില്‍ ചേര്‍ത്തു പിടിക്കണം. കൈവെള്ളയും തലയും പരസ്​പരം ശക്തിയായി അമര്‍ത്തണം. ഈസ്​ഥിതി കുറച്ചു സെക്കന്‍റുകള്‍ തുടരണം. പിന്നീട്​ മുഷ്​ടി ചുരുട്ടി താടിയെല്ലി​​ന്‍റെ താഴെനിന്ന് മുകളിലേക്ക് അമര്‍ത്തി കുറച്ചു നേരം പിടിക്കണം. ഇരുകവിളുകളിലും ഇരു കൈവെള്ള കൊണ്ട് അമര്‍ത്തിപിടിക്കണം. വേദനയുള്ളപ്പോള്‍ വ്യായാമം ചെയ്യരുത്​.

ശ്രദ്ധിച്ചില്ലെങ്കില്‍ വ്യായാമം ആരോഗ്യത്തെ നശിപ്പിക്കം

ആരോഗ്യ സംരക്ഷണത്തിനായി സ്ഥിരമായി വ്യായാമം ചെയ്യുന്നവര്‍ ചിലപ്പോഴെങ്കിലും നിലവിലുള്ള ആരോഗ്യം കൂടി നശിപ്പിക്കുകയാണ് ചെയ്യുന്നത്. വ്യായാമത്തിന് ശേഷം അശ്രദ്ധമായി ചെയ്യുന്ന ചില കാര്യങ്ങള്‍ മതി ആരോഗ്യസംരക്ഷണത്തിനായി കഷ്ടപ്പെട്ട് ചെയ്യുന്ന കാര്യങ്ങള്‍ വിപരീത ഫലം ചെയ്യാന്‍.. അവ എന്തൊക്കെയാണെന്നറിയാം.

വ്യായാമത്തിനിടയില്‍ പെട്ടന്നുള്ള വിശ്രമം

വ്യായാമം ചെയ്യുമ്പോള്‍ ശരീരത്തിലെ രക്തയോട്ടം വളരെ കൂടുതലായിരിക്കും. ആ സമയത്ത് വളരെ പെട്ടന്ന് വിശ്രമിക്കുന്നത് ശരീരത്തിന്‍റെ സ്വഭാവിക പ്രക്രിയക്ക് തടസമുണ്ടാക്കും. അത് ആരോഗ്യ പ്രശ്നങ്ങളിലേക്ക് നയിച്ചേക്കാം. അതിനാല്‍ വ്യായാമം ചെയ്യുമ്പോള്‍ അതിന്‍റെ വേഗത കുറച്ച്‌ കൊണ്ടുവന്നതിന് ശേഷം മാത്രം സവാധാനം നിര്‍ത്തുക.

വ്യായാമം ചെയ്ത വസ്ത്രം ഏറെ സമയം ധരിക്കുന്നത്

വ്യായാമം ചെയ്യുമ്പോള്‍ ശരീരത്തില്‍ ഒട്ടേറെ വിയര്‍പ്പ് ഉണ്ടാവാനുള്ള സാധ്യതയുണ്ട്. ഇത് ബാക്ടീരിയകളുടെ വളര്‍ച്ചക്ക് പറ്റിയ സാഹചര്യമാണ്. അതിനാല്‍ വ്യായാമം ചെയ്ത വസ്ത്രം ഏറെ സമയം ധരിച്ചാല്‍ അത് ചര്‍മ്മസംബന്ധമായ രോഗങ്ങള്‍ക്ക് കാരണമാകും.

ഭക്ഷണത്തിലും വേണം ശ്രദ്ധ

ശരീരത്തിലെ അമിത കലോറി എരിയിച്ച്‌ കളയാനാണ് നാം പലപ്പോഴും വ്യായാമം ചെയ്യുന്നത്. എന്നാല്‍ വ്യായാമത്തിന് ശേഷം ഭക്ഷണത്തില്‍ ശ്രദ്ധിച്ചില്ലെങ്കില്‍ വിപരീത ഫലമായിരും ലഭിക്കുക. വ്യായാമം ചെയ്യുമ്പോള്‍ കൂടുതല്‍ വിശപ്പുണ്ടാവുക സ്വാഭാവികമാണ്. എന്നാല്‍ അമിതമായി കൊഴിപ്പടങ്ങിയ ഭക്ഷണം വ്യായാമത്തിന് ശേഷം കഴിച്ചാല്‍ കഷ്ടപ്പെട്ട് വ്യായാമം ചെയ്യുന്നതിന് ഗുണം ലഭിക്കില്ല. വ്യായാമം ചെയ്യുന്നവര്‍ കൃത്യമായ സമയത്ത് തുല്യ അളവില്‍ ഭക്ഷണം കഴിച്ച്‌ ശീലിക്കേണ്ടതാണ്.

അമിത അധ്വാനം ആപത്ത്

വ്യായാമത്തിലൂടെ ആരോഗ്യം മെച്ചപ്പെടുമെന്നതില്‍ സംശയമില്ല. എന്നാല്‍ നല്ല ആരോഗ്യമുണ്ടെന്ന് കരുതി അമിതമായി അധ്വാനിക്കുന്നത് ശരീരത്തിന് ഗുണം ചെയ്യില്ല. ഇത്തരത്തില്‍ അമിത അധ്വാനം മസിലുകളുടെ ക്ഷതത്തിന് കാരണമായേക്കാം.

സോയയുടെ ഗുണങ്ങളറിയൂ

ഈ നൂറ്റാണ്ടിന്‍റെ ഗോള്‍ഡന്‍ ബീന്‍ ആഗോളതലത്തില്‍ നിലക്കടല കഴിഞ്ഞാല്‍ എണ്ണക്കരുവായി ഏറ്റവും അധികം ഉപയോഗിക്കുന്നതു സോയാബീനാണ്. താരതമ്യേന പോഷകങ്ങളുടെ അളവു കൂടുതലും വില കുറവും ആയതിനാല്‍ പോഷകവൈകല്യ ചികിത്സയുടെ ഭാഗമായി സോയ അധികമായി ഉപയോഗിച്ചുതുടങ്ങിയിരിക്കുന്നു.

50% വരെ മാംസ്യം അടങ്ങിയ സോയയെ വെജിറ്റബിള്‍ മീറ്റ് എന്നാണു വിശേഷിപ്പിക്കുന്നത്. ഈ മാംസ്യമാകട്ടെ വളരെ ഉയര്‍ന്ന നിലവാരമുള്ള അവശ്യ അമിനോ അമ്ലങ്ങളായ ഗ്ലൈസീന്‍, ട്രിപ്റ്റോഫന്‍ , ലൈസീന്‍ എന്നിവ അടങ്ങിയതാണ്. മാംസാഹാരങ്ങളിലേതുപോലെ നിലവാരമുള്ള മാംസ്യമുള്ളതിനാല്‍ സോയയെ ഒരു സമ്പൂര്‍ണമാംസ്യാഹാരം എന്നു പറയാം.

സോയയിലുള്ള 20% കൊഴുപ്പിന്‍റെ നല്ല ഒരു ഭാഗം കുട്ടികളുടെ വളര്‍ച്ചയ്ക്കും ബുദ്ധിവികാസത്തിനും അനുയോജ്യമായ ട്രൈഗ്ലിസറൈഡുകളും അവശ്യ ഫാറ്റി അമ്ലങ്ങളുമാണ്. നല്ല കൊളസ്ട്രോള്‍ എന്നറിയപ്പെടുന്ന എച്ച്‌ ഡി എല്‍ കൊളസ്ട്രോള്‍ കൂടുന്നതിനു സഹായിക്കുന്ന ഒമേഗാ -3 ഫാറ്റി ആസിഡ് ലിനോലെനിക് അമ്ലരൂപത്തിലും ഒമേഗാ -6 ഫാറ്റി ആസിഡ് ലിനോലെനിക് ആമ്ലരൂപത്തിലും സോയയിലുണ്ട്. അതുകൊണ്ടുതന്നെ വളര്‍ച്ചയുടെയും വികാസത്തിന്‍റെയും എല്ലാ ഘട്ടത്തിലും സോയ ഉത്തമമാണ്. സോയബീനില്‍ ധാരാളം നാരുകള്‍ ഉണ്ട്. സോയയിലെ എസോഫ്ളേവോണ്‍ എന്ന ഘടകം ഒരുപാടു രോഗങ്ങള്‍ക്കു പ്രതിവിധിയാണ് . ധാരാളം വിറ്റമിന്‍ ബി, വിറ്റമിന്‍ എ (കരോട്ടിന്)), ഫോസ്ഫറസ്, സിങ്ക്, സെലീനിയം എന്നിവയും സോയയിലുണ്ട്.

പയറുരൂപത്തില്‍ വേണ്ട

സോയബീന്‍ പോഷക സമൃദ്ധമെങ്കിലും ഇവയുടെ പയറുരൂപത്തില്‍ ധാരാളം പോഷാകാഗിരണവിരുദ്ധ ഘടകങ്ങളായ സാപോണിന്‍, ഹീമാഗ്ലൂട്ടിനിന്‍സ്, ട്രിപ്സിന്‍ ഇന്‍ഹി ബിറ്റേര്‍സ് ഇവ അടങ്ങിയിരിക്കുന്നതിനാല്‍ സാധാരണ പയര്‍വര്‍ഗങ്ങള്‍ പോലെയുള്ള ഇവയുടെ ഉപയോഗം അഭികാമ്യമല്ല. അതിനാല്‍ സോയാബീനിന്‍റെ സംസ്കാരിച്ചെടുത്ത ഉല്‍പന്നങ്ങളായ സോയചങ്ക്സ് , സോയാപാല്‍, സോയപ്പൊടി , സോയസോസ് , സോയഎണ്ണ എന്നിവയാണു മെച്ചം.

എണ്ണ വേര്‍തിരിച്ചെടുത്ത സോയയില്‍ നിന്നാണു സോയചങ്ക്സ് അഥവാ സോയാമീറ്റ് ഉല്‍പാദിപ്പിക്കുന്നത്. സസ്യാഹാരികള്‍ക്ക് ഇറച്ചിക്കു പകരമുപയോഗിക്കാവുന്ന ഇവയില്‍ മാംസത്തിലുള്ളത്രയും പ്രോട്ടീന്‍ ഉണ്ട്. വെള്ളത്തില്‍ വേവിക്കുന്ന തരത്തില്‍ ഉണങ്ങിയ ഉരുളകളായാണ് ഇവ വിപണിയില്‍ ലഭ്യമാകുന്നത്. കൂട്ടുകറി, സോയമസാല, മെഴുക്കുപുരട്ടി, ഉലര്‍ത്ത് എന്നിങ്ങനെ ഇറച്ചി പാകപ്പെടുത്തുന്ന രീതിയില്‍ പാചകം ചെയ്യാം.

സോയാപാലും സോസും

സോയാബീന്‍ തോടുമാറ്റി കുതിര്‍ത്ത് ആവി കയറ്റി, അരച്ച്‌ അരിച്ചെടുത്താണ് സോയാപാല്‍ ഉണ്ടാക്കുന്നത്. പശുവിന്‍ പാല്‍ അലര്‍ജി ഉള്ള കുട്ടികള്‍ക്കു ധാരാളം കൊഴുപ്പും മാംസ്യവുമടങ്ങിയ സോയാപാല്‍ ഒരു ഉത്തമ പകരക്കാരനെങ്കിലും രുചിവിത്യാസം കാരണം ഇതിനോടുള്ള ആഭിമുഖ്യം കുറവാണ്.

നൂഡില്‍സിനും പുലാവിനും സൂപ്പിനുമൊക്കെ രുചികൂട്ടാന്‍ ഉപയോഗിക്കുന്ന സോയാസോസ് , സോയാബീന്‍ ഇവ ചില സൂക്ഷ്മങ്ങളായ പ്രവര്‍ത്തന പ്രക്രിയ വഴി പുളിപ്പിച്ചുണ്ടാക്കുന്ന വയാണ്. സോയാപ്പൊടി (മാവ്) മറ്റു ധാന്യപ്പൊടികള്‍ക്കൊപ്പം ചേര്‍ത്തു ചപ്പാത്തി, പുട്ട് എന്നിവയുണ്ടാക്കി പോഷകസമൃദ്ധമാക്കാം. സോയ പ്രോട്ടീന്‍ അടങ്ങിയ ധാരാളം സപ്ലിമെന്‍റുകള്‍ വിപണിയില്‍ ലഭ്യമാണ്.

സോയ ചികിത്സാരംഗത്ത്

ഇന്‍സുലിന്‍ പ്രതിരോധത്തെ ചെറുക്കുമെന്നതിനാല്‍ പ്രമേഹരോഗികള്‍ക്കു സോയ ഫലപ്രദമാണ്. ഇത് രക്തത്തില്‍ നല്ല കൊളസ്ട്രോള്‍ കൂട്ടുന്നു. സോയയില്‍ ധാരാളമുള്ള ഫൈറ്റോ ഈസ്ട്രജനുകള്‍ സ്ത്രീകളില്‍ സ്തനാര്‍ബുദ പരിരക്ഷ നല്‍കുന്നുവെങ്കിലും സോയയുടെ ഉപഭോഗം കാന്‍സര്‍ രോഗികളില്‍ , കോശവളര്‍ച്ച കൂട്ടുന്നുണ്ടെന്നു റിപ്പോര്‍ട്ടുകളുണ്ട്. തൈറോയിഡ് രോഗികളില്‍ സോയ ദിവസേന കഴിക്കരുത് . ഇതിലും ചില അലര്‍ജിജന്യ ഘടകങ്ങളുണ്ട്. ദേഹമാസകലം ചൊറിഞ്ഞു തടിക്കുക, ചുവക്കുക, ചര്‍ദി, വയറിളക്കം ഇവയെല്ലാം ലക്ഷണങ്ങളാണ്. ദിവസവും പരമാവധി 50 ഗ്രാമിലധികം സോയ ഉപയോഗിക്കയുമരുത്

കംപ്യൂട്ടര്‍ വിഷന്‍ സിന്‍ഡ്രോം : ശ്രദ്ധിക്കേണ്ട കാര്യങ്ങള്‍

കംപ്യൂട്ടറും കണ്ണും തമ്മില്‍ ചേരില്ലെന്ന് പൊതുവേ പറയാറുണ്ട്. അതിനു തെളിവുകളും നിരത്താറുണ്ട്. കണ്ണില്‍നിന്നും വെള്ളം വരിക, കണ്ണിനു വേദന, തലവേദന എന്നിങ്ങനെ നിരവധി പ്രശ്നങ്ങള്‍.  എന്നാല്‍ കംപ്യൂട്ടറുകള്‍ ഉപയോഗിക്കുന്നതുകൊണ്ട് കണ്ണുകള്‍ക്ക് കേടുവരണമെന്നില്ല. വളരെനേരം ഇവ ഉപയോഗിക്കുമ്പോള്‍ കണ്ണുകള്‍ക്ക് ആയാസം വര്‍ധിക്കുന്നു. ഇതിനെ കംപ്യൂട്ടര്‍ വിഷന്‍ സിന്‍ഡ്രോം എന്ന് വിളിക്കുന്നു.

കംപ്യൂട്ടര്‍ ഉപയോഗിക്കാം ശ്രദ്ധയോടെ

കംപ്യൂട്ടര്‍ ഉപയോഗിക്കുമ്പോള്‍ ചില കാര്യങ്ങള്‍ ശ്രദ്ധിക്കുകയാണെങ്കില്‍ ഈ പ്രശ്നങ്ങളെ മറികടക്കാവുന്നതാണ്. കണ്ണുകള്‍ക്ക് കൃത്യം മുമ്പില്‍ വേണം മോണിറ്റര്‍ സ്ഥാപിക്കാന്‍.

കണ്ണുകളില്‍നിന്നും മോണിറ്ററിലേക്ക് 20-25 ഇഞ്ച് വരെയെങ്കിലും അകലം ഉണ്ടായിരിക്കണം. ഒരിക്കലും കണ്ണുകള്‍ മുകളിലേക്ക് ഉയര്‍ത്തി നോക്കത്തക്കവിധം കംപ്യൂട്ടര്‍ വയ്ക്കരുത്. നേരെ നോക്കുമ്പോള്‍ കണ്ണുകള്‍ക്ക് 5-6 ഇഞ്ചുവരെ താഴെയായിരിക്കണം മോണിറ്ററിന്റെ സ്ഥാനം.

തുടര്‍ച്ചയായി കംപ്യൂട്ടറിനു മുന്നില്‍ ഇരിക്കുന്നത് ശരിയല്ല. ഒരു മണിക്കൂര്‍ കൂടുമ്പോള്‍ എഴുന്നേറ്റ് നടക്കുകയോ കണ്ണിനു ചെറിയ വ്യായാമങ്ങള്‍ നല്‍കുകയോ വേണം.

കുറച്ചു സമയം കണ്ണുകളടച്ച്‌ ഇരിക്കുകയോ പത്ത് മിനിറ്റ് കണ്ണുകള്‍ അടക്കുകയും തുറക്കുകയും ചെയ്യുക എന്നിങ്ങനെ കണ്ണിന്‍റെ ആയാസം കുറയ്ക്കുന്ന വ്യായാമങ്ങളില്‍ ഏര്‍പ്പെടണം.

ലക്ഷണങ്ങള്‍

1. തലവേദന
2. കാഴ്ചയ്ക്കു മങ്ങല്‍
3. കണ്ണുകള്‍ക്കു വേദന
4. കണ്ണ് വരളുക
5. കഴുത്തിനും തോളിനും വേദന
6. അധികമായി കണ്ണില്‍നിന്നും വെള്ളം വരിക
7. കണ്ണിനു പുകച്ചില്‍
8. കൈത്തണ്ട വേദന
9. കണ്ണിന് ആയാസവും ക്ഷീണവും

'വിഷന്‍ സിന്‍ഡ്രോം' എന്തുകൊണ്ട്?

കംപ്യൂട്ടര്‍ സ്ക്രീനില്‍ കാണുന്ന അക്ഷരങ്ങള്‍ ചെറിയ കുത്തുകള്‍ അഥവാ പിക്സല്‍സ് ചേര്‍ന്നാണ് ഉണ്ടാകുന്നത്. നമ്മുടെ കണ്ണിന്‍റെ ഘടന പിക്സലുകള്‍ക്ക് അനുയോജ്യമായ രീതിയിലുള്ളതല്ല.

അതിനാല്‍ മോണിട്ടറിലെ അക്ഷരങ്ങളും ചിത്രങ്ങളും കാണുന്നതിന് കണ്ണുകളെ വീണ്ടും വീണ്ടും ഫോക്കസ് ചെയ്യേണ്ടതായി വരുന്നു. ഇത് കണ്ണിന്‍റെ ചുറ്റുമുള്ള പേശികളുടെ പ്രവര്‍ത്തനം വേഗത്തിലാക്കുകയും കണ്ണിന് ആയാസം നേരിടുകയും ചെയ്യുന്നു.

പ്രകൃതിദൃശ്യങ്ങളും അച്ചടിച്ച അക്ഷരവും കാണുമ്പോള്‍ ഈ പ്രശ്നം ഉണ്ടാകുന്നില്ല. അതിനാല്‍ കണ്ണിന് ബുദ്ധിമുട്ട് അനുഭവപ്പെടുന്നുമില്ല.

കണ്ണിന് ഉണ്ടാകുന്ന വരള്‍ച്ചയാണ് മറ്റൊരു പ്രശ്നം. കംപ്യൂട്ടറിലേക്ക് സൂക്ഷ്മതയോടെ നോക്കിക്കൊണ്ടിരിക്കുമ്പോള്‍ കണ്ണു ചിമ്മുന്നതിന്‍റെ തവണകള്‍ കുറയുന്നു. അത് കണ്ണു വരളുന്നതിന് ഇടയാക്കുന്നു. ആര്‍ട്ടിഫിഷന്‍ കണ്ണീര്‍ ഉപയോഗിച്ച്‌ ഈ പ്രശ്നം പരിഹരിക്കാവുന്നതാണ്.

എയര്‍ കണ്ടീഷന്‍ മുറികളിലാണ് കംപ്യൂട്ടര്‍ കൂടുതലായും വയ്ക്കാറുള്ളത്. ഇതും കണ്ണ് വരളുന്നതിന് കാരണമാകാം. എയര്‍കണ്ടീഷന്‍ മുറിയില്‍ ഈര്‍പ്പം കുറവായിരിക്കും എന്നതാണ് കാരണം.

കണ്ണിന്‍റെ പരിചരണം
കംപ്യൂട്ടര്‍ ഉപയോഗംമൂലം കണ്ണിനുണ്ടാകുന്ന പ്രശ്നങ്ങളെ അകറ്റിനിര്‍ത്താവുന്നതേയുള്ളൂ. 20 മിനിറ്റ് ജോലിക്കിടയില്‍ 20 സെക്കന്‍റ്കണ്ണിനു വിശ്രമം നല്‍കുക, എന്നിട്ട് 20 അടി ദൂരത്തിലുള്ള വസ്തുക്കളെ കുറച്ചു സമയം നോക്കിയിരിക്കണം എന്നതാണ് കണ്ണും കംപ്യൂട്ടറും തമ്മിലുള്ള പ്രശ്നങ്ങള്‍ക്കുള്ള പരിഹാരമാര്‍ഗം.

കംപ്യൂട്ടര്‍ ഒരു പ്രതലത്തില്‍ മാത്രം ഒതുങ്ങി നില്‍ക്കുന്നതിനാല്‍ കാഴ്ചയും ഒരു വശത്തേകു മാത്രമായി ഒതുങ്ങിപ്പോകുന്നു. അതിനാല്‍ കണ്ണിന്‍റെ ആയാസം പരമാവധി കുറയ്ക്കുന്ന പ്രവര്‍ത്തനങ്ങളില്‍ ഏര്‍പ്പെടുകയെന്നതാണ് 'ത്രിപിള്‍ 20'കൊണ്ട് ഉദ്ദേശിക്കുന്നത്.

1. സ്ക്രീനിലെ ഗ്ലെയര്‍ പരമാവധി കുറയ്ക്കുക.
2. നട്ടെല്ലു നിവര്‍ത്തിവേണം കംപ്യൂട്ടറിനു മുന്നിലിരിക്കാന്‍
3. ഇടയ്ക്കിടയ്ക്ക് കണ്ണ് ചിമ്മുക.
4. ഒരു മണിക്കൂര്‍ കൂടുമ്പോള്‍ തണുത്ത വെള്ളംകൊണ്ട് മുഖം കഴുകുക
5. മുറിയില്‍ ഒരേ രീതിയില്‍ പ്രകാശം ക്രമീകരിക്കുക
6. അരമണിക്കൂര്‍കൂടുമ്പോള്‍ കണ്ണിന് വിശ്രമം നല്‍കുക.
7. ഫ്ളാറ്റ് മോണിറ്റര്‍, ലോ റേഡിയേഷന്‍ മോണിറ്റര്‍ ഇവ വേണം തെരഞ്ഞെടുക്കാന്‍
8. ചെടിച്ചട്ടികള്‍, അക്വേറിയം എന്നിവ വയ്ക്കുന്നത് മുറിയില്‍ ഈര്‍പ്പം കൂടുകയും കണ്ണിന്‍റെ വരള്‍ച്ച തടയുകയും ചെയ്യും.

കരളിനെ കാക്കാന്‍ ഈ ഭക്ഷണങ്ങള്‍ മതി

ആരോഗ്യത്തിന്റെ കാര്യത്തില്‍ നമ്മളെല്ലാവരും ശ്രദ്ധ പതിപ്പിക്കാറുണ്ട്. എന്നാല്‍ കരളിന്റെ ആരോഗ്യ കാര്യത്തില്‍ വേണ്ടത്ര ശ്രദ്ധ നമ്മളില്‍ പലരും കൊടുക്കാത്തതിന്റെ ഫലമാണ് കരള്‍ രോഗം നമ്മളില്‍ പലരേയും വേട്ടയാടുന്നത്. ശരീരത്തിലെ ഏറ്റവും വലിയ ആന്തരാവയവമാണ് കരള്‍. കരളിന്റെ ആരോഗ്യത്തെ അവഗണിച്ചാല്‍ അത് ശരീരത്തെ മൊത്തത്തില്‍ പ്രതിസന്ധിയിലാക്കും എന്നതാണ് സത്യം. കരളിന്റെ ആരോഗ്യം സംരക്ഷിക്കുന്ന ഭക്ഷണങ്ങള്‍ ഏതൊക്കെയെന്ന് നോക്കാം.

വെളുത്തുള്ളി
കരള്‍ ആരോഗ്യത്തോടെയിരിക്കാന്‍ വളരെയധികം സഹായിക്കുന്ന ഒന്നാണ് വെളുത്തുള്ളി. ഇതിലുള്ള അലിസിന്‍ നല്ലൊരു ആന്റി ഓക്സിഡന്റാണ്. ഇത് ശരീരത്തില്‍ സംഭവിക്കുന്ന ഓക്സിഡേറ്റീവ് ഡാമേജ് ഇല്ലാതാക്കുന്നു. ഇത് കരളിന്റെ പ്രവര്‍ത്തനങ്ങളെ ഉദ്ദീപിപ്പിക്കുന്നു. നിങ്ങള്‍ക്ക് വെളുത്തുള്ളി പച്ചക്ക് കഴിക്കാന്‍ സാധിക്കുന്നില്ലെങ്കില്‍ വേവിച്ച്‌ കഴിക്കുന്നതും ഭക്ഷണത്തില്‍ കൂടുതല്‍ വെളുത്തുള്ളി ഉള്‍പ്പെടുത്തുന്നതും എന്തുകൊണ്ടും നല്ലതാണ്. പച്ച വെളുത്തുള്ളിയാണ് കഴിക്കുന്നതെങ്കില്‍ രാവിലെ ഒരു അല്ലി വെളുത്തുള്ളി രാവിലെ കഴിക്കുക. ഒന്നോ രണ്ടോ ടീസ്പൂണ്‍ അരിഞ്ഞ വെളുത്തുള്ളിയാണെങ്കില്‍ അത് ദിവസവും കഴിക്കുക. ഇത് കരളിന്റെ ആരോഗ്യത്തെ വളരെയധികം സഹായിക്കുന്നു.

ബ്രോക്കോളി
സള്‍ഫര്‍ ധാരാളം അടങ്ങിയിട്ടുള്ള ഒന്നാണ് ബ്രോക്കോളി. ഇത് കരളിലെ എല്ലാ വിഷാംശത്തേയും പുറത്തേക്ക് തള്ളി കരളിനെ ക്ലീന്‍ ചെയ്യുന്നു. ഇത് മെറ്റബോളിസം ഉയര്‍ത്തുകയും കരളിന്റെ ആരോഗ്യത്തെ സംരക്ഷിക്കുകയും ചെയ്യുന്നു. ഇതിലുള്ള ആന്റി ഇന്‍ഫല്‍മേറ്ററി പ്രോപ്പര്‍ട്ടീസ് ആണ് ആരോഗ്യത്തിന് വളരെയധികം സഹായിക്കുന്നതും. കരളിലുണ്ടാവുന്ന ക്യാന്‍സറില്‍ നിന്നും നിങ്ങളെ സംരക്ഷിക്കാന്‍ എന്തുകൊണ്ടും സഹായിക്കുന്ന ഒന്നാണ് ബ്രോക്കോളി. ഒരു കപ്പ് ബ്രോക്കോളി രണ്ടോ മൂന്നോ തവണയായി ആഴ്ചയില്‍ കഴിക്കാം.

അശ്വഗന്ധ
ആയുര്‍വ്വേദത്തില്‍ ഏറ്റവും അധികം സഹായിക്കുന്ന ഒന്നാണ് അശ്വഗന്ധ. പല വിധത്തിലുള്ള രോഗങ്ങള്‍ക്കും പരിഹാരം കാണാന്‍ ഏറ്റവും അധികം സഹായിക്കുന്ന ഒന്നാണ് അശ്വഗന്ധ. ഇത് കരളിന് പുറത്തുള്ള പ്രശ്നങ്ങളെ വരെ പരിഹരിക്കാന്‍ സഹായിക്കുന്നു. മാത്രമല്ല ഫാറ്റി ലിവര്‍ പോലുള്ള പ്രശ്നങ്ങള്‍ക്ക് പരിഹാരം കാണാനും സാധിക്കുന്നു. ദിവസവും ഒരു കപ്പ് അശ്വഗന്ധത്തിന്റെ ചായ തയ്യാറാക്കി കുടിക്കാവുന്നതാണ്.

ബീറ്റ്റൂട്ട്
ആരോഗ്യത്തിന്റെ കാര്യത്തില്‍ എന്നും ഒരുപടി മുന്നിലാണ് ബീറ്റ്റൂട്ട്. ദീര്‍ഘകാലത്തെ ബീറ്റ്റൂട്ടിന്റെ ഉപയോഗം ആരോഗ്യം വര്‍ദ്ധിപ്പിക്കും എന്നതിലുപരി കരള്‍ രോഗങ്ങള്‍ക്ക് പരിഹാരം നല്‍കി ഡി എന്‍ എ ഡാമേജ് വരെ ഇല്ലാതാക്കാന്‍ സഹായിക്കുന്നു. ദിവസവുംഒരു ഗ്ലാസ്സ് ബീറ്റ്റൂട്ട് ജ്യൂസ് കഴിക്കുന്നത് എന്തുകൊണ്ടും നല്ലതാണ്.

കാരറ്റ്
കാരറ്റാണ് കരളിനെ സംരക്ഷിക്കുന്ന മറ്റൊരു പച്ചക്കറി. ഇതിലുള്ള ആന്റി ഓക്സിഡന്റ്, വിറ്റാമിന്‍, മിനറല്‍, ഫൈബര്‍ തുടങ്ങിയവയെല്ലാം ആരോഗ്യത്തിന് വളരെയധികം സഹായിക്കുന്ന ഒന്നാണ്. ഇത് കരള്‍ രോഗങ്ങളെ പെട്ടെന്ന് തന്നെ ഇല്ലാതാക്കുന്നു. മദ്യപിക്കുന്നവര്‍ കാരറ്റിന്റെ ഉപയോഗം വര്‍ദ്ധിപ്പിക്കുക. സാവധാനം മദ്യപാനത്തില്‍ നിന്നും വിട്ടുനില്‍ക്കാനും സഹായിക്കുന്നു. ദിവസവും ഒരു ഗ്ലാസ്സ് കാരറ്റ് ജ്യൂസ് കഴിച്ചാല്‍ മതി. അത് ആരോഗ്യത്തിന് നല്ലതാണ്.

ഇലക്കറികള്‍
ധാരാളം ഇലക്കറികള്‍ ഭക്ഷണത്തിന്റെ ഭാഗമാക്കാന്‍ നോക്കുക. ഇതിന് ധാരാളം ആരോഗ്യ ഗുണങ്ങളുണ്ട്. ഇലക്കറികള്‍ കരള്‍ ക്യാന്‍സറിനുള്ള പ്രതിസന്ധിയെ ഇല്ലാതാക്കുന്നു. അതിനുള്ള നേരിയ സാധ്യത പോലും ഇല്ലാതാക്കാന്‍ ഇലക്കറികള്‍ സഹായിക്കുന്നു. ഫാറ്റി ലിവര്‍ പോലുള്ള രോഗങ്ങളെ അരികത്തു പോലും കൊണ്ടു വരാതെ സംരക്ഷിക്കാന്‍ മികച്ചതാണ് ഇലക്കറികള്‍. ഇലക്കറികള്‍ ആരോഗ്യസംരക്ഷണത്തില്‍ വളരെ വലിയ ഒരു പങ്കാണ് വഹിക്കുന്നത്. ദിവസവും ഒരു കപ്പ് ഇലക്കറികള്‍ക്ക് ഭക്ഷണത്തില്‍ പ്രാധാന്യം നല്‍കുക.

ഗ്രീന്‍ ടീ
ഗ്രീന്‍ ടീ ആന്റി ഓക്സിഡന്റിന്റെ കലവറയാണ്. അതുകൊണ്ട് തന്നെ ധാരാളം ആരോഗ്യ ഗുണങ്ങള്‍ ഗ്രീന്‍ ടീക്കുണ്ട്. ഇത് ലിവര്‍ സിറോസിസ്, ലിവര്‍ ക്യാന്‍സര്‍ എന്നിവയെ എല്ലാം ഇത്തരത്തില്‍ പ്രതിരോധിക്കുന്നു. 12 ആഴ്ചകള്‍ക്കുള്ളില്‍ തന്നെ കരളിനെ പുതുപുത്തനാക്കാനുള്ള കഴിവ് ഗ്രീന്‍ ടീക്കുണ്ട്. നോണ്‍ ആല്‍ക്കഹോളിക് ഫാറ്റി ലിവറിനെ ഇല്ലാതാക്കാന്‍ സഹായിക്കുന്നതാണ് ഗ്രീന്‍ ടീ. ദിവസവും മൂന്ന് കപ്പ് ഗ്രീന്‍ ടീ കഴിക്കുന്നത് ആരോഗ്യത്തിന് വളരെ നല്ലതാണ്.

മഞ്ഞള്‍
മഞ്ഞള്‍ സര്‍വ്വ രോദ വിനാശകാരിയാണ്. ഭക്ഷണത്തില്‍ മാത്രമല്ല ആരോഗ്യ സംരക്ഷണത്തിനും എന്നും മുന്നിലാണ് മഞ്ഞള്‍. ആന്റി ബാക്ടീരിയല്‍ പ്രോപ്പര്‍ട്ടീസ് കൊണ്ട് സമ്ബുഷ്ടമാണ് മഞ്ഞള്‍. കരള്‍ രോഗത്തെ എന്തുകൊണ്ടും ഇല്ലാതാക്കാന്‍ കഴിയുന്ന ഒന്നാണ് മഞ്ഞള്‍. ശരീരത്തിലെ വിഷാംശത്തെ ഇല്ലാതാക്കി ശരീരത്തിന് നവോന്‍മേഷം പകരാന്‍ സഹായിക്കുന്ന ഒന്നാണ് മഞ്ഞള്‍. മഞ്ഞളിന്റെ കാര്യത്തില്‍ രണ്ടാമതൊന്ന് ആലോചിക്കേണ്ട കാര്യമില്ല. ഇത് ലിവര്‍ സിറോസിസ് പോലുള്ള മാരകമായ അവസ്ഥകളെ വളരെയധികം കൈകാര്യം ചെയ്യുന്നു.

ആവക്കാഡോ
നമ്മുടെ നാട്ടില്‍ അത്ര പരിചിതനല്ലെങ്കിലും ആവക്കാഡോയുടെ ഗുണങ്ങള്‍ ചില്ലറയല്ല. ഇത് കരളിനെ പൊതിഞ്ഞ് സംരക്ഷിക്കും എന്ന കാര്യത്തില്‍ സംശയം വേണ്ട. ശരീരത്തിന് ആരോഗ്യമുള്ള കൊഴുപ്പിനെ നല്‍കാന്‍ ഏറ്റവും അധികം സഹായിക്കുന്ന ഒന്നാണ് ആവക്കാഡോ. ദിവസവും ഒരു ഗ്ലാസ്സ് ആവക്കാഡോ ജ്യൂസ് കഴിക്കുന്നത് എന്തുകൊണ്ടും നല്ലതാണ്. ഇത് കരളിന്റെ ആരോഗ്യത്തെ വളരെയധികം സഹായിക്കുന്നു.

നാരങ്ങ

വിറ്റാമിന്‍ സി കൊണ്ട് സമ്ബുഷ്ടമാണ് നാരങ്ങ. ഇതിലുള്ള ആന്റി ഓക്സിഡന്റുകള്‍ക്ക് കണക്കില്ല. ഇത് കരളിന്റെ ഓക്സിഡേറ്റീവ് ഡാമേജ് ഇല്ലാതാക്കാന്‍ സഹായിക്കുന്നു. അതിലുപരി ആരോഗ്യമുള്ള കരള്‍ നല്‍കുന്നു. ദിവസവും ഒരു നാരങ്ങ നീരിന്റെ ജ്യൂസ് കഴിക്കുന്നത് എന്തുകൊണ്ടും നല്ലതാണ്.

ആപ്പിള്‍
ദിവസവും ഒരു ആപ്പിള്‍ കഴിച്ചാല്‍ ഡോക്ടറെ അകറ്റി നിര്‍ത്താം. ശരീരത്തിലെ നിര്‍ജ്ജലീകരണം ഇല്ലാതാക്കാന്‍ പറ്റിയ ഏറ്റവും മികച്ച ഒരു മാര്‍ഗ്ഗമാണ് ആപ്പിള്‍. ഇത് കരളിനെ ബാധിക്കുന്ന പല രോഗങ്ങളേയും രോഗാവസ്ഥയേയും ഇല്ലാതാക്കുന്നു. അതിലുപരി ആരോഗ്യത്തിന് വളരെയധികം സഹായിക്കുന്നു. രോഗപ്രതിരോധ ശേഷി വര്‍ദ്ധിപ്പിക്കാനും സഹായിക്കുന്നു. ദിവസവും ഒരു ആപ്പിള്‍ കഴിക്കുന്നത് അതുകൊണ്ട് തന്നെ ആരോഗ്യത്തിന് നല്ലതാണ്.

ഒലീവ് ഓയില്‍
ഒലീവ് ഓയിലിന് വിലയല്‍പ്പം കൂടുതലാണെങ്കിലും ആരോഗ്യത്തിന്റെ കാര്യത്തില്‍ രണ്ടാമതൊന്ന് ചിന്തിക്കാതെ ഉപയോഗിക്കാന്‍ കഴിയാവുന്ന ഒന്നാണ് ഒലീവ് ഓയില്‍. അനാരോഗ്യകരമായ ജീവിതശൈലി കൊണ്ട് പ്രശ്നമുണ്ടാകുന്ന പല രോഗങ്ങളേയും ഇല്ലാതാക്കാനും ആരോഗ്യമുള്ള കരളിനെ സമ്മാനിക്കാനും ഏറ്റവും അധികം സഹായിക്കുന്ന ഒന്നാണ് ഒലീവ് ഓയില്‍. ദിവസവും അഞ്ച് മുതല്‍ 10 സ്പൂണ്‍ വരെ ഒലീവ് ഓയില്‍ ഉപയോഗിക്കാവുന്നതാണ്.

പ്രമേഹ ബാധിതര്‍ ശ്രദ്ധയ്ക്കേണ്ട കാര്യങ്ങള്‍...

• ഇ​ന്‍​സു​ലി​ന്‍ കു​ത്തി​വ​യ്ക്കാ​നു​പ​യോ​ഗി​ക്കു​ന്ന സൂ​ചി​യും സി​റി​ഞ്ചും അ​ണു​വി​മു​ക്ത​മാ​ണെ​ന്ന് ഉ​റ​പ്പു​വ​രു​ത്ത​ണം.
  ചി​കി​ത്സി​ക്കു​ന്ന ഡോ​ക്ട​റു​ടെ നി​ര്‍​ദേ​ശ​പ്ര​കാ​രം മാ​ത്ര​മേ മ​രു​ന്നു​ക​ളു​ടെ അ​ള​വി​ല്‍ മാ​റ്റം വ​രു​ത്താ​വൂ.
• പ്ര​മേ​ഹ​ബാ​ധി​ത​ര്‍ ഇ​ട​യ്ക്കി​ടെ ര​ക്ത​പ​രി​ശോ​ധ​ന ന​ട​ത്തി പ​ഞ്ച​സാ​ര​യു​ടെ അ​ള​വു നി​യ​ന്ത്ര​ണ​വി​ധേ​യ​മാ​ണെ​ന്ന് ഉ​റ​പ്പു വ​രു​ത്ത​ണം.
• പ്ര​മേ​ഹ​ബാ​ധി​ത​രി​ല്‍ ചി​ല​പ്പോ​ള്‍ ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് താ​ഴാ​നി​ട​യു​ണ്ട്. അ​തി​നാ​ല്‍ യാ​ത്രാ​വേ​ള​യി​ല്‍ ഗ്ലൂ​ക്കോ​സ് അ​ട​ങ്ങി​യ ബി​സ്ക​റ്റ് ക​രു​തു​ന്ന​തു ബോ​ധ​ക്കേ​ട് ഒ​ഴി​വാ​ക്കാ​ന്‍ പ്ര​യോ​ജ​ന​പ്പെ​ടും.
• മ​റ്റു രോ​ഗ​ങ്ങ​ള്‍​ക്കു മ​രു​ന്നു ക​ഴി​ക്കു​ന്ന പ്ര​മേ​ഹ​രോ​ഗി​ക​ള്‍ ചി​കി​ത്സി​ക്കു​ന്ന ഡോ​ക്ട​റോ​ട് പു​തു​താ​യി ക​ഴി​ക്കു​ന്ന മ​രു​ന്നു​ക​ളു​ടെ വി​വ​രം അ​റി​യി​ക്ക​ണം. ഇ​ത്ത​രം മ​രു​ന്നു​ക​ള്‍ പ്ര​മേ​ഹ​നി​യ​ന്ത്ര​ണ​ത്തെ ബാ​ധി​ക്കാ​തി​രി​ക്കാ​ന്‍ ഡോ​ക്ട​റു​ടെ നി​ര്‍​ദേ​ശ​പ്ര​കാ​രം പ്ര​മേ​ഹ​ത്തി​നു ക​ഴി​ക്കു​ന്ന മ​രു​ന്നു​ക​ളു​ടെ ഡോ​സി​ല്‍ ആ​വ​ശ്യ​മാ​യ മാ​റ്റ​ങ്ങ​ള്‍ വ​രു​ത്താ​വു​ന്ന​താ​ണ്.
• പ്ര​മേ​ഹ​രോ​ഗി​ക​ള്‍ മ​രു​ന്നു ക​ഴി​ച്ച​തി​നു ശേ​ഷ​മേ ര​ക്ത​പ​രി​ശോ​ധ​ന ന​ട​ത്താ​വൂ.
• രാ​വി​ല​ത്തെ ഭ​ക്ഷ​ണ​ത്തി​നു മു​ന്‍പും ഭ​ക്ഷ​ണം ക​ഴി​ഞ്ഞ് ര​ണ്ട് മ​ണി​ക്കൂ​റി​നു ശേ​ഷ​വു​മു​ള​ള ര​ക്ത​പ​രി​ശോ​ധ​ന​യാ​ണ് ആ​വ​ശ്യം.
• ച​ര്‍​മ​സം​ര​ക്ഷ​ണ​ത്തി​ന് അ​തീ​വ​പ്രാ​ധാ​ന്യം ന​ല്ക​ണം. ഫം​ഗ​സ് ബാ​ധ ഒ​ഴി​വാ​ക്കു​ന്ന​തി​ന് അ​തു സ​ഹാ​യ​കം
• പാ​ദ​സം​ര​ക്ഷ​ണ​ത്തി​ല്‍ പ്ര​ത്യേ​ക​ശ്ര​ദ്ധ ചെ​ലു​ത്ത​ണം.
• പ്ര​മേ​ഹം കാ​ലു​ക​ളി​ലെ ഞ​ര​മ്പിനെ ബാ​ധി​ക്കാ​നി​ട​യു​ള​ള​തി​നാ​ല്‍ ഇ​ട​യ്ക്ക് ഇ​തു സം​ബ​ന്ധി​ച്ച പ​രി​ശോ​ധ​ന​യ്ക്കു വി​ധേ​യ​മാ​ക​ണം.
• മ​ദ്യ​പാ​നം ഉ​പേ​ക്ഷി​ക്ക​ണം. ബി​യ​ര്‍ പോ​ലും ഉ​പ​യോ​ഗി​ക്ക​രു​ത്.
• ആ​ഹാ​രത്തിന്‍റെ അ​ള​വി​ല്‍ നി​യ​ന്ത്ര​ണംപാ​ലി​ക്ക​ണം; ക​ഴി​ക്കു​ന്ന​തി​ല്‍ സ​മ​യ​നി​ഷ്ഠ​യും.
• വ്യാ​യാ​മം എ​ല്ലാ ദി​വ​സ​വും ഒ​രേ​തോ​തി​ല്‍ ചെ​യ്യ​ണം. ഹൃ​ദ്രോ​ഗി​ക​ള്‍ ഡോ​ക്ട​റു​ടെ നി​ര്‍​ദേ​ശ​പ്ര​കാ​ര​മു​ള​ള വ്യാ​യാ​മ​മു​റ​ക​ള്‍ സ്വീ​ക​രി​ക്ക​ണം.

പ്ര​മേ​ഹം പൂ​ര്‍​ണ​മാ​യി ചി​കി​ത്സി​ച്ചു ഭേ​ദ​മാ​ക്കാ​ന്‍ സാ​ധ്യ​മ​ല്ല; എ​ന്നാ​ല്‍ ഡോ​ക്ട​റു​ടെ നി​ര്‍​ദേ​ശ​ങ്ങ​ള്‍ അക്ഷരംപ്രതി പാ​ലി​ക്കാനു​ള​ള മ​ന​സും ജീ​വി​ത​ശൈ​ലി​യി​ല്‍ വ​രു​ത്താ​വു​ന്ന ഗു​ണ​പ​ര​മാ​യ മാ​റ്റ​വും പ്ര​മേ​ഹം നി​യ​ന്ത്രി​ക്കാ​ന്‍ സ​ഹാ​യ​കം.

ദന്തസംരക്ഷണത്തിനായി ചില നാടന്‍ വഴികളിതാ

ഒരു ചിരി കണ്ടാല്‍ അതു മതി, എത്ര വിഷമം ഉണ്ടെങ്കിലും ഒരു നല്ല ചിരി അതെല്ലാം മാറ്റിയേക്കും. ചിരിക്കുമ്പോള്‍ നിരയൊത്ത പല്ലുകള്‍ കൂടിയുണ്ടെങ്കിലോ, ആ ചിരി കൂടുതല്‍ സുന്ദരമാകും അല്ലേ? നിരയൊത്ത പല്ലുകള്‍ വെറുതെ ഒപ്പം നില്ക്കില്ല. കുറച്ച്‌ ശ്രദ്ധ ആവശ്യമാണ്, ദന്തസംരക്ഷണത്തിന്. ദന്തരോഗങ്ങള്‍ക്ക് യഥാസമയത്ത് ചികിത്സ നല്കിയില്ലെങ്കില്‍ അത് ചിലപ്പോള്‍ മരണത്തിനു തന്നെ കാരണമായേക്കാം.

ദന്തസംരക്ഷണത്തിന് ചില മാര്‍ഗങ്ങളിതാ..

1. ചുക്ക്, കുരുമുളക്, തിപ്പലി ഇവ പൊടിച്ച്‌ വെള്ളത്തിലിട്ട് തിളപ്പിച്ച്‌ കവിള്‍ കൊള്ളുക.
2. എന്തെങ്കിലും കഴിച്ചാല്‍ ഉടന്‍ തന്നെ വാ കഴുകുക. പല്ലുകള്‍ക്കുള്ളില്‍ ഒന്നും തങ്ങി നില്‍ക്കാന്‍ അനുവദിക്കരുത്. അങ്ങനെ ചെയ്താല്‍ അത് ദന്തക്ഷയത്തിന് കാരണമാകും.
3. വായ്നാറ്റം ഒഴിവാക്കാന്‍ പിച്ചിപൂവിന്‍റെ  ഇല, കരിങ്ങാലി, ഞെരിഞ്ഞില്‍ ഇവ പൊടിച്ച്‌ വായിലേക്ക് പുക പിടിക്കുക.
4. ഗ്രാമ്പൂവെള്ളത്തിലിട്ട് തിളപ്പിച്ച്‌ കവിള്‍ കൊണ്ടാല്‍ വായ്നാ‍റ്റം മാറും.
5. ഉപ്പും ഉമ്മിക്കരിയും ചേര്‍ത്ത് തേയ്ക്കുന്നതിലൂടെ ദന്തരോഗങ്ങളും വായ് രോഗങ്ങളും ഉണ്ടാകാനുള്ള സാധ്യത കുറയ്ക്കാം.
6. കാല്‍സ്യം അടങ്ങിയ ഭക്ഷണം കഴിക്കുന്നത് പല്ലുകളുടെ ആരോഗ്യത്തിന് ഉത്തമമാണ്. മുട്ടയുടെ വെള്ള, മുള്ള് കഴിക്കാവുന്നതരം മത്സ്യങ്ങള്‍ ഇവയെല്ലാം കാല്‍സ്യത്തിന്‍റെ സ്രോതസുകളാണ്.
7. ഇലക്കറികളും ധാന്യവര്‍ഗങ്ങളും ഭക്ഷണത്തില്‍ ഉള്‍പ്പെടുത്തണം. മോണയുടെ ആരോഗ്യത്തിന് വെറ്റമിന്‍ സി അടങ്ങിയ നെല്ലിക്ക, മാതളനാരങ്ങ എന്നിവ കഴിക്കാവുന്നതാണ്.
8. പുളിയുള്ള പദാര്‍ത്ഥങ്ങള്‍ അമിതമായി കഴിക്കുന്നത് തടയണം. പല്ലിന്‍റെ ഇനാമലിനെ സംരക്ഷിക്കാന്‍ അത് ആവശ്യമാണ്. അമിത ചൂടും അമിത തണുപ്പുമുള്ളവയുടെ ഉപയോഗവും നന്നല്ല.
9. രാത്രിയില്‍ കുട്ടികള്‍ക്ക് പാല്‍ കൊടുക്കുന്നുണ്ടെങ്കില്‍ ഉറങ്ങുന്നതിനു മുമ്പ് വാ കഴുകിക്കണം.
10. ഗര്‍ഭിണികള്‍ കാത്സ്യം അടങ്ങിയ വിഭവങ്ങള്‍ ഭക്ഷണത്തില്‍ ഉള്‍പ്പെടുത്തുന്നത് കുഞ്ഞിന് ഗുണപ്രദമാണ്.

കറുവാപ്പട്ടയുടെ അവഗണിക്കാന്‍ കഴിയാത്ത ആരോഗ്യ ഗുണങ്ങള്‍

കറുവാപ്പട്ടയ്ക്ക് ഔഷധഗുണമുണ്ടെന്ന് നൂറ്റാണ്ടുകള്‍ക്കു മുമ്പു തന്നെ തെളിയിക്കപ്പെട്ടിട്ടുള്ളതാണ്. പ്രത്യേക രുചിയുള്ളതു മൂലം ഇതിന് ബേക്കറികളിലേക്കും ലഘുഭക്ഷണശാലകളിലേക്കുമുള്ള വഴിയും തുറന്നുകിട്ടി. ഇതിന്‍റെ ആരോഗ്യപരമായ ഗുണങ്ങള്‍ ആധുനിക ശാസ്ത്രവും അംഗീകരിച്ചിട്ടുണ്ട്. കറുവാപ്പട്ട, കറുവാപ്പട്ടയുടെ എണ്ണ, കറുവാപ്പട്ട നീര് തുടങ്ങി അതിന്‍റെ ഏതു രൂപവും ഗുണത്തില്‍ മെച്ചപ്പെട്ടതു തന്നെയാണ്. കറുവാപ്പട്ടയുടെ ആരോഗ്യപരമായ ചില ഗുണങ്ങളെക്കുറിച്ചാണ് ഇനി പറയുന്നത്;

നിരോക്സീകാരികളാല്‍ സമ്പുഷ്ടം

ശരീരത്തിനെ ഓക്സിഡേറ്റീവ് തകരാറുകളില്‍ നിന്ന് സംരക്ഷിക്കാന്‍ കറുവാപ്പട്ടയ്ക്ക് സാധിക്കും. ഇതില്‍ ധാരാളം പോളിഫെനോളുകള്‍ അടങ്ങിയിരിക്കുന്നു എന്നു മാത്രമല്ല, വെളുത്തുള്ളി, പനിക്കൂര്‍ക്ക എന്നിവയെക്കാളധികം നിരോക്സീകാരി ഗുണങ്ങളുമുണ്ട്.

കറുവാപ്പട്ടയും ശരീരഭാരം കുറയ്ക്കലും

ഉയര്‍ന്ന തോതില്‍ കൊഴുപ്പ് അടങ്ങിയ ഭക്ഷണങ്ങളുടെ ദോഷഫലങ്ങള്‍ കുറയ്ക്കാന്‍ കറുവാപ്പട്ടയ്ക്ക് കഴിയും. ഇതിന് ശരീരത്തിലെ പഞ്ചസാരയുടെ അളവില്‍ വ്യത്യാസം വരുത്താനുള്ള കഴിവുള്ളതിനാല്‍ ഭാരം കുറയ്ക്കുന്നതിനും പ്രയോജനപ്പെടുമെന്നാണ് കരുതപ്പെടുന്നത്. എന്നാല്‍, ഇതിനെ അനുകൂലിക്കുന്ന തരത്തിലുള്ള പഠനങ്ങള്‍ ഇനിയും നടക്കേണ്ടിയിരിക്കുന്നു. കറുവാപ്പട്ടയില്‍ നാരുകള്‍ അടങ്ങിയിരിക്കുന്നതിനാല്‍, ദഹനപ്രക്രിയയെ സഹായിക്കുകയും ശരീരത്തിലെ വിഷപദാര്‍ത്ഥങ്ങളെ പുറന്തള്ളാന്‍ സഹായിക്കുകയും ചെയ്യുന്നു.

പ്രമേഹത്തിനെതിരെ

ടൈപ്പ്-2 പ്രമേഹത്തിനെതിരെ കറുവാപ്പട്ട പ്രയോജനപ്രദമാണെന്ന് നിരവധി പഠനങ്ങളില്‍ നിന്ന് വ്യക്തമായിട്ടുണ്ട്. ഇന്‍സുലിന്‍ പ്രതിരോധം, രക്തസമ്മര്‍ദം എന്നിവ കുറയ്ക്കാന്‍ ഇത് സഹായിക്കുമെന്ന് കണ്ടെത്തിയിട്ടുണ്ട്.

ഫംഗസ്, ബാക്ടീരിയ, വൈറസ് എന്നിവയ്ക്കെതിരെ പ്രവര്‍ത്തിക്കാനുള്ള കഴിവ്

കഫം കെട്ടിനില്‍ക്കുന്നത് ഒഴിവാക്കുന്നതിലൂടെ ശ്വസനപ്രക്രിയ അനായാസമാക്കാന്‍ കറുവാപ്പട്ട സഹായിക്കും. സീസണുകളില്‍ ഉണ്ടാകുന്ന ചുമയും പനിയും ഉള്‍പ്പെടെയുള്ള പ്രശ്നങ്ങള്‍ക്കും വിവിധ ചേരുവകള്‍ക്കൊപ്പം കറുവാപ്പട്ട ഉപയോഗിക്കുന്നത് ഗുണപ്രദമായിരിക്കും.

പോളിസിസ്റ്റിക് ഓവേറിയന്‍ സിന്‍ഡ്രോം

പോളിസിസ്റ്റിക് ഓവറി സിന്‍ഡ്രോം ഉള്ള സ്ത്രീകള്‍ക്ക് ശരീരഭാരം വര്‍ദ്ധിക്കുന്നത് സാധാരണമാണ്. ഇന്‍സുലിനോടുള്ള പ്രതിരോധമാണ് ഇതിനു കാരണമാവുന്നത്. എന്നാല്‍, കറുവാപ്പട്ട ഇന്‍സുലിന്‍ പ്രതിരോധം കുറയ്ക്കാന്‍ സഹായിക്കുന്നു. ഗര്‍ഭപാത്രത്തിലെ ഫൈബ്രോയിഡുകള്‍, എന്‍ഡോമെട്രിയോസിസ് തുടങ്ങിയവയുടെ ഭാഗമായി ഉണ്ടാകുന്ന കടുത്ത ആര്‍ത്തവ രക്തസ്രാവത്തെ നിയന്ത്രിക്കുന്നതിനും കറുവാപ്പട്ട സഹായിക്കുമെന്നാണ് പഠനങ്ങള്‍ പറയുന്നത്.

തലച്ചോറിന്റെ പ്രവര്‍ത്തനത്തെ സംരക്ഷിക്കുന്നു

കറുവാപ്പട്ട നിരോക്സീകാരിയായതിനാല്‍, അല്‍ഷിമേഴ്സ്, പാര്‍ക്കിന്‍സന്‍സ് രോഗം തുടങ്ങിയ നാഡീസംബന്ധമായ പ്രശ്നങ്ങളെ പ്രതിരോധിക്കാന്‍ സഹായിക്കുമെന്നാണ് കരുതപ്പെടുന്നത്. തലച്ചോറിലെ കോശങ്ങളുടെ നാശം സംഭവിക്കാതിരിക്കാന്‍ സഹായിക്കുന്ന പ്രോട്ടീനുകളെ (ന്യൂറോ-പ്രൊട്ടക്റ്റീവ്) സജീവമാക്കാന്‍ കറുവാപ്പട്ട സഹായിക്കുന്നു. ഇതാണ് രോഗപ്രതിരോധത്തിനു കാരണമാവുന്നത്.

പല്ലുകള്‍ക്ക് സംരക്ഷണം

പുതിനയെപ്പോലെ കറുവാപ്പട്ടയ്ക്കും വായിലെ ബാക്ടീരിയകള്‍ക്കെതിരെ പ്രവര്‍ത്തിക്കാനുള്ള കഴിവുണ്ട്. അതിനാല്‍, രാസപദാര്‍ത്ഥങ്ങളുടെ സഹായത്തോടെയല്ലാതെ ഉന്മേഷകരമായി ശ്വാസോച്ഛ്വാസം നടത്താന്‍ കറുവാപ്പട്ട സഹായിക്കുന്നു. പല്ലുകള്‍ കേടാവുന്നതിനും പല്ലുകളില്‍ പോടുകള്‍ ഉണ്ടാവുന്നതിനും വായിലെ അണുബാധകള്‍ക്കും വിനാശകാരികളായ ബാക്ടീരിയകള്‍ കാരണമാവുന്നു. ബാക്ടീരിയക്കള്‍ക്കെതിരെ പ്രവര്‍ത്തിക്കുന്ന ഒരു മൗത്ത്വാഷ് ആയും കറുവാപ്പട്ട ഉപയോഗിക്കാം. ഇത്തരം ഗുണങ്ങള്‍ മൂലമാണ് പരമ്ബരാഗതമായി പല്ലുവേദനയ്ക്കെതിരെയും പല്‍പ്പൊടിയായും (ദന്തധാവന ചൂര്‍ണം) കറുവാപ്പട്ട ഉപയോഗിച്ചുവരുന്നത്.

കറുവാപ്പട്ട വാങ്ങുമ്ബോള്‍ ശ്രദ്ധിക്കുക. ഉപയോഗത്തിനായി സിലോണ്‍ കറുവാപ്പട്ടയാണ് വാങ്ങേണ്ടത്. കറുവാപ്പട്ടയെന്ന വ്യാജേന വിറ്റഴിക്കുന്ന കാസിയയില്‍ കൊമറിന്‍ എന്ന വിഷപദാര്‍ത്ഥം അടങ്ങിയിട്ടുണ്ട്. ഇത് ഗുരുതരമായ ആരോഗ്യപ്രശ്നങ്ങള്‍ക്ക് കാരണമാവും.

പ്രമേഹം അല്ലെങ്കില്‍ മറ്റ് രോഗാവസ്ഥകള്‍ നിയന്ത്രിക്കുന്നതിനായി നിങ്ങള്‍ കറുവാപ്പട്ടയോ അതിന്‍റെ ഉത്പന്നങ്ങളോ ഉപയോഗിക്കാന്‍ ആഗ്രഹിക്കുന്നുവെങ്കില്‍, ഇക്കാര്യം ഡോക്ടറുമായി ചര്‍ച്ചചെയ്യുക. മരുന്നുകളുമായുള്ള പ്രതിപ്രവര്‍ത്തനം തടയാന്‍ ഈ നടപടി സഹായിക്കും.

ദിവസവും കാടമുട്ട കഴിച്ചാലുള്ള ഗുണങ്ങള്‍

ആരോഗ്യഗുണങ്ങള്‍ ഒത്തിണങ്ങിയ ഒന്നാണ് കാടമുട്ട.  കാടമുട്ട തീരെ ചെറുതാണെങ്കിലും ഗുണങ്ങളില്‍ മറ്റേതിനേക്കാളും മുന്‍പന്തിയിലാണ്.അഞ്ചു സാധാരണ മുട്ടയുടെ ഗുണം ഒരു കാടമുട്ടയിലൂടെ ലഭിയ്ക്കുമെന്നു പറയാം.

പലതരത്തിലുള്ള പോഷകങ്ങളുടേയും വൈറ്റമിനുകളുടേയും കലവറയാണ് കാടമുട്ട. ശരീരത്തിന് പ്രതിരോധശേഷി നല്‍കാന്‍ അത്യുത്തമം. വൈറ്റമിനുകള്‍ മാത്രമല്ല, പ്രോട്ടീനുകളും ഇതില്‍ ധാരാളം അടങ്ങിയിട്ടുണ്ട്.  ഇത് നിങ്ങളുടെ ശരീരത്തിന്റെ ആരോഗ്യം നിലനിര്‍ത്തും. 13 ശതമാനം പ്രോട്ടീനും വൈറ്റമിന്‍ ബി 140 ശതമാനവും അടങ്ങിയിട്ടുണ്ട്.

കാടമുട്ടയില്‍ അയേണ്‍ അടങ്ങിയിട്ടുണ്ട്. ഇത് രക്തക്കുഴലുകളുടെ ആരോഗ്യത്തിനും രക്തം വര്‍ദ്ധിപ്പിക്കാനും സഹായിക്കും. ഇത് ഹീമോഗ്ലോബിന്‍റെ അളവ് വര്‍ദ്ധിപ്പിക്കും.

കാടമുട്ട കഴിക്കുന്നതിലൂടെ കിഡ്‌നി,കരള്‍,ഗാള്‍ബ്ലാഡര്‍ സ്‌റ്റോണ്‍  എന്നിവയൊക്കെ ഇല്ലാതാക്കാന്‍ കഴിയും. ഇത് കല്ലുകളുടെ വളര്‍ച്ച തുടക്കത്തില്‍ തന്നെ തടയും. ഇതിലടങ്ങിയിരിക്കുന്ന ലെസിതിന്‍ സംയുക്തമാണ് ഇതിന് സഹായിക്കുന്നത്.

കാടമുട്ടയില്‍ ആന്‍റി-ഇന്‍ഫ്ളമേറ്ററി അടങ്ങിയിരിക്കുന്നുണ്ട്. ഇത് സന്ധിവേദന, വിട്ടുമാറാത്ത ചുമ, ശ്വാസനാളരോഗം എന്നിവയെ പ്രതിരോധിക്കും.

കാടമുട്ട തലച്ചോറിന്‍റെ കാര്യക്ഷമത വര്‍ദ്ധിപ്പിച്ച് ഓര്‍മശക്തി നല്‍കും.

ശരീരത്തില്‍ പൊട്ടാസ്യത്തിന്‍റെ അളവ് കുറയുമ്പോള്‍ പല രോഗങ്ങളും ഉണ്ടാകും. ഹൃദ്രോഗം,രക്തസമ്മര്‍ദ്ദം,ആര്‍ത്രൈറ്റീസ്, സ്‌ട്രോക്ക്,ക്യാന്‍സര്‍ തുടങ്ങിയ രോഗങ്ങള്‍ക്കുള്ള സാധ്യതയുണ്ട്. ഇത് പരിഹരിക്കാന്‍ കാടമുട്ട കഴിക്കാം.

കാടമുട്ട കഴിക്കുന്നതിലൂടെ ഇടയ്ക്കിടെ ഉണ്ടാകുന്ന ഛര്‍ദ്ദി, വയറുവേദന, ഓക്കാനം എന്നിവയൊക്കെ മാറ്റി തരും.

മുറിവുണങ്ങാന്‍ വെയിലുകൊള്ളാം

വെ​യി​ലു കൊ​ള്ളാ​തി​രി​ക്കാ​നു​ള്ള സ​ക​ല​വ​ഴി​ക​ളും പ​യ​റ്റാ​റു​ള്ള​വ​രാ​ണ് മി​ക്ക​വ​രും. എ​ന്നാല്‍, വെ​യി​ലു​കൊ​ള്ളു​ന്ന​ത് കൊ​ണ്ടു​ള്ള ഗു​ണ​ങ്ങള്‍ ഏ​റെ​യാ​ണ്. എ​ന്ന് ക​രു​തി അ​മി​ത​മാ​യി വെ​യി​ലി​നെ സ്നേ​ഹി​ക്ക​രു​തെ​ന്ന് മാ​ത്രം. ബര്‍​മി​ങ്ഹാം സര്‍​വ​ക​ലാ​ശാ​ല​യി​ലെ ഒ​രു സം​ഘം ഗ​വേ​ഷ​ക​രു​ടെ ഗ​വേ​ഷ​ണ​ഫ​ല​ത്തില്‍ പ​റ​യു​ന്ന​ത്, മു​റി​വു​ണ​ക്കാ​നു​ള്ള ഏ​റ്റ​വും നല്ല മ​രു​ന്ന് സൂ​ര്യ​പ്ര​കാ​ശം ഏല്‍​ക്കുക എ​ന്ന​താ​ണ്.

സൂ​ര്യ​പ്ര​കാ​ശ​ത്തില്‍ അ​ട​ങ്ങി​യി​രി​ക്കു​ന്ന വൈ​റ്റ​മിന്‍ ഡി​യ്ക്ക് അ​ണു​ബാ​ധ​കള്‍ ത​ട​യാ​നു​ള്ള ക​ഴി​വു​ണ്ട്. മു​റി​വു​ണ​ങ്ങാന്‍ കാ​ല​താ​മ​സം എ​ടു​ക്കു​ന്ന​തോ​ടെ അ​ണു​ബാ​ധ​യ്ക്കു​ള്ള സാ​ദ്ധ്യ​ത​യും കൂ​ടും. അ​തു​കൊ​ണ്ടാ​ണ്, സൂ​ര്യ​പ്ര​കാ​ശം മു​റി​വു​ണ​ക്കാന്‍ ന​ല്ല​താ​ണെ​ന്ന് ഗ​വേ​ഷ​ണ​റി​പ്പോര്‍​ട്ടില്‍ പ​റ​യു​ന്ന​ത്. ബര്‍​മി​ങ്ഹാ​മി​ലെ ഇന്‍​സ്റ്റി​റ്റ്യൂ​ട്ട് ഒ​ഫ് ഇന്‍​ഫ്ല​മേ​ഷന്‍ ആന്‍​ഡ് ഏ​ജി​ങ്ങി​ലെ പ്രൊ​ഫ​സര്‍​മാ​രായ ജാ​നെ​റ്റ് ലോര്‍​ഡ്, ഡോ. ഖാ​ലി​ദ് എ​ന്നി​വ​രാ​ണ് ഇ​ത്ത​ര​മൊ​രു ക​ണ്ടെ​ത്ത​ലി​ന് പി​ന്നില്‍.

കടപ്പാട് : ഇന്‍ഫോ മാജിക്