നമ്മുടെ വീട്ടിലും പരിസരത്തുനിന്നുള്ള മരുന്ന് കൊണ്ട് രോഗം മാറ്റിയിരുന്ന ഒരു കാലഘട്ടം ഉണ്ടായിരുന്നു. പ്രകൃതിയില് നിന്നും അവരുടെ ജീവിത ചുറ്റുപാടില് നിന്നും ലഭ്യമായ സസ്യലതാദികളെയും, പ്രകൃതി വിഭവങ്ങളെയും മരുന്നായി ഉപയോഗിച്ചു. ഈ ഔഷധങ്ങളെ നേരിട്ട് മരുന്നായും ഭക്ഷണത്തിന്റെ കൂടെയുമാണു ഉപയോഗിച്ചിരുന്നത്.
ഉദാ:-തുളസിയും, ഇഞ്ചിയും ശര്ക്കരയും ഉപയോഗിച്ച് പനിക്കുള്ള കാപ്പിയുണ്ടാക്കുന്നു.
അമുക്കുരത്തിന്റെ വേര് പൊടിച്ചത് ചൂടുവെള്ളത്തിലോ പാലിലോ നെയ്യിലോ കലക്കി പതിവായി സേവിക്കുക.
അടപതിയന് വേര് പാലില് വേവിച്ച് വെയിലത്തുണക്കി പൊടിച്ചെടുത്ത ചൂര്ണ്ണം 6 ഗ്രാം വീതം ദിവസവും രാത്രി പാലില് സേവിക്കുക.
ഉലുവ വേവിച്ച് അതില് കരുപ്പെട്ടിയും നെയ്യും തേങ്ങാപ്പാലും ചേര്ത്ത് ലേഹ്യപരുവത്തിലാക്കി നിത്യേന കഴിക്കുക.
പച്ച കുറുന്തോട്ടി സമൂലം ഇടിച്ചുപിഴിഞ്ഞ് അരിച്ചെടുത്തശേഷം അരിയിട്ടു വേവിച്ച് കഞ്ഞിവെച്ച് പാലില് ചേര്ത്ത് കുടിക്കുക. മെലിച്ചില് മാറി ആരോഗ്യം നേടാം.
ബുദ്ധിശക്തി
കുടങ്ങല് സമൂലം പിഴിഞ്ഞെടുത്ത് സ്വരസം അര ഔണ്സ് വീതമെടുത്ത് വെണ്ണ ചേര്ത്ത് ദിവസവും രാവിലെ കുട്ടികള്ക്ക് കൊടുത്താല് ബുദ്ധിശക്തിയും ധാരണാശക്തിയും വര്ദ്ധിക്കും. 5 മില്ലി മുതല് 10 മില്ലി വരെ ബ്രഹ്മിനീര് അത്രയും വെണ്ണയോ നെയ്യോ ചേര്ത്ത് പതിവായി രാവിലെ കുട്ടികള്ക്ക് കൊടുക്കുക. ബ്രഹ്മിനീരിലോ കഞ്ഞുണ്ണിനീരിലോ ആവണക്കെണ്ണ ചേര്ത്ത് കൊട്ടം അരച്ചുകലക്കി കാച്ചിയെടുക്കുന്ന തൈലം മസ്തിഷ്കബലത്തിനും മുടി വളരുന്നതിനും നല്ലതാണ്.
വിശപ്പില്ലായ്മ
ചങ്ങലംപരണ്ടയുടെ കുരുന്നു തണ്ടും ഇലയും തണലില് ഉണക്കി പൊടിച്ചത് മൂന്നു മുതല് ആറു ഗ്രാം വരെ ദിവസവും രണ്ടു നേരം പതിവായി കഴിക്കുക. ആഹാരത്തിനു മുമ്പായി ചെറുനാരങ്ങാനീര് പഞ്ചസാര ചേര്ത്ത് കഴിക്കുക.
ഇസ്നോഫീലിയ
വൈശ്വാനരം ഗോമൂത്രത്തില് ചേര്ത്ത് കഴിക്കുക. മഞ്ഞള്പൊടി ഗോമൂത്രത്തില് ചേര്ത്ത് കഴിക്കുക. വേപ്പില കഴിക്കുക. കുരുമുളക് കഷായത്തില് പാലും പഞ്ചസാരയും ചേര്ത്ത് കഴിക്കുക തുടങ്ങിയ ചികിത്സകളെല്ലാം ഇസ്നോഫീലിയയ്ക്ക് നല്ലതാണ്.
ഒച്ചയടപ്പ്
ഇഞ്ചിയും ശര്ക്കരയും ഒരേ അനുപാതത്തില് ചേര്ത്ത് കഴിക്കുക. തിപ്പലിയും ഇഞ്ചിയും ഇട്ടു കാച്ചിയ പാല് കുടിക്കുക. വയമ്പ് തേനില് അരച്ച് കഴിക്കുക. ഉപ്പ് ചൂടുവെള്ളത്തില് കലര്ത്തി കവിള്കൊള്ളുക. ഒരുപിടി കയ്യോന്നി ഒരു ഗ്ലാസ്സ് മോരില് അരച്ചുകലക്കി കുടിക്കുക. ചുവന്നുള്ളി തീക്കനലിലിട്ട് ചുട്ടതും ശര്ക്കരയും തിന്നാല് ഒച്ചയടപ്പ് മാറിക്കിട്ടും.
അരുചി
ഇഞ്ചിനീരും ചെറുനാരങ്ങാനീരും ഒരേ അളവില് എടുത്ത് ഉപ്പുചേര്ത്ത് കുറെശ്ശെ കഴിക്കുക. കരിമ്പിന്നീരും ഇഞ്ചിനീരും തുല്യഅളവില് കലര്ത്തി കുടിക്കുക. കറിവേപ്പില അരച്ച് മോരില് കലക്കി കഴിക്കുക. അര ഗ്രാം ഏലത്തരി പൊടിച്ച് തേനില് ചാലിച്ച് ദിവസവും മൂന്നുനേരം കഴിക്കുക.
അലര്ജി
കറിവേപ്പിലയും മഞ്ഞളും കൂടി അരച്ച് ഒരു മാസം തുടര്ച്ചയായി കഴിക്കുക. വാഴപ്പിണ്ടി ഇടിച്ചുപിഴിഞ്ഞ വെള്ളം ഒന്നരഗ്ലാസ്സ് അതിരാവിലെ കഴിക്കുകയും ഒരാഴ്ചക്കുശേഷം ഒരു ഗ്ലാസ്സ് വീതം ഈ മിശ്രിതം കുടിക്കുകയും ചെയ്യുക. രണ്ടു മണിക്കൂറിനു ശേഷം മാത്രമേ ആഹാരം കഴിക്കാവൂ.
അമ്ലപിത്തം
കുരുകളഞ്ഞ പച്ചനെല്ലിക്ക (6ഗ്രാം) 100 മില്ലി ലിറ്റര് പാലില് കലക്കി ദിവസവും രണ്ടുനേരം വീതം കഴിക്കുക. അമൃതത്തിന്റെ നീര് നെയ്യോ പഞ്ചസാരയോ ചേര്ത്ത് കഴിക്കുന്നതും അമ്ലപിത്തത്തിന് ആശ്വാസം കിട്ടും.
അമിതവണ്ണം
ചെറുതേനും വെള്ളവും ഒരേ അളവില് ചേര്ത്ത് കുറച്ചുദിവസം രാവിലെ കഴിക്കുക. ഒരു ടീസ്പൂണ് നല്ലെണ്ണയില് 5 ഗ്രാം ചുക്കുപൊടി ചേര്ത്ത് പതിവായി കഴിക്കുന്നതും അമിതവണ്ണം കുറയ്ക്കും.
അമിതവിയര്പ്പ്
അമിതവയര്പ്പിന് മുതിര അരച്ച് ശരീരത്തില് പുരട്ടി കുളിക്കുക. ഞാവല് പൂവ് അരച്ച് എള്ളെണ്ണയില് കലക്കി കാച്ചിയെടുത്ത തൈലം ശരീരത്തില് പുരട്ടുക.
സുഖമായ ഉറക്കത്തിനായി ആയുര്വേദത്തില് പലരീതികളുമുണ്ട്. ഭൃംഗാമലകാദി, ഹിമസാഗര തൈലം, തുംഗദ്രുമാദി, തെങ്ങിന് പുഷ്പാദി, ക്ഷീരബല ആവര്ത്തി, ത്രീമിശ്രികം എന്നീ എണ്ണകള് തലയില് തേച്ചു കുളിച്ചാല് ഉറക്കം ഉണ്ടാകും. രാത്രിയില് എരുമപ്പാല് കഴിക്കുകയും കാല് വെള്ളയില് എരുമ വെണ്ണ പുരട്ടി കിടക്കുകയും ചെയ്താലും ഉറക്കം കിട്ടും. നെല്ലിക്കാത്തോട് പഴങ്കഞ്ഞിയില് അരച്ചു നെറുകയില് തളം വെച്ചാല് ഉറങ്ങാത്തവരുണ്ടാകില്ല. ശിരോവസ്തി, ശിരോധാര, പിചു എന്നിവ ദീര്ഘകാലമായി ഉറക്കമില്ലാത്തവര്ക്കു സുഖകരമായ ഉറക്കം പ്രദാനം ചെയ്യും. മൂന്ന് ഔണ്സ് പാലും മൂന്ന് ഔണ്സ് ശതാവരി നീരും കഴിക്കുന്നതും ഉറക്കക്കുറവിനു നല്ലതാണ്.
നിശാകതകാദി കഷായം 15 മില്ലി എടുത്ത് 60 മില്ലി വെള്ളം ചേര്ത്തതില് മുക്കാല് ടീസ്പൂണ് തൃഫലാചൂര്ണം ചേര്ത്തു രാവിലെ വെറും വയറ്റില് സേവിക്കുക.
നെല്ലിക്കാത്തോട് 8, മഞ്ഞള് 2 എന്ന തോതില് പൊടിച്ച പൊടി ഒന്നോ ഒന്നരയോ ടീസ്പൂണ് അളവിലെടുത്ത് ജീരകവെള്ളത്തില് കലക്കി രാത്രി ഭക്ഷണശേഷം സേവിക്കുക.
നിശാകതകാദി കഷായം 15 മില്ലി എടുത്ത് 60 മില്ലി വെള്ളം ചേര്ത്തതില് അര ടീസ്പൂണ് ഉലുവ വറുത്ത് മിനുസമായി പൊടിച്ച ചൂര്ണം ചേര്ത്ത് വൈകുന്നേരം അഞ്ചു മണിക്കു സേവിക്കുക.
തൊട്ടാവാടി വേര് 2-3 ഗ്രാം അരച്ച് ചൂടുവെള്ളത്തിലോ മോരിലോ ചേര്ത്ത് ഉച്ചഭക്ഷണത്തിനു മുമ്പ് സേവിക്കുക.
ബ്രഹ്മി ഉണക്കിപ്പൊടിച്ചത് ഓരോ സ്പൂണ് വീതം പാലില് ചേര്ത്ത് കഴിച്ചാല് പ്രമേഹം തടയാം.
രാത്രി കിടക്കാന് നേരത്ത് വെളുത്തുള്ളി ചതച്ചിട്ട പാല് കാച്ചിക്കുടിക്കുക.
വേപ്പിലയിട്ട് തിളപ്പിച്ചാറിയ വെള്ളത്തില് തല കഴുകുക. ചെറുപയര് പൊടി തൈരില് കലക്കി തലയില് തേക്കുക. കീഴാര്നെല്ലി ചതച്ച് താളിയാക്കി ആഴ്ചയില് രണ്ട് പ്രാവശ്യം വീതം ആറുമാസം തുടര്ച്ചയായി പുരട്ടുക. പുളിച്ച കഞ്ഞിവെള്ളം അരിച്ച് അതില് ഒരു പിടി ചീവക്കപ്പൊടി കലക്കി തലയില് പതപ്പിച്ച് കഴുകുക. തുളസിയില, വെറ്റില, ചെത്തിപ്പൂവ് എന്നിവയുടെ നീരെടുത്ത് വെളിച്ചെണ്ണയില് കാച്ചി തേച്ചാല് താരന്റെ ശല്യം മാറും.
ഉമ്മത്തിന്റെ ഇല ഇടിച്ച് പിഴിഞ്ഞ നീരില് ഉമ്മത്തിന്കുരു അരച്ച് ചേര്ത്ത് വെളിച്ചെണ്ണ കാച്ചി തേക്കുന്നത് തലയിലെ താരനും മുടികൊഴിച്ചില് മാറുന്നതിനും ഉത്തമമാണ്. ഉമ്മത്തിന്റെ കായ് ഇടിച്ചുപിഴിഞ്ഞ നീര് തലയില് പുരട്ടുക. ഓരിലത്താമര ഇടിച്ചുപിഴിഞ്ഞ് താളിയാക്കി ഉപയോഗിക്കുക എന്നിവയും താരനെതിരെ ഫലപ്രദമാണ്.
മുടിനീളിയും മലോക്കിയും ഇട്ട് എണ്ണ കാച്ചിതേക്കുക. 3 ഗ്രാം മൈലാഞ്ചിപ്പൂവ് അരച്ച് 2 നേരം സേവിക്കുക. മൈലാഞ്ചി ഇടിച്ചുപിഴിഞ്ഞ നീരില് മൈലാഞ്ചിവേര് കല്ക്കമാക്കി കാച്ചിയെടുക്കുന്ന വെളിച്ചെണ്ണ തേച്ചാല് തലമുടി കറുത്ത് വളരുകയും മുടികൊഴിച്ചില് മാറുകയും ചെയ്യും.
കയ്യോന്നി, കറ്റാര് വാഴപ്പോള, പൂവാങ്കുറുന്തല്, നെലനാരകം, മൈലാഞ്ചിയില ഇവ ഇടിച്ചുപിഴിഞ്ഞ് നീരെടുത്ത് വെളിച്ചെണ്ണയില് ചേര്ത്ത് എണ്ണകാച്ചുക. എണ്ണ തെളിയുമ്പോള് വാങ്ങുക. ഈ എണ്ണ മുടിവളര്ച്ച, തലവേദന എന്നിവയ്ക്ക് ഉത്തമമാണ്.
അകാല നര
നെല്ലിക്കയിട്ട് തിളപ്പിച്ച വെള്ളം കൊണ്ട് പതിവായി തലകഴുകിയാല് അകാലനരയുണ്ടാവില്ല. വിഷുക്രാന്തിയുടെ ചാറില് അല്പം കൊട്ടം ചേര്ത്ത് ആവണക്കെണ്ണയില് കലര്ത്തി കാച്ചിയ തൈലം പുരട്ടുക. എള്ളിലയും വേരും കൂടി കഷായം വെച്ച് അതില് തല കഴുകുക. വാഴച്ചുണ്ട് ഇടിച്ച് പിഴിഞ്ഞനീരില് നല്ലെണ്ണ ചേര്ത്ത് അരക്ക് പരുവത്തില് കാച്ചിതേച്ചാല് കുട്ടികള്ക്കുണ്ടാകുന്ന നര ഇല്ലാതാക്കാനും കണ്ണിനും നല്ലതാണ്.
അമിതമായ ഉഷ്ണം കൊണ്ടാണ് സാധാരണയായി മുടി കൊഴിയുന്നത്. ഇതിനെതിരായി നീലഅമരി, കഞ്ഞുണ്ണി, ബ്രഹ്മി എന്നിവയുടെ സംയുക്തമാണ് ഉപയോഗിക്കുന്നത്. മേല്പറഞ്ഞ മൂന്നു പച്ചമരുന്നുകളും ഇടിച്ചുപിഴിഞ്ഞ് അതിന്റെ നീരില് നാടന് വെളിച്ചെണ്ണ ചേര്ത്ത് ചൂടാക്കുന്നു. നെല്ലിക്ക, ഇരട്ടിമധുരം, കന്മദം എന്നിവ കല്ക്കനായി ചേര്ക്കുന്നു. ഈ കല്ക്കന് മണല് പരുവമാകുമ്പോള് വാങ്ങുക.
ഉപയോഗിക്കേണ്ടവിധം. കുളിക്കുന്നതിന് 15 മിനിട്ട് മുമ്പ് തലയില് തേച്ച് പിടിപ്പിക്കുക. സോപ്പ്, ഷാംപൂ മുതലായവ ഉപയോഗിക്കാം
മുഖസൌന്ദര്യത്തിന്
രക്തചന്ദനം, ഇരട്ടിമധുരം, കസ്തൂരിമഞ്ഞള്, എന്നിവ ആട്ടിന്പാലില് കുഴച്ച് മുഖത്തിടുക. പാടുകള് മായാന് സഹായകമാണ്. ഉള്ളി, തുളസിയില, കസ്തൂരിമഞ്ഞള്, എന്നിവ അരച്ച് ചേര്ത്ത് മുഖത്തിട്ടാല് മുഖക്കുരു മാറിക്കിട്ടും. അല്പം കസ്തൂരിമഞ്ഞള് തൈരില് ചേര്ത്ത് കുഴച്ച് പതിവായി മുഖത്ത് പുരട്ടുന്നത് നിറം വര്ദ്ധിക്കാന് സഹായകമാണ്
മുഖക്കുരു
തുളസിയിലനീര് മുഖത്ത് പുരട്ടുക. പച്ചമഞ്ഞളും പേരയുടെ കിളുന്തിലയും ചേര്ത്തരച്ച് മുഖത്ത് പുരട്ടുക. കസ്തൂരിമഞ്ഞള് പനിനീരിലരച്ച് ദിവസവും പുരട്ടുക. ചെറുതേനില് രക്തചന്ദനം ചാലിച്ച് മുഖത്ത് പുരട്ടുക എന്നിവയെല്ലാം മുഖക്കുരു മാറുന്നതിന് ഉപയോഗിക്കാം
കറുപ്പ് നിറം മാറാന്
ചണം, പയര്, രക്തചന്ദനം, മഞ്ചാടി, പച്ചോറ്റിത്തൊലി, ഞാവല്പൂവ്, പേരാലിന് മൊട്ട് ഇവ സമം ചേര്ത്തരച്ച് ദിവസേന ലേപനം ചെയ്യുക. കഴുത്തിലെ കറുപ്പ് നിറം മാറാന് വേങ്ങയുടെ തോലരച്ച് തേക്കുക
ആവണക്കിന്വേര് അരച്ച് കവിളില് പുരട്ടിയാല് പല്ലുവേദനയും നീരും മാറുന്നതാണ്. കടുക്കാതോട് ചുട്ട് കരിച്ച പൊടിയും അല്പം പടിക്കാരം പൊടിച്ചതും കുരുമുളകും ചേര്ത്ത് പല്ല് തേച്ചാല് പല്ലുവേദന മാറുന്നതാണ്. ഉപ്പിട്ട് തിളപ്പിച്ച വെള്ളം ചെറുചൂടോടെ പതിവായി കവിള് കൊണ്ടാല് പല്ലുവേദന മാറും. മുള്ളീലത്തിന്റെ കായ തിളപ്പിച്ച് ആവികൊള്ളിക്കുക. ജാതിക്കയും ഇന്തുപ്പും കൂടി പൊടിച്ച് പല്ല് തേക്കുക. വെളുത്തുള്ളി ചതച്ച് പല്ലിന്റെ പോട്ടില് വെക്കുക എന്നിവയും ഫലപ്രദമാണ്.
പല്ലില് പൊത്തായി വരുന്ന പല്ലുവേദനക്ക് സാധാരണയായി ഈ ഒറ്റമൂലി ഉപയോഗിക്കാം. മഞ്ഞളും രണ്ട് പ്രത്യേക പച്ചമരുന്നുകളും ചേര്ത്ത് മിശ്രിതമാക്കിയ ഈ ഒറ്റമൂലി പൊത്തായ പല്ലിന് പുറത്ത് അമര്ത്തി തേക്കുക. കുറച്ചുസമയത്തിന് ശേഷം ഈ ഒറ്റമൂലിയുടെ പ്രവര്ത്തനഫലമായി രോഗത്തിന് കാരണക്കാരായ അണുക്കള് കവിളില് പൊന്തി വരുകയും ആ സമയം മൂര്ച്ച കൂടിയതും മിനുസമുള്ളതുമായ കത്തി പോലുള്ള ഒരു ആയുധം ഉപയോഗിച്ച് അണുക്കളെ വടിച്ചെടുക്കാം.
പ്രത്യേകം തയ്യാറാക്കിയ കല്ലില് മഞ്ഞളും മറ്റ് രണ്ട് പ്രത്യേക പച്ചമരുന്നുകളും വെള്ളത്തില് ഒന്നിച്ചരച്ച് ഉരുള പോലെയാക്കുക. ഇത് പിന്നീട് ആവശ്യാനുസരണം കുറച്ചു കുറച്ചായി എടുത്ത് ഉപയോഗിക്കാം. രാത്രിസമയമൊഴികെ മറ്റെല്ലാ സമയങ്ങളിലും ഈ മരുന്ന് യഥേഷ്ടം ഉപയോഗിക്കാം. ഇത് പ്രയോഗിച്ചവരുടെ അഭിപ്രായത്തില് ഏകദേശം ഈ അസുഖമുള്ളവരില് 90% പേര്ക്ക് ഭേദമായിട്ടുണ്ട്.
വെളുത്തുള്ളി അരച്ച് നെറ്റിയിലിടുന്നത് തലവേദനക്ക് നല്ലതാണ്. മല്ലിയില അരച്ച് നെറ്റിയിലിടുന്നതും നന്ന്. നനഞ്ഞ തുണി നെറ്റിയില് പതിപ്പിക്കുക. മച്ചിങ്ങ(തെങ്ങിന്റെ) തൊപ്പികളഞ്ഞ് ഏഴ് നെല്ലും കുരുമുളകും അതിന്റെ മാര്ദ്ദവമുള്ള ഭാഗത്ത് അടിച്ചിറക്കി പനിനീരിലോ ശുദ്ധമായ പച്ചവെള്ളത്തിലോ ചേര്ത്തരച്ച് നെറ്റിയില് പുരട്ടുക. ചന്ദനം അരച്ച് നെറ്റിയില് പുരട്ടുക. മുളകുകണ്ണിയുടെ ഇലയരച്ച് നെറ്റിയില് പുരട്ടുക, ചുക്കോ, കുരുമുളകോ അരച്ച് നെറ്റിയില് പുരട്ടുക. തുടങ്ങിയ പ്രയോഗങ്ങളും തലവേദന മാറാന് സഹായിക്കുന്നതാണ്
ആര്ത്തവ വയറുവേദന
സുകുമാരംനെയ്യ് പതിവായി ഒരു ടീസ്പൂണ് വീതം ദിവസവും രാത്രി കഴിക്കുക. ത്രിഫലചൂര്ണ്ണം തനിച്ചോ ശര്ക്കര കൂട്ടിയോ പതിവായി ഒരു നെല്ലിക്കാ വലിപ്പം വൈകുന്നേരം കഴിക്കുക. സ്ത്രീകള്ക്കുണ്ടാകുന്ന വയറുവേദനയ്ക്ക് ഉലുവ വറുത്ത് വെള്ളത്തില് തിളപ്പിച്ച് കുടിക്കുക. ആര്ത്തവ വേദന മാറാന് മുരിങ്ങയില പിഴിഞ്ഞു ചാറെടുത്തു കഴിച്ചാല് മതി. ആര്ത്തവ തടസ്സം ഇല്ലാതാക്കാന് പപ്പായ കുരുകളയാതെ ഇടിച്ചുപിഴിഞ്ഞ് നീരെടുത്ത് കഴിക്കാം
ചുമ, നെഞ്ചുവേദന
ഓറഞ്ചുനീരും മുട്ടയുടെ മഞ്ഞക്കരുവും കൂടി നല്ലപോലെ യോജിപ്പിച്ച് കഴിക്കുക. ജീരകപ്പൊടിയും ചുക്കുപൊടിയും പഞ്ചസാരയും ചേര്ത്ത് തേനില് കുഴച്ച് കഴിക്കുക. നെഞ്ചുവേദന ശമിക്കുന്നതാണ്.
ചുമക്ക് ആടലോടകത്തിന്റെ ഇലയും അരിമണിയും വറുത്ത് പൊടിച്ച് കല്ക്കണ്ടം, കുരുമുളക്, ചുക്ക് എന്നിവയും പൊടിച്ച് ചേര്ത്ത് കഴിക്കുക
ആസ്തമ
ആടലോടകത്തിന്റെ ഇല വാട്ടിപിഴിഞ്ഞ നീരില് തേന് ചേര്ത്ത് കഴിച്ചാല് ആസ്തമ കുറയും. തേനില് വെളുത്തുള്ളി ചതച്ചിട്ട് കഴിക്കുക. ആസ്തമക്ക് ആടലോടകത്തിന്റെ ഇല ഇടിച്ചുപിഴിഞ്ഞ നീരില് ആട്ടിന്പാല് ചേര്ത്ത് കാച്ചിക്കുടിക്കുക. തേനില് വെളുത്തുള്ളി ചതച്ചിട്ട് കഴിക്കുക. ഉമ്മത്തിന്റെ ഇലയോ പൂവോ ഉണക്കിപ്പൊടിച്ച് പുകവലിച്ചാല് ആസ്തമ കുറയും
വയറുവേദന
കൂവപ്പൊടി തിളപ്പിച്ച് കുടിക്കുക. പാണലിന്റെവേര് അരച്ച് കഴിക്കുക. പാല്ക്കായം കഴിക്കുക. എന്നീ പ്രയോഗങ്ങള് വയറുവേദനയ്ക്ക് ഗുണം ചെയ്യും.
സ്ത്രീകള്ക്കുണ്ടാകുന്ന വയറുവേദനയ്ക്ക് ഉലുവ വറുത്ത് വെള്ളത്തില് തിളപ്പിച്ച് കുടിക്കുന്നതും. പാണലിന്റെ വേരരച്ച് കഴിക്കുന്നതും ഫലപ്രദമാണ്. സുകുമാരംനെയ്യ് പതിവായി ഒരു ടീസ്പൂണ് വീതം ദിവസവും രാത്രി കഴിക്കുക. ത്രിഫലചൂര്ണ്ണം തനിച്ചോ ശര്ക്കര കൂട്ടിയോ പതിവായി ഒരു നെല്ലിക്കാ വലിപ്പം വൈകുന്നേരം കഴിക്കുക
വിരശല്യം
പപ്പായനീരില് പഴം ചേര്ത്ത് കഴിക്കാം. തക്കാളി അരിഞ്ഞ് കുരുമുളക്പൊടി വിതറി രാവിലെ വെറുംവയറ്റില് കഴിച്ചാല് വിരശല്യം മാറും. കുട്ടികള്ക്കുണ്ടാകുന്ന വിരശല്യത്തിന് കറുവത്തിന്റെ പാല് പപ്പടത്തില് ചേര്ത്ത് കഴിക്കുക
അരിമ്പാറ അകറ്റാന് ഒരല്ലി വെളുത്തുള്ളി ചുട്ട് അരിമ്പാറക്ക് മീതെ വെച്ച് കെട്ടുക. നെല്ലിക്കാ, ഗന്ധകം എന്നിവ വെളിച്ചെണ്ണയില് ചാലിച്ച് തുടര്ച്ചയായി പുരട്ടിയാലും അരിമ്പാറ മാറിക്കിട്ടും. എരിക്കിന് കറ പുരട്ടുക. ചിത്രപാലയുടെ പാല് പുരട്ടുക. സോപ്പ് ചീകിയെടുത്ത് അത്രയും ചുണ്ണാമ്പുമായി ചേര്ത്ത് അരിമ്പാറയുടെ മുകളില് മാത്രം പുരട്ടുക. പച്ച ഇഞ്ചി കൂര്പ്പിച്ച് ചുണ്ണാമ്പില് മുക്കി അരിമ്പാറയില് പുരട്ടുക. ചുണ്ണാമ്പും കാരവും തുല്യമായി ചേര്ത്ത് അരിമ്പാറയില് പുരട്ടുക. ഇലമുളച്ചി ഉപ്പും കൂട്ടി അരച്ചുവെക്കുക
പച്ചമഞ്ഞളും കറിവേപ്പിലയും അരച്ചെടുത്തത് പുരട്ടി ഉണങ്ങിക്കഴിഞ്ഞാല് കല്ലില് ഉരച്ച് കഴുകി കളയുക. ഇങ്ങനെ തുടര്ച്ചയായി പുരട്ടിയാല് കാല് വിണ്ടുകീറുന്നത് മാറിക്കിട്ടും. മൈലാഞ്ചിയില അരച്ച് കാലില് പുരട്ടിയാല് ഉപ്പൂറ്റി വിണ്ടുകീറുന്നത് തടയാം. കാലിലെ ചേറ്റൂണിന് കശുവണ്ടിയുടെ എണ്ണ തേക്കുക. കറുകയും ഇരട്ടി മധുരവും കൂട്ടി അരച്ച് തടവുന്നതും നല്ലതാണ്
ഒരുസ്പൂണ് ഇഞ്ചിനീരില് ഒരുനുള്ള് ഉപ്പ് ചേര്ത്ത് കുടിച്ചാല് വയറിളക്കം ശമിക്കുന്നതാണ്. കട്ടന്ചായയില് ചെറുനാരങ്ങാ നീര് ചേര്ത്ത് കുടിക്കുക. കച്ചോലക്കിഴങ്ങ് അരച്ച് കഴിക്കുക, അയമോദകം അരച്ച് കഴിക്കുക. ഇഞ്ചി, മുത്തങ്ങ, മഞ്ഞള്, പുളിയാരലിന്റെ ഇല ഇവ ചേര്ത്തരച്ച് മോരില് കാച്ചി കഴിക്കുക. ജാതിക്ക പൊടിച്ച് തേനില് ചാലിച്ച് കഴിക്കുക, കറിവേപ്പിന്റെ തളിരില ചവച്ചുതിന്നുക. തിപ്പലിയും കുരുമുളകും ഒരേ അളവില് പൊടിച്ച് തിളപ്പിച്ചാറ്റിയ വെള്ളത്തില് കലക്കി കുടിക്കുക. ചെറുചീര അരച്ച് തേനും പഞ്ചസാരയും ചേര്ത്ത് കഞ്ഞിവെള്ളത്തില് ചാലിച്ച് കഴിക്കുക. കടുചായയില് ചെറുനാരങ്ങാനീര് ചേര്ത്ത് കഴിക്കുക. പുളിച്ച മോരിലോ ചൂടുവെള്ളത്തിലോ കറിവേപ്പില അരച്ച് ചേര്ത്ത് കുടിക്കുക. കുട്ടികള്ക്ക് ഗോതമ്പ് വറുത്തുപൊടിച്ച് ഒരു ടീസ്പൂണ് എടുത്ത് പാലില് ചേര്ത്ത് കൊടുക്കുക എന്നീ പ്രയോഗങ്ങളെല്ലാം വയറിളക്കം ശമിപ്പിക്കുന്നതാണ്.
അപസ്മാരം
ബോധാവസ്ഥ വീണ്ടെടുക്കാന് കരിനൊച്ചിയുടെ ഇല പിഴിഞ്ഞെടുത്ത നീര് 5 തുള്ളി നാസാരന്ധ്രങ്ങളില് ഒഴിക്കുക. പതിവായി ഈ നസ്യം ചെയ്താല് അപസ്മാരം കുറയും. കറുകനീര് പതിവായി ഉപയോഗിക്കുക. കുരുമുളക്പൊടിയും അതേ അളവില് മുരിങ്ങക്കുരു പൊടിയും ചേര്ത്ത് നസ്യം ചെയ്യുക. മലര്പൊടിയിട്ട് കഞ്ഞിവെള്ളം കുടിക്കുക. വെളുത്തുള്ളി നീരില് എണ്ണ ചേര്ത്ത് കഴിക്കുക. കരിംകൂവളം ഇടിച്ചുപിഴിഞ്ഞ നീര് ഒരൌണ്സ് വീതം രാവിലെയും വൈകുന്നേരവും കഴിക്കുക. ശതാവരി നീരില് പാല് ചേര്ത്ത് കഴിക്കുക. വയമ്പ് പൊടിച്ച് ബ്രഹ്മിനീരില് ചാലിച്ച് തേന് ചേര്ത്ത് കഴിക്കുക
അര്ശസ് / വായില്പുണ്ണ്
പാവലിന്റെ വേര് മോരില് അരച്ചു കഴിച്ചാല് അര്ശസ് ഒഴിവാക്കാം. കുടംപുളിയില് തൈര് ചേര്ത്ത് കഴിച്ചാല് അള്സറിന് ശമനം കിട്ടും. കശുമാവിന് തൊലി പുളിച്ച മോര് ചേര്ത്ത് ഇടിച്ചു പിഴിഞ്ഞരച്ചതുകൊണ്ട് കവിള് കൊണ്ടാല് വായില്പുണ്ണ് മാറും
ഗ്യാസ്ട്രബിള്
തക്കാളി ജ്യൂസില് അല്പം കുരുമുളക്പൊടിയും ജീരകപ്പൊടിയും ഉപ്പും ചേര്ത്ത് കഴിക്കുക. ഗ്യാസ്ട്രബിള് , ദഹനമില്ലായ്മ, ക്ഷീണം എന്നിവ മാറിക്കിട്ടും
ചെവിവേദന
ആട്ടിന്മൂത്രം ചൂടാക്കി ചെവിയില് ഒഴിക്കുക, കൃഷ്ണതുളസിയുടെ നീര് ചെവിയിലൊഴിക്കുക. വറ്റല്മുളക് ചതച്ചിട്ട എണ്ണ മൂപ്പിച്ച് ചെറുചൂടോടെ ചെവിയില് ഒഴിച്ചാലും ചെവിവേദന സുഖമാവും
ദഹനക്കുറവ്
പപ്പായ പതിവായി കഴിക്കുക.
തുളസിയില ഉപ്പുമായി തിരുമ്മിപ്പിഴിഞ്ഞെടുത്ത നീരു കുടിക്കുക.
5 ഗ്രാം ചുക്കുപൊടിയില് ഇരട്ടി ശര്ക്കര ചേര്ത്ത് ആഹാരത്തിനു തൊട്ടുമുമ്പ് രാവിലെയും വൈകീട്ടും കഴിക്കുക.
അയമോദകം ഇട്ട് വെന്ത വെള്ളം കുടിക്കുക, ഇഞ്ചിയും ഉപ്പുകല്ലും കൂടി ചവച്ചിറക്കിയാല് ദഹനക്കേട് മാറും.
ചിറ്റമൃതിന്നീരില് ചുക്കു പൊടിച്ചിട്ട് ദിവസവും കഴിക്കുക.
അഞ്ചു ഗ്രാം ചുക്കുപൊടി അതിന്റെ ഇരട്ടി ശര്ക്കരയും ചേര്ത്ത് ആഹാരത്തിന് തൊട്ടുമുമ്പ് രാവിലെയും വൈകിട്ടും കഴിക്കണം
അജീര്ണ്ണം
മുരിങ്ങാത്തൊലി നീരില് ഇന്തുപ്പ് ചേര്ത്ത് കഴിക്കുക. കൈതച്ചക്ക പിഴിഞ്ഞെടുത്ത നീരും ശുദ്ധജലവുമായി ചേര്ത്ത് അരിച്ചെടുത്ത് പതിവായി ഉപയോഗിക്കുക. ഒരു കഷ്ണം ഇഞ്ചി തൊലികളഞ്ഞ് ഒരു നുള്ള ഉപ്പും ചേര്ത്ത് ചവച്ച് തിന്നുക. അജീര്ണ്ണം വരാതിരിക്കാന് മുന്കരുതലായി അമിതഭക്ഷണം ഒഴിവാക്കുക
തീപ്പൊള്ളല്
തേനോ കോഴിനെയ്യോ പുരട്ടിയാല് ശമനമുണ്ടാകും.
ചെമ്പരത്തിപ്പൂ പിഴിഞ്ഞെടുത്ത ചാറ് പതിവായി പുരട്ടിയാല് തീപ്പൊള്ളല് മാറും
ചെങ്കണ്ണ്
നന്ത്യാര്വട്ടപ്പൂവ് ഏറെ നേരം വെള്ളത്തിലിട്ട് ആ വെള്ളം കൊണ്ട് ധാരകോരുക.
കരിക്കിന് വെള്ളം കൊണ്ട് ധാര കോരുക.
ചുവന്നുള്ളി കണ്പോളയില് തടവുക.
വയമ്പരച്ച് മുലപ്പാലില് ചേര്ത്ത് ധാരകോരുക.
കടുക്കയും ചന്ദനവുമരച്ച് വെളിച്ചെണ്ണ ചേര്ത്ത് കണ്ണിലെഴുതുക.
പൂവാംകുറുന്നില ചതച്ച് പാലിലിട്ട് കണ്ണില് ഇറ്റിക്കുക.
തുമ്പ അരച്ചതിന്റെ ചാറെടുത്ത് കണ്ണില് ഒഴിക്കുക. മുക്കുറ്റിയും ഉപയോഗിക്കാം.
നന്ത്യര്വട്ടത്തിന്റെ പൂമൊട്ട് നുള്ളുമ്പോള് വരുന്ന പാല് കണ്ണിലെഴുതുക
ചെന്നിക്കുത്ത്
തണുത്തവെള്ളം കൊണ്ടോ തണുത്ത പാല് കൊണ്ടോ ചെന്നിക്കുത്തുള്ള ഭാഗത്ത് ധാര കോരുക.
നാല്പാമരത്തോല് അരച്ചു പുരട്ടുക.
കഞ്ഞുണ്ണി നീര് നസ്യം ചെയ്യുക.
ഏലത്തരിയും മഞ്ഞളും സമം പൊടിച്ച് തുണിയില് നിറച്ചു നെയ്യില് മുക്കി കത്തിച്ചു കെടുത്തി മൂക്കില് പുകവലിക്കുക.
കുങ്കുമപ്പൂവ് മുലപ്പാലില് അരച്ചു കലക്കി അരിച്ചെടുത്ത് നസ്യം ചെയ്യുക
വരട്ടുമഞ്ഞള്, ദേവതാരം ഇവ തുണി ചുറ്റി എണ്ണയില് മുക്കി കത്തിക്കുമ്പോള് ഇറ്റിവീഴുന്ന എണ്ണ ചെവിയില് വീഴ്ത്തുന്നത് ചെവിക്കുത്ത് അകറ്റും.
ചെവിവേദനക്ക് കൃഷ്ണതുളസിയില നീര് മൂന്നുതുള്ളി വീതം ഓരോ ചെവിയിലും വീഴ്ത്തുക. ഇത്തിക്കണ്ണിയില വാട്ടിപ്പിഴിഞ്ഞ നീരും ചെവിയില് വീഴ്ത്താം.
ചെവിയില് കൂടുതലായി മെഴുക് അടിഞ്ഞു വേദനയുണ്ടാക്കുന്നുണ്ടെങ്കില് വെളുത്തുള്ളി അല്പം വെളിച്ചെണ്ണയില് മൂപ്പിച്ചു ഇറ്റിച്ചു വീഴ്ത്തി അലിഞ്ഞാല് തുടച്ചെടുക്കുക.
വചാലശുനാദി എണ്ണയും ഇതിനായി ഉപയോഗിക്കാവുന്നതാണ്.
ചെവിയില് പ്രാണികള് വീണാല് കാടിയോ ഉപ്പുവെള്ളമോ ചെറുചൂടോടെ ചെവിയില് നിര്ത്തിയാല് മതി. പ്രാണി ചത്തുപൊങ്ങി വന്നാല് ശ്രദ്ധയോടെ എടുത്തുകളഞ്ഞു പുക കൊള്ളിക്കണം.
കടുകെണ്ണ സഹിക്കാവുന്ന ചൂടോടെ ചെവിയില് ഒഴിക്കുക.
എരിക്കില എണ്ണപുരട്ടി വാട്ടിപ്പിഴിഞ്ഞ നീര് ചെവിയിലൊഴിക്കുക.
കുരുപ്പത്തിയുടെ കായ ഒരെണ്ണം പഴുത്ത പ്ലാവിലയില് പൊതിഞ്ഞ് ചുട്ടെടുത്ത് പിഴിഞ്ഞ് നീരെടുത്ത ശേഷം ചെവിയിലൊഴിക്കുക.
വെറ്റില കുത്തിപ്പിഴിഞ്ഞ് ഇന്തുപ്പുപൊടി ചേര്ത്ത് ചെവിയിലൊഴിക്കുക.
എരിക്കിലയില് എണ്ണ പുരട്ടി വാട്ടിപ്പിഴിഞ്ഞ നീര് ചെവിയിലൊഴിക്കുക.
ചെവിയില് ദുര്ഗന്ധം ഉണ്ടാകുന്നുവെങ്കില് തുളസിയുടെയോ കരിനെച്ചിയിലയുടെയോ നീരു ചേര്ത്തു കാച്ചിയ എണ്ണയും തേനും ഇഞ്ചിനീരും ചേര്ത്ത് ഒന്നോ രണ്ടോ തുള്ളി ചെവിയില് വീഴ്ത്തുക.
അയനിച്ചക്ക തുരന്ന് അതില് ഇന്ദുപ്പിട്ട് അടച്ച് വാട്ടിപ്പിഴിഞ്ഞ നീരു ചെവിയില് വീഴ്ത്തിയാല് ചെവിക്കുത്തോടുകൂടിയ പഴുപ്പ് വരവ് നില്ക്കും
ഇഞ്ചി ചുട്ട് തൊലികളഞ്ഞു തിന്നുക.
ഏതാനും വെളുത്തുള്ളി അല്ലികള് വിഴുങ്ങുക, കുരുമുളക്, തുളസിയില, വെറ്റില, തുമ്പയില എന്നിവ ചേര്ത്ത് കഷായം വെച്ച് തേന് ചേര്ത്ത് കഴിക്കുക.
കണ്ണിവെറ്റില, കഞ്ഞിക്കൂര്ക്കയില ഇവ സമം വാട്ടിപ്പിഴിഞ്ഞ നീരില് തേനും സ്വല്പം പച്ചക്കര്പ്പൂരവും ചേര്ത്ത് പലവട്ടമായി കഴിച്ചാല് കഫക്കെട്ട് മാറിക്കിട്ടും.
തുളസിയിലയുടെ നീരും ഇഞ്ചിനീരും തേനില്ചേര്ത്ത് മൂന്ന് നേരം സേവിക്കുക.
അയമോദകം പൊടിച്ച് പഞ്ചസാര ചേര്ത്ത് കഴിക്കുക.
കടുക്ക തേനില് ചാലിച്ച് കഴിക്കുക.
അകത്തിയില പിഴിഞ്ഞെടുത്ത നീര് നല്ലവണ്ണം അരിച്ചെടുത്ത് നസ്യം ചെയ്യുക.
ഭക്ഷണശേഷം കുറച്ച് കരിമ്പിന് നീര് കഴിക്കുക.
ഒരു ടീസ്പൂണ് ആടലോടകത്തിന്റെ ഇല അരച്ചെടുത്ത നീര് ഒരു കോഴിമുട്ട ഉടച്ചുചേര്ത്ത് ഉപ്പൊഴിക്കാതെ കഴിക്കുക.
കഫം കൊണ്ടുണ്ടാക്കുന്ന തലവേദനക്ക് കുരുമുളകും അരിയും ചൂടുവെള്ളത്തില് അരച്ച് നെറ്റിയിലിടുക.
തേന്, ഇഞ്ചിനീര്, ഉള്ളിനീര്, തുളസിനീര് ഇവ ചേര്ത്ത മിശ്രിതം കഫം ചുമച്ച് തുപ്പുന്നതിന് ഉത്തമമാണ്.
ഗ്രാമ്പൂതൈലം അല്പം ചൂടുവെള്ളത്തിലൊഴിച്ച് ആവി പിടിക്കുക.
കയ്യോന്നിനീര് നസ്യം ചെയ്താല് സൈനസുകളില് ഉറഞ്ഞുകിടക്കുന്ന കഫം പുറത്തുപോകും.
പശുവിന്പാലില് വെളുത്തൂള്ളിയിട്ടു കാച്ചി ഉറ വീഴ്ത്തി എടുത്ത വെണ്ണ പതിവായി കഴിക്കുന്നത് കഫക്കെട്ട് ശമിപ്പിക്കും
ഒരു കടുക്ക, പത്ത് കുരുമുളക് എന്നിവ പൊടിച്ച് ചെറു ചൂടുവെള്ളത്തില് രാത്രി കഴിക്കുക, ഉലുവ കഷായം വെച്ചു കുടിക്കുക, തുളസിയിലയിട്ടു തിളപ്പിച്ച വെള്ളത്തില് തേന് ചേര്ത്തു സേവിക്കുക. കുരുമുളകുപൊടി തേനോ നെയ്യോ ചേര്ത്തു കഴിക്കുക, വയമ്പ് ചെറുതേനില് ഉരച്ചു രണ്ടുനേരം കഴിക്കുക. ആടലോടകം ശര്ക്കരയോ കുരുമുളകോ ചേര്ത്ത് കഷായം വെച്ചചുകുടിച്ചാല് ചുമ മാറും. ആടലോടകത്തിന്റെ ഇലയും അരിയും വറുത്ത് പൊടിച്ച് അതില് കല്ക്കണ്ടം, ചുക്ക്, കുരുമുളക് എന്നിവയും പൊടിച്ച് ചേര്ത്ത് കഴിക്കുക. ജീരകവും കല്ക്കണ്ടവും പൊടിച്ച് കഴിക്കുക. ഒരു ടീസ്പൂണ് ഇഞ്ചിനീരില് സമം തേന് ചേര്ത്ത് കഴിക്കുക. വയമ്പ് ചെറുതേനില് അരച്ച് രണ്ടുനേരം സേവിക്കുക. ആടലോടകത്തിന്റെ ഇല ഉണക്കിപ്പൊടിച്ച് സമം മലര്പ്പൊടിയും കൂട്ടി ആവശ്യത്തിന് പഞ്ചസാരയും ചേര്ത്ത് കഴിക്കുക. വെറ്റില കടിച്ചു ചവച്ചിറക്കുക. ജാതിക്ക പൊടിച്ച് പഞ്ചസാരയുമായി ചേര്ത്ത് കഴിക്കുക. ചെറുനാരങ്ങാനീരും തേനും ചേര്ത്ത് കഴിക്കുക
ചുണങ്ങ്
ചെറുനാരങ്ങാ നീരില് ഉപ്പിട്ട് ചുണങ്ങില് പുരട്ടുക. വെറ്റില നീരില് വെളുത്തുള്ളി അരച്ചു പുരട്ടുക. ചന്ദനവും, നവസാരവും അരച്ചു പുരട്ടുക, പശുവിന്പാലില് നിന്നെടുക്കുന്ന തൈരില് വയമ്പും ഗന്ധകവും അരച്ചു പുരട്ടുക, പപ്പായയുടെ ഇല പിഴിഞ്ഞനീരും ഗോമൂത്രവും ചേര്ത്ത് ചാലിച്ചു തേക്കുക. ചന്ദനം അരച്ചതും നവസാരവും ചേര്ത്ത് പുരട്ടിയാല് ചുണങ്ങ് ഭേദമാകും.
ചട്ടിയില് പൊന്കാരം വറുക്കുക. മലരുപോലെ പൊരിയണം. അതിനുശേഷം ഭസ്മംപോലെ പൊടിച്ച് കാവി (മരുന്നുകടയില് നിന്ന് ലഭിക്കുന്നത്) കൂട്ടിപ്പൊടിച്ച് പനിനീരില് അല്ലെങ്കില് ചെറുനാരങ്ങാനീരില് ചാലിച്ച് തേക്കുക. ഇത് നേര്ത്ത രൂപത്തില് ഉപയോഗിക്കണം
ചൊറി, ചിരങ്ങ്
കൊന്നയില കാടിയില് അരച്ചു തേക്കുക.
ചെറുനാരങ്ങാ നീരും ഗന്ധകവും കൂട്ടിയോജിപ്പിച്ചു പുരട്ടുക.
മഞ്ഞള് ഗോമൂത്രത്തില് അരച്ചുപുരട്ടുക.
വെള്ളെരുക്കിന്റെ വേരരച്ച് പാലില് കഴിക്കുക.
ചെറുനാരങ്ങ വട്ടത്തില് മുറിച്ച് , പൊടിച്ച ഇന്തുപ്പില് മുക്കി ചൊറിച്ചിലുള്ളിടത്ത് തേക്കുക.
വേപ്പിലയും മഞ്ഞളും കടുകെണ്ണയില് ചാലിച്ച് ലേപനമായിടുക.
കോട്ടയില, നിലവരണ്ട, പുല്ലാനിക്കായ, ആട്ടിന്കാഷ്ഠം, കൃഷ്ണ തുളസിയില ഇവയെല്ലാം വെളിച്ചെണ്ണയില് മൂപ്പിച്ച് ഉരച്ചു ചേര്ത്ത് തേച്ചു കുളിച്ചാല് ചിരങ്ങുരോഗം മാറിക്കിട്ടും.
ചൊറി - പച്ചളി പെരുമാള് ഇല അരച്ച് പിഴിഞ്ഞ് വെളിച്ചെണ്ണയില് മൂപ്പിച്ച് ദേഹത്ത് പുരട്ടുക
ഛര്ദ്ദി
മലര്പ്പൊടിയും പഞ്ചസാരയും സമം ചേര്ത്ത് തുളസിനീരില് കഴിക്കുക.
ഉപ്പു കലക്കിത്തെളിഞ്ഞ വെള്ളവും വെളിച്ചെണ്ണയും സമമായി ചേര്ത്തു കഴിക്കുക.
ചന്ദനം അരച്ച് മുലപ്പാലില് ചേര്ത്ത് നസ്യം ചെയ്യുക.
തുളസിയിലനീരില് ഏലത്തരി പൊടിച്ച് ചേര്ത്ത് കഴിക്കുക.
ഉഴുന്ന് പരിപ്പ് അരച്ച് ശര്ക്കര കുഴച്ച് സേവിക്കുക.
കരിക്കിന് വെള്ളത്തില് ഏലക്കപൊടി ചേര്ത്ത് കഴിക്കുക.
അരി വറുത്ത് കഞ്ഞിവെച്ച് കുടിച്ചാല് എന്ത് കഴിച്ചാലും ഛര്ദ്ദിക്കുന്ന അസുഖം ഭേദമാകും.
കച്ചോലക്കിഴങ്ങ് 5 ഗ്രാം കരിക്കിന് വെള്ളത്തില് അരച്ച് കലക്കി കുടിക്കുക. ഛര്ദ്ദി ശമിക്കും.
ചിറ്റമൃതിന്റെ ശീത കഷായത്തില് തേന് ചേര്ത്തു കഴിക്കുക.
ജാതിക്ക, ഗ്രാമ്പൂ ഇവ കഷായം വെച്ച് നാലു തുള്ളി പുല് തൈലവും ചേര്ത്തു കഴിക്കുക.
ചൂടുകുരു
ഇഞ്ചയോ ചെറുപയറിന്റെ പൊടിയോ ഉപയോഗിച്ച് കുളിക്കുക. ത്രിഫലപ്പൊടി പുരട്ടി കുളിക്കുക. അമ്പതും ഗ്രാം ഇരുവേലിയിട്ട് തിളപ്പിച്ച വെള്ളം കുടിക്കുക. പൂവരശിന്റെ ഇലയിട്ടു തിളപ്പിച്ച വെള്ളം തണുപ്പിച്ച് കുളിക്കുക. പച്ചക്കറി, പഴച്ചാറ്, കരിക്കിന്വെള്ളം എന്നിവ ധാരാളമായി ഉപയോഗിക്കുക
വാതപ്രകൃതിയുള്ളയാള് എന്നും എണ്ണ തേച്ചു കുളിക്കുന്നതു നന്നായിരിക്കും. തേക്കുന്ന എണ്ണ വാതത്തെ ശമിപ്പിക്കുന്നതായിരിക്കണം. ബലാഗുളുച്യാദി, ധന്വന്തരം, പ്രപഞ്ചനം, സഹചരാദി തുടങ്ങിയ എണ്ണകള് ഈ ഗുണമുള്ളതാണ്. എണ്ണ തേക്കുന്നത് ഭക്ഷണസമയത്താവരുത്. എണ്ണ തേച്ചുകഴിഞ്ഞാല് വ്യായാമം ചെയ്യുന്നത് എണ്ണയുടെ അംശം ശരീരത്തില് പിടിക്കുന്നതിനും അതുവഴി രക്തസംക്രമണം കൂടുന്നതിനും നല്ലതാണ്. കുളികഴിഞ്ഞാല് ഔചിത്യത്തോടുകൂടിയ വിശ്രമം എന്നിവയും വേണം. എന്നാല് ഒന്നും അധികമാവരുത്. ഊണിനോടൊപ്പം അല്പം നെയ്യ് കഴിക്കാം. എന്നാല് ഒരുപാടായാല് വാതോപദ്രവം കൂടും. അന്നജം കൂടുതലുള്ള ഭക്ഷണം വാതരോഗികള്ക്ക് നല്ലതാണ്. എല്ലാ രസങ്ങളും ഒത്തിണങ്ങിയും സംതുലിതവുമായ ഭക്ഷണമാണ് നമ്മുടെ നാടന് സദ്യ. പുഷ്ടികരമായ മാംസം ചില വാതാവസ്ഥകളില് ഗുണകരമാകാറുണ്ട്. എന്നാല് അവയ്ക്ക് ധാരാളം ദോഷങ്ങളുമുണ്ട്. ഭക്ഷണത്തിലെ സാരമായ അംശങ്ങളാണ് ശരീരമായി മാറുന്നത്. പാല്, തൈര്, മോര് എന്നിവ വാതരോഗിക്കു നല്ലതാണ്. ശരീരം ചെയ്യുന്ന ജോലിക്കനുസരിച്ചുള്ള ഭക്ഷണമേ കഴിക്കാവൂ. ഇന്നത്തെ ചെറുപ്പക്കാര്ക്ക് വാതം കൂടുന്നതിനു കാരണം ആഹാരത്തിന്റെ സംതുലിതാവസ്ഥയില്ലായ്മയാണ്. പൊതുവെ തൈര് അധികം കഴിക്കരുതെന്നും മോരു ധാരാളമായി കഴിക്കാമെന്നും നിര്ദ്ദേശിക്കാറുണ്ട്.
വ്യായാമത്തിന്റെ പ്രാധാന്യം.
സന്ധികളില് മാലിന്യങ്ങള് അടിഞ്ഞുകൂടുന്നതുമൂലമുണ്ടാകുന്ന സന്ധിവാതങ്ങള്ക്കും, രക്തവാതത്തിനും വ്യായാമം പരമപ്രധാനമാണ്. ആമവാതം ധാതു പരിണാമത്തിനിടക്ക് ഉണ്ടാകുന്നതാണ്. പരിണമിക്കാത്ത രക്തം കെട്ടിക്കിടന്നുണ്ടാകുന്നതാണ് ഈ രോഗം. ഓരോ സന്ധിയിലും രക്തത്തിന്റെ അംശം കെട്ടിക്കിടക്കുന്ന ഈ അവസ്ഥ മാറാനും വ്യായാമം സഹായിക്കും.
സന്ധിവാതം ഉള്ളവര് ഒരു തരത്തിലുള്ള അഗ്നിമാന്ദ്യവും (ദഹനമില്ലായ്മ) അനുവദിക്കരുത്. അഷ്ടചൂര്ണം ലേശം നെയ്യും കൂടി ചേര്ത്ത് എന്നും ഭക്ഷണത്തിനോടൊപ്പം കഴിച്ചാല് ദഹനപ്രശ്നങ്ങള് മാറിക്കിട്ടും. കാലിന്റെ കുതികാല് ഭാഗത്ത് വേദനയുള്ളവര് പണ്ടുകാലത്ത്, നാളികേരത്തിന്റെ ചകിരി ലേശം എണ്ണപുരട്ടി ചൂടാക്കി വെക്കുമായിരുന്നു. ചട്ടുകം ലേശം ചൂടാക്കി വേദന ഉള്ള ഭാഗത്തു വയ്ക്കുന്നതും നന്നായിരിക്കും. കാലില് കഴപ്പ് ഉള്ളവര്ക്ക് മുട്ടിനു താഴെ തലോടുന്നത് നല്ലതായിരിക്കും. എരുക്കില അരിഞ്ഞിട്ട് മൂപ്പിച്ച എണ്ണ ആ ഭാഗത്ത് തലോടിയാല് കഴപ്പു പെട്ടെന്ന് മാറും.
മസ്തിഷ്ക നാഡീസംബന്ധമായ പല വാതാവസ്ഥകളിലും മാനസികാസ്വാസ്ഥ്യം പ്രധാനഘടകമാണ്. വാതത്തിന്റെ നിയന്ത്രണത്തിലാണ് മനസ്. മനസ് അസ്വസ്ഥമായാല് വായു കോപിക്കാം. വാതം നേരെയായാല് മനസും നേരെയാകും. നല്ലവണ്ണം വ്യായാമം ചെയ്യുകയും ഭക്ഷണത്തില് നെയ്യുടെ അംശം കൂട്ടുകയും ചെയ്താല് ഈ അവസ്ഥക്കാര്ക്ക് ഗുണമുണ്ടാകും. ധന്വന്തരം കുഴമ്പ് മേലാകെ പുരട്ടി കുളിക്കുന്നത് ശീലമാക്കണം.
സ്ത്രീകള്ക്ക് ചില വാതാവസ്ഥകള് കൂടുതലായി കാണുന്നതിന് കാരണം ഗര്ഭധാരണം, ആര്ത്തവപ്രശ്നങ്ങള് എന്നിവയാണ്. ആര്ത്തവ സംബന്ധമായ അപാനവായുവിന്റെ പ്രവര്ത്തനം കൊണ്ട് അരക്കെട്ടിനും മറ്റുമുള്ള വേദനകള്ക്ക് വൈശ്വാനചൂര്ണ്ണം ലേശം നെയ്യും കൂട്ടി ചാലിച്ചു സേവിക്കണം. പ്രപഞ്ചനം കുഴമ്പുപുരട്ടി വേദനയുള്ള ഭാഗം തടവി ചൂടുവെള്ളം ഒഴിച്ചാല് ശമനമുണ്ടാകും. ആര്ത്തവത്തകരാറാണ് സ്ത്രീകളുടെ മിക്ക വാതാവസ്ഥകള്ക്കും കാരണം. തണുപ്പു സ്ഥലത്തു കഴിയുന്നവര്ക്കു വാതരോഗങ്ങള് കൂടാറുണ്ട്. നന്നായി വ്യായാമം ചെയ്യുകയും സഹചരാദി കുഴമ്പു പുരട്ടി ചുടുവെള്ളം ഒഴിക്കുകയും ചെയ്യണം. ഒരു സ്പൂണ് വീതം നെയ്യും തേനും എണ്ണയും ചാലിച്ചു രാത്രിയില് കിടക്കുന്നതിനു മുമ്പ് സേവിക്കണം.
വേലിമ്മെപ്പരത്തി എന്നഔഷധസസ്യം എണ്ണകാച്ചി തേക്കുകയും കുടിക്കുകയും ചെയ്യാം. കുറുന്തോട്ടി വേര് ഇടിച്ചു ചതച്ച് പാല്ക്കഷായം വെച്ചു കഴിച്ചാല് വാതപ്പനി മാറും. പഴകിയ മുതിര കറിവെച്ചോ പായസമാക്കിയോ ധാരാളം കഴിക്കുക.
രക്തസമ്മര്ദ്ദം
ജീരകം, ഉലുവ, വെളുത്തുള്ളി എന്നിവ വറുത്തതിട്ട് വെള്ളം തിളപ്പിച്ച് നിത്യവും കുടിച്ചാല് രക്തസമ്മര്ദ്ദം ഉണ്ടാവില്ല.
നേത്രപടലരോഗം - നന്ത്യാര്വട്ടത്തിന്റെ കായ ഇടിച്ചെടുത്ത ചാറ് വേപ്പിലച്ചാറില് ചാലിച്ച് കണ്ണില് എഴുതിയാല് നേത്രപടലത്തിനുണ്ടാകുന്ന രോഗങ്ങള് മാറിക്കിട്ടും.
കണ്ണിന് ചുവപ്പ്
പൂവാംകുറന്തല് തേനും ചേര്ത്ത് 2 തുള്ളി വീതം ഉപയോഗിക്കുക.
ജ്വരം
ഞെരിഞ്ഞില്, വയമ്പ്, കടുക്കത്തോട്, കടുക്, കുന്തിരിക്കം എന്നിവയോടൊപ്പം വേപ്പിലയും നെയ്യും ചേര്ത്ത് ഒരു ചട്ടിയില് തീക്കനലിട്ട് മീതെ കുറേശ്ശെ പൊടിയിട്ട് പുകയേല്ക്കുന്നത് ജ്വര ബാധിത രോഗികള്ക്ക് അത്യുത്തമമാണ്.
ചോരക്കുരു
ചുമര് അരച്ചിടുക. ഉപ്പും പുളിങ്ങയും ചേര്ത്തിടുക. ഉപ്പ്, വറ്റ് എന്നിവയും ചേര്ത്തിടാം.
ഇക്കിള്
തുമ്പപ്പൂവരച്ച് മോരില് സേവിക്കുക.
മുഖക്കുരു
തുളസിനീര് മുഖത്ത് പുരട്ടുക.
വിളര്ച്ച
കുരുമുളകിട്ട് പാല് തിളപ്പിച്ച് കുടിച്ചാല് വിളര്ച്ച മാറും.
മോണരോഗം
ഇഞ്ചിനീരില് ഉപ്പ് ചേര്ത്ത് കവിള് കൊണ്ടാല് മോണരോഗം ശമിക്കും.
ശരീരവേദന
പുത്തരിചുണ്ടയുടെ വേര് തിളപ്പിച്ച് കുടിക്കുക.
വട്ടച്ചൊറി
പച്ചപപ്പായയുടെ പാല് പുരട്ടുക.
തൊണ്ടമുഴ
മുയല്ചെവിയന് (ദശപുഷ്പങ്ങളില് ഒന്ന്) എണ്ണ കാച്ചി തടവുക.
മനംമറിച്ചില്
ചെറുനാരങ്ങാനീരില് അല്പാല്പമായി കഴിക്കുക. ജീരകമോ തുളസിയിലയോ ചവച്ച് നീരിറക്കുക, ഇഞ്ചിനീര് തേന് ചേര്ത്ത് കഴിക്കുക.
തലകറക്കം
പച്ചനെല്ലിക്ക ചതച്ച് പുതിയ മണ്പാത്രത്തില് വെള്ളം ഒഴിച്ചിടുക, പിറ്റേദിവസം രാവിലെ പിഴിഞ്ഞരച്ച് ചെറുതേന് ചേര്ത്ത് കഴിക്കുക. തലകറക്കം സുഖമാവും. ഏലക്കാ ചതച്ചു ചക്കര (കരിപ്പെട്ടി) ചേര്ത്ത് വെള്ളത്തിലിട്ട് തിളപ്പിച്ചു കുടിക്കുക. ചെറിയഉള്ളി വാട്ടി നീരെടുത്തശേഷം മൂക്കില് നസ്യം ചെയ്യുക
ശ്വാസംമുട്ടല്
കുരുമുളകും എള്ളും ചേര്ത്ത് പൊടിച്ചതില് ശര്ക്കരയും തേനും ചേര്ത്ത് കഴിക്കുക, ഇഞ്ചിനീരില് തിപ്പലിയും ഇന്ദുപ്പും ചേര്ത്ത് ദിവസവും രണ്ടുനേരം കഴിക്കുക തുടങ്ങിയവ ശ്വാസംമുട്ടല് കുറയ്ക്കുന്നതാണ്.
ചന്ദനം, രാമച്ചം, ഇരട്ടിമധുരം കടുക്ക, നെല്ലിക്ക, കുറുന്തോട്ടി വേരിന്മേല് തോല്, കരിഞ്ചീരകം, തെച്ചിപ്പൂവ് (ഉറുപ്പിക തൂക്കം രണ്ട്), കീഴാര് നെല്ലി, (ഉറുപ്പിക തൂക്കം ഒന്ന്) എട്ട് മരുന്ന് സമം നാല്. ഇത് അരച്ച് രണ്ട് നാളികേരത്തിന്റെ പാലില് കലക്കി അരക്കുപ്പി വെളിച്ചെണ്ണ ഒഴിക്കണം. അത് കാച്ചി മണല് പ്രായത്തില് അരിക്കണം. അതിന്റെ കല്ക്കന് ശരീരത്തില് ഒരുപോലെ തേക്കണം. ഉണക്ക നെല്ലിക്ക അരച്ച് താളി തേക്കണം. ഇങ്ങനെ ഏഴു ദിവസം തേക്കണം. (വെളിച്ചെണ്ണ ആകെ 14 ദിവസത്തേക്ക്) ഇങ്ങനെ ചെയ്താല് സുഖപ്പെടും. (ഇത് തേച്ച് കുളിക്കുന്നത് പുറമെ ആരും കാണരുത്) അരച്ച് കൊടുക്കുക (5 ദിവസം, 7 ദിവസം, 14 ദിവസം) മൂത്രം വല്ലാതെ ചുവന്നിട്ടുണ്ടെങ്കില് കീഴാര് നെല്ലി (വേരടക്കം) സമൂലം അരച്ച് ഒരു ഉണക്ക നെല്ലിക്കയില് പകുതി ഉഴക്ക് കാല്കുപ്പി) പശുവിന് പാലില് കലക്കി രാവിലെ വെറും വയറ്റില് സേവിക്കുക. (ഗുളികയാക്കി ഉണക്കി). കവിഞ്ഞാല് 5 ദിവസം കഴിക്കണം. ഇതില് മൂന്നു നാല് ആര്യവേപ്പിന്റെ ഇല കൂട്ടിച്ചേര്ത്ത് അരയ്ക്കാം.
5 ദിവസം കഴിഞ്ഞ് ആദ്യം ഒഴിക്കുന്ന മൂത്രം നോക്കണം. 7 ദിവസം കഴിഞ്ഞ് മൂത്രം ശരിയായിട്ടില്ലെങ്കില് 7 ദിവസം കൂടി ഗുളിക കൊടുക്കുക. ആദ്യം 3 ദിവസം ഇളനീരില്. അതു കഴിഞ്ഞ് 4 ദിവസം കറന്ന ഉടനെയുള്ള പശുവിന് പാലില് കഴിക്കുക. മത്സ്യ മാംസാദികള് ഒഴിവാക്കുക. രാത്രി കിടക്കുന്നതിനു മുമ്പ് 1 ഗ്ലാസ് പാല് കുടിക്കുക. പയര് വര്ഗ്ഗങ്ങള്, എണ്ണ എന്നിവ ഒഴിവാക്കുക. 7 ദിവസം കൊണ്ട് സുഖപ്പെടും. ഏറിയാല് 14 ദിവസം.
കഷായത്തിന്
ഞെരിഞ്ഞില് 100 ഗ്രാംമല്ലി 100 ഗ്രാംകടുക്ക – ശോധന കുറവാണെങ്കില് ആദ്യത്തെ കഷായത്തില് 4 കടുക്ക (ഉണങ്ങിയത്) ചേര്ക്കുക. (ശോധനക്ക്, രണ്ടാമത്തെ കഷായത്തില് കടുക്ക വേണ്ട) 5 കുപ്പി വെള്ളത്തില് കഷായം വെച്ച് പലവട്ടം സേവിക്കുക. (1 ഇടങ്ങഴി വെള്ളം) കുട്ടികള്ക്ക് പാലും പഞ്ചസാരയും ചേര്ത്ത് കൊടുക്കുക.
കണ്ണ് തെളിയാന് - കണ്ണില് ധാരക്ക്
ഇരട്ടിമധുരം – കത്തികൊണ്ട് ചുരണ്ടി ഉണക്കി കയ്യിലിട്ട് തിരുമ്മി പൊടിക്കുക. 1 പണത്തൂക്കം എടുത്ത് 1 പൊതിയാക്കി (ഇങ്ങനെ 5 പൊതി) ഇത് കാല്കുപ്പി ആട്ടിന്പാല് അത്രയും വെള്ളം ചേര്ത്ത് ഒരു പൊതിയെടുത്ത് വെളുത്ത ശീലയില് കെട്ടിയിട്ട് നല്ലപോലെ തിളപ്പിക്കുക. ഇത് വെള്ളം വറ്റി പാല് മാത്രം ആയശേഷം കിഴി നല്ലവണ്ണം പിഴിഞ്ഞ് കിഴി ഒഴിവാക്കിയശേഷം പാല് വെളുത്ത ശീലയില് 5 പ്രാവശ്യം നല്ലവണ്ണം അരിക്കണം. എന്നിട്ട് വൈകീട്ട് 4 മണിക്ക് മുമ്പ് രണ്ട് കണ്ണിലും 101 പ്രാവശ്യം ധാര ചെയ്യുക. ഇത് രണ്ട് കണ്ണിലും ഒരേ സമയം 5 ദിവസം ചെയ്യണം. (ഇതിന് രണ്ടാള് വേണ്ടിവരും)
പനി, ജലദോഷം
പനിയും ജലദോഷവുമുള്ളപ്പോള് ഉപവസിക്കുന്നതാണ് നല്ലത്. ഉപവാസ നേരത്ത് ചെറുനാരങ്ങാനീര് കഴിക്കാം. ചുക്ക്, മല്ലി, ദേവതാരം ഇവയുടെ കഷായം കഴിക്കുക. ജലദോഷത്തിന് തുളസിയിലയുടെ നീരും ചുവന്നുള്ളിനീരും ചെറുതേനില് ചേര്ത്ത് മൂന്ന് നേരം സേവിക്കുക. ബാര്ലി വെള്ളം കരിക്കിന് വെള്ളം ഇവയില് ഏതെങ്കിലും കഴിച്ച് ഉപവസിക്കുക നെറ്റിയിലും വയറ്റിലും നനഞ്ഞ തുണിയിട്ട് കമ്പിളികൊണ്ട് പുതച്ചുമൂടുക. അമൃതിന്റെ പച്ചവള്ളിയുടെ നീര് അര ഔണ്സ് വീതം ഒരു സ്പൂണ് തേന് ചേര്ത്ത് രാവിലെയും വൈകീട്ടും സേവിക്കുക. ചുക്ക്, മല്ലി, ദേവതാരം എന്നിവയുടെ കഷായം കഴിക്കുക. കമ്മ്യൂണിസ്റ്റപ്പ വെള്ളത്തിലിട്ട് തിളപ്പിച്ച് ആ വെള്ളത്തില് കുളിക്കുക. പനിയും വേദനയും മാറും. പനിക്കൂര്ക്കയും, തുളസിയും തിളപ്പിച്ച് ആവിപിടിപ്പിക്കുക. പനി മാറും.
കഷായം
കുരുമുളക്, ചുക്ക്, പുളി, കടുക്കമൂലി, തുളസി, പാണലിന്റെ വേര്, വെളുത്തുള്ളി തുടങ്ങിയവ ചതച്ച് തിളപ്പിച്ച് വറ്റിച്ച് കുടിക്കുക
കുഴിനഖം
മഞ്ഞളും മൈലാഞ്ചിയിലയും ചേര്ത്തരച്ച് നഖത്തിന് ചുറ്റും പൊതിഞ്ഞാല് കുഴിനഖം മാറും.
തുളസിയില വെളിച്ചെണ്ണയില് മൂപ്പിച്ച് ഉറ്റിക്കുക.
പച്ചമഞ്ഞള് വേപ്പെണ്ണയില് അരച്ച് രണ്ട് നേരം പുരട്ടുക. ചൂടുള്ള വെളിച്ചെണ്ണ നഖത്തില് ഉറ്റിക്കുക.
കുടങ്ങല് സമൂലം പച്ചമഞ്ഞള് ചേര്ത്തരച്ച് കാലില് പൊതിയുക. കുഴിനഖം മാറുകയും വളംകടി വരാതിരിക്കുകയും ചെയ്യും
കണ്ണിലെ നീരും വേദനയും
തെറ്റിപ്പൂ മൊട്ടും ജീരകവും കൂടി വെള്ളത്തിലിട്ടുവെച്ച് ആ വെള്ളം അരിച്ചെടുത്ത് കണ്ണിലൊഴിക്കുക
മുക്കിടി
ചുക്ക്, കുരുമുളക്, ആര്യവേപ്പില എന്നിവ അരച്ച് മോരില് കലക്കി കുടിച്ചാല് വയറ്റിലുണ്ടാകുന്ന അസ്വസ്ഥതകള് മാറും.
മുളക് കുഴമ്പ്.
ചെറിയ ജീരകവും കുരുമുളകും വെളിച്ചെണ്ണയിലിട്ട് മൂപ്പിച്ചെടുത്ത് നല്ലവണ്ണം പൊടിച്ച് തലയിലിട്ടു കുളിച്ചാല് നീരുദോഷസംബന്ധമായ എല്ലാവിധ രോഗങ്ങള്ക്കും ശമനം കിട്ടും.
മുഞ്ഞയില ചോറ്
വയറുകടി മാറുന്നതിനാണ് ഇതുപയോഗിക്കുന്നത്. മുഞ്ഞയില മൂപ്പിച്ച് ചോറില് കലര്ത്തി കൊടുക്കുക.
കൃഷ്ണുതളസി
ഔഷധച്ചെടികളില് ഏറ്റവും പ്രധാനം കൃഷ്ണുതളസി തന്നെയാണ്. പനി, ജലദോഷം,അലര്ജി, ദഹനക്കേട് എന്നിവക്കെല്ലാം കൃഷ്ണതുളസി ഫലപ്രദമായ ഔഷധമാണ്.
പച്ചമഞ്ഞളും കൃഷണതുളസിയും അരച്ചിടുന്നത് ത്വക്കിലെ അലര്ജിക്കും നല്ലൊരു ഔഷധമാണ്.
പര്പ്പടകപ്പുല്ല്
സാധാരണ പനിക്ക് പര്പ്പടകപ്പുല്ല് പൊടിച്ച് മുലപ്പാലില് ചേര്ത്തു കൊടുക്കുന്നത് നല്ല മരുന്നാണ്.
പനിക്കൂര്ക്ക
പനി മാറാന് ഉത്തമ ഔഷധമാണ്. കുട്ടികളുടെ ജലദോഷത്തിന് പനിക്കൂര്ക്ക വാട്ടി നെറുകയിലിട്ടാല് മതി.
ബ്രഹ്മി
ബുദ്ധി വളര്ച്ചക്കും ശരിയായ മലശോധനക്കും ബ്രഹ്മിനീര് വളരെ നല്ലതാണ്.
കൂവളം
കുട്ടികളുടെ ഛര്ദ്ദി മാറാന് കൂവളത്തിന്റെ വേര് തേനിലരച്ചു കൊടുത്താല് മതി. അല്പം മുതിര്ന്ന കുഞ്ഞുങ്ങള്ക്കാണെങ്കില് കൃഷ്ണതുളസിയിലയും കല്ലുപ്പും ചേര്ത്ത് തിരുമ്മി നല്കാം.
അതു കൂടാതെ കൂവ, തേന്, കടുക്ക, പാല്ക്കായം, ഞെരിഞ്ഞില്, വയമ്പ്, പച്ചമഞ്ഞള്, തുടങ്ങിയ മരുന്നുകളും കുഞ്ഞുങ്ങളുള്ള വീടുകളില് എപ്പോഴും കരുതേണ്ടതാണ്
അവസാനം പരിഷ്കരിച്ചത് : 4/23/2020
കർക്കിടകത്തിലെ ചികിത്സയെ കുറിച്ചുള്ള കൂടുതൽ വിവരങ്...
ആരോഗ്യ പരിപാലനവുമായി ബന്ധപ്പെട്ട് അനേകം നാട്ടറിവു...
ആരോഗ്യപരിപാലനത്തില് പ്രതിരോധ ചികിത്സയ്ക്ക് ഒരുപാ...
വിവിധ തരത്തിലുള്ള ചികിത്സാ രീതികൾ -വിശദ വിവരങ്ങൾ