অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

രസായന ചികിത്സ

മധ്യവയസിലോ യൗവനത്തിലോ പോലും രസായന ചികിത്സ നടത്തുമ്പോള്‍ യാതൊരുവിധ രോഗവും ഇല്ലാത്ത ആളാണെങ്കില്‍ പോലും പഞ്ചകര്‍മ ചികിത്സകള്‍ ചെയ്തതിനു ശേഷമാണു രസായന ചികിത്‌സ ആരംഭിക്കുന്നത്.

പുറമെ പ്രത്യേക തരത്തിലുള്ള ലക്ഷണങ്ങള്‍ ഒന്നും കാണിക്കാതെതന്നെ ഉള്ളില്‍ ഏതെങ്കിലും ദോഷങ്ങള്‍ വര്‍ധിച്ചിട്ടുണ്ടെങ്കില്‍ അതിനേയും നിര്‍ഹരിക്കുന്നതിനു വേണ്ടിയാണ് ഇപ്രകാരം ചെയ്യുന്നത്.

ആയുര്‍വേദത്തിന്റെ അഷ്ടാംഗങ്ങളില്‍ ഒന്നായ രസായന ചികിത്സ രോഗമില്ലാത്തവരെ ഉദ്ദേശിച്ചുള്ളതാണ്. എന്നാല്‍ രോഗചികിത്സയിലും ഇതിന് സ്ഥാനമുണ്ട്.

മധ്യവയസിലോ യൗവനത്തിലോ പോലും രസായന ചികിത്സ നടത്തുമ്പോള്‍ യാതൊരുവിധ രോഗവും ഇല്ലാത്ത ആളാണെങ്കില്‍ പോലും പഞ്ചകര്‍മ ചികിത്സകള്‍ ചെയ്തതിനു ശേഷമാണു രസായന ചികിത്‌സ ആരംഭിക്കുന്നത്.

പുറമെ പ്രത്യേക തരത്തിലുള്ള ലക്ഷണങ്ങള്‍ ഒന്നും കാണിക്കാതെതന്നെ ഉള്ളില്‍ ഏതെങ്കിലും ദോഷങ്ങള്‍ വര്‍ധിച്ചിട്ടുണ്ടെങ്കില്‍ അതിനേയും നിര്‍ഹരിക്കുന്നതിനു വേണ്ടിയാണ് ഇപ്രകാരം ചെയ്യുന്നത്.

യൗവനം അഥവാ ഓജസ്


ശരീരത്തെ സംബന്ധിച്ച് യൗവനം എന്നു പറയുന്നതു ഓജസ് ആണ്. ഇതിനെ രക്തം, മാംസം മുതലായ സപ്ത ധാതുക്കളുടെയും പരമമായ തേജസ് എന്നും വിശേഷിപ്പിക്കപ്പെടുന്നു.

അതുകൊണ്ടു തന്നെയാണ് ഓജസ് നശിച്ചുപോയാല്‍ യാതൊരു ചികിത്‌സയും ഫലപ്പെടുകയില്ല എന്നുപറയുന്നത് മാത്രവുമല്ല, ഓജസിനെ പോഷിപ്പിച്ചു ക്രമീകരിച്ചു നിര്‍ത്തുകയാണെങ്കില്‍ ശരീരത്തിനു രോഗങ്ങളെ പ്രതിരോധിക്കാനുള്ള ശേഷിയുണ്ടാക്കാനും ശരീരത്തില്‍ ഉണ്ടായിരിക്കുന്ന രോഗങ്ങളെ ഷധ പ്രയോഗങ്ങള്‍ കൊണ്ടു സുഖമായി ശമിപ്പിക്കാനും സാധിക്കും.

ഓജസ് നഷ്ടപ്പെടാതെ


വാതം, പിത്തം മുതലായ ദോഷങ്ങള്‍, രക്തം, മാംസം മുതലായ ധാതുക്കള്‍, മലം, മൂത്രം മുതലായ മലങ്ങള്‍ എന്നിവയെല്ലാം ശരീരത്തിന്റെ നിലനില്പിനും ആരോഗ്യത്തിനും ആവശ്യമായ ഘടകങ്ങളാണ്. ഇവയെല്ലാം കോപിക്കാതെ സമസ്ഥിതിയില്‍ നില്ക്കുമ്പോഴാണു ശരീരത്തിനു ബലവും ഓജസും ഉണ്ടാകുന്നത്.

അതുകൊണ്ടുതന്നെ ഓജസോടുകൂടി ശരീരത്തെ സൂക്ഷിക്കാന്‍ കഴിഞ്ഞാല്‍ പ്രത്യേകിച്ച് യാതൊരുവിധ രോഗങ്ങളും ഇല്ലാതെയിരിക്കാം എന്ന കാര്യം വ്യക്തമാണല്ലോ. കോപം, വിശപ്പ്, വിചാരം, ദുഃഖം, അത്യധ്വാനം എന്നിവകൊണ്ട് ഓജസ് ക്ഷയിച്ചുപോകും.

ഓജസ് ക്ഷയിച്ചു പോകുന്നതിനാല്‍ തന്നെ മനുഷ്യന്‍ ബലഹീനനാകുന്നു. ജീവനീയ ഷധങ്ങള്‍, പാല്‍, മാംസരസം മുതലായവ ഓജക്ഷയത്തെ തടയുന്നതിനായി ഉപയോഗിക്കാവുന്ന ഷധങ്ങളാണ്.

ഷധങ്ങള്‍ (ചികിത്സ) ആരോഗ്യത്തെ അല്ലെങ്കില്‍ ശരീരബലത്തെ ഉണ്ടാക്കുന്നത്, രോഗവിമുക്തിയെ ഉണ്ടാക്കുന്നത് എന്നു രണ്ടു വിഭാഗങ്ങളുണ്ട്. ഇതില്‍തന്നെ ആദ്യം പറഞ്ഞവ ഓജസിനെ വര്‍ധിപ്പിച്ച് ദോഷശമനത്തെ ഉണ്ടാക്കി രോഗവിമുക്തിയെ പ്രധാനം ചെയ്യുന്നതാണ്.

ചില രോഗങ്ങള്‍ക്കു ചികിത്സയ്ക്കായി ഉപയോഗിക്കുന്ന ഷധങ്ങള്‍ തന്നെ രസായന ഗുണം ഉള്ളവയാണ്. തുടര്‍ച്ചയായ ചുമയില്‍ ഉപയോഗിക്കുന്ന അഗസ്ത്യ രസായനം, ശരീരത്തില്‍ കഠിനമായ ചതവു പറ്റുന്നതിന്റെ ഫലമായി ഉണ്ടാകുന്ന ചുമയില്‍ ഉപയോഗിക്കുന്ന കൂശ്മാണ്ഡ രസായനം, ആന്ത്രവൃദ്ധി (ഹെര്‍ണിയ) രോഗചികിത്സയില്‍ ഉപയോഗിക്കുന്ന സുകുമാരം ഘൃതം എന്നിവയൊക്കെ ഉദാഹരണങ്ങളാണ്.

രസായനം എന്നാല്‍ എന്ത്


രസായനം എന്ന പേരു കേട്ടാല്‍ ശരീരത്തിനു തടിയും തൂക്കവും വര്‍ധിപ്പിക്കാനുള്ള ഷധം എന്നാണു പലരുടെയും ധാരണ. എന്നാല്‍, ഇത് ഒരു മിഥ്യാധാരണ മാത്രമാണ്.

അത്തരത്തിലുള്ളവ രസായനങ്ങളില്‍ കുറവാണ്. എന്നാല്‍ ശരീരത്തിലെ ദോഷങ്ങളെ ശമിപ്പിച്ച് ആരോഗ്യവും രോഗപ്രതിരോധ ശേഷിയു കൂട്ടി ദീര്‍ഘായുസിനെ പ്രധാനം ചെയ്യുന്നവയാണു മിക്ക രസായനങ്ങളും.

രോഗപ്രതിരോധ ശേഷിക്ക്


രസായന ഷധങ്ങള്‍ക്കു രോഗചികിത്സയില്‍ പ്രാധാന്യം നല്‍കാവുന്ന മറ്റൊരു സന്ദര്‍ഭമാണു പ്രതിരോധശേഷി കുറഞ്ഞുവരുന്ന അവസ്ഥാ വിശേഷങ്ങള്‍.

പ്രതിരോധ ശേഷി കുറയുന്നതാണ് എല്ലാ രോഗങ്ങളുടെയും ആവിര്‍ഭാവത്തിനു കാരണം എങ്കില്‍ കൂടി ആധുനിക ചികിത്സാ ശാസ്ത്രം പ്രകാരം മുഖ്യമായി ഇതു സംഭവിക്കുന്നതു മേല്‍പ്പറഞ്ഞിരിക്കുന്ന രോഗാവസ്ഥകളിലാണ്. ഇവിടെ രോഗി മരിച്ചതിനൊക്കുമേ ജീവിച്ചിരിക്കിലും എന്ന അവസ്ഥയാണുള്ളത്.

രോഗങ്ങള്‍ കാരണത്താലോ രോഗ വിമുക്തിക്കായി ചെയ്യുന്ന ചികിത്സകളുടെ പാര്‍ശ്വഫലം കാരണത്താലോ ഷധസേവ നടത്തുന്ന സമയത്തു പാലിക്കപ്പെടുന്ന കഠിനമായ പാകപഥ്യങ്ങളുടെ ഫലമായോ ശരീരബലം വളരെയധികം കുറഞ്ഞും രോഗി വളരെയധികം ശക്തി കുറഞ്ഞവനായും തീരാറുണ്ട്.

ഇത്തരം അവസ്ഥകളില്‍ ഏതു രോഗത്തിനുവേണ്ടി ചികിത്സ ചെയ്യുന്നുവോ അതു സുഖമാകുകയും പകരം അനുബന്ധ പ്രശ്‌നങ്ങള്‍ കൊണ്ടു മറ്റു രോഗങ്ങള്‍ ആവിര്‍ഭവിക്കുകയും ചെയ്യുക സാധാരണമാണ്. അതായത് ഒരു രോഗത്തെ തുടര്‍ന്നു മറ്റൊരു രോഗം വരികയെന്ന അവസ്ഥ സംജാതമാകാം.

ഉദാഹരണമായി വിശപ്പ് കുറവ്, ഛര്‍ദി, രുചിയില്ലായ്മ എന്നിവ രോഗലക്ഷണങ്ങളായി വരുന്ന അവസ്ഥകളില്‍ ആഹാരം ഉപയോഗിക്കുന്നതിന്റെ അളവ് കുറയുന്നതിന്റെ ഫലമായി ശരീരത്തിനു മെലിച്ചിലും അതിനെ തുടര്‍ന്നു തലചുറ്റല്‍, ചുമ, ശ്വാസംമുട്ടല്‍, വിളര്‍ച്ച, അമിത ദാഹം തുടങ്ങിയ രോഗങ്ങള്‍ ഉണ്ടാകാം.

ഇത്തരം അവസ്ഥകളില്‍ എല്ലാംതന്നെ ആഹാരത്തിന്റെ ഉപയോഗം കുറയുന്നതിനു കാരണമായ രോഗത്തിനു പ്രധാന ചികിത്‌സ ചെയ്യുന്നതിനോടൊപ്പം തന്നെ രസായന ചികിത്‌സകളും കൂടി ചെയ്യുക വഴി തുടര്‍രോഗങ്ങളെ ഒരു പരിധിവരെ അകറ്റിനിര്‍ത്താന്‍ സാധിക്കും.

പ്രത്യേകിച്ചും ക്യാന്‍സര്‍, ക്ഷയം മുതലായ രോഗങ്ങളില്‍. ക്യാന്‍സര്‍ രോഗത്തിനു പ്രതിവിധിയായി ചെയ്യുന്ന റേഡിയേഷന്‍, കീമോതെറാപ്പി എന്നിവയുടെ ഫലമായി രോഗിയുടെ ശരീര ആരോഗ്യം പൂര്‍ണമായി നശിക്കുകയും തലമുടി വരെ കൊഴിഞ്ഞുപോവുകയും ചെയ്യുന്നു.

ഇത്തരം അവസ്ഥകളില്‍ ച്യവനപ്രാശം പോലെ രോഗപ്രതിരോധ ശേഷിയും ബലവര്‍ധകവും ആയ പലതരം രസായന പ്രയോഗങ്ങള്‍ വളരെ ഫലപ്രദമായി കാണാറുണ്ട്.

ചെറുപ്പും വീണ്ടെടുക്കാം


വാര്‍ധക്യത്തില്‍ വരുന്ന ഏതൊരു രോഗത്തെ ചികിത്സിക്കുമ്പോഴും അനുബന്ധമായി രസായന ചികിത്സകള്‍ കൂടി ചെയ്യുന്നത് ഉത്തമമായിരിക്കും. വാര്‍ധക്യാവസ്ഥ എന്നു പറയുന്നതു വളരെ പെട്ടെന്നു വന്നുചേരുന്ന ഒന്നല്ല. മറിച്ച് മധ്യവയസു മുതല്‍ ക്രമമായി വന്നുചേരുന്ന ഒരു പ്രതിഭാസമാണെന്ന് ആയുര്‍വേദത്തില്‍ പ്രതിപാദിപ്പിക്കപ്പെടുന്നു.

40 വയസു മുതല്‍ ബുദ്ധിയേയും 50 വയസു മുതല്‍ ത്വക്കിനേയും 60 വയസു മുതല്‍ കണ്ണിനേയും 70 വയസു മുതല്‍ ചെവിയേയും ക്രമണേ വാര്‍ധക്യം ബാധിച്ചു തുടങ്ങും എന്നാണ് ഇതിനെക്കുറിച്ചുള്ള പരാമര്‍ശം.

വാര്‍ധക്യം, മരണം എന്നീ രണ്ട് അവസ്ഥകളെ ഇല്ലാതാക്കാന്‍ സാധിക്കുകയില്ല. എങ്കില്‍ പോലും യൗവനകാലത്തു ചെയ്യുന്ന രസായന പ്രയോഗങ്ങള്‍ കൊണ്ട് ഇവയെ വൈകിക്കാന്‍ സാധിക്കും.

യൗവനകാലത്ത് രസായന പ്രയോഗങ്ങള്‍ ശീലിക്കാത്തവരില്‍ വാര്‍ധക്യ ലക്ഷണങ്ങള്‍ കാണാന്‍ തുടങ്ങുമ്പോള്‍തന്നെ രസായന പ്രയോഗങ്ങള്‍ ആരംഭിച്ചാല്‍ എത്തിച്ചേര്‍ന്നിടത്തു വച്ചെങ്കിലും വാര്‍ധക്യാവസ്ഥയെ തടയുന്നതിനോ ദുര്‍ബലപ്പെടുത്തുന്നതിനോ സാധിക്കും.

സദാസമയവും നശിച്ചുകൊണ്ടിരിക്കുന്ന ഒന്നാണ് ശരീരം. ഓരോ കോശങ്ങളിലും അതിന്റെ പ്രതിഫലനം മനസിലാക്കുവാന്‍ സാധിക്കും. പ്രായം ആകുന്തോറും കോശഭിത്തികളുടെ സുതാര്യതയും കുറഞ്ഞുവരുന്നു.

അതുകൊണ്ടു ശരിയായ പോഷണം കോശങ്ങള്‍ക്കു കിട്ടതാവുകയും മാലിന്യങ്ങള്‍ കോശങ്ങളില്‍ നിന്നു പുറത്തുപോകാതെ അവിടെത്തന്നെ അടിഞ്ഞുകൂടുകയും ചെയ്യുന്നു.

ശരീരത്തിലെ എല്ലാ കോശങ്ങളിലും എല്ലാ അവയവങ്ങളിലും ഈ പ്രക്രിയ തുടരുന്നു. അതിന്റെയൊക്കെ ഫലമായി കോശങ്ങള്‍ക്കു ശോഷണം സംഭവിക്കുകയും വാര്‍ധക്യലക്ഷണങ്ങള്‍ പ്രത്യക്ഷപ്പെടുകയും ചെയ്യുന്നു.

ഓരോ വ്യക്തിയിലും ബലം, ഓജസ് എന്നിവ വ്യത്യസ്തമായിരിക്കും. ഇന്നു കാണുന്ന ബലമല്ല നാളെ കാണുന്നത്. ബാല്യത്തിലും യൗവനത്തിലുമുള്ള ബലമല്ല വാര്‍ധക്യത്തില്‍ ഉള്ളത്.

അഗ്‌നിദീപ്തിയും ദോഷസാത്മ്യവും ശരിയായ രീതിയില്‍ ധാതുക്കളുടെ പരിണാമവും നടക്കുന്നതു മധ്യവയസിലാണ്. ഈ അവസ്ഥ നിലനിര്‍ത്തിയാല്‍ വാര്‍ധക്യത്തിന്റെ ആഗമനത്തെ പരമാവധി താമസിപ്പിക്കാം.

അങ്ങനെ വാര്‍ധക്യത്തിന്റെ ദുരിതത്തില്‍ നിന്നു രക്ഷ നേടുന്നതിനും ജീവിതത്തിന്റെ ഗുണനിലവാരം പരമാവധി നിലനിര്‍ത്തുന്നതിനും മധ്യവയസ് കൂടി ഉള്‍പ്പെട്ട യൗവനാവസ്ഥയിലെ രസായന ചികിത്സകള്‍ക്കു പ്രാധാന്യം ഏറെയാണ്.

രസായനപ്രയോഗം


ശരീരത്തു മുഴുവനായി ഗുണം കിട്ടുന്നതിനായി രസായനങ്ങള്‍ ഉപയോഗിക്കുന്നതുപോലെ തന്നെ പ്രത്യേക ഭാഗത്തു മാത്രം ഗുണം ലഭിക്കുന്നതിനായി ഉപയോഗിക്കുന്ന രസായനങ്ങളും ആയുര്‍വേദ ചികിത്സയിലുണ്ട്.

ഉദാഹരണം കണ്ണിനു ഗുണം ചെയ്യുന്ന ത്രിവലാ രസായനം, തലമുടിക്കു ഗുണം ചെയ്യുന്ന നാരസിംഹ രസായനം, ബുദ്ധിക്കു ഗുണം ചെയ്യുന്ന ബ്രഹ്മി രസായനം എന്നിവ.

പണ്ടുകാലത്ത് ഒരു കുട്ടി ജനിക്കുമ്പോള്‍ തന്നെ തേനും വയമ്പും സ്വര്‍ണവും കൂടി നാക്കില്‍ തേച്ചുകൊടുക്കുന്ന പതിവുണ്ടായിരുന്നു. ഇതു ബുദ്ധിക്ക് ഉണര്‍വും തലച്ചോറിനു വികാസവും ഉണ്ടാകുന്നതിനുവേണ്ടി ഉപയോഗിക്കുന്ന ലഘുവായ ഒരു രസായന പ്രയോഗമാണ്.

ഇന്നത്തെ തലമുറ ഇതെല്ലാം പാടെ മറന്നതിന്റെ പരിണിതഫലമെന്നോണം ഇപ്പോഴത്തെ കുട്ടികളില്‍ പഠനവൈകല്യങ്ങളും മുതിര്‍ന്നവരില്‍ വാര്‍ധക്യത്തിന്റെ ആരംഭത്തില്‍ തന്നെ 'അല്‍ഷീമേഴ്‌സ്' എന്ന രോഗവും കൂടുതലായി കണ്ടുവരുന്നു. രസായന പ്രയോഗത്തിന്റെ ഗുണങ്ങളെപ്പറ്റി ആയുര്‍വേദ ശാസ്ത്രത്തില്‍ പ്രതിപാദിക്കുന്നത് ഇപ്രകാരമാണ്.

'രസായന പ്രയോഗം ഹേതുവായിട്ടു ദീര്‍ഘായുസ്, ഓര്‍മശക്തി, ധാരണാശക്തി, രോഗമില്ലായ്മ, യൗവനം, ശരീരകാന്തി, സ്വര്‍ണതുല്യ ദീപ്തി, സ്വരമാധുര്യം, മഹത്വം, ശരീരത്തിനും കണ്ണ് മുതലായ ഇന്ദ്രിയങ്ങള്‍ക്കും ബലസിദ്ധി, വാക് സാമര്‍ഥ്യം, ശുക്ലവൃദ്ധി, സ്ത്രീഗമനശക്തി, ശരീരത്തിനു പ്രത്യേക ശോഭ എന്നിവ ലഭിക്കുന്നു.

ലൈംഗികശക്തി വര്‍ധിപ്പിക്കാന്‍


രസായന പ്രയോഗങ്ങള്‍ പോലെ തന്നെ ആയുര്‍വേദത്തിലെ പ്രധാനപ്പെട്ട ഒരു ചികിത്സാ സമ്പ്രദായമാണു വാജീകരണ പ്രയോഗങ്ങള്‍. ഇതു ദുര്‍ബലന്മാര്‍ക്കു ബലത്തെ കൊടുക്കുന്നതും വേറൊരുതരം രസായനമാകുന്നു.

വളരെ ബലത്തോടും ശുക്ലവൃദ്ധിയോടും കൂടി ലൈംഗിക ശക്തിയെ വര്‍ധിപ്പിക്കുകയും ദേഹത്തിന് ഓജസിനെ പ്രധാനം ചെയ്യുകയും ചെയ്യുന്ന ഷധങ്ങളാണു വാജീകരണ ഷധങ്ങള്‍.

വാജീകരണം എന്ന വാക്കിന്റെ അര്‍ഥംതന്നെ കുതിരയെപ്പോലെ ശക്തി ഉണ്ടാക്കുന്നത് എന്നാണ്. ബിജദോഷങ്ങളാലും ലൈംഗിക ശേഷിക്കുറവിനാലും സന്താന സൗഭാഗ്യം ഇല്ലാത്തവരിലും രോഗം ഹേതുവായിട്ടോ പ്രായം ഹേതുവായിട്ടോ പല ഷധങ്ങളുടെയും പാര്‍ശ്വഫലങ്ങള്‍ ഹേതുവായിട്ടോ ലൈംഗികശേഷി കുറഞ്ഞവരിലും നഷ്ടപ്പെട്ടവരിലും വാജീകരണ ചികിത്‌സകള്‍ അത്യധികം ഫലത്തെ ചെയ്യുന്നതാണ്.

ആയുര്‍വേദ ശാസ്ത്രം അനുശാസിക്കുന്ന രസായന വാജീകരണ പ്രയോഗങ്ങള്‍ അധികം പാകപഥ്യങ്ങള്‍ കൂടാതെ ഉപയോഗിക്കാം എന്നതും ഷധശാലകളില്‍ നിന്നു പണം കൊടുത്തു വാങ്ങുന്നതുപോലെ തന്നെ ഫലപ്രദങ്ങളായ പല ഷധ യോഗങ്ങളും എളുപ്പത്തില്‍ സ്വന്തമായി ഉണ്ടാക്കി ഉപയോഗിക്കാം എന്നതും പല ഷധ സസ്യങ്ങളും ഒറ്റയ്ക്ക് ഉപയോഗിക്കുന്നതു തന്നെ (ഒറ്റമൂലി പ്രയോഗങ്ങള്‍) രസായന വാജീകരണ ഗുണം പ്രധാനം ചെയ്യും എന്നതും പാര്‍ശ്വഫലങ്ങള്‍ താരതമ്യേന കുറവാണ് എന്നതും സമീപകാലത്ത് ഇവയുടെ പ്രസക്തിയും ഉപയോഗവും വര്‍ധിക്കാന്‍ ഇടയാക്കിയിട്ടുണ്ട്.

കടപ്പാട്:
ഡോ. ആര്‍. രവീന്ദ്രന്‍
ദി ആര്യവൈദ്യ ഫാര്‍മസി (കോയമ്പത്തൂര്‍) ലിമി.
കോട്ടയം ബ്രാഞ്ച്

അവസാനം പരിഷ്കരിച്ചത് : 3/15/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate