অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

മലിനീകരണം

എന്താണ് മലിനീകരണം

അപകടകാരികളായ പാരിസ്ഥിതിക മാലിന്യങ്ങളോ വസ്തുക്കളോ സ്വതന്ത്രമാക്കുന്നതിനെയാണ് മലിനീകരണം എന്നു പറയുന്നത്. മലിനീകരണം എന്നറിയപ്പെടുന്ന ഈ പ്രക്രീയ മനുഷ്യ പ്രവര്‍ത്തനങ്ങളുടെ ഫലമായാണ് സാധാരണയായി സംഭവിക്കുന്നത്. ഭാവിയില്‍ വിരുദ്ധഫലങ്ങള്‍ സൃഷ്ടിക്കുന്ന ഏത് മനുഷ്യപ്രവര്‍ത്തനങ്ങളും മലിനീകരണം എന്ന പേരില്‍ അറിയപ്പെടുന്നു.

മലിനീകരണത്തിന്റെ ഉറവിടങ്ങള്

  • കെമിക്കല്‍ പ്ലാന്‍റുകള്‍, എണ്ണ ശുദ്ധീകരണശാലകള്‍, അണുമാലിന്യ കൂമ്പാരം, നിത്യേനയുള്ള ചവര്‍ കൂമ്പാരം, നീറ്റു ചൂളകള്‍, പിവിസി നിര്‍മ്മാണ ശാലകള്‍, കാര്‍ നിര്‍മ്മാണ ശാലകള്‍, പ്ലാസ്റ്റിക്ക് നിര്‍മ്മാണ ശാലകള്‍, വന്‍‌തോതില്‍ മൃഗ മാലിന്യം സൃഷ്ടിക്കുന്ന ഏകീകൃത മൃഗ ശാലകള്‍ എന്നിവ ഗുരുതരമായ മലിനീകരണ ഉറവിടങ്ങളില്‍ ഉള്‍‌പ്പെടുന്നു.
  • അണുശക്തി ഉല്പാദന പ്ലാന്‍റുകള്‍, എണ്ണ ടാങ്കറുകള്‍ തുടങ്ങിയ ചില മലിനീകരണ ഉറവിടങ്ങളില്‍ അപകടങ്ങള്‍ ഉണ്ടാകുമ്പോള്‍ ഗുരുതരമായ മലിനീകരണം സംഭവിക്കുന്നു.
  • ക്ലോറിനേറ്റഡ് ഹൈഡ്രോ കാര്‍ബണുകള്‍ (സിഎഫ്എച്ച്), ഈയം പോലെ കാഠിന്യമുള്ള ലോഹങ്ങള്‍ (ഈയ പെയിന്‍റുകളിലും അടുത്തിടെയായി ഗാസോലിനുകളിലും), കാഡ്മിയം (റീച്ചാര്‍ജ്ജ് ചെയ്യാവുന്ന ബാറ്ററികളില്‍), ക്രോമിയം, സിങ്ക്, ആര്‍‌സനിക്, ബെന്‍സീന്‍ എന്നിവ മറ്റു ചില സാധാരണ മാലിന്യങ്ങളാണ്.
  • പ്രകൃതി ദുരന്തങ്ങളുടെ ഗുരുതരമായ പാര്‍ശ്വഫലമാണ് മലിനീകരണം. ഉദാഹരണത്തിന്, ചുഴലിക്കാറ്റുകളില്‍ എപ്പോഴും തന്നെ അഴുക്കുവെള്ളം മൂലമുള്ള മലിനീകരണം ഉള്‍‌പ്പെടുന്നു. ഓവര്‍ട്യൂണ്‍ ചെയ്ത ബോട്ടുകള്‍, ഓട്ടോകള്‍, തീരദേശത്തുള്ള എണ്ണശുദ്ധീകരണ ശാലകളില്‍ സംഭവിക്കുന്ന കേടുപാടുകള്‍ എന്നിവയിലൂടെ ഉണ്ടാകുന്ന പെട്രോകെമിക്കല്‍ മലിനീകരണം സാധാരണമാണ്.
  • വിവിധ തരം മലിനീകരണം

    വായു മലിനീകരണം, ജല മലിനീകരണം, റേഡിയോ ആക്ടീവ് മലിനീകരണം എന്നിവ മലിനീകരണത്തിന്‍റെ പരമ്പരാഗത രൂപങ്ങളാണ്. കപ്പല്‍ മലിനീകരണം, വെളിച്ച മലിനീകരണം, ശബ്ദ മലിനീകരണം എന്നിവ മലിനീകരണം എന്ന വാക്കിന്‍റെ വിശാലമായ വ്യാഖ്യാനത്തില്‍ ഉള്‍‌പ്പെടുന്നു.

    ശബ്ദ മലിനീകരണം

    ഒച്ച എന്നതിന്‍റെ നിര്‍വ്വചനം തന്നെ ആവശ്യമില്ലാത്ത ശബ്ദം എന്നതാണ്. വായു മലിനീകരണത്തിന്‍റെ സുപ്രധാന ഘടകം ശബ്ദത്തില്‍ നിന്നുള്ള മലിനീകരണമാണെന്ന് പരക്കെ മനസ്സിലാക്കിക്കഴിഞ്ഞിരിക്കുന്നു.

    ശബ്ദം വായുവിലൂടെ സഞ്ചരിക്കുന്നു. ചുറ്റും വ്യാപിച്ചിരിക്കുന്ന വായുവിന്‍റെ ഗുണതലങ്ങളെ ആസ്പദമാക്കിയാണ് അത് അളക്കുന്നത്. ശബ്ദത്തിന്‍റെ തോത് ഡെസിബല്‍ ആണ്. 90 ഡെസിബലില്‍ കൂടുതലുള്ള തുടര്‍ച്ചയായ ശബ്ദം കേള്‍വി നാശത്തിനും നാഢീവ്യൂഹത്തില്‍ സ്ഥിരമായ മാറ്റങ്ങള്‍ക്കും കാരണമാകാമെന്ന് വിദഗ്ദ്ധര്‍ വിശ്വസിക്കുന്നു. പട്ടണങ്ങളില്‍ 45 ഡെസിബല്‍ ആണ് സുരക്ഷിതമായ ശബ്ദനിലയെന്ന് ലോകാരോഗ്യ സംഘടന (ഡബ്ലിയൂഎച്ച്ഒ) തീരുമാനിച്ചിട്ടുണ്ട്. ഇന്ത്യയിലെ മെട്രോപൊളിറ്റന്‍ പ്രദേശങ്ങളില്‍ സാധാരണയായി 90 ഡെസിബലിലും അധികം ശബ്ദമാണ് രേഖപ്പെടുത്തിയിട്ടുള്ളത്. ലോകത്തിലെ ഏറ്റവും ശബ്ദയാനമായ പട്ടണങ്ങളില്‍ മൂന്നാം സ്ഥാനമാണ് മുംബൈക്കുള്ളത്. ന്യൂഡല്‍ഹി തൊട്ടു പിന്നിലായുണ്ട്.

    ശബ്ദം അസ്വസ്ഥതകളും സ്വൈര്യക്കേടും മാത്രമല്ല സൃഷ്ടിക്കുന്നത്. അത് ധമനികള്‍ക്കു പിരിമുറുക്കവും സൃഷ്ടിക്കുന്നുണ്ട്. ഇതുമുലം അഡ്രിനാലിന്‍റെ ഒഴുക്ക് അതിവേഗത്തിലാവുകയും ഹൃദയത്തെ വളരെ വേഗത്തില്‍ പ്രവര്‍ത്തിപ്പിക്കുവാന്‍ സമ്മര്‍ദ്ധം ചെലുത്തുകയും ചെയ്യുന്നു. തുടര്‍ച്ചയായ ശബ്ദം കൊളസ്‍‌‌ട്രോള്‍ നില ഉയര്‍ത്തുകയും രക്തവാഹിനിക്കുഴലുകളുടെ സ്ഥിരമായ മുറുക്കത്തിനും അതുവഴി ഹൃദയാഘാതത്തിനും പക്ഷാഘാതത്തിനും കാരണമാവുകയും ചെയ്യുന്നു. ഉയര്‍ന്ന ശബ്ദം ഞരമ്പുരോഗത്തിനും ഞരമ്പുകള്‍ പൊട്ടുന്നതിനും കാരണമാകുന്നുവെന്ന് ആരോഗ്യ വിദഗ്ദ്ധര്‍ അഭിപ്രായപ്പെടുന്നു.

    മാലിന്യ-ജല മലിനീകരണം

    വിഷാംശമുള്ള പദാര്‍ത്ഥങ്ങള്‍ നദികളിലും കായലുകളിലും സമുദ്രങ്ങളിലും മറ്റ് ജല സ്രോതസ്സുകളിലും എത്തിച്ചേരുമ്പോള്‍ അവ അവിടെ അലിഞ്ഞു ചേര്‍‌ന്നോ അതുപോലെ തന്നെയോ അടിത്തട്ടില്‍ നിക്ഷേപിക്കപ്പെടുന്നു. ഇത് ജലത്തിന്‍റെ ഗുണമേന്‍‌മയെ ദുഷിപ്പിക്കുയും ജലത്തിലെ ആവാസവ്യവസ്ഥയെ ബാധിക്കുകയും ചെയ്യുന്നു. മലിനീകാരികള്‍ ഇറ്റുവീണ് ഭൂഗര്‍ഭ ജലനിക്ഷേപങ്ങളെ ബാധിക്കുകയും ചെയ്യാം.

    ജല മലിനീകരണത്തിന്‍റെ പരിണിതഫലങ്ങള്‍ മനുഷ്യനെ മാത്രമല്ല, ജന്തുക്കള്‍, മത്സ്യങ്ങള്‍, പക്ഷികള്‍ എന്നിവയെയും നാശകരമായ വിധത്തില്‍ ബാധിക്കുന്നു. മലിനജലം കുടിക്കുന്നതിനോ വിനോദത്തിനോ കൃഷിക്കോ വ്യവസായത്തിനോ ഒന്നും തന്നെ അനുയോജ്യമല്ല. ഇത് കായലുകളുടെയും നദികളുടെയും മനോഹാരിത നശിപ്പിക്കുന്നു.

    വായു മലിനീകരണം

    ഹാനീകരങ്ങളായ പദാര്‍ഥങ്ങള്‍ വായുവിലേക്ക് പുറന്തള്ളുന്നതുമൂലമുണ്ടാകുന്ന മലിനീകരണമാണ് വായു മലിനീകരണം. ഇത് ആരോഗ്യ പ്രശ്നങ്ങള്‍ക്കും അന്തരീക്ഷത്തിന്‍റെയും വസ്തുക്കളുടെയും ക്ഷതങ്ങള്‍ക്കും കാരണമാകുന്നു. കാലാവസ്ഥാ വ്യതിയാനത്തിലേക്ക് നയിക്കുന്ന തരത്തില്‍ അന്തരീക്ഷത്തിന്‍റെ സംരക്ഷണ കവചമായ ഓസോണ്‍പാളിയുടെ pശോഷണത്തിനും ഇത് കാരണമാകുന്നു.

    വ്യവസായങ്ങള്‍, വാഹനങ്ങള്‍, ജനസംഖ്യാ വര്‍ദ്ധനവ് എന്നിവ വായു മലിനീകരണത്തിനുള്ള ചില സുപ്രധാന കാരണങ്ങളാണ്. വായു മലിനീകരണത്തിന് വിവിധങ്ങളായ കാരണങ്ങളുണ്ട്. അവയില്‍ പലതും മനുഷ്യന്‍റെ നിയന്ത്രണത്തിലുള്ളവയല്ല. മരുഭൂമികളിലെ പൊടിക്കാറ്റ്, കാട്ടു തീ, പുല്ലുകളിലെ തീ എന്നിവയില്‍ നിന്നുണ്ടാകുന്ന പുക മുതലായവ വായുവിലെ രാസമലിനീകരണത്തിന് കാരണമാകുന്നു.

    പ്രധാന വായു മലിനീകാരികളും അവയുടെ ഉറവിടങ്ങളും താഴെ പറയുന്നു

  • കാര്ബണ്മോണോക്സൈഡ് (സിഒ) നിറവും മണവുമില്ലാത്ത വാതകമാണ്. ഇത് പെട്രോള്‍, ഡീസല്‍, മരം തുടങ്ങിയ കാര്‍ബണ്‍ അധിഷ്ഠിത ഇന്ധനങ്ങള്‍ അപൂര്‍ണ്ണമായി കത്തുന്നതു മൂലമാണ് ഉല്പാദിപ്പിക്കപ്പെടുന്നത്. സിഗററ്റ് പോലെയുള്ള പ്രകൃതിദത്തവും സിന്തറ്റിക്കുമായ ഉല്പന്നങ്ങളുടെ ജ്വലനം മൂലവും ഇത് ഉല്പാദിപ്പിക്കപ്പെടുന്നു. ഇത് നമ്മുടെ രക്തത്തിലെത്തുന്ന ഓക്സിജന്‍റെ അളവു കുറയ്ക്കുന്നു. കൂടാതെ നമ്മുടെ റിഫ്ലക്സുകളെ സാവധാനത്തിലാക്കുകയും വ്യക്തിയെ ആശങ്കാകുലനും ഉറക്കം തൂങ്ങിയുമാക്കി മാറ്റുകയും ചെയ്യുന്നു.
  • കാര്ബണ്ഡയോക്സൈഡ് (സിഒ2) ഹരിതഭവന പ്രഭാവത്തിന്‍റെ ആധാരമായ ഈ വാതകം കരി, എണ്ണ, പ്രകൃതി വാതകങ്ങള്‍ എന്നിവ കത്തിക്കുന്നതു പോലെയുള്ള മനുഷ്യന്‍റെ പ്രവര്‍ത്തനങ്ങളുടെ ഫലമായി അന്തരീക്ഷത്തിലേക്ക് പുറം തള്ളപ്പെടുന്നതാണ്.
  • ക്ലോറോഫ്ലൂറോകാര്ബണുകള്‍ (സിഎഫ്എസ്) ശീതികരണ സംവിധാനങ്ങളില്‍ നിന്നും റഫ്രിജറേറ്ററുകളില്‍ നിന്നുമാണ് പ്രധാനമായും സ്വതന്ത്രമാക്കപ്പെടുന്നത്. വായുവിലേക്ക് എത്തുമ്പോള്‍ സിഎഫ്എസ് സ്ട്രാറ്റോസ്ഫിയര്‍ (പൊക്കമനുസരിച്ച് ശീതോഷ്ണാവസ്ഥയ്ക്ക് മാറ്റം സംഭവിക്കാത്ത അന്തരീക്ഷത്തിലെ ഏറ്റവും ഉയര്‍ന്നഭാഗം) വരെയെത്തുകയും അവിടെ അവ മറ്റു ചില വാതകങ്ങളുമായി സമ്പര്‍ക്കത്തിലാവുകയും ഇത് സൂര്യന്‍റെ ഹാനീകരങ്ങളായ അള്‍ട്രാവയലറ്റ് രശ്മികളില്‍നിന്ന് ഭൂമിയെ സംരക്ഷിക്കുന്ന ഓസോണ്‍പാളിയുടെ ശോഷണത്തിന് കാരണമായിത്തീരുകയും ചെയ്യുന്നു.
  • ഈയം പെട്രോള്‍, ഡീസല്‍, ഈയ ബാറ്ററികള്‍, പെയിന്‍റുകള്‍, ഹെയര്‍‌ഡൈ ഉല്പന്നങ്ങള്‍ എന്നിവയില്‍ കാണപ്പെടുന്നു. ഈയം കുട്ടികളെയാണ് പ്രധാനമായും ബാധിക്കുന്നത്. ഇത് നാഡീവ്യവസ്ഥയുടെ തകരാറുകള്‍ക്കും ദഹന പ്രശ്നങ്ങള്‍ക്കും ചില കേസുകളില്‍ കാന്‍സറിനും കാരണമാകുന്നു.
  • ഓസോണ് അന്തരീക്ഷത്തില്‍ ഏറ്റവും മുകളിലത്തെ പാളിയിലാണ് കാണപ്പെടുന്നത്. സുപ്രധാനമായ ഈ വാതകം സൂര്യനില്‍ നിന്നുള്ള ഹാനീകരങ്ങളായ അള്‍ട്രാവയലറ്റ് രശ്മികളില്‍ നിന്ന് ഭൂമിക്ക് ആവരണമായി വര്‍ത്തിക്കുന്നു. എന്നിരുന്നാലും, ഉയര്‍ന്ന വിഷഗുണത്താല്‍ ഇവ താഴേത്തട്ടില്‍ ഒരു മലിനീകാരിയാണ്. വാഹനങ്ങളും വ്യവസായങ്ങളുമാണ് താഴേത്തട്ടിലെ ഓസോണ്‍ പുറന്തള്ളലിന്‍റെ പ്രധാന ഉറവിടം. ഓസോണ്‍ നമ്മുടെ കണ്ണുകളില്‍ ചൊറിച്ചില്‍, പൊള്ളല്‍, ജലം എന്നിവയുള്ളതാക്കി മാറ്റുന്നു. ഓസോണ്‍ ജലദോഷം, ന്യൂമോണിയ എന്നിവയ്ക്കെതിരെയുള്ള നമ്മുടെ പ്രതിരോധത്തെ കുറയ്ക്കുന്നു.
  • നൈട്രജന്ഓക്സൈഡ് (നോക്സ്) പുകമഞ്ഞിനും ആസിഡ് മഴയ്ക്കും കാരണമാകുന്നു. പെട്രോള്‍, ഡീസല്‍, കല്‍ക്കരി എന്നിവ ഉള്‍പ്പെടുന്ന കത്തുന്ന ഇന്ധനങ്ങളില്‍ നിന്നാണ് ഇവ ഉല്പാദിപ്പിക്കപ്പെടുന്നത്. മഞ്ഞുകാലത്ത് കുട്ടികളില്‍ ശ്വസനസംബന്ധിയായ അസുഖങ്ങള്‍ ഏല്ക്കുന്നതിന് നൈട്രജന്‍ ഓക്സൈഡ് കാരണമാകുന്നു.
  • സസ്പെന്റഡ് പര്ട്ടിക്കുലേറ്റ് മാറ്റര്‍ (എസ്പിഎം)ദീര്‍ഘകാലത്തേക്ക് അന്തരീക്ഷത്തില്‍ നിലനില്‍ക്കുന്ന മഞ്ഞ്, പൊടി, ബാഷ്പം എന്നീ രൂപങ്ങളില്‍ വായുവില്‍ കാണപ്പെടുന്ന ഖരരൂപങ്ങളാണിത്. ഇവ തന്നെയാണ് കാഴ്ച കുറയ്ക്കുന്ന മൂടല്‍ഞ്ഞിന്‍റെ പ്രധാന ഉറവിടവും. നാം ശ്വസിക്കുമ്പോള്‍ ഈ ഘടകങ്ങളുടെ മുഖ്യഭാഗവും നമ്മുടെ ശ്വാസകോശത്തില്‍ അടിഞ്ഞു കൂടുകയും ശ്വാസകോശത്തിന് തകരാര്‍ സംഭവിക്കുന്നതിന് കാരണമാവുകയും ശ്വസന സംബന്ധിയായ പ്രശ്നങ്ങള്‍ സൃഷ്ടിക്കുകയും ചെയ്യുന്നു.
  • സള്ഫര്ഡയോക്സൈഡ് (എസ്ഒ2) കത്തുന്ന കല്‍ക്കരി, താപോര്‍ജ്ജ പ്ലാന്‍റുകള്‍ എന്നിവയില്‍ നിന്ന് ഉല്പാദിപ്പിക്കപ്പെടുന്ന വാതകമാണിത്. പേപ്പര്‍ നിര്‍മ്മാണം, ലോഹങ്ങള്‍ ഉരുക്കല്‍ തുടങ്ങിയ ചില വ്യാവസായിക പ്രക്രീയകള്‍ സള്‍ഫര്‍ ഡയോക്‌സൈഡ് ഉല്പാദിപ്പിക്കുന്നു. പുകമഞ്ഞിനും ആസിഡ് മഴയ്ക്കും പ്രധാന കാരണമാണിത്. സള്‍ഫര്‍ ഡയോക്‌സൈഡ് ശ്വാസകോശ രോഗങ്ങളിലേക്ക് നയിക്കുന്നു.
  • രാസ മലിനീകരണം

    രാസ മലിനീകരണത്തിന് കാരണമാകുന്ന വിവിധ ഉറവിടങ്ങളില്‍ താഴെ പറയുന്നവ ഉള്‍‌പ്പെടുന്നു:

    • ഗാര്‍ഹിക മലിനജലം
    • വ്യാവസായിക പുറന്തള്ളലുകള്‍
    • മാലിന്യ കേന്ദ്രങ്ങളില്‍ നിന്നുള്ള ഇറ്റുവീഴല്‍
    • അന്തരീക്ഷ അണുപ്രസരണം
    • ഗാര്‍ഹിക മാലിന്യം
    • സമുദ്രത്തിലെ അപകടങ്ങളും സ്പില്ലുകളും
    • എണ്ണ ഖനികളിലെ പ്രവര്‍ത്തന പുറന്തള്ളലുകള്‍
    • ഖനന പുറന്തള്ളലുകള്‍
    • കാര്‍ഷിക മാലിന്യങ്ങള്‍

    എന്നിരുന്നാലും, സ്ഥിര മലിനീകാരി എന്ന നിലയില്‍ ഒരു പക്ഷേ എല്ലാവരും പ്രത്യേകമായി ശ്രദ്ധിക്കുന്നത് രാസവസ്തുക്കളെയാണ്: സമുദ്ര ഭക്ഷണ ശൃംഖലയില്‍ പ്രവേശിക്കുന്ന പദാര്‍ഥങ്ങള്‍ ശൃംഖലയിലൂടെ കടന്നുപോയി വലിയ അളവില്‍ സമുദ്രത്തിലെ വലിയ ഇരപിടുത്തക്കാരില്‍ വരെ എത്തിച്ചേരുന്നു. സ്ഥിര മലിനീകാരികളില്‍ ഡിഡിറ്റി പോലുള്ള കീടനാശിനികള്‍, വ്യാവസായിക രാസവസ്തുക്കള്‍ എന്നിവ ഉള്‍പ്പെടുന്നു. ഇവയില്‍ ഏറ്റവും പ്രസിദ്ധം പിസിബികളാണ്.

    മലിനീകരണം തടയുന്നതിന് ലളിതമായ നുറുങ്ങുകള്

    ശബ്ദ മലിനീകരണം നിറുത്തല്

  • നിങ്ങളുടെ ടിവി, മ്യൂസിക് സിസ്റ്റം എന്നിവയുടെ ശബ്ദം കുറയ്ക്കുക
  • കാര്‍ ഹോണ്‍ പരിമിതമായി മാത്രം മുഴക്കുക.
  • ലൗഡ് സ്പീക്കറുകളുടെ ഉപയോഗം നിരുത്സാഹപ്പെടുത്തുക.
  • ബാന്‍റ്, പടക്കങ്ങള്‍, എന്നിവ വിവാഹ ഘോഷയാത്രയില്‍ ഒഴിവാക്കുക.
  • ശബ്ദ മലിനീകരണം സംബന്ധിച്ച നിയമങ്ങള്‍ ഏവരും ശീലിക്കുക

    വായു മലിനീകരണം ബാഷ്പീകരിക്കല്

  • വീടുകള്‍, ഫാക്ടറികള്‍, വാഹനങ്ങള്‍ എന്നിവിടങ്ങളില്‍ നിന്നുള്ള പുക പുറന്തള്ളല്‍ പരിമിതപ്പെടുത്തുക
  • പടക്കങ്ങളുടെ ഉപയോഗം ഒഴിവാക്കുക
  • മാലിന്യങ്ങള്‍ കൊട്ടകളില്‍ നിക്ഷേപിക്കുക, അവ കത്തിക്കരുത്
  • തുപ്പുന്നതിന് കോളാമ്പികളോ ഉണക്കു യന്ത്രങ്ങളോ തുപ്പുന്നതിനായി ഉപയോഗിക്കുക
  • വായു മലിനീകരണം സംബന്ധിച്ച നിയമങ്ങള്‍ ഏവരും ശീലിക്കുക
  • ജല മലിനീകരണം ശുദ്ധീകരിക്കല്

  • പൊതു ടാപ്പുകള്‍, കിണറുകള്‍, മറ്റ് ജലസ്രോതസ്സുകള്‍ എന്നിവയ്ക്കരുകില്‍ മാലിന്യങ്ങള്‍ വലിച്ചെറിയരുത്
  • പൊതു ജല ടാപ്പുകളില്‍ അറ്റകുറ്റപ്പണികള്‍ ചെയ്യരുത്
  • അംഗീകൃത സ്ഥലങ്ങളില്‍ മാത്രം ദൈവ രൂപങ്ങള്‍ നിമജ്ജനം ചെയ്യുക
  • ജല മലിനീകരണം സംബന്ധിച്ച നിയമങ്ങള്‍ ഏവരും ശീലിക്കുക
  • രാസ മലിനീകരണം നിർമാർജ്ജനം ചെയ്യല്

  • രാസവളങ്ങള്‍ക്കു പകരം ജൈവ വളങ്ങള്‍, പോളിത്തീനു പകരം പേപ്പര്‍, പോളിസ്റ്ററിനു പകരം പരുത്തി, ചണം എന്നിവയ്ക്ക് മുന്‍ഗണന നല്കുക
  • ശരിയായ മാര്‍ഗ്ഗത്തിലൂടെ പോളിത്തീന്‍ ബാഗുകള്‍ നിര്‍മാര്‍ജ്ജനം ചെയ്യുക
  • കൂടുതല്‍ മരങ്ങളും സസ്യജാലങ്ങളും വച്ചു പിടിപ്പിക്കുക
  • രാസ മലിനീകരണം സംബന്ധിച്ച നിയമങ്ങള്‍ ഏവരും ശീലിക്കുക
  • ഭൂവിനിയോഗ പ്രവര്ത്തനങ്ങളും ഭൂഗര്ഭജല ഗുണമേന്മയില്അവയുയര്ത്തുന്ന പ്രബലമായ ഭീഷണികളും

     

    ഭൂവിനിയോഗം

    ഭൂഗര്ഭജല മലിനീകരണത്തിന് കാരണമാകുന്ന പ്രവര്ത്തനങ്ങള്

    ഗാര്‍ഹികം

    • അഴുക്കുചാലുകളിലൂടെയല്ലാത്ത ശുചീകരണം
    • ഭൂമിയിലൂടെയും പുഴകളിലൂടെയും മലിനജലം ഒഴുക്കല്‍
    • കുളങ്ങളിലെ മലിനജലത്തിന്‍റെ ഓക്സീകരണം
    • മലിനജല ചോര്‍ച്ച, ഖരമാലിന്യങ്ങളുടെ നിര്‍മാര്‍ജ്ജനം, ചപ്പുചവറുകള്‍ മണ്ണിട്ട് മൂടുന്ന സ്ഥലങ്ങളിലെ കുളയട്ടകള്‍
    • റോഡുകളിലെയും നഗരങ്ങളിലെയും ഒഴുക്കുവെള്ളവും മഴയും

    വ്യാവസായികവും വാണിജ്യപരവും

    • ജലസംസ്കരണം, കായല്‍ മാലിന്യങ്ങള്‍ മുതലായവ
    • മലിനവസ്തുക്കള്‍ ഭൂമിയിലും നദികളിലും നിക്ഷേപിക്കല്‍
    • ടാങ്കുകളിലെയും പൈപ്പ് ലൈനുകളിലെയും ചോര്‍ച്ചകള്‍, അവിചാരിതമായ പൊട്ടിയൊലിപ്പ്
    • മാലിന്യങ്ങള്‍ കിണറുകളില്‍ നിക്ഷേപിക്കല്‍
    • വായുമണ്ഡലത്തിലെ അണുപ്രസരണം
    • മോശമായ ഗൃഹപരിപാലനം
    • സാമഗ്രികള്‍ കൈകാര്യം ചെയ്യുമ്പോഴുണ്ടാകുന്ന തുളുമ്പലുകളും ചോര്‍ച്ചയും

    ഖനനം

    ഖനികളില്‍ നിന്നുള്ള ഓടയൊഴുക്ക്
    അസംസ്കൃത ജലം, ചെളിയടിഞ്ഞ കായലുകള്‍
    അനാവശ്യമായ ഖര ഖനന വസ്തുക്കള്‍
    ജനവാസകേന്ദ്രങ്ങളിലെ എണ്ണപ്പാടങ്ങളില്‍ ഉണ്ടാകുന്ന പൊട്ടിയൊലിപ്പ്

    ഗ്രാമീണം

    കാര്‍ഷിക രാസപദാര്‍ഥങ്ങള്‍ ഉപയോഗിച്ചുള്ള കൃഷി
    മലിനജലം ഉപയോഗിച്ചുള്ള ജലസേചനം
    മണ്ണിന്‍റെ ക്ഷാരഗുണം വര്‍ദ്ധിക്കല്‍
    കന്നുകാലി പരിപാലനം

    തീരപ്രദേശങ്ങള്‍

    ഉപ്പുവെള്ളം കയറല്‍

    ഉറവിടം : കേന്ദ്ര മലിനീകരണ നിയന്ത്രണ ബോര്ഡ്, 2007

    പരിസ്ഥിതി സംരക്ഷണ വകുപ്പും നിയമങ്ങളും

    ഇന്ത്യയില പരിസ്ഥിതി സംരക്ഷണ വകുപ്പും താഴെ പറയുന്ന നിയമങ്ങളും നിലവിൽ വന്നു.

    1.ജല മലിനീകരണ നിയന്ത്രണ നിയമം ,1974(Water ( Prevention and Control of pollution ) Act ,1974).

    2.വനസംരക്ഷണ നിയമം,1972(Indian Forest Act ,1972).

    3.വന്യ ജീവി സംരക്ഷണ നിയമം ,1980(The Wild Life Protection Act ,1980).

    4.വായു മലിനീകരണ നിയന്ത്രണ നിയമം, 1983.(The Air (Prevention and Control of pollution )Act .1983.)

    5.പരിസ്ഥിതി സംരക്ഷണ നിയമം,1986(The Environmental Protection Act ,1986)

    വന്യ ജീവി സംരക്ഷണ നിയമം

    ,1972 അനുസരിച്ച് വന്യ ജീവികളെ വേട്ടയാടുന്നതും ,സംരക്ഷിക്കപെടെണ്ട വന്യ ജീവികളുടെ കൊമ്പും മറ്റും ഉപയോഗിച്ച് ഉള്ള ഉത്പന്നങ്ങൾ വിലക്കുന്നതും ,വന്യ ജീവികളെ കടത്തുന്നതും നിരോധിച്ചിരിക്കുന്നു .ഈ നിയമം അനുസരിച്ചുള്ള വിവിധ കുറ്റകൃത്യങ്ങൾക്ക് 6 മാസം മുതൽ 3 വർഷം വരെ തടവോ പിഴയോ നൽകാവുന്നതാണ്‌.ഏതാനും വർഷങ്ങൾക്ക്‌ മുൻപ് ഹിന്ദി സിനിമ താരം സൽമാൻ ഖാൻ ഇന്ത്യയുടെ മുൻ ക്രിക്കറ്റ്‌ ക്യാപ്ടൻ മണ്‍സൂർ അലി ഖാൻ പട്ടോടി എന്നീ പ്രമുഖർ വന്യ ജീവി സംരക്ഷണ നിയമം ലംഘിച്ചു മൃഗങ്ങളെ വെട്ടയാടിയതിനെ തുടർന്ന് കുറ്റക്കാർ ആയിട്ടുണ്ട്‌.

    വന സംരക്ഷണ നിയമം ,

    1980 വനങ്ങള മറ്റു ആവശ്യങ്ങള്ക്ക് ഉപയോഗിക്കുന്നതും വന നശീകരണവും തടയുന്നു.ഈ നിയമം അനുസരിച്ചുള്ള കുട്ടങ്ങല്ക്ക് 15 ദിവസം വരെ തടവ്‌ ശിക്ഷ ലഭിക്കാം.പരിസ്ഥിതി സംരക്ഷണ നിയമം ,1986 അനുസരിച്ച് ഫാക്ടറികൾ തുടങ്ങുന്നതിനു മുൻപ് പരിസ്ഥിത്യ്ക്ക് നാശകരം അല്ലെന്നും മലിനീകരണ നിയന്ത്രണ സംവിധാനങ്ങൾ ഉണ്ടെന്നും കാണിച്ചു പരിസ്ഥിതി വകുപ്പിന്റെ അനുമതി തെടെണ്ട്ഫത് ആണ് (6 വകുപ്പ് ).അത് പോലെ ഈ നിയമം അനുസരിച്ച് പരിസ്ഥിതിക്ക് ഹാനികരം ആകുന്ന വസ്തുക്കള നിരോധിക്കവുന്നത് ആണ് .ഇപ്രകാരമാണ് പ്ലാസ്റ്റിക്‌ നിരോധനം സാധ്യമാകുന്നത് .ഈ നിയമം ലംഘിച്ചാൽ 5 വർഷം തടവും 1 ലക്ഷം രൂപ പിഴയും ലഭിക്കാം.കുറ്റം ആവർത്തിച്ചാൽ പ്രതി ദിനം 5000 രൂപ പിഴ ചുമത്താം.

    സമകാലീന കേരളം നേരിട്ട ഗുരുതരം ആയ പ്രശ്നങ്ങളിൽ ഒന്ന് വരൾച്ചയാണ്.ഇതിനു പ്രധാന കാരണം തന്നീരതടങ്ങളുടെ(Wet Land ) ശോഷണം ആണ് .ജലാശയങ്ങൾ കൊണ്ടും മണ്‍സൂണ്‍ കൊണ്ടും പ്രകൃതി കേരളത്തെ അനുഗ്രഹിച്ചിരിക്കുന്നു .എന്നാൽ മനുഷ്യന്റെ വിവേകരഹിതമായ പ്രവർത്തികൾ കൊണ്ട് ജലം ഉപയോഗത്തിന് തികയാത്ത അവസ്ഥ സംജാതം ആയിരിക്കുന്നു .വരൾച്ചയിൽ നിന്നും പാഠം ഉൾകൊണ്ട സർക്കാർ പതിയ ജലനയം രൂപീകരിക്കുകയും മഴ വെള്ളം നിര്ബന്ധം ആയും ശേഖരിക്കണം എന്ന് നിയമ നിര്മ്മാണം നടത്തുകയും ചെയ്തു .

    ജല മലിനീകരണ നിയന്ത്രണ നിയമം

    ,1974 അനുസരിച്ച് ജല മലിനീകരണം തടയാനും ജലത്തിന്റെ സംരക്ഷണത്തിനും ആയി മലിനീകരണ നിയന്ത്രണ ബോർഡ്‌ (Pollution Control Board )രൂപീകരിച്ചിട്ടുണ്ട്.ഈ നിയമം അനുസരിച്ച് ജലം മലിനപ്പെടുത്തൽ ,നദികൾ,നീരുറവ തുടങ്ങിയവയിൽ വിഷ വസ്‌തുക്കൾ കലർത്തൽ ഒക്കെ ശിക്ഷാർഹം ആണ് . ഈ നിയമം അനുസരിച്ചുള്ള കുറ്റങ്ങൾക്ക്‌ 6 മാസം മുതൽ 6 വർഷം വരെ തടവ്‌ ലഭിക്കാം.

    വായു മലിനീകരണം തടയുന്ന നിയമം

    ,1981 പ്രകാരം വായു മലിനീകരണം തടയൽ ,നിയന്ത്രണം ,വായുവിന്റെ നിലവാരം ഉയർത്തുക എന്നിവയെല്ലാം വ്യവസ്ഥ ചെയ്യുന്നു.വായു മലിനീകരണത്തിന്റെ 60 ശതമാനവും സംഭാവന ചെയ്യുന്നത് വാഹനങ്ങൾ ആണ് .മോട്ടോർ വാഹന നിയമം,1988 വാഹനങ്ങളിൽ നിന്നുള്ള സ്പാർക്ക്,ഓയിൽ ,ശബ്ദം,കരി ഏവ നിയന്ത്രിക്കുന്നു.വാഹനങ്ങല്ക്ക് മലിനീകരണ നിയന്ത്രണ സർട്ടിഫിക്കറ്റ് (Pollution Control certificate ) നല്കുന്നതും ഈ നിയമം അനുസരിച്ചാണ് .ആറു മാസം ആണ് ഒരു സെര്ടിഫികാടിന്റെ കാലാവധി .ഈ സർട്ടിഫിക്കറ്റ് കൈവശം ഇല്ലാത്തവരിൽ നിന്നും പിഴ ഈടാക്കാവുന്നതാണ്.

    ശബ്ദ മലിനീകരണം തടയുന്ന നിയമം

    ശബ്ദ മലിനീകരണം ആണ് മറ്റൊരു പ്രധാന പ്രശ്നം .ശബ്ദ മലിനീകരണം ശാരീരിക മാനസിക ആരോഗ്യ പ്രശ്നങ്ങൾ,ഹൃദയ സംബന്ധ രോഗങ്ങൾ,കേൾവി കുറവ് ,ഉറക്കം ഇല്ലായ്മ ,തലവേദന ,മാനസിക പിരിമുറുക്കം ,ഓര്മ ശക്തി നശിപ്പിക്കൽ തുടങ്ങിയ മാനസിക പ്രശ്നങ്ങൾ ഉണ്ടാക്കുന്നു .Noise Pollution (Regulation and Control )Rule അനുസരിച്ച് നാലു മേഖലകൾ ഉണ്ട് .അവ 1,വ്യാവസായിക മേഖല (75-70 Decibel ) 2, കച്ചവട മേഖല (60-65 Decibel )3.താമസ മേഖല (55-45 Decibel ) 4,നിശബ്ദ മേഖല .എന്നിവയാണ് .നിശബ്ദ മേഖലയിൽ വാഹനങ്ങൾ ഹോണ്‍ മുഴക്കാൻ പാടില്ല .ലൗഡ് സ്പീക്കറിന്റെ ഉപയോഗം രാവിലെ 6 മുതൽ വൈകുന്നേരം 10 വരെയെന്നും ഈ നിയമത്തിൽ വ്യവസ്ഥ ചെയ്തിട്ടുണ്ട് .മതച്ചരങ്ങൾക്ക് ലൗഡ് സ്പീക്കർ അത്യാവശ്യം അല്ലെന്നു ചർച് ഓഫ് ഗോഡ് ഫുൾ ഗൊസ്പെൽ മിഷൻ V മേജസ്റിക് കോളനി വെൽഫൈർ അസോസിയേഷൻ എന്നാ കേസില കോടതി വ്യക്തം ആക്കിയിട്ടുണ്ട് .

    സമുദ്ര തീരങ്ങൾ സംരക്ഷിക്കാനായി അവയെ CRZ ( Coastal Regulation Zone ) ആയി പ്രഖ്യാപിക്കുകയും സമുദ്ര തീരത്ത് പുതിയ വ്യവസായങ്ങൾ തുടങ്ങുന്നതും നിർമ്മാണ പ്രവർത്തനങ്ങൾ നടത്തുകയും മറ്റും തടഞ്ഞിട്ടുണ്ട്.അശാസ്ത്രീയ മത്സ്യ ബന്ധനം മൂലം മത്സ്യസമ്പത്ത് നശിച്ചു ഒടുങ്ങുന്നതു തടയാനായി ട്രോളിംഗ് നിരോധനം ഏർപ്പെടുത്തിയത് പരിസ്ഥിതി സന്തുലിതാവസ്ഥ സംരക്ഷിക്കാം നടത്തുന്ന പ്രവർത്തനങ്ങളിൽ എടുത്തു പറയത്തക്കതാണ്.

    ഇന്ത്യൻ ഭരണഘടനയിൽ ആർട്ടിക്കിൾ 21 ൽ പറയുന്ന ജീവിക്കാനുള്ള അവകാശത്തിൽ പരിസ്ഥിതി സംരക്ഷണത്തിനുള്ള അവകാശങ്ങളും ഉള്പ്പെടുമെന്നു സുപ്രീം കോടതി വ്യക്തമാക്കുക ഉണ്ടായി.M.C ,മേത്ത എന്നാ പ്രമുഖ അഭിഭാഷകൻ ഒരു കൂട്ടം വിധി ന്യായങ്ങളിലൂടെ പരിസ്ഥിതി സംരക്ഷണം ഉറപ്പു വരുത്തിയിട്ടുണ്ട് . ഗംഗ ജല മലിനീകരണ കേസ് ,ശ്രീറാം ഫാക്ടറിയിലെ ഓലിയം ഗ്യാസ് ലീക്ക് കേസ് ഏവ ഇത്തരത്തിൽ പ്രസിദ്ധി ആർജിച്ച വിധി ന്യായങ്ങൾ ആണ്. കേരള ഹൈ കോടതി പൊതു സ്ഥലത്ത് പുകവലി നിരോധിച്ചു കൊണ്ട് നെബു ജോണ്‍ v ബാബു എന്നാ കേസിൽ കേരള ഹൈ കോടതി വിധി പുറപ്പെടുവിച്ചിട്ടുണ്ട് .പരിസ്ഥിതി സംരക്ഷണത്തിൽ തികച്ചും സ്വഗതര്ഹം ആയ ഒരു വിധി ആണിത്.

    ഇന്ത്യൻ ശിക്ഷ നിയമം 277,278 വകുപ്പുകൾ,ക്രിമിനൽ നടപടി നിയമം 133 വകുപ്പ് ഇവ പ്രകാരവും പരിസ്ഥിതി മലിനീകരണം നിയമ

    നടപടികൾക്ക് വിധേയം ആക്കാവുന്നത് ആണ് .ഇന്ത്യൻ ശിക്ഷ നിയമം 277 വകുപ്പനുസരിച്ച് ജലം ഉപയോഗപ്പെടുത്താൻ ആകാത്ത രീതിയിൽ പൊതു ജലാശയങ്ങൾ മലിനപ്പെടുത്തുന്നതിനു 3 മാസം തടവോ 500 രൂപ പിഴയോ രണ്ടും കൂടിയോ ലഭിക്കാവുന്നതാണ് .278 വകുപ്പനുസരിച്ച് സ്ഥലവാസികളുടെ ആരോഗ്യത്തിനു ഹാനികരം ആയ രീതിയിൽ അന്തരീക്ഷ മലിനീകരണം നടത്തുന്നതിനു 500 രൂപ പിഴ ഈടാക്കാവുന്നതാണ്.ക്രിമിനൽ നടപടി നിയമം 133 വകുപ്പനുസരിച്ച് മലിനീകരണം മാറ്റാനായി RDO സമക്ഷം പരാതി ബോധിപ്പിക്കാവുന്നതാണ് .

    അന്താരാഷ്ട്ര തലത്തിൽ പരിസ്ഥിതി നേരിടുന്ന മുഖ്യ പ്രശ്നങ്ങള ഓസോണ്‍ പാളിയിലെ വിള്ളലും ആഗോള താപനവും (Global warming ) ആണ് .ഫ്രിട്ജിലും മറ്റും ഉപയോഗിക്കുന്ന Chloro Fluro Carbon (CFC ) ആണ് ഓസോണ്‍ പാളിയുടെ നാശത്തിനു കാരണം .ആഗോള തപനത്തിന്റെ കാരണം അന്തരീക്ഷത്തിലെ Carbon DI Oxide അളവ് കൂടിയതാണ് .വ്യവസായങ്ങൾ വാൻ തോതിൽ Carbon DI Oxide പുറന്തള്ളുന്നു.ഇത് ഗ്രീൻ ഹൗസ്‌ പ്രതിഭാസത്തിനു കാരണം ആകുന്നു.ആഗോള താപനം മൂലം 2030 ആകുമ്പോഴേക്കും ലോക താപനില 4.5 ഡിഗ്രി സെൽഷിയാസ് വർദ്ധന ഉണ്ടാകും എന്നാണ് പഠനങ്ങൾ വ്യക്തം ആക്കുന്നത് .ഇതു സമുദ്ര നിരപ്പ് ആറടി വരെ വർദ്ധിക്കാൻ ഇടയാകും .ഇതു മൂലം പല പ്രമുഖ നഗരങ്ങളും സമുദ്രത്തിനു അടിയിൽ ആകും .ധ്രുവ പ്രദേശത്തെ മഞ്ഞു ഉരുകുന്ന രീതിയിൽ താപ നില കൂടിയാൽ 300 അടി വരെ സമുദ്ര നിരപ്പ് കൂടാവുന്നതും ഗുരുതരം ആയ പ്രത്യാഘാതങ്ങൾ ഉണ്ടാകവുന്നതും ആണ് .ഇതു ന്യൂയോർക്ക്‌ പോലുള്ള പ്രമുഖ നഗരങ്ങള പോലും വെള്ളത്തിനടിയിൽ ആകാൻ കാരണമാകും .

    ദേശീയ തലത്തിൽ ആയാലും അന്തർദേശിയ തലത്തിൽ ആയാലും നിയമങ്ങൾ കൊണ്ട് മാത്രം പരിസ്ഥിതി സംരക്ഷണം സാധ്യം അല്ല .ജനങ്ങളിൽ പരിസ്ഥിതിയെക്കുറിച്ച് ഒരു അവബോധം ഉണ്ടാക്കുക വഴി മാത്രമേ പരിസ്ഥിതി സംരക്ഷണം സാധ്യം ആകുകയുള്ളൂ .ഭാവി തലമുറയ്ക്കായി പരിസ്ഥിതി സംരക്ഷികേണ്ടത്‌ ഓരോ വ്യക്തിയുടെയും കടമയാണ് .ഗാന്ധിജിയുടെ ഈ പ്രസ്താവന തികച്ചും ഇതു വ്യക്തമാക്കുന്നു

    "The Earth has enough for our need ,but not for every man's greed"

    അവസാനം പരിഷ്കരിച്ചത് : 3/13/2020



    © C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
    English to Hindi Transliterate