നയങ്ങള്‍

ജലശുദ്ധിയുടെ മാനദണ്ഡങ്ങള്‍

സ്രോതസ്: www.cpcb.nic.in

കാലാവസ്ഥ വ്യതിയാനത്തെ സംബന്ധിച്ച ദേശീയ കര്‍മ്മപരിപാടി

കാലാവസ്ഥ വ്യതിയാനത്തെ സംബന്ധിച്ച ദേശീയ കര്‍മ്മപരിപാടി 2008 ജൂണ്‍30-ാം തീയതി ഔപചാരികമായി ആരംഭിച്ചു. (NAPCC) എന്‍.എ.ഡി.സി.സി വികസന ലക്‌ഷ്യങ്ങളെ പ്രോത്സാഹിപ്പിക്കുകയും അതേ സമയം തന്നെ കാലാവസ്ഥ വ്യതിയാന പ്രശ്നങ്ങളെ പരിഹരിക്കുന്നത് സഹായകരവും ആയ പ്രവര്‍ത്തനമേഖലകള്‍ പ്രത്യേകം കണ്ടെത്തുകയാണ്. ഈ ദേശീയ കര്‍മ്മപദ്ധതിയുടെ പരിധിയില്‍ 8 “ദേശീയ ദൗത്യങ്ങളാണ്” നിലവിലുള്ളത്. ഇവയാണ് കര്‍മ്മപരിപാടിയുടെ കാതല്‍. കാലാവസ്ഥ വ്യതിയാനം, അതുമായി ഇണങ്ങിചേരല്‍, പ്രശ്നത്തിന്‍റെ രൂക്ഷത കുറയ്ക്കല്‍, ഊര്‍ജ്ജത്തിന്‍റെ കാര്യക്ഷമതയോടുള്ള ഉപയോഗം, പ്രകൃതി വിഭവങ്ങളുടെ സുസ്ഥിര പരിപാലനം എന്നിവയിലാണ് ഊന്നല്‍.

8 ദൗത്യങ്ങള്‍ ഇവയാണ്:

• ദേശീയ സൗര്യ ദൗത്യം.
• സുസ്ഥിര ആവാസ വ്യവസ്ഥകളെ ദേശീയ ദൗത്യം.
• വര്‍ദ്ധിച്ച ഊര്‍ജ്ജ കാര്യക്ഷമത ദേശീയ ദൗത്യം.
• ദേശീയ ജലദൗത്യം.
• ഹിമാലയന്‍ പരിസ്ഥിതി വ്യവസ്ഥയുടെ സുസ്ഥിരതയ്ക്കുള്ള ദേശീയ ദൗത്യം.
• കാര്‍ഷിക സുസ്ഥിരതയ്ക്കു വേണ്ടിയുള്ള ദേശീയ ദൗത്യം.
• കാലാവസ്ഥ വ്യതിയാന സംബന്ധിച്ച തന്ത്ര പ്രധാന്യമുള്ള അറിവിനു വേണ്ടിയുള്ള ദേശീയദൗത്യം.

ദേശീയ സൗര ദൗത്യം

ദേശീയ സൗരദൗത്യത്തിന് എന്‍.പി.സി.സിയില്‍ മികച്ച പ്രാധാന്യമാണ് നല്‍കിയിട്ടുള്ളത്. നാം ഉപയോഗിക്കുന്ന വിവിധ തരത്തിലുള്ള മൊത്ത ഊര്‍ജ്ജത്തിന്‍റെ പട്ടികയില്‍ സൗരോര്‍ജ്ജത്തിന്‍റെ പങ്ക് വര്‍ദ്ധിപ്പിക്കുക, അതോടൊപ്പം പുനര്‍ലഭ്യതയുള്ള മറ്റ് ഊര്‍ജ്ജസ്രോതസ്സുകളുടെ പങ്കും വര്‍ദ്ധിപ്പിക്കുക എന്നതാണ് ഈ മിഷന്‍റെ ലക്‌ഷ്യം. അന്തരാഷ്ട്ര പങ്കാളിത്തത്തോടെ. ഗവേഷണത്തിന്‍റെയും വികസനത്തിന്‍റേയും പദ്ധതികള്‍ ആരംഭിക്കുക എന്നതും ഒരു ലക്‌ഷ്യമാണ്. ആദായകരവും സൗകര്യപ്രദവും സുസ്ഥിരതയുള്ളതുമായ സോളാര്‍ വൈദ്യുതി സംവിധാനത്തിന്‍റെ സാദ്ധ്യതളായിരിക്കും ഗവേഷണത്തിന്‍റെ മുഖ്യവിഷയം.

2017 ആകുമ്പോഴേക്കും ഫോട്ടോ വോള്‍ട്ടായ്ക്ക് ഉല്പാദനം, കോണ്‍സ്‌ട്രേറ്റിങ്ങ് സോളാര്‍ പവര്‍ ജനറേഷന്‍ എന്നീ വ്യത്യസ്ത സങ്കേതങ്ങള്‍ ഉപയോഗിച്ച് 1000 (പ്രതിവര്‍ഷം) വീതം വൈദ്യുതി ഉല്പാദിപ്പിക്കുക എന്ന ഒരു ലക്‌ഷ്യവും എന്‍.എ.പി.സിഡിക്കുണ്ട്.

വര്‍ദ്ധിച്ച ഊര്‍ജ്ജ കാര്യക്ഷമത.

ഊര്‍ജ്ജ കാര്യക്ഷമത ഉറപ്പുവരുത്താനുള്ള നിരവധി ഉദ്യമങ്ങള്‍ ഇന്‍ഡ്യാ ഗവണ്മെന്‍റ് ഇപ്പോള്‍ തന്നെ കൈക്കൊണ്ടിട്ടുണ്ട്. ഇതിനു പുറമെ എന്‍.എ.പി.സി.സി പ്രത്യേകമായി ഉന്നയിക്കുക പല കാര്യങ്ങളും ഉണ്ട്.

• വന്‍‌തോതില്‍ വൈദ്യുതി ഉപയോഗിക്കുന്ന വ്യവസായശാലകളില്‍ വൈദ്യുതി ഉപഭോഗം പ്രത്യേകം നിര്‍ദ്ദശിക്കുന്ന അളവില്‍ കുറവ് ചെയ്യുന്നതിനുള്ള അനിവാര്യ ശ്രമങ്ങള്‍ അങ്ങനെ മിച്ചം വരുത്തുന്ന വൈദ്യുതി വിപണി സംവിധാനത്തില്‍ ഒരു വില്പന വസ്തുവാക്കി മാറ്റുന്ന അധിക ഊര്‍ജ്ജം/മിച്ച ഊര്‍ജ്ജത്തിനുള്ള സാക്ഷിപത്രം നല്‍കുക.
• ഊര്‍ജ്ജലാഭത്തിന് സഹായകമാകുന്ന ഉപകരണങ്ങള്‍/ഉല്പന്നങ്ങള്‍ കുറഞ്ഞവിലക്ക് ലഭ്യമാക്കുന്നതിനുള്ള പുതുമയുള്ള നടപടികള്‍.
• വരും കാലങ്ങളില്‍ ഊര്‍ജ്ജ ഉപഭോഗം കുറയ്ക്കുന്നതിനു ഉതകുന്ന പദ്ധതികള്‍ പൊതു-സ്വകാര്യ പങ്കാളിത്തത്തിലൂടെ ഏര്‍‌പ്പെടുത്തുക.
• വൈദ്യുതിയുടെ കാര്യക്ഷമതയുള്ള/കുറഞ്ഞ അളവില്‍ ഉപയോഗിക്കാവുന്ന ഉപകരണങ്ങള്‍ക്ക് നികുതി ഇളവുകള്‍ അല്ലെങ്കില്‍ താരതമ്യേന കുറഞ്ഞ നികുതി നിരക്കുകള്‍ ഏര്‍‌പ്പെടുത്തുന്ന പോലെയുള്ള ധനകാര്യനടപടികള്‍ കൈക്കൊള്ളുക.

ആവാസ സുസ്ഥിരതയ്ക്കുള്ള ദേശീയ ദൗത്യം ആവാസ കേന്ദ്രങ്ങളുടെ നിലനില്‍പ്പ്

ഭദ്രമാക്കുന്നതിന് മൂന്ന് വിഭിന്ന സമീപനങ്ങളിലൂടെ ശ്രമിക്കുക എന്നതാണ് ഈ മിഷന്‍റെ ലക്‌ഷ്യം. ഈ മുന്ന് സമീപനങ്ങള്‍:

• മനുഷ്യവാസത്തിനു വാണിജ്യ ആവശ്യങ്ങള്‍ക്കുള്ള കെട്ടിടങ്ങളുടെ ഊര്‍ജ്ജ സംബന്ധമയ കാര്യക്ഷമത വര്‍ദ്ധിപ്പിക്കുക.
• മുനിസിപ്പാലിറ്റികളിലെ ഖര-മാലിന്യത്തിന്‍റെ ശാസ്ത്രീയമായ കൈകാര്യം ചെയ്യല്‍ (MSW)
• നഗരത്തിലെ പൊതുഗതാഗതസൗകര്യം മെച്ചപ്പെടുത്തുക.

ദേശീയ ജല ദൗത്യം

ജലസംരക്ഷണം, വെള്ളത്തിന്‍റെ ദുരുപയോഗം കുറയ്ക്കുക, വെള്ളത്തിന്‍റെ നീതിപുര്‍വ്വകമായ വിതരണം, അതിനാവശ്യമായ സമഗ്രജലവിഭവ മാനേജ്‌മെന്‍റ് ഇവയാണ് ഈ മിഷന്‍റെ ലക്‍‌ഷ്യങ്ങള്‍. വെള്ളത്തിന്‍റെ ഉപയോഗത്തിലുള്ള കാര്യക്ഷമത 20 വര്‍ദ്ധിപ്പിക്കാനുള്ള ഒരു സംവിധാനം രൂപപ്പെടുത്തേണ്ടതുണ്ട്. വൃഷ്ടിയുടെ കാര്യത്തിലും നദികളുടെ പ്രവാഹത്തിലും സംഭവിക്കാറുള്ള വ്യതിയാനങ്ങള്‍ പല പ്രശ്നങ്ങള്‍ക്കും കാരണമാകാറുണ്ട്. ഭൂഗര്‍ഭത്തില്‍ വെള്ളം ശേഖരിക്കുക, മഴവെള്ളം ജലസേചന സംവിധാനങ്ങള്‍ എന്നീ മാര്‍ഗ്ഗങ്ങളിലുടെ പ്രസ്തുത വ്യതിയാനങ്ങളുടെ കെടുതികളെ അതിജിവിക്കാന്‍ കഴിയണം.

ഹിമാലയന്‍ പരിസരവ്യവസ്ഥയുടെ സുസ്ഥിരതയ്ക്കുള്ള ദേശീയ ദൗത്യം.

പരിസരങ്ങളുടെയും വിഭവങ്ങളുടെയും സംരക്ഷണത്തില്‍ പഞ്ചായത്തുകള്‍ ഉള്‍‌പ്പെടെയുള്ള പ്രാദേശിക സമൂഹത്തെ ഉള്‍‌പ്പെടുത്തുകയും അതിനായി ശാക്തീകരിക്കുകയും ആവശ്യമാണ്. ദേശീയ പരിസ്ഥിതി നയം 2006-ല്‍ പരാമര്‍ശിക്കപ്പെടുന്ന താഴെപറയുന്ന നടപടികള്‍ ഊന്നിപറയുന്നു:

• ഭൂമിയുടെ ഉപയോഗം, നീര്‍ത്തട പരിപാലനം ഇവ ഉചിതമായ രീതിയില്‍ ആസൂത്രണം ചെയ്യണം. അതിലൂടെ പര്‍വ്വത പ്രദേശ പരിസരവ്യവസ്ഥയുടെ സുസ്ഥിരത ഉറപ്പുവരുത്തുക.
• പര്‍വ്വത പ്രദേശത്തിന്‍റെ തരളമായ വ്യവസ്ഥയ്ക്കും ഭൂപ്രകൃതിയ്ക്കും തകരാറുകള്‍ ഉണ്ടാകാതെ അല്ലെങ്കില്‍ കുറച്ച് മാത്രം തകരാറുകള്‍ ഉണ്ടാകുന്ന രീതിയില്‍ വേണം അടിസ്ഥാന സൗകര്യങ്ങള്‍ നിര്‍മ്മിക്കുവാന്‍. അതിന് ഉചിതമായ അംഗീകരിക്കപ്പെട്ട രീതികള്‍ സ്വീകരിക്കണം.
• പഴം-പച്ചക്കറികളുടെയും മറ്റ് പരമ്പരാഗത വളകളുടെയും കൃഷി പ്രോത്സാഹിപ്പിക്കണം. ജൈവകൃഷിസമ്പ്രദായത്തിലൂടെ ഉല്പന്നങ്ങള്‍ക്ക് കൂടുതല്‍ മൂല്യം നേടിയെടുക്കാന്‍ കൃഷിക്കാരെ സഹായിക്കണം.
• സുസ്ഥിര വിനോദസഞ്ചാരം വളര്‍ത്തിയെടുക്കണം. അതിനാവശ്യമായ നല്ല ചിട്ടകള്‍ സ്വീകരിക്കണം. മുഴുവന്‍ പ്രാദേശിക തല്പരകക്ഷികള്‍ക്കും പങ്കാളിത്തം നല്‍കി, അവരുടെ ഉപജീവനമാര്‍ഗ്ഗങ്ങളും വിനോദസഞ്ചാര പദ്ധതിയുടെ ഭാഗമായി വികസിപ്പിക്കണം.
• പര്‍വ്വത പരിസര വ്യവസ്ഥിതിക്ക് പീഡനം അനുഭവപ്പെടാത്ത രീതിയില്‍ വേണം വിനോദസഞ്ചാരികളെ പര്‍വ്വത പ്രദേശങ്ങളിലേക്ക് കടത്തിവിടുവാന്‍. ഓരോ പ്രദേശത്തിനും ഉള്‍‌ക്കൊള്ളാവുന്നത്ര ആളുകളെ മാത്രമെ അവിടേയ്ക്ക് പോകാന്‍ അനുവദിക്കാവൂ.
• അതുല്യമായ സൗന്ദര്യമൂല്യങ്ങളുള്ള പ്രത്യേകതകളുള്ള പര്‍വ്വതപ്രദേശങ്ങളുടെ സംരക്ഷണത്തിന് ആവശ്യമായ പരിരക്ഷാതന്ത്രങ്ങള്‍ വികസിപ്പിച്ചെടുക്കണം.

ഹരിത ഭാരതത്തിനു വേണ്ടിയുള്ള ദേശീയദൗത്യം.

പരിസര വ്യവസ്ഥയെ പുഷ്ടിപ്പെടുത്തുക എന്നതാണ് ലക്‌ഷ്യം. അതിന് യോജിച്ച സേവനങ്ങള്‍ ലഭ്യമാക്കണം. കാര്‍ബണ്‍ നിവാണ അതിന് ഒരു ഉദാഹരണമാണ്. ഇതിന്‍റെ പ്രവര്‍ത്തനങ്ങള്‍ പ്രധാനമന്ത്രിയുടെ ഹരിതഭാരത പരിപാടിയുടെ പ്രധാന ഘടകമായ വനപോഷണവുമായി ബന്ധപ്പെട്ടിരിക്കുന്നു. 6 ദശലക്ഷം ഹെക്ടര്‍ സ്ഥലത്ത് പുതിയതായി വൃക്ഷങ്ങള്‍ വളര്‍ത്തുക, മൊത്തം ഭൂപ്രദേശത്തിന്‍റെ 33% വനമേഖലയാക്കുക എന്നിവയാണ് പ്രധാന ഘടകങ്ങള്‍. നശീകരിക്കപ്പെട്ട വനപ്രദേശങ്ങളിലാണ് ഈ പദ്ധതി നടപ്പിലാക്കുക. ഇതിനായി സംസ്ഥാന വനംവകുപ്പുകള്‍ സംയുക്ത മാനേജ്‌മെന്‍റ് സമിതികള്‍ രൂപികരിക്കണം. ഈ സമിതികള്‍, പ്രാദേശിക സമൂഹങ്ങളെ സക്രിയരാക്കി പ്രസ്തുത ലക്‌ഷ്യങ്ങള്‍ നേടാന്‍ ശ്രമിക്കണം.

സുസ്ഥിര കൃഷിക്ക് വേണ്ടിയുള്ള ദേശീയ ദൗത്യം.

കാലാവസ്ഥ വ്യതിയാനത്തിന്‍റെ സാഹചര്യത്തില്‍, ഇന്‍ഡ്യന്‍ കാര്‍ഷിക മേഖലയ്ക്ക് വേണ്ടത്ര കരുത്ത് നല്‍കുക എന്നതാണ് ഈ മിഷന്‍റെ ലക്‌ഷ്യം. ഉഷ്ണാധിക്യത്തെ അതിജീവിക്കാന്‍ കെല്പുള്ള വിളവുകളുടെ ഇനങ്ങള്‍ കണ്ടെത്തുകയും വ്യത്യസ്ത കൃഷി സമ്പ്രദായങ്ങള്‍ നടപ്പിലാക്കുകയും ആവശ്യമായിരിക്കുന്നു. ഈ നടപടികള്‍ക്ക് സമ്പൂര്‍ണ്ണ പിന്‍തുണ നല്‍‌കേണ്ടതാണ്. പരമ്പരാഗത അറിവുകളും പ്രായോഗിക സംവിധാനങ്ങളും ഉപയോഗപ്പെടുത്തുക, വിവര സാങ്കേതിക വിദ്യയുടെയും ജൈവസാങ്കേതിക വിദ്യയുടെയും സഹായം ലഭ്യമാക്കുക, വായ്പ, ഇന്‍ഷ്വറന്‍സ് എന്നീ സേവനങ്ങള്‍ കര്‍ഷകര്‍ക്ക് എത്തിച്ചു കൊടുക്കുക എന്നിവയാണ് ശാക്തീകരണ നടപടികള്‍.

കാലാവസ്ഥ വ്യതിയാനത്തിന്‍റെ വെല്ലുവിളികള്‍ നേരിടാന്‍ തന്ത്രപ്രധാനമായ അറിവ് സ്വരൂപിക്കാന്‍ ദേശീയ ദൗത്യം.

ഗവേഷണം, സാങ്കേതിക വിദ്യയുടെ വികസനം, എന്നിവയ്ക്കു വേണ്ടി ആഗോള സമൂഹവുമായി ചേര്‍ന്ന് കൂട്ടായ്മയോടെയുള്ള പ്രവര്‍ത്തനങ്ങളാണ് ഈ മിഷന്‍ ലക്‌ഷ്യമിടുന്നത്. അതിനാവശ്യമായ എല്ലാ മാര്‍ഗ്ഗങ്ങളും അവലംബിക്കും. അതിനു പുറമെ രാജ്യത്തിന് സ്വതന്ത്രമായ ഗവേഷണ പരിപാടികളും ഉണ്ടായിരിക്കും. കാലാവസ്ഥ വ്യതിയാന പഠനങ്ങള്‍ക്കു വേണ്ടി സ്വയം മാറ്റി വയ്ക്കപ്പെട്ടിട്ടുള്ള സ്ഥാപനങ്ങളും സര്‍വ്വശാലകളുമായി നെറ്റ്വര്‍ക്ക് അടിസ്ഥാനത്തില്‍ ഗവേഷണത്തെ പോഷിപ്പിക്കുന്നതാണ്. കാലാവസ്ഥ ഗവേഷണ ഫണ്ട് (Climate Research Fund) പ്രയോജനപ്പെടുത്തുക. കാലാവസ്ഥ വ്യതിയാനത്തിന്‍റെ ദൂഷ്യഫലങ്ങളെ ലഘൂകരിക്കുന്നതിനും, അവയുമായി ഇണങ്ങി ചേരുന്നതിന് സഹായിക്കുന്ന നൂതന സംരംഭങ്ങള്‍ ആവിഷ്ക്കരിക്കാന്‍ സ്വകാര്യമേഖലയെയും പ്രയോജനപ്പെടുത്തും.

ദൗത്യങ്ങളുടെ പ്രവര്‍ത്തനം.

ഈ 8 ദേശീയ ദൗത്യങ്ങള്‍ക്കും അതാത് മന്ത്രാലയങ്ങള്‍ അംഗീകൃത സ്ഥാപനങ്ങളുടെ രൂപം നല്‍കണം. വിവിധ മേഖലകളുമായി യോജിച്ചു പ്രവര്‍ത്തിക്കുന്ന ഗ്രൂപ്പുകള്‍ രൂപികരിക്കുകയും ധനമന്ത്രാലയം, ആസൂത്രണ കമ്മീഷന്‍, വ്യവസായ മേഖലയിലെ വിദഗ്ദര്‍, വിഷയങ്ങള്‍ പ്രാവീണ്യമുള്ളവര്‍, പൗര സമൂഹം തുടങ്ങിയവരും മന്ത്രാലയവും ചേര്‍ന്ന് പ്രവര്‍ത്തിക്കാവുന്ന വേദി രൂപികരിക്കണം.

National Action Plan on Climate change

സ്രോതസ്: http://pmindia.nic.in

ദേശീയ പരിസ്ഥിതി നയം – 2006

• നയങ്ങളില്‍ അധിഷ്ഠിതമാണ്. (ഉദാഹരണം: ദേശീയവനനയം, 1988, പരിസ്ഥിതിയെയും വികസനത്തെയും സംബന്ധിച്ച ദേശീയ പരിപാലന തന്ത്രവും നയ പ്രസ്താവനയും 1992,അന്തരീക്ഷ മലിനീകരണ ലഘുകരണ നയപ്സ്താവന, 1992, ദേശീയ കാര്‍ഷിയ നയം, 2000, ദേശീയജനസംഖ്യാനയം – 2000 ദേശീയ ജലനയം-2002 തുടങ്ങിയവ).
• ഇത് പ്രവര്‍ത്തനത്തിനുള്ള ഒരു മാര്‍ഗ്ഗ നിര്‍‌ദ്ദേശമാണ്. നിയന്ത്രസ്വഭാവമുള്ളതാണ്, പരിസ്ഥിതിയുടെ നിലനില്‍പ്പില്‍ ഊന്നിയുള്ള പദ്ധതികളാണ്. കേന്ദ്ര-സംസ്ഥാന-പ്രാദേശിക ഭരണകൂടങ്ങളുടെ നിയമനിര്‍മ്മാണ പ്രവര്‍ത്തനങ്ങളുടെ അവലോകനമാണ്.
• നയത്തിന്‍രെ സര്‍വ്വ പ്രധാനമായ പ്രമേയം പാരിസ്ഥിതിക വിഭവങ്ങളുടെ പരിപോഷണം ഉപജീവന പദ്ധതികളുടെയും ക്ഷേമത്തിന്‍റെയും അടിസ്ഥാനമാണെന്നും, വിഭവങ്ങളുടെ പരിപാലനം നിലനില്‍പ്പുമാണ്. വിഭവങ്ങളുടെ നശീകരണമല്ല. ആശ്രിത ജവവീഭാഗങ്ങളുടെ ഉപജീവന പദ്ധതികള്‍ക്ക് ഉറപ്പ് നല്‍കുന്നത് എന്നതും ആണ്.
• വിഭിന്ന തല്പരകക്ഷികളുടെ പങ്കാളിത്തെ ഉത്തേജിപ്പിക്കുകയാണ് നയത്തിന്‍റെ ലക്‌ഷ്യം. തല്പരകക്ഷികളില്‍, പൊതു സ്ഥാപനങ്ങള്‍, പ്രാദേശിക സമൂഹം, പണ്ഡിതന്‍മാരും ശാസ്ത്രജ്ഞന്‍മാരും അവരുടെ സ്ഥാപനങ്ങളും, ധനനിക്ഷേപം ചെയ്തിട്ടുള്ളവര്‍ അന്തര്‍‌ദേശീയ വികസന ഏജന്‍സികള്‍ ഇവരെല്ലാം ഉള്‍‌പ്പെടുന്നു. ഈ വിശാല സമൂഹത്തിന്‍റെ വിഭവങ്ങളും പ്രത്യേക ശക്തികളും പരിസ്ഥിതിയുടെ പരിപാലനത്തിനായി സമാഹരിക്കാന്‍ നമുക്ക് കഴിയണം.

The National Environment Policy 2006

പരിസ്ഥിതിയുടെ അവസ്ഥയെക്കുറിച്ചുള്ള റിപ്പോര്‍ട്ട്

പരിസ്ഥിതിയെ സംബന്ധിച്ച് ഇന്‍ഡ്യയില്‍ ഇപ്പോള്‍ പ്രകടമാക്കുന്ന ദൃശ്യത്തിന്‍റെ വീഹഗ വീക്ഷണമാണ് പരിസ്ഥിതി റിപ്പോര്‍ട്ട്. ഇതിനെ ഒരു അടിസ്ഥാന രേഖയായി കണക്കാക്കാം. ഈ രേഖയെ അധീകരിച്ച്, വിവരാധിഷ്ഠിതവും യുക്തിസഹവുമായ തീരുമാനങ്ങളില്‍ എത്തിച്ചേരാന്‍ കഴിയും. SoE റിപ്പോര്‍ട്ട് എന്ന് ചുരുക്കി പറയാം.

ഈ റിപ്പോര്‍ട്ടില്‍ നിന്നും നയപരമായ മാര്‍ഗ്ഗനിര്‍‌ദ്ദേശങ്ങള്‍ ലഭിക്കും. വരുന്ന ദശാബ്ദങ്ങളില്‍ വിഭവങ്ങള്‍ വകയിരുത്താനുള്ള തന്ത്രങ്ങള്‍ ലഭ്യമാകുന്നു. പരിസ്ഥിതി സംബന്ധിച്ച യഥാര്‍ത്ഥ അവസ്ഥയും പ്രവണതകളും വിശകലനം ചെയ്ത് മുന്നേറാനും ദേശീയ പരിസ്ഥിതിക്കുള്ള കര്‍മ്മപദ്ധതി ആസുത്രണം ചെയ്യാനുളള SoE സഹായകരമാകുന്നു.

ഈ റിപ്പോര്‍ട്ട് ഇന്‍ഡ്യയിലെ പരിസ്ഥിതിയുടെ അവസ്ഥയും പ്രവണതകളും (ഭൂമി, വായു, ജലം, ജൈവവൈവിധ്യം ഈ വിഷയങ്ങളെ ഉള്‍‌ക്കൊണ്ടു കൊണ്ട്) അനാവരണം ചെയ്യുന്നു. കൂടാതെ കാലാവസ്ഥ വ്യതിയാനം, ഭക്‌ഷ്യസുരക്ഷ, ജല സുരക്ഷ, ഊര്‍ജ്ജ സുരക്ഷ, നഗരവല്‍ക്കരണ പ്രശ്നങ്ങളെ നേരിടല്‍ എന്നീ 5 പ്രശ്നമേഖലകളെ പ്രതിപാദിക്കുന്നു.

പരിസ്ഥിതി, പ്രകൃതി വിഭവങ്ങള്‍, പരിസ്ഥിതി വ്യതിയാനങ്ങളില്‍ നിന്നും ഉണ്ടാകുന്ന പരിണിതഫലങ്ങള്‍ ഇവയുടെ നിജസ്ഥിതിയും അവയെ സംബന്ധിച്ച മുന്‍ഗണനാ ക്രമവും അടുത്തറിയാന്‍ ഈ റിപ്പോര്‍ട്ട് സഹായകരമാകും. പരിസ്ഥിതിക്ക് കൂടുതല്‍ തകര്‍ച്ചയും ആഘാതവും ഉണ്ടാകാതിരിക്കാന്‍ നിരീക്ഷണങ്ങളും നിയന്ത്രണങ്ങളും ആവശ്യമാണ്. ഇതിന്‍റെ അടിസ്ഥാനത്തില്‍ ഗവണ്മെന്‍റ് വര്‍ത്തമാനം-ഭാവികാലങ്ങളിലേക്ക് ഉതകുന്ന നയപരിപാടികള്‍ രൂപപ്പെടുത്തേണ്ടത് എപ്രകാരമെന്ന വിലയിരുത്തലും ഈ റിപ്പോര്‍ട്ടില്‍ നമുക്ക് കാണാന്‍ കഴിയും.

2009-ലെ പരിസ്ഥിതി റിപ്പോര്‍ട്ടിലെ മുഖ്യ വസ്തുതകള്‍.

State of Environment Report 2009

സ്രോതസ്: http://moef.nic.in/index.php