സ്കൂള്‍ തലത്തിലുള്ള വിദ്യാഭ്യാസം

പത്താം ക്ലാസ് ജയിക്കാത്തവര്‍ക്കായി

ഐ.ടി.ഐ./ കെ.ജി.ടി.ഇ./ എ.ഇ.പി.സി.

ഐ.ടി.ഐ/ ഐ.ടി.സി/ എ.ഇ.പി.സി.

മോട്ടോര്‍വാഹനങ്ങളുടെ മെക്കാനിക്, വയര്‍മാന്‍, കൃഷി ഉപകരണങ്ങളുടെ മെക്കാനിക്, പെയിന്‍റര്‍ (രണ്ടു വര്‍ഷം), ഫൗണ്‍ഡ്രിമാന്‍(ലോഹപണിക്കാരന്‍), പ്ലംബര്‍, അപ്ഹോള്‍സ്റ്റര്‍, ട്രാക്ടര്‍ മെക്കാനിക്(ഒരു വര്‍ഷം)

എസ്.എസ്.എല്‍.സി. തോറ്റവര്‍ക്കും ജയിച്ചവര്‍ക്കും അപേക്ഷിക്കാവുന്ന ഈ തൊഴിലധിഷ്ഠിത കോഴ്സുകള്‍ സര്‍ക്കാര്‍ സ്വകാര്യ മേഖലകളിലുള്ള ഐ.ടി.ഐ./ ഐ.ടി.സി. കളിലാണ് നടത്തിവരുന്നത്. സാങ്കേതികരംഗത്തും വ്യവസായിക മേഖലയിലുമായി നാട്ടിലും വിദേശത്തും ധാരാളം തൊഴിലവസരങ്ങള്‍ നല്‍കുന്ന കോഴ്സുകളാണിത്. ഗാര്‍ഹിക മേഖലയിലെ വൈദ്യുത വിതരണം സംബന്ധിച്ച ജോലികള്‍, കൃഷി ഉപകരണങ്ങള്‍ നന്നാക്കല്‍, വീടുകളിലെയും മറ്റുപകരണങ്ങളുടെയും പെയിന്‍റിംഗ്, ലോഹപ്പണി, പ്ലംബിംഗ്, ഗാര്‍ഹിക ആവശ്യത്തിനും വാഹനങ്ങള്‍ക്കും ഉള്ള ഇരിപ്പിട സജ്ജീകരണങ്ങള്‍, ട്രാക്ടര്‍ നന്നാക്കല്‍ തുടങ്ങി സാങ്കേതിക രംഗവുമായി ബന്ധപ്പെട്ട നിരവധി കോഴ്സുകള്‍ ഇവിടെയുണ്ട്.

എഞ്ചിനീയറിംഗ് ഏകവത്സര നോണ്‍മെട്രിക്

ഈ വിഭാഗത്തില്‍ ഫൗണ്ടറിമാന്‍, പ്ലംബര്‍, അപ്ഹോള്‍സ്റ്റര്‍, ട്രാക്ടര്‍ മെക്കാനിക് എന്നീ കോഴ്സുകളാണുള്ളത്. മെരിറ്റ് അടിസ്ഥാനത്തിലാണ് പ്രവേശനം. പ്രായപരിധി 14 നും 25 നും മധ്യേ. വിമുക്ത ഭടന്‍മാര്‍ക്ക് 15 വര്‍ഷവും പട്ടിക ജാതി പട്ടിക വര്‍ഗക്കാര്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശപ്രകാരമുള്ള സീറ്റുസംവരണമുണ്ട്. ജൂണ്‍- ജൂലൈ ആണ് പ്രവേശന സമയം.

എഞ്ചിനീയറിംഗ് ദ്വിവത്സര നോണ്‍ മെട്രിക്

ഈ വിഭാഗത്തില്‍ മോട്ടോര്‍ വെഹിക്കിള്‍ മെക്കാനിക്, വയര്‍മാന്‍, അഗ്രിക്കള്‍ച്ചര്‍ മെഷിനറി മെക്കാനിക്, പെയിന്‍റര്‍ ജനറല്‍ എന്നീ സര്‍ട്ടിഫിക്കറ്റ് കോഴ്സുകളാണുള്ളത്. മെരിറ്റ് അടിസ്ഥാനത്തിലാണ് പ്രവേശനം. പ്രായപരിധി 14 നും 25 വയസ്സിനും മധ്യേ. വിമുക്ത ഭടന്‍മാര്‍ക്ക് 15 വര്‍ഷവും പട്ടിക ജാതി പട്ടിക വര്‍ഗക്കാര്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശപ്രകാരമുള്ള സീറ്റുസംവരണമുണ്ട്. ജൂണ്‍- ജൂലൈ ആണ് പ്രവേശന സമയം

എ.ഇ.പി.സി. കോഴ്സുകള്‍ (പത്താം ക്ലാസ് ജയിക്കാത്തവര്‍ക്കായി)

കേന്ദ്ര ടെക്സ്റ്റൈല്‍ മന്ത്രാലയത്തിന്‍റെ കീഴിലുള്ള അപ്പാരല്‍ എക്സ്പോര്‍ട്ട് പ്രൊമോഷന്‍ കൗണ്‍സില്‍(എ.ഇ.പി.സി.) വസ്ത്രനിര്‍മ്മാണ രംഗത്തെ തൊഴിലാളികളെ പരീശീലിപ്പിക്കുന്നതിനും അവരുടെ കഴിവുകള്‍ മെച്ചപ്പെടുത്തുന്നതിനായി 1991-ല്‍ ന്യൂഡല്‍ഹി കേന്ദ്രമാക്കി അപ്പാരല്‍ ട്രെയിനിംഗ് ഡിസൈന്‍ സെന്‍റര്‍(എ.റ്റി.ഡി.സി.) എന്ന സ്ഥാപനം ആരംഭിച്ചു. ഇന്ത്യയുടെ വിവിധ നഗരങ്ങളില്‍ എ.റ്റി.ഡി.സിയുടെ പരീശീലന കേന്ദ്രങ്ങള്‍ പ്രവര്‍ത്തിക്കുന്നു. കേരളത്തിലെ കേന്ദ്രം തിരുവനന്തപുരത്തെ കിന്‍ഫ്ര അപ്പാരല്‍ പാര്‍ക്കിലാണ്. പത്താം ക്ലാസ് ജയിക്കാത്തവര്‍ക്കായി. എ.റ്റി.ഡി.സി. സ്വീയിംഗ് മെഷിന്‍ ഓപ്പറേറ്റര്‍ കോഴ്സ് നടത്തുന്നു. വന്‍കിട  ടെക്സ്റ്റൈല്‍ വ്യവസായങ്ങളില്‍ ഉപയോഗിക്കുന്ന ഇലക്ട്രിക് കമ്പ്യൂട്ടര്‍വല്‍കൃത തയ്യല്‍ മെഷിനുകള്‍ ഉപയോഗിക്കുന്നതിനാണ് ഈ കോഴ്സിലൂടെ പരീശീലനം നല്‍കുന്നത്.

ഈ കോഴ്സ് ജയിക്കുന്നവര്‍ക്ക് വന്‍കിട ഗാര്‍മെന്‍റ് ഫാക്ടറികളില്‍ തൊഴില്‍ ലഭിക്കും. മുന്നു മാസമാണ് കോഴ്സിന്‍റെ കാലാവധി. 2500 രൂപയാണ് ഫീസ്. പ്രവേശനം മെരിറ്റ് അടിസ്ഥാനത്തിലാണ്.

കെ.ജി.ടി.ഇ./ കെ.ജി.സി.ഇ.

സാങ്കേതിക വിദ്യാഭ്യാസ വകുപ്പിന്‍റെ അംഗീകാരത്തോടെ നടത്തുന്ന കെ.ജി.ടി.ഇ., കെ.ജി.സി.ഇ. കോഴ്സുകള്‍ സര്‍ക്കാര്‍ സ്വകാര്യ മേഖലയില്‍ ഉള്ള ജോലിക്കു മാത്രമല്ല സ്വയംതൊഴില്‍ കണ്ടെത്താനും സഹായിക്കുന്നു. എസ്.എസ്.എല്‍.സി. തോറ്റവര്‍ക്കും ജയിച്ചവര്‍ക്കും ഈ തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം. ചിത്രരചന, ബുക്ക് ബൈന്‍ഡിംഗ്, തയ്യല്‍, അലങ്കാരത്തയ്യല്‍, കളിമണ്‍ ശില്പ നിര്‍മ്മാണം, എന്‍ഗ്രേവിംഗ് തുടങ്ങിയ ശാസ്ത്രേതര വിഷയങ്ങളും സാങ്കേതിക മേഖലയില്‍ അനുബന്ധ  തൊഴിലുകള്‍ക്ക് അവസരം ഒരുക്കുന്ന എഞ്ചിനീയറിംഗ് വിഷയങ്ങളും ഇവിടെ പഠിപ്പിക്കുന്നു. സ്വകാര്യ സാങ്കേതിക വിദ്യാഭ്യാസ സ്ഥാപനങ്ങള്‍ വഴിയായിരിക്കും പരിശീലനം. സാങ്കേതിക വിദ്യാഭ്യാസ വകുപ്പിന്‍റെ പരീക്ഷാ ബോര്‍ഡാണ് (കെ.ജി.ടി.ഇ.) പരീക്ഷനടത്തി സര്‍ട്ടിഫിക്കറ്റ് നല്‍കുന്നത്.

കെ.ജി.ടി.ഇ.

ഏഴാംക്ലാസ്സ് ജയിച്ചവര്‍ക്ക്

ഈ വിഭാഗത്തില്‍ ഡ്രോയിംഗ് ആന്‍ഡ് പെയിന്‍റിംഗ് (രണ്ടു വര്‍ഷം), ബുക്ക് ബൈന്‍ഡിംഗ്(ഒരു  വര്‍ഷം), ടെയ്ലറിംഗ് (ടെയ്ലറിംഗ്, എംബ്രോയ്ഡറി, നീഡില്‍വര്‍ക്ക്) (രണ്ട് വര്‍ഷം), സര്‍ട്ടിഫിക്കറ്റ് കോഴ്സുകളാണുള്ളത്. മെരിറ്റ് അടിസ്ഥാനത്തിലാണ് പ്രവേശനം. ടെയ്ലറിംഗിന് പ്രായപരിധി 14 നും 25 നും മധ്യേ. ഐ.ടി.സി.കള്‍ വഴിയായിരിക്കും പരിശീലനം നടത്തുക.

എട്ടാംക്ലാസ്സ് ജയിച്ചവര്‍ക്ക്

ഈ വിഭാഗത്തില്‍ ഫ്രീഹാന്‍റ് ഔട്ട്ലൈന്‍ ആന്‍ഡ് മോഡേണ്‍ ഡ്രോയിംഗ്, ജ്യോമട്രിക്കല്‍ ഡ്രോയിംഗ്, ഡിസൈന്‍, പെയിന്‍റിംഗ്, ക്ലേമോഡലിംഗ്, എന്‍ഗ്രേവിംഗ് എന്നീ സര്‍ട്ടിഫിക്കറ്റ് കോഴ്സുകളാണ് ഉള്ളത്. മെരിറ്റ് അടിസ്ഥാനത്തിലാണ് പ്രവേശനം. പ്രായപരിധി കുറഞ്ഞത് 13 വയസ്സ്. അംഗീകൃത ചിത്രകലാ വിദ്യാലയങ്ങള്‍ വഴിയാണ് പരിശീലനം.

കെ.ജി.സി.ഇ.

പത്താം ക്ലാസ്സ് വരെ പഠിച്ചവര്‍ക്ക്

ഈ വിഭാഗത്തില്‍ സിവില്‍, മെക്കാനിക്കല്‍, ഇലക്ട്രിക്കല്‍, ഓട്ടോമൊബൈല്‍, റഫ്രിജറേഷന്‍ ആന്‍ഡ് എയര്‍ കണ്ടീഷനിംഗ്, ഇലക്ട്രോണിക്സ് ആന്‍ഡ് കമ്മ്യൂണിക്കേഷന്‍, റേഡിയോ ആന്‍ഡ് ടെലിവിഷന്‍ എഞ്ചിനീയറിംഗ് എന്നീ സര്‍ട്ടിഫിക്കറ്റ് കോഴ്സുകളാണ് ഉള്ളത്. മെരിറ്റ് അടിസ്ഥാനത്തിലാണ് പ്രവേശനം. പ്രായപരിധി 14 നും 25 നും മധ്യേ. സാങ്കേതിക വിദ്യാഭ്യാസ വകുപ്പിന്‍റെ അംഗീകാരമുള്ള സ്ഥാപനങ്ങള്‍ വഴിയാണ് പരിശീലനം.  പ്രവേശന സമയം- ജൂണ്‍.

പത്താം ക്ലാസ് ജയിച്ചവര്‍ക്കുള്ള കോഴ്സുകള്‍

ഐ.ടി.ഐ./ കെ.ജി.ടി.ഇ./ എ.ഇ.പി.സി.

സംസ്ഥാനത്തെ വിവിധ ഐ.ടി.ഐകള്‍ പത്താംതരം ജയിച്ചവര്‍ക്കായി സാങ്കേതിക-സാങ്കേതികേതര മേഖലകളില്‍ വിവിധ തൊഴിലധിഷ്ഠിത കോഴ്സുകള്‍ നടത്തിവരുന്നു. സര്‍ക്കാര്‍ സ്വകാര്യ മേഖലകളിലും വിദേശത്തും നല്ല ശമ്പളത്തില്‍ ജോലി നേടാന്‍ ഈ തൊഴിലധിഷ്ഠിതപഠനങ്ങള്‍ സഹായിക്കുന്നു. സാങ്കേതിക മേഖലയില്‍ 26 കോഴ്സുകളും സാങ്കേതികേതര രംഗത്ത് അഞ്ച് കോഴ്സുകളുമാണ് ഇപ്പോള്‍ നടത്തി വരുന്നത്.

എസ്.എസ്.എല്‍.സി. യോഗ്യതയുള്ളവര്‍ക്ക് ഐ.ടി.ഐ. യില്‍ വിവിധ സര്‍ട്ടിഫിക്കറ്റ് കോഴ്സുകളിലേയ്ക്ക് അപേക്ഷിക്കാം. എഞ്ചിനീയറിംഗ് ഏക വത്സര മെട്രിക്, എഞ്ചിനീയറിംഗ് ദ്വിവത്സര മെട്രിക്, എഞ്ചിനീയറിംഗ് ത്രിവത്സര മെട്രിക്, നോണ്‍ എഞ്ചിനീയറിംഗ് ഏകവത്സര മെട്രിക് തുടങ്ങിയവയാണ് കോഴ്സുകള്‍.

എഞ്ചിനീയറിംഗ് ഏകവത്സര മെട്രിക്

ഈ വിഭാഗത്തില്‍ മെക്കാനിക്, ഫോര്‍ജര്‍ ആന്‍ഡ് ഹീറ്റ് ട്രീറ്റര്‍, പ്ലാസ്റ്റിക് പ്രൊസസ്സിംഗ് ഓപ്പറേറ്റര്‍, ഷീറ്റ് മെറ്റല്‍ വര്‍ക്കര്‍, വെല്‍ഡര്‍, കാര്‍പെന്‍റര്‍ തുടങ്ങിയ കോഴ്സുകളാണ് ഉള്ളത്. എസ്.എസ്.എല്‍.സിക്ക് ഇംഗ്ലീഷ്, കണക്ക്, സയന്‍സ് എന്നീ വിഷയങ്ങള്‍ക്ക് ലഭിക്കുന്ന മാര്‍ക്കിന്‍റെ അടിസ്ഥാനത്തിലായിരിക്കും പ്രവേശനം. പ്രായപരിധി 14 നും 25 നും മദ്ധ്യേ. വിമുക്ത ഭടന്‍മാര്‍ക്ക് 15 വര്‍ഷവും പട്ടിക ജാതി പട്ടിക വര്‍ഗക്കാര്‍ക്ക് അഞ്ച ് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശപ്രകാരമുള്ള സീറ്റുസംവരണമുണ്ട്. പ്രവേശന സമയം ജൂണ്‍- ജൂലൈ.

എഞ്ചിനീയറിംഗ് ദ്വിവത്സര മെട്രിക്

ഈ വിഭാഗത്തില്‍ ഡ്രാഫ്റ്റ്സ്മാന്‍(സിവില്‍, മെക്കാനിക്ക്), സര്‍വെയര്‍, ഇലക്ട്രീഷ്യന്‍, റേഡിയോ ആന്‍ഡ് ടി.വി. മെക്കാനിക്, ഇലക്ട്രോണിക്സ് മെക്കാനിക്ക്, ഇന്‍സ്ട്രുമെന്‍റ് മെക്കാനിക്ക്, റഫ്രിജറേഷന്‍ ആന്‍ഡ് എ.സി. മെക്കാനിക്ക്, വാച്ച് ആന്‍ഡ് ക്ലോക്ക് മെക്കാനിക്ക്, ഫിറ്റര്‍, ടര്‍ണര്‍, മില്‍റൈറ്റ് മെക്കാനിക്ക്, മെഷിനിസ്റ്റ് തുടങ്ങിയ കോഴ്സുകളാണ് ഉള്ളത്. എസ്.എസ്.എല്‍.സിക്ക് ഇംഗ്ലീഷ്, കണക്ക്, സയന്‍സ് എന്നീ വിഷയങ്ങള്‍ക്ക് ലഭിക്കുന്ന മാര്‍ക്കിന്‍റെ അടിസ്ഥാനത്തിലായിരിക്കും പ്രവേശനം. പ്രായപരിധി 14 നും 25 നും മദ്ധ്യേ. വിമുക്ത ഭടന്‍മാര്‍ക്ക് 15 വര്‍ഷവും പട്ടിക ജാതി പട്ടിക വര്‍ഗക്കാര്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശപ്രകാരമുള്ള സീറ്റുസംവരണമുണ്ട്. പ്രവേശന സമയം ജൂണ്‍- ജൂലൈ.

എഞ്ചിനീയറിംഗ് ത്രിവത്സര മെട്രിക്ക്

ഈ വിഭാഗത്തില്‍ ടൂള്‍ ആന്‍ഡ് ഡൈമേക്കര്‍ (ജിഗ്സ് ആന്‍ഡ് ഫിക്ചേര്‍സ്), ടുള്‍ ആന്‍ഡ് ഡൈമേക്കര്‍ (ടൈസ് ആന്‍ഡ് മോള്‍ഡ്സ്) എന്നീ കോഴ്സുകളാണുള്ളത്. എസ്.എസ്.എല്‍.സിക്ക് ഇംഗ്ലീഷ്, കണക്ക്, സയന്‍സ് എന്നീ വിഷയങ്ങള്‍ക്ക് ലഭിക്കുന്ന മാര്‍ക്കിന്‍റെ അടിസ്ഥാനത്തിലായിരിക്കും പ്രവേശനം. പ്രായപരിധി 14 നും 25 നും മദ്ധ്യേ. വിമുക്ത ഭടന്‍മാര്‍ക്ക് 15 വര്‍ഷവും പട്ടിക ജാതി പട്ടിക വര്‍ഗക്കാര്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശപ്രകാരമുള്ള സീറ്റുസംവരണമുണ്ട്. പ്രവേശന സമയം ജൂണ്‍- ജൂലൈ.

നോണ്‍ എഞ്ചിനീയറിംഗ് ഏകവത്സര മെട്രിക്

ഈ വിഭാഗത്തില്‍ സ്റ്റെനോഗ്രാഫര്‍ (ഇംഗ്ലീഷ്, ഹിന്ദി) സെക്രട്ടേറിയല്‍ പ്രാക്ടീസ്, ഡ്രസ്സ് മേക്കിംഗ്, ഹെയര്‍ ആന്‍ഡ് സ്കിന്‍ കെയര്‍ എന്നീ കോഴ്സുകളാണ് ഉള്ളത്. എസ്.എസ്.എല്‍.സിക്ക് ഇംഗ്ലീഷ്, കണക്ക്, സയന്‍സ് എന്നീ വിഷയങ്ങള്‍ക്ക് ലഭിക്കുന്ന മാര്‍ക്കിന്‍റെ അടിസ്ഥാനത്തിലായിരിക്കും പ്രവേശനം. പ്രായപരിധി 14 നും 25 നും മദ്ധ്യേ. വിമുക്ത ഭടന്‍മാര്‍ക്ക് 15 വര്‍ഷവും പട്ടിക ജാതി പട്ടിക വര്‍ഗക്കാര്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശപ്രകാരമുള്ള സീറ്റുസംവരണമുണ്ട്. പ്രവേശന സമയം ജൂണ്‍- ജൂലൈ.

എ.ഇ.പി.സി. കോഴ്സുകള്‍ (പത്താം ക്ലാസ് ജയിച്ചവര്‍ക്കായി)

കേന്ദ്ര ടെക്സ്റ്റൈല്‍ മന്ത്രാലയത്തിന്‍റെ കീഴിലുള്ള അപ്പാരല്‍ എക്സ്പോര്‍ട്ട് പ്രൊമോഷന്‍ കൗണ്‍സില്‍(എ.ഇ.പി.സി.)വസ്ത്രനിര്‍മ്മാണ രംഗത്തെ തൊഴിലാളികളെ പരീശീലിപ്പിക്കുന്നതിനും അവരുടെ കഴിവുകള്‍ മെച്ചപ്പെടുത്തുന്നതിനായി 1991-ല്‍ ന്യൂഡല്‍ഹി കേന്ദ്രമാക്കി അപ്പാരല്‍ ട്രെയിനിംഗ് ഡിസൈന്‍ സെന്‍റര്‍(എ.റ്റി.ഡി.സി.) എന്ന സ്ഥാപനം ആരംഭിച്ചു. ഇന്ത്യയുടെ വിവിധ നഗരങ്ങളില്‍ എ.റ്റി.ഡി.സിയുടെ പരീശീലന കേന്ദ്രങ്ങള്‍ പ്രവര്‍ത്തിക്കുന്നു. കേരളത്തിലെ കേന്ദ്രം തിരുവനന്തപുരത്തെ കിന്‍ഫ്ര അപ്പാരല്‍ പാര്‍ക്കിലാണ്.

പാറ്റേണ്‍ കട്ടിംഗ് മാസ്റ്റര്‍ കോഴ്സ്

കയറ്റുമതി ലക്ഷ്യം വെച്ചുള്ള വസ്ത്രനിര്‍മ്മാണത്തിന് ആവശ്യമായ സാങ്കേതിക വൈദഗ്ദ്ധ്യം ഈ കോഴ്സ് നല്‍കുന്നു. ആറുമാസമാണ്  കോഴ്സിന്‍റെ കാലാവധി. വസ്ത്രങ്ങളുടെ പാറ്റേണുകളുടെ നിര്‍മ്മാണം, തരംതിരിക്കല്‍, കട്ടിംഗ് എന്നി മേഖലകളിലാണ് പരിശീലനം നല്‍കുന്നത്. കോഴ്സിന്‍റെ അവസാനം വ്യവസായിക മേഖലയില്‍ രണ്ടാഴ്ചത്തെ പ്രയോഗിക പരിശീലനം നലകുന്നു. കോഴ്സ് പൂര്‍ത്തിയാക്കുന്നവര്‍ക്ക് പാറ്റേണ്‍ മാസ്റ്റര്‍, അസിസ്റ്റന്‍റ് പാറ്റേണ്‍ മാസ്റ്റര്‍, ക്വാളിറ്റി കണ്‍ട്രോളര്‍ എന്നീ തസ്തീകളില്‍ വന്‍കിട വസ്ത്രനിര്‍മ്മാണ യൂണിറ്റുകളില്‍ ജോലി ലഭിക്കും. 14,000 രൂപയാണ് ഫീസ്. ഇത് രണ്ട് ഗഡുക്കളായി നല്‍കിയാല്‍ മതിയാകും.

മെഷിന്‍ മെക്കാനിക് കോഴ്സ്

വസ്ത്രനിര്‍മ്മാണ വ്യവസായത്തില്‍ മെഷിന്‍ മെക്കാനിക്കുകളായി ജോലി ചെയ്യാന്‍ അവസരം ഒരുക്കുന്നതാണ് ഈ കോഴ്സ്. ഗാര്‍മെന്‍റ് വ്യവസായ മേഖലയില്‍ ഉപയോഗിക്കുന്ന വിവിധതരം യന്ത്രങ്ങളുടെ കേടുകള്‍ പരിഹരിക്കുന്നതിന് ആവശ്യമായ സാങ്കേതികവൈദഗ്ദ്ധ്യം ഈ കോഴ്സിലൂടെ ലഭിക്കുന്നു. നാലുമാസം ദൈര്‍ഘ്യമുള്ള ഈ കോഴ്സിന് 14,000 രൂപയാണ് ഫീസ്.

മെഷര്‍മെന്‍റ് ആന്‍ഡ് ക്വാളിറ്റി കണ്‍ട്രോളര്‍

വ്യവസായിക വസ്ത്രനിര്‍മ്മാണത്തില്‍ തയ്യല്‍ പൂര്‍ത്തിയായ വസ്ത്രങ്ങളുടെ അളവുകള്‍ തിട്ടപ്പെടുത്തുക, അവയുടെ ഗുണനിലവാരം വിലയിരുത്തുക എന്നിവയില്‍ പരിശീലനം നല്‍കുന്നതാണ് ഈ കോഴ്സ്. മൂന്ന് മാസമാണ് കോഴ്സിന്‍റെ കാലാവധി. 5000 രൂപയാണ് ഫീസ്.

കെ.ജി.ടി.ഇ./ കെ.ജി.സി.ഇ.

കേരള സര്‍ക്കാറിന്‍റെ സാങ്കേതിക വിദ്യാഭ്യാസ വകുപ്പിന്‍റെ അംഗീകാരത്തോടെ പത്താം ക്ലാസ് ജയിച്ചവര്‍ക്കായി നടത്തുന്ന ടൈപ്പ്റൈറ്റിംഗ് ഷോര്‍ട്ട്ഹാന്‍ഡ്(ചുരുക്കെഴുത്ത്) ഡിപ്ലോമ, ടൈപ്പ്റൈറ്റിംഗ് ഷോര്‍ട്ട്ഹാന്‍ഡ്(ഹയര്‍, ലോവര്‍) ഡിപ്ലോമ കോഴ്സുകള്‍  സര്‍ക്കാര്‍-സ്വകാര്യ മേഖലകളില്‍ ഓഫീസ് നിര്‍വഹണ രംഗത്ത് ധാരാളം തൊഴിലവസരങ്ങള്‍ നല്‍കുന്നു.  പഠിതാക്കള്‍ക്ക്  തെറ്റുകൂടാതെ ടൈപ്പു ചെയ്യാനും ചുരുക്കെഴുത്തിലും നൈപുണ്യം ഉണ്ടാക്കിയെടുക്കുന്ന   പരിശീലനമാണിത്. എസ്.എസ്.എല്‍.സി. ജയിച്ചവര്‍ക്ക് ടൈപ്പ്റൈറ്റിംഗ് ഷോര്‍ട്ട് ഹാന്‍ഡ് (ലോവര്‍, ഹയര്‍) ഷോര്‍ട്ട്ഹാന്‍ഡ് ആന്‍ഡ് ടൈപ്പ്റൈറ്റിംഗ് എന്നീ ഡിപ്ലോമ കോഴ്സുകളിലേയ്ക്ക് അപേക്ഷിക്കാം. രണ്ട് വര്‍ഷമാണ് കാലാവധി. പ്രവേശനം മെരിറ്റ് അടിസ്ഥാനത്തിലായിരിക്കും. പ്രായപരിധി 15 നും 23 നും മധ്യേ. പ്രവേശന സമയം എസ്.എസ്.എല്‍.സി. ഫല പ്രഖ്യാപനശേഷം.

വിദ്യാഭ്യാസസ്ഥാപനങ്ങള്‍

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, പട്ടം, തിരുവനന്തപുരം.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, നെല്ലിവിള, പുനലൂര്‍.

ഗവണ്‍മെന്‍റ്കൊമേഴ്സ്യല്‍ ഇന്‍സ്റ്റിറ്റ്യൂട്ട്, ഇരുമ്പ് പാലത്തിന് സമീപം, ആലപ്പുഴ.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, ഏറ്റുമാനൂര്‍, കോട്ടയം.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, പാല.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, കോതമംഗലം.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, പോത്താനിക്കാട്, എറണാകുളം.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, കലൂര്‍, എറണാകുളം.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, മാള, തൃശൂര്‍.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, നൂറണി, പാലക്കാട്.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, കാഞ്ചിയാര്‍, ഇടുക്കി.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, കണ്ണപുരം, കണ്ണൂര്‍.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, മഞ്ചേരി, മലപ്പുറം.

ഗവണ്‍മെന്‍റ് കൊമേഴ്സ്യല്‍ ഇന്‍സ്റ്റിറ്റ്യൂട്ട്, കല്ലാച്ചി, കോഴിക്കോട്.

സിഫ്നെറ്റ് കോഴ്സുകള്‍

മേറ്റ് ഫിഷിംഗ് വെസ്സല്‍ കോഴ്സ്/എഞ്ചിന്‍ ഡൈവര്‍ ഫിഷിംഗ് വെസ്സല്‍ കോഴ്സ്

കൊച്ചിയിലെ  സെന്‍ട്രല്‍  ഇന്‍സ്റ്റിറ്റ്യൂട്ട് ഓഫ്  ഫിഷറീസ്  നോട്ടിക്കല്‍  ആന്‍ഡ്   എഞ്ചിനീയറിംഗ് ട്രെയിനിംഗ് എന്ന കേന്ദ്രസര്‍ക്കാര്‍ സ്ഥാപനമാണ് 18 മാസം ദൈര്‍ഘ്യമുളള ഈ കോഴ്സുകള്‍ നടത്തുന്നത്. 17 നും 20 നും മധ്യേ പ്രായമുള്ള പത്താംക്ലാസ് ജയിച്ചവര്‍ക്ക് ഈ കോഴ്സുകളിലേക്ക് അപേക്ഷിക്കാം. പട്ടികജാതി പട്ടികവര്‍ഗ വിഭാഗത്തിലെ വിദ്യാര്‍ത്ഥികള്‍ക്ക് പ്രായപരിധിയില്‍ അഞ്ചുവര്‍ഷത്തെ ഇളവുണ്ട്. സീറ്റുകളുടെ എണ്ണം 100 ആണ്. വിദ്യാര്‍ത്ഥികള്‍ സ്ഥാപനത്തില്‍ തന്നെ താമസിച്ചു പഠിക്കണം. പഠനചെലവുകള്‍ക്കായി മാസം തോറും 200 രൂപ വീതം സ്റ്റൈപന്‍റ് നല്‍കും. സംസ്ഥാനസര്‍ക്കാര്‍, കേന്ദ്രഭരണ പ്രദേശങ്ങള്‍, പൊതുമേഖല സ്ഥാപനങ്ങള്‍,  സ്വകാര്യ മത്സ്യബന്ധന വ്യവസായങ്ങള്‍ എന്നിവിടങ്ങളില്‍ നിന്നുള്ളവര്‍ക്കായി  ഏതാനും സീറ്റുകള്‍ സംവരണം ചെയ്തിട്ടുണ്ട്.  കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് മല്‍സ്യബന്ധന കപ്പലുകളില്‍ ട്രെയിനിംഗ് തരപ്പെടുത്തുന്നു.

വിലാസം:

സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ്

നോട്ടിക്കല്‍ ആന്‍ഡ് എഞ്ചിനീയറിംഗ് ട്രെയിനിംഗ് (സിഫ് നെറ്റ്)

ഫൈന്‍ ആര്‍ട്സ് അവന്യൂ

കൊച്ചി-682 016, ഫോണ്‍-0484-2351610,2351493,2351790

പ്ലസ്ടു കോഴ്സുകള്‍

സയന്‍സ് ഗ്രൂപ്പ്

വൈദ്യശാസ്ത്രം, എഞ്ചിനീയറിംഗ് തുടങ്ങിയ ഉന്നത വിദ്യാഭ്യാസരംഗത്തേക്കുള്ള   കാല്‍വെപ്പിന് ശാസ്ത്ര വിഷയങ്ങള്‍ ഐച്ഛികമായെടുത്തുള്ള  പ്ലസ്ടു വിദ്യാഭ്യാസം അനിവാര്യമാണ്. പത്താംതരം ജയിച്ചതിനുശേഷം ശാസ്ത്ര വിഷയങ്ങളില്‍ ഉപരിപഠനത്തിന് താല്‍പര്യമുള്ളവര്‍ക്കും പ്ലസ്ടു സയന്‍സ് ഗ്രൂപ്പുകള്‍ എടുത്ത് പഠിക്കാം. ഫിസിക്സ്, കെമിസ്ട്രി, കണക്ക്, ബയോളജി, കമ്പ്യൂട്ടര്‍ സയന്‍സ് തുടങ്ങിയ വിഷയങ്ങളാണ് ഈ ഗ്രൂപ്പിലുള്ളത്. രണ്ട് വര്‍ഷമാണ് കാലാവധി. പ്രവേശനം മെരിറ്റ് അടിസ്ഥാനത്തിലായിരിക്കും. പ്രായപരിധി 15 നും 18 നും മധ്യേ. പട്ടിക ജാതി പട്ടിക വര്‍ഗക്കാര്‍ക്ക് രണ്ട് വര്‍ഷവും അന്ധ-ബധിര-മൂക വിദ്യാര്‍ത്ഥികള്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശിച്ചിട്ടുള്ള സീറ്റു സംവരണമുണ്ട്. പ്രവേശനസമയം എസ്.എസ്.എല്‍.സി. ഫലപ്രഖ്യാപനത്തിനു ശേഷം

ഈ പാഠ്യപദ്ധതിയില്‍ പാര്‍ട്ട് ഒന്ന് ഇംഗ്ലീഷ് വിഷയം നിര്‍ബന്ധമായും പഠിച്ചിരിക്കണം. പാര്‍ട്ട് രണ്ടില്‍ മലയാളം, ഹിന്ദി, സംസ്കൃതം, അറബി, ഉറുദു, തമിഴ്, കന്നഡ, ഫ്രഞ്ച്, ലാറ്റിന്‍, സിറിയക്ക്, ജര്‍മ്മന്‍, റഷ്യന്‍ തുടങ്ങിയവയില്‍ ഏതെങ്കിലും ഒന്ന് തിരഞ്ഞെടുക്കാം. പാര്‍ട്ട് മൂന്നിലാണ് ഐച്ഛിക വിഷയങ്ങള്‍ പഠിക്കാനുള്ളത്. ഇതില്‍ അനുവദിച്ചിട്ടുള്ള വിഷയങ്ങള്‍ തിരഞ്ഞെടുത്ത് പഠിക്കാം.

ഹ്യുമാനിറ്റീസ്

ശാസ്ത്രേതര വിഷയങ്ങള്‍ ഐച്ഛികമായെടുത്തുള്ള ബിരുദ ബിരുദാനന്തര പഠനങ്ങള്‍ക്ക് മാനവിക വിഷയങ്ങള്‍ പ്രധാനമായുള്ള പ്ലസ്ടു വിദ്യാഭ്യാസം സഹായിക്കും. ചരിത്രം, ഭാഷാപഠനം, രാഷ്ട്രമീമാംസ, ധനതത്വശാസ്ത്രം, തത്വചിന്താപഠനം, സാമൂഹ്യശാസ്ത്രം തുടങ്ങി സമൂഹത്തെയും സാമൂഹ്യ ബന്ധങ്ങളെയും കുറിച്ച് പഠിക്കുന്ന വിവിധ വിഷയങ്ങള്‍ പ്ലസ്ടു പാഠ്യ പദ്ധതികളില്‍ ഉള്‍പ്പെടുത്തിയിട്ടുണ്ട്. സര്‍ക്കാര്‍, പൊതുമേഖലാ സ്ഥാപനങ്ങളിലെ ഉന്നത സ്ഥാനങ്ങളിലേക്ക് തിരഞ്ഞെടുക്കപ്പെടാന്‍ മാനവിക വിഷയങ്ങള്‍ ഐച്ഛികമായുള്ള ബിരുദ-ബിരുദാനന്തര പഠനങ്ങള്‍ സഹായിക്കും. ഈ വിഷയങ്ങള്‍ തിരഞ്ഞെടുത്തുള്ള  പ്ലസ്ടു പഠനം ഇതിലേക്കുള്ള ചവിട്ടുപടിയാണ്.

പത്താംക്ലാസ്സ് ജയിച്ചതിനുശേഷം മാനവിക വിഷയങ്ങളില്‍ ഉപരിപഠനത്തിന് താല്‍പര്യമുള്ളവര്‍ക്ക് പ്ലസ്ടു-ഹ്യുമാനിറ്റീസ് ഗ്രൂപ്പെടുത്ത് പഠിക്കാം. ഹിസ്റ്ററി, ഇക്കണോമിക്സ്, പൊളിറ്റിക്കല്‍ സയന്‍സ്, ജ്യോഗ്രഫി തുടങ്ങിയ വിഷയങ്ങളാണ് ഈ ഗ്രൂപ്പിലുള്ളത്. രണ്ട് വര്‍ഷമാണ് കാലാവധി. പ്രവേശനം മെരിറ്റ് അടിസ്ഥാനത്തിലായിരിക്കും. പ്രായപരിധി 15 നും 18 നും മധ്യേ. പട്ടിക ജാതി പട്ടിക വര്‍ഗക്കാര്‍ക്ക് രണ്ട് വര്‍ഷവും അന്ധ-ബധിര-മൂക വിദ്യാര്‍ത്ഥികള്‍ക്ക് അഞ്ച് വര്‍ഷവും ഉയര്‍ന്നപ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശിച്ചിട്ടുള്ള സീറ്റു സംവരണമുണ്ട്. പ്രവേശന സമയം എസ്.എസ്.എല്‍.സി. ഫലപ്രഖ്യാപനത്തിനുശേഷം.

ഈ പാഠ്യപദ്ധതിയില്‍ പാര്‍ട്ട് ഒന്ന് ഇംഗ്ലീഷ് വിഷയം നിര്‍ബന്ധമായും പഠിച്ചിരിക്കണം. പാര്‍ട്ട് രണ്ടില്‍ മലയാളം, ഹിന്ദി, സംസ്കൃതം, അറബി, ഉറുദു, തമിഴ്, കന്നഡ, ഫ്രഞ്ച്, ലാറ്റിന്‍, സിറിയക്ക്, ജര്‍മ്മന്‍, റഷ്യന്‍ തുടങ്ങിയവയില്‍ ഏതെങ്കിലും ഒന്ന് തിരഞ്ഞെടുക്കാം. പാര്‍ട്ട് മൂന്നിലാണ് ഐച്ഛിക വിഷയങ്ങള്‍ പഠിക്കാനുള്ളത്. ഇതില്‍ അനുവദിച്ചിട്ടുള്ള  വിഷയങ്ങള്‍ തിരഞ്ഞെടുത്ത് പഠിക്കാം.

കൊമേഴ്സ്‌

വ്യവസായ സംരംഭങ്ങള്‍, സാമ്പത്തിക സ്ഥാപനങ്ങള്‍, സര്‍ക്കാര്‍-സ്വകാര്യ മേഖലാസംരംഭങ്ങള്‍ തുടങ്ങി സാമ്പത്തിക കൈമാറ്റം നടക്കുന്ന എല്ലാരംഗങ്ങളിലും ആധുനിക യുഗത്തില്‍ സാമ്പത്തിക അച്ചടക്കത്തിന് അതിയായ പ്രാധാന്യമുണ്ട്. അതുകൊണ്ടുതന്നെ ഓഡിറ്റിംഗും അക്കൗണ്ടിംഗും(കണക്കു രേഖപ്പെടുത്തലും പരിശോധനയും) പുത്തന്‍ സാമ്പത്തിക മാനേജ്മെന്‍റില്‍ സുപ്രധാനമായ പങ്കു വഹിക്കുന്നു. കൊമേഴ്സ് പ്രധാന വിഷയമായുള്ള പ്ലസ്ടു പഠനം ഈ വിഷയത്തിലുള്ള ബിരുദ, ബിരുദാനന്തര ബിരുദ പഠനങ്ങള്‍ക്കും ഫിനാന്‍ഷ്യല്‍ മാനേജ്മെന്‍റ്, ചാര്‍ട്ടേഡ് അക്കൗണ്ടിംഗ് തുടങ്ങിയ ഉന്നത ബിരുദങ്ങളിലേക്കുമുള്ള ചവിട്ടുപടിയാണ്.

ബിസിനസ്, അക്കൗണ്ടിംഗ് തുടങ്ങിയ വിഷയങ്ങളാണ് ഈ ഗ്രൂപ്പിലുള്ളത്. രണ്ട് വര്‍ഷമാണ് കാലാവധി. പ്രവേശനം മെരിറ്റ് അടിസ്ഥാനത്തിലായിരിക്കും. പ്രായപരിധി 15 നും 18 നും മധ്യേ. പട്ടിക ജാതി പട്ടിക വര്‍ഗക്കാര്‍ക്ക് രണ്ട് വര്‍ഷവും അന്ധ-ബധിര-മൂക വിദ്യാര്‍ത്ഥികള്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശിച്ചിട്ടുള്ള സീറ്റു സംവരണമുണ്ട്. പ്രവേശന സമയം എസ്.എസ്.എല്‍.സി. ഫലപ്രഖ്യാപനശേഷം.

ഈ പാഠ്യപദ്ധതിയില്‍ പാര്‍ട്ട് ഒന്ന് ഇംഗ്ലീഷ് വിഷയം നിര്‍ബന്ധമായും പഠിച്ചിരിക്കണം. പാര്‍ട്ട് രണ്ടില്‍ മലയാളം, ഹിന്ദി, സംസ്കൃതം, അറബി, ഉറുദു, തമിഴ്, കന്നഡ, ഫ്രഞ്ച്, ലാറ്റിന്‍, സിറിയക്ക്, ജര്‍മ്മന്‍, റഷ്യന്‍ തുടങ്ങിയവയില്‍ ഏതെങ്കിലും ഒന്ന് തിരഞ്ഞെടുക്കാം. പാര്‍ട്ട് മൂന്നിലാണ് ഐച്ഛിക വിഷയങ്ങള്‍ പഠിക്കാനുള്ളത്. ഇതില്‍ അനുവദിച്ചിട്ടുള്ള വിഷയങ്ങള്‍ തിരഞ്ഞെടുത്ത് പഠിക്കാം.

വി.എച്ച്.എസ്.സി

ആഗോളവത്ക്കരണവും പുത്തന്‍ സാമ്പത്തിക നയങ്ങളും തൊഴില്‍ രംഗത്ത് പ്രത്യേകിച്ച് ഇലക്ട്രോണിക്സ്, കമ്പ്യൂട്ടര്‍, സാങ്കേതിക മേഖലകളില്‍ വലിയ അവസരങ്ങളാണ് ഒരുക്കിയിരിക്കുന്നത്. അതുകൊണ്ടുതന്നെ തൊഴിലധിഷ്ഠിത വിദ്യാഭ്യാസത്തിന് ഇന്ന് പ്രസക്തിയേറിയിരിക്കുന്നു. സംസ്ഥാനത്തെ വിവിധ വൊക്കേഷണല്‍ ഹയര്‍ സെക്കന്‍ഡറി സ്കൂളുകളില്‍ നടത്തിവരുന്ന വി.എച്ച്.എസ്.സി. കോഴ്സുകള്‍ ശാസ്ത്ര വിഷയങ്ങള്‍ക്കും മാനവിക വിഷയങ്ങള്‍ക്കും കൊമേഴ്സിനും ഒപ്പം പലതരം തൊഴിലുകളും പഠിക്കാന്‍ അവസരമൊരുക്കുന്നു. പ്ലസ്ടു നല്‍കുന്നതുപോലെ തന്നെ മെഡിസിന്‍, എഞ്ചിനീയറിംഗ് തുടങ്ങിയ മേഖലകളിലും വി.എച്ച്.എസ്.സി. കോഴ്സുകള്‍ പഠിച്ചവര്‍ക്ക് അവസരമുണ്ട്.

പത്താംക്ലാസ്സ് ജയിച്ചവര്‍ക്ക് വൊക്കേഷണല്‍ ഹയര്‍ സെക്കന്‍ഡറി സ്കൂളുകളില്‍ വിവിധ കോഴ്സുകളിലേയ്ക്ക് അപേക്ഷിക്കാം. ശാസ്ത്രം, സാമൂഹ്യശാസ്ത്രം, കൊമേഴ്സ് എന്നീ വിഷയങ്ങളടങ്ങിയ നാല് ഗ്രൂപ്പുകളാണുള്ളത്. ഇതോടൊപ്പം 45 തൊഴിലധിഷ്ഠിത കോഴ്സുകളില്‍ നിന്ന് ഇഷ്ടമുള്ളവ തിരഞ്ഞെടുത്ത് പഠിക്കാം. പ്ലസ്ടുവിന് തുല്യമായ കോഴ്സുകളാണ് ഇത്. മെരിറ്റ് അടിസ്ഥാനത്തിലാണ് പ്രവേശനം. മൂന്ന് അവസരങ്ങള്‍ക്കുള്ളില്‍ പത്താംക്ലാസ്സോ തത്തുല്യമായ പരീക്ഷയോ വിജയിച്ചിരിക്കണം. പ്രായപരിധി 15 നും 18 നും മധ്യേ. പട്ടിക ജാതി പട്ടിക വര്‍ഗക്കാര്‍ക്ക് രണ്ട് വര്‍ഷവും അന്ധ-ബധിര-മൂക വിദ്യാര്‍ത്ഥികള്‍ക്ക് അഞ്ച് വര്‍ഷവും ഉയര്‍ന്ന പ്രായപരിധിയില്‍ ഇളവ് ലഭിക്കും. പിന്നാക്ക വിഭാഗക്കാര്‍ക്ക് സര്‍ക്കാര്‍ നിര്‍ദ്ദേശിച്ചിട്ടുള്ള സീറ്റു സംവരണമുണ്ട്. പ്രവേശന സമയം എസ്.എസ്.എല്‍.സി. ഫലപ്രഖ്യാപനത്തിനുശേഷം.

സിലബസ്സില്‍ മൂന്ന് പാര്‍ട്ടുകളാണ് ഉള്‍പ്പെടുത്തിയിട്ടുള്ളത്. പാര്‍ട്ട് ഒന്ന് ഇംഗ്ലീഷില്‍ ജനറല്‍ ഫൗണ്ടേഷന്‍ കോഴ്സാണ്. പാര്‍ട്ട് രണ്ടില്‍ തൊഴിലധിഷ്ഠിത വിഷയങ്ങളുടെ തിയറിയും പ്രാക്ടിക്കലും ഉള്‍പ്പെടും. പാര്‍ട്ട് മൂന്ന് ഐച്ഛിക വിഷയങ്ങളാണ്.

കോഴ്സുകള്‍

ഗ്രൂപ്പ് 1. ഫിസിക്സ്, കെമിസ്ട്രി, കണക്ക്, ബയോളജി.

ഗ്രൂപ്പ് 2. ഫിസിക്സ്, കെമിസ്ട്രി, ബയോളജി.

ഗ്രൂപ്പ് 3. ഹിസ്റ്ററി, ജ്യോഗ്രഫി, ഇക്കണോമിക്സ്

ഗ്രൂപ്പ് 4. ബിസിനസ് സ്റ്റഡീസ്, അക്കൗണ്ടന്‍സി, മാനേജ്മെന്‍റ്

തൊഴിലധിഷ്ഠിത വിഷയങ്ങള്‍

ഗ്രൂപ്പ്-1

എഞ്ചിനീയറിംഗ് ടെക്നോളജി

സിവില്‍ കണ്‍സ്ട്രക്ഷന്‍ ആന്‍ഡ് മെയിന്‍റനന്‍സ്

മെയിന്‍റനന്‍സ് ആന്‍ഡ് റിപ്പയേഴ്സ് ഓഫ് ടൂ വീലേഴ്സ് ആന്‍ഡ് ത്രീ വീലേഴ്സ്

മെയിന്‍റനന്‍സ് ആന്‍ഡ് റിപ്പയേഴ്സ് ഓഫ് ഓട്ടോമൊബൈല്‍സ്

മെയിന്‍റനന്‍സ് ആന്‍ഡ് റിപ്പയേഴ്സ് ഓഫ് റേഡിയോ ആന്‍ഡ് ടെലിവിഷന്‍

മെയിന്‍റനന്‍സ് ആന്‍ഡ് റിപ്പയേഴ്സ് ഓഫ് ഡൊമസ്റ്റിക് അപ്ലയന്‍സ്

മെക്കാനിക്കല്‍ സര്‍വീസിംഗ്(അഗ്രോ-മെഷിനറി)

റെഫ്രിജറേഷന്‍ ആന്‍ഡ് എയര്‍-കണ്ടിഷനിംഗ്

പ്രിന്‍റിംഗ് ടെക്നോളജി

റബ്ബര്‍ ടെക്നോളജി

ടെക്സ്റ്റൈല്‍ ഡയിംഗ് ആന്‍ഡ് പ്രിന്‍റിംഗ്

ടെക്സ്റ്റൈല്‍ വീവിംഗ്

കമ്പ്യൂട്ടര്‍ സയന്‍സ്

കമ്പ്യൂട്ടര്‍ ആപ്ലിക്കേഷന്‍

ഗ്രൂപ്പ്-2

അഗ്രിക്കള്‍ച്ചര്‍

പ്ലാന്‍റ് പ്രൊട്ടക്ഷന്‍

ഫ്രൂട്ട്സ് ആന്‍ഡ് വെജിറ്റബിള്‍സ്

നഴ്സറി മാനേജ്മെന്‍റ് ആന്‍ഡ് ഓര്‍ണമെന്‍റല്‍ ഗാര്‍ഡനിംഗ്

സെറികള്‍ച്ചര്‍

അനിമല്‍ ഹസ്ബെന്‍ഡറി

ലൈവ്സ്റ്റോക്ക് മാനേജ്മെന്‍റ്

ലൈവ്സ്റ്റോക്ക് മാനേജ്മെന്‍റ്(പൗള്‍ട്രി ഹസ്ബെന്‍ഡറി)

ഡയറിയിംഗ്

ഫിഷറീസ്

അക്വാകള്‍ച്ചര്‍

ഫിഷിംഗ് ക്രാഫ്റ്റ് ആന്‍ഡ് ഗിയര്‍ ടെക്നോളജി

മെയിന്‍റനന്‍സ് ആന്‍ഡ് ഓപ്പറേഷന്‍ ഓഫ് മറൈന്‍ എഞ്ചിന്‍സ്

ഫിഷ് പ്രോസസിംഗ്

പാരാമെഡിക്കല്‍

മെഡിക്കല്‍ ലാബോറട്ടറി ടെക്നീഷ്യന്‍

മെയിന്‍റനന്‍സ് ആന്‍ഡ് ഓപ്പറേഷന്‍ ഓഫ് ബയോ മെഡിക്കല്‍ എക്യുപ്മെന്‍റ്സ്

ഇ.സി.ജി. ആന്‍ഡ് ഓഡിയോമെട്രിക് ടെക്നീഷ്യന്‍

ഡൊമസ്റ്റിക് നഴ്സിംഗ്

ഡെന്‍റല്‍ ടെക്നോളജി

ഫിസിയോതെറാപ്പി

ഫിസിക്കല്‍ എഡ്യൂക്കേഷന്‍

ഫിസിക്കല്‍ എഡ്യൂക്കേഷന്‍

ഹോംസയന്‍സ്

ക്ലോത്തിംഗ് ആന്‍ഡ് എംബ്രോയിഡറി

കോസ്മെറ്റോളജി ആന്‍ഡ് ബ്യൂട്ടിപാര്‍ലര്‍ മാനേജ്മെന്‍റ്

ക്രഷ് ആന്‍ഡ് പ്രീ-സ്കൂള്‍ മാനേജ്മെന്‍റ്

ഗ്രൂപ്പ്-3

ഹ്യുമാനിറ്റീസ്

ട്രാവല്‍ ആന്‍ഡ് ടൂറിസം

ഗ്രൂപ്പ്-4

ബിസിനസ് ആന്‍ഡ് കൊമേഴ്സ്

ഓഫീസ്സെക്രട്ടറിഷിപ്പ്

അക്കൗണ്ടന്‍സി ആന്‍ഡ് ഓഡിറ്റിംഗ്

ജനറല്‍ ഇന്‍ഷുറന്‍സ്

മാര്‍ക്കറ്റിംഗ് ആന്‍ഡ് സെയില്‍സ്മാന്‍ഷിപ്പ്

റിസപ്ഷന്‍, ബുക്ക്-കീപ്പിംഗ് ആന്‍ഡ് കമ്മ്യൂണിക്കേഷന്‍

കേറ്ററിംഗ് ആന്‍ഡ് റെസ്റ്റോറന്‍റ് മാനേജ്മെന്‍റ്

ബാങ്കിംഗ് അസിസ്റ്റന്‍സ്

ഗ്രൂപ്പ്  ഒന്നും രണ്ടും തിരഞ്ഞെടുത്തവര്‍ക്ക് മെഡിക്കല്‍, എഞ്ചിനീയറിംഗ് പ്രവേശന പരീക്ഷകളെഴുതാം. വി.എച്ച്.എസ്.സി. കോഴ്സുകള്‍ ജയിക്കുന്നവര്‍ക്ക് ബിരുദകോഴ്സുകള്‍ക്കും തുടര്‍ന്നുപഠിക്കാവുന്നതാണ്.

ടി.എച്ച്.എസ്.സി

പ്ലസ്ടുവും വി.എച്ച്.എസ്.സിയും പോലെ തന്നെ ഉന്നത വിദ്യാഭ്യാസത്തിലേക്കുള്ള മറ്റൊരു ചവിട്ടുപടിയാണ് ടി.എച്ച്.എസ്.എല്‍.സി. കോഴ്സുകള്‍. കേരളത്തിലെ വിവിധ ടെക്നിക്കല്‍ ഹയര്‍ സെക്കന്‍ഡറി സ്കൂളുകള്‍ (ടി.എച്ച്.എസ്.എസ.്) നടത്തിവരുന്ന ഈ തൊഴിലധിഷ്ഠിത കോഴ്സുകള്‍ സാങ്കേതിക വിദ്യാഭ്യാസത്തിന് ഊന്നല്‍ നല്‍കുന്നു. ഫിസിക്കല്‍ സയന്‍സ്, ഇന്‍റഗ്രേറ്റഡ് സയന്‍സ് എന്നീ രണ്ടു വിഭാഗങ്ങളാണ് ഇതിലുള്ളത്. ഹയര്‍ സെക്കന്‍ഡറി തലത്തില്‍ തൊഴിലധിഷ്ഠിത പരിശീലനം നല്‍കുക എന്ന ലക്ഷ്യത്തോടെ കേരള സര്‍ക്കാരിന്‍റെ ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്സ് ഡവലപ്മെന്‍റ് (ഐ.എച്ച്.ആര്‍.ഡി.) നടത്തുന്ന കോഴ്സുകളാണ് ടെക്നിക്കല്‍ ഹയര്‍ സെക്കന്‍ഡറി കോഴ്സുകള്‍. പത്താംക്ലാസ് ജയിച്ചവര്‍ക്ക് പ്ലസ്ടുവിന് തുല്യമായ ഈ കോഴ്സുകളിലേയ്ക്ക് അപേക്ഷിക്കാം.

ഫിസിക്കല്‍ സയന്‍സ്

ഈ വിഭാഗത്തില്‍ കമ്പ്യൂട്ടര്‍ ഇന്‍ഫര്‍മേഷന്‍ ടെക്നോളജി, ഇലക്ട്രോണിക് സര്‍വീസ് ടെക്നോളജി തുടങ്ങിയ വിഷയങ്ങളാണ് ഉള്ളത്. പത്താംക്ലാസ്സില്‍ ഫിസിക്സ്, കെമിസ്ട്രി, കണക്ക് എന്നീ വിഷയങ്ങള്‍ക്ക് ലഭിച്ച മാര്‍ക്കിന്‍റെ അടിസ്ഥാനത്തിലായിരിക്കും പ്രവേശനം.

ഇന്‍റഗ്രേറ്റഡ് സയന്‍സ്

ഈ വിഭാഗത്തില്‍ കമ്പ്യൂട്ടര്‍ ഇന്‍ഫര്‍മേഷന്‍ ടെക്നോളജി, ലൈഫ് സയന്‍സ് തുടങ്ങിയ വിഷയങ്ങളാണ് ഉള്ളത്. പത്താംക്ലാസ്സില്‍  ഫിസിക്സ്, കെമിസ്ട്രി, ബയോളജി എന്നീ വിഷയങ്ങള്‍ക്ക് ലഭിച്ച മാര്‍ക്കിന്‍റെ അടിസ്ഥാനത്തിലായിരിക്കും പ്രവേശനം.

സി.ബി.എസ്.ഇ., ഐ.സി.എസ്.ഇ. തുടങ്ങിയ പാഠ്യപദ്ധതികളിലോ നവോദയ വിദ്യാലയം, കേന്ദ്രീയവിദ്യാലയം, സൈനിക സ്കൂള്‍ എന്നീ സ്ഥാപനങ്ങളിലോ പഠിച്ചവര്‍ക്ക് പത്തുമാര്‍ക്ക് ബോണസ്സായി ലഭിക്കും. പ്രായ പരിധി 19 വയസ്സ്. പട്ടികജാതി പട്ടിക വര്‍ഗക്കാര്‍ക്ക് 10 ശതമാനം സീറ്റുസംവരണമുണ്ട്. എസ്.എസ്.എല്‍.സി. ഫലപ്രഖ്യാപനത്തിനു ശേഷമായിരിക്കും പ്രവേശന സമയം

കടപ്പാട് - പടവുകള്‍