സിവില്‍ സര്‍വീസിലെ വ്യത്യസ്ത സര്‍വീസുകള്‍

സിവില്‍ സര്‍വീസ്

വ്യത്യസ്തമായ നിരവധി സര്‍വീസുകളുണ്ടുവെങ്കിലും പലര്‍ക്കും ഇപ്പോഴും സിവില്‍ സര്‍വ്വീസെന്നാല്‍ ഐ എ എസ് മാത്രമാണ്. എന്നാല്‍ ഒറ്റ പരീക്ഷയില്‍ വ്യത്യസ്തമായ 23 സര്‍വീസുകളിലേക്കുത്തുവാനുള്ള വാതിലാണ് ഡിഗ്രി അടിസ്ഥാന യോഗ്യതയുള്ള ഏതൊരു വ്യക്തിക്കും എഴുതുവാന്‍ കഴിയുന്ന യു പി എസ് സി നടത്തുന്ന ഇന്‍ഡ്യന്‍ സിവില്‍ സര്‍വീസ് പരീക്ഷ.

ഇതിന്‍റെ പ്രിലിമിനറി തന്നെയാണ് ഇന്‍ഡ്യന്‍ ഫോറസ്റ്റ് സര്‍വീസിലേക്കുള്ള പ്രീലിമിനറിയും. ഐ എ എസ്, ഐ പി എസ്, ഐ എഫ് എസ് എന്നിവയും. ഇന്‍ഡ്യന്‍ ഫോറസ്റ്റ് സര്‍വീസും ഓള്‍ ഇന്‍ഡ്യ സര്‍വീസ് എന്നറിയപ്പെടുന്നു.

ഇന്ത്യന്‍ റെയില്‍വേ ട്രാഫിക് സര്‍വീസ് (IRTS)

ഇന്ത്യന്‍ റെയില്‍വേയില്‍ ഏറ്റവും കൂടുതല്‍ ഉദ്യോഗാര്‍ത്ഥികള്‍ ചേരുവാനാഗ്രഹിക്കുന്ന സര്‍വ്വീസുകളില്‍ ഒന്നാണിത്. 21 വയസ്സിനും 25 വയസ്സിനുമിടയില്‍ ഇതില്‍ പ്രവേശിക്കുവാന്‍ കഴിഞ്ഞാല്‍ റെയില്‍വേ ബോര്‍ഡ് മെമ്പര്‍ (ട്രാഫിക്), റെയില്‍വേ ബോര്‍ഡ് ചെയര്‍മാന്‍ തുടങ്ങിയ ഉന്നത തസ്തികകളില്‍ എത്തിച്ചേരാം.

റെയില്‍വേയുടെ യാത്രാ സംബന്ധമായ ചുമതലകള്‍, ചരക്ക് നീക്കം, ടിക്കറ്റിങ്ങ്, യാത്രക്കാരുടെ ലിസ്റ്റ് തയ്യാറാക്കല്‍, സ്റ്റേഷന്‍ മാസ്റ്റര്‍മാരുടെ ഏകോപനം, ട്രെയിനുകളുടെ ഗതാഗത നിയന്ത്രണം എന്നീ ചുമതലകളും ടി ടി ഇ മാരടക്കമുള്ള ഉദ്യോഗസ്ഥരും ഇവരുടെ കീഴിലാണ് വരിക.

ലക്നോവിലുള്ള IRITM (Indian Railway Institute for Transportation Management) ലാണ് ഇവരുടെ പ്രൊബേഷന്‍ ട്രെയിനിങ്ങ് നടക്കുക. ട്രെയിനിങ്ങിന് ശേഷം റെയില്‍വേയുടെ 16 സോണുകളിലൊന്നില്‍ റാങ്കും ഒഴിവുമനുസരിച്ച് പോസ്റ്റ് ചെയ്യും.

ഡിവിഷനുകളില്‍ അസിസ്റ്റന്‍റ് കൊമേഴ്സ്യല്‍ ഓഫീസര്‍ (ACM)/അസിസ്റ്റന്‍റ് ഓപ്പറേഷന്‍സ് മാനേജര്‍ (AOM) എന്ന തസ്തികയിലാവും നിയമനം. ഇതിന് ശേഷം ഡിവിഷണല്‍ റെയില്‍വേ മാനേജര്‍ (ഡി ആര്‍ എം), ജനറല്‍ മാനേജര്‍, ഡയറക്ടര്‍ ജനറല്‍ എന്നീ പോസ്റ്റുകളിലും ഇവര്‍ എത്തിച്ചേരും. റെയില്‍വേ ബോര്‍ഡ് മെമ്പര്‍ (ട്രാഫിക്) ആണ് ഇവര്‍ എത്തിച്ചേരുന്ന ഉയര്‍ന്ന പോസ്റ്റുകളിലൊന്ന്.

ഇന്ത്യന്‍ ഓഡിറ്റ് ആന്‍ഡ് അക്കൌണ്ട് സര്‍വീസ് (IAAS)

600 ഓഫീസര്‍മാരാണ് ഈ സര്‍വീസിലുള്ളത്. കംപ്ട്രോളര്‍ ആന്‍റ് ഓഡിറ്റര്‍ ജനറല്‍ ആണ് ഇതിന്‍റെ നായകന്‍. അതത് സംസ്ഥാന തലസ്ഥാനങ്ങളിലാണ് നിയമനം. ഓഡിറ്റ് ആണ് പ്രധാന ജോലിയെങ്കിലും സാമ്പത്തികമായ വിവിധ മേഖലകളിലെ പരിശീലനം ആദ്യ ഘട്ടത്തില്‍ നല്‍കും. ഫിനാന്‍ഷ്യല്‍ മാനേജ്മെന്‍റ്, കോസ്റ്റ് ആന്‍റ് മാനേജ്മെന്‍റ് അക്കൌണ്ടിങ്ങ്, പേഴ്സണല്‍ മാനേജ്മെന്‍റ്, ഇലക്ട്രോണിക്സ് ഡാറ്റാ പ്രോസസിങ്ങ് എന്നിവയില്‍ പരിശീലനം നല്‍കും. യു എന്‍, ലോകാരോഗ്യ സംഘടന എന്നിവയില്‍ നിരവധി സാധ്യതകള്‍ തുറന്ന് കിട്ടുന്ന ഈ സര്‍വീസിന്‍റെ തലവന് ഭരണ ഘടനയില്‍ പ്രത്യേക പരിശീലനം നല്‍കിയിട്ടുണ്ട്. സിംലയിലാണ് ഇവരുടെ പരിശീലനം നടക്കുക.

ഇന്‍ഡ്യന്‍ റവന്യൂ സര്‍വീസ് (കസ്റ്റംസ് & സെന്‍ട്രല്‍ എക്സൈസ്)

രാജ്യത്തിനകത്ത് വ്യവഹരിക്കപ്പെടുന്ന സാധനങ്ങളുടേയും സേവനങ്ങളുടേയും നികുതി പിരിക്കുകയാണ് ഈ സര്‍വീസിലുള്ളവരുടെ പ്രഥമ കര്‍ത്തവ്യം. കസ്റ്റംസ്, സെന്‍ട്രല്‍ എക്സൈസ് എന്നിവ രണ്ട് ഡിപ്പാര്‍ട്ട്മെന്‍റാണ്. ഇത്തരം നികുതികളുടെ പരിശോധന, തുറമുഖങ്ങള്‍ ചെക്ക് പോസ്റ്റുകള്‍, വിമാനത്താവളങ്ങള്‍ എന്നിവ കേന്ദ്രീകരിച്ചുള്ള പരിശോധന, റെയ്ഢ് രാജ്യത്തിനകത്തേക്കും പുറത്തേക്കുമുള്ള സാധനങ്ങളുടെ പരിശോധന തുടങ്ങിയവ ഇവരാണ് നിര്‍വ്വഹിക്കുക.

കസ്റ്റംസില്‍ പ്രൊബോഷണറായി കയറുന്ന ഒരാള്‍ പിന്നീട് കസ്റ്റംസ് അസിസ്റ്റന്‍റ് കമ്മീഷണര്‍, കസ്റ്റംസ് ഡെപ്യൂട്ടി കമ്മീഷണര്‍, കസ്റ്റംസ് അഡീഷണല്‍ കമ്മീഷണര്‍, കമ്മീഷണര്‍, മെമ്പര്‍ സെന്‍ട്രല്‍ ബോര്‍ഡ് ഓഫ് എക്സൈസ് ആന്‍റ് കസ്റ്റംസ്, ചെയര്‍മാന്‍ സെന്‍ട്രല്‍ ബോര്‍ഡ് ഓഫ് എക്സൈസ് ആന്‍റ് കസ്റ്റംസ് എന്നീ പദവികളിലിത്തിച്ചേരും.

സമാന്തരമായി സെന്‍ട്രല്‍ എക്സൈസില്‍ പ്രവേശിക്കുന്ന ഒരാള്‍ പ്രൊബേഷണറായി പിന്നീട് സെന്‍ട്രല്‍ എക്സൈസ് അസിസ്റ്റന്‍റ് കമ്മീഷണര്‍, സെന്‍ട്രല്‍ എക്സൈസ് ഡെപ്യൂട്ടി കമ്മീഷണര്‍, സെന്‍ട്രല്‍ എക്സൈസ് അഡീഷണല്‍ കമ്മീഷണര്‍, സെന്‍ട്രല്‍ എക്സൈസ് കമ്മീഷണര്‍, മെമ്പര്‍ സെന്‍ട്രല്‍ ബോര്‍ഡ് ഓഫ് എക്സൈസ് ആന്‍റ് കസ്റ്റംസ്, ചെയര്‍മാന്‍ സെന്‍ട്രല്‍ ബോര്‍ഡ് ഓഫ് എക്സൈസ് ആന്‍റ് കസ്റ്റംസ് എന്നീ പദവികളിലിത്തിച്ചേരും

ഇന്‍ഡ്യന്‍ റവന്യൂ സര്‍വീസ് (ഇന്‍കം ടാക്സ്)

അയ്യായിരത്തിനടുത്ത് ഓഫീസര്‍മാരുള്ള, എഴു പതിനായിരത്തിനടുത്ത് ജീവനക്കാരുള്ള ഇന്‍കം ടാക്സ് വകുപ്പാണ് ഇന്‍ഡ്യയില്‍ പ്രത്യക്ഷ നികുതി പിരിക്കുന്നത്. സെന്‍ട്രല്‍ ബോര്‍ഡ് ഓഫ് ഡയറക്ട് ടാക്സസ് (CBDT) ആണ് അതോറിറ്റി. അര്‍ദ്ധ ജുഡീഷ്യല്‍ വിഭാഗമാണിത്. വിദേശ രാജ്യങ്ങളിലയച്ച് കൊണ്ടുള്ളതുള്‍പ്പെടെ ഏറ്റവും മികച്ച പരിശീലനവും വെല്ലുവിളി ഉയര്‍ത്തുന്ന ജോലിയുമാണ് ഈ സര്‍വീസിന്‍റെ പ്രത്യേകത.

ഒരാള്‍ ആദ്യം നിയമിക്കപ്പെടുക അസിസ്റ്റന്‍റ് കമ്മീഷണര്‍ ഓഫ് ഇന്‍കം ടാക്സ് എന്ന പോസ്റ്റിലാണ്. തുടര്‍ന്ന് ഡപ്യൂട്ടി കമ്മീഷണര്‍ ഓഫ് ഇന്‍കം ടാക്സ്, ജോയിന്‍റ് കമ്മീഷണര്‍ ഓഫ് ഇന്‍കം ടാക്സ്, അഡീഷണല്‍ കമ്മീഷണര്‍ ഓഫ് ഇന്‍കം ടാക്സ്, കമ്മീഷണര്‍ ഓഫ് ഇന്‍കം ടാക്സ്, പ്രിന്‍സിപ്പല്‍ കമ്മീഷണര്‍ ഓഫ് ഇന്‍കം ടാക്സ്, ചീഫ് കമ്മീഷണര്‍ ഓഫ് ഇന്‍കം ടാക്സ്, എന്നീ പദവികളിലെത്തും. പ്രിന്‍സിപ്പല്‍ ചീഫ് കമ്മീഷണര്‍ ഓഫ് ഇന്‍കം ടാക്സ് എന്നതാണ് ഏറ്റവും ഉയര്‍ന്ന പദവി.

ഐ പി എസ് (ഇന്‍ഡ്യന്‍ പോലീസ് സര്‍വീസ്)

ജില്ലയുടെ ക്രമ സമാധാനച്ചുമതലയുള്ള പോലീസ് എന്നായിരിക്കും സാധാരണ നമ്മള്‍ ഐ പി എസ് കാരെ ഓര്‍ക്കാറ്. എന്നാല്‍ സൈബര്‍സെല്‍, ക്രൈം ബ്രാഞ്ച്, സി ഐ ഡി അഥവാ കുറ്റാന്വേഷണ വകുപ്പ്, റോ, ട്രാഫിക് ബ്യൂറോ എന്നിങ്ങനെ വിവിധ നിലകളില്‌‍ ശോഭിക്കുവാന്‍ കഴിയുന്ന സര്‍വ്വീസാണിത്. ഇന്‍റലിജന്‍സ് ബ്യൂറോ, സി ആര്‍ പി എഫ്, ക്യാബിനറ്റ് സെക്രട്ടറിയേറ്റ് സുരക്ഷാ വിഭാഗം, ബി എസ് എഫ് എന്നിവയുടെയൊക്കെ തലവന്‍മാര്‍ ഐ പ് എസുകാരാണ്. ആഭ്യന്തര മന്ത്രാലയത്തിന് കീഴിലാണ് ഇവര്‍ വരിക. രണ്ട് വര്‍ഷത്തെ പ്രൊബേഷന് ശേഷം അസിസ്റ്റന്‍റ് സൂപ്രണ്ട് ഓഫ് പോലീസ് (എ സി പി) എന്ന തസ്തികയിലാണ് ഇവര്‍ നിയമിതരാവുക.

പിന്നീട് അഡീഷണല്‍ സൂപ്രണ്ട് ഓഫ് പോലീസ്, സൂപ്രണ്ട് ഓഫ് പോലീസ്, ഡെപ്യൂട്ടി കമ്മീഷണര്‍ ഓഫ് പോലീസ്, ഇന്‍സ്പെക്ടര്‍ ജനറല്‍ ഓഫ് പോലീസ് എന്നിങ്ങനെ വന്ന് ഒടുവില്‍ ഡി ജി പി ആയി തീരും. കേന്ദ്രത്തിലാണെങ്കില്‍ ഐ ബിയുടെ തലവനാണ് ഉയര്‍ന്ന തസ്തിക.

യു പി എസ് സി തന്നെ നടത്തുന്നഅസിസ്റ്റന്‍റ് കമാന്‍ഡന്‍റ് പരീക്ഷ വഴി ഗ്രൂപ്പ് എ യിലേക്ക് നേരിട്ട് നിയമനം ലഭിക്കുന്നവരും ഈ വിഭാഗത്തില്‍ വരും. നിശ്ചിത കാലത്തെ സര്‍വീസിന് സേഷം ഇവര്‍ക്ക് ഐ പി എസ് കണ്‍ഫര്‍ ചെയ്ത് കൊടുക്കും. മസൂറിയിലെ പ്രാഥമിക പരിശീലനത്തിന് ശേഷം ഹൈദരാബാദിലുള്ള നാഷണല്‍ പോലീസ് അക്കാദമിയിലാണ് ട്രെയിനിങ്ങ് നടക്കുക.

ഇന്‍ഡ്യന്‍ ഫോറിന്‍ സര്‍വീസ് (ഐ എഫ് എസ്)

അന്താരാഷ്ട്ര തലത്തില്‍ ഇന്ത്യയുടെ ശബ്ദമായി അരിയപ്പെടുവാനാഗ്രഹിക്കുന്നവര്‍ തിരഞ്ഞെടുക്കുന്നതാണ് ഇന്‍ഡ്യന്‍ ഫോറിന്‍ സര്‍വീസ്. രാജ്യത്തിന്‍റെ വിദേശ കാര്യ നയം രൂപീകരിക്കുകയും അത് നടപ്പിലാക്കുകയും ചെയ്യുക എന്നതാണ് ഇവരുടെ പ്രാഥമിക ദൌത്യം. കൂടാതെ വിദേശത്തുള്ള ഇന്ത്യന്‍ മിഷനുകള്‍ ഏകോപിപ്പിക്കുന്നതും ഇവരുടെ നേതൃത്വത്തിലാണ്. സാസേകാരികം, വാണിജ്യം, സൈനീകം എന്നീ മേഖലകളില്‍ അത് വ്യാപിച്ച് കിടക്കും. മസൂറിയിലെ Lal Bahadur Shastri National Academy of Administration (LBSNAA) ലെ ഫൌണ്ടേഷന്‍ ട്രെയിനിങ്ങിന് ശേഷം ഇവര്‍ ഡല്‍ഹിയിലുള്ള ഫോറിന്‍ സര്‍വീസ് ഇന്‍സ്റ്റിറ്റ്യൂട്ടില്‍ അടുത്ത ഘട്ടത്തിലേക്ക് ട്രെയിനിങ്ങിന് വിളിക്കപ്പെടും. പ്രൊബേഷന്‍ കാലയളവില്‍ കോമണ്‍വെല്‍ത്ത്, യു എസ് എ, യു എന്‍ എന്നിവിടങ്ങളിലേക്കും മറ്റു രാജ്യങ്ങളിലേക്കും പരിശീലനത്തിനായി പോകുന്ന ഇവര്‍ തിരഞ്ഞെടുക്കുന്ന സ്ഥലത്തെ ഭാഷ പഠിക്കുകയും വേണം.

യാത്ര ഇവര്‍ക്ക് ഒഴിച്ച് കൂടാത്ത ഒന്നാണ്. നയ തന്ത്രജ്ഞനായി രാജ്യത്തിന്‍റെ അവകാശങ്ങളും അധികാരങ്ങളും നേടിയെടുക്കുക, അന്താരാഷ്ട്ര പ്രശ്നങ്ങളില്‍ ഇന്ത്യയുടെ സ്വരമായി മാറുക തുടങ്ങിയ വെല്ലു വിളികള്‍ ഉണ്ടെങ്കിലും മറ്റു രാജ്യങ്ങളിലെ ചാരപ്പണിയെ എതിര്‍ക്കുന്നത് തൊട്ട് തീവ്ര വാദാക്രമണങ്ങള്‍ വരെ ജോലിയുടെ ഭാഗമായിരിക്കും. ഏഷ്യന്‍ രാജ്യങ്ങളില്‍ മികച്ച അന്തരീക്ഷമായിരിക്കുമെങ്കിലും ആഫ്രിക്കന്‍ മധ്യേഷ്യന്‍ രാജ്യങ്ങളില്‍ പണി കടുത്തതായിരിക്കും. ഏത് രാജ്യത്താണോ പോസ്റ്റിങ്ങ് കിട്ടുക ആ രാജ്യത്തെ കറന്‍സിക്ക് തത്തുല്യമായ രൂപ ട്രാവല്‍ അലവന്‍സായി ലഭിക്കും. പ്രൊബേഷന്‍ കാലയളവില്‍ ലോകത്തിലെ ഒട്ടു മിക്ക രാജ്യങ്ങളും സൌജന്യമായി യാത്ര ചെയ്യുവാന്‍ കഴിയുന്നത് ഈ സര്‍വീസിന്‍റെ പ്രത്യേകതയാണ്. എന്നാല്‍ മറ്റ് സര്‍വീസുകളേക്കാള്‍ പ്രൊബോഷന് കാലയളവ് ഇതില് കൂടുതലാണ്.

ആദ്യം തേര്‍ഡ് സെക്രട്ടറിയായി ഇന്ത്യക്ക് പുറത്തുള്ള ഏതെങ്കിലും ഇന്ത്യന്‍ ഹൈക്കമ്മീഷനില്‍ രണ്ട് വര്‍ഷത്തേക്ക് നിയമിക്കും. തുടര്‍ന്ന് ഏതെങ്കിലും ഒരു രാജ്യത്ത് നിയമനം നല്‍കും.

ഐ എ എസ് (ഇന്‍ഡ്യന്‍ അഡ്മിനിസ്ട്രേറ്റീവ് സര്‍വീസ്)

സിവില്‍ സര്‍വീസ് പരീക്ഷയില്‍ ഉയര്‍ന്ന റാങ്ക് വരുന്നവര്‍ സാധാരണയായി ഐ എ എസ് എന്ന ഇന്‍ഡ്യന്‍ ഭരണ സര്‍വീസ് ആണ് തിരഞ്ഞെടുക്കാറ്. മസൂറിയിലാണ് ഇവരുടെ പരിശീലനം നടക്കുക. സബ് കളക്ടറ്‍മാരായിട്ടാണ് ജൂനിയറായിട്ടുള്ള ഐ എ എസ് കാര്‍ക്ക് നിയമനം ലഭിക്കുക. ഡിസ്ട്രിക് കളക്ടര്‍/ഡെപ്യൂട്ടി കമ്മീഷണര്‍മാര്‍ തുടങ്ങിയ സ്ഥാനങ്ങളില്‍ വരുന്ന ഇവരാണ് ലോ ആന്‍ഡ് ഓര്‍ഡര്‍, ദുരന്ത നിവാരണം, റവന്യൂ തര്‍ക്കങ്ങള്‍ എന്നിവയടക്കം ഒരു ജില്ലയിലെ കാര്യങ്ങള്‍ തീരുമാനിക്കുന്നത്. ഗവണ്‍മെന്‍റ് ഫണ്ടുകള്‍ കൃത്യമായി വിനിയോഗിക്കുന്നതും നയരൂപീകരണം നടത്തുന്നതും ഇവരാണ്.

വിവിധ ഡിപ്പാര്‍ട്ട്മെന്‍റുകളിലെ ഡയറക്ടര്‍മാര്‍, വകുപ്പ് സെക്രട്ടറിമാര്‍, അഡീഷണല്‍ സെക്രട്ടറി, ജോയിന്‍റ് സെക്രട്ടറി തുടങ്ങിയ തസ്തികകളെല്ലാം ഇവരുടേതാണ്. ഒരു സംസ്ഥാനത്താണെങ്കില്‍ ചീഫ് സെക്രട്ടറിയും കേന്ദ്രത്തിലാണെങ്കില്‍ ക്യാബിനറ്റ് സെക്രട്ടറിയുമാണ് ഇവരുടെ ഉയര്‍ന്ന തസ്തികകള്‍.

ആംഡ് ഫോഴ്സ് ഹെഡ് ക്വാർട്ടേഴ്സ് സിവില്‍‌‍ സർവീസ് സെക്ഷന്‍ ഓഫീസർ

ഇത് ഒരു ഗ്രൂപ്പ് എ സർവീസ് അല്ല. പ്രതിരോധ വകുപ്പിന് കീഴിലുള്ള ഈ സർവീസിലുള്ളവർ കര നാവിക വ്യോമ സേനകളുടെ കേന്ദ്രീകൃത ആസ്ഥാനമായ ന്യൂഡല്‍ഹിയാവും ജോലി നോക്കുക. സെക്ഷന്‍ ഓഫീസർ തസ്തികയില്‍ നിന്നും നാലു വർഷത്തിന് ശേഷം ആദ്യ പ്രൊമോഷനും ആറു വർഷത്തിന് ശേഷം ഡപ്യൂട്ടി ഡയറക്ടർ പോസ്റ്റിലേക്കും ഉയർത്തപ്പെടും. പ്രതിരോധ മന്ത്രാലയത്തിന്‍റെ ചീഫ് അഡ്മിനിസ്ട്രേറ്റീവ് ഓഫീസർ ആണ് ഈ കേഡറിന്‍റെ നിയന്ത്രണാധികാരി.

ഇന്ത്യന്‍ ട്രേഡ് സർവീസ് (ITS)

ആകെ സർവീസുകളുടെ എണ്ണം ഇരുനൂറിനകത്ത് വരുന്ന ചെറിയ സർവീസുകളിലൊന്നാണിത്. ഗ്രൂപ്പ് എ സർവീസ് ആണിത്. ഡയറക്ടർ ജനറല്‍ ഓഫ് ഫോറിന്‍ ട്രേഡ് ആണ് കേഡർ നിയന്ത്രണ അതോറിറ്റി. സ്പെഷ്യല്‍ ഇക്കണോമിക് സോണിലെ ഡവലപ്മെന്‍റ് കമ്മീഷണർമാർ ഈ കേഡറില്‍ നിന്നുള്ളവരാണ്. ഇവരുടെ ട്രെയിനിങ്ങ് ന്യൂഡല്‍ഹിയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഫോറിന്‍ ട്രേഡില്‍ ആണ് നടക്കുക.

വിദേശ വ്യാപാരം, തുറമുഖ , വിമാനത്താവളങ്ങള്‍ കേന്ദ്രീകരിച്ചുള്ള ചരക്ക് നീക്കം, ഇറക്ക്മതി സുരക്ഷയുമായി ബന്ധപ്പെട്ട നിയമങ്ങള്‍ ക്രോഡീകരിക്കുക , ഫോറിന്‍ ട്രേഡ് നയ രൂപീകരണം, എക്സ്പോർട്ട് പ്രമോഷന്‍ എന്നിവയാണ് പ്രധാന ചുമതലകള്‍. എ ഡി ബി ലോക ബാങ്ക് എന്നിവിടങ്ങളില്‍ ഡപ്യൂട്ടേഷനില്‍ പോകുവാനുള്ള അവസരവുമുണ്ട്.

International Trade Policy Division, Foreign Trade Territorial Division, Export Products Division, Export Industries Division, Export Services Division, Economic Division, Administration & General Service Division, Finance Division, Supply Division എന്നിങ്ങനെ 9 വിഭാഗങ്ങളിലായിട്ടാണ് ഈ സര്‍വീസ് വ്യാപിച്ച് കിടക്കുന്നത്.

അസിസ്റ്റന്‍റ് സെക്യൂരിറ്റി കമ്മീഷണർ - ഇന്ത്യന്‍ റെയില്‍വേ പ്രൊട്ടക്ഷന്‍ ഫോഴ്സ് (IRPF)

ഇന്ത്യന്‍ റെയില്‍വേയിലെ ഏക യൂണിഫോം സർവീസാണിത്. ഐ പി എസിനോട് സാമ്യമുള്ള ട്രെയിനിങ്ങ് ഇവർക്ക് ലഭിക്കും. എന്നാല്‍ റെയില്‍വേ ക്രിമിനല്‍ കേസുകള്‍ അന്വേഷിക്കുന്നത് ഇവരല്ല മറിച്ച് റെയില്‍വേയില്‍ പ്രത്യേക വിഭാഗമായി ജോലി ചെയ്യുന്ന അതാത് സംസ്ഥാന പോലീസ് വിഭാഗമാണ്. റെയില്‍വേയുടെ വസ്തു വകകള്‍, ട്രെയിന്‍ സുരക്ഷിതത്വം, റെയില്‍വേ അധികാരികളുടെ സുരക്ഷ എന്നിവയും യാത്രക്കാരുടെ സംരക്ഷണവുമാണ് ഇവരുടെ പ്രധാന ചുമതലകള്‍ .ലഖ്നൌവിലെ ജഗജീവന്‍ റാം ആർ പി എഫ് അക്കാദമിയിലാണ് ഇവരുടെ ട്രെയിനിങ്ങ് നടക്കുക. ഡയറക്ടർ ജനറല്‍ അണ് ഏറ്റവും ഉയർന്ന പോസ്റ്റ്. ഇന്‍റലിജന്‍സ് ബ്യൂറോ, സി ബി ഐ, വിദേശ കാര്യ മന്ത്രാലയം എന്നിവിടങ്ങളില്‍ അവസരങ്ങളുണ്ട്. പ്രൊബേഷന് ശേഷം റാങ്ക്, ഒഴിവുകള്‍, നല്‍കിയിരിക്കുന്ന ഓപ്ഷന്‍ എന്നിവയനുസരിച്ച് ഏതെങ്കിലും ഒരു സോണല്‍ റെയില്‍വേയില്‍ നിയമനം ലഭിക്കും. ഒട്ടേറെ ആളുകള്‍ ഈ സർവീസില്‍ നിന്നും യു എന്‍ സമാധാന സേനയില്‍ അംഗങ്ങളായിട്ടുണ്ട്.

ഇന്ത്യന്‍ ഡിഫന്‍സ് എസ്റ്റേറ്റ് സർവീസ് (IDES)

പ്രതിരോധ മന്ത്രാലയത്തിന് കീഴില്‍ വരുന്ന സർവീസാണിത്. വളരെ ചെറിയ കേഡർ സംവിധാനങ്ങളുള്ള സർവ്വീസാണിത്. ഡയറക്ടർ ജനറല്‍ (ഡിഫന്‍സ് എസ്റ്റേറ്റ്) ആണ് ഏറ്റവും ഉയർന്ന പദവികളിലൊന്ന്. പ്രതിരോധ വകുപ്പിന് കീഴിലുള്ള ഭൂമി, അവയുടെ വിനിമയങ്ങള്‍, ഉടമസ്ഥത, കന്‍റോണ്‍മെന്‍റുകളുടെ സുഗമമായ നടത്തിപ്പ്, ആർമി സ്കൂള്‍, ആശുപത്രികള്‍, റോഡുകള്‍ എന്നിവയുടെ മേല്‍നോട്ടം എന്നിവയെല്ലാം ഈ സർവീസില്‍ വരുന്നു. ഓരോ സംസ്ഥാനങ്ങളിലേയും കന്‍റോണ്‍മെന്‍റ് കേന്ദ്രീകരിച്ചാവും നിയമനം. ന്യൂ ഡല്‍ഹിയിലെ National Institute of Defence Estates Management ല്‍ ആണ് ഇവരുടെ ട്രെയിനിങ്ങ് നടക്കുക.

ഇന്ത്യന്‍ ഓർഡിനന്‍സ് ഫാക്ടറി സർവീസ് (IOFS)

പ്രതിരോധ വകുപ്പിന് കീഴിലുള്ള സിവിലിയന്‍ ഓഫീസർ സർവീസ് ആണിത്. ഇന്ത്യന്‍ പ്രതിരോധ മേഖലക്ക് വേണ്ടുന്ന ആയുധങ്ങള്‍ നിർമ്മിച്ച് കൊടുക്കുന്ന ഓർഡിനന്‍സ് ഫാക്ടറികളിലാണ് ഇവർ നിയമിക്കപ്പെടുക. എഞ്ചിനിയറിങ്ങ് വിഭാഗവും ഭരണ വിഭാഗവുമായി രണ്ടായിരത്തിലധികം ഓഫീസര്‍മാരുള്ള സർവീസുകളില്‍ ഒന്നാണിത്. ഇവരുടെ ട്രെയിനിങ്ങ് നടക്കുക നാഗപൂരിലെ നാഷണല്‍ അക്കാദമി ഓഫ് ഡിഫന്‍സ് പ്രൊഡക്ഷനിലായിരിക്കും. ഇവർക്ക് ഐ ഐ ടി, ഐ ഐ എം എന്നിവിടങ്ങളില്‍ ഉന്നത വിദ്യാഭ്യാസത്തിനുള്ള അവസരവും ഈ സർവ്വീസ് ഒരുക്കും. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പബ്ലിക് അഡ്മിനിസ്ട്രേഷന്‍, അഡ്മിനിസ്ട്രേറ്റീവ് സ്റ്റാഫ് കോളേജ് ഓഫ് ഇന്ത്യ, വിദേശ രാജ്യങ്ങള്‍ എന്നിവിടങ്ങളിലയച്ചും ഇവർക്ക് പരിശീലനം നല്‍കും. വകുപ്പിന് കീഴിലുള്ള ഗവേഷണ – വികസന (R & D) സ്ഥാപനങ്ങളുടെ മേല്‍ നോട്ടവും ഫാക്ടറികളിലെ ഭരണവുമാണ് പ്രധാന ചുമതലകള്‍. ഇത് കൂടാതെ സായുധ സേനയിലേക്ക് കമ്മീഷന്‍ഡ് ഓഫീസർമാരായി പോകുവാനുള്ള അവസരവുമുണ്ട്.

ഇന്ത്യന്‍ പോസ്റ്റല്‍ സർവീസ് (IPoS)

അഞ്ഞൂറിലധികം ഓഫീസര്‍മാരുള്ള സര്‍വ്വീസാണിത്. ഇരുപതിലധികം സർക്കിളുകളായി പോസ്റ്റല്‍ യൂണിറ്റുകളെ തിരിച്ചിരിക്കുന്നു. ഓരോ സർക്കിളിലും മേല്‍ നോട്ടം വഹിക്കുക ചീഫ് പോസ്റ്റ് മാസ്റ്റർ ജനറല്‍ ആയിരിക്കും. ഓരോ റീജിയണുകളും പോസ്റ്റ് മാസ്റ്റർ ജനറല്‍ ആവും നിയന്ത്രിക്കുക. ഈ സർവീസിന് അകത്തുള്ളവർ തന്നെയാണ് റെയില്‍ വേ മെയില്‍ സർവീസും ആർമി പോസ്റ്റല്‍ സർവീസും നിയന്ത്രിക്കുക. ആർമി പോസ്റ്റല്‍ സർവീസിന്‍റെ തലവന്‍ ഒരു മേജർ ജനറലിന് തുല്യമായ അധികാരങ്ങള്‍ ഉള്ള വ്യക്തിയാണ്. മെമ്പർ, പോസ്റ്റല്‍ സർവീസസ് ബോർഡ് ആണ് ഏറ്റവും ഉയർന്ന പോസ്റ്റുളില്‍ ഒന്ന്.

ഗാസിയാബാദ് കേന്ദ്രമാക്കിയുള്ള റാഫി അഹമ്മദ് കിദ്വായി നാഷണല്‍ പോസ്റ്റല്‍ അക്കാദമിയിലാണ് ഇവരുടെ ട്രെയിനിങ്ങ നടക്കുക. പ്രൊബേഷന് ശേഷം ഇവരെ ഏതെങ്കിലും ഒരു പോസ്റ്റല്‍ സര്‍ക്കിളില്‍ നിയമിക്കും. യൂണിവേഴ്സല്‍ പോസ്റ്റല്‍ യൂണിയന്‍, ഏഷ്യ പസഫിക് പോസ്റ്റല്‍ യൂണിയന്‍, യു എന്‍ ഡി പി എന്നിവിടങ്ങളിലും പൊതു മേഖലാ സ്ഥാനങ്ങളിലും ചീഫ് വിജിലന്‍സ് ഓഫീസർമാരായും ഇവര്‍ ഡപ്യൂട്ടേഷനില്‍ പോകാറുണ്ട്.

ഇന്ത്യന്‍ കോര്‍പ്പറേറ്റ് ലോ സര്‍വീസ് (ICLS)

മിനിസ്ട്രി ഓഫ് കോര്‍പ്പറേറ്റ് അഫയേഴ്സിന് കിഴിലുള്ള ഈ സര്‍വ്വീസ് കമ്പനി നിയമത്തെ അധികരിച്ചുള്ള ഭരണം നടത്തുന്നു. ഇവരുടെ ട്രെയിനിങ്ങ് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് കോര്‍പ്പറേറ്റ് അഫയേഴ്സില്‍ നടക്കും. കമ്പനി ലോ ബോര്‍ഡ് ഈ സര്‍വീസിലുള്ളവര്‍ എത്തിച്ചേരുന്ന മേഖലകളില്‍ ഒന്നാണ്. രാജ്യത്തുള്ള ഏഴ് റീജിയണുകളില്‍ ആദ്യം നിയമിക്കപ്പെടുന്ന ഇവര്‍ റീജിയണല്‍ ഡയറക്ടര്‍ എന്ന പോസ്റ്റില്‍ എത്തുന്നു. സീരിയ് ഫ്രോഡ് ഇന്‍വെസ്റ്റിഗേഷന്‍ ഓഫീസ് (SFIO), രജിസ്ട്രാര്‍ ഓഫ് കമ്പനീസ് എന്നിവിടങ്ങലിലെ പോസ്റ്റുകളില്‍ ഇവർ എത്തിച്ചേരും

ഇന്ത്യന്‍ റെയില്‍വേ പേഴ്സണല്‍ സര്‍വീസ് (IRPS)

റെയില്‍വേയിലെ ജീവനക്കാരുടെ ക്ഷേമം, അവരുടെ നിയമനം, റിട്ടയര്‍മെന്‍റ്, ട്രെയിനിങ്ങ്, റിട്ടയര്‍മെന്‍റ് എന്നിവ നോക്കുകയും ദൈനം ദിന മാനവ വിഭവ ശേഷി നടത്തിപ്പുമാണ് ഇവരുടെ പ്രധാന ചുമതല.

ഇവരുടെ ട്രെയിനിങ്ങ് വിവിധ റെയില്‍വേ ട്രെയിനിങ്ങ് ഇന്‍സ്റ്റിറ്റ്യൂട്ടുകളിലും വഡോദരയിലെ നാഷണല്‍ അക്കാദമി ഓഫ് ഇന്ത്യന്‍ റെയിലവേസിലുമായിരിക്കും (NAIR) (https://irtpms.in/site/). ഇതിനൊപ്പം മാനേജ്മെന്‍റ് പരിശീലനവും നല്‍കും. ഇത് കൂടാതെ ഡി ആര്‍ എം (ഡിവിഷണല്‍ റെയില്‍വേ മാനേജര്‍), എ ഡി ആര്‍ എം (അഡീഷണല്‍ ഡിവിഷണല്‍ റെയില്‍വേ മാനേജര്‍), ചെയര്‍മാന്‍ റെയില്‍വേ റിക്രൂട്ട്മെന്‍റ് ബോര്‍ഡ്, ചെയര്‍മാന്‍ റെയില്‍വേ റിക്രൂട്ട്മെന്‍റ് സെല്‍ എന്നിവയിലും ഭാവിയില്‍ അവസരങ്ങളുണ്ട്. റെയില്‍വേ ബോര്‍ഡ് മെമ്പര്‍ (സ്റ്റാഫ്) ആണ് ഇവര്‍ എത്തിച്ചേരുന്ന ഉയര്‍ന്ന പദവികളിലൊന്ന്. DOPT, UPSC അടക്കമുള്ളവയില്‍ ഡപ്യൂട്ടേഷന്‍ സാധ്യതകളുണ്ട്. പ്രൊബേഷന് ശേഷം റാങ്ക്, ഒഴിവുകള്‍, നല്‍കിയിരിക്കുന്ന ഓപ്ഷന്‍ എന്നിവ അനുസരിച്ച് ഏതെങ്കിലും ഒരു സോണല്‍ റെയില്‍വേയില്‍ അസിസ്റ്റന്‍റ് പേഴ്സസണല്‍ ഓഫീസര്‍ ആയി നിയമിക്കപ്പെടും.

ഇന്ത്യന്‍ പോസ്റ്റല്‍ & ടെലഗ്രാഫ് അക്കൌണ്ട്സ് & ഫിനാന്‍സ് സര്‍വീസ് (IP & TAFS)

ടെലികോം വകുപ്പില്‍, പോസ്റ്റല്‍ വകുപ്പ് എന്നിവയുടെ ഫിനാന്‍സ് ആന്‍ഡ് അക്കൌണ്ടിങ്ങ് വിഭാഗമാണിത്. ഇന്ത്യയില്‍ എവിടേയും നിയമിക്കാപ്പെടാമെങ്കിലും തലസ്ഥാന നഗരങ്ങളിലാണ് നിയമനം ഉണ്ടാവുക. ഫൌണ്ടേഷന്‍ കോഴ്സിന് ശേഷം ഫരീദാബാദിലുള്ള NIFM, ന്യൂഡല്‍ഹിയിലുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ ഫിനാന്‍സ് എന്നിവിടങ്ങളില്‍ പ്രൊബേഷന്‍ ട്രെയിനിങ്ങ് നടക്കും. ടെലികോം കമ്പനികള്‍ക്ക് സ്പെക്ട്രം യൂസർ ഫീ, ലൈസന്‍സ് ഫീ എന്നിവ ചുമത്തുന്നത് ഈ വകുപ്പാണ്. സ്പെക്ട്രം ലേലം നടത്തുക, ടെലകോം നയ രൂപീകരണം, ഓഡിറ്റ്, ടെലകോം വകുപ്പ്, ബി എസ് എന്‍ എല്‍, എം ടി എന്‍ എല്‍ തുടങ്ങിയ പൊതു മേഖലാ സ്ഥാപനങ്ങളുടെ ധനകാര്യ നടത്തിപ്പ് എന്നിവയും ഇതിന്‍റെ ചുമതലയാണ്. എ ഡി ബി, ലോക ബാങ്ക് എന്നിവിടങ്ങളില്‍ ഈ സര്‍വീസിലുള്ളവര്‍ക്ക് ഡെപ്യൂട്ടേഷനില്‍ പോകാം.

ഇന്ത്യന്‍ സിവില്‍ അക്കൌണ്ട്സ് സര്‍വ്വീസ് (ICAS)

ഗവണ്‍മെന്‍റ് അക്കൌണ്ടുകള്‍ക്ക് മേല്‍നോട്ടം നല്‍കുക, നികുതി പിരിച്ചെടുക്കുന്നതിന് ഗവണ്‍മെന്‍റിന് അവശ്യ സഹായങ്ങള്‍ നല്‍കുക, കേന്ദ്ര സര്‍ക്കാര്‍ സിവില്‍ വകുപ്പുകളില്‍ കേന്ദ്രീകൃത ഓഡിറ്റ് നടത്തുക, എല്ലാ സിവില്‍ വകുപ്പുകളിലേയും പെന്‍ഷന്‍ വിതരണം, ഗവണ്‍മെന്‍റിന് വേണ്ടി വിവിധ സേവനങ്ങള്‍ക്ക് പണം നല്‍കുക എന്നിവയാണ് പ്രധാന ചുമതലകള്‍.

നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിനാന്‍സ് മാനേജ്മെന്‍റിലാണ് (NIFM) ഇവരുടെ പ്രാഥമിക ട്രെയിനിങ്ങ് നടക്കുക. തുടര്‍ന്ന് നാഗ്പൂരിലുള്ള നാഷണല്‍ അക്കാദമി ഓഫ് ഡയറക്ട് ടാക്സസിലും മറ്റ് അക്കൌണ്ട്സ് സര്‍വീസുകള്‍ക്കൊപ്പമായിരിക്കും. ഒട്ടേറെ വിദേശ രാജ്യങ്ങളുമായി ചേര്‍ന്നുള്ള പരിപാടികളില്‍ ഈ സര്‍വ്വീസില്‍ നിന്നുള്ളവര്‍ പങ്കെടുക്കാറുണ്ട്.

പ്രിന്‍സിപ്പല്‍ അക്കൌണ്ട് ഓഫീസ്, പേ ആന്‍ഡ് അക്കൌണ്ട്സ് ഓഫീസ് എന്നിങ്ങനെയുള്ള ഇടങ്ങളില്‍ പോസ്റ്റിങ്ങ് ലഭിക്കും. ഇന്‍‍സ്റ്റിറ്റ്യൂട്ട് ഓഫ് ഗവണ്‍മെന്‍റ് അക്കൌണ്ട്സ് ആന്‍ഡ് ഫിനാന്‍സ് ഈ സര്‍വ്വീസിന് കീഴില്‍ പ്രവര്‍ത്തിക്കുന്നു. ധനകാര്യ മന്ത്രാലയത്തിന് കീഴില്‍ വരുന്ന മിനിസ്ട്രി ഓഫ് എക്സപെന്‍റിച്ചർ നിയന്ത്രിക്കുന്ന കണ്‍ട്രോളർ ജനറല്‍ ഓഫ് അക്കൌണ്ട്സ് ആണ് ഏറ്റവും ഉയര്‍ന്ന പോസ്റ്റ്.

ഡല്ഹി, ആന്ഡ‍മാന്‍ & നിക്കോബാര്‍ ദ്വീപുകള്‍, ലക്ഷദ്വീപ്, ദാമന്‍ ദിയു & നഗര്‍ ഹവേലി സിവില്‍ സര്‍വീസ് (DANICS)

കേന്ദ്ര ആഭ്യന്തര മന്താലയത്തിന് കീഴിലുള്ള സിവില്‍ സര്‍വീസ് ആണിത്. കേന്ദ്ര ഭരണ പ്രദേശങ്ങളില്‍ ഐ എ സിന് തുല്യമായ ഗ്രൂപ്പ് ബി സര്‍വീസുകളിലൊന്ന്. ഡല്ഹി, ആന്ഡമാന്‍ & നിക്കോബാര്‍ ദ്വീപുകള്‍, ലക്ഷദ്വീപ്, ദാമന്‍ ദിയു & നഗര്‍ എന്നിവിടങ്ങളിലെ ദൈനം ദിന ഭരണമാണ് പ്രധാന ചുമതല. ഒരു കേന്ദ്ര ഭരണ പ്രദേശത്ത് നിന്ന് മറ്റൊരു കേന്ദ്ര ഭരണ പ്രദേശത്തേക്ക് മാത്രമേ ഇവര്ക്ക് സ്ഥലം മാറ്റം ലഭിക്കു. നാല് വര്ഷത്തിന് ശേഷം ഇവര്ക്ക് ഗ്രൂപ്പ് എ തസ്തികയിലുള്ള ശമ്പളം ലഭിച്ച് തുടങ്ങും. ഡല്ഹി്യിലാണ് സാധാരണ ഏറ്റവും കൂടുതല്‍ ഒഴിവുകള്‍ റിപ്പോര്ട്ട് ചെയ്യപ്പെടുന്നത്.

ഇന്ത്യന്‍ ഡിഫന്സ് അക്കൌണ്ട് സര്‍വ്വീസ് (IRAS)

ഇന്ത്യന്‍ ഗവണ്മെന്റി്ന് കീഴിലുള്ള ഏറ്റവും പഴയ സര്വ്വീസുകളിലൊന്നാണിത്. പ്രതിരോധ വകുപ്പിന് കീഴിലുള്ള സിവിലിയന്‍ ഓഫീസര്‍ സര്വ്വീ്സ് ആണിത്. പ്രതിരോധ ബജറ്റ് കൈകാര്യം ചെയ്യുന്നത് ഈ വിഭാഗമാണ്. ഇത് കൂടാതെ പ്രതിരോധ വകുപ്പിലെ അക്കൌണ്ട്സ് വിഭാഗം നിയന്ത്രിക്കുക, ആയുധ ഇടപാടുകളില്‍‌ സാമ്പത്തികാവലോകനം നടത്തുക തുടങ്ങിയ ചുമതലകളുമുണ്ട്. 2010 ല്‍ 3G സ്പെക്ട്രം ലേലം വിവാദങ്ങളില്ലാതെ നടത്തുകയും തുടര്ന്ന് കോമണ്‍ വെല്‍ത്ത് ഗയിംസില്‍ ഫിനാന്സ് കമ്മീഷണര്‍ ആയിരുന്ന വിജയലക്ഷ്മി കെ ഗുപ്ത IDAS സര്വ്വീസിലായിരുന്നു. പിന്നീട് ഇവര്‍ ട്രായ് അംഗവുമായി.

ഇവരുടെ ട്രെയിനിങ്ങ് തുടക്കത്തില്‍ ഫരീദാബാദിലെ നാഷണല്‍ ഇന്സ്റ്റിറ്റ്യൂട്ട് ഓഫ് ഫിനാന്സ് മാനേജ്മെന്റിതലും (NIFM) തുടര്ന്ന് പൂനെയിലെ National Academy of Defence Financial Management Institute (NADFM) ലും നടക്കും. വളരെ വേഗത്തില്‍ പ്രമോഷന്‍ കിട്ടുന്ന ചുരുക്കം ചില സര്വ്വീവസുകളിലൊന്നാണിത്.

ഡല്‍ഹി, ആന്‍ഡമാന്‍ ആന്‍ഡ് നിക്കോബാർ, ലക്ഷദ്വീപ്, ദാമന്‍ ദിയു & ദാദ്ര, നഗർ ഹവേലി പോലീസ് സർവീസ്: ഗ്രൂപ്പ് ബി DANIPS)

കേന്ദ്ര ആഭ്യന്തര മന്ത്രാലയത്തിന് കീഴിലുള്ള സിവില്‍ സർവീസ് ആണിത്. മേല്‍പ്പറഞ്ഞ കേന്ദ്ര ഭരണ പ്രദേശങ്ങളില്‍ ഐ പി എസിന് തുല്യമായ ഗ്രൂപ്പ് ബി പദവികളില്‍ ഒന്നാണിത്. ഈ പ്രദേശങ്ങളിലെ ക്രമ സമാധാന നിയമനാണ് പ്രധാന ചുമതല. 2 വർഷത്തെ പ്രൊബേഷന് ശേഷം ഇവർ അസിസ്റ്റന്‍റ് കമ്മീഷണർമാരായി നിയമിക്കപ്പെടും.

കടപ്പാട് : Lorance Mathew (ഉന്നത വിദ്യാഭ്യാസം)