വിദ്യാഭ്യാസ സ്ഥാപനങ്ങള്‍

നാഷണല്‍ ഫയർ സർവീസ് കോളേജ്

ഫയർ എഞ്ചിനിയറിങ്ങ് പഠിക്കുവാന്‍ നാഷണല്‍ ഫയർ സർവീസ് കോളേജ്

നാട്ടിലും മറുനാട്ടിലും ഇഷ്ടം പോലെ തൊഴില്‍സാധ്യതകള്‍ തുറന്നുകിടക്കുന്ന മേഖലയാണ് ഫയര്‍ എഞ്ചിനിയറിങ്. പെട്രോളിയം റിഫൈനറി, പെട്രോകെമിക്കല്‍, പ്ലാസ്റ്റിക്, രാസവള വ്യവസായങ്ങള്‍, എല്‍.പി.ജി. ബോട്ട്‌ലിങ് പ്ലാന്റുകള്‍ എന്നിവിടങ്ങളിലേക്കൊക്കെ വര്‍ഷാവര്‍ഷം നിരവധി ഫയര്‍ എഞ്ചിനിയറിങ് ബിരുദക്കാരെ ജോലിക്കെടുക്കുന്നു. ഗള്‍ഫ് രാജ്യങ്ങളിലും ഇവര്‍ക്ക് ഒട്ടേറെ തൊഴിലവസരങ്ങളുണ്ട്. ഇന്‍ഷുറന്‍സ് കമ്പനികളില്‍ സര്‍വേയര്‍മാരായും ഫയര്‍ എഞ്ചിനിയര്‍മാരെ ജോലിക്കെടുക്കുന്നുണ്ട്. വന്‍കിട കെട്ടിടനിര്‍മാതാക്കള്‍ക്ക് കീഴില്‍ ഫയര്‍ എഞ്ചിനിയര്‍മാരുടെ വലിയൊരു വിഭാഗം തന്നെ പ്രവര്‍ത്തിക്കുന്നുണ്ട്.

പലരും കരുതുന്നത് പോലെ തീ പിടിച്ചാല്‍ അത് കെടുത്താന്‍ ഓടിനടക്കുന്ന പണി മാത്രമല്ല ഫയര്‍ എഞ്ചിനിയറിങ്. തീയുണ്ടാകാനുള്ള സാധ്യതകള്‍ മുന്‍കൂട്ടി കണ്ടറിഞ്ഞ് അതിന് പ്രതിരോധമാര്‍ഗ്ഗങ്ങള്‍ ഒരുക്കുകയാണ് ഫയര്‍ എഞ്ചിനിയറുടെ പ്രധാനപ്പെട്ട ഉത്തരവാദിത്തം. ഒരു വീടോ കെട്ടിടമോ നിര്‍മിക്കുന്നതിന് മുമ്പ് തന്നെ അതിനായുള്ള അഗ്നിപ്രതിരോധസംവിധാനങ്ങള്‍ രൂപകല്പന ചെയ്യേണ്ട ജോലിയും ഫയര്‍ എഞ്ചിനിയര്‍മാരാണ് ചെയ്യുക. തീപിടിത്ത സാധ്യതയുളള വസ്തുക്കളുടെ ശേഖരണം, അത്തരം വസ്തുക്കള്‍ മറ്റ് സ്ഥലങ്ങളിലേക്ക് കൊണ്ടുപോകല്‍ എന്നിവയെല്ലാം ഫയര്‍ എഞ്ചിനിയറുടെ മേല്‍നോട്ടത്തിലാണ് നടക്കുക. തീപിടുത്തം ഉണ്ടാകാത്ത വിധം കെട്ടിടങ്ങള്‍ രൂപകല്‍പ്പന ചെയ്യുന്നതിനും അതിനാവശ്യമായ സാധന സാമഗ്രികള്‍ നിര്‍ദ്ദേശിക്കുന്നതിനുമൊക്കെ ഈ മേഖലയിലെ പഠനം ഉപകാരപ്രദമാണ്. തീപ്പിടിത്തമുണ്ടായാല്‍ ഉടന്‍ അപായസൂചന മുഴക്കുന്ന സ്‌മോക്ക് ഡിറ്റക്ഷന്‍ അലാറം, വെള്ളം തളിക്കുന്നതിനുളള ഫയര്‍ ഹൈഡ്രന്റുകള്‍, സ്പ്രിങ്ക്‌ളറുകള്‍ എന്നിവയുടെ മേല്‍നോട്ടച്ചുമതലയും ഫയര്‍ എഞ്ചിനിയര്‍ക്ക് തന്നെ. ഏറ്റവുമൊടുവില്‍ മാത്രമേ തീപ്പിടിത്തം തടയേണ്ട ജോലി വരുന്നുള്ളൂ. നല്ലൊരു ഫയര്‍ എഞ്ചിനിയറിങ് വിഭാഗം പ്രവര്‍ത്തിക്കുന്ന സ്ഥാപനത്തിലോ ഫാക്ടറിയിലോ തീപ്പിടിത്തം എന്ന പ്രശ്‌നമേ ഉദിക്കുന്നില്ല. അതുകൊണ്ട് തന്നെ രാവും പകലും അഗ്നിപ്രതിരോധത്തിനായി പാടുപെടേണ്ട തീക്കളിയല്ല ഈ ജോലി എന്ന് നിസ്സംശയം പറയാം.

ഈ വിഷയം പഠിക്കുവാന്‍ നിരവധി സ്ഥാപനങ്ങളുണ്ടുവെങ്കിലും വേറിട്ട് നില്‍ക്കന്നയൊന്നാണ് കേന്ദ്ര ആഭ്യന്തരമന്ത്രാലയത്തിന് കീഴിലുളള നാഗ്പൂരിലെ നാഷനല്‍ ഫയര്‍ സര്‍വീസ് കോളേജ് (എന്‍.എഫ്.എസ്.സി). ഫയര്‍ എഞ്ചിനിയറിങില്‍ മൂന്നര വര്‍ഷത്തെ ബാച്ചിലര്‍ ഓഫ് എഞ്ചിനിയറിങ് (ബി.ഇ.) കോഴ്‌സാണ് ഇവിടുത്തെ പ്രധാനപ്പെട്ട കോഴ്‌സ്. എല്ലാവര്‍ഷവും ജൂണ്‍/ജൂലായ് മാസങ്ങളില്‍ ദേശീയ തലത്തില്‍ നടത്തുന്ന എന്‍ട്രന്‍സ് പരീക്ഷയുടെ അടിസ്ഥാനത്തിലാണ് ഇവിടുത്തെ പ്രവേശനം. 60 സീറ്റുകളാണ് ഇവിടെയുള്ളത്. കോഴ്‌സ് വിജയകരമായി പൂര്‍ത്തിയാക്കുന്നവര്‍ക്ക് നാഗ്പുര്‍ സര്‍വകലാശാലയുടെ ബിരുദ സര്‍ട്ടിഫിക്കറ്റ് ലഭിക്കും.

സബ് ഓഫീസേഴ്സ് കോഴ്സ് – ഫയര്‍ സര്‍വീസില്‍ സബ് ഓഫീസര്‍ പദവിയില്‍ തൊഴില്‍ നേടുവാനനുയോജ്യമായ കോഴ്സാണിത്. സര്‍ക്കാര്‍, സ്വകാര്യ സ്ഥാപനങ്ങള്‍ സ്പോണ്‍സര്‍ ചെയ്യുന്നവര്‍ക്കാണ് പ്രധാനമായും ഇതിലേക്ക് പ്രവേശനം ലഭിക്കുക. എന്നാല്‍ ഡിഗ്രി/ എഞ്ചിനിയറിങ്ങ് ഡിപ്ലോമ കഴിഞ്ഞവര്‍ക്ക് അഖിലേന്ത്യാ തലത്തില്‍ നടക്കുന്ന പ്രവേശന പരീക്ഷാ വഴി ഈ കോഴ്സിലേക്ക് പ്രവേശനം ലഭിക്കും.

ഇതിന് പുറമെ വിവിധ സംസ്ഥാനങ്ങളുടെ ഫയര്‍സര്‍വീസ് വകുപ്പിലെ ഫയര്‍ ഓഫീസര്‍മാരുടെ പരിശീലനവും എന്‍.എഫ്.എസ്.സിയിലാണ് നടക്കുക. അഡ്മിഷന്‍ സംബന്ധിച്ച വിശദാംശങ്ങള്‍ക്ക് http://nfscnagpur.nic.in/ എന്ന വെബ്‌സൈറ്റ് കാണുക.

ജന സംഖ്യാ ശാസ്ത്രം പഠിക്കുവാനൊരു ഉന്നത വിദ്യാ പീഠം - IIPS

സാമൂഹ്യ ശാസ്ത്രത്തിൻറ്റെ ഒരു ഉപ വിഭാഗമായ ഡെമോഗ്രാഫി ഗവേഷണ തലം വരെയുള്ള പഠന സൗകര്യങ്ങളുള്ള ഒരു മേഖലയായി വികസിച്ചിട്ടുണ്ടിപ്പോൾ. ജനന മരണ നിരക്ക്, കുടിയേറ്റം, അത് സമൂഹത്തിൽ ഉണ്ടാക്കുന്ന പ്രത്യാഘാതങ്ങൾ, വിവിധ ജന സമൂഹങ്ങളുടെ എണ്ണത്തിലുള്ള വ്യതിയാനങ്ങൾ, അത് ഭാവിയിൽ സൃഷ്ടിക്കാവുന്ന പ്രത്യാഘാതങ്ങൾ തുടങ്ങിയവയെപ്പറ്റിയെല്ലാം ആഴത്തിലുള്ള പഠനം നടത്തുന്നവരാണു. ഡെമോഗ്രാഫേഴ്സ്. ഒരു ക്ഷേമ രാഷ്ട്രത്തിനു അതിൻറ്റെ നയ രൂപീകരണത്തിനു ജന സംഖ്യാ പഠനം അത്യന്താപേക്ഷികമാണു. ആയതിനാൽ തന്നെ ഈ ശാസ്ത്രം ശാഖ വളരെയധികം വികാസം പ്രാപിച്ചയൊന്നാണു. ഗവേഷണോത്മുഖ പഠനത്തിനു താല്പര്യമുള്ളവർക്ക് തിരഞ്ഞെടുക്കാവുന്ന വിഷയമാണിത്. ആന്ത്രപ്പോളജിക്കൽ ഡെമോഗ്രാഫി, ബയോ ഡെമോഗ്രാഫി, ഇക്കണോമിക് ഡെമോഗ്രാഫി, ഹിസ്റ്റോറിക്കൽ ഡെമോഗ്രാഫി, ഇൻറ്റർ നാഷണൽ ഡെമോഗ്രാഫി, മാത്തമാറ്റിക്കൽ ആൻഡ് സ്റ്റാറ്റിസ്റ്റിക്കൽ ഡെമോഗ്രാഫി, ഫെർട്ടിലിറ്റി ആൻഡ് ഫാമിലി പ്ലാനിങ്ങ്, ഫിസ്കൽ ഡെമോഗ്രാഫി, ഡെമോഗ്രാഫിക് മൈക്രോ സിമുലേഷൻ, ഡെമോഗ്രാഫിക് ഫോർകാസ്റ്റിങ്ങ്, ഫോർമൽ ഡെമോഗ്രാഫി, പോപുലേഷൻ ആൻഡ് ഇക്കണോമിക് ഡെവലപ്മെൻറ്റ് തുടങ്ങി സ്പെഷ്യലൈസ് ചെയ്യാവുന്ന മേഖലകൾ നിരവധി.

സാമൂഹിക ശാസ്ത്രത്തിലോ അനുബണ്ഡ വിഷയങ്ങളിലോ ഡിഗ്രിയെടുത്തവർക്ക് ഡെമോഗ്രാഫിയിലോ പോപ്പുലേഷൻ സ്റ്റഡീസിലോ എം എക്ക് ചേരാം. ചില സ്ഥാപനങ്ങളിൽ ഏതു വിഷയത്തിലും ഡിഗ്രിയെടുത്തവർക്കും പ്രവേശനമുണ്ട്. തുടർന്ന് എം ഫിലി നോ പി എച്ച് ഡി ക്കോ ചേരാം.

ഈ രംഗത്തെ ഏറ്റവും പ്രശസ്തമായ സ്ഥാപനമാണു കൽപ്പിത സർവകലാശാലാ പദവിയുള്ള മുംബൈയിലെ ഇൻറ്റർ നാഷണൽ ഇൻസ്റ്റിറ്റ്യൂട്ട് ഓഫ് പോപ്പുലേഷൻ സയൻസ് (IIPS). പോപ്പുലേഷൻ സയൻസിൽ ബിരുദാനന്തര ബിരുദങ്ങൾക്കും എം ഫിൽ, പി എച്ച് ഡി തുടങ്ങിയ ഗവേഷണ ബിരുദങ്ങൾക്കും ഇവിടെ അവസരമുണ്ട്. ഹ്രസ്വ കാല കോഴ്സുകളുമുണ്ട്. വിദേശ വിദ്യാർഥികൾ ധാരാളം പഠിക്കുന്ന സ്ഥാപനമാണിതു.

കോഴ്സുകള്‍

1. M.A./M.Sc Programme in Population Studies

Mathematics, Statistics, Economics, Psychology, Sociology, Social Work, Geography and Anthropology, Rural Development & Political Science എന്നിവയിലേതെങ്കിലും വിഷയത്തിലുള്ള ഡിഗ്രിയാണ് വേണ്ടത്. എന്നാല്‍ സാമൂഹ്യ ശാസ്ത്രം അല്ലാത്ത വിഷയത്തിലുള്ള ഡിഗ്രിയുള്ളവർ പോപ്പുലേഷന്‍ സയന്‍സില്‍ പ്രവൃത്തി പരിചയം ഉണ്ടുവെങ്കില്‍ അവരേയും പ്രവേശനത്തിന് പരിഗണിക്കുന്നതാണ്. 2 വർഷത്തെ കോഴ്സിന് 50 സീറ്റുണ്ട്. എല്ലാവർക്കും കേന്ദ്ര ഗവണ്‍മെന്‍റിന്‍റെ സ്കോളർഷിപ്പിന് അർഹതയുണ്ടായിരിക്കും. 25 വയസ്സാണ് പ്രായ പരിധി.

2. MSc in Bio-Statistics and Demography

ഗണിത ശാസ്ത്രത്തിലോ സ്റ്റാറ്റിസ്റ്റിക്സിലോ ഉള്ള ഡിഗ്രിയാണ് അഭിലഷണീയ യോഗ്യത. . 2 വർഷത്തെ കോഴ്സിന് 50 സീറ്റുണ്ട്. എല്ലാവർക്കും കേന്ദ്ര ഗവണ്‍മെന്‍റിന്‍റെ സ്കോളർഷിപ്പിന് അർഹതയുണ്ടായിരിക്കും. 25 വയസ്സാണ് പ്രായ പരിധി.

3. Master of Population Studies (MPS)

Statistics, Mathematics, Economics, Psychology, Sociology, Social Work, Geography, and Anthropology എന്നിവയിലേതിലെങ്കിലുമുള്ള പി ജി ബിരുദമാണ് അടിസ്ഥാന യോഗ്യത. 1 വർഷത്തെ കോഴ്സിന് 50 സീറ്റുണ്ട്. എല്ലാവർക്കും കേന്ദ്ര ഗവണ്‍മെന്‍റിന്‍റെ സ്കോളർഷിപ്പിന് അർഹതയുണ്ടായിരിക്കും. 28 വയസ്സാണ് പ്രായ പരിധി. പ്രവേശന പരീക്ഷയും അഭിമുഖവുമുണ്ടാകും.

4. Master of Philosophy (M.Phil.) in Population Studies

M.A./M.Sc./Master in Population Studies/Demography/M.Sc (Biostatistics and Epidemiology) എന്നിവയിലേതെങ്കിലുമാണ് അടിസ്ഥാന യോഗ്യത.

5. Ph.D. in Population Studies

M.Phil in Population Studies or Master's degree in Population Studies or M.Sc. in Bio-Statistics and Epidemiology എന്നിവയിലേതെങ്കിലുമുള്ളവർക്ക് 3 വർഷത്തെ ഗവേഷണത്തിന് ചേരാം. പ്രവേശന പരീക്ഷയും അഭിമുഖവുമുണ്ടാകും. ഫെലോഷിപ്പിനും അർഹതയുണ്ട്. 30 വയസ്സാണ് കൂടിയ പ്രായ പരിധി.

6. Post Doctoral Fellowship (P.D.F.)

പോപ്പുലേഷന്‍ സയന്‍സില്‍ Ph.D ഉള്ളവർക്കാണ് ഈ ഒരു വർഷത്തെ പ്രോഗ്രാമിലേക്ക് പ്രവേശനമുള്ളത്. റിസേർച്ച് ജേർണലുകളില്‍ പേപ്പറുകള്‍ പ്രസിദ്ധീകരിക്കപ്പെട്ടിട്ടുള്ളവർക്ക് മുന്‍ഗണനയുണ്ടാകും. 40 വയസ്സാണ് കൂടിയ പ്രായ പരിധി.

7. M.A. Population Studies (Distance Learning)

സാമൂഹ്യ ശാസ്ത്രം, ആരോഗ്യം, ഗണിത ശാസ്ത്രം എന്നിവയിലേതിലെങ്കിലും ഡിഗ്രിയുള്ളവർക്ക് ഈ പ്രോഗ്രാമിന് ചേരുവാന്‍ കഴിയും. വിദൂര വിദ്യാഭ്യാസ രീതിയിലുള്ള ഈ കോഴ്സിന് 150 സീറ്റാണുള്ളത്.

താരതമേന്യ കുറഞ്ഞ ഫീസാണിവിടുത്തേത്. ഈ രംഗത്ത് ഗവേഷണത്തിന് ഏറെ ഊന്നല്‍ കൊടുക്കുന്ന സ്ഥാപനമാണിത്.

ഹോട്ടല്‍ മാനേജ്മെന്റ്

ഹോട്ടല്‍ മാനേജ്മെന്റ് പഠിക്കുവാനൊരു ഉന്നത സ്ഥാപനം - INSTITUTE OF HOTEL MANAGEMENT, CATERING TECHNOLOGY & APPLIED NUTRITION

വളരെയധികം തൊഴില്‍ സാധ്യതകള്‍ നല്‍കുന്ന ഒരു പ്രൊഫഷനെന്ന നിലയില്‍ ഹോട്ടല്‍ മാനേജ്മെന്‍റ് ആകർഷണീയമായയൊന്നാണ്. ആയതിനാല്‍ത്തന്നെ നിരവധി സ്ഥാപനങ്ങള്‍ ഈ കോഴ്സുകള്‍ നല്‍കുന്നുണ്ട്. എന്നാല്‍ കേന്ദ്ര ടൂറിസം മന്ത്രാലയത്തിന് കീഴില്‍ ഗോവയിലെ പോർവോറിയത്തില്‍ സ്ഥിതി ചെയ്യുന്ന Institute of Hotel Management, Catering Technology & Applied Nutrition എന്ന സ്ഥാപനം. ദേശിയ തലത്തില്‍ത്തന്നെ ശ്രദ്ധേയമായ സ്വയം ഭരണ സ്ഥാപനമാണ്.

കോഴ്സുകള്‍

1. B.SC. IN HOSPITALITY AND HOTEL ADMINISTRATION

മൂന്ന് വർഷത്തെ ഈ കോഴ്സിന് ഏതെങ്കിലും വിഷയത്തിലുള്ള പ്ലസ് ടുവാണ് മതിയായ യോഗ്യത. ദേശീയ തലത്തിലുള്ള മത്സര പരീക്ഷയുണ്ടാകും. National Council for Hotel Management ഉം Indira Gandhi National Open University യും ചേർന്നാണ് ഈ പ്രോഗ്രം നടത്തുന്നത്.

2. DIPLOMA IN FOOD AND BEVERAGE SERVICE

36 ആഴ്ചയാണ് ഈ കോഴ്സിന്‍റെ കാലാവധി. തുടർന്ന് 24 ആഴ്ച Industrial Training ഉണ്ടാകും. പ്ലസ് ടുവാണ് യോഗ്യത വേണ്ടത്. കസ്റ്റമറോട് പെരുമാറേണ്ട രീതിയും ആഥിത്യ മഗ്യാദകള്‍ക്കുമാണ് ഈ കോഴ്സില്‍ ഊന്നല്‍ നല്‍കുക.

3. DIPLOMA IN FOOD PRODUCTION

36 ആഴ്ചയാണ് ഈ കോഴ്സിന്‍റെ കാലാവധി. തുടർന്ന് 24 ആഴ്ച Industrial Training ഉണ്ടാകും. പ്ലസ് ടുവാണ് യോഗ്യത വേണ്ടത്.

4. CRAFTMANSHIP COURSE IN FOOD PRODUCTION AND PATISSERIE

പത്താം ക്ലാസ് യോഗ്യതയുള്ള ഈ കോഴ്സിന്‍റെ കാലാവധി 1.5 വർഷമാണ്. 17 ആഴ്ചകളുള്ള 2 സെമസ്റ്ററുകളാണുള്ളത്. ഓരോ സെമസ്റ്ററിലും 20 ആഴ്ച Industrial Training ഉണ്ടാകും.

5. CRAFTMANSHIP CERTIFICATE COURSE IN FOOD AND BEVERAGE SERVICE

4 ആഴ്ച Industrial training ഉള്‍പ്പെടെ 24 ആഴ്ച നീണ്ടു നില്‍ക്കുന്ന ഈ കോഴ്സിന്‍റെ യോഗ്യത പത്താം ക്ലാസ് വിജയമാണ്.

ഇംഗ്ലീഷ് ഒരു വിഷയമായി പഠിച്ചിരിക്കണമെന്നത് എല്ലാ കോഴ്സ്കള്‍ക്കും ബാധകമായ ഒന്നാണ്.

Oberoi – OCLD (Oberoi Centre of Learning & Development), Thomas Cook (Thomas Cook Executive Trainee Programme-TCETP/Foreign Exchange), Bestseller India (Fashion Consultant, Sales Optimizers & ROMT), Four Seasons (Entry Level all 4 Departments) FAASOS (Retail), Jet Airways (Cabin Crew), Tata Starbucks, The Park Hotels & Zone By The Park Dominos, Godrej Natures Basket, Sofitel Mumbai Sterling Hotels, Goa Cafe Coffee Day, The Ferns, Lemon Tree, Pensio Software Technologies Pvt. Ltd. ITC Maratha, MC Donalds, Orchid Hotel, Madhura Fashion & Lifestyle, Grand Hyatt തുടങ്ങിയ സ്ഥാപനങ്ങളെല്ലാം ഇവിടെ പ്ലേസ്മെന്‍റിനായി വരാറുണ്ട്.

വിലാസം

INSTITUTE OF HOTEL MANAGEMENT, 
CATERING TECHNOLOGY & APPLIED NUTRITION,
Alto Porvorim, Bardez, Goa - 403 521.
+ 91 - 832- 2417252 / 2417379 / 2411142
Email: ihmgoa@sancharnet.in

കൂടുതല്‍ വിവരങ്ങള്‍ക്ക് https://ihmgoa.gov.in/ സന്ദർശിക്കുക.

അടിസ്ഥാന ശാസ്ത്ര ഗവേഷണത്തിന് Institute of Mathematical Sciences

ശാസ്ത്രങ്ങളുടെ റാണി എന്നാണ് ഗണിത ശാസ്ത്രം വിശേഷിപ്പിക്കപ്പെടുന്നത്. ഇന്ത്യയിലെ എല്ലാ സർവകലാശാലകളിലും ഇത് പാഠ്യ വിഷയമാണ്. എന്നാല്‍ പലർക്കും ഇതിന്‍റെ പ്രായോഗിക തലവും ജോലി സാധ്യതകളും അത്ര കണ്ട് പരിചിതമല്ല. എന്നാല്‍ കമ്പ്യൂട്ടർ സയന്‍സുള്‍പ്പെടുയുള്ള ശാസ്ത്ര ശാഖകളുടെ അടിസ്ഥാന ശിലയായ ഈ വിഷയത്തില്‍ ഉന്നത വിദ്യാഭ്യാസം പ്രദാനം ചെയ്യുന്ന, ഒപ്പം അടിസ്ഥാന ഗണിത ശാസ്ത്ര തത്വങ്ങളില്‍ ഗവേഷണ സാധ്യമാക്കുന്ന ചുരുക്കം ചില സ്ഥാപനങ്ങള്‍ നമുക്കുണ്ട്. ആയതിലൊന്നാണ് ചെന്നൈയിലെ Institute of Mathematical Sciences. ഗണിത ശാസ്ത്രത്തില്‍ മാത്രമല്ല തിയററ്റിക്കല്‍ കമ്പ്യൂട്ടർ സയന്‍സിലും, തിയററ്റിക്കല്‍ ഫിസിക്സിലും കമ്പ്യൂട്ടേഷണല്‍ ബയോളജിയിലും ഇവിടെ ഗവേഷണം സാധ്യമാണ്. ചെന്നൈയിലാണ് ഈ സ്ഥാപനം.

കോഴ്സുകള്‍

മാത്തമാറ്റിക്സ് ഡിപ്പാർട്ട്മെന്‍റ്

PhD, Integrated PhD, Post Doctoral Fellowship എന്നിവയാണിവിടെയുള്ളത്. മാത്തമാറ്റിക്സിലോ സ്റ്റാറ്റിസ്റ്റിക്സിലോ പി ജി കഴിഞ്ഞവർക്ക് PhD ചേരാം. മാത്തമാറ്റിക്സിലോ സ്റ്റാറ്റിസ്റ്റിക്സിലോ ഡിഗ്രി കഴിഞ്ഞവർക്ക് Integrated PhD ക്ക് ചേരാം. National Board for Higher Mathematics (NBHM) നടത്തുന്ന പ്രവേശന പരീക്ഷ പാസാകേണ്ടതുണ്ട്. മാത്തമാറ്റിക്സില്‍ PhD കഴിഞ്ഞവർക്ക് Post Doctoral Fellowship ന് ചേരുവാന്‍ കഴിയും.

തിയററ്റിക്കല്‍ കമ്പ്യൂട്ടർ സയന്‍സ് ഡിപ്പാർട്ട്മെന്‍റ്

ഇവിടെയും PhD, Integrated PhD, Post Doctoral Fellowship എന്നിവയാണുള്ളത്. M.Sc./ M.E./ M.Tech./M.C.A എന്നതാണ് PhD ക്ക് ചേരുവാനുള്ള യോഗ്യത. B.Sc./B.E./B.Tech./M.C.A. ഉള്ളവർക്ക് Integrated PhD ക്ക് ചേരുവാന്‍ കഴിയും. ഇവർ Joint Entrance Screening Test in Theoretical Computer Science (JEST) എന്ന പ്രവേശന പരീക്ഷ എഴുതേണ്ടതുണ്ട്.

Concurrency, Logic, Algorithms, Complexity Theory, Automata Theory തുടങ്ങിയ വിഷയങ്ങളിലെല്ലാം സ്പെഷ്യലൈസ് ചെയ്ത് പോസ്റ്റ് ഡോക്ടറല്‍ ഫെലോഷിപ്പിന് ഇവിടെ അവസരമുണ്ട്.

തിയററ്റിക്കല്‍ ഫിസിക്സ് ഡിപ്പാർട്ട്മെന്‍റ്

തിയററ്റിക്കല്‍ ഫിസിക്സില്‍ PhD എന്നിവക്ക് ചേരണമെങ്കില്‍ Joint Entrance Screening Test (JEST), Junior Research Fellowship (JRF), Graduate Aptitude Test in Engineering (GATE) എന്നിവയിസലേതിലെങ്കിലുമൊന്ന് പാസായിരിക്കണം. Integrated PhD ക്ക് Joint Entrance Screening Test (JEST) എഴുതേണ്ടതുണ്ട്.
ഫിസിക്സിന്‍റെ ഏതാണ്ടെല്ലാ മേഖലകളിലും സ്പെഷ്യലൈസ് ചെയ്യുവാനിവിടെ സൌകര്യമുണ്ട്.

കമ്പ്യൂട്ടേഷണല്‍ ബയോളജി ഡിപ്പാർട്ട്മെന്‍റ്

ഏതെങ്കിലും സയന്‍സ് വിഷയങ്ങളിലോ എഞ്ചിനിയറിങ്ങിലോ പി ജി ഉള്ളവർക്ക് കമ്പ്യൂട്ടേഷണല്‍ ബയോളജിയില്‍ PhD ചെയ്യുവാന്‍ കഴിയും. UGC-CSIR NET, JEST, GATE, NBHM, DBT BINC തുടങ്ങിയ ഏതെങ്കിലും ടെസറ്റ് പാസാവേണ്ടതുണ്ട്. നിലവില്‍ Biophysics and Mechano biology, Systems and network biology, Pattern formation and dynamics, Bimolecular modeling, Regulatory genomics, Evolutionary biology, Computational neuroscience, Infectious disease modeling, Ecology

ഇത് കൂടാതെ ഡിഗ്രി, പി ജി വിദ്യാർത്ഥികള്‍ക്ക് സമ്മർ റിസേർച്ച് പ്രൊജക്ട് ചെയ്യുവാനും ഇവിടെ അവസരമുണ്ട്. കോളേജ് അധ്യാപകർക്കും വിദ്യാർത്ഥികള്‍ക്കുമുള്ള അസ്സോസിയേറ്റ് പ്രോഗ്രാമുകളും ഇവിടെയുണ്ട്.

കൂടുതല്‍ വിവരങ്ങള്‍ക്ക് https://www.imsc.res.in/ സന്ദർശിക്കുക.

ബോസ് ഇന്‍സ്റ്റിറ്റ്യൂട്ട് കൊല്‍ക്കത്ത

ഉന്നത ശാസ്ത്ര ഗവേഷണത്തിനൊരു മുന്തിയ സ്ഥാപനം - ബോസ് ഇന്‍സ്റ്റിറ്റ്യൂട്ട് കൊല്‍ക്കത്ത

ഇന്ത്യയിലെ ഏറ്റവും പഴക്കമുള്ള ഗവേഷണ സ്ഥാപനങ്ങളിലൊന്നാണ് കൊല്‍ക്കത്തയിലെ ബോസ് ഇന്‍സ്റ്റിറ്റ്യൂട്ട്. അടിസ്ഥാന ശാസ്ത്ര വിഷയങ്ങളില്‍ ആഴത്തിലുള്ള ഗവേഷണത്തിന് ആശ്രയിക്കാവുന്ന സ്ഥാപനമാണ് ഇത്. Physics, Chemistry, Plant biology, Microbiology, Biochemistry, Biophysics, Bioinformatics , Environmental science തുടങ്ങിയവ വിഷയങ്ങളിലൊക്കെ ഗവേഷണം നടത്തുവാനുള്ള സൌകര്യമിവിടെയുണ്ട്. Anti particle Physics, Cosmic rays, Quantum physics എന്നിവയിലൊക്കെ രാജ്യത്തെ ആദ്യ ഗവേഷണ കേന്ദ്രമാണിവിടം.

രസതന്ത്രം, ഭൌതികശാസ്ത്രം, സസ്യശാസ്ത്രം,ജൈവരസതന്ത്രം, മൈക്രോബയോളജി എന്നിങ്ങനെ വിവിധ ശാസ്ത്രമേഖലകളിൽ അതിരുകളില്ലാത്ത പഠന പരീക്ഷണങ്ങൾ നടക്കുന്ന കൊൽക്കത്തയിലെ ഈ ഗവേഷണശാലക്ക് രൂപം നൽകിയത്, വൈജ്ഞാനികനായ ജഗദീഷ് ചന്ദ്ര ബോസ് ആണ്. 1917 ലാണ് ഇത് സ്ഥാപിതമായത്.

ഇൻസ്റ്റിറ്റ്യൂട്ടിന് മൂന്നു കാംപസ്സുകളുണ്ട്. ബോസിൻറെ മുൻ വസതിയാണ് മുഖ്യ കാംപസ്സ്. Biochemistry, Biophysics, plant Biology, Physics, Environmental Science Section, Molecular Medicine, Microbiology എന്നിവയാണിവിടുത്തെ ഡിപ്പാർട്ട്മെന്‍റുകള്‍.

കോഴ്സുകള്‍

PhD

ജീവ ശാസ്ത്രത്തില്‍ (i) Basic and applied microbiology, (ii) Computational biology, (iii) Molecular medicine, (iv) Plant functional biology of stress responses for improvement and exploring plant genetic resources, (v) Structural studies and biophysical problems, (vi) Systems biology, (vii) Complex systems, and, (viii) Systems and synthetic biology എന്നീ വിഷയങ്ങളില്‍ സ്പെഷ്യലൈസ് ചെയ്ത് ഗവേഷണം നടത്തുവാന്‍ കഴിയും.

ഫിസിക്സില്‍ (i) basic and applied problems in physical and environmental sciences, and, (ii) complex systems എന്നീ വിഷയങ്ങളില്‍ സ്പെഷ്യലൈസേഷന്‍ ലഭ്യമാണ്. ഗവേഷണത്തിന് വിദ്യർത്ഥികള്‍ക്ക് അതാത് വിഷയത്തിലെ അധ്യാപകരെ നേരിട്ട് ബന്ധപ്പെടാവുന്നതാണ്.
അതാത് വിഷയങ്ങളിലെ ബിരുദാനന്തര ബിരുദവും NET-JRF (CSIR-UGC, DBT, ICMR etc.), DST-INSPIRE തുടങ്ങിയ ഏതെങ്കിലും യോഗ്യതയുമാണ് വേണ്ടത്.

Integrated PhD

ജീവ ശാസ്ത്രത്തില്‍ 2011 ലും ഫിസിക്സില്‍ 2012 ലുമാണ് Integrated PhD തുടങ്ങിയത്. അതാത് വിഷയങ്ങളിലെ ഡിഗ്രിക്കാർക്ക് ഈ M.Sc. - Ph.D കോഴ്സിന് ചേരാം.
പോസ്റ്റ് ഡോക്ടറല്‍ ഫെലോഷിപ്പിനും ഇവിടെ അവസരമുണ്ട്.

വിലാസം

Bose Institute
93/1, Acharya Prafulla Chandra Road
Kolkata - 700009
West Bengal, India 
Phone: (+91)(33) 2350-2402/2403/ 6619/6702
Fax: (+91)(-33) 2350-6790

സെന്ട്രല്‍ ഇന്സ്റ്റിറ്റ്യൂട്ട് ഓഫ് ഫിഷറീസ് എഡ്യുക്കേഷന്‍

മത്സ്യത്തെപ്പറ്റി പഠിക്കുവാന്‍ സെന്ട്രല്‍ ഇന്സ്റ്റിറ്റ്യൂട്ട് ഓഫ് ഫിഷറീസ് എഡ്യുക്കേഷന്‍

വളരെയധികമൊന്നും പഠന സൌകര്യമില്ലാത്ത വിഭാഗമാണ് ഫിഷറീസ് എന്നത്. ചുരുക്കം ചില സ്ഥാപനങ്ങളിലേ ഇത് സംബന്ധിച്ച കോഴ്സുകള്‍ ലഭ്യമുള്ളു. എന്നാല്‍ ഇന്ത്യന്‍ കൌണ്‍സില്‍ ഓഫ് അഗ്രിക്കള്‍ച്ചറല്‍ റിസേർച്ച് സെന്‍ററിന്‍റെ കീഴില്‍ വരുന്ന മുംബൈ ആസ്ഥാനമായുള്ള സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ് എഡ്യുക്കേഷന്‍ ഈ രംഗത്തെ മുന്‍നിര സ്ഥാപനവും ഇന്ത്യയിലെ ആദ്യ ഫിഷറീസ് യൂണിവേഴ്സിറ്റിയുമാണ്. ഫിഷറീസിന്‍റെ വിവിധ വിഭാഗങ്ങളില്‍ പി ജിയും ഗവേഷണ സൌകര്യവുമുണ്ട്.

കോഴ്സുകള്‍

രണ്ട് വർഷത്തെ MFSc (Master in Fisheries Science) കോഴ്സും 3 വർൽത്തെ ഝപഅ കോഴ്സുമാണ് ഇവിടെയുള്ളത്. ഫിഷറീസില്‍ (BFSc) ഡിഗ്രിയുള്ളവർക്കാണ് പ്രവേശനം. 19 വയസ്സാണ് കുറഞ്ഞ പ്രായം. MFSc ഉള്ളവർക്ക് PhD ക്ക് ചേരാം. 22 വയസ്സാണ് കുറഞ്ഞ പ്രായം

Aquaculture Division

1. MFSc in Aquaculture (AQC)
2. PhD in Aquaculture (AQC)

Fisheries Resources, Harvest & Post Harvest Division

1. MFSc in Fisheries Resourses Management (FRM)
2. MFSc in Post Harvest Technology (PHT)
3. PhD in Fisheries Resourses Management (FRM)
4. PhD in Post Harvest Technology (PHT)

Aquatic Environment and Health Management Division

1. MFSc in Aquatic Environment Management (AEM)
2. MFSc in Aquatic Animal Health (AAH)
3. PhD in Aquatic Environment Management (AEM)
4. PhD in Aquatic Animal Health (AAH)

Fish Nutrition, Biochemistry and Physiology Division

1. MFSc in Fish Biochemistry and Physiology (FPB)
2. MFSc in Fish Nutrition and Feed Technology (FNT)
3. PhD in Fish Biochemistry and Physiology (FPB)
4. PhD in Fish Nutrition and Feed Technology (FNT)

Fish Genetics and Biotechnology Division

1. MFSc in Fish genetics & Breading (FGB)
2. MFSc in Fish Biotechnology (FBT)
3. PhD in Fish genetics & Breading (FGB)
4. PhD in Fish Biotechnology (FBT)

Fisheries Economics, Extension and Statistics Division

1. MFSc in Fisheries Extension (FEX)
2. MFSc in Fisheries Economics (FEC)
3. PhD in Fisheries Extension (FEX)
4. PhD in Fisheries Economics (FEC)

ഇത് കൂടാതെ ഹ്രസ്വ കാല ട്രെയിനിങ്ങ് പ്രോഗ്രാമുകളും സ്കില്‍ ഡവലപ്മെന്‍റ് പ്രോഗ്രാമുകളും വിവിധ സെന്‍ററുകളിലായി നടത്താറുണ്ട്. ഇന്‍സ്റ്റിറ്റ്യൂട്ടിന് കൊല്‍ക്കത്ത, കാക്കിനാട, പവർഖേഡ, റോഹ്ടാക്, മോടിപൂർ എന്നിവിടങ്ങളില്‍ സെന്‍ററുകളുമുണ്ട്.

കൂടുതല്‍ വിവരങ്ങള്‍ക്ക് http://www.cife.edu.in സന്ദർശിക്കുക.

ഓള്‍ ഇന്ത്യ ഇന്സ്റ്റിറ്റ്യൂട്ട് ഓഫ് സ്പീച്ച് ആന്ഡ് ഹിയറിങ്ങ്

ഓള്‍ ഇന്ത്യ ഇന്സ്റ്റിറ്റ്യൂട്ട് ഓഫ് സ്പീച്ച് ആന്ഡ് ഹിയറിങ്ങ് – ശ്രവണ പഠനത്തിനൊരു മികവിന്റെ കേന്ദ്രം

കാലം ചെല്ലും തോറും വൈദ്യശാസ്ത്ര രംഗത്ത് നിരവധി വ്യത്യസ്ത മേഖലകള് ഉടലെടുത്ത് കൊണ്ടിരിക്കുന്നു. അതിനനുസരിച്ച് തൊഴിലവസരങ്ങളും വ്യത്യസ്തമായ കോഴ്സുകളും ഉദയം ചെയ്ത് കൊണ്ടിരിക്കുന്നത് ഒരു വര്ത്തമാന കാല കാഴ്ചയാണ്. അപ്രകാരമുള്ള ഒരു കോഴ്സാണ് സ്പീച്ച് തെറാപ്പി എന്നത്. സംസാര, ശ്രവണ വൈകല്യമുള്ളവരുടെ പ്രശ്നങ്ങള് അറിയുകയും ആയതിന് ഒരുപ പരിഹാരമായി നില്ക്കുകയും ചെയ്യുകയെന്നതാണ് ഈ കോഴ്സ് കഴിഞ്ഞവരുടെ ജോലി. ക്ഷമയും സഹാനുഭൂതിയും അർപ്പണമനോഭാവവുമുള്ളവർക്ക് മാത്രം ശോഭിക്കുവാൻ കഴിയുന്നൊരു മേഖലയാണിത്. ബധിരത, മൂകത, കേൾവിക്കുറവ്, തപ്പിത്തടഞ്ഞും വിക്കിയും ശബ്ദ വൈകല്യവുമുള്ള സംസാരം എന്നിവ കൊണ്ട് കഷ്ടപ്പെടുന്നവരെ കൈപിടിച്ചുയർത്തുന്നവരാണിവർ. ഓഡിയോ മീറ്ററുകളും, കമ്പ്യൂട്ടറും മറ്റ് ആധുനിക ഉപകരണങ്ങളുമുപയോഗിച്ച് വൈകല്യങ്ങൾ വിശകലനം ചെയ്ത് പരിഹരിക്കുകയോ തീവ്രത കുറക്കുകയോ ചെയ്യുന്ന വിദഗ്ദരായ സ്പീച്ച് തെറാപ്പിസ്റ്റുകളുടെ തൊഴിൽ സാധ്യത വർദ്ധിച്ച് കൊണ്ടിരിക്കുന്നു

ഇത് പഠിക്കുവാന് അനവധി സ്ഥാപനങ്ങളുണ്ടുവെങ്കിലും കേന്ദ്ര ആരോഗ്യ കുടുംബ മന്ത്രാലയത്തിന് കീഴില്‍ മൈസൂർ മാനസ ഗംഗോത്രിയിലുള്ള All India Institute of Speech and Hearing തികച്ചും വ്യത്യസ്തമായ സ്ഥാപനമാണ്. ഈ രംഗത്തെ ഏഷ്യയിലെത്തന്നെ ഏറ്റവും ഉയർന്ന പഠന ഗവേഷണ കേന്ദ്രമാണിത്. അധ്യാപകരും ലബോറട്ടറിയും ലോക നിലവാരത്തിലുള്ള ഈ സ്ഥാപനത്തെ ലോകാരോഗ്യ സംഘടന (WHO) മികവിൻറ്റെ കേന്ദ്രമായി (Centre of Excellence) അംഗീകരിച്ചിട്ടുണ്ട്. ഓഡിയോളജി, ക്ലിനിക്കൽ സൈക്കോളജി, ക്ലിനിക്കൽ സർവീസസ്, ഇലക്ട്രോണിക്സ്, മെറ്റീരിയൽ ഡവലപ്മെൻറ്റ്, ഓട്ടോറിനോ ലാരിങ്കോളജി, സ്പെഷ്യൽ എഡ്യുക്കേഷൻ, സ്പീച്ച് ലാംഗ്വേജ് സയൻസ്, സ്പീച്ച് ലാഗ്വേജ് പാത്തോളജി, പ്രിവൻഷൻ ഓഫ് കമ്യൂണിക്കേഷൻ ഡിസ് ഓർഡേ ഴ്സ് (POCD), സെൻറ്റർ ഫോർ റീഹാബിലിറ്റേഷൻ ആൻഡ് എഡ്യൂക്കേഷൻ ത്രൂ ഡിസ്റ്റസ് മോഡ് (CREDM) എന്നിങ്ങനെ 11 ഡിപ്പാർട്ട്മെൻറ്റുകളിലായി 16 വ്യത്യസ്ത കോഴ്സുകളിവിടെയുണ്ട്. ഇതിൽ സർട്ടിഫിക്കറ്റ് തലം മുതൽ പോസ്റ്റ് ഡോക്ട്റൽ ഫെല്ലോഷിപ്പ് വരെ ഉൾപ്പെടും.

ഡിപ്പാർട്ട്മെന്‍റുകള്‍

Audiology, Clinical Psychology, Clinical Services, Electronics, Material Development, Otorinolaryngology, Special Education, Speech Language Sciences, Speech Language Pathology, Prevention Of Communication Disorders (Pocd), Tcpd-Tele Center For Persons With Communication Disorders എന്നിവയാണിവിടത്തെ ഡിപ്പാർട്ട്മെന്‍റുകള്‍.

കോഴ്സുകള്

AIISH - ഓള്‍ ഇന്ത്യ പ്രവേശന പരീക്ഷ വഴി ചേരാവുന്ന കോഴ്സുകള്‍

1. Bachelor of Audiology and Speech Language Pathology (B.ASLP)

Physics, Chemistry, Biology and Mathematics എന്നിവയിലുള്ള പ്ലസ് ടുവാണ് അടിസ്ഥാന യോഗ്യത വേണ്ടത്. 4 വർഷത്തെ ഈ ഡിഗ്രി കോഴ്സിന് 62 സീറ്റുകളാണുള്ളത്.

2. M.Sc (Audiology)

B.Sc. (Speech & Hearing) അല്ലെങ്കില്‍ BASLP കഴിഞ്ഞവർക്കാണ് ഈ കോഴ്സ്. കാലാവധി 2 വർഷം. 36 സീറ്റാണുള്ളത്.

3. M.Sc (Speech - Language Pathology)

B.Sc. (Speech & Hearing) അല്ലെങ്കില്‍ BASLP കഴിഞ്ഞവർക്കാണ് ഈ കോഴ്സ്. കാലാവധി 2 വർഷം. 36 സീറ്റാണുള്ളത്.

4. Master of Education Special Education (Hearing Impairment) [M.Ed. Sp. Ed. (HI)]

B.S.Ed. (Hearing Impairment) അല്ലെങ്കില്‍ തത്തുല്യ യോഗ്യതയോ ആണ് വേണ്ടത്. 20 സീറ്റാണുള്ളത്. കാലാവധി 1 വർഷം.

മൈസൂർ യൂണിവേഴ്സിറ്റിയുടെ പ്രവേശന പരീക്ഷ വഴി ചേരാവുന്ന കോഴ്സുകള്‍

5. Ph. D (Audiology)

M.Sc. (Aud) / M.Sc. (Sp. & Hg.) / MASLP എന്നിവയിലേതെങ്കിലും ഒപ്പം ഒരു വർഷത്തെ ജോലിയോ ഗവേഷണ പരിചയമോ ആണ് അഭികാമ്യ യോഗ്യത. 3 വർഷത്തെ കാലവധിയുള്ള ഇതന് 4 സീറ്റാണുള്ളത്.

6. Ph. D (Speech-Language Pathology)

M.Sc. (Aud) / M.Sc. (Sp. & Hg.) / MASLP എന്നിവയിലേതെങ്കിലും ഒപ്പം ഒരു വർഷത്തെ ജോലിയോ ഗവേഷണ പരിചയമോ ആണ് അഭികാമ്യ യോഗ്യത. 3 വർഷത്തെ കാലവധിയുള്ള ഇതന് 4 സീറ്റാണുള്ളത്.

പ്രവേശന പരീക്ഷ വേണ്ടാത്ത കോഴ്സുകള്‍

7. Certificate Course for Caregivers of Children with Developmental Disabilities
14 ആഴ്ചത്തെ ഈ കോഴ്സിന് പത്താം ക്ലാസ് ആണ് മതിയായ യോഗ്യത. ഈ കോഴ്സിനു സംസാര വൈകല്യമുള്ള കുട്ടികളുടെ രക്ഷിതാക്കൾക്കാണു പ്രവേശനം. ലോകത്തിൽ മറ്റെവിടെയുമില്ലാത്ത ഈ കോഴ്സിനു എസ് എസ് എൽ സി യാണു യോഗ്യത.

8. Diploma in Hearing Aid & Ear mould Technology (DHA & ET)

ഇലക്ട്രിക്കൽ അനുബന്ധ വിഷയങ്ങളിൽ ഡിപ്ലോമയോ ഐ ടി ഐ യോ അല്ലായെങ്കിൽ ദെന്തൽ ടെക്നീഷ്യൻ പാസായവർക്കോ അതുമല്ലായെങ്കിൽ ഫിസിക്സ് പഠിച്ച് +2 പാസായവർക്കോ Diploma in Hearing Aid and Mould Technology എന്ന ഡിപ്ലോമാ പ്രോഗ്രാമിനു ചേരാം. ഒരു വർഷത്തെ കോഴ്സിന് 25 സീറ്റാണുള്ളത്. 17 വയസാണു പ്രായ പരിധി.

9. Diploma in Early Childhood Special Education (Hearing Impairment) (DECSE(HI))

ഏത് വിഷയത്തിലുള്ള പ്ലസ് ടുക്കാര്ക്കും ഈ ഏക വര്ഷ കോഴ്സിന് ചേരാം. 18 വയസ്സാണ് പ്രായ പരിധി.

10. Diploma in Hearing, Language and Speech (DHLS)

ഈ കോഴ്സ് തപാൽ വഴി പഠിക്കാവുന്നതാണു. +2 യോഗ്യതയുള്ള ഈ കോഴ്സിന്‍റെ കാലാവുധി 1 വർഷമാണു. 17 വയസാണു പ്രായപരിധി. 25 സീറ്റുണ്ട്.

11. Bachelor of Education Special Education (Hearing Impairment) [B.Ed. Sp. Ed.(HI)]

സ്പെഷ്യല്‍ സ്കൂള്‍ അധ്യാപകരെ സൃഷ്ടിക്കുക എന്ന ലക്ഷ്യത്തോടെ നടത്തുന്ന ഈ കോഴ്സിന് 20 സീറ്റാണുള്ളത്. ഡിഗ്രിയാണ് യോഗ്യത. 2 വർഷമാണ് കാലാവധി.

12. PG Diploma in Clinical Linguistics for SLP (PGDCLP)

B.Sc. (Speech & Hearing) അല്ലെങ്കില്‍ BASLP കഴിഞ്ഞവർക്കാണ് ഈ കോഴ്സ്. കാലാവധി ഒരു വർഷം. 10 സീറ്റാണുള്ളത്.

13. PG Diploma in Forensic Speech Sciences & Technology (PGDFSST)

B.Sc. with Physics / Mathematics / Electronics / Computer Science / Forensic Science/Speech and Hearing as a major component at B.Sc. level

B.E /B.Tech./Electronics/Computer Science/Communication.

M.B.B.S.

ഇവയിലേതെങ്കിലും യോഗ്യത വേണ്ടുന്ന ഈ കോഴ്സിന് 10 സീറ്റാണുള്ളത്. ഒരു വർഷമാണ് കാലാവധി.

14. PG Diploma in Neuro Audiology (PGDNA)

1 വർഷത്തെ ഈ കോഴ്സിന് 10 സീറ്റാണുള്ള്ത്

15. PG Diploma in Augmentative and Alternative Communication (PGDAAC)

1 വർഷത്തെ ഈ കോഴ്സിന് 20 സീറ്റാണുള്ളത്

16. Post Doctoral Fellowship

Speech, Language, and/or hearing എന്നിവയിലേതെങ്കിലും ഡോക്ടറേറ്റും കുറഞ്ഞത് രണ്ട് പേപ്പർ പബ്ലിക്കേഷനെങ്കിലുമുണ്ടാവണം. 2 വർഷത്തെ കോഴ്സിന് 2 സീറ്റാണുള്ളത്.

കൂടുതല്‍ വിവരങ്ങള്‍ക്ക് http://www.aiishmysore.comസന്ദർശിക്കുക.

CIRT

CIRT – റോഡ് ഗതാഗതം പഠിക്കുവാനൊരു സ്ഥാപനം

1967 ല്‍ കേന്ദ്ര ഷിപ്പിങ്ങ് മന്ത്രാലയത്തിന്‍റേയും സംസ്ഥാന ഗതാഗത വകുപ്പിന്‍റേയും സംയുക്താഭിമുഖ്യത്തില്‍ ആരംഭിച്ച സ്ഥാപനമാണ് സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് റോഡ് ട്രാന്‍സ്പോർട്ട്. ബസുകളുടെ ബോഡി ഉണ്ടാക്കുവാന്‍ സ്ഥാപനങ്ങള്‍ക്ക് ലൈസന്‍സ് കൊടുക്കുന്ന രണ്ട് സ്ഥാപനങ്ങളില്‍ ഒന്നാണിത്. ഇവിടെ ഈ വിഷയത്തില്‍ ഗവേഷണം നടത്താം. കൂടാതെ ഓട്ടോ മൊബൈല്‍ എഞ്ചിനിയറിങ്ങില്‍ പി ജി ചെയ്യാം.

1. M.Tech Automobile Engineering: വെഹിക്കിള്‍ എഞ്ചിനിയറിങ്ങ് & ട്രാന്‍സ്പോർട്ടേഷന്‍ മാനേജ്മെന്‍റില്‍ സ്പെഷ്യലൈസ് ചെയ്യാം. ഓട്ടോ മൊബൈലിലോ മെക്കാനിക്കലിലോ ഡിഗ്രിയാണ് യോഗ്യത. പ്രവേശന പരീക്ഷയും അഭിമുഖവുമുണ്ടാകും.

2. ഗവേഷണം. Road Safety, Public Transport, Safety in Vehicle, Alternate Energy, Traffic and Transport എന്നീ വിഷയങ്ങളില്‍ ഗവേഷണം നടത്താം. Birla Institute of Technology Pilani, Birla Institute of Technology Goa, National Institute of Technology Suratkal, National Institute of Technology Thiruchirappally, National Institute of Technology Warankal എന്നീ സ്ഥാപനങ്ങളുമായി ഗവേഷണ പങ്കാളിത്തമുണ്ട്.

വിപുലമായ ലാബ് സൌകര്യമിവിടുത്തെ പ്രത്യേകതയാണ്.

വിലാസം

Central Institute of Road Transport 
Post Box No. 1897, Pune- Nasik Road, 
Pune – 411 026. Landmark: Pune - Nasik Road.

Phone: +91-020- 67345300

Website: http://www.cirtindia.com

റിസ്ക് മാനേജ്മെന്‍റ്

ഭാവി ആസൂത്രണം ചെയ്യുവാന്‍ റിസ്ക് മാനേജ്മെന്‍റ്

ഇക്കാലഘട്ടങ്ങളില്‍ പ്രാധാന്യമേറി വരുന്നയൊരു മാനേജ്മെന്‍റ് കോഴ്സാണ് റിസ്ക് മാനേജ്മെന്‍റ് എന്നത്. ഭാവിയിലെ അപകട സാധ്യതകളും സുരക്ഷയും മുന്‍നിര്‍ത്തി പദ്ധതികളും ഇന്‍ഷ്വറന്‍സ് പോളിസികളും ശുപാര്‍ശ ചെയ്യുകയാണ് റിസ്ക് മാനേജരുടെ പ്രധാന ജോലി. ഭൂകമ്പം, രൂപയുടെ മൂല്യത്തിലുണ്ടാകുന്ന ചാ ഞ്ചാട്ടം തുടങ്ങി ഏതെങ്കിലും ജീവനക്കാരന്‍റെ തെറ്റായ ഒരു തീരുമാനം നിമിത്തം സ്ഥാപനത്തിന്‍റെ പ്രതിശ്ചായ തകരുന്നതടക്കമുള്ള അപകട സാധ്യതകളെ റിസ്ക് മാനേജർക്ക് മുന്‍കൂട്ടി കാണേണ്ടി വരും.
ഫിനാന്‍സ്, കാല്‍ക്കുലേഷന്‍സ്, ഇക്കണോമിക്സ്, അക്കൌണ്ടിങ്ങ്, ഇന്‍ഷ്വറന്‍സ് എന്നിവയ്ക്ക് പുറമേ ഇന്‍വെസ്റ്റ് ബാങ്കിങ്ങിലുള്ള അറിവും വളരയേറെ പ്രയോജനപ്പെടും.

കോഴ്സുകള്‍

ഹൈദരബാദിലെ ഇന്‍റർനാഷണല്‍ ഇൻസ്റ്റിറ്റ്യൂട്ട് ഓഫ് റിസ്ക് മാനേജ്മെന്‍റ് ജോർജിയ സ്റ്റേറ്റ് യൂണിവേഴ്സിറ്റിയുമായി സഹകരിച്ച് പി ജി ഡിപ്ലോമ ഇന്‍ ഇന്‍ഷ്വറന്‍സ് ആന്‍ഡ് മാനേജ്മെന്‍റ് എന്ന കോഴ്സ് നടത്തുന്നുണ്ട്. ഒരു വർഷത്തെ ഫുള്‍ ടെം കോഴ്സാണിത്. ബിരുദമാണ് അടിസ്ഥാന യോഗ്യത.

വിവരങ്ങള്‍ക്ക്

International Institute for Insurance and Finance
Platinum Jubilee Building
PGRR CDE
Osmania University Campus
Hyderabad, Telangana
India - 500 007

ഹൈദരാബാദിലെ തന്നെ ഇന്‍സ്റ്റിറ്റ്യൂട്ട് ഓഫ് ഇന്‍ഷ്വറന്‍സ് ആന്‍ഡ് റിസ്ക് മാനേജ്മെന്‍റ് രണ്ട് വർഷത്തെ പി ജി ഡിപ്ലോമ കോഴ്സ് നടത്തുന്നുണ്ട്. ഏതെങ്കിലും വിഷയത്തിലെ ഡിഗ്രിയാണ് യോഗ്യത. CAT/MAT/XAT/GMAT/ATMA/CMAT/ICET എന്നിവയിലേതെങ്കിലും യോഗ്യത നേടിയിരിക്കണം. ഡിഗ്രിക്കാർക്കായി ഒരു വർഷത്തെ International PG Diploma കോഴ്സും ഇവിടെയുണ്ട്. Investment Planning & Life Insurance, General Insurance, Risk Management എന്നീ വിഷയങ്ങള്‍ തിരഞ്ഞെടുക്കാം. ആക്ചൂറിയല്‍ സയന്‍സിലും ബിസിനസ് അനാലിസിസിലും പി ജി ഡിപ്ലോമയും ഇവിടെയുണ്ട്. വിശദ വിവരങ്ങള്‍ക്ക് http://www.iirmworld.org.in/ സന്ദർശിക്കുക.

ഡയാലിസിസ് ടെക്നോളജി കോഴ്സുകള്‍

വൃക്കക്ക് കരുത്താവാന്‍ ഡയാലിസിസ് ടെക്നോളജി കോഴ്സുകള്‍

മെഡിസിനും നേഴ്സിങ്ങും മാത്രമല്ല ആരോഗ്യ രംഗത്തെ തൊഴിലവസരങ്ങള്‍. പാരാ മെഡിക്കല്‍ എന്നയൊരു പ്രബല വിഭാഗവും കൂടി ഇവിടെയുണ്ടുവെങ്കില്‍ മാത്രമേ ഈ രംഗം പൂർണ്ണമാവുകയുള്ളു. ഇന്ന് ഈ മേഖല ഏറെ വികാസം പ്രാപിച്ചയൊന്നാണ്. വ്യത്യസ്കതമായ നിരവധി കോഴ്സുകളും അതിനനുസരിച്ച് തൊഴിലവസരങ്ങളും ഏറി വരുന്നുണ്ട്. അതില്‍ പ്രമുഖമായ ഒന്നാണ് ഡയാലിസിസ് ടെക്നോളജി എന്നത്. ഇന്ത്യയില്‍ ഓരോവര്‍ഷവും ഏകദേശം രണ്ടുലക്ഷം പുതിയ രോഗികള്‍ക്ക് ഡയാലിസിസ് ചികിത്സ ആവശ്യമായി വരുന്നുവെന്നാണ് കണക്കുകള്‍ സൂചിപ്പിക്കുന്നത്. ഈ സാഹചര്യത്തില്‍ ഡയാലിസിസ് ടെക്നോളജി എന്ന കോഴ്സ് കൂടുതല്‍ പ്രസക്തമാകുന്നു.

എന്താണ് ഈ കോഴ്സ്

വൃക്കകളടെ പ്രവർത്തനം സ്ഥായിയായി തകരാറിലാകുമ്പോള് ശരീരത്തില് അടിഞ്ഞുകൂടന്ന മാലിന്യങ്ങള് നീക്കാനായി നടത്തുന്ന ചികിത്സയാണ് ഡയാലിസിസ്. കൈയിലെ രക്തക്കുഴലിലൂടെയാണ് ഹീമോഡയാലിസിസ് ചെയ്യുക. ഇത് കൂടാതെ ഉദരം വഴി ചെയ്യുന്ന ഡയാലിസിസ് ആണ് പെരിട്ടോണിയല് ഡയാലിസിസ്. ഡയാലിസിസുമായി ബന്ധപ്പെട്ട മെഡിക്കൽ കോഴ്സാണ് ഡയാലിസിസ് ടെക്നോളജി. ഈ മേഖലയിലെ വിദ്യാർത്ഥികൾ നെഫ്രോളജി, മെഡിക്കൽ ടെർമിനോളജി, ഹീമോഡയാലിസിസ് ആക്സസ്, അണുബാധ നിയന്ത്രണം എന്നിവയെക്കുറിച്ച് പഠിക്കുന്നു.

എന്താണ് ജോലി

വൃക്ക രോഗം ബാധിച്ച രോഗിയുടെ രക്തം ശുദ്ധീകരിക്കുന്ന ഒരു പ്രക്രിയയാണിത് . ഈ കോഴ്സിന് പ്രത്യേക സാങ്കേതിക വിജ്ഞാനവും കഴിവും, വൃക്കരോഗവും ഡയാലിസിസ് പ്രക്രിയയുമായി ബന്ധപ്പെട്ട തത്വങ്ങളും ധാരണകളും വേണം. ഡയാലിസിസ് ചെയ്യാൻ ഉപയോഗിക്കുന്ന ഉപകരണങ്ങളെ സംബന്ധിച്ചും ഡയാലിസിസ് ചെയ്യുന്ന രീതിയെ സംബന്ധിച്ചുമുളള ഡയാലിസിസ് ടെക്നോളജി. ഡോക്ടറുടെ മേൽനോട്ടത്തിൽ നടക്കുന്ന ഡയാലിസിസിന് നേതൃത്വം നൽകുന്നത് ഡയാലിലിസ് ടെക്നോളജിസ്റ്റുകളാണ്. ഡയാലിസിസ് ചെയ്യുന്ന വേളകളിലും വൃക്ക മാറ്റിവയ്ക്കൽ ശസ്ത്രക്രിയാ ഉപകരണങ്ങളുടെ കൈകാര്യവും ഡയാലിസിസ് ടെക്നോളജിസ്റ്റുകളുടെ ചുമതലയാണ്.

കോഴ്സുകള്‍

ഈ വിഭാഗത്തിൽ ഡിപ്ലോമ, ഡിഗ്രി, പിജി, പിജി ഡിപ്ലോമ കോഴ്സുകളാണു നിലവിലുളളത്. ഡിപ്ലോമ കോഴ്സുകൾ രണ്ടു വർഷം ദൈർഘ്യമുളളതാണ്. രണ്ടുവര്‍ഷത്തെ ഡിപ്ളോമ ഇന്‍ ഡയാലിസിസ് ടെക്നോളജി കോഴ്സിന് അപേക്ഷിക്കണമെങ്കില്‍ ഫിസിക്സ്, കെമിസ്ട്രി, ബയോളജിയില്‍ 50 ശതമാനം മാര്‍ക്കോടെ പ്ളസ്ടു പാസാകണം. 17 – 35 ആണ് പ്രായ പരിധി. കേരളത്തില്‍ തിരുവനന്തപുരം, കോട്ടയം, കോഴിക്കോട് ഗവണ്‍മെന്റ് മെഡിക്കല്‍ കോളേജുകളിലും ചില സ്വകാര്യ കോളേജുകളിലും ഡിപ്ളോമ പഠനത്തിനുള്ള അവസരമുണ്ട്. ഗവണ്‍മെന്‍റ് സ്ഥാപനങ്ങളിലെ കോഴ്സുകള്‍ക്കായി http://www.keralaparamedicalcouncil.org/index.php… എന്ന ലിങ്ക് സന്ദർശിക്കുക.

ഡിപ്ലോമ കോഴ്സ് നടത്തുന്ന സ്വാശ്രയ സ്ഥാപനങ്ങള്

1. Lourds Hospital Ernakulam (http://www.lourdeshospital.in/lourdes-college-of-paramedica…)
2. Lissie Medical & Education Institute Ernakulam (http://limen.in/)
3. West Fort Institute of Paramedical Science, Thrissur (http://www.wimsc.com/)
4. Academy of Medical Science, Pariyaram Kannur (http://www.mcpariyaram.com)
5. Ananthapuri Hospital, Chackai, Thiruvananthapuram (http://www.ananthapurihospitals.com)
6. Institute of Paramedical Sciences, Anjarakkandy, Kannur (https://www.anjarakandy.in)
7. CSI Medical College, Karakkonam, Thiruvananthapuram (http://www.smcsimch.ac.in)
8. Baby Memorial College of Allied Medical Sciences Kozhikkode (https://babymhospital.org)

ഡിഗ്രി, പിജി കോഴ്സുകള്‍

BSc Dialysis Therapy - കൊച്ചിയിലെ അമൃത സെന്റര്‍ ഫോര്‍ അലൈഡ് ഹെല്‍ത്ത് സയന്‍സിനു (https://www.amrita.edu/) കീഴിലാണ് ഈ കോഴ്സുള്ളത്. 3 വർഷമാണ് കാലാവധി. Physics, Chemistry, Biology വിഷയങ്ങളില്‍ 50 ശതമാനം മാർക്കോടെ പ്ലസ് ടു വാണ് യോഗ്യത. MSc Dialysis Therapy കോഴ്സും ഇവിടെയുണ്ട്. വെല്ലൂർ ക്രിസ്ത്യന്‍ മെഡിക്കല്‍ കോളേജില്‍ (http://www.cmch-vellore.edu) BSc Dialysis Technology Course ഉണ്ട്. ഹൈദരാബാദിലെ നിസ്സാം ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ (https://nims.edu.in/) 2 വർഷത്തെ P.G. Diploma in Dialysis Technology എന്ന കോഴ്സുണ്ട്. ഏതെങ്കിലും വിഷയത്തിലെ ബി എസ് സി ആണ് യോഗ്യത.

കടപ്പാട് : Lorance Mathew (ഉന്നത വിദ്യാഭ്യാസം)