സംസ്ഥാനത്ത് ഏറ്റവും കൂടുതല് ജനങ്ങള് ആശ്രയിക്കുന്ന സര്ക്കാര് വകുപ്പുകളില് ഒന്നാണ് റവന്യു വകുപ്പ്.
ഇന്നത്തെ വിവിധ വകുപ്പുകളുടെ മാതൃ വകുപ്പ് കൂടിയാണിത്.
നികുതി പിരിവു,.ഭൂസംരക്ഷണം,പ്രകൃതി വിഭവ പരിപാലനം,സെന്സസ്,തെരഞ്ഞെടുപ്പ്,പ്രകൃതി ക്ഷോഭ ദുരിതാശ്വാസം,പൊതുജനപരാതിപരിഹാരം,വിവിധ ക്ഷേമപരിപാടികള്നടപ്പാക്കല് ,പട്ടയവിതരണം,ഭൂമി പതിവ് തുടങ്ങി എണ്ണമറ്റതും വിപുലവും പൊതു ജനങളുടെ ദൈനംദിന ജീവിതവുമായി ബന്ധപെട്ട ഒട്ടനവധി ചുമതലകളും കര്ത്തവ്യങ്ങളുമാണ് റവന്യു വകുപ്പില് അര്പ്പിതമായിടുള്ളത് .
ചുമതലകള് പോലെ ഈ വകുപ്പിനോടുള്ള പ്രതീക്ഷയും വളരെ വലുതാണ്.തന്മൂലം പരാതികളും കുറവല്ല .
പരിമിതികള്ക്ക് ഉള്ളിലും മെച്ചപെട്ടതും സുതാര്യവും അഴിമതി രഹിതവും ഉത്തരവാദിത്ത പൂര്ണവുമായ പ്രവര്ത്തനങ്ങളിലൂടെ സമൂഹത്തിന്റെ ഉന്നമനത്തിനു വേണ്ടി പ്രവര്ത്തിക്കുകയാണ് റവന്യു വകുപ്പിന്റെ ദൌത്യം .
റവന്യു ഭരണ നിര്വഹണത്തിനായി ഏറ്റവും താഴെ തട്ടില് ഉള്ളതും പൊതുജനങ്ങളോട് ഏറ്റവും സമ്പര്ക്കം പുലര്തുന്നതുമായ സ്ഥാപനമാണ് വില്ലേജ് ഓഫീസ്. വില്ലേജ് ഓഫീസര് വില്ലേജില് ഭരണത്തിന്റെ തലവനും സര്ക്കാരിന്റെ പ്രതിനിധിയും ആകുന്നു.
വില്ലെജോഫീസുകളുടെ പ്രവര്ത്തനം താലൂക്ക് ഓഫീസിന്റെ നിയന്ത്രണത്തില് ആയിരിക്കും .താലൂക്ക് തഹസില്ദാര് ആണ് താലൂക്ക് ഓഫീസിന്റെ ചുമതലക്കാരന് .ഒരു താലൂക്ക് തഹസില്ദാരുടെ കീഴില് നിരവധി വില്ലേജ് ഓഫീസുകള് വരും .ഉദാഹരണത്തിന് കോഴിക്കോട് താലൂക്ക് തഹസില്ദാര്ക്ക് കീഴില് 53 വില്ലേജ് ഓഫീസുകള് ഉണ്ട്.
കോഴിക്കോട് ജില്ലയില് തന്നെ 3 താലൂക്ക് ഓഫീസുകള് ആണ് ഉള്ളത് . അവ കോഴിക്കോട്,കൊയിലാണ്ടി,വടകര എന്നിവയാണ് .
കൊയിലാണ്ടി താലൂക്കിന് കീഴില് 36 വില്ലേജ് ഓഫീസുകളും,വടകര താലൂക്കിന് കീഴില് 28 വില്ലേജ് ഓഫീസുകളും വരുന്നുണ്ട്.
താരതമ്യേന ചെറിയ ജില്ലയായ ആലപ്പുഴയില് 6 താലൂക്കുകള് ഉണ്ട് .
ഓരോ താലൂക്ക് ഓഫീസിനും ചുമതലക്കാരായ പ്രധാന തഹസില്ദാറും അദ്ദേഹത്തെ സഹായിക്കാനായി ഒരു അഡീഷണല് തഹസില്ദാറും ഡെപ്യൂട്ടി തഹസില്ദര്മാരും ക്ലെര്ക്ക് മാരും ഉണ്ടായിരിക്കും.വിവിധ താലൂക്കുകള് ചേര്ന്നതാണ് ഒരു ജില്ല.
നമുക്ക് അറിയുന്നപോലെ കേരളത്തില് 63 താലൂക്ക്കളും 14 ജില്ലകളും ആണ് ഉള്ളത്.വില്ലേജ് ഓഫീസുകളുടെ എണ്ണം 1582 ആണ് .
താലൂക്കുകള്ക്കും ക ലക്ട്റേറ്റിനും ഇടയില് ആയി റവന്യു ഡിവിഷണല് ഓഫീസ് പ്രവര്ത്തിക്കുന്നു..സാധാരണഗതിയില് ഡെപ്യുട്ടി കലക്ക്ട്ടര് /അസിസ്റ്റന്റ് കലക്റ്റര് ആണ് ആര്ഡിഒ പദവി വഹിക്കുന്നത്.ഇദ്ദേഹം സബ്ബ് ഡിവിഷണല് മജിസ്ട്രേറ്റ് കൂടിയാണ് . കേരളത്തില് 21 റവന്യു ഡിവിഷണല് ഓഫീസുകള് ഉണ്ട്.കോഴിക്കോട് ജില്ലയില് ഒരു ആര്ഡിഓ മാത്രമേ ഉള്ളു.
ജില്ലകളുടെ ചുമതലക്കാരന് ജില്ലയിലെ റവന്യു ഭരണത്തിന്റെ തലവന് എന്ന നിലയില് ജില്ലാകലക്ട്ടര് ആകുന്നു.ജുഡിഷ്യല് അധികാരം കൂടി നിര്വഹികേണ്ടതുകൊണ്ട് ജില്ലാകലക്ട്ടര് ജില്ല എക്സ്സിക്യുടിവ് മജിസ്ട്രേറ്റ് കൂടിയാണ്. ജില്ലയിലെ താലൂക്ക് ഓഫീസുകളുടെ പ്രവര്ത്തനം ഏകോപിപ്പിക്കുന്നതും, ജില്ലാ ഭരണത്തിന്റെ ചുക്കാന് പിടിക്കുന്നതും ജില്ലാകലക്ട്ടരുടെ ഓഫീസ് ആയ കലക്ട്രേറ്റ് ആകുന്നു.
കലക്ടറെ സഹായിക്കാന് ആയി ഡെപ്യൂട്ടി കലക്ട്ടര്മാരും സീനിയര് സൂപ്രണ്ട് ,ഹുസൂര് ശിരസ്തദര് ,ക്ലര്ക്ക്മാര് എന്നിവരും ഉണ്ട് .
ലാന്ഡ് റവന്യു വിഷയങ്ങളില് കലക്ടറെ നിയന്ത്രിക്കുന്നതും ,മേല്നോട്ടം വഹിക്കുന്നതും ലാന്ഡ് റവന്യു കമ്മീഷണരും റവന്യു സെക്രട്ടറിയും ആണ്.ലാന്ഡ് റവന്യു കമ്മീഷണറേറ്റ് തിരുവനന്തപുരത്തു ആണ്.
റവന്യു ഭരണ സൌകര്യത്തിനു വേണ്ടി ഒരു വില്ലേജ് ആയി നിലവില് അംഗീകരിച്ചിട്ടുള്ളതോ ഭാവിയില് അപ്രകാരം പ്രഖാപിക്കപെടുന്നതോ ആയ ഒരു പ്രദേശത്തെ വില്ലേജ് എന്ന് നിര്വചിക്കാം .റവന്യു ഭരണത്തിന്റെ അടിസ്ഥാന ഘടകം വില്ലേജ് ആകുന്നു.വില്ലേജിലെ റവന്യു ഭരണ തലവന് എന്ന നിലയില് വില്ലേജ് ഓഫീസര് തന്റെ വില്ലേജിലെ സര്ക്കാര് ഭൂമികള് സംരക്ഷിക്കാനും നികുതി പിരിക്കാനും റവന്യു റിക്കാര്ഡുകള് സംരക്ഷിക്കാനും ചുമതല പെട്ടിരിക്കുന്നു.സര്ക്കാര് പ്രതിനിധി എന്ന നിലയില് വ്യവഹാരങ്ങളില് സര്ക്കാരിന്റെ താല്പര്യം സംരക്ഷിക്കാനും ഇതര വകുപ്പ്കള്ക്ക് അവരുടെ കൃത്യ നിര്വഹണത്തിന് സഹായം നല്കാനും ചുമതല ഉണ്ട്.സര്ക്കാരിന്റെ ക്ഷേമ പ്രവര്ത്തനങ്ങള് നടപ്പിലാക്കാനും പ്രകൃതി ക്ഷോഭം ,സാംക്രമിക രോഗങ്ങള് അഗ്നിബാധ തുടങ്ങിയ അനിഷ്ട്ട സംഭവങ്ങള് നേരിടുമ്പോള് മേലധികാരിമാരെ യഥാവസരം വിവരം അറിയിക്കേണ്ടതുമാണ് .
വില്ലേജ് ഓഫീസില് നിന്നും നല്കുന്ന സര്ട്ടിഫിക്കറ്റുകള്
വരുമാന സര്ട്ടിഫിക്കറ്റ്
5 രൂപ കോര്ട്ട് ഫീ സ്റ്റാമ്പ് ഒട്ടിച്ച അപേക്ഷ സമര്പ്പിക്കണം.വരുമാനം തെളിയിക്കുന്ന രേഖകള് ,റേഷന് കാര്ഡ് ഹാജരാക്കണം.ശമ്പള സര്ട്ടിഫിക്കറ്റ് ,ഇന് കം ടാക്സ് റിട്ടേണ് പെന്ഷന് രേഖകള് എന്നിവ തെളിവിനായ് ഹാജരാക്കാം .വില്ലേജ് ഓഫീസര് നടത്തുന്ന അന്വേഷണത്തിന്റെ അടിസ്ഥാനത്തില് സര്ട്ടിഫിക്കറ്റ് നല്കുന്നു.പരമാവധി6 ദിവസം .പട്ടിക ജാതി /വര്ഗ വിഭാഗക്കാര് സ്റ്റാമ്പ് ഒട്ടിക്കേണ്ടതില്ല.
കമ്മ്യൂണിറ്റി സര്ട്ടിഫിക്കറ്റ്
അപേക്ഷകന്റെയും പിതാവിന്റെയും ജാതി രേഖപെടുത്തിയ രേഖകള് ,/സ്കൂള് സര്ടിഫിക്കറ്റ് , ഹാജരാക്കണം.പട്ടികജാതി /വര്ഗ വിഭാഗങ്ങള്ക്ക് ജാ തി സര്ട്ടിഫിക്കറ്റ് നല്കുന്നതു തഹസില്ദാര് ആണ്.OBC വിഭാഗത്തില് പെട്ടവര്ക്ക് വില്ലേജ് ഓഫീസര് നല്കുന്ന സര്ട്ടിഫിക്കറ്റ് മതി.സംസ്ഥാനത്തിന് പുറത്തേക്കു സര്ട്ടിഫിക്കറ്റ് നല്കുന്നതും, കേന്ദ്ര സര്ക്കാര് സ്ഥാപനങ്ങളിലേക്് സര്ട്ടിഫിക്കറ്റ് നല്കുന്നതും തഹസില്ദാര് ആണ് .എങ്കിലും വില്ലേജ് ഓഫീസില് വന്നു വില്ലേജ് ഓഫീസറുടെ റിപ്പോര്ട്ട് സഹിതം ആണ് താലൂക്ക് ഓഫീസില് പോകേണ്ടതു .സംസ്ഥാനത്തിനകത്ത് ആവശ്യമായ സര്ട്ടിഫികറ്റ് കള് വില്ലേജ് ഓഫീസര് നല്കുന്നു.അന്വേഷണത്തിന് ശേഷം മാത്രമേ സര്ടിഫിക്കറ്റ് ലഭിക്കൂ. പരമാവധി3 ദിവസം
നേറ്റിവിറ്റി സര്ട്ടിഫിക്കറ്റ് /റസിഡന്റ് സര്ടിഫിക്കറ്റ്
നിശ്ചിത ഫോറത്തില് 5രൂപ സ്റ്റാമ്പ് പതിച്ച അപേക്ഷ വില്ലേജ് ഓഫീസര്ക്ക് സമര്പ്പിക്കുക.കേരളത്തില് ജനിച്ചവര്ക്കും അവരുടെ കുട്ടികള്ക്കും മറ്റ് സംസ്ഥാനങ്ങളില് ജനിച്ചു വിവാഹിതരായി കേരളത്തില് സ്ഥിരമായി താമസിക്കുന്നവരുടെ കുട്ടികള്ക്കും നേറ്റിവിറ്റി സര്ട്ടിഫിക്കറ്റ് വില്ലേജ് ഓഫീസില് നിന്നും ലഭിക്കും .മറ്റ് കേസുകളില് റസിഡന്ഷ്യല് സര്ട്ടിഫിക്കറ്റ് നല്കും.പ്രതിരോധ വകുപ്പിലേക്കും മറ്റും നേറ്റിവിറ്റി/ഡൊമിസൈല് സര്ട്ടിഫിക്കറ്റ് നല്കുന്നത് അഡീഷണല് ഡിസ്ട്റിക്റ്റ് മജിസ്ട്രേറ്റ് ആണ്.സ്ഥിര താമസം തെളിയിക്കുന്ന രേഖകള് റേഷന് കാര്ഡ് ,തിരിച്ചറിയല് കാര്ഡ് ,നികുതി രശീറ്റ്മ റ്റ് തെളിവുകള് ഹാജരാക്കണം അന്വേഷണത്തിന് ശേഷം പരമാവധി5 ദിവസത്തിനുള്ളില് സര്ട്ടിഫിക്കറ്റ് നല്കും.
കൈവശാവകാശ സര്ടിഫിക്കറ്റ്
ഭൂമിയുടെ കൈവശം തെളിയിക്കുന്ന രേഖയാണ് ഇത് .നിശ്ചിത മാതൃകയില് അപേക്ഷ നല്കണം.അസ്സല് ആധാരം, അടിയാധാരം ,ഭൂനികുതി രസീത് ,കുടിക്കട സര്ടിഫിക്കറ്റ്,എന്നിവ ഹാജരാക്കണം.സ്ഥല പരിശോധന നടത്തി ബോധ്യപെട്ടതിന് ശേഷം അനുവദിക്കും .പരമാവധി7 ദിവസം.
ഫാമിലി മെംബെര്ഷിപ് /ലീഗല് ഹെയര് ഷിപ് സര്ട്ടിഫിക്കറ്റ്
ഒരാള് മരണപെട്ടാല് അയാളുടെ അടുത്ത അവകാശികളെ നിശ്ചയിക്കുന്നതിനാണ് ഈ സര്ട്ടിഫിക്കറ്റ് നല്കുന്നത്.
5രൂപ സ്റ്റാമ്പ് പതിച്ച അപേക്ഷ വില്ലേജ് ഓഫീസര്ക്ക് സമര്പ്പിക്കുക.മരണ സര്ട്ടിഫിക്കറ്റ് ഹാജരാക്കണം .രണ്ടു അയല്വാസികളില് നിന്നും സ്റ്റേറ്റ്മെന്റ് എടുക്കും.വിശദമായ അന്വേഷണവും നടത്തും.വിവിധ മത വിഭാഗക്കാര്ക്ക് പ്രത്യേകമായി നിലവില് ഉള്ള നിയമങ്ങള്ക്ക് അനുസ്സരിച്ചാണ് അനന്തര അവകാശികളെ നിശ്ചചയിക്കുനനത്.അന്വേഷണ റിപ്പോര്ട്ട് വില്ലേജ് ഓഫീസര് തഹസില്ദാര്ക്ക് അയച്ചു കൊടുക്കുന്നു.ഗസറ്റില് പരസ്യപെടുത്തി ലീഗല് ഹെയര് ഷിപ് സര്ട്ടിഫിക്കറ്റ് നല്കുന്നത് തഹസില്ദാര് ആണ്.
ഫാമിലി മെമ്പര് ഷിപ് സര്ട്ടിഫിക്കറ്റ് നല്കുന്നത് വില്ലേജ് ഓഫീസര് ആണ്.
വാല്യുവേഷന് സര്ട്ടിഫിക്കറ്റ് /സോള്വന്സി സര്ട്ടിഫിക്കറ്റ്
5ലക്ഷം വരെയുള്ളവ വില്ലേജ് ഓഫീസര് നല്കും.അസ്സല് ആധാരം ,അടിയാധാരം ,നികുതി രസീത് ,കുടിക്കട സര്ട്ടിഫിക്കറ്റ് എന്നിവ ഹാജരാക്കണം.അന്വേഷണം നടത്തി ബോധ്യപെട്ടത്തിനു ശേഷം അനുവദിക്കും പരമാവധി15 ദിവസം
റിലേഷന് ഷിപ്പ് സര്ട്ടിഫിക്കറ്റ്
ബന്ധം തെളിയിക്കുന്നതിന് ആവശ്യമായ രേഖകള് ,റേഷന് കാര്ഡ് ,ഹാജരാക്കണം.അന്വേഷണത്തിന് ശേഷം അനുവദിക്കും
വിധവ സര്ട്ടിഫിക്കറ്റ്
ഭര്ത്താവിന്റെ മരണ സര്ട്ടിഫിക്കറ്റ് ,റേഷന് കാര്ഡ് ,എന്നിവ വേണം .
നോണ് ക്രീമിലയര് സര്ട്ടിഫിക്കറ്റ്
OBCവിഭാഗത്തില് പെട്ടവര്ക്ക് അനുവദിക്കുന്നു.മാതാപിതാക്കന്മാരുടെ വരുമാനം ,സ്റ്റാറ്റസ് പരിഗണിച്ച് ക്രീമിലയറില് വരുമോ എന്ന് പരിശോധിക്കുന്നു.നിലവില് നാലര ലക്ഷം ആണ് വരുമാന പരിധി.ബിസിനസ് ഇന് കം ആണ് നോക്കുക.അഞ്ചു ഹെക്ട്ടറില് കൂടുതല് ഭൂമി പാടില്ല .
നീശ്ചിത അപേക്ഷാഫോറത്തില് അപേക്ഷിക്കുക.ജാതി ,വരുമാനം തെളിയിക്കുന്ന രേഖകള് ഹാജരാക്കണം .ശമ്പള സര്ട്ടിഫിക്കറ്റ് ,താമസം തെളിയിക്കുന്ന രേഖകള് വേണം. സംസ്ഥാന ആവശ്യങ്ങള്ക്ക് വില്ലേജ് ഓഫീസറും കേന്ദ്രത്തിലേക്കും സംസ്ഥാനത്തിന് പുറത്തേക്കും തഹസില്ദാരും സര്ട്ടിഫിക്കറ്റ് നല്കും
ഇത് കൂടാതെ ,
ലൊക്കേഷന് സര്ടിഫിക്കറ്റ്,സ്കെച്ച് ,,അഗതി സര്ട്ടിഫിക്കറ്റ്,ആശ്രിത സര്ട്ടിഫിക്കറ്റ് , വ ണ് & സെയിം സര്ട്ടിഫിക്കറ്റ്, ലൈഫ് സര്ട്ടിഫിക്കറ്റ് ,നോണ് റീമാരീജ് സര്ടിഫിക്കറ്റ് തുടങ്ങി ഇരുപത്തി മൂന്നോളം സര്ട്ടിഫിക്കറ്റുകള് വില്ലേജ് ഓഫീസില് നിന്നും നല്കുന്നു.
മറ്റ് സേവനങ്ങള്
ജമ മാറ്റം /പോക്കുവരവ്
ഉടമസ്ഥാവകാശം മാറുന്നതിനു അനുസ്സരിച്ച് ഭൂഉടമയുടെ പേരില് നികുതി പിരിക്കുന്നതിനായ് വില്ലേജ് രേഖകളില് ആവശ്യമായ മാറ്റം വരുത്തുന്നതിനെ ആണ് ജമ മാറ്റം /പോക്കുവരവ് എന്ന് പറയുന്നത് .ആധാരം രജിസ്റ്റര് ചെയ്തു കഴിഞ്ഞു ഒരു മാസത്തിനു ശേഷം ആക്ഷേപം ഒന്നും ഇല്ലെങ്കില് പോക്കുവരവ് അനുവദിക്കും .
പോക്ക് വരവ് ഫീസ് 5ആര് വരെ ഇരുപത്തഞ്ചു രൂപയാണ്.
5 ആര് മുതല് 20 ആര് വരെ 50 രൂപ
20 ആര് മുതല് 40 ആര് വരെ 100 രൂപ
40 ആര് മുതല് 2 ഹെക്ടര് വരെ 200 രൂപ
2 ഹെക്ടറിന് മുകളില് 500 രൂപ
ഒരു ആര് എന്ന് പറഞ്ഞാല് 2.47 സെന്റ്
റവന്യു ഭരണത്തിന്റെ സൌകര്യാര്ത്ഥം ഒരു താലൂക്ക് ആയി നിലവില് പ്രഖ്യാപിച്ചതോ ഭാവിയില് പ്രഖ്യാപിക്കപെടുന്നതോ ആയ പ്രദേശത്തെ താലൂക്ക് എന്ന് നിര്വചിക്കാം.താലൂക്കില് ഉള്പെടുന്ന വില്ലേജിലെ പ്രവര്ത്തനങ്ങളുടെ മേല്നോട്ടവും എക്സ്സിക്യൂട്ടീവ് മജിസ്റ്റീരിയല് കര്തവ്യങ്ങളുടെ നിര്വഹണവും തഹസില്ദാരുടെ പ്രധാന കര്ത്തവ്യങ്ങളില് ഉള്പെടുന്നു .
വില്ലേജ് ഓഫീസില് നിന്നും ലഭിക്കുന്ന എല്ലാ സര്ട്ടിഫിക്കറ്റുകളും സംസ്ഥാനേതര ആവശ്യങ്ങള്ക്ക് ആണെങ്കില് അത് നല്കേണ്ട അധികാരം തഹസില്ദാര്ക്ക് ആണ്.
അത് കൂടാതെ,5ലക്ഷത്തിനു മുകളില് വരുന്ന വാലുവേഷന് സര്ട്ടിഫിക്കറ്റ് ,സോള്വന്സി സര്ടിഫിക്കറ്റ് എന്നിവയും തഹസില്ദാര് നല്കുന്നു.അസ്സല് ആധാരം,കുടിക്കട സര്ടിഫിക്കറ്റ്,വില്ലേജ് ഓഫീസറുടെ റിപ്പോര്ട്ട് അടിസ്ഥാനത്തില് അന്വേഷണത്തിനു ശേഷം സര്ടിഫിക്കറ്റ് ലഭിക്കും.5000 രൂപയില് കൂടുതല് വില മതിക്കുന്ന കെട്ടിടങ്ങള്ക്ക് പൊതു മരാമത്ത് വകുപ്പ് വകുപ്പ് എക്സ്.എന്ജിനീയറില് നിന്നും വില നിര്ണ്ണയ സര്ട്ടിഫിക്കറ്റ് ഹാജരാകണം
അതിര്ത്തി തര്ക്കം
ഒരിക്കല് സര്വേ ചെയ്ത് റിക്കാര്ഡ് തയ്യാറാക്കിയിട്ടുള്ള വസ്തു വിന്റെ അതിര്ത്തി കാണിച്ചു കിട്ടുന്നതിനു പത്താം നമ്പര് ഫോറത്തില് തഹസില്ദാര്ക്ക് അപേക്ഷ നല്കണം .കാണിച്ചു കൊടുക്കാന് ആവശ്യപെട്ടിട്ടുള്ള അതിര്ത്തി ലൈന് ഒന്നിന് അമ്പതു രൂപ ക്രമത്തില് ഫീ അടക്കണം.പണം അടച്ച രസീത് ഹാജരാക്കിയാല് അപേക്ഷ താലൂക്ക് സര്വേയര്ക്ക് അയക്കുന്നു.ജോലി തുടങ്ങുന്നതിനു മുന്പായി അപേക്ഷകനും അതിര്ത്തിയില് ഉള്ള മറ്റ് കക്ഷികള്ക്കും12 നമ്പര് ഫോറത്തില് നോടീസ് നല്കുന്നു സര്വേ നടപടിക്ക് ശേഷം13 നമ്പര് /14 നമ്പര് ഫോറത്തില് തഹസില്ദാര് കക്ഷികളെ അറിയിക്കും .താലൂക്ക് സര്വേയര് സ്ഥാപിച്ച സര്വേ അടയാളങ്ങള് സംബന്ധിച്ച് ആക്ഷേപം ഉണ്ടെങ്കില് മേല് പറഞ്ഞ നോടീസ് കിട്ടി മൂന്ന് മാസത്തിനുള്ളില് ജില്ല സര്വേ സൂപ്രണ്ടിന് അപ്പീല് നല്കാം സര്വേ സൂപ്രണ്ട് അതിര്ത്തി വീണ്ടും പരിശോധിക്കും.
പട്ടയ ഭൂമി അളന്നു തിരിച്ചു കല്ലിട്ട് കൊടുക്കല്
സര്വേ കല്ല് നഷ്ട്ടപെട്ട അതിരുകള് വ്യക്തമല്ലാത്ത ,അതിര്ത്തി തര്ക്കം ഉള്ള ഭൂമി അളന്നു തിരിച്ചു സര്വേ കല്ല് പുനസ്ഥാപിക്കുന്നതിനു സര്വേ അതിരടയാള ചട്ട പ്രകാരമുള്ള പത്താം നമ്പര് ഫോറത്തില് തഹസില്ദാര്ക് അപേക്ഷ നല്കണം
കൈവശ രേഖ
തദേശ സ്വയം ഭരണ സ്ഥാപനങ്ങളുടെ പരിധിയില് വരുന്ന തോട്,കുളം,റോഡു പുറമ്പോക്കുകളില് 1992 ജനുവരി1 മുന്പ് വീട് വെച്ച് താമസിക്കുന്നവര്ക്ക് മറ്റൊരിടത്തും സ്വന്തമായി ഭൂമി ഇല്ലെങ്കില് പഞ്ചായത്തുകളില് പരമാവധി പത്തു സെന്റും കോര്പ്പറേഷനില് അഞ്ചു സെന്റിനും കൈവശ രേഖ നല്കും .താലൂക്ക് ലാന്ഡ് അസൈന്മെന്റ് കമ്മറ്റിയുടെ അംഗീകാരത്തോടെ തഹസില്ദാര് ആണ് കൈവശരേഖ നല്കുന്നത്.കൈവശരേഖ നല്കുന്ന ഭൂമി പൊതു ആവശ്യത്തിനു വേണ്ടി വരുമ്പോള് ഒഴിപ്പിചെടുക്കും .
പാറ പൊട്ടിക്കാനുള്ള പെര്മിറ്റ്
ഭൂസംരക്ഷണ വകുപ്പിലെ ഏഴാം വകുപ്പ് അനുസരിച്ച് സര്ക്കാര് വക ഭൂമിയില് നിന്നും കരിങ്കല്ല് പൊട്ടി ചെടുക്കുന്നതിനു പെര്മിറ്റ് നല്കാന് വ്യവസ്ഥ ഉണ്ട്.പ്രത്യേക അപേക്ഷാ ഫോറം ഇല്ല.തഹസില്ദാര് മൂന്ന് മാസം വരെ പെര്മിറ്റ് നല്കുന്നു. വില്ലേജ് ഓഫീസരുടെ അന്വേഷണത്തിന് ശേഷം ആണ് പെര്മിറ്റ് നല്കുക.
സര്ക്കാര് ഭൂമി പാട്ടത്തിനു നല്കുന്നത്
സര്ക്കാര് ആവശ്യത്തിനോ പൊതു ആവശ്യത്തിനോ നീക്കി വെച്ച ഭൂമി ഉടന് ഉപയോഗിക്കേണ്ടി വരുന്നില്ല എങ്കില് പാട്ടത്തിനോ ലൈസ്സന്സിനോ പതിച്ച് നല്കാം.
വോട്ടര് പട്ടികയില് പേര് ചേര്ക്കല്
വോട്ടര് പട്ടികയില് പേര് ചേര്ക്കുന്നതിനു ഓരോ വര്ഷവും പ്രത്യേക കാമ്പയിന് സംഘടിപിക്കാറുണ്ട്.ഇപ്പോള് ഇലക്ഷന് കമീഷന്റെ വെബ് സൈറ്റിലൂടെ ഓണ് ലൈന് ആയും അപേക്ഷ നല്കാം www.ceo.kerala.gov.in
പുതുതായി പേര് ചേര്ക്കാന് ഫോറം6 ഉപയോഗിക്കണം.
തെറ്റായി ഉള്പെട്ട പേര് നീക്കം ചെയ്യാന് ഫോറം7 ഉപയോഗിക്കാം
തിരിച്ചറിയല് കാര്ഡിലെ തെറ്റ് തിരുത്താന് ഫോറം8 ല് അപേക്ഷ നല്കണം
ഒരേ മണ്ഡലത്തിലെ ഒരു ബൂത്തില് നിന്നും മറ്റൊരു ബൂത്തിലേക്ക് സ്ഥാനമാറ്റം നടത്താന് 8 aഫോറത്തില് അപേക്ഷ നല്കണം
ഡ്യൂപ്ളിക്കേറ്റ് തിരിച്ചറിയല് കാര്ഡ് ലഭിക്കാന്
ഐ ഡി കാര്ഡ് നഷ്ട്പെട്ടാല്, നിലവില് വോട്ടര് പട്ടികയില് പേര് ഉണ്ടെങ്കില്, അതിലെ ബൂത്ത് നമ്പരും ക്രമ നമ്പരും എഴുതി എടുത്ത് താലൂക്ക് ഓഫീസില് ചെന്ന് ഇരുപത്തഞ്ച് രൂപ അടച്ചാല് ഡ്യൂപ്പ്ലിക്കറ്റ് ഐ ഡി കാര്ഡ് കിട്ടും .വോട്ടര് പട്ടിക വില്ലേജില് പരിശോധനക്ക് ലഭ്യമാണ് . ELE space id card number എന്ന് 54242 ലേക്ക് മെസ്സേജ് അയച്ചാല് നിങ്ങളുടെ ബൂത്ത് ,ക്രമ നമ്പര് എന്നിവ അറിയാം
പ്രകൃതി ദുരന്ത ദുരിതാശ്വാസം
കാലവര്ഷ കെടുതിയില് മരണം സംഭവിച്ചാല് ഒരു ലക്ഷം രൂപ ധന സഹായം ലഭിക്കും ഗുരുതരമായ പരിക്ക് സംഭവിച്ചാല് രൂപ35000--50000 വരെ നല്കും. വീട് പൂര്ണമായും നഷ്ട്ട പെട്ടാല് ഒരു ലക്ഷം രൂപ വരെ ലഭിക്കും. പ്രകൃതി ദുരന്തം കാരണം സ്ഥലം നഷ്ട്ടപെട്ടവര്ക്ക് നാല് സെന്റ് കവിയാതെ ഭൂമി നല്കും. കിണറുകള്ക്ക് നാശം വന്നാല് പരമാവധി അയ്യായിരം രൂപ വരെ നല്കും.
സഹായം ലഭിക്കാന് വില്ലേജ് ഓഫീസര്ക്ക് അപേക്ഷ നല്കേണ്ടതാണ് .അന്വേഷണ റിപ്പോര്ട്ടിന്റെ അടിസ്ഥാനത്തില് സഹായം അനുവദിക്കും
സംസ്ഥാനത്തെ ഇരുപത്തി ഒന്ന് റവന്യു ഡിവിഷണല് ഓഫീസുകളുടെ ഭരണ തലവന് ആ ര് ഡി .ഒ ആണ്.ജുഡീഷ്യല് അധികാരങ്ങള് ഉള്ളത് കൊണ്ട് അദ്ദേഹം സബ്ബ് ഡിവിഷണല് മജിസ്ട്രേറ്റ് കൂടി ആണ്.ആര് ഡി.ഓ ഓഫീസുകളില് നിന്ന് ലഭിക്കുന്ന സര്ട്ടിഫിക്കറ്റുകളും സേവനങ്ങളും താഴെ പറയുന്നു.
വ്യക്തികളെ കാണാനില്ല എന്ന സര്ട്ടിഫിക്കറ്റ്
ക്ഷേമനിധി ഓഫീസുകളില് നിന്നും ധന സഹായം ലഭിക്കുന്നതിനു ഒരാളെ വര്ഷങ്ങള് ആയി കാണാനില്ല എന്ന സര്ടിഫിക്കറ്റ് ലഭിക്കാന് ആര് ഡി ഓ യ്ക്ക് അപേക്ഷ നല്കണം.ബന്ധപെട്ട പോലീസ് സ്റ്റേഷനിലെ സ്റ്റേഷന് ഹൌസ് ഓഫീസര് മുഖാന്തിരം അന്വേഷണം നടത്തി സര്ട്ടിഫിക്കറ്റ് നല്കുന്നു
ഇന്ഡിജെന്റ് സര്ട്ടിഫികറ്റ്
മറ്റു സംസ്ഥാനങ്ങളില് ജോലിക്കും മറ്റും ഹാജരാക്കാന് വേണ്ടി ജീവിക്കാന് തക്ക വരുമാനം ഇല്ലാത്ത പാവപെട്ട ആളാണെന്ന് കാണിക്കുന്ന ഇന്ഡിജെന്റ് സര്ടിഫികറ്റ് നല്കുന്നത് ആര്ഡിഒ ആകുന്നു തഹസില്ദാര് മുഖാന്തിരം അന്വേഷണം നടത്തിയ ശേഷമാണ് നല്കുക.
മറ്റു സേവനങ്ങള്
ജനന/മരണ രജിസ്ട്രേഷന് -കാലതാമസം മാപ്പാക്കി അനുവാദം നല്കുന്നത്
ജനനമോ മരണമോ യഥാസമയം രജിസ്ടര് ചെയ്യാന് വിട്ടു പോയിട്ടുണ്ടെങ്കില് അവ രജിസ്ടര് ചെയ്യാന് അനുവാദം നല്കാന് ജനന /മരണ രജിസ്ട്രേഷന് ആക്റ്റ്, സെക്ഷന് 10 (3) പ്രകാരം റവന്യു ഡിവിഷണല് ഓഫീസര്ക്ക് അധികാരം ഉണ്ട്.മുന്പ് ജനനം /മരണം, പഞ്ചായത്ത് /കോര്പറേഷനില് രജിസ്റ്റര് ചെയ്തിട്ടില്ല എന്ന സര്ടിഫിക്കറ്റ് ,നോട്ടറി സാക്ഷ്യപെടുത്തിയ സത്യവാങ്ങ്മൂലം എന്നിവ വേണം .വില്ലേജ് ഓഫീസര് മുഖേനെ അന്വേഷണം നടത്തുന്നു.ബന്ധു അല്ലാത്ത രണ്ടു അയല്വാസികളുടെ സ്റ്റേറ്റ്മെന്റ് എടുക്കുന്നു.മരണപെട്ട ആളുടെ മുഴുവന് അവകാശികളില് നിന്നും മൊഴി എടുക്കും.ജനന രജിസ്ട്രേഷന് ആണെങ്കില് മാതാപിതാകളുടെ മറ്റു കുട്ടികളുടെ ജനന തീയതി തെളിയിക്കുന്ന രേഖകള് ഹാജരാകണം.സംസ്ഥാനത്തിന് പുറത്തു നടന്ന മരണം/ജനനം രജിസ്റ്റര് ചെയ്യാന് ബന്ധപെട്ട ഏജന്സിയില് നിന്നും സാക്ഷ്യപത്രങ്ങള് കൊണ്ടുവരണം .അനുവാദം ലഭിച്ചാല് ബന്ധപെട്ട തദേശ സ്വയം ഭരണ സ്ഥാപനത്തില് രജിസ്ടര് ചെയ്യാം .
കെട്ടിട നികുതി അപീല്
കെട്ടിട നികുതി ചുമത്തി കൊണ്ടുള്ള തഹസില്ദാരുടെ ഉത്തരവിന് എതിരെ റവന്യു ഡിവിഷണല് ഓഫീസര്ക്ക് അപീല് നല്കാം.ഒരു ഗഡു കെട്ടിട നികുതി വില്ലേജില് അടച്ച ശേഷം മാത്രമേ അപീല് പരിഗണിക്കൂ .ഉത്തരവ് കൈപ്പറ്റി മുപ്പതു ദിവസത്തിനുള്ളില് അപീല് ഫയല് ചെയ്യണം.അപീല് അധികാരി യുടെ ഉത്തരവിന് എതിരെ ജില്ലകലക്ട്ടര്ക്കും കലക്ട്ടരുടെ ഉത്തരവിന് എതിരെ സര്ക്കാരിനും റിവിഷന് അപേക്ഷ നല്കാം.കലക്ട്ടര്ക്ക് അപേക്ഷ നല്കുന്നതിനു മുന്പ് ഒരു ഗഡു നികുതി കൂടി അടക്കണം.
ഭൂമി വിട്ടൊഴിയല്
ഭൂവുടമകള്ക്ക് സ്വന്തം ഭൂമി ക്ഷേമ പ്രവര്ത്തനങ്ങള്ക്ക് വേണ്ടി പ്രതിഫലം കൂടാതെ സര്ക്കാരിലേക്ക് വിട്ടു നല്കാവുന്നതാണ് .ഇപ്രകാരം ഉടമകള് വിട്ടു നല്കുന്ന ഭൂമി സര്ക്കാരിനു നിയമപരമായി ലഭിക്കുന്നതിനു വേണ്ടി നടപ്പാക്കിയ നിയമമാണ് 1958 ലെ കേരള ലാന്ഡ് റിലിങ്കിഷ്മെന്റ് ആക്റ്റ് .ഭൂമി വിട്ടു ഒഴിയുന്നതിന് ഉള്ള അപേക്ഷ ആര് ഡി ഓ യ്ക്ക് നല്കണം .തഹസില്ദാര് മുഖേനെ വില്ലേജ് ഓഫീസര് ഭൂമി സംബന്ധമായി അന്വേഷണം നടത്തുന്നു.ഭൂമി അപേക്ഷകന് വിട്ടൊഴിയാന് പൂര്ണ അവകാശം ഉള്ളതാണോ ,അവകാശത്തിനു മേല് എന്തെങ്കിലും ന്യുനതകള് ഉണ്ടോ കട ബാധ്യത ഉണ്ടോ എന്നൊക്കെ പരിശോധിക്കും അപേക്ഷ അനുവദിച്ചാല് റെക്കോര്ഡുകളില് ആവശ്യമായ മാറ്റം വരുത്തുന്നു
ലേലം സ്ഥിരീകരിക്കല്
റവന്യു റിക്കവറിയുടെ ഭാഗമായി ജപ്തി ചെയ്ത സ്ഥാവര ജംഗമ വസ്തുക്കള് ലേലത്തില് വില്ക്കുമ്പോള് ലേലം സ്ഥിരീകരിക്കാനുള്ള അധികാരം ആര് ഡി.ഓ യ്ക്ക് ആണ് .
മുദ്ര പത്രം റീഫണ്ട്
മുദ്രപത്രം വാങ്ങി ഏതെങ്കിലും കാരണവശാല് ഉപയോഗിക്കാന് സാധിക്കാതെ വരുന്ന സാഹചര്യം ഉണ്ടായാല് വില തിരികെ ലഭിക്കുന്നതിനു ആര് ഡി ഓ യ്ക്ക് അപേക്ഷ നല്കാം .പ്രത്യേക അപേക്ഷാഫോറം ഇല്ല.വെള്ള പേപ്പറില് സ്റ്റാമ്പ് ഒട്ടിച്ച അപേക്ഷയോടൊപ്പം ഉപയോഗശൂന്യമായ മുദ്ര പത്രം ,സത്യവാങ്ങ്മൂലം അടക്കം ചെയ്യണം.( നിലവില് തഹസില്ദാര് മുദ്ര പത്രം റീ ഫണ്ട് ഫയലുകള് കൈകാര്യം ചെയുന്നതായി കാണുന്നു ).വില്ലേജ് ഓഫീസര് മുഖാന്തിരം അന്വേഷണം നടത്തുന്നു.അയല്വാസികളില് നിന്നും സ്ററേറ്മെന്റ് എടുക്കുന്നു.ട്രഷറി റിക്കാര്ഡുകള് പരിശോധിച്ച് മുദ്രപത്രത്തിന്റെ വിശ്വാസ്യത ഉറപ്പു വരുത്തുന്നു .ന്യായമായ അപേക്ഷ ആണെന്ന് ബോധ്യപെടുന്ന പക്ഷം ആറ് ശതമാനം കമീഷന് കഴിച്ച് ബാക്കി തുക നല്കുന്നു മുദ്രപത്രം വാങ്ങി ആറ് മാസത്തിനകം അപേക്ഷ നല്കിയിരിക്കേണ്ടതാണ്.
കേരളത്തിലെ പതിനാലു ജില്ലകളിലും സര്ക്കാരിന്റെ പ്രതിനിധിയായി ജില്ലാകലക്ട്ടര് പ്രവര്ത്തിക്കുന്നു.ഇദ്ദേഹം ജില്ലാ മജിസ്ട്രേറ്റ് കൂടിയാണ് .
ജില്ലാ കലക്ട്രെട്ടില് നിന്നും ലഭിക്കുന്ന സേവനങള്
സ്ഫോടക വസ്തു /കരിമരുന്നു പ്രയോഗം -നോ ഒബ്ജെക്ഷന് സര്ട്ടിഫിക്കറ്റ്
ഇതിനുള്ള അപേക്ഷ ഫോറം നമ്പര് 5,17 എന്നിവയില് ജില്ലാകലക്ട്ടര്ക്ക് സമര്പ്പിക്കണം .അപേക്ഷയോടൊപ്പം സൈറ്റ് പ്ലാന് ,കെട്ടിട ഉടമസ്ഥന്റെ സമ്മത പത്രം/റെന്റ് അഗ്രീമെന്റ് ,ചെലാന് സമര്പ്പിക്കണം .ജില്ലാ പോലിസ് സൂപ്രണ്ട് ,ഫയര് സര്വീസ്,പഞ്ചായത്ത് സെക്രട്ടറി എന്നിവരുടെ അന്വേഷണ റിപ്പോര്ട്ടിന്റെ അടിസ്ഥാനത്തില് എന് ഓ സി അനുവദിക്കും.
കരിമരുന്നു പ്രയോഗത്തിനുള്ള എന് ഓ സി കിട്ടുന്നതിനു ഫോറം 12 ല് ജില്ലാ കലക്ട്ടര്ക്ക് അപേക്ഷനല്കണം .സൈറ്റ് പ്ലാന് ,.വെടിമരുന്നു പ്രയോഗം നടത്തുന്ന ആളുടെ ലൈസ്സന്സ് പകര്പ്പ് ,എന്നിവ വേണം.ജില്ലാ പോലിസ് സൂപ്രണ്ട്,തഹസില്ദാര് അന്വേഷണത്തിന് ശേഷം എന് ഓ സി നല്കും
ഭൂമി പതിച്ചു നല്കല്
ഭൂ പരിഷ്കരണ നിയമ പ്രകാരം കൈവശം വെച്ച് വരുന്ന അധിക ഭൂമി സര്ക്കാര് പിടിചെടുക്കുന്നതാണ് .മിച്ച ഭൂമി പതിച്ച് നല്കുന്നതിനു ജില്ലാ കലക്റ്റര് വിജ്ഞാപനം പുറപ്പെടുവിച്ച് കഴിഞ്ഞാല് നീശ്ചിത ഫോറത്തില് അപേക്ഷ, അവസാന തിയതിക്ക് മുന്പായി സമര്പ്പിക്കണം .കൂടുതല് അര്ഹരായവര് ഉണ്ടെങ്കില് നറുക്കെടുപ്പിലൂടെ തിരെഞ്ഞെടുക്കും പതിച്ച് കിട്ടിയവര്ക്ക് ഡീഡ് ഓഫ് അസ്സൈന്മെന്റ് അനുവദിക്കുന്നതാണ് .അതിനു ശേഷം സ്ഥലം അളന്നു കൈവശം നല്കും.
തൊഴിലില്ലായ്മ വേതനം അപ്പീല്
തൊഴിലില്ലായ്മ വേതനം ലഭിക്കുന്നതിനായുള്ള അപേക്ഷകളില് തദേശ സ്വയം ഭരണ സ്ഥാപനങ്ങള് എടുക്കുന്ന തീരുമാനങ്ങള്ക്ക് എതിരെ ജില്ലാകലക്ട്ടര്ക്ക് അപ്പീല് നല്കാം.
വികലാംഗ പെന്ഷന് അപീല്
പെന്ഷന് നിഷേധിച്ചതിന്റെ കോപ്പി സഹിതം അപേക്ഷ നല്കണം .വരുമാനം 10000 കവിയാന് പാടില്ല .
വാര്ധക്ക്യകാല പെന്ഷന് അപ്പീല്
പഞ്ചായത്ത് അപേക്ഷ നിരസ്സിച്ചതിന്റെ കോപ്പി സഹിതം അപേക്ഷ നല്കുക.വരുമാനം 11000 കവിയാന് പാടില്ല .വിചാരണ നടത്തി തീരുമാനം എടുക്കുന്നു
വിധവാ പെന്ഷന് അപ്പീല് /കര്ഷക തൊഴിലാളി പെന്ഷന് അപ്പീല്
അപേക്ഷ നിരസ്സിച്ചതിന്റെ പകര്പ്പ് സഹിതം അപേക്ഷിക്കുക.വിചാരണ നടത്തി തീരുമാനം എടുക്കും
പെട്രോളിയം ലൈസന്സ്
പെട്രോളിയം ഉത്പന്നങള് കൈവശം വെക്കാനും വില്ക്കാനുമുള്ള ലൈസന്സ്സിനും നോ ഒബ്ജെക്ഷന് സര്ട്ടിഫിക്കറ്റിനും ജില്ലാ കലക്ട്ടരെ സമീപിക്കണം
കാര്ഷിക തൊഴില് തര്ക്കം
കാര്ഷിക തൊഴില് തര്ക്കത്തില് ലേബര് ഓഫീസര്ക്ക് തീരുമാനം എടുക്കാന് കഴിയാത്ത പക്ഷംജില്ലാ കലക്ട്ടര്ക്ക് തീരുമാനത്തിനായ് അയക്കാം ഇങ്ങനെ ലഭിക്കുന്ന കേസ് കാര്ഷിക ട്രൈബൂണല് (ആര് ഡി ഓ) പരിഗണയ്ക്ക് അയക്കുന്നു.ആറു മാസത്തിനകം എടുക്കുന്ന തീരുമാനം ജില്ലാ കലക്റ്റര് പരസ്യപെടുത്തുന്നു .
ശ്മശാന നിര്മ്മാണം
1998 ലെ കേരള പഞ്ചായത്തീ രാജ് ചട്ട പ്രകാരം പുതുതായി ശ്മശാനം നിര്മ്മിക്കാനോ നിലവില് ഉള്ള ശ്മശാനത്തിനു മാറ്റം വരുത്താനോ ജില്ലാ കലക്ട്ടരുടെ അനുമതി വേണം.സൈറ്റ് പ്ലാന് ലൊക്കേഷന് സ്കെട്ച് എന്നിവ സഹിതം അപേക്ഷ പഞ്ചായത്തില് നല്കി പ്രമേയത്തോട് കൂടി ജില്ലാ മെഡിക്കല് ഓഫീസര് മുഖേനെ ജില്ല കലക്ട്ടര്ക്ക് നല്കുന്നു. ആവശ്യമായ അന്വേഷണം നടത്തി പത്ര പരസ്യം ചെയ്തു ആക്ഷേപം പരിശോധിച്ച് അനുമതി നല്കുന്നു.
ആരാധനാലയങ്ങളുടെ നിര്മ്മാണം
പുതിയ പ്രാര്ഥനാലയങ്ങളുടെ നിര്മ്മാണത്തിനു പഞ്ചായത്ത് അനുവാദം കൊടുക്കുന്നതിലേക്ക് ജില്ലാകലക്ട്ടരില് നിന്നും എന് ഓ സി വാങ്ങേണ്ടതാണ് .പോലീസ് സൂപ്രണ്ട്,തഹസില്ദാര് മുഖേന അന്വേഷണം നടത്തുന്നു തര്ക്കമുള്ള കേസുകള് ആഭ്യന്തര വകുപ്പിന് കൈമാറുന്നു .നിലവിലുള്ള ആരാധനാലയങ്ങള് പുതുക്കി പണിയാന് അനുമതി വേണ്ട .
വൈദുതി ലൈന് വലിക്കുന്നതു സംബന്ധിച്ച്
ഇലക്ട്രിക് ലൈന് വലിക്കുന്നതിന് ആരെങ്കിലും എതിര്പ്പ് പ്രകടിപ്പിക്കുക ആണെങ്കില് എതിര്പ്പ് ഒഴിവാക്കി അനുവാദം നല്കുന്നതിനു ഇന്ത്യന് ടെലിഗ്രാഫ് ആക്റ്റ് പ്രകാരം ജില്ലാ മജിസ്ട്രേററി നു അധികാരം ഉണ്ട് .കെ എസ് ഇ ബി യിലെ നടപടി ക്രമങ്ങള് പൂര്ത്തിയാക്കിയതിനു ശേഷം കേസ് ജില്ലാ മജിസ്ട്രേറ്റിനു റെഫര് ചെയ്യണം .ബന്ധപെട്ട എല്ലാ കക്ഷികളുടെയും പേര് വിവരം ,ലൈന് വലിക്കുന്നതിനുള്ള റൂട്ട് കാണിച്ചു കൊണ്ടുള്ള സ്കെട്ച് ,എതിര്പ്പ് പ്രകടിപ്പിച്ച്ചവരുടെ കത്ത് എന്നിവ വേണം .കലക്ക്ട്ടരുടെ ഉത്തരവിന് എതിരെ ബഹു.കേരള ഹൈ കോടതിയില് അപീല് നല്കാം .
പ്രിന്റിംഗ് പ്രസ് /പ്രസ്ദീകരണ രജിസ്ട്രഷന്
പ്രസ് ആ ന്ഡ് രജിസ്ട്രേഷന് ഓഫ് ബുക്ക്സ് ആക്റ്റ് പ്രകാരം ജില്ലയില് പ്രസ്ദീകരിക്കുന്ന എല്ലാ പ്രസ്ദീകരണങ്ങള്ക്കും അഡീഷണല് മജിസ്ട്ട്രെട്ടിന്റെ അനുമതി വേണം .ആവശ്യമായ ടൈറ്റില് ലഭികുന്നതിനു വേണ്ടി ലഭിക്കുന്ന അപേക്ഷ ശുപാര്ശയോടെ ന്യൂ ഡല്ഹിയിലെ ന്യൂസ് പേപ്പര് രജിസ്ട്രാര്ക്ക് അയച്ച് കൊടുത്ത് ടൈറ്റില് അനുവദിച്ചു കിട്ടിയ ശേഷം എ ഡി എം മുന്പാകെ ഡിക്ളറേഷന് ഫയല് ചെയ്തു പ്രസ്ധീകരണം തുടങ്ങാം.
അത് പോലെ പ്രിന്റിംഗ് പ്രസ് തുടങ്ങുന്നതിനും എ ഡി എമ്മിന് അപേക്ഷ നല്കണം .
ഭൂപരിഷ്കരണ നിയമം നടപ്പാക്കുന്നതിന് നേതൃത്വം വഹിക്കുന്നത് സംസ്ഥാന ലാന്ഡ് ബോര്ഡ് ആണ് .ലാന്ഡ് ട്രിബ്യൂണല് അപ്പലേറ്റ് അതോറിറ്റി താലൂക്ക് ലാന്ഡ് ബോര്ഡ് എന്നീ ഓഫീസുകളുടെ ഭരണപരമായ മേല്നോട്ടം വഹിക്കുന്നതും ലാന്ഡ് ബോര്ഡ് തന്നെ.മേല് പറഞ്ഞവ കൂടാതെ സര്വീസ് ഇനാം ,ശ്രീപണ്ടാര വക തുടങ്ങിയ പ്രത്യേക ഭൂമികളുടെ സെറ്റില്മെന്റ് നടപടികളുടെ മേല്നോട്ടവും സംസ്ഥാന ലാന്ഡ് ബോര്ഡ് നിര്വഹിക്കുന്നു.
താലൂക്ക് ലാന്ഡ് ബോര്ഡ്
കേരള ഭൂപരിഷ്കരണ നിയമം അനുസരിച്ച് പരിധിയില് കവിഞ്ഞ ഭൂമി കൈവശം വയ്ക്കുന്ന വ്യക്തികള് റിട്ടേണ് ഫയല് ചെയ്യേണ്ടതാണ് .യഥാസമയം റിട്ടേണ് ഫയല് ചെയ്യുന്നില്ലെങ്കില് താലൂക്ക് ലാന്ഡ് ബോര്ഡ് സ്വമേധയാ കേസ് എടുത്ത് വിചാരണ നടത്തി പരിധിയില് കവിഞ്ഞ ഭൂമി ഏറ്റെടുക്കുന്നു .മിച്ച ഭൂമി കേസുകള് കൈകാര്യം ചെയ്യുന്നതിന് കേരളത്തില് 63 താലൂക്ക് ലാന്ഡ് ബോര്ഡുകള് പ്രവര്ത്തിക്കുന്നു .
ലാന്ഡ് ട്രിബ്യൂണല്
സംസ്ഥാനത്ത് നിലവില് 17 ലാന്ഡ് ട്രിബ്യൂണലുകള് ഉണ്ട്.കുടിയായ്മ കേസുകളും കുടികിടപ്പ് കേസുകളും കൈകാര്യം ചെയ്യുന്നു .
അപ്പലേറ്റ് അതോറിട്ടി
കേരള ഭൂപരിഷ്കരണ നിയമപ്രകാരം ലാന്ഡ് ട്രിബ്യൂണലുകള് എടുക്കുന്ന തീരുമാനത്തിന് എതിരെ അപീല് ഫയല് ചെയ്യാം .ഉത്തരവ് പുറപ്പെടുവിച്ച് 60 ദിവസത്തിനകം അപീല് ഫയല് ചെയ്യണം .സംസ്ഥാനത്ത് മൂന്ന് അപ്പലേറ്റ് അതോറിറ്റികള് ഉണ്ട് .ഓരോ അതോറിട്ടിയുടെയും പരിധികള് താഴെ പറയുന്നു .
ആലപ്പുഴ :തിരുവനന്തപുരം ,കൊല്ലം,പത്തനംതിട്ട ,ആലപുഴ ,കോട്ടയം ,ഇടുക്കി ,എറണാകുളം ജില്ലകള്
തൃശൂര് : തൃശൂര് ,പാലക്കാട്,മലപ്പുറം ജില്ലകള്
കണ്ണൂര് :കോഴിക്കോട് ,വയനാട് ,കണ്ണൂര്,കാസര്ഗോഡ് ജില്ലകള്
മിച്ച ഭൂമി വിതരണം
താലൂക്ക് ലാന്ഡ് ബോര്ഡ് ഉത്തരവ് പ്രകാരം മിച്ചഭൂമി അതാത് തഹസില്ദാര്മാര് ഏറ്റെടുത്ത് സംരക്ഷിക്കണം .വിതരണത്തിന് യോഗ്യമായ ഭൂമി ഭൂരഹിതരായ കര്ഷക തൊഴിലാളികള്ക്ക് വിതരണം ചെയ്യുന്നതിന് ജില്ലാ കലക്റ്റര് വിജ്ഞാപനം ചെയ്ത് അപേക്ഷ സ്വീകരിക്കുന്നു .സമയപരിധിക്കുള്ളില് ലഭിക്കുന്ന അപേക്ഷകള് പരിശോധിച്ച് അര്ഹാരായവര്ക്ക് ഭൂമി വിതരണം ചെയുന്നു
മുന് ജന്മിമാര്ക്ക് പെന്ഷന്
ഭൂപരിഷ്കരണം നടപ്പിലാക്കിയത് മൂലം കൃഷി ഭൂമി നഷ്ട്ടപെടുകയും ഇപ്പോള് സാമ്പത്തികമായി വിഷമിക്കുകയും ചെയ്യുന്ന ജന്മിമാരെ സഹായിക്കാനുള്ള പദ്ധതിയാണിത് . തഹസില്ദാര്ക്ക് അപേക്ഷ നല്കണം .പ്രതിമാസ പെന്ഷന് 500 രൂപ.
ഒരു ലക്ഷം രൂപയ്ക്ക് താഴെ വരുമാനമുള്ള കുടുംബങ്ങളിലെ രോഗബാധിതര്ക്ക് ചികിത്സാ സഹായം നല്കുക, അത്യാഹിതങ്ങളില് പെടുന്നവരുടെ ആശ്രിതര്ക്ക് അടിയന്തിര ധനസഹായം നല്കുക തുടങ്ങിയ ആവശ്യങ്ങള്ക്കായി മുഖ്യ മന്ത്രിയുടെ ദുരിതാശ്വാസ നിധിയില് നിന്നും ധനസഹായം നല്കുന്നു.നീ ശ്ചിത മാതൃകയില് ഉള്ള അപേക്ഷ( മൂന്ന് കോപ്പി) ആറു മാസത്തിനുള്ളില് വാങ്ങിയ മെഡിക്കല് സര്ട്ടിഫിക്കറ്റിന്റെ അസ്സല് സഹിതം വില്ലേജ് ഓഫീസില് നല്കുക ..ഒരു വ്യക്തിക്ക് ഒരു തവണ മാത്രമേ സഹായം കിട്ടൂ .എന്നാല് മാരക രോഗങ്ങള് ബാധിച്ചവര്ക്ക് രണ്ടു വര്ഷത്തിനു ശേഷം വീണ്ടും അപേക്ഷിക്കാം
ക്ഷയരോഗികള്ക്ക് പെന്ഷന്
സാമ്പത്തികമായി പിന്നോക്കം നില്കുന്ന ക്ഷയ രോഗികള്ക്ക് പെന്ഷന് ആനുകൂല്യം കിട്ടാന് താലൂക്ക് ഓഫീസ് /വില്ലേജ് ഓഫീസില് അപേക്ഷ നല്കാം .അസിസ്റ്റന്റ് സര്ജനില് കുറയാത്ത മെഡിക്കല് ഓഫീസര് നല്കുന്ന സര്ട്ടിഫിക്കറ്റ് അപേക്ഷയോടൊപ്പം നല്കണം .വാര്ഷിക വരുമാനം 2400 രൂപയില് കൂടാന് പാടില്ല.
ക്യാന്സര് രോഗികള്ക്ക് പെന്ഷന്
താലൂക്ക് ഓഫീസിലോ വില്ലേജ് ഓഫീസിലോ അപേക്ഷ നല്കാം .മെഡിക്കല് സര്ട്ടിഫിക്കറ്റ് ഹാജരാക്കണം പ്രതിമാസ ധനസഹായം 200 രൂപ
കുഷ്ഠരോഗികള്ക്ക് പെന്ഷന്
അഗതികളായ കുഷ്ഠരോഗികള്ക്കും ധനസഹായം ലഭിക്കും യാചക വൃത്തിയില് ഏര്പെടുന്നവര് ആകരുത് .പ്രതിമാസ സഹായം 200 രൂപ
കയര് തൊഴിലാളി പെന്ഷന്
കയര് തൊഴിലാളി ക്ഷേമനിധിയില് നിന്നും പ്രതിമാസം 300 രൂപ സഹായം നല്കുന്നുണ്ട് . 1987 ഡിസംബര് 31 നു മുന്പ് കയര് രംഗത്ത് പ്രവര്ത്തിച്ചവര്ക്കാണ് പെന്ഷന് നല്കുന്നത് .അപേക്ഷകര്ക്ക് മറ്റു വരുമാനം ഇല്ല എന്നും കയര് മേഖലയുമായി ബന്ധപെട്ട് പ്രവര്ത്തിച്ചിരുന്നവര് ആയിരുന്നുവെന്നും വില്ലേജ് ഓഫീസര് സര്ട്ടിഫിക്കറ്റ് നല്കണം
ദേശീയ കുടുംബ സഹായ പദ്ധതി .
ദാരിദ്ര്യ രേഖക്ക് താഴെയുള്ള കുടുംബങ്ങളിലെ പ്രധാന വരുമാനക്കാരന് മരണപെട്ടാല് 10000 രൂപ ധനസഹായം നല്കിവരുന്നു .
നിശ്ചിത മാതൃകയില് ഉള്ള അപേക്ഷ രണ്ടു കോപ്പി വീതം പൂരിപ്പിച്ച് തഹസില്ദാര് മുന്പാകെ സമര്പ്പിക്കണം .
അപേക്ഷയോടൊപ്പം മരണ സര്ട്ടിഫിക്കറ്റ് ,റേഷന് കാര്ഡ് പകര്പ്പ് ,ഐ ഡി കാര്ഡ് പകര്പ്പ്,വയസ്സ് തെളിയിക്കുന്ന രേഖകള് എന്നിവ സാക്ഷ്യപെടുത്തി വെക്കണം.
പ്രധാന വരുമാനക്കാരന് മരണപെട്ട് ഒരു മാസത്തിനുള്ളില് അപേക്ഷ നല്കിയിരിക്കേണ്ടതാണ് .
അപ്രകാരം സമര്പ്പിക്കാന് പറ്റിയില്ലെങ്കില് കാലതാമസം മാപ്പാക്കാനുള്ള അപേക്ഷയും അടക്കം ചെയ്യണം.
മതിയായ കാരണം ഉണ്ടെങ്കില് ജില്ലാകലക്ട്ടര് കാലതാമസം മാപ്പാക്കുന്നതാണ് .
മരണമടഞ്ഞ വ്യക്തിയുടെ പ്രായം 18 നും 64 നും ഇടയില് ആയിരുന്നാല് മാത്രമേ ധനസഹായം ലഭിക്കൂ .
അത് പോലെ കുടുംബവാര്ഷിക വരുമാനം 11000 രൂപയില് കവിയാനും പാടില്ല .
വില്ലേജ് ഓഫീസര് മുഖേന അന്വേഷണം നടത്തുന്നു .തഹസില്ദാര് ആണ് ധനസഹായം വിതരണം ചെയ്യുന്നത്
കെട്ടിട നികുതി
തറ വിസ്തീര്ണം |
പഞ്ചായത്ത് |
സ്പെഷല് ഗ്രേഡ് പഞ്ചായത്ത് |
കോര്പ്പരേഷന് |
100 സ്കയര് മീറ്റര് വരെ |
സൌജന്യം |
സൌജന്യം |
സൌജന്യം |
100-150 സ്കയര് മീറ്റര് വരെ |
750 രൂപ |
1350രൂപ |
2025രൂപ |
150-200 സ്കയര് മീറ്റര് വരെ |
1500രൂപ |
2700രൂപ |
4050രൂപ |
200-250 സ്കയര് മീറ്റര് വരെ |
3000രൂപ |
5400രൂപ |
8100രൂപ |
250 സ്കയര് മീറ്ററിനു മുകളില് |
3000+ അധികമുള്ള 10 സ്കയര് മീറ്ററിനു 600 രൂപ വീതം |
5400+ അധികമുള്ള ഓരോ 10സ്കയര് മീറ്ററിനും 1200രൂപ വീതം |
8100+ അധികമുള്ള ഓരോ 10 സ്കയര് മീറ്ററിനും 1500രൂപ വീതം |
ആഡംബരനികുതി
മേല് കാണിച്ച കെട്ടിട നികുതി കൂടാതെ 278.7സ്കയര് മീറ്ററില് കൂടുതല് തറ വിസ്തീര്ണമുള്ള വാസ ഗൃഹങ്ങള്ക്ക് അവ1.4.1999 നോ അതിനു ശേഷമോ
പൂര്ത്തിയാകിയത് ആണെങ്കില് പ്രതി വര്ഷം രണ്ടായിരം രൂപ ആഡംബര നികുതി അടയ്ക്കേണ്ടതാണ് .
മറ്റ് കെട്ടിടങ്ങള്
തറ വിസ്തീര്ണം |
പഞ്ചായത്ത് |
സ്പെഷല് ഗ്രേഡ് പഞ്ചായത്ത് |
കോര്പ്പറേഷന് |
50സ്കയര് മീറ്റര് വരെ |
|||
50-75സ്കയര് മീറ്റര് വരെ |
750രൂപ |
1500രൂപ |
3000രൂപ |
75-100സ്കയര് മീറ്റര് വരെ |
1125രൂപ |
2250രൂപ |
4500രൂപ |
100-150സ്കയര് മീറ്റര് വരെ |
2250രൂപ |
4500രൂപ |
9000രൂപ |
150-200 |
4500രൂപ |
9000രൂപ |
18000രൂപ |
200-250 |
9000രൂപ |
18000രൂപ |
27000രൂപ |
250സ്കയര് മീറ്റര് |
9000+അധികമുള്ള 10സ്കയര് മീറ്റര് 900രൂപ |
18000 +അധികമുള്ള 10സ്കയര് മീറ്റര് 1800രൂപ |
27000രൂപ +അധികമുള്ള ഓരോ 10സ്കയര് മീറ്റര് 2250രൂപ വീതം |
1958 ലെ ഭൂസംരക്ഷണ നിയമങ്ങളും ചട്ടങ്ങളും , പുറമ്പോക്ക് ആയതോ അല്ലാത്തതോ ആയ എല്ലാ സര്ക്കാര് വക ഭൂമികളിലെയും അനധികൃത പ്രവേശനവും, നിരോധിക്കാനും കൈയേറ്റക്കാരുടെ മേല് യഥാസമയം ശിക്ഷണനടപടികള് എടുത്തു ഭൂമി സര്ക്കാരിലേക്ക് ഒഴിപ്പിചെടുക്കാനും റവന്യു ഉദ്യോഗസ്ഥര്ക്ക് അധിക്കാരം നല്കുന്നു
അനുമതി കൂടാതെ സര്ക്കാര് ഭൂമിയില് ഭിത്തിയോ കെട്ടിടമോ പാര്പ്പിടമോ സ്ഥിരമായോ താല്ക്കാലികമായോ നിര്മ്മിക്കുക,
സര്ക്കാര് ഭൂമിയിലേക്ക് തൂങ്ങി കിടക്കുന്നതോ തള്ളി നില്ക്കുന്നതോ ആയ വിധത്തില് നിര്മ്മാണ പ്രവര്ത്തനങ്ങള് നടത്തുക .
സര്ക്കാര് ഭൂമിയില് നിന്നും മണ്ണ് ,ചരല് ,കരിങ്കല്ല് ,വെട്ടുകല്ല് ,,ചുണ്ണാമ്പ് കല്ല് തുടങ്ങി വില പിടിച്ച വസ്തുക്കള് കടത്തി കൊണ്ട് പോവുക ,
സര്ക്കാര് വക മരങ്ങള് വെട്ടി കൊണ്ട് പോവുക ,അനധികൃതമായി പ്രവേശിച്ച് താമസിക്കുക എന്നിവ എല്ലാം കൈയേറ്റമായി കണ്ടു നടപടി സ്വീകരിക്കുന്നതാണ് .
ഭൂസംരക്ഷണ (ഭേദഗതി)നിയമം 2009 പ്രകാരം സര്ക്കാര് ഭൂമി കൈയേറ്റക്കാര്ക്ക് മൂന്ന് വര്ഷം മുതല് അഞ്ചു വര്ഷം വരെ തടവും അന്പതിനായിരം മുതല് രണ്ടു ലക്ഷം വരെ പിഴയും ലഭിക്കും .
വ്യാജ രേഖകള് തയ്യാറാക്കി സര്ക്കാര് ഭൂമി കൈയേറാന് ശ്രമിച്ചാല് അഞ്ചു വര്ഷം മുതല് ഏഴു വര്ഷം വരെ തടവും രണ്ടു ലക്ഷം വരെ പിഴയും ലഭിക്കും .
ഭൂസംരക്ഷണ നിയമ വകുപ്പ് 20എ പ്രകാരം സര്ക്കാരിനെതിരെ സിവില് കോടതിയില് അന്യായം ബോധിപ്പിക്കാന് കഴിയില്ല.ഭൂസംരക്ഷണ നിയമ പ്രകാരമുള്ള വിചാരണ നടത്താനുള്ള അധികാരം ചീഫ് ജുഡിഷ്യല് മജിസ്ട്രേറ്റ് കോടതിയില് നിക്ഷിപ്തമാണ് .
വില /തീറ് ആധാരം
പ്രതിഫലം പറ്റിക്കൊണ്ട് ആര്ക്കു വേണമെങ്കിലും രജിസ്റ്റര് ചെയ്തു കൊടുക്കാവുന്ന ആധാരം
സ്റ്റാമ്പ് ഡ്യൂട്ടി കോര്പ്പരേഷന് 9%
മുന്സിപ്പാലിറ്റി 8%
പഞ്ചായത്ത് 7%
രജിസ്റ്ററേഷന് ഫീ 2%
ധന നിശ്ചയ ആധാരം
വിവാഹം ,വിദ്യാഭ്യാസം മുതലായവ പരിഗണിച്ച് കുടുംബാഗങ്ങള്ക്കോ ,ആശ്രയിച്ച് കഴിയുന്നവര്ക്കോ കൊടുക്കുന്നത്
സ്റ്റാമ്പ് ഡ്യൂട്ടി 2%
രജിസ്റ്ററേഷന് ഫീ2%
ഇഷ്ട്ട ദാനം
ഇഷ്ട്ടം തോന്നുന്ന ആര്ക്കും കൊടുക്കാവുന്നത്
സ്റ്റാമ്പ് ഡ്യൂട്ടി 5%
രജി.ഫീ 2%
ജീവകാരുണ്യപ്രവര്ത്തനങ്ങള്ക്കായുള്ള ദാനാധാരത്തിനു
സ്റ്റാമ്പ് ഡ്യൂട്ടി2.5%
രജി.ഫീ 2%
കൂട്ടവകാശ ഒഴിമുറി
കൂട്ടവകാശവസ്തുവിന്മേല് ഒരാളുടെ അവകാശം കൂട്ടവകാശികള്ക്ക് ഒഴിഞ്ഞു കൊടുക്കുന്നു.(A,B,C എന്നവര്ക്ക് കൂട്ടവകാശം ഉള്ള വസ്തുവില്A യ്ക്കുംB,യ്ക്കും ഉള്ള അവകാശം C യ്ക്ക് ഒഴിഞ്ഞു കൊടുക്കുന്നു )
സ്റ്റാമ്പ് ഡ്യൂട്ടി 1%
രജി.ഫീ 1%
ഭാഗ പത്രം
കൂട്ടവകാശ വസ്തുക്കള് ഭാഗിച്ച് എടുക്കുന്നത് സംബന്ധിച്ച ആധാരം
കുടുംബം എന്ന നിര്വചനത്തില് ഉള്പെട്ടാല്
സ്റ്റാമ്പ് ഡ്യൂട്ടി 1%
രജി.ഫീ 1%
കുടുംബം എന്നാല് ഭാര്യ,ഭര്ത്താവ്,മക്കള് ,മരണപെട്ട മക്കളുടെ അവകാശികള്
കുടുംബം എന്ന വിഭാഗത്തില് വരാത്തവര്ക്ക്
സ്റ്റാമ്പ് ഡ്യൂട്ടി5%
രജി ഫീ 2%
വില്പത്രം
എഴുതി കൊടുത്ത വ്യക്തിയുടെ മരണശേഷം മാത്രം പ്രാബല്യത്തില് വരുന്നത്
അടച്ച വില്പത്രവും ,തുറന്ന വില്പത്രവും ഉണ്ട്.തുറന്ന വില്പത്രം ഏതു സബ്ബ് രജിസ്റ്റര് ഓഫീസിലും രജിസ്റ്റര് ചെയ്യാം .അടച്ച വില്പത്രം ജില്ലാ രജിസ്റ്റര് ഓഫീസില് സൂക്ഷിച്ച് വക്കുകയും എഴുതികൊടുത്ത വ്യക്തിയുടെ കാലശേഷം രജിസ്റ്റര് ചെയ്യുകയുമാണ് ചെയ്യുന്നത്.വില് പത്രത്തിന് സ്റ്റാമ്പ് ഡ്യൂട്ടി ഇല്ല.ഫീ നൂറു രൂപ.വില്പത്രം റദ്ദ് ചെയ്യാന് ഫീ നൂറു രൂപ
ഒറ്റി ആധാരം
പണയപെടുത്തുന്ന ഭൂമിയുടെ കൈവശം കൂടി വിട്ടു കൊടുക്കുന്നതാണ് ഒറ്റിയാധാരം.
പണയം
കൈവശം കൊടുക്കാതെയുള്ള പണയപെടുത്തല്
കാണം തീറ്/ഒറ്റിക്ക് മേല് വില
ഒറ്റിക്ക് കൊടുത്തിരിക്കുന്ന വസ്തുവിന്മേലുള്ള ജന്മാവകാശം കൂടി ഒഴിഞ്ഞു കൊടുക്കുന്നത്
കുഴിക്കാണം ഒറ്റി
പണയപെടുത്തുന്ന വസ്തുവിന്മേല് ദേഹണ്ഡം ചെയ്യാനുള്ള അവകാശം
അവസാനം പരിഷ്കരിച്ചത് : 5/16/2020
കൂടുതല് വിവരങ്ങള്
കൂടുതല് വിവരങ്ങള്
കൂടുതല
ആസൂത്രണം - വിശദ വിവരങ്ങൾ