1946 മുതല് നിലവിലുണ്ടായിരുന്ന ഭൂവിജ്ഞാന വകുപ്പാണ് 1970ല് പുനഃസംഘടിപ്പിച്ച് ഖനന ഭൂവിജ്ഞാനീയ വകുപ്പ് എന്ന നിലയില് പ്രവര്ത്തിച്ചുവരുന്നത്. 1946ന് മുന്പ് വ്യവസായ വകുപ്പിന്റെ ഭാഗമായിട്ടായിരുന്നു ഖനന ഭൂവിജ്ഞാന വകുപ്പിന്റെ പ്രവര്ത്തനങ്ങള് നടന്നുവന്നിരുന്നത്.
ധാതുപര്യവേക്ഷണം, ധാതുഖനനം, ധാതുപരിപലാനം, കാര്യനിര്വഹണം എന്നിവയ്ക്കായി സംസ്ഥാന ഗവണ്മെന്റ് നിയമാനുസൃതമായി രൂപീകരിച്ച വകുപ്പാണ് ഖനന ഭൂവിജ്ഞാന വകുപ്പ്. ഇതിനുപുറമെ ഹ്രസ്വകാല അന്വേഷണങ്ങളും പഠനങ്ങളും ഗവണ്മെന്റ് നിര്ദ്ദേശാനുസരണ വകുപ്പ് നടത്തിവരുന്നു. സംസ്ഥാന ശാസ്ത്ര സാങ്കേതിക പരിസ്ഥിതി കൗണ്സില് പോലുള്ള ഗവണ്മെന്റ് ഏജന്സികള് ചെലവു വഹിക്കുന്ന ഭൂവിജ്ഞാന പദ്ധതികളും ഈ ശാസ്ത്രസ്ഥാപനം ഏറ്റെടുത്തു വരുന്നു.
ദശാബ്ദങ്ങളായി വ്യവസായ വകുപ്പിന്റെ കീഴില് പ്രവര്ത്തിച്ചിരുന്ന ഭൂവിജ്ഞാന വകുപ്പിന്റെ പ്രവര്ത്തനങ്ങള് ഏകോപിപ്പിച്ച് 7 സാങ്കേതിക വിദഗ്ധരുടെ സേവനം ഉപയോഗപ്പെടുത്തി 1946ലാണ് ഭൂവിജ്ഞാന വകുപ്പ് പ്രത്യേകമായി രൂപീകരിച്ചത്. 1961ല് രണ്ട് സര്ക്കിള് ഓഫീസുകള് എറണാകുളത്തും കോഴിക്കോടും ആരംഭിച്ച് വകുപ്പിന്റെ പ്രവര്ത്തനങ്ങള് വിപുലീകരിച്ചു. 1970ല് ഗവണ്മെന്റ് ഉത്തരവ് (ഗ.വ. (പി) നമ്പ./93/70/ഐഡി തീയതി 13.03.70) പ്രകാരം ഭൂവിജ്ഞാന വകുപ്പിനെ ഖനന ഭൂവിജ്ഞാന വകുപ്പ് എന്ന പേരില് പുനഃസംഘടിപ്പിച്ചു. തുടര്ന്ന് 1975ല് വകുപ്പില് നടന്ന പരിഷ്ക്കരണങ്ങളുടെ ഭാഗമായി ആലപ്പുഴ, തൃശൂര് (പ്രവര്ത്തിച്ചിരുന്നത് എറണാകുളത്ത്), കോഴിക്കോട്, കണ്ണൂര് എന്നിവിടങ്ങളില് മേഖലാ ഓഫീസുകള് ആരംഭിച്ചു. തുടര്ന്ന് എറണാകുളത്തും കോഴിക്കോടും 1961മുതല് പ്രവര്ത്തിച്ചിരുന്ന സര്ക്കിള് ഓഫീസുകളുടെ പ്രവര്ത്തനം റദ്ദാക്കി.
1977ല് ഐക്യരാഷ്ട്രസഭയുടെ സഹായത്തോടെ, വിശദമായ ധാതുപര്യവേക്ഷണത്തിന്റെ ഭാഗമായി സംസ്ഥാന ഖനന-ഭൂവിജ്ഞാന വകുപ്പ് ഡയറക്ടര് എക്സ്. ഒഫീഷ്യോ പദ്ധതി ഡയറക്ടര് ആയി ആരംഭിച്ച കേരള ധാതുഖനന വികസന പദ്ധതിക്കായി വകുപ്പില്നിന്നും ഉദ്യോഗസ്ഥരെ നിയോഗിച്ചിരുന്നു. ഇതേതുടര്ന്ന് വകുപ്പിലുണ്ടായ ജീവനക്കാരുടെ കുറവ് 1980ല് ജീവനക്കാരെ വിന്യസിക്കുന്നതിലൂടെ പരിഹരിക്കുകയും തിരുവനന്തപുരം, കൊല്ലം, പാലക്കാട് എന്നിവിടങ്ങളില് മൂന്ന് ജില്ലാ ഓഫീസുകള് ആരംഭിക്കുകയും ചെയ്തു. 1987 കാസര്ക്കോട് ജില്ലയില് വകുപ്പിന്റെ ജില്ലാ ഓഫീസ് ആരംഭിച്ചു. ചേര്ത്തല താലൂക്കില് ധാതുഖനനത്തിനായി പാട്ടത്തിനു നല്കിയ പ്രദേശത്തെ സിലിക്ക മണലിന്റെ നിക്ഷേപം എത്രയെന്ന് കണക്കാക്കുന്നതിനും അനധികൃത ധാതുഖനനം, ധാതുമണല് കടത്ത് എന്നിവ തടയുന്നതിനും ധാതുമണല് ഖനനവും കയറ്റി അയക്കലും നിയമാനുസൃതമായി നടത്തുന്നതിന് അനുമതി നല്കുന്ന പ്രവര്ത്തനങ്ങള്ക്കുമായി 1990ല് ചേര്ത്തലയില് ഒരു പ്രത്യേക ഓഫീസ് ആരംഭിച്ചു.
കേരള മിനറല് സ്ക്വാഡ് തെക്കന് മേഖല വടക്കന് മേഖല എന്നിങ്ങനെ രണ്ട് സംഘങ്ങള് ഇതിനായി 1985ലും 1990ലും രൂപീകരിക്കുകയുണ്ടായി. വകുപ്പിനു കീഴിലെ പര്യവേക്ഷണ പരിശോധനക വിഭാഗത്തിലെ ജീവനക്കാരെപുനര്വിന്യസിച്ചാണ് ഇവയുടെ പ്രവര്ത്തനങ്ങള് ആരംഭിച്ചത്. 1997ല് ഗവണ്മെന്റ് ഉത്തരവ് (ജി.ഒ. (എം.എസ്. 119/97 ഐഡി തീയതി 28.7.97) പ്രകാരം കോട്ടയം, പത്തനംതിട്ട, ഇടുക്കി, തൃശൂര്, മലപ്പുറം, വയനാട് എന്നീ ജില്ലകളില് ആറ് പുതിയത ഓഫീസുകള് ആരംഭിച്ചു.
ഇന്ന് കേരളത്തിലെ 14 ജില്ലകളിലും വകുപ്പിന്റെ ജില്ലാതല ആഫീസുകളും 3 കേരള മിനറല് സ്ക്വാഡും പ്രവര്ത്തിക്കുന്നു. ധാതുപര്യവേക്ഷണവും പരിപാലനവും വകുപ്പിലെ 58 ഭൂവിജ്ഞാന വിദഗ്ധരുടെയും 4 രാസപരിശോധനാ വിദഗ്ധരുടെയും മേല്നോട്ടത്തില് നടപ്പാക്കുന്നു.
വകുപ്പുമായി ബന്ധപ്പെട്ട പ്രവര്ത്തനങ്ങള് നടപ്പിലാക്കുന്നതിനായി പര്യവേഷണ വിഭാഗം, ധാതുപരിപാലനവും മൈനിംഗ് ലീഡ് വിഭാഗം എന്നിങ്ങനെയുള്ള രണ്ട് വിഭാഗങ്ങള് നിലവിലുണ്ട്.
സംസ്ഥാനത്തിന്റെ വിവിധ ഭാഗങ്ങളില് വ്യവസായികാടിസ്ഥാനത്തില് ഖനനം നടത്തുന്നതിന് ആവശ്യമായ ധാതുനിക്ഷേപം കണ്ടെത്തുകയും അവയുടെ തോത് കണക്കാക്കുക, ധാതുനിക്ഷേപം അടിസ്ഥാനപ്പെടുത്തിയുള്ള വ്യവസായങ്ങള് ആരംഭിക്കുന്നതിനും നിലവിലുള്ള വ്യവസായങ്ങളെ പരിപോഷിപ്പിക്കുകയും ചെയ്യുന്നതിന് ഉതകുന്ന തരത്തിലുള്ള ധാതുവികസനം എന്നിവയാണ് ധാതുപര്യവേഷണ വിഭാഗത്തിന്റെ ചുമതല.
ധാതുപ്രവര്ത്തനങ്ങള് പരിശോധിക്കുന്നതിനും നിയന്ത്രിക്കുന്നതിനും അധികാരമുള്ള വിഭാഗമാണ് ധാതുപരിപാലന - മൈനിംഗ് ലീഡ് വിഭാഗം. പരിസ്ഥിതി ആവാസവ്യവസ്ഥകള്ക്ക് കോട്ടം തട്ടാതെ ഖനനാനുമതി നല്കുക, അനധികൃത ഖനനം തടയുക തുടങ്ങിയ ചുമതലകള് പ്രസ്തുത വിഭാഗത്തില് നിക്ഷിപ്തമായിരിക്കുന്നു. ധാതുഖനനത്തിനുള്ള വരുമാനം പിരിച്ചെടുക്കുന്നതും ട്രഷറികളില് നിക്ഷേപിക്കുന്നതും സംസ്ഥാനത്ത് അംഗീകരിച്ചിട്ടുള്ള ധാതുഖനന ഉടമ്പടി ആനുസരിച്ചുള്ള പ്രവര്ത്തനങ്ങളുമായി ബന്ധപ്പെട്ട കണക്ക് പരിശോധനകള് നടത്തുന്നതും ഈ വകുപ്പിലെ ഉദ്യോഗസ്ഥരാണ്.
1952ലെ മൈന്ഡ് ആക്ട് 1957ലെ മൈന്ഡ് ആന്റ് മിനറല്സ് (ഡവലപ്പ്മെന്റ് ആന്റ് റഗുലേഷന് ആക്ട്) എന്നിവ അനുസരിച്ച് രൂപീകൃതമായ നിയമങ്ങളാണ് ഇന്ത്യന് ധാതുഖനന മേഖലയ്ക്ക് ബാധകമായിട്ടുള്ളത്. 1957ലെ മൈന്ഡ് ആന്റ് മിനറല്സ് (ഡവലപ്പ്മെന്റ് ആന്റ് റഗുലേഷന് ആക്ട്) 1960 ലെ മിനറല് കണ്സഷന് റൂള്സ് 1988 ലെ മിനറല് കണ്സര്വേഷന് ആന്റ് ഡവലപ്പ്മെന്റ് റൂള്സ് എന്നിവ ഖനന മേഖലയുടെ വികസനത്തിനും തൊഴിലാളികളുടെ സുരക്ഷയ്ക്കും ഊന്നല് നല്കുന്നു. 1952ലെ മൈന്ഡ് ആക്ടിന്റെ പരിധിയില് ഉള്പ്പെടുത്തി 1955ലാണ് തൊഴിലാളികളുടെ ആരോഗ്യസുരക്ഷയ്ക്ക് പ്രാധാന്യം നല്കുന്ന ഖനിചട്ടങ്ങള് നിര്മ്മിച്ചത്.
ഖനനപ്രവര്ത്തനങ്ങള്ക്ക് അംഗീകാരം ലഭിക്കുന്നതിനും ഖനികള് പാട്ടത്തിന് ലഭിക്കേണ്ടതിന്റെ മാര്ഗ്ഗനിര്ദ്ദേശങ്ങള് 1960ലെ മനിറല് കണ്സര്വേഷന് റൂള്സില് നിര്ദ്ദേശിച്ചിരിക്കുന്നു. ശാസ്ത്രീയാടിസ്ഥാനത്തില് ഖനനങ്ങള് നടത്തുന്നതിനു പരിസ്ഥിതി സംരക്ഷണത്തിനുള്ള മാര്ഗ്ഗനിര്ദ്ദേശങ്ങള് 1988ലെ മിനറല് കണ്സര്വേഷന് ആന്റ് ഡവലപ്പ്മെന്റ് ചട്ടങ്ങളില് പ്രഖ്യാപിച്ചിരിക്കുന്നു. കല്ക്കരി, മറ്റ് അറ്റോമിക് പദാര്ത്ഥങ്ങള് എന്നിവയ്ക്ക് ഈ നിയമം ബാധകമല്ല. മറ്റ് ലഘുധാതുക്കള്ക്കുള്ള ഖനന നിയമങ്ങള് ഓരോ സംസ്ഥാനത്തിന്റെയും അധികാരപരിധിയില് വരുന്നതുമാണ്.
ഭൂവിജ്ഞാനീയ വകുപ്പിന് കീഴിലുള്ള രത്നപരിശോധനശാല 1985ലാണ് ആരംഭിച്ചത്. ആധുനിക സൗകര്യങ്ങളോടു കൂടിയ രത്നപരിശോധന പൊതുജനങ്ങള്ക്കും പ്രത്യേകിച്ച് രത്നവ്യവസായ മേഖലയ്ക്കും ലഭ്യമാകുന്നു. ഡിജിറ്റല് ചിത്രത്തോടെ ഹോളോഗ്രാം പതിച്ചിട്ടുള്ള സര്ട്ടിഫിക്കറ്റുകളാണ് രത്നപരിശോധനയ്ക്കുശേഷം പരിശോധനശാല നല്കുന്നത്.
ആധുനികമായ വിവിധ രത്നപരിശോധന ഉപകരണങ്ങള് പരിശോധനശാലയില് ഉപയോഗിച്ചു വരുന്നു.
1) ഡിജിറ്റല് ഇമേജിംഗ് സൗകര്യത്തോട് കൂടിയ സ്റ്റീരിയോ ബൈനോക്കുലര് മൈക്രോസ്കോപ്പ്
2) ഫൈബര് ഒപ്റ്റിക്ക് ഇല്യൂമിനേറ്റര് സൗകര്യത്തോടുകൂടിയ സ്റ്റീരിയോ ബൈനോക്കുലര് മൈക്രോസ്കോപ്പ്
3) റിഫ്രാക്ടോമീറ്റര്
4) സ്പെക്ടോസ്കോപ്പ്
5) പോളാരിസ്കോപ്പ്
6) വയലറ്റ് ലാമ്പ് അള്ട്രാ വയലറ്റ് ലാമ്പ്
7) ഡയമണ്ട് പ്രോബ് തെര്മോ ഡയമണ്ട് പ്രോബ്
8) ഡിജിറ്റല് ത്രാസ്
ചെല്സി കളര് ഫില്ട്ടര്, ഡൈക്രോ സ്കോപ്പ് തുടങ്ങിയ രത്നപരിശോധനാ ഉപകരണങ്ങളും പരിശോധശാലയില് ഉപയോഗപ്പെടുത്തിവരുന്നു.
രത്നക്കല്ലുകളുടെ പരിശോധനയും അവയ്ക്കുള്ള സര്ട്ടിഫിക്കറ്റുകളുടെ വിതരണവും പരിശോധനാകേന്ദ്രത്തില് നിന്നും ഒരേ ദിവസംതന്നെ നടത്തുന്നു.
രത്നക്കല്ലുകളുടെ പേര്, ഇനം, പ്രകൃതിദത്തം, മനുഷ്യനിര്മ്മിതം, ഭൗതിക സവിശേഷതകള്, പ്രകാശ സവിശേഷതകള് തുടങ്ങിയ വിവരങ്ങള് സര്ട്ടിഫിക്കറ്റില് ഉള്പ്പെടുത്തിയിരിക്കും.
ഭൂവിജ്ഞാനീയ വകുപ്പിന് കീഴിലുള്ള രത്നപരിശോധനശാലയില് നിന്നും വിവിധ കാലഘട്ടങ്ങളില് നല്കിയ സര്ട്ടിഫിക്കറ്റുകളുടെ വിശദാംശങ്ങള് താഴെ കൊടുത്തിട്ടുള്ള ലിങ്കുകളില്നിന്നും ലഭിക്കും. കൂടുതല് വിവരങ്ങള് ആവശ്യമുണ്ടെങ്കില്ghgok@gmail.com എന്ന ഇ-മെയില് വിലാസത്തില് രത്നപരിശോധനശാലയുമായി ബന്ധപ്പെടാവുന്നതാണ്. ആഴ്ചതോറും അല്ലെങ്കില് രണ്ടാഴ്ചയിലൊരിക്കല് സര്ട്ടിഫിക്കറ്റ് വിവരങ്ങള് അപ് ലോഡ് ചെയ്യുന്നതാണ്.
വകുപ്പിന് കീഴില് പ്രവര്ത്തിക്കുന്ന പര്യവേഷണ പരിശോധകസംഘം ശേഖരിക്കുന്ന സാമ്പിളുകള് രാസപരിശോധനയ്ക്ക് വിധേയമാക്കുന്നതനായി അത്യാധുനിക സംവിധാനങ്ങളോട് കൂടിയ ഒരു രാസപരിശോധനശാല സംസ്ഥാന ഭൂവിജ്ഞാനീയ വകുപ്പിനു കീഴില് പ്രവര്ത്തിക്കുന്നു.
ഖനനവ്യവസായ മേഖലയിലും ഗവേഷണ മേഖലയിലും മറ്റും പ്രവര്ത്തിക്കുന്ന വിവിധ ഏജന്സികളില്നിന്ന് പണം ഈടാക്കിക്കൊണ്ട് പരിശോധനശാലയുടെ സേവനം നല്കിവരുന്നു. സ്വര്ണ്ണത്തിന്റെയും അനുബന്ധലോഹങ്ങളുടെയും ശുദ്ധിപരിശോധനയ്ക്കുള്ള സൗകര്യം പരിശോധനശാലയില് ലഭ്യമാണ്.
സൗകര്യങ്ങള് (Facilities)
രാസപരിശോധന ശാലയില് ഉപയോഗപ്പെടുത്തിവരുന്ന ആധുനിക സൗകര്യങ്ങള് താഴെപറയുന്നവയാണ്.
ഖര-ദ്രാവകരൂപത്തിലുള്ള വളരെ ചെറിയ സാമ്പിളുകള് പരിശോധനയ്ക്ക് വിധേയമാക്കാവുന്ന വിവിധോപയോഗ എക്സ് റേ ഫ്ലൂറസിന്റ് പരിശോധന സംവിധാനമാണ് ഇ.ഡി.എക്സ്.ആര്.എഫ്. സാമ്പിളുകളിലെ സോഡിയം മുതല് യുറേനിയം വരെയുള്ള ധാതുഘടകങ്ങളുടെ സാന്നിദ്ധ്യം രണ്ട് സെക്കന്റിനകം കണ്ടെത്താന് ഉപകരണത്തിന് സാധിക്കും. സോഡിയത്തിനും യൂറേനിയത്തിനും ഇടയിലുള്ള ലോഹങ്ങളുടെ ഗുണനിലവാരം ഉപകരണം ഉപയോഗിച്ച് നിര്ണ്ണയിക്കാന് സാധിക്കും.
കടലാസ് നിര്മ്മാണം, പാത്രനിര്മ്മാണം, തുണിത്തരങ്ങള്, ഗ്ലാസ്, ചുമര്ചിത്രങ്ങള്, ഔഷങ്ങള്, ചായം തുടങ്ങിയവയുടെ നിര്മ്മാണത്തിന് ആവശ്യമായ ചീന കളിമണ്ണിന്റെ ഗുണനിലവാരം ഈ ഉപകരണങ്ങള് ഉപയോഗിച്ച് നിര്ണ്ണയിക്കാവുന്നതാണ്. ദശാംശം 5 മൈക്രോമീറ്റര് മുതല് 1750 മൈക്രോമീറ്റര് വരെ വ്യാപ്തിയില് കണിക വലിപ്പ പരിശോധിനി പ്രവര്ത്തിക്കുന്നതാണ്.
ലോഹ അയോണുകളായ നിക്കല്, സില്വര് , സിങ്ക്, ക്രോമിയം, ലെഡ്, മാംഗനീസ്, ടൈറ്റാനിയം , ടങ്ങ്സ്റ്റണ് , സ്വര്ണ്ണം , ചെമ്പ്, കാത്സ്യം , മഗ്നീഷ്യം , അലൂമിനിയം , ബിസ്മത്ത്, ബേരിയം , സോഡിയം , പൊട്ടാസ്യം, ഇരുമ്പ്, സിലിക്കണ് , വനേഡിയം , ലിഥിയം , പലേഡിയം , സ്ട്രോണ്ഷ്യം , മോളീബിഡ്നം , തുടങ്ങിയ ലോഹങ്ങളുടെ അയോണുകളുടെ പരിശോധനയ്ക്കായി ഈ ഉപകരണം ഉപയോഗിച്ചു വരുന്നു.
ഖരരൂപത്തിലുള്ള ഏത് സാമ്പിളുകള് 10-15 മൈക്രോമീറ്റര്അളവില് പൊടിച്ച് ചെറുതാക്കുന്നതിന് ഇവ ഉപയോഗിക്കുന്നു.
ഐ.എസ്.ഒ. സ്റ്റാന്ഡേര്ഡ് പ്രകാരം 40 മൈക്രോമീറ്റര് മുതല് 4 മില്ലീമീറ്റര് വരെയുള്ള വിവിധ സീവ് പരിശോധനാ സംവിധാനങ്ങള് പരീക്ഷണശാലയില് ലഭ്യമാണ്.
ഗവണ്മെന്റ് ഉത്തരവ് (എം.എസ്) നമ്പര് 152/2001 ഐഡി തീയതി 13/11/2001 പ്രകാരം ഭൂവിജ്ഞാന വകുപ്പിനുകീഴില് രാസപരിശോധനശാലയിലെ രാസപരിശോധനയ്ക്കുള്ള നിരക്ക് പുതുക്കി നിശ്ചയിച്ചിരിക്കുന്നു.
നമ്പര് |
പരിശോധനകള് |
നിരക്ക് രൂപ |
1 |
ചൈനാ ക്ലേയുടെയും താഴെപറയുന്ന അനുബന്ധ ധാതുക്കളുടെയും രാസപരിശോധന |
1500 |
എ) SiO2, Al2O3 TiO2 Fe2O3 CaO MgO MnO Na2O K2O LOIഎന്നിവയുടെ പരിശോധന |
||
ബി) അധിക ധാതുക്കളുടെ നിര്ണ്ണയം |
300 |
|
സി) സാമ്പിളിന്റെ ഒരു ധാതുവിന്റെ നിര്ണ്ണയം |
400 |
|
2 |
സിലിക്ക മണല് / ക്വാട്സ് / ചുണ്ണാമ്പുകല്ല് /ചുണ്ണാമ്പ് പാളി , മാഗ്നസൈറ്റ് |
1500 |
3 |
പാറയിലുള്ള SiO2, Al2O3 Fe2O3 TiO2, CaO MgOMnO Na2O K2O LOIഎന്നിവയുടെ പരിശോധന (കോമൈറ്റ് അയിരിലുള്ള) |
2000 |
4 |
Cr2O3 , SiO2, Al2O3 , TiO2, CaO MgO MnO Na2O K2O ഇരുമ്പ് എന്നിവയുടെ പരിശോധന അധിക ഘടക പരിശോധന |
200 |
5 |
ഗ്രാഫൈറ്റ് സാമ്പിളിലെ ഈര്പ്പം,ബാഷ്പീകരണം, ചാരം, കാര്ബണ് അളവ് എന്നിവ കണ്ടെത്തുന്നതിനുള്ള പരിശോധന |
800 |
6 |
മൂലക പരിശോധന/ആദ്യ മൂലകം ഓരോ അധിക മൂലകങ്ങള് |
350/200 |
7 |
ജലപരിശോധന (നിറം, ഗന്ധം, പി.എച്ച്.കാഠിന്യം, ചാലകത, ക്ലോറൈഡുകള്, അമ്ലത,ഓക്സിജന്റെ അളവ് ലയിച്ചിരിക്കുന്ന ഖരവസ്തുക്കളുടെ അളവ്, കാത്സ്യം,മഗ്നീഷ്യം, സോഡിയം, പൊട്ടാസ്യം എന്നിവയുടെ അളവ് |
900 |
8 |
പരിശോധന സാമ്പിളുകള് പൊടിയ്ക്കുന്നതിന് |
150 രൂപ 75 |
9 |
സാമ്പിളിന്റെ സീവ് പരിശോധന |
250 |
10 |
സാമ്പിളിന്റെ തരികളുടെ അളവ് |
300 |
11 |
ബാഷ്പീകരിക്കുന്ന വസ്തുക്കളുടെ പരിശോധന |
200 |
12 |
ഈര്പ്പത്തിന്റെ അളവ് |
300 |
13 |
ഉപരിതല ഈര്പ്പം |
150 |
14 |
ലവണ പരിശോധന |
200 |
വിവരാവകാശ ചുമതലയുള്ള ഉദ്യോഗസ്ഥന്മാര്
ഭൂവിജ്ഞാന വകുപ്പിന്റെ ചുമതലകള്
സംസ്ഥാനത്തെ ധാതുലോഹശേഖരത്തിന്റെ അവകാശത്തെ സംബന്ധിച്ച് തിരുവിതാംകൂര് മഹാരാജാവ് പുറപ്പെടുവിച്ച പ്രഖ്യാപനം
വകുപ്പിന്റെ പ്രവര്ത്തന പരിധിയില്പ്പെടുന്ന ആവശ്യങ്ങള്ക്കായുള്ള ഫീസും ഹെഡ് ഓഫ് അക്കൗണ്ട് വിവരങ്ങളും
ഭൂവിജ്ഞാന വകുപ്പിനുകീഴിലുള്ള ഉദ്യോഗസ്ഥരുടെ ശമ്പളവിവരങ്ങള്
ഭൂവിജ്ഞാന വകുപ്പിനു കീഴിലുള്ളതസ്തികകള് ഭൂവിജ്ഞാന വകുപ്പിലെ ഉദ്യോഗസ്ഥരുടെ അധികാരങ്ങളും ചുമതലകളും
ബജറ്റ് 2010-11
2011 മാര്ച്ച് മാസം വിരമിക്കുന്ന ഉദ്യോഗസ്ഥരുടെ വിവരങ്ങള്
തിരുവനന്തപുരം നഗരത്തില് റെയില്വേ സ്റ്റേഷനും തമ്പാനൂര്കെ.എസ്.ആര്.ടി.സി. ബസ്സ് സ്റ്റേഷനും 7 കി.മി. അകലെ കേശവദാസപുരത്താണ് ഖനന ഭൂവിജ്ഞാന വകുപ്പ് ഡയറക്ടറേറ്റ് പ്രവര്ത്തിക്കുന്നത്. കേശവദാസപുരം - ഉള്ളൂര് റോഡിന്റെ ഇടതു ഭാഗത്തായി ഫുഡ് കോര്പ്പറേഷന് ഓഫ് ഇന്ത്യ ഓഫീസിനു സമീപത്തായാണ് സ്ഥാപനം നിലകൊള്ളുന്നത്. വകുപ്പിന് കീഴിലുള്ള ജില്ലാ ഓഫീസും ഡയറക്ടറേറ്റ് പരിസരത്ത് പ്രവര്ത്തിക്കുന്നു.
വിലാസം
ഡയറക്ടര്
ഖനന ഭൂവിജ്ഞാന ഡയറക്ടറേറ്റ്
കേശവദാസപുരം
പട്ടം പാലസ് പി.ഒ.
തിരുവനന്തപുരം - 695 004
കേരള, ഇന്ത്യ
ഫോണ് ഫാക്സ് : +91471 2447429
ഇമെയില് : director@dmg.kerala.gov.in
പൊതുവരവ് ചെലവ് കണക്ക് കമ്മിറ്റിയുടെ നിര്ദ്ദേശപ്രകാരം 2003 മുതല് സംസ്ഥാന ഭൂവിജ്ഞാന വകുപ്പ് സംസ്ഥാനത്തെ ചെറുകിട ധാതുഖനന മേഖലകളെ സംബന്ധിച്ചുള്ള കണക്കെടുത്തു വരുന്നു. തിരുവനന്തപുരം, കൊല്ലം, പത്തനംതിട്ട, ഇടുക്കി, എറണാകുളം, തൃശൂര്, പാലക്കാട്, കണ്ണൂര് എന്നീ എട്ട് ജില്ലകളില്നിന്നുള്ള വിവരശേഖരണങ്ങളും അവയുടെ ഡിജിറ്റൈസേഷനും ഇതുവരെ പൂര്ത്തീകരിച്ചിട്ടുണ്ട്. ഉപേക്ഷിക്കപ്പെട്ടതും, പ്രവര്ത്തനരഹിതവും കാലോചിതമായി പ്രവര്ത്തിക്കുന്നതും വെള്ളക്കെട്ടുള്ളതും നിരന്തരം പ്രവര്ത്തിക്കുന്നുതമായ ഓരോ ധാതുഖനന മേഖലകളും സന്ദര്ശിച്ച് സ്ഥലിയവും അല്ലാത്തതുമായ വിവരങ്ങള് ശേഖരിച്ച് ധാതുവിവരസംവിധാനത്തില് ഉള്പ്പെടുത്തിയിരിക്കുന്നു.
ഭൂവിജ്ഞാന വിവര സംവിധാന രൂപീകരണ പദ്ധതിയുടെ ഭാഗമായി വകുപ്പിന് കീഴിലായി 2006ല് ഒരു ഭൂവിജ്ഞാന വിവര സംവിധാന പരീക്ഷണശാല സ്ഥാപിച്ചിട്ടുണ്ട്. സംസ്ഥാന ശാസ്ത്ര സാങ്കേതിക പരിസ്ഥിതി കൗണ്സിലിന്റെ സാമ്പത്തിക സഹായത്തോടുകൂടിയാണ് പരീക്ഷണശാല സ്ഥാപിച്ചിട്ടുള്ളത്. പ്രസ്തുത ജില്ലകളിലെ മറ്റ് ധാതുഖനന നിക്ഷേപമേഖലകള് ഭൂപടത്തില് കാണാന് സാധിക്കുകയില്ല. ചില ജില്ലകളിലെ വിവരങ്ങള് വര്ഷങ്ങള്ക്കുമുന്പേ ശേഖരിച്ചതായതിനാല് അവ കാലാനുസൃതമായി പരിഷ്ക്കരിക്കേണ്ടതുണ്ട്.
ഡി . പി .ശ്രീകുമാര്
ഡയറക്ടര്
ഖന ഭൂവിജ്ഞാന ഡയറക്ടറേറ്റ്
കേശവദാസപുരം, പട്ടം പാലസ് പി.ഒ.
തിരുവനന്തപുരം - 695004
കേരള, ഇന്ത്യ
ഫോണ് & ഫാക്സ് : +91 471 2447429
ഇ-മെയില് : director.dir.dmg@kerala.gov.in
മറ്റ് പ്രധാന ഉദ്യോഗസ്ഥര് |
|
സി കെ ബൈജു, ഡെപ്യൂട്ടി ഡയറക്ടര് |
ഫോണ് : 0471-2556119 |
ടി കെ രാമകൃഷ്ണന്, ഡെപ്യൂട്ടി ഡയറക്ടര് |
ഫോണ് : 0471-2556119 |
ഹര്ഷന് , സീനിയര് അഡ്മിനിസ്ട്രേറ്റീവ് ഓഫീസര് |
ഫോണ് : 0471-2556119 |
പി.എസ്. സുനില് , ,അഡ്മിനിസ്ട്രേറ്റീവ് കം അക്കൗണ്ട് ഓഫീസര് |
ഫോണ് : 0471-2447184 |
ഓഫീസ് |
അഡ്രസ് |
ടെലിഫോണ് & ഇ-മെയില് |
ഡയറക്ടറേറ്റ് |
ഖനന ഭൂവിജ്ഞാന ഡയറക്ടറേറ്റ് |
ഫോണ് 0471-2556119 |
ജില്ലാ ഓഫീസ് , തിരുവനന്തപുരം |
ഭൂവിജ്ഞാന വിദഗ്ധന് |
ഫോണ് 0471 - 2442055 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0474 - 2749044 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0473-225297 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0481-2301405 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 04862-225480 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0478-28216167 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0484-2422354 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0487-2320667 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0483-2760695 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0491-2527196 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0495-2371918 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 04936-249124 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 0497-2700106 |
ജില്ലാ ഓഫീസ് |
ഭൂവിജ്ഞാന വിദഗ്ധന് |
ഫോണ് 04994-256770 |
കേരള മിനറല് സ്ക്വാഡ് (തെക്കന് മേഖല) |
ഭൂവിജ്ഞാന വിദഗ്ധന് |
kmss.geologist@gmail.com |
കേരള മിനറല് സ്ക്വാഡ് (വടക്കന് മേഖല) |
ഭൂവിജ്ഞാന വിദഗ്ധന് |
kmsn.geologist@gmail.com ഫോണ് 0495 2373031 |
കേരള മിനറല് സ്ക്വാഡ് (മധ്യമേഖല) |
ഭൂവിജ്ഞാന വിദഗ്ധന് സിവില് സ്റ്റേഷന് അയ്യന്തോള് തൃശൂര് |
പ്രധാന ഉദ്യോഗസ്ഥര്
T. K. രാമകൃഷ്ണന് ഡയറക്ടര് (ഇന് ചാര്ജ്) കേശവദാസപുരം, പട്ടം പാലസ് പി.ഒ. തിരുവനന്തപുരം - 695004 |
|
|
മറ്റ് പ്രധാന ഉദ്യോഗസ്ഥര് |
||
Additional Director (Vacant) |
ഫോണ് : 0471-2447429 |
|
ബൈജു സി. കെ, ഡെപ്യൂട്ടി ഡയറക്ടര് I |
ഫോണ് : 0471-2556119 |
|
T K രാമകൃഷ്ണന്, ഡെപ്യൂട്ടി ഡയറക്ടര് II |
ഫോണ് : 0471-2556119 |
|
Asha Varghese, സീനിയര് അഡ്മിനിസ്ട്രേറ്റീവ് ഓഫീസര് |
ഫോണ് : 0471-2556119 |
|
പി.എസ്. സുനില് , അഡ്മിനിസ്ട്രേറ്റീവ് കം അക്കൗണ്ട് ഓഫീസര് |
ഫോണ് : 0471-2447184 |
കടപ്പാട്-ഡിപ്പാര്ട്ടുമെന്റ് ഓഫ് മൈനിംഗ് ആന്റ് ജിയോളജി വകുപ്പ്.
അവസാനം പരിഷ്കരിച്ചത് : 1/28/2020
കൂടുതല് വിവരങ്ങള്
കയർ ബോർഡിനെ കുറിച്ചുള്ള വിശദ വിവരങ്ങൾ
കേരള സംസ്ഥാന ഭാഗ്യക്കുറി വകുപ്പ്-വിശദ വിവരങ്ങൾ
കൂടുതല് വിവരങ്ങള്