<p style="text-align: justify; ">വീടിനുള്ളില് ചെടി വളര്ത്തുന്നത് ഇന്ന് സര്വ്വസാധാരണമായി മാറിയിട്ടുണ്ട്. ഇത് വീടിന് ഫ്രഷ്നസ് നല്കും എന്നതാണ് കാര്യം. എന്നാല് പലപ്പോഴും കൃത്യമായി ശ്രദ്ധ നല്കാതെയുള്ള ഇത്തരത്തിലുള്ള ചെടി വളര്ത്തല് പലപ്പോഴും അബദ്ധത്തിലാണ് അവസാനിക്കാറുള്ളത്.</p> <p style="text-align: justify; ">എന്നാല് കൃത്യമായ പരിപാലനമില്ലാതെ നമ്മള് വീടിനുള്ളില് ചെടിവളര്ത്തല് ആരംഭിച്ചാല് അതുണ്ടാക്കുന്ന ദോഷവശങ്ങള് എന്തൊക്കെയെന്ന് നോക്കാം. വീട്ടിനുള്ളില് വളര്ത്തുന്ന ചെടികളെ ഇനി മുതല് എങ്ങനെ ശ്രദ്ധയോടെ പരിപാലിയ്ക്കാമെന്നു നോക്കാം.</p> <li style="text-align: justify; ">അടച്ചു പൂട്ടി വളര്ത്തരുത്</li> <li style="text-align: justify; ">വീടിനകത്തു വളര്ത്തുന്ന ചെടികള്ക്ക് ആവശ്യത്തിന് സൂര്യപ്രകാശവും ചൂടും ലഭിയ്ക്കണം. വീട്ടിനുള്ളിലുണ്ടാവുന്ന ചൂട് പലപ്പോഴും ഇത്തരം ചെടികള്ക്ക് തികയാതെ വരും. അതുകൊണ്ട് തന്നെ ചൂടും ചെറിയ തോതിലുള്ള സൂര്യപ്രകാശവും ലഭിയ്ക്കുന്ന സ്ഥലത്തായിരിക്കണം ഇത്തരം ചെടികളുടെ സ്ഥാനം.</li> <li style="text-align: justify; ">വെളിച്ചം</li> <li style="text-align: justify; ">വെളിച്ചം ലഭിയ്ക്കുന്ന കാര്യത്തിലും പിശുക്ക് കാണിക്കരുത്. ഇത് ചെടികളുടെ ശരിയായ വളര്ച്ചയ്ക്ക് ഏറ്റവും അത്യാവശ്യമാണ്.</li> <li style="text-align: justify; ">വെള്ളത്തിന്റെ അളവ്</li> <li style="text-align: justify; ">പുറത്ത് വളരുന്ന ചെടികള്ക്കും വീട്ടിനകത്തു വളര്ത്തുന്ന ചെടികള്ക്കും ലഭിയ്ക്കുന്ന വെള്ളത്തിന്റെ അളവ് വളരെ വ്യത്യസ്തമാണ്. അതുകൊണ്ട് തന്നെ വീട്ടിനകത്തു വളര്ത്തുന്ന ചെടികള്ക്ക് എത്ര വെള്ളം ലഭ്യമാക്കണം എന്ന് കൃത്യമായ അറിവു വേണം.</li> <li style="text-align: justify; ">ചെടിയും ഇലയും വൃത്തിയാക്കുക</li> <li style="text-align: justify; ">വീടിനുള്ളില് വളര്ത്തുന്ന ചെടികള് എപ്പോഴും വൃത്തിയായി സൂക്ഷിക്കണം. വാട്ടര് സ്പ്രേ ഉപയോഗിക്കുന്നതാണ് ഏറ്റവും ഉത്തമം. ഇത് ചെടികള്ക്ക് ഫ്രഷ് ലുക്ക് നല്കുന്നു.</li> <li style="text-align: justify; ">ചെറുജീവികളുടെ ആക്രമണം</li> <li style="text-align: justify; ">പലപ്പോഴും വീട്ടിനുള്ളില് വളര്ത്തുന്ന ചെടികള്ക്ക് ഏറ്റവും ഭീഷണി നേരിടേണ്ടി വരുന്നത് വീട്ടിനുള്ളില് കണ്ടു വരുന്ന പ്രാണികളുടെ ആക്രമണമാണ്. ഇതില് നിന്നും ചെടികളെ രക്ഷിക്കുകയാണ് ആദ്യം ചെയ്യേണ്ടത്.</li> <li style="text-align: justify; ">ആര്യ ഉണ്ണി</li> <li style="text-align: justify; ">കടപ്പാട് boldടky</li>