പാൽ കൂണിന് ചകിരിചോർ

വൈക്കോലിന് വില കൂടുന്ന സാഹചര്യത്തിൽ ഒരു പകരക്കാരനായി ചകിരിച്ചോറ് പാൽ കൂണിന് നല്ലതാണ്. വൈക്കോലിനേക്കാൾ അനായാസകരമായി കൃഷി ചെയ്യാം എന്നതിലുപരി ഇരട്ടി ആദായം നേടാനും ഈ കൃഷിരീതി ഉതകുന്നു. ബ്രിക്കറ്റുകളായി വിൽപനയ്ക്ക് വച്ചിരിക്കുന്ന കൊക്കോപിറ്റ് വാങ്ങി 2 - 4 മണിക്കൂർ വെള്ളത്തിൽ നിന്നെടുത്ത് 50-60 % ഈർപ്പമാകുന്നതുവരെ വെയിലത്ത് നിരത്തിയിടുക.ഈ കൊക്കോപിറ്റിൽ 40-50 % ജൈവമിശിതം കൂട്ടി കലർത്തി ഒരു മണിക്കൂർ ആവിയിൽ അണു നശിക രണം ചെയ്യുക. അണു നശികരണം ചെയ്ത മാധ്യമം തണുത്ത ശേഷം 3 കിലോയ്ക്ക് 150-200 ഗ്രാം കൂൺ വിത്ത് എന്ന അളവിൽ കലർത്തി 45 x 35 സെന്റിമീറ്റർ വലിപ്പമുള്ള പോളിത്തീൻ ബാഗുകളിൽ നിറച്ച് വായു സഞ്ചാരവും 28-30 ഡിഗ്രി സെന്റി ഗ്രേഡ് ചൂടുമുള്ള മുറിയിൽ വയ്ക്കേണ്ടതാണ്.

30-35 ദിവസങ്ങൾക്കുള്ളിൽ കൂൺ തന്തുകൾ ബെഡുകളിൽ പൂർണമായും വ്യാപിക്കും അതിനു ശേഷം മണൽ,മണ്ണ്, മണ്ണിര കമ്പോസ്റ്റ് എന്നിവ 1:1:1 അനുപാതത്തിൽ 2% കാ സ്യം കാർബണേറ്റ് ചേർത്തിളക്കി അണു നശീകരണം ചെയ്ത് ഒരിഞ്ചു കനത്തിൽ കേസിങ്ങ് ചെയ്തു വയ്ക്കുക. പത്തു പതിനഞ്ചു ദിവസത്തിനു ശേഷം കൂൺ മുകുളങ്ങൾ വന്നു തുടങ്ങും. അഞ്ച് - ഏഴു ദിവസങ്ങൾക്കുള്ളിൽ കൂൺ വിളവെടുക്കാം ആദ്യ വിളവിൽ തന്നെ 750 ഗ്രാം മുതൽ 1250 ഗ്രാം പാൽ കൂൺ ലഭിക്കും. ആദ്യ വിളവെടുപ്പിനു ശേഷം ബെഡുകൾ ശുദ്ധിയാക്കി കഴിഞ്ഞ മുകുളങ്ങൾ മാറ്റി വിണ്ടും അമർത്തി വയ്ക്കുക 10-15 ദിവസങ്ങൾക്കു ശേഷം മൂന്നാം വിളവെടുപ്പും നടത്താം.

ജിൻസ്.റ്റി.ജെ