നാളികേരം
നാളികേരം
പൊതുവിവരങ്ങൾ
നാളികേര കൃഷിയുടെ ഉത്ഭവം
കൃത്യമായി തെങ്ങിന്റെ ഉത്ഭവം കണ്ടെത്താനായിട്ടില്ല. ഹവായ്‌ ദ്വീപുകളിൽ നിന്നും പോളിനേഷ്യൻ സഞ്ചാരികൾ എത്തിച്ചതാണെന്നാണ്‌ ഒരു വിശ്വാസം. തെക്കേ അമേരിക്കയിലാണ്‌ തെങ്ങിന്റെ ഉത്ഭവം എന്ന്‌ മറ്റൊരു വിശ്വാസം പറയുന്നു. 10 ദശലക്ഷം കൊല്ലങ്ങൾക്കു മുൻപ്‌ ന്യൂസിലാന്റിൽ തെങ്ങുണ്ടായിരുന്നതിന്‌ തെളിവുകളുണ്ട്‌. രാജസ്ഥാൻ, ബുൽന, ബംഗ്ളാദേശ്‌ എന്നിവിടങ്ങളിൽ നിന്നും ഫോസ്സിലുകൾ കണ്ടെത്തിയിട്ടുണ്ട്. എന്നിരുന്നാലും ഗവേഷകരുടെ ഭൂരിപക്ഷ അഭിപ്രായം തെങ്ങിന്റെ സ്വദേശം തെക്കുകിഴക്കൻ ഏഷ്യയുടെ പെനിൻസുലാർ പ്രദേശം ആണെന്നാണ്‌. ഗംഗാതടം, തമിഴ്നാട്‌, കേരളം - കേരവൃക്ഷത്തിന്റെ നാട്‌, എന്നിവിടങ്ങളിലെല്ലാം തെങ്ങ് ധാരാളം വളരുന്നു.
കഥകൾ
തെങ്ങ്- കൊക്കോസ്‌ ന്യൂസിഫെറ (പാമേസിയ കുടുംബം) എന്ന സസ്യ കുടുംബത്തിലെ അംഗമാണ്‌ ഇഛഇഛ എന്ന പദത്തിന്‌ സ്പാനിഷിൽ കുരങ്ങ്‌ എന്നാണർത്ഥം. തേങ്ങയിലുള്ള മൂന്നു കണ്ണുകളാണ്‌ ഇതിന്‌ ഒരു നിഗൂഢത നൽകുന്നത്‌. ഈ മൂന്നുകണ്ണുകൾ മനുഷ്യന്റെ മൂന്നു കണ്ണുകളെയാണ്‌ പ്രതിനിധീകരിക്കുന്നത്‌. 2 കണ്ണുകളും മൂന്നാമത്തെ അകക്കണ്ണും (ആറാം ഇന്ദ്രിയം) പോർട്ടുഗീസ്‌ ഭാഷയിൽ രീരീ എന്നാൽ യക്ഷി അല്ലങ്കിൽ മന്ത്രവാദിനി എന്നാർത്ഥം ന്യൂസിഫെറ എന്ന ശാസ്ത്രീയ നാമം നവ ലാറ്റിൻ ഭാഷയിൽ വിത്തുണ്ടാകുന്ന (യലമൃശിഴ ി‍ൗ‍േ‍െ) എന്നാണർത്ഥം.
ബി.സി 4-ാം നൂറ്റാണ്ടിൽ എഴുതിയിട്ടുള്ള സംസ്കൃത ഗ്രന്ഥങ്ങളിൽ തെങ്ങിനെ കുറിച്ച്‌ പരാമർശമുണ്ട്‌. ശ്രിഫല എന്നാണിത്‌ അ‍ിറയപെട്ടിരുന്നത്‌. സംസ്കൃതത്തിൽ ശ്രിഫല എന്നാൽ ദൈവത്തിന്റെ ഫലം എന്നാണ്‌ അർത്ഥം. സമൃദ്ധി , ഉർവ്വരത, ഉപയോഗം, ഔദാര്യം, നിസ്വാർത്ഥത എന്നിവയുടെ എല്ലാം പ്രതീകമായി നാളികേരത്തെ കാണുന്നു. വിവാഹം, പൂജ തുടങ്ങിയ ഹൈന്ദവമായ എല്ലാ ആചാരങ്ങളിലും നാളികേരം ഒഴിവാക്കാനാവാത്ത ഒരു ഘടകമാണ്‌.
വ്യാപനം
പശ്ചാത്യ നാടുകളിൽ നാളികേരം ആറാം നൂറ്റാണ്ടുമുതലേ അ‍ിറയപ്പെട്ടിരുന്നു. ഇന്ത്യൻ മഹാസമുദ്രം വഴി ഈജിപ്തിലേക്ക്‌ നാളികേരം ഇറക്കുമതി ചെയ്തിരുന്നു. മാർക്കോപോളോ ഇന്ത്യയിൽ വന്നപ്പോൾ ഫറോവയുടെ ഫലം എന്നരീതിയിൽ നാളികേരത്തിനെ തിരിച്ചറിഞ്ഞിട്ടുണ്ട്‌. 1610 നൂറ്റാണ്ടിന്റെ മധ്യത്തോടെ കടൽ കടന്നെത്തിയ വ്യാപാരികൾ ഈ സസ്യത്തെ സ്പെയിൻ , ബ്രസീൽ, പോർട്ടെറിക്കോ എന്നിവിടങ്ങളിൽ എത്തിച്ചു. സ്പാനിഷ്‌ സഞ്ചാരികൾക്ക്‌ നാളികേരത്തിന്‌ കുരങ്ങിന്റെ മുഖവും ആയി സാമ്യം തോന്നിയതുകൊണ്ടാവം അതിന്‌ രീരീ എന്ന്‌ പേര്‌ കൊടുത്തത്‌.
വിതരണം
ലോകത്ത്‌ 80 ലധികം രാജ്യങ്ങളിൽ ഇന്ന്‌ കേരകൃഷിയുണ്ട്‌. ലോകത്താകമാനം 49 ബില്യൺ നാളികേരം ഉത്പാദിപ്പിക്കപെടുന്നു. കേര ഉത്പാദനത്തിൽ ഒരു ഗണ്യമായ സ്ഥാനം ഇന്ത്യക്കുണ്ട്‌. ഇന്തോന്യേഷ്യ (25-7%) ഫിലിപ്പൈൻസ്‌(23.2%) ഇന്ത്യ (23%) ശ്രീലങ്ക(4.4%) മറ്റുള്ളവ (13.7%) മറ്റു എ.പി.സി.സി രാജ്യങ്ങൾ (10%) ഏറ്റവും കൂടുതൽ ഉത്പാദന ക്ഷമത ഇന്ത്യയിലാണ്‌ ഹെക്ടറിന്‌ 75-72 നാളികേരം.
ഇന്ത്യയിൽ പരമ്പരാഗതമായി കേരം വിളയുന്ന സ്ഥലങ്ങൾ കേരള, തമിഴ്നാട്‌, കർണാടക, ആന്ധ്ര, ഒറീസ്സ, പശ്ചിമബംഗാൾ, പോണ്ടിച്ചേരി, മഹാരാഷ്ട്ര, ലക്ഷദ്വീപ്‌, ആന്തമാൻദ്വീപുകൾ എന്നിവയാണ്‌. ആസ്സാം, ഗുജറാത്ത്‌, മധ്യപ്രദേശ്‌, രാജസ്ഥാൻ, ബീഹാർ, തൃപുര മണിപൂർ, എന്നിവടങ്ങളിലും ഇന്ന്‌ കേരകൃഷിയുണ്ട്‌.
ആകെ ഉത്പാദനത്തിന്റെ 92% വും 4 തെക്കൻ സംസ്ഥാനങ്ങളിൽ നിന്നുമാണ്‌ ഉത്പാദിപ്പിക്കുന്നത്‌. (കേരള 45-22% , തമിഴ്നാട്‌ 26.56%, കർണാടക 10.85%, ആന്ധ്ര 8.93% മറ്റുള്ളവ 8.44%)
സസ്യശാസ്ത്രപരമായ സവിശേഷത
സസ്യം
തെങ്ങ് (കൊക്കോസ്‌ ന്യസിഫെറ) പാമെ ( പാമേസിയ ) ഓർഡറിലെ കോക്കോസ്‌ എന്ന ജനുസ്സിലെ ഏക സസ്യമാണിത്‌. (കൊകോസ്‌ - കുരങ്ങ്‌, ി‍ൗരശ വിത്ത്‌ / ഫലം തരുന്ന) ഈ സസ്യം സാധരണയായി ഉരുണ്ടതും , ശാഖകളില്ലാത്തതും നേരെയുമാണ്‌. തടിയിൽ പഴയ ഇലകൾ ( പട്ടകൾ ) അടർന്ന്‌ പോയി വിള്ളൽ പോലുള്ള പാടുകൾ അവശേഷിപ്പിച്ചിട്ടുണ്ട്‌. തുണുപോലുള്ള തടി25-30 മീ ഉയരത്തിൽ വളരുന്നു. തടിയുടെ തലപ്പത്ത്‌ നന്നായി വിന്യസിച്ചിരിക്കുന്ന ഇലകളും (റോസാദളങ്ങൾ പോലെ ) പൊതിഞ്ഞ രൂപത്തിൽ കാണപ്പെടുന്ന പൂങ്കുലകളും കാണാം.
വേരു പടലം
ഏക കാണ്ഡ സസ്യമായതിനാൽ തെങ്ങിന് തായ്‌ വേരില്ല. നാളികേരത്തിൽ നിന്നും നാരുവേരുപടലമാണ്‌ ഉണ്ടാവുക. ആദ്യ വേര്‌ മുളയോടൊപ്പം ഉണ്ടാവുകയും ആദ്യ ആഴ്ചയിൽ തന്നെ 5സെ.മി നീളം വക്കുകയും ചെയ്യുന്നു. ആ സമയത്തിനുള്ളിൽ തന്നെ ഒന്നോ അതിലധികമോ ചെറുശാഖകൾ ഉണ്ടാകുന്നു. തുടർന്ന്‌ അതിവേഗം എല്ലാ ദിശയിലേക്കും വേരു ലോമങ്ങൾ വളരുന്നു. ആദ്യവേരിൽ ശ്വസന വേരുലോമങ്ങൾ ഉണ്ടാവും. ആദ്യ വേരുണ്ടായി 10 ദിവസങ്ങൾക്കു ശേഷമാണ് രണ്ടാമത്തെ വേരുണ്ടാകുന്നത്‌. മുളച്ച്‌ ആറ്‌ ആഴ്ചകൾക്കു ശേഷം തൊണ്ടിനു മുകളിൽ മുള കണ്ടു തുടങ്ങുന്നു. മുളക്ക്‌ മൂന്ന്‌ വേരുകൾ ഉണ്ടാവും ഏറ്റവും നീളമുള്ള വേരിന്‌ 20 സെ.മി നീളം ഉണ്ടായിരിക്കും. ഉയർന്ന ചൂടും ഈർപ്പവും ഉണ്ടായിരിക്കുകയും, തണ്ടിനു മുറിവു പറ്റുകയോ ചെയ്താൽ ബോളിനു മുകളിൽ കാണ്ഡത്തിൽ നിന്നും വേരുകൾ ഉണ്ടാകും. വിത്ത്‌ മണ്ണിൽ മൂടികിടക്കുകയാണെങ്കിൽ വേരു സ്വാഭാവികമായി പുറത്തേക്ക്‌ വളർന്ന വേരുകളും ശാഖകളും ഉണ്ടാവും. പഴയ വേരുകൾ നശിക്കുകയും പുതിയവ ഉണ്ടാകുന്നതും ഒരു തുടർപ്രക്രിയയാണ്‌.
തെങ്ങിൻ തൈക്ക്‌ പ്രായമാകുന്നതിനനുസരിച്ച്‌ പ്രാഥമിക വേരുകളുടെ എണ്ണം വർദ്ധിച്ചുകൊണ്ടിരിക്കും വേരുകളുടെ എണ്ണം തെങ്ങിന്റെ ആരോഗ്യവും ഇനവുമനുസരിച്ചായിരിക്കും മണ്ണ്‌ ഫലഭൂയിഷ്ടത , ഈർപ്പം കൃഷിരീതി എന്നിവയും ബാധിക്കുന്ന മറ്റു ഘടകങ്ങളാണ്‌ പ്രാധമിക വേരുകൾക്ക്‌ 1സെ.മി വ്യാസവും ഒരേ വണ്ണവും ആയിരിക്കും ദ്വീതീയ വേരുകളുടെ ഉത്ഭവം തുടർന്ന്‌ കൊണ്ടിരിക്കും.
വളരുന്ന സ്ഥലത്ത്‌ വേരുകൾ വെളുത്തിട്ടായിരിക്കും തൊട്ടുമുകളിൽ ക്രീം നിറത്തിലും അതിനു പിന്നിൽ തവിട്ടുനിറത്തിലും പിന്നെ ഇരുണ്ട തവിട്ടുനിറത്തിലിം ആയിരിക്കും ഈ പ്രക്രിയ ഏകദേശം 15 വർഷം നീണ്ടു നിൽക്കും. വേരുകൾക്ക്‌ മൂലലോമങ്ങൾ ഉണ്ടായിരിക്കുന്നതല്ല. വേരുകളുടെ കോർടെക്സ്‌ കട്ടിയുള്ള ഹൈപോഡെർമിസ്‌ പാളികൊണ്ട്‌ പൊതിഞ്ഞിരിക്കും . വെള്ളമോ, വായുവോ ഒരു കാരണവശാലും തുളച്ചു കയറില്ല, വെളുത്ത ഭാഗത്തുകൂടി മാത്രമേ ജലത്തിന്റെയും ലവണങ്ങളുടേയും ആഗിരണം നടക്കുകയുള്ളൂ. (വേരിന്റെ അറ്റത്ത്‌ 2-5സെ.മി) വേരിന്റെ അറ്റം റൂട്ട്ക്യാപ്‌ കൊണ്ട്‌ പൊതിഞ്ഞിരിക്കും.
കാണ്ഡം
കാണ്ഡം സാധാരണയായി ശാഖകളില്ലാതെ വിളറിയ ചാരനിറത്തിൽ മിനുസമായി നേരെ വളരുന്നതാണ്‌. അടിഭാഗം അൽപം വീർത്തിരിക്കും . മുളച്ച്‌ ആദ്യവർഷം വളരെ ചെറിയ ഇടമുട്ടുകളാണ്‌ വികാസം പ്രാപിക്കുക. ധാരാളം താങ്ങുവേരുകളും ഉണ്ടായിരിക്കും. കാണ്ഡം അതിന്റെ മുഴുവൻ വ്യാസത്തിൽ ആകുന്നതിന്‌ പൊക്കം കുറഞ്ഞ ഇനങ്ങളിൽ 4 വർഷങ്ങളും എടുക്കും. വ്യാസം പൂർണ്ണമായാൽ കാണ്ഡം നീളം കൂടാൻ തുടങ്ങും. തെങ്ങിൻ തടിയിൽ പുറം പാളിയിൽ ക്യേമ്പിംയം ഇല്ലാത്തതിനാൽ അത്‌ പാർശ്വങ്ങളിലേക്ക്‌ വളരുന്നില്ല. തടിക്ക്‌ മുറിപറ്റിയാൽ അത്‌ എക്കാലത്തും പുറത്ത്‌ കാണാൻ കഴിയും പുതിയ വളർച്ച വന്ന്‌ അത്‌ മൂടുന്നില്ല കയറാൻ കേണ്ടി വെട്ടി വക്കുന്ന പടികൾ തെങ്ങു ഉള്ളിടത്തോളം നിലനിൽക്കുന്നു. തെങ്ങിന്റെ വ്യാസവും അതുപോലെ തന്നെ തുടരും ചില മോശമായ സാഹചര്യങ്ങളിൽ വ്യാസം കുറയാൻ സാധ്യതയുണ്ട്‌.
വളരുന്ന ഭാഗത്തെ കേടുപാടുകളും മറ്റു സമ്മർദ്ദങ്ങളും ശാഖയുണ്ടാവാൻ വഴിവക്കും. നേർത്ത കലകളാൽ ആവൃതമായ ഒരു കേന്ദ്രവൃത്ത സ്തംഭമാണ്‌ കാണ്ഡം. സാമാന്യം ത്രികോണാകൃതിയിലുള്ള ഇലയടർന്ന പാടുകൾ കണ്ഡത്തിനു പുറത്തു കാണപ്പെടും. ഇലയടർന്ന പാടുകൾക്കിടയിൽ അൽപം പാടുകളില്ലാത്ത ഇടമുട്ടുകൾ കാണാൻ കഴിയും. ഇലയടർന്ന പാടുകൾക്കിടയുള്ള അകലം തെങ്ങിന്റെ വളർച്ചാ നിരക്കിനെയാണ്‌ കാണിക്കുന്നത്‌. ഉദാഹരണത്തിന്‌ തെങ്ങ് ഒരു വർഷം 14 ഇലകൾ ഉത്പാദിപ്പിക്കുന്നു വെന്നിരിക്കട്ടെ 14 ഇടപാടുകളുടെ അകലമാണ്‌ ആ തെങ്ങിന്റെ ഒരു വർഷത്തെ വളർച്ച.
ഇല
എല്ലാ മരങ്ങൾക്കും പ്രധാന കാണ്ഡത്തിന്റെ മുകളിലും മറ്റു മുളകളിലും വിരിഞ്ഞുവരുന്ന ഇലകൾ ഉൾപെടുന്ന നല്ല രീതിയിൽ വിന്യസിച്ചിരിക്കുന്ന (റോസദളങ്ങൾപോലെ ക്രമമായി) ഭാഗം ഉണ്ടായിരിക്കും. തെങ്ങിന് കാണ്ഡത്തിന്റെ മുകളിൽ മാത്രമായിരിക്കുമിത്‌. ഇലയുടെ നീളം ഇനം, വളരുന്ന സാഹചര്യം, വളർച്ചാഘട്ടം എന്നിവ അനുസരിച്ച്‌ വ്യത്യാസപെട്ടിരിക്കും. ഉയരമുള്ള തെങ്ങിൽ ഓലപട്ട 7 മീ വരെ നീളമുണ്ടാകാം. 10 ചതുരശ്ര മീ വിസ്തീർണ്ണവും പച്ചയാണെങ്കിൽ 20 കി.ഗ്രാം ഭാരവും ഉണ്ടായിരിക്കും. ഓലപട്ടയിലെ ചെറു ഓലകൾ വിട്ട്‌ ശരിയായ രൂപത്തിലാവാൻ ഏകദേശം മൂന്നുവർഷമെങ്കിലും വളർച്ചയാവണം. 30-40 വരെ നിവർന്ന ഇലകൾ ഉണ്ടാവും. ഇതും ഇനവും വളരുന്ന സാഹചര്യവും അനുസരിച്ച്‌ വ്യത്യാസപെട്ടിരിക്കും. ശരാശരി വാർഷിക ഇല ഉത്പാദനം 14-16 വരെ, ഉയരമുള്ള ഇനത്തിലും 21 പൊക്കം കുറഞ്ഞ ഇനത്തിലിം നടക്കും. ഇലകൾ ഉത്ഭവിക്കുന്നത്‌ കാണ്ഡത്തിന്റെ അറ്റത്ത്‌ വളർച്ച നടക്കുന്ന സ്ഥലത്തുനിന്നാണ്‌. കിളുന്തിലകൾ ചുരുണ്ട്‌ എല്ലാം ചേർന്നിരിക്കും. എല്ലാം ചേർന്ന്‌ സസ്യത്തിന്റെ കേന്ദ്ര ഭാഗം ഹൃദയമായി കാണപെടുന്നു. ഈ ഭാഗത്തെ ഉള്ളിൽ നടുവിലുള്ള കുഴപോലെ ഭാഗം വെളുത്ത്‌ മൃദുവായിരിക്കും. ഈ ഭാഗത്തെ ?കോടീശ്വരന്റെ സാലഡ്‌? എന്നാണ്‌ പറയപ്പെടുന്നത്‌. ഈ കേന്ദ്രഭാഗത്ത്‌ നിന്ന് ഇലകൾ സാവധാനം നിവർന്ന്‌ വികാസം പ്രാപിക്കുന്നു. ഈ ഭാഗം ചുരുണ്ട്‌ പിരിയാനായ്‌ (ചിലതിൽ ക്ളോക്ക്‌ വൈസ്‍്‌ , മറ്റുചിലതിൽ ആന്റി ക്ളോക്ക്‌ വൈസ് ) ഏറ്റവും പ്രായമായ ഇല്ല തെങ്ങിൻ തലപ്പിന്റെ അടിഭാഗത്തായി കാണാം. വാടി പഴുത്തത്‌ തലപ്പിനു ചുറ്റും തൂങ്ങികിടക്കുന്നു. ക്രമേണ കൊഴിഞ്ഞു പോകുന്നു.
ഇലത്തണ്ടിന്റെ നീളം മൊത്തം ഇലയുടെ നാലിലൊന്നുവരും. ഈ അനുപാതം വ്യത്യാസപ്പെടാം. ഇലത്തണ്ട്‌ നീണ്ടുണ്ടാകുന്നതാണ്‌ തെങ്ങോലയുടെ മധ്യഭാഗത്തെ തണ്ടാവുന്നത്‌. വളരെ ഭാരമുള്ള നാളികേരക്കുലകൾ ഓലപ്പട്ടയുടെ കടക്കൽ ഇരുന്നാൽ ഓലകൾ ഒടിഞ്ഞുതൂങ്ങാൻ സാധ്യതയുണ്ട്‌. ഇലത്തണ്ടിന്റെ അടിഭാഗം ഇലപ്പോള ഉപയോഗിച്ച് തെങ്ങിൻതടിയോട്‌ ചുറ്റി ഉറപ്പച്ചിരിക്കും. തെങ്ങോലയുടെ മധ്യഭാഗത്തുള്ള തണ്ടിൽ നിന്നും ഇരുഭാഗത്തേക്കും ഈർക്കിലോടു കൂടി ഓലകൾ വളർന്നിട്ടുണ്ടാവും.
ഓലപ്പട്ടയുടെ മധ്യത്തിൽ നിന്നും ഇരുവശത്തേക്കും മധ്യത്തിൽ ഈർക്കിലിയോടുകൂടി ഓലകൾ ഉണ്ടാവുന്നു. കടക്കലെ ഓലകൾ ചെറുതും തുടർന്നു വരുന്നവ നീളം കൂടി വരുന്നു. ഏറ്റവും വലിയ ഓലക്ക്‌ ഇനമനുസരിച്ച്‌ 1300സെ.മി വരെ നീളം ഉണ്ടാവാം. മുക്കാൽ ഭാഗം കഴിഞ്ഞാൽ ഓലകൾ വീണ്ടും ചെറുതായി വരുന്നു. പൊക്കം കുറഞ്ഞ ഇനങ്ങളുടെ ഏറ്റവും നീളം കൂടിയ ഓല 80-110 സെ.മി വരെയേ ഉണ്ടാവൂ. ഓലകളുടെ നീളവും വീതിയും ഇനമനുസരിച്ച്‌ വ്യത്യാസപെട്ടിരിക്കും. പ്രായപൂർത്തിവന്ന ഒരു തെങ്ങിലെ ഓലപ്പട്ടയിലെ ഓലയുടെ എണ്ണം 200-300 നും ഇടയിൽ ആയിരിക്കും. ഓലയുടെ അഗ്രഭാഗം കട്ടിയുള്ള ക്യൂട്ടിക്കിൾ കൊണ്ട്‌ പൊതിഞ്ഞിരിക്കും. ഈർക്കിലിയോട്‌ ചേർന്ന ഭാഗം കനം കുറഞ്ഞിരിക്കും. അടിഭാഗത്തെ എപ്പിഡെർമിസ്‌ മുകൾ ഭാഗത്തേക്കാൾ കനം കുറഞ്ഞിരിക്കും. സ്റ്റൊമാറ്റ അടിയിലാണ്‌ സ്ഥിതിചെയ്യുന്നത്‌.
പൂക്കൾ ( പൂക്കുല)
തെങ്ങിന്റെ പൂക്കുല ഇലക്കവിളിൽ (ഓലപ്പട്ടയുടെ ഇടുക്ക്‌) നിന്ന് ഉണ്ടായിവരുന്നതാണ്‌. അതു കൊണ്ട്‌ തന്നെ ഒരു വർഷം എത്ര ഓലപ്പട്ട ഉണ്ടാകുന്നുവോ അത്രയും പൂക്കുലയും ഉണ്ടാവും. ഒരു പൂങ്കുല തുറന്നു വരുന്നത്‌ 33 മാസം മുൻപ്‌ അത്‌ വളർന്നു തുടങ്ങിയിട്ടുണ്ടാവും പൂങ്കുല വിടർന്നു വരുന്നതിനു മുൻപ്‌ അതിന്‌ ഒരു ടുലമൃ ടവമുല ആയിരിക്കും. പൂങ്കുല ഒരു കട്ടിയുള്ള പുറം പോളകൊണ്ട്‌ പൊതിഞ്ഞിരിക്കും. പൂങ്കുലയിലെ ഓരോ ശാഖയും അടുപ്പിച്ച്‌ അടുക്കിയിരിക്കും. പൂങ്കുല ഈ പോളക്കകത്ത്‌ വികസിക്കുമ്പോൾ പോള നീളത്തിൽ പൊട്ടി പൂങ്കുല പുറത്തുവരുന്നു. പൂങ്കുല ഒരു പ്രധാന ശാഖയും അതിൽ നിന്നുണ്ടാകുന്ന 20-65 വരെ ചെറു ശാഖകളും ചേർന്നതാണ്‌. അതിൽ നിറയെ പൂക്കൾ ഉണ്ടാകും. പെൺപൂക്കൾ ശാഖകളുടെ അടിഭാഗമായി ഉണ്ടാവും. ബാക്കി ഭാഗം മുഴുവൻ ആൺ പൂക്കൾ കൊണ്ട്‌ പൊതിഞ്ഞിരിക്കും. ഓരോ ശാഖയിലും ഒന്ന് അല്ലങ്കിൽ രണ്ട് പെൺ പൂക്കളും 200 മുതൽ 300 വരെ ആൺ പൂക്കളും ഉണ്ടാവും.
സാധാരണ ഗതിയിൽ ഒരു പൂങ്കുലയിൽ ഉണ്ടാകുക പെൺപൂക്കൾ 20 മുതൽ 40 വരെയാണ്‌. കൂടിയ ഇനം തെങ്ങുകളിൽ പെൺപൂക്കളുടെ എണ്ണം വ്യത്യാസപ്പെട്ടിരിക്കും. ജനിതക പ്രത്യേകതകൾക്കു പുറമേ വളരുന്ന ചുറ്റുപാടുകളും ഈ സ്വഭാവത്തെ സ്വാധീനിക്കുന്നുണ്ട്‌. വളർച്ചയെത്തിയ തെങ്ങുകളെ അപേക്ഷിച്ച്‌ തൈതെങ്ങുകളിൽ പെൺപൂക്കളുടെ എണ്ണം കുറവാണ്‌. കുറവു പെൺപൂക്കൾ ഉള്ള പൂങ്കുലയിൽ നിന്ന് വലിയ നാളികേരങ്ങൾ ഉണ്ടാവുന്നത്‌ ആൺപൂക്കൾ മാത്രം ഉണ്ടാവുന്ന പൂങ്കുലകൾ അപൂർവ്വമല്ല.
പെൺപൂക്കൾ ആൺപൂക്കളെ അപേക്ഷിച്ച്‌ വളരെ വലുതാണ്‌. അത്‌ തീരെച്ചെറിയ ഒരു നാളികേരം പോലെയിരിക്കും. പോള (കൊതുമ്പ്‌) വിരിഞ്ഞു വരുന്നതനുസരിച്ച്‌ പെൺപൂക്കളുടെ വലിപ്പവും ഉർവ്വത്തയും വർദ്ധിക്കുന്നു. പോള വിടർന്ന്‌ 22-24 ദിവസങ്ങൾക്കു ശേഷമാണ് തെങ്ങിൻ പൂവിന്റെ ഉയരം കൂടിയ ഇനം ഉർവ്വരമാവുക. കുടിയ ഇനങ്ങളിൽ 0-7 ദിവസം കഴിഞ്ഞേ ഉതഠ ഇനങ്ങളിൽ 16-21 ദിവസം കഴിഞ്ഞാണ്‌ ഈ ഘട്ടത്തിലെത്തുന്നത്‌. അണ്ഡാശയം മൂന്ന്‌ അറകളോടുകൂടിയതാണ്‌. ഓരോ അറയിലും ഒരു അണ്ഡമാണ്‌ ഉണ്ടാകുക. സാധാരണ ഗതിയിൽ ഒരെണ്ണം മാത്രമേ വികാസം പ്രാപിക്കൂ. രണ്ടെണ്ണം നശിച്ചു പോകും. വളരെ അപൂർവ്വമായി രണ്ടറയും മൂന്നറയും വികസിച്ചു കണ്ടിട്ടുണ്ട്‌. പെൺപൂക്കൾ ഉർവരമായി കഴിഞ്ഞാൽ അതിന്റെ അറ്റം വിടർന്ന്‌ മൂന്ന്‌ ടലമൈശഹലപ്രത്തേക്ക്‌ നീണ്ടു വരുന്നു. ഈ സമയത്ത് മൂന്ന്‌ മൂലകളുള്ള ഒരു നക്ഷത്രം പോലെയിരിക്കും. അടിഭാഗത്ത്‌ തേൻ ഉത്പാദിപ്പിക്കുകയും ചെയ്യും.
പൊക്കം കൂടിയ ഇനങ്ങളിൽ പെൺ പൂക്കളുടെ ഉർവ്വര മൂന്നു ദിവസം നിലനിൽക്കും. കൂടിയ ഇനങ്ങളിൽ ഇത്‌ രണ്ടു ദിവസമായിരിക്കും. ആദ്യ പെൺ പൂവിന്റെ ഉർവ്വരത തുടങ്ങുന്നതും ആ പൂങ്കുലയിലെ അവസാന പെൺപൂവിന്റെ ഉർവ്വരത അവസാനിക്കുന്നതും 6-7 ദിവസങ്ങൾക്കിടയിൽ ആയിരിക്കും. പോള വിരിയുമ്പോൾ മുതൽ ആൺപൂക്കൾ വിരിഞ്ഞ്‌ പരാഗം പെൺപൂക്കളിൽ പതിച്ചു തുടങ്ങുന്നു. ആൺപൂക്കൾ വിരിഞ്ഞു തുടങ്ങുന്നത്‌ പൂങ്കുലയുടെ അറ്റത്തുന്ന്‌ കടക്കലേക്കാണ്‌. വിരിഞ്ഞ്‌ പരാഗം പരാഗം ഉതിർന്നു കഴിയുന്നതോടെ ആൺപൂക്കൾ കൊഴിഞ്ഞു പോകുന്നു. തെങ്ങിന്റെ പരാഗകാലം ആദ്യ ആൺപൂവു വിരിഞ്ഞ ദിവസം തുടങ്ങി അവസാനത്തെ ആൺ പൂവ്വ്‌ കൊഴിഞ്ഞ ദിവസം വരെയാണ്‌. 18-22 ദിവസം വരെയാണിത്‌.
ഫലം (നാളികേരം)
ഏകദേശം അണ്ഡാകൃതിയിലുള്ള, 40 സെ.മി നീളവും 30 സെ.മി (ശരാശരി) വീതിയുമുള്ള വലിയ വിത്തുകളാണ്‌ നാളികേരത്തിന്റേത്‌. നാളികേരത്തിന്റെ ഏറ്റവും പുറത്തെ പാളി പച്ചനിറത്തിലോ, ചിലത്‌ മഞ്ഞ, ചെമ്പുകലർന്ന സ്വർണ്ണ നിറം, തവിട്ടു നിറം എന്നിവയിലോ ഇനവും മൂപ്പും അനുസരിച്ച്‌ കാണപ്പെടുന്നു. പാകമാകുമ്പോൾ ഇടയിലെ പാളി ഉണങ്ങി നാരുകളോ കാണപ്പെടുന്നു. കയർ ഉത്പന്നങ്ങൾ ഈ നിരിൽ (ചകിരി) നിന്നാണ്‌ ഉത്പാദിപ്പിക്കുന്നത്‌. ഏറ്റവും ഉള്ളിലെ പാളി വളരെ കട്ടിയുള്ളതാണ്‌. ഇതിനകത്താണ്‌ വേര്‌. മറ്റെല്ലാ സസ്യത്തേക്കാളും വളരെ വലിയ വിത്താണ്‌ നാളികേരത്തിന്റേത്‌. ഒരു നേർത്ത തവിട്ടു നിറത്തിലുള്ള ആവരണം വിത്തിനെ പൊതിഞ്ഞിരിക്കും എൻഡോസ്പേമ്ന്‌ ഉറച്ചതും ജല രൂപത്തിലുമുള്ള രണ്ടു ഭാഗങ്ങളുണ്ട്‌ ഉറച്ച ഭാഗം ഉപയോഗിച്ചാണ്‌ കൊപ്ര ഉണ്ടാക്കുന്നത്‌. വിത്ത്‌ മുളക്കുന്നതിനായുള്ള മൂന്ന്‌ ദ്വാരങ്ങൾ ഉണ്ട്‌. ഇതിൽ രണ്ടും അടങ്ങിയിരിക്കും. മൂന്നമത്തേതിനടിയിലാണ്‌. ഭ്രൂണം സ്ഥിതിചെയ്യുന്നത്‌. മുളയും ആദ്യ വേരും ഈ ദ്വാരത്തിലൂടെയാണ്‌ പുറത്തേക്ക്‌ വരുന്നത്‌. നാളികേരത്തിനുള്ളിലെ ഒഴിഞ്ഞ സ്ഥലം സ്പോഞ്ച്‌ പോലുള്ള ഒരു കല രൂപം കൊണ്ട്‌ നിറയുന്നു ഇതാണ്‌ മുളയുടെ ആദ്യ സമയത്തെ ഇന്ധനം. ചെറിയ മുളയുടെ വേര്‌ ചകിരി നിറഞ്ഞ സ്ഥലത്താണുണ്ടാവുക. ഒരു വർഷം വേണം നാളികേരത്തിന്റെ വിത്ത്‌ പാകമാകുന്നതിന്‌.
മണ്ണും കാലാവസ്ഥയും
ഊഷ്മാവ്‌
തെങ്ങിന് ആവശ്യമുള്ള ശരാശരി ഊഷ്മാവ്‌ 27 ഡിഗ്രി സെന്റി ഗ്രേഡിനും 32 ഡിഗ്രി സെറ്റിഗ്രേഡിനും ഇടയിലാണ്‌. ഇത്‌ 20 നും - 39 നും ഇടയിൽ എന്നതു വരെ പോകാവുന്നതാണ്‌. എന്നാൽ 15 ഡിഗ്രിക്കു താഴെ ഊഷ്മാവിൽ നാളികേരം വളർന്നു വികസിക്കില്ല.
സൂര്യതാപം
2000 അധികം മണിക്കൂറുകൾ എങ്കിലും തെങ്ങിന് സൂര്യതാപം കിട്ടണം അതായത്‌ ശരാശരി മാസത്തിൽ 120 മണിക്കൂറുകൾ
മഴ
വർഷത്തിൽ 1500 മി.മിനും 2500 മി.മി നും ഇടയിൽ മഴയാണ്‌ തെങ്ങിനാവശ്യം നീർവാർച്ചയുള്ള മണ്ണാണെങ്കിൽ എത്ര ശക്തമായ മഴയെ അതിജീവിക്കാനും തെങ്ങിനു കഴിയും. മഴ കുറഞ്ഞ പ്രദേശങ്ങളിൽ ജലസേചനം ആവശ്യമുണ്ട്.
ഹ്യുമിഡിറ്റി
80%-90% ഹ്യുമിഡിറ്റി തെങ്ങിന് ആവശ്യമുണ്ട്. 60% താഴെ ആയാൽ സ്റ്റൊമാറ്റ എടുത്ത്‌ ചേർന്ന്‌ ശരിയായി ശ്വസനം നടക്കില്ല.
ഉയരം
താഴ്ന്ന ഈർപ്പമുള്ള ഉഷ്ണമേഖല പ്രദേശമാണ്‌ തെങ്ങ് കൃഷിക്ക്‌ അനുയോജ്യം.
മണ്ണ്‌
തീരദേശമണൽ, ചെമ്മണ്ണ്, പശിമയുള്ള മണ്ണ്‌, ചതുപ്പു നിറഞ്ഞ താഴ്ന്ന പ്രദേശം, എന്നിങ്ങനെ വ്യത്യസ്തതരം മണ്ണിൽ തെങ്ങിന് വളരാൻ കഴിയും ഉയർന്ന പി.എച്ച്‌ മൂല്യത്തിലും (5.0-8.0) ലവണാംശവും താങ്ങാനുള്ള കഴിവ്‌ തെങ്ങിനുണ്ട്‌. വ്യത്യസ്ത മണ്ണിനങ്ങൾക്കനുയോജ്യമായ കാർഷികരീതി കൈകൊള്ളേണ്ടതുണ്ട്‌. നല്ല നീർവാർച്ച, ജലം പിടിച്ചു നിർത്താനുള്ള കഴിവ്‌ നല്ല ഈർപ്പമുള്ള മണ്ണ്‌ ഉപരിതലം തുടങ്ങി രണ്ട് മീറ്ററെങ്കിലും പാറയോ മറ്റു കടുത്ത വസ്തുക്കളോ, ഇല്ലാതിരിക്കുക എന്നിവയാണ്‌ തെങ്ങ് കൃഷിക്ക്‌ അനുയോജ്യമായ അവസ്ഥ.
പരമ്പരാഗത അറിവുകള്‍
മണ്ണും കാലാവസ്ഥയും സംബന്ധിച്ച്‌
വിത്തു തേങ്ങ മുളപ്പിക്കാൻ പാകമാകുമ്പോൾ കൂടെ മുളകു തൈകൾ നടുന്നത്‌ കളകൾ കുറക്കും.
തെങ്ങിൽ നിന്നും ഉണ്ടാകുന്ന ചപ്പു ചവറുകൾ തെങ്ങിന്റെ കടക്കൽ ഇട്ട്‌ കത്തിക്കുന്നത്‌ കായ്‌ ഉറക്കാൻ സഹായിക്കും. മണ്ണിൽ പൊട്ടാസ്യത്തിന്റെ അളവു കൂടുകയും കീടശല്യം കുറയുകയും ചെയ്യും.
ഡിസംബർ മുതൽ ഏപ്രിൽ വരെ വിത്തു തേങ്ങ ശേഖരിക്കാൻ അനുയോജ്യമായ സമയമാണ്‌.
കൃഷിയുമായി ബന്ധപ്പെട്ടത്‌.
പഴയ ബാറ്ററി പൊടിയും വേപ്പിൻ പിണ്ണാക്കും ചേർത്ത്‌ കടക്കൽ ഇടുന്നത്‌ മച്ചിങ്ങ / വെള്ളക്ക കൊഴിച്ചിൽ തടയും.
ഒന്നിടവിട്ട പൂങ്കുലകൾ നീക്കം ചെയ്യുന്നത്‌ മച്ചിങ്ങ കൊഴിച്ചിൽ തടയും.
മീൻ മാലിന്യവും ഉപ്പും വാഴത്തട വെട്ടി കൂട്ടിച്ചേർത്ത്‌ കടക്കൽ ഇടുന്നത്‌ മച്ചിങ്ങ കൊഴിച്ചിൽ തടയും.
പഴകാത്ത ഗോമൂത്രം കൂമ്പിൽ ഒഴിക്കുന്നത്‌ മച്ചിങ്ങ കൊഴിച്ചിൽ തടയും
തേങ്ങയുടെ പ്രവർത്തന ക്ഷാമമായ മണ്ണ്‌ കണ്ടെത്താൻ വെള്ളത്തിൽ ഇട്ട്‌ നോക്കാം.
അൽപം ചരിച്ച്‌ നടണം.
കട്ടി കൂമ്പു ഘട്ടത്തിൽ പറിച്ചു നടണം.
വെള്ളത്തിൽ പൊന്തിച്ചു നോക്കുമ്പോൾ തേങ്ങയുടെ തൊണ്ട്‌ ഭാഗം മുകളിലാണെങ്കിൽ വേഗം മുളക്കും.
തെങ്ങിൻ കടക്കൽ വാഴത്തട മൂടുന്നത്‌ നല്ലതാണ്
തേങ്ങയുടെ കണ്ണിന്റെ ഭാഗത്ത്‌ അൽപം തൊണ്ട്‌ കളയുന്നത്‌ മുള വേഗത്തിലാവാനും നല്ല ആരോഗ്യമുള്ള മുളവരാനും സഹായിക്കും.
വിത്തു തേങ്ങ പോളിബാഗിലോ ആവശ്യത്തിനു വലിപ്പമുള്ള പാത്രത്തിലോ നടുന്നത്‌ പറിച്ചുനടുമ്പോൾ പരിക്ക്‌ കുറയും.
തെങ്ങിൻ തൈക്കു ചുറ്റും വാഴ നടുക. അത്‌ നേരിട്ടുള്ള സൂര്യപ്രകാശത്തിൽ നിന്നും സംരക്ഷിക്കുക മാത്രമല്ല ഈർപ്പമുള്ള അന്തരീക്ഷം നിലനിർത്തുകയും ചെയ്യും.
തേനീച്ച കൂടുകൾ തെങ്ങിൻ തോട്ടത്തിൽ സൂക്ഷിക്കുന്നത്‌ പരാഗണം വർദ്ധിക്കാനും അതുവഴി വിളവു കൂട്ടാനും കാരണമാകും.
പൊടിഞ്ഞ വൈക്കോൽ തെങ്ങിൻ തടത്തിൽ നിക്ഷേപിക്കുന്നത്‌ വിളവ് വർദ്ധിക്കുന്നതിനും മണ്ണിന്റെ ജല സംഭരണ ശേഷി വർദ്ധിക്കാനും നല്ലതാണ്.
വിത്തുതേങ്ങ തെരഞ്ഞെടുക്കുമ്പോൾ അടിഭാഗം ഉരുണ്ട ആകൃതിയിലുള്ളത്‌ തെരഞ്ഞെടുക്കണം
കുലയുടെ മധ്യത്തിലുള്ള തേങ്ങകൾ വിത്തിന്‌ തെരഞ്ഞെടുക്കണം
നാരോലയുള്ള തൈകൾ ആരോഗ്യമുള്ളതും നേരത്തേ വിളവു തരുന്നതുമാണ്‌.
തൈ നടുന്ന കുഴികളിൽ ഉപ്പ്‌ വിതറും
പറിച്ചു നടുന്നതിനു മുൻപ്‌ ഉപ്പും മണലും ചാരവും ചേർത്ത മിശ്രിതം കുഴികളിലിടുക.
കുഴികളിൽ തൊണ്ട്‌ അടുക്കുക
മഞ്ഞളും കൂവ്വയും തെങ്ങിൻ തൈകളുടെ താവരണകളിൽ നടുന്നത്‌ ചിതൽ ശല്യം കുറക്കും.
നഴ്സറിയിൽ ആദ്യം മുളക്കുന്ന തൈ നല്ല വിളവുതരും.
വടക്കോട്ട്‌ ചായ്ഞ്ഞ കുലകളിൽ നിന്ന് വിത്തു തേങ്ങ ശേഖരിക്കണം.
വിത്തു തേങ്ങ കണ്ണ്‌ മണ്ണിനടിയിലാക്കി കുഴിച്ചിടുക.രണ്ടാഴ്ചക്കു ശേഷം സാധാരണ അവസ്ഥയിലേക്കു മാറ്റുക. ഇത്‌ മുളയുടെ ശക്തി വർദ്ധിപ്പിക്കും.
സസ്യസംരക്ഷണവുമായി ബന്ധപ്പെട്ടത്‌.
ഒരു പാത്രം കഞ്ഞിവെള്ളത്തിൽ 25ഗ്രാം കാസ്റ്റർ കേക്ക്‌ ഇട്ട്‌ തെങ്ങിൻ തോട്ടത്തിൽ വച്ചാൽ കൊമ്പൽ ചെല്ലിയെ നിയന്ത്രിക്കാം.
ചാണകക്കുഴിൽ നിൽക്കുന്ന പെരുമരം മട്ടി കൊമ്പൻചെല്ലിയെ ചെറുക്കാം.
മഴക്കാലത്ത്‌ കുമ്മായം ചാരം മണൽ എന്നിവ തുല്യ അളവിൽ ചേർത്ത്‌ ഇലക്കവിളിൽ ഇട്ടാൽ കൊമ്പൻചല്ലിയെ നിയന്ത്രിക്കാം.
കഞ്ഞിവെള്ളത്തിൽ മരോട്ടിക്കായ ചേർത്ത വെള്ളം ഒരു പാത്രത്തിൽ തൂക്കിയിടുന്നത്‌ കൊമ്പൻ ചെല്ലിയെ ചെറുക്കും.
തെങ്ങിന്റെ മണ്ട ഇടക്കിടക്ക്‌ വൃത്തിയാക്കി ചാരവും ഉപ്പും കലർത്തി ഇട്ടുകൊടുക്കുന്നത്‌ കൂമ്പുചീയൽ നിയന്ത്രിക്കാൻ നല്ലതാണ്.
കൂമ്പുചീയൽ ബാധയുള്ള സ്ഥലത്ത്‌ ബോർഡോ കുഴമ്പ്‌ തേച്ച്‌ വൈക്കോൽ പൊതിഞ്ഞ്‌ അതിനു മുകളിൽ ഒരു കലം കമിഴ്ത്തുന്നത്‌ കൂമ്പുചീയലിനുള്ള പ്രതിവിധിയാണ്‌.
ചുണ്ണാമ്പ്‌ അല്ലങ്കിൽ കശുവണ്ടി എണ്ണ ചെന്നീരൊലിപ്പ്‌ ഉള്ളിടത്ത് തേക്കുന്നത്‌ ഈ രോഗത്തെ ചെറുക്കും.
വേപ്പെണ്ണയും ഉപ്പും തടത്തിലിട്ടുകൊടുക്കുന്നത്‌ ചെന്നീരൊലിപ്പ്‌ നിയന്ത്രിക്കും.
ചെന്നീരൊലിപ്പുള്ള സ്ഥലത്ത്‌ അൽപം മണ്ണെണ്ണയൊഴിച്ച്‌ കത്തിക്കുന്നത്‌ രോഗം നിയന്ത്രിക്കും.
വെളുത്തുള്ളി, പച്ചമുളക്‌, കയം മൊരിങ്ങ എന്നിവ ചേർത്തുണ്ടാകുന്ന മിശ്രിതം ഇല്ലാതിന്നുന്ന പുഴുക്കൾക്കെതിരെ പ്രയോഗിക്കുന്നു.
ഇടക്കിടക്ക്‌ തെങ്ങിൻ തോട്ടത്തിൽ വൈക്കോലിട്ട്‌ പുകക്കുന്നത്‌ ചിതലുകളെ ചെറുക്കും.
കൂവയും മഞ്ഞളും വിത്തു തേങ്ങ മുളപ്പിക്കുന്ന നഴ്സറികളിൽ നട്ടാൽ വേരു ചീയൽ കുറയും.
ഉപ്പും മണലും തടത്തിൽ വിതറുന്നത്‌ ചിതലിനെ ചെറുക്കും.
തെങ്ങിൻ തടത്തിൽ കാട്ടുനടുന്നത്‌ ചിതലിനെ ചെറുക്കും.
വേപ്പിൻ പിണ്ണാക്കും ഉപ്പും സമം ചേർത്ത്‌ തടത്തിൽ ഇടുന്നത്‌ ചിതലിനെ ചെറുക്കും.
തെങ്ങിൻ തോട്ടത്തിൽ കറ്റാർവാഴനടുന്നത്‌ ചിതലിനെ തുരത്തും.
ശർക്കരയും നൂലുണ്ട ചേർത്ത്‌ കെണി വച്ച്‌ കരണ്ടു തിന്നുന്ന ജീവികളെ നിയന്ത്രിക്കാം.
പശുവിൻ പാലും കരിക്കിൻ വെള്ളവും ചേർത്ത്‌ തെളിച്ചാൽ മുകളകിന്റെ പുവും കായും കൊഴിയുന്നത്‌ നിയന്ത്രിക്കാം.
വിളവെടുപ്പും സംഭരണവും സംബന്ധിച്ചത്‌
തെങ്ങുചെത്ത്‌ വിളവ് വർദ്ധിപ്പിക്കും.
തെങ്ങിൻ തോട്ടത്തിൽ പുകയിടുന്നത്‌ വിളവു വർദ്ധിപ്പിക്കും.
പഴകിയ വേരുകൾ നീക്കം ചെയ്യുന്നത്‌ വിളവ് വർദ്ധിപ്പിക്കും.
കുലകൾക്കിടയിൽ ഇരുമ്പൻ പുളിയില വച്ചാൽ വിളവ് വർദ്ധിപ്പിക്കാം
പ്രാധാന്യവും ഉപയോഗവും
സാമ്പതിക പ്രാധാന്യം
ധാരാളം ഉപയോഗമുള്ള തെങ്ങ് ഒരു കൽപ വൃക്ഷം തന്നെയാണ്‌ അതിന്റെ എല്ലാ ഭാഗങ്ങളും ഒരു തരത്തിൽ അല്ലങ്കിൽ മറ്റൊരു തരത്തിൽ മനുഷ്യനു പ്രയോജനമുള്ളതാണ്‌. ആ‍ാരം, പാനീയം, അഭയം എന്നിവക്കുള്ളതെല്ലാം തരുന്നു. മാത്രമല്ല അനേകം വ്യവസായങ്ങൾക്ക്‌ അസംസ്കൃത വസ്തുവും ഇതു തരുന്നു. വിവാഹം , പൂജ തുടങ്ങിയ എല്ലാ ആചാര അനുഷ്ഠാനങ്ങളിലും നാളികേരം ഒരു ആവശ്യവസ്തുവാണ്‌.
പോഷക പ്രാധാന്യം
തേങ്ങയുടെ മൃദുവും സ്വദിഷ്ടവും ആണ് തേങ്ങയിൽ 17% ഫാറ്റ്‌ ഉണ്ട്‌. ഇതിൽ 95%വും പൂരക കൊഴുപ്പാണ്‌. വെണ്ണയിലുള്ളതിനേക്കാൾ പൂരകകൊഴുപ്പാണ്‌ നാളികേരത്തിൽ എന്ന്‌ കണക്കാക്കിയിട്ടുണ്ട്‌. താരതമ്യേന കൂടിയ അളവിൽ അയേൺ, ഫോസ്ഫറസ്‌, സിങ്ക്‌ എന്നിവയും ഈ ഫലത്തിൽ അടങ്ങിയിട്ടുണ്ട്‌. മറ്റു പല ഫലങ്ങളെ അപേക്ഷിച്ചു നോക്കിയാലും ഷുഗറിന്റെ അളവിനേക്കാൾ വളരെ കൂടുതൽ പ്രോട്ടീൻ ആണ് നാളികേരത്തിൽ അടങ്ങിയിരിക്കുന്നത്‌. തേങ്ങവെള്ളത്തിൽ ഷുഗർ, നാരുകൾ, പ്രോട്ടീൻ, ആന്റി ഓക്സിഡന്റുകൾ, വിറ്റാമിനുകൾ എന്നിവ അടങ്ങിയിരിക്കുന്നു. ഇതിന്റെ കലോറി മൂല്യം 100 ഗ്രാമിന്‌ 17.4 ആണ് 34% സെല്ലുലോസ്‌ അടയോതാണ്‌. ചിരട്ട.
ഔഷധഗുണം
കരിക്കിൻ വെള്ളം ഒരു ഇൻട്രാവീനസ്‌ ദ്രാവകമായി പരിഗണിക്കുന്നു. അനേകം ഔഷധഗുണമുള്ള ഒന്നാണിത്‌. കുടൽ സംബന്ധമായ പ്രശ്നങ്ങൾ, പരിഹരിക്കുന്നു. ദഹനം ത്വരിതപെടുത്തുന്നു. മൂത്രനാളിയിലെ അണുബാധ കുറക്കുന്നു. മാത്രമല്ല വളർച്ച ത്വരിതപെടുത്തുകയും ചെയ്യുന്നു. ചകിരിനാര്‌ ബ്രഷ്‌, ചവിട്ടി, പരവതാണി, കയർ, ചൂല്‌ എന്നിവയെല്ലാം നിർമ്മിക്കാനുപയോഗിക്കുന്നു.
വെളിച്ചണ്ണ
കൊപ്രയിൽ നിന്നും ഉത്പാദിപ്പിക്കുന്ന വെളിച്ചെണ്ണ ഔഷധങ്ങൾ, സൗന്ദര്യ വർദ്ധക വസ്തുക്കൾ സോപ്പ്‌ എന്നിവയെല്ലാം നിർമ്മിക്കാനുപയോഗിക്കുന്നു. ഒരു നല്ല പാചക എണ്ണയാണ്‌. ഡീസലിന്‌ കൃത്യമായും പകരം വക്കാവുന്ന ഒരു ഇന്ധമാണ്‌
വിവിധ ഉപയോഗങ്ങൾ
നാളികേരക്കാമ്പ്‌ ഭക്ഷ്യയോഗ്യമാണ്‌.
ഈർപ്പത്തിന്റെ അളവ് 2.5% ആക്കിയാൽ ഇന്ന്‌ കേക്കുകൾ, ചോക്ക്ലേറ്റ്‌ കാൻഡി മറ്റു മധുര പലഹാരങ്ങൾ എന്നിവ നിർമ്മിക്കാൻ ഉപയോഗിക്കാം.
തേങ്ങ കാമ്പ്‌ അരച്ച്‌ ചൂടുവെള്ളത്തിലോ പാലിലോ ചേർത്ത്‌ തേങ്ങാപാൽ ഉണ്ടാക്കാം. തേങ്ങാപ്പാൽ സ്വാദിഷ്ഠവും സ്വാദുവർദ്ധിപ്പിക്കുന്നതുമാണ്‌. പച്ചതേങ്ങയിൽ നിന്നുൽപാദിപ്പിക്കുന്ന വെളിച്ചണ്ണ സൗന്ദര്യ വർദ്ധക വസ്തുക്കൾ ഉണ്ടാക്കാൻ ഉപയോഗിക്കുന്നു. നാളികേരം പൊട്ടിക്കുന്നതുവരെ നാളികേരവെള്ളം പരിശുദ്ധമായിരിക്കും. അതാകട്ടെ പോഷണങ്ങളുടെ ഒരു ഉറവിടമാണ്‌. വേനലിൽ ദാഹം ശമിപ്പിക്കുക മാത്രമല്ല അത്‌ ഊർജ്ജഭായകവും ഉൻമേഷ ദായകവും ആണ്. അതുകൊണ്ട്‌ തന്നെ കായിക താരങ്ങൾക്ക്‌ പ്രിയങ്കരമായ ഒരു പാനിയമാണിത്‌. നാറ്റാഡി-കോകോ എന്ന പ്രസിദ്ധമായ പാനിയം നാളികേര വെള്ളത്തിൽ നിന്നും ഉൽപാദിപ്പിക്കുന്നതാണ്‌. ശീതീകരിച്ച തേങ്ങാ പാലിൽ നിന്നും തേങ്ങാ ക്രീം ഉണ്ടാക്കുന്നു. തേങ്ങാ വെള്ളത്തിൽ നിന്നും തേങ്ങാപ്പാലിൽ നിന്നും അനേകം സ്വാദിഷ്ടമായ വിഭവങ്ങൾ ഉണ്ടാക്കുന്നു.
നാളികേരത്തിന്റെ വിടരാത്ത പൂങ്കുലയിൽ നിന്നും ഉത്പാദിപ്പിക്കുന്ന ഒരു തവിട്ടു നിറത്തിലുള്ള സിറപ്പിൽ നിന്നും തവിട്ടു നിറമുള്ള ചക്കര ഉത്പാദിപ്പിക്കുന്നു. ഇത്‌ പഞ്ചസാരക്ക്‌ പകരമായി പലയിടത്തും ഉപയോഗിക്കുന്നു. നീലഗിരിയിലെ തോട എന്ന ഗോത്ര വർഗ്ഗക്കാർ ചക്കര അവരുടെ ഭക്ഷണത്തിലെ ഒരു ഘടകമായി ഉപയോഗിക്കുന്നു.
തെങ്ങിൻ പൂങ്കുലയിൽ നിന്നും എടുക്കുന്ന നീരാണ്‌ കള്ള്‌ എന്ന ലഹരി പാനീയം. കേരളത്തിൽ അനേകം ആളുകൾ തൊഴിൽ എടുക്കുന്ന ഒരു മേഖലയാണിത്‌.
ചിരട്ട പലവിധ കരകൗശല വസ്തുക്കൾ ഉണ്ടാക്കാൻ ഉപയോഗിക്കുന്നു. ചിരട്ടക്കരി, മറ്റു പലവിധ വ്യവസായിക ആവശ്യങ്ങൾക്കും ചിരട്ട ഉപയോഗിക്കുന്നുണ്ട്‌. തെങ്ങിന്റെ തടി വീട്‌ നിർമ്മാണം , ഫർണീച്ചർ നിർമ്മാണം എന്നിവക്കുപയോഗിക്കുന്നു.
നടീൽ പ്രവർത്തനങ്ങൾ
വിത്തു തേങ്ങയുടെ ശേഖരണവും സംഭരണവും
വിത്തു തേങ്ങയുടെ പ്രാധാന്യം
നാളികേരത്തിൽ തൈകളുടെ ആരോഗ്യം മാതൃസസ്യത്തിന്റെ സ്വഭാവവും ആയി നേരിട്ടു ബന്ധപ്പെട്ടിരിക്കുന്നു. തൈകൾ ഗുണനിലവാരമില്ലാത്തതാണെങ്കിൽ കർഷകന്റെ പണത്തിനു സമയത്തിനും ഗണ്യമായ നഷ്ടമുണ്ടാക്കും. അതുകൊണ്ട്‌ തൈകളുടെ ശേഖരണവും സംഭരണവും അതിപ്രധാനമാണ്‌.മാതൃവൃക്ഷം തെരഞ്ഞെടുക്കൽ
ഇനി പറയുന്ന ഗുണങ്ങളുള്ള മാതൃവൃക്ഷങ്ങൾ വേണം വിത്തുതേങ്ങ ശേഖരണത്തിനായി തിരഞ്ഞെടുക്കാൻ.
1. സ്ഥിരമായി കായ്ക്കുന്നതും വർഷത്തിൽ 80 തേങ്ങയിൽ കുറയാത്ത ഉൽപ്പാദനം തരാൻ കെൽപ്പുള്ളതും
2. നട്ട്‌ 20 വർഷവും, കായ്ച്ചു തുടങ്ങിയിട്ട്‌ 5 വർഷവും ആയവ ( അതായത്‌ 20 വർഷമോ അതിൽ കൂടുതലോ പ്രായമുള്ള തെങ്ങുകൾ). എന്നാൽ വിത്തുതേങ്ങ ശേഖരണത്തിനായി നല്ല മാതൃവൃക്ഷങ്ങളിൽ നിന്നും തൈകൾ ഉണ്ടാക്കി നട്ടു വളർത്തിയ തോട്ടങ്ങളിൽ നിന്നും തേങ്ങ എടുക്കുന്നതിന്‌ 20 വർഷം എന്ന കാലയളവ്‌ പാലിക്കേണ്ടതില്ല. നല്ലതുപോലെ കായ്ച്ചു തുടങ്ങിയിട്ട്‌ കുറഞ്ഞത്‌ 6 വർഷമെങ്കിലും ആയാൽ വിത്തുതേങ്ങ എടുത്തു തുടങ്ങാം.
3. വിടർന്ന ഓലകൾ 30ൽ കൂടുതൽ ഉണ്ടായിരിക്കണം. നീളം കുറഞ്ഞ ഓലക്കാലുകളും, ബലമുള്ള മടലുകളും വേണം.
4. കരുത്തുള്ള കുലഞെട്ടുകളോടുകൂടിയ 12 കുലകളെങ്കിലും ഉള്ളവയായിരിക്കണം.
5. ഇടത്തരം വലിപ്പമുള്ള നീളം കൂടിയ തേങ്ങകൾ
6. ചകിരിമാറ്റിയ തേങ്ങയ്ക്ക്‌ 600 ഗ്രാം തൂക്കമുള്ളതും, ഒരു തേങ്ങയിൽ നിന്നും കുറഞ്ഞത്‌ 150 ഗ്രാം കൊപ്ര ലഭിക്കുന്നതുമാകണം.
താഴെ പറയുന്ന തരത്തിലുള്ള വൃക്ഷങ്ങൾ ഒഴിവാക്കണം
1. നീളം കൂടി കനം കുറഞ്ഞ കുലഞെട്ടുകളോടെ തൂങ്ങി നിൽക്കുന്ന കുലകളുള്ളവ
2. ചെറിയതും ഭാരം കുറഞ്ഞതുമായ തേങ്ങകളും , പേട്‌ തേങ്ങകളും ഉണ്ടാകുന്നവ
3. മച്ചിങ്ങ പൊഴിച്ചിൽ കൂടുതലുള്ളവ
4. പ്രതികൂല പരിസ്ഥിതയിൽ വരുന്നവ
വിത്തു തേങ്ങയുടെ ശേഖരിക്കുക
വിത്തുതേങ്ങ സംഭരണം
നഴ്സറിയിൽ മുളപ്പിക്കുന്നതിന്‌ മുൻപ്‌ മിനിമം 60 ദിവസമെങ്കിലും വിത്തു തേങ്ങകൾ തണലത്ത്‌ സൂക്ഷിക്കണം. ഞെട്ട്‌ മുകളിലേക്കാക്കി 8 സെ.മി എങ്കിലും ഉയരമുള്ള മണൽ തിട്ടിൽ വിത്തുതേങ്ങ നിരത്തുക. ഉള്ളിലെ വെള്ളം വറ്റിപോകാതിരിക്കാൻ അൽപം മണൽ മുകളിൽ ഇട്ടുകൊടുക്കുക. ഈ രീതിയിൽ അഞ്ചു നിരകൾ വരെ ഒന്നിനു മുകളിൽ ഒന്നായി നിരത്താം വിത്തുകൾ പാത്രങ്ങളിലും സൂക്ഷിക്കും. തണലും മണൽമണ്ണും ആവശ്യമാണ്‌. ഇതിനും മെയ്മാസത്തിലാണ്‌ വിളവെടുക്കുന്നതെങ്കിൽ നാളികേരം കുറച്ചു തണലുള്ളിടത്ത്‌ കുന്നായി ഇട്ട്‌ തൊണ്ട്‌ ഉണങ്ങാൻ അനുവദിക്കുക. തുടർന്ന്‌ തവാരണകളിൽ വിത്തുതേങ്ങ പാകാം.
നഴിസറിയിൽ വിത്തു തേങ്ങ മുളപ്പിക്കൽ
തവാരണ
ആവശ്യത്തിനു തണലും നീർവാർച്ചയും കടുപ്പം കുറഞ്ഞ മണ്ണും ഉള്ള സ്ഥലമായിരിക്കണം തവാരണയ്ക്കായി തിരഞ്ഞെടുക്കാൻ. തുറസ്സായ സ്ഥലമാണെങ്കിൽ വേനൽക്കാലത്ത് തണൽ നൽകണം. ഒന്നര മീറ്റർ വീതിയിൽ ആവശ്യമുള്ള നീളത്തിൽ വാരങ്ങൾ തയ്യാറാക്കുക. വാരങ്ങൾ തമ്മിൽ 75സെ.മി അകലം ഉണ്ടായിരിക്കണം. നീർവാർച്ച കുറഞ്ഞ പ്രദേശങ്ങളിൽ വാരങ്ങൾ ഉയർത്തിയെടുക്കണം. പാകുന്നതിന്‌ മുൻപ്‌ വെള്ളം വറ്റിയതും കാമ്പ്‌ ചീഞ്ഞതുമായ തേങ്ങകൾ തിരഞ്ഞുമാറ്റുക. കാലവർഷാരംഭത്തോടെ (മേയ്‌-ജൂൺ മാസങ്ങളിൽ ) തേങ്ങ പാകാം
നടീൽ അകലം
ഒരു വാരത്തിൽ നാലോ, അഞ്ചോ വരി വിത്തു തേങ്ങ 30 ഃ30 സെ.മീ അകലത്തിൽ നടാം.
നഴ്സറി പരിപാലനം
തുറന്ന പ്രദേശത്താണ്‌ നഴ്സറിയെങ്കിൽ ചുറ്റും വേലികെട്ടി സംരക്ഷിക്കണം. മണൽ പ്രദേശമാണെങ്കിൽ കാലവർഷം കഴിയുന്നതോടെ പുതയിടുകയും വേനൽക്കാലത്ത് രണ്ടു ദിവസത്തിലൊരിക്കൽ നനയ്ക്കുകയും വേണം. തവാരണകൾ കള വിമുക്തമായിരിക്കണം. ചിതലിന്റെ ശല്യം കാണുകയാണെങ്കിൽ 15.മീ ആഴത്തിൽ മണ്ണുമാറ്റി കാർബാറിലോ, ക്ളോർപൈറിഫോസാ തേങ്ങയിലും മണ്ണിലും വിതറി കൊടുക്കുക. ചിതൽ ശല്യം പൂർണ്ണമായും മാറൂന്നതിന്‌ കീടനാശിനി പ്രയോഗം ആവർത്തിക്കേണ്ടിവരും. കുമിൾ രോഗങ്ങൾ വരാതിരിക്കുന്നതിനായി 1% വീര്യമുള്ള ബോർഡോ മിശ്രിതമോ ചെമ്പ്‌ അടങ്ങിയ മറ്റേതെങ്കിലും കുമിൾ നാശിനികളോ തളിക്കുന്നത്‌ നല്ലതാണ്.
നടീലിന്‌ നിലമൊരുക്കൽ
സ്ഥലം തിരഞ്ഞെടുക്കൽ
ഒന്നര മീറ്ററെങ്കിലും ആഴമുള്ളതും നീർവാർച്ചയുള്ളതുമായ മണ്ണാണ്‌ തെങ്ങുകൃഷിക്കായി തെരഞ്ഞെടു-ക്കേണ്ടത്‌. അടിയിൽ പാറയുള്ള സ്ഥലങ്ങളും, കളിമൺപ്രദേശങ്ങളും, വെള്ളം കെട്ടിനിൽക്കാൻ സാധ്യതയുള്ള സ്ഥലങ്ങളും ഒഴിവാക്കണം.
നിലമൊരുക്കൽ
ചെരിവുള്ള പ്രദേശങ്ങളിൽ കോണ്ടൂർ ടെറസിങ്ങ്‌ അല്ലെങ്കിൽ കോണ്ടൂർ വരമ്പ്‌ രീതി അവലംബിക്കാം. താഴ്ന്ന സ്ഥലങ്ങളിൽ കൂനകളുണ്ടാക്കി നടാം. നെൽപ്പാടങ്ങളിൽ ജലനിരപ്പിന്‌ മുകളിൽ ഒരു മീറ്ററെങ്കിലും ഉയരത്തിൽ കൂനകളുണ്ടാക്കണം. കായൽ നികത്തിയ ഇടങ്ങളിൽ വരമ്പുകളിൽ തെങ്ങ് വെയ്ക്കാം.
കുഴികൾ
കുഴിയുടെ ആഴവും വലിപ്പവും പ്രദേശത്തിനനുസരിച്ച്‌ വ്യത്യാസപ്പെടും. ജലവിതാനം താഴുന്നു നിൽക്കുന്ന നീർവാർച്ചയുള്ള മണ്ണിൽ 1 ഃ 1 മീറ്റർ വലിപ്പത്തിൽ കുഴിയെടുക്കണം. അടിയിൽ പാറയുള്ള ചെങ്കൽ പ്രദേശങ്ങളിൽ 1.2 1.2 1.2 മീറ്റർ വലിപ്പം വേണം. എന്നാൽ മണൽ പ്രദേശങ്ങളിൽ 0.75 0.75 0.75 മീറ്റർ മതി. തറനിരപ്പിൽ നിന്ന് 60 സെ.മീ വരെ താഴ്ചയിൽ കുഴി മേൽമണ്ണ്‌ കൊണ്ട്‌ നിറയ്ക്കണം. താഴ്ന്ന പ്രദേശങ്ങളിൽ ആഴം കുറഞ്ഞുള്ള കുഴികളെടുത്ത്‌ തൈ വളരുന്നതനുസരിച്ച്‌ മണ്ണ്‌ കൂട്ടി കൊടുക്കുകയാണ്‌ വേണ്ടത്‌. ബണ്ടുകളിലോ കൂനകളിലോ നടുമ്പോഴും ഈ രീതി തന്നെയാണ്‌ പിൻതുടരേണ്ടത്‌. കുഴിയുടെ അടിഭാഗത്ത്‌ രണ്ട് നിര ചകിരി വിരിക്കുന്നത്‌ ഈർപ്പം നിലനിർത്താൻ സഹായിക്കും. കുഴിഞ്ഞവശം മുകളിലേക്ക്‌ വരുന്ന വിധത്തിൽ മലർത്തിയാണ്‌ ചകിരി അടുക്കേണ്ടത്‌. ഓരോ ?അടുക്കിനു ശേഷവും 10% വീര്യമുള്ള കാർബാറിൽ പൊടി വിതറുന്നത്‌ ചിതലിന്റെ ശല്യം ഒഴിവാക്കുവാൻ സഹായിക്കും.
കുറിപ്പ്‌
ചെങ്കൽ പ്രദേശങ്ങളിൽ കുഴി ഒന്നിന്‌ 2 കി.ഗ്രാം എന്ന തോതിൽ കറിയുപ്പ്‌ ഇടുന്നത്‌ മണ്ണിന്റെ ഘടന മെച്ചപ്പെടുത്തും. നടുന്നതിന്‌ ആറുമാസം മുമ്പ്‌ ഉപ്പിടണം.
കൃഷിയിടത്തിൽ തൈ നടൽ
തൈകളുടെ തെരഞ്ഞെടുപ്പ്‌
പാകി ആറുമാസത്തിനു ശേഷവും മുളക്കാത്ത തേങ്ങകൾ നീക്കം ചെയ്യുക. 9-12 മാസം വളർച്ചയെത്തിയ നല്ല ആരോഗ്യമുള്ള തൈകൾ തെരഞ്ഞെടുക്കുക
- തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ
- നേരത്തേ മുളച്ച്‌ അതിവേഗം വളരുന്ന ആരോഗ്യമുള്ള തൈകൾ
- 10-12 മാസം വരെ പ്രായമായ 6-8 വരെ ഇലകൾ വന്നവ അല്ലങ്കിൽ 9-12 വരെ മാസം പ്രായമായ 4 ഇലയെങ്കിലും ഉള്ള തൈകൾ
- കടക്ക്‌ 10-12 വരെ സെ.മി എങ്കിലും ഉയരമുള്ളവ
- ഇല വേഗം വേർപെടുന്നവ
നടീൽ സമയം
പുതമഴയോടെ മെയ് മാസത്തിൽ തൈകൾ നടുന്നതാണ്‌ ഏറ്റവും നല്ലത്‌. ജലസേചന സൗകര്യം ഉറപ്പുള്ള സ്ഥലങ്ങളിൽ ഏപ്രിൽ മാസത്തിലും തൈകൾ നടാം. താഴ്ന്ന പ്രദേശങ്ങളിൽ കനത്ത മഴ അവസാനിച്ചതിനുശേഷം സെപ്റ്റംബറിൽ തൈകൾ നടാവുന്നതാണ്‌.
ഇടയകലം, നടീൽ രീതി
നടീൽ രീതി, മണ്ണിന്റെ തരം എന്നിവയെ ആശ്രയിച്ച്‌ നടീൽ അകലത്തിൽ വ്യത്യാസം വരും. മണൽ, ചെങ്കൽ പ്രദേശങ്ങളിൽ നിലവിലുള്ള പല രീതികളിൽ പൊതുവായി സ്വീകരിച്ചിട്ടുള്ള അകലം താഴെ പറയും വിധമാണ്‌. വടക്കൻ കേരളത്തിൽ മഴയെ ആശ്രയിച്ച്‌ തെങ്ങ് കൃഷി ചെയ്യുന്ന ചരൽ പ്രദേശങ്ങളിൽ ഇടയകലം കുറച്ച്‌ ഒരു ഹെക്ടറിന്‌ 250 തെങ്ങുകൾ എന്ന തോതിൽ നടുന്നതാണ്‌ നല്ലത്‌. നടീൽ രീതി വിശദമായി പട്ടികയിൽ കൊടുത്തിട്ടുണ്ട്‌.
ഇടയകലം
| നടീൽ സംവിധാനം | അകലം | തൈകളുടെ ശരാശരി എണ്ണം |
| ത്രികോണം | 7.6 m | 198 |
| ഗമചതുരം | 7.6 to 9 m | 170-120 |
| ഒറ്റഹെഡ്ജ്‌ | 5 മീ നിരക്കുള്ളിൽ - നിരകൾ തമ്മിൽ 9 മീ | 220 |
| ഇരട്ട ഹെഡ്ജ്‌ | നിരയിൽ 5 5 മീ നിരകൾ തമ്മിൽ 9മീ | 280 |
നടീൽ
തെങ്ങിൻതൈ നടുന്നതിന്‌ മുൻപ്‌ കുഴികളിൽ 50-60 സെ.മി ആഴം വരെ മേൽമണ്ണും പശുവിൻ ചാണകവും നിറക്കുക. അതിനുള്ളിൽ ചെറിയ കുഴി മുളച്ച തേങ്ങ വെക്കാൻ മാത്രമുള്ളത്‌ ഉണ്ടാക്കും തൈ അതിൽ വച്ച്‌ മണ്ണിടുക. വെള്ളം കെട്ടി നിൽക്കുന്നത്‌ ഒഴിവാക്കാൻ മണ്ണിട്ട്‌ നന്നായി അമർത്തുക. വെള്ളുറുമ്പിന്റെ ആക്രമണത്തിനു സാധ്യതയുണ്ടെങ്കിൽ ഡെവിഡോൾ 84 ( 5 ഗ്രാ ) നടീലിനു മുൻപ്‌ കുഴികളിൽ ഇടുക. ചെമ്മണ്ണുള്ള പ്രദേശത്ത്‌ മണ്ണിന്റെ ഗുണം വർദ്ധിപ്പിക്കുന്നതിന്‌ കുഴികളിൽ ഉപ്പ്‌ വിതറണം. ഈർപ്പം നിലനിർത്താൻ ഇരുപതോ മുപ്പതോ തേങ്ങ തൊണ്ടുകൾ കുഴികളിൽ നിരത്തുന്നത്‌ നല്ലതാണ്.
കുറിപ്പ്‌: ചെങ്കൽ പ്രദേശങ്ങളിൽ കുഴി ഒന്നിന്‌ 2 കി.ഗ്രാം എന്ന തോതിൽ കറിയുപ്പ്‌ ഇടുന്നത്‌ മണ്ണിന്റെ ഘടന മെച്ചപ്പെടുത്തും. നടുന്നതിന്‌ ആറുമാസം മുമ്പ്‌ ഉപ്പിടണം.
നടീലിനു ശേഷമുള്ള സംരക്ഷണ വ്യവ്യതികൾ
സംരക്ഷണ വ്യവ്യതികൾ
തുറന്ന പ്രദേശത്താണ്‌ നഴ്സറിയെങ്കിൽ ചുറ്റും വേലികെട്ടി സംരക്ഷിക്കണം. മണൽ പ്രദേശമാണെങ്കിൽ കാലവർഷം കഴിയുന്നതോടെ പുതയിടുകയും വേനൽക്കാലത്ത് രണ്ടു ദിവസത്തിലൊരിക്കൽ നനയ്ക്കുകയും വേണം. തവാരണകൾ കള വിമുക്തമായിരിക്കണം. ചിതലിന്റെ ശല്യം കാണുകയാണെങ്കിൽ 15.മീ ആഴത്തിൽ മണ്ണുമാറ്റി കാർബാറിലോ, ക്ളോർപൈറിഫോസാ തേങ്ങയിലും മണ്ണിലും വിതറി കൊടുക്കുക. ചിതൽ ശല്യം പൂർണ്ണമായും മാറൂന്നതിന്‌ കീടനാശിനി പ്രയോഗം ആവർത്തിക്കേണ്ടിവരും. കുമിൾ രോഗങ്ങൾ വരാതിരിക്കുന്നതിനായി 1% വീര്യമുള്ള ബോർഡോ മിശ്രിതമോ ചെമ്പ്‌ അടങ്ങിയ മറ്റേതെങ്കിലും കുമിൾ നാശിനികളോ തളിക്കുന്നത്‌ നല്ലതാണ്.
തണൽ നൽകലും നനയും
നട്ട്‌ ആദ്യത്തെ രണ്ടുവർഷം വേനൽക്കാലത്ത് നാലു ദിവസത്തിലൊരിക്കൽ തൈ ഒന്നിന്‌ 45 ലിറ്റർ വീതം വെള്ളം നൽകണം. തൈകൾക്ക്‌ തണലും കൊടുക്കണം.
D x T സങ്കര ഇനത്തിന്റെ ഉത്പാദനം
മാതൃവൃക്ഷങ്ങൾ തെരഞ്ഞെടുക്കൽ
താഴെപ്പറയുന്ന ലക്ഷണമുള്ള വൃക്ഷങ്ങൾ തെരഞ്ഞെടുക്കുക
1. തേങ്ങകൾ കോണുകളില്ലാത്തതും, മഞ്ഞ, ഓറഞ്ച്‌, ചുവപ്പ്‌ എന്നീ നിറങ്ങളിൽ ഉണ്ടാകുന്നതുമായ തെങ്ങുകൾ
2. ആൺ-പെൺ പൂക്കളുണ്ടാകുന്ന ദശകൾ ഒരേ സമയത്താകുന്നവ.
3. ഒതുങ്ങിയ മണ്ടയും ഇലവിതാനവുമുള്ളവ
4. വണ്ണം കുറഞ്ഞതും കടഭാഗം ഒതുങ്ങിയതും ഓലപ്പാടുകൾ ക്രമമായി അടുത്തടുത്തുള്ളതുമായ തടിയോടുകൂടിയ തെങ്ങുകൾ
സങ്കരണം
തിരഞ്ഞെടുത്ത ഉയരം കൂടിയ മരങ്ങളിൽ നിന്നുമുമ പൂമ്പൊടി ഉപയോഗിക്കുക. സങ്കര ഇനങ്ങൾ സൃഷ്ടിക്കുന്നത്‌ നിയന്ത്രിത പരാഗണം വഴിയാണ്‌. ആദ്യം തന്നെ, ഉത്തമലക്ഷണങ്ങളോടുകൂടിയ മാതൃവൃക്ഷത്തെയും, പിതൃവൃക്ഷത്തേയും തിരഞ്ഞെടുക്കുക. മാതൃവൃക്ഷത്തിലെ ചൊട്ടയിലുള്ള ആൺ പൂക്കൾ കാലേക്കൂട്ടി നീക്കം ചെയ്ത ശേഷം പിതൃവൃക്ഷത്തിൽ നിന്നും ശേഖരിച്ച പൂമ്പൊടി മാതൃവൃക്ഷത്തിലെ പെൺപൂക്കളിൽ നിക്ഷേപിക്കുന്ന പ്രക്രിയയാണ്‌ ന്യന്ത്രിത പരാഗണം.
പൂമ്പൊടി ശേഖരണം
1. പിതൃവയക്ഷത്തിൽ നിന്ന് പാകമായ ആൺപൂക്കൾ ശേഖരിക്കുക
2. ഒരു ഉരുളൻ തടിയുപയോഗിച്ച്‌ പൂക്കൾ അമർത്തി പൂമ്പൊടിയെ പുറത്തുചാടിക്കുക.
3. പൂമ്പൊടി 40 സെൽഷ്യസ്‌ ഊഷ്മാവിൽ 24 മണിക്കൂർ ഉണക്കുക
4. ഉണക്കിയ പൂമ്പൊടി 0.2 മി.മീ അരിപ്പയിൽ ഇമിച്ചെടുക്കുക.
5. പൂമ്പൊടി ഒരു ഡെസിക്കേറ്ററിൽ സൂക്ഷിക്കുക
പിതൃവൃക്ഷത്തിലെ ചൊട്ട വിടർന്ന്‌ 6 ദിവസം കഴിഞ്ഞും 8 ദിവസത്തിനകവും ആൺപൂക്കൾ ശേഖരിക്കണം. ചൊട്ടയുടെ കടഭാഗത്തു വെച്ച്‌ മുറിച്ച്‌, ആൺപൂക്കൾ അടർത്തിയെടുക്കുകയാണ്‌ വേണ്ടത്‌. വിപും
സീകരണം
മാതൃവൃക്ഷത്തിലെ പൂങ്കുലയിൽ നിന്ന് ആൺപൂക്കൾ നീക്കം ചെയ്യുന്ന പ്രക്രിയയാണ്‌ വിപും സീകരണം. ഇതുമൂലം സ്വപരാഗണത്തിനുള്ള സാദ്ധ്യതയില്ലാതാകുന്നു.
1. പൂങ്കുലയുടെ ഏറ്റവും മുകളിലത്തെ പെൺ പൂവിൽ നിന്ന് സുമാർ 7 സെ.മി മുകളിൽ വെച്ച്‌ ചൊട്ട നല്ല മൂർച്ചയുള്ള കത്തികൊണ്ട്‌ മുറിച്ചുമാറ്റുക.
2. പൂങ്കുലയിൽ ബാക്കി നിൽക്കുന്ന ആൺപൂക്കൾ അടർത്തി എടുക്കുക.
3. പൂങ്കുല വൃത്തിയുള്ള ഒരു തുണിസഞ്ചി കൊണ്ട്‌ മൂടുക.
ചൊട്ട പൊട്ടുവാൻ സമയമാകുമ്പോൾ അടിഭാഗം വീർത്തിരിക്കും, മുകളറ്റത്തിന്റെ പ്രകൃത്യാ ഉള്ള നിറം മാറും, ചൊട്ടയിൽ നെടുനീളത്തിലുള്ള പൊഴിക്ക്‌ വീതികൂടും. ഈ പൊഴിയിലൂടെയാണ്‌ ചൊട്ടപൊട്ടുന്നത്‌.
പരാഗണം
1. നേരത്തെ സംഭരിച്ച്‌ സൂക്ഷിച്ചിട്ടുള്ള പൂമ്പൊടി, ടാൽക്കം പൗഡറുമായി 1:9 എന്ന അനുപാതത്തിൽ കൂട്ടികലർത്തി നേർപ്പിക്കുക.
2. പെൺപൂക്കൾ പൂമ്പൊടി സ്വീകരിക്കുവാൻ സമയമാവുമ്പോൾ പൂമ്പൊടി ഒരു ബ്രഷ്‌ ഉപയോഗിച്ച് പരാഗണം നടത്തുക
3. നിയന്ത്രിത പരാണം വഴി ഉണ്ടാകുന്ന എല്ലാ തേങ്ങയും വിളഞ്ഞ്‌ പാകമാകുമ്പോൾ സംഭരിച്ച്‌ വക്കുക.
നാളികേര കൃഷിയുടെ ഇടക്കാല സംരക്ഷണം
അടിസ്ഥാന കൃഷിപ്പണികൾ
ഇടക്കാല സംരക്ഷണ പ്രവർത്തനങ്ങൾവളപ്രയോഗവും ജലസേചനവും കഴിഞ്ഞാൽ പ്രധാന്യം കൊടുക്കേണ്ട ഒന്നാണ്‌ കൃഷിയിടത്തിലെ ഇടക്കാല സംരക്ഷണ പ്രവർത്തനങ്ങൾ കളനിയന്ത്രണം വഴി ഉത്പാദനം വർദ്ധിപ്പിക്കുക മാത്രമല്ല ചെയ്യുക. ധാതു ലവണങ്ങളുടെയും ഈർപ്പത്തിന്റേയും സംഭരണ ശേഷി നിലനിർത്തൽ അനുഗുണമായ ഒരു അവസ്ഥ മണ്ണിലുണ്ടാക്കും
ചെറുതൈകൾക്കുള്ള ഇടക്കാല സംരക്ഷണം.
ചെറുതൈകളുടെ കുഴികളിൽ നിന്നും ഇടക്കിടക്ക്‌ കളകൾ നീക്കം ചെയ്യണം. തൈയുടെ കടക്കൽ നിന്നും മണ്ണ്‌ നീക്കം ചെയ്യണം. തൈ വളർന്ന്‌ കാണ്ഡം കണ്ടു തുടങ്ങുന്നതിനനുസരിച്ച്‌ കുഴിയുടെ വക്കിൽ നിന്നും മണ്ണിടിച്ച്‌ കുഴി മൂടികൊടുക്കണം.
വളർച്ചയെത്തിയവയുടെ ഇടക്കാല സംരക്ഷണം.
കളകൾ നീക്കം ചെയ്ത്‌ പുതയായി ഉപയോഗിക്കണം. ഏതെങ്കിലും ഉഴവൽ , കിളക്കൽ , പൊലികൂട്ടൽ എന്നീ ഏതെങ്കിലും രീതിയിൽ മണ്ണിളക്കി കളകൾ നീക്കം ചെയ്ത്‌ പുതയിടുക. ചെമ്മണ്ണ്, മണൽ, നിറഞ്ഞ പഴിമരാശി മണ്ണ്‌ എന്നിവയുള്ള കൃഷിയിടങ്ങളിൽ മെയ് - ജൂൺ , സെപ്റ്റംബർ- ഒക്ടോബർ എന്നിങ്ങനെ രണ്ടു പ്രാവശ്യം മണ്ണിളക്കി കൊടുക്കുക. മേൽമണ്ണ്‌ വലിച്ചു പോകുന്ന പ്രദേശങ്ങളിൽ മണ്ണ്‌ കിളച്ച്‌ പൊലികൂട്ടി സെപ്റ്റംബർ നവംബർ, ഡിസംബർ മാസത്തിൽ നിരത്തി കൊടുക്കുക. മഴത്തുടങ്ങുന്നതിന്‌ മുൻപ്‌ തടമെടുത്ത് മഴ കഴിയുമ്പോൾ മൂടുക. ജലസംരക്ഷണത്തിന്‌ നല്ല മാർഗ്ഗമാണിത്‌.
ജലസേചനം
ജലസേചന-ത്തിന്റെ പ്രധാന്യംജലസേചനത്തോട് നന്നായി പ്രതികരിക്കുന്ന ഒരു വിളയാണ് തെങ്ങ്. ജലസേചനമില്ലാ‍ത്ത തോട്ടങ്ങളെ അപേക്ഷിച്ച ജലസേചനമുള്ള തോട്ടങ്ങിൽ നിന്ന് ഇരട്ടിവിളവുലഭിക്കും. ഫലപ്രദമായ ജലസേചന മാർഗ്ഗങ്ങൾ അവലംബിക്കുന്നതു മൂലം തെങ്ങിൽ തോപ്പിൽ വിളവു വർദ്ധിക്കും എന്നതിൽ സംശയമില്ല.
ജലസ്രോതസ്സുകളുടേയും ജലത്തിന്റേയും ലഭ്യതയനുസരിച്ച് തെങ്ങിൽ തോപ്പിൽ വ്യത്യസ്തങ്ങളായ ജലസേചന മാർഗ്ഗങ്ങൾ സ്വീകരിക്കും. ധാരളം ജല ലഭ്യതയുള്ള പ്രദേശങ്ങളിൽ നമ്മുക്ക് തടത്തിൽ നനക്കുന്നരീതിയുമായി മുന്നോട്ട് പോകാം. വാട്ടർ ടേബിൾ ഭൂമിനിരപ്പിൽ നിന്നും കുറേ താഴെയാണെങ്കിൽ ‘ഫറോ’ രീതിയാണ് അവലംബിക്കേണ്ടത്. ഡ്രിപ്പ് ഇറിഗേഷനാണ് മറ്റൊരു രീതി. ഈ രീതി അവലംബിക്കുന്നത് വഴി 80% ജലലാഭിക്കാനാവും
തെങ്ങിന് ആവശ്യമായ ജലത്തിന്റെ അളവ്
|
|
മണ്ണിന്റെ തരം |
|||
| മണൽ | ലോമ മണൽ | ലോമ മണ്ണ്‌ | കളിമണ്ണ് | |
| മണ്ണിലെ ഈർപ്പം (സെ.മീ/മീ) | 8 | 12 | 17 | 21 |
| തെങ്ങിനു ചുറ്റും 1.8മീവ്യാസാർദ്ധത്തിൽ എടുത്തിട്ടുള്ള തടത്തിലേക്കാവശ്യമായ വെള്ളത്തിന്റെ അളവ് (ലിറ്ററിൽ) | 600 | 900 | 1300 | 1600 |
വേനൽ മാസങ്ങളിൽ തെങ്ങിന്റെ തടത്തിനുചുറ്റുതാഴെ കാണും വിധം നനക്കുക
|
|
മണ്ണിന്റെ തരം |
|||
| മണൽ | ലോമ മണൽ | ലോമ മണ്ണ്‌ | കളിമണ്ണ് | |
|
നനകൾ തമ്മിലുള്ള ഇടവേള (ദിവസം) |
||||
| തൃശൂർ, പാലക്കാട്‌ ജില്ലകളിലെ വടക്കു കിഴക്കൻ പ്രദേശങ്ങളൊഴികെ കേരളത്തിലെല്ലായിടത്തും | 3-4 | 5 | 7-8 | 9 |
| തൃശൂർ, പാലക്കാട്‌ ജില്ലകളിലെ വടക്കു കിഴക്കൻ പ്രദേശങ്ങളിൽ | 2-3 | `3-4 | 5-6 | 6-7 |
കുറിപ്പ്‌ : തീരപ്രഠ്വശങ്ങ#്ങളിൽ കടൽ വെള്ളം ജലസേചനത്തിനുപയോഗിക്കാം. ജലസേചനം നടത്തുന്ന തോട്ടങ്ങളിൽ അതിനു വീഴ്ച വരുത്തുന്നത്‌ വിളവിൽ കാര്യമായ കുറവുണ്ടാകുന്നതിനും തെങ്ങിന്റെ ആരോഗ്യനില മോശമാകുന്നതിനും കാരണമാകും. അതിനാൽ ഒരിക്കൽ ജലസേചനം ആരംഭിച്ചാൽ ചിട്ടയായും സ്ഥിരമായും അതു തുടരണം. മണൽ കലർന്ന പശിമരാശി മണ്ണിൽ 1.5മീറ്റർ വ്യാസാർദ്ധത്തിൽ എടുത്ത തടത്തിൽ (15 ദിവസം ഇടവിട്ട്‌) തെങ്ങൊന്നിന്‌ 500 ലിറ്റർ വെള്ളം എന്ന തോതിൽ നനയ്ക്കുന്നതായിരിക്കും ലാഭകരം. തൈകളും തൈത്തെങ്ങുകളും കടൽ വെള്ളം ഉപയോഗിച്ച് നനയ്ക്കരുത്‌.
തെങ്ങിൻ തടത്തിലെ ജലസേചനം
തെങ്ങിന്റെ തടത്തിൽ തെങ്ങിനുചുറ്റും ഊർജ്ജ്വസ്വലമായ വേരുകൾ ഉള്ള,1.8 മീറ്റർ നനക്കുക. മണ്ണിൽ വെള്ളം പോകാൻ ചാലുകൾ കീറി ഓരോ തെങ്ങിൻ തടത്തേയും ചാലുകൊണ്ടു ബന്ധിപ്പിക്കുക. ചാലിൽ ഒഴുകി നീങ്ങുമ്പോഴും ബാഷ്പീകരണം വഴിയും ഒലിച്ചിറങ്ങുമ്പോഴും കുറേവെള്ളം നഷ്ടപെടാൻ ഇടയുണ്ട്. എന്നാലും പൈപ്പുകൾ ഉപയോഗിച്ച് തടത്തിൽ നനച്ച് ഈ നഷ്ടം പരിഹരിക്കാം. നാലു ദിവസത്തിലൊരിക്കൽ 200 ലിറ്റർവെള്ളം നിർദ്ദേശിക്കപ്പെടുന്നു.
സ്പ്രിംഗളർ ജലസേചനം
ഇടവിളയും മിശ്രവിളയും ഉള്ളിടത്ത് സ്പ്രിംഗളർ ജലസേചനമോ, പെർഫോ സ് പ്രേ ഉപയോഗിച്ചുള്ള ജലസേചനമോ ആണ് അഭികാമ്യം. ക്യഷിയിടം മുഴുവൻ നനഞ്ഞിരിക്കാൻ ഇതുപകരിക്കും. “ഓപ്പൺ പാൻ ഇവാപ്പറേഷന്റെ” 75% എങ്കിലും ജലം ലഭ്യമാവണം.
ഡ്രിപ്പ് ഇറിഗേഷൻ
ജലത്തിന്റെ ഉപയോഗം കാര്യക്ഷമായി ഉയർത്താനും ജലം, ഊർജ്ജം, കൂലിചെലവ്, എന്നിവ ലാഭിക്കാനും തെങ്ങുപോലുള്ള വിളക്ക് ഡ്രിപ്പ് ഇറിഗേഷൻ നല്ലതാണ്. തെങ്ങിന്റെ വിളവ് 30 ലിറ്റർ വെള്ളം തെങ്ങൊനിന്ന് ഒരു ദിവസം എന്നത് 600 ലിറ്റർ വെള്ളം തെങ്ങൊനിന്ന് 4 ദിവസത്തിലൊരിക്കൽ എന്നതും താരതമ്യം ചെയ്യാവുന്നതാണ് 67% ജലമാണ് ഡ്രിപ്പ് ഇറഗേഷൻ ലാഭം. സിപിസിആർ ഐയുടെ പഠനം ഡ്രിപ്പ് ഇറിഗേഷൻ ലാഭകരമെന്ന് കണ്ടെത്തിയിട്ടുണ്ട്.
വളപ്രയോഗം
തെങ്ങിന് ശുപാർശ ചെയ്യപ്പെട്ട വളപ്രയോഗം|
അളവ് കിഗ്രാം /തെങ്ങ് വർഷത്തിൽ |
||||
|
N |
P2O5 |
K2O |
||
| 1 |
പൊതു നിർദ്ദേശം |
0.34 0.50 |
0.17 0.32 |
0.68 1.20 |
| 2 |
ആരോഗ്യം വീണ്ടെടുക്കാൻ കളിമണ്ണ് (കുട്ടനാടു പോലെ) |
0.25 | 0.35 | 0.90 |
| 3 | ചെമ്മണ്ണ് (തെക്കൻ കേരളം) | 0.68 | 0.23 | 0.90 |
| 4 | സങ്കരയിനം ഉത്പാദനശേഷിക്കൂടിയതെങ്ങിന് ജലസേചനം ഉള്ളതോപ്പിൽ മഴയുള്ളപ്പോൾ |
1.00 0.50 |
0.50 0.32 |
2.00 1.20 |
മഴയുള്ളപ്പോൾ വളം രണ്ട് ഭാഗങ്ങളാക്കി മൂന്നിൽ ഒന്ന് തെക്കു പടിഞ്ഞാറൻ മഴ ലഭിക്കുമ്പോഴും (ഏപ്രിൽ- ജൂൺ) മൂന്നിൽ രണ്ട് സെപ്റ്റംബർ- ഒക് ടോബർ മാസത്തിലും ചേർക്കുക.
ജലസേചനമുള്ള സമയത്ത് വളം മൂന്നോ നാലോ തുല്യഭാഗങ്ങളാക്കി ഏപ്രിൽ-മെയ്, ആഗസ്റ്റ്-സെപ്റ്റംബർ, ഡിസംബർ,ഫെബ്രുവരി-മാർച്ച് എന്നിങ്ങനെ ലഭ്യമാക്കുക. മഗ്നീഷ്യം സൾഫേറ്റ് ആഗസ്റ്റ് സെപ്റ്റംബർ മാസത്തിലും ജൈവ വളം ജൂൺ ജൂലായ് മാസത്തിലും ചേർക്കുക. വളർച്ചയെത്തിയ തെങ്ങിന് 1കിലോഗ്രാം ഡോളോമേറ്റ് അല്ലെങ്കിൽ 1കിലോഗ്രം കുമ്മായം വർഷത്തിൽ ചേർത്തുകൊടുക്കണം. ഒപ്പം 500 ഗ്രാം മഗ്നീഷ്യം സൾഫേറ്റും ആവശ്യമുണ്ട്.
2 മീറ്റർ ആരത്തിലും,10 സെമി ആഴത്തിലും തെങ്ങിന്റെ കടക്കുചുറ്റും വട്ടത്തിൽ തടമെടുത്ത് ജൈവവളവും രാസവളവും ചേർക്കുക. തെക്കു പടിഞ്ഞാറൻ മൺസൂൺ ആരംഭത്തിനു ശേഷമാണ് തടം എടുക്കേണ്ടത്. വേനൽക്കാലത്ത് ജലസേചനത്തോടൊപ്പം ഘട്ടംഘട്ടമായി വളം ചേർക്കണം.
വളം ചേർക്കേണ്ട രീതി
- ജലസേചിത കൃഷി നടത്തുന്ന സ്ഥലങ്ങളിൽ വളങ്ങൾ മൂന്നോ, നാലോ തവണകളായി ചേർക്കാവുന്നതാണ്‌.
- താഴ്ന്ന പ്രദേശങ്ങളിൽ ജലനിരപ്പ്‌ താഴുമ്പോൾ ഒറ്റ തവണയായോ സാഹചര്യത്തിനനുസരിച്ച്‌ രണ്ടു തവണയായോ ചേർക്കുക.
- മണൽ പ്രദേശങ്ങളിലും, തീരപ്രദേശങ്ങളിലും തൈ നട്ട്‌ ആദ്യത്തെ 3 വർഷം തെങ്ങൊന്നിന്‌ 10 കി.ഗ്രാമും പിന്നീട്‌ 15-25 കി.ഗ്രാമും വീതം പച്ചിലവളം, കന്നുകാലിവളം, ചകിരിച്ചോറ്‌ ഇവയിലേതെങ്കിലും ഒന്ന് ചേർക്കുന്നത്‌ വളർച്ച മെച്ചപ്പെടുത്തുവാൻ സഹായിക്കും.
- മണ്ണിൽ ഭാവഹത്തിന്റെ അംശം 10 പി.പി.എം.ൽ കൂടുതലാണെങ്കിൽ ഭാവഹവളങ്ങൾ ഉപയോഗിക്കുന്നത്‌ കുറച്ച്‌ വർഷങ്ങളിലേയ്ക്ക്‌ ഒഴിവാക്കാം.
- ഓണാട്ടുകര പ്രദേശത്തും മണൽ കലർന്ന മണ്ണുള്ള പ്രദേശങ്ങളിലും കാറ്റുവീഴ്ച രോഗബാധയുള്ള പ്രദേശങ്ങളിൽ കൃഷി ചെയ്യുന്ന സങ്കര ഇനങ്ങൾക്കും ഒരു വർഷം തെങ്ങൊന്നിന്‌ 500 ഗ്രാം മെഗ്നീഷ്യം സൾഫേറ്റ്, 500 ഗ്രാം പാക്യജനകം, 300 ഗ്രാം ഭാവഹം, 1000 ഗ്രാം പൊട്ടാഷ്‌ എന്നിവയും ചേർത്തു കൊടുക്കണം.
- അത്യുൽപ്പാദനശേഷിയുള്ള ഇനങ്ങൾക്ക്‌ പൊതുവായി നിർദ്ദേശിച്ചിട്ടുള്ള എൻ.പി.കെ. അനുപാതം വർഷത്തിൽ 100തേങ്ങവരെ കിട്ടുന്ന തെങ്ങുകൾക്കാണ്‌. 100-ൽ കൂടുതൽ തേങ്ങ കിട്ടുന്ന തെങ്ങുകൾക്ക്‌ അധികം കിട്ടുന്ന ഓരോ തേങ്ങയ്ക്കും എൻ.പി.കെ. 10:5: 15 ഗ്രാം എന്ന തോതിൽ അധികം നൽകണം.
- വെട്ടുകൽ മണ്ണിൽ ശുപാർശ ചെയ്തിട്ടുള്ള പൊട്ടാഷിന്റെ 50% സോഡിയം ലവണമായി നൽകിയാലും മതി. ഇതിനായി കറിയുപ്പ്‌ ഉപയോഗിക്കാം.
ഇടവിളകൾ
ഇടവിളയും മിശ്രവിളയുംതെങ്ങുകളുടെ പ്രായം, നടീൽ അകലം, തെങ്ങിൻ തോപ്പിലെ തണലിന്റെ അളവ് എന്നിവ കണക്കിലെടുത്ത്‌ വേണം മിശ്രവിളകൃഷി ക്രമീകരിക്കാൻ. പൊതുവെ 8 മുതൽ 25 വർഷം വരെ പ്രായമുള്ള തെങ്ങിൻ തോപ്പിൽ ഇടവിളകൃഷി വിജയിക്കില്ല. എന്നാൽ നട്ട്‌ ആദ്യത്തെ മൂന്നുനാലു വർഷം ഇടവിളകൾ കൃഷിചെയുയാം. മരച്ചീനി , ഇഞ്ചി , മഞ്ഞൾ മുതലായവ തണലിൽ വളരുന്നവയും ആഴത്തിലുള്ള വേരുപടലമില്ലാത്തവയുമായതുകൊണ്ട്‌ 15-25 വർഷം പ്രായമുള്ള തെങ്ങിൻ തോപ്പുകളിലും ഇവ കൃഷി ചെയ്യാം. ഇത്‌ കാര്യക്ഷമമായ ഭൂവിനിയോഗത്തിനും, സൂര്യപ്രകാശവും, ജലവും, മണ്ണിലെ പോഷകാംശവും പരമാവധി ഉയോഗപ്പെടുത്തുന്നതിനും സഹായിക്കുന്നതോടൊപ്പം സാമ്പത്തിക ഭദ്രത ഉറപ്പാക്കുകയും ചെയ്യും. കൂടുതൽ നടീൽ അകലം ( അതായത്‌ 7.6 മീറ്ററിലും കൂടുതൽ) ഉള്ള തോട്ടങ്ങളിൽ ഏതു പ്രായത്തിലുള്ള തെങ്ങുകളായാലും ഇടവിളകൃഷി സാദ്ധ്യമാണ്‌. തെങ്ങിൻ തോപ്പിലേയ്ക്ക്‌ പറ്റിയ ഇടവിളകൾ ചുവടെ കൊടുത്തിരിക്കുന്നവയാണ്‌.
പറ്റിയ ഇടവിളകൾ
ധാന്യവർഗ്ഗങ്ങൾ നെല്ല്‌, ചോളം
പഴവർഗ്ഗങ്ങൾ നിലക്കടല, മുതിര, മാമ്പയർ
കിഴങ്ങുവർഗ്ഗങ്ങൾ മരച്ചീനി , മധുരക്കിഴങ്ങ്‌, ചേന, ചേമ്പ്‌
സുഗന്ധദ്രവ്യവിളകൾ ഇഞ്ചി, മഞ്ഞൾ, മുളക്‌, കുരുമുളക്‌, ജാതി, കറുവപട്ട, ഗ്രാമ്പു
ഫലവർഗ്ഗവിളകലൾ വാഴ, കൈതച്ചക്ക, പപ്പായ,(കുട്ടനാടൻ പ്രദേശങ്ങളിലേക്ക്‌ പാളയം കോടനാണ്‌ യോജിച്ച വാഴ ഇനം. ഒരു കടയിൽ മൂന്നു വാഴവരെ നിലനിർത്താം.
പാനീയ വിളകൾ കൊക്കോ
തീറ്റപ്പുല്ലിനങ്ങൾ സങ്കരയിനം നേപ്പിയർ, ഗിനിപ്പുല്ല്‌
തെങ്ങിനും ഇടവിളകൾക്കും പ്രത്യേകം പ്രത്യേകം വളം നൽകേണ്ടത്‌ അത്യാവശ്യമാണ്‌. നട്ട്‌ ഒരു വർഷം പ്രായമുള്ള തെങ്ങിൻ തൈകൾക്കിടയിൽ രണ്ടുമീറ്റർ അകലത്തിൽ 30 30 30 സെ.മീ അളവിൽ എടുത്തിട്ടുള്ള കുഴികളിൽ, ഇടവിളയായി ശീമക്കൊന്നയുടെ കമ്പുകൾ നടാം. നട്ട്‌ 5-6 വർഷത്തിനുള്ളിൽ പച്ചില വെട്ടാം.
പ്രധാന വിളകൾ
തെങ്ങിൻ തോപ്പിലേക്ക്‌ പറ്റിയ ചില പ്രധാന വിളകൾ
ദീർഘകാല വിളകൾ - കൊക്കോ, ജാതി, കുരുമുളക്‌, ഗ്രാമ്പു, ഇഞ്ചിപ്പുല്ല്‌, കറുവപ്പട്ട
ഹ്രസ്വകാലവിളകൾ ( വാർഷിക വിളകൾ)
എ) വിരിപ്പ്‌ ( ) ഒന്നാം വിള
നെല്ല്‌, ചോളം, നിലക്കടല, ഇഞ്ചി, മഞ്ഞൾ, മുളക്‌, ചേന, ചേമ്പ്‌, കടല, പച്ചക്കറി, മധുരക്കിഴങ്ങ്‌, കപ്പ, വാഴ, കൈതച്ചക്ക, പപ്പായ, തീറ്റപ്പുല്ലുകൾ
ബി) മുണ്ടകൻ ( ) (രണ്ടാം വിള)
എള്ള്‌, മുതിര, കടല, പച്ചക്കറി, മാമ്പയർ, മധുരക്കിഴങ്ങ്‌, വാഴ
വരൾച്ചാ മാനേജ്മെന്റ്
വരൾച്ചാ നിയന്ത്രണതെങ്ങിന്റെ വളർച്ചയ്ക്കും ഉൽപ്പാദനത്തിനും ആവശ്യം വേണ്ടതായ പോഷകമൂലകങ്ങൾ മണ്ണിൽ നിന്നും വേരുകൾക്ക്‌ വലിച്ചെടുക്കാൻ സാധിക്കണമെങ്കിൽ മണ്ണിൽ ഈർപ്പമുണ്ടായിരിക്കണം. ജലാംശത്തിന്റെ പോരായ്മ വരൾച്ച മുരടിക്കുന്നതിനും ഓലകൾ ഒടിഞ്ഞുതൂങ്ങുന്നതിനും, മച്ചിങ്ങ പൊഴിയുന്നതിനും സർവ്വോപരി വിളവ് കുറയുന്നതിനും കാരണമാകും. ഇതൊഴിവാക്കുന്നതിന്‌ താഴെ പറയുന്ന രീതികൾ അനുവർത്തിക്കാവുന്നതാണ്‌.
തൊണ്ട്‌ കുഴിച്ചിടുന്ന വിധം
ഈർപ്പം നിലനിർത്തുന്നതിനായി പച്ചയോ, ഉണങ്ങിയതോ ആയ ചകിരി തടങ്ങളിൽ ഇട്ട്‌ മൂടുന്നത്‌ നല്ലതാണ്. തെങ്ങിന്റെ ചുവട്ടിൽ നിന്ന് മൂന്ന്‌ മീറ്റർ അകലത്തിൽ വരികൾക്കിടയിൽ ചാലുകീറിയോ, ഓരോ തെങ്ങിന്റെ കടയ്ക്ക്‌ ചുറ്റും തടിയിൽ നിന്നും 2 മീറ്റർ അകലത്തിൽ വട്ടത്തിൽ ചാലുകളെടുത്തോ, അതിൽ ചകിരി നിരത്തിയ ശേഷം മണ്ണിട്ടു മൂടാം. ചകിരിയുടെ കുഴിഞ്ഞ ഉൾഭാഗം മുകളിലേയ്ക്ക്‌ വരത്തക്കവിധത്തിലാണ്‌ ചകിരി ചാലുകളിൽ അടുക്കേണ്ടത്‌. ഇതിനു മുകളിൽ മണ്ണിട്ടു മൂടണം. ചകിരി അടുക്കുന്നതുകൊണ്ടുള്ള ഗുണം 5-7 വർഷക്കാലം നിലനിൽക്കും. ചകിരിക്കുപകരം ചകിരിച്ചോറ്‌ തെങ്ങൊന്നിന്‌ 25 കി.ഗ്രാം എന്ന തോതിൽ ഓരോ വർഷവും തടത്തിൽ ഇട്ടു മൂടുന്നതും ഈർപ്പം സംരക്ഷിക്കാൻ ഉതകും.
പുതയിടൽ
മണ്ണിലെ നനവ്‌ നിലനിർത്തുന്നതിന്‌ ഫലപ്രദമായ മറ്റൊരുപാധിയാണ്‌ പുതയിടീൽ. തുലാവർഷം അവസാനിക്കുന്ന സമയത്ത് (ഒക്ടോബർ - നവംബർ) തെങ്ങിൻ തടങ്ങളിൽ പച്ചയോ ഉണങ്ങിയതോ ആയ ഇലകൾ കൊണ്ടോ, തെങ്ങോലകൾ കൊണ്ടോ പുതയിടണം. ഈർപ്പ സംരക്ഷണത്തോടൊപ്പം മണ്ണിലെ ജൈവാംശം കൂട്ടുന്നതിനും പുതയിടീൽ സഹായിക്കും. വേനൽക്കാലത്ത് തെങ്ങിൻ തോപ്പിലെ മണ്ണിളക്കരുത്‌.
പച്ചിലവളച്ചെടികളും ആവരണ വിളകളും
തെങ്ങിൻ തോപ്പിലേയ്ക്ക്‌ പറ്റിയ പച്ചിലവളച്ചെടികളും ആവരണവിളകളും ചുവടെ ചേർത്തിരിക്കുന്നു.
എ) പച്ചിലവളച്ചെടികൾ ചണമ്പ്‌, കൊഴിഞ്ഞിൽ, പ്യൂറേറിയ
ബി) ആവരണവിളകൾ കലപ്പഗോണിയം, മൈമോസ, സ്റ്റൈലോസാന്തസ്‌
സി) തണലിനും പച്ചിലവളത്തിനും ഉപയോഗിക്കുന്ന കുറ്റിച്ചെടി വെള്ളക്കൊഴിഞ്ഞിൽ
ആദ്യമഴയോടെ, ഏപ്രിൽ-മേയ്‌ മാസത്തിൽ പച്ചിലവളച്ചെടികളുടെ വിത്ത്‌ വിതയ്ക്കണം. ആഗസ്റ്റ് -സെപ്റ്റംബറിൽ ഇവ മണ്ണിൽ ഉഴുതുചേർക്കുകയും ചെയ്യാം. ഇത്‌ മണ്ണിന്റെ ജലസംഭരണശേഷികൂട്ടും. കലപ്പഗോണിയം (നിലപ്പയർ) പച്ചിലവളമായോ ആവരണവിളയായോ കൃഷി ചെയ്യാം. തൈ നട്ടതിനുശേഷം വരമ്പത്ത്‌ കൊഴിഞ്ഞിൽ വിതച്ചാൽ വേനൽക്കാലത്ത് തൈകൾക്ക്‌ തണൽ ലഭ്യമാകുമെന്നതിനു പുറമേ വർഷക്കാലത്ത്‌ പച്ചിലവളമായി മണ്ണിൽ ഉഴുതു ചേർക്കുകയും ചെയ്യാം.
നാളികേരത്തിന്റെ വിളവെടുപ്പും സംഭരണവും
നാളികേരത്തിന്റെ വിളവെടുപ്പ്‌
വിളവെടുപ്പ്‌ സമയം നിർണ്ണയിക്കൽ
12 മാസത്തെ വളർച്ചയുള്ള നാളികേരങ്ങൾ വിത്തിനും കൊപ്രക്കും വേണ്ടി വിളവെടുക്കാം എന്നിരുന്നാലും 7-8 മാസം പ്രായമായവ വിളവെടുത്ത്‌ കരിക്ക്‌ ആയി ഉപയോഗിക്കാം. ഉയരം കൂടിയ ഇനങ്ങളിൽ വിളവെടുത്ത തേങ്ങകൾ രണ്ട് മുതൽ മൂന്നു മാസം വരെ സൂക്ഷിച്ചതിനു ശേഷം വേണം മുളപ്പിക്കാൻ. എന്നാൽ കുറിയ ഇനങ്ങളുടെ വിത്തുകൾ വിളവെടുത്ത്‌ 10മുതൽ 15 ദിവസങ്ങൾക്കുള്ളിൽ തന്നെ നടേണ്ടതാണ്‌.
വിളവെടുപ്പ്‌ ചക്രം
45 മുതൽ 60 ദിവസം വരെ ഇടവിട്ട്‌ നാളികേരം വിളവെടുക്കാം. ഇത്‌ ചിലപ്പോൾ 90 ദിവസം വരെ ആകാവുന്നതാണ്‌. പ്രായോഗികവും സാമ്പത്തികവും ആയ കാരണങ്ങളാൽ അത്‌ 45 ദിവസം ആകുന്നതാണ്‌ നല്ലത്‌. ഈ കാലയളവ്‌ പിൻതുടർന്നാൽ രണ്ടോ മൂന്നോ കുലകൾ ഒരു തെങ്ങിൽ നിന്നും ഓരോ തവണയും വിളവെടുക്കാനാകും നല്ല കൊപ്രയും പരമാവധി എണ്ണയും തരാവുന്ന നല്ല മൂത്ത നാളികേരം ലഭ്യമാക്കാൻ വിളവെടുപ്പിന്‌ ഈ കാലയളവ്‌ പിൻതുടർന്നാൽ മതി.
വിളവെടുപ്പ്‌ രീതി
ഓരോ രാജ്യത്തും ഓരോ രീതിയിലാണ്‌ നാളികേരത്തിന്റെ വിളവെടുപ്പ്‌ .ചിലപ്പോൾ ഓരോ പ്രദേശത്തിനും ഓരോ പ്രത്യേക രീതി നിലവിലുള്ളതായി കാണാം. പസഫിക്‌ രാജ്യങ്ങളിൽ നാളികേരത്തിന്‌ പ്രത്യേകം വിളവെടുപ്പ്‌ രീതിയൊന്നുമില്ല. പഴുത്ത്‌ ഉണങ്ങി വീഴാൻ അനുവദിക്കുകയും പ്രത്യേക ഇടവേളകളിൽ കർഷകർ പെറുക്കിയെടുക്കുകയുമാണ്‌ ചെയ്യുന്നത്‌.
സാധാരണ രണ്ടു രീതിയാണ് നാളികേരത്തിന്റെ വിളവെടുപ്പിന്‌ തുടർന്നു പോരുന്നത്‌. കോണിവച്ച്‌ കയറിയും മരത്തിൽ കയറിയും മൂന്നാമതൊരു രീതി തായ്‌ലണ്ട്‌, മലേഷ്യ, ഇന്തോന്യേഷ്യ എന്നിവടങ്ങളിൽ നിലനിൽക്കുന്നുണ്ട്‌. പരിശീലനം കിട്ടിയ കുരങ്ങുകൾ മരത്തിൽ കയറി മൂത്ത നാളികേരം പറിക്കുന്ന രീതിയാണിത്‌.
സാമ്പ്രാദായിക തെങ്ങുകയറ്റക്കാർ ലഭ്യമല്ലാത്ത ഇടങ്ങളിൽ തെങ്ങുകയറുന്നതിനുള്ള ഉപകരണം. ഉപയോഗിക്കാം. ഇത്‌ കുറച്ചു കൂടി കാര്യക്ഷമമാണ്‌. ഈ ഉപകരണം ഉപയോഗിച്ച് 80 തെങ്ങുകൾ ഒരു ദിവസം കയറാവുന്നതാണ്‌. ഇത്‌ ഉപയോഗിക്കുന്നത്‌ കൊണ്ട്‌ മരത്തിൽ നിന്നും വീഴുമെന്ന ഭീതി ഒഴിവാക്കാം. ഗവേഷണ കേന്ദ്രങ്ങളിലും വിത്തുൽപാദനമേഖലയിലും ഈ ഉപകരണം സങ്കരണം നടത്താനും ഉപയോഗ പ്രദമാണ്‌. മുളം കമ്പ്‌ ഉപയോഗിച്ചും അല്ലാതെയും കാര്യക്ഷമമായും സുരക്ഷിതമായും തെങ്ങുകയറുന്നതിന്‌ നല്ല പരിചയവും പ്രാവണ്യവും ആവശ്യമാണ്‌. രണ്ടിനും ഗുണങ്ങളും ദോഷങ്ങളും ഉണ്ട്‌. മുളംകമ്പ്‌ ഉപയോഗിക്കുമ്പോൾ ജോലി വേഗത്തിൽ തീർക്കാം എന്നു മാത്രമല്ല അധ്വാനഭാരവും കുറയുന്നു. താരതമ്യേന അപകട സാധ്യതയും കുറവാണ്‌.
നേരിട്ട്‌ തെങ്ങുകയറുമ്പോൾ തെങ്ങിന്റെ മണ്ട നിരീക്ഷിക്കുകയും ആവശ്യമുള്ളപ്പോൾ വൃത്തിയാക്കുകയും ചെയ്യാം. കീട രോഗ ആക്രമണങ്ങൾ എളുപ്പത്തിൽ കണ്ടെത്താനും കഴിയും. ചില സ്ഥലങ്ങളിൽ തെങ്ങിൻ തടിയിൽ വെട്ടി പടികൾ ഉണ്ടാക്കുന്നത്‌ കണ്ടു വരുന്നു. ഇത്‌ തടി മരപ്പണിക്ക്‌ പറ്റാത്തതാക്കുയും മുറിപ്പാടിലൂടെ കീടരോഗങ്ങൾ പ്രവേശിക്കാൻ ഇടയാക്കുകയും ചെയ്യും.
പൊതിക്കലും പൊളിക്കലും
തേങ്ങയുടെ സംഭരണം
വിളവെടുപ്പിനെ തുടർന്ന്‌ നാളികേരം ശേഖരിച്ച്‌ ഉണക്കി പൊതിക്കുക (പൊളിക്കുക) എന്ന ജോലിയാണ്‌ ആദ്യം. മണ്ണിൽ ഈർപ്പം ഉണ്ടെങ്കിൽ തേങ്ങകൾ മുളക്കാനിടയുണ്ട്‌. അതുകൊണ്ട്‌ അധികസമയം ഇങ്ങിനെ കിടക്കാൻ അനുവദിക്കാതെ ഉണങ്ങിയ സ്ഥലത്തേക്ക്‌ മാറ്റണം. ഒരു മാസത്തേക്ക്‌ പഴുക്കാനായി മണ്ണിൽ തന്നെ സൂക്ഷിക്കണം. നല്ലവണ്ണം വിളഞ്ഞ നാളികേരത്തിൽ നിന്നുമാത്രമേ നല്ല ഗുണനിലവാരമുള്ള കൊപ്ര ലഭിക്കൂ. വിളയാത്ത നാളികേരത്തിൽ നിന്നു ലഭിക്കുന്ന കൊപ്ര , റബ്ബർ പോലെയിരിക്കും. 10-11 മാസം വളർച്ചയെത്തിയ നാളികേരം വിളവെടുത്ത്‌ ഒരു മാസം കഴിഞ്ഞ്‌ പൊളിച്ചെടുക്കുന്നത്‌ കൊപ്രയുടെ ഗുണം കൂട്ടും. പൊളിക്കുന്നത്‌ എളുപ്പവുമാകും.
പൊതിക്കൽ
നാളികേരം ഒരിടത്തു നിന്നും മറ്റൊരിടത്തേക്ക്‌ കൊണ്ടുപോകുന്നതിന്‌ മുൻപ്‌ പൊളിച്ചെടുക്കണം. ഇത്‌ മനുഷ്യസ്വാനം ആവശ്യമുള്ള ജോലിയാണ്‌. അറ്റം പരന്നു കൂർത്ത ഒരു പാര) ഉപകരണം ലംബമായി നിർത്തി (അടിഭാഗം മണ്ണിൽ ഉറപ്പിച്ച്‌) അതിൽ നാളികേരം കുത്തി തോൽ അടർത്തി മാറ്റുന്ന ഒരു പ്രക്രിയയാണിത്‌ തേങ്ങാതൊണ്ട്‌ കയർ വ്യവസായം ഉള്ളിടത്ത് ചകിരി നാരെടുക്കാൻ വിൽക്കാവുന്നതാണ്‌. അല്ലങ്കിൽ കൊപ്ര ഉണക്കാനോ മറ്റാവശ്യത്തിന്‌ ഇന്ധനമായി ഉപയോഗിക്കാം. തെങ്ങിൻ തടത്തിൽ പുതയിടാനും ഇത്‌ ഉപയോഗിക്കാം.
പൊട്ടിക്കൽ
പൊതിച്ചെടുത്ത തേങ്ങ കട്ടിയുള്ള അകം പാളി (ചിരട്ട) പൊട്ടിച്ച്‌ എടുക്കുകയാണിവിടെ ചെയ്യുന്നത്‌. ചിരട്ട കട്ടിയുള്ളതും എന്നാൽ പൊട്ടുന്നതുമാണ്‌ മൂർച്ചയുള്ള കത്തി ഉപയോഗിച്ച് രണ്ടായി പൊട്ടിച്ചാൽ കാമ്പ്‌ ചിരട്ടയിൽ ഒട്ടിപ്പിടിച്ചിരിക്കും. വെട്ടിയ തേങ്ങ വെയിലത്തുണക്കുമ്പോൾ കാമ്പ്‌ ചിരട്ടയിൽ നിന്നു വിട്ടു പോരുന്നു. ഇങ്ങിനെ വിടർത്തിയെടുക്കുന്ന കാമ്പുണക്കിയാണ്‌ കൊപ്രയാക്കുന്നത്‌.
സംഭരണം
രണ്ടാഴ്ചത്തേക്ക്‌ സാധാരണ അന്തരീക്ഷ ഊഷ്മാവിൽ കൊപ്ര കേടു കൂടാതെയിരിക്കും. വാണിജ്യാവശ്യത്തിന്‌ 12ഡിഗ്രിസെൽഷ്യസിൽ സൂക്ഷിച്ചാൽ മതിയാകും പൊട്ടിപോകാതെയിരിക്കാൻ ആവശ്യമായ മുൻ കരുതലുകൾ എടുക്കണം
കൊപ്ര സംസ്കരണം
നാളികേരം ഉണക്കൽ
നാളികേരത്തിന്റെ കാമ്പുണക്കിയാണ്‌ കൊപ്ര ഉണ്ടാക്കുന്നത്‌. കൊപ്ര വെളിച്ചെണ്ണ , തേങ്ങപിണ്ണാക്ക്‌ എന്നിവ നാളികേരം ഉത്പാദിപ്പിക്കുന്ന രാജ്യങ്ങളിലെ വിദേശനാണ്യം നേടിത്തരുന്ന ഉത്പന്നങ്ങളാണ്‌.
കൊപ്രയുടേയും പിണ്ണാക്കിന്റേയും ഗുണനിലവാരം കാമ്പുണക്കുന്നരീതിയെ ആശ്രയിച്ചാണിരിക്കുന്നത്‌. ശരിയായി ഉണങ്ങാത്ത കൊപ്രയിൽ ചിലതരം പൂപ്പൽ വളരാനിടയുണ്ട്‌. മഞ്ഞ കലർന്ന പച്ചനിറത്തോട‍െയുള്ള അസ്പെർഗില്ലസ്‌ ഫ്ളേവസ്‌ എന്ന പൂപ്പലും മറ്റു അഫ്ളോടോക്സിൻ പൂപ്പലുകളും മനുഷ്യർക്കും മൃഗങ്ങൾക്കും ഒരുപോലെ അപകടകാരികളാണ്‌. അതുകൊണ്ടുതന്നെ എഫ്ളോടോക്സിൻ പൂപ്പലുകളുടെ ബാധയേൽക്കാത്തവിധം നാളികേര കാമ്പുണക്കേണ്ടത്‌ വളരെ അത്യാവശ്യമാണ്‌. നാളികേരം കൊപ്രയാക്കുന്ന പ്രക്രിയയിൽ അനേകം പ്രശ്നങ്ങൾ ഉണ്ട്‌. സംസ്കരണ പ്രക്രിയ ശരിയായില്ലങ്കിൽ വെളിച്ചണ്ണയുടെ ലഭ്യതകുറയുകയും എഫ്ലോടോക്സിൻ ബാധയും ഉണ്ടാവാം.
കൂടുതൽ കൊപ്രയുത്പാദനവും ചെറുകിട ഉത്പാദകരാണ്‌ നടത്തുന്നത്‌. വെയിലത്തുണക്കലും പുകകൊള്ളിക്കലുമാണ്‌ പ്രധാനമായും പിൻ തുടരുന്നത്‌ അപൂർവ്വമായി ചൂടുവായു ഉപ (വീമേശൃറൃ‍്യലൃ) യോഗിച്ചും ഉണക്കി പോരുന്നു.
വിളവെടുപ്പിനും കൊപ്ര വിപണനത്തിനും ഇടയിൽ സംസ്കരണത്തിൽ അനേകം ഘട്ടങ്ങൾ ഉണ്ട്‌. ഇതിൽ ഈർപ്പത്തിന്റെ അളവ് 50% നിന്നും 6% ആയി കുറക്കുന്ന പ്രക്രിയയാണ്‌ ഉത്പാദനത്തിന്റെ മികവിനെ സാരമായി ബാധിക്കുന്നത്‌.
എഫ്ളോടോക്സിൻ ഇല്ലാത്ത കൊപ്ര ഉത്പാദിപ്പിക്കുന്നതിന്‌ താഴെ പറയുന്ന കാര്യങ്ങൾ ശ്രദ്ധിക്കണം.
1. പൂർണ്ണമായും വിളഞ്ഞ തേങ്ങകൾ മാത്രം (12മാസം) വിളവെടുക്കുക
2. പച്ചതേങ്ങ പൂർണ്ണമായി ഒഴിവാക്കണം
3. പൊതിക്കാത്ത തേങ്ങ സംസ്കരിക്കുന്ന വ്യവസായശാലയിൽ നല്ല കൊപ്രക്കുള്ള മൂത്ത തേങ്ങകൾ വേർത്തിരിക്കും മൂക്കാത്ത തേങ്ങയിൽ നിന്നുള്ള ളീ‍ൗഹ കൊപ്ര ഒരിക്കലും നല്ല കൊപ്രയുമായി കലർത്തരുത്‌.
4. കൊപ്രക്കായി തേങ്ങ പൊട്ടിക്കുമ്പോൾ ഉടനെ ഉണങ്ങിതുടങ്ങാൻ അല്ലങ്കിൽ 4 മണിക്കൂറിനുള്ളിൽ ഉണങ്ങിതുടങ്ങാനുള്ള സാഹചര്യം ഉറപ്പു വരുത്തണം. ഇല്ലങ്കിൽ പൂപ്പൽ വളരാനിടയാകും.
5. പെട്ടെന്ന്‌ കാലാവസ്ഥ മാറുകയും വെയിലത്തുണങ്ങാനുള്ള സാഹചര്യം തുടരാൻ ഇടയുണ്ടെങ്കിൽ പൂപ്പൽ ബാധ തടയുന്ന വസ്തുക്കൾ നിർദ്ദേശിക്കപ്പെടുന്നു.
6. വെയിലത്തുണക്കുമ്പോൾ ആവശ്യത്തിന്‌ വൃത്തി ഉറപ്പുവരുത്തണം. കാമ്പിൽ മണ്ണോ മറ്റു മാലിന്യങ്ങളോ കലാരാതിരിക്കാൻ നേരിട്ട്‌ മണ്ണിലിടുന്നതിനുപകരം പ്ളാസ്റ്റിക്‌ ഷീറ്റുകൾ വിരിച്ച്‌ തേങ്ങ ഉണക്കണം
7. എളുപ്പം കൈകാര്യം ചെയ്യാവുന്നതു എടുത്തു മാറ്റാവുന്നതും ആയ പ്ളാസ്റ്റിക്‌ ഷീറ്റ്‌ മഴയും മഞ്ഞു കൊള്ളാതിരിക്കാൻ ഉപയോഗിക്കാം ഇങ്ങിനെ ചെയ്യുമ്പോൾ വായു സഞ്ചാരവും ചൂടു ഏൽക്കാത്തവിധം ആകാൻ ശ്രദ്ധിക്കുക.
8. നാലോ അഞ്ചോ ദിവസത്തെ നല്ല വെയിലുകൊണ്ടാൽ ഈർപ്പത്തിന്റെ അളവ് 6% ആയിത്തീരും.
9. പുക, മറ്റു ഉണക്ക്‌ ഉപകരണങ്ങൾ എന്നിവ ഉപയോഗിക്കുമ്പോൾ ആദ്യ 16 മണിക്കൂറുകളിൽ ഊഷ്മാവ്‌ 35 ഡിഗ്രിസെൽഷ്യസ്‌ -50 ഡിഗ്രിസെൽഷ്യസ്‌ വരെ ക്രമീകരിക്കണം. തുടർന്ന്‌ ഈർപ്പത്തിന്റെ അളവ് 6% ആകുന്നതുവരെ 50ഡിഗ്രിസെൽഷ്യസ്‌ ആയി നിലനിർത്തണം. നാളികേരം പൊട്ടിച്ച 4 മണിക്കൂറിനുള്ളിൽ തന്നെ ഉണക്കൽ പ്രക്രിയ ആരംഭിക്കണം എന്നതാണ്‌ സുപ്രധാനകാര്യം ഇല്ലങ്കിൽ പൂപ്പൽ ബാധിക്കാൻ ഇടയാവും.
10. കൊപ്രയെടുന്നത്‌ ചൂണ്ടു വിരലിനും തള്ള വിരലിനും ഇടയിൽ വച്ചമർത്തി നോക്കുമ്പോൾ കാമ്പിന്റെ വെളുത്ത ഭാഗം തള്ളവിരലിൽ ഒട്ടുന്നില്ലങ്കിൽ 6% ഈർപ്പമായി എന്ന്‌ കമക്കാക്കാം
ഉപകാര പ്രദമായ ലിങ്കുകൾ
വളപ്രയോഗം: ഒരു ഡയറ്റീഷ്യൻ എന്നതുപോലെ വളപ്രയോഗത്തിന്‌ ആവശ്യമായ നിർദ്ദേശങ്ങൾ നൽകുന്നു. വളം എപ്പോൾ, ഏതളവിൽ എങ്ങിനെ നൽകണം എന്ന്‌ പറയുന്നു.
മാനേജ്മെന്റ് സഹായി: നാളികേര കൃഷിയുടെ പരിചരണത്തില്‍ നേരിടുന്ന ചില പൊതു പ്രശ്നങ്ങളും അവയുടെ രൂക്ഷതയും മാസം തിരിച്ച്‌ ലഭ്യമാക്കുന്നു.
ജലസേചന സഹായി: ജല പ്രയോഗരീതി, സമയക്രമം, അളവ് എന്നിവ സംബന്ധിച്ച്‌ വിവരങ്ങൾ ഇവിടെ ലഭ്യമാകും. സേവനതിന്‌ താഴെയുള്ള കോളങ്ങൾ പൂരിപ്പി്‌ക്കുക.
പെസ്റ്റ്‌ ഡോക്ടര്‍: ചെടിയില്‍ പ്രകടമായ ലക്ഷണങ്ങള്‍ ഉപയോഗിച്ച് കൃഷിയിടത്തിലെ രൊഗകീട ബാദകള്‍ തിരിച്ചറിയാന്‍ സഹായിക്കുന്നു.
കടപ്പാട് : ഫാം എക്സ്റ്റെൻഷൻ മനെജേർ
അവസാനം പരിഷ്കരിച്ചത് : 5/26/2020
തെങ്ങ് കൃഷിയെയും സമ്മിശ്ര കൃഷിരീതിയെയും കുറിച്ചുമു...
കൂടുതല്‍ വിവരങ്ങള്‍
തെങ്ങ് പനവര്‍ഗത്തില്‍പ്പെട്ട വൃക്ഷമാണ്
