<div id="MiddleColumn_internal"> <h3><span><strong>ഔഷധ സസ്യം ;കച്ചോലം</strong></span></h3> <div id="_mcePaste" style="text-align: justify; "></div> <div id="_mcePaste" style="text-align: justify; "></div> <div id="_mcePaste" style="text-align: justify; "><span>നിലത്ത് പറ്റി വളരുന്നതും ഇഞ്ചി വർഗ്ഗത്തിൽപെടുന്നതുമായ ഒരു ഔഷധസസ്യമാണ് കച്ചൂരി അഥവാ കച്ചോലം. (ശാസ്ത്രീയനാമം: Kaempferia galanga). ഇരുണ്ട പച്ചനിറമുള്ള ഇലകളും വെളുത്തപൂക്കളുമാണ് ഇതിനുള്ളത്. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>വാസനയുള്ള തൈലം അടങ്ങിയതും, ക്ഷാരഗുണമുള്ളതും, ഔഷധ നിർമ്മാണത്തിന് ഉപയോഗിക്കുന്നതുമായ ഒരു സസ്യമാണിത്. ഇതിന്റെ മണമുള്ള ഇഞ്ചി, മണൽ ഇഞ്ചി എന്നു പറയാറുണ്ട്.</span></div> <h3 style="text-align: justify; "><span>കാണപ്പെടുന്നത്</span></h3> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ഇത് പ്രധാനമായും കാണപ്പെടുന്നത് ചൈന, തായ്വാൻ, കമ്പോഡിയ, ഇന്ത്യ എന്നിവടങ്ങളിലാണ്. *കൂടാതെ ഇത് വ്യവസായിക അടിസ്ഥാനത്തിൽ തെക്ക് കിഴക്ക് ഏഷ്യയിൽ കൃഷിചെയ്യപ്പെടുന്നു. ഇത് ഭക്ഷണത്തിൽ ഒരു ആയുർവേദ മരുന്നായി ഇന്തോനേഷ്യയിൽ, പ്രത്യേകിച്ചും ബാലിയിൽ ഉപയോഗിക്കുന്നു.* ഇതിനെ ഇന്തോനേഷ്യയിൽ *കെങ്കുർ* എന്ന് അറിയപ്പെടുന്നു. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ചൈനയിൽ ഇത് മരുന്നിനായി ഉപയോഗിക്കുന്നു. ഷാ ജിയാങ്ങ് എന്ന പേരിൽ ഇത് ചൈനയിലെ കടകളിൽ ലഭ്യമാണ്. ഇതിനെ ചൈനയിൽ പറയുന്ന പേര് ഷാൻ നായി എന്നാണ്. (Chinese: 山柰; pinyin: shannai).</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>നല്ല വളക്കൂറും നനവും ഉള്ള മണ്ണിൽ ഇന്ത്യയിൽ എല്ലായിടത്തും ഏതു കാലാവസ്തയിലും വളരും.വേനൽ കൂടുമ്പോൽ ഇല കൊഴിയും.ഇതിന് ചെറുതായി കർപ്പൂരത്തിന്റെ രുചിയാണ്.</span></div> <h3 style="text-align: justify; "><span>ഉപയോഗങ്ങൾ</span></h3> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ഇതിന്റെ വേരിൽ നിന്ന് ഉണ്ടാക്കുന്ന എണ്ണ കൊണ്ട് ചൈനീസ് മരുന്നുകൾ ഉണ്ടാക്കുന്നു. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ഇവയിൽ നിന്നുണ്ടാക്കുന്ന തൈലം ദഹനമില്ലായ്മ, പനി, വയറു വേദന എന്നിവക്ക് പ്രതിവിധിയായി ഉപയോഗിക്കുന്നു.ച്യവനപ്രാശം, മഹാരാസ്നാദി കഷായം, രാസ്നരൻഡാദി കഷായം, അഗസ്ത്യ രസായനം എന്നിവയിലെ ഒരു ചേരുവയാണ്.</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>കച്ചോലകിഴങ്ങ് ഉണക്കിപ്പൊടിച്ചത് തേനിൽ ചേർത്ത് കഴിക്കുന്നത് ചുമ മാറാൻ നല്ലതാണു്. ഛർദ്ദിക്കു് നല്ലതാണ്. കച്ചോലം ഉത്തേജകവും വേദനസംഹാരിയും മൂത്രവർദ്ധകവും കഫനിവാരണിയും ആണ്.</span></div> <h3 style="text-align: justify; "><span>കൃഷിരീതി</span></h3> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ഏപ്രിൽ, മെയ് മാസങ്ങളിൽ കാലവർഷം കനക്കുന്നതിനു മുമ്പേ കച്ചോലത്തിന്റെ കൃഷി ആരംഭിക്കും. ഒരു മീറ്റർ വീതിയും 25സെ.മീറ്റർ ഉയരവുമുള്ള തവാരാണകളിലാണ് കച്ചോലക്കിഴങ്ങുകൾ നടുന്നത്. ഹെക്റ്ററിന് 100കി.ഗ്രാം എല്ലുപൊടിയും ജൈവാംശം കുറഞ്ഞ മണ്ണാണെങ്കിൽ 100കി.ഗ്രാം ചാണകവും നടുന്നതിനു മുമ്പ് ചേർത്തുകൊടുക്കണം. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>നട്ട ശേഷം നന്നായി പുതയിട്ടു കൊടുക്കണം. മഴക്കാലം കഴിഞ്ഞ ശേഷം കളകൾ നീക്കം ചെയ്യണം. ഇടക്ക് പച്ചച്ചാണകം വെള്ളത്തിൽ കലക്കി ചെടികൾക്കിടയിൽ ഒഴിച്ചു കൊടുക്കുന്ന നല്ലതാണ്.</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>[[ഇലവണ്ട്|ഇലവണ്ടുകൾ], [കറുത്തരോമപ്പുഴു], [പട്ടാളപ്പുഴു] എന്നിവയാണ് കച്ചോലത്തിന്റെ പ്രധാന ശത്രുക്കൾ. കളകൾ നീക്കി കൃഷിയിടം വൃത്തിയായി സൂക്ഷിക്കലാണ് പ്രധാന പ്രതിവിധി. ചെടിയിൽ കാണുന്ന മുട്ടകളും മറ്റും നശിപ്പിക്കണം. കീടബാധയേറ്റ ചെടികൾ പിഴുതെടുത്ത് നശിപ്പിക്കണം. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ഇലവണ്ടുകൾ, കറുത്ത രോമപ്പുഴു എന്നിവക്കെത്തിരെ പുകയിലക്കഷായം ഉപയോഗിക്കാം. പട്ടാളപ്പുഴുവിന് വേപ്പിൻകുരു സത്ത് ലായനി തളിച്ചു കൊടുക്കാവുന്നതാണ്.</span></div> <div style="text-align: justify; "><span><br /></span></div> <div id="_mcePaste" style="text-align: justify; ">- കെ. ജാഷിദ് -</div> </div>