<div id="MiddleColumn_internal"> <h3><strong>ഔഷധ നെല്ല് <br /></strong></h3> <div id="_mcePaste" style="text-align: justify; "><span> </span></div> <div id="_mcePaste" style="text-align: justify; "><span>ആദ്യ കാലങ്ങളിലും ഇപ്പോഴും ഒരേരീതിയില് മറ്റു രാസവളം ഉപയോഗിക്കാതെ കൃഷി ചെയ്യുന്ന ആദ്യ കാല നെല്ലിനങ്ങളില് പെടുന്നു നവരനെല്ല്.ഭക്ഷണാവശ്യത്തിന് പുറമെ ഈ നെല്ല് കൊണ്ട് പല രോഗങ്ങളും മാറ്റാന് സാധിക്കും. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>വാതത്തിന് നവരനെല്ലാണ് അവസാന മാര്ഗ്ഗം. നവര കിഴിയാക്കി ഉപയോഗിക്കുന്നു. അതായത് നവര അരി വെന്തതിനു ശേഷം കിഴിയിലാക്കി വാതമുള്ള ഭാഗത്ത് ഉഴിയുന്നത് മൂലം ആശ്വാസം പകരുന്നു. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>പ്രസവ രക്ഷ മുതല് എല്ലാ ലേഹ്യങ്ങളിലും ധാന്യങ്ങളില് നവര ഗോതമ്പ്, തെന, ചോളാണ്ടി എന്നിവയ്ക്കും ചേര്ത്തിരിക്കുന്നു.</span></div> <div id="_mcePaste" style="text-align: justify; "><span>കര്ക്കിടക മാസത്തിലെ പ്രധാന ആകര്ഷണമാണ് ഞവര</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>യൌവ്വനം നിലനിര്ത്തുന്നതിനായി യവനമുനി ഉപദേശിച്ച അപൂര്വ ധാന്യമാണ് ഞവര എന്നു കരുതപ്പെടുന്നു. നാട്ടുവൈദ്യത്തിലും ആയുര്വേദത്തിലും ഒരുപോലെ ഉപയോഗിച്ചുവരുന്ന ഈയിനം നവിര, ഞവിര, നമര, നകര, നകരപുഞ്ച എന്നീ പേരുകളിലും അറിയപ്പെടുന്നു. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>കേരളത്തില് കുഞ്ഞിനെല്ല്, എരുമക്കരി, നെടുവാലി, വേല്വാലി, ചെമ്പാവ്, കവുങ്ങിന് പൂതാല, കളമപ്പാരി, നരിക്കാരി, വരകന്, പൂവാളി, തനവല, കരിങ്കുറുവ, പെരുനെല്ല്, ഉളിങ്കത്തി, വലനെല്ല്, ചിറ്റേനി, ആനൂരി, ചെന്നെല്ല് തുടങ്ങിയ നെല്വിത്തിനങ്ങള്ക്കും ഔഷധഗുണങ്ങളുണ്ടെങ്കിലും ഞവരയുടെ ശ്രേഷ്ഠത ഒന്നുവേറെത്തന്നെയാണ്.</span></div> <div style="text-align: justify; "><br /> <h3 style="text-align: justify; "><span>ഔഷധ ഗുണങ്ങൾ</span></h3> <span> </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>നാട്ടുവൈദ്യത്തില് പ്രായഭേദ്യമന്യേ ഞവരക്കഞ്ഞി ഉത്തമാഹാരമാണ്. ക്ഷീണം, ബലക്ഷയം, ഉദരരോഗം, പനി എന്നിവയ്ക്ക് പ്രതിവിധിയുമാണ്. സന്ധിബന്ധങ്ങള്ക്ക് ഉറപ്പും പ്രസരിപ്പും പ്രദാനം ചെയ്യും. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ആറുമാസം പ്രായമായ കുട്ടികള്ക്ക് ഞവരയുടെ ഉമി പൊടിച്ചുവറുത്തതും ഏലക്കാപ്പൊടിയും (കുന്നന്വാഴയുടെ) ചേര്ത്തുണ്ടാക്കുന്ന കുറുക്ക് വിശിഷ്ടമാണ്.</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span> ഞവരയുടെ കഞ്ഞിവെള്ളം ധാരകോരുന്നത് മുടികൊഴിച്ചാല് ശമിപ്പിക്കും.ഞവര ചക്കരയും നെയ്യും ചേര്ത്ത് പായസമാക്കി കഴിച്ചാല് മുലപ്പാല് വര്ധിക്കും.ഞവര അരിയുടെ മലര്, വെള്ളത്തിലോ മോരിലോ ചേര്ത്ത് കഴിക്കുന്നത് വയറിളക്കത്തിന് ഫലപ്രദമാണ്. ഞവരച്ചോറും കറിവേപ്പിലയും പുളിച്ചമോരും ചേര്ത്ത് കഴിക്കുന്നത് മൂലക്കുരുവിന് ശമനം നല്കും. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ബീജവര്ധനക്കും ഞവര ഉത്തമമെന്ന് കരുതപ്പെടുന്നു. കാലിന് ബലക്ഷയമുള്ള കുട്ടികള്ക്ക്, ഞവരച്ചോറ് അരയ്ക്ക് കീഴ്പോട്ട് തേച്ചു പിടിപ്പിക്കുന്നത് ഫലം ചെയ്യും. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>പാമ്പുകടിയേറ്റവര്ക്ക് കൊടുക്കാവുന്ന സുരക്ഷിത ഭക്ഷണമാണ് ഞവരച്ചോറ്.</span></div> <div id="_mcePaste" style="text-align: justify; "><span> ആയുര് വേദത്തില് ഞവരക്ക് വിശിഷ്ഠ സ്ഥാനമാണ് കല്പിച്ചു നല്കിയിട്ടുള്ളത്. രക്ത, ദഹന, നാഡി, ശ്വാസചംക്രമണവ്യവസ്ഥകള്ക്ക് ഞവര വളരെ ഗുണം ചെയ്യുന്നു. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ധാതുബലം വര്ധിപ്പിക്കുന്നതിനും ഞവര ഉത്തമമാണ്. നാഡീ-പേശി സംബന്ധമായ ന്യൂനതകള്ക്കും ഉത്തമ പ്രതിവിധിയാണ്.</span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span> പഞ്ചകര്മ്മ ചികില്സയില് ഏറെ പ്രാധാന്യമുണ്ടിതിന്. പച്ചനെല്ല് കുത്തിയെടുക്കുന്ന അരിയാണ് കിഴിക്ക് ഉപയോഗിക്കുന്നത്. കുറുന്തോട്ടി ചേര്ത്ത് പാലില് വേവിച്ച ഞവരയരി കിഴികെട്ടി, അഭ്യംഗം ചെയ്ത ശരീരത്തില് ചെറുചൂടോടെ സ്വേദനം (വിയര്പ്പിക്കല്) നടത്തുന്നു. ഇങ്ങനെ ചെയ്യുമ്പോള് പുറമെനിന്നും നല്കുന്ന ചെറിയ സമ്മര്ദം, ത്വക്കില് സമൃദ്ധമായുളള ചെറിയ രക്തക്കുഴലു(കാപ്പിലറികള്)കളുടെ പോഷണ വിനിമയ ശേഷി ഗണ്യമായി വര്ധിപ്പിക്കുന്നുവെന്നും, സിരകളുടെ, പൊതുവെ ചുരുങ്ങിക്കിടക്കുവാനുള്ള പ്രവണത വ്യത്യാസപ്പെടുത്തി രസായന ഗുണമായ ശരീരപുഷ്ടിക്ക് കാരണമാകുന്നുവെന്നും പറയപ്പെടുന്നു. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>സമ്മര്ദ്ദത്തോടൊപ്പമുള്ള ചൂടും സ്നിഗ്ധതയും നാഡീപ്രവര്ത്തനം ഉത്തേജിപ്പിക്കുന്നതിനാല് വാതശമനവും സാധ്യമാണ്. വിവിധതരത്തിലുള്ള പക്ഷാഘാതങ്ങള്ക്കും സ്പോണ്ടിലൈറ്റിസ്, മയോപ്പതി തുടങ്ങിയവക്കും ഇത്തരത്തിലുള്ള സ്വേദനം പ്രതിവിധിയാണ്. </span></div> <div id="_mcePaste" style="text-align: justify; "><span><br /></span></div> <div id="_mcePaste" style="text-align: justify; "><span>ഞവരക്കിഴി സാധ്യമാവാത്ത വളരെ ക്ഷീണമുള്ള രോഗികളില്, ഞവരച്ചോറു തേച്ചുള്ള ‘ഷാഷ്ഠികാന്നലേപന’ (ഞവരത്തേപ്പ്)വും ഫലപ്രദമാണ്. ഭക്തരോധം, സ്തംഭനം, തരിപ്പ്, തളര്ച്ച, ചുട്ടുനീറ്റം, എല്ലുകള്ക്ക് ഒടിവ്, രക്തവാതം, കൈകാല് മെലിച്ചില് എന്നിവക്കും ഈ ലേപനം ഗുണകരമാണ്.</span></div> <div id="_mcePaste" style="text-align: justify; "></div> </div>