പ്രായവിഭാഗ വിതരണം

വിവിധ പ്രായവിഭാഗങ്ങളിലായി ജനസംഖ്യയുടെ വിതരണം പരിശോധിക്കുമ്പോള്‍ 0-14 പ്രായ വിഭാഗത്തിലുള്ള ജനസംഖ്യ 1961-ല്‍ 43 ശതമാനമായിരുന്നത് 2011 ല്‍ 23 ശതമാനമായി കുറഞ്ഞു. എന്നാല്‍ തൊഴില്‍സേനയുള്‍പ്പെടുന്ന 15-59 വിഭാഗം വളരെകുറഞ്ഞ നിരക്കില്‍ വര്‍ദ്ധിച്ചുവരുന്നതായിക്കാണാം. എന്നാല്‍ മെച്ചപ്പെട്ട ആരോഗ്യ സംവിധാനങ്ങളുടെ ലഭ്യതയും, ആയുര്‍ദൈര്‍ഘ്യം വര്‍ദ്ധിച്ചതും കാരണം 60 വയസ്സിനു മുകളിലുള്ള ആശ്രിതവിഭാഗം 1961-ലെ 5 ശതമാനത്തില്‍ നിന്നും 2011-ലെ 13 ശതമാനമായി ഉയര്‍ന്നിട്ടുണ്ട്.

തൊഴില്‍സേനയുള്‍ക്കൊള്ളുന്ന (15-59) പ്രായവിഭാഗത്തിലെ വര്‍ദ്ധനവ് സാമ്പത്തിക അഭിവൃദ്ധിക്ക് അനുകൂലമാണ്. എന്നാല്‍ 0-14 പ്രായവിഭാഗത്തിലെ കുറവ് ഉത്കണ്ഠയുളവാക്കുന്നു. അതുപോലെ 60 വയസ്സിനു മുകളിലുള്ളവരുടെ എണ്ണം കൂടുന്നത്, അവര്‍ക്ക് സാമൂഹ്യസുരക്ഷിതത്വ നടപടികള്‍ കൈക്കൊള്ളേണ്ടതാണ്.