Skip to content. | Skip to navigation

Vikaspedia

ഹോം പേജ് / സാമൂഹ്യ ക്ഷേമം / സാമ്പത്തിക സമന്വയം / മൊത്തസംസ്ഥാന സംയോജിതോല്പാദനത്തിന്റെ മേഖലാവിതരണം
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

മൊത്തസംസ്ഥാന സംയോജിതോല്പാദനത്തിന്റെ മേഖലാവിതരണം

2015-16 ല്‍ (2011-12 സ്ഥിരവിലയില്‍) സംസ്ഥാന ആഭ്യന്തരോല്പാദനത്തില്‍ പ്രാഥമിക, ദ്വിതീയ, തൃതീയ മേഖലകളുടെ വിഹിതം യഥാക്രമം 11.58 ശതമാനം, 26.18 ശതമാനം, 62.24 ശതമാനം ആണ്.

2015-16 ല്‍ (2011-12 സ്ഥിരവിലയില്‍) സംസ്ഥാന ആഭ്യന്തരോല്പാദനത്തില്‍ പ്രാഥമിക, ദ്വിതീയ, തൃതീയ മേഖലകളുടെ വിഹിതം യഥാക്രമം 11.58 ശതമാനം, 26.18 ശതമാനം, 62.24 ശതമാനം ആണ്. നടപ്പുവിലയില്‍ 2015-16 കാലയളവില്‍ മൊത്തസംസ്ഥാന ആഭ്യന്തരോല്പാദനത്തില്‍ ഈ മൂന്ന് മേഖലകളുടെയും വിഹിതം യഥാക്രമം 12.07 ശതമാനം, 24.27 ശതമാനം, 63.66 ശതമാനം എന്ന നിലയിലാണ് (ചിത്രം 1.6).

ചിത്രം 1.6
മൊത്ത സംസ്ഥാന ആഭ്യന്തരോല്പാദനത്തിന്റെ മേഖലാവിതരണം


അവലംബം: സാമ്പത്തിക സ്ഥിതിവിവരക്കണക്ക് വകുപ്പ്

 

സംസ്ഥാന വരുമാനത്തിന്റെ മേഖലാവിതരണം വിശകലനം ചെയ്താല്‍ കാണുന്നത് 2015-16- ല്‍ പ്രാഥമിക, ദ്വിതീയ മേഖലകളുടെ സംഭാവന കുറഞ്ഞുവരുന്നതായാണ്. എന്നാല്‍ തൃതീയ മേഖലയുടെ 2014-15-ലെ പങ്ക് 61.53 ശതമാനത്തില്‍ നിന്ന് 2015-16-ല്‍ 63.66 ശതമാനമായി വർദ്ധിച്ചു. ഇതേകാലയളവില്‍ പ്രാഥമികമേഖല 13.45 ശതമാനത്തില്‍നിന്ന് 12.07 ശതമാനമായും ദ്വിതീയ മേഖല 25.02 ശതമാനത്തില്‍നിന്ന് 24.27 ശതമാനമായും കുറഞ്ഞു. സംസ്ഥാന മൊത്ത ആഭ്യന്തര വരുമാനത്തിലെ വളര്‍ച്ചാനിരക്ക് പരിശോധിക്കുമ്പോള്‍ 2011-12-ലെസ്ഥിര വിലയില്‍ 2015-16- ല്‍ തൃതീയ മേഖല 8.78 ശതമാനം വളര്‍ച്ചനേടി ഏറ്റവും ഉയര്‍ന്ന വളര്‍ച്ച കാണിച്ചപ്പോള്‍ ദ്വിതീയ മേഖല 8.58 ശതമാനവും പ്രാഥമിക മേഖല -2.08 എന്ന ഋണ വളര്‍ച്ചയും രേഖപ്പെടുത്തി. ചില നാണ്യവിളകളുടെ ഉല്പാദനം, മത്സ്യമേഖല, വനവിഭവങ്ങള്‍ എന്നിവയിലുണ്ടായ കുറവാണ് പ്രാഥമികമേഖലയില്‍ ഋണവളര്‍ച്ചക്ക് കാരണമായത്.

മുന്‍ വര്‍ഷവുമായി താരതമ്യംചെയ്യുമ്പോള്‍ തന്നാണ്ട് വിലയില്‍ 2015-16 –ല്‍ തൃതീയമേഖല 14.94 ശതമാനവും, ദ്വിതീയമേഖല 7.73 ശതമാനവും പ്രാഥമികമേഖല 0.37 ശതമാനവും വളര്‍ച്ച നേടിയിട്ടുണ്ട്. ഗതാഗതം, സംഭരണം, വാര്‍ത്താവിതരണം പ്രക്ഷേപണവുമായി ബന്ധപ്പെട്ട സേവനങ്ങള്‍, റിയല്‍ എസ്റ്റേറ്റ്, പ്രൊഫഷണല്‍ സേവനങ്ങള്‍, ഭവനം എന്നീ മേഖലകളിലെ വളര്‍ച്ചയാണ് തൃതീയ മേഖലയുടെ വളര്‍ച്ചയ്ക്ക് കാരണമായത്.

2.33333333333
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top