Skip to content. | Skip to navigation

Vikaspedia

ഹോം പേജ് / സാമൂഹ്യ ക്ഷേമം / സാമ്പത്തിക അംഗീകാരം / ചരക്കു സേവന നികുതി / പരിശോധന , തിരയൽ , പിടിച്ചെടുക്കൽ, അറസ്റ്റ്
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

പരിശോധന , തിരയൽ , പിടിച്ചെടുക്കൽ, അറസ്റ്റ്

GST യിലെ ഇൻസ്പെക്ഷൻ (പരിശോധന), സേർച്ച് (തിരയൽ), സീഷർ (പിടിച്ചെടുക്കൽ), അറസ്റ്റ (ബന്തവസ്സിലാക്കുക), മുതലായവ

സേർച്ച് എന്നാലെന്താണ് അർഥം?

നിയമ നിഘണ്ടുവിലും പല കോടതി വിധികളിലും പരാമർശി ച്ചിരിക്കുന്നത് പ്രകാരം, ലളിതമായ ഭാഷയിൽ പറഞ്ഞാൽ, ഒരു കുറ്റകൃത്യം ചെയ്യപ്പെട്ടു എന്നത്തിലേക്ക് വേണ്ട തെളിവു കണ്ടെടുക്കുന്നതിനായി ഒളിച്ചു വയ്ക്കപെട്ടിട്ടുള്ള കാര്യങ്ങളോ ഒരു സ്ഥലമോ പ്രദേശമോ, വ്യക്തിയെയോ, മറ്റുവസ്തുക്കളോ, ഒരു സർക്കാർ സംവിധാനം പോയി ശ്രദ്ധാപൂർവ്വം നിരീക്ഷിച്ചു നടത്തുന്ന പരിശോധനയാണ് സേർച്ച് എന്ന പദംകൊണ്ട് അർത്ഥമാക്കുന്നത്. സാധുതയുള്ള ഒരു നിയമം നൽകുന്ന അധികാരം ഉപയോഗിച്ചു മാത്രമേ വ്യക്തികളെയും, വാഹനങ്ങളെയും, കെട്ടിടങ്ങളിലും ഇത്തരം സെർച്ചുകൾ നടത്തുവാൻ കഴിയുകയുള്ളൂ

"ഇൻസ്പെക്ഷൻ" എന്നാലെന്താണ് അർത്ഥം?

CGST/ SGST നിയമത്തിൽ കൊണ്ടുവന്നിട്ടുള്ള ഒരു പുതിയ വകുപ്പ് ആണ് "ഇൻസ്പെക്ഷൻ" എന്നത്. നികുതി വിധേയനായ ഒരാളുടെ ബിസി നസ് സ്ഥാപനത്തിലോ, ചരക്കുകൾ ട്രാൻസ്പോർട്ട് ചെയ്യുന്ന ഒരാളുടെയോ അല്ലെങ്കിൽ ഒരു ഗോഡൗണോ വെയർഹൌസോ നടത്തുകയോ ഉടമസ്ഥത വഹിക്കുകയോ ചെയ്യുന്ന ആളിൻറ്റെയോ ബിസിനസ്സ് സ്ഥലത്തു, സെർച്ച നടത്തുന്നതിന് പകരം കൂടുതൽ മൃദുവും നിയമ വിധേയവുമായ രീതിയിൽ കടന്നു ചെന്നു പരിശോധന ('ഇൻസ്പെക്ഷൻ') നടത്തുവാൻ ഈ പ്രൊവിഷൻ ഓഫീസർമാരെ പ്രാപ്തരാക്കുന്നു.

ആർക്കാണ് ഇൻസ്പെക്ഷൻ നടത്തുന്നതിനുള്ള ഉത്തരവ് നല്ലാൻ കഴിയുന്നത്? ഏതെല്ലാം സാഹചര്യങ്ങളിലാണ് "ഇൻസ്പെക്ഷൻ' നടത്താവുന്നത്?

CGST/SGST നിയമം വകുപ്പ് 67 പ്രകാരം ജോയിൻറ്റകമ്മീഷ്ണർ റാങ്കിലോ അതിനുമുകളിലോ ഉള്ള ഒരു CGST/SGST ഉദ്യോഗസ്ഥൻ എഴുതി നൽകിയ അനുമതിപത്രം ഉപയോഗിച്ച് മാത്രമേ ഇൻസ്പെക്ഷൻ നടത്താൻ കഴിയുകയുള്ളൂ. ബന്ധപ്പെട്ടയാൾ, താഴെ പറയുന്ന കാര്യങ്ങൾ ചെയ്തു എന്ന വിശ്വസിക്കാൻ കാരണമുണ്ടെങ്കിൽ മാത്രമേ ജോയിൻറ്റകമ്മീഷ്ണർ റാങ്കിലോ അതിനുമുകളിലോ ഉള്ള ഉദ്യോഗസ്ഥൻ ഇത്തരം അനുമതിപത്രം നൽകുവാൻ പാടുള്ളൂ

  • സപ്ലൈ ഇടപാടുകൾ മറച്ചു വയ്ക്കുക
  • കൈവശം ഉള്ള ചരക്കുകൾ മറച്ചു വയ്ക്കുക
  • അർഹതപ്പെട്ടത്തിൽ കൂടുതൽ ഇൻപുട്ട് ടാക്സ് ക്രൈഡിറ്റ്   അവകാശപ്പെടുക;
  • നികുതി വെട്ടിക്കുന്നതിനു വേണ്ടി CGST/SGST നിയമത്തിലെ വ്യവസ്ഥകൾ ലംഘനം ചെയ്യുക;
  • ട്രാൻസ്പോർട്ടറോ ഗോഡൌൺ ഉടമസ്ഥരോ നികുതി വെട്ടിച്ച ചരക്കുകൾ സൂക്ഷിച്ചു വയ്ക്കുക, അല്ലെങ്കിൽ നികുതി വെട്ടിപ്പ് നടത്തുവാൻ കരണമാകാവുന്ന രീതിയിൽ അയാളുടെ ചരക്കുകളോ/രേഖകളോ സൂക്ഷിയ്ക്കുക;

ഈ വകുപ്പ് പ്രകാരം പ്രോപ്പർ ഓഫീസർക്കു ഏതൊരാളുടേയും വസ്തുവകകൾ/സ്ഥലങ്ങൾ (assets/premises) ഇൻസ്പെക്ഷൻ നടത്തുവാൻ അധി കാരപ്പെടുത്തുവാൻ സാധിക്കുമോ?

ഇല്ല, താഴെ പറയുന്ന ഏതെങ്കിലും സ്ഥലങ്ങൾ പരിശോധന നടപ്പിലാക്കുന്നതിനായി CGST/SGST ഉദ്യോഗസ്ഥർക്ക് അധികാരപ്രത്തിക നൽകു വാൻ പ്രോപ്പർ ആപ്പീസർക്കു സാധിക്കുന്നതാണ്.

  • ഒരു നികുതി വിധേയവ്യക്തിയുടെ ബിസിനസ് സ്ഥലം;
  • ചരക്കുകൾ ട്രാൻസ്പോർട് നടത്തുന്ന ബിസിനസ്സിൽ ഏർപ്പെ ട്ടിരിക്കുന്ന ഒരു നികുതി വിധേയ വ്യക്തിയുടെ, രജിസ്ട്രേഷനുള്ളയാൾ ആണെങ്കിലും അല്ലെങ്കിലും, ബിസിനസ് സ്ഥലം.
  • വെയർഹൌസ്/ഗോഡൗൺ ഉടമയുടെയോ നടത്തിപ്പുകാരൻറ്റെയോ ബിസിനസ് സ്ഥലം.

CGST/SGST നിയമത്തിലെ നിബന്ധനകൾ പ്രകാരം ആർക്കൊക്കെയാണ് സേർച്ച് (തിരയൽ), സീഷർ (പിടിച്ചെടുക്കൽ) ഇവ നടത്താൻ ഉത്തരവിടുവാനുള്ള അധികാരം ഉള്ളത്?

ജോയിൻറ്റകമ്മീഷ്ണർ റാങ്കിലോ അതിനുമുകളിലോ ഉള്ള CGST/ SGST ഉദ്യോഗസ്ഥർക്കു മാത്രമേ സേർച്ച് (തിരയൽ) ചെയ്യുവാനും, അതിലൂടെ കണ്ടെടുക്കുന്ന ചരക്കുകൾ, പ്രമാണങ്ങൾ, ബുക്കുകൾ സാധനങ്ങൾ എന്നിവ പിടിച്ചെടുക്കുന്നതിനും (സീഷർ) രേഖാമൂലം ഒരു ഉദ്യോഗസ്ഥനെ അധികാര പ്പെടുത്തുവാൻ സാധിക്കുകയുള്ളൂ. കണ്ടുകെട്ടപ്പെടാൻ സാധ്യതയുള്ള ചര ക്കുകളോ, നിയമ നടപടികൾക്കു ഉപയോഗിക്കാവുന്ന പ്രമാണങ്ങളോ, ബുക്കു കളോ സാധനങ്ങളോ ഏതങ്കിലും സ്ഥലത്ത് ഒളിപ്പിച്ചു വെച്ചിട്ടുണ്ട് എന്നുള്ള എന്ന് വിശ്വസിക്കാൻ കരണമുണ്ടെങ്കിൽ മാത്രമേ ജോയിൻറ്റകമ്മീഷണർക്കു മേൽപറഞ്ഞ അധികാരപത്രം നൽകുവാൻ സാധിക്കുകയുള്ളൂ

"വിശ്വസിക്കാന്‍ കാരണമുണ്ടെങ്കില്‍" (reason to believe)എന്നത് കൊണ്ട് എന്താണ് അർത്ഥമാക്കുന്നത്?

വസ്തുതകളെ കുറിച്ചു നേരിട്ട് ഉള്ള അറിവില്ലെങ്കിലും അറിവിൽപ്പെട്ട കാരണങ്ങളാലും സാഹചര്യങ്ങളാലും ന്യായമായും ശരിയെന്നു വിശ്വ സിക്കാൻ ഒരു വ്യക്തിക്ക് ഉത്തമവിശ്വാസമുള്ള അവസ്ഥയാണിത്. 'അങ്ങനെ വിശ്വസിക്കുവാൻ മതിയായ കാരണങ്ങൾ ഉള്ളതിനാലും മറിച്ചു വിശ്വസി ക്കുവാനുള്ള കാരണങ്ങൾ ഇല്ലാത്തതിനാലും" എന്നാണ് ഐ.പി.സി. 1860 സെക്ഷൻ 26 പ്രകാരം ‘അങ്ങിനെ വിശ്വസിക്കുവാനേ കാരണങ്ങൾ കാണു ന്നുള്ളൂ എന്ന്പറയുന്നതിനെ വിവക്ഷിച്ചിരിക്കുന്നത്. വസ്തുതകളെ ശ്രദ്ധ യോടെയും ബുദ്ധിപരമായും വിലയിരുത്തി വെറും വ്യക്തിപരമായ പരിഗ ണനകളില്ലാതെ എത്തിച്ചേരുന്ന ഒരു നിഗമനം ആണ് അത്. കാര്യാകാരണ സഹിതം ചിന്തിക്കുന്ന സത്യസന്ധനായ ഒരാൾ ബന്ധപ്പെട്ട തെളിവുകളു ടെയും സാഹചര്യങ്ങളുടെയും അടിസ്ഥാനത്തിൽ എടുക്കുന്ന ഒരു തീരുമാന മായിരിക്കണം അത്.

സേർച്ച് വാറണ്ട് നല്ലുന്നതിനു മുൻപ്ത “വിശ്വസിക്കാൻ കരണമുണ്ടെങ്കിൽ" (reason to believe) എന്തെല്ലാമാണെന്നു പ്രോപ്പർ ഓഫീസർ രേഖപ്പെ ടുത്തേണ്ടത് നിർബന്ധമാണോ?

അങ്ങനെ വിശ്വസിക്കുവാൻ മതിയായ കാരണങ്ങൾ ഓരോ അധികാരപത്രങ്ങളും നൽകുന്നതിനു മുൻപ് രേഖപ്പെടുത്തേണ്ടതാണെ ങ്കിലും, എല്ലാ അവസരങ്ങളിലും ഇത് നിർബന്ധമല്ല. എന്നിരുന്നാലും സെർച്ച വാറണ്ട് നൽകുംമുൻപ് അല്ലെങ്കിൽ സേർച്ച് നടക്കുന്നതിനു മുൻപ് അതിനു ഹേതുവായ വിശ്വനീയമായ കാര്യ കാരണങ്ങൾ (ഇൻറ്റലിജൻസ്/ഇൻഫൊർ മേഷൻസ്) രേഖപ്പെടുത്തുന്നത് നല്ലതായിരിക്കും.

സേർച്ച് വാറണ്ട് എന്നാലെന്താണ്? അതിൻറ്റെ ഉള്ളടക്കങ്ങൾ എന്തൊക്കെയാണ്?

സേർച്ച് നടത്തുന്നതിനുള്ള രേഖാമൂലമായ അധികാരപത്രം ആണ് സേർച്ച് വാറണ്ട്. ജോയിൻറ്റകമ്മീഷ്ണർ റാങ്കിലോ അതിനുമുകളിലോ ഉള്ള CGST/SGST ഉദ്യോഗസ്ഥർക്കു മാത്രമേ സേർച്ച് വാറണ്ട് പുറപ്പെടുവിക്കുവാ നുള്ള അധികാരമുള്ളൂ. സേർച്ച് നടത്തണമെന്നുള്ള ഉത്തമവിശ്വാസം ഉണ്ട എന്ന് സേർച്ച വാറണ്ടിൽ രേഖപ്പെടുത്തിയിരിക്കണം. സേർച്ച വാറണ്ടിൽ താഴെ പറയുന്ന വിവരങ്ങൾ ഉണ്ടായിരിക്കണം:

  • നിയമ ലംഘന വിവരങ്ങൾ
  • സേർച്ചചെയ്യേണ്ടുന്ന സ്ഥല വിവരണം
  • സേർച്ച് നടത്തുന്നതിന് വേണ്ടി അധികാരം ലഭിച്ച ഉദ്യോഗ സ്ഥൻറ്റെ പേരും ഔദ്യോഗികപദവിയും
  • അധികാരം നൽകിയ ഉദ്യോഗസ്ഥൻറ്റെ പേരും പൂർണ്ണ ഔദ്യോഗികപദവിയും ആപ്പീസ് മുദ്രയും
  • അധികാരം നൽകിയ സ്ഥലവും തീയതിയും
  • വാറണ്ട സീരിയൽ നമ്പർ
  • വാറണ്ട സാധുത്താ കാലാവധി; അതായത് ഒരു ദിവസം/രണ്ടു ദിവസം. എന്നിങ്ങനെ

CGST/SGST നിയമത്തിലെ വ്യവസ്ഥകൾ പ്രകാരം ചരക്കുകൾ കണ്ടുകെട്ടപ്പെടാൻ സാധ്യതയുള്ളത് എപ്പോളാണ്?

CGST/SGST നിയമത്തിലെ വകുപ്പ് 130 പ്രകാരം താഴെപറയുന്ന സാഹചര്യങ്ങളിൽ ചരക്കുകൾ കണ്ടുകെട്ടാൻ സാധ്യതയുമുണ്ട്.

  • നികുതി വെട്ടിപ്പിലേക്കു നയിക്കുന്നതരത്തിൽ മുകളിൽ പറഞിട്ടുള്ള ചട്ടത്തിനോ നിയമത്തിനോ വിരുദ്ധമായ രീതിയിൽ ചരക്കുകളുടെ സപ്ലൈ നടത്തുമ്പോൾ/സ്വീകരിക്കു മ്പോൾ
  • ഈ നിയമപ്രകാരം നികുതി നൽകേണ്ടുന്ന ഏതെങ്കിലും ചരക്കുകൾ കണക്കിൽപെടുത്താതെയിരുന്നാൽ
  • ഈ നിയമപ്രകാരം നികുതി നൽകേണ്ടുന്ന ഏതെങ്കിലും ചരക്കുകൾ രജിസ്ട്രേഷൻ എടുക്കാതെ സപ്ലൈ നടത്തിയാൽ
  • നികുതി വെട്ടിക്കുക എന്നഉദ്ദേശത്തോടുകൂടി CGST/SGST നിയ മങ്ങളും അതിലെ ചട്ടങ്ങളും ലംഘിക്കുന്ന ഘട്ടങ്ങളിൽ,

നിയമപ്രകാരമുള്ള സെർച്ചിനിടയിൽ ഒരു ഉദ്യോഗസ്ഥന് എന്തെല്ലാം അധികാരങ്ങൾ ആണുള്ളത്?

സാധുവായ തെരച്ചിലിൻറ്റെ ഫലമായി കണ്ടെടുത്ത ചരക്കുകളും (കണ്ടുകെട്ടപ്പെടേണ്ടവയായ) ഫലസുചകങ്ങളായതും CGST/SGST നിയമ പ്രകാരം പ്രസക്തമായതുമായ പ്രമാണങ്ങൾ, പുസ്തകങ്ങൾ മുതലായവയും പിടിച്ചെടുക്കുവാനുള്ള അധികാരം ഉദ്യോഗസ്ഥന്നുണ്ട്. തിരച്ചിൽ നടത്തേണ്ടു ന്ന സ്ഥലത്തേക്കുള്ള വാതിൽ തുറന്നു കൊടുക്കാത്തപക്ഷം അത്തപൊളിച്ചു അകത്തു കടന്നു തിരച്ചിൽ നടത്തുവാനുള്ള അധികാരം ആപ്പീസർക്കുണ്ട്. അതുപോലെ തെളിവമുത്തലുകൾ ഒളിപ്പിച്ചു വെച്ചിട്ടുണ്ട് എന്നു തോന്നുന്ന അലമാരകളും പെട്ടികളും ആവശ്യമെന്നുകണ്ടാൽ പൊളിച്ചു തുറന്നു പരിശോധിക്കുവാനും അധികാരമുണ്ട്. പ്രവേശനം നിഷേധിക്കപ്പെടുന്ന സന്ദർഭങ്ങളിൽ പ്രസ്തുത സ്ഥാപനം മുദ്ര വച്ച് ബന്തവസ് ആക്കുന്നതിനുള്ള അധികാരവും മേൽ പറഞ്ഞ ഉദ്യോഗസ്ഥന്നു ഉണ്ടായിരിക്കുന്നതാണ്.

തിരയൽ (search) നടത്തുന്നതിനുള്ള നടപടിക്രമങ്ങൾ എന്താണ്?

CGST/SGST നിയമത്തിലെ വകുപ്പ് 67(10) പ്രകാരം നിയമപ്രകാരമുള്ള എല്ലാ തിരയലും 1973-ലെ ക്രിമിനൽ പ്രോസീജിയർ കോഡ്, 1973 (ക്രിമി നൽ നടപടിച്ചട്ടം, 1973) അനുസരിച്ചു വേണം നടപ്പിലാക്കുവാൻ. ക്രിമിനൽ നടപടിച്ചട്ടത്തിൻറ്റെ (സി.ആർ.പി.സി. 1973) നൂറാം വകുപ്പ് ഇതിനായുള്ള നടപടിക്രമങ്ങൾ എന്തൊക്കെയാണെന്ന് വിവരിച്ചിട്ടുണ്ട്.

സേർച്ചനടത്തുന്ന സമയത്തു പാലിക്കപ്പെടേണ്ട അടിസ്ഥാനതത്വങ്ങൾ എന്തൊക്കെയാണ്?

സേർച്ചനടത്തുന്ന സമയത്തു താഴെ പറയുന്ന തത്വങ്ങൾ പാലിക്ക പ്പെടേണ്ടതാണ്.

  • അധികാരപ്പെട്ട ഓഫീസർ നൽകിയ സേർച്ച് വാറണ്ട് ഇല്ലാത്തെ സേർച്ച് നടത്തുവാൻ പാടില്ല;
  • വീടുകൾ സേർച്ച ചെയ്യുമ്പോൾ തീർച്ചയായും ഒരു സ്ത്രതീ ആപ്പീസർ എങ്കിലും സേർച്ച ടീമിൽ ഉണ്ടായിരിക്കേണ്ടതാണ്
  • സേർച്ച് തുടങ്ങുംമുൻപ് ആപ്പീസർമാർ തങ്ങളുടെ തിരിച്ചറിയൽ കാർഡ് അവിടെ ഉള്ള ചുമതലപ്പെട്ട വ്യക്തിയെ കാണിച്ചു ബോധ്യപ്പെടുത്തേണ്ടതാണ്
  • തിരച്ചിൽ തുടങ്ങുംമുൻപ് സേർച്ച വാറണ്ട് ആ സ്ഥലത്തിൻറ്റെ ചുമതലപ്പെട്ട വ്യക്തിയെ കാണിച്ചു അതു കണ്ടു ബോധ്യപ്പെട്ട തിൻറ്റെ അടയാളമായി അദ്ദേഹത്തിൻറ്റെ കൈയൊപ്പ തീയതി സഹിതം വാങ്ങിയിട്ടുവേണം വാറണ്ട നടപ്പിലാക്കാൻ. അതുപോലെ സേർച്ച വാറണ്ടിൽ കുറഞ്ഞപക്ഷം രണ്ടു സ്വത ന്തസാക്ഷികളുടെ എങ്കിലും കൈയൊപ്പ് തിയതി സഹിതം വാങ്ങിയിരിക്കണം;
  • തദ്ദേശ്ശവാസികളായ രണ്ടു സ്വതന്ത്ര സാക്ഷികളുടെ എങ്കിലും സാന്നിധ്യത്തിൽ വേണം സേർച്ചനടത്തുവാൻ. തദ്ദേശ്ശവാസികളായ സ്വതന്ത്ര സാക്ഷികളുടെ അഭാവത്തിൽ മറ്റുള്ളവരെയും ഇതിനായി വിളിക്കാവുന്നതാണ്. സേർച്ച് തുടങ്ങുംമുൻപ് കാര്യകാരണങ്ങൾ അവരെ ബോധ്യപ്പെടുത്തിയിരിക്കണം;
  • സേർച്ച് തുടങ്ങുന്നതിനു മുൻപും, സേർച്ച അവസാനിച്ച ശേഷവും ആപ്പീസർമാരും സാക്ഷികളും അവരെ ദേഹപരിശോധന നടത്തുവാൻ ആ സ്ഥലത്തിൻറ്റെ ചുമതലപ്പെട്ട വ്യക്തിയെ അനുവദിക്കേണ്ടതാണ്
  • സേർച്ച് നടത്തികഴിഞ്ഞാൽ അവിടെ നടന്ന സേർച്ച് സംബ ന്ധിയായ വിവരങ്ങൾ വ്യക്തമായി എഴുതിയ ഒരു മഹസ്സർ അഥവാ പഞ്ചനാമ അപ്പോൾ തന്നെ തയ്യാറാക്കേണ്ടതാണ്. അവിടെനിന്നും കണ്ടെടുത്തതും, പിടിച്ചെടുത്തതും, ബന്തവ സ്സിലാക്കിയതും ആയ ചരക്കുകളുടെയും രേഖകളുടെയും ഒരു പട്ടിക തയ്യാറാക്കി മഹസ്സറിൻറ്റെ അനുബന്ധമായി ചേർത്തിരിക്കണം. ഈ മഹസ്സറിലും അനുബന്ധ രേഖകളിലും ആ സ്ഥലത്തിൻറ്റെ ചുമതലപ്പെട്ട വ്യക്തിയും, സാക്ഷികളും, സേർച്ച് നടത്തുവാൻ അധികാരപ്പെടുത്തിയിട്ടുള്ള ആപ്പീസറും കയ്യൊപ്പ്, തീയതി സഹിതം രേഖപ്പെടുത്തേണ്ടതാണ്
  • സേർച്ച് നടപ്പിലാക്കി കഴിഞ്ഞാൽ അതു സംബന്ധിച്ച റിപ്പോർട്ടിനോടൊപ്പം സേർച്ച് വാറണ്ട്, അത് പുറപ്പെടുവിച്ച ഉദ്യോഗസ്ഥന് തിരികെ ഏല്പിക്കേണ്ടതും സേർച്ച് വാറണ്ടിൻറ്റെ മറുവശത്തു പങ്കെടുത്ത ആപ്പീസർമാരുടെ പേര വിവരം രേഖപ്പെടുത്തേണ്ടതുമാണ്
  • സേർച്ച വാറണ്ട സംബന്ധിച്ച ഒരു രജിസ്റ്റർ അതു പുറപ്പെടു വിച്ച ഉദ്യോഗസ്ഥൻ സൂക്ഷിക്കേണ്ടതാണ്. അതിൽ നൽകിയതും തിരികെ കിട്ടിയതുമായ സേർച്ച വാറണ്ട് സംബന്ധിച്ച ഏഴുതിയിരിക്കണം. തിരികെ കിട്ടിയ ഉപയോഗിച്ച സേർച്ച വാറണ്ടുകൾ രേഖയായി സൂക്ഷിക്കേണ്ടതാണ്
  • മഹസ്സർ അഥവാ പഞ്ചനാമയുടെയും അനുബന്ധത്തിൻറ്റെയും ഒരു പകർപ്പ് ആ സ്ഥലത്തിൻറ്റെ ചുമതലപ്പെട്ട വ്യക്തിക്ക് കൊടുത്തിരിക്കേണ്ടതും അത് കിട്ടി ബോധിച്ചു എന്ന് രേഖ പ്പെടുത്തി വാങ്ങേണ്ടതുമാണ്.

ഒരു CGST/SGST ഓഫീസർക്കു മറ്റേതെങ്കിലും സാഹചര്യത്തിൽ ബിസിനസ്സ് സ്ഥലങ്ങൾ സന്ദർശിക്കുവാൻ കഴിയുമോ?

കഴിയും. CGST/SGST നിയമത്തിലെ വകുപ്പ് 65 പ്രകാരം ഇത് സാധ്യമാണ്. CGST/SGST ഓഡിറ്റ്പാർട്ടി, അല്ലെങ്കിൽ സി & എജി, അല്ലെങ്കിൽ CGST/SGST നിയമത്തിലെ വകുപ്പ് 65 പ്രകാരം നാമനിർദേശം ചെയ്യപ്പെട്ട ചാർ ട്ടേഡ് അക്കൗണ്ടൻറ്റ്/കോസ്റ്റ് അക്കൗണ്ടൻറ്റ് എന്നിവർക്ക് സർക്കാർ വരുമാനം സംരക്ഷിക്കുവാനായി സേർച്ച വാറണ്ട് ഇല്ലാതെ ഓഡിറ്റ്, സൂക്ഷ്മപരിശോധന, വെരിഫിക്കേഷൻ മുതലായവ നടത്തുന്നതിനുവേണ്ടി സന്ദർശിക്കാവുന്ന താണ്. എന്നാൽ ഇതിനു കമ്മീഷണറുടെ രേഖാമൂലമുള്ള അനുവാദം ആവശ്യമാണ്. നികുതി അടക്കേണ്ട വ്യക്തിയുടെ, പ്രമാണങ്ങൾ, കമ്പ്യൂട്ടറുകൾ തുടങ്ങിയവ സൂക്ഷിച്ചിട്ടുള്ള രജിസ്റ്റർചെയ്യപ്പെടാത്ത പ്രധാന ബിസിനസ്സ സ്ഥലങ്ങളിലും മറ്റു സ്ഥലങ്ങളിലും ഓഡിറ്റ്, വെരിഫിക്കേഷൻ മുതലായവ നടത്തുന്നതിനുവേണ്ടി ഈ അധികാരം നടപ്പിലാക്കാവുന്നതാണ്.

'സീഷർ" അഥവാ "പിടിച്ചെടുക്കുക' എന്നതുകൊണ്ട് എന്താണ് ഉദ്ദേശ്ശിക്കുന്നത്?

CGST/SGST നിയമത്തിൽ ഇതിനു പ്രത്യേക നിർവചനം നൽകിയിട്ടില്ല. നിയമപരമായി ആവശ്യമുള്ള ഒരു വസ്തു നിയമാനുസ്യതമായ മാർഗ ത്തിലൂടെ ഒരു ആപ്പീസർ പിടിച്ചെടുക്കുന്ന പ്രക്രിയയാണ് 'സീഷർ" അഥവാ 'പിടിച്ചെടുക്കുക' എന്ന പദം അർഥമാക്കുന്നതെന്നു ലെക്സിക്കൻ ഡിക്ഷണറി പറയുന്നു. പൊതുവായി പറഞ്ഞാൽ നിയമത്തിൻറ്റെ ബലം ഉപയോഗിച്ചു ഉടമയുടെ ഇഷ്ടപ്രകാരമല്ലാത്തെ ഒരു വസ്തു കൈവശമാക്കുന്ന പ്രവൃത്തിയെ 'സീഷർ അഥവാ "പിടിച്ചെടുക്കുക' എന്ന് പറയാവുന്നതാണ്.

ചരക്കുകളും, വാഹനങ്ങളും തടങ്കലിലാക്കുവാനുള്ള (ഡീന്റെ യിൻ) അധികാരം GST നിയമത്തിലുണ്ടോ?

ഉണ്ട്. CGST/SGST നിയമം വകുപ്പ് 129 പ്രകാരം, നിയമവിരുദ്ധമായി ചരക്കുകൾ, അവ കടത്തുവാൻ ഉപയോഗിച്ച ട്രക്ക്പോലെയുള്ള വാഹനങ്ങൾ അടക്കം പിടിച്ചെടുക്കുവാനുള്ള അധികാരം ഒരു ഉദ്യോഗസ്ഥന്നുണ്ട്. CGST/ SGST നിയമ വ്യവസ്ഥകൾ പ്രകാരം കണക്കിൽപെടുത്താതെ സംഭരിച്ചു വെച്ചിരിക്കുന്ന ചരക്കുകളും ഇങ്ങനെ പിടിച്ചെടുക്കാവുന്നതും നിയമം അനുശാസിക്കുന്ന നികുതി അടയ്ക്കുന്ന പക്ഷം/നികുതിക്ക് തുല്യമായതുകക്കുള്ള സെക്യീരിറ്റി നൽകുന്നപക്ഷം അവ വിട്ടു കൊടുക്കാവുന്നതുമാണ്.

സീഷറും ഡിറ്റെൻഷനും തമ്മിലുള്ള വ്യത്യാസം എന്താണ്?

നിയമാനുസൃതമായ നോട്ടീസ് നൽകി ഉടമയെയോ കൈവശാവകാശിയെയോ അയാൾക്ക് തൻറ്റെ വസ്തുവിലോ/പ്രോപ്പർട്ടിയിലോ ഉള്ള അവ കാശം ഒരു പ്രത്യേക കാലത്തേയ്ക്ക് തടയുന്നതിനെയാണ് ഡിറ്റൻഷൻ എന്ന് പറയുന്നത്. എന്നാൽ സീഷർ എന്നാൽ ആ വസ്തുവിൻറ്റെ ശരിക്കുള്ള കൈവ ശാവകാശം ഡിപ്പാർട്ടമെൻറ്റ് ഏറ്റെടുത്തു എന്നാണ്. കണ്ടുകെട്ടേണ്ടതാണ് എന്ന് സംശയിക്കുന്ന ചരക്കുകൾ ആണ് സാധാരണയായി ഡീറ്റെയിൻ ചെയ്യാ റുള്ളത്. എന്നാൽ സീഷർ ചെയ്യുന്നത് അന്വേഷണത്തിനശേഷം കണ്ടുകെട്ട പ്പെടും എന്ന് ഉത്തമ വിശ്വാസമുള്ള വസ്തുക്കളാണ്.

സെർച്/സീഷെറിന് GST നിയമങ്ങൾ നൽകിയിരിക്കുന്ന സുരക്ഷ ഉറപ്പു വരുത്തുന്ന സംവിധാനങ്ങൾ എന്തെല്ലാമാണ്?

സെർച്/സീഷെറിന് CGST/SGST നിയമം വകുപ്പ് 67 പ്രകാരം ചില സുരക്ഷകൾ ഉറപ്പു വരുത്തിയിട്ടുണ്ട്. അവ ഇങ്ങനെയാണ്

  • പിടികൂടിയ ചരക്കുകൾ അല്ലെങ്കിൽ പ്രമാണങ്ങൾ പരിശോധ ന കാലാവധി വരെ മാത്രമേ പിടിച്ചുവയ്ക്കാൻ പാടുള്ളൂ.
  • ഉടമസ്ഥന് രേഖകളുടെ ഫോട്ടോകോപ്പി എടുക്കാവുന്നതാണ്
  • പിടിച്ചെടുത്ത ചരക്കുകൾക്കെതിരെ കാരണം കാണിക്കൽ നോട്ടീസ് 6 മാസത്തിനകം കൊടുത്തില്ലയെങ്കിൽ അവ തിരികെ കൊടുക്കേണ്ടതാണ്. മതിയായ കാരണത്തോടുകൂടി ഈ കാലാവധി പരമാവധി അടുത്ത 6 മാസം വരെ നീട്ടാവുന്നതുമാണ്;
  • പിടിച്ചെടുക്കുന്ന ചരക്കുകളുടെ ഇന്ന വിവരപ്പട്ടിക പിടിച്ചെടുക്കുന്ന ആപ്പീസർ ഉണ്ടാക്കേണ്ടതാണ്
  • വേഗം നശിച്ചു പോകാവുന്നതും, അപകടസാദ്ധ്യത നിറഞ്ഞതും ആയ വസ്തുക്കളുടെ ലിസ്റ്റ് GST നിയമത്തിൽ പറഞ്ഞിട്ടുണ്ട്. അവ പിടിച്ചെടുത്താൽ ഉടൻ തന്നെ തീർപ്പാക്കേണ്ടതാണ്
  • സെർച്/സീഷെറിനെ സംബന്ധിക്കുന്ന ക്രിമിനൽ നടപടിചട്ടങ്ങൾ, 1973 സൂക്ഷമായി ഇവിടെയും ബാധകമാണ്. എന്നാൽ സെക്ഷൻ 165(5) പ്രകാരമുള്ള റിപ്പോർട്ട് അടുത്തുള്ള മജിസ്ട്രേറ്റിന് കൊടുക്കുന്നതിനു പകരം പ്രിൻസിപ്പൽ കമ്മീഷണർ/കമ്മീഷണർമാർ CGST/കമ്മീഷണർമാർ SGST എന്നി വർക്കാണ് നൽകേണ്ടത്ത/അയക്കേണ്ടത്.

നികുതി അടക്കേണ്ടുന്ന ചരക്കുകൾ ട്രാൻസ്പോർട്ട് ചെയ്യുന്ന സമയത്ത് നിർബന്ധമായും കൊണ്ടുനടക്കേണ്ടുന്ന പ്രത്യേകമായ രേഖകൾ വല്ലതുമുണ്ടോ?

CGST/SGST നിയമം വകുപ്പ് 68 പ്രകാരം, നിശ്ചിത തുകയിൽ കൂടുതൽ മൂല്യമുള്ള നികുതി അടക്കേണ്ടുന്ന ചരക്കുകൾ കൊണ്ടു പോകുന്ന വാഹനങ്ങളുടെ ചുമതലപ്പെട്ട വ്യക്തി ചരക്കുകളെകുറിച്ചുള്ള നിർദേശിക്ക പ്പെട്ട രേഖകൾ കൈവശം വെച്ചിരിക്കണം.

"അറസ്റ്റ്" എന്നതുകൊണ്ട് എന്താണ് ഉദ്ദേശ്ശിക്കുന്നത്?

CGST/SGST നിയമം ഇതിനു പ്രത്യേക നിർവചനം നൽകിയിട്ടില്ല. എന്നാൽ ജുഡീഷ്യൽ പ്രഖ്യാപനങ്ങളുടെ വെളിച്ചത്തിൽ ഇതിനെ നിയമപരമായ അധികാരം ആജ്ഞ, ഉത്തരവ് മുതലായവയുടെ അടിസ്ഥാനത്തിൽ ഒരു വ്യക്തിയെ കസ്റ്റഡിയിൽ എടുക്കുന്ന പ്രവർത്തിയെ "അറസ്റ്റ്" എന്ന് പറയാവുന്നതാണ്. മറ്റു വാക്കുകളിൽ പറഞ്ഞാൽ നിയമം നൽകിയിട്ടുള്ള അധികാരം ഉപയോഗിച്ചു പുറപ്പെടുവിച്ച വാറണ്ടിലുടെ ഒരു വ്യക്തിയുടെ സ്വാതന്ത്ര്യം തടയുന്ന പ്രവർത്തിയാണ്.

CGST/SGST നിയമപ്രകാരം എപ്പോഴൊക്കെയാണ് ഒരാളെ അറസ്റ്റ ചെയ്യാൻ അധികാരപ്പെടുത്താവുന്നത്?

CGST/SGST നിയമം വകുപ്പ്132(1)(a), (b), (c), (d) അല്ലെങ്കില്‍ 132(2) വകുപ്പ്കൾ പ്രകാരം ശിക്ഷിക്കപ്പെടാവുന്ന കുറ്റങ്ങൾ ഒരാൾ ചെയ്തു എന്ന CGST/SGST കമ്മീഷണർക്ക് വിശ്വസിക്കാൻ കാരണങ്ങളുണ്ടെങ്കിൽ അദ്ദേഹ ത്തിന് അയാളെ അറസ്സുചെയ്യുവാൻ ഒരു CGST/SGST ഉദ്യോഗസ്ഥനെ അധികാരപ്പെടുത്താവുന്നതാണ്. ഇതുകൊണ്ടു ഉദ്ദേശ്ശിക്കുന്നതെന്തെന്നാൽ അത്തര ക്കാർ ഒന്നുകിൽ രണ്ടു കോടിയിലധികം രൂപയുടെ നികുതി വെട്ടിപ്പ് നടത്തി യ ആളോ അല്ലെങ്കിൽ ഈ വ്യക്തി ഇതിനു മുൻപ് GST നിയമം വകുപ്പ് 73 പ്രകാരം കുറ്റം ചെയ്തതായി വിധിക്കപ്പെട്ട ആളോ ആയിരിക്കണം.

CGST/SGST നിയമം അനുസരിച്ചു അറസ്റ്റ്ചെയ്യപ്പെടുന്ന വ്യക്തിക്ക ഉറപ്പുവരുത്തിയിരിക്കുന്ന സംരക്ഷണങ്ങൾ എന്തൊക്കെയാണ്?

CGST/SGST നിയമം വകുപ്പ് 69 അനുസരിച്ചു അറസ്റ്റ് ചെയ്യപ്പെടുന്ന വ്യക്തിക്ക് താഴെ പറയുന്ന സംരക്ഷണങ്ങൾ ഉണ്ട്.

  • ഒരു കോഗ്നിസബിൾ കുറ്റകൃത്യത്തിനാണ് അറസ്റ്റ് ചെയ്യപ്പെടുന്നതെങ്കിൽ അറസ്റ്റിൻറ്റെ കാരണം അയാളെ എഴുതി അറിയിക്കണം; 24 മണിക്കുറിനുള്ളിൽ ഒരു മജിസ്ട്രേറ്റിനു മുൻപാകെ അയാളെ ഹാജരാക്കിയിരിക്കണം.
  • ജാമ്യം ലഭിക്കാവുന്നതും നോൺ കോഗ്നിസബിൾ ആയതുമായ കുറ്റകൃത്യത്തിനാണ് അറസ്റ്റ് ചെയ്തതെങ്കിൽ അറസ്റ്റ് ചെയ്യ പ്പെട്ട വ്യക്തിയെ CGST/SGST ഡെപ്യൂട്ടി/അസിസ്റ്റൻറ്റ് കമ്മീഷ ണർ ജാമ്യത്തിൽ വിടണം. ഇക്കാര്യത്തിൽ ഒരു പോലീസ് സ്റ്റേഷൻ ഡ്യൂട്ടി ഓഫീസർക്ക് എന്നപോലെ, 1973-ലെ ക്രിമിനൽ നടപടി ചട്ടം 436 ബാധകമാണ്.
  • 1973-ലെ ക്രിമിനൽ നടപടിചട്ടം പ്രകാരം മാത്രമേ ഒരാളെ അറസ്റ്റ് ചെയ്യുവാൻ പാടുള്ളൂ.

അറസ്റ്റ് ചെയ്യുമ്പോൾ എടുക്കേണ്ട മുൻകരുത്തലുകൾ എന്തൊക്കെയാണ്?

അറസ്റ്റിനെ സംബന്ധിച്ചും അതിൻറ്റെ നടപടികളെപ്റ്റിയും 1973ലെ ക്രിമിനൽ നടപടിചട്ടത്തിൽ പറഞ്ഞിരിക്കുന്ന എല്ലാ വ്യവസ്ഥകളും പാലിക്കണം. അതുകൊണ്ടു എല്ലാ CGST/SGST ഫീൽഡ് ആപ്പീസർമാരും ഇതേക്കുറിച്ചു ശരിക്കും അറിഞ്ഞിരിക്കണം. 1973-ലെ ക്രിമിനൽ നടപടിചട്ടം, അൻപത്തിയേഴാം വകുപ്പ് പ്രകാരം വാറണ്ടില്ലാത്തെ അറസ്റ്റ് ചെയ്ത ഒരു വ്യക്തി യെ കേസിൻറ്റെ സാഹചര്യം അനുസരിച്ചു ന്യായമായും ആവശ്യമായ സമയത്തിലധികം, ഒരു കാരണവശാലും 24 മണിക്കുറിനു മുകളിൽ, കസ്റ്റഡിയിൽ വയ്ക്കുവാൻ പാടുള്ളതല്ല. ഈ 24 മണിക്കുർ എന്ന പരിധിയിൽ നിന്ന് പ്രത്തിയെ അറസ്സു ചെയ്ത സ്ഥലത്തുനിന്ന് മജിസ്ട്രേറ്റിനു മുൻപാകെ കൊണ്ടു വരുന്നതിനുള്ള യാത്രാസമയം ഒഴിവാക്കിയിട്ടുണ്ട്. ഈ സമയത്തിനുള്ളിൽ അറസ്റ്റ് ചെയ്ത വ്യക്തിയെ Cr P C, 56 വകുപ്പ്പ്രകാരം കേസിൽ അധികാരമുള്ള മജിസ്ട്രേറ്റിനു മുൻപാകെയാണ് ഹാജരാക്കേണ്ടത്. അറസ്റ്റ് ചെയ്യുന്നതിനു മുമ്പ് പാലിക്കപ്പെടേണ്ട കാര്യങ്ങളെകുറിച്ച് ഡി കെ ബസു Vs പശ്ചിമബംഗാൾ എന്ന കേസിൽ ബഹുമാന്യ സുപ്രീം കോടതി പ്രത്യേക മാർഗ്ഗ നിർദേശങ്ങൾ നൽകിയിട്ടുണ്ട്. ഇത് പോലീസിനെ ഉദ്ദേശ്ശിച്ചുള്ളത് ആയിരിന്നു എങ്കിലും അത് അറസ്റ്റ് ചെയ്യുവാൻ അധികാരമുള്ള എല്ലാവർക്കും ബാധകമാണ്. അവ ഇങ്ങനെയാണ്

  • അറസ്റ്റ് ചെയ്യുന്ന ഉദ്യോഗസ്ഥൻ തൻറ്റെ പേരും ഉദ്യോഗപ്പേരും വ്യക്തമായി കാണത്തക്ക വിധം നെയിംടാഗോടുകൂടിയ യൂണിഫോം ധരിച്ചിരിക്കണം. ചോദ്യം ചെയ്യുന്ന എല്ലാ ഉദ്യോഗസ്ഥരും അവരുടെ പേരു വിവരങ്ങൾ ഒരു രജിസ്റ്ററിൽ രേഖപ്പെടുത്തിയിരിക്കണം.
  • അറസ്റ്റ് ചെയ്യുന്ന ഉദ്യോഗസ്ഥൻ ആ സമയത്ത് ഒരു മെമോ എഴുതി ഉണ്ടാക്കുകയും അതിൽ ഒരു സാക്ഷിയെങ്കിലും ഒപ്പിട്ടിരിക്കുകയും വേണം. ആ സാക്ഷി ഒന്നുകിൽ പ്രത്തിയുടെ ബന്ധമുവോ ആ സ്ഥലത്തെ ബഹുമാന്യനായ വ്യക്തിയോ ആയിരിക്കണം. അതിൽ അറസ്റ്റ് ചെയ്യപ്പെട്ട വ്യക്തി സമയവും തീയതിയും കാണിച്ചു ഒപ്പിട്ടിരിക്കണം.
  • അറസ്റ്റ് മെമോയിൽ ഒപ്പിടുന്ന വ്യക്തി അറസ്റ്റ് ചെയ്യപ്പെട്ട ആളുടെ ബന്ധമുവോ സുഹ്യത്തോ അല്ലായെങ്കിൽ അറസ്സുമായി ബന്ധപ്പെട്ട എല്ലാ വിവരവും കഴിയുന്നത്രയും വേഗം പ്രത്തിയുടെ ബന്ധമുവിനേയോ സുഹ്യത്തിനേയോ അറിയിച്ചിരിക്കേണ്ടതാണ്. അറസ്റ്റ് ചെയ്യപ്പെട്ട സമയം, സ്ഥലം, കസ്റ്റഡി യിൽ വെച്ചിരിക്കുന്ന സ്ഥലം മുതലായവ അയാളെ അറിയു ന്ന ഒരു വ്യക്തിയെയോ, അയാളുടെ അഭ്യദയകാംക്ഷിയെയോ ബന്ധുവിനേയോ സുഹ്യത്തിനെയോ അറിയിക്കാൻ അറസ്റ്റ് ചെയ്യപ്പെട്ട ആളിന് അവകാശമുണ്ട്.
  • അറസ്റ്റ് ചെയ്യപ്പെട്ട ആളുടെ ബന്ധുക്കൾ/സുഹ്യത്തുക്കൾ ജില്ലക്ക് വെളിയിൽ ആണ് ഉള്ളതെങ്കിൽ, അയാൾ അറസ്റ്റ് ചെയ്യപ്പെട്ട സമയം, സ്ഥലം, കസ്റ്റഡിയിൽ വെച്ചിരിക്കുന്ന സ്ഥലം മുതലായവ, ടെലിഗ്രാം മുഖേന, നിയമസഹായ സമിതി വഴിയും അവർ താമസിക്കുന്ന സ്ഥലത്തെ പോലീസ് സ്റ്റേഷൻവഴിയും 8 മുതൽ 12 മണിക്കുറിനുള്ളിൽ അവരെ അറിയിച്ചിരിക്കേണ്ടതാണ്.
  • തടങ്കലിൽ വച്ചിരിക്കുന്ന സ്ഥലത്തു സൂക്ഷിച്ചിരിക്കുന്ന ഒരു ഡയറിയിൽ അറസ്സുമായി ബന്ധപ്പെട്ട വിവരങ്ങൾ എഴുത്തി സൂക്ഷിക്കേണ്ടതും അതിൽ പ്രസ്തുത ബന്ധമുവിൻറ്റെ പേരു വിവരങ്ങൾ, അയാളെ കസ്റ്റഡിയിൽ വച്ചിരിക്കുന്ന ആപ്പീസർ മാരുടെ പേരു വിവരങ്ങൾ, എന്നിവ എഴുതിയിരിക്കണം.
  • അറസ്റ്റിൻറ്റെ സമയത്ത് അയാൾ ആവശ്യപ്പെടുകയാണെങ്കിൽ അയാളുടെ ദേഹ് പരിശോധന നടത്തുകയും പ്രത്യേകമായി കാണപ്പെടുന്ന ചെറുതോ വലുതോ ആയ മുറിവുകൾ എന്തെങ്കിലും ശരീരത്തിൽ ഉണ്ടെങ്കിൽ അവ പരിശോധനാ മെമോയിൽ കാണിക്കുകയും അതിൽ ആപ്പീസറും അറസ്സു ചെയ്യപ്പെടുന്ന ആളും ഒപ്പിടേണ്ടതുമാണ്. ഒരു കോപ്പി അയാൾക്ക് കൊടുക്കുകയും വേണം.
  • അറസ്സു ചെയ്യപ്പെടുന്ന ആൾ കസ്റ്റഡിയിൽ ഉള്ള കാലത്തോളം എല്ലാ 48 മണിക്കുറിലും ഇതിനായി സർക്കാർ നിയമിച്ചിട്ടുള്ള ഡോക്ടർ മുമ്പാകെ ഹാജരാക്കി വൈദ്യപരിശോധന നടത്തേ ണ്ടതാണ്. എല്ലാ താലൂക്കുകളിലും ജില്ലകളിലും ബന്ധപ്പെട്ട ഹെൽത്ത് സർവീസ് ഡയറക്ടർ ഇതിനായി ഡോക്ടർമാരുടെ ഒരു പാനൽ ഉണ്ടാക്കേണ്ടതാണ്.
  • അറസ്റ്റ് മെമോ ഉൾപ്പെടെ മുകളിൽ പറഞ്ഞ എല്ലാ രേഖകളുടെയും ഒരുകോപ്പി അവിടുത്തെ മജിസ്ട്രേറ്റിനു അയച്ചു കൊടുക്കേണ്ടതാണ്.
  • ചോദ്യം ചെയ്യുന്ന വേളയിൽ വക്കീലിനെ കാണുവാൻ അറസ്സു ചെയ്യപ്പെടുന്ന ആളെ അനുവദിക്കേണ്ടതാണ്. ചോദ്യം ചെയ്യുന്ന എല്ലാ സമയവും ഇത് വേണമെന്നില്ല.
  • എല്ലാ ജില്ലയിലും സജ്ജമാക്കിയിട്ടുള്ള പോലീസ് കൺട്രോൾ റൂമിൽ അറസ്സു ചെയ്യപ്പെട്ടിട്ടുള്ള വ്യക്തികളുടെ വിവരങ്ങൾ 12 മണിക്കുറിനുള്ളിൽ അറിയിക്കേണ്ടതും എല്ലവർക്കും കാണാവുന്ന രീതിയിൽ ആ വിവരങ്ങൾ ഒരു നോട്ടീസ് ബോർഡിൽ പ്രദർശിപ്പിക്കേണ്ടതുമാണ്.

സെൻട്രൽ ബോർഡ് ഓഫ് എക്സൈസ് ആൻഡ് കസ്റ്റംസ് അറസ്റ്റ് ചെയ്യുമ്പോൾ പാലിക്കപ്പെടണമെന്നു പറഞ്ഞിരിക്കുന്ന മാർഗ്ഗനിർദേശങ്ങൾ എന്തൊക്കെയാണ്?

ഒരാളെ അറസ്സു ചെയ്യുന്നതിന് മുൻപായി ആ കേസിൽ അടങ്ങിയിട്ടുള്ള കാര്യകാരണം, നികുതി, വെട്ടിപ്പിൻറ്റെവ്യാപ്തി, നികുതിവെട്ടി പ്പിൻറ്റെമാർഗം, കാലയളവ്, തെളിവുകളുടെ ഔന്നത്യം, തെറ്റായ രീതിയിൽ എടുത്ത ക്രൈഡിറ്റിൻറ്റെ വ്യാപ്തി, തെളിവിനശിപ്പിക്കുവാനുള്ള സാധ്യതകൾ തുടങ്ങിയ വിവിധങ്ങളായ ഘടകങ്ങൾ വച്ചു കൊണ്ടുള്ള ഒരു കേസ്-ടു-കേസ് പഠനം നടത്തിയ ശേഷം മാത്രമേ ഒരാളെ അറസ്സു ചെയ്യുവാൻ പാടുള്ളൂ. മാത്രവുമല്ല താഴെ പറയുന്ന കാര്യങ്ങൾകൂടി പരിഗണിക്കേണ്ടതാണ്.

  • നികുതി ശോഷണം സംബന്ധിച്ച് ശരിയായ രീതിയിൽ അന്വേഷണം നടത്തുന്നതിനു വേണ്ടിയാകണം അറസ്റ്റ്
  • പ്രതികൾ ഒളിവിൽ പോകാതിരിക്കുവാൻ വേണ്ടിയാവണം അറസ്റ്റ്
  • സാധനങ്ങൾ ഒളിപ്പിച്ചു വെച്ചുകൊണ്ടുള്ള കള്ളക്കടത്തു തടയുന്നതിനും/ കസ്റ്റംസ് തീരുവ വെട്ടിക്കുന്നതു തടയുന്നതിനും വേണ്ടിയാകണം അറസ്റ്റ്,
  • നികുതിവെട്ടിപ്പിനു ആസൂത്രണം ചെയ്യുകയും നിർവഹിക്കുകയും ചെയ്ത ബുദ്ധികേന്ദ്രം, ബിനാമി, പ്രോക്സി, ഡമ്മി മുതലായ ശരിയായ കുറ്റവാളികളെ കണ്ടെത്തുന്നതിനുവേണ്ടി,
  • നികുതി വെട്ടിപ്പിനുള്ള ആസൂത്രണം മനപ്പൂർവം ചെയ്തതാണെന്ന് ബോധ്യം വരുന്ന ഘട്ടങ്ങളിൽ,
  • തെളിവുകൾ നശിപ്പിക്കപ്പെടാതിരിക്കുവാൻവേണ്ടി,
  • സാക്ഷികളെ സ്വാധീനിക്കുന്ന/അക്രൈഡ്രര്യപ്പെടുത്തുക മുതലായവ നടക്കുന്ന സമയത്ത്.
  • ഒരു കോടിയിലധികം രൂപയുടെ നികുതി/സർവീസ് ടാക്സ വെട്ടിപ്പനടന്ന സാഹചര്യങ്ങളിൽ.

ഒരു കൊഗ്നിസബിൾ ഒഫൻസ്എന്നാൽ എന്താണ്?

ഉത്തരം: ഗുരുതരമായ കുറ്റകൃത്യങ്ങളിൽ ഏർപ്പെടുന്ന ഒരു കുറ്റവാളിയെ വാറണ്ടില്ലാതെ ഒരു പോലീസ് ഉദ്യോഗസ്ഥന്നു അറസ്സു ചെയ്യാവുന്നതും കോട തിയുടെ ഉത്തരവോടുകൂടിയോ അല്ലാതെയോ തന്നെ അന്വേഷണം തുടങ്ങാ വുന്നതുമാണ്. അത്തരം കുറ്റകൃത്യങ്ങളെ ആണ് കോഗ്നിസബിൾ ഒഫൻസ് എന്ന് സാധാരണയായി വിളിക്കുന്നത്.

ഒരു നോൺകൊഗ്നിസബിൾ ഒഫൻസ് എന്നാൽ എന്താണ്?

അത്ര ഗുരുതരമല്ലാത്ത കുറ്റകൃത്യങ്ങളിൽ ഏർപ്പെടുന്ന ഒരു കുറ്റ വാളിയെ വാറണ്ടില്ലാത്തെ ഒരു പോലീസ് ഉദ്യോഗസ്ഥന്നു അറസ്സു ചെയ്യാനും കോടതിയുടെ ഉത്തരവില്ലാതെ അന്വേഷണം നടത്തുവാനും സാധ്യമല്ല. അത്തരം കുറ്റകൃത്യങ്ങളെ ആണ് നോൺകോഗിസബിൾ ഒഫൻസ് എന്ന് സാധാരണയായി വിളിക്കുന്നത്.

CGST/SGST നിയമ പ്രകാരം കൊഗ്നിസബിൾ ഒഫൻസ്, നോൺ കൊഗ്നിസബിൾ ഒഫൻസ് എന്ന് പറഞ്ഞാൽ എന്താണ്?

CGST/SGST നിയമം വകുപ്പ് 132 പ്രകാരം 5 കോടി രൂപക്ക് മുകളിലു ള്ള ചരക്കുകളുമായോ സേവനങ്ങളുമായോ ബന്ധപ്പെട്ട നികുതിയുടെ വെട്ടിപ്പുകൾ, തെറ്റായ ഇൻപുട്ട് ടാക്സ് ക്രൈഡിറ്റ് എടുക്കൽ, തെറ്റായ റീഫണ്ട വാങ്ങൽ തുടങ്ങിയ കുറ്റങ്ങളെയാണ് കോഗ്നിസബിൾ & നോൺ ബെയ്ലബിൾ (ജാമ്യംഇല്ലാത്തതു) ഒഫൻസ് എന്ന ഗണത്തിൽ പെടുത്തിയിരിക്കുന്നത്. മറ്റു നികുതി വെട്ടിപ്പുകളെല്ലാം നോൺ കൊഗ്നിസബിൾ & ബൈയിലബിൾ (ജാമ്യംകിട്ടാവുന്നത്) ഒഫൻസ് എന്ന ഗണത്തിൽ പെടുത്തിയിരിക്കുന്നു.

CGST/SGST നിയമത്തിൽ എപ്പോഴൊക്കെ ആണ് പ്രോപ്പർ ആപ്പീ സർക്കു സമ്മൺസ് കൊടുക്കുവാൻ അധികാരമുള്ളത്?

CGST/SGST നിയമം വകുപ്പ് 70 പ്രകാരം ഒരു CGST/SGST ആപ്പീസർക്കു തൻറ്റെ അന്വേഷണത്തിൽ ഇരിക്കുന്ന കേസുകളിൽ ആവശ്യമായ തെളിവ് നൽകുന്നതിനും, ഡോകുമെൻറ്റ് ഹാജരാകുന്നതിനു വേണ്ടിയും മറ്റും തൻറ്റെ മുമ്പാകെ ഹാജരാകുന്നതിന് ഒരാൾക്ക് സമ്മൺസ് കൊടുക്കുവാൻ അധികാരം ഉണ്ട്. ചിലപ്പോൾ ഇത് ഒരു പ്രത്യേക പ്രമാണമോ മറ്റു വസ്തുക്കളോ ഹാജരാക്കണം എന്ന് ആവശ്യപ്പെട്ടാകാം, ചിലപ്പോൾ അയാളുടെ നിയന്ത്രണ ത്തിൽ ഇരിക്കുന്ന ഒരു പ്രത്യേക വിവരണത്തിൽപെട്ട എല്ലാ രേഖകളെയും അല്ലെങ്കിൽ വസ്തുക്കളെയും സംബന്ധിച്ചാകാം.

സമ്മൺസ് ലഭിക്കുന്ന വ്യക്തിയുടെ ഉത്തരവാദിത്വങ്ങൾ എന്തൊക്കെയാണ്?

അന്വേഷണത്തിൽ ഇരിക്കുന്ന കേസുകളിൽ ഉദ്യോഗസ്ഥൻ ആവശ്യപ്പെടുന്ന തെളിവുകളും രേഖകളും തൻറ്റെ കൈവശമോ അധീനതയിലോ ഉള്ളതാണെങ്കിൽ അവ സ്വമേധയായോ ഒരു അംഗീകൃത പ്രതിനിധി മുഖാന്തിരമോ ഹാജരായി സത്യം ബോധിപ്പിച്ചു തെളിവനൽകുന്നതിനുള്ള ഉത്തരവാദിത്വം നിയമപരമായി സമ്മൺസ് ലഭിക്കുന്ന ഒരു വ്യക്തിക്കുണ്ട്.

സമ്മൺസ് ലഭിക്കുന്ന വ്യക്തി ഹാജരായില്ലെങ്കിൽ ഉള്ള അനന്തര ഫലങ്ങൾ എന്താണ്?

സമ്മൺസ് നൽകി ഒരു വ്യക്തിയോട് ഹാജരാകുവാൻ ആവശ്യപ്പെടുന്ന പ്രകിയയെ നിയമ പരമായി ഒരു കോടതി നടപടിയായി കണക്കാക്ക പെടാം. മതിയായ കാരണങ്ങളില്ലാത്തെ ഒരാൾ അങ്ങിനെ ഹാജരാകാതിരു ന്നാൽ അവരെ ഇന്ത്യൻ പീനൽ കോഡിലെ സെക്ഷൻ 174 പ്രകാരം ഉള്ള ശിക്ഷാ നടപടികൾക്ക് വിധേയനാക്കാവുന്നതാണ്. അയാൾ സമ്മൺസ് കൈപ്പറ്റാത്തെ ഒളിച്ചുനടന്നാൽ ഇന്ത്യൻ പീനൽ കോഡിലെ സെക്ഷൻ 172 പ്രകാരവും ആവശ്യപ്പെട്ട രേഖകൾ (ഇലക്ട്രോണിക്സ് ഡോക്യുമെൻറ്റ്സ് അടക്കമുള്ളവ) ഹാജരാക്കാതിരുന്നാൽ ഇന്ത്യൻ പീനൽകോഡിലെ സെക്ഷൻ 175 പ്രകാരവും ശിക്ഷാർഹനാണ്. തെറ്റായ വിവരങ്ങൾ നൽകിയാൽ ഇന്ത്യൻ പീനൽ കോഡിലെ സെക്ഷൻ 193 പ്രകാരം ശിക്ഷാർഹനാണ്. CGST/SGST നിയമം വകുപ്പ് 122(3)(ഡി) പ്രകാരം, സമ്മൺസ് അയച്ച CGST/SGST ഉദ്യോഗസ്ഥനു മുമ്പാകെ ഹാജരാകാത്ത വ്യക്തിക്ക, മുകളിൽ പറഞ്ഞവ കൂടാതെ, 25000 രൂപ വരെ പിഴയും ചുമത്തപ്പെടാവുന്നതാണ്.

സമ്മൺസ് പുറപ്പെടുവിക്കുവാനുള്ള മാർഗ നിർദേശങ്ങൾ എന്തൊക്കെയാണ്?

സമ്മൺസ് കൊടുക്കുവാനുള്ള അധികാരം ദുരുപയോഗപ്പെടുത്തന്നില്ലെന്ന് ഉറപ്പാക്കാൻ സെൻട്രൽ ബോർഡ് ഓഫ് എക്സൈസ് ആൻഡ് കസ്റ്റംസ് സമയാസമയങ്ങളിൽ മാർഗനിർദേശങ്ങൾ പുറപ്പെടുവിച്ചിട്ടുണ്ട്. ഈ മാർഗ്ഗനിർദേശങ്ങളിൽ പ്രധാനപ്പെട്ടവ താഴെ കൊടുത്തിരിക്കുന്നു.

  • നികുതിദായകർ സഹകരിക്കാത്ത സന്ദർഭങ്ങളിൽ ഒരു അവസാന ആശ്രയമെന്ന നിലയിൽ മാത്രമേ സമ്മൺസ് ഇഷ്യ ചെയ്യാവു. തലപ്പത്തിരിക്കുന്ന മുതിർന്ന മാനേജ്മെൻറ്റ് ഉദ്യോഗസ്ഥർക്ക് സമ്മൺസ് കൊടുക്കുന്നത് ഒഴിവാക്കണം;
  • സമ്മൺസിൽ, അത് ലഭിക്കുന്ന വ്യക്തിക്ക, അനാവശ്യമായ മാനസിക ബുദ്ധിമുട്ടുണ്ടാക്കുന്ന കഠിനവും പരുഷവുമായ ഭാഷ പാടില്ല;
  • അസിസ്റ്റൻറ്റകമ്മീഷണർ റാങ്കിൽ താഴെയല്ലാത്ത ഒരു ഉദ്യോഗസ്ഥനിൽ നിന്ന്, സമ്മൺസയക്കുന്നതിനുള്ള കാരണങ്ങൾ ബോധ്യപ്പെടുത്തി, രേഖാമൂലമുള്ള മുൻകൂർ അനുമതി ലഭിച്ച ശേഷം മാത്രമേ സൂപ്രണ്ടുമാർ സമൻസ് കൊടുക്കുവാൻ പാടുള്ള്,
  • മുൻകൂർ അനുമതിയില്ലാത്തെ അങ്ങനെ ചെയ്യേണ്ടി വരുന്ന സാഹചര്യങ്ങളിൽ ടെലിഫോൺ വഴിയോ മറ്റോ വാക്കാലുള്ള അനുമതി വാങ്ങിയിരിക്കണം. ഇക്കാര്യം എത്രയും വേഗം സമൻസ് അയക്കുന്നതിനു അനുമതി നൽകിയ ഉദ്യോഗസ്ഥനെ രേഖാമൂലം അറിയിക്കണം;
  • സമൻസ് ഇഷ്യ ചെയ്യുന്ന എല്ലാ കേസുകളിലും ഇഷ്യ ചെയ്യുന്ന ഉദ്യോഗസ്ഥൻ അവ സംബന്ധിച്ച വിവരണം കേസ് ഫയലു കളിൽ രേഖപ്പെടുത്തുകയും, റിപ്പോർട്ട് സമൻസ് അയക്കുവാൻ അനുമതി നൽകിയ ഉദ്യോഗസ്ഥന്നു അയച്ചു കൊടുക്കുകയും വേണം;
  • സിഇഒ, സി.എഫ്ഒ, വലിയകമ്പനിയുടെ അല്ലെങ്കിൽ ഒരു പൊതുമേഖലാ സ്ഥാപനത്തിൻറ്റെ ജനറൽമാനേജർ, മുതിർന്ന മാനേജ്മെൻറ്റ് ഉദ്യോഗസ്ഥർ മുതലായവർക്ക് അന്വേഷണ തുടക്കത്തിൽ തന്നെ സാധാരണയായി സമൻസ് കൊടുക്കുവാൻ പാടില്ല; എന്നാൽ നികുതി നഷ്ടം വരുത്തിയത്തിലുള്ള അവരുടെ പങ്കാളിത്തം വെളിവായിക്കഴിഞ്ഞാൽ അങ്ങനെ ചെയ്യാവുന്നതാണ്.

സമ്മൺസകൊടുക്കുമ്പോൾ പാലിക്കേണ്ട മുൻകരുത്തലുകൾ എന്തൊക്കെയാണ്?

സമ്മൺസ് കൊടുക്കുമ്പോൾ പാലിക്കേണ്ട മുൻകരുത്തലുകൾ എന്തൊക്കെ എന്ന് താഴെ പറയുന്നു.

  • മതിയായ കാരണങ്ങൾ കൂടാതെ ഹാജരാകുവാൻ ഒരാൾക്കു സമ്മൺസ് അയക്കരുത്ത് ഒരാളുടെ സാന്നിദ്ധ്യം (പ്രെസൻസ്) അന്വേഷണത്തിൽ ഇരിക്കുന്ന കേസിൽ ആവശ്യമുള്ളപ്പോൾ മാത്രമേ അയാളെ ഇങ്ങനെ വിളിച്ചു വരുത്തുവാൻ പാടുള്ളൂ
  • തുടർച്ചയായി സമൻസ് ഇഷ്യ ചെയ്യാത്തെ കുറ്റാരോപിതർ അല്ലെങ്കിൽ സാക്ഷികൾ ഇവരുടെ മൊഴി കഴിയുന്ന അത്ര കുറഞ്ഞ ഹാജരാകലുകളിൽ തന്നെ രേഖപ്പെടുത്തേണ്ടതാണ്
  • സമ്മൺസിൽ ഹാജരാകുവാൻ പറഞ്ഞിരിക്കുന്ന സമയത്തിൽ കൃത്യത്ത് വേണം. പ്രത്യേക സാഹചര്യങ്ങളിലല്ലാത്തെ ഒരു വ്യക്തിയെയും മൊഴി രേഖപ്പെടുത്തുന്നതിന് വേണ്ടി മണിക്കുറുകൾ കാത്തിരിക്കുവാൻ ഇടയാക്കരുത്.
  • സാധാരണ ഓഫീസ് സമയത്തു തന്നെ മൊഴി രേഖപ്പെടുത്തേ ണ്ടതാണ്. എന്നാൽ കേസിൻറ്റെ വസ്തുതകൾ അനുസരിച്ചു മൊഴി രേഖപ്പെടുത്തുന്ന സമയവും സ്ഥലവും മാറ്റാവുന്നതാണ്

CGST/SGST ഓഫീസർമാരെ അവരുടെ ഔദ്യോഗിക ജോലിക്കിടയിൽ സഹായിക്കാൻ ബാധ്യതപ്പെട്ട മറ്റു ഉദ്യോഗസ്ഥർ ആരെങ്കിലുമുണ്ടോ?

CGST/SGST നിയമം വകുപ്പ് 72 പ്രകാരം താഴെ പറയുന്ന ഉദ്യോഗസ്ഥരെ, CGST/ SGST ഓഫീസർമാരെ അവരുടെ ഔദ്യോഗിക ജോലിക്കിടയിൽ സഹായിക്കാൻ അധികാരപ്പെടുത്തിയിട്ടുണ്ട്. CGST/SGST നിയമത്തിൽ പറ ഞിരിക്കുന്ന വിഭാഗങ്ങൾ താഴെ പറയുന്നവരാണ്.

  • പോലീസ്,
  • റെയിൽവേയ്ക്ക്
  • കസ്റ്റംസ്
  • കേന്ദ്ര/കേന്ദ്രഭരണ പ്രദേശ/സംസ്ഥാന ജി.എസ്.ടി. ഉദ്യോഗസ്ഥർ
  • കേന്ദ്ര/കേന്ദ്രഭരണ പ്രദേശത്തെ/സംസ്ഥാന ലാൻഡറവെന്യ ഉദ്യോഗസ്ഥർ,
  • എല്ലാ വില്ലേജ് ഓഫീസർമാർ,
  • കേന്ദ്ര/സംസ്ഥാന സർക്കാരുകൾ ഇതിനായി കാലാകാലങ്ങളിൽ നിയമിക്കുന്ന മറ്റു ഓഫീസർമാർ.

കടപ്പാട്  : Central Board of Excise and Customs

3.11538461538
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top