Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

അഡ്വാൻസ് റൂളിംഗ്

GST യിലെ അഡ്വാൻസ് റൂളിംഗ് വിവരങ്ങള്‍

ആഡ്വാൻസ് റുളിംഗ് എന്നാൽ എന്താണ്?

സി.ജി.എസ്.ടി/എസ്.ജി.എസ്.ടി. നിയമം വകുപ്പ് 95 പ്രകാരം, കൂടാതെ യു.ടി.ജി.എസ്.ടി. നിയമം സെക്ഷൻ 12 പ്രകാരം, സെക്ഷൻ 97(2)-ലോ, സി.ജി.എസ്.ടി/എസ്.ജി.എസ്.ടി. നിയമം സെക്ഷൻ 100(1)-ലോ പറയുന്ന കാര്യങ്ങളിൽ സാധനങ്ങളുടെ, കൂടാതെ/അല്ലെങ്കിൽ, സേവനങ്ങളുടെ നടത്തവാൻ ഉദ്ദേശിക്കുന്ന അല്ലെങ്കിൽ നടത്തിക്കൊണ്ടിരിക്കുന്ന 'സപ്ലൈ'- യുമായി ബന്ധപ്പെട്ട കാര്യങ്ങളിൽ അപേക്ഷകന്റെ സംശയങ്ങൾക്കും ചോദ്യങ്ങൾക്കും അധികാരികൾ അല്ലെങ്കിൽ അപ്പല്ലേറ്റ് അധികാരികൾ എഴുതികൊടുക്കുന്ന തീരുമാനങ്ങൾ ആണ് അഡ്വാൻസ് റുളിംഗ്.

ഏതൊക്കെ കാര്യങ്ങളിലാണ് അഡ്വാൻസ് റൂളിംഗ് ആവശ്യപ്പെടാവുന്നത്

അഡ്വാൻസ് റൂളിംഗിലൂടെ താഴെ പറയുന്ന കാര്യങ്ങൾ ആവശ്യപ്പെടാൻ പറ്റും.

(എ) ചരക്ക് സേവന നികുതി (ജി.എസ്.ടി) ആക്ട് പ്രകാരം ഉള്ള ചരക്കുകളുടെയും, സേവനങ്ങളുടെയും വർഗീകരണം. (ക്ലാസ്ലിഫിക്കേഷൻ)

(ബി) ചരക്ക് സേവന നികുതി ആക്ട് പ്രകാരം പുറപ്പെടുവിച്ചതും ആയ ഒരു വിജ്ഞാപനത്തിൻറ്റെ പ്രസക്തി

(സി) ചരക്കുകളുടെ അഥവാ സേവനങ്ങളുടെ, അല്ലെങ്കിൽ രണ്ടിൻറ്റെയും മൂല്യവും സമയവും നിർണ്ണയിക്കുന്നതിന്നു.

(ഡി) അടച്ചതോ, അടച്ചതായി പരിഗണിക്കുന്നതോ ആയ ഇൻപുട് ടാക്സ് ക്രൈഡിറ്റിൻറ്റെ അർഹത്.

(ഇ) ചരക്ക് സേവന നികുതി നിയമത്തിലെ വ്യവസ്ഥകൾ പ്രകാരം എന്തെങ്കിലും സാധനങ്ങൾക്കോ അഥവാ സേവനങ്ങൾക്കോ നികുതി അടയ്ക്കാൻ ഉള്ള ബാധ്യത നിർണയിക്കൽ,

(എഫ്)ചരക്ക് സേവന നികുതി നിയമത്തിലെ വ്യവസ്ഥകൾ പ്രകാരം അപേക്ഷകൻ രജിസ്റ്റർ ചെയ്യേണ്ടത് ആവശ്യമാണോ എന്നത്.

(ജി) ഒരു അപേക്ഷകൻ ചരക്ക് അഥവാ സേവനം സംബന്ധിച്ചു ചെയ്ത ഒരു പ്രവൃത്തി ചരക്ക്/സേവനം കൈമാറ്റം ചെയ്യലിൻറ്റെ പരിധിയിൽ വരുമോ എന്നത്.

അഡ്വാൻസ് റൂളിംഗ് എന്ന സംവിധാനത്തിൻറ്റെ ഉദ്ദേശം എന്താണ്?

ഇത്തരം ഒരു അധികാരസ്ഥാപനം ഉണ്ടാക്കുന്നതിനുള്ള വിശാലമായ ലക്ഷ്യങ്ങൾ താഴെ പറയുന്നവയാണ്

i. ഒരു അപേക്ഷകൻ ചെയ്യാൻ ഉദ്ദേശിക്കുന്ന ഒരു പ്രവർത്തന ത്തിന്, അദ്ദേഹത്തിൻറ്റെ നികുതി ബാധ്യത മുൻകൂറായി നിശ്ചയപ്പെടുത്തി കൊടുക്കൽ,

ii. നേരിട്ടുള്ള വിദേശ നിക്ഷേപം (എഫ്ലിഐ) ആകർഷിക്കാൻ.

iii. നിയമ വ്യവഹാരം കുറക്കൽ,

iv, സുതാര്യവും ചിലവ് കുറഞ്ഞതുമായ രീതിയിൽ വളരെ വേഗത്തിൽ കാര്യങ്ങൾക്ക് തീരുമാനം അറിയിക്കൽ.

ചരക്കുസേവന നികുതി അഡ്വാൻസ് റൂളിംഗ് അതോറിറ്റിയുടെ (AAR under GST) ഘടന എങ്ങിനെ ആയിരിക്കും ?

അഡ്വാൻസ് റുളിംഗ് അതോറിറ്റിയിൽ (AAR) ഒരു അംഗം CGST യ്ക്കും, ഒരു അംഗം SGST/UTGST-യ്ക്കും ആയിരിക്കും. അവരെ യഥാക്രമം കേന്ദ്ര സംസ്ഥാന സർക്കാരുകൾ നിയമിക്കും.

അഡ്വാൻസ് റൂളിംഗ് ആഗ്രഹിക്കുന്ന വ്യക്തി രജിസ്ട്രേഷൻ എടുത്തിരിക്കണമോ?

ഉത്തരം: വേണ്ട. GST നിയമത്തിൽ രജിസ്റ്റർ ചെയ്തിരിക്കുന്ന വ്യക്തിക്കോ, അഥവാ, രജിസ്ട്രേഷൻ എടുക്കാൻ ആഗ്രഹിക്കുന്ന വ്യക്തിക്കോ ഒരു അപേ ക്ഷകന് ആകാം. (സെക്ഷൻ 95(b).

അഡ്വാൻസ് റുളിങ്ങിനുള്ള അപേക്ഷ ഏതു സമയത്താണ് നൽകേണ്ടത്?

ഒരു അപേക്ഷകന് ഒരു ഇടപാട് (ചെയ്യാൻ ഉദ്ദേശിക്കുന്ന സാധനങ്ങളുടെയോ സേവനങ്ങളുടെയോ സപ്ലൈ) തുടങ്ങുന്നതിനു മുൻപ് അഥവാ സഹൈപ്സ നടത്തിക്കൊണ്ടിരിക്കുമ്പോൾ, അഡ്വാൻസ് റുളിങ്ങിന് അപേക്ഷിക്കാം. ഒരു നിയന്ത്രണം ഉള്ളത് എന്തെന്നാൽ റുളിങ്ങിന് അപേക്ഷിക്കുന്ന ചോദ്യം അപേക്ഷകനെ സംബന്ധിച്ച ഏതെങ്കിലും നടപടിക്രമങ്ങളിൽ തീരുമാനമായതോ തീരുമാനത്തിനു കാക്കുന്നതോ ആയിരിക്കരുത്.

അഡ്വാൻസ് റുളിംഗ് അതോറിറ്റി എത്ര സമയത്തിനുള്ളിൽ റുളിംഗ് നൽകണം?

CGST/SGST ആക്ട സെക്ഷൻ 98(6) പ്രകാരം അഡ്വാൻസ് റുളിംഗ് അ തോറിറ്റി അപേക്ഷ ലഭിച്ചു തൊണ്ണുറു ദിവസത്തിനുള്ളിൽ അതിൻറ്റെ റുളിം ഗ് എഴുതി നൽകണം.

അപ്പലേറ്റ്‌ അതോറിറ്റി ഫോർ അഡ്വാൻസ് റുളിംഗ് (AAAR) എന്താണ്?

ഉത്തരം: അപ്പലേറ്റ്‌ അതോറിറ്റി ഫോർ അഡ്വാൻസ് റുളിംഗ് (AAAR), SGST ആക്ട് അല്ലെങ്കിൽ UTGST ആക്ട് പ്രകാരം രൂപീകരിച്ചതും ആ AAAR ബന്ധപ്പെട്ട സംസ്ഥാനത്തിന്റെ അല്ലെങ്കിൽ കേന്ദ്ര ഭരണ പ്രദേശത്തിന്റെ CGST ആക്റ്റിൻ കീഴിൽ ഉള്ള അപ്പലേറ്റ്‌ അതോറിറ്റി ആയി കണക്കാക്കപ്പെടുന്നതും ആയിരി ക്കും. ഒരു അപേക്ഷകനോ, അല്ലെങ്കിൽ ജൂറിസ്റ്റിക്ഷണൽ അധികരിക്കോ ഏതെങ്കിലും അഡ്വാൻസ് റുളിങ്ങിൽ പരാതിയുണ്ടെങ്കിൽ അപ്പലറ്റ് അതോ റിറ്റിയിൽ അപ്പീൽ നൽകാവുന്നതാണ്.

ചരക്ക് സേവന നികുതി നിയമപ്രകാരം എത്ര അതോറിറ്റി ഫോർ അഡ്വാൻസ് റുളിംഗ് (AAR)ഉം, അപ്പലേറ്റ്‌ അതോറിറ്റി ഫോർ അഡ്വാൻസ് റുളിംഗ് (AAAR)ഉം രൂപീകരിക്കാം?

ഓരോ സംസ്ഥാനത്തും ഓരോ AAR-ഉം, ഓരോ AAAR-ഉം ഉണ്ടായിരിക്കും.

അഡ്വാൻസ് റുളിംഗ് ആർക്കൊക്കെ ബാധകമാകും ?

വകുപ്പ് 103 പ്രകാരം, AAR അല്ലെങ്കിൽ AAAR പ്രഖ്യാപിക്കുന്ന അഡ്വാൻസ് റുളിംഗ് സെക്ഷൻ 97(2)-ൽ പ്രതിപാദിച്ചിരിക്കുന്ന ഏതെങ്കിലും കാര്യത്തിനു അപേക്ഷിച്ചിരിക്കുന്ന അപേക്ഷകനും അപേക്ഷകൻറ്റെ മേൽ അധികാര പരിധിയുള്ള നികുതി അധികാരിക്കും മാത്രമാണ് ബാധകം. സംസ്ഥാനത്തെ സമാന രീതിയിൽ നികുതി ചുമത്തപ്പെടാവുന്ന വ്യക്തികൾക്ക് അഡ്വാൻസ് റുളിംഗ് ബാധകമല്ല എന്നത് ഇവിടെ വ്യക്തമാണ്. അഡ്വാൻസ് റുളിംങ്ങിന് അപേക്ഷ നൽകിയ വ്യക്തിക്ക് മാത്രമായി ഇത് പരിമിതപ്പെടുത്തിയിട്ടുണ്ട്.

അഡ്വാൻസ് റുളിങ്ങിന് ഹൈക്കോടതിയുടെയോ, സുപ്രീം കോടതിയുടെയോ വിധി ന്യായങ്ങൾക്കു ഉള്ളതുപോലെ കീഴ്വഴക്ക് മൂല്യം ഉണ്ടോ?

ഇല്ല. അഡ്വാൻസ് റൂളിംഗ് അതിൽ പ്രതിപാദിച്ചരിക്കുന്ന കാര്യ ത്തിന് മാത്രമായിരിക്കും ബാധകം. പക്ഷെ, അപേക്ഷകൻ അല്ലാത്ത വ്യക്തികൾക്ക് പോലും ആ റുളിങ്ങിന് പ്രേരകമായ മൂല്യം ഉണ്ടായിരിക്കും.

അഡ്വാൻസ് റുളിങിൻറ്റെ സാധുത കാലാവധി എത്രയാണ്?

റുളിംഗ് ബാധകമായ ഒരു നിശ്ചിത കാലാവധി നിയമം നിഷർഷി ക്കുന്നില്ല. പകരം വകുപ്പ് 103(2) പ്രകാരം, ഒറിജിനൽ അഡ്വാൻസ് റൂളിംങ്ങി നെ പിന്തുണയ്ക്കുന്ന നിയമമോ, വസ്തുതകളോ, സാഹചര്യങ്ങളോ മാറുന്നതു വരെ അഡ്വാൻസ് റുളിംഗ് ബാധകമായിരിക്കും. അതിനാൽ, ഇടപാടുകൾ തുടരുന്ന കാലത്തോളം, പിന്തുണയ്ക്കുന്ന നിയമമോ, വസ്തുതകളോ, സാഹചര്യങ്ങളോ മാറുന്നതുവരെ അഡ്വാൻസ് റുളിംഗ് നിലനിൽക്കും.

അഡ്വാൻസ് റുളിങ് എപ്പോഴെങ്കിലും അസാധുവാക്കാമോ?

ഏതെങ്കിലും അപേക്ഷകൻ വ്യാജമായോ ശരിയായ വസ്തുതകൾ ഒളിപ്പിച്ചുവെച്ചോ, സത്യത്തെ തെറ്റായി അവതരിപ്പിച്ചു കൊണ്ടോ ആണ് അ ഡ്വാൻസ് റൂളിംഗ് വാങ്ങിച്ചത് എന്ന് AAR-നോ AAAR-നോ ബോധ്യപ്പെട്ടാൽ, സെക്ഷൻ 104(1) പ്രകാരം ആ അഡ്വാൻസ് റുളിംഗ് തന്നെ അസാധുവാണെന്ന് പ്രഖ്യാപിക്കാം. അങ്ങിനെ അസാധുവാക്കുന്ന പക്ഷം, ചരക്ക് സേവന നികു തി നിയമങ്ങളിലെ (GSTAct(s) എല്ലാ വ്യവസ്ഥകളും അഡ്വാൻസ് റൂളിംഗ് ഇല്ലായിരുന്നെങ്കിൽ എങ്ങനെ അപേക്ഷകന് ബാധകമാകുമോ, അപ്രകാരം തന്നെ ആയിരിക്കും (അഡ്വാൻസ് റുളിംഗ് അനുവദിച്ചത് മുതലുള്ള സമയം തൊട്ട അഡ്വാൻസ് റുളിംഗ് അസാധുവാക്കുന്ന ഓർഡർ ഇഷ്യൂ ചെയ്യുന്ന സമയം വരെയുള്ള കാലയളവ് ഒഴിവാക്കിക്കൊണ്ട്). അപേക്ഷകന് പറയുവാനുള്ളത് കേട്ടത്തിന് ശേഷമേ അഡ്വാൻസ് റുളിംഗ് അസാധുവാക്കുന്ന ഓർഡർ ഇറക്കാൻ പാടുള്ളൂ.

അഡ്വാൻസ് റുളിംഗ് ലഭിക്കാനുള്ള നടപടി ക്രമങ്ങൾ എന്തൊക്കെയാണ്?

സെക്ഷൻ 97-ലും 98-ലും അഡ്വാൻസ് റുളിംഗ് ലഭിക്കാനുള്ള നടപടി ക്രമങ്ങൾ വിവരിച്ചിട്ടുണ്ട്. സെക്ഷൻ 97 പ്രകാരം, അഡ്വാൻസ് റുളിംഗ് ലഭിക്കാൻ താല്പര്യമുള്ള അപേക്ഷകൻ നിർദിഷ്ട ഫോമിലും രീതിയിലും AAR-ന് അപേക്ഷ നൽകണം. അപേക്ഷിക്കാനുള്ള ഫോമിൻറ്റെ മാതൃകയും വിശദമായ നടപടിക്രമങ്ങളും ചരക്ക് സേവന നികുതി നിയമത്തിൽ പ്രതിപാദിക്കും.

അഡ്വാൻസ് റുളിങ്ങിനുള്ള അപേക്ഷകൾ എങ്ങിനെ കൈകാര്യം ചെയ്യണ മെന്ന് സെക്ഷൻ 98-ൽ പ്രതിപാദിച്ചിട്ടുണ്ട്. AAR അപേക്ഷയുടെ ഒരു പകർപ്പ അപേക്ഷകൻറ്റെ മേൽ അധികാരപരിധിയുള്ള അധികാരിക്ക് അയച്ചു കൊ ടുത്ത് ആവശ്യമായ രേഖകൾ വിളിച്ചു വരുത്തേണ്ടതാണ്. അതിനു ശേഷം AAR അപേക്ഷയോടൊപ്പം രേഖകളും പരിശോധിച്ച് ആവശ്യമെങ്കിൽ അപേ ക്ഷകനെ കേൾക്കേണ്ടതാണ്. പിന്നീട് അപേക്ഷ സ്വീകരിച്ചു കൊണ്ടോ തള്ളിക്കൊണ്ടോ ഉത്തരവ് പുറപ്പെടുവിക്കേണ്ടതാണ്.

അഡ്വാൻസ് റുളിങ്ങിനുള്ള അപേക്ഷ നിർബന്ധമായും തളേളണ്ട സാഹചര്യങ്ങൾ ഏതൊക്കെയാണ്?

അപേക്ഷയിൽ ഉന്നയിച്ചിരിക്കുന്ന വിഷയങ്ങൾ, അപേക്ഷ കൻറ്റെ കാര്യത്തിൽ, GST ആക്ടികളുടെ വ്യവസ്ഥകളിൽ ഏതെങ്കിലും നടപ ടിക്രമവുമായി പരിഗണനയിലിരിക്കുന്നതും തീരുമാനമാവാത്തതുമാണെങ്കി ലോ, മുൻപേതന്നെ തീർപ്പ് കല്പിച്ചതുമാണെങ്കിലോ എങ്കിൽ അനിവാര്യമാ യും അപേക്ഷ നിരസിക്കേണ്ടതാണ്.

അപേക്ഷ നിരസിക്കുകയാണെങ്കിൽ അത് വ്യക്തമായ കാരണങ്ങൾ കാണിച്ച ഒരു സ്പീക്കിങ് ഓർഡറോട് കൂടിയായിരിക്കണം.

ഒരു അപേക്ഷ അഡ്മിറ്റ്ചെയ്തു കഴിഞ്ഞാൽ അഡ്വാൻസറുളിംഗ് അതോറിറ്റി (AAR) എന്തൊക്കെ നടപടി ക്രമങ്ങളാണപാലിക്കേണ്ടത്?

ഒരു അപേക്ഷസ്വീകരിച്ചാൽ, AAR 90 ദിവസത്തിനുള്ളിൽ അതിൻറ്റെ തീർപ്പു പ്രസ്താവിക്കണം. തീർപ്പു പ്രസ്താവിക്കുന്നതിനു മുൻപായി, ലഭിച്ച അപേക്ഷയും, അപേക്ഷകനോ ബന്ധപ്പെട്ട ഉദ്യോഗസ്ഥനോ കൂടുത ലായി സമർപ്പിച്ച രേഖകളും പരിശോധിക്കണം. തീർപ്പു പ്രസ്താവിക്കുന്നതിനു മുൻപായി, AAR അപേക്ഷകനേയോ അയാളുടെ പ്രതിനിധിയെയും കൂടാതെ, ബന്ധപ്പെട്ട CGST/SGST/UTGST ഉദ്യോഗസ്ഥനെയും കേൾക്കണം.

AAR -ലെ അംഗങ്ങൾ തമ്മിൽ അഭിപ്രായ വ്യത്യാസം ഉണ്ടെങ്കിൽ എന്ത് സംഭവിക്കും?

AAR-ലെ 2 അംഗങ്ങൾ തമ്മിൽ അഭിപ്രായ വ്യത്യാസം ഉണ്ടെങ്കിൽ, അവർക്കു വ്യത്യസ്ത അഭിപ്രായം ഉള്ള പോയിൻറ്റുകൾ AAAR-ന് അത് കേൾക്കുന്നതിന് റെഫർ ചെയ്യണം. AAR റെഫർചെയ്തപോയിൻറ്റുകളിൽ AAAR -നും ഒരു പൊതുവായ തീരുമാനം എടുക്കാൻ സാധിക്കുന്നില്ലെങ്കിൽ, തർക്കം തുടരുന്ന ആ പോയിൻറ്റിന്മേൽ അഡ്വാൻസ് റുളിംഗ് നൽകുവാൻ സാധിക്കാ ത്തതാണ് എന്ന്കണക്കാക്കപ്പെടും.

AAR-ൻറ്റെ ഉത്തരവിനെതിരായി അപ്പീൽ നൽകുവാനുള്ള വ്യവസ്ഥകൾ എന്തൊക്കെയാണ്?

AAAR-ൻറ്റെ മുൻപിൽ അപ്പീൽ നൽകുവാനുള്ള വ്യവസ്ഥകൾ CGST/SGST നിയമത്തിൻറ്റെ 100, 101 എന്നീ സെക്ഷനുകൾ, അല്ലെങ്കിൽ UTGST ആക്റ്റിൻറ്റെ സെക്ഷൻ 14 പ്രകാരമാണ്. അപേക്ഷകന് AAR-ൻറ്റെ കണ്ടെത്ത ലുകളിൽ സംതൃപ്തനല്ലെങ്കിൽ, അയാൾക്ക് AAAR-നു മുൻപിൽ അപ്പീൽ സമർ പ്പിക്കാവുന്നതാണ്. അതേപോലെ, അധികാരപരിധിയിലുള്ള CGST/SGST/ UTGST ഉദ്യോഗസ്ഥൻ AAR-ൻറ്റെ തീരുമാനം അംഗീകരിക്കുന്നില്ല എങ്കിൽ അദ്ദേ ഹത്തിനും AAAR-നു മുൻപിൽ അപ്പീൽ നൽകാവുന്നതാണ്. നിർദേശിക്കപ്പെട്ട CGST/SGST ഉദ്യോഗസ്ഥൻ എന്ന് ഇവിടെ ഉപയോഗിച്ചിരിക്കുന്നത് ഒരു അഡ്വാൻസറുളിംഗ് അപ്ലിക്കേഷനുമായി ബന്ധപ്പെട്ടു, CGST/SGST അഡ്മിനി സ്ട്രേഷൻ നിയോഗിച്ചിരിക്കുന്ന ഉദ്യോഗസ്ഥനെ ആണ്. സാധാരണ സാഹചര്യങ്ങളിൽ, അപേക്ഷകൻറ്റെ മേൽ അധികാരപരിധി ഉള്ള ഉദോഗസ്ഥനായിരിക്കും ആ ബന്ധപ്പെട്ട ഉദ്യോഗസ്ഥൻ. ഇങ്ങനത്തെ കേസുകളിൽ അധികാര പരിധിയിലുള്ള CGST/SGST ഓഫീസർ ആയിരിക്കും ബന്ധപ്പെട്ട ഉദ്യോഗസ്ഥൻ.

അഡ്വാൻസ് റുളിംഗ് നടത്തി 30 ദിവസത്തിനുള്ളിൽ അപ്പീലുകൾ ഫയൽ ചെയ്തിരിക്കണം. അപ്പീലുകൾ നിർദ്ദേശിച്ചിരിക്കുന്ന ഫോമിലുള്ളതും അത്തനിർദേശിച്ചിരിക്കുന്നതു പോലെ വെരിഫൈ ചെയ്തിരിക്കുകയും വേണം. ഇത് GST നിയമത്തിൽ നിർദേശിക്കും.

അപ്പെലറ്റ്അതോറിറ്റി, അപ്പീൽ ഫയൽ ചെയ്തു. 90 ദിവസത്തിനുള്ളിൽ, പാർട്ടി കളെ കേട്ടശേഷം ഉത്തരവ് പാസ്സാക്കേണ്ടതാണ്. AAAR-ലെ അംഗങ്ങൾക്ക് ആപ്പീലിൽ പറഞ്ഞിരിക്കുന്ന ഏതെങ്കിലും വിഷയത്തിൽ വിരുദ്ധ അഭിപ്രായം ഉണ്ടെങ്കിൽ ആ വിഷയത്തിന്മേൽ അഡ്വാൻസറുളിംഗ് നൽകുവാൻ സാധിക്കാത്തതാണ് എന്ന് കണക്കാക്കപ്പെടും.

അഡ്വാൻസ് റുളിംഗ് അപ്പലേറ്റ്‌ അതോറിറ്റിയുടെ റുളിങ്ങിന് എതിരായി ഹൈക്കോടതിയിലോ സുപ്രീം കോടതിയിലോ അപ്പീൽ ഫയൽ ചെയ്യുവാൻ സാധിക്കുമോ?

CGST/SGST നിയമത്തിൽ അഡ്വാൻസ് റുളിംഗ് അപ്പലേറ്റ്‌ അതോറിറ്റിയുടെ റുളിങ്ങിന് എതിരെ അപ്പീൽ വ്യവസ്ഥ ചെയ്തിട്ടില്ല. അതിനാൽ റുളിംഗിനു പിന്നീട് അപ്പീൽ ഉണ്ടായിരിക്കുകയില്ല. കൂടാതെ, റുളിംഗ് അപേക്ഷകനും അധികാരപരിധിയിലുള്ള ഉദ്യോഗസ്ഥനും ബാധകവും ആയിരിക്കും. എന്നിരുന്നാലും ബഹുമാനപ്പെട്ട ഹൈക്കോടതികൾ, സുപ്രീം കോടതി എന്നിവക്ക് writ സ്വീകരിക്കാൻ അധികാരമുണ്ടായിരിക്കും.

AAR-നോ AAAR-നോ റൂളിംഗ്-ൽ വന്ന തെറ്റുകൾ തിരുത്തുവാൻ അധികാരമുണ്ടോ?

ഉത്തരം ഉണ്ട്. ആക്ടിനന്റെ സെക്ഷൻ 102 പ്രകാരം AAR-നും AAAR-നും ഉത്തരവപുറപ്പെടുവിച്ചിട്ടു 6 മാസത്തിനുള്ളിൽ രേഖകളിൽ നിന്ന് വ്യക്ത മാകുന്ന തെറ്റുകൾ പുതുക്കി ഉത്തരവ് പുറപ്പെടുവിക്കാൻ അധികാരം നൽകി യിരിക്കുന്നു. അങ്ങനെയുള്ള തെറ്റുകൾ അതോറിട്ടി തന്നെയോ അല്ലെങ്കിൽ, അപേക്ഷകനോ അല്ലെങ്കിൽ പറഞ്ഞിരിക്കുന്ന അല്ലെങ്കിൽ CGST/SGST അധി കാര പരിധിയുള്ള ഉദ്യോഗസ്ഥനോ കണ്ടെത്തിയതാകാം. ഇങ്ങനെ ചെയ്യുന്ന തിരുത്തലുകൾ ടാക്സിബാധ്യത കൂട്ടുന്നതോ ഇന്പുട്ടാക്സ് ക്രൈഡിറ്റ് കുറവ് വരു ത്തന്നതോ ആയാൽ, ഉത്തരവ് പാസ്സാക്കുന്നതിനു മുൻപ് അപേക്ഷകനെ കേൾക്കേണ്ടതാണ്.

കടപ്പാട്  : Central Board of Excise and Customs

3.0
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top