Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

സമാശ്വാസം

സമാശ്വാസം

വൃക്ക തകാര്‍ സംഭവിച്ച് സ്ഥിരമായി ഡയാലിസിസില്‍ ഏര്‍പ്പെടുന്നവര്‍, വൃക്ക, കരള്‍ മാറ്റിവയ്ക്കല്‍ സര്‍ജറിക്ക് വിധേയരായവര്‍, ഹീമോഫീലിയ രോഗികള്‍, സിക്കിള്‍ സെല്‍ അനീമിയ രോഗികള്‍ എന്നിവര്‍ക്ക് പ്രതിമാസ ധനസഹായം അനുവദിക്കുന്ന പദ്ധതിയാണ് സമാശ്വാസം.

സമാശ്വാസം പദ്ധതി - I

വൃക്കയ്ക്ക് തകരാർ സംഭവിച്ച് മാസത്തില്‍ ഒരു പ്രാവശ്യമെങ്കിലും ഡയാലിസിസിനു വിധേയരാകുന്ന ബി.പി.എല്‍  വിഭാഗത്തി ല്‍പ്പെടുന്ന രോഗികള്‍ക്ക് പ്രതിമാസം 1100/- രൂപ നിരക്കില്‍ ധനസഹായം അനുവദിക്കുന്നു.

മാനദണ്ഡങ്ങള്‍

  1. അപേക്ഷകന്‍ മാസത്തിലൊരിക്കലെങ്കിലും സ്ഥിരമായി ഡയാലിസിസിന്വിധേയരാകുന്ന ബി.പി.എല്‍ കുടുംബാംഗമായിരിക്കണം.

  2. അപേക്ഷകന്‍റെ പേരില്‍ നാഷണലൈസ്ഡ് ബാങ്കില്‍  അക്കൗണ്ട് ഉണ്ടായിരിക്കണം

  3. മറ്റ് സർക്കാർ ആനുകൂല്യം ലഭിക്കുന്നവർക്കും ഈ പ്രത്യേക ധനസഹായത്തിന് അർഹതയുണ്ടായിരിക്കും.

മാ൪ഗ്ഗ നിര്‍ദ്ദേശങ്ങള്‍

  1. ബി.പി.എല്‍ വിഭാഗത്തില്‍പെടുന്നുവെന്ന് തെളിയിക്കുന്ന ബി.പി.എല്‍ സര്‍ട്ടിഫിക്കറ്റ് ബി.പി.എല്‍ റേഷന്‍ കാര്‍ഡിന്‍റെ സാക്ഷ്യപ്പെടുത്തിയ പകര്‍പ്പ് ഉള്ളടക്കം  ചെയ്തിരിക്കണം.

  2. രോഗി മാസത്തില്‍ ഒരു തവണയെങ്കിലും ഡയാലിസിസിനു വിധേയമാകുന്നുവെന്നുള്ള സര്‍ക്കാര്‍/ സ്വകാര്യ ആശുപത്രിയിലെ വൃക്കരോഗവിദഗ്ധര്‍ നല്‍കുന്ന മെഡിക്കല്‍ സര്‍ട്ടിഫിക്കറ്റ്. സര്‍ട്ടിഫിക്കറ്റില്‍ ഡയാലിസിസ് ആരംഭിച്ച തീയതി കൂടി രേഖപ്പെടുത്തേണ്ടതാണ്.

  3. അപേക്ഷകന്‍റെ ലൈഫ്സര്‍ട്ടിഫിക്കറ്റും തുടര്‍ ചികിത്സാ സര്‍ട്ടിഫിക്കറ്റും സര്‍ക്കാര്‍ സ്വകാര്യ ആശുപത്രിയിലെ വൃക്കരോഗവിദഗ്ദ്ധനില്‍ നിന്നും ശേഖരിച്ച് 6 മാസത്തിലൊരിക്കല്‍ എക്സിക്യൂട്ടീവ് ഡയറക്ടർക്ക് (കേരളസോഷ്യൽ സെക്യൂരിറ്റിമിഷൻ) സമര്‍പ്പിക്കേണ്ടതാണ്. വിലാസം ചുവടെ ചേര്‍ക്കുന്നു.

  4. അപേക്ഷകന്‍റെ പേരില്‍ നാഷണലൈസ്ഡ് ബാങ്കില്‍  അക്കൗണ്ട് ഉണ്ടായിരിക്കണം. ബാങ്ക്പാസ്സ് ബുക്ക്കിന്‍റെ പകര്‍പ്പ് അപേക്ഷയോടൊപ്പം ചേര്‍ക്കേണ്ടതാണ്. ബാങ്ക് അക്കൗണ്ട്  നമ്പര്‍, ബാങ്കിന്‍റെ പേര്, ബ്രാഞ്ചിന്‍റെപേര് , IFS കോഡ് എന്നിവ അപേക്ഷയില്‍ നിര്‍ബന്ധമായും രേഖപ്പെടുത്തണം.

  5. അപേക്ഷകന്‍ ഡയാലിസിസ് ആരംഭിച്ച തീയതി തെളിയിക്കുന്നതിനായി ഡയാലിസിസ് രേഖപ്പെടുത്തുന്ന ബുക്കിന്‍റെ പകര്‍പ്പ് മെഡിക്കല്‍  ആഫീസര്‍ സാക്ഷ്യപ്പെടുത്തി സമര്‍പ്പിക്കേണ്ടതാണ്.

  6. ആധാര്‍ കാര്‍ഡിന്‍റെ പകര്‍പ്പ് സമര്‍പ്പിക്കേണ്ടതാണ്.

അപേക്ഷിക്കേണ്ടവിധം

അപേക്ഷാ ഫോറം, ഐ.സി.ഡി.എസ്‌ പ്രോജെക്ട് ആഫീസുകള്‍, പഞ്ചായത്താഫീസുകള്‍, കോര്‍പ്പറേഷന്‍/ മുനിസിപ്പല്‍ ഓഫീസുകള്‍/ അംഗന്‍വാടികള്‍ എന്നിവിടങ്ങളില്‍ നിന്നും, സാമൂഹ്യ സുരക്ഷാ മിഷന്‍ വെബ്സൈറ്റ് / ഓഫീസില്‍ നിന്നും ലഭ്യമാണ്.പൂരിപ്പിച്ച അപേക്ഷ ഫോറം  ആവശ്യമായ രേഖകള്‍ സഹിതംബന്ധപ്പെട്ട ശിശുവികസന പദ്ധതി ഓഫീസര്‍ക്ക് നൽകേണ്ടതാണ്. ശിശുവികസന പദ്ധതി ഓഫീസര്‍ അന്വേഷണം നടത്തി ശുപാര്‍ശ സഹിതം അപേക്ഷ കേരള സാമൂഹ്യ സുരക്ഷാ മിഷന്‍ എക്സിക്യൂട്ടീവ് ഡയറക്ടർക്ക് നൽകേണ്ടതാണ്.

അപേക്ഷാഫോം ഡൗൺലോഡ്  ചെയ്യുന്നതിനായി ഇവിടെ ക്ലിക്ക് ചെയ്യുക.

പൂരിപ്പിച്ച  അപേക്ഷകൾ തപാൽ  മാർഗം അയക്കേണ്ട  മേൽവിലാസം

എക്സിക്യൂട്ടീവ് ഡയറക്ടർ,

കേരള സാമൂഹ്യ സുരക്ഷാ മിഷന്‍,

രണ്ടാംനില, വയോജന പകല്‍ പരിപാലന കേന്ദ്രം,

പൂജപ്പുര, തിരുവനന്തപുരം - 695012

3.0
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top