অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

പട്ടികജാതി-പട്ടികവര്‍ഗം (അതിക്രമങ്ങള്‍ തടയല്‍) നിയമം

പട്ടികജാതി-പട്ടികവര്‍ഗം (അതിക്രമങ്ങള്‍ തടയല്‍) നിയമം

  1. പട്ടികജാതി-പട്ടികവര്‍ഗം (അതിക്രമങ്ങള്‍ തടയല്‍) നിയമം, 1989
  2. ചുരുക്ക തലക്കെട്ട്, വ്യാപ്തി, തുടക്കം
  3. നിര്‍വചനങ്ങള്‍
  4. അതിക്രമങ്ങള്‍ ആകുന്ന കുറ്റകൃത്യങ്ങള്‍ക്ക് ഉള്ള ശിക്ഷ
  5. കര്‍ത്തവ്യം നിര്‍വഹിക്കുന്നതില്‍ ഉപേക്ഷ വരുത്തുന്നതിനുള്ള ശിക്ഷ
  6. ആവര്‍ത്തിക്കുന്ന കുറ്റത്തിനുള്ള അധികരിച്ച ശിക്ഷ
  7. ഇന്ത്യന്‍ പീനല്‍ കോഡിലെ ചില വകുപ്പുകളുടെ പ്രയോഗം
  8. ചില വ്യക്തികളുടെ വസ്തുവകകള്‍ കണ്ടുകെട്ടല്‍
  9. കുറ്റകൃത്യമായി അനുമാനിക്കപ്പെടുന്നവ
  10. അധികാരങ്ങള്‍ കൈമാറ്റം ചെയ്യല്‍
  11. കുറ്റകൃത്യം ചെയ്യാനിടയുള്ള വ്യക്തിയെ മാറ്റല്‍
  12. ഒരു സ്ഥലത്തു നിന്ന് സ്വയം ഒഴിഞ്ഞുപോകുവാന്‍ വ്യക്തി വിസമ്മതിക്കുക, പുറത്തുപോയശേഷം അവിടെ വീണ്ടും പ്രവേശിക്കുക എന്നിവ ചെയ്താലുള്ള നടപടികള്‍
  13. വകുപ്പ് 10 പ്രകാരം വിജ്ഞാപനം നിലവിലുള്ള ഒരു വ്യക്തിയുടെ അളവുകള്‍, ഫോട്ടോകള്‍ മുതലായവ എടുക്കല്‍
  14. വകുപ്പ് 10 പ്രകാരമുള്ള ഓര്‍ഡര്‍ പാലിക്കാത്തതിനുള്ള പിഴ
  15. പ്രത്യേക കോടതി
  16. പ്രത്യേക പബ്ലിക് പ്രോസിക്യൂട്ടര്‍
  17. കൂട്ടായ പിഴ ചുമത്തുന്നതിനുള്ള സംസ്ഥാന സര്‍ക്കാരിന്‍റെ  അധികാരം
  18. നിയമ പാലന സംവിധാനം സ്വീകരിക്കേണ്ട പരിഹാര നടപടികള്‍
  19. ഈ നിയമപ്രകാരമുള്ള കുറ്റകൃത്യം ചെയ്ത വ്യക്തിക്ക് കോഡിലെ വകുപ്പ് 438 ബാധകമായിരിക്കില്ല
  20. ഈ നിയമപ്രകാരമുള്ള കുറ്റകൃത്യം ചെയ്ത വ്യക്തിക്ക് കോഡിലെ വകുപ്പ് 360 ഓ പ്രോബേഷന്‍ ഓഫന്‍ഡേര്‍സ് നിയമത്തിലെ വകുപ്പുകളോ ബാധകമായിരിക്കില്ല
  21. മറ്റ് നിയമങ്ങള്‍ മറികടക്കുന്നതിനുള്ള നിയമം
  22. നിയമം കാര്യക്ഷമമായി നടപ്പിലാകുന്നു എന്ന് ഉറപ്പാക്കുന്നതിന് സര്‍ക്കാരിനുള്ള കടമ
  23. നിയമങ്ങള്‍ ഉണ്ടാക്കുന്നതിനുള്ള അധികാരം

പട്ടികജാതി-പട്ടികവര്‍ഗം (അതിക്രമങ്ങള്‍ തടയല്‍) നിയമം, 1989

 

 

പട്ടികജാതിയിലോ പട്ടികവര്‍ഗത്തിലോ പെടുന്ന ഒരാള്‍ക്കെതിരെയുള്ള നടക്കുന്ന  കുറ്റകൃത്യങ്ങളും അതിക്രമങ്ങളും തടയുന്നതിനും അത്തരം കുറ്റകൃത്യങ്ങളുടെ വിചാരണ നടത്തുന്നതിനായി പ്രത്യേക കോടതികള്‍ സ്ഥാപിക്കുന്നതിനും അത്തരം കുറ്റകൃത്യങ്ങളുടെ ഇരകള്‍ക്ക് ആശ്വാസവും പുനരധിവാസവും നല്‍കുന്നതിനും അതുമായി ബന്ധപ്പെട്ട അല്ലെങ്കില്‍ അതിന് അനുബന്ധമായ കാര്യങ്ങള്‍ കൈകാര്യം ചെയ്യുന്നതിനുമുള്ള ഒരു നിയമം.

ഇന്ത്യന്‍ റിപ്പബ്ലിക്കിന്‍റെ പതിനാലാമത്തെ വര്‍ഷം ഇത് പാര്‍ലമെന്‍റില്‍ താഴം പറയുംപ്രകാരം പാസാക്കപ്പെട്ടു:

ചുരുക്ക തലക്കെട്ട്, വ്യാപ്തി, തുടക്കം

  • ഈ നിയമം, പട്ടികജാതി-പട്ടികവര്‍ഗം (അതിക്രമങ്ങള്‍ തടയല്‍) നിയമം, 1989 എന്ന് അറിയപ്പെടും.
  • ഇത് ജമ്മു & കാശ്മീര്‍ ഒഴികെ ഇന്ത്യയില്‍ എല്ലായിടത്തും ബാധകമാണ്.
  • കേന്ദ്രഗവണ്‍മെന്‍റ് ഔദ്യോഗിക ഗസറ്റില്‍ വിജ്ഞാപനം ചെയ്യുന്നതോടെ ഇത് പ്രാബല്യത്തില്‍ വരുന്നതാണ് .
  • നിര്‍വചനങ്ങള്‍

  • ഈ നിയമത്തില്‍ സാഹചര്യം മറ്റൊരു വിധത്തില്‍ ആവശ്യപ്പെടുന്നില്ലെങ്കില്‍ -
  • "അതിക്രമം" എന്നതിനര്‍ത്ഥം വകുപ്പ് 3 അനുസരിച്ച് ശിക്ഷാര്‍ഹമായ കുറ്റകൃത്യമാണ്.
  • "കോഡ്" എന്നതിനര്‍ത്ഥം കോഡ് ഓഫ് ക്രിമിനല്‍ പ്രൊസീജിയര്‍, 1973 (2 ഓഫ്  1974)
  • "പട്ടികജാതി-പട്ടികവര്‍ഗം "യഥാക്രമം ഭരണഘടനയിലെ ആര്‍ട്ടിക്കിള്‍ 366 ലെ വകുപ്പ് (24) ഉം വകുപ്പ് (25) ഉം അനുസരിച്ച് നല്‍കിയിട്ടുള്ള അര്‍ത്ഥം(ങ്ങള്‍).
  • "പത്യേകകോടതി" എന്നതിനര്‍ത്ഥം വകുപ്പ് 14 പ്രകാരം പ്രത്യേകകോടതി ആയി പ്രഖ്യാപിക്കപ്പെട്ട ഒരു കോടതി എന്നാണ്.
  • "സ്പെഷ്യല്‍ പബ്ലിക് പ്രോസിക്യൂട്ടര്‍" എന്നതിനര്‍ത്ഥം വകുപ്പ് 15 പ്രകാരം ഒരു സ്പെഷ്യല്‍ പബ്ലിക് പ്രോസിക്യൂട്ടര്‍ അല്ലെങ്കില്‍ ഒരു അഡ്വക്കേറ്റ് ആയി പ്രഖ്യാപിക്കപ്പെട്ട ഒരു പബ്ലിക് പ്രോസിക്യൂട്ടര്‍ എന്നാണ്.
  • ഈ നിയമത്തില്‍ ഉപയോഗിച്ചിട്ടുള്ള വാക്കുകള്‍ക്കും പ്രയോഗങ്ങള്‍ക്കും, അവ നിര്‍വചിച്ചിട്ടില്ലെങ്കിലും അവ ഇന്ത്യന്‍ പീനല്‍ കോഡില്‍ (45 ഓഫ് 1846) അവയ്ക്ക് യഥാക്രമം, സാഹചര്യമനുസരിച്ച് ഇന്ത്യന്‍ പീനല്‍ കോഡില്‍ നിര്‍വചിച്ചിട്ടുള്ള അര്‍ത്ഥം ആയിരിയ്ക്കും.
  • ഏതെങ്കിലും പ്രദേശത്ത് നിലവിലില്ലാത്ത ഏതെങ്കിലും നിയമ നിര്‍മാണത്തെക്കുറിച്ചോ വകുപ്പുകളെക്കുറിച്ചോ ഈ നിയമത്തിലുള്ള ഏതൊരു സൂചനയും ആ പ്രദേശത്ത് നിലവിലുള്ള സമാനമായ നിയമത്തെക്കുറിച്ചുള്ള സൂചനയായി വ്യാഖ്യാനിക്കേണ്ടതാണ്.
  • xiv.           പട്ടികജാതിയിലോ പട്ടികവര്‍ഗത്തിലോ പെട്ട ഒരാളെ ഒരു പൊതുസ്ഥലത്ത് വഴിനടക്കാനുള്ള അവകാശം നിഷേധിക്കുക അല്ലെങ്കില്‍ പൊതുജനങ്ങള്‍ക്ക് ആര്‍ക്കും കടന്നുചെല്ലാവുന്ന ഒരു പൊതുസ്ഥലത്ത് പോകുന്നത് തടയുക.
  • xv.            പട്ടികജാതിയിലോ പട്ടികവര്‍ഗത്തിലോ പെട്ട ഒരാളെ അയാളുടെ വീട്, ഗ്രാമം, അല്ലെങ്കില്‍ താമസസ്ഥലത്തുനിന്ന്  വിട്ടുപോകുവാന്‍ നിര്‍ബന്ധിക്കുന്നത് ആറ് മാസത്തില്‍ കുറയാത്തതും അഞ്ചുവര്‍ഷം വരെയുള്ള തടവ് ശിക്ഷയ്ക്കും പിഴയ്ക്കും അര്‍ഹമായ കുറ്റകൃത്യമാണ്.
  • പട്ടികജാതിയിലോ പട്ടികവര്‍ഗത്തിലോ പെടാത്ത ഒരാള്‍, അയാള്‍ ആരായിരുന്നാലും -
  • xiv.            പട്ടികജാതിയിലോ പട്ടികവര്‍ഗത്തിലോ പെട്ട ഒരാള്‍ക്ക് നിലവിലുള്ള  നിയമം അനുസരിച്ച് പരമാവധി ശിക്ഷ ലഭിക്കാവുന്ന
  • xv.            കുറ്റകൃത്യം ആണെന്നറിഞ്ഞുകൊണ്ട് തെറ്റായ തെളിവ് നല്‍കുകയോ കൃത്രിമായി സൃഷ്ടിക്കുകയോ ചെയ്യുന്നത് ജീവപര്യന്തം തടവും പിഴയും ശിക്ഷിക്കപ്പെടാവുന്ന കുറ്റകൃത്യമാണ്; കൂടാതെ അത്തരം തെറ്റായ അല്ലെങ്കില്‍ കൃതിമ തെളിവിന്‍റെ ഫലമായി പട്ടികജാതിയിലോ പട്ടിക വര്‍ഗത്തിലോപെട്ട നിഷ്കളങ്കനായ ഒരാള്‍ ശിക്ഷിക്കപ്പെട്ടാല്‍, അത്തരം തെറ്റായ അല്ലെങ്കില്‍ കൃത്രിമ തെളിവ് നല്‍കിയ ആള്‍ വധശിക്ഷയ്ക്ക് അര്‍ഹനാണ്.
  • xvi.            പട്ടികജാതിയിലോ പട്ടികവര്‍ഗത്തിലോ പെട്ട ഒരാള്‍ക്ക് നിലവിലുള്ള നിയമം അനുസരിച്ച് പരമാവധി ശിക്ഷ ലഭിക്കാവുന്നതല്ലെങ്കിലും ഏഴുവര്‍ഷത്തിലോ അതിലധികമോ ശിക്ഷ ലഭിക്കാവുന്ന ഒരു കുറ്റകൃത്യം ആണെന്നറിഞ്ഞുകൊണ്ട് തെറ്റായ തെളിവ് നല്‍കുകയോ കൃത്രിമായി സൃഷ്ടിക്കുകയോ ചെയ്യുന്നത് ആറ് മാസം മുതല്‍ ഏഴ് വര്‍ഷം വരെ പിഴയോടുകൂടിയ ശിക്ഷ ലഭിക്കാവുന്ന കുറ്റമാണ്.
  • xvii.            പട്ടികജാതിയിലോ പട്ടികവര്‍ഗത്തിലോ പെട്ട ഒരാളുടെ ഉടമസ്ഥതയിലുള്ള വസ്തുവകകള്‍ കേടുവരുത്തുവാനുള്ള ഉദേശത്തോടുകൂടി, അല്ലെങ്കില്‍ കേടുവരുത്തിയേക്കും എന്ന അറിവോടുകൂടി തീയിടുകയോ അല്ലെങ്കില്‍ എന്തെങ്കിലും സ്ഫോടനവസ്തുക്കള്‍ ഉപയോഗിക്കുകയോ ചെയ്യുന്നത് ആറുമാസത്തില്‍ കുറയാത്ത തടവുശിക്ഷ നാല്‍കാവുന്ന കുറ്റകൃത്യമാണ്. എന്നാല്‍, ഇത് ഏഴുവര്‍ഷവും പിഴയും എന്നാക്കി ദീര്‍ഘിപ്പിക്കാവുന്നതാണ്.
  • xviii.            സാധാരണയായി പ്രാര്‍ത്ഥനയ്ക്ക് ഉപയോഗിച്ചുവരുന്ന കെട്ടിടം അല്ലെങ്കില്‍ മനുഷ്യവാസത്തിനുപയോഗിക്കുന്ന കെട്ടിടം അല്ലെങ്കില്‍ പട്ടികജാതിയിലോ പട്ടിക വര്‍ഗത്തിലോ പെട്ട ഒരാളുടെ ഉടമസ്ഥതയിലോ കൈവശത്തിലോ ഉള്ള സ്ഥലം,  ഇവയ്ക്ക് നാശമുണ്ടാക്കുകയോ അല്ലെങ്കില്‍ നാശമുണ്ടായേക്കുമെന്ന് അറിഞ്ഞുകൊണ്ട് തീ കൊണ്ടോ സ്ഫോടകവസ്തുക്കള്‍ കൊണ്ടോ ദ്രോഹമുണ്ടാക്കുന്നത് പിഴയോടൊപ്പം ജീവപര്യന്തം തടവ് ലഭിക്കാവുന്ന കുറ്റമാണ്.
  • xix.            ഒരു വ്യക്തിക്കോ വസ്തുവിനോ എതിരെ ഇന്ത്യന്‍ പീനല്‍ കോഡ് (45 ഓഫ് 1860) അനുസരിച്ച് പത്തു വര്‍ഷമോ അതിലധികമോ തടവുശിക്ഷ കിട്ടാവുന്ന ഒരു കുറ്റം ചെയ്താല്‍ അത് പട്ടികജാതിയിലോ പട്ടിക വര്‍ഗത്തിലോ പെട്ട ഒരാള്‍ക്കെതിരേയോ അങ്ങനെ ഒരാളുടെ വസ്തുവിനെതിരേയോ ആണെങ്കില്‍ അതിന് പിഴയോട് കൂടിയ ജീവപര്യന്തം തടവിന് അര്‍ഹതയുണ്ട്.
  • vi.           ഈ അദ്ധ്യായത്തില്‍ പറയുന്ന കുറ്റകൃത്യങ്ങള്‍ അറിഞ്ഞുകൊണ്ട് അല്ലെങ്കില്‍ അറിയാമെന്ന് വിശ്വസിക്കുവാന്‍ മതിയായ കാരണങ്ങളുള്ള സാഹചര്യത്തില്‍,  കുറ്റവാളിയെ നിയമപരമായ ശിക്ഷയില്‍ നിന്ന് ഒഴിവാക്കുക എന്ന ഉദേശത്തോടുകൂടി ആ കുറ്റകൃത്യം ചെയ്യുന്നതിന് ഉപയോഗിച്ച തെളിവ് നശിപ്പിക്കുക, അല്ലെങ്കില്‍ അതേ ഉദ്ദേശ്യത്തോടെ ആ കുറ്റകൃത്യവുമായി തനിക്ക് തെറ്റാണെന്ന് അറിയാവുന്ന അല്ലെങ്കില്‍ വിശ്വസിക്കുന്ന വിവരം നല്കുക എന്നിവ ആ കുറ്റകൃത്യത്തിന് ബാധകമായ ശിക്ഷ ലഭിക്കാവുന്ന കുറ്റകൃത്യമാണ്; അല്ലെങ്കില്‍
  • vii.           ഒരു പൊതുജനസേവകനെന്നനിലയില്‍, ഈ വകുപ്പ് പ്രകാരം ചെയ്യുന്ന ഏതൊരു കുറ്റകൃത്യവും ഒരു വര്‍ഷത്തില്‍ കുറയാത്ത തടവുശിക്ഷ കിട്ടാവുന്ന കുറ്റകൃത്യമാണ്.  എന്നാല്‍ അത് ആ കുറ്റകൃത്യത്തിനുള്ള ശിക്ഷ വരെ നീളാവുന്നതാണ്.
  •  

    അദ്ധ്യായം II: അതിക്രമങ്ങളാകുന്ന കുറ്റകൃത്യങ്ങള്‍

    അതിക്രമങ്ങള്‍ ആകുന്ന കുറ്റകൃത്യങ്ങള്‍ക്ക് ഉള്ള ശിക്ഷ

  • പട്ടികജാതിയിലോ പട്ടികവര്‍ഗത്തിലോ പെടാത്ത ഒരാള്‍, അയാള്‍ ആരായിരുന്നാലും -
  • പട്ടികജാതിയിലോ പട്ടികവര്‍ഗത്തിലോ പെട്ട ഒരാളെ ഭക്ഷ്യയോജ്യമല്ലാത്തതോ നിന്ദ്യമോ ആയ എന്തെങ്കിലും കുടിക്കാനോ തിന്നുവാനോ നിര്‍ബന്ധിക്കുന്നു.
  • പട്ടികജാതിയിലോ പട്ടികവര്‍ഗത്തിലോ പെട്ട ഒരാളുടെ കെട്ടിടത്തിലോ പരിസരത്തോ വിസര്‍ജ്യ വസ്തുക്കളോ, പാഴ് വസ്തുക്കളോ, ജഡാവശിഷ്ടമോ ഇടുക അല്ലെങ്കില്‍ അയാള്‍ക്ക് മുറിവുണ്ടാക്കുവാനോ, അപമാനമുണ്ടാക്കുവാനോ അല്ലെങ്കില്‍ അലോസരമുണ്ടാക്കുവാനോ ഉദേശിച്ചുകൊണ്ടുള്ള പ്രവൃത്തി ചെയ്യുക.
  • പട്ടികജാതി പട്ടികവര്‍ഗ്ഗ വിഭാഗത്തില്‍ പെട്ട ഒരു വ്യക്തിയുടെ വസ്ത്രം ബലമായി മാറ്റുകയോ അവനെ നഗ്നനാക്കി നടത്തുകയോ അല്ലെങ്കില്‍ മുഖത്തോ ശരീരത്തിലോ ചായം തേയ്ക്കുകയോ അല്ലെങ്കില്‍ മനുഷ്യ അന്തസിന് കോട്ടമുണ്ടാക്കുന്ന പ്രവൃത്തികള്‍ ചെയ്യുകയോ ചെയ്യുക.
  • പട്ടികജാതിയിലോ പട്ടികവര്‍ഗത്തിലോ പെട്ട ഒരാളുടെ ഉടമസ്ഥതയിലുള്ള, അല്ലെങ്കില്‍ അയാള്‍ക്ക് അനുവദിക്കപ്പെട്ട, അല്ലെങ്കില്‍ അനുവദിക്കുന്നതിനായി അര്‍ഹതപ്പെട്ട അധികാരി പ്രഖ്യാപിച്ചിട്ടുള്ള ഭൂമി തെറ്റായി കയ്യേറുകയോ കൃഷി ചെയ്യുകയോ ചെയ്യുക അല്ലെങ്കില്‍ ഒരു പട്ടികജാതിക്കാരനോ പട്ടിക വര്‍ഗ്ഗക്കാരനോ അനുവദിക്കപ്പെട്ട ഭൂമി കൈമാറ്റം ചെയ്ത് വാങ്ങുക.
  • പട്ടികജാതിയിലോ പട്ടികവര്‍ഗത്തിലോ പെട്ട ഒരാളെ അയാളുടെ ഭൂമിയില്‍ നിന്നോ വസ്തുവില്‍ നിന്നോ തെറ്റായ രീതിയില്‍ പുറത്താക്കുകയോ അല്ലെങ്കില്‍ ഭൂമിയിലോ കെട്ടിടത്തിലോ ജലത്തിലോ ഉള്ള അയാളുടെ അധികാരത്തിലും സ്വാതന്ത്രത്തിലും തടസമുണ്ടാക്കുകയോ ചെയ്യുക.
  • പട്ടികജാതിയിലോ പട്ടികവര്‍ഗത്തിലോ പെട്ട ഒരാളെ ഭിക്ഷക്കാരന്‍ ആകുവാന്‍ നിര്‍ബന്ധിക്കുകയോ ഭിക്ഷയെടുപ്പിക്കുകയോ ചെയ്യുക അല്ലെങ്കില്‍ അതുപോലുള്ള നിര്‍ബന്ധിത ജോലി ചെയ്യിക്കുക അല്ലെങ്കില്‍ പൊതു ആവശ്യങ്ങള്‍ക്കായി സര്‍ക്കാര്‍ ഏര്‍പ്പെടുത്തിയിട്ടുള്ള നിര്‍ബന്ധിതസേവനം അല്ലാതെയുള്ള ബോണ്ട് ജോലികള്‍ ചെയ്യിക്കുക.
  • വോട്ട് ചെയ്യാതിരിക്കുവാനോ അല്ലെങ്കില്‍ ഒരു പ്രത്യേക സ്ഥാനാര്‍ത്ഥിക്ക് വോട്ട് ചെയ്യുവാനോ അല്ലെങ്കില്‍ നിയമം അനുശാസിക്കുന്ന വിധത്തിലല്ലാതെയോ വോട്ട് ചെയ്യുവാന്‍ പട്ടികജാതിയിലോ പട്ടികവര്‍ഗത്തിലോ പെട്ട ഒരാളെ നിര്‍ബ്ബന്ധിക്കുകയോ അല്ലെങ്കില്‍ ഭീഷണി പ്പെടുത്തുകയോ ചെയ്യുക.
  • പട്ടികജാതിയിലോ പട്ടികവര്‍ഗത്തിലോ പെട്ടതിന്‍റ പേരില്‍ വ്യാജമായ അല്ലെങ്കില്‍ പീഡിപ്പിക്കുന്നതിനുള്ള ഉദേശത്തോടെ കുറ്റം ചാര്‍ത്തുകയോ അല്ലെങ്കില്‍ ക്രിമിനല്‍ അല്ലെങ്കില്‍ നിയമനടപടിക്രമങ്ങള്‍ സ്വീകരിക്കുകയോ ചെയ്യുക.
  • ഏതെങ്കിലും സര്‍ക്കാര്‍ ഉദ്യോഗസ്ഥന് എന്തെങ്കിലും തെറ്റായതോ ബാലിശമായതോ ആയ വിവരം നല്‍കുകയും അതുവഴി ആ ഉദ്യോഗസ്ഥന്‍ പട്ടിക ജാതിയിലോ പട്ടികവര്‍ഗത്തിലോ പെട്ട ഒരാള്‍ക്ക് ക്ഷതമോ അല്ലെങ്കില്‍ ശല്യമോ ഉണ്ടാക്കുക.
  • പട്ടികജാതിയിലോ പട്ടികവര്‍ഗത്തിലോ പെട്ട ഒരു വ്യക്തിയെ പുതുജനമധ്യത്തില്‍ അവഹേളിക്കുവാനുള്ള ഉദേശത്തോടുകൂടി ബോധപൂര്‍വ്വം നിന്ദിക്കുകയോ ഭീഷണിപ്പെടുത്തുകയോ ചെയ്യുക.
  • പട്ടികജാതിയിലോ പട്ടികവര്‍ഗത്തിലോ പെട്ട ഏതൊരു സ്ത്രീയെയും അവളെ അപമാനിക്കുവാന്‍ അല്ലെങ്കില്‍ അവളുടെ മാന്യത നശിപ്പിക്കണമെന്ന ഉദ്ദേശ്യത്തോടെ    കയ്യേറ്റം ചെയ്യുകയോ ബലപ്രയോഗം നടത്തുകയോ ചെയ്യുക.
  • പട്ടികജാതിയിലോ പട്ടിവര്‍ഗത്തിലോ പെട്ട ഒരു സ്ത്രീയുടെ മേല്‍ അധികാരമുണ്ടായിരിക്കുന്ന ഒരാള്‍ മറ്റു വിധത്തില്‍ അവള്‍ക്ക് സമ്മതമല്ലെങ്കില്‍ പോലും തന്‍റെ സ്ഥാനം ഉപയോഗിച്ച് അവളെ ലൈംഗികമായി ചൂഷണം ചെയ്യുക.
  • പട്ടികജാതിയിലോ പട്ടികവര്‍ഗത്തിലോ പെട്ട ആളുകള്‍ ഉപയോഗിയ്ക്കുന്ന അരുവിയോ, കുളമോ അല്ലെങ്കില്‍ മറ്റെന്തെകിലും ജലസ്രോതസോ അവര്‍ ഉപയോഗിച്ചിരുന്ന ആവശ്യങ്ങള്‍ക്ക് ഉപയോഗിക്കുവാന്‍ കഴിയാത്തവണ്ണം കേടാക്കുകയോ മലിനമാക്കുകയോ ചെയ്യുക.
  • കര്‍ത്തവ്യം നിര്‍വഹിക്കുന്നതില്‍ ഉപേക്ഷ വരുത്തുന്നതിനുള്ള ശിക്ഷ

    പട്ടികജാതിയിലോ പട്ടികവര്‍ഗത്തിലോ പെടാത്ത ഒരു പൊതു സേവകന്‍, അത് ആരായിരുന്നാലും, ഈ നിയമം അനുശാസിക്കുന്ന കര്‍ത്തവ്യം നിര്‍വഹിക്കുന്നതില്‍ ഉപേക്ഷ വരുത്തുകയാണെങ്കില്‍, അയാള്‍ ആറുമാസം മുതല്‍ ഒരുവര്‍ഷം വരെയുള്ള ജയില്‍  ശിക്ഷയ്ക്ക് അര്‍ഹനാണ്.

    ആവര്‍ത്തിക്കുന്ന കുറ്റത്തിനുള്ള അധികരിച്ച ശിക്ഷ

    ഈ അദ്ധ്യായത്തില്‍ പറഞ്ഞിട്ടുള്ള ഒരു കുറ്റകൃത്യത്തിന്‍റെ പേരില്‍ ഒരിക്കല്‍ ശിക്ഷിക്കപ്പെട്ടിട്ടുള്ള ഒരാള്‍, രണ്ടാമത്തെ കുറ്റത്തിന്‍റെ പേരിലും, അല്ലെങ്കില്‍ രണ്ടാമത്തെ കുറ്റത്തിനെ തുടര്‍ന്നുള്ള കുറ്റത്തിന്‍റെ പേരില്‍  ശിക്ഷിക്കപ്പെടുകയാണെങ്കില്‍, അത് ഒരു വര്‍ഷത്തില്‍ കുറയാത്ത തടവുശിക്ഷ കിട്ടാവുന്ന കുറ്റകൃത്യമാണ്, എന്നാല്‍ അത് ആ കുറ്റകൃത്യത്തിനുള്ള ശിക്ഷ വരെ നീളാവുന്നതാണ്.

    ഇന്ത്യന്‍ പീനല്‍ കോഡിലെ ചില വകുപ്പുകളുടെ പ്രയോഗം

    ഈ നിയമത്തിലെ മറ്റ് വകുപ്പുകള്‍ക്ക് വിധേയമായി, ഇന്ത്യന്‍ പീനല്‍ കോഡിലെ (45 ഓഫ് 1860)  വകുപ്പ് 34, അദ്ധ്യായം III, അദ്ധ്യായം IV, അദ്ധ്യായം V, അദ്ധ്യായം VA, വകുപ്പ് 149, അദ്ധ്യായം XXIII  എന്നീ വകുപ്പുകള്‍, ഇന്ത്യന്‍ പീനല്‍ കോഡില്‍ ബാധകമാകുന്നത് പോലെ തന്നെ ഈ നിയമത്തിലും ബാധകമായിരിക്കും

    ചില വ്യക്തികളുടെ വസ്തുവകകള്‍ കണ്ടുകെട്ടല്‍

  • ഈ അദ്ധ്യായം അനുസരിച്ച് ശിക്ഷാര്‍ഹമായ ഏതെങ്കിലും കുറ്റകൃത്യത്തിന്‍റെ പേരില്‍ ഏതെങ്കിലും ഒരു വ്യക്തിയെ ശിക്ഷിച്ചാല്‍, ശിക്ഷ വിധിക്കുന്നത് കൂടാതെ, ആ കുറ്റകൃത്യം നടത്തുന്നതിന് ഉപയോഗിച്ച ആ വ്യക്തിയുടെ നീക്കം ചെയ്യാവുന്നതും അല്ലാത്തതുമായ ഏതൊരു വസ്തുവകകളോ അല്ലെങ്കില്‍ അവ രണ്ടുമോ സര്‍ക്കാരിലേയ്ക്ക് കണ്ടുകെട്ടുവാന്‍ പ്രത്യേക കോടതിക്ക് രേഖാമൂലമുള്ള വിജ്ഞാപനത്തിലൂടെ പ്രഖ്യാപിക്കാവുന്നതാണ് .
  • ഈ അദ്ധ്യായം അനുസരിച്ച് ശിക്ഷാര്‍ഹമായ ഏതെങ്കിലും കുറ്റകൃത്യത്തിന്‍റെ പേരില്‍ ഏതെങ്കിലും ഒരു വ്യക്തിയില്‍ കുറ്റം ചാര്‍ത്തപ്പെട്ടാല്‍, ആ വ്യക്തിയുടെ നീക്കം ചെയ്യാവുന്നതും അല്ലാത്തതുമായ ഏതൊരു വസ്തുവകകളോ അല്ലെങ്കില്‍ അവ രണ്ടുമോ വിചാരണ കാലഘട്ടത്തില്‍ പിടിച്ചെടുക്കുവാനും വിചാരണ ശിക്ഷയില്‍ കലാശിച്ചാല്‍ഈ അദ്ധ്യായ പ്രകാരം ചുമത്തപ്പെട്ട പിഴ ഈടാക്കുന്നതിനായി പിടിച്ചെടുത്ത വസ്തുവകകള്‍ സര്‍ക്കാരിലേയ്ക്ക് കണ്ടുകെട്ടുവാന്‍ പ്രത്യേക കോടതിക്ക് വിജ്ഞാപനത്തിലൂടെ പ്രഖ്യാപിക്കാവുന്നതാണ്.
  • കുറ്റകൃത്യമായി അനുമാനിക്കപ്പെടുന്നവ

    ഈ അദ്ധ്യായത്തില്‍ പറയുന്ന കുറ്റകൃത്യങ്ങളുടെ വിചാരണക്കിടയില്‍, താഴെപ്പറയുന്നവ തെളിയിക്കപ്പെട്ടാല്‍ -

  • പ്രതി കുറ്റകൃത്യത്തിന് ഇരയായ ഒരു വ്യക്തിക്ക് സാമ്പത്തിക സഹായം നല്കുന്നു അല്ലെങ്കില്‍ ഈ അദ്ധ്യായത്തില്‍ പറഞ്ഞിരിക്കുന്ന ഒരു കുറ്റകൃത്യം ചെയ്തതായി സംശയിക്കപ്പെടുന്നു, എങ്കില്‍ മറ്റുതരത്തില്‍ തെളിയിക്കപ്പെടാത്തപക്ഷം പ്രത്യേകകോടതിക്ക് ആ വ്യക്തി ആ കുറ്റം ചെയ്തതായി കണക്കാക്കുവാനാകും.
  • ഈ അദ്ധ്യായത്തില്‍ പറയുന്ന ഒരു കുറ്റകൃത്യം ഒരു സംഘം ആളുകള്‍ ചെയ്യുകയും ആ കുറ്റകൃത്യം ഭൂമിയെയോ അല്ലെങ്കില്‍ മറ്റെന്തെങ്കിലും വസ്തുവിനെ പറ്റിയുള്ള തര്‍ക്കത്തിന്‍റെ തുടര്‍ച്ചയായി സംഭവിച്ചതാണ് എന്ന്‍ തെളിയിക്കപ്പെടുകയും ചെയ്താല്‍, കുറ്റകൃത്യം ചെയ്തത് പൊതുവായ ഉദ്ദേശ്യത്തോടെയാണ് അല്ലെങ്കില്‍ ഒരു പൊതു ലക്ഷ്യത്തിന്‍റെ നിര്‍വ്വഹണമാണ് എന്ന് അനുമാനിക്കാവുന്നതാണ്.
  • അധികാരങ്ങള്‍ കൈമാറ്റം ചെയ്യല്‍

  • കോഡിലോ ഈ നിയമത്തിലെ വകുപ്പുകളേയോ എതിര്‍ക്കാതെ, സംസ്ഥാന സര്‍ക്കാരുകള്‍ക്ക്, അവ അത്യാവശ്യവും ഉചിതവുമാണ് എന്ന് കരുതുന്നു എങ്കില്‍ -
  • ഈ നിയമപ്രകാരമുള്ള ഒരു കുറ്റകൃത്യം തടയുന്നതിനും പ്രതിരോധിക്കുന്നതിനും വേണ്ടി അല്ലെങ്കില്‍
  • ഈ നിയമത്തിനുകീഴില്‍ വരുന്ന ഏതെങ്കിലും കേസിനോ ക്ലാസിനോ ഗ്രൂപ്പിനോ വേണ്ടി,
  • ഏതെങ്കിലും ഒരു ജില്ലയിലോ അതിന്‍റെ ഒരു ഭാഗത്തോ, ഔദ്യോഗിക ഗസറ്റ് വിജ്ഞാപനത്തിലൂടെ പ്രഖ്യാപിച്ച്, അത്തരം പ്രദേശത്തോ അതിന്‍റെ ഭാഗത്തോ ഒരു പോലീസ് ഓഫീസര്‍ക്കുള്ള അധികാരമുള്ള ഏതെങ്കിലും ഒരു സംസ്ഥാന സര്‍ക്കാര്‍ ഓഫീസര്‍, ഏതെങ്കിലും ഒരു പ്രത്യേക കോടതി മുമ്പാകെ വ്യക്തികളെ അറസ്റ്റ് ചെയ്യുന്നതിനും അന്വേഷണം നടത്തുന്നതിനും വിചാരണ ചെയ്യുന്നതിനും

  • ഈ നിയമത്തിലെ വകുപ്പുകള്‍ അല്ലെങ്കില്‍ അതിനു കീഴില്‍ നിര്‍മിക്കപ്പെട്ട ഏതെങ്കിലും നിയമം, പദ്ധതി അല്ലങ്കില്‍ ഓര്‍ഡര്‍ നടപ്പിലാക്കുവാന്‍ ഉപവകുപ്പ് (1) ല്‍ സൂചിപ്പിച്ച ഉദ്യോഗസ്ഥനെ എല്ലാ പോലീസ് ഉദ്യോഗസ്ഥരും മറ്റ് സര്‍ക്കാര്‍ ഉദ്യോഗസ്ഥരും സഹായിക്കേണ്ടതാണ്.
  • ഉപവകുപ്പ് (1) പ്രകാരമുള്ള ഒരു ഉദ്യോഗസ്ഥന്‍റെ അധികാര വിനിയോഗത്തിന് കോഡിലെ വകുപ്പുകള്‍, ബാധകമാകുന്നത്ര, ബാധകമായിരിക്കും.
  •  

    അദ്ധ്യായം III: നാട് കടത്തല്‍

    കുറ്റകൃത്യം ചെയ്യാനിടയുള്ള വ്യക്തിയെ മാറ്റല്‍

  • ഒരു പരാതിയിന്മേല്‍, അല്ലെങ്കില്‍ ഭരണഘടനയുടെ വകുപ്പ് 244 അനുസരിച്ച് പട്ടികപ്രദേശമായി അല്ലെങ്കില്‍ ഗിരിവര്‍ഗ പ്രദേശമായി പ്രഖ്യാപിച്ചിട്ടുള്ള ഏതങ്കിലും പ്രദേശത്ത് ഒരു വ്യക്തി ഈ നിയമത്തിലെ അദ്ധ്യായം II ല്‍ പറഞ്ഞിട്ടുള്ള ഒരു കുറ്റകൃത്യം ചെയ്തേക്കുമെന്ന് ഒരു പോലീസ് റിപ്പോര്‍ട്ടുണ്ടങ്കില്‍, പ്രത്യേക കോടതിക്ക്, രേഖാമൂലമുള്ള വിജ്ഞാപനത്തിലൂടെ ആ വ്യക്തിയോട് ആ പ്രദേശത്തുനിന്ന് സ്വയം മാറിനില്‍ക്കുവാന്‍ ആജ്ഞാപിക്കാവുന്നതാണ്. ഓര്‍ഡറില്‍ പറയുന്ന കാലത്തേയ്ക്ക് ആ സ്ഥാലത്തുനിന്ന് സ്വയം മാറിനില്‍ക്കണം എന്നും ഓര്‍ഡറില്‍ പറയുന്ന കാലഘട്ടത്തില്‍ ആ പ്രത്യേക പ്രദേശത്ത് പ്രവേശിക്കരുതെന്നും ഓര്‍ഡര്‍ ചെയ്യാവുന്നതാണ്. ഈ കാലഘട്ടം രണ്ടു വര്‍ഷത്തില്‍ കൂടുതല്‍ ആകുവാന്‍ പാടില്ല.
  • ഉപവകുപ്പ് (1) പ്രകാരമുള്ള ഓര്‍ഡറിനൊപ്പം ഉപവകുപ്പ് പ്രകാരം നിര്‍ദേശിക്കപ്പെട്ട വ്യക്തിയെ ആ ഓര്‍ഡര്‍ നല്കിയതിന്‍റെ സാഹചര്യം പ്രത്യേകകോടതി അറിയിക്കേണ്ടതാണ്.
  • ഓര്‍ഡര്‍ പുറപ്പെടുവിച്ച് മുപ്പതു ദിവസത്തിനകം ഏത് വ്യക്തിക്ക് എതിരെയാണോ ഓര്‍ഡര്‍ പുറപ്പെടുവിച്ചത് ആ വ്യക്തിയുടേയോ അയാളുടെ പ്രതിനിധിയുടേയോ നിവേദനത്തിന്‍റെ അടിസ്ഥാനത്തില്‍, ഉപവകുപ്പ് (1) പ്രകാരം നല്കിയ ഓര്‍ഡര്‍ പ്രത്യേക കോടതിക്ക് രേഖാമൂലം റദ്ദ് ചെയ്യുവാനോ പുതുക്കുവാനോ കഴിയുന്നതാണ്
  • ഒരു സ്ഥലത്തു നിന്ന് സ്വയം ഒഴിഞ്ഞുപോകുവാന്‍ വ്യക്തി വിസമ്മതിക്കുക, പുറത്തുപോയശേഷം അവിടെ വീണ്ടും പ്രവേശിക്കുക എന്നിവ ചെയ്താലുള്ള നടപടികള്‍

  • ഏതെങ്കിലും ഒരു പ്രദേശത്തുനിന്ന് ഒരു വ്യക്തിയോട് സ്വയം ഒഴിവാകുവാന്‍ വകുപ്പ് 10 അനുസരിച്ച് ആജ്ഞ നല്കുകയും -
  • ആജ്ഞാപിച്ചതുപോലെ സ്വയം ഒഴിഞ്ഞുപോകാന്‍ കൂട്ടാക്കുന്നില്ല; അല്ലെങ്കില്‍
  • സ്വയം ഒഴിഞ്ഞതിനുശേഷം ഓര്‍ഡറില്‍ പറഞ്ഞിട്ടുള്ള സമയത്തിനുള്ളില്‍ ആ പ്രദേശത്ത് വീണ്ടും പ്രവേശിക്കുക,
  • ഇങ്ങനെ ചെയ്യുന്നത് ഉപവകുപ്പ് (2) പ്രകാരം പ്രത്യേക കോടതിയുടെ രേഖാമൂലമുള്ള അനുമതിയോടെയല്ലെങ്കില്‍, പ്രത്യേകകോടതി നിര്‍ദേശിച്ചിട്ടുള്ള പ്രദേശത്തിന് പുറത്തേക്ക് അയാളെ അറസ്റ്റ് ചെയ്ത് പോലീസ് കസ്റ്റഡിയില്‍ നീക്കം ചെയ്യുവാന്‍ പ്രത്യേക കോടതിക്ക് ഉത്തരവിടാവുന്നതാണ്.

  • വകുപ്പ് 10 പ്രകാരം ഒരു ഓര്‍ഡര്‍ ലഭിച്ചിട്ടുള്ള ഒരു വ്യക്തിക്ക് അനുമതി നല്കുവാന്‍ രേഖാമൂലമുള്ള ഒരു ഓര്‍ഡറിലൂടെ പ്രത്യേക കോടതിക്ക് കഴിയും. അദേഹത്തോട് തല്‍ക്കാലത്തേക്ക് സ്വയം ഒഴിഞ്ഞുപോകുവാന്‍ നിര്‍ദേശിച്ച സ്ഥലത്ത് തിരികെ പ്രവേശിക്കുന്നതിന്, എന്നാലിത് അത്തരം ഒരു ഓര്‍ഡറില്‍ പറഞ്ഞിട്ടുള്ള നിബന്ധനകള്‍ക്ക് വിധേയമായിട്ടായിരിക്കും. കൂടാതെ അതിനായി അയാള്‍ നിബന്ധനകള്‍ പാലിക്കും എന്ന്‍ ഉറപ്പാക്കുന്നതിനായി ജാമ്യക്കാരനോട് കൂടിയോ അല്ലാതെയോ ഉള്ള ഒരു ബോണ്ട് നാല്‍കേണ്ടിവന്നേക്കും.
  • പ്രത്യേകകോടതിക്ക് ഏതുസമയത്തും അത്തരം ഒരു അനുമതി പിന്‍വലിക്കാം.
  • അത്തരം ഒരു അനുമതിയോടെ, സ്വയം ഒഴിഞ്ഞുപോകുവാന്‍ നിര്‍ദേശിക്കപ്പെട്ട ഒരാള്‍ പ്രദേശത്തേയക്ക് മടങ്ങി എത്തുന്ന ഏതൊരാളും ചുമത്തപ്പെട്ടിട്ടുള്ള നിര്‍ദേശങ്ങള്‍ പാലിക്കേണ്ടതാണ്. കൂടാതെ മടങ്ങി വരുവാന്‍ അനുവദിക്കപ്പെട്ടിട്ടുള്ള താല്‍കാലിക കാല്‍ഘട്ടം തീരുന്നതോടെ, അല്ലെങ്കില്‍ അത്തരം താല്‍ക്കാലിക കാലഘട്ടം തീരുന്നതിന് മുന്പ് അനുമതി പിവലിക്കപ്പെട്ടാല്‍ അപ്പോള്‍, അത്തരം പ്രദേശത്തുനിന്നും അയാള്‍ സ്വയം ഒഴിഞ്ഞ് പോകേണ്ടതും വകുപ്പ് 10 കീഴില്‍ സൂചിപ്പിക്കപ്പെട്ട സമയ പരിധിയില്‍ പുതിയ ഒരു അനുമതി ലഭിക്കാതെ പ്രവേശിക്കുവാന്‍ പാടില്ലാത്തതും ആകുന്നു.
  • ചുമത്തപ്പെട്ട നിബന്ധനകളില്‍ ഏതെങ്കിലും ഒരെണ്ണം പാലിക്കുന്നതില്‍ വീഴ്ച വരുത്തുകയോ, അല്ലെങ്കില്‍ ആപ്രകാരം സ്വയം ഒഴിഞ്ഞ് പോകുകയോ അല്ലെങ്കില്‍ സ്വയം ഒഴിഞ്ഞ് പോയ സ്ഥലത്തേക്ക് വീണ്ടും പ്രവേശിക്കുകയോ അല്ലെങ്കില്‍ പ്രത്യേക കോടതിയുടെ പുതിയ അനുമതിയില്ലാതെ അത്തരം പ്രദേശത്തേക്ക് മടങ്ങിവരികയോ ചെയ്യുന്ന ഒരു വ്യക്തിയെ പ്രത്യേക കോടതിക്ക് പോലീസ് മുഖേന അറസ്റ്റ് ചെയ്ത് പോലീസ് കസ്റ്റഡിയില്‍ അത്തരം പ്രദേശത്തുനിന്ന് പുറത്താക്കാവുന്നതാണ്.
  • വകുപ്പ് 10 പ്രകാരം വിജ്ഞാപനം നിലവിലുള്ള ഒരു വ്യക്തിയുടെ അളവുകള്‍, ഫോട്ടോകള്‍ മുതലായവ എടുക്കല്‍

  • വകുപ്പ് 10 പ്രകാരം ഏതൊരു വ്യക്തിക്ക് എതിരെയാണോ ഒരു കല്‍പനയുള്ളത് അത്തരം എല്ലാ വ്യക്തികളും, പ്രത്യേക കോടതി ആവശ്യപ്പെടുന്ന പക്ഷം, തന്‍റെ അളവുകളും ഫോട്ടോകളും എടുക്കുവാന്‍ ഒരു പോലീസ് ഓഫീസറെ അനുവദിക്കേണ്ടതാണ്.
  • ഉപവകുപ്പ് (1) ല്‍ സൂചിപ്പിക്കപ്പെട്ട ഒരു വ്യക്തി, അദേഹത്തിന്‍റെ അളവുകളും ഫോട്ടോകളും എടുക്കുന്നത് ആവശ്യമായിവരുന്ന സമയത്ത് അതിനെ ചെറുക്കുകയോ നിരസിക്കുകയോ ചെയ്താല്‍, അവ എടുക്കുവാന്‍ ആവശ്യമായ നടപടികള്‍ സ്വീകരിക്കുന്നത് നിയമപരമാണ്.
  • ഉപവകുപ്പ് (2) പ്രകാരം അളവുകളും ഫോട്ടോകളും എടുക്കുന്നതിനെ പ്രതിരോധിക്കുന്നതും വിസമ്മതിക്കുന്നതും ഇന്ത്യന്‍ പീനല്‍ കോഡ് (45 ഓഫ് 1860) വകുപ്പ് 186 പ്രകാരമുള്ള ഒരു കുറ്റകൃത്യമായി പരിഗണിക്കുന്നതാണ്.
  • വകുപ്പ് 10 പ്രകാരമുള്ള വിജ്ഞാപനം പിന്‍വലിച്ചാല്‍, ഉ-വകുപ്പ് (2) പ്രകാരം എടുത്ത എല്ലാ അളവുകളും ഫോട്ടോകളും (നെഗറ്റീവ് അടക്കം) നശിപ്പിക്കുകയോ അല്ലെങ്കില്‍ അത്തരം വിജ്ഞാപനം ആര്‍ക്കെതിരേയാണോ ഉണ്ടായിരുന്നത് ആ വ്യക്തിക്ക് തിരിച്ചുനല്‍കുകയോ വേണം.
  • വകുപ്പ് 10 പ്രകാരമുള്ള ഓര്‍ഡര്‍ പാലിക്കാത്തതിനുള്ള പിഴ

    വകുപ്പ് 10 പ്രകാരം പ്രത്യേകകോടതി പുറപ്പെടുവിച്ച ഒരു കല്‍പനയെ ചോദ്യം ചെയ്യുന്ന ഏതൊരു വ്യക്തിക്കും പിഴയോട് കൂടി ഒരു വര്‍ഷം വരെയുള്ള തടവുശിക്ഷയ്ക്ക് അര്‍ഹതയുണ്ട്.

    അദ്ധ്യായം IV: പ്രത്യേക കോടതികള്‍

    പ്രത്യേക കോടതി

    വിചാരണ വേഗത്തില്‍ നടത്തുക എന്ന ഉദേശത്തോടെ, ഹൈക്കോടതിയുടെ അനുമതിയോടുകൂടി സംസ്ഥാന സര്‍ക്കാരിന്, ഔദ്യോഗിക ഗസറ്റില്‍ പരസ്യപ്പെടുത്തിക്കൊണ്ട്, ഈ നിയമത്തിനു കീഴില്‍ വരുന്ന കുറ്റകൃത്യങ്ങള്‍ വിചാരണ ചെയ്യുന്നതിനായി ഓരോ ജില്ലാ കോടതിയിലേയും ഒരു കോടതിയെ ഒരു സ്പെഷ്യല്‍ കോടതിയായി പ്രഖ്യാപിക്കാവുന്നതാണ് .

    പ്രത്യേക പബ്ലിക് പ്രോസിക്യൂട്ടര്‍

    ഔദ്യോഗിക ഗസറ്റ് വിജ്ഞാപനത്തിലൂടെ, ഓരോ പ്രത്യേക കോടതിക്ക് വേണ്ടിയും സംസ്ഥാന സര്‍ക്കാര്‍, ഒരു പബ്ലിക് പ്രോസിക്യൂട്ടറെ നിശ്ചയിക്കുകയോ അല്ലെങ്കില്‍, ഏഴു വര്‍ഷത്തില്‍ കുറയാത്ത പ്രാക്ടീസ് ഉള്ള ഒരു വക്കീലിനെ സ്പെഷ്യല്‍ പബ്ലിക് പ്രോസിക്യൂട്ടറായി, ആ കോടതിയിലെ കേസുകള്‍ നടത്തുന്നതിനായി നിയമിക്കുകയോ വേണം.

    അദ്ധ്യായം V: മറ്റുള്ളവ

    കൂട്ടായ പിഴ ചുമത്തുന്നതിനുള്ള സംസ്ഥാന സര്‍ക്കാരിന്‍റെ  അധികാരം

    പൌരാവകാശ സംരക്ഷണ നിയമം, 1955 (22 ഓഫ് 1955) ന്‍റെ വകുപ്പ് 10A പ്രകാരം കൂട്ടായ പിഴ ചുമത്തുന്നതിനും അത് ഈടാക്കുന്നതിനും കൂടാതെ ഈ നിയമത്തില്‍ അതുമായി ബന്ധപ്പെട്ട മറ്റെല്ലാ കാര്യങ്ങള്‍ക്കുമായി അപേക്ഷ നല്‍വുന്നതാണ്.

    നിയമ പാലന സംവിധാനം സ്വീകരിക്കേണ്ട പരിഹാര നടപടികള്‍

  • വിവരങ്ങള്‍ ലഭിച്ചാല്‍ ആവശ്യമെന്ന് തോന്നുന്ന അന്വേഷണങ്ങള്‍ക്കുശേഷം, അദേഹത്തിന്‍റെ അധികാര പരിധിക്കുകീഴിലുള്ള പ്രദേശത്ത് താമസിക്കുന്നതോ ഇടയ്ക്കിടെ വന്നുപോകുന്നതോ ആയ പട്ടികജാതിയിലോ പട്ടികവര്‍ഗത്തിലോ പെടാത്ത ഒരു വ്യക്തി അല്ലെങ്കില്‍ ഒരു സംഘം വ്യക്തികള്‍ ഈ നിയമത്തില്‍ പെട്ട കുറ്റകൃത്യം ചെയ്യുമെന്ന് ഭീഷണിപ്പെടുത്തുകയോ ചെയ്യുമെന്ന് വിശ്വസിക്കാന്‍ മതിയായ കാരണം ഉണ്ടെങ്കില്‍ ഒരു ജില്ലാ മജിസ്ട്രേട്ടിനോ അല്ലെങ്കില്‍ സബ്-ഡിവിഷണല്‍ മജിസ്ട്രേട്ടിനോ അല്ലെങ്കില്‍ മറ്റേതെങ്കിലും എക്സിക്യൂട്ടീവ് മജിസ്ട്രേട്ടിനോ അല്ലെങ്കില്‍ ഡെപ്യൂട്ടി സൂപ്രണ്ട് ഓഫ് പോലീസിന്‍റെ റാങ്കില്‍ കുറയാത്ത പോലീസ് ഓഫീസര്‍ക്കോ നിയമസമാധാനം പാലിക്കുന്നതിന് പ്രതിരോധ നടപടിയായും അത്തരം ഒരു പ്രദേശത്തെ അക്രമബാധിതപ്രദേശമായി പ്രഖ്യാപിക്കാവുന്നതാണ്.
  • ഉപവകുപ്പ് (1) ന്‍റെ ആവശ്യങ്ങള്‍ക്കായി  കോഡിലെ അദ്ധ്യായങ്ങള്‍ VIII, X & XI എന്നിവയിലെ വകുപ്പുകള്‍ പ്രയോഗിക്കാവുന്നതാണ്.
  • ഔദ്യോഗികഗസറ്റിലെ വിജ്ഞാപനത്തിലൂടെ, സംസ്ഥാന സര്‍ക്കാരിന്, ഉപവകുപ്പ് (1) ല്‍ സൂചിപ്പിക്കപ്പെട്ട ഓഫീസര്‍മാര്‍മാര്‍ ഒന്നോ അതിലധികമോ പദ്ധതികളില്‍ സൂചിപ്പിച്ചിട്ടുള്ള രീതിയില്‍ പട്ടികജാതിയിലും പട്ടിക വര്‍ഗത്തിലും പെട്ട ആളുകളുടെ സുരക്ഷാബോധം പുനഃസ്ഥാപിക്കുന്നതിനും അവര്‍ക്കെതിരെയുള്ള അതിക്രമങ്ങള്‍ തടയുന്നതിനും ഉചിതമായ നടപടികള്‍ എടുക്കേണ്ടതാണ്.
  • ഈ നിയമപ്രകാരമുള്ള കുറ്റകൃത്യം ചെയ്ത വ്യക്തിക്ക് കോഡിലെ വകുപ്പ് 438 ബാധകമായിരിക്കില്ല

    ഈ നിയമപ്രകാരം കുറ്റകൃത്യം ചെയ്ത ഒരു വ്യക്തിയെ കുറ്റാരോപണങ്ങളുടെ പേരില്‍ അറസ്റ്റ് ചെയ്യുന്നതുമായി ബന്ധപ്പെട്ട് കോഡിലെ വകുപ്പ് 438 ലെ ഒന്നും തന്നെ ബാധകമായിരിക്കില്ല.

    ഈ നിയമപ്രകാരമുള്ള കുറ്റകൃത്യം ചെയ്ത വ്യക്തിക്ക് കോഡിലെ വകുപ്പ് 360 ഓ പ്രോബേഷന്‍ ഓഫന്‍ഡേര്‍സ് നിയമത്തിലെ വകുപ്പുകളോ ബാധകമായിരിക്കില്ല

    ഈ നിയമപ്രകാരം കുറ്റകൃത്യം ചെയ്തതിന്‍റെ പേരില്‍ തെറ്റുകാരനായ പതിനെട്ട് വയസിനു മേല്‍ പ്രായമുള്ള ഒരാള്‍ക്കും കോഡിലെ വകുപ്പ് 360 ഉം പ്രബേഷന്‍ ഓഫന്‍ഡേര്‍സ് നിയമം, 1958 (20 ഓഫ് 1958) ലെ വകുപ്പുകളും ബാധകമായിരിക്കില്ല.

    മറ്റ് നിയമങ്ങള്‍ മറികടക്കുന്നതിനുള്ള നിയമം

    മറ്റുവിധത്തില്‍ പറയാത്തപക്ഷം, ഈ നിയമത്തിലെ വകുപ്പുകള്‍ക്ക് നിലവില്‍ പ്രാബല്യത്തിലുള്ള മറ്റേതൊരു നിയമത്തിലെയും വകുപ്പുകള്‍ക്ക് മുകളില്‍ പ്രഭാവമുണ്ടായിരിക്കും. അല്ലെങ്കില്‍ അത്തരം നിയമത്തിന്‍റെ ബലത്തില്‍ പ്രഭാവമുള്ള ഏതൊരു ആചാരത്തിന്‍റെയും വ്യവഹാരത്തിന്‍റെയും മുകളില്‍.

    നിയമം കാര്യക്ഷമമായി നടപ്പിലാകുന്നു എന്ന് ഉറപ്പാക്കുന്നതിന് സര്‍ക്കാരിനുള്ള കടമ

  • ഇക്കാര്യത്തില്‍ കേന്ദ്രഗവണ്‍മെന്‍റ് നിര്‍മിച്ചേക്കാവുന്ന നിയമങ്ങള്‍ക്ക് വിധേയമായി,  ഈ നിയമത്തിന്‍റെ ഫലപ്രദമായ നടത്തിപ്പിനായി സംസ്ഥാന സര്‍ക്കാര്‍ ആവശ്യമായ നടപടികള്‍ കൈക്കൊള്ളേണ്ടതാണ്.
  • സവിശേഷമായി, നിലവിലുള്ള വകുപ്പുകളുടെ പൊതു സ്വഭാവത്തോട് മുന്‍വിധിയില്ലാതെ, അത്തരം നടപടികളില്‍ ഉള്‍പ്പെടുന്നവ - i.           അതിക്രമങ്ങള്‍ക്ക് ഇരകളാക്കപ്പെടുന്ന വ്യക്തികള്‍ക്ക് നീതി ലഭ്യമാകുന്നതിന് അവരെ പ്രാപ്തരാക്കുന്നതിനായി അവര്‍ക്ക് നിയമസഹായം ഉള്‍പ്പെടെയുള്ള, ആവശ്യമായ സൌകര്യങ്ങള്‍ ഒരുക്കികൊടുക്കുന്നതിന്
  • ii.           ഈ നിയമപ്രകാരം ഉള്ള കുറ്റകൃത്യങ്ങളുടെ അന്വേഷണവും വിചാരണയും നടക്കുന്ന സമയത്ത് അതിക്രമങ്ങള്‍ക്ക് ഇരയായവര്‍ അടക്കം ഉള്ള സാക്ഷി(കള്‍ക്ക്) യാത്രാച്ചെലവും വഴിച്ചെലവും നല്‍കുന്നതിന്
  • iii.           അതിക്രമങ്ങള്‍ക്ക് ഇരയായവരുടെ സാമ്പത്തികവും സാമൂഹികവുമായ പുനരാധിവാസത്തിന് വേണ്ടി
  • iv.           ഈ നിയമത്തിലെ വകുപ്പുകളുടെ ലംഘനങ്ങള്‍ കൈകാര്യം ചെയ്യുന്നതിന് മേല്‍നോട്ടം വഹിക്കുവാന്‍ ഉദ്യോഗസ്ഥരെ നിയമിക്കുന്നതിന്
  • v.           അത്തരം പരിഹാരങ്ങള്‍ കണ്ടെത്തുന്നതിനും അവ നടപ്പിലാക്കുന്നതിനും സര്‍ക്കാരിനെ സഹായിക്കുമെന്ന് സംസ്ഥാന സര്‍ക്കാര്‍ കരുതുന്ന ഉചിതമായ തലങ്ങളിലുള്ള കമ്മിറ്റികള്‍ രൂപീകരിക്കുന്നതിന്
  • vi.           ഈ നിയമത്തിലെ വകുപ്പുകള്‍ നന്നായി നടപ്പിലാക്കുന്നതിനായുള്ള നിര്‍ദേശങ്ങള്‍ ഉണ്ടാകുമെന്ന കാഴ്ചപ്പാടോടുകൂടി ഈ നിയമത്തിലെ വകുപ്പുകളുടെ പ്രവര്‍ത്തനത്തെപ്പറ്റി കാലാകാലങ്ങളില്‍ സര്‍വേ നടത്തുന്നതിന്
  • vii.           പട്ടികജാതിയിലോ പട്ടികവര്‍ഗത്തിലോ പെട്ട അംഗങ്ങള്‍ക്ക് നേരെ അതിക്രമങ്ങള്‍ ഉണ്ടായേക്കാനിടയുള്ള പ്രദേശങ്ങള്‍ തിരിച്ചറിയുകയും അത്തരം അംഗങ്ങളുടെ സുരക്ഷയ്ക്കായി പരിഹാര നടപടികള്‍ സ്വീകരിക്കുകയും ചെയ്യുന്നതിന്
  • ഉപവകുപ്പ് (1) നു കീഴില്‍ സംസ്ഥാന സര്‍ക്കാരുകള്‍ എടുക്കുന്ന നടപടികള്‍ ക്രോഡീകരിക്കുവാന്‍, ആവശ്യമെന്ന് തോന്നുന്ന പക്ഷം, കേന്ദ്രസര്‍ക്കാരിന് അത്തരം നടപടികള്‍ കൈക്കൊള്ളാവുന്നതാണ്.
  • ഈ വകുപ്പിലെ നിബന്ധനകള്‍ പാലിക്കുവാന്‍ കേന്ദ്ര സര്‍ക്കാരും സംസ്ഥാനസര്‍ക്കാരുകളും സ്വീകരിച്ച നടപടികള്‍ കേന്ദ്രസര്‍ക്കാര്‍ എല്ലാ വര്‍ഷവും പാര്‍ലമെന്‍റിന്‍റെ ഇരു സഭകളിലും  മേശപ്പുറത്ത് വെയ്ക്കുന്നതാണ്
  • ഉത്തമ വിശ്വാസത്തില്‍ എടുത്ത നടപടികള്‍ക്ക് ഉള്ള സംരക്ഷണം

    ഈ നിയമത്തിന്‍കീഴില്‍ ഉത്തമവിശ്വാസത്തോടെ ചെയ്തതോ ചെയ്യുവാന്‍ ഉദേശിച്ചതോ ആയ പ്രവൃത്തികളുടെ പേരില്‍ കേന്ദ്ര സര്‍ക്കാരിന് എതിരായോ, സംസ്ഥാന സര്‍ക്കാരിന് എതിരായോ അല്ലെങ്കില്‍ സര്‍ക്കാരിന്‍റെ ഏതെങ്കിലും ഉദ്യോഗസ്ഥനോ അധികാരിക്കോ എതിരായോ ഒരു കേസും അന്യായവും അല്ലെങ്കില്‍ നടപടിക്രമങ്ങളും നിലനില്‍ക്കുന്നതല്ല.

    നിയമങ്ങള്‍ ഉണ്ടാക്കുന്നതിനുള്ള അധികാരം

  • ഈ നിയമത്തിന്‍റെ ഉദ്ദേശ്യലക്ഷ്യങ്ങള്‍ നടപ്പിലാക്കുന്നതിനായി കേന്ദ്ര ഗവണ്‍മെന്‍റിന്, ഔദ്യോഗിക ഗസറ്റ് വിജ്ഞാപനത്തിലൂടെ നിയമങ്ങള്‍ ഉണ്ടാക്കാവുന്നതാണ് .
  • ഈ നിയമത്തിനുകീഴില്‍ ഉണ്ടാക്കുന്ന എല്ലാ ചട്ടങ്ങളും. അവ ഉണ്ടാക്കിക്കഴിഞ്ഞാല്‍ ഉടന്‍തന്നെ, പാര്‍ലമെന്‍റിന്‍റെ ഇരു സഭകളിലും വെയ്ക്കേണ്ടതാണ്. ആയത് സഭ  30 ദിവസത്തെ മൊത്തം കാലയളവിലേയ്ക്ക് സമ്മേളിച്ചു കൊണ്ടിരിക്കുകയാണെങ്കില്‍ അടുത്ത സമ്മേളനത്തില്‍ വെയ്ക്കുന്നതായിരിക്കും. ഇരുസഭകളും റൂളില്‍ മാറ്റങ്ങള്‍ വേണമെന്ന് അഭിപ്രായപ്പെടുകയോ അല്ലെങ്കില്‍ റൂള്‍ നിര്‍മിക്കരുതെന്ന്  നിര്‍ദേശിക്കുകയോ ചെയ്താല്‍ റൂളിന്‍റെ മാറ്റമുണ്ടാക്കിയ രൂപത്തിന് മാത്രമേ ഫലമുണ്ടാകുകയുള്ളൂ.
  • വി‌എസ് രമാദേവി,  
    സെക്രട്ടറി, ഇന്ത്യ ഗവണ്‍മെന്‍റ്

    അവസാനം പരിഷ്കരിച്ചത് : 7/15/2020



    © C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
    English to Hindi Transliterate