Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

ഏറ്റവും കുറഞ്ഞ വേതനം

ചില വ്യവസായങ്ങളിലെ തൊഴിലാളികള്ക്ക്ന അവര്‍ സംഘടിതരോ വിദ്യാഭ്യാസമില്ലാത്തവരോ ആണെന്നതിനാല്‍ താരതമ്യേന കുറഞ്ഞ കൂലി മാത്രമാണ് നല്കു്ന്നത്

നിയമ വശം പേര്: തൊഴില്‍ നിയമങ്ങള്‍

വകുപ്പ് പേര്: തൊഴില്‍ പീഡനങ്ങള്‍

ഉപ വകുപ്പ് പേര്: ഏറ്റവും കുറഞ്ഞ വേതനം

നിയമം ചുരുക്കത്തില്‍

ചില വ്യവസായങ്ങളിലെ തൊഴിലാളികള്‍ക്ക് അവര്‍ സംഘടിതരോ വിദ്യാഭ്യാസമില്ലാത്തവരോ ആണെന്നതിനാല്‍ താരതമ്യേന കുറഞ്ഞ കൂലി മാത്രമാണ് നല്‍കുന്നത്. മാത്രമല്ല ഇവര്‍ പരമാവധി ചൂഷണം ചെയ്യപ്പെടുകയും ചെയ്യുന്നു. പട്ടികയില്‍ ഉള്‍‌പ്പെടുത്തിയ പ്രത്യേക ജോലികള്‍ക്ക് ഏറ്റവും കുറഞ്ഞ വേതന നിരക്ക് ഉറപ്പു വരുത്തുവാന്‍ ഏറ്റവും കുറഞ്ഞ വേതന നിയമം (മിനിമം വേജസ് ആക്ട്) വ്യവസ്ഥ ചെയ്യുന്നു. പട്ടികയില്‍ പെടുത്തിയ തൊഴില്‍ എന്നതു കൊണ്ട്,

പട്ടികയില്‍ ഉള്‍‍പ്പെടുത്തിയ ഒരു ജോലിയെയോ ജോലിയുടെ ഭാഗമായുള്ള ഒരു പ്രക്രീയയെയോ ശാഖയെയോ ആണ് അര്‍ഥമാക്കുന്നത്.

നിയമം വിശദമായി

കേന്ദ്ര സംസ്ഥാന സര്‍ക്കാരുകളാണ് പ്രാഗത്ഭ്യം നേടാത്ത തൊഴിലാളികള്‍ക്കുള്ള ഏറ്റവും കുറഞ്ഞ വേതന നിരക്ക് നിശ്ചയിക്കുന്നതും പുതുക്കുന്നതും. ഈ നിരക്കുകള്‍ സാധാരണയായി 5 വര്‍ഷത്തില്‍ ഒരിക്കലാണ് പുതുക്കുന്നത്. തൊഴില്‍ നിരക്ക് ഏറ്റവും കുറഞ്ഞ സമയ നിരക്കോ ഏറ്റവും കുറഞ്ഞ പീസ് നിരക്കോ, ഉറപ്പാക്കിയ സമയനിരക്കോ ആകാം.

ഈ നിയമ പ്രകാരം എല്ലാ തൊഴില്‍ദാതാക്കളും താഴെ പറയുന്ന രജിസ്റ്ററുകളും റെക്കോഡുകളും സൂക്ഷിക്കേണ്ടതാണ്.

  • വേതന രജിസ്റ്റര്‍
  • ഹാജര്‍ രജിസ്റ്റര്‍
  • പിഴ രജിസ്റ്റര്‍
  • കേടുപാടുകള്‍, നഷ്ടങ്ങള്‍ എന്നിവയ്ക്കു മേലുള്ള കിഴിവുകള്‍ രേഖപ്പെടുത്തുന്ന രജിസ്റ്റര്‍
  • അധികസമയ ജോലി രജിസ്റ്റര്‍
  • സന്ദര്‍ശന പുസ്തകം

വേതനം വിതരണം ചെയ്യുന്നതിന് ഒരു ദിവസം മുമ്പ് നിര്‍ദ്ധിഷ്ട മാതൃകയിലുള്ള വേതന സ്ലിപ്പ് എല്ലാ തൊഴിലാളികള്‍ക്കും വിതരണം ചെയ്യേണ്ടതാണ്.

തൊഴില്‍ സ്ഥലത്ത് നിയമത്തിന്‍റെ കരടു രൂപരേഖയ്ക്കൊപ്പം ഏറ്റവും കുറഞ്ഞ വേതന നിരക്കുകളും ഇന്‍‌സ്‌പെക്ടറുടെ പേരും വിലാസവും ഉള്‍പ്പെട്ട ഒരു അറിയിപ്പ് ഇംഗ്ലീഷിലും പ്രാദേശിക ഭാഷകളിലും പ്രദര്‍ശിപ്പിക്കേണ്ടതാണ്.

നിയമപ്രകാരമുള്ള ഏറ്റവും കുറഞ്ഞ വേതനത്തിലും കുറഞ്ഞ വേതനം നല്കുകയോ ഈ നിയമത്തിന്‍റെ മറ്റേതെങ്കിലും നിബന്ധനകള്‍ ലംഘിക്കുകയോ ചെയ്യുന്നവര്‍ക്ക് 6 മാസം തടവോ 500 രൂപ വരെ പിഴയോ ഇതു രണ്ടും ഒരുമിച്ചോ ശിക്ഷ ലഭിക്കാവുന്നതാണ്.

പ്രതിവിധിക്കുള്ള നടപടിക്രമങ്ങള്‍

പരാതിക്ക് ആധാരമായ വകുപ്പ്

22- ാം വകുപ്പ്: ഏറ്റവും കുറഞ്ഞ വേതന നിരക്കു നല്കുന്നതു സംബന്ധിച്ചുള്ള അവകാശവാദങ്ങളോ വിശ്രമദിനങ്ങള്‍ക്കുള്ള പ്രതിഫലമോ അധികസമയ ജോലിക്കുള്ള വേതന നിരക്കുകളോ ഈ നിയമത്തിനു കീഴിലുള്ള ചട്ടങ്ങള്‍ക്കും ഉത്തരവുകള്‍ക്കും അനുസൃതമായി സര്‍ക്കാരുകള്‍ക്ക് ഉചിതമായി നിര്‍മ്മിക്കാവുന്നതാണ്.

ആര്‍ക്ക്/എവിടെ പരാതി നല്കാം?

ഏറ്റവും കുറഞ്ഞ വേതന നിരക്കിലും താഴ്ന്ന നിരക്കുകള്‍ നല്കുന്നതു സംബന്ധിച്ച അവകാശ വാദങ്ങളിന്‍‌മേല്‍ തൊഴില്‍ കോടതിയുടെ അദ്ധ്യക്ഷം വഹിക്കുന്ന ഉദ്യോഗസ്ഥന്‍മാര്‍‌ക്കോ ഡപ്യൂട്ടി ലേബര്‍‌ കമ്മീഷണര്‍മാര്‍‌ക്കോ വാദം കേള്‍ക്കുവാനും തീരുമാനങ്ങള്‍ എടുക്കുവാനും അധികാരമുണ്ടായിരിക്കുന്നതാണ്.

തൊഴിലാളി അഥവാ

ഏതെങ്കിലും നിയമജ്ഞന്‍ അഥവാ

രജിസ്റ്റര്‍ ചെയ്ത ട്രേഡ് യൂണിയന്‍റെ ഏതെങ്കിലും ഉദ്യോഗസ്ഥന്‍ അഥവാ

ഏതെങ്കിലും ഇന്‍‌സ്‌പെക്ടര്‍ അഥവാ

മറ്റേതെങ്കിലും ഔദ്യോഗിക വ്യക്തി എന്നിവര്‍ക്ക് ഈ നിയമത്തിനു കീഴില്‍ ഒരു പരാതി ഫയല്‍ ചെയ്യാവുന്നതാണ്.

കേസ് എങ്ങനെയാണ് ഫയല്‍ ചെയ്യുന്നത്?

ഈ നിയമത്തിനു കീഴില്‍ വരുന്ന എല്ലാ അപേക്ഷകളും ഏറ്റവും കുറഞ്ഞ വേതനം നല്‍‌കേണ്ടതായ തിയതി മുതല്‍ 6 മാസത്തിനുള്ളില്‍ സമര്‍പ്പിക്കേണ്ടതാണ്.

എത്ര തൊഴിലാളികളുണ്ടെങ്കിലും എല്ലാവര്‍ക്കും വേണ്ടി ഒരു അപേക്ഷ സമര്‍പ്പിച്ചാല്‍ മതിയാകും.

തീര്‍പ്പ് കല്പിക്കേണ്ട അധികാരി അപേക്ഷകന്‍റെയും തൊഴില്‍ദാതാവിന്‍റെയും വാദങ്ങള്‍ കേട്ട് ശരിയായ അന്വേഷണങ്ങള്‍ക്കുശേഷം താഴെ പറയുന്ന രീതിയില്‍ നിര്‍ദ്ധേശിക്കാം-

  1. ഈ നിയമത്തിനു കീഴില്‍ നല്കേണ്ടതായ ഏറ്റവും കുറഞ്ഞ വേതനവും ശരിയായ വേതനവും തമ്മിലുള്ള വ്യത്യാസവും ആ തുകയുടെ 10 ഇരട്ടിയില്‍ കവിയാത്ത നഷ്ടപരിഹാരവും.
  1. തൊഴിലാളിക്ക് തൊഴില്‍ദാതാവില്‍ നിന്ന് ലഭിക്കുവാനുള്ള തുകയും നഷ്ടപരിഹാരവും.

പരാതി പകപോക്കുവാനോ പീഡിപ്പിക്കുവാനോ ഉദ്ദേശിച്ചുള്ളതാണെന്ന് അധികാരികള്‍ക്ക് ബോധ്യപ്പെടുകയാണെങ്കില്‍ അപേക്ഷകനു മേല്‍ 50 രൂപ പിഴ ചുമത്താവുന്നതാണ്.

അധികാരിയുടെ നിര്‍ദ്ദേശം അന്തിമവും തെളിവെടുക്കല്‍, സാക്ഷികളുടെ ഹാജര്‍ ഉറപ്പാക്കല്‍, രേഖകള്‍ ഹാജരാക്കുന്നതിനു നിര്‍ബന്ധിക്കല്‍ എന്നീ കോഡ് ഓഫ് സിവില്‍ പ്രൊസീജ്യറുകളുടെ കീഴില്‍  സിവില്‍ കോടതിയുടെ എല്ലാ അധികാരങ്ങളും അദ്ദേഹത്തില്‍ നിക്ഷിപ്തവും ആയിരിക്കും.

എന്താണ് അടുത്തത്?

നിയമത്തിനു കീഴില്‍ അധികാരികളുടെ തീരുമാനങ്ങള്‍‌ക്കെതിരായി അപ്പീല്‍ നല്കുവാന്‍ സാധ്യമല്ല.

ഇതര പരിഹാരങ്ങള്‍

ഇതരപരിഹാരങ്ങള്‍ നിലനില്‍ക്കുന്നില്ല.

3.39393939394
Faisal Aug 22, 2017 03:34 PM

സർ. കേന്ദ്ര സർക്കാരിന്റെ NCVT സിവിൽ ഡ്രാഫ്റ്സ്മാൻ കോഴ്സ് പൂർത്തിയാക്കി നാഷണൽ ട്രേഡ് സർട്ടിഫിക്കറ്റ് നേടിയ ഒരാൾക്ക് കേരളത്തിലെ പ്രൈവറ്റ് കൺസ്ട്രക്ഷൻ അല്ലെങ്കിൽ ഡിസൈൻ സ്ഥാപനങ്ങളിൽ മിനിമം സാലറി എത്രയാണ്..?

ഈ മേഖലയിൽ സിവിൽ ഡ്രാഫ്റ്സ്മാൻമാർ ഒരുപാട് ചൂഷണങ്ങൾക്ക് ഇരയാകുന്നുണ്ട്. അതു പോലെ ബോണസ് മറ്റു ആനുകൂല്യങ്ങളും ലഭിക്കുന്നില്ല.

Faisal Aug 22, 2017 03:30 PM

സർ. കേന്ദ്ര സർക്കാരിന്റെ NCVT സിവിൽ ഡ്രാഫ്റ്സ്മാൻ കോഴ്സ് പൂർത്തിയാക്കി നാഷണൽ ട്രേഡ് സർട്ടിഫിക്കറ്റ് നേടിയ ഒരാൾക്ക് കേരളത്തിലെ പ്രൈവറ്റ് കൺസ്ട്രക്ഷൻ അല്ലെങ്കിൽ ഡിസൈൻ സ്ഥാപനങ്ങളിൽ മിനിമം സാലറി എത്രയാണ്..?

ഈ മേഖലയിൽ സിവിൽ ഡ്രാഫ്റ്സ്മാൻമാർ ഒരുപാട് ചൂഷണങ്ങൾക്ക് ഇരയാകുന്നുണ്ട്. അതു പോലെ ബോണസ് മറ്റു ആനുകൂല്യങ്ങളും ലഭിക്കുന്നില്ല.

RAHUL K R Oct 26, 2014 04:19 PM

ലളിതമായ അവതരണ0

RAHUL K R Oct 26, 2014 04:16 PM

ലളിതമായ അവതരണ0

നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top