Skip to content. | Skip to navigation

Vikaspedia

ഹോം പേജ് / News / റെയിൽ ടിക്കറ്റ് ബുക്ക് ചെയ്യാം; പണം പിന്നീട് നൽകിയാൽ മതി
പങ്കുവയ്ക്കുക

റെയിൽ ടിക്കറ്റ് ബുക്ക് ചെയ്യാം; പണം പിന്നീട് നൽകിയാൽ മതി

ആദ്യം ടിക്കറ്റ് ബുക്ക് ചെയ്യുകയും പിന്നീട് പണം നൽകുകയും ചെയ്യുന്ന പേ ഒാൺ ഡെലിവറി സംവിധാനം റെയിൽവേയിൽ നടപ്പാക്കി

ന്യൂഡൽഹി: ആദ്യം ടിക്കറ്റ് ബുക്ക് ചെയ്യുകയും പിന്നീട് പണം നൽകുകയും ചെയ്യുന്ന പേ ഒാൺ ഡെലിവറി സംവിധാനം റെയിൽവേയിൽ നടപ്പാക്കി. മുംബൈ ആസ്ഥാനമായി പ്രവർത്തിക്കുന്ന ഇ-പേ ലേറ്റർ എന്ന സ്ഥാപനവുമായി ചേർന്നാണ് ട്രെയിൻ ടിക്കറ്റ് ബുക്കിങ് അടക്കമുള്ള സേവനങ്ങൾ ലഭ്യമാക്കുന്ന റെയിൽവേ സംവിധാനമായ ഐ.ആർ.സി.ടിസി പുതിയ സേവനം ലഭ്യമാക്കിയത്. പണമില്ലാത്ത നിരവധി യാത്രക്കാർക്ക് ഗുണകരമാകുന്ന പേ ഒാൺ ഡെലിവറി സംവിധാനം എന്നാണ് വിലയിരുത്തൽ.

തുടക്കത്തിൽ എക്സ്പ്രസ് ട്രെയിനുകളിലെ യാത്രികർക്കാണ് ഈ സംവിധാനം ലഭ്യമാവുക. നിലവിലെ ടിക്കറ്റ് ബുക്കിങ് സംവിധാനമായ ഐ.ആർ.സി.ടിസി വെബ്സൈറ്റിലൂടെ യാത്ര ചെയ്യേണ്ട ദിവസത്തിന് അഞ്ച് ദിവസം മുമ്പാണ് യാത്രാ ടിക്കറ്റ് ബുക്ക് ചെയ്യേണ്ടത്. ഈ സമയത്ത് 3.5 ശതമാനം സർവീസ് ചാർജ് ഈടാക്കും. തുടർന്ന് 14 ദിവസത്തിനകം പണം അടച്ചാൽ മതി.

ഇ-ടിക്കറ്റ് വഴി യാത്രാ ടിക്കറ്റ് ബുക്ക് ചെയ്യുന്നവർക്ക് മാത്രമാണ് ഈ സേവനം ലഭ്യമാവുക. ടിക്കറ്റ് ബുക്ക് ചെയ്യാൻ പേര്, ഇമെയിൽ വിലാസം, മൊബൈൽ നമ്പർ, പാൻ/അധാർ കാർഡ് വിവരങ്ങൾ സൈറ്റിൽ ചേർക്കണം. കൂടാതെ ഒ.റ്റി.പി വഴി ബുക്ക് സ്ഥിരീകരിക്കുകയും വേണം.

Back to top