Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

സ്ത്രീ ആരോഗ്യം

കൂടുതല്‍ വിവരങ്ങള്‍

മുടി കൊഴിച്ചില്‍

ഇന്ദ്രലുപ്തമെന്നും രുഞ്ജാചാപാ എന്നുംപറയുന്ന തലയിലുണ്ടാകുന്ന ചില രോഗങ്ങളില് കഷണ്ടിപോലെ മുടി കൊഴിഞ്ഞുപോകാറുണ്ട്. ചികിത്സിക്കാതിരുന്നാല് മുടിമുഴുവന് കൊഴിഞ്ഞുപോകും. പിത്തവും വാതവും കഫവും ദുഷിച്ച് രോമകൂപങ്ങള് കേന്ദ്രീകരിച്ച് അവിടെ ദുഷിച്ച് മുടി വേരോടെ പിഴുതെറിയപ്പെടാറുണ്ട്. വട്ടത്തില് മുടി പൂര്ണമായും കൊഴിഞ്ഞുപോകുന്നതിനെയാണ് ഇന്ദ്രലുപ്തം എന്നുപറയുന്നത്. ചികിത്സിക്കാതിരുന്നാല് വട്ടം കൂടികൂടിവരുകയും മുടി മുഴുവന് കൊഴിയുകയും. വെളുത്തകീഴാര്നെല്ലി, ചെമ്പരത്തിയില, കുറുന്തോട്ടിയില, വെള്ളിലംതാളിയില ഇവയില് ഒന്ന് അരച്ച് താളി തേച്ചുകുളിച്ചാല് മുടികൊഴിച്ചില് മാറും. തലേദിവസത്തെ കഞ്ഞിവെള്ളംകൊണ്ട് തലകഴുകുന്നതും നല്ലതാണ്. മുടിവളരാന് "കയ്യുണ്യം" (കയ്യോന്നി) ആണ് ഏറ്റവും ഫലപ്രദമായ ഔഷധം. കറ്റാര്വാഴ, നീലയമരി, ഉമ്മത്തില, പിച്ചകത്തില ഇവയ്ക്കെല്ലാം കയ്യോന്നി കഴിഞ്ഞുള്ള സ്ഥാനമേയുള്ളു. കയ്യോന്നി, ചിറ്റമൃത്, പച്ചനെല്ലിക്ക ഇവയുടെ നീരില് എണ്ണയും പശുവിന്പാലും ചേര്ത്ത് ഇരട്ടിമധുരം, അഞ്ജനകല്ല് ഇവ കല്ക്കം ചേര്ത്ത് കാച്ചിയാല് കയ്യുണ്ണ്യാദിതൈലമായി. മുടി സമൃദ്ധമായി വളരാനും അകാലനരമാറാനും തലവേദന, ദന്തരോഗങ്ങള്, നേത്രരോഗങ്ങള് ഇവ വരാതിരിക്കാനും ഇവ വന്നവരില് മാറാനും ഈ തൈലം ഉത്തമം. എണ്ണ തയ്യാറാക്കുന്നവിധം: നാഴി എണ്ണ (300 മില്ലി), എണ്ണകാച്ചാന് കയ്യോന്നി, ചിറ്റമൃത്, പച്ചനെല്ലിക്ക ഇവയുടെ നീര് ഒരിടങ്ങഴി (1200 മില്ലി), പശുവിന്പാല് 300 മില്ലി (600 ആകാം) അഞ്ജനകല്ലും ഇരട്ടിമധുരവും രണ്ടുംകൂടി 6 കഴഞ്ച് (30 ഗ്രാം), പച്ചനെല്ലിക്ക ചിറ്റമൃത് കയ്യുണ്യം ഇവ ഓരോന്നും നാഴിക്ക് 12 കഴഞ്ച് (60 ഗ്രാം) വീതം ഉരലില് ഇട്ട് ഇടിച്ച് ഇടങ്ങഴി വെള്ളത്തില് പിഴിഞ്ഞ് അരിച്ച് എടുക്കുക (1 ഇടങ്ങഴി വെള്ളത്തില്). സ്വരസം (പച്ചനെല്ലിക്ക, ചിറ്റമൃത്, കയ്യുണ്യം ഇവയുടെ നീര്), എണ്ണ, പശുവിന്പാല് ഇവയില് കല്ക്കം അരച്ചുചേര്ത്ത് ചെറുതീയില് അടുപ്പത്തുവയ്ക്കുക. എണ്ണ ഒറ്റദിവസംകൊണ്ട് കാച്ചിയാല് ഗുണംകുറയും. രണ്ടോമൂന്നോ ദിവസംകൊണ്ട് കാച്ചി മണല്പാകത്തില് അരിക്കുക. ഇളക്കിക്കൊണ്ടിരിക്കുമ്പോള് പത അടങ്ങിയാല് വാങ്ങാം. കല്ക്കം കൈയിലിട്ടു തിരുമ്മിയാല് മണല്ത്തരിപോലെയിരിക്കും. അഞ്ജനകല്ല് എണ്ണ അരിക്കുന്ന പാത്രത്തില് പൊടിച്ചിട്ടാലും മതി. നീര്പ്പിടിത്തത്തിന് അല്പ്പം പച്ചകര്പ്പൂരം എണ്ണ അരിക്കുന്ന പാത്രത്തില് പൊടിച്ചിടാവുന്നതാണ്. കാത്സ്യം, ഫോസ്ഫറസ്, മഗ്നീഷ്യം എന്നിവ അടങ്ങിയ ഭക്ഷണം മുടിവളരാന് സഹായിക്കും. ചെറുതരം മത്സ്യങ്ങള്, മീന്എണ്ണ, പാല്, ഓട്സ്, ഇലക്കറികള്, പേരയ്ക്ക, നെല്ലിക്ക എന്നിവ മുടിവളരാന് ഉത്തമമാണ്. പോഷകസമൃദ്ധമായ ഭക്ഷണപദാര്ഥങ്ങള്, ഫലവര്ഗങ്ങള്, പച്ചക്കറികള് എന്നിവ ശീലമാക്കേണ്ടതാണ്. മുടി വൃത്തിയായും അഴുക്കില്ലാതെയും എന്നും സംരക്ഷിക്കണം. തലയോട്ടിയില് വിരലുകള് ഓടിക്കുക, കട്ടിയുള്ള പല്ലുകളുള്ള ചീര്പ്പ് ഉപയോഗിച്ച് അമര്ത്തി ചീകുക ഇവ ചെയ്താല് രക്തയോട്ടം വര്ധിക്കുകയും മുടി സമൃദ്ധമായി വളരുകയും ചെയ്യും. രോമ കൂപങ്ങളില് പിത്തവും വാതവും ചേര്ന്ന് കോപിച്ചു രോമം പൊഴിയുമ്പോള് കഫവും രകതവും കൂടി രോമ കൂപങ്ങളെ അടച്ചു മുടി മുളക്കാതെ വരുന്നതിനു കാരണമാവുന്നു. (വട്ടത്തില് മുടി പൂര്ണുമായും കൊഴിഞ്ഞുപോകുന്നതിനെയാണ് ഇന്ദ്രലുപ്തം എന്നുപറയുന്നത്).പുരാതന കാലത്തെ ഒരു ചികിത്സഅട്ടയെ കൊണ്ട് കടിപ്പിച്ചു അല്പം രക്തം കളയിക്കുകപിന്നെ ചുക്ക് പൊടിച്ചു കിഴി കെട്ടി എണ്ണയില് കാച്ചി തടവുകഅരി കഴുകിയ വെള്ളം കൊണ്ട് ധാരയിടുകനിലപ്പന കിഴങ്ങ് ,തുമ്പയില ,അമരിയില ,ഇവ സമം ഇടിച്ചു പിഴിഞ്ഞ നീരില് എണ്ണയും പാലും പകര്ന്നു കാഞ്ഞിരക്കുരു കല്ക്കം ചേര്ത്തു കാച്ചിയരിച്ചു തേക്കുക ഇരട്ടി മധുരം എരുമപ്പാലില് അരച്ച് തേക്കുകയും ചെയ്യാംഎന്നാല് ഇന്ദ്രലുപ്തം എന്നാ രോഗം മാറികിട്ടും ചിരട്ടക്കരി പൊടിച്ചു ശീലപ്പൊടിയാക്കി, മാലത്യാദി, നീലിഭൃംഗാദി, കയ്യുണ്യാദി എന്നീ തൈലങ്ങളില് ഏതെങ്കിലുമൊന്നില് ചാലിച്ചു പുരട്ടി മൂന്നുമാസം തടവിയാൽ ഫലമുണ്ടാകും. പൂര്ണഫലം കിട്ടണമെങ്കില് ഷാംപൂ, സോപ്പ് എന്നിവ ഉപയോഗിക്കാതെ ചെറുപയര്, ഉഴുന്ന്, കടല എന്നിവയുടെ പൊടികളോ താളിയോ ഇഞ്ചയോ ശീലിക്കണം. 

മുടികൊഴിച്ചില്, താരന്, അകാലനര

• ചെമ്പരത്തി പൂവും മെയിലാഞ്ചിയും ചേര്ത്ത് എണ്ണ കാച്ചി പുരട്ടുക.
• അരിത്തവിട് അരിപ്പട്ട ചക്കര ഇടിച്ച് ദിവസേന കഴിച്ചാലകാല നര ഇല്ലാതാകും.
• തുളസി ഇല, വെറ്റില, തെച്ചിപ്പൂവ് ഇവ ചതച്ചിട്ട് എണ്ണ കാച്ചി തലയില് പുരട്ടുക താരന് മാറികിട്ടും.
• പേന് നശിപ്പിക്കാന് -(1)വേപ്പിന് കുരു പൊടിച്ച് എണ്ണയോടൊപ്പം തേക്കുക. (2)പടിക്കാരം കലര്ത്തിയ വെള്ളം കൊണ്ട് തലകഴുകുക

മുടിയഴകിന് ആയുര്വേദം

സൗന്ദര്യകാര്യത്തില് വളരെ പ്രധാനപ്പെട്ട ഒന്നാണ് തലമുടി.അത് പെണ്ണിനും ആണിനും ഒരേ പോലെതന്നെ ..ഇന്ന് പ്രവാസികളില് വളരെ മനോവേദന ഉണ്ടാക്കുന്ന ഒന്നാണ് മുടി കൊഴിച്ചില്..അകാല നര .കുറെയൊക്കെ പ്രകൃതിയോട് ചേര്ന്ന് നിന്ന് നമുക്ക് പരിഹരിക്കാന്കഴിയുമോ എന്ന് നോക്കാം (മുടികൊഴിച്ചിലിന് പ്രധാന കാരണം താരന് ..താരന് ഒഴിവാക്കാന് ...)
തേങ്ങാപാലില്ചെറുനാരങ്ങാനീര് ചേര്ത്ത് തലയോട്ടിയില് തേച്ചു പിടിപ്പിക്കുക ..കുറച്ചു കഴിഞ്ഞുചെറുപയര് താളിയാക്കി തലയില് തേച്ചുപിടിപ്പിക്കുക ..ഉണങ്ങുമ്പോള് തേച്ചു കഴുകുക ...കുറച്ചു ദിവസം ചെയ്യേണ്ടി വരും തുടരും
(2) താരന്റെ ശല്യത്തിന് ചെറുപയര് പൊടിച്ചത് തൈരുമായി ചേര്ത്ത് തലമുടിയില് തേച്ചു കഴുകുക. ഒലിവെണ്ണ ചൂടാക്കി തലയില് പുരട്ടുക. തുളസിയില, വെറ്റില, ചെത്തിപ്പൂവ്, എന്നിവ ചതച്ചിട്ട് വെളിച്ചെണ്ണ മുറുക്കി തേച്ചു കുളിക്കുക. വേപ്പില ഇട്ടു തിളപ്പിച്ചാറ്റിയ വെള്ളത്തില് തല കഴുകുക. തേങ്ങാപ്പാലില് ചെറുനാരങ്ങ ചേര്ത്തു തലയില് പുരട്ടുക. കടുകരച്ചു ക്രീം പരുവമാക്കി തലയില് പുരട്ടി ഒരാഴ്ച പതിവായി കുളിക്കുക

മുഖക്കുരുവിന്,മുഖത്തെ പാടുകള്ക്ക്

• പച്ചമഞ്ഞളും പേരയുടെ കുരുന്നിലയും ചേര്ത്തരച്ച് മുഖത്ത് തേക്കുക • വാളന് പുളിയുടെ ഇല ഞെട്ട് (ഇലകളടര്ത്തി കഴഞ്ഞ ഞെട്ട്) പശുവിന് പാലില് പുഴുങ്ങി, തേന് ചേര്ത്ത് അരച്ചുരുട്ടി കുരുവില് പുരട്ടുക. പശുവിന് വെണ്ണ പുരട്ടിയാല് (രണ്ടുനേരം) കണ്ണ് തെളിഞ്ഞ് കുരു പൊട്ടാന് സജ്ജമാകും. • മുഖത്തെ പാടുകള്ക്ക്-(1)കാഞ്ഞിരക്കുരു പാലില് അരച്ച് രാത്രി മുഖത്ത് പുരട്ടുക. (2)കുങ്കുമപ്പൂ വിളഞ്ഞ തേങ്ങാപ്പാലില് അരച്ച് മുഖത്ത് പുരട്ടുക. (3)രാമച്ചം പൊടിച്ച് തേനില് ചാലിച്ച് പുരട്ടുക. (4)സ്ഫടികകാരം,രക്തചന്ദനം ഇവ ചേര്ത്ത മിശ്രിതം ചെറു നാരങ്ങാ നീരില് ആദ്യം കഴുകി മുഖത്ത് പുരട്ടുക.

മുഖ സൗന്ദര്യം

• കണ്ണിന്ചുറ്റുമുള്ള കറുപ്പു നിറം മാറാന്.
• ചിലരുടെ സൗന്ദര്യത്തെ നശിപ്പിക്കുന്ന ഈ കറുപ്പു ശമിപ്പിക്കാന് താമരപ്പൂവിന്റെ് ഉള്ളിലുള്ള അരി എടുത്തു അരച്ച് കണ്ണിന് ചുറ്റും പതിവായി പുരട്ടിയാല് കറുപ്പു നിറം മാറിക്കിട്ടും.
• സ്വര മാധുരിക്ക്.
• പരുപരുത്ത ശബ്ദം മാറ്റാന് കര്പ്പൂരകിഴങ്ങോ ഇരട്ടി മധുരമോ ഉണക്കിപൊടിച്ച പൊടി അല്പ്പാല്പ്പമായി ഇടയ്ക്കിടക്ക് കഴിക്കുക.
• പുരികം നന്നാക്കാന് .
• ചിലരുടെ പുരികം കട്ടിയുള്ളതോ അല്ലെങ്കില് അല്പാല്പമുള്ളതോ ആയിരിക്കും.. ഇങ്ങനെയുള്ളവര് ദിവസവും രാവിലെ വെറും വയറ്റില് പത്ത് ആര്യവേപ്പിലയുടെ ഇല പുരികത്തിനു മാറ്റം വരും.
• മുഖത്തെ ചൊറി മാറ്റുവാന്.
• മുഖത്തെ ചൊറി മാറുവാന് ഒരു തേങ്ങാ വെന്ത വെളിച്ചെണ്ണയും ,തുല്യ അളവില് ഗ്ലിസറിനും എടുത്തു ചേര്ത്തിളക്കി ചൊറിയുള്ള ഭാഗത്ത് പുരട്ടുക.ഒരു മണിക്കൂറിനു ശേഷം ഒരു ചെറുനാരങ്ങ രണ്ടായി മുറിച്ചെടുത്തു ,മുറിഭാഗം കൊണ്ടു ചൊറിയുള്ള ഭാഗത്ത് അഞ്ച് മിനിട്ട് ഉരസുക..പിന്നീടു കഴുകി കളയുക..ഇങ്ങനെ തുടര്ച്ചയായി രണ്ടാഴ്ച ചെയ്യുക.
• മുഖത്തെ തടിപ്പ് മാറ്റുവാന്.
• മുഖത്തെ തടിപ്പ് മാറ്റുവാന് താമര വളയം,ചന്ദനം,കൊട്ടം,ഞാവല്പ്പൂ എന്നിവ സമാസമം എടുത്തു പാലില് അരച്ച് കൂടെക്കൂടെ പുരട്ടുക.
• മുഖത്തെ കുരുക്കള് മാറുവാന്.
• ഒരു ടീസ്പൂണ് ഗോതന്പ് പൊടിയും ഒരു ടീസ്പൂണ് ചെറുതേനും നന്നായി ചേര്ത്ത് കുരു ഉള്ള ഭാഗത്ത് തേച്ചു പിടിപ്പിക്കുക.
• മുഖ സൗന്ദര്യം വര്ധിപ്പിക്കാന്.
• പത്ത് ഗ്രാം നിലപ്പന കിഴങ്ങ് അരച്ചെടുത്ത് ഒരു തുടം ആട്ടിന് പാലില് കലക്കി,അതില് ഒരു ടീസ്പൂണ് ചെറുതേനും നന്നായി ചേര്ത്തിളക്കുക.
ഈ മരുന്ന് രണ്ടു നേരം വീതം മുഖത്ത് നന്നായി പുരട്ടുക.

മുഖത്തെ രോമങ്ങള് കളയാം.

1, മഞ്ഞള്ച്ചെടിയുടെ പത്ത് ഇലകള് ഉണക്കിപ്പൊടിച്ചത് മുപ്പത് മില്ലി വെളിച്ചെണ്ണയില് കലര്ത്തി രാത്രി കിടക്കും മുന്പ് പുരട്ടുക..പിന്നീട് രാവിലെ കഴുകി കളയാം.
2, 25 gm ശുദ്ധമായ കസ്തൂരി മഞ്ഞള്പ്പൊടിയില് പാല്പ്പാട ചേര്ത്ത് മുഖത്ത് പുരട്ടുക .. അരമണിക്കൂര് കഴിഞ്ഞ് തണുത്ത വെള്ളത്തില് കഴുകി കളയാം..
3, ചെറുപയര് പൊടി ചെറുനാരങ്ങാ നീരില് കുഴച്ച് ശുദ്ധമായ പശുവിന് പാലില് ചാലിച്ച് പുരട്ടുക..
4, പച്ചമഞ്ഞള് അരച്ചത് കട്ടിയായി മുഖത്ത് പുരട്ടി ഒരു മണിക്കൂറിനു ശേഷം കഴുകി കളയുക..

കാല്പാദ സംരക്ഷണത്തിന്

• ഒരു സ്പൂണ് കടുകെണ്ണയില് ഒരു നുള്ള് മഞ്ഞള്പ്പൊടി ചേര്ത്ത് ചൂടാക്കുക.ഇത് തണുക്കുമ്പോള് ഒരു പിടി ചുവന്നുള്ളി ചതച്ച് പിഴിഞ്ഞ നീര് ചേര്ത്ത് കാലിലെ വിണ്ടുകീറിയ ഭാഗത്ത് പുരട്ടുക.
• ചെരിപ്പ് ധരിച്ചുണ്ടാകുന്ന പാടുകള് മാറിക്കിട്ടാന് തുല്യ അളവില് നാരങ്ങാനീരും ഗ്ലിസറിനും ചേര്ത്ത് പുരട്ടിയാല് മതി.
• ഒരു പിടി ചുവന്നുള്ളിയും അഞ്ചാറ് വെളുത്തുള്ളിയും ചതച്ച് പിഴിഞ്ഞ് നീരെടുത്ത് ഇതില് ഒരു സ്പൂണ് ആവണക്കെണ്ണ ഒഴിക്കുക. ഈ മിശ്രിതം ഇളംചൂടില് കാല്പാദങ്ങളില് പുരട്ടിയാല് പാദത്തിലെ വിണ്ടുകീറല് മാറിക്കിട്ടും.

ചര്മത്തിന് ദോഷം ചെയ്യാത്ത ബ്ലീച്ച്

നിറം വര്ദ്ധിപ്പിക്കാന് ഏറ്റവും എളുപ്പമുള്ള മാര്ഗ്ഗം ഏതാണെന്ന് ചോദിച്ചാല് ഒറ്റ ഉത്തരമേയുള്ളൂ.. ഫേസ് ബ്ലീച്ച്. ബ്യൂട്ടിപാര്ലറുകളില് പോകുന്ന മിക്കവരും ഇതായിരിക്കും ചെയ്യുന്നത്. എന്നാല് കെമിക്കല് കൂടിയ ഇവ ചര്മത്തിന് പല ദോഷങ്ങളും ഉണ്ടാക്കാം. അതുകൊണ്ടുതന്നെ ദോഷം വരാത്ത ഫേസ് ബ്ലീച്ച് നിങ്ങള്ക്ക് വീട്ടില് നിന്നുതന്നെ ഉണ്ടാക്കാം. സില്വര് ഫേഷ്യല് ചെയ്താല്.. സിട്രിക് ആസിഡ് ധാരാളമുള്ള ഏത് പഴവര്ഗവും ബ്ലീച്ച് ചെയ്യാന് ഉപയോഗിക്കാം. രാസവസ്തുക്കള് കലരാത്ത ബീച്ചുകള് എങ്ങനെ വീട്ടില് തന്നെ ഉണ്ടാക്കാമെന്ന് വായിച്ചറിയൂ..ഇനി സൗന്ദര്യം സംരക്ഷിക്കാം, സുരക്ഷിതമായി. രണ്ട് ചെറുനാരങ്ങയുടെ നീരും, കുക്കുമ്പര് വട്ടത്തില് മുറിച്ചതും, നാല് സ്പൂണ് കടലമാവും, ഏതെങ്കിലും സിട്രസ് പഴത്തിന്റെ ജ്യൂസും ചേര്ത്ത് ബ്ലീച്ച് ഉണ്ടാക്കാം.ഓറഞ്ച് തൊലി ഉണക്കി പൊടിച്ച് പാലില് ചേര്ത്ത് പേസ്റ്റാക്കി പുരട്ടാം.തക്കാളി പേസ്റ്റും ചെറുനാരങ്ങ ജ്യൂസും ചേര്ത്ത് പേസ്റ്റാക്കി പുരട്ടുന്നതും നല്ലതാണ്.നാരങ്ങ നീരില് അല്പം പാല്പ്പാട ചേര്ത്താല് മികച്ച ബ്ലീച്ചിങ് ക്രീമായി. കറുത്ത പാടുകള് മാറ്റി നിറം വര്ദ്ധിപ്പിക്കാന് ഉത്തമം.മഞ്ഞള്പ്പൊടിയും ചെറുനാരങ്ങാനീരും റോസ് വാട്ടറും യോജിപ്പിച്ച് മുഖത്ത് പുരട്ടാം. ഉണങ്ങിയാല് ചെറുചൂടുവെള്ള ത്തില് കഴുകാം.വെള്ളരിക്കയും ചെറുനാരങ്ങയും ധാന്യമാവും ചേര്ത്ത് പുരട്ടാം.ഫേസ് ബ്ലീച്ച് പഞ്ചസാരയില് ഒലിവ് ഓയില് ചേര്ത്താല് മികച്ച ഫേസ് ബ്ലീച്ചാകും.തക്കാളിയും, തൈരും, ഓട്സും ചേര്ത്ത് പേസ്റ്റാക്കിയെടുക്കുക. 20 മിനിട്ട് മുഖത്ത് വയ്ക്കണം.പാലും , തേനും, ചെറുനാരങ്ങനീരും ചേര്ത്ത് ഫേസ് ബ്ലീച്ച് ഉണ്ടാക്കാം. ഉരുളക്കിഴങ്ങ് പേസ്റ്റ് മികച്ച ബ്ലീച്ചാണ്. 20 മിനിട്ട് വച്ച് കഴുകിയാല് നല്ല വൃത്തിയായികിട്ടും.മുട്ടയുടെ വെള്ളയില് ഒരു സ്പൂണ് പഞ്ചസാര, അരടീസ്പൂണ് ചോളപ്പൊടി എന്നിവ ചേര്ത്ത് പേസ്റ്റാക്കുക. മുഖത്തെ രോമങ്ങള് ഇല്ലാതാക്കി മുഖം ക്ലീനാക്കും. ആഴ്ചയില് മൂന്നു തവണയെങ്കിലും ചെയ്യണം.വെള്ളക്കടല പൊടിയും അല്പം പാലും അരടീസ്പൂണ് മില്ക് ക്രീമും ചേര്ത്ത് ഫേസ് ബ്ലീച്ച് ഉണ്ടാക്കാം.

സ്ത്രീകളുടെ ആരോഗ്യം

പൂവന് പഴം പഞ്ചസാര ചേര്ത്തു കുറച്ചു ചന്ദനവും ചേര്ത്തരച്ചു കഴിച്ചാല് വെള്ളപോക്ക് മാറിക്കിട്ടും.നെല്ലിമരത്തിന്റെ തൊലി ഇടിച്ചുപിഴിഞ്ഞ നീരില് മഞ്ഞളരച്ചതും തേനും ചേര്ത്തു സേവിച്ചാല് അസ്ഥിസ്രാവം ശമിക്കും. ലോഹം തൊടാതെ നെല്ലിമരത്തിന്റെ തൊലി എടുക്കുന്നത് നന്ന്.നിലപ്പനക്കിഴങ്ങ് പൊടിച്ചതോ ശതാവരിക്കിഴങ്ങിന്റെ നീരോ പശുവിന് പാലില് കഴിച്ചാലും വെള്ളപോക്ക് മാറും. ഓജസ്സ് വര്ദ്ധിക്കും ഞാവലിന്റെ കുരു പൊടിച്ച് പനങ്കല്ക്കണ്ടം ചേര്ത്ത് ചൂടുള്ള കഞ്ഞിവെള്ളത്തില് കഴിക്കുക. വെള്ളപോക്ക് നില്ക്കും. ഒരു ടീസ്പൂണ് ഞാവല്ക്കുരുപ്പൊടി അത്രതന്നെ പനങ്കല്ക്കണ്ടം ചേര്ത്തുണ്ടാക്കിയ ചൂര്ണ്ണം ചൂടുകഞ്ഞിവെള്ളത്തില് കഴിക്കണം.സ്ത്രീകളുടെ ഗര്ഭ പാത്ര പ്രശ്നങ്ങള്ക്ക് ഏറ്റവും നല്ല മരുന്ന് അശോകം . ചില പ്രയോഗങ്ങള് പറഞ്ഞു തരാം :- കാല് കിലോ അശോക മര തൊലി 50 ഗ്രാം കറുത്ത എള്ള് ഇത് രണ്ടും ഇടിച്ചു പൊടിച്ചു ചൂര്ണം ആക്കി വെക്കുക . ഇതില് ഒരു സ്പൂണ് വീതം എടുത്തു രണ്ടു ഗ്ലാസ് വെള്ളത്തില് ഇട്ടു തിളപ്പിച്ച് ഒരു ഗ്ലാസ് ആക്കി ഇത് രാവിലെയും വൈകുന്നേരവും കുടിച്ചാല് ഗര്ഭാശയ ബലഹീനം,ഗര്ഭാശയ മുഴ , ഗര്ഭാശയ വീക്കം ,ഗര്ഭാശയത്തിലെ മാംസ വളര്ച്ച ,ഫലോപ്പിയന് ട്യൂബില് ഉണ്ടാകുന്ന പ്രശ്നങ്ങള് നീക്കി ഗര്ഭ ധാരണത്തിനു സഹായിക്കും . മാസമുറ ആരോഗ്യവതിയായ സ്ത്രീക്ക് 28 ദിവസം കൂടുമ്പോള് ഒന്ന് എന്ന കണക്കില് മിതമായ അളവില് രക്തം വെളിയില് വന്നാല് അത് ആരോഗ്യത്തെ സൂചിപ്പിക്കുന്നു . എന്നാല് പല വിധ ശരീര പ്രശ്നങ്ങളാല് മാസ മുറ സമയത്ത് ഉണ്ടാകാതെ ഇരിക്കാം . ഇതിനെല്ലാം ഉത്തമ ഔഷധം അശോകം ആകുന്നു . കാല് കിലോ അശോകതൊലി ,നീര്മാതള തൊലി 100 ഗ്രാം ,ചുക്ക് 25 ഗ്രാം കരിംജീരകം 25 ഗ്രാം ഇവകള് ചൂര്ണം ചെയ്തു സൂക്ഷിക്കുക . ഇതില് നിന്നും 3 ഗ്രാം വീതം രാവിലെ വെറും വയറ്റിലും വൈകുന്നേരവും കഴിച്ചു കൊണ്ടിരുന്നാല് മാസമുറ നേരെയാകും . മാസമുറ സമയത്ത് ഉണ്ടാകുന്ന വയര് വേദന സ്ത്രീകള്ക്ക് ഒരു പ്രശ്നം ആണ് അതിനു 100 ഗ്രാം അശോകപട്ട പോടിച്ചതിന്റെ കൂടെ 25 ഗ്രാം പെരുംകായം പൊടിച്ചു ചേര്ത്തു സൂക്ഷിക്കുക . ഇതില് നിന്ന് 2 ഗ്രാം വീതം എടുത്തു നാടന് പശുവിന്റെ വെണ്ണയില് കുഴച്ചു മൂന്നു നേരം കഴിക്കുക . ഇങ്ങനെ ഒന്ന് രണ്ടു മാസങ്ങളില് കഴിച്ചാല് മാസ മുറ സമയത്തെ വയര് വേദനക്ക് ആശ്വാസം ഉണ്ടാകും . അമിതാര്ത്തവം, ഗര്ഭാശയം തള്ളല് , ഗര്ഭാശയത്തില് ഉണ്ടാകുന്ന ചില പ്രശ്നങ്ങള് ശരീരത്തില് വേണ്ടുന്ന അളവിലുള്ള വിടാമിനുകളുടെ കുറവ് , രക്ത കുറവ് ഇവകള് കാരണങ്ങള് . അത് പോലെ അമിത വണ്ണം കാരണം ശരീരം മാത്രമല്ല വണ്ണിക്കുക ആനുപാതികമായി മറ്റു അവയവങ്ങളും അവയുടെ തനതു രൂപത്തില് നിന്നും മാറി പോകുന്നു . അങ്ങനെ ഉള്ള സ്ത്രീകള്ക്കും ഗര്ഭ ധാരണം ഉണ്ടാകാന് ഉള്ള സാധ്യത വളരെ കുറവ്. അമിതാര്ത്തവം നിയന്ത്രിക്കാന് 5 ഗ്രാം അശോക പട്ട പൊടിച്ചത് കട്ടിയായ പശുവിന് തൈരില് കലക്കി ദിവസം രണ്ടു നേരം വീതം കഴിച്ചാല് അമിതാര്ത്തവം നില്ക്കും. സ്ത്രീ രോഗങ്ങള് മാത്രമല്ല മറ്റു പല വിധ രോഗങ്ങള്ക്കും അശോക തൊലി ഒരു കൈകണ്ട ഔഷധം ആണ്, അശോക തൊലി കഴിക്കുമ്പോള് മലബന്ധം ഏര്പ്പെട്ടാല് അതിനോട് അല്പം കടുക്കാത്തോട് സമം ചേര്ത്തു കഴിക്കുക.

സ്ത്രീകളില് സ്തനവളര്ച്ചയ്ക്ക്

പാല്മുതുക്കിന് കിഴങ്ങുപൊടി തൊട്ടാവാടി-സമൂലം കഷായത്തില്ചേര്ത്ത് കഴിക്കുന്നത് സ്ത്രീകളില് സ്തനവളര്ച്ചയ്ക്ക് സഹായകമാണ്. രാവിലെ വെറും വയറ്റിലും, രാത്രി ആഹാരശേഷവും ആണ് കഴിക്കേണ്ടത്. 60 gm ദ്രവ്യം 12 ഗ്ലാസ് വെള്ളത്തില് ചതച്ചിട്ട് തിളപ്പിച്ച് ഒന്നര ഗ്ലാസ് ആക്കി കുറുക്കി അരിച്ചെടുക്കുന്ന കഷായം അര ഗ്ലാസ് വീതം മൂന്നു നേരത്തേക്ക് ഉപയോഗിക്കാം.

സ്തനാര്ബുദം

ജീവനുള്ള കോശങ്ങളുടെ സുഗമമായ നിലനില്പ്പിന് കോശവിഭജനം അനിവാര്യമാണ്. ഇത് അനുസ്യൂതം തുടരുന്നതുമാണ്. വിവിധ കാരണങ്ങളാല് കോശവിഭജനത്തില് ഉണ്ടാകുന്ന അനിയന്ത്രിതവും അസ്വാഭാവികവുമായ മാറ്റം അര്ബുദം എന്ന രോഗാവസ്ഥയിലേക്കെത്തിക്കാറുണ്ട്. അര്ബുദം എന്ന പദത്തിന് സംസ്കൃതത്തില് "ബഹുകോടി" എന്നാണര്ഥം. ക്രമത്തിലധികമായി ഉണ്ടാകുകയും, വളരുകയും, വ്യാപിക്കുകയും ചെയ്യുന്നത് അര്ബുദകോശങ്ങളുടെ പ്രത്യേകതയാണ്. പ്രകടമാകുന്ന ലക്ഷണങ്ങളിലൂടെ സ്വയം കണ്ടെത്താന്കഴിയുന്ന അര്ബുദങ്ങളിലൊന്നാണ് സ്തനാര്ബുദം. നിര്ഭാഗ്യവശാല് സ്തനാര്ബുദം ബാധിക്കുന്നവരുടെ എണ്ണം ഇന്ന് ഗണ്യമായി ഉയരുന്നു. ലക്ഷണങ്ങളെ അവഗണിക്കുകയും, വേണ്ടത്ര ചികിത്സ തേടാതിരിക്കുകയും ചെയ്യുന്നത് രോഗവ്യാപനത്തിന് ഇടയാക്കും. സ്തനാര്ബുദം- സാധ്യതകള് പാരമ്പര്യ ഘടകങ്ങള് വലിയൊരളവുവരെയും സ്തനാര്ബുദ സാധ്യത കൂട്ടാറുണ്ട്. അമ്മ, സഹോദരി തുടങ്ങിയവരില് സ്തനാര്ബുദം വന്നിട്ടുള്ളവര് കൂടുതല് ശ്രദ്ധിക്കേണ്ടതാണ്. അതുപോലെ 12 വയസ്സിനുമുമ്പ് ആര്ത്തവം വന്നവര്, ആദ്യ പ്രസവം വൈകുന്നവര്, കുട്ടികളില്ലാത്തവര്, പാലൂട്ടാത്തവര്, പാലൂട്ടല് ദൈര്ഘ്യം കുറയ്ക്കുന്നവര്, ആര്ത്തവവിരാമശേഷം തടികൂടുന്നവര് എന്നിവര് ജാഗ്രത പുലര്ത്തണം. ലക്ഷണങ്ങള് സ്തനങ്ങളില് ഉണ്ടാകുന്ന മുഴകളാണ് സ്തനാര്ബുദത്തിന്റെ ഏറ്റവും സാധാരണമായ ലക്ഷണം. സ്തനത്തിലെയും കക്ഷത്തിലെയും മുഴകള്, തൊലിയിലെ വ്യത്യാസം, പ്രത്യേകിച്ച് ചുരുങ്ങിയിരിക്കുക, പൊറ്റപോലെ കാണുക, കട്ടികൂടിയിരിക്കുക, തടിപ്പ്, നിറംമാറ്റം, വിള്ളലുകള് ഇവ അവഗണിക്കരുത്. നിറമില്ലാത്തതോ, കട്ടന്ചായയുടെ നിറമുള്ളതോ, വെള്ളനിറമുള്ളതോ ആയ സ്രവങ്ങള് കൂടുതല് ശ്രദ്ധിക്കുകയും അര്ബുദമല്ലെന്ന് ഉറപ്പാക്കുകയും വേണം. ആര്ത്തവശേഷം ഒരാഴ്ച കഴിഞ്ഞശേഷം നിര്ബന്ധമായും സ്ത്രീകള് സ്വയം സ്തനപരിശോധന നടത്തണം. നേരത്തെ കണ്ടെത്താനായില്ലെങ്കില് ഇത്തരം മുഴകള് വലുതാകുകയും ലിംഫ് ഗ്രന്ഥികളിലൂടെയോ, ധമനികളിലൂടെയോ രോഗം ബാധിച്ച കോശഭാഗങ്ങളില്നിന്ന് ശ്വാസകോശം, അസ്ഥികള്, തലച്ചോര് തുടങ്ങിയ ഏതെങ്കിലും ഭാഗത്തേക്ക് അര്ബുദം ബാധിക്കാനും ഇടയാക്കും. ജീവിതശൈലിയും സ്തനാര്ബുദവും കൊഴുപ്പും കൃത്രിമ നിറവും കലര്ന്ന ഭക്ഷണങ്ങള്, ഫാസ്റ്റ്ഫുഡുകള്, അമിതവണ്ണം, വ്യായാമക്കുറവ്, പഴങ്ങളുടെയും പച്ചക്കറികളുടെയും കുറഞ്ഞ തോതിലുള്ള ഉപയോഗം, അന്തരീക്ഷ മലിനീകരണം, കീടനാശിനികളുടെ ഉപയോഗം, തെറ്റായ രീതിയിലുള്ള ഭക്ഷണസംസ്കരണം തുടങ്ങിയ ജീവിതശൈലിയുമായി ബന്ധപ്പെട്ട പ്രശ്നങ്ങള് സ്തനാര്ബുദത്തിനു കാരണമാകാറുണ്ട്. ഹോര്മോണ് പ്രവര്ത്തനങ്ങളും സ്തനാര്ബുദവും ഈസ്ട്രജന് ഹോര്മോണിന്റെ പ്രവര്ത്തനദൈര്ഘ്യം കൂടുന്നത് സ്തനാര്ബുദത്തെ സ്വാധീനിക്കുന്ന പ്രധാന ഘടകമാണ്. ആര്ത്തവം ആദ്യം തുടങ്ങിയ പ്രായം, ആര്ത്തവം നിന്ന പ്രായം തുടങ്ങിയ ഘട്ടങ്ങള്ക്ക് സ്തനാര്ബുദ സാധ്യതയുമായി ഏറെ ബന്ധമുണ്ട്. ആര്ത്തവചക്രം വൈകി ആരംഭിക്കുന്നവരില് സ്തനാര്ബുദ സാധ്യത താരതമ്യേന കുറവാണ്. അതുപോലെ വൈകി ആര്ത്തവവിരാമം വരുന്നവരില് അര്ബുദസാധ്യത കൂടുതലാണ്. ആര്ത്തവം തുടങ്ങി ആദ്യ പ്രസവംവരെ കാലയളവ് കൂടുന്നതിനനുസരിച്ച് സ്തനാര്ബുദസാധ്യതയും കൂടാറുണ്ട്. അതിനാല് ആദ്യപ്രസവം എന്തുകൊണ്ടും 25-26 വയസ്സിനുള്ളില് കഴിയുന്നതാണ് ഉചിതം. കൂടാതെ മറ്റു പല കാരണങ്ങള്ക്കും ഹോര്മോണ് ചികിത്സ തേടുന്നവരിലും രോഗസാധ്യത ഏറും. ചികിത്സ ചികിത്സയുടെ വിജയം എത്രയും നേരത്തെ അര്ബുദം കണ്ടെത്തുന്നതുമായി ഏറെ ബന്ധമുണ്ട്. ജീവിത ഗുണനിലവാരം മെച്ചപ്പെടുത്തുന്നതോടൊപ്പം, രോഗപ്രതിരോധത്തിന് സഹായകവുമാകുന്ന വിധത്തിലുള്ള ചികിത്സകളാണ് ആയുര്വേദം നല്കുക. അര്ബുദത്തിന്റെ തുടക്കംമുതല് ആയുര്വേദ ഔഷധങ്ങള് ഉപയോഗിക്കുന്നവരും, റേഡിയേഷന്, കീമോതെറാപ്പി തുടങ്ങിയ ചികിത്സകളുടെ പാര്ശ്വഫലങ്ങള് ഒഴിവാക്കാനായി ആയുര്വേദ മരുന്നുകള് കഴിക്കുന്നവരും ഉണ്ട്. അര്ബുദചികിത്സയുടെ വിജയത്തിന് സാന്ത്വനചികിത്സയും അനിവാര്യമാണ്. എല്ലായ്പ്പോഴും സുഖാവസ്ഥ നിലനിര്ത്തി, ആത്മവിശ്വാസം കൂട്ടാനും ആയുസ്സു നീട്ടാനും സാന്ത്വനചികിത്സക്ക് കഴിയാറുണ്ട്. ഡോക്ടറുടെ നിര്ദേശാനുസരണം മാത്രം ഔഷധം ഉപയോഗിക്കാനും അര്ബുദരോഗി പ്രത്യേകം ശ്രദ്ധിക്കണം. സ്തനാര്ബുദം പ്രതിരോധിക്കാം ശരീരഭാരം അമിതമായി കൂട്ടുകയോ കുറയ്ക്കുകയോ ചെയ്യരുത്. മദ്യം, പുകയില ഇവ തീര്ത്തും ഉപേക്ഷിക്കണം. ഉപ്പും ഉപ്പു ചേര്ത്ത് സംസ്കരിച്ച ഭക്ഷ്യവിഭവങ്ങളും പരമാവധി കുറയ്ക്കുക. മാനസികസമ്മര്ദം ലഘൂകരിക്കുക. ലഘു വ്യായാമത്തിലൂടെ സംഘര്ഷം കുറയ്ക്കാനാവും. തൈര് നിത്യവും ഉപയോഗിക്കരുത്. വെണ്ണ നീക്കിയ മോര്, ഇളനീര് ഇവ ശീലമാക്കാം. ചുവന്ന മുളക്, അച്ചാറുകള്, ഉപ്പു ചേര്ത്ത് പുകയേല്പ്പിച്ചതും കരിഞ്ഞതുമായ ഭക്ഷണം, പൂപ്പല് അടങ്ങിയ ഭക്ഷണങ്ങള് ഇവ ഒഴിവാക്കുക. നിത്യവും ആറുമണിക്കൂറെങ്കിലും ഉറങ്ങുക. ചെറുമത്സ്യങ്ങള് കറിയാക്കി കഴിക്കുക. ജീവകങ്ങള് കൂടുതലും കൊഴുപ്പ് കുറവുമായതിനാല് പഴങ്ങളും പച്ചക്കറികളും ധാരാളമായി ഭക്ഷണത്തില് പെടുത്തുക. കോളിഫ്ളവര്, കാബേജ്, മധുരക്കിഴങ്ങ്, കാരറ്റ്, ചീരത്തണ്ട്, ബീറ്റ്റൂട്ട്, മുരിങ്ങയില, വാഴക്കൂമ്പ്, വെളുത്തുള്ളി, മഞ്ഞള്, ചുവന്നുള്ളി, കുരുമുളക്, ഗ്രാമ്പു, ഇഞ്ചി, തവിടു കളയാത്ത ധാന്യങ്ങള് ഇവ ചേരുന്ന നാടന് ഭക്ഷണങ്ങള് അര്ബുദത്തെ പ്രതിരോധിക്കും. ഓറഞ്ച്, പേരക്ക, നേന്ത്രപ്പഴം, തക്കാളി ഇവയും ഏറെ നല്ലതാണ്. ശക്തമായ നിരോക്സീകാരിയാണ് മഞ്ഞള്. ഇതില് അടങ്ങിയിരിക്കുന്ന "കുര്കുമിന്" എന്ന ഘടകത്തിന് സ്തനാര്ബുദം പ്രതിരോധിക്കാന് കഴിയും. അര്ബുദത്തിന്റെ പാരമ്പര്യസാധ്യതകളെ തടയുന്നതോടൊപ്പം, അര്ബുദ മുഴകളിലേക്കുള്ള രക്തസഞ്ചാരം വര്ധിക്കാതെ തടയാനും മഞ്ഞളിനാകും. അതുപോലെ അര്ബുദകോശങ്ങളുടെ വളര്ച്ചയെ ചുരുക്കാന് ഇഞ്ചിയും ഗുണകരമാണ്. ഭക്ഷണത്തില് ചേര്ത്തുള്ള ഇവയുടെ മിതമായ ഉപയോഗം നല്ല ഫലം തരാറുണ്ട്. ബോധവല്ക്കരണമാണ് മികച്ച പ്രതിരോധം. സ്കൂള്തലത്തിലേ തുടങ്ങുന്ന ബോധവല്ക്കരണത്തിലൂടെ സ്തനാര്ബുദം ബാധിക്കുന്നവരുടെ എണ്ണം ഗണ്യമായി കുറയ്ക്കാനാകും

ഗര്ഭ പരിചരണം

ഒരോ മാസത്തിലും ആവശ്യമായ ഗര്ഭകാല പരിചരണം മാസം1 : വിശ്രമം, ശീലിക്കേണ്ടവ, കട്ടികുറഞ്ഞതും ദഹിക്കാനെളുപ്പമുള്ളതുമായ ആഹാരം, പാല്, മധുരമുള്ള ആഹാരം. മാസം 2 : മധുരരസ പ്രധാനമായ ആഹാരം ഇടയ്ക്കിടെ കഴിക്കുക. മലര്പ്പൊടി ചേര്ത്ത് തിളപ്പിച്ച വെള്ളം ഛര്ദി കുറയ്ക്കും. ശതാവരിക്കിഴങ്ങ്, തിരുതാളിവേര് ഇവയിലേതെങ്കിലും ചേര്ത്തുണ്ടാക്കുന്ന പാല്ക്കഷായം നല്കാം. ഛര്ദി അധികമെങ്കില് ചായ, കാപ്പി ഇവയുടെ ഉപയോഗം കുറയ്ക്കണം. മാസം 3 : പാല്, വെണ്ണ, നെയ്യ് ഇവ അല്പാല്പ്പം നല്കാം. രണ്ടാംമാസത്തിലെ ഔഷധങ്ങളുപയോഗിക്കാം. അച്ചാറുകള് ഒഴിവാക്കണം. മാസം 4 : ഗര്ഭസ്ഥശിശുവിന്റെ മാംസപേശികളും മറ്റും വളര്ച്ച പ്രാപിക്കുന്നതിനാല് മാംസ്യാംശം അധികമടങ്ങിയ പയറുവര്ഗങ്ങളോ, മല്സ്യം, ഇറച്ചി ഇവയോ ആഹാരത്തില് അധികം ഉള്പ്പെടുത്തണം. പച്ചക്കറികള്, പഴവര്ഗങ്ങള്, പാല്, വെണ്ണ, നെയ്യ് ഇവയും നല്കാം. ഓരിലവേര് പാല്ക്കഷായമായി നല്കാം. മാസം 5 : കുട്ടിയുടെ ചലനം ഗര്ഭിണിക്ക് അനുഭവസ്ഥമാകും. മേല്പറഞ്ഞവ കൂടാതെ ശതാവരിക്കിഴങ്ങ് പാല്ക്കഷായമായി നല്കാം. അഞ്ചാംമാസം മുതല് മലര്ന്നു കിടന്നുറങ്ങരുത്. കാരണം അത് രക്തചംക്രമണത്തെ തടസ്സപ്പെടുത്തും. കൂടാതെ പൊക്കിള്ക്കൊടി ശിശുവിന്റെ കഴുത്തിനുചുറ്റും കുരുങ്ങാനും പ്രസവസമയത്ത് തടസ്സവും ശിശുമരണംതന്നെയുണ്ടാകാനും കാരണമാകും. മാസം 6 : പോഷകമൂല്യമുള്ള ആഹാരം കഴിക്കണം. തഴുതാമയോ ഞെരിഞ്ഞിലോ ഇട്ടു തിളപ്പിച്ച വെള്ളമോ പാലോ ഇക്കാലത്തുണ്ടാകാനിടയുള്ള നീരില്ലാതാക്കും. മാസം 7 : യവം ചേര്ത്തുണ്ടാക്കുന്ന പാല്ക്കഞ്ഞി, പച്ചക്കറികള്, കുറുന്തോട്ടിവേര് ചേര്ത്തുണ്ടാക്കുന്ന പാല്ക്കഷായം ഇവ നല്കാം. 45 ഗ്രാം കുറുന്തോട്ടി വേര് നാലു ഗ്ലാസ് വെള്ളം ചേര്ത്ത് തിളപ്പിച്ച് അര ഗ്ലാസ് ആക്കി അരിച്ച് അര ഗ്ലാസ് തിളപ്പിച്ച പാല് ചേര്ത്ത് വൈകിട്ട് അഞ്ചുമണിക്ക് കുടിക്കാം. ഇത് ഏഴാംമാസം മുതല് തുടര്ച്ചയായി പ്രസവം വരെ കഴിക്കാം. ചന്ദനവും രാമച്ചവും അരച്ച് വെണ്ണചേര്ത്ത് പുരട്ടുന്നത്, കുഴമ്പുപുരട്ടുന്നത്, വയറില് ചൊറിച്ചില്, വിള്ളല്, വരകള് ഇവയുണ്ടാകുന്നത് തടയും. ദേഹം മുഴുവന് കുഴമ്പുപുരട്ടി മെല്ലെ തടവിയശേഷം കരിനൊച്ചിയില, പുളിയില, ആവണക്കില ഇവയിലേതെങ്കിലുമിട്ടു തിളപ്പിച്ച് തണുപ്പിച്ച ചെറുചൂടുവെള്ളം കൊണ്ടു കുളിക്കണം. ഇതു നടുവേദന, കാല്വണ്ണ ഉരുണ്ടുകയറുക, കാല്കഴപ്പ് എന്നിവ ഇല്ലാതാക്കും. ഇതു പ്രസവംവരെ ശീലിക്കുന്നത് സുഖപ്രസവത്തിനുതകും. മാസം 8 : ആഹാരത്തില് കുറേശ്ശെ നെയ്യ് ചേര്ത്തു നല്കാം. കഷായവസ്തി മലബന്ധം അകറ്റാനും വായുകോപമില്ലാതാക്കാനും സഹായിക്കും. തൈലവസ്തി നല്കുന്നത് നടുവേദനയും മറ്റും ഇല്ലാതാക്കും. മാസം 9 : ചൂടോടെ പാല്ക്കഞ്ഞി അല്പം നെയ്യ് ചേര്ത്തു രാവിലെ കുടിക്കാം. പിച്ചുധാരണം അഥവാ (ധാന്വന്തരം) തൈലത്തില് തുണിമുക്കി അടിവയറിലും യോനിപ്രദേശത്തും അല്പസമയമിടുക. ചെറിയ ചൂടുവെള്ളത്തില് കുളിക്കാം. ഗര്ഭിണി ആദ്യമാസംമുതല് ഏഴുമാസംവരെ എല്ലാ മാസവും, ഏഴുമുതല് 9-ാം മാസം വരെ രണ്ടാഴ്ച കൂടുമ്പോഴും പിന്നീടു പ്രസവംവരെ ആഴ്ചതോറും പരിശോധനാവിധേയയാകണം. ഓരോ പ്രാവശ്യവും ഭാരം, രക്തസമ്മര്ദം, ഗര്ഭാശയ വളര്ച്ച, ശിശുവിന്റെ ഹൃദയസ്പന്ദന നിരക്ക്, രക്തത്തിലെ പഞ്ചസായുടെ അളവ് എന്നിവ പരിശോധിക്കണം.

ഗര്ഭിണികള്ക്ക് കാലില് നീര്,മുഖം നീര്

ഇന്ന് ഗര്ഭിണികള്ക്ക് കാലില് നീര് , മുഖം നീര് പിടിച്ചു നടക്കാനും ഇരിക്കാനും വയ്യാത്ത അവസ്ഥ . ഈ അവസ്ഥയില് ഒരു മരുന്നും ഗര്ഭിണിക്ക് കൊടുക്കാന് വയ്യാത്ത അവസ്ഥ . പ്രസവിച്ചു കഴിഞ്ഞാലും ഈ നീര് ശരീരത്തില് നിന്നും പോകാന് സമയം എടുക്കും . പാരമ്പര്യ വൈദ്യം ഇതിനെ വളരെ ഗൌരവമേറിയ രീതിയില് കണ്ടു അമ്മക്ക് കുഞ്ഞിനും ദോഷം ചെയ്യാത്ത രീതിയില് ഒരു മരുന്ന് പറഞ്ഞു തരുന്നു. മുട്ട ചീര ( പസല ചീര ) എന്നൊരു പേരും ഇതിനു ഉണ്ട് : 100 ഗ്രാം -200 ഗ്രാം വെളുത്തുള്ളി : 10 ഗ്രാം -50 ഗ്രാം കുരുമുളക് : 15 എണ്ണം സാധാരണ ജീരകം - 10- 20ഗ്രാം വെള്ളം - 250 മില്ലി എടുത്തു തിളപ്പിക്കുക അതില് മുട്ട ചീരയും കുരുമുളകും വെളുത്തുള്ളി തോലോട് കൂടെ ചതച്ചു അതില് ഇടുക .ഇട്ടിരിക്കുന്ന സാധനങ്ങള് വെന്തു വരുമ്പോള് ജീരകം ചേര്ത്തു സൂപ്പ് ആക്കി എടുത്തു അതില് ഇട്ടിരിക്കുന്ന ചീര, വെളുത്തുള്ളി , കുരുമുളക് ഇവകള് ചവച്ചു തിന്നുകയും വേണം . സൂപ്പ് കുടിക്കുകയും വേണം . മുട്ട ചീര , വെളുത്തുള്ളി ഇവകള്ക്ക് ശരീരത്തില് ആവശ്യമില്ലാത്ത വെള്ളത്തിനെ മല മൂത്ര വിസര്ജ്ജനത്തില് കൂടെ പുറത്തു കളയാനുള്ള തന്മയത്വം ഉണ്ട് .മൂന്നു ദിവസം കുറഞ്ഞത് ഒരു നേരം കുടിക്കുക . ആവശ്യമെങ്കില് 7 ദിവസം വരെ കുടിക്കാം . രാത്രിയില് ആണ് കുടിക്കുന്നത് എങ്കില് വെളുത്തുള്ളി 10 ഗ്രാമില് കൂടരുത് . യാതൊരു കാരണ വശാലും വെളുത്തുള്ളി 50 ഗ്രാമില് കൂടുതല് ആകരുത് .മറ്റു അസുഖങ്ങള്ക്ക് മരുന്ന് കഴിക്കുന്നവര് വൈദ്യ നിര്ദേശം തെടണ്ടത് ആണ് .

പ്രസവരക്ഷ

പ്രസവിച്ച സ്ത്രീക്കു ഓമം, കുരുമുളക് ഇവ അരച്ചു കരിപ്പട്ടി (പനഞ്ചക്കര)യിലിട്ടു ഉരുളയാക്കിയെടുക്കുന്ന അരമരുന്ന് കൊടുക്കാം. "നറും മഞ്ഞളുമുഗ്രഗന്ധമുലുവാ കാനക്കരിപ്പട്ടി വന്ജീരകമിവയ്ക്കൊപ്പം വെളുത്തുള്ളിയും" എന്നു പേറ്റുമരുന്നിനു വിധിയുണ്ട്. പ്രസവിച്ചാലുടന് കുരുമുളകു പൊടിച്ച് കരിപ്പട്ടി ചേര്ത്തുരുട്ടി കൊടുക്കും. ചിലരാകട്ടെ പിണംപുളിയും കുരുമുളകും കരിപ്പട്ടിയുംകാച്ചിക്കൊടുക്കും. ചിലര് ഇതിനൊപ്പം ഉള്ളിയുംചേര്ക്കാറുണ്ട്. അരിമാവ്, മഞ്ഞള്പൊടി കരിപ്പട്ടി ഇവ ചേര്ത്ത് കാച്ചിക്കൊടുത്തശേഷം കാരയില.അരിമാവ്,കരിപ്പട്ടി ഇവയും കാച്ചിക്കുറുക്കും. കറിവേപ്പില, അരിമാവ്, കരിപ്പട്ടി ഇവയും കാച്ചിക്കുറുക്കിക്കൊടുക്കുന്നരീതിയുണ്ട്. ഇവ മുമ്മൂന്നു ദിവസം വീതം യഥാക്രമം നല്കണം. മാവു വറുത്തു ചീലാന്തിയില, അരിമാവ്,മുള്ളന്കാരയില, കരിപ്പട്ടി ഇവയിട്ടു പേറ്റുമരുന്നുണ്ടാക്കുന്നു. ഉള്ളിലെ മുറിവുണങ്ങുന്നതിനുവേണ്ടി നാല്,പന്ത്രണ്ട്, പതിനെട്ട് ദിവസങ്ങളിലായി കുരുമുളക്, ചുക്ക്, കരിപ്പട്ടി, ഓമം, വെളുത്തുള്ളി എന്നിവഅരച്ചുരുട്ടിയെടുക്കുന്ന കായം കാച്ചിയതും നല്കാറുണ്ട്. ഇതിനായി മറ്റു ചിലര് തീണ്ടാനാഴിയില (മുക്കുറ്റി) അരച്ചു അരിമാവും കരിപ്പട്ടിയും ചേര്ത്ത കുറുക്കു ആദ്യ മൂന്നുദിവസങ്ങളില് കൊടുക്കും. തിരുവനന്തപുരം ജില്ലയിലെ കാണിക്കാര് പ്രസവത്തിനായി ഏഴു തേങ്ങ, ഒരിടങ്ങഴി കാന്താരി മുളക്, കുറച്ചുമഞ്ഞള്, ഒരു പറ നെല്ലിന്റെ അരി(പൊടിയാത്തത്) ഇവ ഉണക്കി സൂക്ഷിക്കും. വേദന തുടങ്ങിയാല്നാഴിയരിയെടുത്തു കഞ്ഞിവെയ്ക്കും. തേങ്ങ പുറം ചെത്തി കുറച്ചു മഞ്ഞളും മുളകും കൂടി അരച്ച് ഉപ്പു ചേര്ത്ത്ചൂടാക്കി ചെറുചൂടില് ചിരട്ടയില് ഒഴിച്ചു കുടിപ്പിക്കും. പലനാളായി ഈ പേറ്റുമരുന്നു കൊടുത്തു തീര്ക്കും. മുക്കുവര്ക്കിടയില് പ്രസവിച്ചാല് ചുക്കും മഞ്ഞളുമിട്ട കഞ്ഞിയോ ഉലുവയിട്ട കഞ്ഞിയോ പ്രസവിച്ച അന്നു തന്നെ കൊടുക്കും. ചമ്പാവരിക്കഞ്ഞി തേങ്ങാപ്പാലൊഴിച്ചു കൊടുക്കും. സുഖപ്രസവമായാല് ഓമം, കുരുമുളക്,മുളക്, മല്ലി, ഉലുവ, മഞ്ഞള്, പുളി ഇവ ചേര്ത്തുള്ള വറുത്തരപ്പു കൊടുക്കും. നെയ്യില്ലാത്ത മീനുകളായ നെത്തോലി, തെരണ്ടി, കടുമീന് ഇവ പിറ്റേദിവസം മുതല് കൊടുക്കും. ഉള്ളിലുള്ള മാച്ചു പോകാന്മണിയരിക്കില, വേപ്പില എന്നിവ അരച്ചതും ദേഹത്തു തേക്കും. അമ്മക്കു ഉള്ളില് കഴിക്കാനുള്ളപേറ്റുമരുന്നായി ഓമം, ചുക്ക്, കുരുമുളക്, മഞ്ഞള് ഇവയെല്ലാം അരച്ചു പച്ചയ്ക്കു കൊടുക്കും. കരിപ്പട്ടി ചേര്ത്തുകാച്ചിയും കൊടുക്കാറുണ്ട്. തെങ്ങിന്കൂമ്പ് അരച്ചു കരിപ്പട്ടിയിട്ടു കുറുക്കിയോ കാച്ചിയോ നല്കുകയും ചെയ്യും. പ്രസവിച്ച സ്ത്രീക്കു വേതുവെള്ളം പിടിക്കും. വേതുവെള്ളം തയ്യാറാക്കാന് പ്ലാഞ്ചിത്തോല് കൊച്ചങ്ങ,തെങ്ങിന്മടല്, പേരത്തോല്, നാല്പാമരപ്പട്ട എന്നിവയെല്ലാം ഉപയോഗിക്കുന്നു. കസ്തൂരിമഞ്ഞള് വെള്ളത്തിലിട്ടുകുതിര്ത്തരച്ചതു കുഞ്ഞിന്റെയും അമ്മയുടെയും ദേഹത്തു തേയ്ക്കും. ആചാരപ്രകാരം നിശ്ചിത ദിവസം മഞ്ഞള്തേച്ചുള്ള കുളിയുമുണ്ടാകും. വിഷഹരമായ മഞ്ഞള് രോഗാണുക്ളെ ചെറുക്കുന്നു. കൊഴിഞ്ഞിലെടുത്തുവെള്ളത്തിലിട്ടു പിഴിഞ്ഞെടുത്ത താളികൊണ്ടു തല കഴുകി പച്ചവെള്ളത്തില് കുളിക്കുന്നവരുമുണ്ട്. ഉലുവചോര്, ഉള്ളിച്ചോര്, പേറ്റുമുക്കിടി, ജീരകക്കോഴി, പാല്, കോഴിമുട്ട എന്നിവയും കൊടുക്കാം. രക്തംതെളിയാന് ഉള്ളിക്കോഴി കഴിക്കാം. ആട്ടിന്കുടല്, ആട്ടിന്കരള്, ആട്ടിന്തല തുടങ്ങിയവ പാകം ചെയ്ത്കൊടുക്കുന്നതും മുളകും ഉപ്പും മാത്രം ഉപയോഗിച്ച് കോഴി വേവിച്ച് കൊടുക്കുന്നതും പ്രസവിച്ച സ്ത്രീകള്ക്ക്രോഗപ്രതിരോധശേഷി വര്ദ്ധിപ്പിക്കും. ഉലുവ തേങ്ങാപാലില് കൂട്ടി ചേര്ത്തുണ്ടാക്കുന്ന ഉലുവ കഞ്ഞി, കുറുന്തോട്ടി വേരിന്തൊലി, ജീരകം, പഴുത്തപ്ലാവിലയുടെ ഞെട്ട് തുടങ്ങിയവ ആട്ടിന്പാലില്ചേര്ത്ത് തിളപ്പിച്ച് ഉണ്ടാക്കുന്ന ജീരകകഞ്ഞി തുടങ്ങിയവ പ്രസവ ശേഷം സ്ത്രീകള്ക്കുണ്ടാകുന്ന രോഗങ്ങളെതടയുന്നു. പ്രസവശേഷം കഴിക്കുന്ന കഷായത്തിന് - പെരുകിന്റെ വേര്, പാവുട്ട വേര്, വട്ടിയേര്, പുത്തരിച്ചുണ്ട, കരിങ്കുറിഞ്ഞി വേര്, കുറുന്തോട്ടി വേര്, മൂലപ്പെരുക് എന്നിവയാണ് കഷായക്കഞ്ഞിക്ക് ഉപയോഗിക്കുന്നത്. ലേഹ്യം ഉണ്ടാക്കാന് - കരിമുരുക്കിന്റെ ഇല, ഞാറ, തെച്ചിയുടെ തൂമ്പില, തെങ്ങിന് പൂക്കുല, ചതകുപ്പ, അയമോദകം, ജീരകം, കടുക്, കൊത്തംപാല എന്നിവയാണ് ഉപയോഗിക്കുന്നത്. മുക്കിടിക്കഞ്ഞി - ഇടിഞ്ഞിലിന്റെ തോല്, കുറുന്തോട്ടി വേര്, പുത്തിരിച്ചുണ്ടയുടെ വേര്, പാടവള്ളി എന്നിവ കൂട്ടിയാണ് മുക്കിടിക്കഞ്ഞി ഉണ്ടാക്കുന്നത്.

സ്ത്രീകളിലെ വന്ധ്യതയ്ക്ക്

അരയാലിന്റെ പഴം ഉണക്കിപ്പൊടിച്ച് പച്ചവെള്ളത്തില് കഴിക്കുന്നത് സ്ത്രീകളിലെ വന്ധ്യതയ്ക്ക് വളരെ ഫലപ്രദമാണ്. പുരുഷന്മാരിലെ ബീജശേഷി കൂടാനും അരയാലിന്റെ പഴം സഹായകമാണ്.അരയാലില് എപ്പോഴും കായയും പഴവും കിട്ടില്ല. ഉണ്ടാകുമ്പോള് പെറുക്കി ഉണക്കി സൂക്ഷിക്കണം.

ഗര്ഭാശയ നീര് കെട്ടു അലിയിച്ചു കളയാന്

കഴഞ്ചി കുരു - ഒരെണ്ണം പൊടിച്ചെടുക്കുക , കറിവേപ്പില ചാര് 5 മില്ലി മുട്ടയുടെ വെള്ള കരു ഒരെണ്ണം . ഇതെല്ലാം കൂടെ ഒന്നിച്ചു ചേര്ത്തു നല്ല വണ്ണം മിക്സ് ചെയ്തു നല്ലെണ്ണ ഒഴിച്ച് പൊരിച്ചെടുത്ത് രാവിലെ വെറും വയറ്റില് 7 ദിവസം തുടര്ന്ന് കഴിച്ചാല് നീര്കെട്ടു കുറഞ്ഞു തുടങ്ങി മാറും .പെണ്കുട്ടികള്ക്ക് മാസ മുറ ആരംഭിച്ചതിനു ശേഷം , ആര്യവേപ്പിലയും മഞ്ഞളും ചേര്ത്തു അരച്ച് ഒരു നാടന് നെല്ലിക്കാ അളവ് ഒരു മാസത്തില് മൂന്നു ദിവസം വീതം കഴിച്ചാല് ഗര്ഭാശയ നീര് കെട്ടും മറ്റു ഗര്ഭാശയ രോഗങ്ങളും വരാതെ ഇരിക്കും

ഉടല് ഉഷ്ണം- രക്ത ശുദ്ധി

ചിലര്ക്ക് പ്രത്യേകിച്ചു സ്ത്രീകള്ക്ക് ശരീരം ആകെ പുകച്ചില് വെപ്രാളം ഉണ്ടാകുന്നു . മുഖ്യ കാരണം രക്തത്തിലെ ധാതു സത്ത് കുറയുന്നത് മുഖ്യ കാരണം . ഇങ്ങനെ ഉള്ളവര് ചെറു ധാന്യങ്ങള് : കുവരക്, തിന, ചാമ തുടങ്ങിയ ഭക്ഷണങ്ങള് കൂടുതല് കഴിക്കണം . കൂടാതെ ഇതേ കുറക്കാന് ഒരു നാട്ടു മരുന്ന് : ഒരു നെല്ലിക്ക എടുത്തു കുരു കളഞ്ഞു ചതച്ചു 2 ലിറ്റര് വെള്ളത്തില് ഇട്ടു വെച്ച് അതില് പ്രമേഹം ഇല്ലാത്തവര് അല്പം ചക്കര ചേര്ത്തു ,ആ വെള്ളം 12 മണിക്കൂറിനുള്ളില് പല പ്രാവശ്യമായി , അതായത് രസിച്ചു , രുചിച്ചു കുടിക്കണം എന്ന് പറഞ്ഞാല് ഒരു കാവില് വെള്ളം വായില് ഒഴിച്ച് നിര്ത്തി കുറേശെ കുറേശെ ഇറക്കുക . ഇങ്ങനെ ആഴ്ചയില് ഒരു പ്രാവശ്യം ചെയ്യണം . ഇതിന്റെ കൂടെ ചിറ്റമൃത് ഇല ഒന്നെടുത്തു അതില് ആവാര പൂ അല്ലെങ്കില് വാകപൂ ഒരെണ്ണം എടുത്തു മടക്കി വെറ്റില തിന്നുന്നത് പോലെ തിന്നാല് രക്ത ശുദ്ധി ഉണ്ടായി വിശപ്പ് കൂടി നല്ല വണ്ണം ഭക്ഷണം കഴിക്കവനും രക്തവും രക്ത ധാതുക്കള് വര്ദ്ധിക്കാനും ശരീരത്തിലെ എരിച്ചില് പുകച്ചില് മാറി സ്വസ്ഥമാകും.

കടപ്പാട് : www.nilaorganic.com

3.0
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top