Skip to content. | Skip to navigation

Vikaspedia

പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

മുഖക്കുരു

കൂടുതല്‍ വിവരങ്ങള്‍

മുഖക്കുരു ഒരു തലവേദനയാകുന്നുവോ?

മുഖക്കുരു ഉണ്ടാകുന്നതിനു പിന്നില്‍ ഒരുപാട്‌ കെട്ടുകഥകളുണ്ട്‌. എന്നാല്‍ ഇതിന്റെ യഥാര്‍ത്ത കാരണം രോമകൂപങ്ങളില്‍ അമിതമായി ഉണ്ടാകുന്ന സീബവും നിര്‍ജീവ കോശങ്ങളടിഞ്ഞ്‌ സീബ ഗ്രന്ധി വികസിക്കുന്നതുമാണ്‌. ഈ അവസ്‌ഥയില്‍ സാധാരണയായി ഉണ്ടാകുന്ന ബാക്‌റ്റീരിയല്‍ ബാധ മുഖക്കുരുവിനൊപ്പം പഴുപ്പിനും കാരണമാകുന്നു. കൗമാരക്കാരയ കുട്ടികളില്‍ ഈ പ്രശ്‌നം സാധരണയാണ്‌.

എന്നാല്‍ സ്‌ഥിരമായി മുഖക്കുരു ഉണ്ടാകുന്നതും ഇതുമൂലം ഭംഗി നഷ്‌ട്ടപ്പെടുമെന്ന ആശങ്കയും പലപ്പോഴും നമ്മുടെ ആത്മ വിശ്വാസത്തെ പോലും ബാധിക്കും. ഇതാ മുഖക്കുരു ഒഴിവാക്കാന്‍ ചില എളുപ്പവഴികള്‍.

1, ഏറ്റവും പ്രധാനം ചര്‍മ്മ സംരക്ഷണമാണ്‌. എല്ലാ ദിവസവും ഏതെങ്കിലും വീര്യം കുറഞ്ഞ ഫേയ്‌സ് വാഷ്‌ ഉപയോഗിച്ച്‌ മുഖം വൃത്തിയാക്കുക. മുഖം കഴുകാന്‍ ആരിവേപ്പിലയിട്ട്‌ തിളപ്പിച്ചാറ്റിയ വെള്ളം ഉപയോഗിക്കാം. ആഴ്‌ചയില്‍ രണ്ടുദിവസം സ്‌ക്രബ്‌ ഉപയോഗിച്ച്‌ മൃദുകോശങ്ങള്‍ നീക്കം ചെയ്യാം. എന്നും മോസ്‌ച്ചറയിസിങ്ങ്‌ ക്രീം ഉപയോഗിക്കുന്നതും നല്ലതാണ്‌.

2, ഒരു ചെറുനാരങ്ങ രണ്ടായി മുറിച്ചത്‌ മുഖക്കുരുവില്‍ ഉരസുക. ഇതിലെ സിട്രിക്കാസിഡ്‌ മുഖക്കുരു ഉണ്ടാക്കുന്ന ബാക്‌റ്റിരിയയെ നീക്കാന്‍ സഹായിക്കും. ശേഷം പുറത്തിറങ്ങുമ്പോള്‍ നിര്‍ബന്ധമായും സണ്‍ക്രിം ലോഷന്‍ ഉപയോഗിക്കണം.

3, ഉരുളക്കിഴങ്ങ്‌ മുറിച്ച്‌ മുഖക്കുരുവിന്‌ മുകളിലായി 10 മിനിറ്റ്‌ വയ്‌ക്കുക. ശേഷം തണുത്ത വെള്ളത്തില്‍ മുഖം കഴുകുക.

4, മുഖം ഐസ്‌ ഉപയോഗിച്ച്‌ കഴുകുന്നത്‌ മുഖക്കുരു മാറാന്‍ സഹായിക്കും. മുഖക്കുരു മാത്രമല്ല ചൂടുകുരുവിനും ഈ വിദ്യ നല്ലതാണ്‌.

5, തേന്‍ ഒരു ബാക്‌റ്റീരിയ നാശിനിയാണ്‌. രാത്രിയില്‍ കിടക്കുന്നതിന്‌ മുമ്പ്‌ അല്‍പം തേന്‍ മുഖത്ത്‌ പുരട്ടുകയും ശേഷം രാവിലെ തണുത്ത വെള്ളത്തില്‍ കഴുകിക്കളയുകയും ചെയ്യുക.

6, മുഖത്തെ എണ്ണമയം കുറയ്‌ക്കാനായി ശര്‍ക്കര തേക്കുന്നതും നല്ലതാണ്‌. മാസത്തില്‍ രണ്ട്‌ തവണ ഇങ്ങനെ ചെയ്യാം.

7, പുതിന നീരോ പുതിന എണ്ണയോ മുഖത്ത്‌ പുരട്ടി 10 മിനിറ്റിന്‌ ശേഷം തണുത്ത വെള്ളത്തില്‍ കഴുകുക.

8, തേന്‍, കറുവാപ്പട്ട, ജാതിക്ക എന്നിവ ചേര്‍ത്ത്‌ പേസ്‌റ്റുണ്ടാക്കി 30 മിനിറ്റ്‌ മുഖത്ത്‌ പുരട്ടുക. ശേഷം തണുത്ത വെള്ളത്തില്‍ കഴുകിക്കളയുക.

9, പഞ്ചസാരയുടെയും എണ്ണയുടെയും ഉപയോഗം കുറച്ച്‌ പഴങ്ങള്‍ ധാരാളമായി ഉപയോഗിക്കുക.

10, ദിവസവും എട്ട്‌ ഗ്ലാസ്സില്‍ കുറയാതെ വെള്ളം കുടിക്കുക.

മുഖക്കുരു എങ്ങിനെ എളുപ്പത്തില്‍ മാറ്റാം ?

പല കൌമാരക്കാരിലും ഇന്ന് നീറുന്ന ഒരു പ്രശ്നമായി മാറിയിരിക്കുകയാണ് മുഖക്കുരു എന്നത്. പലരും സ്വന്തം മുഖക്കുരു കാരണം കണ്ണാടി നോക്കാന്‍ പോലും മടിക്കുന്നവര്‍ ആണ്. മറ്റു പലരാണെങ്കില്‍ അലോപ്പതി, ആയുര്‍വേദം, ഹോമിയോ എന്നിത്യാതി പരീക്ഷിച്ചു കുരുകളുടെ എണ്ണം കൂട്ടിയവരും ആകും. എന്നാല്‍ മുഖക്കുരു മാറ്റാന്‍ നമുക്ക് തന്നെ വീട്ടില്‍ വെച്ച് ചെയ്യാവുന്ന ചില ചികില്‍സാ രീതികള്‍ ഉണ്ട്. ഏതൊക്കെയെന്നു നോക്കാം.

ഐസ് മസാജിംഗ്

ഏറ്റവും ചെലവ് കുറഞ്ഞതും ഏവര്‍ക്കും എപ്പോഴും ചെയ്യാവുന്നതും ആയ ചികില്‍സാ രീതി ആണിത്. ഒരു ചെറിയ ഐസ് കട്ട എടുത്തു മുഖക്കുരു ഉള്ള ഭാഗത്ത് മെല്ലെ മസാജ് ചെയ്യുക. മുഖക്കുരു ഉണ്ടാക്കുന്ന ബാക്ടീരിയകള്‍ക്ക് അത്ര കുറഞ്ഞ ടെമ്പരെച്ചറില്‍ ജീവിക്കാന്‍ കഴിയില്ല. കൂടാതെ ഐസ് കട്ട വെക്കുന്നതോടെ കുരുവിന്റെ വലുപ്പം കുറയുകയും സ്വാഭാവികമായുണ്ടാകുന്ന ചുവപ്പ് കളര്‍ പോവുകയും ചെയ്യും.

ജീരക വെള്ളം കുടിക്കുക

ജീരക വെള്ളം കുടിക്കുന്നത് മുഖക്കുരു ഉണ്ടാവാതിരിക്കാന്‍ നല്ലതാണ്. കൂടാതെ ജീരകം വെള്ളം ചേര്‍ത്ത് അരച്ച് മുഖത്ത് പുരട്ടിയാല്‍ അതിനേക്കാള്‍ വലിയ മരുന്ന് വേറെ ഇല്ല. ജീരകത്തില്‍ അടങ്ങിയ സിങ്ക് മുഖക്കുരുവിനെ പ്രതിരോധിക്കുന്നു. സാധാരണ വാങ്ങി തേക്കാറുള്ള പല ക്രീമുകളിലും സിങ്ക് അടങ്ങിയിട്ടുണ്ട് എന്നതും ശ്രദ്ധേയം. അത് അത്തരം ക്രീമുകള്‍ വാങ്ങി കാശ കളയാതെ ജീരകം ഉപയോഗിച്ചാല്‍ അത്രയും നല്ലതല്ലേ?

ഗ്രാമ്പൂ, ജാതിക്ക, തേന്‍ പേസ്റ്റ്

ഗ്രാമ്പൂവും ജാതിക്കയും ഉണക്കി പൊടിച്ചു മിക്സ് ആക്കി തേനില്‍ ചേര്‍ത്ത് മുഖത്ത് പുരട്ടി അരമണിക്കൂറിനു ശേഷം കഴുകി കളയുക. മുഖക്കുരു പെട്ടെന്ന് മാറിക്കോളും.

ഏറ്റവും എളുപ്പമായ മാര്‍ഗ്ഗം, കുറെ വെള്ളം കുടിക്കുക

മിക്ക അസുഖത്തിനും കുറെ വെള്ളം കുടിക്കുന്നത് ഒരു പ്രതിവിധിയാണ്. മുഖക്കുരുവിന്റെ കാര്യത്തിലും തഥൈവ. മുഖക്കുരു വരുന്നതിനു മുന്നേ വെള്ളം കുടിച്ചു തുടങ്ങുന്നതായിരിക്കും കൂടുതല്‍ നല്ലത്. അസുഖം വരുന്നതിനു മുന്നേ അതിനുള്ള പ്രതിരോധം തീര്‍ക്കുക ആണല്ലോ കൂടുതല്‍ നല്ലത്.

നല്ല ഭക്ഷണ പദാര്‍ത്ഥങ്ങള്‍ ശീലിക്കുക

മത്സ്യം, വാള്‍നട്‌സ്, ഫല്‍ക്‌സ് സീഡ് എന്നീ ഒമേഗ ത്രീ ഫാറ്റി ആസിഡ് അടങ്ങിയ ഭക്ഷണസാധനങ്ങള്‍ മുഖക്കുരുവിനെ ചെറുക്കുന്നവയാണ്. അത് കൂടാതെ പഴങ്ങളും പച്ചക്കറികളും ശീലിക്കുക

മുഖക്കുരു മാറാനുള്ള 4 എളുപ്പവഴികൾ !

പ്രായ വിത്യസമില്ലാതെയുള്ള ഏറ്റവും വലിയ ചര്‍മ രോഗമാണ് മുഖക്കുരു. പ്രത്യേകിച്ച് കൗമാരക്കാര്‍ക്കിയില്‍. ഹോര്‍മോണിലുണ്ടാകുന്ന മാറ്റം, ആര്‍ത്തവവിരാമം തുടങ്ങിയ കാരണങ്ങളാണ് മുഖക്കുരുവിന്റെ കാരണങ്ങളായി കണ്ടെത്തിയിട്ടുള്ളത്. ഇതിനെതിരെ പല മരുന്നുകളും നാട്ടു വൈദ്യമുള്‍പ്പെടെയുള്ള പൊടിക്കൈകളും ഫ്രലപ്രദമാണെന്നാണ് കണ്ടെത്തിയിട്ടുള്ളത്. അത്തരത്തിലുള്ള ചില പൊടിക്കൈ പ്രയോഗങ്ങള്‍


തേനും ജാതിപത്രിയും

ജാതിപത്രിയുടെ പൊടി അല്‍പം തേനില്‍ ചാലിച്ചു മുഖക്കുരു ഉള്ള ഭാഗത്ത് തേക്കുക. ഏതാനും മണിക്കുറുകള്‍ക്ക് ശേഷം പച്ച വെള്ളത്തില്‍ മുഖം കഴുകുക

മുട്ടയുടെ വെള്ള

മുട്ടയുടെ വെള്ള പുരട്ടിയാല്‍ മുഖത്തെ അമിതമായ എണ്ണയെ അകറ്റാം. ഇത് മുഖക്കുരു ഉണ്ടാകാനുള്ള സാധ്യത കുറക്കുന്നു.

ആര്യവേപ്പില

ആര്യവേപ്പിലയിട്ട് ചൂടാക്കിയ വെള്ളം ആറിയതിനു ശേഷം മുഖം തുടര്‍ച്ചയായി കഴുകുന്നത് മുഖത്തെ സുഷിരങ്ങളെ അകറ്റുന്നു.

മധുരനാരങ്ങാതൊലി

നാരങ്ങയുടെ തൊലി മുഖക്കുരുവിനും ചര്‍മ സംരക്ഷണത്തിനും നല്ലതാണെന്നത് എല്ലാവരും അംഗീകരിച്ച കാര്യമാണ്. നാരങ്ങയുടെ തൊലിയി അരച്ച അതിലേക്ക് റോസ് വെള്ളം ഒഴിച്ചു പേസ്റ്റു രൂപത്തിലാക്കുക. അര മണിക്കുറിനു ശേഷം കഴുകി വൃത്തിയാക്കുക.

മുഖക്കുരു പാടുകള്‍ മാറ്റാന്‍ ചില വഴികള്‍

സ്‌ത്രീകളും പുരുഷന്മാരും ഒരുപോലെ നേരിടുന്ന ഒരു സൗന്ദര്യ പ്രശ്‌നമാണ്‌ മുഖക്കുരു. സാധാരണയായി കൗമാരത്തിലേക്ക്‌ കടക്കുമ്പോഴാണ്‌ മുഖക്കുരു പ്രത്യക്ഷപ്പെട്ട്‌ തുടങ്ങുക. ഈ സമയത്ത്‌ ശരീരത്തില്‍ ഹോര്‍മോണുകളുടെ ഉത്‌പാദനം വര്‍ദ്ധിക്കും. ഇതിന്റെ ഫലമായി ചര്‍മ്മത്തില്‍ സേബത്തിന്റെ അളവ്‌ കൂടുകയും ഇത്‌ മുഖക്കുരുവിന്‌ കാരണമാകുകയും ചെയ്യുന്നു. മുഖക്കുരു മൂലമുണ്ടാകുന്ന പാടുകള്‍ നീക്കുന്നതിന്‌ ചികിത്സകള്‍ ലഭ്യമാണ്‌. എന്നാല്‍ ഇതിന്‌ ചെലവേറും.

പ്രകൃതിദത്തമായ മാര്‍ഗ്ഗങ്ങളിലൂടെയും മുഖക്കുരു മൂലമുണ്ടാകുന്ന പാടുകള്‍ അകറ്റാന്‍ കഴിയും.

വെള്ളം : ധാരാളം വെള്ളം കുടിയ്‌ക്കുന്നതിലൂടെ മുഖക്കുരു മൂലമുണ്ടാകുന്ന പാടുകള്‍ അടക്കമുള്ള പ്രശ്‌നങ്ങള്‍ ഒഴിവാക്കാന്‍ കഴിയുമെന്ന്‌ തെളിയിക്കപ്പെട്ടിട്ടുണ്ട്‌. ദിവസവും കുറഞ്ഞത്‌ എട്ട്‌ ഗ്‌ളാസ്‌ വെള്ളം കുടിയ്‌ക്കുക. ധാരാളം വെള്ളം കുടിയ്‌ക്കുന്നത്‌ ചര്‍മ്മത്തിലെ മൃതകോശങ്ങളെ നീക്കം ചെയ്യാന്‍ സഹായിക്കും.

ഉലുവ : ഉലുവ ഇവ നന്നായി അരച്ച്‌ മുഖത്ത്‌ പുരട്ടുക. ഉണങ്ങിയ ശേഷം കഴുകി കളയുക. ഏതാനും ദിവസം ഇത്‌ തുടരുക, മുഖക്കുരു പൂര്‍ണ്ണമായും മാറും. ഉലുവ ഇല പുരട്ടുന്നത്‌ ചര്‍മ്മത്തിന്റെ മൃദുത്വം വര്‍ദ്ധിപ്പിക്കുകയും ചെയ്യും.

പഴങ്ങളും പച്ചക്കറികളും : പഴങ്ങളിലും പച്ചക്കറികളിലും ധാരാളം വിറ്റാമിനുകളും ധാതുലവണങ്ങളും അടങ്ങിയിട്ടുണ്ട്‌. അവ നിങ്ങളുടെ ചര്‍മ്മത്തിന്റെ സൗന്ദര്യം സംരക്ഷിക്കും. അതിനാല്‍ ആഹാരത്തില്‍ ധാരാളം പഴങ്ങളും പച്ചക്കറികളും ഉള്‍പ്പെടുത്തുക. ഇവ നിങ്ങളുടെ ശരീരത്തിലെ ജലാംശം വര്‍ദ്ധിപ്പിക്കാനും ഉത്തമമാണ്‌. പഴങ്ങളും പച്ചക്കറികളും ധാരാളം കഴിക്കുന്നവരുടെ ചര്‍മ്മത്തിലെ പാടുകള്‍ വേഗത്തില്‍ മാറും.

അലോവെര : മുഖക്കുരു മൂലമുണ്ടാകുന്ന പാടുകള്‍ക്കുള്ള ഏറ്റവും മികച്ച മറ്റൊരു ഔഷധമാണ്‌ അലോവെര. ലാവെണ്ടര്‍ ഓയില്‍ പോലുള്ളവയും മുഖക്കുരു പാടുകള്‍ മാറ്റാനായി ഉപയോഗിക്കാം. ലാവെണ്ടര്‍ ഓയില്‍ പാടുകളില്‍ നേരിട്ട്‌ പുരട്ടാവുന്നതാണ്‌. ഇതിന്റെ ഫലം അത്ഭുതകരമായിരിക്കും. ദിവസേന ഉപയോഗിച്ചാല്‍ ഫലം അനുഭവിച്ചറിയാനാകും, തീര്‍ച്ച.

മസ്സാജ്‌ : മുഖക്കുരു പാടുകളില്‍ മസ്സാജ്‌ ചെയ്യുക. മസ്സാജ്‌ ചെയ്യുമ്പോള്‍ രക്തയോട്ടം വര്‍ദ്ധിക്കും. പാടുള്ള ചര്‍മ്മ ഭാഗത്ത്‌ ആവശ്യത്തിന്‌ പോഷകങ്ങള്‍ എത്താന്‍ ഇത്‌ സഹായിക്കും. പാടിലെ കോശങ്ങളെ നശിപ്പിക്കാനും മസ്സാജ്‌ ഉത്തമമാണ്‌.

റോസ്‌ഹിപ്പ്‌ സീഡ്‌ ഓയില്‍ : ഏതാനും തുള്ളി റോസ്‌ഹിപ്പ്‌ സീഡ്‌ ഓയില്‍ നിങ്ങളുടെ വിരലുകളില്‍ പുരട്ടുക. അതിനുശേഷം അത്‌ മുഖക്കുരു പാടുകളില്‍ മൃദുവായി തടവുക. ദിവസവും രണ്ടുനേരം ഇത്‌ ചെയ്‌താല്‍ മുഖക്കുരു പാടുകള്‍ കുറയും

പാല്‍, നാരങ്ങാ നീര്‌ : ഒരു കപ്പ്‌ പാല്‍ തിളപ്പിച്ച്‌ അതിലേക്ക്‌ നാരങ്ങാ നീര്‌ ചേര്‍ക്കുക. തീയില്‍ നിന്ന്‌ മാറ്റി തണുക്കാന്‍ വയ്‌ക്കുക.

തണുക്കുന്നത്‌ വരെ ഇളക്കികൊണ്ടിരിക്കുക. കിടക്കുന്നതിന്‌ മുമ്പ്‌ ഈ മിശ്രിതം മുഖത്ത്‌ പുരട്ടുക. ഒരു മണിക്കൂറിന്‌ ശേഷം മുഖം നന്നായി കഴുകുക.

അടുത്ത ദിവസം രാവിലെയും മുഖം നന്നായി കഴുകണം. മുഖക്കുരു മാറും. മാത്രമല്ല ചര്‍മ്മം മൃദുലമാകുകയും ചെയ്യും.

ചന്ദനം : കിടക്കുന്നതിന്‌ മുമ്പ്‌ ചന്ദനം പനിനീരില്‍ കുഴച്ച്‌ മുഖക്കുരു പാടുകളില്‍ പുരട്ടുക. അടുത്തദിവസം രാവിലെ നന്നായി കഴുകി കളയുക. മുഖക്കുരു പാടുകള്‍ മാറും.

തേന്‍ :  മുഖസൗന്ദര്യം വര്‍ദ്ധിപ്പിക്കാന്‍ തേന്‍ വളരെ അനുയോജ്യമാണ്‌. തേന്‍ പുരട്ടിയാല്‍ മുഖക്കുരുവും പാടുകളും അപ്രത്യക്ഷമാകും. തേന്‍ കുടിക്കുന്നത്‌ മുഖക്കുരു പാടുകള്‍ കുറയ്‌ക്കുകയും ചര്‍മ്മത്തിന്റെ യുവത്വം നിലനിര്‍ത്തുകയും ചെയ്യും.

ബേക്കിംഗ്‌ സോഡ : അപ്പക്കാരവും (ബേക്കിംഗ്‌ സോഡ) വെള്ളവും ചേര്‍ത്ത്‌ കുഴയ്‌ക്കുക. ഇത്‌ പതയായി മാറുമ്പോള്‍ മുഖക്കുരു പാടുകളില്‍ പുരട്ടുക. തുടര്‍ന്ന്‌ വൃത്താകൃതിയില്‍ മസ്സാജ്‌ ചെയ്യുക. അല്‍പ്പസമയത്തിന്‌ ശേഷം പച്ചവെള്ളത്തില്‍ കഴുകി കളയുക. സ്ഥിരമായി ഇത്‌ ചെയ്‌താല്‍ മുഖക്കുരുവും പാടുകളും മാറും.

മുഖക്കുരു മാറ്റാന്‍ എളുപ്പത്തില്‍ ചികിത്സ

കൗമാരപ്രശ്‌നങ്ങളില്‍ മുഖക്കുരുവിന് പ്രധാന സ്ഥാനമുണ്ട്. പലരും ഇതു നോക്കി കണ്ണാടിയുടെ മുന്നില്‍ നിന്ന് അസ്വസ്ഥരാകുന്നതു കാണാം. ഇതിന് വീട്ടില്‍ തന്നെ ചെയ്യാവുന്ന ചില പരിഹാരങ്ങളുണ്ട്. അധികമാരും പറഞ്ഞു തരാത്ത ചില ചികിത്സാരീതികളുമുണ്ട്. അവയെന്തെന്നറിയേണ്ടേ, ഐസ് മുഖക്കുരുവിന് പറ്റിയ നല്ലൊന്നാന്തരം ചികിത്സാരീതിയാണ്. മുഖക്കുരുവിന് മുകളില്‍ ഐസ് കൊണ്ട് മസാജ് ചെയ്യുക. കുരുവിന്റെ വലിപ്പവും ചുവപ്പും കുറയും. മാത്രമല്ലാ, മുഖക്കുരു ഉണ്ടാക്കുന്ന ബാക്ടീരിയകള്‍ ചത്തുപോകുകയും ചെയ്യും. മുഖക്കുരു കളയാനുള്ള ക്രയോ ഫ്രീസിംഗ് ചികിത്സയിലും ഇതാണ് ഉപയോഗിക്കുന്നത്. ഇവിടെ ലിക്വിഡ് നൈട്രജന്‍ സീറോ ഡിഗ്രിയിലാക്കി മാറ്റിയാണ് മുഖക്കുരു ഭേദമാക്കുന്നത്. ജീരകം വെള്ളം ചേര്‍ത്ത് അരച്ച് കിടക്കാന്‍ നേരത്ത് മുഖത്തു പുരട്ടി നോക്കൂ. മുഖക്കുരു കുറയും. ജീരകത്തിലെ സിങ്കാണ് മുഖക്കുരുവിനെ ചെറുക്കുന്നത്. മുഖക്കുരു മാറാനുള്ള ചില ക്രീമുകളിലും സിങ്ക് അടങ്ങിയിട്ടുണ്ട്. ഗ്രാമ്പൂ, ജാതിക്ക എന്നിവ ഉണക്കിപ്പൊടിച്ച് തേന്‍ ചേര്‍ത്ത് മുഖത്തു പുരട്ടുന്നത് മുഖക്കുരു മാറാന്‍ നല്ലതാണ്. ഈ പേസ്റ്റ് മുഖത്തു പുരട്ടി അരമണിക്കൂര്‍ കഴിഞ്ഞ് കഴുകിക്കളയാം. ധാരാളം വെള്ളം കുടിക്കുന്നത് ശരീരത്തിലെ വിഷാംശങ്ങളെ അകറ്റും. മുഖക്കുരു വരാതിരിക്കും. ഒമേഗ ത്രീ ഫാറ്റി ആസിഡ് അടങ്ങിയ ഭക്ഷണസാധനങ്ങള്‍ മുഖക്കുരുവിനെ ചെറുക്കുന്നവയാണ്. മത്സ്യം, വാള്‍നട്‌സ്, ഫല്‍ക്‌സ് സീഡ് എന്നിവയില്‍ ഒമേഗ ത്രീ ഫാറ്റി ആസിഡ് അടങ്ങിയിട്ടുണ്ട്. പഴങ്ങളും പച്ചക്കറികളും ധാരാളം കഴിയ്ക്കുന്നതും ഗുണം ചെയ്യും

മുഖക്കുരു, കാര എന്നിവയെ അകറ്റാന്‍... :

നുറുങ്ങുകള്‍ സ്ത്രീ പുരുഷ ഭേദമന്യേ നമ്മളില്‍ മിക്കവരും മുഖക്കുരു കൊണ്ട് പൊറുതി മുട്ടുന്നവരാണ്. മുഖക്കുരു മുഖത്തിന്‍റെ സൌന്ദര്യം നശിപ്പിക്കുന്നു. പ്രായ ഭേദമില്ലാതെ പ്രത്യക്ഷപ്പെടുന്ന മുഖക്കുരു ചില ഹാര്‍മോണുകളുടെ ഏറ്റക്കുറച്ചില്‍ മൂലമുണ്ടാകുന്നവാണ്.  നമുക്ക് നമ്മുടെ വീട്ടു പറമ്പില്‍ തന്നെ സുലഭമായി ലഭിക്കുന്ന ചില വസ്തുക്കളെ കൊണ്ട് മുഖക്കുരു അകറ്റാന്‍ വേണ്ടിയുള്ള ചില ടിപ്സാണ്  ഈ പോസ്റ്റിലൂടെ ഞാന്‍ ഉദ്ദേശിക്കുന്നത്. തുളസിയിലയും, പച്ചമഞ്ഞളും കൂട്ടി അരച്ച് മുഖത്ത് തേച്ച് പിടിപ്പിച്ച് ഒരു മണിക്കൂര്‍ ഇരുന്ന ശേഷം കഴുകിക്കളയുക. ചന്ദനവും അല്പം കര്‍പ്പൂരവും ചേര്‍ത്ത് അരച്ച് രാത്രി കിടക്കുന്നതിന് മുമ്പ് മുഖത്ത് പുരട്ടുക. പാൽപ്പാടയില്‍ മഞ്ഞള്‍ അരച്ചു ചേര്‍ത്ത് രാവിലെ മുഖത്ത് പുരട്ടുക. ഏകദേശം അര മണിക്കൂറിനകം കഴുകിക്കളയാം. പപ്പായ നല്ലവണ്ണം അരച്ച് കുഴമ്പ് പരുവത്തിലാക്കി പതിവായി മുകത്ത് പുരട്ടിയാല്‍ മുഖക്കുരുവും കാരയും ഇല്ലാതാക്കാം. തേങ്ങാപ്പാലില്‍ കുങ്കുമപ്പൂ അരച്ച് പുഖത്ത് പുരട്ടുക. ആര്യവേപ്പിന്‍റെ ഇലയിട്ട് തിളപ്പിച്ചു വെള്ളം ഉപയോഗിച്ച് രാവിലെ ഉണര്‍ന്നയുടന്‍ മുഖം കഴുകുക. കുറച്ച് ദിവസം ഇങ്ങനെ തുടര്‍ന്നാല്‍ മുഖക്കുരുവിനെ നിശ്ശേഷം മാറ്റിയെടുക്കാം. ഒരു സ്പൂണ്‍ കടലമാവില്‍ പുതിനയിലയും വേപ്പിലയും അരച്ചു ചേര്‍ക്കുക. ഇതില്‍ അൽപ്പം മഞ്ഞള്‍ പൊടി ചേര്‍ത്ത് യോജിപ്പിക്കുക. മുഖത്ത് പുരട്ടി പത്ത് മിനിട്ടിനു ശേഷം ലേപനം ഉണങ്ങി തുടങ്ങുമ്പോള്‍ തണുത്ത വെള്ളത്തില്‍ കഴുകിക്കളയാം. തക്കാളി, ചെറുനാരങ്ങ, മുള്ളങ്കി എന്നിവ.............യുടെ നീര് ഒരേ അളവില്‍ കലര്‍ത്തിയെടുത്ത് മുഖത്ത് പുരട്ടുക. അര മണിക്കൂറിന് ശേഷം കഴുകിക്കളയുക. ഓറഞ്ച് നീരും അതേ അളവില്‍ തന്നെ ചെറുതേനും യോജിപ്പിച്ച് മുഖത്ത് പുരട്ടുക. അര മണിക്കൂര്‍ കഴിഞ്ഞ് മുഖം വൃത്തിയാക്കാം. തേങ്ങയുടെ വെള്ളം കൊണ്ട് പതിവായി മുഖം കഴുകുന്നതും, കുടിക്കുന്നതും,  മുഖക്കുരുവിന് നല്ലൊരു പ്രതിവിധിയാണ്. വാഴയുടെ പച്ച നിറമുള്ള മൂത്ത ഇല അരച്ച് മുഖത്ത് പുരട്ടുക. ഒരു മണിക്കൂറിന് ശേഷം കഴുകിക്കളയാം. രക്ത ചന്ദനം അരച്ച് ചെറുതേനില്‍ ചാലിച്ച് മുഖത്ത് പുരട്ടി അര മണിക്കൂറിനകം കഴുകിക്കളയാം. ഓറഞ്ച് നീരും അതിന്‍റെ അതേ അളവില്‍ ചെറുതേനും യോജിപ്പിച്ച്  മുഖത്ത് പുരട്ടി അരമണിക്കൂര്‍ കഴിഞ്ഞ് തണുത്ത വെള്ളത്തില്‍ കഴികിക്കളയുക

മുഖക്കുരു കാരണങ്ങൾ

സ്ത്രീ പുരഷഭേദമെന്യേ ലോകത്ത് സാധാരണയായി കണ്ടു വരുന്ന രോഗങ്ങളിലൊന്നാണ് മുഖക്കുരു. പ്രായഭേദമില്ലാതെ പ്രത്യക്ഷപ്പെടുന്ന മുഖക്കുരു 14 മുതൽ 40 വയസ്സുവരെയുള്ള വ്യക്തികളെ കൂടുതലായി ബാധിക്കുന്നു.കവിളുകളിൽ,കഴുത്തിൽ, നെഞ്ചത്ത്, മുതുകിൽ, തോൾഭാഗത്ത് എന്നുവേണ്ട കൈകളുടെ പുറത്തുവരെ കുരുക്കൾപ്രത്യക്ഷപ്പെടാറുണ്ട്.

എണ്ണമയമുള്ള ചർമ്മക്കാരിലാണ് മുഖക്കുരു അധികവും കാണപ്പെടുന്നത്. മുഖത്തെ രോമകൂപങ്ങൾക്കിടയിൽ അഴുക്കു നിറയുന്നതുകൊണ്ടും മുഖത്ത് ഈർപ്പം നിലനിർത്തുന്ന സെബേഷ്യസ് ഗ്രന്ഥികളുടെ പ്രവർത്തനത്തകരാറുകൾക്കൊണ്ടും അണുബാധകൊണ്ടും മുഖക്കുരു ഉണ്ടാകാം.

ഹോർമോൺ

ആർത്തവചക്രത്തിലും , പ്രായപൂർത്തിയാവുന്ന ഘട്ടത്തിലുമുണ്ടാവുന്ന ഹോർമോൺ ഉല്പാദനം ഇത്തരം മുഖക്കുരു ഉണ്ടാവുന്നതിനു കാരണമാവുന്നു.

പാരമ്പര്യം

ജനിതകമായ കാരണങ്ങൾകൊണ്ടും മുഖക്കുരു ഉണ്ടാവാം. മാതാപിതാക്കൾക്കുണ്ടാവുന്ന ഇത് , അടുത്ത തലമുറയിലേക്കും പകരാൻ സാധ്യതയുണ്ട്.

മുഖക്കുരു പരിഹാരങ്ങള്‍

  1. ജാതിക്ക (jaiphal, nutmeg) പാലില്‍ ചാലിച്ച് മുഖത്തു ഇടുക ,2 മണിക്കൂര്‍ കഴിഞ്ഞു കഴുകാം
  2. കറുവപ്പട്ട പൊടിച്ചതില്‍ തേന്‍ ചേര്‍ത്തു രാത്രി കിടക്കുന്നതിനു മുന്‍പ്  മുഖക്കുരുവില്‍ ഇടുക ,രാവിലെ കഴുകിക്കളയാം . നല്ല വത്യാസം ഉണ്ടാകും
  3. ഓറഞ്ച് തൊലി പൊടിച്ചത് വെള്ളത്തില്‍ ചാലിച്ച് മുഖത്തിടുന്നത് മുഖക്കുരുവിന് നല്ലതാണ്.
  4. പുതിന ഇലയുടെ നീര്  രാത്രി കിടക്കുന്നതിനു മുന്‍പ്  മുഖക്കുരുവില്‍ പുരട്ടുക.
  5. ഉലുവയില അരച്ചത്‌ രാത്രി ഇടുക 15 മിനിട്ട് കഴിഞ്ഞു കഴുകാം.
  6. മഞ്ഞളും വെപ്പും കൂടെ ചേര്‍ത്തു മുഖത്തിടുന്നത് മുഖക്കുരുവിന് നല്ലതാണ്.
  7. പനിനീരും(Rose Water) നാരങ്ങ നീരും ചേര്‍ത്തു മുഖത്തിടുക ,20 മിനിട്ട് കഴിഞ്ഞു കഴുകാം .
  8. തക്കാളി മുഖത്തു തേക്കുന്നത് മുഖക്കുരുവിന് നല്ലത് , 45 മിനിട്ട് കഴിഞ്ഞു കഴുകാം .
  9. ചന്ദനത്തില്‍ പനിനീര്‍ ചേര്‍ത്തു മുഖത്തിടാം,20 മിനിട്ട് കഴിഞ്ഞു കഴുകാം
  10. നാരങ്ങ നീര് തേക്കുന്നത് മുഖക്കുരുവിന്‍റെ വലിപ്പം കുറയ്ക്കും
  11. വെളുത്ത ഉള്ളി മുഖക്കുരുവിന്‍റെ പുറത്തു ഒരു  ദിവസം പല പ്രാവശ്യം തേക്കുക .
  12. വെള്ളരിക്ക അല്ലെങ്കില്‍ ഉരുളക്കിഴങ്ങ് വട്ടത്തില്‍ മുറിച്ചു മുഖത്തു വെക്കുക .15-20 min.
  13. ആപ്പിള്‍ ഉടച്ചതില്‍ തേന്‍ ചേര്‍ത്തു മുഖത്തിടാം.15.min.
  14. ഞാവല്‍പ്പഴം (strawberry )മുഖത്തു തേക്കുന്നത് മുഖക്കുരുവിന് നല്ലത് , 20-30 മിനിട്ട് കഴിഞ്ഞു കഴുകാം .
  15. കറ്റാര്‍ വാഴയുടെ കുഴമ്പ് (Aloe Vera jel) മുഖത്തിടുന്നത് മുഖക്കുരുവിന് നല്ലതാണ്
    1. മുഖക്കുരു മാറാൻ ക്യാരറ്റ്
    2. ക്യാരറ്റില്‍ വൈറ്റമിന്‍ സി, എ അടക്കമുള്ള ധാരാളം പോഷകങ്ങള്‍ അടങ്ങിയിട്ടുണ്ട്.
    3. ക്യാരറ്റിന്റെ ജ്യൂസ് എടുക്കുക. ഇതില്‍ അല്‍പം പാല്‍, ചെറുനാരങ്ങാനീര്, തേന്‍ എന്നിവ ചേര്‍ക്കാം. ഇത് മുഖത്തു പുരട്ടി മസാജ് ചെയ്ത് അല്‍പം കഴിയുമ്പോള്‍ കഴുകിക്കളയാം. മുഖക്കുരു, പിഗ്മെന്റേഷന്‍, വൈറ്റ് ഹെഡ്‌സ് തുടങ്ങിയവയ്ക്കുള്ള പരിഹാരമാര്‍ഗമാണിത്.
    4. മുഖക്കുരു അകറ്റാന്‍ ചില ഫെയ്‌സ്പാക്കുകള്‍

  1. പ്രായ വിത്യാസമില്ലാതെയുള്ള ഏറ്റവും വലിയ ചര്‍മരോഗമാണ് മുഖക്കുരു. ഹോര്‍മോണിലുണ്ടാകുന്ന മാറ്റം, ആര്‍ത്തവവിരാമം തുടങ്ങിയ കാരണങ്ങളും മുഖക്കുരു ഉണ്ടാക്കാം. എണ്ണമയമുള്ള ചര്‍മക്കാര്‍ക്ക് ഇതോര്‍ത്ത് വിഷമിക്കേണ്ട. നിങ്ങളെ ഈ ഫേസ്പാക്കുകള്‍ സഹായിക്കും.
  2. മുള്‍ട്ടാണി മിട്ടി ഫേസ്പാക്ക്
  3. എണ്ണമയമുള്ള ചര്‍മ്മകാര്‍ക്കുണ്ടാകുന്ന പ്രശ്‌നങ്ങള്‍ക്ക് പരിഹാരമാകാന്‍ മുള്‍ട്ടാണി മിട്ടി ഫേസ്പാക്കിന് സാധിക്കും. മുള്‍ട്ടാണി മിട്ടി പൗഡറും, റോസ് വാട്ടറും, ചെറുനാരങ്ങയും ചേര്‍ത്ത് ഉണ്ടാക്കാം.
  4. തേന്‍ ഫേസ്പാക്ക് തേന്‍ മുഖക്കുരു കളയാന്‍ സഹായിക്കുന്ന മികച്ച വഴിയാണ്. കുറച്ച് ശുദ്ധമായ തേനെടുത്ത് മുഖക്കുരുവില്‍ പുരട്ടുക. 15 മിനിട്ട് കഴിഞ്ഞ് കഴുകാം.
  5. ചെറുനാരങ്ങ-തേന്‍ ഫേസ്പാക്ക്
  6. ചെറുനാരങ്ങാനീരില്‍ ഒരു സ്പൂണ്‍ തേന്‍ ചേര്‍ക്കുക. അതിലേക്ക് അല്‍പം റോസ് വാട്ടറും ചേര്‍ക്കാം. ഈ ഫേസ്പാക്ക് തേച്ചതിനുശേഷം കുറച്ചുസമയം റിലാക്‌സ് ചെയ്യുക.
  7. തേന്‍ ഫേസ്പാക്ക്
  8. തേന്‍ മുഖക്കുരു കളയാന്‍ സഹായിക്കുന്ന മികച്ച വഴിയാണ്. കുറച്ച് ശുദ്ധമായ തേനെടുത്ത് മുഖക്കുരുവില്‍ പുരട്ടുക. 15 മിനിട്ട് കഴിഞ്ഞ് കഴുകാം.
  9. കടലമാവ്-തൈര് ഫേസ്പാക്ക്
  10. രണ്ട് സ്പൂണ്‍ കടലമാവും തൈരും ചേര്‍ത്ത് കട്ടിയുള്ള പേസ്റ്റാക്കിയാല്‍ മുഖക്കുരുവിനുള്ള മികച്ച ഫേസ്പാക്കാകും.
  11. കുക്കുമ്പര്‍ ഫേസ്പാക്ക്
  12. കുക്കുമ്പര്‍ ശരീരത്തില്‍ നിന്നും ചൂടു പുറംതള്ളാന്‍ സഹായിക്കും. ഇത് മുഖക്കുരുവിന് ഗുണം ചെയ്യും. കുക്കുമ്പര്‍ അരച്ച് കുഴമ്പ് രൂപത്തിലാക്കി ഫ്രിഡ്ജില്‍ വയ്ക്കുക. തണുത്തുകഴിഞ്ഞാല്‍ നിങ്ങളുടെ മുഖക്കുരുവില്‍ ഇത് പുരട്ടാം.
  13. പുതിനയില ഫേസ്പാക്ക്
  14. പുതിനയില പേസ്റ്റാക്കിയെടുക്കുക. അതിലേക്ക് തേനും ചേര്‍ത്ത് മുഖക്കുരുവില്‍ പുരട്ടാം.
  15. ആര്യവേപ്പ് ഫേസ്പാക്ക്
  16. ആര്യവേപ്പില റോസ് വാട്ടറോ, ചെറുനാരങ്ങയോ ചേര്‍ത്തരച്ച് പേസ്റ്റാക്കുക. ഇത് നിങ്ങളുടെ കുരുക്കളില്‍ പുരട്ടാം. 15 മിനിട്ട് കഴിഞ്ഞ് ചെറുചൂടുവെള്ളത്തില്‍ കഴുകാം.

മുഖക്കുരു മാറാനുള്ള പത്ത് വഴികള്‍

 

ആളുകളില്‍ മിക്കപേരെയും മുഖക്കുരു അലട്ടുന്നുണ്ടാവും ഇതുകാരണം പുറത്തു പോവാന്‍ പോലും മടിക്കുന്നവരുമുണ്ട് എന്നാല്‍ ഇനി നിങ്ങളുടെ തിരക്കു പിടിച്ച ജീവിതത്തിലും ചിലത് നിങ്ങള്‍ക്കും പരീക്ഷിച്ചു നോക്കാവുന്നതാണ്. ഇനി മുഖക്കുരുവിനെ പേടിക്കേണ്ടതില്ല. മുഖക്കുരു മാറാന്‍ ഇതാ ചില വഴികള്‍

രാവിലെ കരിക്കിന്‍ വെള്ളമോ കാടിവെള്ളമോ കൊണ്ട് മുഖം കഴുകാം
ശീത സ്വഭാവമുള്ളതിനാല്‍ കറ്റാര്‍ വാഴ നീര് പുരുട്ടുന്നത് നന്നായിരിക്കും
പതിവായി ശുദ്ധമായ പനിനീര്‍ മുഖത്തു പുരട്ടിയാല്‍ മുഖകാന്തി വര്‍ദ്ധിക്കും
വേപ്പിലയും മഞ്ഞളും അരച്ചു പുരട്ടുന്നത് മുഖത്തെ പാടുകള്‍ മാറാന്‍ സഹായിക്കും
നേര്‍പപ്പിച്ച നാരങ്ങാ നിരില്‍ മുഖം കഴുകാം
എണ്ണമയം കളഞ്ഞ് മുഖം വൃത്തിയാക്കാന്‍ തണുത്ത നാല്‍പ്പാമര വെള്ളം ഉത്തമമാണ്
മുഖം കഴുകാന്‍ കടലപ്പൊടി ഉപയോഗിക്കുക
നിത്യം 78 ഗ്ലാസ്സ് വെള്ളം കുടിക്കണം,ചര്‍മ്മത്തില്‍ വിഷാംശം അടിയുന്നതും നിര്‍ജ്ജലികരണം ഒഴിവാക്കാനും സഹായിക്കും
ആഹാരത്തില്‍ പഴങ്ങളും പച്ചക്കറിക്കളും ധാരാളം ഉള്‍പ്പെടുത്തണം
എരിവ്, പുളി, എണ്ണ എന്നിവ മിതമായി ഉപയോഗിക്കുക

മുഖക്കുരു മാറ്റാന്‍ ഫേസ് പാക്കുകള്‍

മുഖക്കുരു ഉള്ളവര്‍ ആഴ്ചയിലൊരിക്കല്‍ മുഖത്ത് ആവികൊള്ളുന്നത് നല്ലതാണ്. ആവികൊള്ളുന്ന വെള്ളത്തില്‍ വേപ്പിലയോ, തുളസിയിലയോ, പുതിനയിലയോ ഇടാം. ആവികൊണ്ടതിനുശേഷം മുകളില്‍ പറഞ്ഞ ഏതെങ്കിലും ഫെയ്‌സ് പാക്കുകളോ, മുള്‍ട്ടാണിമിട്ടിയോ മുഖത്തിടാം.

അമിതമായി മുഖക്കുരുവും വലിയ കുരുക്കളും ഉണ്ടെങ്കില്‍ പരിചയ സമ്പന്നയായ ബ്യൂട്ടീഷനെയോ, ത്വക്‌രോഗവിദഗ്ധനെയോ സമീപിക്കണം.

തേന്‍ 1 ടീസ്പൂണ്‍
മുട്ടയുടെ വെള്ള കുറച്ച്
ഗ്‌ളിസറിന്‍ 1 ടീസ്പൂണ്‍
കടലമാവ് 2 ടീസ്പൂണ്‍
ഇവ കുഴച്ച് മുഖത്തിട്ട് 10 മിനിട്ടിനുശേഷം കഴുകികളയണം.

നന്നായി പഴുത്ത പപ്പായ അരച്ചത് 1 ടീസ്പൂണ്‍
നാരങ്ങ നീര് 5-6 തുള്ളി
ഇവ മുഖത്തിട്ട് 20 മിനിട്ട് കഴിയുമ്പോള്‍ കഴുകികളയാം.

ഏതെങ്കിലും ഒരു പഴം ( ഓറഞ്ച്, തണ്ണിമത്തന്‍, മധുരനാരങ്ങ ) മിക്‌സിയില്‍ അടിച്ചെടുത്ത് എല്ലെങ്കില്‍ ജ്യൂസ് എടുത്ത് മുള്‍ട്ടാണിമിട്ടിയിലോ, കടലമാവിലോ കുഴച്ച് മുഖത്ത് പുരട്ടുക.

മുട്ടയുടെ വെള്ള മുഖത്തിട്ട് അരമണിക്കൂര്‍ 15-20 മിനിട്ട് കഴിയുമ്പോള്‍ ചെറുചൂടുവെള്ളത്തില്‍ കഴുകണം.

തക്കാളി മിക്‌സിയില്‍ അടിച്ചെടുത്തതും നെയ്യ് നീക്കിയ മോരും ചേര്‍ത്ത് മുഖത്തിടണം.

പുതിനയില ( ലെറ്റിയൂസ് ഇലയായാലും മതി ) പിഴിഞ്ഞ നീരില്‍ 2-3 തുള്ളി നാരങ്ങ നീര് ചേര്‍ത്ത് മുഖത്തിടണം.

മുഖക്കുരു ആണോ പ്രശ്‌നം? ഇതാ ചില നാടന്‍ പൊടിക്കൈകള്‍

(24 Mar) മുഖക്കുരു കാരണം വല്ലാതെ വിഷമിക്കുന്നുണ്ടോ നിങ്ങള്‍. കുറച്ചു സമയം മാറ്റിവെച്ചാല്‍ നിങ്ങളുടെ മുഖക്കുരു പാടേ ഇല്ലാതാക്കാം.. ഇതാ ചില നാടന്‍ പൊടിക്കൈകള്‍.. രണ്ടു സ്പൂണ്‍ ചെറുപയര്‍ നന്നായി അരച്ച്‌ അര സ്പൂണ്‍ നാരങ്ങാ നീരും ഒരു നുള്ള് ഇന്തുപ്പും ഒരു സ്പൂണ്‍ മഞ്ഞളും ചേര്‍ത്തു പാലില്‍ യോജിപ്പിച്ചു മുഖത്ത് പുരട്ടുക. ഉണങ്ങിയശേഷം ഇളംചൂടുവെള്ളത്തില്‍ കഴുകി വൃത്തിയാക്കുക. മുഖക്കുരുവും പാടുകളും ഇല്ലാതാകും. ചെറു നാരങ്ങയുടെ തളിരിലയും ഒരു ചെറിയ കഷ്ണം മഞ്ഞളും കൂട്ടിയരച്ച്‌ മുഖക്കുരുവുള്ള ഭാഗത്ത് പുരട്ടി അരമണിക്കൂര്‍ കഴിഞ്ഞ് ഇളം ചൂട് വെള്ളത്തില്‍ കഴുകുക. മുഖക്കുരു ഇല്ലാതാകും. ഒരു തണ്ട് കറിവേപ്പിലയും ഒരു ചെറിയ കഷ്ണം മഞ്ഞളും കൂടി അരച്ച്‌ ഒരു മുട്ടയുടെ വെള്ളയില്‍ ചാലിച്ച്‌ മുഖത്തു പുരട്ടുക. അര മണിക്കൂറിനു ശേഷം കടലമാവുകൊണ്ട് നന്നായി മുഖം കഴുകുക. അല്‍പ്പം ബദാം എണ്ണ ചെറുതായി ചൂടാക്കി വായ്, കഴുത്ത് എന്നീ ഭാഗങ്ങളില്‍ നിന്നും മുകളിലേക്ക് ചെവി വരെ സാവധാനം മസാജ് ചെയ്യുക. ഇങ്ങനെ പതിവായി ചെയ്താല്‍ ഒട്ടിയ കവിള്‍ തുടുത്ത് സുന്ദരമാകും. പച്ച പപ്പായയും മഞ്ഞളും സമം എടുത്ത് അരച്ച്‌ മുഖത്ത് പുരട്ടി ഉണങ്ങുമ്ബോള്‍ കഴുകിക്കളയുക. മുഖത്തെ അമിത രോമങ്ങള്‍ നീങ്ങും. ഒരുപിടി തുളസിയിലയും ഒരു ചെറിയ കഷ്ണം മഞ്ഞളും ചേര്‍ത്തരച്ച്‌ പുരട്ടിയാല്‍ മുഖത്തെ കറുത്ത പാടുകള്‍ ഇല്ലാതാകും. ദിവസവും രാവിലെ ചെറിയ കഷ്ണം മഞ്ഞള്‍ അരച്ച്‌ പാല്‍പ്പാടയില്‍ ചാലിച്ച്‌ മുഖത്തു പുരട്ടുക. അര മണിക്കൂറിനു ശേഷം ചെറു ചൂടു വെള്ളത്തില്‍ കഴുകിയാല്‍ മുഖകാന്തി കൂടുകയും ചെയ്യും.

3.11764705882
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ