ഓര്ഗാനിക് സ്കിന് കെയര്
സുന്ദരിയാവാന് ആഗ്രഹിക്കാത്ത ആളുകളുണ്ടോ? തിളക്കമാര്ന്ന യുവത്വം തുടിക്കുന്ന ചര്മ്മകാന്തി എന്നും നിലനില്ക്കാന് നിങ്ങള്ക്കും മോഹമില്ലേ? വളരെ എളുപ്പത്തില് അധികം മുതല്മുടക്കില്ലാതെയും ചര്മ്മസംരക്ഷണം സാധ്യമാണ്. അതിന് സഹായിക്കുന്ന പ്രകൃതിദത്തമായ ട്രീറ്റ്മെന്റാണ് ഓര്ഗാനിക് സ്കിന് കെയര്.
ചര്മ്മസംരക്ഷണത്തിനായി മനുഷ്യന് പണ്ടു മുതലേ ഉപയോഗിച്ചിരുന്നത് ഓറ്ഗാനിക് സ്കിന് കെയറാണ്. പക്ഷെ അന്ന് സൌന്ദര്യസംരക്ഷണത്തിന് ഇത്തരം പേരുണ്ടായിരുന്നില്ലെന്ന് മാത്രം. ഏതുതരം ചര്മ്മത്തിനും യോജിച്ചതാണ് ഓര്ഗാനിക് ഉല്പ്പന്നങ്ങള്. കൂടാതെ ഇത് വളരെ ചിലവ് ചുരുങ്ങിയതുമാണ്. കൃത്യമായി ചെയ്യുകയാണെങ്കില് ചര്മ്മത്തിനുണ്ടാകുന്ന ഒരുപാട് രോഗങ്ങള് ഓര്ഗാനിക് സ്കിന് #യര് വഴി പരിഹരിക്കാനാകും. അങ്ങനെ ചുളിവുകളില്ലാത്ത തിളക്കമാര്ന്ന ചര്മ്മം നിലനിര്ത്തി നിങ്ങള്ക്ക് യുവത്വം നേടാന് ഇതിലൂടെ സാധിക്കും.
ഓര്ഗാനിക് സ്കിന് കെയറിന് ഓര്ഗാനിക് അടങ്ങിയ പഴങ്ങളും പച്ചക്കറികളും അത്യാവശ്യമാണ്. ഇതിനൊരു ഉത്തമ ഉദാഹരണമാണ് വെള്ളരിക്ക. കൂടാതെ ആപ്പിള്, പപ്പായ, ഇഞ്ചി, മഞ്ഞള്പൊടി എന്നിവയിലും ഓര്ഗാനിക് അടങ്ങിയിട്ടുണ്ട്. ഇവയെല്ലാം ചര്മ്മസംരക്ഷണത്തെ സഹായിക്കുന്ന ഘടകങ്ങളാണ്. ചര്മ്മത്തിന് ഉന്മേഷം നല്കി ആരോഗ്യം നിലനിര്ത്താന് ഇവയ്ക്ക് കഴിയും. ചര്മ്മസംരക്ഷണത്തിന് ഒഴിവാക്കാനാവാത്തവയാണ് ഇത്തരം ഓര്ഗാനിക് പഴങ്ങളും പച്ചക്കറികളും. ഇന്നു തന്നെ നിങ്ങളുടെ സ്കിന്നിന് ഏറ്റവും യോജിക്കുന്ന തരം ഓര്ഗാനിക് പഴങ്ങള് കണ്ടെത്തി പരീക്ഷണം തുടങ്ങാം. നാചുറല് ആയതുകൊണ്ട് ഓര്ഗാനിക് സ്കിന് കെയറിന് യാതൊരു സൈഡ് ഇഫെക്റ്റ്സും ഇല്ല.
ഓര്ഗാനിക് സ്കിന് കെയറിന് വേണ്ടിയുള്ള പഴങ്ങളും പച്ചക്കറികളും വാങ്ങുമ്പോള് അവ ഫ്രഷ് ആണെന്ന് ആദ്യമേ ഉറപ്പു വരുത്തണം. ചീഞ്ഞതോ പഴകിയതോ ആയ പഴങ്ങള് ഉപയോഗിക്കാതിരിക്കുക.
പാലും നല്ലൊരു ഓര്ഗാനിക്കാണ്. ചര്മ്മത്തെ വൃത്തിയാക്കുന്നതിനു പുറമെ നല്ലൊരു മോയിസ്ചറൈസര് കൂടിയാണിത്. കുറച്ച് പാലില് ഓട്ട്സ് കുഴച്ച് മുഖത്തും കൈകാലുകളിലും ശരീരത്തിലും പുരട്ടുന്നത് പൊടിപടലങ്ങളെ അകറ്റി ചര്മ്മത്തെ വൃത്തിയുള്ളതാക്കാന് സഹായിക്കും. എണ്ണമയമുള്ള ചര്മ്മക്കാര്ക്ക് വളരെ നല്ലതാണ് ഓര്ട്ട്സ് കൊണ്ടുള്ള ഈ വിദ്യ. മാത്രമല്ല, ഓര്ഗാനിക് സ്കിന് കെയര് ട്രീറ്റ് മെന്റില് ഒഴിച്ചു കൂടാനാവാത്ത ഒരു ഘടകം കൂടിയാണിത്. മുട്ട, തേന്, പാല്, പഴങ്ങള് എന്നിവ കൊണ്ട് വിവിധതരം ഓര്ഗാനിക് ഫേഷ്യല് പാക്കുകള് തയ്യാറാക്കാന് സാധിക്കും.
ഓര്ഗാനിക് സ്കിന് കെയര് പ്രൊസീജ്യറിലെ മറ്റൊരു പ്രധാന ഘടകമാണ് ഗോതമ്പ്. ഇതില് അടങ്ങിയിരിക്കുന്ന വിറ്റാമിന് ഇ ഗോതമ്പിനെ നല്ലൊരു മോയിസ്ചറൈസര് ആക്കി മാറ്റുന്നു. മറ്റു ഓര്ഗാനിക് പഴങ്ങള്ക്കും പച്ചക്കറികള്ക്കുമൊപ്പം ഗോതമ്പ് ചേര്ത്ത് ഫേഷ്യല് മാസ്കുകള് ഉണ്ടാക്കാം. സാധാരണ ചര്മ്മമുള്ളവര്ക്കും വരണ്ട ചര്മ്മമുള്ളവര്ക്കും ഗോതമ്പ് ഫേസ് പാക്കുകള് നല്ലതാണ്. ഗോതമ്പ് എണ്ണയും നല്ലൊരു ഓര്ഗാനിക് പാക്കാണ്.
കട്ടിതൈര്, ക്രീം എന്നിവ ചര്മ്മത്തെ ശുദ്ധീകരിക്കാന് കെല്പ്പുള്ളവയാണ്. ഡെഡ് സെല്ഡസിനെ മാറ്റി തിളക്കമുള്ള സ്കിന് ലഭിക്കാന് അത് നിങ്ങളെ സഹായിക്കും. റോസ് വാട്ടര്, ലാവന്റര് വാട്ടര് എന്നിവയും ഈ ഗണത്തില് പെടുന്നവയാണ്. ഇത്തരം ഓര്ഗാനിക് അടങ്ങിയ പഴങ്ങളും പച്ചക്കറികളും ഉപയോഗിച്ചാണ് ഓര്ഗാനിക് സ്കിന് കെയറിന് വേണ്ട ഫേസ് പാക്കുകള് ഉണ്ടാക്കുന്നത്.
സൌന്ദര്യസങ്കല്പ്പങ്ങള്ക്ക് പ്രകൃതി തന്നെ നല്കുന്ന പരിഹാരമാര്ഗ്ഗമാണ് ഓര്ഗാനിക് സ്കിന് കെയര്. സില്ക്ക്, ആല്ഗെ, മറൈന് കോളജന്, പൈന് ബാര്ക്ക്, കോഫി ബെറി എന്നീ ഘടകങ്ങള് ഓര്ഗാനികില് അടങ്ങിയിരിക്കുന്നുണ്ട്. ഇവ ചര്മ്മത്തിന്റെ ഇലാസ്റിസിറ്റി വര്ദ്ധിപ്പിച്ച് ചുളിവുകള് കുറയ്ക്കുകയും കേടു വന്ന ചര്മ്മത്തെ പുനര്ജ്ജീവിപ്പിക്കുകയും ചെയ്യുന്നു.
കെമിക്കലുകളാല് നിര്മ്മിക്കപ്പെടുന്ന സൌന്ദര്യവര്ദഗവസ്തുകകള് കഴിവതും ഒഴിവാക്കുക. കാരണം അവ മനുഷ്യ ശരീരത്തിലെ ഹോര്മോണിനേയും രക്തോട്ടത്തേയും ദോഷകരമായി ബാധിച്ച് കുറെശ്ശെയായി പുറം തൊക്കിനെ പൂര്ണ്ണമായി നശിപ്പിക്കും.
സ്ത്രീകള്ക്ക് മാത്രമല്ല, കുട്ടികളുടെ നേര്ത്ത ചര്മ്മത്തിനും പുരുഷന്മാര്ക്കും ചെയ്യാവുന്നതാണ് ഓര്ഗാനിക് ട്രീറ്റ്മെന്റ്. ഓര്ഗാനിക് ഉല്പ്പന്നങ്ങള്ക്ക് ഇന്ന് വിപണിയില് ആവശ്യമേറെയാണ്.
തിളങ്ങും സൌന്ദര്യത്തിന്
ജന്മസിദ്ധമായി ലഭിക്കുന്ന സൌന്ദര്യം സംരക്ഷിക്കുന്നതിനെക്കുറിച്ച് ആശങ്കപ്പെടാതെ ബ്യൂട്ടി പാര്ലറുകളെ ആശ്രയിക്കുന്നവരാണ് കൂടുതല് പേരും. ചിലവ് ചുരുക്കി ചര്മ്മത്തിന് കൂടുതല് സം രക്ഷണം നല്കുന്നതിനുള്ള ടിപ്സുകളാണ് താഴെ കൊടുത്തിരിക്കുന്നത്.
ദിവസം 8 ഗ്ളാസ് വെള്ളം
ദിവസവും ചുരുങ്ങിയത് എട്ട് ഗ്ളാസ് വെള്ളമെങ്കിലും കുടിക്കുക.ധാരാളം വെള്ളം കുടിക്കുമ്പോള് നിങ്ങളുടെ ശരീരം കൂടുതല് ഉന്മേഷമാകും. വിയര്പ്പിലൂടെയും മറ്റും നഷ്ട്ടപ്പെടുന്ന ജലം തിരികെയെത്തുമ്പോള് നിങ്ങളുടെ ശരീരം ക്ളീന്. ഇനി കാപ്പിയുടെയും ചായയുടെയും ആവശ്യമുണ്ടോ? അത്ര നിര്ബന്ധമാണെങ്കില് ദിവസം ഒരു കട്ടന്ചായയാകാം.അതിനേക്കാള് നല്ലതാണ് പഴങ്ങളുടെ ജ്യൂസ്.
ത്രഡിംഗിനായി 20രൂപ കളയണോ?
കണ്ണുകളും പുരികവും ഭംഗിയായാല് മാത്രമേ സൌന്ദര്യം പൂര്ണ്ണമാകൂ. ത്രഡിംഗ് തന്നെയാണ് പുരികം ഭംഗിയാക്കാനുള്ള മാര്ഗ്ഗം. വൈദഗ്ധ്യമുള്ള ബ്യൂട്ടീഷ്യന്റെയടുത്ത് വേണം ത്രഡിംഗ് ചെയ്യാന്. അല്ലെങ്കില് പുരികത്തിന് സമീപത്തുള്ള സ്കിന് ചുക്കിചുളിഞ്ഞ്പോകും.സ്വന്തമായി വേദനയില്ലാതെയും പുരികം ഭംഗിയാക്കാവുന്നതാണ്. ആവണക്കെണ്ണയും വെളിച്ചെണ്ണയും സമം ചേര്ത്ത് പുരികത്തിലും കണ്പീലികളിലും ഉഴിഞ്ഞാല് രോമങ്ങള് കൊഴിയുന്നത് ഒഴിവാകുകയും രോമങ്ങള്ക്ക് കട്ടിയും നിറവും വര്ധിക്കുകയും ചെയ്യും. പുരികത്തിന് ആകൃതിയൊപ്പിച്ച് വേണം ആവണക്കെണ്ണ പുരട്ടാന്. നിരതെറ്റിയ രോമങ്ങള് കുറച്ചേയുള്ളുവെങ്കില് ട്രീസര് ഉപയോഗിച്ച് നീക്കം ചെയ്യാം.
ചര്മ്മം സംരക്ഷിക്കാം; ഈസിയായി
ഒരു ബീറ്റ്റൂട്ടെടുത്ത് ചെറിയ കഷ്ണങ്ങളാക്കി അര ച്ചെടുത്ത നീരിലേക്ക് അല്പം നാരാങ്ങാനീര് ചേര്ക്കുക. ഇതുപയോഗിച്ച് അഞ്ചുമിനിറ്റ് നേരം മുഖം നല്ലപോലെ മസ്സാജ് ചെയ്യൂ. മസ്സാജിങ് കഴിഞ്ഞ് പത്തുമിനിറ്റിനുശേഷം വീര്യം കുറഞ്ഞ സോപ്പോ ഫെയ്സ് വാഷോ ഉപയോഗിച്ച് മുഖം വൃത്തിയാക്കാം. മുഖത്തെ പേശികള് കൂടുതല് മൃദുലമാക്കാന് ബീറ്റ്റൂട്ടിന്റെ നീരിന് കഴിയും.
മുള്ട്ടാണിമിട്ടി രണ്ട് ടീസ്പൂണ് എടുത്ത് അതിലേക്ക് അല്പം പനിനീരും ( റോസ് വാട്ടര്) നാലോ അഞ്ചോ തുള്ളി പാലും ചേര്ത്ത് കുഴമ്പുരൂപത്തിലാക്കുക. ഈ കുഴമ്പ് മുഖത്തും കഴുത്തിലും തേച്ചുപിടിപ്പിച്ച് (15 മിനിറ്റ്) ഉണങ്ങികഴിഞ്ഞാല് ചെറുചൂടുവെള്ളത്തില് കഴുകികളയുക. മുഖം ആകര്ഷകമാക്കാനുള്ള എളുപ്പവിദ്യയാണിത്. ശ്രദ്ധിക്കേണ്ട മറ്റൊരുകാര്യം മുഖ ത്തിടുന്ന എന്ത് വസ്തുവും അത് ക്രീമോ ഫെയ ്സ്പാ യ്ക്കോ എന്തും ആകട്ടെ അത് കഴുത്തിലും കൂടി ഇടണം. അല്ലെങ്കില് മുഖത്തിനും കഴുത്തിനും രണ്ട് നിറമാകും.
തേന് ഉത്തമം
തേനില് അല്പം വെള്ളം ചേര്ത്ത് ദിവസവും രാവിലെ കഴിക്കുക. നിങ്ങളുടെ ചര്മ്മം കൂടുതല് തിളങ്ങുകയും മൃദുലമാകുകയും ചെയ്യും. ചെറുതേനില് അല്പം നാരങ്ങാനീര് ചേര്ത്ത് മുഖത്തിടുക. അല്പസമയം കഴിഞ്ഞ് കഴുകികളയണം. മുള്ട്ടാണി മിട്ടി അല്പം എടുത്ത് അതിലേക്ക് തേന് ചേര്ത്ത് കുഴമ്പാക്കിയും മുഖത്ത് പുരട്ടാം.
പാല് ഒരു മോയിസ്ച്വറൈസര്
പാല് നല്ലൊരു മോയിസ്ച്വറൈസറാണ്. കുറച്ച് പാല് എടുത്ത് മുഖം നല്ലപോലെ മസാജ് ചെയ്തുനോക്കൂ. ചര്മ്മം മൃദുലമാകും. കാരറ്റ് അരച്ച് കുഴമ്പാക്കി ശരീരത്തില് പുരട്ടി നന്നായി മസാജ് ചെയ്യുന്നതും നല്ലതാണ്.
ചൂടുവെള്ളത്തിലാണോ കുളി?
കുളിക്കാന് ചൂടുവെള്ളം കഴിവതും ഒഴിവാക്കുക. അത് നിങ്ങളുടെ മൃദുലചര്മ്മങ്ങള് നശിപ്പിക്കും. കുളിക്കാന് അധികം തണുപ്പില്ലാത്ത വെള്ളം ഉപയോഗിക്കാം. ഡെഡ് സ്കിന് പോയി നല്ല തിളങ്ങുന്ന ചര്മ്മം കൈവരാന് തണുത്ത വെള്ളമാണ് നല്ലത്. നമ്മള് മൊത്തത്തിലൊന്നു ഫ്രഷ് ആകും. ഇനി കുളി കഴി ഞ്ഞാല് മുഖം ടൌവ്വല് കൊണ്ട് അമര്ത്തിതുടക്കുന്ന പരിപാടിയുണ്ടോ? ഉണ്ടെങ്കില് അതും ഒന്നു ഒഴിവാ ക്കിക്കോളൂ.
ബ്ളീച്ചിങും ഫേഷ്യലും വീട്ടില് തന്നെ
മുഖത്തുള്ള ചെറിയ പാടുകള് നിറവ്യത്യാസം എന്നിവ മാറ്റാനും നിറം വര്ധിപ്പിക്കാനും ബ്ളീച്ചിംഗ് സഹായിക്കും. വിപണിയില് ലഭിക്കുന്ന കെമിക്കലുകള് അടങ്ങിയ ക്രീം കൊണ്ട് ബ്ളീച്ച് ചെയ്യരുത്. ഏതു ചര്മ്മത്തിനും ഇണങ്ങുന്ന ബ്ളീച്ച് വളരെ ലളിതമായി നമുക്കുണ്ടാക്കാം.
ആദ്യം മുഖം നന്നായി കഴുകണം. കുറച്ച് ചന്ദനപ്പൊടിയും പയറുപൊടിയും ഒരു ടേബിള് സ്പൂണ് തേനും ആവശ്യത്തിന് വെള്ളവും ചേര്ത്ത് യോജിപ്പിച്ച് കണ്ണും പുരികവും ചുണ്ടും ഒഴിവാക്കി മുഖത്ത് പുരട്ടുക. 15-20 മിനിറ്റ് കഴിയുമ്പോള് ഇളം ചൂട് വെള്ളത്തില് മുക്കിയ തുണി കൊണ്ട് ഇത് മൃദുവായി തുടച്ചെടുക്കുക.
ഒരു ഗ്ളാസ് പാലിലേക്ക് അല്പം നാരങ്ങാനീര് പിഴിഞ്ഞൊഴിക്കുക. നാരങ്ങാനീര് ചേര്ക്കുന്ന സമയം പാല് കുമിളകളായി പിരിയുന്നത് കാണാം. ഇങ്ങനെ പിരിഞ്ഞ് മാറുന്ന പാല് മാറ്റിയെടുത്ത് ചര്മ്മം നന്നായി മസാജ് ചെയ്യുക. നല്ലൊരു നാച്വറല് ബ്ളീച്ചാണിത്.
കുക്കുംബര് നീരും തക്കാളി നീരും സമം ചേര്ത്ത് മുഖത്ത് പുരട്ടി 10 മിനിറ്റിന് ശേഷം കഴുകികളയുക. അതിനുശേഷം അല്പം കടുകെണ്ണകൊണ്ട് മസ്സാജ് ചെയ്യാവുന്നതാണ്. ബ്ളീച്ചിംഗ് ചെയ്തുകഴിഞ്ഞാല് തീര്ച്ചയായും ഫെയ്സ് പായ്ക്ക് ഇടണം.
നാച്വറല് ഫെയ്സ് പായ്ക്ക്
ചര്മത്തിന്റെ ആരോഗ്യവും തിളക്കവും യുവത്വവും നിലനിര്ത്താന് ഉത്തമമായ സംരക്ഷണമാര്ഗമാണ് ഫേഷ്യല്. പുളിയുള്ള തൈരില് മഞ്ഞള്പൊടി ചേര്ത്ത് കുഴച്ച് മുഖത്തും കഴുത്തിലും പുരട്ടി പത്ത് മിനിറ്റിന് ശേഷം കഴുകിക്കളയുക. എണ്ണമയമുള്ള ചര്മമുള്ളവര് ഇത് ചെയ്ത ശേഷം മുഖം പയറ് പൊടി ഇട്ട് കഴുകണം. പയറുപൊടി, നാരങ്ങാനീര്, പഞ്ചസാര എന്നിവ ചേര്ത്ത് കഴുത്തില് പുരട്ടി മസാജ് ചെയ്താല് കഴുത്തിലെ കറുപ്പ് നിറം കുറയും. മുഖത്തെ നേര്ത്ത രോമങ്ങള് കളയാന് പാല്പ്പാടയും മഞ്ഞള് പൊടിയും ചേര്ത്ത് രോമമുള്ളയിടത്ത് പുരട്ടി പാതി ഉണങ്ങുമ്പോള് രോമം വളരുന്നതിന് എതിര് ദിശയിലേക്ക് തിരുമ്മുക.
അനാവശ്യരോമങ്ങള് ഇനി വേണ്ട
അനാവശ്യരോമങ്ങളെ എടുത്തുമാറ്റാം. പയര് പൊടി, മഞ്ഞള് പൊടി, പാല് എന്നിവ പേസ്റ് രൂപത്തിലാക്കി കൈകാലുകളില് പുരട്ടി പാതി ഉണങ്ങുമ്പോള് വട്ടത്തില് മസാജ് ചെയ്ത ശേഷം കഴുകി ക്കളയണം. ഇത് ആഴ്ചയില് രണ്ട് തവണയെങ്കിലും ചെയ്യാം. വെളിച്ചെണ്ണയില് മഞ്ഞള് പൊടി കലക്കിയത് തേച്ച് കുളിക്കുന്നതും അനാവശ്യ രോമങ്ങളുടെ കട്ടിയും നിറവും കുറയാന് സഹായിക്കും.
പഴങ്ങളും പച്ചക്കറികളും
പച്ചക്കറികളും പഴവര്ഗ്ഗങ്ങളും ധാരാളം കഴിക്കുക. പച്ചക്കറികള് വേവിക്കാതെയോ പകുതിവേവിലോ കഴിക്കണം. കുക്കുംമ്പറിന്റെ നീരെടുത്ത് മുഖത്ത് പുരട്ടുക, ഇത് ശരീരത്തെ തണുപ്പിക്കും. ആട്ടിന്പാല്, വെണ്ണ, കാബേജ് തുടങ്ങിയവയില് ധാരാളം ഫ്ളൂറിന് അടങ്ങിയിട്ടുണ്ട്. ഇലക്കറികള് ഏതായാലും ദിവസവും ഭക്ഷണത്തില് ഉള്പ്പെടുത്താന് ശ്രദ്ധിക്കുക. റെഡ്മീറ്റ് പരമാവധി ഒഴിവാക്കുക.
ആത്മവിശ്വാസം നിറയും സൌന്ദര്യം
മുഖസൌന്ദര്യം മാത്രമല്ല നിങ്ങളുടെ വ്യക്തിത്വത്തെ നിര്ണ്ണയിക്കുന്നത്. നിങ്ങളുടെ നടപ്പ്, ഇരിപ്പ്, സംസാരം, പ്രവൃത്തികള് എല്ലാം നിങ്ങളുടെ വ്യക്തിത്വമാണ്. ആദ്യം വേണ്ടത് എല്ലാവരിലേക്കും പോസിറ്റീവ് എനര്ജി നിറയ്ക്കുന്ന ചിരിയാണ്. അത് നിങ്ങളെ കാണുന്നവര്ക്ക് മുന്നില് സുന്ദരിയാക്കുമെന്നതില് സംശയമില്ല. പക്ഷെ ചിരി കൃത്രിമമാകരുത്. കാണുന്നവരോട് ഹൃദയം തുറന്ന് ചിരിക്കുകയാണ് വേണ്ടത്. മറ്റുള്ളവരുടെ സ്ഥിതിയും സ്റാറ്റസും എന്ത് തന്നെയായാലും വ്യക്തിയെന്ന നിലയില് എല്ലാവരെയും ബഹുമാനിക്കാന് കഴിഞ്ഞാലേ ഹൃദയം തുറന്ന് ചിരിക്കാനാകൂ.
10 ട്രന്ഡി മേക്കപ്പ്
വിവാഹാവസരങ്ങളിലായാലും മറ്റേത് പാര്ട്ടികള്ക്കായാലും സ്വയം മെയ്ക്കപ്പ് ചെയ്ത് ആളുകള്ക്കിടയില് തിളങ്ങാന് നിങ്ങള് ഇഷ്ടപ്പെടുന്നില്ലേ? അതിന് ചില ' ബ്യൂട്ടി' ട്രിക്കുകള് ആദ്യമേ മനസ്സിലാക്കേണ്ടതുണ്ട്. ഒരു നല്ല ബ്യൂട്ടീഷ്യനെ സമീപിച്ച് വിദഗ്ദനിര്ദ്ദേശങ്ങള് ചോദിച്ചറിയാം. കൂടാതെ മെയ്ക്കപ്പ് എന്ന കല എളുപ്പത്തില് പഠിച്ചെടുക്കാന് താഴെ കൊടുക്കുന്ന പത്ത് ട്രെന്റി മേയ്ക്കപ്പ് ടിപ്പുകള് നിങ്ങളെ സഹായിക്കും.
1. ക്ളീന് അപ്പ്
മെയ്ക്കപ്പിനു മുന്പ് മുഖം വൃത്തിയാക്കണം. അതിനായി മുഖം സോപ്പിട്ട് കഴുകുന്നത് ശരിയായ രീതിയല്ല. തണുത്ത വെള്ളത്തില് മുഖം നനച്ച് പഞ്ഞിയില് ക്ളെന്സിങ് മില്ക്ക് എടുത്ത് മുഖവും കഴുത്തും വൃത്തിയാക്കണം. അതിന് ശേഷം ടോണര് കൊണ്ട് തുടയ്ക്കാം. മുഖത്തെ എണ്ണമയവും ചര്മ്മത്തിലെ അഴുക്കും പൂര്ണ്ണമായി നീക്കം ചെയ്യാന് ഇതുകൊണ്ട് സാധിക്കും. ക്ളെന്സിങ് മില്ക്ക് 35 മുതല് 260രൂപ വിലയിലും ടോണര് 60 മുതല് 300 രൂപ വിലയിലും ലഭിക്കും.
2. കണ്സീലര്
കണ്തടങ്ങളില് കറുപ്പും മുഖത്ത് പാടുകളും അധികമുള്ളവര് മാത്രം വളരെ നേര്ത്ത രീതിയില് കണ്സീലര് ഉപയോഗിച്ചാല് മതിയാകും. അധികമായാല് മേക്കപ്പ് പൂര്ത്തിയാകുമ്പോള് കണ്സീലര് ഉപയോഗിച്ചയിടത്തെ സ്കിന് ടോണ് മാറും. കണ്സീലര് എങ്ങിനെ ഉപയോഗിക്കണം എന്ന് വിദഗ്ദയായ ഒരു ബ്യൂട്ടീഷ്യനോട് ചോദിച്ച് മനസ്സിലാക്കാം. 300-500 വിലയില് കണ്സീലര് ലഭിക്കും.
3. ഫൌണ്ടേഷന്
ഓരോരുത്തരുടെയും ചര്മ്മം വ്യത്യസ്തമാണ്. ചര്മ്മത്തിന്റെ നിറത്തിന് ചേരുന്നതാവണം ഫൌണ്ടേഷന്. നിറം ഉള്ളവര്ക്ക് ലൈറ്റ് ഷേയ്ഡുകളും നിറം കുറഞ്ഞവര്ക്ക് ഡാര്ക്ക് ഷെയ്ഡുകളുമാണ് നല്ലത്. ഫൌണ്ടേഷന് ക്രീമായും ലിക്വിഡായും ലഭിക്കും. ചെറിയ അളവ് എടുത്ത് മുഖത്ത് തൊട്ടുവച്ച ശേഷം ചര്മ്മത്തില് തേച്ച് പിടിപ്പിക്കണം. പുരികങ്ങളിലും കണ്ണുകളിലും ആകാതെ താഴെ നിന്ന് മുകളിലേക്ക് വേണം ഫൌണ്ടേഷന് തേക്കാന്. 99-500 രൂപ വിലയില് ഫൌണ്ടേഷന് ലഭ്യമാണ്.
4. കോംപാക്ട് പൌഡര്
ഫൌണ്ടേഷന് ശേഷമാണ് കോംപാക് പൌഡറിന്റെ ഉപയോഗം. നിറം കുറഞ്ഞവര്ക്ക് നിങ്ങളുടെ ചര്മ്മത്തിന്റേതിനെക്കാള് അല്പം ഇളം നിറത്തിലുള്ളതു വേണം ഉപയോഗിക്കാന്. നിറം തോന്നിക്കാന് ഇത് സഹായിക്കും. നിറമുള്ളവര് ചര്മ്മത്തിന്റെ അതേ നിറത്തിലുള്ളവ ഉപയോഗിച്ചാല് മതിയാകും. എളുപ്പത്തില് മേയ്ക്കപ്പ് ചെയ്യാനായിഫൌണ്ടേഷന് അടങ്ങിയ കോംപാക്ട് ലഭിക്കും. ഇടുമ്പോള് ഫൌണ്ടേഷന് പോലെ ക്രീമി ആയിരിക്കുമെങ്കിലും അല്പം കഴിയുമ്പോഴേക്കും കോംപാക്ട് പോലെ മാറ്റ് ഫിനിഷ് ആയി മാറിക്കൊള്ളും. സാധാരണ കോംപാക്ടിന് 99-600 വിലവരുമ്പോള് ഫൌണ്ടേഷനും കോംപാക്ടും ചേര്ന്നതിന് 300 രൂപയ്ക്ക് മുകളില് വില വരും.
5. ഐബ്രോ ഫില്ലറും ഐബ്രോ ബ്രഷും
കട്ടിയുള്ള പുരികമുള്ളവര്ക്ക് ഐബ്രോ ഫില്ലര് ഉപയോഗിക്കേണ്ട ആവശ്യമില്ല. പുരികത്തിന് കട്ടി കുറവോ പാടുകളോ ഉണ്ടെങ്കില് അവിടെ ആദ്യം ഐബ്രോ ഫില്ലര് കൊണ്ട് ലൈറ്റായി ടച്ച് ചെയ്യണം. പിന്നീട് പുരികം ലൈറ്റ് ആയി ഷെയ്ഡ് ചെയ്യാം. ബ്ളാക്ക്, ബ്രൌണ്, ഗ്രീന് ഷെയ്ഡുകളില് ഐബ്രോ ഫില്ലര് ലഭിക്കും. ഷെയ്ഡ് ചെയ്ത് കഴിഞ്ഞാല് ഐബ്രോ ബ്രഷ് കൊണ്ട് പുരികം ഷെയ്പ് ചെയ്യുക. ഐബ്രോ ഫില്ലര് 40-100 വിലയിലും ബ്രഷ് 20-60 വിലയിലും ലഭിക്കും.
6. ഐ ഷാഡോ
കണ്ണുകളുടെ കാര്യത്തില് കൂടുതല് ശ്രദ്ധ അത്യാവശ്യമാണ്. അതിന് ഐ ഷാഡോ അണിയാം. പാര്ട്ടി, കാഷ്വല് തുടങ്ങിയ അവസരങ്ങള്ക്കായി വ്യത്യസ്ത നിറങ്ങളിലുള്ള ഐ ഷാഡോകള് ലഭിക്കും. പിങ്ക്, ബ്രൌണ് ഷെയ്ഡുകള് എല്ലാ നിറക്കാര്ക്കും ചേരും.
ചര്മത്തിന്റെ നിറത്തിന് ചേരുന്ന ഷെയ്ഡ് തെരഞ്ഞെടുക്കണമെന്ന് മാത്രം. സാധാരണ ദിവസങ്ങളില് ലൈറ്റ് നിറങ്ങളിലുള്ള ഐ ഷാഡോ ആയിരിക്കും നല്ലത്. ക്രീമി ആയും പൌഡര് ആയും ഐ ഷാഡോ ലഭിക്കും. ക്രീമി ആയവയാണ് സാധാരണ ദിവസങ്ങള്ക്ക് നല്ലത്. ഒറ്റ ഷെയ്ഡ് ഇടുന്നതിനെക്കാളും കണ്പോളകളില് കടുത്ത നിറത്തിലും പുരികത്തിനടുത്ത് ഇളം നിറത്തിലും ഇടുന്നത് ഭംഗി തരും. ഒറ്റ ഷെയ്ഡ് മാത്രമാണ് ഉപയോഗിക്കുന്നതെങ്കില് കണ്പോളകളില് മാത്രം ഇട്ടാല് മതിയാകും. കണ്ണിന്റെ ആകൃതിക്കനുസരിച്ച് വേണം ഷെയ്ഡ് ചെയ്യാന്. 140-450 വരെ വിലയില് ഐ ഷാഡോ ലഭിക്കും.
7. മസ്ക്കാര
എപ്പോഴും ഐലനറിന് മുന്പേ വേണം മസ്ക്കാര അണിയാന്. ബ്ളാക്ക്, ബ്രൌണ്, ഒലിവ് ഗ്രീന്, ബ്ളൂ നിറങ്ങളില് മസ്ക്കാര ലഭിക്കും. ചര്മത്തിനും കണ്പീലികള്ക്കും ഇണങ്ങുന്ന നിറം ഉപയോഗിക്കാം. കറുപ്പിനെ അപേക്ഷിച്ച് നിറമുള്ള മസ്ക്കാരയ്ക്ക് വില കൂടും. കറുപ്പ് 175-199 വിലയില് ലഭിക്കുമ്പോള് നിറമുള്ളവയ്ക്ക് 200-500 രൂപ വില വരും.
8. ഐ പെന്സിലും ഐ ലൈനറും
കണ്ണിനടിയില് ഐ പെന്സിലും മുകളില് ഐ ലൈനറും എഴുതുന്നതായിരിക്കും ഭംഗി. ഐ ലൈനര് കൊണ്ട് കണ്ണുകളുടെ ആകൃതി തന്നെ വ്യത്യാസപ്പെടുത്താനാകും. വാട്ടര് പ്രൂഫ് ആയ ഐ ലൈനറുകള്ക്ക് വില താരതമ്യേന കൂടുതലായിരിക്കുമെങ്കിലും അവയായിരിക്കും മേക്കപ്പ് ദീര്ഘനേരം നിലനില്ക്കാന് നല്ലത്. ഐ ലൈനര് 30-200 രൂപ വിലയിലും ഐ പെന്സില് 20- 150 വിലയിലും ലഭ്യമാണ്.
9. ലിപ്ലൈനറും ലിപ്സ്റിക്കും
ലിപ്ലൈനര് കൊണ്ട് ചുണ്ടുകളുടെ ആകൃതി വ്യക്തമാക്കി വേണം ലിപ്സ്റിക് ഉപയോഗിക്കാന്. ലിപ്സ്റിക്കിന്റെ നിറത്തില് തന്നെയുള്ള ഡാര്ക്ക് ഷെയ്ഡ് ലിപ് ലൈനറാണ് ഉപയോഗിക്കേണ്ടത്.
വലിയ ചുണ്ടുകളുള്ളവര് ചുണ്ടുകളുടെ അതിരിന് അകത്തായി വേണം ലിപ് ലൈനര് കൊണ്ട് ഷെയ്ഡ് ചെയ്യാന്. അപ്പോള് ചുണ്ടുകളുടെ വലുപ്പം കുറവായി തോന്നും. ചെറിയ ചുണ്ടുള്ളവര് ചുണ്ടുകളുടെ അതിരിന് തൊട്ട് പുറത്തായി ലിപ് ലൈനര് കൊണ്ട് വരയ്ക്കണം. അല്പം ലിപ് ബാം പുരട്ടി ചുണ്ടുകളുടെ ഡ്രൈനസ് മാറ്റിയിട്ട് വേണം ലിപ്സ്റിക്ക് ഇടാന്. ലിപ്സ്റിക്ക് അണിഞ്ഞ ചുണ്ടുകള്ക്ക് കൂടുതല് മിഴിവേകാന് ലിപ് ഗ്ളോ ഉപയോഗിക്കാം. ലിപ് ലൈനര് 20-200 രൂപ വിലയിലും ലിപ്സ്റിക്ക് 175-350 വിലയിലും ലഭിക്കും.
10. ബ്ളഷ്
എല്ലാ മെയ്ക്കപ്പിനും ഒടുവില് കവിളുകളെ ഹൈലൈറ്റ് ചെയ്യാം. അതിന് ബ്ളഷ് ഉപയോഗിക്കാം. ലളിതമായ മെയ്ക്കപ്പിന് ബ്ളഷ് ഒഴിവാക്കുന്നതാണ് നല്ലത്. മുഖാകൃതി കണക്കാക്കി വേണം കവിളില് ബ്ളഷ് ഇടാന്. മുഖത്തിന് തുടുപ്പ് തോന്നിപ്പിക്കാന് ഇത് സഹായിക്കും. നന്നായി വെളുത്തവര്ക്ക് ലൈറ്റ് പിങ്കും അല്ലാത്തവര്ക്കും ബ്രൌണും ആയിരിക്കും ചേരുക. 100-250 ആയിരിക്കും ബ്ളഷിന്റെ വില.
അണിഞ്ഞൊരുങ്ങാം വിവാഹത്തിനുമുമ്പ്
നിശ്ചയം കഴിഞ്ഞ് നാളേറെയായാലും പലരും വിവാഹത്തിനുള്ള ഒരുക്കങ്ങള് തുടങ്ങുന്നത് വളരെ വൈകിയാണ്. വിവാഹത്തിന് രണ്ട് ദിവസം മുമ്പ് അണിഞ്ഞൊരുങ്ങാന് ശ്രമിച്ചിട്ട് യാതൊരു കാര്യമില്ല. വിവാഹ തിയ്യതിക്ക് ഒരു മാസം മുമ്പേ സൌന്ദര്യസംരക്ഷണം ആരംഭിക്കേണ്ടതുണ്ട്. വിവാഹത്തിനു മുമ്പുള്ള പ്രീ വെഡിങ്ങ് ബ്രൈഡല് പേക്കേജില് പ്രധാനപ്പെട്ട രണ്ടു കാര്യങ്ങള്ക്കാണ് മുന്തൂക്കം നല്കുന്നത്. ചര്മ്മസംരക്ഷണവും കേശപരിപാലനവും. ശരീരസംരക്ഷണം പിന്നീട് വരുന്നതാണ്. വിവാഹ ദിവസം തിളങ്ങി നില്ക്കാന് നേരത്തെ തന്നെ ഒരുക്കങ്ങള്ക്ക് തയ്യാറായിക്കോളൂ. നിങ്ങളെ സഹായിക്കാനിതാ ചില ബ്യൂട്ടി ടിപ്പുകള്...
ചര്മ്മസംരക്ഷണത്തിന്
ചര്മ്മസംരക്ഷണമാകാം ആദ്യ പടി. ഒരു മാസം മുമ്പെങ്കിലും ഇതിനായി സമയം കണ്ടെത്തണം. ഒരു ബ്യൂട്ടീഷന്റെ സഹായത്തോടെ നിങ്ങളുടെ സ്കിനിന് യോജിച്ച ഫേസ് ക്ളെന്സിങ്ങ് തിരഞ്ഞെടുത്ത് രണ്ടായ്ചയിലൊരിക്കലെങ്കിലും ക്ളെന്സിങ്ങ് ചെയ്യാന് ശ്രമിക്കണം. വീട്ടിലിരുന്ന് ചെയ്യാവുന്ന ഒന്നാണിത്. ക്ളെന്സിങ്ങ് ലോഷന് പഞ്ഞിയിലെടുത്ത് മുഖവും കഴുത്തും വൃത്തിയാക്കിയാല് മതി. ഇതുവഴി ചര്മ്മത്തിന് ഫ്രഷ്നസ് ലഭിക്കും. അവസാനത്തെ ക്ളെന്സിങ്ങ് വിവാഹത്തിന് നാല് ദിവസം മുമ്പെങ്കിലും ചെയ്തിരിക്കണം.
ഇതിനു പുറമെ വീട്ടിലിരുന്ന് തന്നെ മോയിസ്ചറയ്സിങ്ങും സ്ഥിരമായി ചെയ്യാവുന്നതാണ്. ഒരു സ്പൂണ് ഓട്സില് അല്പം വെള്ളം ചേര്ത്ത് കുഴച്ച് മുഖത്ത് പുരട്ടുക. മൂന്ന് മിനിറ്റിന് ശേഷം വിരല്തുമ്പ് കൊണ്ട് മൂക്കിന് ചുറ്റിലും കവിളുകളിലും കഴുത്തിലും ചെറുതായി മസാജ് ചെയ്യുക. ജീവനില്ലാത്ത കോഷങ്ങളെ നീക്കി സുഷിരങ്ങള് തുറക്കുന്നതിന് ഈ മെത്തേഡ് സഹായിക്കും. കഴുകിയ ശേഷം സണ്സ്ക്രീനോ മോയിസ്ചറയ്സറോ ഉപയോഗിക്കാം. ഇരുപതുമിനിറ്റിനു ശേഷമേ മേക്കപ്പ് ചെയ്യാവൂ.
ഫേസ് സ്ക്രബ്, ബ്ളീച്ചിങ്ങ്, ഫേഷ്യല് എന്നിവയും ചര്മ്മസംരക്ഷണത്തിന് ചെയ്യാവുന്ന ട്രീറ്റ്മെന്റുകളാണ്. ഇവയിലേത് തിരഞ്ഞെടുക്കുമ്പോഴും പ്രകൃതിദത്തമായത് തിരഞ്ഞെടുക്കാന് ഓര്ക്കണം. സൈഡ്ഇഫെക്റ്റ്സ് ഉണ്ടാകാതിരിക്കാന് വേണ്ടിയാണത്. 500 രൂപ മുതല് 2000 രൂപ വരെയുള്ള ഇത്തരം കിറ്റുകള് കടകളില് ലഭ്യമാണ്. ട്രീറ്റ്മെന്റിന് ശേഷം പുറത്ത് പോകുമ്പോള് കുട ചൂടാനും സണ് ഗ്ളാസുകള് ഉപയോഗിക്കാനും ശ്രദ്ധിക്കണം.
നാചുറല് ഫേസ് പാക്കുകള്
മുള്ട്ടാണിമിട്ടി അല്ലെങ്കില് ആര്യവേപ്പില പേസ്റ് എന്നിവയെല്ലാം വീട്ടില് തന്നെയിരുന്ന് ചെയ്യാവുന്ന ഫേസ് പാക്കാക്കുകളാണ്. മുഖത്ത് പുരട്ടി അല്പസമയം കഴിഞ്ഞ് ഉണങ്ങുമ്പോള് കഴുകിക്കളയുക. അതിനുശേഷം മോയ്ചറൈസര് ഒരു കഷ്ണം പഞ്ഞിയിലെടുത്ത് പുരട്ടുന്നത് ചര്മ്മത്തിന് തിളക്കം കൂട്ടാന് സഹായിക്കും.
കേശ പരിപാലനം
നീളമുള്ള മുടിയായാലും ട്രിം ചെയ്ത ഷോട്ട് ഹെയര് ആയാലും കൃത്യമായ സംരക്ഷണത്തിലൂടെ മാത്രമേ മുടിയുടെ സൌന്ദര്യം നിലനിര്ത്താന് കഴിയൂ. ഷോപ്പിങ്ങിനോ മറ്റാവശ്യങ്ങള്ക്കോ പുറത്ത് പോകുമ്പോള് പൊടിപടലങ്ങള് മുടിയിലൊട്ടിപ്പിടിക്കാന് ഇടയുണ്ട്. അതുകൊണ്ട് ആഴ്ചയില് മൂന്ന് തവണയെങ്കിലും മുടി വൃത്തിയാക്കാന് ശ്രദ്ധിക്കണം.
അധികം കെമിക്കലുകളില്ലാത്ത ഷാംമ്പു വേണം തിരഞ്ഞെടുക്കാന്. (ബേബി ഷാംമ്പു നല്ലതാണ്). ഷാംമ്പുവിന്റെ പത തലയില് നില്ക്കാത്ത തരത്തില് മുഴുവനായും കഴുകിക്കളയാന് ശ്രദ്ധിക്കണം. അവസാനത്തെ കപ്പ് വെള്ളത്തില് ഒരു സ്പൂണ് വിനാഗിരി ചേര്ക്കുന്നതും ഗുണം ചെയ്യും. വിനാഗിരി ചേര്ത്ത വെള്ളം തലയിലൊഴിച്ചാല് പിന്നെ മുടിയധികം ഇളക്കാതെ വെയ്ക്കണം. ഉണങ്ങിയ ടവ്വല്കൊണ്ട് കെട്ടി സാധാരണ പോലെ ഇടുക. നനഞ്ഞ മുടി ചീകാതിരിക്കുക എന്നതും ശ്രദ്ധിക്കേണ്ട മറ്റൊരു കാര്യമാണ്. താരനില്ലാത്ത മിനുസമുള്ള മുടി അങ്ങനെ നേടിയെടുക്കാം.
പുതിയൊരു ഹെയര് സ്റയിലിനുള്ള തീരുമാനമുണ്ടെങ്കില് വിവാഹത്തിന് മൂന്നാഴ്ച മുമ്പെങ്കിലും മുടി വെട്ടാന് ശ്രദ്ധിക്കണം. നേരത്തെതന്നെ വെട്ടി മുടിയെ സെറ്റില് ചെയ്യാന് അനുവദിക്കണം. കളറിങ്ങ്, ഹൈലൈറ്റിങ്ങ്, സ്ട്രൈറ്റനിങ്ങ് എന്നിവയും ചെയ്യാം. ഹെയര് ബ്രഷ്, ഹെയര് ഡ്രയര് എന്നിവ വാങ്ങി മേക്കപ്പ് കിറ്റില് സൂക്ഷിക്കുന്നതും നല്ലതാണ്. പെട്ടെന്നുള്ള പാര്ട്ടികള്ക്ക് പോകുമ്പോള് ബ്യൂട്ടി പാര്ലറിലേക്ക് ഓടാതെ സ്വന്തമായിതന്നെ മുടി ചുരുട്ടുകയും സ്ട്രെയ്റ്റ് ചെയ്യുകയും ചെയ്യാം.
വീട്ടിലിരുന്ന് തയ്യാറാക്കാവുന്ന കണ്ടീഷനര് പാക്ക്
കാല്കപ്പ് മൈലാഞ്ചി പൊടി ഇളം ചൂട് വെള്ളത്തില് കുഴച്ച് കുഴമ്പ് പരുവത്തിലാക്കുക. രണ്ട് മുട്ടയുടെ മഞ്ഞക്കരുവും കാല് കപ്പ് ഉഴുന്ന്പൊടിയും ഒരു ചെറുനാരങ്ങയുടെ നീരും ഇതിലേക്ക് ചേര്ത്ത് സെറ്റ് ചെയ്തശേഷം തലയോട്ടിയില് പുരട്ടുക. ഒരു മണിക്കൂറിന് ശേഷം വീര്യം കുറഞ്ഞ ഷാംമ്പു ഉപയോഗിച്ച് കഴുകാം. ആഴ്ചയിലൊരിക്കലെങ്കിലും ഈ ട്രീറ്റ്മെന്റ് ചെയ്യണം.
ശരീരസംരക്ഷണം
ദിവസവും ശരീരസംരക്ഷണത്തിനായി അല്പസമയം കണ്ടെത്താന് ശ്രദ്ധിക്കുക. ഇറുകിയ വസ്ത്രങ്ങള് കഴിവതും ഒഴിവാക്കണം. ഓട്സും പാല്പൊടിയും കട്ടിയുള്ള സ്റാര്ച്ചും തുല്യ അളവിലെടുത്ത് പേസ്റ് രൂപത്തിലാക്കി ശരീരത്തില് പുരട്ടി ഇരുപത് മിനിറ്റുനേരം ഉണങ്ങാന് വെക്കുക. അതിനുശേഷം ചെറുചൂടുവെള്ളത്തില് കുളിക്കണം.
മറ്റു ശരീരഭാഗങ്ങളെ അപേക്ഷിച്ച് കൈപത്തിക്ക് പ്രത്യേക ശ്രദ്ധ ആവശ്യമാണ്. രാത്രി കിടക്കാന് നേരം കൈകളിലും കാലിലും ഏതെങ്കിലും കോള്ഡ് ക്രീം പുരട്ടുന്നത് ചര്മ്മത്തിന്റെ മിനുസം വര്ദ്ദിപ്പിക്കാന് സഹായിക്കും. വിവാഹത്തിന് മുമ്പ് ഒരു പ്രൊഫഷണല് ബ്യൂട്ടീഷന്റെ സഹായത്തോടെ മാനിക്യൂറും പെഡിക്യൂറും നിര്ബന്ധമായും ചെയ്തിരിക്കണം. അനാവശ്യരോമമുള്ളവര്ക്ക് ആവശ്യമനുസരിച്ച് വാക്സിനും ചെയ്യാം. എല്ലാറ്റിനുമുപരി ഒരു സമീകൃത ഡയറ്റ് ഉണ്ടാക്കിയെടുക്കാന് ശ്രമിക്കണം.
കോസ്മെറ്റിക്സ് തിരഞ്ഞെടുക്കുമ്പോള്
ചര്മ്മത്തിന് യോജിച്ച കോസ്മെറ്റിക്സ് വാങ്ങാന് വിട്ടുവീഴ്ചയരുത്. സ്കിന്നില് പുരട്ടി നോക്കി ടെസ്റ് ചെയ്ത ശേഷമേ കോസ്മെറ്റിക്സ് വാങ്ങാവൂ. ചുണ്ടുകള്ക്കും കണ്ണുകള്ക്കുമുള്ള കോസ്മെറ്റിക്സ് വാങ്ങുമ്പോള് മാറ്റ് ഫിനിഷ് നോക്കി വാങ്ങണം. അത് നിങ്ങളുടെ മുഖത്തിന് കൂടുതല് അഴകേകും. അലര്ജിയില്ലാത്ത വാട്ടര്പ്രൂഫ് ലിപ്സ്റിക്കും മസ്ക്കാരയും വിപണിയില് ലഭ്യമാണ്. സൌന്ദര്യവര്ദ്ധക വസ്തുക്കളുടെ ഗുണനിലവാരത്തില് കോംപ്രമൈസ് പാടില്ല. വിവാഹത്തിനുള്ള അണിഞ്ഞൊരുക്കത്തിന് ഒരു റിഹേഴ്സല് നേരത്തെ ചെയ്തു നോക്കണം. ഇത് പോരായ്മകള് തിരുത്താന് സഹായിക്കും.
ഇവയ്ക്കെല്ലാം പുറമെ ആരോമതെറാപ്പി, ഓയില് മസാജ്, ഹെര്ബല് സ്റീം ബാത്ത്, ടി ട്രി ഓയില് സ്ക്രബ്, മില്ക്ക് ബാത്ത്, മിനറല് ബാത്ത്, ബോഡി മാസ്ക് എന്നിവ ചെയ്യുന്നതും നല്ലതാണ്. ഇനി ആത്മവിശ്വാസത്തോടെ വിവാഹത്തിന് റെഡിയായിക്കോളൂ.
മിനറല് മേക്കപ്പ്
കാലാവസ്ഥയും ശരീരാവസ്ഥകളും നോക്കി യോജിച്ച മേക്കപ്പുകള് തിരഞ്ഞെടുക്കുന്നതുപോലെ തന്നെ ചര്മ്മത്തിന് യോജിച്ച മേക്കപ്പുകളാണ് അവയെന്ന് ഉറപ്പു വരുത്തേണ്ടതും അത്യാവശ്യമാണ്. പാര്ശ്വഫലങ്ങളില്ലാത്ത പ്രകൃതിദത്തമായ മിനറല് മേക്കപ്പിനെ പരിചയപ്പെടാം.
മേക്കപ്പ് ഉപയോഗിക്കാനുദ്ദേശിക്കുന്ന തുടക്കക്കാര്ക്ക് വളരെ നല്ലതാണ് മിനറല് മേക്കപ്പ്. ട്രെന്ഡി മേക്കപ്പ്, ബ്രൈഡല് മേക്കപ്പ് തുടങ്ങിയുള്ള ഒട്ടനവധി മേക്കപ്പുകളിലും ഉപയോഗിക്കാവുന്നതാണ് മിനറല് മേക്കപ്പ്. പാര്ട്ടികള്ക്കു പോകാനായാലും, വിവാഹ വേളകളിലായാലും, സ്റേജ്ഷോകള്ക്കായാലും തിളങ്ങിനില്ക്കാന് മിനറല്മേക്കപ്പ് നിങ്ങളെ സഹായിക്കും. വീട്ടിലിരുന്ന് അണിഞ്ഞൊരുങ്ങാന് ഇനി ആശങ്കയെന്തിന്?
എന്താണ് മിനറല് മേക്കപ്പ്?
സൌന്ദര്യ സങ്കല്പ്പങ്ങളില് പുതിയ പരീക്ഷണമാണ് മിനറല് മേക്കപ്പ്. അയണ്, സിങ്ക്, ടൈറ്റാനിയം തുടങ്ങിയ പ്രകൃതിദത്തമായ ധാതുക്കള് ചേര്ത്തുള്ള മേക്കപ്പാണിത്. പല വര്ണ്ണത്തിലുള്ള പൊടികള് ഉപയോഗിച്ചുള്ള മേക്കപ്പാണ് മിനറല് മേക്കപ്പ്. കൃത്യമായ പൂര്ണ്ണതയാണ് ഈ മേക്കപ്പിന്റെ പ്രധാന സവിശേഷത. നമ്മുടെ നാട്ടില് ഇപ്പോഴാണിത് പ്രചാരത്തിലെത്തിയതെങ്കിലും വര്ഷങ്ങള്ക്ക് മുമ്പേ തന്നെ ഈജിപ്റ്റില് നിലനിന്നിരുന്ന ഒന്നാണ് മിനറല് മേക്കപ്പ്. ഇന്ത്യന് ശാസ്ത്രീയ നൃത്തത്തിനും മറ്റും പ്രധാനമായി ചെയ്യുന്ന മേക്കപ്പും ഇതുതന്നെ. സ്ത്രീകള് കണ്ണെഴുതാനുപയോഗിക്കുന്ന കാജലും മിനറല് മേക്കപ്പിന്റെ വിഭാഗത്തില് പ്പെടുന്നതാണ്. മൊറോക്കോ കൂടാതെ അറബ് രാജ്യങ്ങളിലും സ്ഥിരമായി ഉപയോഗിച്ചു വരുന്ന ഒന്നാണ് മിനറല് ഫൌണ്ടേഷന്.
കനം കുറഞ്ഞതും തിളക്കമില്ലാത്തതുമായ പലവര്ണ്ണ പൊടികളായാണ് മിനറല് മേക്കപ്പ് ലഭിക്കുക. ധാതുക്കള് അടങ്ങിയതിനാല് എല്ലാത്തരം ചര്മ്മക്കാര്ക്കും ഉപയോഗിക്കാവുന്നതാണ് മിനറല് മേക്കപ്പ്. ദിവസം മുഴുവന് പുതുമയോടെ ഉന്മേഷം നിലനിര്ത്താന് ഇതു വഴി കഴിയും. വ്യത്യസ്ത സുഗന്ധത്തില് ഇവ വിപണിയില് ലഭ്യമാണ്. സണ്സ്ക്രീന്, കണ്സീലര്, ബേസ്, ഫൌണ്ടേഷന് എന്നിവയെല്ലാം ഒന്നിച്ചടങ്ങിയ മേക്കപ്പാണിത്. സമയവും പണവും ലാഭിക്കുന്നതിനോടൊപ്പം ചര്മ്മത്തിന് വ്യത്യസ്ത ലുക്കും നല്കുന്നു.
കെമിക്കലുകളില്ലാത്ത പ്രകൃതിദത്തമായ മേക്കപ്പാണ് മിനറല് മേക്കപ്പ്. ഇത് വളരെ ലളിതവും കനമില്ലാത്തതുമായതുകൊണ്ട് ഹെവി മേക്കപ്പ് ചെയ്തതായി തോന്നുകയുമില്ല. കൂടാതെ ചര്മ്മ സംരക്ഷണത്തിനായി ഇതില് വിറ്റാമിന് എ, ഇ മുതലായവയും അടങ്ങിയിട്ടുണ്ട്. സുഷിരങ്ങളെ അടയ്ക്കാതെ ചര്മ്മത്തെ ശ്വസിക്കാന് സഹായിക്കുന്ന മേക്കപ്പാണ് മിനറല് മേക്കപ്പ്. ചര്മ്മത്തിന് തടിപ്പോ അലര്ജിയോ ഉള്ളവര്ക്ക് ഈ മേക്കപ്പുകൊണ്ട് യാതൊരു ബുദ്ധിമുട്ടും ഉണ്ടാകില്ല. സുര്യാഘാതത്തില് നിന്നും ഇവ നമ്മുടെ ചര്മ്മത്തെ സംരക്ഷിക്കുകയും ചെയ്യും.
മിനറല് മേക്കപ്പിന്റെ കൂടെ ടാല്ക്കം പൌഡര്, പെര്ഫ്യൂമോ ഡൈയോ അടങ്ങിയ ലിപ്സ്റിക്ക് എന്നിവ ഉപയോഗിക്കരുത്. ഏത് മേക്കപ്പ് ഉപയോഗിച്ചാലും ഉറങ്ങുന്നതിനു മുമ്പ് മുഖം കഴുകി വൃത്തിയാക്കുകയും വേണം.
മിനറല് മേക്കപ്പില് അടങ്ങിയിരിക്കുന്ന ധാതുക്കള്
ലാവന്റര് - ചര്മ്മകോശങ്ങളെ പുനര്ജീവിപ്പിക്കുന്നു.
ചന്ദനം - അലര്ജി മാറ്റാന് സഹായിക്കുകയും വാര്ദ്ധക്യത്തെ ചെറുത്ത് നിത്യയൌവ്വനം ഉറപ്പാക്കുകയും ചെയ്യുന്നു.
ജെറാനിയം - ചര്മ്മത്തെ മൃദുവാക്കി ഉന്മേഷം നല്കുന്നു.
ഇലാങ്ങ് ഇലാങ്ങ് - അധികമുള്ള എണ്ണമയം മാറ്റി ചര്മ്മത്തെ മൃദുവാക്കുന്നു.
പേച്ചൌളി - തൊക്കിനുള്ളിലെ രക്തപ്രവാഹത്തെ ക്രമപ്പെടുത്തുന്നു.
സെഡര്വുഡ് - കുരുക്കളും പാടുകളും അകറ്റി മുഖം സുന്ദരമാക്കുന്നു.
പാല്മറോസ - ചര്മ്മത്തെ മിനുസമുള്ളതാക്കി വാര്ദ്ധക്യത്തെ അകറ്റുന്നു.
ഗ്രീന് ടി സത്ത് - ഇതിലെ ആന്റി ഓക്സിഡന്സ് കണ്ണിനടിയിലെ കറുപ്പ് നിറമകറ്റാന് സഹായിക്കുന്നു..
ഇരുപത് വര്ഷങ്ങള്ക്ക് മുമ്പേ മിനറല് മേക്കപ്പ് ഉത്പാദിപ്പിക്കുന്ന കമ്പനികള് നിലവിലുണ്ടെങ്കിലും വളരെ തുച്ഛമായ വിലയ്ക്കാണ് ഇവ വിറ്റഴിക്കപ്പെട്ടിരുന്നത്. എന്നാല് ഇന്നിതിന് വിപണിയില് ആവശ്യമേറെയാണ്. ചര്മ്മത്തിന് തിളക്കവും നാച്വറല് ലുക്കും കിട്ടും. ഏറെ നേരം നിലനില്ക്കുമെന്ന പ്രത്യേകതയും ഈ മേക്കപ്പിനുണ്ട്.
ഉപയോഗിക്കുന്ന രീതി
1. മേക്കപ്പിന് തയ്യാറാവാന് ചില മുന്കരുതലുകള് അത്യാവശ്യമാണ്. ആദ്യം ഫേസ് വാഷ് ഉപയോഗിച്ച് മുഖം കഴുകണം. മുഖത്തെ എണ്ണമയം പൂര്ണ്ണമായി കഴുകിക്കളഞ്ഞ് വേണം മേക്കപ്പ് ഉപയോഗിക്കാന്. നനവ് മാറിയതിന് ശേഷം ലോഷന് പുരട്ടി പത്ത് മിനിറ്റ് ഇരിക്കുക. അധികം എണ്ണമയമുള്ള ചര്മ്മമാണെങ്കില് മേക്കപ്പ് പെട്ടെന്ന് ഇളകി പോകാന് സാധ്യതയുണ്ട്.
2. കുറച്ച് മിനറല് ഫൌണ്ടേഷന് ഒരു പാത്രത്തില് എടുത്തതിന് ശേഷം ഉപയോഗിക്കുക. ഫൌണ്ടേഷന് അധികമാകാതിരിക്കാന് ഇത് സഹായിക്കും. ആവശ്യമെങ്കില് ഒരു ലെയര് കൂടി ഇടാം.
3. ഐലൈനര് ഇട്ട ശേഷം കബൂക്കി ബ്ളഷ് കൊണ്ട് കവിളുകളില് തൂവിക്കിടക്കുന്ന പൊടി നീക്കം ചെയ്യണം. ബ്രഷ് ഫൌണ്ടേഷനില് മുക്കി മുഖത്ത് വട്ടത്തില് തട്ടാന് മറക്കരുത്.
4. ഫൌണ്ടേഷന് എല്ലായിടത്തും ഒരുപോലെ ആവാന് ശ്രദ്ധിക്കണം. ഫൌണ്ടേഷനില് വിരല് മുക്കി കണ്ണിനു താഴെ അമര്ത്തിക്കൊടുക്കുന്നത് അവിടെ മാത്രം വേറിട്ട നിറം ഉണ്ടാകാതിരിക്കാന് സഹായിക്കും.
5. ഇനി ഒരു സെറ്റിങ്ങ് പൌഡര് കൊണ്ട് ഫൌണ്ടേഷന് ഇട്ടതു പോലെ അതിനു മുകളില് ഇടണം (ചിലപ്പോള് മിനറല് മേക്കപ്പ് കിറ്റില് തന്നെ അത്തരം സെറ്റിങ്ങ് പൌഡറും ലഭിക്കും). മേക്കപ്പ് പെട്ടെന്ന് ഇളകി പോകാന് സാധ്യതയുള്ളവര് നിര്ബന്ധമായും സെറ്റിങ്ങ് പൌഡര് ഉപയോഗിക്കണം.
മിനറല് സ്റാര്ട്ടര് കിറ്റ്
സെറ്റിങ്ങ് പൌഡര്
ഫൌണ്ടേഷന്
ബ്ളഷ്
ഐലൈനര്
ഐഷാഡോ
മസ്ക്കാര
കബൂക്കി ബ്രഷ്
ലിപ്സ്റിക്
ചര്മ്മ സംരക്ഷണത്തിന് ലോഷനുകള്
സൌന്ദര്യശാസ്ത്രത്തില് മുഖത്തിന് പ്രാധാന്യം കൊടുക്കുന്ന പതിവ് തിരുത്തുകയാണ് ഇന്നത്തെ തലമുറ. മുഖസൌന്ദര്യത്തിനു പുറമെ കൈ കാലുകളുടെ വൃത്തിയും എല്ലാത്തിനുമുപരി ചര്മ്മത്തിന്റെ തിളക്കവുമാണ് സൌന്ദര്യത്തിന്റെ മാനദണ്ഡമായി കണക്കാക്കുന്നത്. സ്കിന് സോഫ്റ്റ്നസ്സും സ്കിന് ടോണുമാണ് ഇന്നാളുകള് നന്നാക്കിയെടുക്കാന് ശ്രമിക്കുന്നത്. മുഖക്കുരുവും കറുത്ത പാടുകളും വരകളും ഇല്ലാത്ത ചര്മ്മമാണ് യുവത്വത്തിന്റെ പുതിയ സ്വപ്നം. അത്തരത്തിലുള്ള ചര്മ്മകാന്തി ലഭിക്കുന്നതിന് സഹായിക്കുന്ന ധാരാളം ലോഷനുകളും ഇന്ന് വിപണിയില് സുലഭമാണ്. കറുത്ത പാടുകള്, ചുളിവുകള്, കഴുത്തിലെ കറുപ്പ് നിറം തുടങ്ങിയവയ്ക്കെല്ലാം പരിഹാരമാണ് ഇത്തരം ലോഷനുകള്.
എന്നാല് ഓരോ ആളുകളിലും വ്യത്യസ്തപ്പെട്ടു കാണുന്ന ചര്മ്മത്തിന് അതനുസരിച്ചുള്ള ലോഷനുകള് തിരഞ്ഞെടുക്കാന് ശ്രദ്ധിക്കണം. വരണ്ട ചര്മ്മത്തിനും എണ്ണമയമുള്ള ചര്മ്മത്തിനും സാധാരണ ചര്മ്മത്തിനും ഉപയോഗിക്കേണ്ട ബോഡി ലോഷനുകള് വ്യത്യസ്തമാണ്. ചര്മ്മത്തിന്റെ കാന്തി വര്ദ്ധിപ്പിക്കുന്നതിനും തിളക്കം കൂട്ടുന്നതിനും സഹായകരമായ മില്ക്ക് ബാത്ത് സ്കിന് ലോഷന് കടകളില് ലഭ്യമാണ്. ലോഷനുകള് വാങ്ങുമ്പോള് അവരവരുടെ സ്കിന് ടോണിന് യോജിക്കുന്നവ തിരഞ്ഞെടുക്കാന് പ്രത്യേകം ശ്രദ്ധിക്കണം.
സ്കിന് ബാത്ത് ലോഷന്
കുളി കഴിഞ്ഞ ഉടനെ ഉപയോഗിക്കാനുള്ളതാണ് ബാത്ത് ലോഷനുകള്. വരണ്ട ചര്മ്മമുള്ളവര്ക്കാണ് ബാത്ത് ലോഷന്റെ ആവശ്യം. വിരലുകള്ക്കും കൈ കാല് മുട്ടുകള്ക്കും ഇടയില് ഉണ്ടാകുന്ന പാടുകള് മാറ്റുന്നതിന് ഇത്തരം ലോഷനുകള് വളരെ ഫലപ്രദമാണ്. കുളി കഴിഞ്ഞും കൈകാലുകളിലെ എണ്ണമയം നിലനിര്ത്തുന്നതിനും ചര്മ്മം വരളാതിരിക്കാനും സഹായിക്കുന്നതാണ് ഇത്തരം ലോഷനുകള്. ചര്മ്മത്തില് ഈര്പ്പം നിലനിര്ത്താന് ഇത് സഹായിക്കുന്നു.
മില്ക്ക് ബാത്ത്
വെള്ളത്തില് പാല് കലര്ത്തി അതില് കുളിക്കുന്നതിനെയാണ് മില്ക്ക് ബാത്ത് എന്ന് പറയുന്നത്. വാഷ് ടബിലെ വെള്ളത്തില് പാല് കലര്ത്തിയശേഷം കുറച്ചു നേരം അതില് മുങ്ങിയിരിക്കണം. പാലിന്റെ നല്ല സത്തുകള് ചര്മ്മം വലിച്ചെടുക്കുന്നതിനു വേണ്ടിയാണിത്. ലോകത്തിലെ ഏറ്റവും നല്ല ചര്മ്മത്തിന് പേരുകേട്ട ഈജിപ്ഷ്യന് രാജ്ഞി ക്ളിയോപാറ്റ്റയിലൂടെ പ്രശസ്തമായതാണ് മില്ക്ക് ബാത്ത്.
ബോഡി ലോഷന്
ശരീരത്തില് മുഴുവന് പുരട്ടാനുള്ളതാണ് ബോഡി ലോഷനുകള്. ചര്മ്മത്തിന് മിനുസം കിട്ടാനുള്ളതാണ് ഇത്തരം ലോഷനുകള്. ആളുകള്ക്ക് അവരുടെ താല്പര്യമനുസരിച്ച് ഇവ പല നിറത്തിലും ഗന്ധത്തിലും ലഭിക്കും. സൂര്യതാപമകറ്റാനും, അള്ട്രാവയലറ്റ് രശ്മികളില് നിന്ന് സംരക്ഷണം ഉറപ്പു വരുത്തുന്നതിനും സഹായിക്കുന്ന സണ്സ്ക്രീന് ലോഷനുകളും ഉണ്ട്.
ബേബി ലോഷന്
കുട്ടികളുടെ ചര്മ്മത്തിന് ഉതകുന്നതാണെന്ന ഉറപ്പ് വരുത്തിയ ശേഷമേ ബേബി ലോഷനുകള് ഉപയോഗിക്കാവൂ. അതിനായി ഡി-മെറ്റലര്ജിക്കല് ലാബുകളില് ടെസ്റ് ചെയ്ത ലോഷനുകള് തിരഞ്ഞെടുക്കാം. ഇത്തരം ലോഷനുകളില് രാസവസ്തുക്കളോ സ്കിന്നിനെ ഇറിറ്റേറ്റ് ചെയ്യുന്ന മറ്റു കെമിക്കല്സും ഉണ്ടാകില്ല.
ഹാന്റ് ലോഷന്
ശരീരത്തിന്റെ ഭാഗമാണെങ്കിലും നമ്മള് ഒരു ദിവസം ഏറ്റവും കൂടുതല് ഉപയോഗിക്കുന്ന ഒന്നാണ് കൈകള്. അതുകൊണ്ട് തന്നെ കൈകളിലെ മൃദുത്വം ഇല്ലാതാകുകയും ജലാംശം നഷ്ടപ്പെടുകയും ചെയ്യും. ഹാന്റ് ലോഷനുകള് ഉപയോഗിക്കുന്നതു വഴി ഇത് ഒരു പരിധി വരെ പരിഹരിക്കാനാകും. ലോഷനിലെ നല്ലസത്തുകള് പെട്ടെന്ന് വലിച്ചെടുക്കാന് ചര്മ്മത്തിന് കഴിയുന്നതാണ്. ഇത്തരം ലോഷനുകള് ശരീരത്ത് പുരട്ടുന്നത് ഗുണം ചെയ്യും.
സോപ്പിന്റെ ഉപയോഗം ചര്മ്മത്തെ ബാധിക്കുന്നുണ്ടോ?
സോപ്പുകള് തിരഞ്ഞെടുക്കുമ്പോള് അവ ഏതു തരമായിരുന്നാലും അവരവരുടെ ചര്മ്മത്തിന് യോജിക്കുന്ന സോപ്പിനാണ് പ്രാധാന്യം കൊടുക്കേണ്ടത്. കച്ചവടത്തിനായി വിപണിയിലെത്തുന്ന സോപ്പുകളെല്ലാം ധാരാളം രാസവസ്തുക്കള് അടങ്ങിയവയാണ്. അതിനാല് ഹെര്ബല് സോപ്പുകള്ക്ക് മുന്ഗണന നല്കുന്നത് നല്ല മാര്ഗ്ഗമാണ്.
ചര്മ്മത്തിനിണങ്ങുന്ന സോപ്പുകള് കണ്ടെത്തേണ്ടത് അത്യാവശ്യമാണ്. വരണ്ട ചര്മ്മമുള്ളവര്ക്ക് സാധാരണയായി ചര്മ്മത്തില് കാണപ്പെടുന്ന എണ്ണമയം ഉണ്ടാകില്ല. അത്തരത്തിലുള്ളവര് മോയിസ്ചറയ്സിങ്ങ് സോപ്പുകള് തിരഞ്ഞെടുക്കാന് ശ്രദ്ധിക്കണം. അതുപോലെ അമിത രാസവസ്തുക്കളടങ്ങിയ സോപ്പുകള് ഇവര് പൂര്ണമായും ഒഴിവാക്കണം. അലോ വേരയും, വെജിറ്റബിള് ഓയിലും അടങ്ങിയ നാചുറല് സോപ്പുകളാണ് ഇത്തരക്കാര്ക്ക് ഉത്തമം.
എണ്ണമയം കൂടുതലുള്ള ചര്മ്മമാണ് ഓയിലി സ്കിന്. ഇത്തരക്കാരുടെ ചര്മ്മത്തില് പെട്ടെന്നു തന്നെ പൊടിപടലങ്ങള് പറ്റിപിടിക്കാന് സാധ്യതയുണ്ട്. മുഖക്കുരുവിന് ഇത് കാരണമാകുന്നു. ദിവസവും ചര്മ്മം വൃത്തിയായി സൂക്ഷിക്കേണ്ടത് ഇവര്ക്ക് അത്യാവശ്യമാണ്. ആന്റിബാക്ടീരിയല് സോപ്പല്ലെങ്കില് ക്ളെന്സിങ്ങ് സോപ്പുകളോ ആണ് ഇവര്ക്ക് കൂടുതല് നല്ലത്. ലാവന്റര് സോപ്പുകളും ഓയിലി സ്കിനിന് നല്ലതാണ്.
ഇതിനെല്ലാം പുറമെ ചിലര്ക്ക് വരണ്ടതും ഓയിലിയുമായ മിക്സ് ചര്മ്മം ഉണ്ടായേക്കാം. വരണ്ട ചര്മ്മത്തിനും ഓയിലി സ്കിന്നിനും നിര്ദ്ദേശിക്കുന്ന സോപ്പുകള് ഉപയോഗിക്കാതിരിക്കാന് ഇവര് പ്രത്യേകം ശ്രദ്ധിക്കണം. അത് രണ്ടും ഈ ചര്മ്മത്തെ ദോഷകരമായി ബാധിക്കും. ഇവര് സോപ്പിന്റെ ഉപയോഗം കഴിവതും കുറക്കണം. ക്ളെന്സര് സോപ്പുകളും നാചുറല് സോപ്പുകളും നല്ലതാണെങ്കിലും ഒരു വിദഗ്ദന്റെ അഭിപ്രായത്തില് മാത്രമേ ഇത്തരക്കാര് സോപ്പ് തിരഞ്ഞെടുക്കാവൂ. ഗ്ളിസറിന് അടങ്ങിയ സോപ്പുകള് ഉപയോഗിക്കുന്നതും നല്ലതാണ്.
അധികം എണ്ണമയമില്ലാത്തതും എന്നാല് വരണ്ടതല്ലാത്തതുമായ ചര്മ്മമാണ് നോര്മല് സ്കിന്. സാധാരണ സോപ്പുകളെല്ലാം ഉപയോഗിക്കാമെങ്കിലും വരണ്ട ചര്മ്മത്തിനോ ഓയിലി സ്കിന്നിനോ നിര്ദ്ദേശിച്ച സോപ്പുകള് ഇവര്ക്ക് നല്ലതല്ല. നോര്മല് സ്കിന്നിനും ധാരാളം സോപ്പുകള് വിപണിയില് ലഭ്യമാണ്.
മടി പിടിച്ചിരിക്കുന്ന ഒരൊഴിവു ദിവസത്തെ നിങ്ങള്ക്കുപയോഗപ്പെടുത്താം. എല്ലാവര്ക്കും സ്വന്തമായി ചെയ്യാവുന്ന ചെറിയൊരു ശുചിത്വമാണ് നഖസംരക്ഷണം. ശുചിത്വമുള്ള നഖങ്ങള് നല്ല ആരോഗ്യത്തെ പ്രതിനിധാനം ചെയ്യുന്നു. വൃത്തിയുള്ള നഖങ്ങളും കൈകാലുകളും ഒരു വ്യക്തിയുടെ അടിസ്ഥാന സ്വഭാവത്തെ ചൂണ്ടിക്കാട്ടുന്നതാണ്. മുതിര്ന്നവര്ക്കു മാത്രമല്ല, കുട്ടികളുടെ നഖസംരക്ഷണവും ശ്രദ്ധിക്കേണ്ടതാണ്. ദിവസവും പലതരം കളികളിലേര്പ്പെടുന്നവരാണ് കുട്ടികള്. നാലു വയസ്സുള്ള മകനെ ദിവസവും കുളിപ്പിക്കുകയും ഭക്ഷണം കൊടുക്കുകയും ചെയ്യുന്നതോടൊപ്പം അവന്റെ കൈകാലുകളുടെ ശുചിത്വവും നഖങ്ങളും വൃത്തിയാക്കി സൂക്ഷിക്കേണ്ടതും അത്യാവശ്യമാണ്.
നഖസംരക്ഷണത്തിന് പ്രകൃതിവഴികള്
ധാരാളം വെള്ളം കുടിക്കുക എന്നതാണ് നഖസംരക്ഷണത്തിന്റെ ആദ്യപടി. വിറ്റാമിന്, പ്രോട്ടീന് തുടങ്ങിയ ധാതുക്കളുടെ അഭാവം മൂലം നഖങ്ങള് കറുപ്പു നിറമാകുന്നതിനും, വളഞ്ഞു പോകുന്നതിനും സാധ്യതയുണ്ട്. അതിനാല് ഭക്ഷണത്തില് അത്തരം പോഷകങ്ങള് ഉള്പ്പെടുത്താന് ശ്രദ്ധിക്കണം. ഹൈഡ്രോക്ളോറിക് ആസിഡിന്റെ കുറവുമൂലവും നഖങ്ങള് പൊട്ടിപ്പോയെന്ന് വരാം. നഖത്തിനു ചുറ്റും ചുവപ്പു നിറം കാണുന്നത് കൊഴുപ്പിന്റെ അമിത ഉപയോഗം കൊണ്ടാണ്. എണ്ണയുള്ള ആഹാരവസ്തുക്കള് കഴിവതും ഒഴിവാക്കുന്നതാണ് ഉത്തമം. ആരോഗ്യമുള്ള ഡയറ്റിനെ ആശ്രയിച്ചാണ് നഖത്തിന്റെ സൌന്ദര്യവും നിലനില്ക്കുന്നത്.
പോളിഷുകള് ഉപയോഗിക്കുമ്പോള്
നഖത്തില് പോളിഷ് ഇടുന്നതിനു മുമ്പ് തന്നെ ഒരു ടോപ്കോട്ട് ഇടുന്നത് നഖത്തിന്റെ തിളക്കം വര്ദ്ധിപ്പിക്കും. ഉപയോഗം കഴിഞ്ഞാല് പോളിഷ് ഫ്രിഡ്ജില് വെക്കുന്നത് അതിന്റെ സ്മൂത്തനിംഗ് നിലനിര്ത്താന് സഹായിക്കും. പെട്ടെന്ന് ഉണങ്ങുന്നതരം നെയില് പോളിഷുകള് ഉപയോഗിക്കാന് ശ്രദ്ധിക്കേണ്ടതുണ്ട്. പോളിഷ് ഇട്ടതിനുശേഷം അതുണങ്ങുന്നതുവരെ ഒന്നും ചെയ്യാതിരിക്കാന് നോക്കണം.
നഖം പൊട്ടിപ്പോകുന്നത് തടയാന്
നഖം വൃത്തിയായും ഉണക്കിയും വേണം സൂക്ഷിക്കാന്. എന്തെങ്കിലും വസ്തുക്കള് കുത്തിത്തുറക്കാനോ, ചുരണ്ടാനോ നഖമുപയോഗിക്കുന്നത് നിര്ത്തണം. ഭക്ഷണത്തില് കാല്സ്യത്തിന്റെ അളവ് വര്ദ്ധിപ്പിക്കുക. വസ്ത്രങ്ങള് കഴുകുമ്പോഴും ചെടി വെക്കുമ്പോഴും മറ്റെന്തെങ്കിലും കെമിക്കലുമായി ഇടപെടേണ്ടി വരുമ്പോഴും കൈയ്യുറ ഉപയോഗിക്കാന് ശ്രദ്ധിക്കണം. നഖങ്ങള് അധിക കാലം നീണ്ടു നില്ക്കുന്നതിന് ഫ്രഞ്ച് മാനിക്യൂര് ചെയ്യുന്നത് ഗുണം ചെയ്യും. മാസത്തില് രണ്ട് പ്രാവശ്യമെങ്കിലും മാനിക്യൂര് ചെയ്യുന്നത് വഴി വര്ഷം മുഴുവനും സുന്ദരമായ നഖം നിലനിര്ത്താന് സാധിക്കും.
നെയില് ഡിസൈന്സ്
വസ്ത്രങ്ങളിലും മറ്റു ഫാഷന് രംഗത്തും ട്രെന്റുകള് മാറി വരുന്നതു പോലെതന്നെ നഖങ്ങളിലും വ്യത്യസ്ത ഡിസൈനുകള് ഇന്ന് നിലവിലുണ്ട്. അത്തരത്തിലുള്ള പുതിയ ട്രെന്റി നെയില് ഡിസൈനുകളാണ് താഴെ കൊടുത്തിരിക്കുന്നത്.
1. ഷോര്ട്ട് ആന്റ് മെറ്റാലിക്
മെറ്റാലിക് നഖങ്ങള്ക്കാണ് ഇപ്പോള് ആകര്ഷകത്വം കൂടുതല്. ട്രെന്റി ലുക്ക് നല്കുന്ന അത്തരം നഖങ്ങള് പാര്ട്ടികളില് ശ്രദ്ധ നേടുന്നു. നഖങ്ങള് ട്രിം ചെയ്ത് ചെറുതാക്കി മെറ്റാലിക് ലുക്ക് കിട്ടുന്നതരം പോളിഷുകള് ഇടുന്നതാണ് ഇത്. സില്വര്, പച്ച, നീല, കറുപ്പ് എന്നീ നിറങ്ങളെല്ലാം മെറ്റാലിക്കില് പെടുന്നവയാണ്.
2. ഫ്രഞ്ച് മാനിക്യൂര്
ഫെമിനിന് ലുക്കിനു വേണ്ടിയുള്ളതാണ് ഈ സ്റൈല്. ഇളം നിറത്തില് കാണുന്ന വിരല്ത്തുമ്പ് സ്വിംസ്യൂട്ടിനും മറ്റു ചില പാര്ട്ടികളിലും ശോഭിക്കും. ഫ്രഞ്ച് മാനിക്യൂര് കിറ്റുകള് കടകളില് ലഭ്യമാണ്. അതില് വെള്ളയും, ഏതെങ്കിലും ഇളം നിറത്തിലുള്ള പോളിഷും, ടോപ്പ്കോട്ടും, കത്രികയും, മാനിക്യൂര് സ്റിക്കും ഉണ്ടാകും.
3. പാസ്റല് നെയില് ആര്ട്ട്
സ്റൈലില് നിന്ന് ഒരിക്കലും വിട്ടു പോകാത്തതാണ് പാസ്റല് നിറങ്ങള്. ലാവന്റര്, ഇളം പിങ്ക്, പീച്ച്, റോസ് എന്നിവയാണ് പാസ്റല് നിറങ്ങള്. ആകര്ഷണത്തിനു വേണ്ടി തിളക്കമുള്ളതോ ഗ്ളോസിയോ ടോപ്പ്കോട്ടും പോളിഷിനു മുകളില് പുരട്ടാം.
4. ട്രെഡീഷണല് നെയില് ഡിസയിന്
സ്കിന് ടോണും, നഖത്തിന്റെ ഷെയ്പ്പും, ഡ്രസ്സിന്റെ നിറവും അനുസരിച്ച് മാറാവുന്നതാണ് ഇത്തരം പോളിഷുകള്. പിങ്കും, ചുവപ്പുമാണ് ആളുകള് സാധാരണയായി ഉപയോഗിക്കുന്ന നിറങ്ങള്. ഏതു തരം ഡിസൈന് ആയാലും ആരോഗ്യമുള്ള നഖത്തിനാണ് പ്രാധാന്യം.
ഫ്രഞ്ച് മാനിക്യൂര് ചെയ്യുന്നതെങ്ങിനെ?
ചെറിയ കഷ്ണം പഞ്ഞിയില് നെയില് പോളിഷ് റിമൂവര് എടുത്ത് നഖം വൃത്തിയാക്കുക. ചൂടുവെള്ളത്തില് അല്പനേരം കൈ മുക്കി വെക്കുക. ചെറിയ സ്റിക് കൊണ്ട് നഖത്തിന്റെ അടി ഭാഗം ചുരണ്ടി വൃത്തിയാക്കണം. നെയില് ക്ളിപ്പറോ കത്രികയോ ഉപയോഗിച്ച് നഖം ഒരുപോലെ ഷെയ്പ്പാക്കുക. നഖത്തിന്റെ തുമ്പിന് ബലം കിട്ടാനായി വെള്ള പോളിഷ് നഖത്തിന്റെ അറ്റത്ത് സൂക്ഷിച്ചു പുരട്ടുക. പോളിഷ്ന്റെ മൃദുത്വമനുസരിച്ച് ഒന്നോ രണ്ടോ കോട്ട് ഇട്ട് ഉണങ്ങാനനുവദിക്കാം.
ഏതെങ്കിലും ഇളം നിറത്തിലുള്ള പോളിഷ് മുഴുവന് നഖവും മൂടുന്നതരത്തില് ഇടണം. രണ്ട് കോട്ട് ഇട്ട് നന്നായി ഉണങ്ങാന് വയ്ക്കുക. എല്ലാ കോട്ടും ഉണങ്ങിയതിനു ശേഷം മാനിക്യൂറിന്റെ സുരക്ഷക്കായി ഒരു ടോപ്പ് കോട്ടും കൂടി പുരട്ടിയാല് മതി. ഫ്രഞ്ച് മാനിക്യൂര് അധികം നീണ്ടു നില്ക്കാനായി ഒന്നിടവിട്ട് ഒരു ടോപ്പ്കോട്ട് അടിക്കുന്നതും നല്ലതാണ്.
ഹാന്റ് സ്പാ
ജോലി ചെയ്ത് ക്ഷീണിച്ച കൈകള്ക്ക് ഹാന്റ് സ്പാ ഒരു ആശ്വാസമാണ്. നിങ്ങള്ക്ക് വീട്ടില് തന്നെ തയ്യാറാക്കാന് കഴിയുന്ന സ്പാ കൊണ്ട് കൈകള് മസാജ് ചെയ്യുന്ന രീതിയാണിത്. ഹാന്റ് സ്പാ ചെയ്യുന്നതു വഴി നിങ്ങളുടെ കൈകള്ക്ക് കൂടുതല് മൃദുത്വവും തിളക്കവും ലഭിക്കും.
ഹാന്റ് സ്പാ ട്രീറ്റ്മെന്റ്
രണ്ട് കപ്പ് വെള്ളവും ഒരു കപ്പ് പാലും ഒന്നിച്ച് ചൂടാക്കുക. ചെറുതീയ്യില് പത്തു മിനിറ്റ് നേരം വെക്കണം. പാല് പിരിയാതിരിക്കാന് ഇടയ്ക്ക് ഇളക്കി കൊടുക്കണം.
അടുപ്പില് നിന്ന് ഇറക്കിയ ശേഷം ഒരു സ്പൂണ് ഒലിവ് ഓയിലും ഒരു നുള്ള് കറുവപ്പട്ടയും ചേര്ത്തിളക്കുക. മിശ്രിതം തണുക്കാനായി മാറ്റി വെക്കണം. ഒരു പാത്രത്തില് നാല് സ്പൂണ് ഉപ്പും പാകത്തിന് ഒലിവ് ഓയിലും ചേര്ത്ത് പേസ്റ് രൂപത്തിലാക്കി വെക്കുക.
പാല് മിശ്രിതം കൊണ്ട് കൈകള് കഴുകുക. ഇത് പതിനഞ്ച് മിനിറ്റ് ആവര്ത്തിക്കണം. കുറച്ചു കഴിഞ്ഞാല് കൈകള് മിനുസമുള്ളതായി കാണപ്പെടും. അതിനുശേഷം തയ്യാറാക്കി വെച്ച പേസ്റ് ഉപയോഗിച്ച് കൈകള് മസാജ് ചെയ്യണം. വിരലുകള്ക്കിടയിലും ആകത്തക്ക വിധം ശ്രദ്ധിച്ച് വേണം ചെയ്യാന്. വീണ്ടും പാലില് കൈ കഴുകി ഉണക്കുക.
ഇതിനുശേഷം നെയില് കട്ടര് ഉപയോഗിച്ച് നഖം വെട്ടുകയോ ഷെയ്പ്പാക്കുകയോ ചെയ്യാം. നഖങ്ങള്ക്കിരുവശവുമുള്ള കട്ടിയുള്ള പ്രതലവും ഉരച്ച് മൃദുവാക്കണം. കൈ ഉണങ്ങിക്കഴിഞ്ഞാല് മോയിസ്ചറൈസറോ ക്രീമോ പുരട്ടാം. ആഴ്ചയില് ഒന്നോ രണ്ടോ തവണ ഹാന്റ് സ്പാ ചെയ്യുന്നത് കൈകള്ക്കും, ചര്മ്മത്തിനും, നഖങ്ങള്ക്കും നല്ലതാണ്.