Skip to content. | Skip to navigation

Vikaspedia

ഹോം പേജ് / ആരോഗ്യം / ആരോഗ്യവിവരങ്ങൾ / ശ്വാസകോശം ക്ലീന്‍ ചെയ്യാനുള്ള വഴികള്‍
പങ്കുവയ്ക്കുക
Views
  • നില എഡിറ്റ്‌ ചെയുവാൻ വേണ്ടി തയ്യാ

ശ്വാസകോശം ക്ലീന്‍ ചെയ്യാനുള്ള വഴികള്‍

ഏറക്കാലമായി പുകവലിച്ചിട്ടുള്ളവര്‍, പതുക്കെ പുകവലി ഒഴിവാക്കുകയും, ഒപ്പം ആന്റി ഓക്‌സിഡന്റ് അടങ്ങിയ ഭക്ഷണം ശീലമാക്കുകയും വേണം.

ഏറക്കാലമായി പുകവലിച്ചിട്ടുള്ളവര്‍, പതുക്കെ പുകവലി ഒഴിവാക്കുകയും, ഒപ്പം ആന്റി ഓക്‌സിഡന്റ് അടങ്ങിയ ഭക്ഷണം ശീലമാക്കുകയും വേണം. വിറ്റാമിന്‍ സിയിലാണ് ആന്റി ഓക്‌സിഡന്റ് കൂടുതലായി അടങ്ങിയിട്ടുള്ളത്. നാരങ്ങ, ഓറഞ്ച് എന്നിവയിലൊക്കെ ധാരാളം ആന്റി ഓക്‌സിഡന്റ് അടങ്ങിയിട്ടുണ്ട്. ഇത് ശീലമാക്കിയാല്‍ ശ്വാസകോശത്തിലെ വിഷാംശം പതുക്കെ ഇല്ലാതാകാന്‍ തുടങ്ങും. ചെറുനാരങ്ങാ ജ്യൂസ് ഓറഞ്ച് ജ്യൂസ് എന്നിവയൊക്കെ ദിവസവും കുടിക്കുന്നത് നല്ലതാണ്.
ഗ്രീന്‍ ടിയില്‍ അടങ്ങിയിട്ടുള്ള ആന്റി ഓക്‌സിഡന്റും മറ്റു ചില ഘടകങ്ങളും ശ്വാസകോശത്തെ ശുദ്ധീകരിക്കാന്‍ സഹായിക്കുന്നവയാണ്.കാരറ്റ് ജ്യൂസില്‍ അടങ്ങിയിട്ടുള്ള ഘടകങ്ങള്‍ ശ്വാസകോശ ശുദ്ധീകരണത്തിന് ഏറെ നല്ലതാണ്. ശരീരത്തിലെ വിഷാംശം ഒഴിവാക്കാന്‍ ഇഞ്ചി ഭക്ഷണത്തില്‍ ഉള്‍പ്പെടുത്തിയാല്‍, ശ്വാസകോശത്തിലെ വിഷാംശവും ഇത് പുറന്തള്ളും. പുതിനയിലെ പാചകത്തിന് ഉപയോഗിക്കുന്നത്, ശ്വാസകോശത്തിലെ വിഷാംശം നീക്കം ചെയ്യാന്‍ സഹായിക്കും. ദിവസവും മുടങ്ങാതെ യോഗ അഭ്യസിക്കുന്നത്, ശ്വാസകോശ ആരോഗ്യത്തിന് നല്ലതാണ്. കൂടാതെ പുകവലി ഒഴിവാക്കാന്‍ യോഗയും ധ്യാനവും സഹായിക്കും.ഒപ്പം ഒരു കാര്യം കൂടി ഓര്‍മിപ്പിച്ചുകൊള്ളട്ടെ പുകവലിക്കു വലിയ വില കൊടുക്കേണ്ടി വരുമെന്നു കേട്ടിട്ടും മലയാളികളുടെ പുകവലി ശീലത്തില്‍ വലിയ കുറവൊന്നും വന്നിട്ടില്ലെന്നു കണക്കുകള്‍ സൂചിപ്പിക്കുന്നു.
ഏതാണ്ട് 7000 രാസവസ്തുക്കളാണി ബീഡിപ്പുകയിലും സിഗരറ്റുപുകയിലുമുളളത്. അവയില്‍ 70 ഒാളം എണ്ണം കാന്‍സര്‍ അപകടസാധ്യതയുളളവയെന്ന് തെളിഞ്ഞിട്ടുളളവയാണ്. നിക്കോട്ടിന്‍, സയനൈഡ്, ബെന്‍സീന്‍, ഫോര്‍മാല്‍ ഡിഹൈഡ്, മെതനോള്‍, അസെറ്റിലിന്‍, അമ്മോണിയ എന്നിങ്ങനെയുളള മാരകവിഷങ്ങളാണ് ധൂമപാനത്തിലൂടെ ഉളളിലെത്തുന്നത്.
സിഗരറ്റിനെ അപേക്ഷിച്ച്‌ ബീഡി കൂടുതല്‍ അപകടകാരിയാണ്. നിക്കോട്ടിന്റെ അളവു കൂടിയതിനാല്‍ അഡിക്ഷനും കൂടുതലായിരിക്കും. പുക ഉളളിലേക്ക് വലിച്ചുകയറ്റുമ്ബോള്‍ ഈ വിഷങ്ങളും നേരെ രക്തത്തിലെത്തും . അവിടെ നിന്ന് ഒാരോ അവയവങ്ങളിലേക്ക്. നിക്കോട്ടിന്‍, ഡോപമിന്‍ എന്ന ആനന്ദദായക ഹോര്‍മോണിന്റെ പ്രവര്‍ത്തനത്തിനു സമാനമായി പ്രവര്‍ത്തിച്ച്‌ വ്യാജമായ ഒരു ആനന്ദലഹരി നല്‍കും. ഒന്നണയുമ്ബോള്‍ അടുത്തതു കത്തിക്കാനുളള ആസക്തിയും സൃഷ്ടിക്കും. അതുകൊണ്ടാണ് പുകവലി നിര്‍ത്താന്‍ പറ്റാതെ വരുന്നത്.പുകവലി പഴകുംതോറും അടിഞ്ഞുകൂടുന്ന വിഷങ്ങളുടെ അളവു കൂടും, അവയെല്ലാം ചേര്‍ന്ന് ശ്വാസകോശത്തില്‍ അര്‍ബുദത്തിനു കാരണമാകും.
കടപ്പാട്:anweshanam-epaper
2.5
നിങ്ങളുടെ നിര്‍ദ്ദേശം പോസ്റ്റ് ചെയ്യുക

(നിങ്ങള്‍ക്ക് അന്വേഷണങ്ങള്‍ പോസ്റ്റ് ചെയ്യുകയോ ചര്‍ച്ച ചെയ്യുകയോ ചേര്‍ക്കുകയോ ചെയ്യാം)

Enter the word
നവിഗറ്റിഒൻ
Back to top